Luis Diaz i Bayern Munich është dënuar me tre ndeshje pezullim për lojë të rrezikshme pas daljes me karton të kuq në fitoren 2-1 të klubit ndaj Paris Saint-Germain më herët këtë muaj, njoftoi të premten organi evropian i futbollit, UEFA.

Diaz shënoi të dy golat për Bayern ndaj Parisit, por u ndëshkua me karton të kuq për një ndërhyrje të dhunshme ndaj Achraf Hakimi në fund të pjesës së parë.

PSG konfirmoi një ditë më vonë se Hakimi kishte tërhequr rëndë kyçin e këmbës së majtë, dhe mbrojtësi maroken nuk ka luajtur më për klubin e Ligue 1 që nga atëherë.

Hakimi mori çmimin ‘Lojtari Afrikan i Vitit’ të mërkurën duke ecur në skenë me ndihmën e një skuteri.

Trajneri i Bayern, Vincent Kompany, priste që Diaz të mungonte vetëm në ndeshjen ndaj Arsenal të mërkurën, por sulmuesi kolumbian do të mungojë gjithashtu edhe në ndeshjet shtëpiake ndaj Sporting më 9 dhjetor dhe Union Saint-Gilloise më 21 janar.

“Informacioni im është se është pezulluar për një ndeshje. Do të isha i zhgënjyer nëse informacioni im nuk është i saktë”, tha Kompany për gazetarët më herët të premten.

Bayern qëndron në krye të tabelës së Ligës së Kampionëve me 12 pikë nga katër ndeshje, një nga tre klubet me rekord perfekt së bashku me rivalët e radhës, Arsenal dhe Inter./Telegrafi/

Afati kalimtar i verës solli një valë të madhe lëvizjesh në tregun evropian të futbollit. Klube nga pesë ligat kryesore u treguan jashtëzakonisht aktive, duke bërë investime të mëdha për të përforcuar skuadrat.

Por, si gjithmonë, jo çdo transferim rezulton sukses — disa dështojnë, ndërsa disa shndërrohen në goditje të plota.

Sot sjellim pesë transferimet që kanë rezultuar ndër më të mirat e verës, duke kombinuar vizionin e drejtuesve me performancën e menjëhershme në fushë.

1/ Luis Díaz – nga Liverpool te Bayern Munich (70 milionë euro)

Kur Bayern Munich vendosi të shpenzojë 70 milionë euro për Luis Díaz, shumë e panë këtë si rrezik të madh financiar. Por kolumbiani ka provuar se çdo cent ka qenë i merituar. Me shpejtësinë dhe depërtimet e tij nga krahu i majtë, ai ka bërë diferencën në çdo kompeticion.

Deri tani ka shënuar 11 gola në 16 ndeshje, përfshirë gola në Bundesligë, Ligën e Kampionëve, Kupë dhe Superkupë. Díaz është bërë shpejt një nga liderët e rinj të Bayernit dhe simbol i ambicies për të fituar çdo trofe.

“Qëllimi im është të fitoj gjithçka që mundemi, dhe do të punojmë çdo ditë për këtë,” tha ai pas transferimit në Bavari.

2/ Yan Diomande – nga Leganés te RB Leipzig (20 milionë euro)

Vetëm 18 vjeç dhe me më pak se dhjetë ndeshje profesionale para verës, Yan Diomande ishte një bast i madh për Leipzigun. Por basti ka rezultuar fitimtar.

I ardhur nga Bregu i Fildishtë, anësori që është formuar në SHBA ka mahnitur me shpejtësinë dhe driblimet e tij.

Në dhjetë paraqitje ka shënuar tre gola dhe dhënë tre asiste, duke fituar besimin e trajnerit Ole Werner. Ai është një shembull i qartë i filozofisë së Leipzigut për të investuar te të rinjtë me potencial të jashtëzakonshëm.

3/ Granit Xhaka – nga Bayer Leverkusen te Sunderland (15 milionë euro)

Në moshën 33-vjeçare, Granit Xhaka u kthye në një figurë kyçe për Sunderlandin, skuadrën që u rikthye në Ligën Premier pas shumë vitesh. Me përvojën e tij, mesfushori shqiptar ka sjellë stabilitet dhe lidership në një ekip plot energji të re.

Trajneri Regis Le Bris e ka quajtur Xhakën “standardin e disiplinës dhe profesionalizmit”, ndërsa statistikat e tij e konfirmojnë këtë: është ndër më të mirët e skuadrës në çdo aspekt, dhe së fundmi ka shënuar edhe golin e parë sezonal kundër Evertonit.

4/ Marcus Rashford – nga Manchester United te Barcelona (huazim me mundësi blerjeje)

Pas një periudhe të vështirë në Manchester United, Marcus Rashford gjeti ringjalljen te Barcelona. Fillimisht u përfol se pagat e tij do ta bënin marrëveshjen të pamundur, por pas negociatave të gjata, palët gjetën një zgjidhje.

Rezultati? Rashford është bërë një element kyç në sulmin katalanas, me 6 gola dhe 7 asiste në 15 ndeshje, duke rigjetur besimin dhe formën e dikurshme. Barça tashmë po shqyrton blerjen e plotë të kartonit për rreth 30 milionë euro në fund të sezonit.

5/ Luka Modrić – nga Real Madrid te Milan (pa kompensim)

Kur Luka Modrić u largua nga Real Madridi në moshën 40-vjeçare, shumë menduan se ishte fundi i epokës së tij. Por kroati i jashtëzakonshëm zgjodhi të mos tërhiqet — dhe firmosi me Milanin.

Pasi drejtori sportiv Igli Tare udhëtoi personalisht në Kroaci për ta bindur, Modrić pranoi sfidën. Me përvojën, vizionin dhe qetësinë e tij, ai ka transformuar mesfushën e Milanit, që tashmë po lufton për kreun e Serie A.

“Milani nuk mund të kënaqet me mediokritet. Duhet të synojë gjithmonë majat,” deklaroi Modrić në prezantim.

Sot, tifozët kuqezi janë të bindur se ardhja e tij ka qenë një nga lëvizjet më të mençura të verës. /Telegrafi/

Luis Diaz prodhoi një moment magjie teksa shënoi një gol spektakolar kundër Union Berlin.

Seria perfekte e Bayern në kampionat mori fund të shtunën, pasi u ndalën në barazim 2-2 ndaj Unionit.

Danilho Doekhi hapi rezultatin në minutën e 27-të, përpara se ish-ylli i Liverpoolit, Diaz, ta barazonte në mënyrë të jashtëzakonshme.

Kolumbiani mori një top të lirë jashtë zonës përpara se të luante një kombinim të shpejtë me Josip Stanisic, i cili dukej se e kishte dhënë një pasim të fortë.

Megjithatë, Diaz rrëshqiti për ta mbajtur topin në lojë me mjeshtëri, më pas e kaloi kundërshtarin e tij dhe gjuajti saktë nga një kënd tepër i vështirë, duke shënuar një gol sensacional.

Goli i tij la të habitur bashkëlojtarët, përfshirë Harry Kane dhe Stanisic, i cili mbeti me duart në kokë nga mosbesimi.

Siç pritej, goli i anësorit ndezi rrjetet sociale, me fansat që e cilësuan atë si një nga pretendentët kryesorë për “golin e sezonit”./Telegrafi/

Toni Kroos ka kritikuar vendimin për të përjashtuar Luis Diaz gjatë fitores së Bayern Munich ndaj Paris Saint-Germain në Ligën e Kampionëve, duke theksuar se “nuk ishte karton i kuq”.

Legjenda gjermane dhe e Real Madrid beson se gjyqtari Maurizio Mariani u ndikua nga dëmtimi i Achraf Hakimit më shumë sesa nga vetë ndërhyrja.

Megjithatë, Diaz më vonë kërkoi publikisht falje, ndërsa Bayern qëndroi në krah të sulmuesit të vet.

Duke folur në podcastin e tij Einfach mal Luppen, Kroos u shpreh me bindje se gjyqtari e kishte gabim.

“Për mua është e qartë: nuk ishte karton i kuq”, tha Kroos, duke këmbëngulur se gjyqtari “e la dëmtimin e Hakimit të ndikonte tepër në vlerësimin e aksionit”.

Gjermani argumentoi se vetë ndërhyrja, ndonëse e fortë, nuk tregonte qëllim të keq nga ana e Diazit.

“Nëse Hakimi do të ishte ngritur pas ndërhyrjes, askush nuk do ta kishte rishikuar episodin. Në situata të tilla, gjyqtari duhet të gjykojë vetë veprimin, jo pasojat”.

Qëndrimi i tij përputhej me mendimin e disa lojtarëve të Bayernit, përfshirë Joshua Kimmich dhe Josip Stanisic, të cilët sugjeruan se dëmtimi mund të ketë ndikuar në vendimin e gjyqtarit.

Megjithatë, Kimmich pranoi më pas se “duke parë përsëritjen dhe mënyrën si e kap, mund të kuptosh pse gjyqtari tregoi kartonin e kuq”./Telegrafi/

Achraf Hakimi ka mësuar se sa gjatë do të qëndrojë jashtë fushave pasi u bë viktimë e një ndërhyrjeje të ashpër nga Luis Diaz gjatë fitores 2-1 të Bayern Munich ndaj Paris Saint-Germain në Ligën e Kampionëve.

Diaz pati një mbrëmje mjaft të ngarkuar në Paris, duke shënuar dy gola në pjesën e parë, përpara se të ndëshkohej me karton të kuq në kohën shtesë të 45 minutave të para në “Parc des Princes”.

Teksa pjesa e parë po i afrohej fundit, mbrojtësi i djathtë maroken i mori topin Diazit dhe nisi një vrapim përgjatë vijës, ndërsa ish-lojtari i Liverpoolit tentoi ta rikthente posedimin. Megjithatë, kolumbiani e gaboi kohën e ndërhyrjes dhe ra mbi këmbën e Hakimit.

Marokeni u largua nga fusha me lot në sy, ndërsa tifozët menjëherë shprehën frikën se ai mund të humbiste Kupën e Kombeve të Afrikës, që do të zhvillohet në vendlindjen e tij duke filluar më 21 dhjetor.

Pas ndeshjes, Diaz publikoi një mesazh në rrjetet sociale ku i uroi Hakimit “rikthim të shpejtë në fushë”. Sulmuesi do të mungojë në ndeshjen e Bayernit kundër Arsenalit më 26 nëntor.

Achraf Hakimi

Të mërkurën, mediumi francez RMC Sport raportoi se mbrojtësi i djathtë do të mungojë “për disa javë” dhe periudha e pritshme e rikuperimit mund ta mbajë jashtë edhe në fillimin e Kupës së Kombeve të Afrikës.

“Nuk është konstatuar frakturë: bëhet fjalë për një ndrydhje të rëndë. Janë prekur ligamentet e brendshme të kyçit të majtë të këmbës”.

“Kjo nënkupton se ai do të mungojë për gjashtë deri në tetë javë. Prandaj, është e pamundur të luajë sërish për PSG-në në vitin 2025”.

“Mbetet për t’u parë nëse marokeni do të arrijë të rikuperohet në kohë për turneun e madh kontinental në muajt e ardhshëm, Kupën e Kombeve të Afrikës”, thuhej në raport./Telegrafi/

Mbrojtësi i Paris Saint-Germain, Achraf Hakimi ka pësuar një lëndim të tmerrshëm në ndeshjen e së martës mbrëma ndaj Bayern Munichut në Ligën e Kampionëve.

PSG u mposht në shtëpi nga Bayern Munichu me rezultat 1-2 në ndeshjen e vlefshme për xhiron e katërt të fazës së ligës.

Megjithatë, përveç humbjes, parisienët pësuan edhe një humbje tjetër, pasi njëri nga yjet kryesor të ekipit, Hakimi, mori një dëmtim të tmerrshëm.

Ndërhyrja ndodhi në minutën e fundit të pjesës së parë nga Luis Diaz dhe pas rishikimit të VAR-it, ylli kolumbian u ndëshkua me karton të kuq.

Pamjet e ngadalësuara tregojnë dëmtimin e tmerrshëm të Hakimit në kyçin e këmbës, me marokenin që u detyrua ta lëshoj fushën me lot në sy dhe me ndihmën e stafit mjekësor.

Pas ndeshjes, u publikuan edhe pamjet e kyçit të këmbës e cila ishte mavijosur e gjitha dhe dukej shumë e ënjtur.

Se lëndimi ishte i tmerrshëm u pa edhe në fund të ndeshjes me Hakimin, i cili veçse e kishte mobilizuar këmbën dhe lëshoi në fund stadiumin me paterica.

Klubi parisien ende nuk ka konfirmuar shkallën e dëmtimit të mbrojtësit të tyre, por sipas pamjeve dhe parashikimeve të mediave, Hakimi mund të mungoj së paku dy muaj. /Telegrafi/

Sulmuesi Luis Diaz ka zbuluar objektivat e tij pas mbërritjes te Bayern Munich, duke e bërë të qartë se suksesi personal dhe ai kolektiv janë prioritetet kryesore.

Diaz befasoi të gjithë në verë kur kërkoi largimin nga Liverpooli, për t’iu bashkuar Bayern Munichut në një marrëveshje mbi 80 milionë euro.

Që prej kalimit te gjiganti gjerman, Diaz ka shkëlqyer duke e fituar vendin titullar si dhe ndihmuar klubin me gol e asistime, megjithatë për të ky është vetëm fillimi.

“E jap maksimumin për të shënuar shumë gola dhe për të dhënë asistime. Sa do të jenë, është në dorë të Zotit. Por mbi të gjitha, dua të fitoj çdo kompeticion me ekipin”.

Luis Diaz

Në tetë paraqitje deri më tani në fanellën “bavarezze”, Diaz ka regjistruar katër gola e tre asistime.

Falë këtyre paraqitjeve, Diaz po merr edhe lëvdata nga bashkëlojtarët, si Joshua Kimmich, i cili deklaroi së fundmi: “Është shumë i pasionuar për futbollin, duket sikur nuk po lodhet fare”.

“Gjithnjë e do topin, luan përpara dhe thuajse kurrë s’e humb posedimin. Po bën vërtetë mirë”.

Përndryshe, Diaz të martën rikthehen në “aksion” në kuadër të Ligës së Kampionëve, si mysafir i Pafos./Telegrafi/

Arsenal ka ndezur rivalitetin me Tottenham duke marrë në momentin e fundit transferimin e Eberechi Eze, pra duke e rrëmbyer nga duart e rivalëve të tyre.

Pas javësh negociatash që Spurs kishin zhvilluar me Crystal Palace, gjithçka dukej gati për marrëveshjen, por dëmtimi i Kai Havertz bëri që “Topçinjtë” të ofronin 68 milionë paund dhe të siguronin shërbimet e mesfushorit.

Ky është vetëm një nga shumë rastet e njohura në futbollin anglez ku marrëveshjet për lojtarë janë “rrëmbyer” në momentin e fundit. Sipas një artikulli të The Sun, Ligës Premier ka parë disa nga episodet më të bujshme të këtij fenomeni gjatë dekadave të fundit.

Aaron Ramsey – nga Cardiff te Arsenal (2008)

Manchester United ishte shumë pranë firmës me talentin 17-vjeçar nga Cardiff, madje kishte arritur akord publik.

Por Arsene Wenger mori vetë në dorë situatën, takoi lojtarin dhe e bindi të kalonte në Emirates. Ramsey u bë ikonë e Arsenal me 369 ndeshje dhe tre FA Cup.

Moises Caicedo – nga Brighton te Chelsea (2023)

Liverpool arriti një marrëveshje me Brighton për 110 milionë funte, dhe Jurgen Klopp madje e konfirmoi publikisht afrimin.

Por Chelsea reagoi menjëherë me një ofertë më të lartë, 115 milionë funte, duke i “rrëmbyer” mesfushorin që ishte tifoz i tyre që fëmijë.

Willian – nga Anzhi te Chelsea (2013)

Tottenham kishte mbyllur gjithçka me brazilianin, madje ai kreu vizitat mjekësore. Por një telefonatë nga Chelsea e ndryshoi gjithçka: Willian refuzoi Spurs dhe firmosi për rivalët e tyre të qytetit. Më pas fitoi dy tituj kampion me “Blutë”.

Robinho – nga Real Madrid te Man City (2008)

Chelsea ishte i bindur se do të firmoste me yllin brazilian, aq sa klubi nisi të shiste fanella me emrin e tij.

Por në ditën e fundit të afatit kalimtar, Manchester City – i blerë sapo nga sheikët e Abu Dhabit – bëri një ofertë prej 32,5 milionë funte dhe e rrëmbeu lojtarin.

Roy Keane – nga Nottingham Forest te Man United (1993)

Blackburn kishte arritur marrëveshje për transferimin e Keane, por një vonesë burokratike i kushtoi shtrenjtë.

Sir Alex Ferguson ndërhyri menjëherë dhe e bindi mesfushorin irlandez të nënshkruante për Man United, ku më pas bëri histori.

Park Chu-Young – nga Monaco te Arsenal (2011)

Lille kishte arritur akordin dhe Park ndodhej në hotel për vizitat mjekësore, por papritur “u zhduk”.

Në fakt, kishte hipur në tren për Londër ku nënshkroi fshehurazi me Arsenal, që ofroi një pagë më të lartë.

Cristiano Ronaldo – nga Juventus te Man United (2021)

Portugezi ishte vetëm një hap larg kalimit te Manchester City dhe kishte një akord verbal me klubin e Guardiolës.

Por një telefonatë e Sir Alex Ferguson e bindi të rikthehej në “Old Trafford”. Transferim i madh në letër, por me epilog të hidhur për të dyja palët.

Emmanuel Petit – nga Monaco te Arsenal (1997)

Tottenham mendonte se kishte bindur kampionin francez, por Petit përdori taksinë që Spurs i kishte paguar për të shkuar te shtëpia e Wenger-it.

Atje u arrit marrëveshja me Arsenal, duke lënë rivalët e qytetit të poshtëruar.

Luis Diaz – nga Porto te Liverpool (2022)

Tottenham kishte nisur negociatat për kolumbianin, por vonesat i kushtuan shtrenjtë.

Liverpool ndërhyri menjëherë me një ofertë prej 37,5 milionë funte dhe mbylli marrëveshjen në janar, duke e rrëmbyer nga duart e Spurs.

Eyal Berkovic – nga Maccabi Haifa te West Ham (1996)

Tottenham e kishte bindur mesfushorin izraelit, por ndërkohë West Ham u fut në lojë.

Harry Redknapp e takoi dhe e mori menjëherë firmën, duke i dhënë fund marrëveshjes me Spurs. Ironikisht, ai shënoi gol në debutimin kundër Tottenham. /Telegrafi/ 

The post Dhjetë ‘rrëmbimet’ më të famshme në Ligën Premier – Nga cr7 dhe Robinho te Luis Diaz e Caicedo appeared first on Telegrafi.

Herri Kejn dhe Luis Diaz kanë ‘privilegje të veçanta’ te Bajerni i Mynihut që lojtarët e tjerë nuk i kanë. Ish-mbrojtësi i Bajernit, Erik Dajer, ka zbuluar gjërat që Herri Kejn dhe Luis Díaz nuk janë të detyruar t’i bëjnë, ndryshe nga disa lojtarë të tjerë.

Kejn, 32 vjeç, u bashkua me Bajernin nga Totenhem në vitin 2023 dhe që atëherë ka regjistruar 86 gola dhe 23 asiste në 97 paraqitje për klubin gjerman, duke fituar më në fund trofeun e tij të parë në karrierë kur skuadra e Vinsent Kompanit fitoi Bundesligën në sezonin 2024/25.

Më herët këtë muaj, Luis Díaz iu bashkua Bajernit nga Liverpul për një shumë prej 65.5 milionë euro dhe padyshim do të forcojë më tej skuadrën bavareze. Të dy shënuan gjatë fitores 2-1 të Bajernit në Superkupë ndaj Shtutgartit të shtunën dhe dukeshin se bashkëpunuan mirë gjatë 90 minutave.

Trajneri Kompani ka qenë tashmë shumë pozitiv për ndikimin e Diazit dhe ka shpjeguar se “ai është më i avancuari nga të gjithë fizikisht dhe mendërisht”. Të shtunën, Kejn u shpreh shpejt për të lavdëruar anësorin kolumbian. Kapiteni i Anglisë tha: “Mendoj se arma e tij më e fortë, dhe ndoshta ajo që do të jetë fantastike për ne këtë vit, është fakti që ai shënon gola si ai që bëri sot.”

Kejn shtoi: “Ai futet në zonën e vogël, bën ato lëvizje dhe ka një përfundim të shkëlqyer. Mendoj se është e rëndësishme që anësorët të shënojnë, shpresoj 15 deri në 20 gola për sezon.” Pra, bazuar në komentet e trajnerit dhe bashkëlojtarëve të tij së fundmi, Díaz tashmë ka lënë përshtypje të mirë në Gjermani dhe sipas ish-lojtarit të Bajern dhe Totenhem, Dajer, ai dhe Kejn me shumë gjasa janë të përjashtuar nga disa detyrime rreth terrenit stërvitor të klubit.

Më herët këtë javë, Dajer, i cili aktualisht luan për Monakon, foli për kohën e tij në Gjermani dhe shpjegoi se lojtarët e rinj te Bajern pritet të kryejnë detyra të ndryshme rreth fushës stërvitore, të cilat Diaz dhe Kejn, për shkak të statusit dhe moshës së tyre, me shumë gjasa nuk i bëjnë. Dajer zbuloi: “Me Kompanin, djemtë e rinj pastronin fushën pas stërvitjes, mblidhnin konet, topat. Çdo djalosh nga akademia që vinte me ekipin e parë, do t’i bënte ato gjëra. Kjo është zhdukur paksa në futbollin modern.”

Transferimi prej 70 milionë eurosh i Luis Diaz nga Liverpool te Bayern Munich ishte një nga lëvizjet më të bujshme të Bundesligës këtë verë, duke e bërë atë blerjen e tretë më të shtrenjtë në historinë e klubit.

Sulmuesi kolumbian vjen pas një sezoni me 50 paraqitje, ku ndihmoi Liverpoolin të fitonte titullin në Ligën Premier.

Megjithatë, vendimi i tij për t’u larguar nga Anfield kishte nisur të formohej që sezonin e kaluar.

Liverpooli tentoi dy herë t’i rinovonte kontratën, por diferenca mes ofertave të klubit dhe kërkesave të lojtarit rezultoi e pakalueshme, duke i hapur rrugën Bayernit për të ndërhyrë.

Në Mynih, megjithatë, ekziston një bindje se Diaz nuk ishte objektivi i parë për krahun e majtë.

Raportimet sugjerojnë se emra të tjerë u ndoqën para se të arrihej marrëveshja, gjë që ka nxitur debat mes tifozëve nëse ky transferim u bë më shumë nga mundësia sesa nga një plan afatgjatë.

Lexo po ashtu Fjalët e para të Diaz si lojtar i ri i Bayern Munichut

Diaz debutoi me fanellën e Bayernit në një fitore 2–1 kundër Lyonit në ndeshjet parasezonale, ku fitoi penalltinë për golin e parë të shënuar nga Michael Olise, por nuk arriti të shënonte vetë.

Pas ndeshjes, ai pranoi se ende po përshtatet, duke theksuar se ndihet i lumtur në Mynih, por i duhet më shumë kohë për t’u integruar plotësisht dhe për të krijuar kimi me shokët e skuadrës.

Për momentin, ardhja e Diaz premton cilësi dhe thellësi në repartin ofensiv, por pyetja mbetet: a do të dëshmojë ai se është një element i pazëvendësueshëm, apo thjesht një zgjidhje e profilit të lartë për një problem që Bayern nuk kishte planifikuar ta zgjidhte fillimisht? /Telegrafi/

The post Jo të gjithë te Bayern Munich janë të impresionuar nga Luis Diaz appeared first on Telegrafi.

Pasi transferoi Luis Diaz për 75 milionë euro, Bayern Munich ka filluar lëvizjet për të bërë një tjetër goditje të madhe në këtë merkato. Objektivi i radhës i klubit bavarez është mesfushori i Atletico Madrid, Pablo Barrios. Vincent Kompany e sheh 22-vjeçarin e Atletico Madridit si lojtarin e duhur për të përforcuar mesfushën. Edhe pse […]

The post Pas Luis Diaz, Bayern bën gati 80 milionë euro për yllin e Atletico Madridit appeared first on BoldNews.al.

Luis Diaz është zyrtarisht futbollisti më i ri i Bayern Munichut, pasi klubi gjerman arriti marrëveshje me Liverpoolin për një shumë prej 70 milionë euro. Sulmuesi kolumbian nënshkroi një kontratë katërvjeçare, me opsion zgjatjeje.

28-vjeçari ishte i lidhur me Liverpoolin deri në vitin 2027, ndaj kjo verë u pa si momenti i fundit kur “The Reds” mund të siguronin një shumë të konsiderueshme për të, duke pasur parasysh që nuk kishte ende sinjale për rinovim.

Sipas Daily Mail, Diaz do të përballet me një kulturë ndryshe disiplinore te Bayern. Në vend të gjobave për vonesë në stërvitje – siç ndodh zakonisht te Liverpooli nën drejtimin e Arne Slot – lojtarët te Bayerni detyrohen të qëndrojnë më gjatë në fushë, derisa trajneri Vincent Kompany të përfundojë seancën e tij.

Për më tepër, mënyra e komunikimit për përzgjedhjen e formacionit ndryshon ndjeshëm. Te Bayerni, emrat që nuk përfshihen në skuadër informohen paraprakisht personalisht nga Kompany, para publikimit të listës zyrtare. Komunikimet kryhen shpesh edhe përmes grupit të WhatsApp-it të ekipit, ku lojtarët zbulojnë nëse janë të grumbulluar apo jo.

Një tjetër risi për Diaz është edhe rregulli i pajisjes me makinë. Sipas politikave të brendshme të klubit gjerman, çdo lojtar duhet të përdorë një model të caktuar automjeti në përputhje me marrëveshjet sponsoriale dhe imazhin e klubit.

Lexo po ashtu Fjalët e para të Diaz si lojtar i ri i Bayern Munichut

Ndryshe nga Kompany, Arne Slot nuk ka bërë publike metodën e tij për shpalljen e formacionit, megjithatë besohet se shumica e trajnerëve e bëjnë këtë gjatë takimeve ballë për ballë me skuadrën.

Kompany njihet edhe për qasjen e tij diskrete në kritikë – ai nuk i qorton lojtarët në mënyrë publike, por preferon t’i adresojë gabimet në mënyrë private. Kjo qasje ka për qëllim ruajtjen e harmonisë dhe frymës së grupit, që ai e konsideron kyçe për suksesin. /Telegrafi/

The post Luis Diaz duhet t’i ndjekë dy rregulla te Bayerni, që nuk ekzistonin te Liverpooli appeared first on Telegrafi.

Luis Díaz është zyrtarisht lojtari më i ri i Bayern Munich. Klubi gjerman ka arritur një marrëveshje të plotë me Liverpoolin për transferimin e sulmuesit kolumbian kundrejt 75 milionë eurove, duke mbyllur një nga sagat më të përfolura të merkatos së verës. Díaz ka firmosur një kontratë deri më 30 qershor 2029 dhe do të […]

The post Mbyllet marrëveshja me Liverpool, Luis Díaz kalon te Bayern për 75 milionë euro appeared first on BoldNews.al.

Bayern Munich ka arritur marrëveshje me Liverpoolin për transferimin e Luis Diaz në vlerë prej 75 milionë euro, raporton David Ornstein nga The Athletic.

Sulmuesi kolumbian, i cili aktualisht ndodhet me Liverpoolin në turneun parasezonal, është lejuar të udhëtojë pasi transferimi pritet të përfundojë brenda 24 orëve të ardhshme.

Bisedimet kanë arritur një pikë kthese gjatë fundjavës, pasi Liverpool kishte refuzuar më parë një ofertë prej 67.5 milionë eurosh. Vetë lojtari ka treguar qartë se dëshiron të largohet nga “Anfield”, duke arritur marrëveshje për një kontratë 4+1 vjet me klubin gjerman.

Bayern Munich reach total agreement with Liverpool to sign Luis Diaz. Deal for 28yo winger €75m + permission granted to travel for medical. Proposed 4+1yr contract at #FCBayern. Now ~£190m sales since Hughes became #LFC sporting director @TheAthleticFC https://t.co/k0fPH2IF7y

— David Ornstein (@David_Ornstein) July 27, 2025

Luis Diaz shënoi 13 gola në kampionat sezonin e kaluar, në një edicion ku Liverpool e fitoi titullin kampion të Ligën Premier.

Bayern Munich e sheh 27-vjeçarin si një sulmues të gjithanshëm, pas disa përpjekjeve të dështuara për objektiva të tjerë gjatë kësaj vere.

Në anën tjetër, Liverpool tashmë ka siguruar shërbimet e Hugo Ekitike nga Eintracht Frankfurt, dhe mbetet i interesuar për sulmuesin e Newcastle, Alexander Isak.

E ardhmja e Darwin Nunez dhe Harvey Elliott gjithashtu është në dyshim, me mundësi largimi nga skuadra. /Telegrafi/ 

The post E kryer, Luis Diaz kalon te Bayern Munich – detajet e marrëveshjes mes klubeve appeared first on Telegrafi.

Pas eliminimit në çerekfinale të Kupës së Botës për Klube nga PSG, Bayern Munich ka nisur të veprojë fuqishëm në tregun e transferimeve.

Trajneri Vincent Kompany është i vendosur ta rikthejë skuadrën në majat e futbollit evropian, me synim kryesor rikthimin e Ligës së Kampionëve në Mynih. Për këtë, ai kërkon përforcime cilësore në krahët e sulmit.

Skuadra bavareze ka humbur tashmë Leroy Sane, i cili është transferuar te Galatasaray, ndërsa Thomas Muller pritet t’i bashkohet klubit amerikan LAFC. Pas një fillimi të qetë të merkatos verore, Bayern duket se po përgatitet për një fazë shumë më aktive.

Prej javësh, klubi ka ndjekur me interes Luis Díaz të Liverpoolit. Edhe pse kolumbiani ka rënë dakord për kushtet personale me Bayernin, “The Reds” kanë refuzuar ofertat dhe po punojnë për rinovimin e kontratës së tij me kushte të përmirësuara. Megjithatë, Díaz raportohet se dëshiron të largohet nga Anfield këtë verë.

Me refuzimin e fundit nga Liverpooli, Bayern pritet të ndryshojë drejtim dhe të përqendrohet te një tjetër emër i madh: Rafael Leao.

Sipas “Fichajes”, gjiganti gjerman po përgatit një ofertë prej 120 milionë eurosh për yllin portugez të Milanit. Leao regjistroi 12 gola dhe 13 asistime në 50 ndeshje sezonin e kaluar – statistika të forta, megjithëse nën pritshmëritë e klubit italian.

Roli i tij në “San Siro” nuk konsiderohet më i paprekshëm dhe me një ofertë të majme në tavolinë, Milani mund të shqyrtojë seriozisht mundësinë e largimit të tij.

Javët në vijim pritet të jenë vendimtare. Nëse Liverpool mbetet i palëkundur për Díaz, Bayern mund të përqendrojë të gjithë energjinë dhe fondet për të realizuar transferimin e Leaos – një lëvizje që do të trondiste tregun evropian të verës.

Një nënshkrim i këtij niveli do të ishte një deklaratë force nga Bayern Munich, që synon të rikthehet në elitën e futbollit kontinental dhe të garojë për trofetë më të mëdhenj. /Telegrafi/

The post Bayerni nuk pret gjatë, ofron 120 milionë euro për alternativën e Luis Diaz appeared first on Telegrafi.

Bayern Munich po përgatit një lëvizje të madhe në tregun e transferimeve: duke investuar 150 milionë euro për të forcuar sulmin e tij me dy emra të mëdhenj, Nick Woltemade dhe Luis Diaz.

Gjiganti bavarez po kërkon të bëjë një hap cilësor përpara në formacionin e tij sulmues pas disa përpjekjeve të dështuara gjatë verës dhe tashmë ka hartuar një strategji financiare për të bindur Stuttgartin dhe Liverpoolin të ndahen me dy nga lojtarët e tyre kryesorë.

Nick Woltemade, një sulmues i Stuttgartit dhe një nga zbulimet e fundit të Bundesligës, është i pari në listë. Bordi i Bayernit kishte bërë tashmë një propozim fillestar prej 50 milionë eurosh plus bonuse, por skuadra rivale e hodhi poshtë ofertën, duke e konsideruar çmimin e përshtatshëm rreth 65 milionë euro.

Larg nga tërheqja, klubi i Mynihut do ta rrisë çmimin në 60 milionë euro në kërkim të një negociate përfundimtare. Uli Hoenes, një figurë kryesore brenda klubit, ka shprehur dëshirën e tij për ta pasur sulmuesin në Allianz Arena sa më shpejt të jetë e mundur.

Ndërkohë, obsesioni me Luis Diaz vazhdon. Bayern Munich i ka ofruar tashmë Liverpoolit 67.5 milionë euro, por Reds mbeten të vendosur në kërkesën e tyre për jo më pak se 100 milionë euro. Për më tepër, klubi nga Anfield nuk e ka përjashtuar rinovimin e kontratës së kolumbianit, e cila skadon në vitin 2027.

Pavarësisht këtyre pengesave, klubi gjerman po përgatit një ofertë të dytë, më të konsiderueshme, për të përfunduar nënshkrimin, duke përfituar nga gatishmëria e lojtarit për të pranuar kontratën që i është propozuar në Mynih. Oferta vlerësohet në 90 milionë euro.

Në total, Bayern është i gatshëm të shpenzojë deri në 150 milionë euro për këto dy marrëveshje.

Nëse ndonjëra prej tyre dështon, Xavi Simons mbetet në radar si një alternativë, me një kosto të vlerësuar midis 50 dhe 60 milionë eurove. /Telegrafi/

The post Bayern Munich po përgatitet të shpenzojë 150 milionë euro për të nënshkruar me dy yje appeared first on Telegrafi.

Luis Diaz ka refuzuar një mundësi për t’u bashkuar me Barcelonën dhe tashmë po favorizon një transferim te Bayern Munich, raporton Sky Germany.

Sipas gazetarit Florian Plettenberg, sulmuesi kolumbian jo vetëm që e ka informuar Liverpoolin për dëshirën e tij për t’u larguar nga “Anfield”, por u ka bërë të qartë drejtuesve të klubit anglez se Bayern është destinacioni i tij i preferuar.

Transferimi i Diaz është miratuar edhe nga trajneri i ri i Bayernit, Vincent Kompany, por aktualisht nuk ka ende një marrëveshje të plotë mes dy klubeve.

Kushtet personale nuk përbëjnë pengesë, pasi Diaz është i gatshëm të nënshkruajë një kontratë të vlefshme deri në vitin 2029.

Tashmë gjithçka varet nga arritja e një marrëveshjeje mes Liverpoolit dhe Bayernit për tarifën e transferimit.

Lexo po ashtu Barcelona dhe Bayern Munich po përgatisin oferta të reja për Luis Diaz

Në rast se negociatat me Bayernin dështojnë, Diaz mund të marrë në konsideratë edhe opsione të tjera. Barcelona mbetet e interesuar për shërbimet e tij, por aktualisht katalanasit nuk janë në gjendje ta regjistrojnë lojtarin për shkak të kufizimeve financiare.

Si pasojë, Barça mund të zhvendosë fokusin te Marcus Rashford, ndërsa Luis Diaz po i afrohet gjithnjë e më shumë një kalimi të bujshëm në Bundesligë. /Telegrafi/

The post Luis Diaz refuzon Barcelonën, i ka treguar Liverpoolit se ku dëshiron të transferohet appeared first on Telegrafi.

Luis Diaz nuk lëshohet lehtë nga Liverpool. Klubi anglez nuk e ka në plan të heqë dorë lehtë nga sherbimet e sulmuesit kolumbian, për të cilin pagoi te Porto plot 54 milionë euro në vitin 2022. Së fundmi, “The Reds” kanë refuzuar ofertën e parë zyrtare, e cila erdhi nga Bayern Munich. Këta të fundit […]

The post Liverpool refuzon ofertën e parë të Bayern Munich për yllin e ekipit appeared first on BoldNews.al.

Dy yjet spanjollë të Barcelonës, Dani Olmo dhe Gavi pritet të kenë më shumë minuta në sezonin e ardhshëm dhe në shumicën e ndeshjeve të jenë si zëvendësues.

Sipas gazetës Marca, Olmo dhe Gavi janë dy lojtarë që mund të bëhen zëvendësues të Barcelonës sezonin e ardhshëm nëse klubi nënshkruan me dikë si Luis Diaz.

Ardhja e Diaz për të luajtur në krahun e majtë ka të ngjarë të bëjë që Hansi Flick ta zhvendosë Raphinhan në pozicionin e numrit 10. Kjo e lë Olmon jashtë vendit në skuadër.

Sa i përket Gavit, ai do të ketë vështirësi në zëvendësimin e Pedrit dhe Frenkie De Jongut në dy pozicionet e tjera të mesfushës, me Raphinhan që do të zërë vendin e numrit 10-të.

E vetmja mënyrë që disa lojtarë mund të marrin më shumë kohë është nëse kanë lëndime, të cilat janë të mundshme, por tani të pamundura te Barça.

Sezonin e kaluar, Pedri mbeti në formë gjatë gjithë sezonit dhe Raphinha nuk vuajti aq shumë nga ndonjë problem. /Telegrafi/

The post Olmo dhe Gavi pritet të jenë zëvendësues te Barcelona sezonin e ardhshëm, nëse ndodh një transferim appeared first on Telegrafi.

Bayern Munich ka paraqitur një ofertë prej 52 milionë eurosh për anësorin e Liverpoolit, Luis Diaz, sipas raportimeve të gazetës gjermane Bild.

Megjithatë, kjo shumë është dukshëm më e ulët se kërkesa e klubit anglez, i cili e vlerëson kolumbianin me rreth 80 milionë euro.

Sipas burimeve nga Spanja, thuhet se ekziston një “marrëveshje zotërinjsh” mes lojtarit dhe Liverpoolit, e cila do t’i lejonte Diazit të largohet nëse vjen një ofertë e përshtatshme.

Megjithatë, Bayern nuk është i gatshëm të shkojë përtej 60 milionë eurove plus bonuse.

Diaz, i cili është 28 vjeç, raportohet se i ka bërë të qartë Liverpoolit dëshirën e tij për t’u transferuar në Mynih.

Pavarësisht se vlera e tij në aspektin e rishitjes është e kufizuar për shkak të moshës, Bayern është i fokusuar në përmirësimin afatshkurtër të skuadrës dhe konkurrencën në garat madhore si Liga e Kampionëve.

Lexo po ashtu Luis Diaz thyen heshtjen dhe flet publikisht për të ardhmen e tij tek Liverpooli

Bisedimet mes klubeve ishin ndërprerë përkohësisht për shkak të vdekjes tragjike të sulmuesit të Liverpoolit, Diogo Jota.

Megjithatë, Bayern ka rifilluar interesimin e tij nëpërmjet përfaqësuesve të Diaz. /Telegrafi/

The post Bayern Munich bën ofertën e parë për Luis Diaz appeared first on Telegrafi.