Një vetaksident ka ndodhur sonte rreth orës 20:55, në fshatin Kramovik-Rahovec, saktësisht në rrugën Gjakovë-Klinë, raporton Gazeta Sinjali.
Lajmin për Sinjalin e ka konfirmaur, zëdhënësi i Policisë për rajonin e Gjakovës, Sheremet Elezaj i cili bëri të ditur se ngasësi dyshohet se ka humbur kontrollin mbi automjetin dhe është vet-aksidentuar.
Për pasojë përveç dëmeve materiale është raportuar edhe për dy persona të lënduar.
“Nga informatat fillestare të pranuara bëhet fjalë për lëndime të lehta trupore. Njësia Rajonale e Komunikacionit Rrugor është duke trajtuar rastin.”, tha tutje ai.
Ajet Sylaj është personi që humbi jetën sonte në aksidentin e rëndë në rrugën Komoran–Carralevë.
Njoftimi për vdekjen e tij u bë i ditur nga Komuna e Drenasit përmes faqes zyrtare në Facebook.
Kryetari i Komunës, Ramiz Lladrovci, i shprehu ngushëllime të sinqerta familjes së të ndjerit, duke theksuar rëndësinë e solidaritetit në këto çaste të vështira.
“Humbja e një jete në rrethana kaq të rënda përbën dhimbje të thellë jo vetëm për familjen dhe të afërmit, por edhe për gjithë qytetarët tanë. Në këto çaste të rënda, Kryetari Lladrovci shpreh solidaritet të plotë me familjen Sylaj, duke ndarë dhimbjen dhe pikëllimin e tyre. Qoftë i lehtë dheu për Ajet Sylajn, ndërsa familjes Sylaj i shprehim durim dhe kurajo për ta përballuar këtë humbje të madhe. Zoti e mëshiroftë!”, thuhet në njoftimin e Komunës së Drenasit.
Në këtë aksident mbetën të lënduar edhe katër persona të tjerë, ku nga QKUK-ja thanë se gjendja e tyre është stabile.
Presidenti amerikan Donald Trump paralajmëroi se mund të përdorë një ligj shekullor për të vendosur trupa amerikane në Minesota, ndërsa zyrtarët shtetërorë dhe federalë përplasen mbi taktikat e përdorura nga agjentët e imigracionit.
“Nëse politikanët e korruptuar të Minesotës nuk i binden ligjit dhe nuk i ndalojnë kryengritësit profesionistë të sulmojnë Patriotët e ICE-së, të cilët po përpiqen vetëm të bëjnë punën e tyre, unë do të vendos Aktin e Kryengritjes të cilin shumë presidentë e kanë bërë para meje, dhe do t’i jap shpejt fund absurditetit që po ndodh në atë shtet dikur të madh”, tha Trump.
“Faleminderit për vëmendjen tuaj ndaj kësaj çështjeje”, shtoi ai.
Akti i Kryengritjes – i miratuar për herë të parë në vitin 1792 dhe i ndryshuar në vitin 1871 – lejon vendosjen e trupave brenda SHBA-së në situata të caktuara.
Ligji funksionon në përputhje me Aktin Posse Comitatus, të miratuar në vitin 1878, i cili në përgjithësi ndalon përdorimin e ushtrisë brenda SHBA-së.
Trump më parë kërcënoi të aktivizonte Aktin e Kryengritjes dhe të dërgonte trupa amerikane në përgjigje të protestave kundër ICE në Portland vjeshtën e kaluar.
Herën e fundit që një president e përdori ligjin ishte në vitin 1992, kur guvernatori i Kalifornisë i kërkoi presidentit George HW Bush ndihmë në menaxhimin e trazirave në Los Angeles.
Pavarësisht kufizimeve të reja, mjeti i AI-së i Elon Musk, Grok, po përballet me kritika të ashpra në mbarë botën për krijimin e imazheve seksuale të rreme (deepfakes).
Zemërimi ndërkombëtar vazhdoi edhe këtë të enjte, ndonëse platforma X (ish-Twitter) deklaroi se do të bllokojë mundësinë që roboti i tyre të “zhveshë” njerëzit në foto. Ky skandal ka bërë që disa shtete të marrin masa drastike.
Filipinet janë bërë shteti i tretë që ndalon përdorimin e këtij mjeti, duke ndjekur shembullin e Malajzisë dhe Indonezisë. Ndërkohë, Britania e Madhe dhe Franca po rrisin presionin ndaj kompanisë pasi sistemi prodhoi një lumë fotosh të turpshme të grave dhe fëmijëve.
Të mërkurën, X njoftoi se do të bllokojë teknikisht mundësinë që përdoruesit të krijojnë imazhe të njerëzve me bikini, të brendshme dhe veshje të ngjashme provokuese.
Ky bllokim do të zbatohet në vendet ku veprime të tilla janë të paligjshme. Megjithatë, kritikët thonë se kjo nuk mjafton dhe akuzojnë Musk se po përpiqet të fitojë para nga problemi, pasi fillimisht kufizoi këto opsione vetëm për ata që paguajnë abonimin.
Kryeministri Keir Starmer kërkoi që X të zbatojë ligjin menjëherë, duke paralajmëruar forcimin e rregullave nëse është nevoja. Ndërsa në Francë, ministrja e Digjitalizimit, Anne Le Henanff, tha se “asnjë platformë nuk është mbi ligjin”.
Në Kaliforni, prokurori i përgjithshëm ka nisur një hetim zyrtar ndaj kompanisë xAI (krijuesja e Grok) për materialet seksuale eksplicite.
Presioni u rrit veçanërisht për shkak të funksionit “Spicy Mode”, i cili i lejonte përdoruesit të krijonin deepfakes nudo me komanda të thjeshta si: “hiqja rrobat”.
Përveç shteteve, edhe 28 grupe të shoqërisë civile i kanë kërkuar Apple dhe Google që ta heqin aplikacionin X dhe mjetin Grok nga dyqanet e tyre të aplikacioneve (App Store dhe Play Store) për shkak të përhapjes së këtyre imazheve abuzive.
Një moment i fuqishëm emocional u shënua sot gjatë transmetimit të lajmeve në RTK, kur prezantuesja Vlora Fetoshi nuk arriti të mbante lotët ndërsa raportonte për hapjen e Muzeut të Masakrës në Krushë të Madhe të Rahovecit.
Krusha e Madhe mbetet një nga vendet më të prekura nga masakrat e luftës së Kosovës, ku Fetoshi ka humbur babain e saj në atë tragjedi.
Gjatë lajmit live, emocionet e saj dolën në sipërfaqe, duke treguar dhimbjen e thellë personale, por edhe rëndësinë historike të ngjarjes, e cila shënoi një moment përkujtimor për viktimat e masakrës.
Presidenti i Francës, Emmanuel Macron, tha të enjten se vendi i tij tani është duke ia ofruar dy të tretat e të dhënave të inteligjencës Ukrainës, duke i zëvendësuar në masë të madhe Shtetet e Bashkuara, të cilat deri vitin e kaluar e ofronin pjesën më të madhe të këtij shërbimi.
Në marsin e vitit të kaluar, Uashingtoni mori vendim për ta pezulluar shpërndarjen e të dhënave të inteligjencës me Ukrainën si pjesë e përpjekjeve për t’ia shtuar presionin presidentit ukrainas, Volodymyr Zelensky, për të bashkëpunuar me homologun amerikan, Donald Trump, në planin e tij për organizimin e bisedimeve të paqes me Rusinë, raporton agjencia e lajmeve “Reuters”.
Në një fjalim për vitin e ri para ushtrisë franceze, Macroni i çmoi përpjekjet e Evropës gjatë dy viteve të fundit në lidhje me mbështetjen me armë për Ukrainën.
Ai tha se një koalicion prej rreth 35 shtetesh tani është duke e ofruar tërë përkrahjen, përfshirë atë financiare, për Ukrainën, pasi Uashingtoni kishte vendosur që të mos i financonte më ose t’i jepte drejtpërdrejt armë Ukrainës.
“Ku Ukraina ishte tepër e varur nga kapaciteti i inteligjencës amerikane, shumica e madhe [e saj] një vit më parë, brenda një viti, dy të tretat tani ofrohen nga Franca” – tha Macroni.
Komentet e tij bien ndesh, megjithatë, me vlerësimin e Kyyrlo Budanovit, i cili është emëruar shef i zyrës së presidentit Volodymyr Zelensky dhe dikur shërbente si shef i inteligjencës ushtarake të Ukrainës.
Ai në dhjetor tha se Ukraina ishte e varur në mënyrë kritike nga Uashingtoni sa u përket të dhënave të inteligjencës, duke filluar nga pamjet satelitore deri te sistemet për paralajmërim të hershëm pas hedhjes së raketave balistike.
Danimarka po vendos trupa ushtarake të përhershme në Groenlandë. Prania ushtarake vjen nga pesë aleatët e NATO-s që i bashkohen një force shumëkombëshe, ndërsa bisedimet me administratën Trump përfunduan në “mosmarrëveshje”.
Franca, Gjermania, Suedia, Norvegjia dhe Mbretëria e Bashkuar kanë dërguar personel për të mbështetur Operacionin “Arctic Endurance”, një ushtrim i udhëhequr nga Danimarka që vlerëson logjistikën, terrenin dhe kontributet ushtarake të nevojshme për përforcim më të fortë në Arktik.
Ky zhvillim vjen në kohën kur Presidenti Donald Trump ka përsëritur kërkesat për kontroll amerikan mbi Groenlandën, teksa ai nuk ka përjashtuar përdorimin e presioneve ekonomike apo edhe forcës ushtarake për ta arritur këtë.
Ndërkaq, ministri i Jashtëm danez Lars Løkke Rasmussen u takua më 14 janar me zëvendëspresidentin JD Vance dhe sekretarin e Shtetit Marco Rubio.
Ai tha se është “e qartë se presidenti ka këtë dëshirë për të pushtuar Groenlandën”.
Rasmussen refuzoi kategorikisht si marrjen ushtarake ashtu edhe blerjen e ishullit: “Ide të tilla që nuk respektojnë integritetin territorial të Mbretërisë së Danimarkës dhe të drejtën e vetëvendosjes së popullit groenlandez janë krejtësisht të papranueshme”.
Nga ana e saj, ministrja e Jashtme e Groenlandës Vivian Motzfeldt ishte po aq e drejtpërdrejtë: “Groenlanda nuk dëshiron të zotërohet, të qeveriset apo të bëhet pjesë e Shteteve të Bashkuara. Ne zgjedhim Gronlandën që njohim sot – si pjesë e Mbretërisë së Danimarkës.”
Policia e Kosovës ka ekstraduar shtetasin kosovar nga Anglia për në Kosovë, i cili kërkohej me urdhërarrest ndërkombëtar.
Sipas njoftimit të Policisë, i dyshuari ishte arrestuar nga autoritetet angleze pasi i njëjti kërkohej me urdhërarrest ndërkombëtar, të lëshuar nga institucionet e drejtësisë së Kosovës për veprat penale “Vrasje në tentativë dhe shkaktim i rrezikut të përgjithshëm”.
“Ekstradimi u realizua falë bashkëpunimit ndërmjet institucioneve të Republikës së Kosovës dhe atyre angleze, dhe pas ekstradimit i dyshuari u është dorëzuar njësiteve përkatëse policore për vazhdim me procedurat tjera ligjore”, thuhet në njoftim.
Policia po ashtu ka bërë të ditur se do të vazhdojë “me shkëmbimin e informacioneve me institucionet vendore, shtetet dhe organizatat ndërkombëtare, me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitete tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit”.
Dy persona janë arrestuar në rajonin e Gjilanit, nën dyshimet për keqpërdorim të pozitës apo autoritetit zyrtar, pasi dyshohet se për një periudhë të gjatë kohore janë lejuar pagesa pa bazë ligjore nga buxheti i Republikës së Kosovës.
Burime të besueshme bëjnë të ditur se të arrestuarit janë: Stefan Stojanoviç (bibliotekist) dhe Jugoslav Stankoviç (drejtor shkolle)
Sipas të dhënave hetimore, Stefan Stojanoviç, i punësuar si bibliotekist në shkollën fillore “Miladin Popovic” në fshatin Bostan – Novobërdë, dyshohet se nga viti 2023 deri në tetor të vitit 2025 nuk është paraqitur fare në vendin e punës, por ka vazhduar të përfitojë paga mujore.
Ndërkohë, drejtori i shkollës, Jugoslav Stankoviç, dyshohet se nuk e ka raportuar mungesën e punëtorit pranë autoriteteve kompetente, duke mundësuar vazhdimin e pagesave pa bazë ligjore.
Sipas burimeve, nga kjo skemë dyshohet se është shkaktuar dëm financiar në vlerë 19,067.69 euro.
Të dyshuarit janë intervistuar në prani të avokatëve mbrojtës, ndërsa me vendim të Prokurorit të Shtetit janë ndaluar për 48 orë.
Hetimet lidhur me rastin janë në vazhdim.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Një person ka humbur jetën si pasojë e një aksidenti trafiku që ka ndodhur mbrëmjen e sotme në rrugën Komoran–Carralevë.
Lajmin e ka konfirmuar për Sinjalin zëdhënësja e Policisë për rajonin e Prishtinës, Flora Ahmeti, e cila bëri të ditur se rreth orës 19:30 është pranuar informata për një aksident trafiku me pasoja fatale, në të cilin kanë qenë të përfshira dy automjete.
Si pasojë e aksidentit, janë lënduar gjithsej pesë persona, njëri prej të cilëve nuk ka arritur t’u mbijetojë plagëve të marra. Vdekja e viktimës, mashkull, është konstatuar nga ekipi mjekësor në Shtëpinë e Shëndetit në Komoran.
Ndërkohë, personat e tjerë të lënduar janë dërguar për tretman mjekësor në Qendrën Klinike Universitare të Kosovës (QKUK).
Me rastin po merret njësiti rajonal i trafikut, ndërsa hetimet për shkaqet e aksidentit janë në vazhdim.
Nënkryetari i Lidhjes Demokratike të Kosovës, Lutfi Haziri, ka folur për procesin e zgjedhjes së presidentit të ri të vendit, pas zgjedhjeve parlamentare të 28 dhjetorit, duke theksuar se qëndrimi aktual i LDK-së është që posti i presidentit të mbulohet nga një emër i pranueshëm për të gjitha partitë politike.
Haziri theksoi se, ndonëse Lëvizja Vetëvendosje ka shënuar fitore historike në zgjedhje dhe ka siguruar shumicën për formimin e institucioneve të reja, çështja e presidentit mbetet ende e hapur dhe kërkon konsensus politik.
Ai rikujtoi se herën e kaluar deputetët e LDK-së e kishin votuar për presidente, Vjosa Osmanin për hir të stabilitetit politik. Sipas tij, këtë herë situata është ndryshe dhe vendimi nuk do të merret në të njëjtën mënyrë.
“Për momentin qëndrimi i jonë është se duhet një emër i pranueshëm për të gjithë. Që ushtron detyrën e presidentit/tes. Ky është qëndrimi zyrtar që e kemi… realisht deputetët e LDK-në herën e kaluarën e kanë dhënë votën për stabilitet politik dhe pa inati. Dhimbja ka qenë e madhe por e kanë dhënë. Kësaj herë do ta vlerësojnë krejt ndryshe votën për president”, ka thënë Haziri.
Albacete ishte të mërkurën mbrëma në vëmendjen e të gjithëve, kur arriti ta eliminojë Real Madridin në 1/8 e finales në kuadër të Kupës së Mbretit.
Skuadra që garon në divizionin e dytë fitoi me rezultat 3-2, duke e shënuar golin e fitores në minutën e fundit përmes Betancor (90+5’).
Sidoqoftë, ajo që e ka bërë edhe me të çmendur këtë fitore është fakti që vendasit kishin pushuar shtatë nga lojtarët e formacionit të parë sepse nuk besonin se mund ta eliminonin 15 herë kampionin e Evropës.
Albacete i kishte larguar nga formacioni lojtarët si Marino, Vallejo e Gomez, të cilët janë të padiskutueshëm në 11-she pasi iu janë dashur për divizionin e dytë, ku po luftojnë për mbijetesë.
Fitorja e Albacete vlerësohet si më e madhja në historinë e klubit, e më e bukura tani që llogaritet se ka qenë ekipi “B”. Përndryshe, skuadra e divizionit të dytë një xhiro më parë kishte eliminuar Celta Vigon.
Ndërkohë, Real Madridi vazhdon krizën e madhe pavarësisht ardhjes së Arbeloas në krye. “Los Blancos” tashmë kanë nisur punën për një trajner të ri, i cili do ta marrë drejtimin e klubit madrilen në verë./Telegrafi/
Pyetjet nga publiku për Alba Pollozhanin kanë qenë të shumta dhe për raportin e saj me Lim Hotin e Dolcen.
"A mendon që Dolce ta bën për inat ndaj teje këtë me Limin", ka qenë një tjetër pyetje që iu bë.
"Nuk e di pse publiku e ka parë në mënyrë të tillë. Unë kam diçka me Dolcen, ia kam shprehur Dolces mbaje këtë si moment. Por vetëm me raportin Alba Dolce", u shpreh ajo.
Foto: YouTube
Mes tjerash bëri një paralajmërim me Dolcen, por duke lënë jashtë Limin.
"E di që duket në publik se mund të jem xheloze ndaj Dolces. Është realisht diçka Alba - Dolce".
"Unë vetëm e di që i them Dolces le të jetë e përgatitur në lidhje me këtë gjë dhe po e shoh që njerëzit tërhiqen përfshirë edhe Dolcen. Nuk merret me atë nëse po ma bën për inat", theksoi mes të tjerash.
Dolce tani ka nisur një histori dashurie me ish-partnerin e Albës, Limin. /Telegrafi/
Udhëheqësja e opozitës së Venezuelës, Maria Corina Machado, u tha gazetarëve jashtë Kapitolit të SHBA-së se ia dorëzoi Donald Trumpit medaljen e saj të Çmimit Nobel për Paqen.
Kishte pasur spekulime nëse ajo do t’ia jepte çmimin presidentit të SHBA-së gjatë takimit të tyre në Shtëpinë e Bardhë.
Por ajo tha se kjo u bë në "njohje të angazhimit të tij unik ndaj lirisë", shkruan skynews.
Nuk është e qartë nëse Trump e ka pranuar medaljen.
Si kujtesë, Machado fitoi Çmimin Nobel për Paqen për vitin 2025 - një nder që vetë Trump e dëshironte qartë - për përpjekjet e saj në fushatën kundër regjimit shtypës të Nicolas Maduros në Venezuelë.
SHBA arrestoi Maduron për ta nxjerrë në gjyq për vepra penale të lidhura me drogën, në një bastisje të guximshme, në fillim të këtij muaji. /Telegrafi/
Kryesia e Aleancës për Shqiptarët së Arben Taravarit ka vendosur njëzëri të japë dorëheqje kolektive në prag të Kuvendit dhe Kongresit partiak.
"Në mbledhjen e fundit të Kryesisë së Partisë, pas një debati konstruktiv dhe demokratik, Kryesia e Aleancës për Shqiptarët vendosi njëzëri të japë dorëheqje kolektive në prag të Kuvendit dhe Kongresit partiak.
Ky vendim u mor me bindjen se partia ka nevojë për freski organizative, përfshirje të kuadrove të reja dhe reforma të thella e gjithëpërfshirëse, të cilat do ta forcojnë më tej profilin politik dhe funksionimin e brendshëm të Aleancës për Shqiptarët, si dhe si reflektim mbi rezultatin zgjedhor të zgjedhjeve lokale.
Drejtimin e partisë, deri në mbajtjen e Kuvendit dhe Kongresit partiak, do ta ushtrojë kryetari i Aleancës për Shqiptarët, z. Arben Taravari, ndërsa Kuvendi i Partisë do t’i konstatojë zyrtarisht dorëheqjet.
Sipas afateve statutare, Kuvendi i Partisë do të mbahet në mesin e muajit shkurt, ndërsa Kongresi i Partisë pritet të mbahet më së voni deri në vjeshtën e këtij viti.
Aleanca për Shqiptarët mbetet e përkushtuar ndaj parimeve të demokracisë së brendshme, reformimit të vazhdueshëm dhe përfaqësimit dinjitoz të interesave të shqiptarëve", thonë nga ASH.
AC Milan ka shënuar fitore të rëndësishme në udhëtim ndaj Comos, duke përmbysur rezultatin dhe triumfuar me shifrat 1-3, në një ndeshje ku Adrien Rabiot ishte figura kryesore.
Vendasit kaluan të parët në epërsi në minutën e 10-të, kur Marc Oliver Kempf u shkëput më lart se mbrojtja pas një goditjeje nga këndi dhe me kokë realizoi për 1-0.
Como vazhdoi të rrezikojë, por në minutën e 41-të Mike Maignan shpëtoi Milanin me një pritje vendimtare ndaj një goditjeje nga afërsia të Lucas Da Cunha.
Momenti kyç i pjesës së parë erdhi në minutën e 44-të, kur Kempf shkaktoi penallti. Christopher Nkunku u tregua i saktë nga pika e bardhë në minutën 45+1, duke barazuar rezultatin në 1-1.
Në pjesën e dytë, Milani mori kontrollin e lojës dhe në minutën e 55-të përmbysi rezultatin. Adrien Rabiot përfitoi nga një top i mbetur në zonë dhe me një goditje të saktë realizoi për 1-2.
Francezi e vulosi fitoren në minutën e 88-të me një supergol nga distanca, duke e dërguar topin në këndin e poshtëm të portës për rezultatin përfundimtar 1-3.
Milani me këtë fitore zë pozitën e dytë me 43 pikë, derisa Como zë vendin e gjashtë me 34 sosh./Telegrafi
Shtëpia e Bardhë thotë se Irani do të përballet me "pasoja të rënda" nëse vrasjet e regjimit vazhdojnë.
"Presidenti dhe ekipi i tij i kanë komunikuar regjimit iranian se nëse vrasjet vazhdojnë, do të ketë pasoja të rënda", tha sekretarja e shtypit Karoline Leavitt.
Ajo tha se Donald Trumpit iu tha nga Irani se "vrasjet dhe ekzekutimet do të ndalen".
Leavitt shtoi se 800 ekzekutime iraniane të planifikuara të zhvilloheshin dje u ndaluan, shkruan skynews.
Ajo u pyet nga një gazetar rreth një transmetimi të dukshëm të televizionit shtetëror iranian, i cili paraqet një kërcënim të nënkuptuar ndaj Trumpit.
Gazetari e kishte fjalën për një imazh të atentatit të dështuar ndaj Trumpit në Pensilvani i cili u shoqërua me mesazhin "këtë herë nuk do të shkojë keq".
“Të jem e sinqertë me ty, nuk e kam parë këtë”, u përgjigj Leavitt.
"Do ta shqyrtojmë dhe do ta lëmë presidentin dhe ekipin e tij të sigurisë kombëtare ta shqyrtojnë atë pamje", shtoi ajo. /Telegrafi/
Pas zgjedhjeve të 28 dhjetorit në Kosovë, ku Lëvizja Vetëvendosje (LVV) e Albin Kurtit arriti rezultatin më të mirë në historinë e saj me 51 për qind të votave.
Zgjedhjet i dhanë LVV-së shumicën për formimin e Qeverisë, ndërsa presidenti mbetet ende një pikëpyetje.
Në këtë kontekst, avokati Shkëlzen Sopjani komentoi në FIVE të TV Dukagjinit mbi rëndësinë e veprimeve të partive opozitare, Lidhjes Demokratike të Kosovës (LDK) dhe Partisë Demokratike të Kosovës (PDK).
Sipas Sopjanit, LDK-ja mund të fitojë kohë dhe të rifitojë ndikim vetëm përmes bashkëpunimit me Kurtin, i cili ka “dy karta shumë të forta” në zgjedhjen e presidentit.
Ai theksoi se, nëse Kurti mbështet Vjosa Osmanin si kandidate për presidente, kjo mund ta vendosë LDK-në në një pozicion delikat, ndërsa PDK-në nëse mbështetet një kandidat tjetër.“Shpëtimi i LDK-së është një proces më i ngadaltë, më i mirë menduar. Prej bazës e lart. Në këtë proces LDK-në i vyen me ble kohë. Mundësia e vetme e LDK-së me fitu atë kohë, është të bashkëpunojnë me Kurtin. Sepse të zgjedhja e presidentit Albin Kurtit i ka dy karta shumë të forta".
"Nëse shkon me Vjosa Osmanin, që së paku ende nuk ka indicie të qarta që do të shkoj me Osmanin si kandidate për presidente… përkundra janë disa lëvizje që lënë të kuptohet që mund të jetë dikush tjetër. Nëse shkon me një kandidat tjetër mund ta vendos në pozitë të jashtëzakonisht të keqe PDK-në dhe ta dëmtoj PDK-në. Nëse PDK-ja nuk e voton kandidatin në fjalë. Apo nëse shkon me Vjosa Osmanin prapë e vendos në pozitë shumë të keqe LDK-në. Pra Kurti e ka ‘win win’. Duhet të jenë shumë të kujdesshme se si do t’i qasen zgjedhjes së presidentit. Sepse me një kandidat apo tjetër i vendos në pozitë të pa lakmueshme qoftë PDK-së, qoftë LDK-në dhe ajo u kushton me elektorat”, ka thënë Sopjani.
Luis Enrique shpreson që eliminimi i hershëm dhe befasues i Paris Saint-Germain nga Kupa e Francës të shërbejë si motivim për skuadrën e tij në vazhdim të sezonit.
Jonathan Ikone shënoi golin e vetëm të ndeshjes, teksa Paris FC triumfoi 1-0 në “Parkun e Princave”, duke bërë që PSG të eliminohej para fazës së 1/8 së finales vetëm për herë të dytë në 20 vitet e fundit.
Para përballjes me skuadrën që mban vendin e katërt, Luis Enrique u bëri thirrje lojtarëve të tij që të japin një reagim të fortë, për të rikonfirmuar ambicien për të konkurruar në të gjitha frontet këtë sezon.
“Pas një humbjeje, të gjithë duan të rikthehen menjëherë. Ne e analizuam ndeshjen”.
“E dimë se bëmë gjithçka për të fituar kundër Paris FC, por ndonjëherë përballesh me një portier që ndalon gjithçka. Kështu është futbolli, por duhet të vazhdosh përpara”.
“Të premten luajmë kundër një prej skuadrave më të mira të kampionatit dhe është detyra jonë t’i japim ndeshjes të gjithë përbërësit e nevojshëm”.
“Është e rëndësishme të dimë se e merituam fitoren. Qartë. E humbëm ndeshjen, e pranojmë rezultatin dhe i uruam Paris FC fat për vazhdimin e kompeticionit”.
“Por shpresoj që kjo të na shërbejë si motivim për të dhënë edhe më shumë në kampionat dhe në Ligën e Kampionëve”.
Lille, megjithatë, do të jetë një provë shumë e fortë për PSG-në. Skuadra e drejtuar nga Bruno Genesio ka fituar shtatë nga dhjetë ndeshjet e fundit në Ligue 1 dhe synon rikthimin në Ligën e Kampionëve.
Takimi i fundit mes dy ekipeve në kampionat u zhvillua në tetor, kur Ethan Mbappe, vëllai i ish-yllit të PSG-së, Kylian Mbappe, shënoi golin e barazimit në minutën e 85-të për rezultatin 1-1.
“Kur e analizuam Lille, pamë se ata bëjnë shumë gjëra mirë, si me topin ashtu edhe pa të. Ka shumë cilësi në ekipin e tyre”.
“Do të luajmë në shtëpi dhe do të jetë një test i mirë për të parë se si do të reagojmë pas humbjes. Shpresojmë të bëjmë një paraqitje të mirë”.
“Po luajmë kundër një skuadre të madhe pas një humbjeje dhe e dimë që do të jetë një ndeshje e vështirë, gjithmonë ka qenë e tillë sa herë jemi përballur me ta”.
“Duam të fitojmë për të vazhduar përpara në kampionat”./Telegrafi
Ka nisur 'Darka e të Nominuarve' në Big Brother VIP Kosova 4 mes banorëve të nominuar.
Një pyetje që iu drejtua Alba Pollozhanit ka të bëj me Lim Hotin dhe raportin që ka krijuar me Dolcen.
"A mendoni që Limi është duke bërë me Dolcen, nëse po thuaje arsyen pse", ka qenë pyetja që iu bë.
Foto: YouTube
"Është pyetje interesante se edhe unë e kam pasur në kokë, nuk më takon mua të komentoj. Unë vetëm di të them diçka, në rast se është diçka për të qenë për t'u bërë, unë atyre të dyve iu uroj vetëm shumë fat, shëndet edhe Limit i uroj vetëm lumturi", u shpreh ajo.
Tutje tha: "Nuk mund të përzihem në këtë lloj pike. Nëse është lojë ka për t'u dëshmuar me kalimin e momenteve. Unë opinionet e mia i kam dhënë. Çfarë më takon mua kthehet sërish te unë".
Mes tjerash shtoi: "Unë nuk e mohoj ndjesinë time, ndihem e shkatërruar totalisht, nuk është e lehtë t'i shoh ata dy bashkë në shtëpi se në rast se të isha jashtë nuk do t'iu rrija para syve".
Sidoqoftë, mbetet për t'u parë në vijim se si do të vazhdoj historia. /Telegrafi/
Login
