Dy ditë pas zgjedhjeve të parakohshme parlamentare në Kosovë, po bëhet gjithnjë e më e qartë përbërja e Kuvendit të ri me 120 deputetë.

Komisioni Qendror i Zgjedhjeve (KQZ) ka numëruar mbi 65% të votave për kandidatët për deputetë.

Rreth 45% e qytetarëve me të drejtë vote morën pjesë në zgjedhje.

Sipas të dhënave paraprake, Lëvizja Vetëvendosje (LVV) e kryeministrit në detyrë, Albin Kurti, ka fituar bindshëm.

Rezultatet preliminare për kandidatët kryesorë:

Lëvizja Vetëvendosje (VV):

• Albin Kurti – 231,334 vota
• Glauk Konjufca – 180,313 vota
• Albulena Haxhiu – 94,655 vota
• Hekuran Murati – 93,863 vota
• Donika Gërvalla-Schwarz – 84,128 vota
• Xhelal Sveçla – 75,188 vota
• Hajrulla Çeko – 68,507 vota
• Avni Dehari – 62,091 vota
• Mimoza Kusari-Lila – 57,088 vota
• Ejup Maqedonci – 52,318 vota

Partia Demokratike e Kosovës (PDK):

• Bedri Hamza – 106,718 vota
• Arian Tahiri – 49,544 vota
• Përparim Gruda – 46,244 vota
• Uran Ismaili – 36,104 vota
• Sala Jashari – 33,751 vota
• Vlora Çitaku – 29,736 vota
• Arben Mustafa – 25,694 vota
• Enver Hoxhaj – 25,085 vota
• Rrahman Rama – 19,498 vota
• Ganimete Musliu – 18,835 vota
  
  Lidhja Demokratike e Kosovës (LDK):
  
• Lumir Abdixhiku – 51,036 vota
• Hykmete Bajrami – 32,089 vota
• Ukë Rugova – 28,239 vota
• Avdullah Hoti – 25,032 vota
• Doarsa Kica Xhelili – 24,801 vota
• Kujtim Shala – 22,595 vota
• Anton Quni – 17,816 vota
• Armend Zemaj – 16,713 vota
• Lutfi Haziri – 14,873 vota
• Jehona Lushaku Sadriu – 11,543 vota

Aleanca për Ardhmërinë e Kosovës (AAK):

• Ramush Haradinaj – 27,079 vota
• Daut Haradinaj – 16,746 vota
• Besnik Tahiri – 16,071 vota
• Bekë Berisha – 11,818 vota
• Agim Çeku – 10,961 vota
• Time Kadrijaj – 10,796 vota
• Burim Ramadani – 9,931 vota
• Arber Tolaj – 9,762 vota
• Lahi Brahimaj – 7,104 vota
• Albana Bytyqi – 6,406 vota

Sipas rezultateve preliminare, LVV pritet të ketë 56 ulëse në Kuvend, pasuar nga PDK me 23, LDK me 15, Lista Serbe me 9 dhe AAK me 6 ulëse.

Personi më i votuar në këto zgjedhje është Albin Kurti, i cili në zgjedhjet e 9 shkurtit kishte fituar 337,791 vota, duke thyer rekordin e deriatëhershëm të presidentes Vjosa Osmani (300,756 vota).

KQZ njofton se numërimi i votave do të vazhdojë dhe rezultatet finale do të shpallen sapo të përfundojë procesi i plotë i numërimit./Telegrafi.

Kryetari i Lëvizjes “Shqipëria Bëhet”, Adriatik Lapaj, ka deklaruar se protesta e tij dhe e mbështetësve të tij do të vazhdojë edhe gjatë natës së ndërrimit të viteve.

“Krishtlindjet i hëngrëm këtu. Nesër, Vitin e Ri, besoj, të jemi mirë me shëndet, do ta konsumojmë këtu dhe unë them që do jemi këtu gjatë dhe do rezistojmë për të dhënë një model proteste qëndrese”, tha Lapaj gjatë një bisedë në emisionin “Off the Record” të Andrea Dangllit në A2 CNN.

Sipas tij, modeli i protestës qëndrestare do të inkurajojë qytetarët të shtohen në shesh edhe pas Vitit të Ri.

“Ata që thoshin ‘Ku janë numrat?’, ditën e shtunë besoj e morën një mesazh të qartë. Nuk ishin jashtëzakonisht shumë, po ishin shumë në raport me atë që nisi. Të mbledhësh sot 2,000 qytetarë të lirë pa i detyruar, pa i marrë me kërcënim, pa i marrë me para, pa u ofruar vende pune dhe t’u ngjallësh shpresën, është një fillim i mirë,” tha Lapaj.

Ai shtoi se ditën e diel numri i pjesëmarrësve do të rritet dhe protesta do të shndërrohet në një “reaksion të madh popullor” kundër qeverisë.

Një 70-vjeçar nga Pogradeci, Rushan Selko, është vënë nën akuzë për përdhunimin e një vajze 12-vjeçare, e cila sipas mjekëve rezulton rreth 22 javëshe shtatzënë.

Rasti është zbuluar pasi prindërit e të miturës kanë vënë re ndryshime fizike tek vajza dhe e kanë dërguar atë për ekzaminime mjekësore, ku u konfirmua shtatzënia. Më pas, ngjarja është denoncuar dhe kanë nisur procedurat hetimore.

Sipas informacioneve paraprake dhe dëshmive të familjarëve të vajzës, mes dy familjeve kishte marrëdhënie të afërta shoqërore dhe nuk kishte pasur dyshime për ndonjë sjellje të papërshtatshme. Banesat e të miturës dhe të dyshuarit ndodhen pranë njëra-tjetrës, ndërsa vajza lejohej të shkonte shpesh në dyqan për të ndihmuar familjen e tij.

Burime hetimore bëjnë me dije se i dyshuari e ka kërcënuar vazhdimisht të miturën për të mos treguar ngjarjen. Vajza ka pranuar çfarë ka ndodhur në prani të një psikologu, ndërsa familjarët janë marrë në pyetje nga autoritetet.

Familja e 12-vjeçares është shprehur jashtë kamerave se pret që drejtësia të veprojë, duke theksuar se ndodhet në gjendje të rënduar emocionale dhe se ndjehet e tronditur nga ngjarja.

Ndërkohë, një e afërme e të dyshuarit, Zybe Selko, gruaja e kushëririt të tij, ka deklaruar se nuk kishte dijeni për rastin dhe se nuk kishte dëgjuar më parë ankesa apo fjalë të këqija për të.

“Ai njihej si njeri i mirë në fshat, familjar dhe baba i katër vajzave. Unë u trondita kur e mora vesh, nuk kisha informacion për këtë ngjarje,” është shprehur ajo.

Hetimet për zbardhjen e plotë të rrethanave vijojnë nga organet kompetente, raporton Panorama.

Shef i Misionit të OSBE-së në Kosovë, Gerard McGurk, ka vlerësuar si të rëndësishme dhe profesionale punën e Komisionit Qendror të Zgjedhjeve (KQZ), Panelit Zgjedhor për Ankesa dhe Parashtresa (PZAP) dhe të Policisë së Kosovës në organizimin dhe mbarëvajtjen e zgjedhjeve të parakohshme parlamentare të 28 dhjetorit.

Në një postim në rrjetin “X”, ambasadori McGurk tha se këto institucione punuan në mënyrë profesionale, efikase dhe të sigurt.

“Ndërsa procesi i numërimit është ende në vazhdim, puna e tyre mbetet thelbësore për qëndrueshmërinë demokratike të Kosovës dhe besimin e publikut”- ka shkruar ai.

Ndryshe, Komisioni Qendror i Zgjedhjeve ka përfunduar numërimin e votave të kandidatëve për deputetë si dhe verifikimin e votave për partitë politike në gjashtë Qendra Komunale të Numërimit.

KQZ më 30.12.2025 ka procesuar 100 për qind të rezultateve preliminare të zgjedhjeve të jashtëzakonshme të 28 dhjetorit, vota të numëruara në vendvotime.

Sipas rezultateve të publikuara nga KQZ-ja, fituese e zgjedhjeve të së dielës është Lëvizja Vetëvendosje me 433 mijë e 394 vota.

Partia Demokratike e Kosovës radhitet e dyta me 184 mijë e 318 vota.

Lidhja Demokratike e Kosovës nga ana tjetër ka siguruar 119 mijë e 201 vota.

Teksa Aleanca për Ardhmërinë e Kosovës ka marr gjithsej 49 mijë e 698 vota.

Pjesëmarrja në zgjedhje sipas KQZ ka qenë 45.03% apo 900 mijë e 330 votues nga 1 milion e 999 mijë e 204 votues në Listën Votuese.

Numri i qytetarëve me të drejtë vote në vendvotime në Kosovë ishte 1,999,204 votues, ndërkaq numri i qytetarëve që janë regjistruar për të votuar jashtë Kosovës ishte 77,086

Organizata e Veteranëve të Luftës së Ushtrisë Çlirimtare të Kosovës (OVL-UÇK) ka reaguar me rastin e Ditës së Veteranëve të UÇK-së, duke bërë thirrje për reflektim shtetëror, respekt institucional dhe përulje ndaj sakrificës së atyre që e sollën lirinë.

Në reagimin e publikuar në Facebook, OVL-UÇK ka kritikuar qeverinë për mosdhënien e pensioneve meritorë veteranëve dhe për trajtim të nënçmuar të tyre.

“Për pesë vite me radhë, ky pushtet e la luftëtarin e UÇK-së pa pension meritor, duke e nënçmuar dinjitetin e atij që rrezikoi jetën për liri. Kjo u bë me vetëdije dhe me hile politike, në bashkëpunim me Listën Serbe”, thuhet në reagim.

Organizata ka përmendur gjithashtu tolerimin e deklaratave fyese dhe përçmuese ndaj veteranëve, si dhe trajtimin e tyre si barrë, pa mbrojtje shtetërore.

Sipas OVL-UÇK, u tha publikisht se “më mirë të paguheshin mercenarët, sesa ata që e çliruan vendin”, duke e quajtur këtë politikë të qëllimshme dhe të organizuar kundër UÇK-së.

OVL-UÇK ka theksuar se edhe në këtë Ditë të Veteranëve, institucionet nuk kanë zhvilluar asnjë aktivitet simbolik, asnjë vizitë te varret e dëshmorëve, duke e cilësuar këtë heshtje si një qëndrim politik që tregon përpjekjen e shtetit për të “shkëputur lidhjen me luftën që e solli në jetë”.

“Kosova nuk ka lindur nga neutraliteti, as nga administrata, as nga konferencat, por nga gjaku i dëshmorëve dhe sakrifica e veteranëve të UÇK-së”./Telegrafi.

Një ngjarje e rëndë ka ndodhur pasditen e së martës në Pejë, ku dy persona të gjinisë femore dhe mashkullore janë gjetur pa shenja jete brenda një vile në rrugën “KFOR”.

Lidhur me rastin, zëdhënësi i Prokurorisë Themelore të Pejës, Shkodran Nikçi, ka dhënë detaje për veprimet e ndërmarra nga autoritetet në vendin e ngjarjes.

Ai tha se sapo është pranuar informacioni, Policia e Kosovës ka dalë menjëherë në vendin e ngjarjes, ku dyshohet se personat ishin pa shenja jete në një motel.

Në vendngjarje kanë dalë gjithashtu kryeprokurorja e Prokurorisë Themelore të Pejës dhe prokurorja e Krimeve të Rënda, ndërkohë që janë ndërmarrë të gjitha veprimet për të siguruar provat që do të shërbejnë në hetime të mëtejshme.

Sipas Nikçit, janë identifikuar dëshmitarët, ndërsa Mjekësia Ligjore është ftuar për të tërhequr trupat e pajetë dhe do të kryejë autopsinë me urdhër të prokurorit të shtetit.

Në vend të ngjarjes nuk është hasur ndonjë armë e zjarrit dhe se viktimat nuk kanë pasur shenja të dhunës.

Ai theksoi se për shkak të ndjeshmërisë së rastit, nuk mund të jepen detaje të tjera në këtë fazë.

“Me të pranuar informatën menjëherë kanë dalë në vendin e ngjarjes Policia e Kosovës, dyshohet se ishin pa shenje jete në një motel. Në vendin e ngjarjes kanë dalë kryeprokurorja e Prokurorisë Themelore të Pejës dhe prokurorja e Krimeve të Rënda dhe janë ndërmarrë të gjitha veprimet në vendin e ngjarjes duke siguruar provat të cilat do të shërbejnë në veprimet e mëtutjeshme. Njëkohësisht janë identifikuar dëshmitarë, është ftuar Mjekësia Ligjore për t’i tërhequr trupat e pajetë dhe me urdhër të shtetit të bëhet autopsia. Për shkak të ndjeshmërisë së rastit nuk mund të jepen detaje më shumë”, u shpreh Nikçi./Telegrafi.

Komisioni Qendror i Zgjedhjeve ka përpunuar gjysmën e votave të kandidatëve për deputet në zgjedhjet e parakohshme të 28 dhjetorit, duke dhënë një pasqyrë të përkohshme të kandidatëve më të votuar deri tani.

Nga rezultatet e deritashme, Albin Kurti kryeson me 172,610 vota, i ndjekur nga Glauk Konjufca me 134,395 vota dhe Albulëna Haxhiu me 70,222 vota nga lista e Lëvizjes Vetëvendosje.

Nga partitë tjera, më të votuarit deri tani janë: Bedri Hamza (PDK) me 79,207 vota, Lumir Abdixhiku (LDK) me 35,579 vota dhe Ramush Haradinaj (AAK) me 18,897 vota.

Më poshtë janë dhjetë kandidatët më të votuar nga katër partitë kryesore:

Lëvizja Vetëvendosje (VV):

• Albin Kurti – 172,610 vota
• Glauk Konjufca – 134,395 vota
• Albulëna Haxhiu – 70,222 vota
• Hekuran Murati – 69,572 vota
• Donika Gërvalla-Schëarz – 62,013 vota
• Xhelal Sveçla – 55,931 vota
• Hajrulla Çeko – 51,970 vota
• Avni Dehari – 46,101 vota
• Mimoza Kusari Lila – 43,073 vota
• Ejup Maqedonci – 39,238 vota

Partia Demokratike e Kosovës (PDK):

• Bedri Hamza – 79,207 vota
• Arian Tahiri – 37,355 vota
• Përparim Gruda – 34,827 vota
• Uran Ismaili – 27,302 vota
• Sala Jashari – 24,983 vota
• Vlora Çitaku – 22,180 vota
• Arben Mustafa – 19,491 vota
• Enver Hoxhaj – 18,641 vota
• Rrahman Rama – 14,530 vota
• Ganimete Musliu – 14,073 vota

Lidhja Demokratike e Kosovës (LDK):

• Lumir Abdixhiku – 37,579 vota
• Hykmete Bajrami – 23,759 vota
• Ukë Rugova – 20,769 vota
• Doarsa Kica Xhelili – 18,391 vota
• Avdullah Hoti – 18,363 vota
• Kujtim Shala – 16,399 vota
• Anton Quni – 13,086 vota
• Armend Zemaj – 12,389 vota
• Lutfi Haziri – 11,138 vota
• Janina Ymeri – 8,702 vota

Aleanca për Ardhmërinë e Kosovës (AAK):

• Ramush Haradinaj – 18,897 vota
• Daut Haradinaj – 11,593 vota
• Besnik Tahiri – 11,293 vota
• Bekë Berisha – 8,424 vota
• Agim Çeku – 7,649 vota
• Time Kadrijaj – 7,518 vota
• Burim Ramadani – 7,150 vota
• Arber Tolaj – 6,641 vota
• Lahi Brahimaj – 4,748 vota
• Albana Bytyqi – 4,635 vota

Në total janë 2,557 vendvotime, ndërsa deri tani janë procesuar votat nga 1,282 vendvotime.

Rezultatet e plota mund t’i ndiqni në këtë link: KQZ – Rezultatet e Përditësuara.

Sipas të dhënave paraprake, LVV-ja do t’i ketë 56 ulëse në Kuvend, pasuar nga PDK-ja me 23, LDK-ja me 15, Lista Serbe 9 dhe AAK-ja 6./Telegrafi.

“Ishte pothuajse pa shenja jete… pas 45 minutash hapi sytë dhe dhuroi buzëqeshje”.

Këto fjalë përmbledhin momentet dramatike të një fluturimi transatlantik nga Vjena drejt New York-ut, ku një akt humanizmi i një kosovari u kthye në mrekulli.

Protagonist është Malë Dautaj, mjek nga Peja, i cili me profesionalizëm dhe guxim arriti të shpëtojë jetën e një të riu amerikan.

Në aeroplanin e mbushur me udhëtarë, mjeku nga Kosova u gjend në këtë situatë emergjente gjatë një fluturimi, e para që i kishte ndodhur në jetë.

Këtë përvojë të jashtëzakonshme, që ai e përjetoi me përgjegjësi të madhe, por edhe me krenari profesionale, Malë Dautaj, e ndau në një rrëfim.

Ai tregoi fillimisht momentin kur u kërkua ndihmë për pasagjerin, gjendja shëndetësore e të cilit po përkeqësohej me shpejtësi dhe pothuajse ishte pa shenja jete.

“Rreth orës 16:00 pasdite, gjatë fluturimit mbi oqean, në aeroplanin e Vjenës duke shkuar në Nju Jork, kam vërejtur një situatë emergjente në mes të kabinës. Një djalë kishte filluar të përkeqësohej dhe u kërkua menjëherë ndihmë.”

Në ato çaste kritike, Dautaj iu afrua pacientit dhe e kuptoi menjëherë seriozitetin e gjendjes së tij.

“U afrova pranë pacientit dhe vërejta se në ato momente ishte i shtrirë, pothuajse pa shenja jete. Fillimisht e tërhoqëm drejt pjesës së përparme të aeroplanit, ku u shtri për të mundësuar ndërhyrje më të sigurt.”

Përballë një situate ku çdo sekondë ishte vendimtare, përgjegjësia që mori mbi vete ishte jetike për fatin e të riut amerikan.

Ai rrëfeu tutje se intervenimi ishte i domosdoshëm për ta kthyer pacientin në jetë.

Ndërhyrjen e realizoi me pajisjet personale që kishte me vete, si dhe me mjetet e ofruara nga ekuipazhi i avionit.

“Vrapova për të marrë mjetet nga çanta ime personale dhe më pas kërkova nga ekuipazhi çantat me pajisjet e nevojshme. Me ndihmën e një djalit që më asistoi gjatë gjithë kohës, filluam trajtimin emergjent. Ishte një përgjegjësi shumë e madhe, por ishte e domosdoshme ta kthenim pacientin në jetë, përndryshe situata do të ishte fatale”, tha ai për Klan Kosovën.

Përpjekjet zgjatën pothuajse një orë dhe falë reanimimit të pandërprerë dhe përkushtimit maksimal, i riu buzëqeshi.

Momentet e rikthimit në jetë të tij u shoqëruan me duartrokitje nga pasagjerët, ndërsa për mjekun nga Kosova me 27 vjet përvojë pune, ky ishte shpërblimi më i madh emocional dhe profesional.

“Vura re se pacientit i mungonte oksigjeni. Pas rreth 45 minutash reanimimi dhe ndërhyrjeje të vazhdueshme, pacienti hapi sytë dhe dhuroi buzëqeshjen e parë, moment që ishte jashtëzakonisht prekës. Pas kësaj, duartrokitjet që mora, ishin vërtetë impresionuese, pasi ishte hera e parë që bëra një veprim të tillë në aeroplan. U ndjeva me të vërtetë i lumtur” – përfundoi Dautaj rrëfimin.

Pesë persona kanë mbetur të lënduar si pasojë e një aksidenti trafiku mes dy automjeteve në hyrjen-daljen e autostradës “Arbën Xhaferi” në hyrje të Lipjanit.

Rastin e ka konfirmuar zëdhënësi i Policisë, Bajram Krasniqi.

“Sot, në ora 16:20, është lajmëruar një aksident trafiku në hyrje-daljen e autostradës në Lipjan. Në aksident janë përfshirë dy automjete dhe pesë persona kanë kërkuar ndihmë mjekësore. Policia është marrë me procedurat në vendngjarje,” tha Krasniqi.

Hetimet për shkaqet e aksidentit janë duke vazhduar.

Një fëmijë 1-vjeçar ka humbur jetën si pasojë e tymit në një shtëpi që është përfshirë nga zjarri në qendër të Prizrenit, derisa tre fëmijët e tjerë kanë shpëtuar dhe po marrin trajtim mjekësor.

Specialisti i Emergjencës në Spitalin e Prizrenit, Hekuran Veçgishti tha se gjendja e tre fëmijëve që shpëtuan nga zjarri është stabile dhe nën monitorim, derisa fëmija i katërt kishte arritur në spital pa shenja jete.

“Rreth ora 10:25 në emergjencën e spitalit të Prizrenit, është sjell pa shenja jete nga një shtëpi që është kapluar nga flaka. Në emergjencë është konstatuar vdekja e fëmijët nga ky rast. Po ashtu dhe tre fëmijë janë sjell në repartin e pediatrisë, ata aktualisht janë duke vazhduar trajtimin në repartin e pediatrisë…ata kanë pas intoksikim prej tymit që ka qenë nga flaka…sipas mjekëve gjendja e tyre është stabile dhe janë nën monitorim”, tha ai.

Ndërsa, zëdhënësi i Policisë së Kosovës për rajonin e Prizrenit, Shaqir Bytyqi deklaroi se ndonëse shkaqet e këtij zjarri ende nuk dihen, dyshimet janë se zjarri u shkaktua nga energjia elektrike apo ndonjë pajisje.

Bytyqi tha se hetimet në këtë drejtim po vazhdojnë.

“Sot rreth orës 10:00 është raportuar për zjarr në një shtëpi banimi në qendër të qytetit të Prizrenit.si pasojë e zjarrit një fëmijë rreth 1 vjeçar ka humbur jetën dyshohet kjo ka ardhur si pasojë e tymit deri tek vdekja. Tre fëmijët tjerë kanë shpëtuar dhe janë larguar nga shtëpia kurse të njëjtin janë dërguar për trajtim mjekësor në emergjencë….njësitet emergjente që kanë dal në vendin e ngjarje zjarrfikësit, policia dhe emergjenca, posa kanë marrë informacionin menjëherë janë nisur për në vendin e ngjarjes dhe zjarri është lokalizuar plotësisht dhe ekipet kanë vazhduar të qëndrojnë edhe më tej më qëllim që të mos përhapet zjarri përsëri. Policia së bashkë me hetues dhe në bashkëpunim me prokurorinë dhe ekspert të zjarrin janë duke punuar për të mbledhur prova dhe dëshmi me qëllim që të arrihet tek përfundimi se si ka arritur deri tek zjarri.. nuk dihet saktësisht, ka dyshime të ketë ardhur nga rryma apo pajisjet elektrike” tha ai.

Sabri Shabani, dëshmitarë në këtë rast thotë se dëgjuan zërat dhe vrapuan të shohin se çka po ndodh, dhe panë që shtëpinë e kishte kapluar flaka.

Shabani tha se brenda shtëpisë ndodheshin katër fëmijë, por vetëm 3 arritën t’i shpëtonin.

“Ne ishim lokalin e kemi këtu hapur, i dëgjuam disa zëra që po ndodh diçka, edhe vrapuam të shohim se çfarë po ndodh. Kur e pamë, e kishte kapluar flaka këtë shtëpinë. Për fat të mirë, katër fëmijë ishin brenda, tre mund t'i shpëtuan këta komshinjtë afër që ishin, kurse të katërtin s'patëm mundësi të hyjmë brenda për shkak se pajisjeve nuk kemi. Ato vetëm shtëpinë e kishte kapluar flaka gjithsej”, tha ai.

Dëshmitari Shabani për KosovaPress, tha se edhe njësitet e policisë, por edhe zjarrfikësve kanë ardhur menjëherë.

“ Ka ardhur, zjarrfikësat kanë ardhur menjëherë. Ne i kemi thirrur zjarrfikësat, kanë ardhur menjëherë, kanë ardhur. Po është shtëpi e vjetër, është shtëpi me dërrasa, e pamundur ka qenë edhe zjarrfikësat ta bëjnë ato. Bile unë e theva derën, po ishte e pamundur kjo se dilte flaka vetëm jashtë dilte. Ishte e pamundur me u bërë diçka nga ana e popullatës”, tha ai.

Zgjedhjet e parakohshme të 28 dhjetorit u zhvilluan në një atmosferë kryesisht të qetë dhe demokratike, me pjesëmarrje të lartë të votuesve.

Procesi pati sfida institucionale dhe politizim në vendimmarrjet e Komisionit Qendror të Zgjedhjeve, ndërsa fushata ishte e personalizuar rreth liderëve partiakë dhe me përfshirje të pabarabartë të qytetarëve.

Administrimi i ditës së zgjedhjeve dhe publikimi i rezultateve u realizuan në mënyrë efikase, duke krijuar një bazë për formimin e institucioneve në kohë.

Ky ishte vlerësimi preliminar i Demokracisë në Veprim për zgjedhjet e parakohshme të 28 dhjetorit.

Eguen Cakolli menaxheri i programeve në Koalicionin e organizatave për vëzhgimin e zgjedhjeve Demokracia në Veprim, flet për vlerësimin preliminar të procesit zgjedhor të 28 dhjetorit, mbarëvajtjen e ditës së zgjedhjeve, sfidat institucionale gjatë administrimit të procesit, si dhe pritshmëritë për certifikimin e rezultateve dhe konstituimin e institucion.

“Koalicioni i organizatave vendore për vëzhgimin e zgjedhjeve, Demokracia në Veprim, vlerëson se këto zgjedhje janë zhvilluar në përputhje me standardet demokratike për zgjedhje të lira dhe konkurruese. ...Sa i përket procesit të votimit, këto zgjedhje kanë qenë dhe janë zhvilluar në një atmosferë të qetë dhe demokratike, pa asnjë incident serioz i cili do të mund ta cenonte integritetin e zgjedhjeve, apo do ta minonte besimin e publikut në rezultatin zgjedhor. Dalja e votuesve ka qenë relativisht e lartë, ndonëse shumica e parregullsive të evidentuara nga ana e vëzhguesve të DNV-së kanë qenë të karakterit procedural, pa ndikim të drejtpërdrejtë në rezultatin e përgjithshëm të procesit”, tha ai.

Sipas tij, puna e Komisionit Qendror të Zgjedhjeve ishte në një nivel të politizimit si gati asnjëherë më parë.

Sa i përket votimit jashtë vendit, ai tha se ishte mbi 84% në përfaqësi diplomatike. “Sa i përket listës së votuesve, e njëjta vijon të mbetet pra një çështje problematike strukturore. Edhe pse KQZ ka ndërmarrë hapa për pastrimin e saj, fakti që lista e votuesve vijon të ketë mbi 2 milionë votues, pra gati 500,000 më shumë sesa që ka banorë rezidentë në bazë të gjetjeve nga matjet e fundit të popullsisë që janë bërë vitin e kaluar, tregon për nevojën për intervenime më afatgjate në këtë drejtim”, tha ai.

“Sa i përket identifikimit të votuesve me dokumente të pavlefshme apo me afat të skaduar, vëzhguesit e DNV-së kanë raportuar se ky fenomen, e sidomos ai i identifikimit të votuesve me dokumente me afat të skaduar, ka qenë i raportuar në të paktën 1/3 e vendvotimeve, përkundër ndalesës ligjore, por pavarësisht kësaj, numri i rasteve ka qenë i kufizuar deri në 10 sosh. Sa i përket vështirësive të votuesve për ta gjetur qendrën e saktë të votimit të tyre, përkatësisht gabimet e votuesve në gjetjen e kësaj, vëzhguesit tanë kanë raportuar se në gati 2/3 të qendrave dhe vendvotimeve në nivel vendi, ka pasur votues të cilët janë njoftuar se u ka ndryshuar qendra e votimit. Sa i përket votimit me asistencë, për shkak të zbatimit të rregullave më të rrepta nga ana e Komisionit Qendror të Zgjedhjeve, ka pasur një ulje të ndjeshme të këtij fenomeni, që sipas të dhënave tona, tanimë përbën vetëm më pak se 1% të numrit të përgjithshëm të votuesve të cilët votojnë në ditën e zgjedhjeve përmes asistencës....Me këtë rast, fotografimi i votës mbetet problemi kryesor i cili është i identifikuar edhe gjatë procesit të zhvilluar të djeshëm, me gjithsej 32 raste të raportuara nga vëzhguesit e DNV-së, në mbi 20 vendvotime ku pra ka pasur raste të fotografimit të votës. Zhvillimi mbase më pozitiv në kuadër të ditës së zgjedhjeve ishte publikimi i shpejtë, i plotë dhe pa vonesa i rezultateve nga ana e Komisionit Qendror të Zgjedhjeve, i cili me mbi 90% të rezultateve të procesuara arriti që të publikojë të njëjtat vetëm pak orë pas përmbylljes së procesit zgjedhor”, theksoi Cakolli.

Ai i ndal edhe te fushata zgjedhore.

“Sa i përket periudhës së fushatës, vlen të përmendet që edhe kjo fushatë është karakterizuar nga vendime të cilat përbëjnë shkelje ligjore sa i përket garës së barabartë zgjedhore dhe mos shfrytëzimit të resurseve publike, ku normalisht theksohet vendimi i qeverisë pak ditë para ditës së zgjedhjeve për ndarjen e 100 eurove për fëmijët dhe për pensionistët, që ka pasur ndikim në garën zgjedhore, duke krijuar një garë të pabarabartë së pari, por së dyti, duke i dhënë avantazh partisë në pushtet krahasuar me partitë e tjera të cilat nuk e kishin një mundësi të tillë”, tha ai.

Gjykata Kushtetuese e Republikës së Kosovës ka publikuar aktgjykimin në rastin KI81/25, me të cilin ka konstatuar shkelje të të drejtës për gjykim të drejtë dhe të paanshëm brenda një afati të arsyeshëm, në një rast që ka mbetur i pazgjidhur për më shumë se 24 vjet në Gjykatën Themelore në Gjakovë.

Rasti ishte parashtruar nga Adem Shehu, i cili kishte kërkuar vlerësimin e kushtetutshmërisë së kohëzgjatjes së procedurës gjyqësore lidhur me lëndën T.nr.29/2000, që ka të bëjë me një procedurë jokontestimore për ndarjen e trashëgimisë së lënë nga nëna e tij.

Gjykata Kushtetuese, me vendim unanim, e shpalli kërkesën të pranueshme dhe konstatoi shkelje të paragrafit 2 të nenit 31 të Kushtetutës, në lidhje me nenin 6 të Konventës Evropiane për të Drejtat e Njeriut. Po ashtu, ajo urdhëroi Gjykatën Themelore në Gjakovë që, jo më larg se më 11 mars 2026, ta informojë Kushtetuesen për masat e ndërmarra për zbatimin e aktgjykimit.

Sipas aktgjykimit, procedura kishte nisur më 7 nëntor 2000, ndërsa më 1 shkurt 2002 ishte ndërprerë nga Gjykata Komunale në Gjakovë, me arsyetimin se duhej të pritej përfundimi i dy lëndëve kontestimore që ndërlidheshin me ngastrat kadastrale. Ankesa e parashtruesit kundër këtij vendimi ishte refuzuar nga Gjykata e Qarkut në Pejë, ndërsa procedura e trashëgimisë ka mbetur e ndërprerë që nga ajo kohë.

Gjykata Kushtetuese vlerësoi se parashtruesi i kërkesës nuk ka kontribuar në zvarritjen e procedurës dhe se vonesa prej më shumë se 24 vitesh është e pajustifikueshme. Sipas saj, kjo periudhë e gjatë pritjeje i atribuohet autoriteteve gjyqësore, të cilat nuk mund të lejojnë që çështjet gjyqësore të mbeten të pazgjidhura për një kohë të pacaktuar.

Në përfundim, Kushtetuesja theksoi se Gjykata Themelore në Gjakovë ka cenuar të drejtën e parashtruesit për gjykim brenda një afati të arsyeshëm dhe duhet të ndërmarrë të gjitha hapat e nevojshëm procedural për të eliminuar pengesat dhe për ta përmbyllur lëndën në përputhje me gjetjet e këtij aktgjykimi./Telegrafi.

Policia e Kosovës ka bërë të ditur se gjatë periudhës janar–20 dhjetor janë iniciuar mbi 26 mijë raste për vepra penale, që përbën një rënie prej 3.54 për qind krahasuar me periudhën e njëjtë të vitit 2024.

Sipas të dhënave zyrtare të policisë, gjatë këtij viti janë regjistruar gjithsej 18 raste të vrasjeve, një më shumë se vitin e kaluar.

Policia ka publikuar gjithashtu informacione lidhur me luftën kundër narkotikëve, duke dhënë detaje për llojet e substancave narkotike që janë konfiskuar gjatë vitit.

Po ashtu, sipas statistikave policore, në periudhën janar–nëntor të këtij viti janë ngrirë dhe sekuestruar asete në vlerë mbi 112 milionë euro, në kuadër të hetimeve për vepra të ndryshme penale.

Policia e Kosovës ka vlerësuar se këto të dhëna dëshmojnë për angazhimin e vazhdueshëm në parandalimin dhe luftimin e kriminalitetit në vend.

Kosova ka përmbyllur të dielën procesin e votimit për zgjedhjet e parakohshme parlamentare, ndërsa vëmendja tashmë është përqendruar te formimi i institucioneve të reja.

Lidhur me këtë proces, është deklaruar edhe Ambasada e Shteteve të Bashkuara të Amerikës në Prishtinë.

Në një përgjigje për Telegrafin, një zëdhënës i ambasadës ka thënë se SHBA-ja pret të bashkëpunojë me qeverinë e ardhshme të Kosovës.

“Ne mezi presim të punojmë me qeverinë e ardhshme mbi prioritetet e përbashkëta të paqes rajonale, stabilitetit dhe prosperitetit të ndërsjellë ekonomik”, ka deklaruar zëdhënësi i Ambasadës së SHBA-së.

Sipas rezultateve preliminare të publikuara nga Komisioni Qendror i Zgjedhjeve (KQZ), Lëvizja Vetëvendosje është renditur e para me 49.34 për qind të votave, apo 433 mijë e 394 vota.

Në vendin e dytë është Partia Demokratike e Kosovës (PDK) me 20.98 për qind, apo 184 mijë e 318 vota, ndërsa Lidhja Demokratike e Kosovës (LDK) ka siguruar 13.57 për qind të votave, përkatësisht 119 mijë e 201 vota.

Aleanca për Ardhmërinë e Kosovës (AAK) ka arritur ta kalojë pragun zgjedhor me 5.66 për qind, apo 49 mijë e 698 vota.

Këto zgjedhje janë të katërtat brenda vitit 2025.

Dy herë u votua për Kuvendin e Kosovës, pasi nga zgjedhjet e 9 shkurtit nuk u arrit formimi i institucioneve të reja, ndërsa dy herë të tjera qytetarët votuan në zgjedhjet lokale, në rundin e parë dhe atë të balotazhit.

Prokuroria Speciale e Republikës së Kosovës ka ngritur aktakuzë ndaj 21 personave, me propozim për gjykim në mungesë, për veprën penale “Krim i luftës kundër popullsisë civile”, lidhur me masakrën e kryer më 15 janar 1999 në fshatin Reçak të Komunës së Shtimes.

Sipas aktakuzës, të pandehurit O.S., R.M., K.J., G.R., Ž.T., B.J., M.L., R.M., D.DJ., B.M., D.J., M.Š., D.A., S.V., B.M., Z.S., M.J., G.P., D.N., Č.A. dhe Z.J., akuzohen se gjatë një operacioni të forcave policore dhe ushtarake serbe kanë vrarë 42 civilë shqiptarë.

“Sipas aktakuzës, në periudhën 1998 – 1999, të pandehurit, në bashkëkryerje, si pjesëtarë të Ushtrisë së ish-Jugosllavisë, Brigadës ‘’243 të Mekanizuar ’’, Armatës së III- të, e njohur si ‘’Korpusi i Prishtinës’’, si dhe pjesëtarë të Ministrisë së Punëve të Brendshme (MUP), kanë kryer edhe trajtim çnjerëzor, shkatërrim të pasurisë, dëbim masiv dhe spastrim etnik të popullsisë civile”, thuhet në njoftimin e prokurorisë.

Sipas hetimeve të prokurorisë forcat serbe fillimisht e rrethuan fshatin Reçak nga zonat e njohura si “Pishat”, “Gështenjat” dhe “Çesta”, për ta granatuar më pas nga distanca me mjete ushtarake. Ata kanë hyrë shtëpi më shtëpi, kanë ndarë burrat nga gratë dhe fëmijët, duke i detyruar këta të fundit të largohen nga fshati, ndërsa burrat e ndaluar janë ekzekutuar.

Prokuroria tutje thotë se hetimet kanë vërtetuar gjithashtu se civilët janë rrahur brutalisht me kondakë armësh, shqelma, dru, zinxhirë dhe mjete të tjera të forta.

Si pasojë e këtyre operacioneve, rreth 20 mijë civilë nga fshatrat Reçak, Topillë, Petrovë, Kraisht, Mullapolc dhe Dremjak janë dëbuar nga shtëpitë e tyre.

Prokuroria Speciale ka propozuar që gjykimi të mbahet në mungesë, pasi të pandehurit ndodhen jashtë Kosovës dhe janë të paarritshëm për organet e drejtësisë.

Dy ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë përbërja e re e Kuvendit të Kosovës. Komisioni Qendror i Zgjedhjeve (KQZ) ka nisur numërimin e votave për kandidatët për deputetë që nga e hëna, ndërsa deri më tani janë numëruar 46,38% e tyre.

Në këto zgjedhje kanë marrë pjesë rreth 45 për qind e afro dy milionë qytetarëve me të drejtë vote. Rezultatet paraprake tregojnë se zgjedhjet janë fituar bindshëm nga Lëvizja Vetëvendosje e kryeministrit në detyrë, Albin Kurti.

Sipas të dhënave aktuale, më poshtë janë pesë kandidatët më të votuar nga secila parti, kur janë numëruar pak më shumë se një e treta e votave:

Lëvizja Vetëvendosje

• Albin Kurti – 160.850 vota
• Glauk Konjufca – 125,080 vota
• Albulena Haxhiu – 65,370 vota
• Hekuran Murati – 64,768 vota
• Donika Gërvalla – 57,711 vota

Partia Demokratike e Kosovës (PDK)

• Bedri Hamza – 73,114 vota
• Arian Tahiri – 34,418 vota
• Përparim Gruda – 32,051 vota
• Uran Ismaili – 25,336 vota
• Sala Jashari – 22,997 vota

Lidhja Demokratike e Kosovës (LDK)

• Lumir Abdixhiku – 35,284 vota
• Hykmete Bajrami – 22,347 vota
• Ukë Rugova – 19,539 vota
• Avdullah Hoti – 17,298 vota
• Doarsa Kica Xhelili – 17,268 vota

Aleanca për Ardhmërinë e Kosovës (AAK)

• Ramush Haradinaj – 17,894 vota
• Daut Haradinaj – 10,977 vota
• Besnik Tahiri – 10,814 vota
• Bekë Berisha – 7,940 vota
• Agim Çeku – 7,246 vota

Bazuar në të dhënat paraprake, Lëvizja Vetëvendosje pritet t’i ketë 56 ulëse në Kuvend, e pasuar nga PDK-ja me 23, LDK-ja me 15, Lista Serbe me 9 dhe AAK-ja me 6 ulëse.

Personi më i votuar në Kosovë deri më tani është Albin Kurti.

Në zgjedhjet e rregullta të 9 shkurtit, ai kishte marrë 337.791 vota, duke thyer rekordin e mëparshëm të presidentes Vjosa Osmani. Mbetet të shihet nëse Kurti do të arrijë ta forcojë këtë rekord edhe në këto zgjedhje.

Numërimi i votave po vazhdon dhe rezultatet përfundimtare pritet të konfirmohen nga KQZ në ditët në vijim./Telegrafi.

Dy persona janë gjetur pa shenja jete sot në një vilë në rrugën e KFOR-it, në qytetin e Pejës.

Lajmin e ka konfirmuar për Sinjalin zëdhënësi i Policisë për rajonin e Pejës, Fadil Gashi, i cili tha se rasti është raportuar rreth orës 15:10.

“Sot rreth orës 15:10 policia është informuar se në një vilë në rrugën e KFOR-it dy persona dyshohej se ishin pa shenja jete. Në vendngjarje është lajmëruar edhe emergjenca. Policia ka dalë menjëherë në vendin e ngjarjes, ndërsa mjeku kujdestar ka konstatuar vdekjen e tyre,” ka deklaruar Gashi.

Sipas Policisë, rasti është duke u hetuar dhe autoritetet janë duke ndërmarrë veprimet e nevojshme për të sqaruar rrethanat e ngjarjes.

Më shumë detaje pritet të bëhen publike pas përfundimit të hetimeve fillestare./Telegrafi.

Rezultatet preliminare të zgjedhjeve të dhjetorit 2025 tregojnë ndryshime të dukshme në raportin e forcave politike, krahasuar me zgjedhjet e vitit 2021 dhe ato të shkurtit 2025.

Sipas të dhënave të paraqitura në grafik, Lëvizja Vetëvendosje vazhdon të mbetet subjekti politik më i votuar në vend, me rreth 50.28 për qind, duke ruajtur epërsinë ndaj partive të tjera, ndonëse me luhatje të lehta krahasuar me zgjedhjet e mëparshme.

Në zgjedhjet e fundit, LVV kishte 42.3 për qind, ndërkaq në zgjedhjet e 28 dhjetorit e ka rikthyer ndjeshëm rezultatin e vitit 2021.

Partia Demokratike e Kosovës (PDK) shënon rritje në zgjedhjet e dhjetorit 2025, duke arritur në rreth 21 për qind, krahasuar me 17.01 për qind në vitin 2021 dhe 20.95 për qind në zgjedhjet e shkurtit 2025, duke u konfirmuar si forca e dytë politike në vend.

Në anën tjetër, Lidhja Demokratike e Kosovës (LDK) shënon rënie të ndjeshme krahasuar me shkurtin 2025. Nga 18.27 për qind, ajo bie në rreth 13.57 për qind, megjithëse mbetet mbi rezultatin e vitit 2021, kur kishte marrë 12.73 për qind të votave.

Aleanca për Ardhmërinë e Kosovës (AAK) vazhdon trendin rënës, duke zbritur në rreth 5.68 për qind në dhjetor 2025, nga 7.06 për qind në shkurt dhe 7.12 për qind në zgjedhjet e vitit 2021.

Ndërkohë, Lista Serbe shënon një rritje të lehtë, me rreth 4.78 për qind, krahasuar me 4.26 për qind në shkurt 2025, por mbetet nën rezultatin e vitit 2021, kur kishte marrë 5.09 për qind.

Të dhënat pasqyrojnë një skenë politike ende të polarizuar, me Vetëvendosjen që ruan primatin, PDK-në që konsolidon rritjen dhe partitë tjera që përballen me sfida serioze për të rifituar mbështetjen e elektoratit.

Komisioni Qendror i Zgjedhjeve pritet të publikojë rezultatet përfundimtare pas përfundimit të numërimit të të gjitha votave./Telegrafi.

Shënim: Në zgjedhjet parlamentare të shkurtit të këtij viti, Aleanca për Ardhmërinë e Kosovës garoi në një listë të përbashkët me Nismën Socialdemokrate.*Të dhënat për zgjedhjet e dhjetorit të këtij viti reflektojnë rezultatet me 99.65 për qind të vendvotimeve të procesuara.Grafika: Doruntina Baftiu | Radio Evropa e LirëBurimi: Komisioni Qendror i Zgjedhjeve

Komisioni Qendror i Zgjedhjeve (KQZ) ka filluar numërimin e votave për kandidatët për deputet.

Pas numërimit të mbi 20% të votave, kandidatët e Aleancës për Ardhmërinë e Kosovës (AAK) po renditen kështu:

Garë e madhe mes kandidatit Bekë Berisha dhe Burim Ramadanit.

Ramush Haradinaj – 8,935 vota

Daut Haradinaj – 5,657 vota

Besnik Tahiri – 5,426 vota

Time Kadrijaj – 3,828 vota

Bekë Berisha – 3,686 vota

Burim Ramadani – 3,547 vota

Arber Tolaj – 3,389 vota

Agim Çeku – 3,336 vota

Arton Demhasaj – 2,445 vota

Albana Bytyqi – 2,269 vota

KQZ po vazhdon procesin e numërimit dhe rezultatet përfundimtare pritet të dalin pas përfundimit të të gjitha zonave zgjedhore.

AAK, partia e ish-kryeministrit Ramush Haradinaj, po ndjek me kujdes garën për deputetë, ndërsa konkurrenca në disa zona mbetet e ngushtë.

Komisioni Qendror i Zgjedhjeve (KQZ) ka filluar numërimin e votave për kandidatët për deputet.

Sipas rezultateve të para, pas numërimit të mbi 20% të votave, kandidatët e Partisë Demokratike të Kosovës (PDK) po renditen kështu:

Bedri Hamza – 29,634 vota

Arian Tahiri – 13,944 vota

Përparim Gruda – 12,820 vota

Uran Ismaili – 10,319 vota

Sala Jashari – 9,300 vota

Vlora Çitaku – 8,318 vota

Arben Mustafa – 7,493 vota

Enver Hoxhaj – 7,043 vota

Eman Rrahmani – 5,435 vota

Rrahman Rama – 5,313 vota

KQZ po vazhdon numërimin e votave dhe rezultatet përfundimtare pritet të publikohen pas përfundimit të procesit në të gjitha komunat.

PDK, një nga partitë kryesore në Kosovë, po ndjek me vëmendje rezultatet e kandidatëve të saj, ndërsa garat për deputetë mbeten të ngushta në disa zona./Telegrafi.