Një rast i dhunës në shkolla është parë në shkollën “Pavarësia” në Prishtinë. Mësimdhënësi Abaz Kadriu ka regjistruar dhunë ndaj një nxënësi në ambientet e shkollës dhe në sy të nxënësve të tjerë. Kadriu u ndaluar për 48 orë nga policia e Kosovës.

Në lidhje me këtë incident, Shoqata Sindikale e ShFMU “Pavarësia”, Këshilli Drejtues i Shkollës dhe Këshilli i Prindërve kanë njoftuar se më 10 shkurt 2026, duke filluar nga ora 08:00, mësimdhënësit do të jenë të pranishëm në shkollë, por dy orët e para mësimore nuk do të zhvillohet mësim, për shkak të mbajtjes së një proteste.

Organizatorët e protestës bëjnë të ditur se qëllimi i saj është reagimi ndaj veprimeve delikuente të nxënësve në procesin edukativo-arsimor, përfshirë dhunën fizike, fyerjet, ofendimet dhe sharjet ndaj mësimdhënësve. Sipas tyre, këto veprime cenojnë rëndë autoritetin profesional, sigurinë dhe dinjitetin e mësimdhënësve, si dhe dëmtojnë mbarëvajtjen e procesit mësimor.

Në deklaratë theksohet se ky nuk është një rast i izoluar, por një fenomen shqetësues që po shfaqet në shumë shkolla. Përmes kësaj proteste, palët synojnë të ngrisin zërin dhe të kërkojnë angazhim serioz institucional dhe shoqëror për parandalimin dhe trajtimin me përgjegjësi të këtyre rasteve.

Sipas njoftimit, procesi mësimor do të vazhdojë normalisht pas përfundimit të dy orëve të para, përkatësisht nga ora e tretë, sipas orarit të rregullt. Ndërkohë, ndërrimi i pasdites do ta zhvillojë procesin edukativo-arsimor pa ndërprerje, sipas orarit të paraparë.

Sinjali – aty ku e vërteta flet para lajmit!

/GazetaSinjali/

The post Mësimdhënësit e shkollës “Pavarësia” bojkotojnë mësimin – shkak sjelljet e papërshtatshme të nxënësve appeared first on Sinjali.

Një rast i rëndë i dhunës në familje është raportuar gjatë natës në rrugën “Dositej Obradoviq” në Leposaviq, ku një grua ka përfunduar viktimë e kërcënimeve dhe presionit psikik nga bashkëshorti i saj.

Sipas informatave që ka siguruar Sinjali, rasti është raportuar më 09.02.2026, rreth orës 00:00, ndërsa incidenti dyshohet të ketë ndodhur më 08.02.2026 rreth orës 23:00.

Njësitë patrulluese të Policisë kanë dalë menjëherë në vendngjarje, ku kanë takuar viktimën S.M. dhe të dyshuarin J. M. Pas ndërhyrjes policore, i dyshuari është arrestuar, ndërsa të dy palët janë shoqëruar në stacionin policor për intervistim.

Gjatë procedurës hetimore, është konstatuar se i dyshuari e kishte kanosur viktimën me fjalë dhe, sipas deklarimeve, e kishte detyruar atë të përdorte medikamente për qetësim. Ndaj të dyshuarit është kryer testi i alkoolit, ku ka rezultuar me 0.67 promila alkool në gjak.

Lidhur me rastin është njoftuar Prokurori kujdestar, i cili ka udhëzuar që rasti të iniciohet për veprën penale “Dhuna në familje”, ndërsa ndaj J. M. është caktuar masa e ndalimit dhe i njëjti është dërguar në mbajtje.

Rasti është duke u trajtuar nga organet kompetente dhe hetimet janë në vazhdim.

Sinjali do të raportojë për çdo zhvillim të ri lidhur me këtë rast.

Sinjali – aty ku e vërteta flet para lajmit!

/GazetaSinjali/

The post Dhunë në familje në Leposaviq – burri i dehur kërcënon bashkëshorten dhe e detyron të marrë medikamente appeared first on Sinjali.

Një rast i dhunës në familje është raportuar në orët e para të mëngjesit në lagjen Kashan të Kaçanik, ku një grua e re ka deklaruar se është ofenduar dhe keqtrajtuar nga bashkëshorti dhe kunati i saj.

Sipas informatave që ka siguruar Sinjali, më 09.02.2026 rreth orës 00:20, Stacioni Policor Kaçanik ka pranuar një thirrje telefonike nga S. B nga Vushtrria, i cili ka raportuar se vajza e tij, D. B., e martuar në Kashan, dyshohej se ishte viktimë e dhunës në familje.

Menjëherë pas pranimit të informatës, patrulla policore ka dalë në vendngjarje dhe ka shoqëruar viktimën në stacion, ku është intervistuar nga njësiti për dhunë në familje.

Gjatë deklarimit, viktima ka bërë të ditur se konflikti kishte nisur pasi bashkëshorti i saj, N. R., dyshohet se ia kishte marrë kartelën bankare, të cilën ajo e kishte nxjerrë për mbështetje financiare në prag të lindjes së fëmijës. Përveç kësaj, ajo ka deklaruar se ishte ofenduar me fjalë fyese nga bashkëshorti, ndërsa edhe kunati i saj, S. R., sipas saj, kishte përdorur gjuhë ofenduese.

Nga ana tjetër, të dy të dyshuarit gjatë intervistimit i kanë mohuar pretendimet, duke deklaruar se nuk kanë ushtruar dhunë fizike dhe as nuk kanë përdorur fjalor fyes ndaj viktimës.

Lidhur me rastin është njoftuar Prokurori kujdestar, i cili ka urdhëruar inicimin e procedurës për veprën penale “Dhunë në familje”, ndërsa pas intervistimit, të dyshuarit janë liruar në procedurë të rregullt.

Rasti është referuar për trajtim të mëtejmë te njësiti për dhunë në familje në kuadër të Stacionit Policor Kaçanik.

Sinjali do t’ju mbajë të informuar për çdo zhvillim të ri.

Sinjali – aty ku e vërteta flet para lajmit!

/GazetaSinjali/

The post Dhunë në familje në Kaçanik – babai nga Vushtrria alarmon Policinë për vajzën e tij appeared first on Sinjali.

Një incident shqetësues është regjistruar sot në fshatin Krushë e Vogël të Prizren, ku është dëmtuar hyrja e shkollës fillore.

Sipas informatave që ka siguruar Sinjali, më 09.02.2026, drejtoresha e shkollës, Sh.Sh, ka raportuar në Polici se dera hyrëse e objektit shkollor është dëmtuar, ndërsa po ashtu është shkatërruar edhe një aparat për fikjen e zjarrit.

Patrulla policore dhe sektori i hetimeve kanë dalë menjëherë në vendngjarje, ku është konstatuar dëmtimi i derës dhe i pajisjes kundër zjarrit. Burime nga terreni bëjnë të ditur se dyshimet e para janë se dëmtimet mund të jenë shkaktuar nga persona të mitur, konkretisht nxënës të kësaj shkolle – megjithatë kjo mbetet për t’u vërtetuar.

Për rastin është njoftuar Prokurori i Shtetit, me udhëzimin e të cilit është iniciuar procedura për veprën penale “Dëmtim prone”.

Hetimet janë duke u zhvilluar nga Sektori i Hetimeve i Stacionit Policor Prizren Veri, ndërsa autorët e dyshuar ende nuk janë identifikuar.

Sinjali do t’ju mbajë të informuar për çdo zhvillim të ri rreth këtij rasti.

Sinjali – aty ku e vërteta flet para lajmit!

/GazetaSinjali/

The post Ekskluzive | Dëmtohet hyrja e shkollës fillore në Krushë të Vogël – thyhet dera dhe shkatërrohet aparati kundër zjarrit appeared first on Sinjali.

Një tentativë për t’iu shmangur Policisë ka përfunduar me zbulimin e një sasie të konsiderueshme narkotikësh në Lapna Selë të Graçanicës, mbrëmjen e së dielës.

Mëson Sinjali se më 08.02.2026, rreth orës 20:20, Njësia Rajonale e Trafikut, gjatë një kontrolli rutinë në magjistralen Prishtinë–Ferizaj, konkretisht në parkingun e HIB Petrol pranë Prishtina Mall, ka ndaluar një veturë Mercedes për kundërvajtje trafiku.

Pas shqiptimit të gjobës, shoferi është larguar me shpejtësi nga vendi i kontrollit. Vetëm pak çaste më pas, zyrtarët policorë kanë hasur në dy qese me rreth 100 gramë substancë të dyshuar narkotike të llojit marihuanë, për të cilat dyshohet se janë hedhur nga vetura gjatë arratisjes.

Burime të sigurta nga strukturat e hetimit bëjnë të ditur se automjeti drejtohej nga Pëllumb Rama me vendbanim në fshatin Pleshinë të Ferizajt.

Në vendin e ngjarjes kanë dalë patrulla policore dhe Njësia Hetimore e Stacionit Policor në Graçanicë, të cilët kanë sekuestruar substancën si provë materiale dhe kanë nisur procedurat hetimore.

Prokurori kujdestar është njoftuar menjëherë dhe ka urdhëruar inicimin e rastit për veprën penale:

“Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Rasti është në fazë hetimore, ndërsa pritet që ndaj të dyshuarit të ndërmerren veprime të tjera ligjore në ditët në vijim.

Sinjali – aty ku e vërteta flet para lajmit!

/GazetaSinjali/

The post Ekskluzive | Kapet duke ikur nga kontrolli policor – rreth 100 gramë marihuanë hidhen nga vetura në lëvizje pranë QMI-së appeared first on Sinjali.

Një aksion i mirëorganizuar i Policisë së Kosovës ka rezultuar me kapjen e një sasie të madhe narkotikësh në Pikën Kufitare Merdare, ku është arrestuar një person i dyshuar për trafikim të drogës.

Ngjarja ka ndodhur më 09.02.2026, rreth orës 06:00, kur Drejtoria për Hetimin e Trafikimit me Narkotikë – Sektori Qendror, pas hetimeve paraprake dhe një plani taktik, ka ndaluar në dalje nga Kosova një veturë të tipit Skoda, që drejtohej nga Pren Berisha.

Gjatë kontrollit të detajuar të automjetit, konkretisht në rezervuar, zyrtarët policorë kanë zbuluar dhe konfiskuar rreth 7 kilogramë substancë të dyshuar narkotike të llojit marihuanë, e ndarë në 24 paketime. Sipas vlerësimeve fillestare, vlera e drogës në treg arrin rreth 35 mijë euro, ndërsa dyshohet se ishte destinuar për transport drejt Republikës së Serbisë.

Pas arrestimit, në koordinim me Prokurorinë Themelore – Departamenti për Krime të Rënda në Prishtinë, është realizuar edhe bastisja e shtëpisë së të dyshuarit në Prizren.

Gjatë kontrollit janë sekuestruar edhe prova të tjera materiale, përfshirë: 4 vetura, 1 telefon mobil, 9 paketime me qese plastike dhe dy rrotulla plastike, 2 aparate për vakum, 2 peshore digjitale, si dhe dëshmi të tjera që ndërlidhen me rastin

Me vendim të Prokurorit, i dyshuari është dërguar në ndalim për 48 orë, ndërsa hetimet po vazhdojnë për të zbardhur të gjitha rrethanat dhe për të identifikuar persona të tjerë të përfshirë në këtë rast.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | Kapet në Merdare me rreth 7 kilogramë marihuanë – droga ishte nisur drejt Serbisë, arrestohet Pren Berisha appeared first on Sinjali.

Kryeministri në detyrë i Republikës së Kosovës, Albin Kurti, ka reaguar pas kërkesës së Prokurorisë në Hagë për dënimin me nga 45 vjet burg për secilin nga ish-drejtuesit e Ushtrisë Çlirimtare të Kosovës.

Në reagimin e tij, Kurti thekson se thelbi moral dhe historik i luftës çlirimtare të Kosovës qëndron në mbijetesën dhe dinjitetin e popullit, duke nënvizuar se UÇK-ja ishte bartëse e një lufte të drejtë, mbrojtëse dhe çlirimtare.

Sipas tij, lufta e UÇK-së u zhvillua në rrethana të okupimit të egër, kur dhuna sistematike dhe apart’heidi po shndërroheshin në gjenocid shtetëror ndaj popullit të Kosovës. Kurti vlerëson se çdo përpjekje për t’i shkëputur veprimet individuale nga ky kontekst historik dhe politik rrezikon të deformojë të vërtetën dhe kuptimin e luftës çlirimtare.

“Kurrë nuk kemi pasur plan shfarosjeje të ndonjë populli tjetër apo të civilëve”, thuhet në reagimin e kryeministrit në detyrë, i cili kritikon kërkesën e Prokurorisë si të pambështetur në standarde të pranuara ndërkombëtare të dënimit.

Kurti shton se kjo qasje injoron kontekstin e luftës në Kosovë dhe përpiqet ta vendosë çështjen në një “vakum juridik”, duke e shkëputur nga realiteti i një kryengritjeje çlirimtare dhe anti-kolonialiste.

Sinjali – aty ku e vërteta flet para lajmit!

/GazetaSinjali/

The post Kurti reagon ndaj kërkesës së Prokurorisë në Hagë: UÇK-ja bëri luftë të drejtë çlirimtare appeared first on Sinjali.

Një varkë që mbante 55 pasagjerë, përfshirë dy foshnje, është përmbysur në brigjet e Libisë, thotë agjencia e OKB-së për migracionin, ka raportuar BBC.

Të mbijetuarat e vetme, dy gra nigeriane, u shpëtuan nga autoritetet libiane të premten, njoftoi të hënën Organizata Ndërkombëtare për Migracionin (IOM). Anija mbante emigrantë dhe refugjatë nga vende të ndryshme afrikane, tha ajo.

Anija u mbyt pasi u fut në ujë afërsisht gjashtë orë pasi u nis nga qyteti bregdetar i al-Zawiya në Libinë veriperëndimore.

IOM thotë se pothuajse 500 emigrantë janë raportuar të vdekur ose të zhdukur duke u përpjekur të kalojnë Detin Mesdhe nga Libia deri më tani në vitin 2026.

Libia është bërë një pikë ndalese për emigrantët nga Afrika Sub-Sahariane që kërkojnë të arrijnë në Evropë që kur udhëheqësi i gjatë Muammar Gaddafi u vra në vitin 2011.

Të mbijetuarit i thanë IOM se gomonja ishte nisur rreth orës 23:00 sipas orës lokale nga al-Zawiya, në perëndim të Tripolit. Ajo u përmbys disa orë më vonë në orët e para të së premtes në veri të Zuwara.

Nuk është menjëherë e qartë pse ka vonuar kaq shumë që lajmi të dalë në dritë.

Njëra nga dy të mbijetuarat tha se kishte humbur burrin e saj, ndërsa tjetra raportoi se dy foshnjat e saj kishin vdekur, tha agjencia. Ekipet e IOM-it u ofruan të dyja grave kujdes mjekësor urgjent.

IOM thotë se të paktën 375 emigrantë u raportuan të vdekur ose të zhdukur vetëm në janar pas një serie mbytjesh anijesh “të padukshme” në Mesdheun qendror gjatë periudhave të motit ekstrem të dimrit. Numri i vërtetë i viktimave dyshohet se është më i lartë.

Sinjali – aty ku e vërteta flet para lajmit!

/GazetaSinjali/

The post Përmbyset një varkë me emigrantë në brigjet e Libisë, vdesin 53 persona appeared first on Sinjali.

Me 11 vota për, anëtarët e Komisionit Qendror i Zgjedhjeve (KQZ) në Kosovë certifikuan rezultatin e zgjedhjeve të parakohshme parlamentare të 28 dhjetorit.

“Me gjithë rezervat që i kemi pasur për Listën Serbe, i kemi dhe do të vazhdojmë t’i kemi”, tha Sami Kurteshi nga Lëvizja Vetëvendosje, pasi votoi për certifikimin e rezultatit zgjedhor.

Kurteshi dhe anëtari tjetër i LVV-së në KQZ, Alban Krasniqi në të kaluarën disa herë ka votuar kundër Listës Serbe në KQZ, qoftë për pjesëmarrjen e kësaj partie – që ka mbështetjen e Beogradit – në zgjedhje, apo edhe për certifikimin e rezultatit të këtij subjekti. Por, vendimet më pas janë rrëzuar nga Paneli Zgjedhor për Aneksa dhe Parashtresa dhe në disa raste më pas edhe nga Gjykata Supreme.

Rezultatet zgjedhore u certifikuan pasi përfunduan të gjitha afatet për ankesa nga partitë dhe kandidatët lidhur me rezultatet përfundimtare të shpallura nga KQZ-ja ditë më parë.

Palët e pakënaqura patën mundësi që t’iu drejtoheshin Panelit Zgjedhor për Ankesa dhe Parashtresa dhe më pas Gjykatës Supreme.

Procesi i certifikimit vjen pas rinumërimit të plotë të votave të rregullta, për çka u mor vendim pasi u gjetën mospërputhje në votat e kandidatëve për deputetë. Votat për parti nuk u cenuan.

Dhjetëra persona janë dërguar në paraburgim, qindra të tjerë janë intervistuar nën dyshimet për manipulim të votave, dhe proceset hetimore e gjyqësore pritet të vazhdojnë.

Nga Prokuroria e Shtetit kanë paralajmëruar se objekt i hetimeve mund të jenë edhe vetë kandidatët për deputetë.

Kush, sa vota i fitoi?

Sipas rezultateve përfundimtare të shpallura nga KQZ-ja më 31 janar, Lëvizja Vetëvendosje ka fituar 51.10 për qind të votave, duke siguruar 57 ulëse në Kuvendin e Kosovës. Partia Demokratike e Kosovës ka marrë 20.19 për qind të votave, apo 22 ulëse, Lidhja Demokratike e Kosovës 13.24 për qind, apo 15 ulëse, ndërsa Aleanca për Ardhmërinë e Kosovës 5.50 për qind, apo gjashtë ulëse.

Nga ulëset e rezervuara për minoritetin serb, nëntë ulëse i ka fituar Lista Serbe, partia më e madhe e serbëve në Kosovë, dhe një ulëse Partia për Liri, Drejtësi dhe Mbijetesë.

Çfarë ndodh pas certifikimit të rezultatit nga KQZ-ja?

Sipas Ligjit për zgjedhjet e përgjithshme, pas certifikimit të rezultatit zgjedhor, vjen hapi i radhës, ai i mbajtjes së seancës konstituive.

Kjo seancë duhet të mbahet brenda 30 ditësh dhe duhet të thirret nga presidentja e Kosovës, Vjosa Osmani. Por, nëse ajo nuk e thërret, sipas Rregullores së Punës së Kuvendit, Kuvendi mblidhet vetë në ditën e 30-të.

Rregullorja përcakton se duhet të ketë përgatitje për seancën konstituive dhe kjo përgjegjësi bie mbi kryetarin e legjislaturës paraprake, në këtë rast është në përgjegjësinë e Dimal Bashës.

Ai duhet që jo më vonë se pesë ditë para mbajtjes së seancës konstituive, të zhvillojë një takim të përbashkët me krerët e subjekteve politike parlamentare, për të përgatitur rendin e ditës dhe për të caktuar vendet e deputetëve në Kuvendin e ri.

Rregullorja përcakton se seanca konstituive ka katër pika të rendit të ditës: formimin e Komisionit të Përkohshëm për Verifikimin e Kuorumit dhe të Mandateve, betimin e deputetëve, zgjedhjen e kryetarit të Kuvendit dhe atë të nënkryetarëve.

Lidhur me seancën konstituive, vitin e kaluar pati shumë paqartësi dhe Gjykata Kushtetuese përmes disa aktgjykimeve përcaktoi se kjo seancë duhet të përmbyllet brenda 30 ditësh, dhe konsiderohet e përmbyllur vetëm me zgjedhjen e kryetarit dhe pesë nënkryetarëve – tre nga partitë kryesore shqiptare dhe dy nga komunitetet joshumicë, një serb dhe një nga komunitetet serbe.

Si për kryetarin, ashtu edhe për nënkryetarët kërkohen 61 vota nga Kuvendi me 120 deputetë.

Në bazë të aktgjykimeve, një person mund të propozohet vetëm deri në tri herë për postin e kryetarit dhe nënkryetarëve.

Megjithatë, për çështjen e nënkryetarit serb, në një aktgjykim të publikuar ditë më parë, Kushtetuesja gjeti se janë bërë shkelje kur është zgjedhur Nenad Rashiqi nga Partia për Liri, Drejtësi dhe Mbijetesë, përmes shortit në legjislaturën e kaluar.

Ai u propozua në këtë mënyrë pasi të propozuarit e Listës Serbe s’arritën t’i siguronin 61 vota.

Kushtetuesja vendosi se të drejtën e propozimit për nënkryetar e kanë shumica e deputetëve të komunitetit serb, që edhe në këtë legjislaturë janë nëntë deputetët e Listës Serbe. Vendimi u kritikua nga Lëvizja Vetëvendosje e Albin Kurtit dhe mbetet e paqartë se si do të veprojnë ata për çështjen e nënkryetarit serb gjatë legjislaturës së re.

Me t’u përmbyllur çështja e konstitutimit, hapet rruga për formimin e Qeverisë së re të Kosovës. Presidentja duhet të mandatojë për kryeministër dikë nga partia fituese, në këtë rast LVV-ja.

I mandatuari, më pas, i ka 15 ditë kohë që të paraqesë para Kuvendit përbërjen e re të ekzekutivit dhe të kërkojë mbështetjen e të paktën 61 deputetëve.

Për dallim nga hera e kaluar, Kurti pritet të mos ketë vështirësi për t’i bërë numrat për Qeverinë, pasi vetëm partia e tij ka fituar 57 ulëse në Kuvend.

Çështja e presidentit

Nëse deputetët duan që të mos shkohet sërish në zgjedhje, atëherë ata do të duhet të veprojnë shpejt për konstituimin e Kuvendit dhe formimin e Qeverisë, që të arrihet afati i 4 marsit – data e fundit për zgjedhjen e presidentit të ri të vendit.

Presidentja Osmani ka mandat deri më 4 prill, por presidenti i ri nuk mund të zgjidhet më vonë se 30 ditë para kësaj date.

Vetë Osmani ka shprehur dëshirë që të jetë në krye të shtetit edhe për një mandat pesëvjeçar. Megjithatë, mbetet e paqartë nëse ajo do të arrijë të sigurojë mbështetjen e nevojshme.

Presidentja Osmani është kritikuar disa herë gjatë mandatit të saj se ka mbajtur anë nga Lëvizja Vetëvendosje.

Në një intervistë për Radion Evropa e Lirë, në fund të dhjetorit, ajo tha se nëse nuk e fiton edhe një mandat, atëherë do t’i kthehet angazhimit politik, pa treguar se me cilën parti.

Kreu i LVV-së, Albin Kurti, ka thënë për mediat ditë më parë se ka biseduar me Osmanin për çështjen e presidentit, por që, sipas tij duhet të ekzistojë një raport i ri me partitë në opozitë për çështjen e kreut të ri të shtetit.

Disa orë para certifikimit të rezultatit, Osmani u takua me kreun e Lidhjes Demokratike të Kosovës, Lumir Abdixhiku, parti të cilës më parë i përkiste Osmani dhe deputetët e të cilës kishin qëndruar në sallë duke mundësuar kuorumin për zgjedhjen e Osmanit pesë vjet më parë.

Është e paqartë nëse në këtë takim është biseduar për çështjen e mandatit të Osmanit, por Abdixhiku tha se me të parën e shtetit diskutoi për “zhvillimet e fundit politike dhe ndërkombëtare me rëndësi për Kosovën”.

Takim të ndarë me Osmanin ka zhvilluar edhe kreu i Aleancës për Ardhmërinë e Kosovës, Ramush Haradinaj, i cili tha se ka diskutuar me presidenten për “zhvillimet politike në vend dhe rajon”.

Me ftesë të Presidentes së Republikës, Vjosa Osmani, zhvillova një diskutim mbi Bordin e Paqes dhe zhvillimet politike në vend dhe në rajon.

Në bazë të Kushtetutës, presidenti i ri zgjidhet përmes votimit të fshehtë dhe kushdo që dëshiron të garojë duhet t’i mbledhë nënshkrimet e të paktën 30 deputetëve.

Kreu i shtetit zgjidhet me dy të tretat e votave në dy rundet e para të votimit, por nëse në këto dy votime s’ka numra të mjaftueshëm, atëherë në rundin e tretë zgjidhet ai kandidat që merr shumicën e votave të deputetëve.

Në rast se dështon zgjedhja e presidentit, me automatizëm shpallen zgjedhjet e reja, që duhet të mbahen brenda 45 ditësh.

Sinjali – aty ku e vërteta flet para lajmit!

/GazetaSinjali/

The post Çfarë ndodh pas certifikimit të rezultatit nga KQZ-ja? appeared first on Sinjali.

Kryetarja e Partisë së Re Demokratike, Emilja Rexhepi, ka thënë se do t’i drejtohet Gjykatës Kushtetuese dhe të gjitha institucioneve ndërkombëtare pasi ankesa iu refuzua edhe nga Gjykata Supreme.

Rexhepi thotë se po rrezikohen nga përçarja politike dhe dobësimi i përfaqësimit andaj sipas saj Gjykata Supreme i ka refuzuar ankesat pa asnjë arsyetim serioz e juridik. Sipas Rexhepit vendet e rezervuara për komunitetin boshnjak po shndërrohen në poligon manipulimi dhe jo në mekanizëm mbrojtës për komunitetet.

“Partia e Re Demokratike vlerëson se me këtë veprim rrezikohet drejtpërdrejt e drejta e komunitetit boshnjak për të zgjedhur përfaqësuesit e vet dhe se është hapur procesi i degradimit institucional të garancive kushtetuese për pakicat. NDS do të aktivizojë të gjithë mekanizmat juridikë dhe politikë – para Gjykatës Kushtetuese dhe institucioneve ndërkombëtare – sepse është e qartë se pa mbikëqyrje institucionale të jashtme, vendet e rezervuara po shndërrohen në mjet të inxhinierisë politike të komuniteteve të tjera”, thuhet në reagimin e Rexhepit në Facebook.

Gjykata Supreme ka refuzuar dy ankesa të Partisë së Re Demokratike, të drejtuar nga Emilja Rexhepi. Sipas Supremes, fletëvotimet nuk mund të shpallen të pavlefshme bazuar në supozimet se një parti politike ose kandidat nga minoritetet kanë marrë mbështetje nga votuesit që nuk i përkasin atij komuniteti.

Sinjali – aty ku e vërteta flet para lajmit!

/GazetaSinjali/

The post Emilja Rexhepi do t’i drejtohet Kushtetueses pasi ankesa iu refuzua nga Supremja appeared first on Sinjali.

KIEV, 9 shkurt /ATSH-DPA/ – Qeveria ukrainase do të ofrojë mbështetje për pronarët e banesave në blerjen e gjeneratorëve dhe burimeve të tjera të energjisë, mes sulmeve të vazhdueshme ruse ndaj sistemit energjetik të vendit.

Presidenti Volodymyr Zelensky njoftoi sot këtë politikë pas konsultimeve me kryeministren Yulia Svyrydenko.

Sipas  presidentit Zelensky, blerja e furnizimit autonom me energji duhet të bëhet më e përballueshme për shoqatat e pronarëve të pallateve dhe për pronarët e shtëpive individuale.

Ai e bëri këtë njoftim në video mesazhin e  mbrëmjes.

Në një program tjetër të posaçëm për bizneset, autoritetet kanë marrë tashmë rreth 20 mijë aplikime për subvencione për mirëmbajtjen dhe riparimin e gjeneratorëve.

“Për më tepër, janë dhënë kredi pa interes në vlerën e gjysmë miliardi hryvnia (rreth 11,6 milionë dollarë) për blerjen e gjeneratorëve”, tha presidenti ukrainas.

Megjithatë, kërkesa pritet të jetë shumë më e madhe.

Një valë sulmesh ajrore ruse që nga fillimi i janarit ka dëmtuar rëndë furnizimin me energji në Ukrainë, duke bërë që Kievi, Kharkivi dhe qytete të tjera të mbeten pothuajse pa energji elektrike dhe ngrohje gjatë ngricave të forta.

Në kryeqytet, më shumë se 1 100 blloqe banimi nuk do të mund të ngrohen deri në pranverë.

Ndërkohë, kompanitë po mbajnë në funksion aktivitetet e tyre duke përdorur gjeneratorë me naftë.

Kompania shtetërore e energjisë, “Ukrenergo”, ka njoftuar gjithashtu ndërprerje të energjisë për disa orë në të gjitha rajonet e vendit edhe për të martën./  /Ad.Ab./ a.jor.

The post KIEV – Qeveria financon pronarët e banesave për gjeneratorë, mes krizës energjetike pas sulmeve ruse appeared first on Agjencia Telegrafike Shqiptare.