“Boll me molotovë”, ishte ky mesazhi i raportuesit për Shqipërinë Andreas Schieder.

Avokati Idajet Beqiri, “skanoi” deklaratat e raportuesit të Parlamentit Evropian për Shqipërinë, Andreas Schieder, duke thënë se qëndrimet ishin të qarta.

Në një intervistë në “Tirana Live” në ABC News, avokati theksoi se armiku më i madh i Shqipërisë është kreu i PD Sali Berisha, duke e akuzuar këtë të fundit si përgjegjës kryesor të shkatërrimit të vendit.

“Në Shqipëri të vetmit që e mbrojnë Berishë janë afro 3 mijë kriminelë që ka në organizatën e tij kriminale. Por ato janë njerëz që kanë përfituar prej tij, kanë vrarë prej tij dhe janë të detyruar që të mblidhen pas komandës së tij. Pra ata e besojnë dhe i shkojnë nga pas. Por Shqipëria dhe shqiptarët i kanë kthyer kurrizin. Ai ngelet misionar i Serbisë…”, shtoi më tej avokati Idajet Beqiri.

/abcnews.al/

Avokati Idajet Beqiri në një intervistë në “Tirana Live” në ABC News, u shpreh se gjykatat janë kthyer në servile të organit të akuzës.

Gjatë intervistës, avokati, nënvizoi se gjyqtarët dhe prokurorët kanë humbur nocionin e veprës penale.

“Zëvendësimi i më të korruptuarve është gjë e mirë, por kanë ngelur sërish në përgjithësi në sistemin edhe në drejtimin e gjyqësorit të organit të akuzës në vend. Por tashmë që të jepet drejtësi duhet të kesh konceptet e qarta dhe kur gjykon apo heton një çështje duhet përgjegjësi. Por gjykatat tona janë servile, tek ne është vrarë pafajësia. Për fatin e keq gjykatat tona janë kthyer në noteri. Dhe e keqja tjetër më e madhe është Kodi Penal, pra zbatimi i kodit penal. Nuk analizohen elementët e veprës penale…”, tha ai.

Gjithashtu theksoi se masën e sigurimit e konceptojnë si dënim. Po ashtu ngriti shqetësimin për zvarritjen e gjykimeve, duke shtuar se sistemi ka nevojë për një reformim të plotë.

“Po ashtu edhe politika penale në këtë vend është për të vënë duart në kokë, mendohet se do t’i zgjidhin gjërat vetëm me burg. Për rrjedhojë mendohet se sa më shumë të fusin në burg do parandalohen krimet, por përkundrazi egërsia sjell egërsi. Pra në aspektin e zvarritjeve të gjykimit  dhe çështje rrinë pa u shqyrtuar janë probleme të rënda dhe në këtë mënyrë sistemi i drejtësisë ka nevojë për reformim të plotë.

Avokati Idajet Beqiri ka lëshuar një deklaratë të bujshme lidhur me rastin e zhdukjes së Bleona Matës, duke ngritur dyshime se babai i vajzës mund të ketë lidhje në zhdukjen e saj.

I ftuar në emisionin “Ftesë në 5” në Top Channel, Beqiri u shpreh se babai i Matës ka treguar indiferencë për çështjen dhe sipas tij, kjo e bën atë pjesë të “lojës”.

“Fjalët e mia shkojnë edhe për të atin. S’ka treguar kurrë interes për këtë. Për fat të keq, ai është pjesë e lojës. Këtë ju a them unë me bindje. Hetimet do vazhdojnë dhe jam i bindur se shumë shpejtë do shkojmë te foleja e grerëzave. Problemi është që babai del keq shumë në këtë lojë”, tha Beqiri.

Ai gjithashtu komentoi mungesën e reagimit të Bleona Matës pas 15 vitesh, duke nënvizuar se kjo nuk do të thotë se ajo ka ndërruar jetë.

“Për mua është gjallë. Por çdo gjë ndodh në këtë vend. Dikush thotë pse nuk del vajza të flasë. Tani është 21 vjeçe. Në atë moshë, trysnia dhe frika që ka përjetuar mund ta kenë bërë që një pjesë e kujtesës t’i eliminohet. Përdoren dhe medikamente të ndryshme që ta fshijnë kujtesën. Kjo është një enigmë në kuptimin e parë të fjalës. Nuk ka shpjegim të mos reagonte, duhet të reagonte patjetër”, tha Beqiri.

Avokati shtoi se nuk ka prova që mbështesin teoritë se vajza është vrarë nga kafshë të egra dhe theksoi se SPAK-u do të hetojë deri në fund.

Ai gjithashtu përmendi mundësinë që Bleona të ketë jetuar në Greqi dhe më pas të ketë shkuar në Gjermani, duke e bërë të besueshme që ajo vazhdon të jetojë.

“Edhe në Greqi dhe Gjermani një pjesë e konsiderueshme e popullsisë janë shqiptarë. Çdo version është hedhur, por të gjitha teoritë për kafshë që e kanë vrarë janë përralla. Kjo më bën të besoj se vajza jeton”, tha Beqiri.

Hetimet lidhur me zhdukjen e Bleona Matës vazhdojnë nën drejtimin e SPAK-ut, ndërsa shpresat mbeten të drejtuara drejt gjetjes së saj.

Ilir Meta, nga qelia, ka reaguar sërish për ngjarjet e 21 Janarit 2011, duke pretenduar se protesta ku humbën jetën katër persona nuk ishte një reagim spontan ndaj videos së publikuar më 11 janar, ku ai shfaqej duke bërë pazare me ish-ministrin Dritan Prifti, por një ngjarje e parapërgatitur.

Ndërkohë, në “Ora e Fundit” në ABC News, avokati Idajet Beqiri hodhi akuza të forta ndaj Metës, duke deklaruar se ai ka tentuar të justifikojë veten dhe të fshehë të vërtetën për rolin e tij në protestë, ndërsa paralajmëroi se hetimi për 21 Janarin do të jetë i plotë dhe mund të shkojë deri në gjykatat ndërkombëtare.

“Megjithëse se SPAK nuk e  thirri si dëshmitar, Meta shkoi vetë dhe kjo tregon shumë. Nuk mjaftoi me aq, sepse faktikisht nuk tha gjë në SPAK, por shkoi për të justifikuar veten. Ilir Meta ndenji 15 pa folur për “21 Janar”. Ky monologu sot i Metës është një përpjekje për të fshehur të vërtetën. Meta e di shumë mirë se hetimi i plotë që po i bëhet “21 janarit” do të jetë i plotë dhe shterues. Ai e di shumë mirë që ai ishte shkaku. Meta për të fshehur rolin e tij në këtë krim, mundohet që të bënte të diturin, sikur protesta do të bëhej kohë më parë dhe do të ishte e dhunshme. Të gjitha këto i bien sepse nuk kishte asnjë armë në protestë.

Kjo nuk e justifikon faktin që Garda përdori armë ndaj protestuesve. Planin për ekzekutimet Meta e bëri bashkë me Sali Berishën, i nxitën protestuesit që të protesta të bëhej më e rëndë. Sepse ende pa nisur protesta ata përdorën gaz lotsjellës. Ky ishte një skenar. Me çdo kusht kërkonin që protestuesit të shkonin brenda gardhit dhe të justifikonin vrasjet, por nuk ia arritën dot. Kur ikën protestuesit, atëherë bënë vrasjet. Të gjitha ato që janë atje, janë për të mbuluar të vërtetën. Metës po i djeg miza nën kësulë, sepse e di shumë mirë që edhe po s’bëri gjë SPAK çështja do të shkojë në gjykatë, madje deri në Strasburg. E di shumë mirë që e vërteta do dalë. Meta është pjesë e urdhërimit të vrasjeve bashkë me Berishën dhe Bashën”, tha avokati./abcnews.al

Sot shënohen 15 vjet nga tragjedia e 21 Janarit, një ngjarje e dhimbshme që la katër qytetarë të vrarë dhe të tjerë të plagosur në kryeqytet. Ndërkohë, debatet mbi drejtësinë për këtë ngjarje vazhdojnë.

Në “Real Story” në ABC News, avokati Idajet Beqiri kritikon ashpër SPAK-un, duke theksuar se institucioni ende nuk ka bërë drejtësi dhe është i ndikuar nga ish-kryeministri Sali Berisha.

“SPAK end nuk është në lartësinë e detyrës dhe po luan ndjenjat e një populli të tërë. Me atë që Shqipëria është në prag të integrimit në BE. Po e injorojnë këtë çështje jo se janë të paaftë, por se janë të kapur nga ish-kryeministri i vendit, sepse ka ende kontroll mbi SPAK. Berisha i mban të lidhur jo vetëm me dosje, por edhe me akte korruptive. Kemi të bëjmë me një krim që e pranon vetë autori i tij. Nuk mbyllet “21 Janari” dot është një krim i hapur. Duan ta mbyllin “21 Janarin”, por nuk e mbyllin dot është një krim i hapur që pa marrë ndëshkimin e duhur dhe pa marrë burgimin e përjetshëm siç e meriton Sali Berisha. Berisha e pranon vetë që ka bërë krim. I ka pranuar në një mënyrë apo në një tjetër në deklaratat e tij. Berisha e bëri gjak Shqipërinë”, tha Beqiri.

TIRANË- Dokumente te publikuara ne shtetet e bashkuara tregojnë se kontrata lobuese 6 milionë dollarëshe për heqjen e “non gratës” së Sali Berishës, është paguar direkt nga Partia Demokratike dhe jo nga një fondacion shqiptaro-amerikan në New Jersey.

Dokumenti i bërë publik nga aktivistja Evi Kokalari, nxjerr zbuluar selinë blu, e cila ka bërë një tjetër deklarim publik dhe ne KQZ.

I ftuar në emisionin “Ora e Fundit” në ABC News, avokati Idajet Beqiri bëri akuza të forta ndaj ish-kryeministrit Sali Berisha, duke ngritur pikëpyetje mbi burimin e fondeve të përdorura për pagesën e kontratës lobuese.

Gjatë diskutimit në studio, avokati i bëri thirrje SPAK që të ndërpresë, sipas tij, fijet e korrupsionit që lidhen me Berishën. Avokati pretendoi gjithashtu se Berisha u ka dhënë koncesione hidrocentralesh në favor të fëmijëve të tij dhe e akuzoi atë për lobime kundër integrimit europian të Shqipërisë.

“Berisha, që kur e sollën serbët në pushtet, i ka konsideruar shqiptarët si skllevër. Këto janë të shqiptarëve, janë paratë e grabitura, janë paratë që Berisha ka vjedhur vazhdimisht. Fijet e korrupsionit në PD nuk janë prerë. Nga u gjetën paratë që iu paguan La Civita? SHBA nuk pajtohet me krimet e jashtëzakonshme që ka bërë Sali Berisha në këtë vend, si korrupsioni dhe vrasjet. Po hetohet Berisha dhe familja e tij.

SPAK duhet t’ia shkëpusë fijet e korrupsionit Sali Berishës. Berisha i ka dhënë koncesione të hidrocentraleve fëmijëve të tij. Berisha lobon për të mos u futur në Bashkimin Evropian. Kemi të bëjmë jo vetëm me krim kombëtar, por edhe me krim ndërkombëtar. Opozitën shqiptare e kemi në duar të serbëve. Po vuajmë nga krimet e Sali Berishës, sepse nuk janë prerë fijet e korrupsionit të Sali Berishës. SPAK nuk po heton”, tha ai.

Ai tha se populli shqiptar po vuan  pasojat e korrupsionit dhe krimit të kryer nga Sali Berissha.  Ai u ndal edhe tek krimi shtetëror i 21 janari, ndërsa tha se SPAK nuk po tregon interesin e duhur për ta zbardhur.

“Po vuajmë nga krimet e Sali Berishës, sepse nuk janë prerë fijet e korrupsionit të Sali Berishës. SPAK nuk ka asnjë interes për të hetuar 21 Janarin. SPAK po shkel vendimin e Gjykatës së Strasburgut. SPAK, deri tani, është kthyer në vegël. 21 Janari është plaga më e rëndë shtetërore.”, theksoi ai./abcnews.al

TIRANË- Avokati Idajet Beqiri, i ftuar në emisionin “Ora e Fundit”, ngriti akuza të forta ndaj ish-kryeministrit Sali Berisha dhe disa politikanëve të tjerë, duke folur për korrupsion dhe pasuri të paligjshme.

“Berisha ku i gjeti lekët e LaCivita? Tha 6 milionë dollarë, por në fakt janë mbi 20 milionë dollarë. Po aktivitetet që bën, ku i gjen paratë? Po shpenzimet për fushatën elektorale ku i gjen? Problemi është që korrupsioni është galopant.

Janë të gjithë ato lekët e privatizimeve që janë bërë në mënyrë kriminale. Janë lekët e naftës, kromit dhe mineraleve të tjera të Shqipërisë, që u privatizuan për interesat e këtyre personave. Këlliçi duhet të thotë fillimisht aferat e tij korruptive. Këlliçi ka disa afera korruptive,” deklaroi Beqiri.

Ai theksoi se provat e korrupsionit të Berishës janë konkrete dhe të dukshme.  Sipas tij, krimet e Sali Berishës i dinë edhe shërbimet partnere.

“I di një popull i tërë, i dinë prokurorët, gjykatat, ndërkombëtarët, por edhe shërbimet partnere të huaja. Krimet e tij janë të dukshme. Është 1997, Gërdeci, 21 janari, Partizani, Albpetrol dhe shumë të tjera. Ky dënohet minimumi me 23 herë burgime të përjetshme. Lere pastaj se sa miliardë pasuri i ka borxh këtij populli.”, tha ai./abcnews.al

Avokati Idajet Beqiri hedh akuza ndaj organeve të reja të qeverisjes së gjyqësorit, duke i cilësuar Këshillin e Lartë të Prokurorisë (KLP) dhe Këshillin e Lartë Gjyqësor (KLGJ) si institucione jofunksionale dhe politikisht të kapura. Duke analizuar zanafillën e reformës, Beqiri pranoi se ndërhyrja ishte e domosdoshme pasi “sistemi ishte i kalbur”. Megjithatë, ai theksoi se procesi i Vettingut…

Source

Avokati Idajet Beqiri, i ftuar në “Ora e Fundit” në ABC News, ka komentuar zhvillimet e fundit politike dhe ligjore në vend, duke u ndalur te çështja e dëmshpërblimit të qytetarëve të prekur nga përmbytjet, si dhe te përgjegjësitë e ish-zyrtarëve të lartë për ngjarje të rënda në të kaluarën.

Beqiri theksoi se marrja përsipër e dëmshpërblimeve nga qeveria aktuale është një hap pozitiv, ndërsa akuzoi ish-kryeministrin Sali Berisha për mungesë përgjegjësie ndaj qytetarëve gjatë qeverisjes së tij.

Gjithashtu, ai bëri të ditur se ka marrë sinjale pozitive lidhur me letrën drejtuar Sekretarit amerikan të Shtetit, Marco Rubio, ku kërkon hetim për krime të pretenduara të Berishës, Ilir Metës dhe bashkëpunëtorëve të tyre, duke kërkuar një rol më aktiv të SPAK në zbardhjen e ngjarjeve si viti 1997 dhe “21 Janari”.

“Të dëmtuarit nga përmbytjet duhet që të dëmshpërblehen, fakti që qeveria merr përsipër dëmshpërblimet është diçka pozitive. Kurse, Sali Berisha që flet nuk ka dëmshpërblyer asnjë qytetar, ka akoma njerëz që kërkojnë dëmshpërblime nga përmbytjet në kohët që ishte Berisha. Sot kam marrë një lajm pozitiv për letrën që i dërgova sekretarit amerikan të shtetit, Rubio, për krimet që ka bërë Berisha, Meta dhe banda e tyre. SPAK duhet të merret me bëmat e Berishës dhe Metës.

Me krijimin kundër njerëzimit në vitin 1997 dhe me në krye krimin shtetëror të “21 Janar”. Presim zhvillime të reja në shumë apekte. Po bëjnë përpjekjet për ta varrosur, edhe në kohën e rikuperimit të serverëve të Kryeministrisë. Më “21 Janar” do të kemi mandatën e Berishës, është fundi i tij, nuk ka më kufij”, tha avokati.

Rrëzimi i Presidentit të Venezulës, Nikolas Maduro, ka ngjallur një shpresë të re tek demokratë, e veçanërisht te Sali Berisha, në betejën e tyre kundër Edi Ramës.

Avokati Idajet Beiqir, i ftuar në “Ora e Fundit” në ABC News, vuri në dukje një paralelizëm mes Maduros dhe Sali Berishës, duke theksuar se veprimet e Berishës në vitin 1997 dhe më pas, përfshirë krimet dhe korrupsionin masiv, kishin rrezikuar stabilitetin e Shqipërisë dhe kishin bërë të domosdoshme ndërhyrjen e Shteteve të Bashkuara për të ruajtur rendin dhe demokracinë.

Beiqir tha se ndërhyrja ndërkombëtare, si në Venezuelë ashtu edhe në Shqipëri, është një sinjal i qartë se krimi dhe korrupsioni nuk mund të pranohen dhe se aktorët politikë përgjegjës për dhunë dhe keqadministrim nuk mund të lirohen nga përgjegjësia.

“Është vërtet lajm shumë i mirë rrëzimi i Maduros, që është pritur me entuziazëm në të gjithë botës, tjetër kush merret me politikë. Ndodhemi përpara një rendi të ri botëror. SHBA kanë marrë rolin parësor në këtë drejtim. Kur shikojnë që ai vend është problematik dhe nuk lulëzojnë dot zgjedhjet e lira dhe demokracia. SHBA me këtë ndërhyrje tregojnë që nuk mund të pajtohen dot, me krimin dhe korrupsionin.

Ky lajm i mirë, në rast se do të ishte zbatuar në Shqipëri në vitin 1997 kur Berisha u vodhi shqiptarëve me skemat piramidalëve mijëra lekë, kur i bëri atentat Ambasadës Amerikane, ku i mori të gjitha masat për ta hedhur në herë dhe që deshi t’i bënte antenat ambasadores amerikane, nuk do të kishte të gjitha ngjarjet që pasuan më pas, për shkak të Berishës. Në vitin 1997 po të mos ndërhynte SHBA, nuk do të kishim Shqipëri sot. Ndërhyrja më e fortë e SHBA në Shqipëri, ishte koha kur Sali Berisha bëri grusht shteti.

Ka pasur dhe raste të tjera, kur PS ka fituar zgjedhjet kanë dalë në protesta të dhunshme dhe ka marrë në duar armët për të shkaktuar tensione. Ne amerikanët i kemi pasur gjithmonë këtu, për sigurinë e vendit. Berisha barazon Maduron me Ramën, sepse është vetë si Maduro. Krimet e Berishës nuk mund të barazohen me të gjitha krimet e të gjithë të burgosurve të marra së bashku. Ka vrarë afro 10 mijë vetë. Është gjakatari më i madh dhe ka bërë korrupsionin më të madh në këtë vend”, tha Idajet Beqiri./abcnews.al

Avokati Idajet Beqiri e cilësoi të drejtë vendimin e Gjykatës Kushtetuese për të rikthyer në detyrë zv.kryeministren, njëherësh ministren e Infrastrukturës dhe Energjisë, Belinda Balluku.

Në një intervistë për “Ora e Fundit” në ABC News, Beqiri u shpreh se dy nga tre gjyqtarët që votuan kundër, Marsida Xhaferllari dhe Asim Vokshi, janë në krahun e kreut të PD, Sali Berisha.

“Një vendim i mirëpritur. Vendimi i GJKKO për ta pezulluar nga detyra, ishte antikushtetues. Për rrjedhojë, kjo ishte pritshmëria. Kjo ngjarje juridike e fuqishme, ashtu sikurse edhe ajo me Erion Veliajn, tregoi se për turp të juristëve, avokatëve të këtij vendi, që e dinë se si është nga pikëpamja e kushtetueshmërisë, që dihej pritshmëria, flasin sipas bindjeve politike. Për mua, befasues ishte Ilir Toska. Është gjyqtar që ka integritet moral dhe profesional, nuk e di. E njoh edhe profesionalisht. Sot nuk duhet ta ulte veten në këtë derexhe. Neni 103 i kushtetutës nuk lë vend për interpretime. Këta nuk kishte pse të dilnin kundër. Për Asimin dhe Xhaferllarin, kam thënë, kundër do të jetë Xhaferllari, jo pse është bashkëshortja e Alibeajt, por dihet që është pozicionuar në krahun e Saliut. Asim Vokshi, është “heroi” i Albana Vokshit. Po qe në linjën e Albana Vokshit, aty e ke atë.”, theksoi ai./abcnews.al

Avokati Idajet Beqiri thotë se Klodian Braho, drejtuesi i ri i SPAK, ishte i preferuari i amerikanëve.

Në emisionin “Real Story” në ABC News, Beqiri u shpreh se niveli i pyetjeve, bërë nga anëtarët e KLP, nuk ishte i duhuri për kandidatët që garonin për kreun e SPAK.

“Nuk kishte ndonjë interes, zgjedhja e kreut të SPAK këtë radhë. Ajo e Dumanit u prit me shumë interes. SPAK për 3 vjet u drejtua me një qetësi brilante, pritshmëria ishte që dujhet të jetë një dorë e fortë. Dumani e kishte këtë nerv në karrierën e tij. Dallohej si njeri që guxon. Prandaj pati debate të fuqishme, pritshmëri e lartë. U mendua që kur doli Kraja,e meritonte Dumani, por diçka lëvizi brenda. Këtë radhë, ishin kandidatura të barabartë mes të barabartëve. Të katërt këta, vlerësoj se zgjedhja e Klodianit ishte normale. Ajo ishte dhe si e paralajmëruar. Problemi më i madh ishte te niveli i atyre që e zgjodhën, nivel jashtëzakonisht i ulët. Më bëri përhshtypje që nuk ishte pyetje që u përkasin këtyre.”, theksoi ai./abcnews.al

Debati mbi funksionimin e drejtësisë dhe rolin e politikës në institucionet e reja ka qenë në qendër të emisionit “Real Story” në ABC News, ku analistët dhe juristët dhanë qëndrime të ndryshme mbi perceptimin e selektivitetit dhe presionit politik ndaj sistemit.

Analisti Frrok Çupi ngriti akuza për drejtësi selektive dhe ndikime politike mbi prokurorë e gjyqtarë, ndërsa Roland Lami theksoi se nuk duhet ekzagjeruar ideja se opozita kontrollon drejtësinë, por pranoi se SPAK është e stepur që të hetojë Berishën.

Avokati Idajet Beqiri, nga ana tjetër, e lidhi problemin e korrupsionit në drejtësi me qeverisjet e kaluara. Në studio u krijua kështu një panoramë debatesh mbi besueshmërinë, pavarësinë dhe sfidat e sistemit të drejtësisë në vend.

Frrok Çupi: Janë duke praktikuar drejtësi selektive. Po selektohen krahë politikë. Nuk ka drejtës të re, drejtësia është drejtësi. Përveç kësaj këta janë prokurorë dhe gjykatës që janë shumë të vjetër, që kanë mëkatuar, që janë lidhur. Vijnë nga vërtetimi i pasurive dhe vettingu që nuk funksionoi. Selektojnë krahët dhe forcat, kush është më i fuqishme dhe më kriminali. Publiku e shikon që këta i ka kapur Sali Berisha. Është fjala për çdo të fortë, që ka para, që u shtinë tmerrin, që janë të fortë. Shumica prej tyre nuk ka dukuri të përgjithshme. Selektimi i fundit vjen tek fakti që ata selektojnë nëpër paragrafë, janë aq të paditur sa interpretojnë vetëm një paragraf dhe harrojnë Kushtetutën.

Roland Lami: Unë mendoj që nuk duhet të ngjatojmë pushtetin me stepjen. Të themi që opozita kontrollon SPAK-un, është një ekzagjerim. Të mos themi që opozita kontrollon drejtësinë, se është e tepërt, nuk ka aq fuqi. SPAK krah Berishës është i stepur. Të mos i japim forcë politikës që kontrollon SPAK-un.

Idajet Beqiri: Prokurorëve rrugën e korrupsionit ua hapi rrugën qeverisja e Berishës./abcnews.al

Avokati Idajet Beqiri në një intervistë në emisionin “Real Story” në ABC News komentoi thirrjen e Berishës nga SPAK për çështjen e 21 janarit. Avokati u shpreh se disa prokurorë kanë frikë nga Berisha. Me një qëndrim të ashpër, avokati më tej shtoi se krimet janë kryer në kuadër të një organizate kriminale.

“Edhe SPAK ka komplekset e veta ndaj Berishës, edhe një pjesë e tyre janë të tredhur nga Berisha…Vetëm ta dëgjoje prokurorin e çështjes njërin prej tyre dhe debatet që bënte relatori i çështjes me të, ishte sikur ishte Berisha, jo prokuror…Por ai është i detyruar t’i shkojë deri në fund. Por e them që ka flirte brenda SPAK, në aspektin që jemi të dy kësaj fushe… SPAK duhet të bëjë detyra që i la gjykata. Ne për gjëra më të thjeshta i kemi marrë për grup të strukturuar kriminal, ndërsa këtu ndodh e kundërta. Duhet thënë që është organizatë kriminale e mirëfilltë…Krimet janë kryer në kuadër të një organizate kriminale”, tha avokati.

/abcnews.al/

Avokati Idajet Beqiri deklaroi në “Ora e Fundit” në ABC News se ish-kryeministri Sali Berisha dhe ish-ministri i Brendshëm, Lulzim Basha, mbajnë përgjegjësi penale për ngjarjet e “21 Janarit”, që çuan në vdekjen e katër protestuesve.

Beqiri e cilësoi ngjarjen si “krim çnjerëzor” dhe tha se kallëzimi penal ndaj tyre është nisur nga SPAK-u mbi bazën e provave që avokati dhe bashkëpunëtorët e tij kanë depozituar. Sipas Beqirit, provat janë të pakontestueshme dhe përfshijnë dokumente dhe dëshmitarë që do të dorëzohen në kohën e duhur.

Ai paralajmëroi gjithashtu se Basha mund të përballet me akuzat për bashkëpunim në vrasje, që mund të sjellin dënim deri në burgim të përjetshëm.

“Kam thënë që Berisha do të marrë burgun e përjetshëm për ‘21 Janarin’. Është një krim çnjerëzor, që nuk e përshkruan dot me fjalë. Nuk ka ndodhur në asnjë vend që kryeministri i vendit të vrasë qytetarët e vet, sepse në emër të fjalët së lirë dhe demokracisë, protestuan për një aferë. Dolën në protestë edhe për votën e lirë, sepse Berisha i vriste. Ai thotë që të vriten, dhe e pranon vetë. Kallëzimi penal është konkret, kundër Berishës dhe Bashës, ku thuhet që këta janë urdhërues të vrasjes. SPAK e ka nisur kallëzimin penal në bazë të provave që ne kemi dhënë.

Basha nuk vajti në SPAK si një person që ka dije, por si ish-ministër i Brendshëm. Basha në SPAK u vu në dijeni të provave që janë të pakontestueshme dhe që është pjesë e asaj dosje dhe do të mbajë përgjegjësi. Basha bashkë me Berishën e kanë komanduar të dy situatën, kanë qenë të dy në Kryeministri, ndërkohë që duhet të ishte në Ministrinë e Brendshme në krye të detyrës. Basha është bashkëpunëtor të vrasjes së 4 protestuese të “21 Janarit”.

Basha shumë shpejt do të jetë në pozitën e të pandehurit, ku mbi të do të rëndojnë veprat e vrasjeve të cilësuara, që mund të shkojnë deri në burgim të përjetshëm. Ai është bashkëpunëtor. Kemi dhe prova të reja që do të jenë bombë, që do të dorëzohen në kohën e duhur. Nuk do të ketë vetëm prova/dokumente, por edhe dëshmitarë të tjerë”, tha Beqiri.

“Ka bërë korrupsion të lartë shtetëror”, kështu u shpreh avokati Idajet Beqiri në një intervistë në “Shqipëria Vendos Lokale ‘25” në ABC News, ndërsa akuzoi Sali Berishën.

Gjithashu avokati theksoi se kreu i PD Sali Berisha ka shkatërruar opozitën dhe se e përdor partinë për interesa personale.

“Partia Demokratike duhet të marrë të tjera rrugë dhe të shikojë të tjera alternativa sepse nuk e ngjall dot më këtë alternativë që ka Berisha. Berisha ka lënë berishizmin brenda. Gazi i shkretë përshtatet, mund të shkojë edhe tek socialistët. Por PD duhet të mendojë për një alternativë tjetër. Të mblidhen të gjithë të rinjtë me mendësi europiane dhe jo shpellarë nëse duan të ndërtojë diçka që opozita të vijë në pushtet. Berisha fillimisht vrau Shqipërisë, vrau edhe Partinë Demokratike”, tha ai.

Më tej theksoi se Flamur Noka do të dënohet për të gjitha korrupsionet që ka bërë.

“Shumë shpejt Flamur Noka do të dënohet. Do dënohet për të gjitha korrupsionet që ka bërë në kurriz të PD dhe të një çështje që ka në SPAK”, tha ai.

/abcnews.al/

TIRANË- Kuvendi miratoi të enjten projektligjin për barazinë gjinore. I cili nuk kaloi pa debate të forta politike mes të majtëve e të djathtëve në sallë.

Opozita kundërshtoi ashpër projektligjin duke vënë theksin tek gjinia gjithëpërfshirëse.

Berisha nuk kurseu akuzat, por kësaj radhe shënjestra e tij ishte edhe ambasadori i BE-së, Silvio Gonzato.

Avokati Idajet Beqiri, në një intervistë në “Ora e Fundit” në ABC News tha se projektligji nuk shton gjini të reja, ndërsa theksoi se kreu i PD Sali Berisha po e keqinterpreton me qëllim, edhe duke sulmuar ambasadorin Gonzato.

Sipas avokatit, arsyeja kryesore lidhur me këto sulme të Berishës, është fakti sepse kreu i PD nuk do që Shqipëria të futet në BE dhe se për këtë arsye krijon këtë rrëmujë dhe konflikt.

“Me Saliun në krye nuk mund të ketë opozitë. Një njeri që është marrë i pandehur për korrupsion të lartë shtetëror dhe është në gjykim dhe të thuash se opozita paska si kauzë këtë ligj që edhe e deformon. Pasi nuk është ajo që Berisha thotë. Në mungesë të kauzave serioze për të bërë opozitë në vend i vërsulen duke marrë të kundërtat e çdo ligji që miratohet. Unë i mirëkuptoj ata që dalin në protestë, një pjesë janë edhe intelektualë dhe kanë shqetësim të drejtë sepse duan të ruhet familja. Në këtë aspekt i përkrah ata, por ky ligj nuk bën fjalë për shumë gjini. Por thotë që duhet luftuar deri në fund diskriminimi. Flitet gjithmonë për diskriminim, pra flitet për jo më pak se 30 % të emërimeve të ndryshme që nuk duhet të jenë jo më pak se 30 % femra. Berisha po e keqinterpreton për të sjellë një amulli në këtë vend dhe për t’u hequr i moralshëm. Por ka dy qëllime madhore që e bën, dhe sulmon ambasadorin e BE, e para është sepse ai nuk do që Shqipëria të futet në BE”, tha ai.

Gjithashtu avokati komentoi edhe rikthimin e Arben Ristani në KQZ, duke u shprehur Berisha e do Ristanin, sepse i shërben.

“Ai e di që populli shqiptar nuk e voton kurrë një antishqiptar dhe ai ka zgjedhur rrugën e vjedhjes së votave me njerëz të përshtatshëm. Në këtë aspekt Ristani ka qenë një njeri i përshtatshëm i tij dhe dha shembull më negativ, kur hapi kutitë dhe numëroi votë e hedhur në kutinë gjoja të gabuar. Kuptohet që do shkojë në KQZ por nuk ma merr mendja që do ketë efektivitet”, tha ai.

/abcnews.al/

TIRANË- 1.4 milionë euro për këshilltarin e Trump. Tetë muaj nga nënshkrimi i kontratës, është zbuluar më në fund pagesa që mori fushatuesi amerikan Chris La Civita për humbjen e Partisë Demokratike në zgjedhjet e 11 majit.

Sipas raportit financiar të dorëzuar në KQZ, PD ka paguar 1.4 milionë euro për Chris La Civita, së bashku me ekipin e tij, të përbërë nga ish-fushatuesi tjetër Paul Manafort dhe Sterwart Jackson.

Avokati Idajet Beqiri në një intervistë në “Ora e Fundit” në ABC News, tha se sipas tij, La Civita ka marrë 20 milionë dollarë dhe jo shifra që është deklaruar.

Gjatë intervistës në studio, avokati theksoi se SPAK duhet të hetojë këtë çështje dhe të mos kalojë pa u “hedhur dritë”.

“E kupton çdo shqiptar se çfarë para e jashtëzakonshme në këtë vend është e pistë që nuk ndodhet nëpër banka. Saliu nga viti 1992, të gjitha vendet e punës, pa paguar kuotën domethënë ta blinte vendin e punës, nuk futej. Pushtetin e kanë dashur sepse kanë qenë të bindur dhe janë futur në borxh për ta blerë vendin e punës. Është shumë e vërtetë dhe ata që kanë konkurruar, kur janë përplasur me të tilla shifra që do ta blinin vendin janë tërhequr dhe flasin sa u kanë kërkuar që të bëheshin deputetë. La Civita ka marrë 20 milionë dollarë. Këtë çështje SPAK duhet ta regjistrojë. Ky është një pastrim i pastër. Është një vepër penale e dukshme. Dhe këto vepra i fillon kryesisht SPAK, por duket se nuk ka kohë të merret me këtë”, tha avokati.

Gjithashtu në studion e ABC News, avokati foli edhe për çështjen e “21 janarit”, duke komentuar edhe deklaratat e ish-kryeministrit Sali Berisha, i cili në dalje të tij ka thënë se Garda ka qëlluar pa urdhër.

“Por përse i fshiu kamerat dhe serverat kur ai nuk paska dhënë urdhër. Kur t’i nuk ke dhënë urdhër për t’u vrarë këta njerëz, përse ndërtoi alibinë i pari duke thënë se u qëllua nga afër. Ai vetë atë ditë që iu kërkuan serverat nga ana e Prokurorisë ai tha “të vinë nesër ti marrin” dhe më pas dha urdhër për gjithë natën që të fshiheshin”, tha ndër të tjera avokati.

/abcnews.al/

Ish-ministri i Brendshëm, Lulzim Basha u paraqiten pasditen e kësaj të enjteje në SPAK, sa i takon dosjes së “21 Janarit”.

Avokati Idajet Beqiri në emisionin “Real Story” në ABC News tha se një ditë para protestës Berisha mblodhi “grupin e zjarrit” për të diskutuar lidhur me protestën që do të bëhej dhe masat që do të merreshin.  Sipas Beqirit ngjarja tragjike ishte e paralajmëruar.

“Para se të ndodhte protesta Berisha e kishte mbledhur “grupin e zjarrit”, bandën e tij, atje ka qenë edhe Lulzim Basha ku është diskutuar se çfarë do të ndodhte të nesërmen në protestë dhe se si do të veprohej. Atje u debatua se çfarë do të ndodhte dhe se si do të vepronin me njëri-tjetrin.

Kishin marrë informacion që protesta do të ishte masive dhe mund të kishte akte dhune. Basha do të bënte planin A dhe B. Duhet të ishte një plan i detajuar. Kjo nuk ekziston, nuk e kishte bërë, ndërkohë që e kishte për detyrë ta bënte. Atë ditë duhet të ishte në krye të detyrës. Ai nuk ishte në krye të detyrës, por ishe me grupin e Berishës dhe ishte në Kryeministri”, tha Idajet Beqiri.

Avokati Idajet Beqiri ka depozituar një kallëzim penal në SPAK ndaj kreut të opozitës Sali Berisha dhe disa bashkëpunëtorëve të tij, për ngjarjet e njohura si “grushti i shtetit” i vitit 1998.

I ftuar në emisionin “Ora e fundit” në ABC News, Beqiri deklaroi se ngjarjet e asaj kohe përbëjnë “njollën më të zezë në historinë e shtetit shqiptar”, pasi lanë pas shumë viktima dhe pasoja të rënda. Ai tha se, pasi pa që SPAK nuk ishte marrë me këtë çështje, përgatiti personalisht dosjen dhe kallëzimin penal.

Sipas tij, Berisha ka qenë organizatori kryesor i grushtit të shtetit, së bashku me disa bashkëpunëtorë të afërt, ndër të cilët përmendi Genc Pollon. Beqiri, që thotë se ishte dëshmitar okular dhe viktimë e asaj ngjarjeje, akuzon Berishën dhe mbështetësit e tij për dhunë të organizuar me qëllim marrjen e pushtetit dhe lidhje të drejtpërdrejta me Beogradin.

Sipas Beqirit, gjatë ngjarjeve të shtatorit 1998, objektiv i sulmit ishte edhe ish-kryeministri Fatos Nano, pasi, siç tha ai, “zyra e tij u qëllua me breshëri plumbash me qëllim për ta eliminuar fizikisht”. Ai shton se banda e Berishës shkoi me arkivol në kryeministri.

“SPAK duhet të merrej dhe me grushtin e shtetit të vitit 1998, që është njolla më e zezë që ka lënë pasoja të rënda, sepse kanë mbetur shumë të vrarë. Kur e pashë që SPAK nuk u mor, përgatitja këtë dosje dhe kallëzimin penal e çova në SPAK. Berisha si organizator i këtij grusht shteti dhe bashkëpunëtorët e tij, si Genc Pollo dhe një sërë bashkëpunëtorësh të tij.

Isha dëshmitar okular dhe viktimë krimi i këtij grusht-shteti. Banditët e Saliu shënjestruan për vrarë Skënder Gjinushin ku predha e tankut ranë tavolinën e tij. Berisha dhe banda e tij shkuan me arkivol në kryeministri, donin që të vrisnin Fatos Nanon. Mbushën plot me plumba zyrën e tij, por nuk e gjetën atje. Ky grusht-shteti ishte i paralajmëruar.

Nuk kemi parë një qeveri shqiptare, por e komanduar nga Beogradi. Qeveria e Berishës i merrte urdhrat nga Beogradi. Këta ishin 3 mijë veta gjithsej. Grushti i shtetit nuk u bë se u vra Azem Hajdari, por u organizua nga Berisha që kur erdhi në pushtet. Kërkonte që të merrte pushtetin me dhunë”, tha Idajet Beqiri./abcnews.al