Një nga përshtypjet më të forta që la futbolli në vitin 2025 ishte numri i jashtëzakonshëm i konflikteve.

Dhe jo konflikte mes rivalësh, ato janë pjesë e zakonshme e çdo sezoni, por përplasje të hapura brenda vetë skuadrave, mes futbollistëve dhe shokëve të ekipit, trajnerëve apo drejtuesve të klubeve.

Shpresa është që këto histori të mbeten në 2025 dhe që viti 2026 të sjellë tema më të këndshme për debat.

Por, përpara se t’i lëmë pas, ja një përmbledhje e konflikteve më të bujshme të vitit.

Mohamed Salah vs Liverpool

Pa dyshim, skandali i brendshëm më i zhurmshëm i vitit. Pas një barazimi me Leeds, Mohamed Salah shpërtheu publikisht, duke shprehur pakënaqësinë e tij ndaj klubit dhe trajnerit Arne Slot. Egjiptiani u ankua për mungesë besimi, premtime të pambajtura dhe përjashtim nga formacioni.

Reagimi i Slotit ishte i ftohtë, por i prerë, Salah u la jashtë për ndeshjen e Ligës së Kampionëve kundër Interit. Megjithatë, rikthimi i tij në fushë u shoqërua me një asistim kundër Brightonit.

Duartrokitjet e Salahut për tifozët në “Anfield” pas ndeshjes lanë shumë pikëpyetje. Lamtumirë apo thjesht një pauzë para Kupës së Afrikës? Vijimi i historisë pritet në janar.

Alexander Isak vs Newcastle

Një tjetër sagë ku Liverpooli ishte protagonist indirekt. Alexander Isak e bëri të qartë dëshirën për t’u transferuar në “Anfield”, duke refuzuar të luante për Newcastle dhe duke akuzuar klubin për thyerje marrëveshjesh.

Pas një vere të gjatë dhe tensionuese, marrëveshja u mbyll: Liverpooli pagoi 145 milionë euro, ndërsa Newcastle investoi paratë për dy sulmues të rinj. Të gjitha palët fituan, të paktën në letër.

Marc-Andre ter Stegen vs Barcelona

Kush do ta mendonte që kapiteni i Barcelonës do të përplasej me drejtuesit? Pas një operacioni në shpinë, ter Stegen deklaroi se do të mungonte tre muaj, një periudhë që nuk i lejonte klubit të lironte hapësirë për regjistrime të reja.

Situata përshkallëzoi: kapiteni u ndëshkua brenda klubit, refuzoi vizita mjekësore dhe u përfol për largim. Edhe pse u rikthye gradualisht, Flick e bëri të qartë se Joan Garcia ishte portieri numër një. E ardhmja e gjermanit në “Camp Nou” mbetet e pasigurt.

Robert Lewandowski vs përzgjedhësi i Polonisë

Një konflikt që tronditi futbollin polak. Robert Lewandowski pezulloi karrierën në kombëtare pasi iu hoq shiriti i kapitenit nga trajneri Michal Probierz.

Vendimi u mirëprit nga një pjesë e dhomës së zhveshjes, por Polonia pa pasoja të menjëhershme: humbje ndaj Finlandës dhe dorëheqje e tij. Lewandowski u rikthye më vonë dhe tregoi edhe një herë rëndësinë e tij.

Alejandro Garnacho vs Ruben Amorim (Manchester United)

Pas finales së humbur të Ligës së Evropës, Garnacho reagoi hapur ndaj vendimit të trajnerit për ta lënë në stol. Postime provokuese dhe deklarata publike vulosën fatin e tij. Amorim ishte i prerë: argjentinasi nuk ishte më pjesë e planeve.

Pas një vere të vështirë, Garnacho u transferua te Chelsea. Ai atje po luan rregullisht.

Viktor Gyokeres vs Sporting Lisbona

Një tjetër rast presioni për transferim. Sulmuesi suedez pretendoi një “marrëveshje xhentëlmenësh” për largim, por Sporting kërkonte më shumë se sa Arsenali ishte gati të paguante.

Pas tensioneve dhe bojkotit, marrëveshja u arrit. Gyokeres u transferua në Londër, edhe pse forma e tij mbetet larg asaj që tregoi në Portugali.

Yoane Wissa vs Brentford

Një tjetër bojkot veror. Wissa refuzoi të luante për Brentford për të detyruar transferimin te Newcastle.

Pas ofertave të refuzuara dhe presionit publik, marrëveshja u mbyll për 55 milionë euro vetëm pak para mbylljes së afatit kalimtar.

Adrien Rabiot vs Jonathan Rowe (Marseille)

Pas humbjes ndaj Rennes, një debat në dhomën e zhveshjes u shndërrua në përplasje fizike. Rabiot dhe Rowe u përfshinë në një sherr serioz, aq sa stafi i sigurisë ndërhyri.

Të dy lojtarët u larguan nga klubi deri në fund të afatit kalimtar, duke mbyllur një episod të turpshëm për Marseille. Rabiot shkoi te Milani, Eowe te Bologna.

Dominik Livakovic vs Girona

Një nga transferimet më të çuditshme të vitit. Portieri kroat u huazua te Girona, por refuzoi të luante në Kupë e Mbretit, sepse dëshironte të largohej në janar për të siguruar minuta para Kampionatit Botërorit 2026.

Trajneri Michel e konfirmoi publikisht refuzimin e lojtarit për të aktivizuar veten.

Dani Rodriguez vs Mallorca

Një legjendë e klubit u përjashtua pas një postimi kritik ndaj trajnerit Jagoba Arrasate. Rodriguez u ndëshkua, iu hoq shiriti i kapitenit dhe nuk u përfshi më në skuadër.

Mallorca dhe lojtari u ndanë në janar, në një mënyrë të hidhur për një figurë historike të klubit.

Davide Calabria vs Sergio Conceiçao (AC Milan)

Një përplasje e hapur pas ndeshjes me Parmën. Conceiçao i bërtiti Calabrias në fushë, pas pakënaqësive për disiplinën e lojtarëve.

Calabria u largua nga Milani, fitoi Kupën e Italisë me Bolognan dhe më pas u transferua te Panathinaikos.

Idrissa Gueye vs Michael Keane (Everton)

Një moment shokues: Gueye goditi shokun e skuadrës gjatë ndeshjes dhe u përjashtua me karton të kuq, një rast i rrallë në Ligën Premier.

Mesfushori kërkoi falje publike dhe konflikti u mbyll shpejt. Pas dy ditësh publikuan foto së bashku.

Hakan Çalhanoglu vs Lautaro Martinez (Inter)

Deklaratat e Lautaros pas eliminimit nga Botërori i Klubeve ndezën tensione. Çalhanoglu reagoi publikisht, duke kritikuar stilin e udhëheqjes.

Një mbledhje emergjente e skuadrës i shoi tensionet dhe të dy mbetën pjesë kyçe e Interit.

Luis Perez vs Juanmi Latasa (Valladolid)

Gjatë një sezoni katastrofik, një incident në stol tronditi publikun: Perez tentoi të godiste Latasan pas një zënke.

Klubi i ndëshkoi të dy dhe më pas rrugët e tyre u ndanë.

Lorenzo Lucca vs shokët e ekipit (Udinese)

Një episod sa komik aq edhe simbolik. Lucca refuzoi t’ua dorëzonte penalltinë shokëve, shënoi, por u zëvendësua menjëherë.

Asnjë nga protagonistët nuk është më te Udinese.

Përmbledhja

Në përmbledhje, viti 2025 u shënua nga një numër i jashtëzakonshëm konfliktesh të brendshme në futboll, duke nxjerrë në pah brishtësinë e ekuilibrave brenda klubeve moderne.

Përplasjet mes lojtarëve, trajnerëve dhe drejtuesve shpesh morën përmasa publike dhe dolën mbi interesin sportiv të skuadrave.

Mungesa e komunikimit, menaxhimi i dobët i situatave delikate dhe presioni i vazhdueshëm i rezultateve përshkallëzuan tensionet.

Në shumë raste, këto kriza u mbyllën me transferime të detyruara ose ndarje të hidhura, duke lënë pasoja të dukshme.

Efektet u reflektuan drejtpërdrejt në stabilitetin, imazhin dhe performancën sportive të klubeve.

Këto episode shërbejnë si një paralajmërim i qartë se harmonia, udhëheqja dhe dialogu janë elementë thelbësorë për suksesin afatgjatë në futbollin modern. /Telegrafi/

Arsenali pritet të ndëshkohet me një gjobë prej 25,000 eurosh nga Federata Angleze e Futbollit pas ndeshjes së barazuar 1-1 ndaj Chelseat në “Stamford Bridge”.

Gjatë sfidës së së dielës mbrëma, gjashtë futbollistë të Arsenalit u ndëshkuan me karton të verdhë: Martin Zubimendi, Cristhian Mosquera, Riccardo Calafiori, Piero Hincapie, Myles Lewis-Skelly dhe Viktor Gyokeres.

Sipas rregullores së FA-së, çdo ekip që grumbullon gjashtë ose më shumë kartonë të verdhë brenda një ndeshjeje gjobitet automatikisht.

Shuma prej 25,000 eurosh aplikohet si ndëshkim standard për herën e parë gjatë sezonit.

Në rast se Arsenali shkel sërish këtë limit, gjoba do të dyfishohet në 50,000 euro, ndërsa për çdo rast pasues parashikohet një ndëshkim shtesë prej 25,000 eurosh.

Pavarësisht numrit të kartonëve, skuadra e Mikel Artetës vlerësohet se ishte më e disiplinuar në fushë, duke qenë se Chelsea luajti me një lojtar më pak për gati një orë pas ndërhyrjes së ashpër të Moises Caicedos ndaj Mikel Merinos. /Telegrafi/

Trajneri i Arsenalit, Mikel Arteta, ka pranuar se është i shqetësuar për sulmuesin e tij kryesor Viktor Gyokeres, pasi suedezi pësoi një dëmtim muskulor gjatë fitores ndaj Burnley të shtunën.

Topçinjtë rikthehen në fushë sonte në ndeshjen e Ligës së Kampionëve kundër Slavia Pragës, por do ta përballojnë këtë sfidë pa golashënuesin e tyre kryesor, i cili mungoi edhe në stërvitjen e së hënës.

Gyokeres është përshtatur shpejt me jetën te skuadra londineze, duke realizuar gjashtë gola në 14 paraqitje në të gjitha garat këtë sezon.

Megjithëse ende nuk ka shënuar kundër ndonjë skuadre të pjesës së sipërme të tabelës në Ligën Premier, tifozët e Arsenalit janë impresionuar me kontributin e tij si në fazën ofensive, ashtu edhe në atë defensive, ndërsa ai vazhdon të adaptohet me ritmin e futbollit anglez.

Pavarësisht formës së mirë dhe rolit të tij të qëndrueshëm në formacionin titullar, ish-sulmuesi i Sporting Lisbonës pritet të mungojë për një periudhë pas zëvendësimit në pushimin e pjesës së parë gjatë fitores 2-0 ndaj Burnley.

Mikel Arteta/ Viktor Gyokeres

Kjo do të thotë se ai do të humbasë edhe përballjen e radhës në Ligën e Kampionëve, ndërsa Arsenali synon të ruajë ecurinë perfekte në grup gjatë vizitës në Pragë.

Në konferencën për shtyp para udhëtimit në Republikën Çeke, Arteta pranoi hapur shqetësimin e tij për gjendjen e 27-vjeçarit.

“Jam i shqetësuar, sepse ai zakonisht nuk ka pasur probleme muskulore, por këtë herë u detyrua të largohej nga fusha duke ndjerë shqetësim. Kjo është diçka që na bën të mendojmë, sidomos për një lojtar me profil aq eksploziv”.

Arsenali ndodhet sërish në një situatë të vështirë sa i përket repartit ofensiv, pasi përveç Gyokeres, Gabriel Jesus dhe Kai Havertz gjithashtu mungojnë, duke lënë skuadrën pa një sulmues të mirëfilltë në dispozicion./Telegrafi/

Viktor Gyokeres ka folur për mungesën e tij të golave për Suedinë pas humbjes zhgënjyese në kualifikueset e Kupës së Botës ndaj Kosovës të hënën.

Kjo humbje çoi në shkarkimin e përzgjedhësit Jon Dahl Tomasson, pasi suedezët janë pothuajse jashtë garës për t'u kualifikuar në turneun që do të mbahet në Amerikën e Veriut verën e ardhshme.

Kjo ishte humbja e dytë radhazi në shtëpi për Suedinë gjatë afatit ndërkombëtar të tetorit. Suedia e nisi ndeshjen me Gyokeres dhe Alexander Isak në sulm.

Përforcimet e Arsenalit dhe Liverpoolit, respektivisht, ishin ndër transferimet më të përfolura në Ligën Premier, pasi u blenë për një shumë totale prej 185 milionë eurosh.

Viktor Gyokeres

Megjithatë, dyshja dështoi në mënyrë spektakolare pikërisht kur kishte më shumë rëndësi për kombëtaren, pasi nuk arritën të shënonin në dy humbjet radhazi të Suedisë në kualifikueset e Kupës së Botës ndaj Zvicrës dhe Kosovës.

“Nuk duam ta fitojmë ndeshjen aq shumë, mendoj se kjo ishte e qartë; shihej nga gjuha jonë e trupit që nuk e dëshironim aq shumë fitoren”.

“Kështu që, është e vështirë ndaj çdo kundërshtari. Nuk po japim më të mirën, nuk jemi plotësisht të fokusuar në mbrojtje dhe pasime. Kjo ka të bëjë me qëndrimin”.

“Kemi qenë të pafat ndaj Sllovenisë dhe Zvicrës, por në këto dy ndeshje ndaj Kosovës, nuk e meritonim asgjë. Sigurisht që është një fiasko”, ka deklaruar Gyokeres./Telegrafi/

Sulmuesi i njohur i Arsenalit, Viktor Gyokeres, zhvilloi një nga ndeshjet më të dobëta të karrierës së tij me fanellën e Suedisë, në humbjen 0-1 ndaj Kosovës të hënën mbrëma.

Sulmuesi që pritej të ishte lideri i ofensivës, dështoi në çdo aspekt të lojës ndaj Dardanëve, duke mos arritur të krijojë asnjë rrezik serioz për mbrojtjen dardane.

Statistikat flasin vetë: 0 gola, 0 asistime, 0 pasime kyçe, 0 driblime të suksesshme dhe 0 duele të fituara në ajër. Për më tepër, Gyökeres humbi plot 12 herë pozicionin, duke reflektuar mungesën e përqendrimit dhe ndikimit në lojën e skuadrës.

Një performancë e tillë ka shkaktuar reagime të shumta në mediat suedeze, të cilat e kanë cilësuar paraqitjen e tij si “skandaloze” dhe “krejtësisht nën nivelin e një sulmuesi të formës së lartë”.

Kosova, me disiplinë dhe organizim mbresëlënës në mbrojtje, e neutralizoi plotësisht Gyokeresin, duke mos e lejuar asnjëherë të shfaqë fuqinë e tij fizike apo depërtimet karakteristike.

Kjo ndeshje mund të shërbejë si një paralajmërim serioz për sulmuesin suedez, i cili do të duhet të reagojë fuqishëm në ndeshjet e ardhshme për të rikthyer besimin e tifozëve dhe të trajnerit.

Dështimi i tij nuk ishte vetëm personal, por ndikoi drejtpërdrejt në impotencën ofensive të gjithë skuadrës suedeze - një mbrëmje për t’u harruar për Viktor Gyokeresin dhe Alexander Isak dhe për t’u mbajtur mend nga Kosova, që i dha një leksion disipline dhe vendosmërie. /Telegrafi/

Situata e Suedisë në kualifikueset për Kupën e Botës 2026 po bëhet gjithnjë e më e vështirë, ndërsa dy nga sulmuesit e saj më të shtrenjtë, Alexander Isak dhe Viktor Gyökeres, ndodhen në qendër të një presioni të madh për të kthyer fatin e skuadrës.

Pas tre ndeshjeve të zhvilluara në Grupin B, Suedia ka vetëm 1 pikë dhe mban vendin e fundit në tabelë, pas Zvicrës (9 pikë), Kosovës (4 pikë) dhe Sllovenisë (2 pikë).

Një performancë e dobët në ndeshjen e ardhshme kundër Kosovës, që zhvillohet këtë të hënë, mund ta çojë ekipin në një krizë të thellë dhe ta komplikojë seriozisht rrugën drejt Botërorit të vitit 2026 në SHBA, Kanada dhe Meksikë.

Përveç Isak dhe Gyökeres, në skuadër janë edhe talentet e tjera të spikatura si Svensson (Dortmund), Elanga (Newcastle), Bardghji (Barcelona) dhe Bergvall (Tottenham), të cilët janë pjesë e brezit të ri që pritet të udhëheqë ekipin suedez në vitet e ardhshme.

Futbolli suedez ka pasur një periudhë të vështirë gjatë këtij shekulli, duke mos arritur të kualifikohet në Kupat e Botës të viteve 2010, 2014 dhe 2022.

Vetëm në 2018, Suedia arriti të sigurojë pjesëmarrjen pas një përballjeje të fortë me Italinë.

Presioni te dy sulmuesit suedez po rritet vazhdimisht, derisa ndaj Kosovës në Prishtinë të dy u bllokuan mjaftë mirë nga mbrojtja dardane.

Sonte është testi i radhës si për sulmuesit e shtrenjtë suedez ashtu edhe për mbrojtjen dardane që nëse arrin sërish t'i ndalë këta dy, atëherë vlera e futbollistëve tanë do të rritet edhe më shumë. /Telegrafi/

Ish-ylli i Chelseat, Jimmy Floyd Hasselbaink, ka ngjallur debate midis tifozëve të futbollit, pasi i ka cilësuar si lojtarë jo të klasit botëror, Alexander Isak të Liverpoolit, Erling Haaland të Manchester Cityt dhe Viktor Gyokeres të Arsenalit.

Komentet erdhën gjatë një sesioni pyetje-përgjigje me OLBG, ku ish-sulmuesit holandez iu kërkua të identifikonte sulmuesit e klasit botëror dhe ata me potencial.

Kur u pyet për sulmuesin e frytshëm të Liverpoolit, Alexander Isak, Hasselbaink ishte i prerë, duke deklaruar: “Jo i klasit botëror”.

Ai ishte po aq përbuzës për sulmuesin në formë të mirë të Arsenalit, Viktor Gyokeres, duke e etiketuar atë në mënyrë të ngjashme si "jo i klasit botëror".

Makina e shënimit të golave të, Erling Haaland, i konsideruar gjerësisht si një nga sulmuesit më të mirë në botë, u përshkrua si lojtar me “potencial”, por që ende nuk kishte arritur statusin e një lojtari të klasit botëror sipas Hasselbaink.

Në të kundërt, Hasselbaink rezervoi etiketën e lakmuar “të klasit botëror” për Kylian Mbappe të Real Madridit dhe Harry Kane të Bayern Munich, duke lavdëruar përsosmërinë e tyre të vazhdueshme në skenën globale.

Vërejtjet e Hasselbaink kanë ngritur habi, duke pasur parasysh performancat mbresëlënëse të Isak, Haaland dhe Gyokeres në sezonet e fundit. /Telegrafi/

Sulmuesi i Napolit, Rasmus Hojlund, e ka cilësuar Cristiano Ronaldon si frymëzimin e tij më të madh sportiv, dhe gjithashtu ka zbuluar tre qendërsulmuesit e tij më të mirë që luajnë aktualisht në Serie A, ku përfshihet edhe shoku i tij i skuadrës, Romelu Lukaku.

Hojlund ka nisur punën me shpejtësi me Napolin pasi siguroi rikthimin e tij në Serie A me një largim nga Manchester United në formë huazimi me një detyrim të mundshëm blerjeje për një total prej 50 milionë eurosh.

Ai e gjeti rrjetën në debutimin e tij me Napolin në një fitore 3-1 ndaj Fiorentinës dhe ka qenë pjesë e skuadrës së Napolit që ka regjistruar një nisje perfekte të sezonit 2025/26 në Serie A. Ata renditen në krye të tabelës me 12 pikë pas katër ndeshjeve, dy pikë më shumë se Juventusi në vendin e dytë.

"Dua të bëhem një sulmues që shënon shumë gola. Jam përmirësuar shumë në rolin tim vitet e fundit dhe mendoj se kam cilësi të mira, por kam ende shumë për të mësuar", ka thënë fillimisht Hojlund për La Repubblica.

Hojlund pranoi se nuk është ndjerë gjithmonë si lojtari më i fortë në skuadër, kudo që ka luajtur në karrierën e tij deri më sot, prandaj Cristiano Ronaldo është një nga frymëzimet e tij më të mëdha.

“Nuk jam ndjerë kurrë si më i talentuari në grup, edhe nëse duhet të jesh në një nivel të caktuar për të luajtur për një ekip si United ose Napoli. Gjithmonë më është dashur të punoj më shumë se të tjerët, jam i vetëdijshëm për këtë. Kjo është arsyeja pse Cristiano është idhulli im. Ai gjithmonë dëshiron të përmirësohet dhe punon shumë për t'u bërë edhe më i mirë”.

“Në të gjithë botën, më të mirët për mua janë Ronaldo, Haaland, Lewandowski dhe Gyokeres. Në Serie A, do të zgjidhja Lukaku, Vlahovic dhe Lautaro Martinez. Pastaj jam unë, Rasmus”, përfundoi sulmuesi i Napolit. /Telegrafi/

Viktor Gyokeres është shpallur fitues i Trofeut Gerd Müller 2025, duke u njohur si golashënuesi më i mirë në futbollin evropian të klubeve për sezonin 2024–25.

Sulmuesi suedez, tani pjesë e Arsenalit, pati një sezon të jashtëzakonshëm, duke shënuar 39 gola me Sporting CP dhe 3 gola ME Arsenalin në kampionatet përkatëse pas transferimit të tij, për një total prej 42 golash në të gjitha garat – më i larti në Evropë, duke tejkaluar yjet si Kylian Mbappé dhe Erling Haaland.

Performanca e tij përfshiu një katër-golësh kundër Boavista, duke e bërë atë golashënuesin e dytë më të mirë të huaj në historinë e Sporting, si dhe një tregolësh kundër Manchester City në Ligën e Kampionëve, duke treguar aftësinë për të shënuar në skenat më të mëdha.

Ky nivel performancash i siguroi edhe çmimin Lojtari i Vitit në Primeira Liga dhe Këpucën e Artë për të dytin sezon radhazi.

Pas transferimit te Arsenali, Gyokeres vazhdoi formën e tij të lartë, duke kontribuar në fuqinë sulmuese të klubit dhe duke forcuar reputacionin e tij si një nga sulmuesit më produktivë të futbollit evropian. /Telegrafi/

Sulmuesi suedez i Arsenalit, Viktor Gyokeres, ka folur hapur për mënyrën se si përballon kritikat dhe presionin e madh që shoqëron një klub të Ligës Premier.

Ai thekson se përqendrimi te performanca personale është thelbësor, pavarësisht shqyrtimit intensiv të ekipit.

“Duhet të bësh gjërat e tua dhe të përshtatesh me vendin ku luan. Duhet të besosh në veten tënde dhe të vazhdosh, pavarësisht se çfarë ndodh, qoftë në fushë apo jashtë saj", tha Gyokeres.

Ai shtoi se nuk është e nevojshme të dëgjosh gjithçka që thuhet përreth: “Nuk mendoj se duhet ta kuptosh çfarë thonë të gjithë përreth teje. Nuk ke pse të dëgjosh gjithçka që dëgjon”, vazhdoi tutje sulmuesi suedez.

Vëmendja në Angli, sipas tij, është shumë më intensive krahasuar me ligat e tjera. “Kur luaja në Portugali, kishte gjithashtu shumë gjëra të tilla. Por këtu është shumë, shumë më e madhe. Ata analizojnë çdo gjë që bën. Por kështu është puna, dhe nuk ka asgjë të keqe me këtë”.

Gyokeres theksoi rëndësinë e fokusimit te aspektet që mund t’i kontrollojë.

“Ndoshta nuk është përparësia ime kryesore të lexoj gjithçka që thuhet ose çfarë shkruajnë njerëzit. Është thjesht të mendosh për gjërat që mund të kontrollosh dhe t’i bësh ato gjëra siç duhet. Stërvitu çdo ditë, luaj lojëra dhe kujdesu për trupin tënd. Janë ato gjëra dhe sigurisht përpiqu të shkëputesh ndonjëherë”, përfundoi suedezi i cili është përballur me kritika prej transferimit te ARsenal.

Me këtë qasje, Gyokeres tregon se çelësi për sukses në Ligën Premier është përqendrimi te vetja dhe lojtarët e ekipit, pavarësisht presionit të jashtëm. /Telegrafi/

Legjenda angleze, Alan Shearer, beson se sulmuesi i ri i Arsenalit, Viktor Gyokeres, do të bëhet edhe më i frytshëm kur skuadra të përshtatet me pikat e tij të forta.

Gyokeres e ka nisur mirë te Arsenali, por pritshmëritë për të janë edhe më të mëdha.

“Mendoj se për të nxjerrë më të mirën prej tij, ai do të ketë nevojë për topa të hershëm në zonë,” tha ish-kapiteni i Anglisë për Premier League Productions.

Shearer solli si shembull golin e suedezit kundër Nottingham Forest, i asistuar nga Eberechi Eze. “E theksova në pjesën e parë kur ata kishin shumë prekje ndoshta. Ky është një shembull i shkëlqyer se si nuk po e bëjmë këtë. Është një top i mrekullueshëm që e kalon shumë shpejt, por pjesa më e vështirë për anësorin është ta vendosë atë në një pjatë për Gyokeres, topi i parë, topi i hershëm, kjo është pikërisht ajo që Gyokeres kërkon", tha Shearer.

"Nëse Arsenali vazhdon ta bëjë këtë… ata prapë nuk e kanë gjetur ekuilibrin e duhur, siç thashë në pjesën e parë, por mendova se ishte pak më mirë në pjesën e dytë kur Calafiori dha një ose dy topa të hershëm. Ai do të shënojë një mori golash nëse ata vazhdojnë t’i fusin topat në zonë herët", përfundoi legjenda angleze.

Gyokeres ka nisur sezonin në mënyrë mbresëlënëse, duke realizuar tre gola në katër ndeshje të Ligës Premier për Arsenalin, pas transferimit nga Sporting Lisbona këtë verë. /Telegrafi/

Arsenali ka fituar me rezultat bindës 3-0 në shtëpi ndaj Nottingham Forest në ndeshjen e vlefshme për javën e katërt në Ligën Premier.

Ekipi i Mikel Artetas ka lënë shpejt pas krahëve humbjen minimale nga Liverpooli, duke marrë një fitore të madhe në shtëpi dhe duke marrë momentalisht pozitën e parë në tabelë.

Pjesa e parë e ndeshjes u karakterizua me dominim absolut të Topçinjve, por përkundër rasteve të shumta, vetëm një herë tundën rrjetën.

Goli i vetëm në këtë pjesë erdhi në minutën e 32-të me anë të Martin Zubimendit, i cili shënoi një supergol nga distanca për epërsinë 1-0.

Në pjesën e dytë, Arsenali përsëri ishte skuadër më e mirë, krijoi më shumë raste dhe arriti të shënoj edhe dy gola për të siguruar fitoren.

Goli i parë në këtë pjesë erdhi qysh në minutën e parë me anë të Viktor Gyokeres, i cili shënoi nga afërsia për 2-0 pas asistimit të Eberechi Eze.

Për golin e dytë dhe të fitores 3-0 u përkujdes përsëri mesfushori Zubimendi (79’), i cili kësaj radhe shënoi me kokë për të vulosur rezultatin përfundimtar.

Në ndeshjen e ardhshme, Arsenali e pret në shtëpi Manchester Cityn, teksa Nottingham Forest udhëton te Burnley. /Telegrafi/

Kombëtarja e Suedisë e ka publikuar listën për ndeshjet me Slloveninë dhe Kosovën, të vlefshme për kualifikimet e Kupës së Botës 2026.

Skandinavët do të luajnë gjatë shtatorit dy ndeshjet e para kualifikuese, ku fillimisht presin Slloveninë, pastaj udhëtojnë në Prishtinë për ndeshjen me Kosovën.

Për këto dy ndeshje, përzgjedhësi i suedezëve, Jon Dahl Tomasson, ka publikuar listën me 24 futbollistët e ftuar.

Lexo po ashtu “E kam refuzuar Kosovën, ndihem mirë që zgjodha Suedinë”, Besfort Zeneli konfirmon vendimin e tij

Pjesë e listës janë yjet e mëdha si Alexander Isak, Viktor Gyokeres, Anthony Elanga, Lucas Bergall dhe Isak Hien.

Megjithatë, në listë nuk gjendet edhe mesfushori shqiptar, Besfort Zeneli, i cili kishte lënë Kosovën për Suedinë.

Më poshtë keni listën e Suedisë për dy ndeshjet e shtatorit. /Telegrafi/

Nu inleds resan mot VM 2026

- | 5 sep
- | 8 sep pic.twitter.com/0JFVHwUyMi

— Svensk Fotboll (@svenskfotboll) August 27, 2025

The post Suedia publikon listën për ndeshjen ndaj Kosovës – mungon Zeneli, përfshihen Isak dhe Gyokeres appeared first on Telegrafi.

Viktor Gyokeres shënoi golat e tij të parë në Ligën Premier 2025/26, duke ndihmuar Arsenalin të triumfonte 5-0 ndaj Leeds United.

Sulmuesi suedez realizoi të dy golat e tij në pjesën e dytë, fillimisht duke shënuar një gol të bukur dhe më pas duke finalizuar një penallti në minutat e fundit të ndeshjes.

Pas realizimit të golit të dytë, Gyokeres tregoi një festim të veçantë. Ai fillimisht bëri lëvizjen e njohur të “maskës së mallkuar”, për të vazhduar më pas duke tundur flokët.

Ky festim duket se ishte një mënyrë për t’i tallur ata që e kritikonin për mënyrën si lëviz flokët, një gjest që kishte marrë vëmendje edhe gjatë fitores ndaj Manchester United.

Lojtari u tall për “lëvizjet e tij të flokëve”, dhe duket se kjo është arsyeja pse e përdori këtë gjest pas dy golave të shënuar kundër Leeds.

Lexo po ashtu Transferimi i Arsenalit për 65 milionë euro po dështon keq - Gyokeres nuk shënon përballë portierit

Arsenali, me këtë fitore të thellë, ruan formën e mirë në fillimin e sezonit dhe konfirmon potencialin e sulmuesit Gyokeres.

Festimi i tij i veçantë u bë menjëherë viral në rrjetet sociale, duke treguar karakterin dhe personalitetin e sulmuesit suedez. /Telegrafi/

Victor Gyokeres' vs Leeds.

Goals: 0
Shots: 0
Hair flicks: 44 pic.twitter.com/76aWpYmEVl

— Footy Humour (@FootyHumour) August 23, 2025

Despite only playing 60 minutes, no player completed more hair flicks for Arsenal against Manchester United than Gyokeres (65).

Photogenic. pic.twitter.com/IG60XgYmpg

— ☈ッ (@TheFergusonWay) August 17, 2025

The post “Karma funksionoi” – Viktor Gyokeres rregulloi flokët si tallje për ata që e kritikuan javën e kaluar appeared first on Telegrafi.

Arsenali është duke fituar 2-0 përballë Leeds United në kuadër të javës së dytë në Ligën Premeir.

The Gunners vuajtën në fillim, duke mos arritur të tundin rrjetën kundërshtare.

Madje huqjen më të madhe e pati transferimi për 65 milionë euro, Viktor Gyokeres.

Sulmuesi suedez ishte i vetëm përballë portierit të Leeds United, mirëpo nuk ia doli të shënonte në portën e zbrazët.

Kjo huqje padyshim se u bë virale në rrjetet sociale, me disa që e quajnë edhe si blerja më e dështuar deri më tani në këtë sezon.

Golat për Arsenalin i realizuan Jurrien Timber në minutën e 34-të me një asistim të Declan Rice, ndërsa për 2-0 u përkujdes Bukayo Saka, që la portierin kundërshtar të ngrirë në këndë. /Telegrafi/

The post Transferimi i Arsenalit për 65 milionë euro po dështon keq – Gyokeres nuk shënon përballë portierit appeared first on Telegrafi.

Dimitar Berbatov ka pranuar se është “i zhgënjyer” që Viktor Gyokeres zgjodhi të bashkohej me Arsenalin, teksa ish-klubi i tij Manchester United përgatitet të përballet me të. 

Ish-sulmuesi i Manchester United, Dimitar Berbatov, ka shprehur zhgënjimin e tij që Gyökeres vendosi të transferohej te Arsenali gjatë verës, në një marrëveshje që përfundoi me vlerë 64 milionë euro. 

“Djajtë e Kuq”, nga ana tjetër, zgjodhën të nënshkruajnë me Benjamin Sesko, dhe të dy sulmuesit pritet të përballen kokë më kokë të dielën, kur Manchester United dhe Arsenal të nisin fushatën e tyre në Ligën Premier. 

Gyokeres regjistroi një sezon spektakolar me 54 gola në të gjitha garat për Sportingun sezonin e kaluar, ndërsa Sesko realizoi 21 gola me RB Leipzig.

Berbatov parashikon një duel intrigues mes dy qendërsulmuesve, por edhe mes trajnerëve Mikel Arteta dhe Ruben Amorim. 

“Po, ai ishte fenomenal në Portugali. Jam pak xheloz, për të qenë i sinqertë. Jam i trishtuar, madje edhe i zhgënjyer që nuk shkoi te Manchester United, sepse ekzistonte edhe një lidhje portugeze”.

Lexo po ashtu Ruben Amorim ka zbuluar se cila është dobësia më e madhe e Gyokeres

“Por ai zgjodhi Arsenalin. Në një farë mënyre, e kuptoj. Arsenali po luan mirë, një futboll të bukur, me pasime të shpejta, kërkojnë hapësirat”. 

“Mikel Arteta është nxënës i Pep Guardiolës dhe kjo është mënyra si luan. Ai nuk do ta ndryshojë kurrë këtë stil”, ka thënë ish-futbollisti bullgar./Telegrafi/

The post Legjenda e Man Utd i zhgënjyer për faktin se Gyokeres u transferua tek Arsenali appeared first on Telegrafi.

Trajneri i Manchester United, Ruben Amorim, ka zbuluar tashmë mangësinë më të madhe të Viktor Gyokeres, teksa ish-sulmuesi i tij përgatitet të luajë kundër tij për Arsenalin. 

Gyokeres kompletoi kalimin te Arsenali muajin e kaluar nga Sporting Lisbona, me “Topçinjtë” që paguan një shumë fillestare prej 54.8 milionë eurosh. Pas përfshirjes së bonuseve, kostoja totale e marrëveshjes do të arrijë në 63.4 milionë euro. 

Sulmuesi 27-vjeçar, i cili nuk ka luajtur më parë në Ligën Premier, u transferua te Sporting nga skuadra e Championship, Coventry, gjatë kohës kur Ruben Amorim ishte në krye të klubit portugez. 

Në sezonin e tij të parë të plotë në Portugali, 2023/24, ai realizoi 43 gola në të gjitha garat, ndërsa sezonin pasardhës regjistroi një numër të jashtëzakonshëm prej 54 golash. 

Sulmuesi i kombëtares së Suedisë do të përballet me Amorimin që në javën e parë të sezonit, kur Arsenali të përballet me Manchester United në “Old Trafford”. 

Megjithatë, trajneri kundërshtar e njeh mirë Gyokeresin dhe mënyrën se si mbrojtësit e United mund të përpiqen ta ndalojnë atë. 

Në mars të vitit 2024, Amorim dha një vlerësim mjaft të drejtpërdrejtë  dhe të ashpër, për aspektet ku suedezi ka ende nevojë të përmirësohet. 

Lexo po ashtu Ronaldo e përshkruan me dy fjalë Gyokeres pasi e pa duke luajtur për Arsenalin

“Ka ende shumë gjëra që Gyokeres duhet t’i përmirësojë. Ai luan njësoj qoftë kundër një qendërmbrojtësi të ngadaltë apo të shpejtë”.  

“Çdo gjë që bën në kampionatin portugez, e bën edhe kundër Atalantës. Ai duhet të përmirësojë akoma më shumë kuptimin e lojës”.  

“Ende i mungon reagimi në aspektin defensiv dhe të gjithë trajnerët e vërejnë këtë”, kishte thënë Amorim. 

Tekniku portugez do të ketë mundësinë të dëshmojë vetë, nga afër, këtë të diel, se sa shumë është përmirësuar Gyokeres që nga ato komente. 

The post Ruben Amorim ka zbuluar se cila është dobësia më e madhe e Gyokeres appeared first on Telegrafi.

Liga Premier krenohet me disa nga sulmuesit më të talentuar në futbollin botëror — dhe për të siguruar shërbimet e tyre, klubet shpesh paguajnë shuma marramendëse javore.

5. Viktor Gyokeres – 236,000 euro në javë

Arsenali më në fund arriti objektivin e tij afatgjatë kur nënshkroi me Viktor Gyokeres pak para fillimit të sezonit 2025/26. Mikel Arteta e kishte ndjekur prej kohësh sulmuesin suedez, duke e konsideruar si golashënuesin natyral që i mungonte ekipit.

Gyokeres mbërriti nga Sporting CP me një rekord mbresëlënës — 97 gola në 102 ndeshje — dhe kushtoi rreth 64.9 milionë euro, ndërsa paga e tij javore arrin në 236,000 €. Nëse arrin ta çojë Arsenalit drejt titullit të parë në ligë pas më shumë se dy dekadash dhe tre vendeve të dyta radhazi, investimi do të justifikohet plotësisht, raporton GivemeSport.

4. Gabriel Jesus — 312,700 euro në javë

Fitues i katërfishtë i Ligës Premier gjatë kohës te Manchester City, Gabriel Jesus gjithmonë do të merrte një pagë të lartë te Arsenali. Megjithëse nuk ka qenë aq produktiv sa pritej, mbërritja e tij ndihmoi në ngushtimin e diferencës me kampionët.

Pas një forme të mirë në dhjetor 2024, një dëmtim i ligamentit të kryqëzuar e ndali vrullin e tij. Me Gyokeres tani në krye të sulmit, Jesus duhet të luftojë fort për të rikthyer vendin e titullarit.

Lexo po ashtu Kush do e fitojë Ligën Premier 2025/26? Super kompjuteri i Opta-s jep verdiktin, tifozët e Man United nuk do ta pëlqejnë

3. Kai Havertz – 330,400 euro në javë

Pavarësisht kritikave për mungesën e qëndrueshmërisë para portës, Havertz mbetet pjesë e rëndësishme e Arsenalit. Gjermani, autor i golit vendimtar në finalen e Ligës së Kampionëve 2021 me Chelsean, ende nuk ka bindur plotësisht si sulmues kryesor.

Sezoni i kaluar tregoi shenja përmirësimi, por ardhja e Gyokeres mund të kërcënojë rolin e tij si titullar. Paga prej 330,400 € në javë tregon rëndësinë që klubi i jep.

Lexo po ashtu Sesko ka nënshkruar kontratën e jetës, ja sa do të fitojë te United

2. Omar Marmoush – 348,100 € në javë

Manchester City e afroi Marmoush në janar, pas një fillimi jo të mirë të sezonit. Egjiptiani kishte shënuar 20 gola në 26 ndeshje për Eintracht Frankfurt, duke bindur Cityn të paguante 69.6 milionë € për nënshkrimin e tij.

Shkathtësia e tij për të luajtur si në qendër ashtu edhe në krah e bën një aset të vlefshëm. Paga e tij e lartë pasqyron cilësinë dhe ambicien e Cityt për të rifreskuar sulmin.

1. Erling Haaland – 619,500 euro në javë

Sulmuesi më i paguar në Ligën Premier është, siç pritej, Erling Haaland. Që nga transferimi nga Borussia Dortmund në vitin 2022, norvegjezi ka qenë i pamëshirshëm para portës.

Ai theu rekordin e ligës për gola në një sezon me 36 realizime në debutim dhe vazhdon të shënojë në ritme historike. Kontrata e tij, me vlerë mbi gjysmë milioni euro në javë, e vendos si sulmuesin më të vlefshëm në futbollin anglez. /Telegrafi/

The post Emërohen pesë sulmuesit më të paguar në Ligën Premier appeared first on Telegrafi.

Viktor Gyokeres ka gjetur rrugën e rrjetës për herë të parë me fanellën e Arsenalit, duke shënuar në fitoren ndaj Athletic Bilba.

Arsenali tregoi dominim ndaj skuadrës spanjolle, derisa shkëlqyen Gyokeres e Bukayo Saka në fitoren 3-0.

Pas ndeshjes, trajneri Mikel Arteta e vlerësoi lart rëndësinë e këtij goli për sulmuesin suedez.

“Sigurisht që jam i lumtur. Goli i parë është gjithmonë shumë i rëndësishëm,” deklaroi Arteta në konferencën për shtyp.

“Mënyra se si e realizoi ishte fantastike dhe besoj se do të kemi disa paraqitje të shkëlqyera nga ai”.

Tekniku spanjoll shtoi se Gyokeres po përshtatet mirë me shokët e skuadrës dhe po krijon lidhje të mira në repartin ofensivë.

“Po zhvillojmë bashkëpunim të mirë mes lojtarëve të rinj dhe atyre me përvojë, si Kai Havertz, dhe goli që shënoi ishte gjithashtu shumë i bukur,” tha ai.

Arteta theksoi se rritja e nivelit të secilit lojtar është çelësi i suksesit për sezonin e ardhshëm. “Në këtë nivel, na duhet më e mira nga të gjithë. Ky gol është vetëm fillimi për të,” përfundoi trajneri i Arsenalit. /Telegrafi/ 

The post Arteta i lumtur me golin e parë të Gyokeres, ka fjalë të mëdha për suedezin appeared first on Telegrafi.

Revista prestigjioze, France Football ka shpallur sot (e enjte) gjatë ditës kandidatët për Topin e Artë 2025.

Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat në sezonin paraprak.

Fituesi i mëparshëm është Rodri i Manchester Cityt, i cili këtë vit nuk gjendet fare në listë, por ka shumë yje tjerë që përbejnë listën pre 30 lojtarëve të nominuar.

Në listë nuk mungojnë emra si favoritët e përmendur tashmë si Lamine Yamal, Ousmane Dembele, Gianluigi Donnarumma, Vitinha, Mohamed Salah dhe Raphinha.

Here are the 2025 Ballon d’Or nominees!#ballondor pic.twitter.com/tehmbU4R0j

— Ballon d’Or (@ballondor) August 7, 2025

Përveç tyre lista përfshin edhe yje tjerë si Kylian Mbappe, Jude Bellingham, Lautaro Martinez, Harry Kane, Pedri, Erling Haaland dhe Achraf Hakimi.

Më poshtë keni listën më të gjithë 30 emrat e nominuar për Topin e Artë 2025:

– Ousmane Dembele (Paris Saint-Germain);

– Gianluigi Donnarumma (Paris Saint-Germain);

– Jude Bellingham (Real Madrid)

– Desire Doue (Paris Saint-Germain)

– Denzel Dumfries (Inter)

– Serhou Guirassy (Dortmund)

– Erling Haaland (Man City)

– Viktor Gyokeres (Arsenal)

– Achraf Hakimi (Paris Saint-Germain)

– Harry Kane (Bayern Munich)

– Khvicha Kvaratskhelia (Paris Saint-Germain)

– Robert Lewandowski (Barcelona)

– Alexis Mac Allister (Liverpool)

– Lautaro Martinez (Inter)

– Scott McTominay (Napoli)

– Kylian Mbappe (Real Madrid)

– Nuno Mendes (Paris Saint-Germain)

– Joao Neves (Paris Saint-Germain)

– Pedri (Barcelona)

– Cole Palmer (Chelsea)

– Michael Olise (Bayern Munich)

– Raphinha (Barcelona)

– Declan Rice (Arsenal)

– Fabian Ruiz (Paris Saint-Germain)

– Virgil van Dijk (Liverpool)

– Vinicius Jr (Real Madrid)

– Mohamed Salah (Liverpool)

– Florian Wirtz (Liverpool)

– Vitinha (Paris Saint-Germain)

– Lamine Yamal (Barcelona)

/Telegrafi/

The post France Football zbulon emrat e 30 lojtarëve të nominuar për Topin e Artë 2025 appeared first on Telegrafi.