OpenAI ka shënuar një sukses të jashtëzakonshëm me veglën e re të gjenerimit të imazheve, e cila ka sjellë një rritje masive të përdoruesve brenda një kohe rekord.

Vetëm brenda një ore nga lansimi, platforma ka regjistruar mbi një milion përdorues të rinj, duke e vënë në vështirësi sistemin e krijimit të llogarive të reja.

CEO i OpenAI, Sam Altman, e ka quajtur kërkesën për këtë shërbim si “biblike”, duke reflektuar mbi popullaritetin e jashtëzakonshëm të chatbot-it ChatGPT dhe veçorisë së tij të re për krijimin e imazheve.

Fillimisht, OpenAI synonte ta ofronte këtë shërbim për të gjithë përdoruesit, pavarësisht nga niveli i abonimit, por interesi i lartë ka sjellë vonesa në aksesimin e versionit falas.

Tani, kompania ka raportuar vështirësi me regjistrimin e llogarive të reja, pasi serverët e saj po përballen me një fluks të paprecedentë përdoruesish.

Kjo tregon për interesin e jashtëzakonshëm që ka ky inovacion, duke e kthyer ChatGPT në një nga veglat më të përdorura të inteligjencës artificiale në botë.

ELBASAN- Kolosët e letërsisë shqipe do të vijnë tek të rinjtë  nëpërmjet inteligjencës artificiale falë një projekti “Studimi i efektit audio-viziv në mësimdhënie”.

Departamenti i Letërsisë dhe Gazetarisë në Universitetin Aleksandër Xhuvani ka synim që ky projekt  t’i afrojë të rinjtë me letërsinë dhe veçanërisht me letërsinë shqipe, duke ju ardhur në ndihmë nxënësve të gjimnazeve që aftësitë e përfituara në letërsi e teknologji informacioni, t’i trasferojnë nga njëra lëndë tek tjetra.

Për mësuesen Migena Kapllani, letërsia duhet të ndahet vazhdimisht me të rinjtë dhe në forma sesi ata e shohin sa më interesante përmes inteligjencës artificial e përmes rrugëve më të shpejta të tyre.

Gjithashtu edhe nxënësit të cilët punuan në këtë projekt shprehen tepër të kënaqur dhe se forma të tilla inovative nxisin gjithmonë interesin e moshatarëve të tyre për të studiuar veprat letrare shqipe.

Në këtë projekt nxënësit nëpërmjet inteligjencës artificiale përpunuan personazhe si Migjeni, Naim Frashëri, Martin Camaj e De Rada./abcnews.al

Ajmin Ajrulai është një shqiptar i lindur në Gjermani, i cili ka korrur sukes në boks.

Në emisionin “ABC e Mëngjesit”, Arjulai u shpreh se në karrierën e tij ka 10 ndeshje profesonale, dy prej të cilave i kam humbur.

“Ka qenë pak e vështirë, doja të fitoja, fituam mirë. Isha mësuar në rrugë të boksoja, trajneri më tha. Ishte karakteri im, kam qenë rrugëve, kam parë sende të këqija dhe kështu e kam stilin të hyj brenda. Ndeshja e fundit ka qenë në maj të 2024, fitova. Kam taktikën, kam qejf gjakderdhjen, është stili im. Si model kam Canelo, meksikanin. Rekordi im, i kam 10 ndeshje profesionale, tetë i kam fituar dhe dy i kam humbur. Njërën ndeshje e kam humbur sepse kisha gjakderdhje”, theksoi ai./abcnews.al

OpenAI ka hedhur poshtë një ofertë prej 97.4 miliardë dollarësh nga një konsorcium i udhëhequr nga miliarderi Elon Musk, duke thënë se startupi nuk është në shitje.

Kjo është përpjekja e fundit e Musk për të bllokuar startupin që ai bashkëthemeloi me CEO Sam Altman – por më vonë u largua.

“OpenAI nuk është në shitje dhe bordi ka refuzuar njëzëri përpjekjen e fundit të Musk. Çdo riorganizim i mundshëm i OpenAI do të forcojë organizatën tonë jofitimprurëse dhe misionin e saj”, tha OpenAI.

Të martën, Altman i tha uebsajtit të lajmeve Axios se OpenAI nuk ishte në shitje.

Ai e kishte refuzuar ofertën me një “jo faleminderit” në X, duke bërë që Musk t’ia kthente: “Mashtrues”.

Ndërsa konsorciumi i udhëhequr nga Musk, duke përfshirë startupin e tij xAI, do të tërhiqte ofertën për degën jofitimprurëse të OpenAI nëse ajo heq dorë nga planet për t’u bërë një entitet fitimprurës, shkruan the Guardian.

Raportohet se investitorë të tjerë në konsorcium përfshijnë Valor Equity Partners, Baron Capital dhe Ari Emanuel.

Ndryshe, Altman dhe Musk kanë qenë në mosmarrëveshje prej vitesh.

Pas largimit të Musk në vitin 2019, OpenAI krijoi një krah fitimprurës që ka tërhequr miliarda dollarë fonde, duke ndezur akuza nga Musk se startupi shkeli misionin e tij origjinal duke e vënë fitimin përpara të mirës më të madhe publike.

Musk paditi Altman, OpenAI dhe mbështetësin e tij më të madh Microsoft në gusht të vitit të kaluar për shkeljen e supozuar të kontratës.

Në nëntor, Musk i kërkoi një gjykatësi të qarkut amerikan një urdhër paraprak për të bllokuar OpenAI nga kalimi në një strukturë fitimprurëse.

OpenAI ka refuzuar zyrtarisht ofertën prej 97.4 miliardë dollarësh nga Elon Musk për të blerë kompaninë.

“OpenAI nuk është në shitje dhe bordi ka refuzuar njëzëri përpjekjen e fundit të zotit Musk për të prishur konkurrencën e tij,” tha Kryetari i Bordit të OpenAI, Bret Taylor në një deklaratë të postuar në X.

Avokati i OpenAI, William Savitt, në një letër drejtuar avokatit të Musk të premten tha se propozimi “nuk është në interesin më të mirë të misionit të OAI-t dhe refuzohet”.

Një grup investitorësh të udhëhequr nga Elkon Musk bënë ofertën e pakërkuar për OpenAI në fillim të kësaj jave, mes qëllimit të firmës për t’u bërë një entitet fitimprurës.

Miliarderi tha të mërkurën se do të hiqte dorë nga oferta nëse Open AI ndalonte zhvendosjen e saj fitimprurëse.

OpenAI njoftoi planet për të ristrukturuar kompaninë si një korporatë me përfitim publik në fund të dhjetorit. Firma e AI, e cila filloi si një organizatë jofitimprurëse, aktualisht ka një strukturë unike në të cilën organizata jofitimprurëse e saj kontrollon njësinë fitimprurëse.

Musk, i cili ndihmoi në themelimin e OpenAI në vitin 2015, e ka paditur vazhdimisht CEO-n e kompanisë Sam Altman gjatë vitit të kaluar për dyshime se është larguar nga misioni fillestar./abcnews.al

Althorp Estate, shtëpia e fëmijërisë së Princeshës Diana, është një pasuri e mbushur me vlera historike dhe sentimentale. Ndodhet në fshatin anglez, në Northamptonshire, dhe ka qenë shtëpia e familjes mbretërore për më shumë se 500 vjet. Diana e kaloi fëmijërinë atje, dhe aty ndodhet edhe varri i saj, në ishullin e izoluar Oval, në zemër të Liqenit Oval.

Edhe pse Althorp Estate ka vlerë të madhe sentimentale për djemtë e princeshës së ndjerë, Princin William dhe Princin Harry, ata nuk do ta trashëgojnë pasurinë. Sipas traditës familjare, trashëgimtari i pasurisë Althorp do të jetë Louis Spencer, Viscount Althorp, nipi i Dianës.

Së fundmi, Princi Harry vizitoi Shtëpinë Althorp me xhaxhain e tij, Charles Spencer, i cili është vëllai i Dianës. Pavarësisht marrëdhënies së ngushtë me familjen e saj, Harry-t i ndalohet të trashëgojë shtëpinë e saj stërgjyshore. Sipas raportimeve, prona do t’i kalojë Louis Spencer, në përputhje me rregullat tradicionale të trashëgimisë së familjes./abcnews.al

TIRANË- Policia e Tiranës ka vënë në pranga 74-vjeçarin Hekuran Gjoni për krim në familje.

Arrestimi i tij u bë pasi pasditen e djeshme, gjatë një konflikti të çastit për motive të dobëta, ka goditur prerës djalin e tij Asim Gjoni, i cili si pasojë ka humbur jetën në spital.

Ai akuzohet për veprën penale të “Vrasjes për shkak të marrëdhënieve familjare”. Hekuran Gjoni ka dhënë një dëshmi të shkurtër për grupin hetimor, pasi vrau me thikë djalin e tij 37-vjeçar.

Ai ka theksuar se me të birin kishte shpesh konflikte për shkak se sipas tij, e shante dhe e bullizonte. I moshuari ka treguar më tej se nuk donte që ta vriste djalin, por situata i kishte dalë jashtë kontrollit./abcnews.al

Një shtetase nga Librazhdi ka kallëzuar në polici vëllain e saj, i cili është larguar nga banesa ditën e premte.

Ajo ka kërkuar ndihmë për gjetjen e 63-vjeçarit, i cili vuan nga skleroza.

“Më datë 24.01.2025, rreth orës 20.00, ka kallëzuar shtetasja se prej disa ditësh, është larguar nga banesa dhe nuk është kthyer me vëllai i saj shtetasi63 vjeç, banues në Librazhd, i cili vuan nga skleroza. Po punohet për gjetjen e shtetasit”, thuhet në njoftimin e policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./abcnews.al

Kryebashkiaku i Kolonjës, Erion Isai është paraqitur ditën e sotme në ambientet e Prokurorisë së Posaçme.

Sipas gazetarit Ermal Vija, ai ka qendruar për 60 minuta në SPAK dhe është marrë në pyetje si person që ka dijeni.

Ndaj Isait ka pasur një kallëzim nga një avokat në zonën e Korçës në lidhje me tenderin e rrugës Korçë-Ersekë.

Kryebashkiaku i Ersekës është pyetur dhe më herët në SPAK. Ai është marrë në pyetje për 3 orë nga Prokurorët e Posaçëm më 30 maj 2023.

Erion Isai u zgjodh kryetar i bashkisë Kolonjë nga zgjedhjet vendore të vitit 2023./abcnews.al

Sam Altman, kreu ekzekutiv I Kompanisë Open AI kompani kjo që bëri të njohur inteligjencën artificiale në mbarë botën është paditu nga motra e tij Annie Atlman e cila pretendon se vëllai I saj ka abuzuar seksualisht me të nga vitit 1997 deri në vitin 2006.

Padia u ngrit në 6 janar në Gjykaten e Distriktit Lindor të Misurit. Motra e Sam Altman ka deklaruar se abuzimi seksual ndaj saj ka nisur kur ajo ishte 3 vjeç ndërsa I vëllai 12 vjeç.

Nëpërmjet një deklaratë të përbashkët Sam Altman se bashku me nënën dhe dy vëllezërit e tij mohuan akuzat dhe thane se këto pretendime ishin krejtësisht të pavërteta. Në këtë deklaratë shkruhet gjithashtu se për familjen e tyre ka qenë e vështirë të përkujdesen për Ann Altman e cila përballet me sfida të shëndetit mendor.

Altman shkroi ne reagimin e tij publikik se motra e tij pavarësisht ndihmës që I është dhënë nga familja, kërkon të përfitojë më shumë para prej tyre edhe përse ata nuk e kanë braktisur kurrë atë.

Në padinë e ngritur motra e Sam Altman ka kërkuar një dëmshpërblim prej 75 mijë dollarësh ndërsa më herët ajo kishte përhapur akuza të tilla në rrjetet sociale.

Sam Altman u martua vitin e shkuar me partnerin e tij Oliver Mulherin në një ceremoni buzë detit në San Francisko./abcnews.al

Festa u kthye në hidhërim në ishullin e largët të Hawait.

Një shpërthim i shkaktuar nga fishekzjarre ka vrarë të paktën tre persona në një lagje rezidenciale në Honolulu, Haëaii, duke shënuar një fillim tragjik të vitit të ri në ishullin Oahu. Sipas raportimeve, dy prej viktimave ndërruan jetë në vendngjarje ndërsa numri i të plagosurve ka shkuar në 20 persona.

Shpërthimi ndodhi në një shtëpi dhe pamjet nga droni tregojnë një shpërthim të madh fishekzjarrësh që ngriten në një kolonë tymi në qiellin e natës.

Policia dhe grupet hetimore janë angazhuar për të zbardhur ngjarjen e plotë. / abcnews.al

Një incident i rëndë ka ndodhurr një park kombëtar në Hawai ku një fëmijë i vogël vrapoi drejt greminës së vullkanit Kilauea. Fëmija u shpëtua në minutë të fundit nga rrëzimi fatal, pasi ishte larguar papritur nga nëna e tij.

Ndëkohë, autoritetet kanë lëshuar paralajmërime të forta për të gjithë turistët që vizitojnë parkun për të mos pasur incidente të tjera. Parku tha se incidenti ndodhi në Ditën e Krishtlindjeve, në një zonë të mbyllur të parkut ku familjet kishin ardhur për të parë llavën.

Autoritetet kujtuan vizitorët që të qëndrojnë në shtigje, të shmangin zonat e mbyllura dhe t’i mbajnë fëmijët afër.

” Ata që injorojnë paralajmërimet, kalojnë përtej shenjave të mbylljes, humbasin gjurmët dhe futen fshehurazi në zona të mbyllura për të parë nga afër, po e bëjnë këtë me rrezik të madh“- thanë ata.

Kilauea, në Ishullin e Madh të Hawai, është një nga vullkanet më aktive të botës.

Ai shpërthen rregullisht, madje shpërthimi i fundit nisi më 23 Dhjetor. Shpërthimi vijon të jetë aktiv në një nivel të ulët brenda një zone të mbyllur të parkut kombëtar, sipas përditësimit më të fundit të Observatorit të Vullkaneve të Hawai të USGS. / abcnews.al

Genti Mullai specialist komunikimi në Policinë e Shtetit në një intervistë në “News Line” në ABC News, foli për masat e Policisë së Shtetit të ndërmarra për festat e fundvitit.

Gjatë intervistës, Mullai sqaroi se ka pasur një bashkëpunim të lartë me policinë bashkiake. Gjithashtu nënvizoi se agjentët kriminale gjithashtu do të jenë në terren.

“Janë marrë masa edhe për shtim të monitorimit të kufirit detar. Policia është e angazhuar në sheshe për të marra masa gjatë festimeve. Në planin e masave janë përfshirë të gjitha strukturat pa asnjë përjashtim. E gjitha kjo është bërë për të shmangur çdo incident të mundshëm. Është studiuar e gjithë dinamike e situatës kriminale përgjatë vitit dhe është punuar për hartimin e planit të masave. Një vëmendje e veçantë i është kushtuar edhe objekteve të rëndësisë së veçantë. Gjatë gjithë këtyre ditëve e gjithë policia kriminale deri në 3 janar janë në terren dhe sidomos gjatë natës, për të siguruar që të parandalojnë vjedhjet”, u shpreh Genti Mullai.

Sa i përket fishekzjarrëve, tha se janë informuar administratorët dhe dyqanet e marketeve për masat e marra për shmangur ndonjë incident, duke shtuar se nuk lejohet që të përdoren nga minorenë.

“Administratorët dhe dyqanet e marketeve janë të informuar që nuk lejohet shitja. Qytetarët nuk mund të hedhin fishekzjarrë në mënyrë të pakontrolluara. Le t’ja lënë institucioneve përkatëse këtë pjesë dhe qytetarët të festojnë me familje”, shtoi më tej ai.

/abcnews.al/

Studiuesit në Universitetin e Sidneit kanë krijuar SwagBot, një robot me inteligjencë artificiale (AI) që ata thonë se është në rrugën e duhur për ta bërë blegtorinë më efikase dhe miqësore me mjedisin duke parandaluar degradimin e tokës.

SwagBot u lançua për herë të parë në vitin 2016 si një robot i thjeshtë blegtoral i aftë për të përshkuar një terren të ashpër dhe tani është i pajisur me sensorë, inteligjencë artificiale dhe sisteme të mësimit të makinerive.

Një robot në formë lope që punon me bateri tani mund të përcaktojë cilësinë e kullotave dhe të monitorojë shëndetin e bagëtive, më pas ta përdorë atë informacion për të zhvendosur tufën në kullotat më të mira përpara se toka ku ndodhet të shkatërrohet, raportoi Reuters.

“Sapo tufa të mësohet me robotin, ajo do ta ndjekë atë nëpër kullota”, tha profesoresha e robotikës në Universitetin e Sidneit, Sala Sukarije, ekipi i së cilës krijoi SwagBot.

Australia është një nga eksportuesit më të mëdhenj në botë të viçit dhe ka rreth 30 milionë krerë bagëti. Përdorimi i robotëve në blegtorinë në Australi është veçanërisht i përshtatshëm për vende të largëta ku puna është e vështirë për t’u gjetur./abcnews.al

Zëvendëskryeministri i Maqedonisë së Veriut, Arben Fetai thotë se është kërcënuar me jetë.

Në emisionin “Real Story” në ABC News, Fetai u shpreh se kërcënimi në adresë të tij, në gjuhë maqedonase, erdhi pasi deklaroi që të hiqet kufiri prej 20 për qind të gjuhës shqipe në kushtetutën e RMV.

Sipas tij, kjo ishte fyese.

“Ishte në gjuhën maqedonas kërcënimi. Dhashë një deklaratë në lidhje me heqjen e definicionit 20 për qind të gjuhës shqipe, që nënkuptohet, në kushtetutën e vendit, sepse kemi thënë në vazhdimësi, para fushatës, për vite me radhë, por edhe tani në qeverisje, në momentin që hapet kushtetuta, ne do të bëjmë përpjekje maksimale për të mënjanuar këtë definicion që është fyes, i gjuhës sonë. Menjëherë, mbrapa mora një email kërcënues në emalin tim zyrtar, si zv.kryeministër i vendit, ku përveçse kërcënohem me plumb në kokë, marr edhe disa fyerje në bazë kombëtare, shqiptar i mirë, shqiptar i vdekur e kështu me radhë. Është serioze, kërcënim me jetë, gjuhë e urrejtjes. Kam paraqitur rastin. Do i shkojmë kësaj çështjeje deri në fund, të ketë përgjegjësi”, theksoi ai./abcnews.al

Zëvendëskryeministri i Maqedonisë së Veriut, Arben Fetai thotë se mes këtij shteti dhe Kosovës ka një raport të shkëlqyer në nivelin bilateral.

Në emisionin “Real Story” në ABC News, Fetai u shpreh se një parti pro-ruse në Maqedoninë e Veriut, e ka cilësuar atë spiun të Albin Kurtit dhe Kosovës.

“Nuk dua të shoh komentet e deklaratave të para disa viteve të zotit Kurti. Unë, këtu nuk pashë që i drejtohet drejtpërsëdrejti Hristijan Mickoskit. Opozita maqedonase është e shumëllojshme, kemi Levica, që është parti pro-ruse, ka realizuar vizitë edhe në Tiranë, te varri i diktatorit Enver Hoxha. Realisht, forca destruktive, forca polarizuese e shoqërisë sonë multietnike, është Levica. Levica ushqen narrativin pro-rus në Maqedoninë e Veriut, Levica merret me bazat ditore edhe me ne individualisht. Levica, ditën kur u votuam në Parlament, më cilësoi mua si spiun i Albin Kurtit dhe i Kosovës në qeverinë e Maqedonisë së Veriut dhe unë nuk besoj se kryeministri Kurti, i është drejtuar këtu me këto cilësime, kryetarit të VRMRO DPMNE, në atë kohë lideri i opozitës, Hristijan Mickoski. Unë shoh që midis Kosovës dhe Maqedonisë së Veriut ka një raport të shkëlqyer në nivel bilateral.

E tha kryetari Taravari, vizita e parë ishte nga kryeministri Kurti, me ekip, ku u shtruan shumë çështje të nivelit të bashkëpunimit bilateral, që nuk ishin adresuar paraprakisht nga qeverisja e BDI, edhe pse kishin pushtet pafund. Kryeministri Talat Xhaferi ka ecur ligj në Parlamentin e Maqedonisë së Veriut, ka dorëzuar nisma legjislative për mbrojtjen dhe kultivimin e gjuhës maqedonase. Të njëjtit, sot na sulmojnë për ulje të statusit të gjuhës shqipe në Maqedoninë e Veriut, ulje të statutit të shqiptarëve”, theksoi ai./abcnews.al

Duhej një fitore për t’u shkëputur 8 pikë nga vendi i dytë dhe ajo u arrit.

“Të Kuqtë” e Liverpool kanë arritur një tjetër triumf të madh të elitën e futbollit anglez, me djemtë e teknikut Arne Slot, të cilët mesditën e kësaj të diele fituan me përmbysje, me shifrat 3-2, në tranfertën e “Shenjtorëve” të Southampton.

Protagonist absolut ishte sërish “faraoni” egjiptian, Mohamed Salah, i cili realizoi një dopietë në minutat 65’ e 83’, për të vulosur rezultatin e përgjithshëm, teksa më herët për vendasit kishin shënuar Adam Armstrong e Mateus Fernandes, ndërsa për të “Të Kuqtë”, miq, goli erdhi nga “fantazisti” hungarez, Dominik Szoboszlai.

Falë këtij triumfi, Liverpool ngjitet në kuotën e 31 pikëve dhe tashmë shkëputet plot 8 pikë nga Manchester City i vendit të 2-të, ndërsa Southampton mbetet në vendin e fundit me 4 pikë. /i.m /abcnews.al

Një ngjarje e rëndë ka ndodhur në Kurbin. Mësohet se një 53-vjeçar ka dhunuar vajzën e tij të mitur dhe ka kryer marrëdhënie seksuale me të.

Si pasojë, babai ka përfunduar në prangat e policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./abcnews.al

Kombëtarja e Shqipërisë do të përballet mbrëmjen e kësaj të shtune, në orën 20:45, me Çekinë, në sfidën e vlefshme për xhiron e 5-të dhe të parafundit të xhiros së grupeve të UEFA Nations League.

Nga lista e publikuar për ndeshjet e nëntorit, kundër Çekisë do të mungojnë katër lojtarë, mungesa që janë nga porta në sulm.

Kështu, tekniku Sylvinho ka vendosur të mos llogarisë për sot shërbimet e tre lojtarë të Kombëtares U21, Simon Simoni, Jon Mersinaj e Feta Fetait, si dhe Mirlind Dakut të pezulluar.

Këta katër lojtarë tashmë janë të detyruar të ndjekin ndeshjen në tribunën e stadiumit “Arena Kombëtare”, kjo për shkak edhe se lista me emrat e përzgjedhur nga tekniku brazilian ishte me 4 lojtarë më shumë se ç’është e lejuar. /i.m /abcnews.al

Në prag të grumbullimit të ekipit kombëtar që nis sot, për dy ndeshjet e vlefshme për Nations League ndaj Çekisë (16 nëntor ora 20:45) dhe Ukrainës (19 nëntor 20:45), portieri Thomas Strakosha dhe mesfushori Feta Fetai dolën këtë të hënë në një konferencë për media nga stadiumi ‘Air Albania’.

Feta Fetai, mesfushori i afruar për herë të dytë në ekipin kombëtar nga trajneri Silvinjo foli për mediat në konferencë, duke iu përgjigjur pyetjeve të gazetarëve. Fetai u shpreh i gatshëm për të dhënë maksimumin ndërsa nënvizoi se ekipi e ka pritur shumë mirë së bashku me stafin teknik.

Mendon se do të kesh minuta? – A do të kem minuta nuk di ta them, e di stafi teknik. Nese do të kem, do të jap maksimumin si në stërvitje, si në ndeshje.

Sa i gatshëm je për t’u futur në lojë? – Jam i përgatitur si gjithmonë, edhe për klubin, edhe për Kombëtaren. Jam gati për çdo ndeshje.

Si është marrëdhënia me pjesën tjetër të ekipit? – Nga ana e trajnerit, stafit teknik edhe lojtarët më kanë pritur shumë mirë. Më kanë dhënë besimin e duhur për të dhënë më të mirën. Sa i përket të ardhmes nese do të jem epiqendra e ekipit, shpresoj të jem një prej tyre.

Grumbullimi i dytë me Kombëtaren, na trego pak emocionet – Hera e parë është e veçantë, por edhe kjo ka veçantinë e vet. Ndjenjë shumë e mirë, skuadra më ka pritur shumë mirë si herën e parë edhe tani, së bashku me stafin teknik.

Si e shikon të ardhmen tënde brenda Kombëtares? – Ëndrra e çdo fëmije është të luajë me Kombëtaren. Çdokush ka ëndërr të luajë në Europian ose botëror me Kombëtaren.

Krahasimi me Luka Modriç dhe idhulli shqiptar – Modriçin e preferoj shumë si lojtar. Sa i përket lojtarëve shqiptarë, ka shumë që i preferoj si Asllani, Ramadani.

Ndaj Çekisë, do të donit të shënonit si Modriç apo të shënonit si ai? – Do të doja të dyja. Rëndësi ka fitorja, nuk ka rëndësi se kush shënon apo asiston.

Portieri Thomas Strakosha i vlerëson si dy finale ndeshjet ndaj Çekisë dhe Ukrainës, ndërsa u shpreh se vetëm të përqëndruar ekipi mund t’ia dalë dhe të sigurojë vendin e parë në grup. Strakosha theksoi gjithashtu se mbështetja e tifozëve shqiptarë do të jetë një motiv shtesë për ta.

Çekia? – Besoj në Çeki ndoshta kemi luajtur ndeshjen më të keqe në dy vitet e fundit.Nuk u futëm në fushë siç duhet. Pësuam gol në minutat e para. Nuk luajtëm mirë në 20 minutat e para, pra vetëm më mirë duhet të bëjmë se më keq jo. Duhet të përqëndrohemi më shumë dhe të futemi mirë në fushë që në minutat e para. Kemi dy finale në shtëpi, kemi publikun tonë edhe mendoj që jemi të gjithë të përgatitur mirë. Kemi mungesa apo jo, do të japim maksimumin dhe do tja dalim.

Çfarë duhet të bëjmë ndaj Çekisë për të fituar? – Duhet të jemi të përqendruar pasi në ndeshjen e fundit nuk ishim. Ekipi është me më shumë eksperiencë. Vijmë nga një Europian i mirë. Kemi dy finale në shtëpi dhe kemi tifozët tanë. Duhet të japim maksimumin dhe me zemër, të luftojmë për çdo top.

Stadiumi “sold out”? – Për çdo futbollist është motivim kur e ke stadiumin plot. Na jep zemër për të luajtur mirë. Është diçka shumë e bukur për ne dhe çdo shqiptar.

Sulmuesi Chory i Çekisë? – Ne nuk shikojmë çdo lojtar ndryshe, luajmë si ekip dhe mbrojmë e sulmojmë bashkë. Kemi pësuar dy gola nga ai, duhet të kishim bërë më mirë. Tani duhet të japim maksimumin të gjithë bashkë. Do të jemi të përqëndruar këtu, të mbrojmë dhe sulmojmë mirë.

Konkurrenca në portë? – Duhet të pyesim trajnerin për portierët. Unë bëj maksimumin për vete. Konkurrenca është e mirë për ne dhe për lojtarët, pasi ka pasur vite që nuk kishim.

Alen Sherri? – Kam komplimente dhe urime për Alen Sherrin dhe deri në fund mund të jetë titullar i Cagliari. E kam ndjekur që kur ishim bashkë te Kombëtarja U-21. E ka merituar shansin. Këshilla nuk mund të jap pasi ka nivel dhe aftësi shumë të mira  Duhet ta shijojë sa më shumë dhe të japë maksimumin.

Ndeshja më e vështirë? – Besoj ndeshja e parë është më e rrezikshme. Finalja e parë është me Çekinë. Është ndeshje që duhet marrë me shumë seriozitet dhe të shohim se si do të dalim.

Etrit Berisha? – Më mungon Etrit Berisha, pasi lojtarët më të vjetër japin gjithmonë eksperiencë. Kush nuk thirret na mungon, Etritin e njoh prej 12 vitesh dhe na mungon si lojtar dhe si njeri.