Kryetari i Kuvendit Niko Peleshi, ka njoftuar shtyrjen pa afat të mbledhjes së Këshillit për Rregulloren, Mandatet dhe Imunitetin e planifikuar për të mërkurën, me justifikimin se vendimi i Kuvendit për heqjen e imunitetit të Belinda Ballukut varet nga vendimi që do të marrë Gjykata Kushtetuese për një masë tjetër ndaj saj të dhënë nga Gjykata e Posaçme.

Pas 1 muaj e gjysmë zvarritje mazhoranca socialiste ka vendosur të kërkojë akoma më shumë kohë për të shqyrtuar kërkesën e Prokurorisë së Posaçme, SPAK, për arrestimin e zv.Kryeministres dhe ministres së Infrastrukturës dhe Energjisë, Belinda Balluku, e cila akuzohet për “shkelje të barazisë në tendera” me vlerë qindra milionë euro.

Në kundërshtim me rregulloren dhe praktikat e mëparshme parlamentare Kryetari i Kuvendit, Niko Peleshi, ka vendosur të shtyjë mbledhjen e Këshillit të Mandateve, e njoftuar prej tij për të mërkurën, duke rrezikuar kështu të djegë limitet kohore që ka Kuvendi për t’u shprehur ndaj një kërkese të prokurorisë për arrestimin e një deputeti.

Justifikimi i Peleshit për shtyrjen lidhet me një vendim të pritshëm të Gjykatës Kushtetuese për një masë tjetër të marrë më herët nga Gjykata e Posaçme ndaj Ballukut, çështje e cila nuk ka lidhje me kërkesën e SPAK në Kuvend.

Në njoftimin për shtyrjen e mbledhjes, thuhet se është marrë në konsideratë kërkesa e disa anëtarëve të Këshillit, që shqyrtimi i kërkesës së SPAK “të lidhet me marrjen dhe vlerësimin paraprak të vendimit përkatës të Gjykatës Kushtetuese”.

Peleshi vlerëson se; “një shqyrtim i tillë synon garantimin e një procesi vendimmarrjeje të plotë, objektiv dhe në përputhje me parimet kushtetuese, me qëllim shmangien e cenimit të parimit të sigurisë juridike dhe garantimin e rregullsisë kushtetuese të veprimtarisë dhe vendimmarrjes së Kuvendit”.

Zvarritja prej javësh e mbledhjes vjen në një linjë me qëndrimin e Kryeministrit Edi Rama që paralajmëroi publikisht se mazhoranca që ai drejton do të priste të shprehej Gjykata Kushtetuese para se të merrte qëndrim për heqjen e imunitetit parlamentar të Ballukut.

Gjykata Kushtetuese ndërkohë pritet të shpallë vendimin për kërkesën e Ramës për të shqyrtuar ligjshmërinë e vendimit të Gjykatës së Posaçme për pezullimin nga detyra të Ballukut, vendim që sipas tij është në konflikt kompetencash me rolin e Kryeministrit dhe të Këshillit të Ministrave. Më herët kjo gjykatë ka vendosur ngrirjen e efekteve të pezullimit duke e kthyer Ballukun në detyrë deri në vendimin përfundimtar të çështjes.

Çështja u shqyrtua në themel më 22 janar, por gjyqtarët kushtetues nuk janë mbledhur ende për të shpallur vendimin.

Balluku është rasti i parë kur një zyrtare kaq e lartë e qeverisë merret e pandehur nga SPAK me akuza për shkelje të barazisë në tendera me vlerë qindra milionë euro dhe vijon të qëndrojë në detyrë, ndërkohë që kryeministri ka marrë përsipër mbrojtjen e saj juridike dhe publike.

Shtyrja përtej 3 muajve e shqyrtimit të kërkesës së SPAK mund të çojë në rrëzimin automatik të saj, sipas parashikimeve të Rregullores së Kuvendit.

Kërkesa e SPAK në Kuvend ka mbërritur më 16 dhjetor dhe mbledhja e parë e Këshillit u thirr më 19 dhjetor, mbledhje e cila nuk arriti në asnjë rezultat pasi socialistët kërkuan 3 javë kohë që të njihen me një dosje hetimore voluminoze rreth 16 mijë faqe që prokuroria ka dorëzuar në Kuvend, përkundër kërkesës së prokurorëve që mjaftonin 3 deri në 5 ditë.

Gjithsesi asnjë anëtar socialist i këshillit dhe as avokati nuk e kanë tërhequr dosjen në Kuvend për t’u njohur me të, ndërsa Peleshi refuzoi në mënyrë të përsëritur të mblidhte Këshillin pavarësisht kërkesave të përsëritura të 5 anëtarëve të opozitës në Këshill, sipas parashikimeve të rregullores.

Në janar Partia Demokratike dorëzoi një kallëzim penal ndaj tij për “shpërdorim detyre” duke akuzuar se ka penguar drejtësinë duke cenuar hetimet e prokurorisë.

Është kjo strukturë bipartizane parlamentare që pas shqyrtimit të kërkesës së prokurorisë harton një raport për në seancë plenare, në të cilin rekomandon rrëzimin ose miratimin e dhënies së autorizimit.

Sipas ekspertëve të ligjit, zvarritja e shqyrtimit të kërkesës së Prokurorisë së Posaçme bie në kundërshtim me frymën e dispozitave ligjore dhe vendos një precedent të rrezikshëm të qëndrimit të Kuvendit./BIRN

The post Vendimi i Peleshit në kundërshtim me rregulloren/ Kuvendi shtyu mbledhjen e Këshillit të Mandateve për Ballukun, BIRN: Mbi një muaj e gjysmë zvarritje nga mazhoranca socialiste appeared first on Albeu.com.

Vasil Palo, ishte një prej dy shqiptarëve dhe 7 tifozëve të PAOK-ut, që humbi jetën në aksidentin tragjik të ditës së djeshme në Rumani, teksa udhëtonin drejt Lionit të Francës për ndeshjen e radhës në Europë.

Thoma Nika (foto sipër), i afërm i të riut shqiptar nga Korça, që ishte një prej tifozëve më aktivë të skuadrës greke, ka rrëfyer se si e njeh të ndjerin, lidhjet familjare me të dhe çfarë di për ngjarjen e rëndë.

“Jam kushëriri i parë i babait të Vasilit. Ne e morëm vesh lajmin nga TV, e dhanë lajmet. Djali kishte lindur në Greqi. Djem të rinj ndjekin ndeshjet, nuk e di çfarë ekipi ishte, pak e di, siç iknin me fugon ishin përplasur me një kamion edhe kjo është ngjarja. Jetonte në Greqi, i ati i kishte vdekur. Jetonte me motrën me të ëmën”, rrëfen ai.

Dhe më tej tregon për marrëdhëniet familjare, dramën sociale dhe të kaluarën.

“Nuk kemi pasur shumë lidhje që kur i vdiq i ati dhe e ëma u rimartua me një tjetër dhe ne nuk dimë se çfarë ndodhte andej, s’kanë ardhur ndonjëherë këtu në Shqipëri ata. Pavarësisht se ne nuk kemi pasur lidhje se siç ikën, se ne nuk vinim dot, se nuk kemi as kartat, pasaportat që të vemë dhe duke të vdekur dhe kushëriri mbyllen shumë gjëra, nuk e dimë, se e ëma u martua. Ka gati 10 vite i ati që i ka vdekur, kur ishte rreth 13-14 vjeç Vasili, kur i vdiq i ati”.

Thomai thotë se është fat i keq dhe fatkeqësi e madhe ajo që ka ndodhur.

“Ishin emigrantë në Greqi, nga Korça është edhe e ëma, të gjithë nga Korça dhe siç ikin shqiptarët. Andej kanë lindur dhe djali dhe vajza. Fat i keq, fatkeqësi e madhe”, shprehet Nika.

Vasil Palo humbi jetën në mënyrë tragjike nga një aksident së bashku me 6 tifozë të tjerë të PAOK FC, në një udhëtim drejt Lionit të Francës.

The post Udhëtimi i fundit drejt Lionit/ Rrëfehet kushëriri i tifozit shqiptar të PAOK që vdiq në aksidentin tragjik: Vasili kishte lindur në Greqi, i ati… appeared first on Albeu.com.

Këtë të mërkurë, Presidenti i Republikës, Bajram Begaj vizitoi Shtëpinë Muze të shkrimtarit Ismail Kadare në Tiranë, në përkujtim të tij me rastin e 90-vjetorit të lindjes.

Kreu i Shtetit, vlerësoi veprën e Kadaresë dhe kontributin e tij përmes letërsisë në njohjen ndërkombëtare të identitetit dhe historisë sonë.

“Muza e Kadaresë ishte Shqipëria. Por ai pati fuqinë e magjisë që me penën e tij të nxjerrë nga thellësitë e historisë mitet, kujtesën dhe dinjitetin e kombit tonë e t’i shndërronte në letërsi të papërsëritshme botërore”, – vlerësoi Presidenti Begaj.

Gjithashtu, Begaj theksoi edhe rëndësinë e përcjelljes së kësaj vepre te gjeneratat e ardhshme.

Mesazhi i plotë i Begajt:

“Muza e Kadaresë ishte Shqipëria. Por ai pati fuqinë e magjisë që me penën e tij të nxjerrë nga thellësitë e historisë mitet, kujtesën dhe dinjitetin e kombit tonë e t’i shndërronte në letërsi të papërsëritshme botërore. Sot, në 90-vjetorin e datëlindjes, vizitova muzeun e tij në Tiranë, shtëpinë ku ai shkroi pjesën më të madhe të veprave.

Besoj se ne duhet të edukojmë fëmijët e të rinjtë që të vijojnë letërsinë e mrekullueshme të tij”.

The post Përkujtimi për 90-vjetorin e lindjes të Kadaresë/ Presidenti Begaj vizitë në Shtëpinë Muze të shkrimtarit appeared first on Albeu.com.

Detaje të reja kanë dalë në dritë lidhur me plagosjen e ndodhur mbrëmjen e kaluar në Shijak, ku mbeti i plagosur shtetasi Denis Çumani.

Sipas burimeve nga grupi hetimor, shkak i konfliktit dyshohet të ketë qenë një vajzë. Hetimet tregojnë se i plagosuri kishte ngacmuar një vajzë, e cila ndodhej në një lidhje me shtetasin Dorian Ferra.

Në momentin e ngjarjes, Dorian Ferra ndodhej në një lokal së bashku me vajzën, ndërsa kjo e fundit po merrte vazhdimisht mesazhe nga Denis Çumani, të cilat ajo i kishte fshirë për të shmangur përplasjen.

Pas insistimit të Ferrës për të mësuar identitetin e personit që po i shkruante, ai është vënë në dijeni për situatën.

Detaje të reja kanë dalë në dritë lidhur me plagosjen e ndodhur mbrëmjen e kaluar në Shijak, ku mbeti i plagosur shtetasi Denis Çumani.

Sipas burimeve nga grupi hetimor, shkak i konfliktit dyshohet të ketë qenë një vajzë. Hetimet tregojnë se i plagosuri kishte ngacmuar një vajzë, e cila ndodhej në një lidhje me shtetasin Dorian Ferra.

Në momentin e ngjarjes, Dorian Ferra ndodhej në një lokal së bashku me vajzën, ndërsa kjo e fundit po merrte vazhdimisht mesazhe nga Denis Çumani, të cilat ajo i kishte fshirë për të shmangur përplasjen.

Pas insistimit të Ferrës për të mësuar identitetin e personit që po i shkruante, ai është vënë në dijeni për situatën.

Sipas hetimeve, autorët e dyshuar i kanë vendosur armën e zjarrit fillimisht në kokë dhe më pas në brinjë, duke e qëlluar një herë dhe duke e lënë të plagosur rëndë.

I dëmtuari u transportuar fillimisht në spitalin e Durrësit dhe më pas është dërguar me urgjencë në Spitalin e Traumës në Tiranë, ku ndodhet në gjendje të rëndë shëndetësore.

Ndërkohë, dy kushërinjtë Ferra janë larguar nga vendngjarja dhe vijojnë të jenë në kërkim, ndërsa Policia, në bashkëpunim me Prokurorinë, po punon për lokalizimin dhe arrestimin e tyre, si dhe për dokumentimin e plotë ligjor të kësaj ngjarjeje.

The post I ngacmoi të dashurën në lokal/ Zbardhen detaje nga ngjarja në Shijak, 2 kushërinjtë plagosën 45-vjeçarin (EMRAT) appeared first on Albeu.com.

Shkrirja e Kadastrës së Vlorës, ka shkaktuar kaos dhe paqartësi institucionale, teksa 55 punonjësit e mbështetur edhe nga zv/drejtori i shkarkuar Sokol Shehaj, kanë protestuar dhe bërë peticion kundër zhvendosjes në Tiranë të drejtorisë.

Në këtë situatë të krijuar, Drejtoria e Përgjithshme e Kadastrës, ASHK, ka bërë një njoftim për punonjësit që të dërgojnë kërkesat nëse duan të transferohen me punë në Drejtorinë e Kadastrës Fier.

Në njoftim jepen edhe specifikat se si të veprojnë në shprehjen e interesit dhe ku të adresohen.

Por vetë punonjësit e Kadastrës së Vlorës, jashtë kamerave thonë se ky është “muhabet kot dhe për t’i përçarë”.

“Ata thonë se ka vende në Fier, por atje nuk ka vende bosh”, shprehen punonjësit, që vijojnë protestën e tyre dhe kërkojnë një zgjidhje zyrtare.

Ata shprehen se zhvendosja në Tiranë jo vetëm u rrezikon mbylljen e vendit të punës, por edhe pamundësinë për të shkuar çdo ditë në kryeqytet dhe kthyer, kur janë me familje e fëmijë.

Edhe qytetarët e Vlorës kanë shprehur shqetësimin e tyre për këtë vendim, duke deklaruar se “tani punët dhe hallet e tyre do shkretohen fare”, duke e krahasuar vendimin si një “varr”.

Nga ana e saj, Agjencia Shtetërore e Kadastrës ka reaguar në lidhje me zhvendosje n e Kadastrës së Vlorës drejt Tiranës.

Ajo shprehet se qytetarët nuk preken dhe se procesi i transferimit të institucionit ka nisur 5 vite më parë dhe më 1 shkurt hyn në fuqi.

Reagimi i plotë:

“Agjencia Shtetërore e Kadastrës vijon punën për përmirësimin e shërbimeve ndaj qytetarëve, përmes thjeshtimit dhe lehtësimit të proceseve të brendshme institucionale.

Prej kohësh, proceset kadastrale për disa drejtori vendore janë të lokalizuara në Tiranë, si pjesë e një modeli organizimi që synon optimizimin e burimeve njerëzore dhe proceseve administrative.

Të gjitha aplikimet kryhen online përmes portalit e-Albania dhe shërbimet përkatëse ofrohen gjithashtu në mënyrë elektronike, drejtpërdrejt në profilin e qytetarit aplikues.

Gjithashtu, dokumentacioni i nevojshëm për trajtimin e aplikimit, përveç ngarkimit në sistemin elektronik, dërgohet përmes Postës Shqiptare pranë drejtorisë vendore, pavarësisht vendndodhjes së saj, për t’u administruar dhe bashkëlidhur me aplikimin e kryer në mënyrë të rregullt dhe të standardizuar.

Procesi i transferimit të drejtorive vendore në Tiranë ka nisur që në vitin 2021 me transferimin e Durrësit e Krujës, për të vijuar më tej edhe me drejtori të tjera si Shkodër, Kavajë, Kamëz -Vorë, dhe Vlorë.

Në kuadër të rritjes së efikasitetit dhe të mirëadministrimit të proceseve të parashikuara nga legjislacioni në fuqi, edhe pjesa e mbetur e punonjësve në qytetin e Vlorës, po zhvendoset në Tiranë. Ky riorganizim synon përshpejtimin e trajtimit dhe unifikimin e praktikave të punës.

Falë digjitalizimit dhe përdorimit të sistemeve të avancuara, një jurist mund të përpunojë të gjithë dokumentacionin ligjor dhe një hartograf mund të kryejë reflektimet hartografike në sistemet përkatëse, pa qenë prezent fizikisht në territorin në të cilin ndodhet prona apo aplikuesi.

Sigurojmë banorët e Vlorës se jemi të përkushtuar për të përmirësuar cilësinë e shërbimeve kadastrale, për të rritur ritmin e legalizimit të ndërtimeve informale si dhe për të përfunduar procesin e Regjistrimit Fillestar në zonat e mbetura në të gjithë qarkun e Vlorës.

Agjencia Shtetërore e Kadastrës mbetet e angazhuar që, përmes digjitalizimi të proceseve, të ofrojë shërbime gjithnjë e më të shpejta, transparente dhe të besueshme për çdo qytetar, në çdo drejtori vendore”.

The post Transferimi i Kadastrës së Vlorës, ASHK: Procesi ka nisur 5 vite më parë, qytetarët nuk penalizohen appeared first on Albeu.com.

Deputeti socialist Erion Braçe, ka shprehur shqetësimin e tij për votimin e ndryshimeve në Kodin penal gjatë seancës maratonë të parlamentit, teksa ka lënë edhe një koment për kërkesën e SPAK ndaj Kuvendit për heqjen e imunitetit të zv/kryeministres Belinda Balluku dhe shtyrjes së mbledhjes së sotme (28 janar) të Këshillit të Imuniteteve, me pretendimin se pritet vendimi i Kushtetueses mbi pezullimin nga detyra.

Ai tha se ai nuk bën pjesë te Këshilli i Imuniteteve, pasi interesi i tij më shumë janë çështjet ekonomike, por ndau mendimin se, “për sa kohë është nën hetim nga SPAK, zv/kryeministrja nuk ka imunitet”.

“Nuk ka imunitet sa kohë që duke u hetuar është pa imunitet. Është ngritur një akuzë për të, po hetohet dhe prezumohet e pafajshme deri një vendim të formës së prerë të gjykatës, se në Kuvend çfarë nuk dëgjova. Se si e koordinon punën Këshilli i Mandateve, pyesni kreun e Kuvendit”, tha ai.

“Nuk jam pjesë e Këshillit të Mandateve, nuk e di jam larg kësaj historie se si funksionon, Këshilli i Mandateve është larg fushës time të kompetencës unë merrem drejtpërdrejtë me ekonomisë. Më shqetëson ajo që pason pas miratimit të ndryshimit në Kodin Penal që u miratua dje. Po dal në zonën time në lagje të shoh pikërisht këtë gjë, Dje nuk e votova, është ligj qesharak”, tha ai.

The post SPAK kërkon arrestimin e Ballukut, por Këshilli i Mandateve shtyu mbledhjen/ FletErion Braçe: Për sa kohë po hetohet, zv/kryeministrja s’ka imunitet appeared first on Albeu.com.

Gjykata kundër Korrupsionit dhe Krimit të Organizuar, ka dënuar Moisi Habilajn me 15 vite burg, por për shkak të gjykimit të shkurtuar dënimi ulet në 10 vite heqje lirie.

Gjithshtu, GJKKO ka dënuar me 12 vite burg edhe “financierin” e grupit, Nezar Seiti. Por edhe ky për shkak të gjykimit të shkurtuar duhet të kryej 8 vite heqje lirie.

Ndërkohë, është pushuar çështja për dy persona të tjerë, Fatmir Minajn dhe Meridian Sulajn.

Moisi Habilaj, është kushëri i ish-ministrit të Brendshëm, Saimir Tahiri, i cili u akuzua se favorizonte këtë grup kriminal.

DËSHMIA E MOISI HABILAJT

“Në fashikullin e gjykimit të Shkallës së Parë, rezulton se prokurorët kanë marrë në pyetje si person ndaj të cilit zhvillohen hetimet z. Moisi Habilaj, me datë 30.05.2018. Ai ka deklaruar ndër të tjera se ka filluar trafikun e marijuanës nga Shqipëria në Itali në vitin 2012 me këshillën e një farë “Fatosh”, i quajtur “Toshi”, mbiemrin e të cilit nuk e di, por ishte pronar i një hoteli, i quajtur “Europa” dhe se me të e ka prezantuar z. Sabaudin Çelaj.

Ai ka treguar se detyra e parë ka qenë trafikimi i lëndës narkotike 1600 kilogramë e sekuestruar në Brucoli, Itali. Ai ka sqaruar se merrej me dërgesat dhe se janë kryer katër të tilla dhe se transporti kryhej gjithmonë me det dhe me peshkarexha italiane. Ai ka deklaruar se në Shqipëri vepronte “Fatoshi” dhe se në Itali merrej ai, z. Maridian Sulaj, z. Sabaudin Çelaj, z. Nezar Seiti dhe se takohej me Fatoshin në Shqipëri dhe se shkëmbenin edhe mesazhe me telefon.

Ai deklaron se nuk flisnim asnjëherë në përgjimet e prokurorisë dhe se ai na kishte këshilluar që të mos ia përmendnim asnjëherë emrin dhe se ato i thërrisnin “kapo”, duke shtuar se ai ishte shumë i zgjuar dhe se ndryshonte disa herë numrin dhe se nuk mban mend asnjëherë numër të tij të telefonit.

Ai ka treguar se në episodin e peshkarexhës “Fatima” ishin njerëzit e Toshit dhe emrat nuk ua kujton. Ai ka deklaruar se garancia se kishin mbrojtje, që u thoshin italianëve, ishte për t’i qetësuar dhe se realisht nuk kishin mbrojtje në Shqipëri, duke shtuar se në ato momente i dërgonte mesazhe Fatoshit, sepse nuk ishte aty. Ai ka deklaruar se ka pasur kontakte me z. Sokol Bode edhe në periudhën kur merrej me trafikun e drogës dhe se nuk mban mend të ketë komunikuar me të me datë 5 maj 2015. Ai ka deklaruar se nuk kujton nëse z. Florian Habilaj ishte apo jo me të në datë 6 maj 2015 dhe se, nga ana tjetër, nuk i njeh z. Jaeld Çela dhe z. Gjergji Kohila.

Ai ka deklaruar se në dyqanin “Hugo Boss” ka blerë rroba vetëm për vete, sepse ka qenë një javë para ditëlindjes dhe se e ka mohuar se ka folur për z. Saimir Tahiri apo për të ëmën dhe gruan e tij, duke sqaruar se nuk e di pse e përmendte emrin e z. Saimir Tahiri kur ishte me z. Enea Sulaj te dyqani “Hugo Boss”.

Ai ka sqaruar se e ka përmendur emrin e z. Saimir Tahiri nga injoranca dhe për t’i dhënë rëndësi vetes, por jo më shumë. Ai ka sqaruar se bizhuteritë i ka blerë për Fatoshin, por nuk e di nëse ishin për të ëmën apo vjehrrën apo për ndonjë tjetër dhe se një javë më vonë në Shqipëri ia ka dhënë Fatoshit bizhuteritë.

Ai ka deklaruar se z. Saimir Tahiri e ka parë vetëm në televizor dhe se nuk ka folur asnjëherë me të personalisht apo në telefon dhe se e di që vëllai i tij, z. Artan Habilaj, ka blerë automjetin e z. Saimir Tahiri dhe se nuk e kishte realizuar kalimin e pronësisë për arsyen e një ndalimi administrativ, duke shtuar se nuk di se sa ka qenë çmimi dhe nuk e di nëse z. Artan Habilaj e njeh atë personalisht.

Ai ka sqaruar se të tre vëllezërit kishin një biznes frutaperimesh dhe se secili i shpenzon fitimet nga ky biznes sikur do. Ai nuk e mban mend se në çfarë periudhe është blerë automjeti i z. Saimir Tahiri dhe deklaron se e ka përdorur këtë automjet 4 ose 5 herë për të shkuar në Greqi, në Itali dhe në Mal të Zi. Ai ka sqaruar se në doganë kur shkonte atij i kërkonin vetëm dokumentet e makinës dhe asgjë tjetër.

Ai ka deklaruar se nuk e njeh z. Orges Liperi dhe se as z. Naim Brahimaj dhe se këtë të fundit beson se e ka njohur pasi kanë ardhur në Itali për të blerë gomone, duke qenë se ai ishte mekanik dhe nevojitej për të marrë motorin dhe se atë e ka dërguar vëllai i tij, z. Artan Habilaj, por se gomonia nuk i pëlqeu.

Ai ka deklaruar se kanë vajtur në Sardenja për gomonen dhe se z. Naim Brahimaj e ka gjetur atje dhe se nuk e di se si kishte udhëtuar. Ai më tej ka sqaruar se e njeh z. Aurel Konakçiu dhe bashkë me të dhe me z. Naim Brahimaj kanë çuar në Brindisi një gomone për riparime, duke sqaruar se kanë qenë së bashkë në gomone nga Shqipëria deri në Brindisi dhe se nuk e di se e kujt ishte gomonia.

Ai sqaron se i a ka kërkuar z. Naim Brahimaj që të shkonte me të në Brindisi dhe se nuk e mban mend se kush i pagoi shpenzimet e udhëtimit, duke shtuar se ai ka paguar të vetat dhe nuk di gjë tjetër. Ai ka sqaruar se nuk ka folur asnjëherë me vëllanë e tij, z. Artan Habilaj, për gomonen dhe se nuk e dinte se ishte përdorur nga ministri i Brendshëm, duke shtuar se nuk ka pasur kontakte të z. Aurel Konakçiu dhe z. Naim Brahimaj, por i ka takuar në Vlorë me vëllanë e tij, z. Artan Habilaj dhe se më pas janë nisur për në Brindisi. Ai përsërit sërish se z. Artan Habilaj nuk i ka folur asnjëherë për gomonen dhe se ai vetëm i ka shoqëruar ato për në Brindisi.

Z. Moisi Habilaj sqaron se nuk e di nëse gomonen e ka përdorur ndonjëherë vëllai i tij dhe se nuk e di se vëllai i tij e kishte sjellë atë gomone nga Greqia dhe se nuk mban mend asgjë në lidhje me lejet e lundrimit që janë marrë nga Kapiteneria e Portit Vlorë për të udhëtuar me të deri në Brindisi. Z. Moisi Habilaj ka deklaruar se ai nuk i njeh z. Alban Aliaj, z. Gentjan Ceka, z. Boge Budini, z. Elvis Rexha apo z. Krenar Cenollari. Ai ka deklaruar se nuk i kujtohet kush është z. Renato Avdulaj dhe se nuk i kujtohet z. Armand Koçerri, por beson se është infermier dhe kushëriri i tij i dytë që vinte ndonjëherë te lokali për të pirë kafe.

Ai ka deklaruar se nuk di gjë për lëndën narkotike të sekuestruar z. Armand Koçerri dhe se mbase ka pasur kontakte telefonike me të, duke shtuar se as ai dhe as familjarët e tij nuk kanë kultivuar ndonjëherë lëndë narkotike dhe se nuk di asgjë për sekuestron e tokave me lëndë narkotike në tetor 2016.

Moisi Habilaj ka deklaruar se nuk ka pasur asnjë lidhje me funksionarë të Policisë dhe se e vetmja lidhje e tij ka qenë znj. Brunilda Alikaj, shoqja e tij aktuale, duke shpjeguar se ka udhëtuar me të në Greqi dhe në Itali bashkë me shoqen e saj, kushërirë, e cila ishte punonjëse Policie, znj. Natasha Shkoza, duke shtuar më tej se ajo nuk kishte lidhje fare me lëndën narkotike dhe se nuk ka kërkuar asnjëherë informacione lidhur me hetimet në Shqipëri.

Ai ka deklaruar se nuk mban mend të ketë folur në telefon me z. Sokol Bode në episodin e ngarkimit të lëndës narkotike në peshkarexhën “Fatima” dhe se nuk e di se ku janë ngarkuar peshkarexhat në rastet e tjera, përveç rastit të muajit maj 2015. Ai shton se z. Sokol Bode nuk u ka kërkuar asnjëherë atyre rekomandime për të bërë karrierë. Ai ka deklaruar se nuk ka folur asnjëherë në telefon me z. Gjergji Kohila dhe se hera e fundit që e ka takuar Fatoshin ka qenë muaji mars apo prill i vitit 2017. Për udhëtimin në Brindisi, ai ka sqaruar se mjetin lundrues e ka drejtuar z. Aurel Konakçiu.

MOISIU NË PORT

Edhe sipas procesverbalit për këqyrjen dhe marrjen e dokumenteve “Ditari i Monitorimit të Trafikut Detar”, mbajtur nga ana e Kapitenerisë së Portit Vlorë, datë 09.05.2018, rezulton se në fletën nr. 252, datë 08.09.2014, ndodhen shënimet ku është paraqitur shtetasi z. Moisi Habilaj për të kërkuar leje nisjeje pranë Kapitenerisë së Portit Vlorë: “Ora 13:00. Në kapiteneri u paraqit Moisi Habilaj, i cili kërkoi leje-nisje për jashtë shtetit. Gjatë kontrollit të dokumenteve që bëri inspektori, u konstatua se mjeti ishte në emër të dikujt tjetër dhe M. Habilaj nuk posedonte as prokurë të posaçme për përdorim”.

Në fletën nr. 253, datë 09.09.2014, shënimi se mjetit ujor “Auras” me tre persona në bord i është dhënë leje nisjeje përgjatë bregut, brenda 3 miljeve. Policia gjyqësore ka pyetur z. Dhoinis Andoni, me cilësinë e personit që ka dijeni për veprën penale, i cili ka pasur detyrën e kapiten i Kapitenerisë së Portit Vlorë, detyrë të cilën e ka dorëzuar me datë 17.12.2015. Në deklarimin e tij, ky shtetas sqaron ndër të tjera se:

“…Mbaj mend se te zyra e oficerit Ardit Bani, i cili ka qenë në shërbimin 24-orësh, ishte paraqitur një shtetas i quajtur Moisi Habilaj nga Vlora, të cilin nuk e njihja, që po debatonte me oficerin e shërbimit, Ardit Bani, për listën e pasagjerëve të skafit të tij, ku në krye të listës ndodhej i shënuar emri i shtetasit Saimir Tahiri, si kapiten i skafit. Ne fillimisht e morëm se personi po bënte shaka, pasi shtetasi Saimir Tahiri në atë periudhë ishte ministër i Brendshëm.

Ne i kërkuam dokumentet e kapitenit të skafit, meqenëse ai paraqiste emrin e shtetasit Saimir Tahiri dhe personi në fjalë nuk dispononte prokurë të posaçme për përdorim të mjetit lundrues. Me një përgjigje si nënvleftësuese dhe si presion nuk na dha asnjë dokument, sipas listës që ai kishte paraqitur vetë për të mare Leje – Nisje për në Brindisi Itali, ku sipas tij, ai do të shkonte për të riparuar skafin.

Unë i thashë oficerit të shërbimit, Ardit Bani, se pa sjellë dokumentacionin e duhur, të mos i jepet leje nisje. Për këtë situatë, unë menjëherë kam njoftuar me celular shefin e Krimeve të Komisariatit Vlorë, për përdorimin e emrit të ministrit, ku me sa kujtoj unë, shefi i Krimeve e ka pasur emrin Berti, me sa di është nga Vlora, por mbiemrin nuk ia di, pasi vetëm dy herë e kam takuar për problem pune.

Ai më ktheu përgjigje po me telefon se për këtë person nuk kemi asnjë problem dhe, në rast se e ka përdor emrin e ministrit, ai mban përgjegjësi vetë. Në fakt nga punonjësit e Policisë dhe nga opinioni i tyre njihej se ky skaf përdorej nga ana e ministrit të Brendshëm, Z. Saimir Tahiri.

Të nesërmen në orën 10:00, pasi shtetasi Moisi Habilaj, kishte plotësuar të gjitha vërejtjet tona për një lundrim të sigurt dhe nuk patëm asnjë vërejtje nga ana e Policisë për këtë person, nga ana jonë i është dhënë leja e nisjes, por me kusht që ai të kapë brigjet italiane, duke kaluar përgjatë bregut, në distancën 3 milje deri sa të shkonte në destinacion, sepse radiot e komunikimit të tij nuk mundësonin komunikimin direkt Vlorë–Otranto. Personi që do të drejtonte mjetin ujor të nesërmen si kapiten, kishte mbaruar shkollën e lartë të Navigacionit, të cilit nuk ia mbaj mend emrin”.

The post Moisi Habilaj dënohet me 15 vite burg, ja sa vite u dënua ‘financieri’ i grupit appeared first on Albeu.com.

Ditën e djeshme, një tifoz anglez i Çelsit është plagosur në Napoli, pasi iu afrua një grup të rinjsh në Piazza Santa Maria la Nova.

I plagosuri u trajtua në Spitalin Veçhio Pellegrini për një plagë (nga një objekt i mprehtë, ndoshta një kaçavidë) në vithe dhe doli nga spitali.

Sipas Shtabit të Policisë, nuk ka tifozë të tjerë anglezë të lënduar. Rreth 250 tifozë të Çelsit u raportuan në qytet mbrëmë, dhe pritet të mbërrijnë edhe më shumë sot.

Policia njoftoi se është krijuar një grup i përbashkët sigurie për të monitoruar zonat kryesore të qytetit, duke përfshirë stacionin e trenit dhe qendrën e qytetit.

Klubi londinez gjithashtu, u bëri thirrje tifozëve të tregojnë kujdes të madh ndërsa janë në qytet dhe të marrin parasysh këshillat e ndara përpara kësaj ndeshjeje, duke pasur parasysh se qyteti italian ka një histori të gjatë incidentesh në të cilat tifozët vizitorë janë shënjestruar nga ultrasit e Napolit.

Sipas klubit, afërsisht 2,500 tifozë të Çelsit kanë blerë bileta për ndeshjen.

The post Qyteti i Napolit shquhet për incidente, tifozi i Çelsit plagoset para ndeshjes së Championsit appeared first on Albeu.com.

Mbrëmjen e djeshme, pas surprizës që vëllai i bëri Selin, duket se ajo nuk e ka takuar Mirin. Të dy e kanë diskutuar këtë situatë, ndërsa Miri pretendon se Selin nuk e takoi për shkak të asaj që i tha vëllai “je vetëm”.

Selin tha se nuk e ka bërë me qëllim, ndërsa Miri pretendoi të kundërtën.

Pjesë nga diskutimi mes tyre:

Miri: Ke bërë dy lëvizje që mua nuk më kanë pëlqyer. Kemi ardhur 39 ditë bashkë, hyrja jote në shtëpi duhet të vije direkt më takoje mua. Edhe kur i takove të tjerët, detajet bëjnë diferencën, fillove duke takuar gjithë shtëpinë.

Selin: Po ia fut kot, u ula direkt në divan. Kur bëri mbylljen erdhën njerëzit më takuan.

Miri: Herën e dytë a dole dhe i takove të gjithë shtëpinë. Duhet të vije te unë. U ule u çove ike.

Selin: Nuk e kam bërë me qëllim.

Miri: Edhe sikur ne nesër nuk kemi lidhje me njëri-tjetrin, me jepje forcë mua. Duhet ta kishe imagjinuar, doli ajo që këta kanë tentuar se ta tha vëllai. Kaq donin këta. Minimumi duhet të vije të thoje faleminderit deri këtu. Po të isha unë do të kisha takuar ty, jo të tjerët se nuk i kam asgjë. Kur erdhe te unë, jemi takuar si shoku i lagjes dhe më ike.

The post Miri flet me Selin: Jemi takuar si shoku i lagjes dhe më ike, duhet të më jepje forcë mua, edhe nëse nesër s’kemi lidhje… appeared first on Albeu.com.

Kreu i Partisë së Lirisë, Ilir Meta ka ankimuar në Gjykatën e Posaçme të Apelit vendimin e dhënë nga Shkalla e Parë, e cila i rrëzoi sërish kërkesën për ndryshimin e masës së sigurisë “arrest në burg” në një masë më të lehtë.

Kreu i Partisë së Lirisë, Ilir Meta, ka ankimuar në Gjykatën e Posaçme të Apelit vendimin e dhënë nga Shkalla e Parë, e cila i rrëzoi sërish kërkesën për ndryshimin e masës së sigurisë “arrest në burg” në një masë më të lehtë.

The post GJKKO i rrëzoi kërkesën për lirimin nga qelia, Meta ankimon vendimin në Apelin e Posaçëm appeared first on Albeu.com.

Ditën e sotme, pritej që të mblidhej Këshilli i Imunitetit për të trajtuar çështjen për mandatin e Belinda Ballukut, për të cilën SPAK kërkon arrestimin, kjo gjë nuk ka ndodhur. Kuvendi ka shtyrë mbledhjen për një tjetër datë të pacaktuar, pas kërkesës së socialistëve.

Këta të fundit kërkojnë që Këshilli i Imunitetit dhe Mandateve,  të mblidhet pasi të japë verdiktin Gjykata Kushtetuese për këtë ccështje, dhe më pas të mblidhen ligjvënësit, për të vendosur nëse do t’i hapet apo jo rrugë arrestimit të Ballukut, e cila akuzohet për disa vepra penale.

“Në mbështetje të nenit 73 të Kushtetutës, nenit 13, pika 5, dhe nenit 118 të Rregullores së Kuvendit, si dhe duke marrë në konsideratë se në mbledhjen e parë të Këshillit, të zhvilluar më datë 19.12.2025, deputetë anëtarë të këtij këshilli kanë kërkuar që shqyrtimi i kërkesës së Prokurorisë së Posaçme kundër Korrupsionit dhe Krimit të Organizuar “për dhënie e autorizimit nga Kuvendi për arrestimin/heqjen e lirisë së deputetit/ministrit/zëvendëskryeministrit nëpërmjet zëvendësimit të masës së sigurimit”, të lidhet me marrjen dhe vlerësimin paraprak të vendimit përkatës të Gjykatës Kushtetuese, duke vlerësuar se një shqyrtim i tillë synon garantimin e një procesi vendimmarrjeje të plotë, objektiv dhe në përputhje me parimet kushtetuese, me qëllim shmangien e cenimit të parimit të sigurisë juridike dhe garantimin e rregullsisë kushtetuese të veprimtarisë dhe vendimmarrjes së Kuvendit”, thuhet në njoftim.

GJKKO caktoi ndaj saj pezullim nga detyra dhe bllokim të pasaportës, gjë që e rrëzoi poshtë Kushtetuesja.

Kryeministri Edi Rama, kërkoi rrëzimin e vendimit të GJKKO për pezullimin nga detyra të Ballukut. Në seancën e 22 janarit, qeveria kërkoi shfuqizimin e vendimit të Gjykatës Kushtetuese, me argumentet se pushteti gjyqësor kishte ndërhyrë në ekzekutiv, dhe pezullimi në këtë rast ishte de fakto shkarkim, duke penguar edhe veprimtarinë e Këshillit të Ministrave.

Gjykata e riktheu sërish Ballukun në detyrë, ndërkohë SPAK reagoi sërish, duke kërkuar heqjen e imunitetit të deputetit.

AKUZAT PER BALLUKUN:

Ndryshe nga më parë, kur numri dy i qeverisë ishte e pandehur për veprën penale “shkelje e barazisë së pjesëmarrësve në tendera apo ankande publike”, e kryer në bashkëpunim, në lidhje tenderin për ndërtimin e tunelit të Llogarasë dhe nën hetim për tenderin loti 4 Unaza e Madhe, SPAK njoftoi më pas se po e heton Belinda Ballukun edhe për disa procedura të tjera, çka e rëndon ndjeshëm pozitën e saj përballë drejtësisë.

“Shtetasja Belinda Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”, thuhet në kërkesën e SPAK ku kërkohry dhe arrestimi i zv. Kryeministres.

The post SPAK kërkon arrestimin e Ballukut/ Kushtetuesja ende pa vendim, Kuvendi shtyn mbledhjen e Këshillit të Imunitetit appeared first on Albeu.com.

Kryetarët e bashkive anëtare të Rrjetit të Qyteteve të Ballkanit B40, shprehin shqetësimin e tyre të thellë për paraburgimin pa afat të Kryetarit të Bashkisë së Stambollit, Ekrem İmamoğlu dhe Kryetarit të Bashkisë së Tiranës, Erion Veliaj.

Në një letër të përbashkët, krerët e 76 bashkive e quajnë mbajtjen në paraburgim pa afat të Imamoglusë dhe Veliajt një “trend të rrezikshëm” që kërcënon demokracinë vendore në Ballkan dhe më gjerë.

Ata kërkojnë t’i jepet fund masës së paraburgimit ndaj tyre: “Thirrja jonë e qartë është t’i jepet fund paraburgimit pa afat të Kryetarit Ekrem İmamoğlu dhe Kryetarit Erion Veliaj, dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë”.

Sipas nënshkruesve të letrës, largimi nga detyra i zyrtarëve të zgjedhur pa një vendim përfundimtar “nuk është drejtësi” dhe minon vullnetin e votuesve.

Ata i referohen edhe Raportit të tetorit 2025 të Komisionit të Venecias dhe Konventës Evropiane për të Drejtat e Njeriut, duke theksuar se ndalimi duhet të jetë masë e fundit dhe jo mjet për pengimin e mandatit.

B40 bën thirrje për drejtësi transparente, proporcionale dhe respektim të mandateve demokratike.

Më poshtë letra e plotë e Rrjetit të Qyteteve të Ballkanit B40:

Letër e përbashkët: Qëndrim solidarizues për Demokracitë Lokale dhe dhënien fund të masës së paraburgimit për Kryetarin e Bashkisë së Stambollit, Ekrem İmamoğlu dhe Kryetarin e Bashkisë së Tiranës, Erion Veliaj

Ne, të nënshkruarit kryetarë të bashkive të Rrjetit të Qyteteve të Ballkanit B40, nisma më e rëndësishme e rajonit të Ballkanit, e themeluar nën udhëheqjen e z. Ekrem İmamoğlu, Kryetar i Bashkisë së Stambollit, shprehim shqetësimin tonë të thellë lidhur me shfaqjen e një trendi të rrezikshëm që kërcënon demokracinë vendore në Ballkan dhe në botë.

Pavarësisht përkatësive tona të ndryshme politike, ne jemi të bashkuar në ngritjen e alarmit për paraburgimin pa afat të Kryetarit të Bashkisë së Stambollit, Ekrem İmamoğlu, President themelues i Rrjetit B40, Kryetarit të Bashkisë së Tiranës, Erion Veliaj, Presidenti i tretë i Rrjetit B40, si edhe të kryetarëve të tjerë. Largimi nga detyra i zyrtarëve të zgjedhur në mënyrë demokratike, pa një vendim përfundimtar, nuk është drejtësi. Ai minon vullnetin e votuesve dhe paraqet kërcënime të drejtpërdrejta për demokracitë vendore.

Raporti i tetorit 2025 i Komisionit të Venecias të Këshillit të Evropës paralajmëron shprehimisht se përdorimi i paraburgimit ndaj kryetarëve aktualë të bashkive përbën rrezik serioz për qeverisjen demokratike. Kur zbatohet pa afat, një paraburgim i tillë i privon në praktikë qytetarët nga përfaqësimi, duke i mënjanuar përfaqësuesit e zgjedhur prej tyre pa një procedurë të rregullt ligjore.

Sipas Konventës Evropiane për të Drejtat e Njeriut, ndalimi duhet të mbetet një masë e fundit, jo një mjet për ta penguar ushtrimin e mandatit për arsye politike. Kur një kryetar bashkie i zgjedhur mbahet i ndaluar pa kusht ose pa gjyq, qytetarët mbeten pa përfaqësim, çka gërryen besimin e publikut dhe legjitimitetin institucional.

Është e qartë se ndalimi dhe procedurat gjyqësore që lidhen me Kryetarin Ekrem İmamoğlu dhe Kryetarin Erion Veliaj nuk përputhen me parimet dhe standardet e sanksionuara në Konventën Evropiane për të Drejtat e Njeriut dhe të artikuluara në Raportin e tetorit 2025 të Komisionit të Venecias të Këshillit të Evropës.

Ne theksojmë çfarë nuk po kërkojmë. Ne nuk kërkojmë imunitet, as nuk komentojmë mbi thelbësinë e akuzave apo mbi fajësinë ose pafajësinë. Apeli ynë është i kufizuar, parimor dhe plotësisht në përputhje me standardet evropiane.

Thirrja jonë e qartë është t’i jepet fund paraburgimit pa afat të Kryetarit Ekrem İmamoğlu dhe Kryetarit Erion Veliaj, si edhe kryetarëve të tjerë të ndaluar, dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë.

Drejtësia duhet të jetë transparente, proporcionale dhe respektuese ndaj zgjedhjes demokratike. Prandaj, u bëjmë thirrje të gjitha autoriteteve përkatëse t’i zbatojnë këto parime dhe të mbrojnë demokracinë vendore.

Ne, kryetarët e bashkive të nënshkruar më poshtë të Rrjetit të Qyteteve të Ballkanit B40, u bëjmë thirrje të gjitha autoriteteve përkatëse të sigurojnë rivendosjen e mandateve demokratike dhe zbatimin e qëndrueshëm të normave evropiane në të gjitha rastet që kanë të bëjnë me zyrtarë vendorë të zgjedhur.

The post 76 kryebashkiakë letër në mbështetje të Veliajt: T’i jepet fund masës së paraburgimit, cënim i demokracisë appeared first on Albeu.com.

Në orët e para të mëngjesit, Kuvendi i Shqipërisë miratoi paketën e ndryshimeve në Kodin Penal, si dhe një sërë projektligjesh të rëndësishme.

Ndryshimet në Kodin Penal, u miratuan me 85 vota pro nga mazhoranca dhe parashikojnë edhe gjobë dhe deri 1 vit burg për parkim dysh në rrugë.

Ministri i Drejtësisë, Besfort Lamallari, teksa prezantoi ndryshimet, sqaroi se ndryshimet vijnë në kuadër të procesit të integrimit europian të vendit, duke afruar më tej legjislacionin shqiptar me atë të Bashkimit Europian, me qëllim përputhjen për aq sa është e mundur.

Dy ndryshimet e propozuara më të debatuara në opinionin publik dhe qarqet mediatike, është ashpërsimi i sanksionit penal për parkimin dysh dhe dekriminalizimin e shpifjes për gazetarët, duke i dhënë imunitet vetëm këtyre të fundit nga procedimi penal për veprën penale të shpifjes.

Kuvendi miratoi gjithashtu, ndryshimet ligjore për statusin e gjyqtarëve e prokurorëve’, me 85 vota si dhe Projektligji ‘Për organet e qeverisjes në drejtësi’.

Kuvendi miratoi me votat e socialistëve edhe ligjin për komisionet hetimore dhe mediat audiovizive.

Gjithashtu, Kuvendi miratoi edhe disa nisma të tjera ligjore, si akti normativ për buxhetin e vitit 2025, për ligjin e duhanit, ashpërsim i dënimeve për ndërtimet pa leje dhe zjarret.

Gjatë seancës plenare u miratuan gjithashtu:

Akti normativ për ndryshimet në ligjin e Buxhetit 2025

Projektligji për bashkëpunimin strategjik

“Shqipëria në Traktatin për Pronësinë Intelektuale”

Projektligji “Për tregtinë e pronësisë intelektuale”

Projektligji “Për shërbimet e agjencive të udhëtimit

Projektligji “Për tregtinë e paligjshme të duhanit”

Projektligji “Për ndryshimin e Kodit Penal”

Projektligji “Për statusin e gjyqtarëve dhe prokurorëve”

Projektligji “Për organet e qeverisjes në drejtësi”

Projektligji “Për dhunën ndaj grave dhe dhunën në familje”

Projektligji “Për lobimin në Republikën e Shqipërisë”

Projektligji “Për importin dhe eksportin e armëve”

Projektligji “Për organizimin e Komisioneve Hetimore të Kuvendit”

Projektligji “Për Mediat Audiovizive”

The post Dekriminalizimi i shpifjes dhe ashpërsim i masave për parkimin dysh/ Miratohen ndryshimet në Kodin Penal, projektligjet e tjera që morën dritën jeshile në Kuvend appeared first on Albeu.com.

Shtëpia e “Big Brother” është “pushtuar” nga dashuria. Partneri i Gretës Ono, pasi takoi motrën e tij Selin, kishte përgatitur një surprizë për të, duke i shprehur dashurinë dhe duke i dhuruar një unazë që simbolizon premtimin për të qenë me njëri-tjetrin.

Me lotësh e puthjesh, Greta ka pranuar unazën, ndërsa me duartrokitje është pritur ky moment nga Selin, e cila tashmë është zyrtarisht kunatë më të.

“Unë vdes kur shikoj kështu propozimesh, sidomos kur janë dy njerëz shumë të rëndësishëm në jetën time”, u shpreh Selin.

The post Surpriza që befasoi gjithë shtëpinë, banorja e “Big Brother” merr propozim nga partneri i saj… appeared first on Albeu.com.

Këtë të mërkurë, Këshilli i Mandateve dhe Imunitetit, do të mblidhet pa një vendim të Gjykatës Kushtetuese për çështjen “Balluku”, ndërsa pritet që të shqyrtojë kërkesën e SPAK-ut për heqjen e imunitetit të zv.kryeministres.

Palët do të ballafaqohen në seancën e sotme, ku SPAK do të paraqesë prova të reja të siguruara nga kontrollet e kryera së fundmi, Gjykata Kushtetuese nuk mori dje asnjë vendim.

Sot pritej vendimi lidhur me ankimin e Kryeministrit Rama, për shpalljen si antikushtetues të vendimit të GJKKO që pezulloi nga detyra numrin dy të qeverisë, pasi pretendon se është ndërhyrje në punët e ekzekutivit.

Gjykata Kushtetuese, do të marrë më shumë kohë për çështjen “Balluku” pas ankimit të Kryeministrit Rama, lidhur me konfliktin e kompetencave mes tij dhe Gjykatës së Posaçme Antikorrupsion.

Çështja u shqyrtua dje në seancë plenare dhe nisur nga praktikat e mëparshme të Kushtetueses, pritej që dje anëtarët kushtetues të dilnin me vendim përfundimtar.

Anëtarët e Kushtetueses u mblodhën vetëm pak minuta për të diskutuar lidhur me këtë çështje, por nuk dolën me një vendim.

Disa nga anëtarët kanë pretenduar se iu duhet më shumë kohë për të dalë me një vendim, për shkak të kompleksitetit të çështjes.

Data dhe ora e mbledhjes së radhës nuk është bërë ende me dije, por me shumë mundësi vendimi do të merret javën e ardhshme, përderisa të enjten disa nga gjyqtarët kushtetues udhëtojnë jashtë vendit për vizitë zyrtare.

Mësohet se në dhomë këshillimi është kërkuar nga disa prej anëtarëve të Kushtetueses më shumë kohë për t’u shprehur qëndrimin e tyre për rastin në fjalë.

Por kjo shtyrje duket se ka zënë në befasi mazhorancën, e cila ka thirrur ditën e sotme në orën 12:00 mbledhjen e Këshillit të Mandateve për të shqyrtuar kërkesën e SPAK-ut për heqjen e imunitetit të ministres Belinda Balluku.

Kjo, pasi ata kanë deklaruar se presin të shprehet Gjykata Kushtetuese nëse masa e pezullimit për Ballukun është kushtetuese, përpara se të shprehen për ashpërsimin e masës së kërkuar nga SPAK-u.

Socialistët nuk pranuan të shqyrtojnë kërkesën e SPAK për heqjen e imunitetit e Ballukut në Këshillin e Mandateve, deri sa Gjykata Kushtetuese të dilte me një vendim. Por mësohet se “Kushtetuesja” ka kërkuar më shumë kohë në vlerësimin e kësaj çështje.

Mbetet për t’u parë nëse Këshilli i Mandateve i drejtuar nga Niko Peleshi, do të marrë në shqyrtim kërkesën e Prokurorisë së Posaçme, apo njëjtë si Kushtetuesja do të kërkojnë më shumë kohë.

GJKKO, me kërkesë të SPAK pezulloi nga detyra zv.kryeministren Balluku e pandehur për abuzime me tenderin e Llogarasë, por Kryeministri Rama e cilësoi këtë si një shkelje të kompetencave të tij.

Rama e çoi në Gjykatën Kushtetuese çështjen Balluku, me argumentin se GJKKO ka shkelur kufirin e një tjetër pushteti, atij ekzekutiv duke marrë kompetencat e tij si kryeministër për pezullimin ose shkarkimin e një anëtari qeverie.

Pas kërkesës së Kryeministrit Rama, gjykata riktheu përkohësisht në detyrë Ballukun deri sa çështja e saj të shqyrtohej në themel nga Kushtetuesja.

E pandehur për shkeljet në tenderin 190 mln euro të tunelit të Llogarasë dhe nën hetim për 7 procedura të tjera prokurorimi lidhur me ndërtimin e lotëve të Unazës së Madhe, SPAK ka dyshime se Balluku duke qenë në detyrë, rrezikon të prishë provat hetimore dhe të intimidojë dëshmitarët.

The post Akuzohet për miliona euro abuzim me tendera/ SPAK kërkon arrestimin, Këshilli i Imuniteteve mblidhet sot për t’i hequr mandatin Belinda Ballukut appeared first on Albeu.com.

Shqiptarët po martohet gjithnjë e më pak dhe po ndahen gjithnjë e më shumë. Shifrat më të fundit të INSTAT, tregojnë se numri i martesave ka rënë në nivelin më të ulët historik, ndërsa divorcet kanë marrë drejtim të kundërt, duke arritur kulme që nuk janë parë kurrë më parë.

Një në tre martesa kanë përfunduar në divorc në vitin 2024, sipas shifrave të Drejtorisë së Përgjithshme të Gjendjes Civile.

Të dhënat për martesat konfirmojnë se Shqipëria nuk po përballet vetëm me një valë ndarjesh, por edhe me një tkurrje të fortë të vetë institucionit të martesës.

Nga rreth 29 mijë martesa në vitin 1990, niveli mbetet relativisht i qëndrueshëm gjatë viteve ’90 dhe fillimit të viteve 2000, me luhatje rreth 25–27 mijë në vit, përpara se të nisë një rënie strukturore pas vitit 2004.

Një ndërprerje e fortë vihet re që nga mesi i viteve 2000, kur martesat bien nën 22 mijë dhe nuk arrijnë më të rikuperojnë nivelet e mëparshme, pavarësisht disa rikthimeve të përkohshme.

Pas vitit 2015, trendi bëhet qartësisht negativ, me një përshpejtim të rënies pas vitit 2019. Pandemia e thellon më tej këtë prirje, por rënia nuk ndalet as pas saj.

Viti 2024 shënon minimumin historik me vetëm 16 120 martesa, gati gjysma e nivelit të fillimit të viteve ’90, duke reflektuar jo thjesht një efekt demografik apo ekonomik, por një ndryshim të thellë në zgjedhjet sociale, emigracionin e të rinjve dhe hezitimin gjithnjë e më të madh për të formalizuar lidhjet në martesë.

Sakaq edhe treguesi i divorceve për 1 000 martesa, i cili në vitin 1990 ishte 9.2, ka ndjekur një trajektore rritëse për më shumë se tri dekada, por vitet e fundit kanë thyer çdo rekord të mëparshëm.

Nga fundi i viteve ’90, kur treguesi zbriti në minimumin historik prej 5.9 në vitin 1997, divorci nisi një ngjitje të pandalshme gjatë viteve 2000 dhe 2010, duke kaluar mbi 20 ndarje për 1 000 martesa që pas vitit 2018.

Raportimi më i fundit tregon se viti 2024 shënon një rekord absolut prej 29.8 divorceve për 1 000 martesa, niveli më i lartë i regjistruar ndonjëherë në vend.

Analistë të fushës socio-demografike shohin në këto shifra jo vetëm një ndryshim statistikor, por një transformim të thellë të strukturave sociale.

Gëzim Tushi, sociolog shprehet se, në vitet pas tranzicionit, kur mungesa e perspektivës dhe krizat ekonomike mbajtën bashkë familje të tëra, divorci shpesh shihej si luks ose dështim.

Sipas tij, sot, shqiptarët, të ekspozuar ndaj ndikimeve ndërkombëtare, më të pavarur ekonomikisht dhe më të vetëdijshëm për standardet e mirëqenies personale, po bëjnë zgjedhje të reja për jetën në çift.

Ekspertë të familjes dhe politikave sociale vlerësojnë se rritja e divorceve është ndikim i drejtpërdrejtë i disa faktorëve kryesorë: urbanizimit të shpejtë, emigracionit masiv të brezave të rinj, presionit ekonomik mbi familjet e reja dhe një normë sociale që ka evoluar drejt mirëqenies individuale, mbi mbijetesën kolektive.

Nga ana tjetër, sistemi gjyqësor dhe shërbimet sociale po përballen me një volum gjithnjë e më të madh çështjesh familjare, që kërkojnë reagim politik dhe mbështetje institucionale, sipas komunikimeve të marra nga psikologët socialë në gjykata.

Z.Tusha thekson se, një rritje e divorceve sjell sfida të reja për kujdesin ndaj fëmijëve, për çështjet e pronës dhe për mbështetjen sociale të prindërve të vetëm.

Avokate Nexhi Beqiri shton se divorcet vitet e fundit vijnë kryesisht nga çifte në të 40at, të cilët nuk bëjnë kompromise si dikur.

Problematika që ndjekin këto divorce, sipas avokates, janë ndarjet e pasurive dhe kujdestaritë e fëmijëve, të cilët marrin muaj e vite në dyert e gjykatave./ Monitor

The post Martesat në rënie historike, rriten divorcet/ Një rekord prej një në tre çifte po ndahen appeared first on Albeu.com.

Sot, 28 janar 2026, dollari amerikan, blihet me 80.5 lekë dhe shitet me 81.8 lekë.

Euro, blihet me 96.3 lekë dhe shitet 97 lekë.

Franga zvicerane, këmbehet në blerje me 104.3 lekë, ndërsa në shitje me 105.3 lekë.

Dollari kanadez, sot në blerje këmbehet me 58.8 lekë, ndërsa në shitje me 60 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh sot me monedhat e huaja? Me sa po blihen dhe shiten dollari dhe euro appeared first on Albeu.com.

Këtë të mërkurë vendi ynë, do të ndikohet nga kushte atmosferike të paqëndrueshme. Moti parashikohet me vranësira mesatare.

Reshjet e shiut do të bëhen prezente në orët e mesditës me intensitet të ulët përgjatë vijës bregdetare.

Pas orëve të mesditës reshjet e shiut, do të shtrihen në të gjithë vendin me intensitet të ulët deri mesatar.

Ndërsa në Veriperëndim dhe Jugperëndim, reshjet e shiut hera-herës fitojnë intensitet deri të lartë në formën e shtrëngatave afatshkurtra.

Në zonën e Alpeve reshje dëbore me intensitet deri mesatar, ndërsa në Verilindje-Lindje në lartësinë mbi 800-900 metra dhe në juglindje në lartësitë mbi1000-1100 metër reshje dëbore me intensitet të ulët.

Era do të fryjë me drejtim Juglindja-Jugperëndimi me shpejtësi mesatare 8 m/s, përgjatë vijës bregdetare dhe në zonat luginore era me shpejtësi deri në 20 m/s.

The post Kushte të paqëndrueshme atmosferike/ Njihuni me parashikimin e motit, 28 janar 2026 appeared first on Albeu.com.

Seanca gjyqësore për ish-kreun e ARRSH, Evis Berberin, është shtyrë për në datën 9 shkurt. Evis Berberi, një nga vartësit e zv/kryeministre Belinda Balluku, u arrestua më 14 mars 2024, nën akuzë për korrupsion dhe pastrim parash.

Po ashtu, edhe Balluku është e akuzuar nga SPAK, ndërsa prokuroria ka kërkuar edhe pezullimin e saj nga detyra dhe më pas arrestimin e saj.

Sipas SPAK, Berberi rezulton i përfshirë në raste korruptive me 8 tendera që kapin vlerën e miliona eurove.

The post Shtyhet seanca për Evis Berberin, zbulohet data kur do të dalë sërish përballë GJKKO appeared first on Albeu.com.

Ditën e djeshme, opinioni publik u trondit pas publikimit të një rasti të rëndë abuzimi seksual me të mitur. Sipas raportimeve, një 12-vjeçare në Gjirokastër ka denoncuar partnerin e të ëmës për abuzim seksual, që sipas saj ka ndodhur në dy vitet e fundit.

Gazetarja Entjola Budo, raportoi në “Shqipëria Live” se vajza e ka denoncuar rastin me nënën, e cila është shprehur se nuk kishte patur dijeni deri më tani.

Rastin e rëndon më shumë fakti që autori i dyshuar i abuzimit, Klemend Krusa po ashtu dyshohet se ka vrarë babain e vajzës, Artur Lleshi, 8 vite më parë.

“Vajza u paraqit në komisariat së bashku me të ëmën dhe denoncoi partnerin e saj për abuzim seksual. Familja nuk është nga Gjirokastra por kanë ardhur nga Bulqiza. Vajza ka qenë normale si gjithë fëmijët e tjerë, fëmijë i qetë dhe shumë i dashur dhe asnjëherë nuk ka patur probleme me shokët apo me mësuesit në shkollë. Nuk ka patur mungesa në shkollë, përveç se dje.

Policia ka arrestuar Klemend Krusën, ai është lënë në ‘arrest shtëpie’, pasi vajza ka thënë se është ngacmuar dhe abuzuar seksualisht për dy vite resht. Gjithsesi akuzat mbeten për t’u vërtetuar nga ekspertiza. Fqinjët nuk dinë shumë gjëra pasi thonë se familja lëviz shpesh, ndërsa dinë vetëm që vajza shkonte çdo ditë në shkollë”,- tha gazetarja.

The post Zbardhen detaje nga rasti i rëndë në Gjirokastër, 12-vjeçarja dhe nëna… appeared first on Albeu.com.