Qytetarët do të protestojnë para Kryeministrisë kundër vendimit të qeverisë për mbylljen e rrjetit social “TikTok”. Forumi rinor i PD-së, i cili ka thirrur protestën kundër mbylljes së platformës do të nisë marshimin nga selia blu tek bulevardi “Dëshmorët e Kombit”

Dhjetëra efektivë ndodhen në bulevardin “Dëshmorët e Kombit”, ku është ndaluar edhe qarkullimi i automjeteve. Berisha ka ftuar të rinjtë të marrin pjesë në tubim, për të kërkuar heqjen e vendimit për mbylljen e “TikTok”. “Të protestojmë kundër censurës”, u shpreh ai një ditë më parë.

Protesta nuk do të ketë podiumin trandicional, por një podium më të vogël, do të ketë 6 folës që do të adresojnë mesazhdet e tyre.

The post Mblidhen para selisë së PD-së, qytetarët protestojnë kundër mbylljes së TikTok appeared first on Lapsi.al.

Situata është tensionuar në Bulevardin ‘Mbreti Aleksandar’, afër parlamentit të Serbisë, ku turma të mëdha njerëzish janë mbledhur për të vijuar protestat që kanë përfshirë vendin muajt e fundit. Tre persona u plagosën të shtunën në mëngjes kur një makinë u përplas me protestuesit. Sipas Ministrisë së Brendshme të Serbisë, policia arrestoi shoferin 50-vjeçar i cili dyshohet se i bëri rezistencë arrestimit.

“Personat që u goditën në zonën e Belë Vodës ishin dy gra dhe një i ri , të cilët janë kontrolluar në urgjencë. Pas diagnostikimit të plotë janë konstatuar lëndime të lehta trupore”. njoftoi zyra e shtypit e ministrisë, duke theksuar se po vijon bashkëpunimi me prokurorinë për zbardhjen e rrethanave të aksidentit.

Dhjetëra mijëra njerëz janë mbledhur duke mbajtur flamuj të fakulteteve nëpër duar, flamuj të Serbisë, dhe simbole. Studentët dhe qytetarët që protestojnë, ndër të tjera, kërkojnë përgjegjësi penale dhe politike për vdekjen e 15 njerëzve nga shembja e një strehe në stacionin hekurudhor të Novi Sadit më 1 nëntor 2024.

The post Rriten tensionet në Serbi/ Makina përplaset me protestuesit në Beograd, 3 të plagosur appeared first on Lapsi.al.

Dhjetëra mijëra njerëz janë mbledhur në Bulevardin ‘Mbreti Aleksandar’, afër Parlamentit të Serbisë, raporton një gazetar i Radios Evropa e Lirë prej vendit të ngjarjes.

Zona është e mbyllur për trafik. Turma të mëdha njerëzish janë parë në qendër të qytetit, duke mbajtur flamuj të fakulteteve nëpër duar, flamuj të Serbisë, dhe simbole të qyteteve prej nga janë.

Studentët në bllokadë, ndër të tjera, kërkojnë përgjegjësi penale dhe politike për vdekjen e 15 njerëzve nga shembja e një strehe në stacionin hekurudhor të Novi Sadit më 1 nëntor 2024.

The post Protestat masive në Beograd/ Dhjetëra-mijëra njerëz afër Parlamentit appeared first on Lapsi.al.

Mijëra qytetarë dolën në rrugët e Beogradit mbrëmjen e së premtes për t’i mirëpritur studentët që po mbërrijnë në kryeqytetin e Serbisë në këmbë nga skajet e largëta të vendit, për një protestë të madhe që do të zhvillohet të nesërmen.

Derisa pritej mbërritja e kolonave të para të këmbësorëve nga Serbia jugore dhe perëndimore, disa çiklistë nga Kragujevci ishin të parët që arritën në qendër të Beogradit.

Duke mbajtur në duar pankarta me mbishkrimin “studentë, Beogradi është i juaji”, qytetarët i pritën studentët në kryeqytet edhe me medalje e lule.

Studentët, të cilët i kanë bllokuar fakultetet anembanë Serbisë për më shumë se tre muaj, kanë bërë thirrje për një protestë në Beograd më 15 mars.

Studentët në bllokadë, ndër të tjera, kërkojnë përgjegjësi penale dhe politike për vdekjen e 15 njerëzve nga shembja e një strehe në stacionin hekurudhor të Novi Sadit më 1 nëntor 2024.

Rojet e studentëve u kanë bërë thirrje qytetarëve që të mos iu afrohen traktorëve dhe gardhit që çon në Parkun e Pionierëve në mes të Presidencës së Serbisë dhe Kuvendit të Serbisë, ku janë vendosur në kampe një grup tjetër studentësh që kundërshtojnë bllokadat e fakulteteve.

Një numër i madh traktorësh janë parkuar rreth Parkut të Pionierit në qendër të kryeqytetit. Grupi “Studentët 2.0” është i vendosur në Parkun e Pionierit që nga 6 marsi. Ata e quajnë veten “studentë që duan të mësojnë” dhe kërkojnë përfundimin e bllokadave.

Në Parkun e Pionierit shihet një prani e madhe policore. Qytetarët në anën tjetër të gardhit brohoritën “turp” dhe “kë po mbroni” ndaj policëve.

Kampi i “studentëve që duan të mësojnë” janë kryesisht meshkuj, shumë prej të cilëve fshehin fytyrat me kapele dhe kapuç.

Traktorë, një gardh dhe policia ndajnë qytetarët, që presin studentët pranë Presidencës dhe Kuvendit, nga kampi në Parkun e Pionierit.Presidenti i Serbisë, Aleksandar Vuçiq, ka thënë se shteti “do t’i ndërmarrë të gjitha masat” për të siguruar paqe dhe paralajmëroi arrestimin e atyre që shkaktojnë incidente.

Qeveria kishte akuzuar më parë opozitën për përgatitjen e dhunës, ndërsa studentët hodhën poshtë akuzat. Protesta në Beograd konsiderohet si kulmi i demonstratave disamujore anembanë Serbisë të udhëhequra nga studentët. /Marrë nga Radio Evropa e Lirë

The post Beogradi në këmbë, mijëra njerëz kërkojnë dorëheqjen e Vuçiç appeared first on Lapsi.al.

Demonstratat e marsit dhe prillit të vitit 1981 në Prishtinë, të përcjella nga kërkesa për liri dhe barazi në Kosovë, shënuan një moment vendimtar në historinë e saj, duke nxjerrë në pah frymën nacionaliste dhe shpërthimin e kërkesave për pavarësi kombëtare, ndërsa u shoqëruan me represion të rëndë nga autoritetet jugosllave, me humbje edhe të njerëzve.

Demonstratat filluan si nje levizje spontane e studentëve të Kosovës të cilat u mbajtën në Prishtinë me 4 mars 1981 për kushte më të mira në mencen e studentëve në Prishtinë, por ne fakt ishte shkendiaja ne nje zinxhir mbi mllefin e akumuluar prej vitesh.

Shërbimi policor pas ndërhyrjes brutale paraburgosi një numër të madh të studentëve. Kjo ndërhyrje shkaktoi demostratën e organizuar të studentëve më 11 mars e cila po ashtu shtypet me dhunë dhe parabugosen disa studentë.

Më këtë fillon edhe zinxhiri i demostratave të 81-ës. Si pasojë rrjedhin tubimet e njohura si “Demonstratat e Punëtorëve” në të cilat punëtorët kërkonin lirimin e studentëve të burgosur. Përsëri, organet shtetërore intervenojnë me tërë brutalitetin e tyre.

Me kërkesat e demonstruesve: “Kosova Republikë”, “Duam Liri, “Barazi, Drejtësi”, Duam Bashkim”, “Të lirohen të burgosurit politikë”, e shumë kërkesa të tjera, u solidarizua i gjithë populli shqiptar i Kosovës e më gjerë, duke u organizuar më pas demonstrata nga rinia edhe në qytetet e tjera të Kosovës.

Gjatë këtyre tubimeve, armata Jugosllave paraqet prezencën e saj. Pas dy muajsh në territorin e “Krahinës Socialiste të Kosovës” vendoset “Gjendja e jashtëzakonshme” e më vonë edhe shtetrrethimi.

Këto demonstrata po ashtu konsiderohen një frymë nacionaliste për krijimin e shteteve të pavarura kombëtare.

Në ato ngjarje të rënda, por të lavdishme në historinë e popullit shqiptar, pushteti serb vrau 9 demonstrues, plagosi 15, e me qindra arrestoi e burgosi, ndëshkoi e dënoi me vite e vite burg të rëndë politik.

Demonstratat që vijuan deri në prill, u shtypën me dhunë policore nga ana e pushtetit jugosllav. Aksioni i njësive speciale të ish-Federatës së Jugosllavisë, i dha hov shpërthimit të zemëratës popullore. 

Demonstratat e pranverës së vitit 1981 në Prishtinë janë një moment kyç në historinë e Kosovës. Ato rindezën aspiratën kombëtare që do të realizohej pas 3 dekadash, Pavarësia e Kosovës. ©LAPSI.al

The post FOTO/ 44 vjet nga “Demonstratat e 81-it” që zgjuan ëndrrën e Kosovës për Pavarësi appeared first on Lapsi.al.

Sa herë ka ngjarje që kanë provokuar reagim në rrjetet sociale, thonë që Edi Rama ia përgatit vetë reagimet Ministrit të tij të Brendshëm.

Ai thjesht më pas i shpërndan për mediat. Edhe reagimi i sotëm i Ervin Hoxhës për rastin e punononjësit të Policisë së Shtetit që aludohet se është shtyrë në vetëvrasje, nuk është e vështirë të kuptohet se vjen prej zyrës së Edi Ramës, për të mos i thënë i shkruar nga vetë Edi Rama sepse mjafton të kuptosh gjuhën e përdorur, e cila është shumë me lart sesa leksiku i vakët i Ervin Hoxhës.

Reagimi i Ministrit të Brendshëm vjen pasi në rrjetet sociale është njoftuar një protestë nga Lëvizja Bashkë për rastin e policit Azbi Spahiu.

Më poshtë deklarata e plotë e Ervin Hoxhës. 

“Është bërë tanimë një zakon shumë i ulët, që të deformohen dhe manipulohen ngjarje të caktuara dhe të goditet Policia e Shtetit, për qëllime tërësisht politike apo biznes mediatik.

Rasti i ngjarjes së Pogradecit, ku u fry një dallgë e madhe dizinformimi me një bandë inekzistente gjobëvënësish, apo rasti i vrasjes së 14-vjeçarit nga bashkëmoshatari i tij, ku u sajuan thika e autorë të tjerë të paqenë, ishin dy raste emblematike të rritjes së nivelit të paturpësisë politike dhe mediatike.

Tani ka dalë një tjetër rast, me të cilin po riluhet loja e “të vegjëlve”, që bëjnë thirrje për protestë (kështu i është vënë emri ca partizave, që të reja mund të kenë shumë gjëra, po nuk kanë as mendësinë dhe as metodat).

Protesta sa të duan, kur të duan, po nuk rezulton që të ketë ndonjë punonjës policie, që ka tentuar të vrasë veten nga ndonjë presion për të mos zbatuar ligjin ndaj dikujt.

Rasti në fjalë është i qartë e i dokumentuar dhe e gjitha është një furtunë në gotë.

Por, meqë jo çdo e keqe vjen për keq, njerëzit mbase e kuptojnë edhe më mirë me këtë rast, që këto lëvizjet me emra të mëdhenj të këtyre “të vegjëlve” janë tamam si ajo loja “fluturon, fluturon” dhe kush ta hajë, ta hajë…

Këtyre organizatorëve, që kanë nxjerrë këto tabelat në rrjete sociale, u sugjeroj ta zëvendësojnë sloganin dhe ta bëjnë “Gënjeshtra, shpresa jonë për deputetë” dhe “Marshojmë, Gënjejmë”. Plus, duke saktësuar respektivisht subjektet e tyre politike “Gënjejmë Bashkë” dhe “Gënjeshtra Bëhet”

The post Protesta për policin, lexoni reagimin që Rama i ka përgatitur Ministrit të Brendshëm appeared first on Lapsi.al.

Qindra mijëra studentë dhe qytetarë demonstruan në rrugët e Beogradit këtë të premte. Ata u tubuan para godinës së Radios dhe Televizionit të Serbisë, duke kërkuar drejtësi nga presidenti Aleksandar Vuçiç dhe qeveria e vendit për tragjedinë në stacionin e trenit të Novi Sadit ku humbën jetën 15 persona nga shembja e një çatie.

Përveç llogaridhënies për atë që ka ndodhur, ata kërkojnë që të ketë pasqyrim objektiv të ngjarjeve që lidhen me tragjedinë dhe të mos ketë “lajme përçarëse mes qytetarëve”. Protestuesit mbajtën 15 minuta heshtje në nder të viktimave të Novi Sadit.

Massive anti-Vucic government protests continued tonight in Belgrade, Serbia.pic.twitter.com/Y6BmTolfPg

— kos_data (@kos_data) January 17, 2025

Shkak për demonstratën masive të së premtes u bë edhe një incident që ndodhi të enjten në Beograd, kur një makinë shtetërore u përplas dhe plagosi rëndë një student protestues. Ngjarja u fiksua në një video e cila u bë shumë shpejt virale në rrjetet sociale. ©LAPSI.al

| Belgrade students demonstrated in front of Radio-Television Serbia’s studios in the latest in a series of protests demanding accountability and justice for the deadly Novi Sad railway station disaster – but also calling for truthful coverage of the protests themselves. 1/2 pic.twitter.com/nlRT0g7Wgm

— Balkan Insight (@BalkanInsight) January 17, 2025

The post PAMJET/ Qindra mijëra njerëz protestojnë kundër Vuçiç në rrugët e Beogradit appeared first on Lapsi.al.

Për të katërtën ditë radhazi, Sindikata e Punëtorëve të Administratës, Organeve të Drejtësisë dhe Shoqatave të Qytetarëve (AOGJSH), në Maqedoninë e Veriut vijon me protesta duke kërkuar nënshkrimin e marrëveshjeve kolektive dhe rritjen e pagave me 30 për qind për nëpunësit e disa ministrive dhe institucioneve shtetërore.

Kryetari i Sindikatës, Trpe Deanoski, në protestën e së premtes përpara Ministrisë së Financave, njoftoi se kanë dorëzuar një kërkesë zyrtare për takim me kryeministrin e Maqedonisë së Veriut, Hristijan Mickoski.

Ai theksoi se nëse nuk arrihet një marrëveshje përfundimtare me Qeverinë, do të fillojnë me protesta “më radikale, greva”, dhe se do të shfrytëzojnë “çdo mundësi ligjore” deri në plotësimin e kërkesave të tyre.

“Nëpunësit presin që Qeveria të tregojë mirëkuptim dhe ta pranojë këtë dorë ndihme nga Sindikata për të gjetur zgjidhje për kërkesat tona”, tha Deanoski.

Por, Qeveria shpreh dyshime se protestat janë të motivuara politikisht. Ajo e pranon se pagat nuk janë të larta, por arsyetohet se buxheti është i kufizuar.

Aktualisht, paga mesatare e punonjësve në Ministrinë e Kulturës, Drejtësisë, Mjedisit, Ekonomisë dhe Punës, Transportit dhe Transformimit Digjital, si dhe Entin Shtetëror të Statistikave, është rreth 471 euro.

Paga mesatare në nivel shtetëror në Maqedoninë e Veriut është 684 euro. Protestuesit kërkojnë një rritje prej 100 eurove.

“Nëse Sindikata (AOGJSH) vërtet kujdesen për pagat e punonjësve, i ftojmë për bisedime me qëllim të gjetjes së zgjidhjeve reale. Përndryshe, mbetet dyshimi se AOGJSH punon për interesa të partive të caktuara, që synojnë të fitojnë pikë politike në kurriz të qytetarëve,” tha Qeveria në një reagim më 15 janar.

Por, Deanoski tha se “formalisht nuk kemi marrë ftesë për vazhdimin e dialogut”, duke nënvizuar se takimet nuk mund të zhvillohen përmes njoftimeve për media, por përmes kërkesave zyrtare për takim.

Ai gjithashtu i ka bërë thirrje opozitës që të mos përfshihet në këto protesta, duke theksuar se këto parti kishin shtatë vjet në pushtet për ta zgjidhur problemin e pagave.

Protestuesit akuzuan Ministrinë e Financave për mosndërmarrjen e masave të nevojshme dhe për mosmiratimin e propozimeve të tyre.

“Ne nuk e pranojmë diskriminimin dhe do të vazhdojmë të luftojmë për një rritje të drejtë pagash për të gjithë. Ne kërkojmë një shpërndarje të vërtetë dhe të drejtë të burimeve që do t’u mundësojë të gjithë punëtorëve të jetojnë në mënyrë sa më dinjitoz”, tha Zoran Gjorgjievski, anëtari i sindikatës nga Ministria e Drejtësisë.

Kjo është dita e katërt kur mbi 2.400 administratorë nga institucione të ndryshme publike të vendit kërkojnë rritjen e pagave.

Ditë më parë, Sindikata raportoi se në disa ministri kanë nisur edhe kërcënime ndaj punonjësve që të mos marrin pjesë në protestë./rel

The post Punonjësit e administratës në Shkup protestojnë për rritje rrogash appeared first on Lapsi.al.

Dhjetëra mijëra protestues kundër qeverisë mbushën rrugët e Beogradit të dielën duke ndezur dritat e telefonave celularë dhe mbajtur 15 minuta heshtje në nderim të viktimave nga shembja e çatisë së një stacioni treni, aksident për të cilin i fajësojnë autoritetet.

Protesta u organizua dhe u drejtua nga studentët e universitetit shtetëror të kryeqytetit serb, të cilët kërkojnë daljen përpara drejtësisë të personave përgjegjës për aksidentin.

Ata fajësojnë Partinë Progresiste Serbe (SNS) në pushtet të Presidentit Aleksandar Vuçiç për korrupsion dhe nepotizëm. Presidenti serb dhe partia e tij i kanë mohuar akuzat.

Studentët e universitetit shtetëror në Beograd, Kragujevc dhe Nish kanë pezulluar mësimet për javë të tëra duke kërkuar publikimin e të gjitha dokumenteve që lidhen me rinovimin e stacionit të shembur, si dhe ndjekjen penale të zyrtarëve përgjegjës për fatkeqësinë.

Çdo ditë përpara fakulteteve të tyre studentët bllokojnë trafikun për 15 minuta për të përkujtuar 15 viktimat.

Tenda prej betoni e çatisë së stacionit të trenit, e rinovuar kohët e fundit, u shemb më 1 nëntor duke u marrë jetën 14 individëve dhe plagosur tre të tjerë. Një i plagosur humbi jetën më vonë.

Udhëheqësit e opozitës dhe qytetarët serbë kanë zhvilluar protesta të vazhdueshme, duke thënë se aksidenti ishte rezultat i korrupsionit dhe nepotizmit qeveritar.

Qeveria e koalicionit i mohon akuzat ndërsa Presidenti Vuçiç ka thanë se individët përgjegjës duhet të japin llogari.

“Kemi vite që jemi të pakënaqur. Jemi këtu për të shprehur revoltën tonë ndaj autoriteteve dhe për të mbështetur studentët”, tha protestuesja Tamara Kovaçeviç. /VOA

The post Mijëra studentë bllokojnë rrugët e Beogradit kundër Aleksandër Vuçiç appeared first on Lapsi.al.

Opozita ka protestuar edhe këtë të premte para Bashkisë së Tiranës. Raportohet se ka patur përplasje mes qytetarëve dhe protestuesve pasi policia nuk ka bllokuar rrugën ku po zhvillohet tubimi.

Kjo është protesta e 41 e opozitës para Bashkisë së Tiranës. Kjo protestë ashtu siç edhe protestat e tjera kanë si qëllim që kryebashkiaku Erion Veliaj të largohet nga detyra pas zbardhjes së dosjes “5D”.

The post Protesta/ Policia nuk bllokon rrugën, përplasje me deputetët e qytetarët appeared first on Lapsi.al.

Në Austri partia e ekstremit të djathtë FPÖ dhe partia konservatore ÖPV kanë vendosur fillimin e bisedimeve për krijimin e koalicionit qeverisës. Rezultati i bisedimeve mund të jetë kancelari Kickl i FPÖ-së.

Në disa qytete kanë protestuar dhejtra mijëra vetë kundër zhvendosjes së kahut politik djathtas. Një qeveri e krijuar mes FPÖ-së(Partia Austriake e Lirisë) pjesërisht ekstremiste e djathtë dhe konservatorëve të ÖVP-së (Partia Popullore e Austrisë), me kancelar Herbert Kickl nga FPÖ, ka shkaktuar protesta në Austri.

Përpara selisë së kancelarit në Vjenë kanë protetsuar dhjetra mijë vetë. Organizatorët bëjnë fjale për 50.000 pjesëmarrës, autoritetet për rreth 25.000. Demonstruesit mbanin parrulla me mesazhet: “Nuk duam një Austriekstremiste të djathtë” dhe “Kurrë më është tani “. Shumë sloganë drejtoheshin kundër kreut të FPÖ-së Kickl si kancelar i mundshëm. Masa e protestuesve gëloi, kur gjatë kohës së protestës u bë e ditur, se FPÖ dhe ÖVP zyrtarisht kanë vendosur të fillojnë negociatat e koalicionit.

Demonstrat u iniciuan nga organizatat sociale dhe kishtare si dhe nga grupe, që angazhohen për çështje të migrantëve dhe të mjedisit. “Kërcënon një sulm autoritar ndaj demokracisë, mbrojtjes së mjedisit dhe solidaritetit social në vendin tonë”, theksohej në thirrjen për protestë. Edhe në Insbruk, Salcburg dhe në Grac u mblodhën disa qindra vetë.

FPÖ dhe ÖVP në kohën që protestohej deklaruan, vendimin e kryesive të partive për fillimin e bisedimeve të koalicionit. “Ne hyjmë në bisedime me FPÖ-në”, tha kryetari në detyrë i ÖVP-së Christian Stocker. Si piketat kryesore për partinë e tij ai nënvizoi sërish ruajtjen e demokracisë liberale, antarësimin e Austrisë në BE dhe refuzimin e influencës nga Rusia. Indirekt ai u shpreh kësisoj duke iu referuar qendrimeve kritike të FPÖ-së ndaj BE-së. Të dyja partitë kanë qendrim restriktiv ndaj politikës së azilit. Po është ende e paqartë, nëse ato do të mund t’i kapërcejnë diferencat lidhur me poliitkën e jashtme. Po ashtu midis politikanëve të të dyja partive ka tensione sa i përket marrjes së përgjegjësisë për krizën ekonomike. ÖVP vazhdimisht e ka cilësuar FPÖ-së si një rrezik për sigurinë e Austrisë.

Kickl polarizon – mendim që e ndajnë shumica e austriakëve

Kundërshtarët politikë e konsiderojnë 56 vjeçarin si “rrezik për sigurinë” – kështu është shprehur kancelari Karl Nehammer nga partia konservatore ÖVP, i cili dha dorëheqjen pasdështimit të bisedimeve të koalicionit me partitë e qendrës.

Por me sa duket ndryshe e shohin mbi 1,4 milionë zgjedhëse dhe zgjedhës, që në fund të shtatorit i dhanë votën Kickl-it dhe partisë së tij populiste të djathtë, FPÖ. Kjo parti mori 28,8 përqind të votaveduke dalë për here të parë si forca më e madhe politike në këshillin kombëtar, parlamentin e Austrisë. Aktualisht FPÖ në bazë të sondazheve arrin te ketë një kuotë rreth 35 përqind.

Pasi dështuan bisedimet për krijimin e qeverisë nga partitë e qendrës, presidenti Alexander Van der Bellen mandatoi zyrtarisht FPÖ-në për krijimin e qeverisë./DW

The post Austri/ Protesta kundër një qeverie të mundshme të ekstremit të djathtë appeared first on Lapsi.al.

Kreu i PD Sali Berisha do të paraqitet sot në SPAK, pas vendimit të marrë nga Apeli i Posaçëm për vendosjen nën masën e sigurisë “Detyrim Paraqitjeje”, vendim të cilin ka deklaruar se do ta zbatojë, në ndryshim nga hera e fundit që e çoi edhe drejt masës” Arrest në shtëpi”.

Ndërkohë, forca të shtuara policore janë vendosur përpara godinës së Prokurorisë së Posaçme, për shkak të protestës së paralajmëruar nga demokratët.

Një kordon policor është vendosur para SPAK, ndërkohë që ka nisur edhe mbledhja e protestueseve.

The post Protestuesit mbërrijnë para SPAK, vendoset kordoni policor appeared first on Lapsi.al.

Mijëra qytetarë protestuan të dielën në qytetin e Cetinjes dhe Podgoricë në Mal të Zi, duke kërkuar përgjegjësi nga udhëheqësit politikë dhe autoritetet e sigurisë, pas vrasjes së 12 personave më 1 janar në Cetinje.

Demonstruesit ndezën qirinj dhe mbajtën heshtje për të vrarët, ndërsa mbanin pankarta dhe hidhnin thirrje të zemëruara, duke akuzuar politikanët në Malin e Zi për tragjedinë e Cetinjes dhe duke kërkuar dorëheqjen e tyre.

Vrasja e shumëfishtë, ndër më të rëndat në vend, ndodhi të mërkurën pasdite, kur 45 vjeçari Aco Martinoviç qëlloi viktimat në Cetinjë pasi kishte konsumuar alkool. Ai arriti t’i shmanget policisë për orë të tëra. Në mesin e të vrarëve është edhe motra e tij. Më pas ai vrau veten dhe vdiq nga plagët e marra në orët e hershme të së enjtes.

Protestuesit kërkuan dorëheqjen e Ministrit të Brendshëm, Danilo Sharanoviç dhe Zëvendëskryeministrit për Siguri dhe Mbrojtje, Aleksa Beçiç, i cili është edhe në krye të sigurisë dhe mbrojtjes.

The post Mijëra protestues në Mal të Zi kërkojnë përgjegjësi pas νrasjes së 12 personave appeared first on Lapsi.al.

Mijëra protestues u mblodhën në qendër të Seulit të shtunën për të kërkuar arrestimin e menjëhershëm të presidentit të shkarkuar nga parlamenti të Koresë së Jugut, Yoon Suk Yeol. Protestuesit dënuan vendimin e tij për të sfiduar përpjekjet e hetuesve për ta arrestuar të premten.

“Nën drejtimin e Yoon Suk Yeol, policia i shtypi protestuesit me forcë. Ndjej zemërim të madh sepse policia po tregohet kaq e pabindur duke mos zbatuar urdhrin e arrestit për të”, tha një protestues kundër presdientit Yeol.

“Shpresoj që secili prej nesh të bashkohet që vendi ynë Koreja e Jugut të lëvizë drejt një demokracie të vërtetë”, tha një tjetër.

Hetuesit e Koresë së Jugut i kërkuan përsëri Presidentit në detyrë të vendit të shtunën që të urdhërojë shërbimin e sigurisë presidenciale që të zbatojë një urdhër arresti për Presidentin e shkarkuar nga parlamenti Yoon Suk Yeol.

Agjencia kundër korrupsionit e vendit tha se i tërhoqi hetuesit e saj për shkak të shqetësimeve për sigurinë e tyre, pasi forcat e ruajtjes presidenciale nuk i lejuan ata të hynin në rezidencën e zotit Yoon për orë të tëra.

Po ashtu mbështetës të Yoon dolën në rrugë, në përkrahje të tij.

“Tani, vendi ynë po lufton kundër agjentëve kinezë dhe atyre që i nënshtrohen socializmit. Por ne do të shërohemi shpejt. Presidenti ynë, Yoon Suk Yeol është në ballë të kësaj lufte”, deklaroi një protestues pro presdientit Yeol.

“Tetë vjet më parë, ata hoqën padrejtësisht presidenten Park Geun-hye dhe tani ata po përpiqen të largojnë edhe presidentin Yoon, bazuar në akuza absurde. Nuk ka asnjë problem nëse presidenti shpalli gjendjen e jashtëzakonshme”, deklaroi një tjetër mbështetës i presdientit Yeol.

Ngjarjet e të premtes ndodhën në vazhdën e një muaji të trazuar politik që filloi me 3 dhjetor, kur presidenti Yoon, një ish prokuror konservator, shpalli gjendjen e jashtëzakonshme.

Shpallja e gjendjes së jashtëzakonshme u shfuqizua shpejt nga ligjvënësit, të cilët më vonë votuan për të shkarkuar Yoon dhe pezulluan kompetencat dhe detyrat e tij presidenciale, por vendimi përfundimtar për shkarkimin e tij tani është në duart e Gjykatës Kushtetuese e vendit. Yoon e ka mbrojtur dekretin e tij për të shpallur gjendjen e jashtëzakonshme si një akt të domosdoshëm qeverisjeje./ VOA

The post Vijojnë paqartësitë politike në Korenë e Jugut, protesta kundër presidentit Yoon appeared first on Lapsi.al.

Gjykata e Tiranës ka caktuar masën “detyrim paraqitjeje” për 7 të arrestuarit nga protesta e opozitës e zhvilluar tre ditë më parë. Bëhet me dije se para gjykatës së Tiranës u njohën me masën e sigurisë Gëzim Sadikaj, Vlash Gjonaj, Çlirim Koka, Romarjo Bila, Arif Hoxha, Julian Çela dhe Albin Cani.

Po ashtu mësohet se në mbështetje të protestuesve të arrestuar pranë ambienteve të gjykatës ishin familjarë të tyre dhe koordinatori politik i Partisë Demokratike për Tiranën, Klevis Balliu.

Peronat në fjalë u arrestuan për veprat penale “Pengimi i qarkullimit të mjeteve të transportit”, “Organizimi dhe pjesmarrja në grumbullime e manifestime të paligjshme”, “Mosbindja ndaj urdhrave të punonjësit të rendit publik”, “Prishja e rendit dhe e qetësisë publike” dhe “Kundërshtimi i punonjësit të policisë së rendit publik.

The post Protesta e PD-së/ Gjykata e Tiranës cakton masën detyrim paraqitje për të arrestuarit appeared first on Lapsi.al.

Disa qytetarë të thirrur nga Partia Demokratike kanë protestuar para ambienteve të Prokurorisë së Posaçme, teksa kryebashkiaku Erion Veliaj u paraqit këtë të enjte në SPAK.

Me pankarta në duar, protestuesit kanë kërkuar dënimin e Veliajt, të cilin e quajnë hajdut dhe mashtrues. Mes qytetarëve është edhe Klevis Balliu.

Kryebashkiaku Veliaj po jep deklarime në lidhje me hetimin e regjistuar nga SPAK, për veprën penale të “korrupsionit pasiv të funksionarëve të lartë shtetërore dhe të zgjedhurve vendorë”.

BKH me urdhër të SPAK, ditë më parë i sekuestroi celularin gruas së Veliajt, Ajola Xoxës, pas një kontrolli të zhvilluar në banesën e tyre, teksa kryebashkiaku nuk ishte në Shqipëri.

Gjykata e Posaçme e Apelit dy ditë më parë, refuzoi ankimin e bërë nga Ajola Xoxa, bashkëshortja e kryebashkiakut të Tiranës, Erion Veliaj, kundër vendimit që lejoi SPAK-un ta kontrollojë dhe sekuestrojë aparatin telefonik celular.

Në të njëjtin vendim Apeli rrëzoi të njëjtat pretendime të ngritura kundër kontrolleve nga vëllai i kryebashkiakut, Arbër Veliaj dhe dy kompani, ambientet e të cilave kaluan në filtrën e agjentëve të BKH.

The post Veliaj në SPAK, jashtë e presin mbështetës të PD-së appeared first on Lapsi.al.

Në Siri kanë shpërthyer për djegien e një peme të Krishtlindjes, duke prodhuar thirrje që autoritetet e reja islamike të ndërmarrin hapa për të mbrojtur pakicat.

Një video e postuar në mediat sociale tregoi pemën e Krishtlindjeve në zjarr në sheshin kryesor të Suqaylabiyah, një qytet me shumicë të krishterë në Sirinë qendrore, me njerëz të maskuar përreth.

Hayat Tahrir al-Sham (HTS), fraksioni kryesor islamik që udhëhoqi kryengritjen që rrëzoi presidentin Bashar al-Assad, tha se luftëtarët e huaj ishin arrestuar për incidentin.

Lexo më tej: Pas 50 vitesh sundim, shembet regjimi Assad në Siri 

Përfaqësuesit e HTS kanë premtuar të mbrojnë të drejtat dhe liritë e pakicave fetare dhe etnike në Siri.

Mijëra demonstrues dolën në rrugë në të gjithë vendin, përmes Damaskut dhe Suqaylabiyah në provincën Hama.

Dy luftëtarë të maskuar u shfaqën në një video në mediat sociale duke i vënë zjarrin pemës së Krishtlindjes një natë përpara se të krishterët në Siri të përgatiteshin për të festuar natën e Krishtlindjes.

Pamjet e pasojave treguan një figurë fetare nga grupi rebel qeverisës HTS që siguronte turmat që ishin mbledhur në Suqaylabiyah se pema do të riparohej para mëngjesit.

Burri më pas mbajti një kryq në shenjë solidariteti, diçka që konservatorët islamikë nuk do ta bënin.

(Pamje nga protesta për djegien e pemës)

Të martën më shumë protestues dolën në rrugë për sulmin ndaj pemës.

Disa në lagjen Kassa të Damaskut kënduan kundër luftëtarëve të huaj në Siri.

“Siria është e lirë, ata që nuk janë sirianë duhet të largohen,” thanë ata, duke iu referuar luftëtarëve të huaj që HTS thanë se qëndronin pas sulmit.

Në lagjen Bab Touma të Damaskut, protestuesit mbanin një kryq dhe flamuj sirianë, duke brohoritur “ne do të sakrifikojmë shpirtrat tanë për kryqin tonë”. 

“Nëse nuk na lejohet të jetojmë besimin tonë të krishterë në vendin tonë, si dikur, atëherë nuk i përkasim më këtu,” tha një demonstrues i quajtur Georges për agjencinë e lajmeve AFP.

Siria është shtëpia e shumë grupeve etnike dhe fetare, duke përfshirë kurdët, armenët, asirianët, të krishterët, druzët, shiitë alevitë dhe sunitët arabë, të fundit prej të cilëve përbëjnë shumicën e popullsisë muslimane.

Pak më shumë se dy javë më parë, presidenca e Bashar al-Assad ra në duart e forcave rebele, duke i dhënë fund sundimit më shumë se 50-vjeçar të familjes Assad.

Se si grupi HTS do të qeverisë Sirinë mbetet për t’u parë.

HTS filloi si një grup xhihadist, duke përkrahur dhunën për të arritur qëllimin e tij për krijimin e një shteti të qeverisur nga ligji islamik (Sheriati), por në vitet e fundit miratoi një qasje më pragmatike, më pak pa kompromis.

Ndërsa luftëtarët marshuan për në Damask në fillim të këtij muaji, udhëheqësit e saj folën për ndërtimin e një Sirie për të gjithë sirianët.

Të martën, autoritetet e reja njoftuan se udhëheqësi Ahmed al-Sharaa (Al Xholani) kishte arritur një marrëveshje me “fraksionet revolucionare… për të shpërndarë të gjitha fraksionet dhe për t’i bashkuar ato nën ombrellën e Ministrisë së Mbrojtjes”, sipas agjencisë së lajmeve Sana.

Kryeministri Mohammed al-Bashir tha se ministria do të ristrukturohet për të përfshirë luftëtarët rebelë.

Megjithëse deklarata përmendte “të gjitha fraksionet”, nuk ishte e qartë saktësisht se cilat grupe përfshihen në bashkim.

Ka shumë grupe të armatosura në Siri, duke përfshirë disa që janë kundër HTS dhe të tjerë me marrëdhënie të paqarta me të në rastin më të mirë.

(Protestues të tjerë organizuan një protestë brenda kishës Mariamite të Damaskut)

HTS mbetet e cilësuar si një organizatë terroriste nga OKB-ja, SHBA-ja, BE-ja dhe Britania e Madhe, megjithëse ka shenja se një ndryshim diplomatik mund të jetë duke u zhvilluar.

Të premten, SHBA hoqi një shpërblim prej 10 milion dollarësh për kokën e udhëheqësit të HTS Ahmed al-Sharaa, pas takimeve midis diplomatëve të lartë dhe përfaqësuesve nga grupi.

SHBA po vazhdon praninë e saj ushtarake në Siri. Ajo tha të premten se kreu një sulm ajror në qytetin verior të Deir Ezzor, duke vrarë dy anëtarë të grupit xhihadist të Shtetit Islamik (ISIS).

Prania e luftëtarëve të huaj, ekstremistëve islamikë, apo edhe mbështetësve të regjimit, të cilët kanë interes të shkaktojnë pasiguri dhe të sulmojnë pakicat për të tronditur stabilitetin e vendit, janë sfida e madhe me të cilën do të përballet lidershipi i ri islamik.

BBC, përshtati në shqip ©LAPSI.AL 

The post Djegia e pemës së Krishtlindjeve ndez sërish Sirinë (VIDEO) appeared first on Lapsi.al.

Policia e Tiranës ka njoftuar se 7 protestues janë arrestuar, ndërsa janë proceduar penalisht 40 të tjerë deputetë e përfaqësues të partive politike pjesëmarrëse në protestën e së hënës (23 Dhjetor), ku u bllokuan rrugët e Tiranës.

Njoftimi policisë:

Në lidhje me tubimet e organizuara ditën e djeshme, nga përfaqësues të subjektit politik Partia Demokratike e Shqipërisë, në disa akse rrugore dhe pika lidhëse të kryeqytetit, informojmë se Drejtoria Vendore e Policisë Tiranë dhe komisariatet në varësi të saj kanë kryer të gjitha veprimet hetimore dhe procedurale, për identifikimin dhe nxjerrjen përpara përgjegjësisë penale të shtetasve që kryen paligjshmëri gjatë tubimeve. Në përfundim të këtyre veprimeve:

-U arrestuan në flagrancë shtetasit R. B., 27 vjeç, A. H., 21 vjeç, J. Ç., 27 vjeç, A. C., 25 vjeç, G. S., 55 vjeç, V. Gj., 59 vjeç dhe Ç. K., 31 vjeç, si dhe u proceduan penalisht, në gjendje të lirë, 21 shtetas, për veprat penale “Pengimi i qarkullimit të mjeteve të transportit”, “Kundërshtimi i punonjësit të policisë së rendit publik” dhe “Organizimi dhe pjesëmarrja në grumbullime e manifestime të paligjshme”;

-U proceduan penalisht, në gjendje të lirë, shtetasit F. N., A. Q., Ç. Gj., I. K., A. M., Xh. M., T. A., A. P., E. E., L. H., I. K., S. J., A. K., A. V., O. B., F. H., A. U., P. D., A. Gj., E. H., L. M., R. L., G. S., D. M., Sh. M., A. M., A. M., A. K., A. A., M. G., A. H., T. B., A. P., G. B., L. B., F. M., L. G., S. K., E. Xh. dhe I. Zh., me detyra deputetë të Kuvendit të Shqipërisë dhe/ose përfaqësues të Partisë Demokratike të Shqipërisë, Partisë Republikane ose Partisë së Lirisë, për veprat penale “Pengimi i qarkullimit të mjeteve të transportit”, “Organizimi dhe pjesmarrja në grumbullime e manifestime të paligjshme”, “Mosbindja ndaj urdhrave të punonjësit të rendit publik”, “Prishja e rendit dhe e qetësisë publike” dhe “Kundërshtimi i punonjësit të policisë së rendit publik”.

Nga hetimet e deritanishme rezulton se gjatë tubimeve të organizuara ditën e djeshme, deputetë ose përfaqësues të subjekteve politike Partia Demokratike e Shqipërisë, Partia Republikane dhe Partia e Lirisë iu kanë bërë thirrje tubuesve, që së bashku me ta, të bllokonin akset rrugore, në mënyrë që mos të kishte lëvizje të mjeteve. Tubuesit kanë kundërshtuar forcërisht punonjësit e Policisë në detyrë, si dhe nuk iu janë bindur urdhrave të tyre, për lirim të akseve rrugore.

Materialet procedurale i kaluan Prokurorisë së Tiranës, për veprime të mëtejshme

The post Protesta e opozitës/ Policia njoftim zyrtar:U arrestuan 7 persona  appeared first on Lapsi.al.

Kreu i Partisë së Lirisë, Ilir Meta ka reaguar nga qelia për protestën e opozitës.

Në një postim në “Facebook”, Ilir Meta deklaroi se kjo ishte një ditë e jashtëzakonshme për shqiptarët dhe u shprehu mirënjohje qytetarëve për pjesëmarrjen.

Në shkrimin e tij, Meta dënoi dhunën e ushtruar nga policia ndaj protestuesve, ku u shpreh se këto veprime janë tregues të panikut të Edi Ramës.

“Një ditë e jashtëzakonshme për shqiptarët! Mirënjohje qytetarëve zemërluanë dhe të pamposhtur që e shndërruan sonte Mosbindjen Civile në uraganin e Lirisë për Tiranën dhe të gjithë Shqipërinë.

Dhuna kriminale e narkopolicisë ndaj drejtuesve të opozitës dhe qytetarëve paqësorë, rrëmbimet e tyre banditeske dhe arrestimet e paligjshme janë tregues i panikut të Edi Ramës që po jep shpirt, por edhe i fundit të Narkoregjimit që po rrokulliset me shpejtësi drejt fundit të pashmangshëm.

Dënoj me ashpërsinë më të madhe raprezaljet policore dhe u kujtoj të gjithë banditëve me uniformë që shkelin ligjin për llogari të Edi Ramës se do ta kenë personale me opozitën. Mosbindja civile dhe protestat e fuqishme nuk do të ndalen!”

The post Meta: Banditët me uniformë që shkelin ligjin do ta kenë personale me opozitën appeared first on Lapsi.al.

Anëtarët e partisë kryesore opozitare të Shqipërisë, bllokuan të hënën kryqëzimet kryesore të kryeqytetit, Tiranës, në një protestë antiqeveritare duke bërë thirrje për një qeveri teknike përpara zgjedhjeve parlamentare të vitit të ardhshëm.

Në tubimin e parë pasi udhëheqësi i tyre u lirua nga arresti shtëpiak, aktivistët e lidhur me Partinë Demokratike, sfiduan të ftohtin dhe shiun për të bllokuar trafikun në pesë kryqëzime kryesore.

Protestuesit akuzojnë qeverinë e majtë të kryeministrit Edi Rama për korrupsion, manipulim të zgjedhjeve dhe uzurpim të pushteteve të drejtësisë.

Kreu i Partisë Demokratike, Sali Berisha, 80 vjeç, u lirua muajin e kaluar nga arresti shtëpiak i vendosur pasi kishte shkelur një urdhër gjykate. Berisha akuzohet për korrupsion.

“Me Ramën nuk ka zgjedhje. Me Ramën ka vetëm një betejë për zgjedhje. Zgjedhjet nuk do të bojkotohen kurrë”, tha Berisha. “Beteja jonë është e pandalshme deri në rrëzimin e tij (Rama)”, shtoi ai.

Qindra oficerë policie u vendosën për të mbrojtur ndërtesat qeveritare dhe për të lehtësuar trafikun. Pas 90 minutash, autoritetet nisën t’i largonin protestuesit nga kryqëzimet, gjë që rriti tensionin dhe çoi në disa përplasje.

Në fillim të këtij viti, Partia Demokratike dhe mbështetësit e koalicionit të saj opozitar zhvilluan protesta për arrestimin e Berishës dhe ish-Presidentit Ilir Meta, duke thënë se akuzat janë të motivuara politikisht.

Shtetet e Bashkuara dhe Bashkimi Evropian i kanë kërkuar opozitës që të rifillojë dialogun me qeverinë, duke thënë se dhuna nuk do ta ndihmojë vendin të integrohet në BE.

Tirana ka hyrë në bisedime me BE-në për përafrimin për çështjet përfshirë sundimin e ligjit, trajtimin e korrupsionit, sigurinë dhe mbrojtjen. Shqipëria synon të anëtarësohet në bllok deri në vitin 2030, sipas Ramës.

protesta e opozites, tirane, AP, berisha, policia (3)

Shqipëria do të zhvillojë zgjedhjet parlamentare më 11 maj, kur votuesit që jetojnë jashtë, për herë të parë do të mund të votojnë nga atje ku jetojnë.

Zgjedhjet postkomuniste në Shqipëri janë dëmtuar shpesh nga parregullsi, duke përfshirë blerjen e votave dhe manipulimin e numërimit të votave./Associated Press

The post Protesta, Associated Press: Qytetarët sfidojnë të ftohtin dhe shiun appeared first on Lapsi.al.