TikToku do të fillojë të lansojë metodë të re të verifikimit të moshës në të gjithë BE-në në javët e ardhshme, ndërsa rriten thirrjet për një ndalim të rrjeteve sociale për personat nën 16 vjeç në shtetet e bllokut, përfshirë Mbretërinë e Bashkuar.

TikTok, në pronësi të ByteDance, dhe platforma të tjera të mëdha të njohura për të rinjtë, si YouTube, po vihen nën presion në rritje për të identifikuar dhe hequr më mirë llogaritë që u përkasin fëmijëve.

Sistemi, i cili është pilotuar në heshtje në BE gjatë vitit të kaluar, analizon informacionin e profilit, videot e postuara dhe sinjalet e sjelljes për të parashikuar nëse një llogari mund t’i përkasë një përdoruesi nën moshën 13 vjeç.

Përveç analizimit të informacionit që mbajtësi i llogarisë ofron për veten e tij, teknologjia e re shqyrton sjellje të tilla si videot që një përdorues publikon dhe “sjellje të tjera në platformë”.

TikTok ka njoftuar se llogaritë që kapen nga sistemi do të vihen nën shqyrtim nga mbikëqyrës specialë para se automatikisht t’ua mbyllë llogarinë.

Sinjali – aty ku e vërteta flet para lajmit!

/GazetaSinjali/

The post TikToku forcon masat për verifikimin e moshës në BE appeared first on Sinjali.

Nuk keni nevojë për një dietë të re strikte apo për anëtarësim në palestër për të përmirësuar shëndetin tuaj në vitin 2026. Një studim i ri tregon se ndryshime shumë të vogla të përditshme, si pak më shumë gjumë, pak më shumë lëvizje dhe ushqyerje disi më e shëndetshme, mund t’ju ndihmojnë të jetoni më gjatë dhe të plakeni më shëndetshëm.

Studiues nga Universiteti i Sidneit analizuan të dhënat e mbi 59,000 të moshuarve, duke përdorur informacion nga baza e të dhënave “UK Biobank”. Për një javë, pjesëmarrësit mbanin pajisje në kyçin e dorës që matnin gjumin dhe aktivitetin fizik, ndërsa dieta e tyre u vlerësua nga 0 në 100 sipas zakoneve ushqimore të raportuara, shkruan burimi Health Day.

Rezultatet, të publikuara më 13 janar në revistën “eClinicalMedicine”, treguan se personat me zakonet më pak të shëndetshme mund t’i shtonin rreth një vit jetëgjatësisë së tyre duke bërë tre ndryshime të vogla njëkohësisht: 5 minuta më shumë gjumë çdo natë, 1.9 minuta më shumë aktivitet fizik në ditë dhe një përmirësim prej 5 pikësh në cilësinë e dietës, si për shembull konsumimi i më shumë perimeve ose drithërave integrale.

Edhe për ata që nuk arritën të përmirësonin të tre fushat, përfitimet ishin të dukshme. Rritja e gjumit, aktivitetit fizik ose cilësisë së dietës veçmas u shoqërua gjithashtu me përmirësim të jetëgjatësisë.

Sipas autorit kryesor Nicholas Koemel, këto ndryshime të vogla, kur bëhen në mënyrë të qëndrueshme, grumbullohen me kalimin e kohës dhe sjellin ndikim të madh në shëndet dhe jetëgjatësi. Studiuesit theksojnë se hapat e vegjël dhe realistë janë mënyra më e mirë për të nisur një jetë më të shëndetshme.

Sinjali – aty ku e vërteta flet para lajmit!

/GazetaSinjali/

The post Ndryshime të vogla ditore mund t’ju shtojnë vite jetë, zbulon studimi i ri appeared first on Sinjali.

Zyrtarë të administratës së presidentit amerikan, Donald Trump, thanë të premten se Kanadaja do të pendohet për vendimin e saj që ta lejojë Kinën të importojë deri në 49 mijë vetura elektrike kineze dhe se këto vetura nuk do të lejohen që të hyjnë në Shtetet e Bashkuara.

“Mendoj se ata do ta kthejnë kokën nga ky vendim dhe sigurisht se do të pendohen për sjelljen e veturave kineze në tregun e tyre” – tha sekretari i Transportit i Shteteve të Bashkuara, Sean Duffy, në një ngjarje bashkë me zyrtarë të tjerë qeveritarë në një fabrikë të prodhuesit “Ford” në Ohio, raporton agjencia e lajmeve “Reuters”.

Kanadaja në vitin 2024 u vendosi taksë prej 100 për qind veturave elektrike kineze pas masave të ngjashme nga Shtetet e Bashkuara. Megjithatë, vendimi i ri për të lejuar vetura elektrike nga shteti aziatik ka nxitur alarm në Shtetet e Bashkuara për shkak të mundësisë që kjo masë mund t’ia dhurojë Kinës për t’u shtrirë më gjerësisht në Amerikën e Veriut, në kohën kur Uashingtoni po merr pozicion gjithnjë më të ashpër edhe ndaj automjeteve kanadeze dhe pjesëve të tyre.

Përfaqësuesi për Tregti i Shteteve të Bashkuara, Jamieson Greer, tha se numri i kufizuar i automjeteve kineze nuk do të ndikojë te kompanitë amerikane të veturave që eksportojnë automjete në Kanada.

“Unë nuk pres që kjo t’i pengojë dërgesat amerikane drejt Kanadasë. Ato vetura do të shkojnë në Kanada, nuk do të vijnë këtu” – shtoi ai.

Ambasada e Kanadasë në Uashington nuk komentoi menjëherë.

Greer në një intervistë e cilësoi si “problematik” vendimin e Kanadasë dhe shtoi: “Është një arsye pse ne nuk shesim shumë vetura kineze në Shtetet e Bashkuara. Është për shkak se kemi taksa për t’i mbrojtur punëtorët e auto-industrisë amerikane dhe amerikanët nga ato automjete.”

Sinjali – aty ku e vërteta flet para lajmit!

/GazetaSinjali/

The post ShBA-ja thotë se Kanadaja do të pendohet për lejimin e veturave elektrike kineze në tregun e saj appeared first on Sinjali.

Duke gjykuar nga të dhënat e fundit të inteligjencës ukrainase, Rusia po përgatit sulme të reja masive ndaj Ukrainës, tha sot Presidenti ukrainas Volodymyr Zelensky.

“Po flasim sinqerisht me partnerët tanë për raketat dhe sistemet e mbrojtjes ajrore që na nevojiten kaq shumë.” Furnizimi nuk është i mjaftueshëm. Po përpiqemi të përshpejtojmë dhe është e rëndësishme që partnerët tanë të na dëgjojnë. Shumë gjëra po bëhen tani në nivelin e Ministrisë së Mbrojtjes së Ukrainës”, tha Zelensky gjatë fjalimit të tij të rregullt në mbrëmje, raporton Ukrinform.

Ai u bëri thirrje qytetarëve të Ukrainës që të jenë të vëmendshëm dhe të dëgjojnë paralajmërimet për sulme ajrore. Sipas tij, qeveria po punon me kompanitë e energjisë dhe partnerët për të pasur më shumë pajisje dhe më shumë rezerva.

Presidenti i Ukrainës, Volodymyr Zelensky, tha sot se delegacioni ukrainas është duke udhëtuar drejt Shteteve të Bashkuara të Amerikës për të diskutuar garancitë e sigurisë dhe një paketë masash për të forcuar përparimin e vendit.

Në të njëjtën kohë, ai shprehu shpresën se dokumentet mbi këto çështje mund të nënshkruhen në margjinat e Forumit Ekonomik Botëror në Davos javën e ardhshme.Në një konferencë për shtyp në Kiev, Zelensky tha gjithashtu se delegacioni ukrainas shpreson të marrë sqarime nga SHBA-të mbi qëndrimin e Rusisë ndaj përpjekjeve diplomatike të mbështetura nga Amerika për t’i dhënë fund luftës.

Të hënën, duke njoftuar takimin, Zelensky tha se dëgjoi raportin e detajuar të ekipit negociator mbi kontaktet me palën amerikane dhe urdhëroi finalizimin e dokumentit mbi garancitë e sigurisë për Ukrainën.

Sinjali – aty ku e vërteta flet para lajmit!

/GazetaSinjali/

The post Zelensky: Rusia po përgatit sulme të reja masive ndaj Ukrainës appeared first on Sinjali.

Një këmbësore dyshohet se është goditur nga vetura në mbrëmjen e sotme rreth orës 22:00, në Komunën e Prizrenit, raporton Gazeta Sinjali.

Sipas pamjeve të siguruar nga Gazeta Sinjali, në vend të ngjarjes është Policia e Kosovës dhe Automabulaca.

Gazeta Sinjali ka kontaktuar me Polciinë e Kosovës, por deri në momentin e publikimit nuk ka konfirmim zyrtarë.

Sinjali – aty ku e vërteta flet para lajmit!

/GazetaSinjali/

The post Aksident në Prizren, vetura dyshohet se goditi një këmbësore appeared first on Sinjali.

Spitali i Përgjithshëm i Mitrovicës ka njoftuar për rastin e një të mituri i cili është goditur nga vetura në rrugën nacionale Mitrovicë–Zubin Potok, në segmentin rrugor në fshatin Zhabar, raporton Gazeta Sinjali.

Sipas njoftimit, i mituri ndodhet jashtë rrezikut për jetë, dhe se ai i ka pësuar lëndimet në fytyrë.

“Një fëmijë i lindur në vitin 2013 (i gjinisë mashkullore), rreth orës 19:55 ka kërkuar ndihmë mjekësore në Shërbimin Emergjent të Spitalit të Përgjithshëm “Dr. Sami Haxhibeqiri”, si pasojë e goditjes nga një automjet.Ekipi mjekësor ka ofruar ekzaminim emergjent, përfshirë masat reanimatore”, thuhet në njoftimin e Spitalit të Përgjithshëm të Mitrovicës. Në bashkëpunim me ekipin e Shërbimit të Radiologjisë është kryer Tomografia e Kompjuterizuar (CT), si dhe janë realizuar analizat laboratorike. Po ashtu, është konsultuar mjeku kujdestar ortoped. Fëmija është jashtë rrezikut për jetë dhe është referuar për në QKUK për konsultë të mëtejshme me specialistët e Neurokirurgjisë dhe Kirurgjisë Maksilofaciale. Lëndimet janë në pjesën e fytyrës/sinuseve, por jashtë rrezikut për jetë”, thuhet në njoftimin e Spitalit të Përgjithshëm të Mitrovicës.

Këmbësori goditet nga vetura në rrugën Mitrovicë–Zubin Potok, përfundon në spital

Sinjali – aty ku e vërteta flet para lajmit!

/GazetaSinjali/

.

The post Spitali jep detaje për gjendjen e të miturit që u godit nga vetura në Mitrovicë: Është jashtë rrezikut për jetë appeared first on Sinjali.

Milot Rashica ka arritur shifrën e 100 ndeshjeve me fanellën e klubit turk Beshiktash.

Para ndeshjes së Kupës së Turqisë ndaj Keçiögrengucu, klubi i ka dhurar Rashicës një fanellë të veçantë me numrin 100 që simbolizon numrin e ndeshjeve me skuadrën bardhë e zi.

“U organizua një ceremoni për futbollistin tonë Milot Rashica i cili arriti shifrën e 100 ndeshjeve me fanellën tonë të lavdishme. Rashicës fanellën për ndeshjen e 100-të ia dorëzuan legjendat tona Kadir Akbulut dhe Ulvi Güveneroğlu”, shkruhet në komunikatën e klubit.

Rashica po luan sezonin e tretë me Beshiktashin ku ka arritur të shënojë 12 gola dhe të fitojë një Kupë dhe Superkupë të Turqi.

Sinjali – aty ku e vërteta flet para lajmit!

/GazetaSinjali/

The post Beshiktashi nderon Rashicën pas arritjes së 100 paraqitjeve me klubin appeared first on Sinjali.

Alba dhe Limi po përballen me njëri-tjetrin në këtë prime të Big Brother Vip Kosova 4.

“Për mua nuk është bashkëjetesë kur dikush bën crush në shtëpinë time, kur dikush vjen pe a ftu”, tha Limi.

“Po çka je t’u thënë, si mund ta përdorësh fjalën crush se po më çudit fare, ti vet ke thënë Alba rri me mu”, tha Alba.

Sinjali – aty ku e vërteta flet para lajmit!

/GazetaSinjali/

The post “Erdhe e paftuar në shtëpinë time” – Limi ia thotë në sy Albës  appeared first on Sinjali.

Duke qenë se mëngjesi aktivizon metabolizmin, njerëzit që hanë mëngjes priren të kenë një peshë të shëndetshme trupore.

Por a e dini se mëngjesi gjithashtu aktivizon trurin tuaj? Natyrisht flasim për një mëngjes të mirë, i cili nuk është një tenxhere plot me drithëra me sheqer dhe pa kalori.

Tërshërë

Kur zgjoheni, truri juaj ka nevojë për një furnizim të shëndetshëm të sheqerit në gjak ose glukozës. Edhe pse një mëngjes me sheqer do të rrisë shpejt nivelin e sheqerit në gjak, një rënie në glukozë do të ndodhë disa orë më vonë. Bollguri integral (si drithërat), nga ana tjetër, absorbohet ngadalë nga trupi. Në vend që të marrë shumë sheqer, niveli i sheqerit në gjak do të rritet me një ritëm të ngadalshëm dhe të qëndrueshëm.

Vezë

Vezët janë një opsion tradicional për në mëngjes. Ata janë të pasura me proteina dhe për shkak se proteina do shumë kohë që të tretet nga trupi ynë, ne ndjehemi të ngopur për më shumë kohë. Kjo do të thotë se jo vetëm që ndihmon në kontrollin e peshës, por gjithashtu ndihmon në ruajtjen e sheqerit në gjak dhe vigjilencën mendore në nivele të shëndetshme. E bardha e vezës është ajo që përmban kryesisht formën më të pastër të proteinave në përbërjen e saj. Cilësia e lartë e proteinave të vezëve ndihmon trupin t’i përthithë më mirë. Jo vetëm kaq, vezët janë plot me vitamina dhe minerale, të cilët janë përbërës të tjerë të nevojshëm për të mbajtur në punë trupin dhe mendjen së bashku.

Bukë integrale me gjalpë kikiriku

Përveç të qenit i shijshëm, ky mëngjes është një trajtim i vërtetë. Me gjalpë kikiriku, ju merrni përfitimet e proteinave (gjë që ju bën të ndiheni më të ngopur). Me bukë integrale ju merrni cilësinë integrale që mban nivelin e sheqerit në gjak dhe përshtatet gjatë gjithë mëngjesit.

Kos grek

Konsumimi i kosit grek për mëngjes nuk është asgjë e re, pasi kohët e fundit kosi grek është globalizuar. Ky lloj kosi nuk ka vetëm dy herë më shumë proteina se kosi normal, por është më i pasur dhe më i fortë se kosi tradicional. Proteinat ekstra do t’ju bëjnë të ndiheni më të ngopur gjatë mëngjesit.

Darka për mëngjes

Pse të mos i ndryshoni gjërat dhe të përgatitni darkë për mëngjes? Sigurisht që nuk ka rregulla që thonë se nuk mundesh. Dhe nëse ju mërziteni duke ngrënë të njëjtin ushqim çdo mëngjes, ngrënia e darkës në mëngjes mund të thyej monotoninë.

Natyrisht ne nuk po flasim për një pizza të ftohtë. Mendoni për një patate të pjekura me një kos grek të spërkatur me chives ose një supë me perime dhe bukë integrale. Në realitet, kreativiteti nuk ka kufizime dhe ju mund të krijoni një mori ushqimesh ushqyese që do t’ju ndihmojnë të ndiheni mirë gjatë ditës.

Sinjali – aty ku e vërteta flet para lajmit!

/GazetaSinjali/

The post 5 ushqimet që duhet t’i konsumoni në mëngjes, për t’i dhënë energji trurit appeared first on Sinjali.

Apple ka paralajmëruar se iPhone-t janë nën sulm nga spyware shumë të sofistikuar, duke rrezikuar qindra miliona telefona.

Kompania teknologjike bëri thirrjen pasi të paktën 50% e përdoruesve të 1.8 miliardë iPhone-ve nuk kanë përditësuar ende pajisjet me iOS 26, versioni më i fundit që përfshin korrigjime për dobësitë e fundit të sigurisë.

Sulmet janë tepër të sofistikuara dhe precize, shpesh duke përdorur zero-click exploits, që u japin hakerëve mundësinë të marrin kontrollin e pajisjes pa pasur nevojë që përdoruesi të klikojë një lidhje, të hapë një skedar apo të ndërmarrë ndonjë veprim.

Nëse një pajisje infektohet, hakerët mund të vjedhin të dhëna personale, të ndjekin vendndodhjen e përdoruesit, të hyjnë në kamera dhe mikrofon, madje edhe të kryejnë mashtrime financiare, duke vënë në rrezik privatësinë dhe sigurinë e përdoruesit.

Ekspertët e sigurisë kibernetike këshillojnë përdoruesit të veprojnë menjëherë duke rindezur pajisjet, pastaj duke shkuar te Settings → General → Software Update.

“Shumë njerëz nuk e kuptojnë se kur rindizen pajisjet, çdo malware që është në memorien e përkohshme shpërndahet, përveç nëse ka arritur të qëndrojë aktiv, në të cilin rast do të rikthehet,” thonë kërkuesit e Malwarebytes.

“Shumë mjete spyware të avancuara shmangin lënien e gjurmëve që mund të lejojnë qëndrueshmërinë e tyre dhe mbështeten te fakti që përdoruesit nuk rindiznin pajisjet.”

iOS 26 u publikua më 15 shtator 2025, por deri në janar 2026, deri në 75% e përdoruesve nuk e kanë shkarkuar ende. Përdorimi mbetet vetëm 16–20%, dukshëm më i ulët se versionet e mëparshme.

Një arsye e mundshme është dizajni i ri vizual “Liquid Glass”, i prezantuar me iOS 26, me ndërfaqe të tejdukshme dhe dinamike që ndryshon sipas përdorimit, gjë që disa përdorues e kanë gjetur të konfuzë dhe shpërqendruese.

Shumica e iPhone-ve aktualisht funksionojnë me iOS 18, për shkak të mbështetjes së gjatë të sigurisë nga Apple. Por iOS 26 forcon sigurinë me mjete të reja kundër gjurmimit online në Safari, bllokon lidhje të rrezikshme të kabllove dhe shton mbrojtje kundër thirrjeve dhe mesazheve mashtruese.

Apple publikoi versionin e fundit iOS 26.2 pas identifikimit të dy dobësive kritike në WebKit, motorin e shfletuesit Safari dhe të gjithë shfletuesve në iOS. Kompania i përshkruan si pjesë të një sulmi jashtëzakonisht të sofistikuar, i drejtuar ndaj individëve të veçantë.

Dobësitë mund të shfrytëzohen nga faqe të dëmshme interneti, të cilat mund të detyrojnë pajisjen të ekzekutojë kode të rrezikshme pa leje, duke i dhënë hakerëve mundësinë të kontrollojnë iPhone-in ose iPad-in tuaj.

Për përdoruesit me përditësime automatike, korrigjimi duhet të jetë instaluar tashmë, ndërsa të tjerët duhet të shkarkojnë manualisht iOS 26.2 ose iPadOS 26.2 nga Settings.

Pajisjet më të rrezikuara përfshijnë:

iPhone 11 dhe modelet më të reja

iPad Pro 12.9 inç (gjenerata 3 dhe më tej)

iPad Pro 11 inç (gjenerata 1 dhe më tej)

iPad Air (gjenerata 3 dhe më tej)

iPad (gjenerata 8 dhe më tej)

iPad mini (gjenerata 5 dhe më tej)

Këto dobësi quhen zero-day vulnerabilities, që do të thotë se ishin të panjohura për krijuesit e softuerit dhe mund të shfrytëzoheshin para se të ekzistonte një korrigjim.

Apple ka lëshuar gjithashtu përditësime për: iOS 18.7.3, iPadOS 18.7.3, macOS Tahoe 26.2, tvOS 26.2, watchOS 26.2, visionOS 26.2 dhe Safari 26.2.

Një nga problemet, use-after-free bug, ishte një problem memorieje që u zgjidh duke përmirësuar mënyrën se si pajisja menaxhon të dhënat e përkohshme (CVE-2025-43529).

Tjetra, memory corruption bug, u korrigjua duke vendosur kontrolle më strikte për të parandaluar gabime (CVE-2025-14174).

Ekspertët e sigurisë theksojnë: Veproni menjëherë dhe përditësoni pajisjet tuaja, për të shmangur rreziqe serioze ndaj privatësisë dhe të dhënave personale. 

Sinjali – aty ku e vërteta flet para lajmit!

/GazetaSinjali/

The post Apple paralajmëron: iPhone-t janë nën sulm nga hakerë “të sofistikuar” që hyjnë fshehurazi në pajisje appeared first on Sinjali.

Londrimi ka shprehur dyshimet e tij mbi orientimin seksual të Klodit.

Këtë ia ka thënë edhe vet shokut të tij, me ç’rast Klodi u çudit shumë.

Sinjali – aty ku e vërteta flet para lajmit!

/GazetaSinjali/

The post Londrimi e pyet Klodin për orientimin seksual  appeared first on Sinjali.

Pas rinumërimit të kandidatëve që po humbin vota edhe në Partinë Demokratike të Kosovës pati humbje të tilla.

Humbje pati më së shumti humbi Kosovare Murseli 99 vota, më pas Xhevahir Geci me 76 vota, Linda Nebiu 75 vota, kurse Besim Ilazi humbi 52 vota.

Kurse Përparim Gruda doli me 37 vota më shumë, kurse Bedri Hamza humbi 17 vota.

Sinjali – aty ku e vërteta flet para lajmit!

/GazetaSinjali/

The post Edhe kandidatët e PDK-së humbin vota pas rinumërimit appeared first on Sinjali.

Komisioni i Garave i Federatës së Basketbollit të Kosovës (FBK) ka shqiptuar masa disiplinore dhe gjoba ndaj disa klubeve të Superligës pas incidenteve në ndeshjet e fundit.

Vëllaznimi i Gjakovës është dënuar më së rëndi me 2200 euro, pas përleshjeve mes tifozëve në ndeshjen ndaj Bashkimit, ku një shishe goditi ndihmës-trajnerin Bledar Gjeqaj. Si masë shtesë, ballkoni nga i cili u hodh shishja do të mbyllet për shikuesit.

Sigal Prishtina është gjobitur me 1400 euro për incidentet në ndeshjen ndaj Yllit, ndërsa Trepça me 700 euro për fyerjet e tifozëve ndaj lojtarëve të Pejës.

FBK ka paralajmëruar masa më të ashpra në rast të përsëritjes së incidenteve.

Sinjali – aty ku e vërteta flet para lajmit!

/GazetaSinjali/

The post Kaos në tribuna, shishe dhe përleshje – FBK ndëshkon klubet me gjoba appeared first on Sinjali.

Një person i mitur është raportuar i zhdukur që nga data 02.01.2026, me adresë banimi në rrugën “Lufta e Gjilanit”, dhe deri më tani nuk dihet asgjë për vendndodhjen e tij.

Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim lokalizimin dhe vendndodhjen e personit, lëshon këtë kërkesë për bashkëpunim me qytetarë.

Policia e Kosovës, Drejtoria Rajonale Gjilan kërkon nga qytetarët dhe mediat që kushdo që ka informacion për vendndodhjen e personit në foton e bashkangjitur, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kujdestarë:192; 03850807001.

Sinjali – aty ku e vërteta flet para lajmit!

/GazetaSinjali/

The post Policia kërkon ndihmën e qytetarëve për gjetjen e 17-vjeçarit të zhdukur në Gjilan appeared first on Sinjali.

Lamine Yamal ka arritur një tjetër rekord të rëndësishëm me Barcelonën, duke shënuar 80 gola dhe asistime në vetëm 130 paraqitje me ekipin e parë.

Kjo shifër u plotësua mbrëmë gjatë fitores 2-0 të Barcelonës ndaj Racing në Copa del Rey, me golin e 35-të personal të Yamal, i shënuar në minutën e 95-të.

Me gjithsej 45 asistime, ylli i ri spanjoll arrin një mesatare prej një goli ose asistimi çdo 118.6 minuta, dhe statistikat tregojnë se është aktualisht dribluesi më i mirë në Evropë.

Në krahasim me Lionel Messin, i cili gjithashtu arriti 80 gola dhe asistime në Copa del Rey në nëntor 2008, ylli argjentinas e kishte arritur këtë shifër në 124 ndeshje, gjashtë më pak se Yamal. Në atë kohë, Messi kishte një mesatare 105 minuta për çdo gol ose asistim, pak më e mirë se ajo e Yamal.

Një tjetër detaj interesant është se Yamal ka kontribuar më shumë me asistime sesa me gola gjatë këtyre 80 paraqitjeve, ndërsa Messi kishte 53 gola dhe vetëm 27 asistime, duke treguar stilin e ndryshëm të lojës mes dy yjeve.

Megjithatë, një fakt i rëndësishëm është mosha: Messi kishte 21 vjeç kur arriti 80 gola dhe asistime, ndërsa Yamal është vetëm 18 vjeç, duke e bërë këtë rekord edhe më mbresëlënës për talentin spanjoll.

Vetë Messi ka shprehur vlerësimin për Yamal:

“Ka një brez shumë të mirë të lojtarëve të rinj me shumë vite përpara. Nëse duhet të zgjedh një lojtar që më kujton mua kur isha i ri, pa dyshim është Lamine Yamal.”

Yamal, i cili ka shpërthyer menjëherë në startin e Barcelonës, duket se ka një të ardhme të ndritshme dhe po vazhdon të tregojë potencial për t’u bërë një nga yjet më të mëdhenj të klubit.

Sinjali – aty ku e vërteta flet para lajmit!

/GazetaSinjali/

The post Yamal, 18 vjeç, sfidon numrat e Messit në fillim të karrierës appeared first on Sinjali.

Ka vdekur në moshën 95-vjeçare, Haki Dushi, një prej profesorëve të parë të Fakultetit Ekonomik në Kosovë.

Të shtunën, 17 janar, do të mbahet mbledhje komemorative në Fakultetin Ekonomik nga ora 09:30.

Pastaj kortezhi niset për në Gjakovë, ku në Varrezat e Qytetit do të bëhet mbledhje komemorative dhe homazhe në orën 14:00 dhe varrimi në orën 15:00.

Kush ishte Haki Dushi?

Ekonomist, profesor universiteti.

U lind në Gjakovë, ku kreu një pjesë të shkollimit bazë, që më pas e vazhdoi edhe në Pejë, ndërsa studimet e larta për ekonomi i përfundoi në Fakultetin Ekonomik të Universitetit të Beogradit (1959).

Nga viti 1964 punoi mësimdhënës në Shkollën e Lartë Komerciale në Pejë, ku mbajti leksione në lëndën bazat e kontabilitetit, ndërsa nga viti 1969 të njëjtën lëndë e ligjëroi edhe në Fakultetin Ekonomik të Universitetit të Prishtinës.

Tezën e magjistraturës e mbrojti në Fakultetin Ekonomik të Universitetit të Zagrebit, ndërsa në vitin 1978 mbrojti tezën e disertacionit në Fakultetin Ekonomik të Universitetit të Prishtinës, po nga fusha e kontabilitetit.

Ka qenë dekan i Fakultetit Ekonomik për dy mandate, shef i katedrës për kontabilitet, matematikë dhe statistikë dhe ka mbajtur ligjërata edhe në disa universitete dhe kolegje private.

Ka botuar punime shkencore në revista të ndryshme profesionale.

Sinjali – aty ku e vërteta flet para lajmit!

/GazetaSinjali/

The post Vdiq Haki Dushi, një prej profesorëve të parë të Ekonomikut appeared first on Sinjali.

Presidenti i Shteteve të Bashkuara të Amerikës, Donald Trump të premten ka kërcënuar se do të vendosë tarifa ndaj vendeve që nuk pajtohen me ambiciet e tij për të aneksuar Groenlandën.

Trump tha në një takim në Shtëpinë e Bardhë se “mund të vendos një tarifë ndaj vendeve nëse nuk pajtohen për Groenlandën”, e cila është një territor vetëqeverisës nën kontrollin e Danimarkës, raporton BBC.

Ai nuk specifikoi se cilat vende mund të goditen nga tarifat e reja, apo çfarë autoriteti do të përdorte për të vendosur tarifa në ndjekje të këtij qëllimi.

Së bashku me Danimarkën dhe Groenlandën, edhe vende të tjera kundërshtojnë ambiciet e tij, ndërsa shumë njerëz në SHBA kanë shprehur skepticizëm për një blerje të tillë. Ndërsa Trump fliste, një delegacion dypartiak i Kongresit amerikan po vizitonte Groenlandën për të treguar mbështetje për territorin.

Grupi prej 11 anëtarësh përfshinte republikanë që shprehën shqetësime lidhur me thirrjet e presidentit që SHBA të përvetësojë disi Groenlandën për arsye të sigurisë kombëtare. Ata u takuan me deputetë, si dhe me kryeministren daneze Mette Frederiksen dhe homologun e saj groenlandez Jens-Frederik Nielsen.

Udhëheqësi i grupit, senatori demokrat Chris Coons, tha se udhëtimi i tyre kishte për qëllim të dëgjonin vendasit dhe të sillnin pikëpamjet e tyre në Uashington “për të ulur tensionet”.

Trump ka thënë se Groenlanda është jetike për sigurinë e SHBA-së – dhe se SHBA do ta marrë atë “në mënyrën e lehtë” ose “në mënyrën e vështirë” – një referencë ndaj ideve për të blerë ishullin ose për ta marrë me forcë.

“Unë mund të vendos një tarifë ndaj vendeve nëse nuk pajtohen për Groenlandën, sepse ne kemi nevojë për Groenlandën për sigurinë kombëtare,” tha Trump në takimin në Shtëpinë e Bardhë mbi kujdesin shëndetësor rural.

Groenlanda është pak e populluar, por e pasur me burime, dhe pozicioni i saj mes Amerikës së Veriut dhe Arktikut e bën atë të përshtatshme për sisteme paralajmërimi të hershëm në rast sulmesh me raketa dhe për monitorimin e anijeve në rajon.

SHBA tashmë ka më shumë se 100 personel ushtarak të stacionuar përherë në bazën e saj Pituffik – një objekt që është operuar nga SHBA që nga Lufta e Dytë Botërore.

Sipas marrëveshjeve ekzistuese me Danimarkën, SHBA ka të drejtën të sjellë sa trupa të dëshirojë në Groenlandë.

Por Trump ka thënë se SHBA duhet ta “zotërojë” atë për ta mbrojtur siç duhet nga sulme të mundshme ruse ose kineze.

Danimarka ka paralajmëruar se veprimi ushtarak do të shënonte fundin e NATO-s – aleancës transatlantike të mbrojtjes ku SHBA është partneri më me ndikim.

NATO funksionon mbi parimin që aleatët duhet t’i vijnë në ndihmë njëri-tjetrit në rast sulmi nga jashtë – dhe kurrë nuk është përballur me një situatë ku një anëtar do të përdorte forcë kundër një tjetri.

Aleatët evropianë janë rreshtuar në mbështetje të Danimarkës.

Ata kanë thënë gjithashtu se rajoni i Arktikut është po aq i rëndësishëm për ta dhe se siguria e tij duhet të jetë përgjegjësi e përbashkët e NATO-s – me përfshirjen e SHBA-së.

Për këtë qëllim, disa vende, përfshirë Francën, Gjermaninë, Suedinë, Norvegjinë, Finlandën, Holandën dhe Mbretërinë e Bashkuar, kanë dërguar një numër të kufizuar trupash në Groenlandë në një të ashtuquajtur mision zbulimi.

Presidenti francez Emmanuel Macron tha se “mjete tokësore, ajrore dhe detare” do të dërgoheshin së shpejti.

Vizita e delegacionit të Kongresit amerikan vjen disa ditë pasi bisedimet e nivelit të lartë në Uashington dështuan ta bindnin Trumpin të hiqte dorë nga planet e tij.

Delegacioni përfshin senatorë dhe anëtarë të Dhomës së Përfaqësuesve të SHBA-së që janë mbështetës të zjarrtë të NATO-s.

Edhe pse Coons dhe shumica e delegacionit janë kundërshtarë demokratë të Trumpit, grupi përfshin edhe senatorët republikanë Thom Tillis dhe Lisa Murkowski.

E pyetur se çfarë mund të bënin anëtarët e zgjedhur të Kongresit për ta ndalur Trumpin, Murkowski tha se Kongresi ka rolin e tij në vendimmarrjen për shpenzimet në SHBA – një referencë ndaj aftësisë së ligjvënësve për të mos autorizuar fonde për operacione ushtarake.

Deputetja groenlandeze Aaja Chemnitz tha se takimi me ligjvënësit amerikanë e kishte bërë atë “shpresëplotë”. Ajo i tha BBC-së: “Na duhen miq. Na duhen aleatë.”

E pyetur për hendekun e madh mes qëndrimit të Shtëpisë së Bardhë dhe pozicionit të Groenlandës dhe Danimarkës, ajo tha: “Është një maratonë, jo një sprint i shkurtër.

“Presioni nga pala amerikane është diçka që e kemi parë që nga viti 2019. Do të ishte naive të mendonim se gjithçka ka përfunduar tani.”

Ajo shtoi: “Po ndryshon pothuajse nga ora në orë. Pra, sa më shumë mbështetje që mund të marrim, aq më mirë.”

Murkowski është një nga sponsoret e një projektligji dypartiak që synon të pengojë aneksimin e Groenlandës.

Një kongresmen republikan ka paraqitur gjithashtu një projektligj rival në mbështetje të aneksimit të ishullit.

I dërguari i Trumpit për Groenlandën, Jeff Landry, i tha Fox News të premten se SHBA duhet të flasë me udhëheqësit e Groenlandës, jo me Danimarkën.

“Unë besoj se ka një marrëveshje që duhet dhe do të arrihet pasi kjo të zhvillohet,” tha ai.

“Presidenti është serioz. Mendoj se ai i ka vendosur qartë kufijtë. Ai i ka thënë Danimarkës se çfarë kërkon, dhe tani është çështje që Sekretari [i Shtetit Marco] Rubio dhe Zëvendëspresidenti JD Vance të bëjnë një marrëveshje.

“Shtetet e Bashkuara kanë qenë gjithmonë një palë mikpritëse. Ne nuk shkojmë aty duke u përpjekur të pushtojmë apo të marrim vendin e dikujt tjetër. Ne themi: ‘Dëgjoni. Ne përfaqësojmë lirinë. Ne përfaqësojmë forcën ekonomike. Ne përfaqësojmë mbrojtjen.’”

Sinjali – aty ku e vërteta flet para lajmit!

/GazetaSinjali/

The post Trump kërcënon me tarifa të reja vendet që kundërshtojnë marrjen e Groenlandës nga ana e SHBA-ve appeared first on Sinjali.

Ministria e Arsimit, Shkencës, Teknologjisë dhe Inovacionit (MAShTI) ka marrë vendim për tërheqjen e 16 licencave të mësimdhënësve.

Këtë e ka bërë të ditur përmes një postimi në Facebook, ministrja Arbërie Nagavci, duke shtuar se licencimi dhe rilicencimi i mësimdhënësve mbetet një mekanizëm kyç për sigurimin e cilësisë në arsim.

Sipas saj, vendimi për tërheqjen e licencave vjen pas një inspektimi tematik të realizuar nga Inspektorati i Arsimit në një shkollë në Rahovec, ku janë konstatuar shkelje dhe mospërfillje e procedurave ligjore.

“Reformat në arsim kërkojnë përgjegjësi. Ne mbesim të përkushtuar për një arsim cilësor dhe me standarde,” ka deklaruar Nagavci.

Sinjali – aty ku e vërteta flet para lajmit!

/GazetaSinjali/

The post MAShTI ua tërheq licencat 16 mësimdhënësve në Rahovec appeared first on Sinjali.

Forcat e sigurisë së Iranit raportohet se kanë prani të madhe në rrugët e Iranit, pas më shumë se dy javësh protesta që po zbehen dhe pas një shtypjeje të ashpër që ka lënë të vdekur mijëra iranianë dhe teksa qytetarët në Republikën Islamike po përballen me bllokim të internetit.

Raportimet duket se sugjerojnë që protestat masive, si dhe shtypja brutale nga autoritetet, duket se janë fashitur.

“Burimet tona të pavarura kanë konfirmuar prani të ashpër të ushtrisë dhe personelit të sigurisë dhe qytete dhe qyteza ku janë mbajtur më herët protesta, por edhe në disa lokacione ku nuk ka pasur demonstrata të mëdha”, tha grupi për të drejtat e njeriut, Hengaw, me seli në Norvegji.

Autoritetet iraniane kanë kryer një nga shtypjet më të dhunshme ndonjëherë, pasi njerëz në mbarë vendin dolën në rrugë në protesta antiqeveritare, të cilat shihen si një nga sfidat më të mëdha ndaj sundimit klerikal që nga Revolucioni Islamik i vitit 1979.

Me një bllokadë pothuajse të plotë të internetit që ka hyrë në ditën e tetë, sipas organizatës monitoruese NetBlocks, tensionet mbeten të larta dhe informacioni është i pakët. NetBlocks theksoi se ndërprerja e internetit po zgjat më shumë se bllokada që ishte aplikuar gjatë protestave të vitit 2019.

“Në vitin 2019, vetëm pasi u rikthye lidhja me internetin u bë e ditur shkalla brutale e shtypjes”, tha kjo organizatë.

Organizatat për të drejtat e njeriut thonë se gjithnjë e më shumë ka prova për vrasje masive të protestuesve nga forcat e sigurisë së Iranit, pasi demonstratat mbarëkombëtare u përshkallëzuan më 8 janar.

Monitoruesi i pavarur i të drejtave të njeriut me seli në Shtetet e Bashkuara, HRANA, tha se sipas të dhënave të tij të konfirmuara dhe të verifikuara, më 15 janar numri i protestuesve të vdekur kishte arritur në 2.677 protestues, ndërsa mbi 19.000 të tjerë ishin arrestuar. Organizata Iran Human Rights, me seli në Norvegji, tha se sipas hulumtimit që ka bërë, të paktën 3.428 protestues janë vrarë.

Ndërkaq, Human Rights Watch raportoi se, duke filluar nga 8 janari, “forcat e sigurisë e intensifikuan shtypjen vdekjeprurëse në mënyrë të koordinuar… duke rezultuar në vrasje dhe plagosje në shkallë të gjerë të protestuesve dhe kalimtarëve në mbarë vendin”.

Organizata shtoi se kufizimet e ashpra në komunikim kanë kufizuar mundësinë e verifikimit në mënyrë të pavarur të shkallës së plotë të mizorive.

Shumë organizata kanë deklaruar se numri real i viktimave ka të ngjarë të jetë disa herë më i lartë se shifrat e raportuara deri më tani.

Në të gjithë Lindjen e Mesme, tensionet janë zbutur po ashtu sa i përket mundësisë së sulmeve amerikane ndaj Iranit për shkak të shtypjes së dhunshme të protestave.

Shtëpia e Bardhë tha më 15 janar se presidenti amerikan, Donald Trump, dhe zyrtarë të tjerë e kanë paralajmëruar Teheranin se do të ketë “pasoja të rënda” nëse vazhdon gjakderdhja.

Sipas raportimeve, një protestues i arrestuar, 26-vjeçari Erfan Soltani, do të ekzekutohej më 14 janar, gjashtë ditë pas arrestimit të tij nën akuzën për “luftë kundër Zotit” për rolin e tij në protestat.

Organizatat për të drejtat e njeriut thanë se ekzekutimi nuk u krye pas një paralajmërimi nga Trumpi. Më vonë, Qendra Mediatike e Drejtësisë iraniane deklaroi se raportimet, sipas të cilave, Soltani do të përballej me ekzekutim ishin “të trilluara” dhe se ai akuzohet për “mbledhje informacioni dhe bashkëpunim kundër sigurisë së brendshme të vendit dhe aktivitete propagandistike kundër regjimit”.

Trump nuk ka sqaruar se çfarë veprimesh mund të ndërmarrin Shtetet e Bashkuara kundër Iranit dhe kur, por disa persona janë këshilluar nga Uashingtoni që të largohen nga baza kryesore ajrore amerikane në rajon pasi Teherani paralajmëroi shtetet fqinje që mirëpresin trupat amerikane se do të hakmerrej ndaj bazave amerikane nëse Uashingtoni i bën realitet kërcënimet e tij.

Më 16 janar, Reza Pahlavi, djali i ish-shahut të Iranit, i cili u rrëzua nga pushteti në vitin 1979, tha se ishte ende i bindur se Republika Islame dhe regjimi i saj do të bien përballë protestave masive.

“Republika islame do të bjerë, jo nëse, por kur”, tha ai në një konferencë për media në Uashington. “Unë do të kthehem në Iran”.

Ish-princi i kurorës është shfaqur si një figurë kryesore e opozitës gjatë protestave aktuale, ndërsa opozita më e gjerë është e fragmentuar dhe e paorganizuar.

Në javët e fundit, Pahlavi vazhdimisht ka bërë thirrje që Trump të ndërhyjë. Gjatë konferencës për media, ai edhe njëherë tjetër bëri apel për një presion më të madh ndërkombëtar për të ndihmuar protestuesit dhe për të shtuar presionin mbi Teheranin.

“Populli iranian po ndërmerr veprime vendimtare në terren. Tani është koha që komuniteti ndërkombëtar t’iu bashkohet atyre plotësisht”, tha ai.

Presidenti rus, Vladimir Putin, deri më tani kishte qëndruar i heshtur që nga nisja e protestave në Iran.

Më 16 janar, Kremlini njoftoi se Putin diskutoi situatën në Iran gjatë bisedave të ndara telefonike me presidentin iranian Masud Pezeshkian dhe kryeministrin izraelit Benjamin Netanyahu, dhe tha se Moska ishte e gatshme të ndërmjetësonte në rajon.

Rusia është prej kohësh aleate e Teheranit, i cili e ka mbështetur Moskën në pushtimin e Ukrainës, veçanërisht përmes furnizimeve me pajisje ushtarake, sikurse dronë./rel

Sinjali – aty ku e vërteta flet para lajmit!

/GazetaSinjali/

The post Mijëra të vrarë, teksa forcat e sigurisë së Iranit mbajnë kontrollin appeared first on Sinjali.

Agjencia e Ushqimit dhe Veterinarisë (AUV) ka njoftuar lidhur me praninë e substancës Cereulide në formulën e ushqimit për fëmijë me origjinë nga Holanda, dhe është konstatuar se subjekti “Rossmann & LALA SH.P.K.” në Shqipëri ka eksportuar 462 copë të këtij produkti në Republikën e Kosovës për kompaninë “Rossmann Kosova”.

Agjencia e Ushqimit dhe Veterinarisë njofton se, në bashkëpunim me kompaninë, është bërë bllokimi i këtij produkti dhe se së shpejti do të fillojë procesi i asgjësimit, në përputhje me legjislacionin në fuqi.

Gjithashtu në njoftim thuhet se edhe pse Agjencia e Ushqimit dhe Veterinarisë po përballet me mungesë të inspektorëve, ajo mbetet e përkushtuar në monitorimin e vazhdueshëm të tregut dhe të zinxhirit ushqimor, me qëllim të garantimit që konsumatorët në Republikën e Kosovës të kenë në dispozicion ushqim të sigurt dhe të shëndetshëm.

Sinjali – aty ku e vërteta flet para lajmit!

/GazetaSinjali/

The post AUV bllokon produktin ushqimor me substancë Cereulide appeared first on Sinjali.