Policia e Shtetit njoftoi se ka arrestuar një shtetas dhe ka proceduar në gjendje të lirë dy të tjerë, të cilët krijonin profile të rreme në rrjete sociale në emër të Bankës Kombëtare Tregtare, për të mashtruar qytetarët. “Shtetasi O.Gj kishte krijuar profil të rremë në rrjete sociale duke përdorur emrin dhe logon e Bankës […]

The post Policia identifikon skemën e mashtrimit kompjuterik me kreditë e rreme appeared first on Reporter.al.

Një person ka rënë në prangat e policisë së Tiranës, ndërsa dy të tjerë janë proceduar penalisht, pasi akuzohen se mashtronin qytetarët përmes rrjeteve sociale, duke përdorur emrin dhe logon e “Bankës Kombëtare Tregtare”. Në kuadër të operacionit u bë i mundur identifikimi dhe arrestimi i shtetasit Orlando Gjoka 21 vjeç, banues në Laç, si dhe u […]

The post Mashtronin me kredi fiktive qytetarët, arrestohet 21-vjeçari në Tiranë, procedohen dy të tjerë (Emri) appeared first on BoldNews.al.

Fiks Fare vijoi të denoncojë veprimet e çiftit Elton dhe Alejda Dumani, të cilët pasi mashtruan disa persona se do t’i pajisnin me viza dhe kontrata pune në vendet europiane, kanë mashtruar edhe disa persona të tjerë, duke i marrë në punë në një mobileri, pa u dhënë asnjë pagë. Në redaksinë e emisionit “Fiks […]

The post “Kam kushëri Nuredin Dumanin”/ Si i mashtronte dhe kërcënonte mobileri “Luna” punonjësit në Farkë appeared first on BoldNews.al.

Pretendimi: Neptun po shpërndan sete luksoze dhuratash falas

Verdikti: E pavërtetë, Skemë mashtrimi

———————————————————————–

Një postim nga një llogari e quajtur “Neptun Al” njofton se “Neptun po shpërndan sete luksoze dhuratash PLOTËSISHT FALAS!” 

Postimi shpjegon se “me rastin e ardhjes së parë të markës Smeg në Shqipëri, Neptun dhuron për të gjithë një set fantastik me çajnik dhe tostierë Smeg” duke i ftuar përdoruesit të klikojnë një lidhje ku do t’u përgjigjen disa pyetjeve për të marrë dhuratat.

Megjithatë, me të klikuar ridrejtohemi në një faqe e cila identifikohet nga databaza e anti-virusit Avast si një dyqan i rremë online: një skemë e krijuar për të vjedhur të dhënat personale apo fjalëkalime.

Kjo faqe është bllokuar. Adplumbingheatingandelectrical mund të jetë një dyqan i rremë online. Hakerat krijojnë dyqane të rrme online për t’u përngjarë dyqaneve të vërteta, në mënyrë që të përpiqen t’u vjedhin të dhënat personale ose para.

Ndërkaq, vetë kompania Neptun Albania, në faqen e saj zyrtare në Facebook, ka përgënjeshtruar një tjetër postim të faqes së rreme, duke rikujtuar përdoruesit se “ofertat dhe komunikimet zyrtare vijnë vetëm nga kanalet zyrtare.”

Lexuesit duhet të bëjnë kujdes nga oferta të tilla në rrjetet sociale, ku skema mashtrimi përdorin identitetin dhe emrat e kompanive të njohura për përfitime të ndryshme. 

“Faktoje” ka identifikuar një numër skemash të tjera mashtrimi që qarkullojnë herë pas here në rrjete sociale.

The post Skemë mashtrimi çajniku dhe tostiera dhuratë nga Neptun appeared first on Faktoje.al.

Pretendimi: Murgjit shqiptarë kanë zbuluar një recetë që shëron diabetin

Verdikti: E pavërtetë, Skemë mashtrimi

———————————————————–

Mjekimet për sëmundje të ndryshme që qarkullojnë si këshilla mjekësore në mediat online duhet të merren gjithmonë me rezerva. “Faktoje” verifikoi një tjetër artikull që sugjeron një bar për kurimin e diabetit, me histori dhe fotografi të rreme.

Artikulli në një faqe, që është dizenjuar për t’u dukur si një media e mirëfilltë online, pretendon se “murgjit shqiptarë shërojnë diabetin në 30 ditë” dhe “receta e tyre sekrete më në fund është zbuluar.”

Në brendësi të ‘artikullit’, të gjitha rrugët të çojnë tek një produkt, të cilin mund ta blejë dhe vetë lexuesi për vetëm 9750 lekë, ose 3900 lekë me ulje.

Sipas artikullit, “At Gjoni, abati i manastirit [të Ardenicës] për më shumë se 40 vjet, për herë të parë pranoi të fliste publikisht për recetën e lashtë, të mbajtur sekret nga breza të tërë murgjish.”

Megjithatë, nga një kërkim në rrjet nuk rezulton që “At Gjoni, abati i manastirit të Ardenicës” të ekzistojë.

Njësoj, nëse përdorim motorin e kërkimit pamor Google Lens për të gjetur ‘fotot’ e murgut të përdorura në artikull, ato nuk rezultojnë të jenë botuar ndokund tjetër në rrjet. Kjo, bashkë me elemente karakteristike si sfumimi i elementëve në sfond dhe ndriçimi i panatyrshëm, na bën të mendojmë se me gjasa këto imazhe janë gjeneruar me programe të inteligjencës artificiale (AI).

Vlen të përmendet se, paçka bartësve të lajmeve të mira që kanë diçka për të shitur, konsensusi mjekësor është se, deri tani, nuk ka një kurë për shërimin e diabetit tip 2, por vetëm mënyra për ta menaxhuar atë.

Diabeti mellitus (DM) një sëmundje kronike, e cila shfaqet kur pankreasi nuk prodhon aspak ose prodhon një sasi të pamjaftueshme insuline, karakterizohet nga hiperglicemia (rritja e sheqerit në gjak), si rezultat i sasisë së pamjaftueshme ose absolute të insulinës (një ndër hormoneve kryesore që prodhon pankreasi). Vlerat normale të sheqerit në gjak janë nga 70-110 mg/dl. Për një person me diabet, vlerat e sheqerit 2 orë pas buke, duhet të jetë > 140 mg/dl. Diabeti është një sëmundje që prek një numër të madh personash në të gjithë botën.

Studimet e kryera së fundmi tregojnë se nuk ka një kurë për diabetin deri më tani, por vetëm trajtime për ta mbajtur nën kontroll. Shkencëtarët po ndërmarrin hapa për të ndërtuar një të ardhme ku diabeti nuk do të shkaktojë asnjë dëm.

Terapitë dhe stili i jetesës mund të ndikojë në reduktimin e efekteve të diabetit te njeriu. Aktualisht nuk ekziston një kurë për diabetin, por sëmundja mund të shkojë në remision. Kur diabeti kalon në remision, kjo do të thotë se trupi nuk shfaq asnjë shenjë diabeti, megjithëse sëmundja teknikisht është ende e pranishme.

Faktoje ka verifikuar një sërë këshillash dhe kurash të rreme që kanë qarkulluar online për të kuruar diabetin.

Përdorimi i mediave online për të shitur produkte të caktuara për shëndetin është kthyer në një shqetësim serioz. Në një sërë artikujsh, Faktoje ka treguar se si portalet po përpiqen të mashtrojnë qytetarët, duke përdorur mjekë të rremë, me qëllim që t’i bëjnë sa më të besueshme për lexuesit produktet e tyre.

The post Murgjit e rremë shqiptarë nuk zbuluan shërimin nga diabeti appeared first on Faktoje.al.

Pretendimi: Dermatologia Arta Dervishi prezonton shpikjen e saj që do të ndalojë rrudhat për 14 ditë.

Verdikti: E pavërtetë, Skemë mashtrimi

—————————————————

Një faqe interneti e dizenjuar për të ngjarë si një portal i mirëfilltë lajmesh mbi shëndetin jep lajmin e mirë se një dermatologe e quajtur Arta Dervishi, ka shpikur “një metodë natyrale 14-ditore për rinimin radikal të lëkurës.”

Megjithatë, çfarëdo që të klikosh në këtë faqe, do të të dërgojë tek produkti i reklamuar nga artikulli. Kjo pjesë e dizenjos së faqes tregon se ajo shënjestron sidomos përdoruesit që nuk janë shumë familjarë me teknologjinë.

Me anë të motorrit të kërkimit pamor Google Lens, Faktoje gjeti se foto e pretenduar e Arta Dervishit në fakt tregon një mjeke dermatologe serbe të quajtur Svetlana Durisic.

Më tej, disa nga fotot e pretenduara që dëshmojnë ndryshimin para dhe pas përdorimit janë foto stok të marra nga interneti.

Një prej tyre është marrë nga interneti dhe më pas modifikuar shkel e shko për të eleminuar pamjen e rrudhave!

Foto e modifikuar (majtas) dhe origjinale (djathtas)

Përdorimi i mediave online për të shitur produkte të caktuara për shëndetin është kthyer në një shqetësim serioz. Në një sërë artikujsh, Faktoje ka treguar se si profile online po përpiqen të mashtrojnë qytetarët, duke përdorur mjekë të rremë, me qëllim që ta bëjnë sa më të besueshëm për lexuesit produktin që shesin.

The post Mjekë të rremë për trajtimin që largon rrudhat në 14 ditë appeared first on Faktoje.al.

E gjitha filloi me një kërkim të thjeshtë në Google me fjalët: “mundësi investimi”. Një pasdite të zakonshme qershori në vitin 2019, Carina Christine Breunig dhe bashkëshorti i saj, Christoph regjistruan të dhënat e tyre në një platformë online investimesh të quajtur Globalix. Brenda pak minutash ra telefoni. Në linjë ishte një burrë me zë […]

The post Si u kthye Shqipëria në një qendër të industrisë globale të mashtrimit appeared first on Reporter.al.

Pretendimi: Kjo faqe në Facebook është faqja zyrtare e Komisionit Europian

Verdikti: E pavërtetë

————————————————————

Një postim në Facebook nga faqja Podpora Komisije (përkthyer nga sllovenishtja: “Mbështetja e Komisionit”) pretendon se ajo është faqja e Komisionit Europian dhe nxit përdoruesit ta ndjekin atë “për më shumë informacion mbi pagesat dhe ndihmën.”

Ky pretendim është qartësisht i pavërtetë, dhe me gjasa pjesë e ndonjë skeme mashtrimi online që synon marrjen e të dhënave personale ose përfitim financiar nga persona që mendojnë se do të marrin njëfarë pagese apo ndihme nga Komisioni Europian.

Një tregues i zakonshëm i faqeve mashtruese është numri i ndjekësve dhe vjetërsia e faqes. Faqja në fjalë ka vetëm 33 ndjekës në kohën e shkrimit të këtij artikulli, dhe është krijuar një ditë më parë, më 16 shtator 2025.

Faqja zyrtare në Facebook e Komisionit Europian ka 1.5 milionë ndjekës dhe është krijuar 15 vite më parë, në vitin 2010.

Ajo mund të aksesohet nga faqja zyrtare e internetit e Komisionit Europian.

Njësoj, faqja zyrtare e Komisionit Europian në Slloveni ka 23 mijë ndjekës dhe është krijuar në vitin 2010.

Ajo, gjithashtu, mund të aksesohet nga faqja zyrtare e internetit e Komisionit Europian në Slloveni.

The post Kujdes nga faqja mashtruese e Komisionit Europian appeared first on Faktoje.al.

Pretendimi: Mediat gjermane kanë zbuluar një dokument sekret qeveritar që përshkruan një sistem investimi për të rritur fitimet e qytetarëve

Verdikti: E pavërtetë

——————————————————-

Një artikull i botuar më 3 shtator në portalin Patriotik Media pretendon se mediat gjermane kanë zbuluar një dokument të fshehtë “që mund të kishte ndryshuar fatin e gjermanëve” me anë të një “një sistemi ekonomik të quajtur Zindravonix, i cili mund të gjeneronte të ardhura shtesë për qytetarët pa banka, pa subvencione dhe pa rrezik.”

Artikulli pretendon se “në një intervistë dramatike në televizionin gjerman, gazetarja Maybrit Illner sfidoi kryetarin e CDU-së, Friedrich Merz, duke nxjerrë në ekran një dokument sekret qeveritar” që “tregon qartë se Zindravonix mund të siguronte të ardhura mujore nga 800 deri në 2,500 euro për qytetar, pa ndërmjetës dhe pa rrezik.”

Artikulli përmbyllet duke përshkruar mbajtjen sekret të këtij sistemi si ruajtja e privilegjeve të pakicës “duke i lënë shumicën në varfëri dhe pasiguri ekonomike,” një përshkrim që garanton ngjalljen e revoltës dhe zemërimit tek lexuesi.

Në të vërtetë artikulli i mësipërm, i cili prezantohet si lajm, në fakt është një reklamë e fshehtë dhe e ndërlikuar për platformën Zindravonix, e gjitha për të bindur lexuesit të investojnë në platformë investimesh në kriptovaluta.

Një kërkim për Zindravonix tregon se faqja ScamAdviser, e cila gjurmon skemat e mashtrimet në faqet online, vlerëson se kjo faqe me gjasa është skemë mashtrimi. 

Sipas ScamAdviser “faqja mund të ofrojë informacione, produkte dhe/ose shërbime në lidhje me kriptovalutat. Ne i konsiderojmë këto lloj shërbimesh si me rrezik të lartë për konsumatorët. Edhe ekspertët e kriptovalutave kanë vështirësi në dallimin e shërbimeve legjitime të monedhës dixhitale nga mashtrimet dhe skemat. Ne ju rekomandojmë të jeni shumë të kujdesshëm në kontrollin e faqeve të internetit që ofrojnë shërbime në lidhje me kriptovalutat përpara se të investoni ose të përdorni shërbimet e tyre.”

ScamAdviser ka përpiluar një udhëzim se si të kontrolloni nëse një faqe interneti për kriptomonedha është legjitime apo skemë mashtrimi.

Pamjet e kancelarit gjerman Merz dhe gazetares Illner janë të vërteta dhe janë marrë nga një intervistë e vërtetë e transmetuar në maj 2025. Megjithatë, në intervistë nuk përmendet në asnjë moment dokumenti sekret i pretenduar apo platforma e panjohur Zindravonix.

Faktoje ka përgënjeshtruar dhe më par përmbajtje të botuara nga Patriotik Media që bëjnë pretendime të rrejshme me qëllim nxitjen e lexuesve të investojnë në kriptomonedha dhe  platforma mashtruese.

The post E rreme skema e investimit që mbahet sekret nga qeveria gjermane appeared first on Faktoje.al.

Pretendimi: Kompania ZARA po dhuron vetëm duke plotësuar një formular rrobat e kthyera në depot e saj

Vlerësimi: E pavërtetë/ Skemë mashtrimi

Jona Cenameri

Një skemë mashtrimi po qarkullon në Facebook, që prej datës 29 gusht, përmes një profili të quajtur “Zbritje Veshjesh”. Ky profil publikon postime me foto veshjesh që mbajnë logon dhe imazhet e markës “ZARA” dhe pretendon se kompania po “heq qafe” sasi të mëdha rrobash të kthyera në depot e saj. Sipas postimeve, “rrobat mblidhen në kuti dhe u dhurohen kujtdo që i dëshiron”, ndërsa përdoruesve u kërkohet të marrin pjesë në një “anketë të shkurtër” për të mësuar si të marrin një kuti me veshje.

Verifikimi ynë, bazuar në linkun e faqes dhe vijimin e procedurës së kësaj të ashtuquajture ankete për të fituar kutinë misterioze me rroba, tregon se kemi të bëjmë me një faqe të rreme të dizajnuar për të mbledhur të dhënat private të qytetarëve, përfshirë të dhënat e kartës së kreditit.

Pas klikimit te opsioni “Order now” (Porosit tani) ku të drejton postimi, hapet një ndërfaqe që imiton faqen e ZARA-s: logon, tipografinë dhe fotografitë e paketimeve të kartonit për transport. Megjithatë, adresa e uebit (website-i) nuk është domeni zyrtar i kompanisë (zara.com) dhe askund nuk jepen të dhëna ligjore për operatorin e faqes, si entiteti tregtar, adresa fizike, politika e kthimeve apo e privatësisë.

Në përfundim të procedurave pasi shpallesh fitues i “kutisë misterioze”, faqja të prezanton një formular porosie ku kërkohen të dhëna personale (emri, mbiemri, adresa e dorëzimit, numri i telefonit, email-i). Propozohet një pagesë “simbolike” prej 199 lekësh për “Kutinë Misterioze ZARA”. E vetmja alternativë e mundshme për kryerjen e kësaj pagese është “Paguaj me kartë krediti”, e parazgjedhur dhe e detyrueshme, pa ofruar metoda të tjera të sigurta si pagesa në dorëzim. Ky konfigurim, me “fitore” të garantuar, produkte falas ose me një çmim simbolik, gjuhë jo natyrale dhe kërkesë të detyrueshme për pagesë me kartë, është tipar i njohur i fushatave “phishing” që synojnë të vjedhin të dhënat e kartës bankare dhe të identitetit.

Nga shqyrtimi i ndërfaqes dhe teksteve, bie në sy edhe mungesa e kontakteve të verifikueshme dhe fakti që procesi i “fitimit” nuk shoqërohet me asnjë term dhe kusht real të fushatave promocionale që markat serioze publikojnë rregullisht. Në fund të faqes mungojnë elementet standarde të transparencës, përfshirë entitetin ligjor që kryen shitjen, adresën e selisë, politikën e kthimeve dhe rimbursimeve, termat e garancisë dhe të përpunimit të të dhënave personale. Të gjitha këto elemente përforcojnë konkluzionin se faqja është ndërtuar për të imituar markën dhe për të mbledhur të dhëna të ndjeshme. Skema me “kuti misterioze” dhe çmime nominale nuk është e re. Raste të ngjashme kanë qarkulluar edhe më herët duke përdorur marka ndërkombëtare dhe premtime të ngjashme për “stok të kthyer” ose “promovime të jashtëzakonshme” që kërkojnë një parapagim minimal me kartë

Autoritetet shqiptare kanë paralajmëruar në mënyrë të përsëritur përdoruesit që të mos bien pre e këtyre nismave të rreme, duke këshilluar verifikimin e autenticitetit të faqeve dhe të profileve përpara se të kryhen porosi apo të jepen të dhëna bankare.

Specialistët e sigurisë kibernetike theksojnë se këto faqe shfrytëzojnë urgjencën, kureshtjen dhe çmimin e ulët për të ulur vigjilencën e përdoruesve. Mbrojtja më e mirë mbetet të mos klikosh në linqe të dyshimta, të mos japësh kurrë të dhënat e kartës në faqe që nuk i përkasin domenit zyrtar të markës dhe të kontrollosh gjithmonë praninë e politikave ligjore dhe të kontakteve reale. Faktoje.al denoncon shpesh mashtrime të kësaj natyre, duke paralajmëruar publikun për rreziqet e phishing-ut dhe marketingut të rremë.

Nëse dikush ka futur të dhënat në këtë faqe, rekomandohet bllokimi ose zëvendësimi i kartës, monitorimi i llogarisë bankare, ndryshimi i fjalëkalimeve dhe aktivizimi i verifikimit me dy hapa (tëo-factor authentication/2FA) për llogaritë e tjera të ndërlidhura, si edhe raportimi i menjëhershëm i faqes dhe postimit në Facebook si “Scam/Phishing”. Ruajtja e provave (screenshot-e, konfirmime pagesash, korrespondenca) ndihmon në rast denoncimi pranë strukturave përkatëse të Policisë së Shtetit dhe Drejtorisë për Hetimin e Krimeve Kibernetike.

Përfundimisht, oferta për “Kuti Misterioze ZARA” me 199 lekë, e shpërndarë nga faqja e krijuar rishtazi “Zbritje Veshjesh”, është një imitim i markës ZARA me qëllim mbledhjen e të dhënave dhe jo një fushatë e vërtetë promocionale. Rekomandohet të mos klikohet, të mos jepen të dhëna personale dhe të mos kryhet asnjë pagesë, si edhe që profili përkatës në rrjetet sociale të raportohet, në mënyrë që të bllokohet dhe përdoruesit të mos bien pre e këtij mashtrimi.

The post Kujdes nga skema e mashtrimit me rrobat e kthyera ZARA appeared first on Faktoje.al.

Pas sinjalizimeve mediatike, Autoriteti Kombëtar për Sigurinë Kibernetike (AKSK), me një njoftim publik, ka paralajmëruar mbi identifikimin e një rasti mashtrimi online përmes një platforme të vetëquajtur TXEX.

Sipas AKSK, kjo platformë, e prezantuar si aplikacion për investime në kriptovaluta, nuk është e regjistruar dhe nuk është e licencuar në Republikën e Shqipërisë dhe si e tillë operon jashtë çdo kuadri ligjor kombëtar.

Nga vëzhgimet e AKSK dhe nga denoncimet e shumta të bëra publike, konstatohet se aktiviteti i saj mbart tiparet e qarta të një skeme mashtruese digjitale.

Në vijim, Policia e Shtetit, nëpërmjet Drejtorisë së Hetimit të Krimit Kibernetik dhe Drejtorisë së Hetimit të Krimit Ekonomik e Financiar, njoftoi se ka nisur një hetim penal lidhur me një skemë të dyshuar investimesh piramidale, nëpërmjet platformave online, dhe po vijon punën intensive për dokumentimin ligjor.

Pavarësisht paralajmërimeve të institucioneve shqiptare, informacioni nga pjesëmarrësit në këtë platformë tregon se ajo vazhdon të jetë aktive në tregtim dhe në postimin e informacionit për grupin e investitorëve në aplikacionin Telegram.

Në vijim të një mesazhi të mëparshëm, ku pjesëmarrësve u kërkohej të depozitonin 400 dollarë për “të verifikuar përdorimin e duhur të llogarisë”, përdoruesit kanë marrë mesazhe ku përfaqësuesi i platformës i siguron se do të mund të tërheqin fondet e tyre nga llogaria.

Madje, një mesazh tjetër paralajmëron se çdo anëtar i platformës që “shtrembëron kushtet e përdorimit ose shpërndan informacion të rremë ose negativ, do të konsiderohet si mashtrues dhe do të përjashtohet nga platforma…duke u cilësuar si përgjegjës për pasojat dhe humbjet e mundshme prej këtij përjashtimi”.

Ky mesazh duket se përbën një formë presioni, për të mos nxjerrë informacion publik dhe për më tepër dyshime rreth një platforme që autoritetet shtetërore e konsiderojnë si mashtruese.

Autoriteti i Mbikëqyrjes Financiare (AMF) deri tani nuk ka dalë me një komunikim publik rreth TXEX, por në të shkuarën ka këshilluar disa herë investitorët të mos investojnë në platforma të palicencuara në vendin tonë, duke i paralajmëruar se çdo investim në këto platforma mund të rezultojë me humbjen e të gjitha parave të investuara në mënyrë të pakthyeshme.

TXEX është një plaformë investimesh online, kryesisht në kriptovaluta, që ka karakteristikat e një skeme të qartë piramidale.

Individët joshen për të investuar në të nëpërmjet platformave të komunikimit me mesazhe, si për shembull Telegram, Signal, etj..

Më tej, përdoruesit inkurajohen të tërheqin përdorues të tjerë në platformë, duke u ofruar bonuse. Herë pas here, investitorët lejohen të kryejnë tërheqje (zakonisht në shuma të vogla), për të fituar besimin e tyre dhe për ta mbajtur në këmbë skemën.

Qysh në prill të këtij viti, Autoriteti i Tregjeve Financiare në Zelandën e Re e ka përcaktuar këtë platformë si mashtruese dhe ka paralajmëruar publikun e këtij vendi të shmangë investimet në të apo në platforma të këtij lloji.

Mashtruesit shpesh imitojnë bankat, firmat e investimeve dhe ofruesit e tjerë të shërbimeve financiare për të bindur viktimën e tyre, të bashkohet me një grup bisedash për këshilla investimi.

Në këtë grup bisedash, viktimat inkurajohen të rekrutojnë miq dhe anëtarë të familjes dhe të bëjnë pagesa në platforma mashtruese investimi.

Gjithashtu, forume në internet prej muajsh e përshkruajnë këtë platformë si qartësisht mashtruese./ Monitor

The post TXEX vazhdon të jetë aktive, anëtarët kërcënohen se do humbasin paratë nëse nxjerrin informacion appeared first on Albeu.com.

Pretendimi: Leonora Jakupi dhuron 10 mije euro për këdo që arrin të plotësojë në mënyrë perfekte foton

Verdikti: E pavërtetë, Skemë mashtrimi

———————————————————

Një postim nga faqja “𝐋𝐞𝐨𝐧𝒐𝐫𝒂 𝐉𝐚𝐤𝒖𝐩𝐢𝒊 𝐅𝐚𝐧𝐬•” që është parë mbi 45 mijë herë në Facebook duket se tregon një foto të këngëtares kosovare me mbishkrimin “Unë do të dhuroj 10,000 € Kush arriti të bëjë në mënyrë perfekte foton më poshtë.”

Ideja e lojës është që përdoruesit që ‘arrijnë’ të ndalojnë videon e sipërme në momentin kur rrethi me flamurin shqiptar të jetë plotësisht mbi rrethin e zi do të marrin 10 mijë euro nga Leonora Jakupi.

Megjithatë, nëse komentojmë çfarëdolloj fjale në këtë postim, faqja na dërgon një mesazh personal duke na falenderuar dhe pyetur në cilin qytet jetojmë.

Më pas, na dërgon një mesazh automatik që kushtëzon marrjen e çmimit me shpërndarjen e postimit në 5-10 grupe brenda 15 minutash. Kjo paçka se, fillimisht, i vetmi kusht për të marrë çmimin ishte “të bëjë në mënyrë perfekte foton.”

Këto përshkallëzime të kushteve për marrjen e çmimit duhet të bëjnë lexuesin skeptik të heqë dorë nga çmimi, duke dyshuar tashmë edhe në ekzistencën e tij.

Me gjasa kemi të bëjmë me një skemë mashtrimi.

Faqja zyrtare e këngëtares Leonora Jakupi ka mbi 200 mijë ndjekës dhe nuk ka bërë asnjë postim, ku ofron shpërblime për ndjekësit.

Faktoje ka verifikuar dhe më parë skema të tilla mashtrimi që përdornin imazhin e këngëtares Leonora Jakupi dhe personalitetesh të tjera të politikës dhe artit që njihen gjerësisht në hapësirat shqiptare.

The post Skemë mashtrimi nën emrin e këngëtares Leonora Jakupi appeared first on Faktoje.al.

Pretendimi: Ky produkt i rekomanduar nga mjeku Myftar Barbullushi shëron diabetin për 10 ditë

Verdikti: E pavërtetë, skemë mashtrimi

————————————–

Një video që po qarkullon në rrjetet sociale shqipfolëse duket se tregon gazetaren shqiptare Eni Vasili duke folur për “një truk 30 sekondësh që ul nivelin e sheqerit 3 herë më shpejt se çdo gjë tjetër” të demonstruar nga doktor Myftar Barbullushi, i cili “çmendi Europën.”

Sipas videos, kompanitë farmaceutike fshinë pamje të ketij truku nga interneti për të ruajtur përfitimet e tyre. Më tëj, vetë miliarderi Elon Musk pretendohet se ka konfirmuar se ky truk përdoret nga astronautët e SpaceX për të mbajtur nivelin e sheqerit.

Në pjesën e dytë të videos, duket se mjeku Myftar Barbullushi rekomandon në një fjalim të stërgjatur dhe të hallakatur, që shikuesit të klikojnë një link poshtë videos për të mësuar më shumë. Ai paralajmëron gjithashtu se ata nuk duhet të vonohen sepse video mund të fshihet nga çasti në çast.

Megjithatë, e gjithë video dhe narrativa e saj janë të rreme. Ato janë krijuar për një skemë mashtrimi që ka për qëllim shitjen e një produkti.

Ndër të parat shenja që kjo video nuk është autentike spikat shqipja e çalë e të dy folësve, “Vasili” dhe “Barbullushi.” Gjithashtu, zëri i “Vasilit” nuk i përngjan zërit të vërtetë të gazetares.

Kjo na bën të dyshojmë se video është manipuluar me anë të teknologjisë deepfake, e cila manipulon shprehitë e fytyrës. Videos së manipuluar me deepfake i është shtuar audio.

Vetë Barbullushi ka njoftuar se video është e rremë, duke u bërë thirrje qytetarëve të mos bien pre e mashtrimeve.

The post Marketing i rremë me emrin e mjekut Myftar Barbullushi appeared first on Faktoje.al.

Pretendimi: Nëse plotëson formularin në këtë faqe, mund të marrësh një çantë shpine The Nоrth Fаcе Borealis pothuajse falas 

Verdikti: E pavërtetë, Skemë mashtrimi

——————————————

Një llogari në Facebook pretendon se përdoruesit mund të përfitojnë një çantë të markës “The North Face” pothuajse falas nëse plotësojnë një formular.

Postimi pretendon se një punonjës i kompanisë Balkan Sport, pas pushimit nga puna, ka vendosur të zbulojë skemën që mund të ofrojë një produkt kaq cilësor nga magazinat e dyqanit përmes formularëve të fshehtë.

Në realitet, kemi të bëjmë me një skemë mashtrimi. 

Profili jep një link në komente ku duhet të plotësoni një anketë për t’u kualifikuar, por faqja nuk ka të bëjë fare me kompaninë Balkan Sport. 

Në komente, ka disa përdorues që thonë se janë të habitur që kanë përfituar nga kjo super mundësi. Këto komente janë pjesë e mashtrimit.

Nëse vërejmë historinë e ndryshimeve të postimit, vërejmë se në një version të mëparshëm ai pretendonte se vetë profili që e ka postuar kishte punuar në Balkan Sport. Më pas, postimi është ndryshuar për të pretenduar se burri i profilit kishte punuar në dyqan.

Më tej, profili që ka bërë postimin është shumë i ri, i krijuar më 1 gusht. Me gjasa, ai është një profil i rremë, i krijuar vetëm për t’i shërbyer kësaj skeme mashtrimi.

Më tej, duke përdorur motorin e kërkimit pamor Google Lens, Faktoje gjeti se imazhi i çantës që shoqëron postimin shfaqet në versione të ndryshme në rrjet, në postime të ngjashme me atë të mësipërmin, por në gjuhë të ndryshme, dhe duke përdorur emrin e dyqaneve të ndryshme.

Këto postime janë njësoj skema mashtrimi të krijuara për të shënjestruar grupe të ndryshme përdoruesish që mund të dërgojnë para në adresa personale me mendimin se po bëjnë një blerje të leverdisshme.

The post Skemë mashtrimi oferta pothuajse falas e çantave “The Nоrth Fаcе” appeared first on Faktoje.al.

Pretendimi: Ky produkt i rekomanduar nga Ylli Merja ripërtërin shikimin

Verdikti: E pavërtetë, skemë mashtrimi

—————————————————–

Një faqe interneti e dizenjuar për të ngjarë si një portal i mirëfilltë lajmesh pretendon se “një profesor i njohur nga Shqipëria do t’ju tregojë se si arritjet moderne mjekësore mundësojnë rikthimin e shikimit në vetëm një muaj pa dalë nga shtëpia dhe si të ktheni shikimin e qartë përgjithmonë, duke shmangur verbërinë.”

Megjithatë, çfarëdo që të klikosh në këtë faqe, do të të dërgojë tek produkti i reklamuar nga artikulli. Kjo pjesë e dizenjos së faqes tregon se ajo shënjestron sidomos përdoruesit që nuk janë shumë familjarë me teknologjinë.

Artikulli reklamë, për t’i dhënë më shumë besueshmëri vetes, është i ndërtuar si një intervistë me farmacistin shqiptar Ylli Merja.

Megjithatë, një kërkim i thjeshtë me fjalë kyçe zbulon se Merja nuk ka folur ndokund për këtë produkt.

E tërë intervista, ashtu si dhe faqja, është e stisur me qëllim shitjen e një produkt që pretendohet se rikthen shikimin për vetëm 3900 lekë.

Çuditërisht, faqja nuk liston përbërësit e produktit, por thekson vetëm se ato janë natyralë.

Përdorimi i mediave online për të shitur produkte të caktuara për shëndetin është kthyer në një shqetësim serioz. Në një sërë artikujsh, Faktoje ka treguar se si portalet po përpiqen të mashtrojnë qytetarët, duke përdorur mjekë të rremë, me qëllim që ta bëjnë sa më të besueshëm për lexuesit online.

The post Këshilla të rreme për produktin që pretendohet se rikthen shikimin appeared first on Faktoje.al.

Pretendimi: Ilir Alimehmeti këshillon në një intervistë trajtimin ndaj parazitëve

Verdikti: E pavërtetë

———————————————————————-

Reklamimi i medikamenteve në formën e këshillave mjekësore nga mjekë të rremë është një nga format e dizinformimit të qëllimshëm në rrjet. I tillë është dhe artikulli që shfaqet në Facebook, nën titullin “Rrëfimi tronditës i patologut: 9 nga 10 persona që kanë ndërruar jetë, janë plot me parazitë. Parazitët janë shkaku i vdekjes në 78% të rasteve! Ka shpëtim, por të gjithë heshtin për të! Kush përfiton nga kjo?”

Artikulli pretendon se mjeku Ilir Alimehmeti sugjeron një preparat për trajtimin e parazitëve. 

Faqja është ndërtuar për t’i përngjasuar një medie të mirëfilltë. Shkrimi është ndërtuar në formën e një interviste me mjekun e njohur.

Megjithatë, në brendësi të ‘artikullit’, të gjitha rrugët të çojnë tek një produkt, të cilin mund ta blejë dhe vetë lexuesi për vetëm 9,400 lekë, ose 4,700 lekë me ulje.

Artikulli pretendon se Ilir Alimehmeti është patolog në Spitalin e Parë Klinikë të Tiranës, por Alimehmeti është mjek epidemiolog klinik dhe jo patolog.

Vetë Alimehmeti ka njoftuar në Maj 2024 se intervista është e rremë, duke u bërë thirrje qytetarëve të mos bien pre e mashtrimeve.

“Tjetër mashtrim që përdor jo vetëm emrin tim, por edhe logon e medias Newsbomb. Ju lutem, mos bini pre e këtyre mashtrimeve të rëndomta që kanë për arsye vetëm shitjen e këtyre produkteve mashtruese. Nëse keni informacion për autorët, ju lutem t’i denonconi tek autoritetet,” apelonte mjeku.

The post E rreme intervista ku Ilir Alimehmeti rekomandon trajtimin kundër parazitëve appeared first on Faktoje.al.

TIRANË- Finalizohet operacioni policor i koduar “Doublefront”. Një skemë mashtrimi është zbardhur nga Policia e Tiranës pas rreth 6 muajsh hetime.

Nga hetimet ka rezultuar se një 37-vjeçar, që ishte edhe shpërndarës i porosive në subjektin që shiste tekstile me metrazhe, në bashkëpunim me një 30-vjeçare, financiere , kanë vjedhur nëpërmjet mashtrimit me faturat e shpërndarjeve rreth 409 000 euro.

Materialet procedurale iu referuan Prokurorisë së Tiranës, për veprime të mëtejshme.

/abcnews.al/

Pretendimi: Duke hyrë në këtë shorte mund të fitoni një kartë dhuratë me vlerë 500 euro nga Spar

Verdikti: E pavërtetë, Skemë mashtrimi

—————————————————

Një postim në Facebook pretendon se, me rastin e 45 vjetorit, kompania Spar po realizon një shorte ku përdoruesit mund të fitojnë një kartë dhuratë me vlerë 500 euro.

Mëgjithatë, ky shorte i pretenduar në fakt është një skemë mashtrimi.

E para gjë që duhet të na bëjë të dyshojmë është se faqja që ka postuar ‘shorteun nuk është faqja zyrtare e supermarketit, por një faqe e regjistruar me vendndodhje në New York, ShBA.

Postimi pretendon se kompania Spar u themelua 50 vite më parë në 1975. Kjo është e pavërtetë. Si data e themelimit të supermarketit në Hollandë jepet viti 1932.

Nëse ndjekim udhëzimet e faqes së rreme, duhet të plotësojmë të dhënat personale dhe të pagesës.

Kjo është një mënyrë që mashtruesit përdorin për të zhvatur para nga përdoruesit e rrjeteve sociale.

Faktoje ka përgënjeshtruar dhe më parë skema të tilla mashtrimi.

The post Skemë mashtrimi me dhuratën e supermarketit Spar appeared first on Faktoje.al.

Pretendimi: Zara po dhuron kuti me rroba që kanë qenë në magazinë për më shumë se një vit

Verdikti: E pavërtetë, Skemë mashtrimi

————————————————————

Një faqe në Instagram e quajtur Zara Boxes ALB pretendon se firma e rrobave Zara po dhuron kuti me rroba, këpucë dhe çanta që kanë qenë në magazinë për më shumë se një vit, për të liruar vendin për koleksionin e ri, dhe fton lexuesit të aplikojnë për të marrë dhurata.

Postimi shqërohet me një fotografi të asaj që duket si një magazinë e kompanisë Zara dhe pakove të shumta të hapura në mënyrë të çrregullt të gatshme për t’u marrë nga dikush që do të pranojë ftesën për të klikuar butonin “Apliko tani” në faqe.

Megjithatë, nëse klikojmë mbi emrin e faqes së Instagramit, ajo nuk hap profilin e Zara Boxes ALB.

Nga një kërkim me motorin e kërkimit pamor Google Lens, Faktoje gjeti se imazhi i mësipërm është përdorur në rrjet për të bërë postime të ngjashme me atë të mësipërmin, në gjuhë të ndryshme si turqisht, çekisht dhe vietnamisht.

Në faqen zyrtare të Zara Albania, nuk ka ndonjë njoftim që përmend se firma po dhuron mall.

Kjo është një mënyrë që mashtruesit përdorin për të zhvatur para nga përdoruesit e rrjeteve sociale, e përshkruar edhe këtu.

The post Kompania Zara nuk po zbraz falas magazinat e saj appeared first on Faktoje.al.

Pretendimi: Aeroporti Nënë Tereza po organizon shitjen vjetore të bagazheve të pakërkuara për vetëm 199 lekë.

Verdikti: E pavërtetë, Skemë mashtrimi

——————————————————————–

Një skemë mashtrimi, ku pretendohet se Aeroporti Ndërkombëtar i Tiranës po shet valixhet e humbura për 199 lekë, po qarkullon në Facebook. Faktoje verifikoi se kemi të bëjmë me faqe të rreme, që ka si qëllim marrjen e të dhënave private të qytetarëve.

Kjo faqe, e cila pretendon se i përket TIA ka rreth 170 ndjekës në Facebook, duke nxitur dyshimet që kemi të bëjmë me një faqe të rremë. Gjithashtu, në postimin e bërë për valixhet vihet re se shumica e komenteve janë nga profile të huaja të rreme. Komentet e bëra duket qartë që janë të sajuara, me qëllim rritjen e besueshmërisë te ndjekësit në rrjetet sociale.

Nëse klikojmë linkun hapet një faqe e sajuar me logon e TIA. Qëllimi është vjedhja e të dhënave private të qytetarëve.

Në faqen zyrtare të Tirana International Airport në Facebook, e cila ka 47 mijë ndjekës në rrjetet sociale, nuk shihet asnjë postim që të njoftojë për një ofertë të tillë.

The post Skemë mashtruese shitja e valixheve të humbura në Rinas appeared first on Faktoje.al.