Numri një i ekzekutivit, Hristijan Mickoski deklaroi sot se duhet të rregullohet çështja e të dhënave të qytetarëve që mblidhen nga ana e sistemit Safe City, duke pranuar se ky sistem nuk është i përsosur dhe se për këtë është diskutuar edhe në takimin e fundit koordinativ me udhëheqësinë e MPB-së. Por, ai tha se do të duhet një periudhë e caktuar pas zbatimit të sistemit, për të rregulluar të gjithë mangësitë që do t’i vërejmë gjatë implementimit.
“Duhet të ketë protokolle, për shumë çështje duhet të kemi protokolle, e kemi biseduar dje. Gajtë implementimit, do të vërejmë se shumë gjëra mungojnë. Në të vërtetë, askush nuk ka qenë i përsosur 100% menjëherë kur ka zbatuar këtë projekt. Është logjike që në 3 deri 6 muajt e ardhshëm të kemi harmonizime të caktuara. Por, gjithashtu atë që do ta përsëris, mua më gëzon fakti që kemi arritur aspektin human të këtij projekti, ndërsa ai është më pak viktima si pasojë e aksidenteve në trafik”, u shpreh Mickoski.
Në lidhje me miratimin e ligjeve për shkelje në Kuvend, që kanë të bëjnë me sistemin Safe City, Mickoski tha se pavarësisht pasigurisë rreth mbështetjes nga LSDM, është e rëndësishme që ky sistem tashmë po i arrin qëllimet e tij themelore dhe po ndihmon në mbrojtjen e jetëve njerëzore.
“Kjo do të thotë që qytetarët e respektojnë këtë projekt dhe kjo është dëshmi se ligjet mund të respektohen. Jam i lumtur që kjo po ndodh dhe dua t’i falënderoj qytetarët, shoferët dhe t’u bëj thirrje të jenë të ndërgjegjshëm”, deklaroi Mickoski.
Kujtojmë se, lideri i LSDM-së, Venko Filipçe të shtunën duke u përgjigjur në pyetjet e gazetarëve për këtë temë, tha se mbështesin ligjet që lidhen me sigurinë në trafik, por se fillimisht duhet që në Kuvend të zhvillohet diskutim mbi lartësinë e dënimeve dhe të dhënat e qytetarëve që mbledh sistemi I ri në trafik.

Kryeministri Hristijan Mickoski pret që për herë të parë në vend të kemi një përqindje njëshifrore të papunësisë, si rezultat të aktiviteteve të ndërmarra me Agjendën e reformave. Numri i të papunëve, siç tha sot ai në përgjigje të pyetjes së gazetarit, tani mund të jetë nën 90 mijë, pasi në nëntor vitin e kaluar ishte 91 mijë, që ishte një rënie prej shtatë mijë krahasuar me nëntorin e vitit 2024.
“Tani mund të jetë nën 90 mijë. Me ndryshimet e reja ligjore, disa nga kërkuesit e punës do të fshihen sepse janë disi të pranishëm në ekonominë gjysmëformale dhe joformale. Për herë të parë, pres që të kemi numër njëshifror të papunësisë. Kjo është pjesë e Agjendës së reformave dhe harmonizimi me të dhe nuk është diçka që po e bëjmë në mënyrë të njëanshme”, tha Mickoski.
Qeveria këtë javë miratoi 10 mijë leje pune për të huajt për këtë vit, ndërsa kryeministri thekson se të dhëna të tilla janë të disponueshme çdo vit dhe se këto leje lëshohen për pozicione që janë në mungesë të tregut të punës pas koordinimit me punëdhënësit.
“Këto janë të dhëna që ndodhin çdo vit. Nuk janë të dhëna që nuk ndodhin çdo vit, kemi, për shembull, punëtorë që janë pjesë e projektit në Korridoret 8 dhe 10d, janë pjesë e këtyre lejeve të punës. Aty ka disa mijë, le të themi. Dhe nuk janë vetëm ata, mendoj, ka shumë profile të tilla punëtorësh që janë të kërkuar në tregun e punës nga odat ekonomike dhe punëdhënësit. Ky numër nuk devijon nëse krahasohet me numrat e viteve të kaluara”, tha Mickoski.

Ish-ministri i Financave, Kiril Minoski, në emisionin “Biznis21” në TV21, vlerësoi se projekti “TVSH-ja ime” është një nismë e mirë, pasi një pjesë e mjeteve të mbledhura nga tatimi mbi vlerën e shtuar kthehen drejtpërdrejt te qytetarët.
Sipas tij, ky projekt dërgon një mesazh pozitiv për qytetarët që paguajnë rregullisht tatime, duke i inkurajuar ata të kërkojnë dhe të mbledhin kuponë fiskalë.
“Në këtë mënyrë dërgohet një mesazh i mirë për njerëzit që paguajnë tatime. Segmenti i dytë lidhet me kontrollin në sferën tatimore, por që të ndihen të gjitha efektet pozitive të këtij projekti, sidomos në aspektin e kontrollit dhe lëshimit të kuponëve fiskalë, është e domosdoshme digjitalizimi i plotë i punës së Drejtorisë së të Ardhurave Publike, në koordinim edhe me institucionet e tjera”, tha Minoski.
Ai theksoi se vetëm përmes një sistemi të avancuar dhe të ndërlidhur digjital mund të përmirësohet kontrolli fiskal dhe të rritet efikasiteti i administratës tatimore.

Futja e linjës së re ajrore Ohër-Bratislavë dhe përmirësimi i marrëdhënieve ekonomike dhe tregtare midis Maqedonisë dhe Sllovakisë ishin temat e takimit të sotëm midis Zëvendëskryeministrit dhe Ministrit të Transportit, Aleksandar Nikoloski, dhe Ambasadores së Sllovakisë, Iveta Hricova.

Linja Ohër-Bratislavë, e cila është vendosur që nga marsi i këtij viti përmes kompanisë ajrore "Wizz Air", do të kontribuojë në një lidhje më të mirë midis dy vendeve, dhe në funksion të zhvillimit të turizmit dhe sektorit të biznesit, konfirmuan dy bashkëbiseduesit.

Zëvendëskryeministri Nikolloski theksoi se Qeveria i kushton vëmendje të veçantë zhvillimit të trafikut ajror, dhe krijimi i kësaj linje ajrore do t'i afrojë lidhjet ekonomike midis dy vendeve.

Në takim u konfirmuan marrëdhëniet e mira dypalëshe midis Maqedonisë dhe Sllovakisë, u diskutua për forcimin e bashkëpunimit tregtar, marrëdhëniet politike dhe inkurajimin e klimës së biznesit.

Zëvendëskryeministri Nikolloski theksoi se vendi është në një cikël të fortë investimesh në zbatimin e projekteve kapitale që kanë dimension rajonal dhe japin një kontribut të madh në zhvillimin e bashkëpunimit rajonal përmes modernizimit të infrastrukturës së transportit./Telegrafi/

Ministri i Mbrojtjes Vlado Misajlovski, gjatë një vizite në kazermën në Veles me rastin e betimit solemn të ushtarëve të rinj profesionistë, deklaroi se vendi është i sigurt pavarësisht zhvillimeve aktuale gjeopolitike në botë.

Duke iu përgjigjur pyetjes së një gazetari në lidhje me sfidat globale të sigurisë dhe nëse vendi mund të ndihet i sigurt, Misajlovski theksoi se, megjithëse ka trazira të vazhdueshme gjeopolitike dhe vatra të reja të nxehta në rajone të caktuara, situata e sigurisë në vend është e qëndrueshme.

"Po, absolutisht, vendi është i sigurt. Ka trazira të vazhdueshme gjeopolitike, por ne po shikojmë pjesën tonë. Ne jemi pjesë e një familjeje të madhe - NATO-s, dhe muajin e ardhshëm do të mbahet një takim ministror i aleancës, në të cilin do të diskutohen në detaje zhvillimet aktuale. Pavarësisht vatrave të reja të nxehta dhe zhvillimeve të brendshme në rajone të caktuara, mund të theksoj se siguria në vend është në nivelin më të lartë", vlerësoi Ministri Misajlovski.

Kryeministri Hristijan Mickoski nuk tregoi se kur do të zhvillohet takimi mes tij dhe liderit të BDI-së Ali Ahmeti, të cilin e paralajmëroi ky i fundit në deklaratën pas takimit të liderëve.

Ai tha se nuk është caktuar data e takimit.

“Unë në funksionimin tim të rregullt politik takohem me të gjithë liderët e partive politike, kështu që në korniza të atyre takimeve supozoj se do të takohem edhe me zotri Ahmetin”, tha Mickoski.

Kryeministri poashtu akuzoi partinë opozitare maqedonase LSDM-në se po sulmon partnerët strategjik të Maqedonisë.

“Më vjen keq që opozita, pas kritikave të ashpra dhe të shumta ndaj partnerit tonë strategjik, Mbretërisë së Bashkuar, tani po bën të njëjtën gjë ndaj Shteteve të Bashkuara”, tha kryeministri Hristijan Mickoski, i pyetur për vendimin e SHBA-së në lidhje me kriteret e reja për lëshimin e vizave për hyrje në Shtetet e Bashkuara.

Kryeministri poashtu konfirmoi se Qeveria ka vendosur një kuotë për lëshimin e vizave të punës për shtetasit e huaj në vend.

"Vizat janë lëshuar në të gjithë sektorët ku ka pasur nevojë deri më tani. Nuk ka përjashtime shtesë. Këta janë sektorët që janë hartëzuar nga Oda Ekonomike dhe punëdhënësit", tha Mickoski/Telegrafi/

Deputeti i LSDM-së, Oliver Spasovski sot komentoi takimin e djeshëm të liderëve dhe mungesën e kryetarit të LSDM-së, Venko Filipçe.

Spasovski në "Click Plus" vlerësoi se takimi kishte më shumë efekt "PR" sesa rezultate substanciale.

"Nëse i shohim rezultatet e takimit të liderëve, mund të konkludojmë se ishte një efekt PR i jashtëzakonshëm për shumicën. Mickoski, si lider i OBRM-PDUKM-së dhe Kryeministër, mori vendimin e duhur, të cilin duhej ta merrte opozita", tha ai.
Ai shtoi se takimi nuk trajtoi çështjet më të rëndësishme për qytetarët, por u përqendrua në "tema periferike" siç janë zgjedhjet, kodi zgjedhor, qeveria teknike

Spasovski theksoi se këto tema mund të diskutohen brenda Kuvendit dhe grupeve parlamentare, pa pasur nevojë për një takim të gjerë të liderëve.

"Ishte shumë e pritur që takimi i liderëve të mbahej me të gjitha partitë parlamentare dhe më pas të diskutohej hapur axhenda e reformave, përmirësimi i institucioneve dhe forcimi i besimit të qytetarëve në sistem. Duhet të kishim pasur një dialog të vërtetë rreth reformave, ndryshimeve institucionale dhe rrugës evropiane të vendit", shtoi Spasovski./Telegrafi/

“Bravo Mickoskit! Më në fund gjeti një “strategji” se si t’i mbajë të rinjtë në Maqedoni – në mënyrë që SHBA-të të mos u japin viza. Jo me paga më të mira, jo me arsim cilësor, jo me institucione të sigurta, por me kufizime ndërkombëtare”, shkruan ish-kryetari i Shkupit Andrej Zhernovski në Facebook.

Sipas tij, “nga njëra anë, qeveria thotë se do të bëjë gjithçka për t’i mbajtur të rinjtë në shtëpi. Nga ana tjetër, nën udhëheqjen e saj, Maqedonia përfundon në listën e vendeve për të cilat SHBA-të pezullojnë politikën e imigracionit. Nëse ky është plani – atëherë funksionon vërtet: nuk largohesh sepse do, por sepse nuk mundesh.

Ai thekson se kjo nuk është një politikë për të rinjtë, por një politikë mbylljeje. Në vend që të krijojë kushte që do t’i bënin të rinjtë të zgjidhnin të qëndronin, qeveria po krijon kushte që e bëjnë botën t’u mbyllë dyert.

"Mickoski premton të ardhme në Maqedoni, por sjell izolim. Ai premton shpresë, por sjell kufizime. Ai premton perspektivë, dhe ne morëm një alarm zgjimi nga realiteti. "Marrëdhëniet e tij të shkëlqyera dhe të veçanta" me SHBA-në dhe Trumpin janë aq të shkëlqyera sa realiteti na ka sjellë tarifa më të larta për produktet maqedonase dhe viza të pezulluara për qytetarët e vendit", shton Zhernovski./Telegrafi/

"Bëhet fjalë për pauzë në procedurat që lidhen me vizat e emigrantëve. Nuk është listë e zezë apo pezullim. Mendoj se është korrekte para opinionit të themise kjo nuk ndikon në të gjitha procedurat e tjera të vizave për Shtetet e Bashkuara". Kështu komentoi Ministri i Punëve të Jashtme, Timço Mucunski, vendimin e djeshëm të Shteteve të Bashkuara për të ndaluar përpunimin e vizave të emigrantëve për qytetarët e 75 vendeve, përfshirë Maqedoninë e Veriut.

Ai tha se "nëse jeni biznesmen, i cili dëshiron të udhëtojë në Shtetet e Bashkuara, do të jeni të lirë të aplikoni për vizë".

"Nëse jeni student që dëshiron të studiojë në Shtetet e Bashkuara ose dëshiron të udhëtojë përmes "Work and travel", nuk ka asnjë pengesë. Kupa Botërore në futboll do të mbahet në Amerikë, nëse dëshironi të udhëtoni si turist, ky vendim nuk do të ketë asnjë ndikim tek ju. Jemi në komunikim me Ambasadën Amerikane në Shkup në lidhje me vizat e emigrantëve dhe ambasada jonë komunikon me Departamentin Amerikan të Shtetit. Sipas informacioneve tona, numri më i vogël i aplikimeve në vendin tonë është për këtë lloj vize dhe ato janë për qytetarë të një kategorie më të vjetër. Nuk ka kufizim për të gjitha llojet e tjera të vizave", shtoi kreu i diplomacisë së RMV-së.

Sipas Mucunskit, perceptimi i vendimit të SHBA-së të kujton historinë me tarifat.

"Lëreni pak në dorë të kohës, lëreni në dorë të komunikimit tonë dhe faktit që kemi bashkëpunim të shkëlqyer me partnerin tonë strategjik. Në periudhën e ardhshme, ndoshta në gjashtë muajt e ardhshëm, do të befasoheni pozitivisht nga ajo që mund të ndodhë në zhvillimin e politikës së vizave të SHBA-së ndaj vendit tonë, domethënë, do të fillojmë të mbyllim çështje që kemi tentuar t'i mbyllim për 20 vjet. Jemi proaktivë dhe po punojmë për një zgjidhje. Qytetarët nuk duhet të shqetësohen", tha ministri.

"Gjetëm një lloj kompromisi për Ligjin për kundërvajtje, ndërsa për qeverinë teknike në përgjithësi u pajtuam se duhet të mbetet në të kaluarën", deklaroi kryeministri dhe kryetari i OBRM-PDUKM-së, Hristijan Mickoski pas takimit të sotëm të liderëve në Klubin e Deputetëve.

Sipas Mickoskit, nëse nuk ka pëlqim te të gjitha grupet parlamentare që të pranohet propozimi për shfuqizimin e Qeverisë së Përzhinës, ajo të vlejë edhe për zgjedhjet e ardhshme, dhe pastaj të hiqet.

Por, siç vlerësoi, do të duhet të bëhen ndryshime në Ligjin për qeverinë sepse ka ndryshime në dikastere.

“Sot publiku ishte dëshmitar i një qasje të ndryshme – i debatit të hapur, konstruktiv i mbushur me propozime dhe ide. U hapën shumë çështje. Propozova që debati të vazhdojë në nivel të grupeve parlamentare sepse ne jemi për tejkalimin e problemeve, ndërsa jo për krijimin e të rejave”, theksoi Mickoski.

Në takimin nga partnerët e koalicionit në Qeveri morën pjesë kryetari i Tetovës, Bilall Kasami nga koalicioni “VLEN”, si dhe sekretari i përgjithshëm i ZNAM dhe ministër i Administratës Publike, Goran Minçev. Nga grupet parlamentare të opozitës të pranishëm ishin liderët e BDI-së dhe "Të Majtës", Ali Ahmeti dhe Dimitar Apasiev.

Kryetari i LSDM-së, Venko Filipçe, i cili e refuzoi thirrjen e Mickoskit, nuk erdhi në takim.

Këshilli i Prokurorëve Publikë caktoi mbledhje për më 20 janar, ku në rend dite është zgjedhja e drejtuesit të Prokurorisë Themelore Publike në Shkup, pasi më 18 janar i përfundon mandati shefit aktual, Gavrill Bubevski, i cili u zgjodh në vitin 2022.

Kjo pikë është e treta në rendin e ditës, dhe për funksionin në fjalë janë paraqitur pesë kandidatë, përfshirë vetë Bubevskin, i cili gjatë periudhës së fundit ka qenë objekt kritikash nga partia në pushtet, OBRM-PDUKM. Kandidatët e tjerë janë prokurorë me përvojë pune nga gjashtë deri në 20 vjet.

Për këtë pozicion është paraqitur prokurorja Tanja Trajçevska, e cila ka mbi 12 vjet përvojë pune. Nga rastet e ekspozuara publikisht, ajo ka drejtuar rastin për vrasjen e shtetasit kroat Denis Tot, i cili u rrah deri në vdekje para një diskoteke në Shkup.
Pas Trajçevskës, në listë është prokurori Anel Fidoski me 11 vjet përvojë pune, si dhe prokurori Dejan Petreski. Petreski ka përvojën më të vogël – gjashtë vjet, por është i njohur në publik për rastin e rrëmbimit të të riut Samoil, dhe ishte një nga prokurorët që e drejtuan hetimin për zjarrin në spitalin modular në Tetovë, ku humbën jetën 14 persona të shtruar për trajtim nga COVID-19.

Petreski ka marrë pjesë gjithashtu për një periudhë të shkurtër në hetimin për tragjedinë në Koçan dhe ka qenë prokuror i lidhur me iniciativa për mbrojtjen dhe sigurinë e gazetarëve.

Tapeti i kuq i edicionit të 83-të të Golden Globe Awards u shndërrua në një skenë magjike drite dhe elegance, falë krijimeve spektakolare të Swarovski. Më 11 janar 2026, në Beverly Hilton Hotel në Los Angeles, marka ikonike e kristaleve e çoi glamurin e Hollywood-it në një nivel tjetër, duke u bërë pjesë thelbësore e përvojës vizuale të mbrëmjes më të shumëpritur të vitit.

Në bashkëpunim me Schonbek, markë e WAC Group dhe një emër historik në dizajnin e ndriçimit me kristal, Swarovski krijoi katër shandanë ekskluzive, të dizajnuara posaçërisht për këtë event. Të varura përgjatë tapetit të kuq të ridizajnuar, këto instalacione u kthyen në sfondin perfekt për mbërritjen e yjeve, duke i shoqëruar hapat e tyre me një shkëlqim teatral dhe të paharrueshëm.

Shandanët ishin të përbërë nga shtresa elegante prismash të prera me saktësi absolute, ku kristalet katrore, drejtkëndëshe dhe tetëkëndëshe shpërndanin dritën në mënyrë të butë dhe luksoze. Tre prej instalacioneve kishin një diametër rreth 90 centimetra dhe përmbanin nga 4 mijë kristale secila, ndërsa një tjetër qendrore, më monumentale, me diametër rreth 150 centimetra, mbante afro 10 mijë kristale. Në total, rreth 25 mijë kristale dhe 150 orë punë artizanale u shndërruan në një simbol të pastër elegance dhe mjeshtërie.

Të frymëzuara nga glamuri i epokës Regency, këto krijime sollën një ndriçim të ri në festën vjetore të ekselencës në film, televizion dhe podcast, duke vendosur artizanatin dhe inovacionin në qendër të vëmendjes. Përfaqësuesit e Swarovski e përshkruan këtë moment si një kulm të identitetit të shtëpisë, ku drita, arti dhe emocioni bashkohen në një skenë globale.

Por shkëlqimi i Swarovski nuk u ndal vetëm te instalacionet.

Marka zbukuroi edhe disa nga emrat më të mëdhenj të industrisë botërore. Ariana Grande u shfaq me bizhuteri që mishëronin glamurin modern, Julia Roberts rrezatoi elegancë klasike me krijime të personalizuara, ndërsa Jennifer Lawrence tërhoqi vëmendjen me një varëse ekskluzive Swarovski Created Diamonds. Amelia Gray u shndërrua në një vizion mode me një fustan rrjetë kristali në nuancë hematiti të zi, ndërsa Omar Apollo dhe prezantuesja e mbrëmjes, Nikki Glaser, i dhanë tapetit të kuq një dozë të fortë stili dhe individualiteti.

 

View this post on Instagram

 

A post shared by SWAROVSKI (@swarovski)

 

View this post on Instagram

 

A post shared by SWAROVSKI (@swarovski)

 

View this post on Instagram

 

A post shared by SWAROVSKI (@swarovski)

 

View this post on Instagram

 

A post shared by SWAROVSKI (@swarovski)

 

View this post on Instagram

 

A post shared by SWAROVSKI (@swarovski)

Golden Globes 2026 konfirmoi edhe një herë se Swarovski është një forcë krijuese që di të ndërtojë atmosferë, të rrëfejë histori përmes dritës dhe të kthejë momente ikonike në përvoja vizuale që mbeten gjatë në kujtesë. Në një mbrëmje ku nderohet brilanca artistike, kristalet Swarovski u bënë reflektimi më i pastër i magjisë së Hollywood-it.

The post Swarovski ndriçon Golden Globes 2026, kur luksi, drita dhe arti takohen në tapetin e kuq appeared first on iconstyle.al.

Ka nisur takimi i liderëve në Klubin e deputetëve, që u organizua me iniciativë të kryeministrit Hristijan Mickoski.

Në takim është prezent kryetari i BDI-së, Ali Ahmeti, i cili është i shoqëruar nga deputetja Rina Ajdari

Koalicionin VLEN e përfaqëson Bilall Kasami, i cili është i shoqëruar nga deputeti Bekim Qoku.

Ndryshe nga paralajmërimi, për pjesëmarrje të kreu të ZNAM, Maksim Dimitrievski, në takim po merr pjesë ministri i Administratës, që vjen nga kjo parti, Goran Minçev.

Në takim për herë të parë po merr pjesë "E Majta", ndërsa kryetari i partisë, Dimitar Apasiev, është i shoqëruar nga deputeti Borisllav Krmov.

Sipas ish-kryetarit të Kuvendit, Trajko Veljanoski, si qeveria teknike ashtu edhe PSP-ja u imponuan mekanizma ad-hoc me qëllim politik, të cilët sollën mosfunksionim në vend të një sistemi të qëndrueshëm dhe ligjor dhe më në fund duhet të hyjnë në histori.

"Çdo eksperiment ligjor dhe kushtetues shkakton më shumë dëm sesa dobi për shtetin.

Koha dhe përvoja kanë treguar se improvizimet në sistem nuk sjellin cilësi, por mosfunksionim. Kështu ishte me idenë e Qeverisë teknike, kështu ishte edhe me Prokurorinë Speciale Publike (PSP).

Duhet të flasim hapur dhe pa narrativa të rreme.

Këto dy mekanizma nuk u prezantuan për të sjellë më shumë drejtësi ose demokraci. Ato u shpikën dhe u imponuan me një qëllim të vetëm politik - për të instaluar LSDM-në në pushtet dhe për të realizuar idenë e ndryshimit të emrit kushtetues të Republikës së Maqedonisë. Asgjë tjetër. Qytetarët nuk duhet të jenë më subjekt i manipulimit për "përfitimet" e supozuara të këtyre zgjidhjeve ad-hoc", thotë Veljanovski./Telegrafi/

Me iniciativë të Kryeministrit dhe liderit të OBRM-PDUKM-së, Hristijan Mickoski, sot në Klubin e Deputetëve do të mbahet takimi i liderëve me kryetarët e partive parlamentare që kanë grupe parlamentare në Kuvend.

Siç është paralajmëruar, në takim do të diskutohen ligjet reformuese në fushën e gjyqësorit, zgjedhja e Avokatit të Popullit, ndryshimet në Kodin Zgjedhor dhe mundësia e shfuqizimit të qeverisë teknike, si dhe çështje të tjera të propozuara nga pjesëmarrësit.

Nga partitë opozitare, krerët e "Të Majtës" dhe BDI-së, Dimitar Apasiev dhe Ali Ahmeti, konfirmuan pjesëmarrjen e tyre. Kryetari i LSDM-së, Venko Filipçe, refuzoi ftesën për një takim të liderëve.

Filipçe në një konferencë për shtyp më 8 janar deklaroi se nuk pranon bisedime për shfuqizimin e qeverisë teknike, duke akuzuar Kryeministrin se kërkon "alibi për shpalljen e zgjedhjeve të parakohshme".

Sipas tij, qeveria teknike duhet të mbetet si garanci për zgjedhje të drejta dhe një mekanizëm për parandalimin e abuzimit me institucionet. Lidhur me ligjet reformuese, Filipçe theksoi se debati duhet të zhvillohet në Kuvend, ku LSDM do të mbështesë të gjitha zgjidhjet cilësore. Ai shtoi se partia do të marrë pjesë në zgjedhjet parlamentare nëse ato shpallen.

Në takimin e liderëve të thirrur nga Mickoski pjesëmarrjen e kanë konfirmuar edhe kryetari i BDI-së, Ali Ahmeti, Bilall Kasami nga VLEN, Maksim Dimitrievski nga ZNAM./Telegrafi/

Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski. Me Lara Colturin që e mbyll konkurrimin në vendin e 8-të.

Në Flachau, pistën austriake ndodh gjithçka. 35 skiatore nuk arrijnë të përfundojnë garën, nga 75 që ishin në listën fillestare në disiplinën slalom. Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski.

Duke sfiduar vështirësitë e natyrës, Lara Colturi arrin të shkëlqejë, sidomos në lëshimin e dytë, që me kohën fantastike 53“77 ishte e para, më e mira nga të gjitha, mbretëresha e këtij raundi duke lënë pas edhe Mikaela Shifrin. Por një gabim në lëshimin e parë, i kushtoi podiumin skiatores shqiptare, që e detyroi të renditej në vendin e 16-të. Në përfundim Lara Colturi renditet në vendin e 8-të.

Në podiumin e garës në Flachau, në shkallën më të lartë të tij ngjitet Milkaela shifrin, që i çon në 60 numrin e fitoreve në slalom, një shifër e jashtëzakonshme në historinë e këtij sporti. E dyta në podiumin e Flachau është Paula Molzen e SHAB dhe në të tretin Katarina Trupe e Austrisë.

The post Lara Colturi e 8-ta në Flachau, shkëlqen në lëshimin e dytë appeared first on Albeu.com.

TIRANË, 13 janar /ATSh/ Gara e sllallomit të Kupës së Botës në ski, e zhvilluar të martën në mbrëmje në Flachau të Austrisë, u karakterizua nga kushte shumë të vështira atmosferike.

Mjegulla dhe shikueshmëria e ulët ndikuan dukshëm në performancën e skiatoreve, duke bërë që nga 75 skiatore të regjistruara, plot 35 të mos arrinin të përfundonin garën.

Skiatorja italo-shqiptare, u rendit e 8-ta në klasifikimin final. Colturi u dallua veçanërisht në lëshimin e dytë, ku me kohën 53 sekonda e 77 të qindtat regjistroi rezultatin më të mirë me vendin e parë, duke lënë pas edhe kampionen amerikane Mikaela Shiffrin.

Megjithatë, një gabim i bërë në lëshimin e parë e mbajti Colturin jashtë podiumit, pasi atë raund e mbylli vetëm në vendin e 16-të. Në total, performanca e kombinuar e pozicionoi atë të tetën në renditjen përfundimtare.

/m.q/a.f/r.e/

The post Kupa e Botës për Ski, Lara Colturi renditet e 8-ta në Flachau appeared first on Agjencia Telegrafike Shqiptare.

Në prag të takimit të nesërm të liderëve që e ka iniciuar kryeministri Hristijan Mickoski, për momentin ende është e paqartë se kush do të ulet në tryezën e bisedimeve rreth ligjeve reformuese dhe propozimit për shfuqizimin e Qeverisë së Përzhinës. Partneri qeveritar VLEN ka paralajmëruar se do të marrë pjesë me dy përfaqësuesit e vet, Bilall Kasamin dhe koordinatorin e grupit parlamentar Bekim Qokun. Ai deklaroi se do ta mbështesin propozimin e Mickoskit për shfuqizimin e qeverisë teknike.

Kryetari i LSDM-së, Venko Filipçe, e refuzoi menjëherë ftesën me arsyetimin se janë kundër që në të ardhmen të mos ketë qeveri teknike, e cila, siç tha ai, është garanci për zgjedhje të ndershme, ndërsa për ligjet reformuese do të votojnë në Kuvend. Nga partia edhe sot e konfirmuan këtë qëndrim.

“Pushteti aktual i koalicionit tender OBRM-PDUKM-ZNAM po i keqpërdor institucionet dhe resurset shtetërore për qëllime partiake dhe kriminale. Po miratohen rezoluta me të cilat praktikisht po shfuqizohet liria e fjalës së opozitës, ndërsa me Ligjin për Policinë po shkohet drejt një partizimi të plotë të MPB-së. Legalizimi i mbikëqyrjes masive me 65 mijë kamera mundëson mbikëqyrje digjitale të lëvizjeve të qytetarëve. Ministri teknik nga opozita është garanci që ky sistem nuk do të keqpërdoret për ndjekjen e qytetarëve apo të opozitës gjatë fushatës”, thonë nga LSDM.

Nga BDI ende s’kanë një vendim final nëse do të marrin pjesë, por paralajmëruan se është e mundur të dalin me kërkesat e tyre. Sekretari i përgjithshëm i partisë, Arbër Ademi, në emisionin “Click Plus” në TV21 vlerësoi se për momentin një takim i liderëve është i rëndësishëm, por shtoi se takimet e liderëve duhet të fokusohen në diskutime me kornizë dhe agjendë të qartë për çështje që janë me rëndësi për shtetin dhe qytetarët, e jo vetëm për fotografim. Nëse BDI merr pjesë në takimin e liderëve, Ademi deklaroi se në tryezë do ta vendosin çështjen e integrimit të vendit në Bashkimin Evropian dhe disa tema të tjera të rëndësishme për vendin.

“A është e nevojshme që të diskutohet për çështje që janë me rëndësi për shtetin dhe qytetarët, unë mendoj se po, mirëpo ai takim i liderëve duhet të ketë dialog me substancë, duhet të ketë një dialog me kornizë, duhet të ketë një dialog me agjendë mirë të definuar dhe mirë të përcaktuar dhe jo një takim sa për një fotografi dhe pamje të cilat do të shkonin lajmet e ditës”, u shpreh Arbër Ademi – Sekretar i Përgjithshëm i BDI-së.

Pjesëmarrje në takimin e liderëve paralajmëruan edhe nga partneri qeveritar ZNAM, si dhe nga Levica, nga ku thanë se do ta pranojnë shfuqizimin e qeverisë teknike, por vetëm nëse vendoset një njësi zgjedhore dhe sigurohet qasje e barabartë për përfaqësim mediatik në periudhën parazgjedhore./TV21/

Vazhdon debati për Propozim-buxhetin për vitit 2026

Robert Lewandowski po tregon edhe këtë sezon se mosha nuk është pengesë.

Sulmuesi polak ka shënuar 10 gola dhe vazhdon të jetë i rëndësishëm për Barcelonën.

Për këtë arsye, as lojtari dhe as klubi nuk e kanë përjashtuar mundësinë e vazhdimit të bashkëpunimit.

Edhe pse janë përhapur zëra për largimin e tij në fund të sezonit, brenda klubit ka mendime se Lewandowski mund të qëndrojë edhe një vit tjetër.

Sipas gazetës Sport, forma e mirë e treguar, veçanërisht në Superkupën e Spanjës, ka bindur shumë drejtues që ta mbajnë sulmuesin 37-vjeçar.

Edhe stafi teknik është i kënaqur me paraqitjet e tij.

Ndonëse këtë sezon ka qenë shpesh rezervë, Lewandowski ka ruajtur efikasitetin, me 10 gola në 20 ndeshje zyrtare.

Trajneri Hansi Flick ka theksuar se është i kënaqur me punën dhe nivelin e tij, pa dhënë ende një vendim për sezonin e ardhshëm.

Nga ana e tij, vetë Lewandowski nuk ka marrë ende një vendim.

Ai ka oferta nga MLS dhe Arabia Saudite, por dëshiron të marrë kohë dhe të flasë fillimisht me trajnerin.

Sipas AS, edhe pse cikli i tij te Barcelona mund të jetë drejt fundit, mundësia e qëndrimit nuk është përjashtuar plotësisht. Vendimi pritet të merret në një moment më të vonë. /Telegrafi/

Pjesa më e madhe e vërejtjeve për Planin e Veprimit për Pakicat që i ka dhënë Bullgaria nuk janë dhënë në “mirëbesim”, ndërsa për ministrin e Punëve të Jashtme Timço Mucunksi, edhe mënyra e komunikimit është zhgënjyese.

Ai thotë se ky Plan Veprimi nuk ka të bëjë me të drejtat e pakicës bullgare në vend, por me të drejtat e të gjitha pakicave. Për këtë arsye, ky dokument po përgatitet me ndihmën e ekspertëve të huaj, pasi prej tij do të dalin obligime që Maqedonia do të duhet t’i zbatojë.

“Një pjesë e madhe e vërejtjeve që vijnë prej tyre nuk janë vërejtje të dhëna në ‘mirëbesim’ dhe nuk janë vërejtje që në thelb e kanë gjendjen objektive apo pasqyrën reale të gjendjes lidhur me të drejtat e pakicave në kuadër të shtetit tonë. Ka një tendenciozitet në qasjen e Bullgarisë dhe këtë më së miri e patë përmes komunikatës për media të Ministrisë së tyre të Punëve të Jashtme”, tha Timço Mucunksi.

Për Mucunskin është i turpshëm qëndrimi i Bullgarisë ndaj gjuhës maqedonase, por ai thotë se të gjitha vërejtjet objektive për Planin e Veprimit do të pranohen dhe do të zbatohen. Aktualisht po analizohen të gjitha vërejtjet e pranuara lidhur me Planin.
“Prandaj duhet të bëjmë dallimin mes asaj që mund ta zbatojmë dhe asaj që nuk mund ta zbatojmë, sepse nesër do ta publikojmë këtë dokument. Dhe imagjinoni, në të të ketë diçka që ky shtet nuk mund ta zbatojë. Po e njëjta Bullgari do të kontestojë para Bashkimit Evropian se ne nuk po përparojmë në lidhje me Planin e Veprimit për Pakicat”, deklaroi Mucunksi.