Donjeta Sadiku ka fituar medaljen e artë në Lojërat Mesdhetare “Taranto 2026”, pasi dueli final u ndërpre pas lëndimit të kundërshtares së saj, Kristina Kuluhova.
Boksierja kosovare e nisi duelin në mënyrë të qetë dhe të kontrolluar, duke pasur goditje të sakta, sidomos në kokë. Sadiku pati epërsi në raundin e parë, ndërsa më pas ndeshja u ndërpre pasi Kuluhova pësoi lëndim në arkadë.
Pas vendimit për ndërprerjen e meçit, Donjeta Sadiku u shpall fituese dhe siguroi medaljen e artë për Kosovën, e para në këto lojëra mesdhetare.
Tani pritet ceremonia e medaljeve, por përfaqësuesja e Serbisë ka vendosur të mos dalë në podium, duke mos e kapërdirë fitoren e Kosovës.
Donjeta me krenari e mori medaljen, ndërsa himni i Kosovës u dëgjua në Itali, me shumë përkrahës të Donjetës që ishin të pranishëm në palestër.
Kjo është një tjetër arritje e madhe për Sadikun, e cila vazhdon të shkëlqejë në arenën ndërkombëtare dhe tashmë kthehet nga Taranto me medaljen e artë. /Telegrafi/
🇽🇰 Kosovo has beaten Serbia to win the gold medal at the Mediterranean Games.
Boxer Donjeta Sadiku won gold.
Serbia, represented by ethnic Russian boxer Kristina Kuluhova, boycotted the medal ceremony after losing to Kosovo. pic.twitter.com/6GIFc6sPIj — kos_data (@kos_data) August 27, 2026
Donjeta Sadiku ka fituar medaljen e artë në Lojërat Mesdhetare “Taranto 2026”, në kategorinë deri në 60 kilogramë.
Boksierja kosovare e nisi mirë finalen ndaj Kristina Kuluhovas, boksieres me prejardhje ruse që garon nën flamurin e Serbisë.
Donjeta kontrolloi raundin e parë, duke qenë më aktive dhe duke goditur disa herë saktë, veçanërisht në drejtim të kokës së kundërshtares.
Megjithatë, meçi nuk arriti të vazhdonte deri në fund, pasi boksierja që përfaqëson Serbinë pësoi një lëndim në arkadë pas goditjeve, duke bërë që ndeshja të ndërprite në raundin e dytë, me Kuluhovan që dorëzoi meçin.
Donjeta Sadiku u shpall fituese dhe i solli Kosovës medaljen e artë, duke kurorëzuar një paraqitje të shkëlqyer në Lojërat Mesdhetare “Taranto 2026”.
Rrugëtimi i saj drejt medaljes së artë ishte mbresëlënës. Në çerekfinale mposhti turken Esmanur Lok me rezultat 4:1, ndërsa në gjysmëfinale dominoi ndaj grekes Sofia Legaki, duke triumfuar me vendim unanim 5:0.
Ndeshjen e fundit garuese e zhvilloi në atmosferën elektrizuese të “La Bombonera”, me fanellën e Boca Juniors në Copa Libertadores. Ndeshja e radhës, megjithatë, do të jetë krejt ndryshe.
Ander Herrera do të luajë në kategorinë e tretë të futbollit spanjoll, para rreth 6500 shikuesve, në përballjen ndaj Gimnastic de Tarragona. Por për mesfushorin 37-vjeçar, kthimi te Real Zaragoza ka një domethënie të veçantë.
Ëndrra e fundit në karrierë
Herrera është rikthyer te klubi i qytetit të tij si lojtar i lirë nga Boca Juniors, plot 15 vjet pas largimit, dhe e ka cilësuar këtë hap si një nga ëndrrat e fundit të karrierës së tij.
“Me shumë gjasë, kjo është ëndrra e fundit që kam dashur ta bëj realitet”, ka thënë Herrera për BBC.
“Të kthehem në shtëpi, në vendin ku jam rritur, në klubin që më dha mundësinë të bëhem profesionist, jo vetëm në futboll, por edhe si qenie njerëzore. Ende e kam pasionin dhe dëshirën për futboll. Të luaj në shtëpi është mënyra më e mirë për ta përfunduar karrierën”.
Gjatë karrierës së tij, Herrera ka luajtur në nivelin më të lartë të futbollit evropian. Ai pati dy periudha te Athletic Bilbao, ndërsa veshi edhe fanellat e Manchester United, Paris Saint-Germain dhe së fundmi Boca Juniors.
Në karrierën e tij ka fituar trofe të rëndësishëm, përfshirë Ligën e Evropës dhe Kupën FA, ndërsa ka punuar me trajnerë të njohur si Jose Mourinho, Thomas Tuchel dhe Marcelo Bielsa.
Po ashtu, ka ndarë zhveshtoren me emra të mëdhenj të futbollit botëror si Lionel Messi, Neymar dhe Wayne Rooney.
Zaragoza në periudhën më të vështirë
Sfida e tij e re është krejt tjetër. Real Zaragoza po kalon një nga periudhat më të vështira të historisë së saj.
Klubi, që në vitin 1995 e kishte mposhtur Arsenalin në finalen e Kupës së Fituesve të Kupave, ra nga La Liga në vitin 2013 dhe, pas 13 vjetësh në kategorinë e dytë, përfundoi edhe në kategorinë e tretë.
Herrera dëshiron të vendosë përvojën dhe kualitetin e tij në shërbim të klubit të zemrës.
“Real Zaragoza i përket Evropës. Është një klub që duhet të luftojë për trofe dhe të konkurrojë me klubet më të mëdha në Spanjë dhe Evropë. Dua të vendos kualitetin, përvojën dhe pasionin tim në shërbim të klubit, që Zaragoza të kthehet aty ku e ka vendin”.
Ander Herrera returned to his boyhood club Real Zaragoza this summer, where he plays for free 👏❤️ pic.twitter.com/s5e7taYbAN — Match of the Day (@BBCMOTD) August 27, 2026
Vendimi për të mos marrë pagë
Ajo që e bën edhe më të veçantë rikthimin e tij është vendimi për të mos marrë pagë.
Herrera ka vendosur që të ardhurat e tij nga kontrata të dhurohen për fondacionin e Real Zaragozas, duke treguar se rikthimi i tij nuk ka të bëjë me paratë.
“Nuk më duhet kontrata. Kam pasur një karrierë shumë të suksesshme dhe jam kujdesur për financat e mia. Mund t’ia bëj vetes këtë dhuratë, ta vesh atë fanellë pa kompensim, sepse dua të ndihmoj klubin, ekipin dhe qytetin”.
Në moshën 37-vjeçare, pasi ka luajtur në stadiumet më të mëdha të Evropës dhe Amerikës së Jugut, Ander Herrera ka zgjedhur të rikthehet pikërisht aty ku gjithçka nisi – në Zaragoza, për një mision që për të vlen më shumë se çdo kontratë. /Telegrafi/
Kualifikimet për sezonin e ri të Ligës së Kampionëve kanë përfunduar dhe tashmë janë përcaktuar të gjitha 36 skuadrat që do të garojnë në fazën e ligës.
Katër biletat e fundit i siguruan AEK Athina, Fenerbahçe, Vikingu dhe Slovan Bratislava, duke kompletuar listën e pjesëmarrësve në garën më prestigjioze për klube në Evropë.
Në mesin e skuadrave që do të garojnë këtë sezon është edhe Manchester United, që rikthehet në Ligën e Kampionëve. Në garën elitare janë edhe klube të tjera me histori të madhe evropiane, si Roma, Porto, Napoli, Borussia Dortmund dhe PSV.
Një nga befasitë është Vikingu, që për herë të parë në histori ka siguruar pjesëmarrjen në fazën e ligës. Norvegjezët eliminuan Dinamo Zagrebin, ndërsa Slovan Bratislava siguroi kualifikimin duke eliminuar Celjen pas vazhdimeve.
Edhe këtë sezon Liga e Kampionëve do të zhvillohet me formatin e ri, pa fazën tradicionale të grupeve.
36 skuadrat do të jenë pjesë e një tabele të vetme dhe secila prej tyre do të luajë tetë ndeshje, ndaj tetë kundërshtarëve të ndryshëm.
Tetë skuadrat e para në renditje do të kualifikohen direkt në 1/8 e finales, ndërsa ekipet nga vendi i 9-të deri në të 24-tin do të luajnë në plejof për një vend në fazën nokaut. Skuadrat nga vendi i 25-të e poshtë eliminohen nga gara.
Shorti për fazën e ligës do të zhvillohet të enjten, ndërsa skuadrat janë ndarë në katër vazo bazuar në koeficientin e UEFA-s.
Faza e ligës së Ligës së Kampionëve 2026/27 do të ketë edhe një prani të konsiderueshme shqiptare, me disa futbollistë që tashmë kanë siguruar kualifikimin me klubet e tyre.
Në mesin e tyre janë Amir Rrahmani, i cili do të luajë me Napolin, si dhe Vedat Muriqi, që siguroi kualifikimin me Fenerbahçen pas fitores ndaj Lyonit.
Sulmuesi i Kosovës, me golin e tij e ndihmoi sot, Fenerbahcen të kthehet në Ligën e Kampionëve pas 17 vitesh.
Nga Shqipëria, në garën më prestigjioze evropiane do të jenë Thomas Strakosha dhe Stavro Pilo, të cilët me AEK-un e Athinës eliminuan Levski Sofian dhe siguruan vendin në fazën e ligës.
Pjesë e kësaj liste është edhe Arijon Ibrahimović, futbollisti shqiptar nga Prizreni, i cili është pjesë e Bayern Munichut. Talenti shqiptar mund të ketë mundësinë të paraqitet në skenën më të madhe evropiane me gjigantin gjerman.
Në Norvegji, me Vikingun, do të jetë Veton Berisha, vëllai i Valon Berishës, ndërsa te LASK-u luan mesfushori Art Smakaj.
Kështu, të paktën shtatë futbollistë me prejardhje shqiptare janë aktualisht pjesë e skuadrave që kanë siguruar vendin në fazën e ligës së Ligës së Kampionëve 2026/27.
Ndërkohë, disa shqiptarë të tjerë mbetën jashtë kësaj gare. Milot Avdyli dhe Veton Tusha, me Celjen, u eliminuan pas humbjes pas vazhdimeve nga Slovan Bratislava, ndërsa Arbër Hoxha me Dinamo Zagrebin pësoi humbje nga Vikingu dhe humbi mundësinë për të luajtur në Ligën e Kampionëve. /Telegrafi/
UEFA ka vendosur një kufizim interesant për shortin e fazës së ligës së Ligës së Kampionëve, duke pamundësuar dy përballje të mëdha në disa prej stadiumeve më të njohura të Evropës.
Në sezonin e ri, Liverpooli dhe Real Madridi nuk mund të përballen në Anfield, ndërsa Interi dhe Arsenali nuk mund të takohen në Giuseppe Meazza, në kuadër të fazës së ligës.
Ky kufizim vjen si pasojë e një rregulli të UEFA-s, sipas të cilit klubet nuk mund të luajnë në të njëjtin stadium përballë njëri-tjetrit për tri sezone radhazi në fazën e ligës.
Liverpooli dhe Real Madridi janë përballur në Anfield në dy edicionet e fundit, ndërsa Interi ka pritur Arsenalin në Giuseppe Meazza në dy sezonet e kaluara. Për këtë arsye, në rast se shorti i vendos sërish përballë, ndeshjet nuk mund të zhvillohen në këto stadiume.
Kështu, nëse këto përballje përcaktohen nga shorti, Liverpooli do të mund ta presë Real Madridin vetëm në një stadium tjetër, ndërsa Interi nuk mund ta presë Arsenalin në Giuseppe Meazza. Përballjet mund të zhvillohen përkatësisht në Santiago Bernabéu ose Emirates Stadium, varësisht nga shorti.
Shorti për fazën e ligës së Ligës së Kampionëve do të mbahet të enjten nga ora 18:00, pasi të përfundojnë të gjitha ndeshjet kualifikuese. /Telegrafi/
AEK-u i Athinës ka siguruar kualifikimin në fazën e ligës së Ligës së Kampionëve, pas fitores së thellë 4-0 ndaj Levski Sofias në ndeshjen e kthimit të play-offit. Ndeshja e parë në Bullgari kishte përfunduar pa gola.
Në suksesin e madh të skuadrës greke kontribuuan edhe dy futbollistët e Kombëtares së Shqipërisë, Thomas Strakosha dhe Stavros Pilios, të cilët e nisën ndeshjen nga minuta e parë dhe e kompletuan të gjithë takimin.
AEK-u e zgjidhi praktikisht çështjen e kualifikimit që në pjesën e parë, duke realizuar tri gola, ndërsa në pjesën e dytë shënoi edhe një herë për ta vulosur fitoren 4-0.
Për Strakoshën, ky është një tjetër sukses i rëndësishëm në aventurën evropiane me AEK-un.
Portieri shqiptar është prej lojtarëve kryesorë të skuadrës athinase, ndërsa edhe Pilios ka pasur rol të rëndësishëm në formacion, sidomos në krahun e majtë të mbrojtjes.
Me këtë fitore, AEK-u rikthehet në fazën kryesore të Ligës së Kampionëve, duke siguruar një vend mes skuadrave më të mira të Evropës për sezonin e ri. /Telegrafi/
Real Madridi ka regjistruar një fitore bindëse 4-1 ndaj Real Sociedadit, në ndeshjen e mbetur nga java e parë, ku protagonist absolut ishte Kylian Mbappé, i cili realizoi het-trik.
Francezi e nisi spektaklin në minutën e 40-të, kur pas asistimit të Federico Valverdes u tregua i qetë në zonë dhe realizoi për 1-0.
Real Sociedad reagoi shpejt dhe barazoi në minutën e 44-t, me Luka Suçiç që përfitoi nga rrëmuja në zonë dhe shënoi për 1-1.
Në pjesën e dytë, madrilenët morën kontrollin e plotë të ndeshjes. Në minutën e 60-të, Mbappé shënoi edhe golin e dytë, pas një asistimi të bukur nga Jude Bellingham, duke rikthyer avantazhin e Realit.
Vetëm tetë minuta më vonë, radha ishte e Vinicius Junior, i cili pas një pasimi nga Bellingham depërtoi në zonë dhe realizoi për 3-1.
Në minutën e 80-të, Vinicius këtë herë u shndërrua në asistues, duke i dhënë topin Mbappés, i cili kompletoi het-trikun dhe çoi rezultatin në 4-1.
Real Madridi shënoi edhe një herë në minutat shtesë përmes Brahim Diaz, por goli u anulua pas ndërhyrjes së VAR-it për pozicion jashtë loje.
Kështu, Real Madridi triumfoi 4-1, me Mbappén në qendër të vëmendjes pas një paraqitjeje spektakolare, ndërsa tani pas dy xhiros, mbretërit kanë 6 pikë. /Telegrafi/
Chelsea ka ndërtuar një nga repartet më të frikshme sulmuese në Premier League, por sipas një analize të Goal, skuadra e drejtuar nga Xabi Alonso ende nuk është gati për të luftuar për titullin e kampionit.
Epoka e trajnerit spanjoll në "Stamford Bridge" nisi në mënyrën më të mirë të mundshme, me fitoren 3-2 ndaj Fulhamit në javën e parë të Premier League.
Në këtë ndeshje, treshja sulmuese Cole Palmer, João Pedro dhe Morgan Rogers shënuan të tre nga një gol, duke dhënë menjëherë sinjale se Chelsea mund të jetë një skuadër shumë e rrezikshme në fazën ofensive.
Palmer rikthehet në nivelin e tij
Vëmendjen më të madhe e mori Cole Palmer, i cili realizoi një gol dhe asistoi për João Pedron në këtë ndeshje.
Pas një sezoni të kaluar të vështirë, të ndikuar edhe nga problemet fizike dhe mungesa e vazhdimësisë, Palmer dha shenja të versionit që e kishte shndërruar në një prej yjeve kryesorë të Chelseat.
24-vjeçari regjistroi pesë goditje, tri pasime kyçe dhe pesë driblime, duke u shpallur lojtari i ndeshjes. Bashkëpunimi me João Pedron dhe Morgan Rogers ishte një prej elementeve më pozitive për skuadrën e Alonsos.
Edhe Morgan Rogers, i cili iu bashkua Chelseat për një shumë rekord prej rreth 117 milionë funte, e nisi aventurën në mënyrën më të mirë, duke shënuar në debutimin e tij.
Kjo treshe krijoi një kombinim që premton shumë për vazhdimin e sezonit. João Pedro mund të luajë si sulmues, ndërsa Palmer dhe Rogers mund të lëvizin pas tij dhe në hapësirat anësore, duke i dhënë Alonsos shumë alternativa në fazën e sulmit.
Problemi është në mbrojtje, por seriozisht në portë
Por pikërisht këtu qëndron shqetësimi kryesor. Pavarësisht fitores, Chelsea lejoi Fulhamin të krijonte shumë raste. Vendasit regjistruan 14 goditje, vetëm dy më pak se Chelsea, ndërsa të dyja skuadrat patën nga gjashtë goditje në kuadrat.
Sipas Goal, kjo paraqitje tregoi se Chelsea mund të ketë shumë probleme ndaj skuadrave më të forta të kampionatit nëse nuk përmirësohet në fazën defensive.
Një prej pikave më të diskutueshme mbetet Robert Sánchez. Portieri spanjoll ishte fajtor për të paktën një prej golave të Fulhamit dhe bëri edhe disa ndërhyrje të pasigurta gjatë ndeshjes. Problemi është edhe më i madh për shkak të mënyrës së lojës së Alonsos, pasi trajneri spanjoll kërkon një skuadër që të jetë agresive në tranzicion dhe të luajë me ritëm të lartë.
Në këtë sistem, gabimet e portierit mund të bëhen edhe më të kushtueshme.
Sipas raportimeve të përmendura nga Goal, Chelsea nuk planifikon të transferojë një portier tjetër para mbylljes së afatit kalimtar, duke e lënë Sánchez si zgjedhjen kryesore dhe 21-vjeçarin Mike Penders si alternativë.
Enzo Fernández, një tjetër dilemë
Një tjetër çështje që mund të ndikojë ndjeshëm në sezonin e Chelseat është e ardhmja e Enzo Fernández.
Mesfushori argjentinas është lidhur fuqishëm me një transferim te Manchester City, i cili raportohet se mund të bëjë ofertë mbi 120 milionë funte para mbylljes së afatit kalimtar.
Fernández nuk e nisi nga minuta e parë ndaj Fulhamit, por pasi hyri në lojë kompletoi 19 nga 21 pasimet. Megjithatë, largimi i tij do të ishte një goditje e madhe për Alonsos, pasi Chelsea do ta kishte shumë të vështirë ta gjente një zëvendësues të nivelit të tij në ditët e fundit të merkatos.
Në fakt, Goal vlerëson se Fernández mund të ketë një rol shumë të rëndësishëm në sistemin e Alonsos, duke luajtur si një lidhje mes mesfushës dhe treshes sulmuese, në një rol të ngjashëm me atë që kishte Granit Xhaka te Bayer Leverkusen nën drejtimin e trajnerit spanjoll.
Championsi duket më realist se titulli
Për momentin, Chelsea duket se ka potencial të madh për të qenë një prej skuadrave më spektakolare në Premier League. Palmer, João Pedro dhe Rogers mund të formojnë një prej tresheve sulmuese më të rrezikshme në kampionat.
Megjithatë, për të luftuar për titull, Chelsea duhet të zgjidhë problemet në portë, të stabilizojë mbrojtjen dhe të sigurohet që të mos humbasë Fernándezin.
Nëse nuk ka përforcime të rëndësishme në ditët e fundit të afatit kalimtar, Goal e sheh kualifikimin në Champions League si objektivin më realist për Alonsos, pavarësisht potencialit të madh ofensiv të skuadrës.
Sfida ndaj Arsenalit më 6 shtator pritet të jetë një test shumë më serioz për Chelsean dhe mund të tregojë më qartë nëse skuadra e Alonsos është gati të hyjë në garën për kreun e Ligës Premier. /Telegrafi/
Fenerbahçe ka siguruar kualifikimin në fazën e ligës së Ligës së Kampionëve, pasi fitoi 2-1 në udhëtim ndaj Lyonit dhe, falë kësaj, kaloi tutje me rezultat të përgjithshëm 4-3.
Një meritë të veçantë në këtë sukses pati edhe Vedat Muriqi, i cili e zhbllokoi sfidën në minutën e 24-t.
Sulmuesi kosovar reagoi shpejt pas një topi të kthyer në zonë dhe me një goditje të saktë e dërgoi topin në rrjetë për 0-1.
Fenerbahçe e dyfishoi epërsinë vetëm katër minuta më vonë. Mason Greenwood ekzekutoi në mënyrë perfekte goditjen nga këndi, ndërsa Nathan Aké u ngrit më lart se të gjithë dhe me kokë shënoi për 0-2.
Në fund, skuadra turke e ruajti rezultatin dhe siguroi një sukses të madh, pasi Fenerbahçe është pjesë e fazës së ligës së Ligës së Kampionëve, pas 17 vitesh. /Telegrafi/
Manchester United ka nisur sezonin e ri me një problem të pazakontë jashtë fushës. Në ndeshjen e humbur 2-0 ndaj Hull Cityt, skuadra angleze u paraqit me fanella që nuk ishin në përputhje me rregulloret e Ligës Premier.
United luajti pa stemën zyrtare të Ligës Premier në mëngën e majtë. Sipas rregullores së garës, klubet që nuk kanë sponsor komercial në mëngë duhet ta vendosin stemën e Ligës Premier në të dyja mëngët.
Gabimi në fanellën e re
Problemi lidhet me përfundimin e marrëveshjes së Manchester United me kompaninë DXC Technology, e cila ishte sponsori i mëngës së klubit. Pas largimit të sponsorit, United duhej të vendoste logon e Ligës Premier në të dyja anët e fanellës.
Megjithatë, në sfidën ndaj Hull Cityt, lojtarët kishin stemën e Ligës Premier vetëm në mëngën e djathtë, ndërsa mëngën e majtë e kishin të zbrazët.
Në mëngën e djathtë, përveç logos së Ligës Premier, ishte edhe shenja e fushatës “No Room for Racism”.
Man United nuk do të ndëshkohet
Pavarësisht shkeljes së rregullores, Manchester United nuk pritet të marrë ndonjë dënim nga Liga Premier. Klubi dhe drejtuesit e ligës janë në dijeni të situatës dhe problemi pritet të korrigjohet para ndeshjes së ardhshme.
Klube të tjera si Chelsea, Sunderland dhe Crystal Palace, të cilat gjithashtu nuk kishin sponsor në mëngë, u paraqitën me stemën e Ligës Premier në të dyja mëngët.
Manchester United pritet që fanellën ta rregullojë për ndeshjen e radhës në Old Trafford, duke respektuar kështu rregulloren e garës. /Telegrafi/
Kampionia e Kosovës do ta zhvillojë të enjten nga ora 19:00 ndeshjen e kthimit të play-offit ndaj Inter D’Escaldes, në një përballje që pritet të përcaktojë fatin e skuadrës gjilanase në garat evropiane.
Ndeshja e parë, e zhvilluar në stadiumin “Fadil Vokrri”, përfundoi me rezultat 2-2, duke lënë gjithçka të hapur për duelin në Andorrë. Për Dritën në atë takim shënuan Hajdin Salihu dhe Blerim Krasniqi.
Skuadra e drejtuar nga Ardian Nuhiu synon ta përsërisë suksesin e edicionit të kaluar, kur arriti të kalojë në fazën e ligës së Ligës së Konferencës dhe më pas siguroi edhe kualifikimin në play-off e fazës nokaut.
Trajneri Nuhiu ka bërë të ditur se skuadra ka analizuar në detaje kundërshtarin dhe kërkon një paraqitje më të mirë në ndeshjen e kthimit.
“Ndeshjet e tilla kërkojnë shumë përqendrim, shumë guxim dhe autoritet. Agresivitetin duhet ta shtojmë në ndeshjen e kthimit për ta marrë kualifikimin”, ka deklaruar Nuhiu.
Ai beson fuqishëm te grupi dhe te potenciali i skuadrës së tij, duke kërkuar që Drita të jetë në një nivel më të lartë se në ndeshjen e parë.
Në të njëjtën linjë është edhe Arb Manaj, një prej lojtarëve kryesorë të Dritës. Sulmuesi pranon se skuadra duhet të përmirësohet në aspektin defensiv dhe të shmangë gabimet që sollën dy golat e pranuar në Prishtinë.
“Jemi gati 100 për qind dhe shpresoj që nesër të dalim me fitore”, ka thënë Manaj.
Drita e pranon se ka një rol favorit në këtë përballje, por Manaj paralajmëron se kjo nuk mjafton për të siguruar kualifikimin.
“Mendoj se jemi pak më të favorizuar se kundërshtari, por duhet ta bëjmë maksimumin që të dalim me fitore”, u shpreh ai.
Drita tashmë e njeh mirë atmosferën e ndeshjeve të këtij niveli. Në edicionin e kaluar, gjilanasit bënë një paraqitje historike në fazën e ligës, ku grumbulluan tetë pikë dhe përfunduan në vendin e 20-të, duke siguruar kalimin në play-offin e fazës nokaut.
Tani, përpara tyre është edhe një tjetër mundësi për të shkruar histori në Evropë. Një fitore në Andorrë do t'i siguronte Dritës pjesëmarrjen për të dytin edicion radhazi në fazën e ligës të Ligës së Konferencës. /Telegrafi/
Vedat Muriqi po zhvillon një tjetër paraqitje fantastike me fanellën e Fenerbahçes, duke shënuar gol në përballjen ndaj Lyonit, në play-offin e Ligës së Kampionëve.
Sulmuesi kosovar kishte kaluar Fenerbahçen në epërsi në minutën e 24-t, kur përfitoi nga një top i kthyer brenda zonës, pas goditjes së parë me kokë dhe me një goditje të saktë realizoi për 1-0.
Ai arriti ta mposht portierin e Lyonit, Dominik Greif, duke konfirmuar rrezikshmërinë e tij në start.
Megjithatë, Fenerbahçe ka gjetur edhe golin e dytë. Nathan Aké u ngrit më lart pas një harkimi nga këndi dhe me një goditje të fuqishme me kokë e dërgoi topin në rrjetë për 2-0.
Kështu, skuadra turke tashmë ka një epërsi të rëndësishme në ndeshjen e kthimit, ndërsa pas barazimit 1-1 në duelin e parë, Fenerbahçe është në avantazh 3-1 në rezultatin e përgjithshëm.
🔥 Fenerbahçe tura bir adım daha yaklaştı!
⚽ 24' Vedat Muriqi ⚽️ 28' Archie Brown
Şampiyonlar Ligi elemesi rövanşında Lyon karşısında 4 dakikada 2 gol bulan Fenerbahçe, şu anki skorla turu geçen taraf! pic.twitter.com/ps8OqptFrO — birazz futbol (@birazzfutboll) August 26, 2026
Muriqi po luan një rol kyç në këtë përballje, ndërsa Fenerbahçe është gjithnjë e më pranë objektivit për të siguruar kualifikimin. Ai kishte shënuar edhe në fundjavë, në fitoren e Fenerbahces ndaj Konyaspor. /Telegrafi/
Arbër Hoxha ka realizuar një gol të bukur me kokë për Dinamo Zagrebin në përballjen ndaj Vikingut, në ndeshjen e dytë të play-offit të Ligës së Kampionëve.
Jemi mësuar me gola të bukur nga distanca dhe driblime, por Hoxha kësaj here shënoi ndryshe.
Sulmuesi kosovar u ngrit më lart se të gjithë pas një harkimi në zonë dhe me një goditje të fuqishme me kokë e dërgoi topin në rrjetë, duke e kaluar Dinamon në epërsi 1-0 në minutën e 10-të.
Al Hilal ka arritur marrëveshje me Aston Villan për transferimin e sulmuesit anglez Ollie Watkins, duke i hapur rrugë një lëvizjeje të madhe në ditët e fundit të afatit kalimtar.
Sipas raportimeve të Fabrizio Romanos, Aston Villa ka pranuar ofertën prej 58.4 milionë eurosh, plus edhe 2 milionë euro në bonuse për reprezentuesin e Anglisë. Watkins pritet të udhëtojë drejt Arabisë Saudite gjatë kësaj jave, pasi thuhet se dëshira e tij ishte të bashkohej pikërisht me Al Hilalin.
Watkins kishte qenë në qendër të spekulimeve gjatë ditëve të fundit dhe mungoi në ndeshjen hapëse të Aston Villas ndaj Brightonit, ndërsa interesi i Al Hilalit për të vazhdoi të rritej.
🚨🔵⚪️ BREAKING: Al Hilal have now agreed all details of deal to sign Ollie Watkins, here we go!
Exclusive details: Aston Villa accepted right now last bid worth €58.4m plus €2m add-ons for the English striker.
Ndërkohë, Aston Villa ka gjetur zëvendësuesin e tij te Chelsea.
Klubi nga Birmingham është pranë transferimit të Nicolas Jackson, për të cilin Chelsea kërkon rreth 70 milionë euro. Villa tashmë ka avancuar ndjeshëm në negociata dhe marrëveshja për sulmuesin senegalez është në fazat përfundimtare.
Jackson thuhet se ka dhënë dritën jeshile për transferimin dhe ka biseduar me trajnerin Unai Emery, i cili e njeh mirë sulmuesin nga koha kur ai luante te Villarreal.
🚨🟣🔵 Nicolas Jackson to Aston Villa deal being completed as Chelsea set to accept £65m package offered by #AVFC.
Jackson said yes to Villa project, spoke to Unai Emery and deal now at very final stages.
Kështu, nëse të dyja marrëveshjet përfundojnë sipas planit, Aston Villa do të humbë Watkinsin, por do ta zëvendësojë atë me Nicolas Jackson, në një prej lëvizjeve më interesante të ditëve të fundit të afatit kalimtar. /Telegrafi/
Werder Bremen ka shfaqur interesim konkret për Arijon Ibrahimovic, duke nisur negociatat me Bayern Munich për një transferim të mundshëm në formë huazimi.
Sipas raportimeve, klubi nga Bremeni synon ta marrë talentin kosovar në huazim për sezonin e ri, ndërsa interesim për 20-vjeçarin kanë shprehur edhe Union Berlin dhe Atalanta.
Ibrahimovic e ka vazhduar së fundmi bashkëpunimin me Bayern Munichun, pasi këtë vit ka rinovuar kontratën me kampionin gjerman.
🚨EXCL | Werder Bremen are exploring a loan move for Arijon Ibrahimovic.
Talks with the player’s agents and FC Bayern have started, but nothing is advanced yet.
Bayern and Ibrahimovic are open to a last-minute deal until Deadline Day.
Megjithatë, rritja e numrit të klubeve të interesuara tregon se e ardhmja e tij mund të jetë larg Bavarisë, të paktën përkohësisht, për t'i mundësuar më shumë minuta në futbollin profesionist.
Werder Bremen tashmë ka bërë hapin e parë dhe ka nisur bisedimet me Bayernin për huazimin e tij.
Donjeta Sadiku do të luftojë për medaljen e artë në Lojërat Mesdhetare “Taranto 2026”, pasi ka siguruar finalen në kategorinë deri në 60 kilogramë.
Boksierja kosovare ka zhvilluar një rrugëtim të shkëlqyer deri në finale dhe tash e pret sfida më e rëndësishme e turneut. Përballë saj do të jetë Kristina Kuluhova, boksierja që përfaqëson Serbinë, por që ka prejardhje ruse.
Kuluhova është një kundërshtare me përvojë në arenën ndërkombëtare dhe ka garuar edhe në kategori më të larta të peshës.
Ajo ka qenë finaliste e Kampionatit Evropian U23 dhe është përballur me disa prej boksiereve të njohura evropiane.
Megjithatë, Donjeta Sadiku hyn në finale me një karrierë të pasur ndërkombëtare dhe me përvojë në garat më të mëdha. Ajo ka fituar medalje në kampionate evropiane dhe botërore, ndërsa tani synon ta shtojë koleksionin e saj edhe me arin e Lojërave Mesdhetare.
Sadiku e siguroi finalen pas një paraqitjeje bindëse në gjysmëfinale, ku mposhti greken Sofia Legaki me rezultat 5:0. Kosovarja ishte dominuese sidomos në dy raundet e para, ndërsa kundërshtarja u numërua nga gjyqtari në të dyja.
Në çerekfinale, Donjeta kishte triumfuar ndaj turkes Esmanur Lok me rezultat 4:1.
Tash, të gjitha sytë janë te finalja. Donjeta Sadiku do të kërkojë medaljen e artë për Kosovën, në një duel që sjell përballë saj një boksiere ruse me flamurin e Serbisë. /Telegrafi/
Donjeta Sadiku është kualifikuar në finalen e Lojërave Mesdhetare “Taranto 2026”, duke siguruar të paktën medaljen e argjendtë për Kosovën.
Boksierja kosovare do të luftojë për medaljen e artë në kategorinë deri në 60 kilogramë, ku në finale do të përballet me Kristina Kuluhovan e Serbisë. Kuluhova është me prejardhje ruse, por garon nën flamurin e Serbisë.
Sadiku ishte bindëse në gjysmëfinale, ku e mposhti greken Sofia Legaki me vendim unanim të gjyqtarëve, 5:0.
Boksierja kosovare e nisi fuqishëm meçin dhe që në raundet e para vendosi ritmin e përballjes. Legaki u numërua nga gjyqtari si në raundin e parë, ashtu edhe në të dytin, ndërsa në raundin e tretë grekja tentoi të rikthehej në meç. Megjithatë, Sadiku e menaxhoi mirë përballjen deri në fund dhe siguroi fitoren e merituar.
Në çerekfinale, Sadiku kishte mposhtur turken Esmanur Lok me rezultat 4:1, ndërsa ndaj Legakit tregoi një paraqitje edhe më dominuese.
Me këtë sukses, Donjeta Sadiku vazhdon të jetë një prej figurave kryesore të sportit kosovar dhe tashmë ka siguruar një tjetër medalje në një ngjarje të madhe ndërkombëtare.
Boksierja kosovare ka fituar medalje në garat më të rëndësishme evropiane dhe botërore, ndërsa medalja olimpike mbetet një prej objektivave të saj kryesore.
Tani, Sadiku është vetëm një fitore larg medaljes së artë të Lojërave Mesdhetare “Taranto 2026”. /Telegrafi/
Mitrovica e ka mbyllur me barazim pa gola ndeshjen e parë ndaj Metalist 1925 të Ukrainës, në kuadër të raundit të parë kualifikues të UEFA Women’s Europa Cup.
Përballja e zhvilluar të mërkurën pasdite në stadiumin “Zahir Pajaziti” në Podujevë, përfundoi me rezultatin 0:0.
Skuadra ukrainase krijoi më shumë mundësi për gol gjatë ndeshjes, por futbollistet e Mitrovicës u mbrojtën mirë dhe arritën ta ruajnë portën e paprekur.
Vendimi për skuadrën që do të vazhdojë tutje do të merret në ndeshjen e kthimit, e cila zhvillohet më 1 shtator në Shkup.
Ky është vetëm edicioni i dytë i Women’s Europa Cup, garë që përfaqëson nivelin e dytë kontinental për klubet e futbollit të femrave. Për Kosovën, ky është edicioni i parë në këtë kompeticion.
Mitrovica e siguroi pjesëmarrjen në Europa Cup pas një kampanje të mirë në UEFA Women’s Champions League. Në raundin e parë kualifikues, kampionia e Kosovës mposhti kampionen e Moldavisë në gjysmëfinale, ndërsa në finale triumfoi ndaj kampiones së Bullgarisë.
Në raundin e dytë kualifikues të Champions League, Mitrovica u mposht nga Brann i Norvegjisë, por fitorja ndaj Ferencvárosit të Hungarisë bëri që skuadra mitrovicase të siguronte kalimin në Europa Cup.
Kualifikimi mbetet plotësisht i hapur dhe do të vendoset në ndeshjen e kthimit në Shkup. /Telegrafi/
Mbrojtësi kosovar i FC Zürichut, Lindrit Kamberi, ka pësuar një dëmtim të rëndë në ndeshjen ndaj Basel.
Klubi zviceran ka bërë të ditur se kapiteni i Zürichut ka pësuar thyerje të katërfishtë të ashtit të hundës, pas një goditjeje me bërryl nga Ludwig Malachowski.
Incidenti ndodhi gjatë ndeshjes së së shtunës, ndërsa Kamberi pati gjakderdhje të konsiderueshme nga hunda dhe u detyrua të merrte trajtim mjekësor për disa minuta.
Në reagimin e tij, Zürich ka shprehur pakënaqësi për vendimin e gjyqtarit, duke e cilësuar ndërhyrjen si akt të qartë dhune. Malachowski u ndëshkua vetëm me karton të verdhë, ndërsa VAR-i nuk ndërhyri.
Për momentin nuk dihet nëse Kamberi do të jetë në dispozicion të trajnerit për ndeshjen e fundjavës. Vendimi do të varet nga gjendja e tij pas dëmtimit.
Kamberi është një prej futbollistëve të rëndësishëm të Zürichut dhe mban edhe shiritin e kapitenit të skuadrës./Telegrafi/
Login
