Sipas një sondazhi të kryer nga Mundo Deportivo, një shumicë e lojtarëve të Barcelonës beson se klubi nuk duhet të zgjasë kontratën e Robert Lewandowskit përtej sezonit aktual.

Rezultatet tregojnë se 59% e të anketuarve janë kundër rinovimit të sulmuesit polak, duke reflektuar dyshimet në rritje për rolin e tij afatgjatë në klub.

Lewandowski, i cili do të mbushë 37 vjeç vitin e ardhshëm, mbetet një nga figurat më të njohura të Barcelonës dhe ka shënuar gola të rëndësishëm që nga mbërritja e tij. Megjithatë, shqetësimet rreth moshës, përkeqësimit fizik dhe nevojës për të planifikuar të ardhmen duket se po ndikojnë në pikëpamjet e brendshme të klubit.

Igli Tare planifikon bisedime të reja me agjentin e Lewas, polaku është objektivi numër një për Milanin telegrafi.com

Sipas sondazhit, shumë lojtarë mendojnë se Barcelona duhet të përdorë verën e ardhshme për të filluar një cikël të ri sulmues, duke investuar në një futbollist më të ri që do të ishte më i përshtatshëm për projektin afatgjatë të klubit.

Pjesa tjetër prej 41% e të anketuarve janë ende të hapur për një rinovim, duke vlerësuar përvojën, lidershipin dhe profesionalizmin e Lewandowskit.

Rezultatet e sondazhit nxjerrin në pah një debat të brendshëm mes bazës së lojtarëve mbi balancën mes përvojës dhe rinovimit, ndërsa Barcelona planifikon epokën e saj të ardhshme sportive. /Telegrafi/

Manchester United vazhdon të mbajë interes të fortë për mundësinë e transferimit të Carlos Balebas nga Brighton, me synim vitin 2026, raporton gazetari i njohur Fabrizio Romano.

Sipas burimit, Bayern Munich ka ndalur punën për një marrëveshje të mundshme për mesfushorin kamerunas, pasi në kampin bavarez ekziston bindja se Baleba është i prirur t’i bashkohet “Djajve të Kuq”.

Pavarësisht një sezoni jo bindës 2025/26 me Brighton në Liga Premier, Manchester United mbetet i vendosur për ta afruar lojtarin, qoftë në afatin kalimtar të janarit 2026, qoftë gjatë verës, me kusht që “Seagulls” të jenë të hapur për shitjen e tij.

Trajneri Ruben Amorim e sheh Baleban si një zgjidhje ideale për problemet aktuale në mesfushën e United, ndërsa ai figuron në listën e ngushtë të objektivave së bashku me emra të tjerë si Adam Wharton dhe Elliott Anderson.

Baleba ka regjistruar 19 paraqitje për Brighton në sezonin 2025/26, por deri më tani nuk ka kontribuar as me gol e as me asist për skuadrën e tij. /Telegrafi/

Basketbollistët e Orlando Magic realizuan një fitore dramatike ndaj Denver Nuggets, duke triumfuar me rezultat 127:126 pas një përmbysjeje të madhe.

Orlando ishte në disavantazh deri në 17 pikë, por arriti të rikthehej në lojë dhe të siguronte fitoren në sekondat e fundit.

Vendimtare ishin dy gjuajtjet e lira të Desmond Bane, të realizuara 6.9 sekonda para fundit të ndeshjes. Bane përfundoi takimin me 24 pikë, prej të cilave 15 i shënoi vetëm në çerekun e katërt.

Shkëlqeu edhe Anthony Black, i cili realizoi 38 pikë – rekord personal – për skuadrën vendase. Në anën tjetër, Nikola Jokic pati paraqitje të mirë me 34 pikë, 21 ribaunde dhe 12 asistime, duke shënuar triple-double-in e 180-të në karrierë dhe të 16-tin këtë sezon.

Jamal Murray kontribuoi me 24 pikë për Denverin, por humbi një gjuajtje vendimtare nga distanca në minutën e fundit.

Magic ishin të pandalshëm në pjesën e dytë, duke gjuajtur me një përqindje mbresëlënëse prej 67.4% nga loja.

Ndërkohë, New York Knicks mposhtën Atlanta Hawks me rezultat 128:125. Karl-Anthony Towns zhvilloi ndeshjen më të mirë të sezonit me 36 pikë dhe 16 ribaunde, ndërsa Jalen Brunson shtoi 34 pikë. OG Anunoby kontribuoi me 15 pikë dhe 10 ribaunde për Knicks, të cilët kanë fituar nëntë nga 11 ndeshjet e fundit.

Për Hawks u dallua Onyeka Okongwu me 31 pikë dhe 14 ribaunde, Nickeil Alexander-Walker realizoi 25 pikë, ndërsa Jalen Johnson regjistroi double-double-in e 13-të radhazi me 20 pikë, 12 asistime dhe nëntë ribaunde.

Rezultatet:

New Orleans Pelicans – Phoenix Suns 114:123

Orlando Magic – Denver Nuggets 127:126

- YouTube www.youtube.com

Atlanta Hawks – New York Knicks 125:128

- YouTube www.youtube.com

Chicago Bulls – Milwaukee Bucks 103:112

- YouTube www.youtube.com

Houston Rockets – Cleveland Cavaliers 117:100

- YouTube www.youtube.com

Miami Heat – Indiana Pacers 142:116

- YouTube www.youtube.com

Minnesota Timberwolves – Brooklyn Nets 107:123

- YouTube www.youtube.com

San Antonio Spurs – Utah Jazz 114:127

Kees Smit pritet të shndërrohet në një nga mesfushorët më të kërkuar të vitit 2026. I lindur në vitin 2006, talenti i AZ Alkmaar ka pasur një ngritje të jashtëzakonshme në karrierë, duke u afirmuar me shpejtësi si një nga emrat më premtues të futbollit evropian.

Smit debutoi me ekipin e parë të AZ-së në moshën 18-vjeçare, ndërsa vetëm një vit më vonë shkëlqeu në Kampionatin Evropian U-19, ku jo vetëm që fitoi trofeun me Holandën, por u shpall edhe lojtari më i mirë i turneut (MVP).

Performancat e tij kulmuan me katër gola në pesë ndeshje në atë kampionat, duke e vendosur fuqishëm në radarin e elitës evropiane.

Interesim për mesfushorin holandez kanë shfaqur disa nga klubet më të mëdha të kontinentit, përfshirë Real Madridin, Barcelonën, Bayern Munichun, Chelsean dhe Newcastle.

Vetë lojtari ka pranuar se është i vetëdijshëm për vëmendjen në rritje, duke theksuar se përmendja e shifrave kaq të mëdha nuk është e lehtë për t’u injoruar, por se prioriteti i tij mbetet zhvillimi i qetë dhe i qëndrueshëm me AZ Alkmaar.

Edhe pse AZ njihet si klub që zhvillon dhe shet talente, drejtuesit mbajnë një pozicion të fortë negociues. Smit ka kontratë të vlefshme deri në vitin 2028 dhe, sipas raportimeve, bisedimet për një transferim të mundshëm pritet të nisin nga shifra rreth 60 milionë euro. /Telegrafi/

E ardhmja e yllit të Real Madridit, Vinicius Junior, po bëhet gjithnjë e më e paqartë, teksa interesi nga futbolli i Arabisë Saudite vazhdon të mbetet i fortë, raporton Mundo Deportivo.

Thashethemet për një largim të mundshëm u shfaqën për herë të parë dy vera më parë, ndërsa në fillim të vitit 2025 raportet sugjeruan se sulmuesi brazilian nuk e ka përjashtuar plotësisht një transferim drejt Lindjes së Mesme, nëse Real Madridi nuk arrin të përmbushë kërkesat e tij për rinovimin e kontratës.

Pavarësisht rolit të tij kyç në “Santiago Bernabeu”, ku vazhdon të jetë një nga lojtarët më vendimtarë të skuadrës, klubet saudite po e ndjekin me vëmendje situatën e tij.

telegrafi.com

Vinicius ka zgjedhur të mbetet i përqendruar në fushë dhe të shmangë komentet publike, por burime pranë lojtarit bëjnë të ditur se ofertat tejet fitimprurëse nga Liga Profesionale Saudite mbeten ende në tryezë si një alternativë reale.

Me kontratën aktuale që e lidh me Real Madridin deri në vitin 2027, muajt në vijim pritet të jenë vendimtarë për të ardhmen e njërit prej talenteve më të mëdhenj të futbollit botëror. /Telegrafi/

Është mbyllur stinori vjeshtor në Superligën e Kosovës me ndeshjen Drita - Prishtina që përfundoi 2-0 në të mirë të vendasve.

E pas 18 xhirove të zhvilluara, Ballkani është kampion vjeshtor dhe dimëron si lider. Skuadra nga Suhareka ka përfunduar pjesën e parë të kampionatit me 33 pikë, duke regjistruar 9 fitore, 6 barazime dhe vetëm 3 humbje, me golaverazh mbresëlënës 38:18, sulmi më i mirë në ligë deri tani.

Pas tyre renditet Prishtina me 30 pikë, e cila megjithëse ka të njëjtin numër fitoreje sa Ballkani (9), ka pësuar më shumë humbje dhe ka një golaverazh dukshëm më modest (32:26). Forma e fundit e kryeqytetasve ka qenë luhatëse, çka i ka kushtuar me humbjen e kreut.

Në vendet pasuese, Dukagjini dhe Drita ndajnë nga 29 pikë secila, duke qëndruar shumë pranë zonës së kreut dhe duke mbajtur gjallë ambiciet për titull.

Malisheva (27 pikë) dhe Gjilani (26 pikë) janë gjithashtu në garë për zonën e Evropës, falë një serie rezultatesh pozitive në javët e fundit.

Në pjesën e poshtme të tabelës, Llapi me 21 pikë ende nuk është i qetë, ndërsa presioni është shumë më i madh për Drenicën (20 pikë), Ferizajn (19 pikë) dhe Prishtinën e Re, e cila mbyll tabelën me vetëm 15 pikë dhe golaverazh -11.

Lufta për mbijetesë pritet të jetë tejet e ashpër në pranverë.

Skuadrat tani do të shfrytëzojnë pushimin dimëror për rikuperim dhe përforcime, por një gjë është e qartë: Ballkani e mbyll vjeshtën në maje dhe do të hyjë në gjysmën e dytë të sezonit me epërsi, por edhe me presionin e madh për ta mbrojtur pozitën e parë. /Telegrafi/

Drita ka triumfuar ndaj Prishtinës në ndeshjen e mbetur të xhiros së 13-të në Albi Mall Superligë me rezultat të pastër 2-0.

Kampioni në fuqi i Kosovës kreu punën në pjesën e parë, duke shënuar dy gola të shpejtë në minutat e 26-të dhe të 28-të.

Ishte minuta e 26-të e ndeshjes, kur Besnik Krasniqi harkoi bukur në zonë për të asistuar te Jorgo Pëllumbi i cili shënoi për 1-0.

Tre minuta më vonë, Besnik Krasniqi me një tjetër super asistim shërbeu Raddy Ovoukan i cili shënoi për 2-0.

Deri në fund të ndeshjes, Drita menaxhoi mirë rezultatin dhe u rikthye te fitorja pas katër ndeshjeve në Superligë.

Kësisoj gjilanasit e mbyllin me fitore stinorin vjeshtor dhe në pozitën e tretë me 29 pikë, një më pak se Prishtina që është e dyta dhe katër më pak se lideri Ballkani. /Telegrafi/

Trajneri i Tottenhamit, Thomas Frank, ka dalë publikisht në mbrojtje të Micky van de Ven, pasi tekniku i Liverpoolit, Arne Slot, e akuzoi mbrojtësin holandez për ndërhyrje të pamatur që çoi në thyerjen e këmbës së Alexander Isak.

Frank theksoi se situata ishte pjesë e dinamikës së lojës dhe se Van de Ven veproi si çdo mbrojtës që përpiqet të parandalojë një gol.

“Sigurisht që nuk jam dakord. Po flasim për një mbrojtës që do të bëjë gjithçka për të parandaluar një gol. Topi ka rrëshqitur në anën e tij dhe ai po bën gjithçka që mundet për të bllokuar gjuajtjen”, u shpreh Frank para gazetarëve.

Trajneri i Tottenhamit shtoi se fatkeqësisht momenti nuk përfundoi mirë për sulmuesin e Liverpoolit. “Për fat të keq, Isaku e la veten të qetë në momentin e gjuajtjes dhe Van de Ven ndërhyri në të", tha Frank, duke nënvizuar se dëmtimi ishte më shumë pasojë e rrethanave sesa e qëllimit.

Isak do të mungojë për disa muaj për shkak të frakturës, ndërsa Frank zbuloi se lojtarët kanë komunikuar mes tyre dhe e kanë sqaruar situatën.

“E di që ata dy lojtarë e kanë zgjidhur atë, kështu që kjo është një shenjë e mirë”, përfundoi trajneri. /Telegrafi/

Gara e ashpër për një vend titullari te Interi ka bërë që Davide Frattesi të shqyrtojë mundësitë për të siguruar më shumë minuta loje.

Situata e mesfushorit italian ka zgjuar interesin e Juventusit, i cili duket i vendosur të shfrytëzojë rastin gjatë afatit kalimtar të dimrit.

Sipas të dhënave të publikuara nga gazetari italian Nicolo Schira, klubi bardhezi ka nisur bisedimet me Interin për një marrëveshje huazimi me opsion blerjeje klauzolë që mund të shndërrohet edhe në detyrim në varësi të kushteve të caktuara sportive.

Juventusi e sheh Frattesin si një shtesë cilësore për mesfushën, repart që mbetet prioritet për drejtuesit dhe trajnerin, ndërsa njëkohësisht do të dobësonte një rival të drejtpërdrejtë në Serie A.

Megjithatë, Interi vazhdon të ketë fjalën e fundit për të ardhmen e lojtarit. Ndërkohë, Frattesi raportohet se është i hapur ndaj një ndryshimi të ekipit në janar, nëse kjo do t’i garantonte më shumë hapësirë në fushë. /Telegrafi/

Mbrëmë në NBA u zhvilluan 14 takime të zjarrta, me disa rezultate që tërhoqën vëmendje të madhe.

Sfidën më të fortë e dha Memphis, që arriti një fitore të rëndësishme në fushën e Utah Jazz me rezultatin 137:128, pavarësisht formës së mirë që vendasit kishin treguar në ndeshjet e fundit.

Cleveland shënoi një paraqitje mbresëlënëse duke mposhtur New Orleans 141:118, ndërsa Milwaukee tregoi sërish forcën e tij në transfertë, duke fituar ndaj Indianës 111:94.

Ndërkohë, Toronto surprizoi Miamin në “Kaseya Center”, duke e mposhtur 112:91 dhe duke marrë një fitore me shumë peshë.

Phoenix konfirmoi pretendimet e tij duke dominuar ndaj Lakers me rezultatin e thellë 132:108, kurse New York Knicks u ndalën nga Minnesota, që triumfoi 115:104 falë një loje solide në mbrojtje.

Rezultatet:

Charlotte Hornets – Washington Wizards 126:109

Philadelphia 76ers – Brooklyn Nets 106:114

Cleveland Cavaliers – New Orleans Pelicans 141:118

Indiana Pacers – Milwaukee Bucks 94:111

- YouTube www.youtube.com

Miami Heat – Toronto Raptors 91:112

Minnesota Timberwolves – New York Knicks 115:104

San Antonio Spurs – Oklahoma City Thunder 130:110

Phoenix Suns – LA Lakers 132:108

- YouTube www.youtube.com

Utah Jazz – Memphis Grizzlies 128:137

- YouTube www.youtube.com

Portland Trail Blazers – Orlando Magic 106:110

Sacramento Kings – Detroit Pistons 127:136

- YouTube www.youtube.com

LA Clippers – Houston Rockets 128:108

- YouTube www.youtube.com

Drita dhe Prishtina sot do të zbresin në fushë për të zhvilluar ndeshjen e fundit të stinorit vjeshtor.

Ndeshja e mbetur pa u zhvilluar nga xhiro 13, do të luhet sot në Gjilan me fillim nga ora 13:00.

Kampioni në fuqi i Kosovës, Drita kërkon këndellje pasi ka katër ndeshje në Superligë pa fitore.

Në anën tjetër Prishtina pasi i dha fund serisë negative të rezultateve, kërkon të vazhdojë me fitore edhe në sfidën ndaj Dritës.

Drita aktualisht zë pozitën e pestë në tabelë me 26 pikë, derisa Prishtina është e dyta me 30 sosh. /Telegrafi/

Fidan Aliti është duke zhvilluar sezonin e tretë te skuadra turke Alanyaspor, ku është bërë një nga futbollistët më të rëndësishëm.

Mbrojtësi kosovar është lider në mbrojtjen e kësaj skuadre, por ai mund të ndryshojë skuadër në afatin kalimtar dimërorë.

Telegrafi merr vesh nga burime të afërta me futbollistin dardan, se Aliti tanimë është në negociata me gjigantin turk Trabzonspor.

Trajneri i Trabzonspor, Fatih Tekke ka punuar më parë me Alitin te Alanyaspor dhe dëshiron të ribashkohet me kosovarin në Trabzon.

Palët janë duke diskutuar për termat e kontratës, derisa dëshira e lojtarit është të bëjë një hap para në karrierë, duke iu bashkuar Trabzonsporit, që po lufton për titullin.

Aliti ka kontratë me Alanyasporin deri në verën e vitit 2028, derisa Trabzon është e gatshme të paguajë 1 milionë euro dëmshpërblim për transferimin e tij.

Javët e ardhshme janë vendimtare për Alitin, i cili sot vlerësohet si një nga mbrojtësit më stabil në elitën e futbollit turk. /Telegrafi/

Po përmbyllet një vit jashtëzakonisht i suksesshëm në futbollin kosovar, me shumë të arritura, si nga Kombëtarja e Kosovës, ashtu edhe nga klubet tona në arenën ndërkombëtare.

Federata e Futbollit të Kosovës ka ndarë çmimet për 'Laureatët e Vitit', derisa Arb Manaj mori çmimin kryesor si futbollisti i vitit në Kosovë.

Por ajo që ka bërë temë diskutimi në 48 orët e fundit në vendin tonë është çmimi që ka marrë Manaj, i cili është viti i tretë radhazi që i ndahet futbollistit më të mirë në Superligë.

Më herët këtë çmim e ka marrë Lumbardh Dellova, ndërsa vitin e kaluar i takoi Lindon Emërllahut.

Vepra nuk mban titullin 'Topi i Artë'. Telegrafi ka kontaktuar FFK-në, të cilët kanë treguar se këtë vepër dhe çmimet tjera i ka realizuar artisti Sali Shkupolli.

Telegrafi gjithashtu ka kontaktuar artistin, i cili ka dhënë detaje mbi çmimet e punuara.

"Kjo vepër nuk është një “laker” dekorativ apo objekt ornamental i zakonshëm, por një studim i thelluar mbi materialin dhe procesin. Ajo është punuar me poliester të përforcuar dhe pluhur mermeri për të krijuar masivitet dhe teksturë të qëndrueshme, ndërsa shtresat e bakrit kontribuojnë në formimin e një patine që ndërvepron në mënyrë dinamike me sipërfaqen dhe dritën".

"Ky kombinim materialesh gjeneron një dialog të vazhdueshëm ndërmjet ngrohtësisë metalike dhe masës së ngurtë, duke synuar jo vetëm efektin vizual, por edhe reflektimin mbi materialitetin, kohën dhe procesin krijues. Sipërfaqja e punuar ruan dhe ekspozon gjurmët e dorës së artistit, një zgjedhje e vetëdijshme konceptuale dhe teknike, që thekson autenticitetin e veprës".

"Vepra nuk mban titullin “Topi i Artë”, pasi nuk synon të imitojë apo të referojë drejtpërdrejt çmime ndërkombëtare ekzistuese. Ajo është konceptuar si çmimi për Futbollistin e Vitit, me identitet të pavarur artistik dhe simbolik. E punuar në mënyrë autentike në Kosovë, kjo vepër përmban motive dhe ndjeshmëri që lidhen drejtpërdrejt me kontekstin kulturor dhe sportiv të vendit tonë".

"Ajo nuk është një kopje e importuar apo objekt i blerë nga jashtë, por një krijim origjinal që përfaqëson vlerësimin e arritjeve sportive përmes gjuhës së artit bashkëkohor vendor. Ky top tashmë është tradicional, duke u shndërruar në një simbol të veçantë të nderimit për futbollistin më të mirë të vitit", ka thënë autori i çmimeve, Sali Shkupolli. /Telegrafi/

Barcelona po lëviz me kujdes në afatin kalimtar të janarit, duke shqyrtuar mundësitë për të mbuluar mungesën afatgjatë të Andreas Christensen.

Klubi mund të përdorë deri në 80% të pagës së danezit për të sjellë një lojtar, por çdo transferim duhet të jetë cilësor, konkurrues për një vend titullari dhe financiarisht i qëndrueshëm.

Sipas Diario Sport, dy emra nga Liga Premier janë ofruar për huazim: Nathan Ake nga Manchester City dhe Axel Disasi nga Chelsea.

Nathan Ake kërkon më shumë minuta në fushë për të siguruar një vend në Kombëtaren e Holandës për Kupën e Botës. Ai mund të luajë si qendërmbrojtës i majtë ose mbrojtës i djathtë, por City preferon një marrëveshje të përhershme dhe ka interes nga klube të tjera të Ligës Premier.

Axel Disasi, i cili sezonin e kaluar shkëlqeu te Aston Villa si i huazuar, dëshiron të luajë rregullisht për të rritur shanset e tij për Kupën e Botës. Milani ka shfaqur interes për mbrojtësin francez, por ai po pret për një mundësi konkrete të transferimit te Barcelona.

Brenda ekipit, Barça po shqyrton gjithashtu alternativa të tjera: transferimin e Eric Garcias në qendër të mbrojtjes dhe dhënien e më shumë minutave në mesfushë nga Marc Bernal. Kthimi i pritur i Gavi-t në shkurt dhe progresi i Ronald Araújo-s në stërvitje më 29 dhjetor mund të ndikojnë në çdo vendim për nënshkrime të reja në mbrojtje.

Klubi mbetet vigjilent, duke monitoruar të gjitha opsionet në rast se shfaqen pengesa të mëtejshme në repartin defensiv para fundit të shkurtit. /Telegrafi/

Mediumi i specializuar për vlerësimin e futbollistëve, Transfermarkt ka përditësuar vlerat e futbollistëve dhe klubeve në Superligën e Kosovës.

Kampioni në fuqi i Kosovës, Drita vazhdon të mbetet skuadra më e vlefshme në Superligë me vlerën që i është rritur nga 6,5 në 7,5 milionë euro.

Lojtari më i vlefshëm i Dritës është sulmuesi Arb Manaj, vlera e të cilit ka pasur rritje të jashtëzakonshme nga 450 mijë në 800 mijë euro.

Drita fluturon në renditjen e Ligës së Konferencës – lë pas emra nga La Liga, Serie A dhe Liga Premier telegrafi.com

Skuadra e dytë me vlerën më të madhe është Ballkani, ku nga Transfermarkt vlerësohet 6,25 milionë euro, derisa Prishtina është e treta me 5,68 milionë euro.

Në pozitën e katërt është Gjilani me vlerë 5,39 milionë, derisa Malisheva është e pesta me vlerë prej 5,2 milionë euro.

Llapi ka vlerë prej 4,85 milionë euro, Drenica prej 3,75 ndërsa Dukagjini prej 3,33 milionë euro. Top 10-shja e skuadrave në Superlië mbyllet me Ferizajn që është vlerësuar 3,29 milionë euro dhe Prishtinën e re prej 2,67 milionë euro.

Total vlera e klubeve të Superligës ka shkuar në 47,89 milionë euro nga Transfermarkt. /Telegrafi/

Edhe pa u hapur zyrtarisht merkatoja e janarit, Roma ka lëvizur me vendosmëri dhe ka realizuar goditjen e parë të rëndësishme në tregun e transferimeve.

Giallorosët kanë arritur marrëveshje të plotë për shërbimet e sulmuesit holandez Joshua Zirkzee, i cili pritet të rikthehet në Serie A pas një viti e gjysmë të kaluar te Manchester United. Marrëveshja me lojtarin ishte e mbyllur prej kohësh, ndërsa tani është finalizuar edhe akordi mes dy klubeve.

Roma do të paguajë 5 milionë euro për huazimin e Zirkzees, me një detyrim blerjeje prej 35 milionë eurosh që aktivizohet në rast se klubi siguron një vend në zonën e Ligës së Kampionëve. Sulmuesi shihet si profili ideal për të udhëhequr repartin ofensiv në gjysmën e dytë të sezonit.

Megjithatë, Roma nuk ka ndërmend të ndalet vetëm me afrimin e holandezit. Klubi kryeqytetas ka hyrë në bisedime të avancuara me Atletico Madridin për Giacomo Raspadorin.

Sulmuesi italian tashmë ka dhënë pëlqimin për transferimin në Olimpico, ndërsa dy klubet janë në fazën e negociatave për formulën dhe shifrën përfundimtare të marrëveshjes.

Përveç përforcimeve në sulm, Roma po punon edhe për mbrojtjen. Objektivi kryesor është mbrojtësi francez Axel Disasi, për të cilin po kërkohet një huazim nga Chelsea.

telegrafi.com

Londinezët nuk e kanë në planet e tyre për pjesën e mbetur të sezonit dhe lojtari është i hapur për një largim, me Romën që aktualisht shihet si destinacioni më i mundshëm.

Roma synon të ndërtojë një skuadër konkurruese në të gjitha repartet, me objektivin për të siguruar një kthim në Ligën e Kampionëve dhe për të qenë protagoniste në pjesën e dytë të sezonit. /Telegrafi/

Barcelona nuk planifikon të nënshkruajë me një qendërmbrojtës gjatë afatit kalimtar të janarit, pavarësisht dëmtimit afatgjatë të Andreas Christensen, sipas raportimeve të Marca-s.

Mungesa e danezit fillimisht rihapi diskutimet brenda klubit për një përforcim të mundshëm në repartin defensivë gjatë afatit kalimtar të dimrit.

Megjithatë, pas analizave të brendshme, drejtori sportiv Deco ka vendosur të mos ndërmarrë hapa konkretë në këtë drejtim.

Sipas drejtuesve të klubit katalanas, aktualisht nuk ekzistojnë opsione të përshtatshme për qendërmbrojtës në treg, sidomos në këtë fazë të sezonit, ku lëvizjet janë të kufizuara dhe kostot të larta.

Një tjetër faktor kyç mbeten kufizimet financiare. Barcelona nuk ka hapësirën e nevojshme ekonomike për të investuar në një mbrojtës të ri gjatë janarit, ndërsa rregullat e regjistrimit e bëjnë të pamundur edhe afrimin e një lojtari të lirë.

Si pasojë, klubi ka vendosur të ruajë stabilitetin aktual dhe të presë deri në verë, kur çështja e përforcimit të mbrojtjes do të rivlerësohet në kushte më të favorshme financiare dhe sportive. /Telegrafi/

Boston Celtics shënuan një fitore të madhe ndaj Indiana Pacers në TD Garden, duke triumfuar me rezultatin 103:95 pas një rikthimi mbresëlënës në pjesën e dytë të ndeshjes.

Indiana e nisi takimin shumë më mirë, duke marrë një epërsi prej nëntë pikësh pas çerekut të parë. Pacers vazhduan me lojë dominuese edhe në çerekun e dytë, ku e rritën ndjeshëm avantazhin dhe shkuan në pushim me shifrat 61:43. Në një moment, epërsia e mysafirëve arriti deri në 20 pikë.

Megjithatë, pjesa e dytë i përkoi plotësisht Bostonit. Në çerekun e tretë, Celtics reaguan fuqishëm dhe arritën ta ulin diferencën në vetëm tetë pikë. Në çerekun vendimtar, vendasit përmbysën rezultatin dhe, pa ndonjë dramë të madhe në fund, siguruan fitoren e merituar.

Ylli i mbrëmjes për Bostonin ishte Jaylen Brown me 31 pikë, ndërsa Derrick White kontribuoi me 19 pikë. Te Indiana, më i dalluari ishte Pascal Siakam me 25 pikë.

Pas kësaj fitoreje, Boston Celtics mbajnë vendin e tretë në renditjen e Konferencës Lindore të NBA-së me 18 fitore dhe 11 humbje. Indiana Pacers vazhdojnë të kenë vështirësi këtë sezon, duke u renditur në vendin e 14-të me bilanc 6 fitore dhe 23 humbje.

Rezultatet:

Cleveland – Charlotte 139:122

- YouTube www.youtube.com

Boston – Indiana 103:95

- YouTube www.youtube.com

New Orleans – Dallas 119:113

- YouTube www.youtube.com

Denver – Utah 135:112

- YouTube www.youtube.com

Oklahoma – Memphis 119:103

- YouTube www.youtube.com

Golden State – Orlando 120:97

- YouTube www.youtube.com

Portland – Detroit 102:110

- YouTube www.youtube.com

Legjenda e Liverpoolit dhe një nga lojtarët më të mëdhenj në historinë e klubit, Steven Gerrard, ka deklaruar se është i gatshëm të ndihmojë “Reds” nëse situata me trajnerin aktual Arne Slot do të përkeqësohej.

Slot e udhëhoqi Liverpoolin në mënyrë mbresëlënëse sezonin e kaluar, duke fituar bindshëm titullin kampion.

Megjithatë, në fund të muajit shtator, skuadra hyri në një krizë të thellë rezultatesh, duke rënë deri në vendin e 12-të në Ligën Premier dhe duke pësuar një humbje zhgënjyese në shtëpi ndaj PSV-së në Ligën e Kampionëve. Kjo situatë e vuri trajnerin holandez nën presion të madh.

Gjithsesi, Slot dhe Liverpool kanë reaguar pozitivisht në javët e fundit. Skuadra është e pamposhtur në gjashtë ndeshjet e fundit, me tri fitore radhazi, edhe pse aktualisht renditet vetëm në vendin e pestë në kampionat, dhjetë pikë pas liderëve të Arsenalit.

Pikërisht për këtë situatë foli edhe Steven Gerrard (45), i cili tetë vite më parë nisi karrierën e tij si trajner pikërisht te Liverpooli, duke drejtuar ekipet e moshave të reja.

“Nuk dua që Arne Slot të shkarkohet. Dua që ai ta stabilizojë situatën dhe ta rikthejë Liverpoolin aty ku i takon. U kritikova nga të gjitha anët kur u fitua titulli sezonin e kaluar, por do të jem brutalisht i sinqertë: do të hidhesha për të ndihmuar Liverpoolin në çdo mënyrë dhe në çdo kohë", deklaroi Gerrard për TNT Sports. /Telegrafi/

Boksieri amerikan dhe YouTuber-i i njohur Jake Paul shkaktoi reagime të shumta me një postim në rrjetet sociale, menjëherë pas daljes nga spitali, ku u trajtua pas humbjes me nokaut ndaj Anthony Joshua.

Paul pësoi dëmtimin në raundin e pestë të ndeshjes së zhvilluar të premten mbrëma, ku Joshua e dominoi përballjen me një seri goditjesh vendimtare, duke e mbyllur duelin në mënyrë spektakolare.

Me këtë fitore, Anthony Joshua e përmirësoi rekordin e tij në 29 fitore dhe katër humbje, ndërsa Jake Paul tani ka një bilanc prej 12 fitoresh dhe dy humbjesh. Pas ndeshjes, Paul u diagnostikua me thyerje të nofullës dhe qëndroi për disa kohë në spital.

Menjëherë pas daljes nga spitali, Paul publikoi një postim kontrovers, duke shfaqur edhe një herë stilin e tij luksoz të jetesës. Ai ndau një foto nga një avion privat, i rrethuar nga tufa parash, çanta të markës Louis Vuitton dhe objekte të tjera luksi.

Në postimin e tij, Paul shoqëroi imazhin me një mesazh motivues:

“Ëndrra amerikane. Filloni ëndrrën tuaj sot. Besoni në të. Nëse bini, mësoni. Nëse bini, mos u ndalni.”

Postimi ngjalli reagime të shumta nga tifozët. Ndërsa një pjesë e tyre e përgëzuan Paul për mënyrën se si u rikthye pas humbjes, të tjerë e kritikuan për arrogancë dhe mungesë modestie.

Sipas raportimeve, të dy boksierët përfituan të njëjtën shumë financiare nga kjo përballje, rreth 78 milionë euro bruto, ose afërsisht 63 milionë euro neto pas zbritjeve. /Telegrafi/