Mick Jagger po e shqyrton seriozisht një film ose projekt televiziv për Rolling Stones, dhe interesi i tij është nxitur më tej nga plani i Sam Mendes për të publikuar katër filma të Beatles në vitin 2028.

Sipas një burimi pranë Page Six, Jagger, i cili është 83 vjeç, më parë e kishte refuzuar idenë e një projekti autobiografik ose një adaptimi filmik të historisë së grupit për vite me radhë. Kjo tani po ndryshon dhe thuhet se ai po mendon për një format që do t'i lejonte atij të ndikonte personalisht në mënyrën se si do të paraqitej historia e Rolling Stones.

Një mik i muzikantit tha se Jagger po shqyrton në mënyrë aktive se si mund të duket një projekt i tillë.

"Mick po mendon aktivisht se çfarë mund të jetë një projekt filmi për Stones. Përfshirja do t'i lejonte atij të kishte një zë në projekt dhe të përcjellë gjërat që janë të rëndësishme për të", deklaroi ai.

Foto: Mick Jagger/Instagram

Burimi shton se projekti i saponjoftuar i Mendesit me Beatles ndihmoi në ndryshimin e qëndrimit të tij.

"Filmat e Beatles sigurisht që i dhanë një shtysë. Në të kaluarën ai gjithmonë i kishte shmangur projekte të tilla sepse nuk kishte qenë kurrë dikush që shpjegonte shumë rreth asaj që kishte ndodhur gjatë gjashtë dekadave. Por kohërat ndryshojnë dhe lindin mundësi, dhe të paktën pati biseda", shtoi ai.

Jagger ka qenë më parë i përfshirë në industrinë e filmit dhe televizionit si producent, aktor dhe kompozitor, duke përfshirë punën përmes labelit të tij, Jagged Films.

Ai gjithashtu mori pjesë në dokumentarë rreth Rolling Stones, përfshirë filmin e koncerteve të Martin Scorsese në vitin 2008 "Shine a Light" dhe dokumentarin e Brett Morgen, i nominuar për çmimin Emmy në vitin 2013, "Crossfire Hurricane".

Ndërkohë, Sam Mendes po përgatit një projekt ambicioz me katër filma të veçantë për Beatles, me protagonistë Harris Dickinson, Paul Mescal, Barry Keoghan dhe Joseph Quinn. /Telegrafi/

Digjet një veturë në austostradën “Ibrahim Rugova”, nuk raportohet për të lënduar.

Një veturë është përfshirë nga zjarri të mërkurën në mbrëmje në autostradën “Ibrahim Rugova”.

Në vendin e ngjarjes kanë dalë ekipet e zjarrfikësve, të cilët kanë intervenuar për lokalizimin e zjarrit.

Sipas informacioneve të para, nga ky incident nuk raportohet për persona të lënduar, ndërsa janë shkaktuar vetëm dëme materiale në automjet.

Ende nuk dihen shkaqet që çuan deri te përfshirja e veturës nga zjarri, ndërsa pritet që autoritetet të japin më shumë detaje lidhur me rastin. /Telegrafi/

Një person ka mbetur i lënduar rëndë, ndërsa një tjetër ka pësuar lëndime të lehta si pasojë e një shpërthimi që ka ndodhur të mërkurën mbrëma në një veturë në Gjilan.

Lajmin për KosovaPress e ka konfirmuar zëdhënësi i Policisë për rajonin e Gjilanit, Ismet Hashani.

Sipas tij, Policia ka pranuar informatën rreth orës 21:45, ndërsa njësitë policore kanë dalë menjëherë në vendin e ngjarjes.

“Nga hetimet e para mësohet se një veturë është dëmtuar, ndërsa dyshohet se dëmtimi është shkaktuar nga një mjet shpërthyes”, ka thënë Hashani.

Në automjet ndodheshin dy persona, drejtuesi i veturës dhe një pasagjere. Si pasojë e shpërthimit, drejtuesi ka pësuar lëndime të rënda trupore dhe është dërguar me urgjencë për trajtim në spital, ndërsa pasagjerja ka pësuar lëndime të lehta.

Në vendin e ngjarjes kanë dalë të gjitha njësitë përkatëse të Policisë së Kosovës, si dhe prokurori kujdestar i shtetit.

Policia ka nisur hetimet për zbardhjen e rrethanave të rastit, ndërsa motivi i shpërthimit ende nuk dihet.

Reprezentuesi i Kosovës, Fisnik Asllani, ka kompletuar transferimin te RB Leipzig, në një marrëveshje me vlerë totale prej 30 milionë eurosh nga Hoffenheimi.

Lajmin e ka bërë të ditur eksperti i transferimeve Fabrizio Romano, i cili ka konfirmuar se Leipzigu ka mbyllur fillimisht transferimin e sulmuesit kosovar, përpara se t’i japë dritën jeshile largimit të Yan Diomande drejt Real Madridit në një operacion që pritet të arrijë rreth 140 milionë euro.

Sipas gazetarit gjerman Guido Schäfer, Asllani do t’u nënshtrohet testeve mjekësore në Salzburg, përpara se t’i bashkohet skuadrës së RB Leipzig në fazën përgatitore.

Në kontratën e Asllanit me RB Leipzig është përfshirë edhe një klauzolë lirimi prej 75 milionë eurosh, e cila do të jetë e vlefshme vetëm në periudhën 1-15 qershor 2027, duke i dhënë mundësi klubeve të interesuara ta transferojnë në atë afat nëse paguajnë shumën e përcaktuar.

Transferimi vjen pas një sezoni fantastik të 23-vjeçarit, i cili ishte një nga futbollistët më të spikatur të Hoffenheimit. Me paraqitjet e tij bindëse, golat dhe kontributin në repartin ofensiv, Asllani tërhoqi vëmendjen e disa klubeve të mëdha, ndërsa Leipzigu vendosi të investojë fuqishëm për ta afruar në skuadër.

Edhe me Kombëtaren e Kosovës, Asllani shkëlqeu gjatë sezonit të fundit, duke u shndërruar në një nga lojtarët kyç të "Dardanëve" me paraqitje të nivelit të lartë dhe gola të rëndësishëm, çka rriti edhe më shumë vlerën e tij në tregun evropian.

Kalimi te RB Leipzig përfaqëson hapin më të madh në karrierën e sulmuesit kosovar, për të cilin kishte interesim edhe nga Barcelona dhe Borussia Dortmund. /Telegrafi/

Mohamed Salah ka mbërritur zyrtarisht në Turqi për të nisur aventurën e re me Trabzonsporin, ndërsa është pritur në mënyrë spektakolare nga mijëra tifozë të klubit.

Ylli egjiptian zbarkoi në Trabzon, ku sipas mediave turke rreth 25 mijë tifozë u mblodhën për ta mirëpritur me këngë, fishekzjarrë dhe pishtarë, duke krijuar një atmosferë të jashtëzakonshme.

Pamjet e pritjes janë bërë virale në rrjetet sociale. Salah u shfaq para tifozëve i veshur me fanellën e Trabzonsporit me numrin 10, ndërsa nuk e fshehu emocionin për mikpritjen që iu rezervua.

"Sinqerisht, nuk mbaj mend nëse kam parë ndonjëherë diçka të tillë. Jam shumë i lumtur që jam këtu. Janë 25 mijë tifozë, është e pabesueshme", u shpreh Salah.

Sulmuesi 34-vjeçar i dha fund aventurës në Liverpool pas nëntë sezonesh të jashtëzakonshme. Me fanellën e "The Reds", ai zhvilloi 442 ndeshje, realizoi 257 gola dhe fitoi dy tituj të Ligën Premier, Ligën e Kampionëve, Kupën e Botës për Klube dhe trofe të tjerë të rëndësishëm.

Trabzonspori shpreson që me afrimin e Salahut të rikthehet në garën për titull në Superligën turke dhe t'i japë fund dominimit të Galatasarayt, duke synuar të fitojë kampionatin për herë të parë pas pesë vitesh. /Telegrafi/

Administrata e presidentit amerikan Donald Trump ka kthyer rreth 100 miliardë dollarë te bizneset përmes rimbursimeve të lidhura me tarifat e vendosura gjatë të ashtuquajturës “Ditë e Çlirimit”. Pagesat janë realizuar nga autoritetet doganore amerikane.

Sipas një dokumenti të dorëzuar së fundmi në gjykatë nga Doganat dhe Mbrojtja Kufitare e SHBA-së (CBP), kjo shumë përbën rreth 60 për qind të të ardhurave totale që qeveria amerikane kishte mbledhur nga këto tarifa.

Megjithatë, procesi i rimbursimeve ende nuk ka përfunduar. Rreth 29 miliardë dollarë të tjerë janë në proces shqyrtimi nga autoritetet tregtare, ndërsa 1.6 miliardë dollarë mbeten të pezulluara pasi disa importues nuk kanë dorëzuar ende informacionet e nevojshme bankare për pranimin e pagesave.

Rimbursimet vijnë pas një vendimi të Gjykatës Supreme të SHBA-së në shkurt, kur gjyqtarët vendosën se tarifat e gjera ndaj importeve, të vendosura mbi bazën e kompetencave ekonomike emergjente, ishin të paligjshme, shkruan bbc.

Administrata Trump ishte mbështetur në Aktin Ndërkombëtar për Fuqitë Ekonomike në Rast Emergjence (IEEPA), një ligj i vitit 1977 që i jep presidentit kompetenca për të rregulluar tregtinë ndërkombëtare në situata të jashtëzakonshme.

Vendosja e këtyre tarifave shkaktoi reagime të forta nga kompanitë amerikane dhe ato ndërkombëtare, të cilat u përballën me rritje të papritura të kostove për mallrat e importuara. Masat gjithashtu nxitën shqetësime se tarifat do të përktheheshin në rritje të çmimeve për konsumatorët.

Pas vendimit të Gjykatës Supreme, disa kompani të mëdha amerikane kanë filluar të marrin shuma të konsiderueshme nga rimbursimet.

Gjiganti i tregtisë elektronike, Amazon, ka marrë rreth 600 milionë dollarë gjatë tremujorit të dytë, sipas drejtorit financiar të kompanisë, Brian Olsavsky.

Ai deklaroi se Amazon planifikon që një pjesë të këtyre fondeve t’ua kthejë klientëve, në rastet kur tarifat kanë ndikuar drejtpërdrejt në çmimet e produkteve, ndërsa pjesa tjetër do të përdoret për të mbështetur uljen e çmimeve në dyqanet e kompanisë.

Vlera totale e rimbursimeve pritet të rritet më tej, ndërsa autoritetet doganore vazhdojnë të shqyrtojnë kërkesat e mbetura dhe importuesit përditësojnë të dhënat e tyre financiare.

Më 2 prill 2025, Donald Trump njoftoi një paketë të gjerë tarifash të reja ndaj importeve në SHBA, të cilën e quajti “Ditë Çlirimi”. Ai argumentoi se masat do ta “çlironin” ekonominë amerikane nga varësia ndaj importeve dhe nga praktikat tregtare që, sipas tij, ishin të padrejta. /Telegrafi/

Kur një automjet qëndron i parkuar për një kohë të gjatë, sistemi i frenimit mund të pësojë ndryshime që ndikojnë në sigurinë gjatë vozitjes së parë.

Diskat dhe tamburët e frenave janë të prodhuar kryesisht nga aliazh çeliku dhe kanë vetëm një shtresë të kufizuar mbrojtëse kundër korrozionit.

Pas disa orësh qëndrimi në një ambient me lagështi, në sipërfaqen e tyre mund të krijohet një shtresë e hollë ndryshku. Sa më gjatë të qëndrojë makina, aq më shumë përkeqësohet gjendja, veçanërisht në hapësira parkimi me kullim të dobët ose në kushte ku frenat ekspozohen ndaj kripës gjatë dimrit.

Korrozioni mund të ndikojë në performancën e frenimit, prandaj në udhëtimin e parë pas disa ditësh, javësh apo më gjatë pa përdorim, shoferët këshillohen të jenë të kujdesshëm.

Para nisjes, është mirë të shtypet dhe të lirohet lehtë pedali i frenave disa herë. Pas nisjes, frenoni butë në një zonë të sigurt për të hequr ndryshkun sipërfaqësor dhe për të kontrolluar reagimin e frenave.

Gjithashtu, duhet kushtuar vëmendje zhurmave gjatë frenimit. Nëse pas disa frenimeve vazhdojnë kërcitjet ose zhurmat e pazakonta, rekomandohet kontrolli i sistemit të frenimit nga një mekanik.

Para një periudhe të gjatë parkimi, ekspertët këshillojnë që gjatë një udhëtimi në një sipërfaqe të thatë të frenoni lehtë për të larguar papastërtitë nga komponentët e frenimit. /Telegrafi/

Situata rreth së ardhmes së Vinicius Junior ka marrë një kthesë të re, pasi sulmuesi brazilian ka fshirë të gjitha postimet nga llogaria e tij në Instagram, vetëm pak orë pasi zhvilloi një takim me drejtuesit e Real Madridit për rinovimin e kontratës.

Sipas raportimeve, Real Madridi i ka paraqitur 25-vjeçarit një ofertë të përmirësuar, ndërsa negociatat për vazhdimin e bashkëpunimit kanë hyrë në një fazë vendimtare. Megjithatë, palët ende nuk kanë arritur një marrëveshje, pasi dallimet mbeten kryesisht te paga dhe të drejtat e imazhit.

Pas takimit me përfaqësuesit e lojtarit, Vinicius bëri një veprim që ka ngjallur shumë reagime në rrjetet sociale. Ai hoqi foton e profilit dhe fshiu të gjitha postimet nga llogaria e tij në Instagram, e cila ndiqet nga rreth 64 milionë persona.

Braziliani nuk ka dhënë asnjë shpjegim për këtë veprim, duke lënë hapësirë për interpretime të ndryshme. Disa tifozë të Real Madridit e shohin këtë si një sinjal të mundshëm të largimit, ndërsa të tjerë besojnë se mund të jetë pjesë e një fushate marketingu para njoftimit të kontratës së re.

Edhe pse ende nuk ka marrëveshje, Perez i bindur që Vinicius do ta nënshkruajë kontratën e re

Interesi i Arsenalit për Viniciusin mbetet i fortë dhe mediat angleze raportojnë se klubi londinez po e ndjek nga afër situatën, me shpresën se mund të përfitojë nëse bisedimet me Real Madridin dështojnë.

Edhe pse ende nuk ka marrëveshje, Perez i bindur që Vinicius do ta nënshkruajë kontratën e re telegrafi.com

Megjithatë, raportimet e fundit nga Spanja vazhdojnë të sugjerojnë se klubi madrilen mbetet optimist për arritjen e një marrëveshjeje, ndërsa negociatat pritet të vazhdojnë edhe në ditët në vijim. /Telegrafi/

Analisti politik Dardan Gashi ka deklaruar se insistimi i Lidhjes Demokratike të Kosovës për të marrë postin e presidentit do ta komplikonte edhe më tej situatën politike në vend.

Duke folur në emisionin “Debat Plus”, Gashi ka thënë se çështja e presidentit ka qenë një nga arsyet kryesore që Kosova ka shkuar në zgjedhje, ndërsa ka vlerësuar se LDK-ja mund të jetë subjekti që do të duhet të bëjë një lëshim.

“Nëse LDK-ja insiston në marrjen e presidentit, e komplikon shumë situatën, sepse për këtë arsye kemi shkuar në zgjedhje. Kurti nuk ka dashur ta ndajë këtë pushtet me askënd, as me LDK-në, as me PDK-në dhe as me askënd tjetër”, ka deklaruar Gashi.

Gruda: PDK-ja nuk është penduar për bojkotimin e takimit me Kurtin

Sipas tij, nuk pret që lëshimi të vijë nga Lëvizja Vetëvendosje, por nga LDK-ja.

“Besoj që LDK-ja mund të bëjë një lëshim dhe jo Vetëvendosja. As nuk po ia uroj dhe as nuk kam dëshirë, por në situatën në të cilën ndodhet LDK-ja, është shumë problem të insistojë”, ka thënë Gashi.

Ai ka vlerësuar se këmbëngulja për postin e presidentit mund ta vështirësojë arritjen e një marrëveshjeje politike për formimin e institucioneve të reja. /Telegrafi/

Një veturë ka shpërthyer sonte në qytetin e Gjilanit, ndërsa dyshohet se nga ky incident ka persona të lënduar.

Sipas informacioneve fillestare, në vendin e ngjarjes kanë dalë njësitë e Policisë së Kosovës dhe ekipet e zjarrfikësve, të cilët po merren me situatën dhe po kryejnë veprimet e nevojshme.

Ende nuk dihen rrethanat që kanë çuar deri te shpërthimi i veturës, ndërsa nuk janë bërë të ditura detaje për numrin apo gjendjen e personave të prekur.

KosovaPress ka kontaktuar Policinë e Kosovës për rajonin e Gjilanit, por deri në publikimin e këtij lajmi rasti nuk është konfirmuar zyrtarisht.

Pritet që autoritetet të japin më shumë informacione lidhur me shkaqet e incidentit dhe zhvillimet e mëtejshme të hetimeve.

Tom Holland pritet të arkëtojë mes 20 dhe 25 milionë dollarë për rolin e tij në filmin "Spider-Man: Brand New Day", një shumë që përfshin honorarin bazë dhe bonuset e lidhura me suksesin e filmit në arkat kinematografike.

Filmi i ri aksion, me regji të Destin Daniel Cretton, ka nisur me një sukses të jashtëzakonshëm, duke thyer rekordin amerikan të vendosur më parë nga "Avengers: Endgame" për të ardhurat gjatë fundjavës së parë të shfaqjes, raporton The Hollywood Reporter.

Rruga e Tom Holland drejt një prej aktorëve më të paguar të Marvel ka qenë e shpejtë.

Kur iu bashkua Universit Kinematografik të Marvel në vitin 2016 me filmin "Captain America: Civil War", ai fitoi rreth 250 mijë dollarë, sipas të dhënave të CheatSheet.

- YouTube youtu.be

Një vit më vonë, për "Spider-Man: Homecoming" (2017), ai përfitoi 1.5 milionë dollarë, ku 500 mijë ishin honorar bazë, ndërsa pjesa tjetër erdhi nga bonuset.

Në vitin 2019, për "Spider-Man: Far From Home", paga e tij u rrit në rreth 4 milionë dollarë, ndërsa për "Spider-Man: No Way Home" (2021) besohet se fitoi rreth 10 milionë dollarë.

Tani, me "Spider-Man: Brand New Day", aktori britanik pritet të marrë shumën më të madhe të karrierës së tij në këtë rol.

Për krahasim, Andrew Garfield fitoi 500 mijë dollarë për "The Amazing Spider-Man" në vitin 2012, ndërsa për vazhdimin e vitit 2014 honorari i tij u rrit në mes 1 dhe 2 milionë dollarëve, sipas Deadline.

- YouTube youtu.be

Ndërkohë, Tobey Maguire, aktori i parë që solli Spider-Man në ekranin e madh, fitoi 4 milionë dollarë për filmin e vitit 2002. Për "Spider-Man 2" (2004), honorari i tij u rrit në 17.5 milionë dollarë, ndërsa për filmin e tretë në vitin 2007 ai përfitoi 15 milionë dollarë si pagesë fikse, plus 7.5 për qind të fitimeve totale të filmit, sipas Just Jared.

Suksesi i filmit nuk është reflektuar vetëm në honorarin e aktorëve.

The Hollywood Reporter raportoi se "Spider-Man: Brand New Day" ka tejkaluar tashmë shifrën e 1 miliard dollarëve në të ardhura globale nga kinematë.

Sipas Sony Pictures, filmi, ku luajnë edhe Zendaya dhe Sadie Sink, ka gjeneruar 1.05 miliardë dollarë në vetëm gjashtë ditë shfaqjeje, duke u bërë vetëm filmi i dytë në histori që arrin këtë sukses në një periudhë kaq të shkurtër.

Në tregun amerikan, filmi ka thyer rekordin e "Avengers: Endgame", i cili kishte arkëtuar 357.1 milionë dollarë gjatë fundjavës së parë. Megjithatë, në nivel botëror, "Endgame" vazhdon të mbajë rekordin absolut me 1.2 miliardë dollarë në fundjavën e hapjes, ndërsa "Brand New Day" arriti 932 milionë dollarë në të njëjtën periudhë. /Telegrafi/

Former senior officials from the United Kingdom, France and Germany met secretly in July in Vienna with an unidentified former Kremlin official to discuss possible terms for peace negotiations over Ukraine.

The meeting was attended by former British National Security Advisor Tim Barrow, former German Secretary of State and former European Union Ambassador to Russia Markus Ederer, as well as experienced French and European diplomat Pierre Vimont.

Bloomberg 's sources did not disclose the identity of the former Kremlin official who participated in the talks.

Such meetings are not formal negotiations and do not bind the governments of the countries from which the participants come. They allow former officials and experts, without a formal mandate, to examine possible solutions to the conflict, and then convey their assessments to the current authorities.

According to a Bloomberg source, the talks were initiated by the Center for Humanitarian Dialogue, a Switzerland-based organization that deals with confidential mediation in armed conflicts.

Para syve të kancelarit gjerman, presidenti i Azerbajxhanit: Gjermanët dhe rusët u takuan fshehurazi në Baku

Ederer and Vimont are members of the board of directors of this organization.

The center states that it has been active in Ukraine since 2014 and that, after the start of the full Russian occupation in 2022, it has participated in creating channels for the evacuation of civilians.

Vienna was at least one of two places where former European and Russian officials have met behind closed doors in recent months.

Separate talks between former German and Russian officials took place in mid-July in Baku. Azerbaijani President Ilham Aliyev later confirmed the meeting had taken place, but said his country's authorities had not been notified in advance.

After the meeting in Baku, Ukraine's Foreign Ministry stated that such talks do not have an official mandate from Kiev and are not part of the formal peace process.

The Kremlin has so far not publicly commented on reports about the Vienna meeting.

Ukraine's European allies continue to publicly insist that no peace agreement can be reached without Kiev's full participation and that European security cannot be negotiated without the presence of European states. /Telegraph

Ish-zyrtarë të lartë nga Mbretëria e Bashkuar, Franca dhe Gjermania u takuan fshehurazi në korrik në Vjenë me një ish-zyrtar të paidentifikuar të Kremlinit për të shqyrtuar kushtet e mundshme për negociatat e paqes lidhur me Ukrainën.

Në takim morën pjesë ish-këshilltari britanik për sigurinë kombëtare Tim Barrow, ish-sekretari gjerman i shtetit dhe ish-ambasadori i Bashkimit Evropian në Rusi Markus Ederer, si dhe diplomati me përvojë francez dhe evropian Pierre Vimont.

Burimet e Bloomberg nuk zbuluan identitetin e ish-zyrtarit të Kremlinit që mori pjesë në bisedime.

Takime të tilla nuk janë negociata zyrtare dhe nuk i detyrojnë qeveritë e vendeve nga të cilat vijnë pjesëmarrësit. Ato u mundësojnë ish-zyrtarëve dhe ekspertëve që, pa një mandat formal, të shqyrtojnë zgjidhje të mundshme për konfliktin, e më pas t'ua përcjellin vlerësimet e tyre autoriteteve aktuale.

Sipas një burimi të Bloomberg, bisedimet u iniciuan nga Qendra për Dialog Humanitar, një organizatë me seli në Zvicër që merret me ndërmjetësim konfidencial në konflikte të armatosura.

Para syve të kancelarit gjerman, presidenti i Azerbajxhanit:  Gjermanët dhe rusët u takuan fshehurazi në Baku

Ederer dhe Vimont janë anëtarë të bordit drejtues të kësaj organizate.

Qendra deklaron se është aktive në Ukrainë që nga viti 2014 dhe se, pas fillimit të pushtimit të plotë rus në vitin 2022, ka marrë pjesë në krijimin e kanaleve për evakuimin e civilëve.

Vjena ishte të paktën një nga dy vendet ku ish-zyrtarë evropianë dhe rusë janë takuar me dyer të mbyllura gjatë muajve të fundit.

Bisedime të ndara mes ish-zyrtarëve gjermanë dhe rusë u zhvilluan në mes të korrikut në Baku. Presidenti i Azerbajxhanit, Ilham Aliyev, konfirmoi më vonë se takimi kishte ndodhur, por tha se autoritetet e vendit të tij nuk ishin njoftuar paraprakisht.

Pas takimit në Baku, Ministria e Punëve të Jashtme e Ukrainës deklaroi se bisedime të tilla nuk kanë mandat zyrtar nga Kievi dhe nuk janë pjesë e procesit formal të paqes.

Kremlini deri më tani nuk ka komentuar publikisht raportimet për takimin në Vjenë.

Aleatët evropianë të Ukrainës vazhdojnë të këmbëngulin publikisht se asnjë marrëveshje paqeje nuk mund të arrihet pa pjesëmarrjen e plotë të Kievit dhe se për sigurinë evropiane nuk mund të negociohet pa praninë e shteteve evropiane. /Telegrafi/

Disa muaj pasi kishte shpallur pavarësinë, Mali i Zi e njohu Kosovën si shtet të pavarur. Por, 18 vjet më pas, disa komuna në shtetin fqinj kanë vendosur ta “çnjohin” pavarësinë e Kosovës.

Nisma kundër njohjes së pavarësisë së Kosovës nisi në maj të këtij viti. Komuna e parë që miratoi një vendim të tillë ishte ajo e Zetës. Pas saj, ditë më parë, edhe Komuna e Plevlës doli me një vendim të ngjashëm. Por një veprim të tillë po e kundërshton Ministria e Punëve të Jashtme e Malit të Zi.

Në një përgjigje për Tëvë1, nga kjo ministri kanë thënë se komunat nuk kanë kompetenca të tilla diplomatike.

“Lidhur me vendimet e miratuara nga disa kuvende komunale në lidhje me njohjen e Republikës së Kosovës, dëshirojmë të nënvizojmë se njësitë e vetëqeverisjes lokale nuk kanë as kompetencë kushtetuese dhe as ligjore në fushën e politikës së jashtme dhe nuk janë të autorizuara të miratojnë akte që prodhojnë ndonjë efekt sipas ligjit ndërkombëtar. Vendimet e miratuara nga kuvendet komunale nuk mund të ndikojnë në pozicionin ndërkombëtar të Malit të Zi, të ndryshojnë detyrimet e tij ndërkombëtare ose politikën e jashtme të përcaktuar nga shteti”, thuhet në përgjigjen e Ministrisë së Jashtme të Malit të Zi.

Në përgjigje thuhet gjithashtu se Mali i Zi do të vazhdojë ta mbështesë pjesëmarrjen dhe anëtarësimin e Kosovës në organizata dhe nisma ndërkombëtare e rajonale.

Por cilat janë arsyet që kanë çuar këto komuna në marrjen e këtyre vendimeve?

“Sikurse dihet, aty dominojnë partitë proserbe dhe proruse, të cilat në këtë formë tentojnë ta mobilizojnë elektoratin e tyre, pasi së shpejti në Mal të Zi do të zhvillohen zgjedhje jo vetëm për pushtetin lokal, por edhe për atë qendror. Kjo është një lojë politike, e cila synon që përmes çështjes së Kosovës të fitohet mbështetja e elektoratit serb dhe të sigurohet dominimi në skenën politike”, vlerëson Ali Salaj, analist.

Sipas analistit politik në Mal të Zi, edhe dy komuna të tjera kanë pasur në plan të ndërmarrin një veprim të ngjashëm.

“Në plan ka qenë që edhe Herceg Novi dhe Tivati, dy qytete bregdetare, të ndërmarrin një veprim të tillë. Megjithatë, siç duket, vërejtjet e Bashkimit Evropian kanë ndikuar që ata të ndalen dhe të mendojnë nëse duhet të vazhdojnë më tej”, ka thënë Salaj.

Nga Ministria e Punëve të Jashtme e Malit të Zi kanë kërkuar nga të gjithë bartësit e funksioneve publike që të respektojnë rendin kushtetues dhe të shmangin krijimin e tensioneve të panevojshme politike.

Luka Modrić tërhoqi vëmendjen jo vetëm me rikthimin e tij në fushë, por edhe me një moment argëtues pas ndeshjes miqësore mes Milanit dhe Interit, e zhvilluar në Perth të Australisë.

Mesfushori kroat luajti minutat e tij të para në sezonin e ri, duke u aktivizuar në minutën e 62-të në barazimin 1-1 ndaj rivalëve të qytetit.

Edhe pse ishte vetëm një miqësore, 40-vjeçari tregoi se vazhdon të ruajë cilësinë dhe qetësinë që e kanë karakterizuar gjatë gjithë karrierës.

Pas përfundimit të takimit, Modrić përshëndeti futbollistët e Interit dhe pati një moment interesant me kapitenin turk, Hakan Calhanoglun.

Ky i fundit së fundmi i është nënshtruar një transplanti flokësh dhe Modrić nuk e humbi rastin për të bërë një shaka miqësore.

Kroati iu afrua me buzëqeshje, ia preku lehtë kokën duke aluduar për ndërhyrjen, ndërsa Calhanoglu reagoi me të qeshur. Momenti u kap nga kamerat dhe u shpërnda gjerësisht në rrjetet sociale.

Modrić e ka vazhduar bashkëpunimin me Milanin edhe për një sezon tjetër, duke nënshkruar kontratë deri në qershor të vitit 2027, ndërsa synon të vazhdojë karrierën edhe pas Kupës së Botës. /Telegrafi/

Një restorant në qytetin Hollywood të Floridës, SHBA, ka sjellë një koncept të pazakontë gastronomik: darka ku klientët mund të hanë plotësisht të zhveshur.

C.L.A.S.S. Soirée Steakhouse organizon këtë eksperiencë një herë në muaj, të hënën e parë të çdo muaji. Ideja lindi pasi një grup nudistësh kishte marrë me qira restorantin për një darkë private, duke e shtyrë pronarin dhe shefin e kuzhinës, Maurad Ali, që ta kthente në një aktivitet të rregullt.

Menuja përfshin një darkë me çmim fiks, me meze, pjata të para, një kombinim mishi dhe ushqimesh deti, si dhe një dolli me shampanjë. Numri i pjesëmarrësve është i kufizuar për të ruajtur një atmosferë më intime.

Çmimi i pjesëmarrjes ndryshon sipas kategorisë: burrat paguajnë 250 dollarë, gratë 150 dollarë, ndërsa çiftet 300 dollarë.

Sipas autoriteteve lokale, aktiviteti është i ligjshëm, pasi stafi i restorantit që shërben klientët qëndron i veshur. Mysafirëve u ofrohet një mantel në hyrje, si dhe peshqir për prehër dhe mbulesë për ulëse.

Shefi i kuzhinës Maurad Ali ka thënë se ideja synon ta bëjë restorantin më të veçantë në një treg shumë konkurrues dhe se aktiviteti ka tërhequr interes të madh që nga nisja e tij. /Telegrafi/

Familja e telefonave inteligjentë Motorola Edge 70 po zgjerohet me një model të ri, Motorola Edge 70 Neo, i cili pritet t’i bashkohet serisë ekzistuese.

Modeli i ri synon të sjellë karakteristikat kryesore të linjës Edge në një pajisje më të përballueshme, duke u pozicionuar mes telefonave të kategorisë së mesme dhe modeleve më të avancuara.

Sipas informacioneve të publikuara më herët, pajisja pritet të ketë mbështetje për rrjetin 5G, lidhje moderne si Bluetooth, Wi-Fi 6E dhe NFC, si dhe një bateri me kapacitet të lartë prej rreth 6500 mAh. Gjithashtu përmendet mbështetja për karikim të shpejtë me kabllo deri në 90W dhe karikim pa tel.

Edge 70 Neo pritet të vazhdojë traditën e serisë Neo, duke kombinuar dizajnin elegant, performancën solide dhe disa veçori të avancuara të kamerës. Raportimet jozyrtare sugjerojnë se mund të ketë një kamerë kryesore 50 megapiksel me stabilizim optik të imazhit dhe një kamerë telefoto me zmadhim optik.

Motorola ende nuk ka bërë njoftim zyrtar për të gjitha specifikimet dhe datën e lansimit të këtij modeli.

Me këtë pajisje, kompania synon të forcojë konkurrencën në segmentin ku përballen telefonat me raport të lartë mes çmimit, dizajnit dhe performancës. /Telegrafi/

Vetëm 8.6% e individëve në Shqipëri kishin blerë në internet bileta për koncerte, festivale apo evente të tjera gjatë tre muajve përpara vrojtimit të vitit 2025, sipas të dhënave të Eurostat-it.

Përqindja është shumë më e ulët se mesatarja e Bashkimit Europian, ku 26.8% e qytetarëve kishin blerë bileta online. Në BE më shumë se një në katër persona përdor internetin për të siguruar bileta për evente, ndërsa në Shqipëri këtë e bën më pak se një në 11 persona.

Eurostat raporton se në krahasim me vitin 2024, pesha e qytetarëve të BE-së që blenë bileta online u rrit me 3.8 pikë përqindje, e nxitur nga zgjerimi i platformave digjitale dhe rikthimi i koncerteve e festivaleve në kalendarin kulturor europian.

Shqipëria pas Serbisë dhe Maqedonisë së Veriut

Përdorimi i internetit për blerjen e biletave mbetet i kufizuar në të gjithë Ballkanin Perëndimor.

Në rajon, përqindjen më të lartë e kishte Serbia, ku 11.4% e individëve kishin blerë bileta online për evente, e ndjekur nga Maqedonia e Veriut me 10.8%.

Shqipëria renditej më pas me 8.6%, duke lënë pas Bosnjë-Hercegovinën, me 7.4%, Kosovën me 7.35% dhe Malin e Zi me 6%.

Edhe Turqia kishte një nivel më të ulët se Shqipëria, me 6.2%.

Diferenca është e dukshme edhe me vendet fqinje të BE-së. Në Greqi, 38.9% e individëve kishin blerë bileta online, më shumë se katër herë niveli i Shqipërisë.

Në Kroaci përqindja ishte 28.3%, në Slloveni 20.9%, ndërsa në Bullgari 11.4%. Italia, pavarësisht tregut shumë më të madh të koncerteve dhe aktiviteteve kulturore, kishte një nivel relativisht të ulët për standardet e BE-së, prej 14.2%.

Irlanda dhe Norvegjia në krye

Ndër vendet europiane për të cilat ka të dhëna, Irlanda kishte përqindjen më të lartë, me 51.5% të individëve që kishin blerë bileta online.

Pas saj renditej Norvegjia, me 50.3%, Holanda me 48.1% dhe Danimarka me 47.9%. Në Finlandë përqindja ishte 44.2%, në Zvicër 42.2%, ndërsa në Greqi 38.9%.

Në këto vende, blerja online është kthyer në mënyrën kryesore për të siguruar bileta për koncerte, festivale, shfaqje dhe aktivitete të tjera.

Brenda Bashkimit Europian, nivelet më të ulëta u regjistruan në Bullgari, me 11.4%, Rumani me 12.6% dhe Itali me 14.2%.

Koncerti i Kanye West tregoi kufijtë e kërkesës vendase

Përdorimi i kufizuar i platformave online për bileta u reflektua edhe në ecurinë e koncertit të këngëtarit Kanye West në Tiranë, një nga më të mëdhenjtë në botë, që rezulton i dhjeti më i dëgjuar në platformën Spotify.

Aktiviteti ishte planifikuar për një audiencë të madhe me 60 mijë persona, përfshirë dhe turistët, por shitjet ecën më ngadalë nga parashikimet.

Organizatorët kishin deklaruar se duhej të shiteshin të paktën 40 mijë bileta që koncerti të ishte ekonomikisht i leverdishëm, ndërsa pak ditë përpara zhvillimit të tij një pjesë e konsiderueshme e vendeve vijonte të ishte e lirë.

Një nga pengesat ishte çmimi i biletave, që varionte nga 120 deri në 330 euro, nivele të larta në raport me fuqinë blerëse të publikut vendas.

Edhe interesi nga turistët e huaj rezultoi më i dobët se pritshmëritë fillestare, teksa Shqipëria nuk njihet si një vend që organizon evente të përmasave të tilla.

Në ditët e fundit përpara koncertit, qeveria akordoi rreth 4.2 milionë euro për organizimin e aktivitetit, me argumentin e promovimit të turizmit. Financimi u dha në një kohë kur shitjet nuk kishin arritur nivelin e nevojshëm për leverdinë e deklaruar nga organizatorët, duke u paraqitur nga qeveria si një përpjekje për të shpëtuar koncertin dhe bashkë me të dhe imazhin e vendit.

Rasti tregoi vështirësinë e organizimit të eventeve të mëdha vetëm mbi bazën e kërkesës vendase, në një treg ku jo vetëm fuqia blerëse është e ulët, por edhe përdorimi i internetit për blerjen e biletave është më i kufizuari në Europë. /monitor/

Aktorja e njohur amerikane Donna Mills ka treguar se është befasuar nga kërkesat e pazakonta që ka nisur të marrë vetëm pak ditë pasi hapi profilin e saj në platformën OnlyFans.

Ylli 85-vjeçar i serialit të famshëm Knots Landing kishte deklaruar më herët për revistën People se vendosi t’i bashkohej platformës për të qenë më pranë fansave të saj dhe për të krijuar një komunikim më të drejtpërdrejtë me ta.

Megjithatë, nuk vonoi shumë dhe ndjekësit nisën t’i dërgonin kërkesa të pazakonta.

Në një intervistë për Entertainment Tonight, Mills zbuloi se një prej kërkesave më të çuditshme lidhej me vreshtin e saj.

“Dikush dëshiron që unë të filmoj veten duke shtypur rrush”, tha aktorja gjatë bisedës me prezantuesin Kevin Frazier.

Ky i fundit reagoi me humor, duke i thënë: “Pra, duan t’ju shohin këmbët? Duan t’ju shohin gishtërinjtë e këmbëve.”

Donna Mills qeshi dhe pranoi se kjo mund të jetë arsyeja.

“Po, besoj se po. Duket se shumë njerëz eksitohen nga gishtërinjtë e këmbëve”, u shpreh ajo me humor, duke shtuar se ka ndërmend ta realizojë këtë kërkesë.

Deklarata e saj ka tërhequr vëmendje të madhe në rrjetet sociale, ku fansat kanë komentuar me humor sinqeritetin dhe mënyrën e çlirët me të cilën aktorja foli për përvojën e saj në platformën OnlyFans. /Telegrafi/

Përparim Gruda nga PDK-ja ka deklaruar se partia e tij nuk është penduar për vendimin që të mos marrë pjesë në takimin e thirrur nga kryeministri Albin Kurti.

Gruda tha se vendimi nuk është marrë me ngut, pa diskutim apo si rezultat i ndonjë inati, por përfaqëson një qëndrim të mirëmenduar të PDK-së.

“Nuk jemi pishman, sepse kjo nuk është një përgjigje e marrë me ngut, as pa një diskutim dhe as si rezultat i ndonjë inati. Përgjigjja ‘jo’ është fare e thjeshtë, sepse nuk ka ndryshuar asgjë që para zgjedhjeve të 7 qershorit”, ka deklaruar Gruda në emisionin “Debat Plus” në TV Dukagjini.

Sipas tij, kryeministri Albin Kurti ka vazhduar me të njëjtat kërkesa dhe ambicie politike edhe pas takimeve me partitë opozitare.

- YouTube www.youtube.com

“Zoti Kurti i ka shfaqur të njëjtat pritje dhe ambicie. Ai do t’i marrë të gjitha pushtetet, përfshirë edhe postin e presidentit. Po përpiqet të krijojë përshtypjen se po e ndan pushtetin me opozitën, por në fakt nuk po e ndan atë”, ka thënë Gruda.

Ai ka kritikuar procesin e takimeve politike, duke e cilësuar si një veprim që, sipas tij, synon vetëm krijimin e lajmeve.

“Ne nuk kemi nevojë të marrim pjesë në një teatër politik, ku shkohet në takime vetëm për të prodhuar lajme që i duhen Kurtit”, është shprehur ai.

Gruda ka thënë se PDK-ja nuk është për një marrëveshje që, sipas tij, do t’i jepte Kurtit kontroll mbi të gjitha institucionet, por as për dërgimin e vendit në zgjedhje të reja.

“Ne nuk shkojmë të negociojmë me një njeri që i do të gjitha pushtetet, por as nuk duam ta çojmë Kosovën në zgjedhje. Ne qëndrojmë me opozitën dhe do të negociojmë me të tjerët”, ka përfunduar Përparim Gruda. /Telegrafi/