Presidenti i Federatës Shqiptare të Futbollit, Armand Duka, ka reaguar pas ndarjes nga jeta të vajzës së futbollistit të Tiranës, Freddy Alvarez.
Përmes një mesazhi publik, kreu i futbollit i ka përcjellë ngushëllimet familjes së lojtarit dhe klubit kryeqytetas. Duka u shpreh se ky lajm është një goditje të rëndë dhe se fjalët janë të pamjaftueshme përballë kësaj humbjeje tragjike.
Ai konfirmoi mbështetjen e Federatës për Alvarez-in në këto momente të vështira për familjen e tij.
“Ky lajm tragjik më ka tronditur thellë. Në këto momente dhimbjeje, qëndrimi ynë është pranë jush. Në emrin tim dhe të Federatës Shqiptare të Futbollit, shpreh ngushëllimet më të sinqerta për Freddy Alvarez-in, familjen e tij dhe klubin e Tiranës. U prehtë në paqe engjëlli i vogël”, shkruan Duka./MXH
Bisedimet e filluara në Abu Dhabi mes përfaqësuesve të Ukrainës dhe Rusisë janë planifikuar të vazhdojnë edhe të shtunën. Ndërkohë që negociohet, Putini intensifikon sulmet.
Për herë të parë nga viti i kaluar, Kievi dhe Moska kanë zhvilluar negociata të drejtpërdrejta. Me ndërmjetësimin e Shteteve të Bashkuara, palët u takuan në Abu Dhabi, në Emiratet e Bashkuara Arabe, për të diskutuar planin e SHBA-së për t’i dhënë fund luftës kundër Ukrainës. Raundi i parë i bisedimeve ka përfunduar, njoftoi zyra presidenciale ukrainase.
Takimi tre palësh u përqendrua në kushtet për përfundimin e luftës, u shpreh negociatori ukrainas Rustem Umerov, por nuk dha detaje. Kurse Presidenti ukrainas, Volodymyr Zelensky në mesazhin e tij me video në mbrëmja, tha se është shumë herët për të nxjerrë përfundime nga takimi në Abu Dhabi.
Rusia kërkon Donbasin
Negociatat kanë të bëjnë kryesisht me territoret, më saktësisht, me Donbasin – dhe çështjen se kush do ta kontrollojë këtë rajon industrial të Ukrainës lindore pas përfundimit të luftës. Rusia e ka pushtuar një pjesë të madhe aty ushtarakisht. Pjesa tjetër është me rëndësi të madhe për Ukrainën. Moska po kërkon që Ukraina të tërhiqet nga pjesa e Donbasit që ende kontrollohet nga Kievi – dhe po e bën këtë një parakusht për bisedimet e paqes. Kievi refuzon tërheqjen vullnetare. “Çështja e Donbasit është një çështje kyçe”, theksoi Presidenti Volodymyr Zelensky para se të fillonin negociatat.
Dimri i katërt i luftës
Pavarësisht negociatave për paqen në Abu Dhabi Rusinë ka vazhduar të sulmojë Ukrainën. Sipas burimeve ukrainase, Kievi dhe Kharkivi janë nën sulme të rënda. Sipas zyrtarëve ukrainas, dronët dhe raketat goditën disa lagje të qytetve, ka të paktën një viktimë dhe katër të plagosur. Kryebashkiaku Vitali Klitschko deklaroi në Telegram herët të shtunën në mëngjes: “Kievi është nën sulm masiv armik. Mos u largoni nga vendstrehimet.”
Aktualisht në Ukrainë, miliona njerëz janë pa energji elektrike. Në kryeqytetin Kiyv, 4,000 ndërtesa mbeten pa ngrohje pasi ushtria ruse sulmoi përsëri infrastrukturën energjetike të vendit të martën në mbrëmje. Temperaturat në Kiyv aktualisht janë rreth minus dymbëdhjetë gradë Celsius. Shumë njerëz po jetojnë në apartamente të ftohta për javë të tëra me vetëm disa orë energji elektrike në ditë.
BE njoftoi se do të dërgonte 447 gjeneratorë shtesë emergjence në Ukrainë. Veprimet e Rusisë po i privonin “qëllimisht” civilët nga ngrohja, drita dhe nevojat themelore në mes të një dimri të ashpër, tha Komisionerja e BE-së për Menaxhimin e Krizave, Hadja Lahbib./mxh
Dhunoi një shitës dhe i vodhi para, kapet autori në Tiranë, bashkëpunëtori në kërkim
Si rezultat i kontrolleve sistematike dhe punës operative për kapjen e personave të kërkuar për veprimtari kriminale, shërbimet e Komisariateve Nr. 6 dhe Nr. 3, në kuadër të operacionit “Lista” dhe në vijim të operacionit “Reaction”, arrestuan shtetasin G. L., 35 vjeç, me precedent të mëparshëm penal në fushën e vjedhjeve.
Sipas policisë, G. L. dyshohet se më 14 dhjetor 2025, në bashkëpunim me shtetasit M. A. tashmë i arrestuar dhe E. H. aktualisht në kërkim, ka dhunuar një shitës në një subjekt për të marrë një shumë parash. Hetimet kanë treguar gjithashtu se më 26 dhjetor 2025, i njëjti shtetas ka kryer një vjedhje tjetër në një subjekt tjetër.
Policia po vijon punën për kapjen e bashkëpunëtorit të tij dhe për zbardhjen e vjedhjeve të tjera të mundshme./MXH
Apeli i Posaçëm ka vendosur të lërë në burg 8 anëtarë të grupit kriminal të njohur si “Rraja”, të dyshuar për trafikim të 2.4 tonëve marijuanë e kokainë drejt vendeve të Bashkimit Europian, mes tyre edhe Rexhep Rraja, djali i ish-deputetit socialist Rrahman Rraja.
Sipas njoftimeve zyrtare të Prokurorisë së Posaçme kundër Korrupsionit dhe Krimit të Organizuar (SPAK), grupi është i përfshirë në trafikun e lëndëve narkotike në disa episode gjatë viteve 2020-2021, ku sasia e drogës është nisur nga Shqipëria drejt Malit të Zi, Turqisë dhe Gjermanisë.
Hetimet zbuluan se në 3 nëntor 2020, autoritetet në Mal të Zi sekuestruan rreth 1.7 tonë marijuanë me destinacion Gjermaninë; më 23 nëntor 2020 në Holandë u kapën 475 kilogramë kokainë të nisura nga Ekuadori; ndërsa më 26 janar 2021, në Turqi u sekuestruan 236 kilogramë marijuanë.
Në dhjetor të vitit të kaluar u arrestuan me urdhër të SPAK disa prej të dyshuarve, përfshi Rexhep Rraja, Gazmir dhe Përparim Rraja, Islam Sefa, Jani Çavo, Aldo Gjini, Marvin Bushati dhe Zamir Aliaj. Apeli i Posaçëm ka lënë në fuqi masat e sigurisë “arrest me burg” ndaj këtyre personave, të cilët akuzohen për trafik ndërkombëtar të drogës dhe veprime të tjera penale të lidhura me këtë aktivitet.
Hetimet kanë vënë në dukje se grupi përdorte rrugë të ndryshme trafiku ndërkombëtar dhe komunikime të koduara për të organizuar dërgesat, teksa autoritetet vijojnë punën për zbardhjen e plotë të ngjarjeve dhe kapjen e personave të tjerë nën hetim./MXH
PD mban sot protestën e dytë kombetare përpara Kryeministrisë ku kërkojnë largimi i kreut të qeverisë Edi Rama dhe ndalimine bllokimit të drejtësisë prej tij në rastin “Balluku”.
Gazetari Osman Stafa raporton për News24 se do të ketë fjalime, por përjashtohet mundësia që PD të qendrojë në shesh për një kohë të pa caktuar.
Sipas tij, PD po përgatitet për protetsa të qendrueshme, dhe në një priotestë tjertër mbase mund të vendoset qendrimi në sheshin përpara kryeministrisë deri në largimin e kreut të qeverisë.
“Ajo që dimë për sot, është që nuk do të mungojë edhe reagimi qytetar, duke përfshirë molotovët si në tubimin e kaluar”, ka deklaruar gazetari Stafa./MXH
400 ml krem qumështi, 50 g sheqer, 1 lugë çaji vanilje, 1 mandarine, 3 fletë xhelatine, lëng mandarine.
Përgatitja:
Zieni kremin e qumështit me sheqerin, vaniljen dhe lëkurë mandarine në temperaturë mesatare. Mos e lini të vlojë fort. Zbutni fletët e xhelatinës në ujë të ftohtë për 5 minuta dhe shtojini te kremi i ngrohtë, duke e përzier mirë. Hidheni masën në forma dhe lëreni në frigorifer 2-3 orë. Para se të shërbehet, hidhni pak lëng mandarine dhe lëkurë për aromë.
Eskallop me salcë argumesh
Përbërësit:
200 g eskallop viçi, 200 g bukë të thërrmuar, 1 limon, 1 portokall, 1 lime, piper, 50 g miell, 2 vezë, 15 g mustardë dhe një kavanoz majonezë.
Përgatitja:
Shtypni eskallopin e viçit me një çekiç për ta sheshuar dhe për të marrë një trashësi të njëtrajtshme. Kriposni eskallopin, piperoseni dhe grijini pak lëkurë limoni.
Pastaj lyejeni eskallopin me miell, kalojeni te vezët e rrahura dhe mbulojeni në të gjitha anët me thërrime buke, duke i dhënë një teksturë krokante.
Ngrohni vajin në një tigan dhe pasi të jetë nxehur vendosni eskallopin në zjarr mesatar për 5 minuta nga secila anë. Hiqeni nga tigani dhe lyejeni në të dyja anët me gjalpë. Përfundoni gatimin duke e vendosur në furrë për 5 minuta në 180°C.
Merrni portokallin, limonin dhe lime-n dhe mbështillini secilin me letër alumini. Ngroheni furrën në temperaturë 200°C dhe vendosni agrumet në një tepsi pjekjeje. Lërini të gatuhen për një orë derisa të jenë sheqerosur mirë dhe lëkura të tregojë shenja djegieje. Nxirrni agrumet nga furra dhe me një lugë përzieni tulin dhe lëkurën, derisa të përftoni një pastë të trashë dhe të lëmuar. Nëse është e nevojshme, shtoni pak ujë ose lëng limoni për një konsistencë më të butë. Merrni majonezën e gatshme dhe përzieni masën e saj me salcën e agrumeve. Vendoseni në frigorifer që të përthithen shijet dhe më pas shoqëroni eskallopin me salcën e agrumeve.
Pulë e pjekur me limon dhe patate
Përbërësit:
1 pulë e plotë, lëkura e grirë dhe lëngu i 3 limonëve dhe 1 limon i plotë, 1 tufë trumzë, 1/2 filxhan vaj ulliri, 1 kg patate, 2 presh, vetëm pjesa e bardhë, 8 thelpinj hudhre, 250 ml lëng mishi pule, 2 tufa brokoli.
Përgatitja:
Ngroheni paraprakisht furrën në temperaturë 220°C. Thajeni pulën me një letër dhe spërkateni me erëza brenda dhe jashtë. Fërkoni lëkurën e pulës me lëngun e gjysmës së një limoni, pastaj futni trumzën brenda pulës dhe lidhni këmbët me spango gatimi.
Ngrohni vajin në një tigan pjekjeje dhe shtoni patatet, preshin, hudhrën e shtypur dhe gatuajini duke i përzier për 10 minuta derisa të marrin ngjyrë të artë. Shtoni sipër lëngun e mishit, lëngun e limonit, brokolin dhe gjysmën e limonit të prerë. Vendosni pulën sipër patateve dhe piqeni në furrë për 1 orë derisa të marrë ngjyrë të artë. Hiqeni nga furra dhe spërkateni sipër me lëkurë limoni për ta aromatizuar./mxh
Ambasada e SHBA-së në Tiranë ka shpërndarë një mesazh për qytetarët amerikanë që jetojnë në Shqip9ri.
Mesazhi:
Vendndodhja: Në të gjithë Tiranën; Bulevardi Dëshmorët e Kombit midis Sheshit Skënderbej dhe Sheshit Nënë Tereza
Data/Ora: E shtunë, 24 janar 2025, ora 17:00
Ngjarja: Një protestë është planifikuar të zhvillohet të shtunën, më 24 janar 2025, në orën 17:00. Protestuesit planifikojnë të mblidhen pranë godinës së Kryeministrisë, e cila ndodhet në Bulevardin Dëshmorët e Kombit, midis Sheshit Nënë Tereza dhe Sheshit Skënderbej. Pritet prani e shtuar e policisë, mbyllje rrugësh dhe ndërprerje të trafikut. Policia e Shtetit Shqiptar ka njoftuar se protestuesit mund të bllokojnë kryqëzime në pjesë të ndryshme të qytetit të Tiranës. Personeli i Ambasadës së SHBA-së është këshilluar të shmangë protestën. Ndiqni mediat lokale dhe zbatoni udhëzimet e autoriteteve lokale të zbatimit të ligjit për informacionin më të fundit.
Edhe pse protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt. Udhëzimi ynë i qëndrueshëm është të shmangen zonat e protestave. Nëse ndodheni në qytet, ju lutemi qëndroni vigjilentë dhe jepni përparësi sigurisë suaj personale. Forconi qëndrimin tuaj të sigurisë duke zbatuar zakonet e mëposhtme:
Veprime për t’u ndërmarrë:
Shtetasit amerikanë këshillohen të shmangin këtë ngjarje
Jini të vetëdijshëm për rrethinën tuaj
Kufizoni shpërqendrimet si telefonat ose kufjet në ambiente publike
Ndiqni mediat lokale
Gjithmonë keni një plan emergjence ose strategji daljeje
Qyteti i Sarajevës është përfshirë nga një ndotje e rëndë e ajrit, duke u renditur ndër qytetet më të ndotura në botë.
Autoritetet kanë marrë masa emergjente, ndërsa banorët flasin për vështiresi serioze në frymëmarrje dhe kufizime në jetën e përditshme.
Autoritetet u kanë berë thirrje qytetarëve të shmangin daljet e panevojshme dhe të qëndrojnë në ambiente të mbyllura, veçanërisht fëmijët, të moshuarit dhe personat me sëmundje kronike.
Një nga burimet kryesore të ndotjes mbetet ngrohja shtëpiake, industria dhe trafiku i dendur.
Autoritetet e Sarajevess njoftuan se do të shtojnë kontrollet mbi sistemet e ngrohjes shtëpiake dhe pastrimin e rrugëve, do të kufizojnë aktivitetet industriael dhe do të përshtatin oraret e shkollave për të mbajtur nxënësit më shumë në ambiente të mbyllura.
Autoritetett paralajmërojnë se masat do të vazhdojnë deri në përmirësimin e cilësisë së ajrit, ndërsa qytetarët këshillohen të kufizojnë ekspozimin në ambientet e jashtme./mxh
Kreu i Partisë Demokratike, Sali Berisha, ka bërë thirrje për pjesëmarrje masive në protestën e opozitës që do të zhvillohet sot në orën 17:00 përballë Kryeministrisë.
Në një mesazh të publikuar në rrjetet sociale, Berisha e cilësoi protestën si një moment të rëndësishëm për opozitën, duke ftuar qytetarët nga e gjithë Shqipëria që të bashkohen në Tiranë. “Vërshim i papërmbajtur drejt Tiranës. Ora 17:00 është ora e opozitës,” shkruan Berisha.
Protesta pritet të zhvillohet në një klimë tensioni politik, ndërsa policia ka paralajmëruar masa për garantimin e rendit dhe sigurisë publike./mxh
Të shpeshta janë bërë vizitat e agjentëve të Byrosë Federale Amerikane e Hetimeve, FBI në Kosovë. Takime të shumta me zyrtarë të institucioneve të sigurisë po konsiderohen si sinjal i qartë strategjik për marrëdhëniet e avancuara të Kosovës me SHBA-të.
Sipas njohësve të sigurisë, qasja e tillë rrit qëndrueshmërinë dhe sigurinë e brendshme të Kosovës.
Drejtori i institutit “Octopus”, Arben Fetoshi, ka thënë për KosovaPress, se ky bashkëpunim konsolidon pozicionin e Kosovës në arkitekturën e sigurisë euro-atlantike.
Sipas Fetoshit, është një mesazh i drejtpërdrejtë që demaskon narrativen e Serbisë, e cila përpiqet në vazhdimësi ta paraqes Kosovën si burim destabiliteti në rajon.
“Në kuadër të bashkëpunimit të vazhdueshëm nga SHBA-të, ky është edhe një sinjal i qartë strategjik për marrëdhëniet e avancuara të Kosovës me SHBA-të, i cili e konsolidon pozicionin e Kosovës në arkitekturën e sigurisë euroatlantike dhe është përtej rritjes së kapaciteteve në luftimin e krimit dhe çfarëdo kërcënimi hibrid ndaj Kosovës dhe mesazh i drejtpërdrejtë që demaskon narrativen e Serbisë, e cila përpiqet në vazhdimësi ta paraqes Kosovën si burim destabiliteti në rajon”, ka thënë Fetoshi.
Fetoshi ka shtuar se një hap i tillë ka një rëndësi të madhe, duke pasur parasysh edhe ftesën e Presidentit Donald Trump që Kosova t’i bashkohet Bordit të Paqes për Gazën.
“Një rëndësi e shumëfishtë një hapi të tillë, i cili duhet të ndërlidhet në trajektoren e zhvillimeve ndërkombëtare për Kosovën, në çoftë se kemi parasysh edhe ftesën e Trump që Kosova t’i bashkohet bordit të paqes për Gazën dhe aktin e autorizimit të mbrojtjes kombëtare të SHBA, që e mbron në mënyrë eksplicite sovranitetin dhe integritetin territorial të Kosovës, gjithmonë në përputhje edhe me raportin e fundit të BE, i cili e konfirmon që Kosova mbetet e ekspozuar ndaj presioneve hibride të Serbisë, derisa Serbia kualifikohet si aktorë destabilizues për rajonin e Ballkanit Perëndimor”, ka shtuar ai.
Ndërsa, ish-inspektori i AKI-së, Burim Ramadani ka thënë se kjo forcon partneritetin e rrit ekspertizën në fushat kryesore të hetimeve dhe mbledhjes së informacionit.
“Është absolutisht lajm i mirë, i forcimit të partneritetit në parim dhe i rritjes së ekspertizës në substancë. Ideja është që institucionet e Kosovës, duke përfshirë edhe Policinë, e ka nevojë të domosdoshme dhe të vazhdueshme rritjen e ekspertizës në fushat kryesore të hetimeve dhe mbledhjes së informacionit në mënyrë që reagimi dhe planifikimi i operacioneve të jetë profesional edhe i pajisur mirë me informacion.. Sepse ndryshimi i formave të kryerjes së krimeve nënkupton edhe ndryshim të nivelit e ekspertizës që kanë institucionet e sigurisë, për të qenë të gatshëm që të hetojnë ato dhe investimi në hestuesi dhe në grumbullim të informacioneve është domosdoshmëri”, ka thënë Ramadani.
Byroja Federale Amerikane e Hetimeve, FBI, ka sjellë në Kosovë një agjent special dhe një analist të inteligjencës, të cilët do të angazhohen në bashkëpunim të drejtpërdrejtë dhe paralel me Policinë e Kosovës.
Policia ditë më parë njoftoi se ata janë pritur nga drejtori i Policisë, Gazmend Hoxha.
Në njoftim thuhej se bashkëpunimi do të forcojë partneritetin strategjik dhe thellimin e bashkëpunimit ndërinstitucional në fushën e hetimeve penale dhe inteligjencës, me qëllim të rritjes së sigurisë dhe luftimit efektiv të krimit.
“Takimi u fokusua në planet e bashkëpunimit të ardhshëm, forcimin e partneritetit strategjik dhe thellimin e bashkëpunimit ndërinstitucional. Të dyja palët riafirmuan përkushtimin për bashkëpunim të plotë dhe koordinim të vazhdueshëm në fushën e hetimeve penale dhe inteligjencës, me qëllim të rritjes së sigurisë dhe luftimit efektiv të krimit. Policia e Kosovës vlerëson lart mbështetjen e vazhdueshme të institucioneve të sigurisë së SHBA-së, duke e konsideruar këtë bashkëpunim si shembull të shkëlqyer të partneritetit profesional dhe strategjik në shërbim të sigurisë së qytetarëve”, thuhet në njoftim. /kp/
Zëdhënësi i Gjykatës Themelore në Prizren Marcel Lekaj ka bërë të ditur se deri tani Gjykata Themelore e Prizrenit ka pranuar katër kërkesa për caktimin e masës së paraburgimit ndaj 11 personave.
Ai në një deklaratë për media bëri të ditur se Gjykata ka formuar një grup punues, ku janë caktuar 4 gjyqtarë kujdestarë për të pranuar dhe trajtuar kërkesat.
“Deri në këto momente Gjykata Themelore në Prizren ka pranuar katër kërkesa për caktimin e masës së paraburgimit ndaj 11 personave. Në ora 14:00 është caktuar një seancë dëgjimore, në ora 15:00 seanca tjera e radhës dhe jemi ende në pritje të pranimit të kërkesave nga Prokuroria Themelore në Prizren.
Ju njoftoj se Gjykata ka formuar një grup punuese, janë caktuar 4 gjyqtarë kujdestarë që janë në orë të kujdestarisë për të pranuar kërkesat për caktim të masave të sigurisë, bashkëpunëtorë profesionalë dhe staf administrativ mbështetës të cilët do të jenë sot dhe nesër në kujdestari për trajtimin e kërkesave brenda afati kohor”, tha ai.
Sipas tij, deri tani nuk ka ndonjë pengesë procedurale.
Ndryshe, kryeprokurori i Prokurorisë Themelorë në Prizren, Petrit Kryeziu ka njoftuar të premten se janë ndaluar 109 të dyshuar nën dyshimin për manipulim të votave në zgjedhjet e parakohshme të 28 dhjetorit 2025.
Kryeziu gjatë konferencës për media ka thënë se të gjithë ata që kanë manipuluar me votat do të dalin para drejtësisë, ndërsa u tha se bëhet fjalë për mijëra vota të manipuluara dhe të falsifikuara
Sot, më 24 janar pritet të mbahet seanca dëgjimore për caktimin e masës së sigurisë ndaj 109 të arrestuarve, të cilët dyshohen për manipulim me vota në Komunën e Prizrenit në zgjedhjet parlamentare, të mbajtura më 28 dhjetor.
Në njoftimin e Gjykatës bëhet e ditur se seanca nis në ora 14:00.
Tashmë të dyshuarit kanë mbërritur në Gjykatë.
Ndryshe, kryeprokurori i Prokurorisë Themelorë në Prizren, Petrit Kryeziu ka njoftuar të premten se janë ndaluar 109 të dyshuar nën dyshimin për manipulim të votave në zgjedhjet e parakohshme të 28 dhjetorit 2025.
Kryeziu gjatë konferencës për media ka thënë se të gjithë ata që kanë manipuluar me votat do të dalin para drejtësisë, ndërsa u tha se bëhet fjalë për mijëra vota të manipuluara dhe të falsifikuara.
Policia e Kosovës ka bërë të ditur se ka gjetur armë, municion dhe granata dore në një shtëpi të braktisur në Zveçan.
Në njoftimin e Policisë bëhet e ditur se sot, më 24.01.2026, rreth orës 09:20, Policia e Kosovës, pas pranimit të informatave përmes rrugëve operative, në fshatin Joshevik, komuna e Zveçanit, gjatë kontrollit të një shtëpie të braktisur ka gjetur dhe sekuestruar armë, municion, granate dore, etj.
Më saktësisht janë gjetur:
1 armë automatike AK-47
1 pushkë gjysmë automatike dy tytëshe
10 karikatorë të zbrazët
6 karikatorë të mbushur me nga 30 fishekë
84 copë fishekë për pushkë automatike
14 copë fishekë për pushkë gjysmë automatike
1 rrip për fishekë
2 granata dore M50
Si dhe pajisje për pastrimin e armëve
Lidhur me rastin është njoftuar Prokurori i Shtetit, i cili ka udhëzuar inicimin e rastit për veprën penale “Mbajtje në pronësi, kontroll ose posedim të paautorizuar të armëve”.
Policia thekson se deri në këtë fazë të hetimeve nuk ka persona të arrestuar në lidhje me këtë rast.
Policia e Kosovës falënderon qytetarët për bashkëpunimin dhe ndihmën e vazhdueshme, si dhe i inkurajon që çdo rast të dyshimtë apo veprim të kundërligjshëm ta raportojnë në numrin emergjent 192 ose në stacionin më të afërt policor.
“Vetëm përmes bashkëpunimit të ndërsjellë mund të sigurojmë një ambient më të sigurt për të gjithë qytetarët, pa dallim”, thuhet në njoftim. /Telegrafi/
Zhvillimi i inteligjencës artificiale dhe përhapja e videove ‘deepfake’ po e çojnë dezinformimin në një nivel të ri rreziku, veçanërisht në periudha të ndjeshme si fushatat zgjedhore.
Kështu tha mes tjerash Aimona Vogli në “Përballje Podcast”.
Sipas saj, inteligjenca artificiale po përdoret gjithnjë e më shumë për të krijuar përmbajtje të manipuluara, përfshirë video dhe imazhe që duken autentike, por që në realitet janë të rreme.
"Kjo e bën gjithnjë e më të vështirë dallimin mes së vërtetës dhe manipulimit, si për publikun ashtu edhe për mediat".
Vogli theksoi se, ndonëse AI po shfrytëzohet edhe për zhvillimin e mjeteve të verifikimit, pala që synon të dezinformojë shpesh ecën më shpejt dhe përfiton nga algoritmet e rrjeteve sociale, të cilat favorizojnë përmbajtjet sensacionale dhe emocionale.
“Teknologjia nuk e ka mendimin kritik”, nënvizoi ajo, duke shtuar se ky mbetet avantazhi kryesor i gazetarëve profesionistë dhe i një publiku të edukuar medialisht.
“Pa verifikim dhe pa përgjegjësi editoriale, videot deepfake dhe përmbajtjet e gjeneruara nga AI rrezikojnë të manipulojnë opinionin publik dhe të dëmtojnë besimin në media”, ka deklaruar ajo shkruan Telegrafi.
Voglo apeloi që mediat dhe institucionet të investojnë më shumë në edukimin medial dhe në zhvillimin e mekanizmave për identifikimin e përmbajtjeve të rreme, për të shmangur përhapjen e dezinformimit në epokën e inteligjencës artificiale. /Telegrafi/
Ambasada Amerikane në Tiranë ka paralajmëruar qytetarët për protestën e sotme të opozitës.
Në njoftimin e publikuara në faqen zyrtare të ambasadës këshillon qytetarët amerikanë që të shmangin demonstratën, të kenë një plan emergjence dhe të kufizojnë shpërqendrimet si telefonat ose kufjet në publik, raporton A2cnn.
Sipas ambasadës amerikane protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt.
Protesta do të nisë sot në orën 17:00 në Bulevardin Dëshmorët e Kombit, midis Sheshit Skënderbej dhe Sheshit Nënë Tereza, pranë Kryeministrisë.
Policia e Shtetit Shqiptar ka njoftuar se protestuesit mund të bllokojnë kryqëzimet në pjesë të ndryshme të qytetit të Tiranës, ndërsa pritet prani e shtuar e policisë, mbyllje rrugësh dhe ndërprerje të trafikut. /Telegrafi/
Një zyrtar i lartë iranian ka paralajmëruar se Teherani do ta konsiderojë çdo sulm ndaj vendit si “një luftë të përgjithshme kundër nesh”, në prag të mbërritjes në rajon të një grupi sulmues të transportuesve të avionëve amerikanë dhe aseteve të tjera ushtarake.
Paralajmërimi vjen mes rritjes së pranisë ushtarake amerikane dhe rreth dy javë pasi ish-presidenti amerikan Donald Trump u bëri thirrje protestuesve iranianë të vazhdojnë demonstratat, duke premtuar se “ndihma është duke ardhur”. Protestat në Iran janë shoqëruar me mijëra viktima, sipas burimeve të ndryshme.
“Ky grumbullim ushtarak – shpresojmë se nuk ka për qëllim një konfrontim të vërtetë – por ushtria jonë është e gatshme për skenarin më të keq. Kjo është arsyeja pse gjithçka është në gatishmëri të lartë në Iran”, tha zyrtari iranian për Reuters, duke folur në kushte anonimiteti.
Ai shtoi se Teherani do të përgjigjet ashpër ndaj çdo lloj sulmi. “Këtë herë do ta trajtojmë çdo sulm – të kufizuar, të pakufizuar, ‘kirurgjikal’, kinetik, sido që ta quajnë – si një luftë të përgjithshme kundër nesh dhe do të përgjigjemi në mënyrën më të vështirë të mundshme”, tha zyrtari.
Presidenti Trump deklaroi të enjten se SHBA-të kanë një “armadë” që po i drejtohet Iranit, por shprehu shpresën se ajo nuk do të duhet të përdoret. Ai gjithashtu ripërsëriti paralajmërimet ndaj Teheranit lidhur me vrasjen e protestuesve dhe një rikthim të mundshëm të programit bërthamor iranian.
“Nëse amerikanët shkelin sovranitetin dhe integritetin territorial të Iranit, ne do të kundërpërgjigjemi”, theksoi zyrtari iranian, duke mos dhënë detaje mbi formën që mund të marrë një përgjigje e tillë./mxh
Spektakli i fundit i Big Brother VIP Kosova 4 ka sjellë një tjetër moment që ka trazuar opinionin publik dhe ka rikthyer vëmendjen te raporti mes Benitës dhe Klodit. Një klip me pamje të patransmetuara nga festa e shtëpisë është publikuar, duke ngjallur reagime të shumta në rrjete sociale.
Në pamje, që janë realizuar pas konsumimit të alkoolit nga të dy banorët, Benita dhe Klodi shihen teksa shkojnë së bashku drejt dhomës së rrëfimit. Një moment i shkurtër brenda klipit ka bërë që ndjekësit të aludojnë për një puthje mes tyre, edhe pse situata mbetet e paqartë.
Gjatë qëndrimit në dhomën e rrëfimit, dyshja kanë zhvilluar një bisedë më të afërt se zakonisht, ku kanë shprehur hapur simpati për njëri-tjetrin. Fjalët dhe gjuha e trupit kanë lënë të kuptohet se mes tyre mund të ketë diçka më shumë sesa një marrëdhënie thjesht loje.
Ky moment ka shtuar dyshimet e publikut për një afrim të ri mes Benitës dhe Klodit, veçanërisht duke marrë parasysh debatet dhe përplasjet e forta që ata kanë pasur më herët brenda shtëpisë.
Tashmë mbetet për t’u parë nëse ky episod do të shndërrohet në një histori më të thellë apo nëse do të ndikojë në strategjitë dhe dinamikat e lojës në Big Brother VIP Kosova 4./mxh
Pas një periudhe të gjatë heshtjeje dhe dhimbjeje, artisti i mirënjohur Gjesti është gati t’i rikthehet skenës muzikore, duke sjellë sërish emocionet e tij për fansat. Ky rikthim vjen pas një pauze të domosdoshme, të cilën këngëtari e ndërmori për t’u përkushtuar familjes në një moment të vështirë personal.
Më parë, Gjesti kishte bërë të ditur se largimi nga vëmendja publike ishte i nevojshëm për të përballuar humbjen tragjike të vëllait të tij, i cili humbi jetën në një aksident me motor. Kjo humbje la një boshllëk të madh në jetën e artistit, i cili zgjodhi të qëndrojë pranë familjes dhe të merrte kohën e duhur për të përpunuar dhimbjen.
Megjithatë, duket se muzika do të shërbejë si mënyra e tij për t’u rikthyer dhe për të ndarë emocionet e tij me publikun. Lajmin e rikthimit e ka konfirmuar menaxheri i tij, Bonart Ajvazi, përmes një postimi në Instagram, duke nënvizuar se Gjesti është gati për të dhënë sërish kontributin e tij artistik.
I pyetur nga ndjekësit për datën e publikimit të projektit të tij të ri, Gjesti u përgjigj me një përgjigje intriguese: “Më shpejt se sa shpejt”./mxh
Në zbatim të Planit të Masave nr. 1261, datë 23.01.2026, dhe për shkak të rikonstruksionit të Institucionit të Ekzekutimit të Vendimeve Penale (IEVP) Fushë-Krujë, ka nisur procesi i transferimit të të dënuarve drejt institucioneve të tjera të vuajtjes së dënimit.
Konkretisht, janë transferuar gjithsej 142 të burgosur, nga të cilët 85 për në IEVP Peqin dhe 57 për në IEVP Durrës. Për realizimin e këtij procesi janë marrë të gjitha masat e nevojshme për ruajtjen dhe shoqërimin e të burgosurve nga forcat operacionale, nën drejtimin e specialistëve përkatës.
Gjithashtu, për lëvizjen janë njoftuar Drejtoria Vendore e Policisë Tiranë, Drejtoria Vendore e Policisë Elbasan, si dhe komisariatet përkatëse, në përputhje me itinerarin e përcaktuar.
Autokolona me 57 të burgosur ka mbërritur pa probleme në IEVP Durrës, ku nga ana e institucionit janë marrë masat e plota për pritjen, kontrollin dhe sistemimin e tyre, nën drejtimin e drejtuesve të institucionit.
Po ashtu, autokolona me 85 të burgosur ka mbërritur pa probleme në IEVP Peqin, ku janë zbatuar të gjitha procedurat standarde për pritjen, kontrollin dhe sistemimin e të burgosurve, nën drejtimin e drejtuesve të institucionit.
Procesi i transferimit është zhvilluar në mënyrë të qetë, të sigurt dhe në përputhje të plotë me aktet ligjore dhe rregulloret në fuqi./mxh
Sekretari i Përgjitshëm i PD-së, Flamur Noka, ka deklaruar se opozita është në një betejë të bazuar kundër narkoregjimit.
Sipas Nokës, shqiptarët janë në një betejë për t’u çliruar nga kthetrat e korrupsionit që i vjedhin kartelet e krimit të organizuar.
Ai u bën thirrje qytetarëve që të ngrihen dhe të luftojnë për të drejtat e tyre. Noka ka nënvizuar se protestat do të vazhdojnë deri në çmontimin e narkoregjimit.
“Opozita është në betejë. Jemi në një betejë të bazuar kundër narkoregjimit. Shqiptarët janë në një betejë për t’u çliruar nga kthetrat e korrupsionit, që i vjedhin kartelet e krimit të organizuar. Opozita nuk mund të rrijë duarkryq. Kemi bërë thirrje që të ngrihemi, sepse nuk ka rrugë tjetër. Të ngrihemi, të luftojmë dhe të përballemi për të drejtat tona. Nuk mund të pranojmë këtë narkoshtet, si i vetmi në Europë. Protesta është një shprehje e revoltës ndaj narkoregjimit dhe do të vazhdojë deri në çmontimin e tij”, tha ai./mxh
Login
