Labinot Rexha po vazhdon qëndrimin e tij në Big Brother VIP Kosova 4.

Ai po bën gati tre muaj brenda dhe gjatë kësaj kohe ishte shumë e komentuar në këtë format.

Kjo për shkak të veprimeve, lojës që ka zhvilluar e po ashtu shpesh edhe ka marrë kritika.

Foto: Instagram

Në 'Darkën e të Nominuarve' atij iu bë një pyetje nga Ludo Lee, për atë se çfarë mendon jashtë reality shout.

"A mendon se Big-u të ka ndihmuar apo shkatërruar jetën jashtë", ka qenë pyetja.

"Më ka ndihmuar shumë. E falënderoj shumë dhe Big-un", theksoi Labi.

Ludo shton se nuk ia ka bërë pyetjen pasi pa lojën e tij jashtë shtëpisë, meqë ka hyrë në Big Brother më vonë se të tjerët. /Telegrafi/

Avokatët e Sali Berishës, Genc Gjokutaj dhe Sokol Mëngjesi, kanë deklaruar se procesi gjyqësor ndaj kryedemokratit dhe dhëndrit të tij, Jamarbër Malltezi për privatizimin e ish klubit Partizani është politik. Në një konferencë për mediat, ata kanë deklaruar se masat e sigurimit personal ndaj Berishës dhe dhëndrit të tij janë vendosur pa u marrë në […]

The post Dosja ‘Partizani’/ Avokatët e Berishës: Akuzat pa baza, ndryshimi i klubit i bërë nga Edi Rama! appeared first on BoldNews.al.

Në një bisedë të sinqertë në podkastin MAM, ku tema kryesore ishte prindërimi dhe jeta personale, Çiljeta Xhilaga u ndal edhe te një kapitull i rëndësishëm i viteve të fundit: eksperienca në Ferma VIP dhe arsyeja pse vendosi të hynte në këtë format.

Edhe pse rrugëtimi i saj në reality show ishte pozitiv dhe e çoi deri në finalen e madhe, këngëtarja zgjodhi të mos zbulojë detaje konkrete për motivet që e shtynë drejt këtij vendimi. Ajo theksoi se gjithçka lidhej me çështje familjare, shumë të ndjeshme dhe personale, të cilat nuk dëshiron t’i ndajë me publikun.

“Është një histori e gjatë dhe shumë personale, gjëra që i përkasin familjes sime,” u shpreh Çiljeta.

Sipas saj, hyrja në Ferma VIP përkoi me një nga periudhat më të vështira të jetës së saj, një moment kur po përballej me dilema dhe ngarkesa emocionale. Pa hyrë në hollësi, ajo la të kuptohet se ishte një fazë që kërkonte ndryshim dhe distancë.

“Zoti ndonjëherë sjell sprova dhe situata që të ndihmojnë të rregullosh shumë gjëra me një hap të vetëm,” tha ajo, duke e përshkruar vendimin si pjesë të një procesi të brendshëm.

Çiljeta sqaroi se ajo periudhë ishte një betejë me veten. Pikërisht kjo përballje, sipas saj, e ndihmoi të rigjente ekuilibrin, të riorganizonte mendimet dhe të nxirrte në pah versionin më të fortë të vetes. Problemet që e shqetësonin jashtë programit, me kalimin e kohës, gjetën zgjidhje.

Sa i përket marrëdhënies me fëmijët dhe partnerin e saj Albanin, këngëtarja theksoi se pjesëmarrja në Ferma VIP nuk solli asnjë krisje. Përkundrazi, ajo shërbeu si një provë që i forcoi edhe më shumë lidhjet mes tyre.

“Nuk ndryshoi asgjë, thjesht gjithçka u bë më e fortë,” tha ajo, duke pranuar se para hyrjes në Fermë ndodhej në një gjendje kolapsi emocional.

“Nëse më parë isha në një moment të vështirë, kjo eksperiencë më ndihmoi t’i forcoj marrëdhëniet dhe t’i vendos gjërat në vendin e duhur,” përfundoi Çiljeta, duke e konsideruar Ferma VIP si një kthesë të rëndësishme në jetën e saj personale dhe emocionale.

The post Çiljeta flet pa dorashka: Para hyrjes në “Ferma VIP”, marrëdhënia me Albanin ishte në kolaps, po humbisja veten appeared first on iconstyle.al.

Një avion pasagjerësh i Scandinavian Airlines (SAS) anuloi ngritjen e tij në Aeroportin e Brukselit pasi gabimisht u përpoq të nisej nga një pistë taksi në vend të një piste të caktuar.

Airbus A320neo, që mbante 165 pasagjerë dhe ishte planifikuar të fluturonte për në Kopenhagen rreth orës 20:30 sipas orës lokale të enjten në mbrëmje, përshpejtoi në shpejtësi deri në 220 kilometra në orë (137 milje në orë) përpara se ngritja të ndalej në mënyrë të sigurt.

Nuk u raportuan të lënduar. “Të gjitha indikacionet tregojnë se avioni u përpoq të ngrihej nga një pistë taksi dhe jo nga pista e caktuar”, tha zëdhënësja e Aeroportit të Brukselit, Ariane Goossens.

Pistat e taksi përdoren ekskluzivisht për lëvizjen e avionëve midis terminaleve dhe pistave. Aeroplani u ndal pranë rezervuarëve të karburantit, duke shkaktuar një reagim të menjëhershëm nga shërbimet e zjarrfikësve të aeroportit dhe ekipet e emergjencës.

Pasagjerët u evakuuan si masë paraprake, ndërsa zyrtarët e aeroportit thanë se incidenti nuk shkaktoi probleme në fluturimet e tjera dhe nuk do të ndikonte në operacionet të premten në mëngjes.

Eksperti i aviacionit Luc De Wilde e përshkroi incidentin si “shumë të pazakontë” dhe paralajmëroi se mund të kishte pasur pasoja fatale.

Mbetet e paqartë nëse ekuipazhi i kabinës e kuptoi vetë gabimin apo u njoftua nga kontrolli i trafikut ajror. Autoritetet belge të aviacionit kanë nisur një hetim për incidentin, i cili pritet të zgjasë disa javë ose muaj.

Polici i arrestuar pas sulmit me armë të dielën në Lezhë ka dalë sot në gjykatë për verifikimin e masës së sigurisë. Dëshmia e tij ka zbardhur dinamikën e atentatit në Rile, ku pohoi se ishte ai i pari që shtiu me armën e shërbimit.

Ai ka thënë se qëlloi për vetëmbrojtje, sapo në derën e dyqanit u shfaqen personat e armatosur. Veç 10 gëzhojave të armës së tij, ekspertet gjetën në vendngjarje dhe 6 gëzhoja të një armë tjetër që dyshohet të jetë përdorur nga Merando Nikulaj.

21-vjeçari, nip i Ardian Nikulajt të ekzekutuar tre vjet më parë, po kërkohet nga policia. /abcnews.al/

Policia ka shpallur në kërkim 54-vjeçarin si autorin e dyshuar të vendosjes së lëndës plasëse në automjetin e shtetasit Mirash Gjikola 57-vjeç.

Në kërkim është shpallur 54-vjeçari për veprat penale “Shkatërrimi i Pronës me eksploziv”, “Kanosja” dhe “Prodhimi dhe mbajtja pa leje e armëve luftarake dhe municionit”, në ngarkim të shtetasit 54 vjeç, banues në Lezhë.

Materialet procedurale ju referuan prokurorisë pranë Gjykatës së Shkallës së Parë të juridiksionit të përgjithshëm Sarandë.

TIRANË- Prokuroria Tiranë ka përfunduar hetimet dhe ka dërguar në gjyq 7 persona, 3 për vrasje nga pakujdesia për ngjarjen tragjike të të miturit, Brian Spahia, i cili humbi jetën pas një ndërhyrjeje dentare.

“Grupi i ekspertëve arriti në përfundimin se gjatë ndërhyrjes dentare dhe procedurës së anestezisë, nga ana e anestezistit dhe stomatologeve që trajtuan të miturin, u konstatuan shkelje të rënda të protokolleve mjekësore ndërkombëtare dhe praktikave më të mira mjekësore, të cilat kanë një lidhje shkakësore të drejtpërdrejtë me vdekjen e tij”, thotë prokuroria.

I mituri iu nënshtrua një ndërhyrjeje dentare në 14 dhëmbë, tek Klinika “Splendent”. Klinika drejtohej nga mjekët Roland dhe Ina Xhaxho. Pas ndërhyrjes i mituri kthehet në shtëpi dhe brenda pak orësh dërgohet në gjendje të rëndë shëndetësore (koma dhe insuficencë respiratore akute), në Spitalin e Pediatrisë në Qendrën Spitalore “Nënë Tereza”, Tiranë dhe për pasojë ndërroi jetë.

Prokuroria e Tiranës akuzon mjekët Roland e Ina Xhaxho, por dhe një stomatolog të klinikës me akuzën “vrasje nga pakujdesia”.

Njoftimi i Prokurorisë:

Prokuroria pranë Gjykatës së Shkallës së Parë e Juridiksionit të Përgjithshëm, Tiranë, përfundoi hetimet dhe dërgon në gjyq shtatë persona pas humbjes së jetës së 3-vjeçarit, shtetasit B.S. pas një ndërhyrje dentare në një klinikë në kryeqytet.

Në përfundim të hetimeve, mbi procedimin penal nr.6477, të vitit 2023, Prokuroria pranë Gjykatës së Shkallës së Parë të Juridiksionit të Përgjithshëm, Tiranë, dërgoi në gjyq shtetasit R.Xh dhe M.G., për veprën penale ‘Vrasje nga pakujdesia’ dhe ‘Mashtrim’ e kryer në bashkëpunim, parashikuar nga nenet 85 dhe 143/2 të Kodit Penal, shtetasen I.Xh. për veprën penale ‘Vrasje nga pakujdesia’, ‘Mashtrim’ e kryer në bashkëpunim dhe ‘Ushtrim i aktivitetit të paligjshëm’ parashikuar nga nenet 85, 143/2 dhe 180/a/2 të Kodit Penal, shtetasit E.S. dhe E.A. për veprën penale ‘Shpërdorim detyre’ parashikuar nga nenet 248 dhe 25 të Kodit Penal, si dhe shtetasit D.A. dhe V.H. për veprën penale ‘Neglizhenca në trajtimin mjekësor’ parashikuar nga neni 96/1 i Kodit Penal.

Më datë 28.09.2023, i mituri B.S., iu nënshtrua një ndërhyrjeje dentare në 14 dhëmbë, tek Klinika “Splendent” drejtuar nga mjekët R.Xh dhe I. Xh. Pas ndërhyrjes i mituri kthehet në shtëpi dhe brenda pak orësh dërgohet në gjendje të rëndë shëndetësore (koma dhe insuficencë respiratore akute), në Spitalin e Pediatrisë në Qëndrën Spitalore “Nënë Tereza”, Tiranë, ku dhe më pas në datën 01.10.2023, ndërroi jetë.

Sipas aktit të riekspertimit mjekoligjor dhe ekspertimit mjekoligjor shtesë, nga ana e grupit ekspertëve italianë, u arrit në konkluzionin se: Shoku septik i rëndë, që solli më pas insufiçencën progresive shumëorganore, është shkaku kryesor i vdekjes të pacientit të mitur B.S.

Grupi i ekspertëve arriti në përfundimin se gjatë ndërhyrjes dentare dhe procedurës së anestezisë, nga ana e anestezistit dhe stomatologeve që trajtuan të miturin, u konstatuan shkelje të rënda të protokolleve mjekësore ndërkombëtare dhe praktikave më të mira mjekësore, të cilat kanë një lidhje shkakësore të drejtpërdrejtë me vdekjen e tij.

Këto shkelje kanë konsistuar në:

– moszbatimin, moskryerjen e kontrolleve dhe verifikimeve të nevojshme për identifikimin e saktë të gjendjes klinike para operacionit të pacientit; mosformulimin në mënyrë adekuate të diagnozës para operacionit dhe mostrajtimin e duhur profilaktik para operacionit dhe në vazhdim, i mituri iu nënshtrua një procedure kirurgjikale pa u vizituar në mënyrë adekuate, pa një diagnozë të saktë, pa një indikacion të arsyetuar, pa specifikuar alternativat dhe pa kryer testet e nevojshme dhe të detyrueshme për gjendjen klinike të pacientit;

– ndërhyrje e kryer, e cila ishte më e gjerë se sa lejohej për një fëmijë të moshës 3 vjeç dhe induksioni i anestezisë së përgjithshme për një periudhë prej rreth 5 orë, për të trajtuar njëkohësisht shumë dhëmbë, mes të cilëve disa me infeksion të pulpës me rreziqet që lidhen me anestezinë e përgjithshme dhe kontrollin e vështirë të infeksioneve postoperative, evidenton përgjegjësinë për trajtim të tepërt.

– nxjerrjen plotësisht e papërshtatshme nga spitali i të miturit, duke mos marrë parasysh gjithashtu rreziqet që lidhen me anestezinë dhe patologjitë nga të cilat vuante fëmija, e sidomos arsyet për një kohë të zgjatur zgjimi, pas ndërhyrjes si dhe shenja të tjera klinike.

Gjithashtu nga hetimi rezultoi e provuar se dy stomatologët I.Xh dhe M.G. kanë mashtruar prindërit e të miturit duke i marrë pagesën për mbushjen e 14 dhëmbëve, ndërkohë që nga autopsia rezultoi se 6 prej tyre ishin hapur por nuk ishin mbushur. Për këtë fakt, ndaj tyre u ngrit akuza për nenin 143/2 të K.Penal. Ndërkohë nga hetimi, u provua që stomatologia I.Xh. pas ngjarjes ka vazhduar ushtrimin e aktivitetit të saj në mënyrë të paligjshme, pasi nuk ka rinovuar, në përputhje me procedurat ligjore, licencën si stomatologe nga Urdhri i Stomatologut.

Gjatë hetimeve u konstatuan shkelje të rënda të protokolleve mjekësore në kryerjen e autopsisë dhe ekspertizës mjekoligjore edhe nga ana e ekspertëve të I.M.L.-së, shtetasit E.S dhe E. A.

Gjithashtu shkelje u konstatuan edhe tek mjekët roje të pediatrisë V.A. dhe D.S. në momentin që i mituri u dërgua në spital. Mjekët nuk zbatuan protokollet mjekësore në drejtim të përcaktimit të diagnozës së duhur, evidentimin e shkaqeve më të zakonshme të shokut tek fëmijët dhe trajtimin e terapisë së përshtatshme me antibiotikë. Si rrjedhojë edhe moskryerja e veprimeve të tyre ka shkaktuar dëmtimin e rëndë të të miturit, edhe pse ai ishte në gjendje të rëndë, fakt që rezultoi nga akti i riekspertimit, pasi vdekja e tij nuk erdhi nga mosveprimet e tyre, por nga shkaku kryesor dhe i drejtpërdrejtë, që ishin veprimet dhe mosveprimet e të pandehurve R.Xh., I.Xh dhe M.G.

KRUJË- Një 39-vjeçar është arrestuar nga policia pasi u kap duke kultivuar bimë narkotikë.

Gjykata i ka caktuar atij, masën e sigurisë “Arrest në burg”, për veprën penale “Kultivimi i bimëve narkotike”.

Ky shtetas dyshohet se në muajin maj të vitit të shkuar, ka kultivuar 136 bimë narkotike, në fshatin Ranxë, Fushë Krujë.

Materialet procedurale iu referuan Prokurorisë së Tiranës, për veprime të mëtejshme.

Detaje tronditëse dalin në dritë nga tragjedia e familjes shqiptare Kola në Itali. Katër familjarët, babai Arti Kola bashkëshortja Jonida djali Hajdar, 22 vjeç, elektricist dhe vajza Xhesika, 15 vjeçe, humbën jetën pasi u helmuan nga monoksidi i karbonit në banesën e tyre në lagjen Rughi në provincën Luka  të Toskanës.

Mediat italiane raportojnë se djali i familjes, Hajdari kishte telefonuar emergjencën në orën 19:58 duke i thënë se  motra e tij ndihej keq.

I riu arriti të fliste 11 minuta, por më pas Hajdari humbi ndjenjat për shkak të monoksidit të karbonit. Fatkeqësisht ai i kishte dhënë adresën e gabuar, duke ngatërruar numrat, 168 në vend të 186, dhe kjo vonoi ndërhyrjen e ambulancës për disa minuta vendimtare.

Në orën 20:03 ambulanca mbërriti në zonë por nuk gjeti shtëpinë dhe kërkoi ndihmën e fqinjëve dhe më pas të karabinierëve për të lokalizuar adresën e saktë. Vetëm rreth orës 21:46 ekipet e urgjencës arritën te dera e banesës.

Vëllai i kryefamiljarit Turim Kola, ishte ai që hyri në shtëpi bashkë me karabinierët dhe në dëshmi është shprehur se nuk arriti dot ta shpëtonte familjen pasi humbi ndjenjat për shkak të mungesës së oksigjenit.

Familja ishte zhvendosur në banesë prej vetëm 6-7 muajsh dhe problemet në kaldaja dyshohet se shkaktuan rrjedhjen e gazit helmues. Komuniteti në Luka u trondit nga ngjarja, ndërsa shokët e klasës së Xhesikës vendosën lule para banesës së tragjedisë./abcnews.al

Shpërthimi i telekomanduar me eksploziv i një automjeti është parandaluar mbrëmjen e djeshme në Vrinë të Bashkisë Konispol.

Mirash Gjikola, 57 vjeç, ka njoftuar Komisariatin e Sarandës se në vendin e quajtur “Kthesa e Vrinës”, në aksin Shëndëlli – Vrinë, ka dëgjuar zhurmë në mjetin e tij dhe pasi ka ndaluar ka konstatuar lëndë të dyshuar eksplozive.

Menjëherë drejt vendit të ngjarjes janë nisur efektivë të shumtë të policisë dhe më pas edhe ekspertë të krimeve të renda nga Drejtoria e Policisë Vlorë dhe reparti anti-eksploziv i RENEA. Nga informacionet e deritanishme, është mësuar së në mjetin tip “Nissan” me targa AA725LG, është konstatuar një sasi lëndë eksplozive e shpërndarë në sedilen e pasme të mjetit.

Shtetasi Mirash Gjikola rezulton me precedentë penalë, i dënuar më parë. /abcnews.al/

[...]

Read More...

[...]

Read More...

Banori i Big Brother VIP Kosova 4, Kushtrim Kelani, në 'Darkën e të Nominuarve' ka treguar se kush do të dalë nesër.

Ai u shpreh se sipas tij, do të dalë dhe duhet të dalë Labinot Rexha - Labi.

“Unë mendoj që do të dalë dhe duhet të dalë Labi”, u shpreh Kushtrimi.

Foto: Instagram

Ndërkaq, Labi dhe Ludo Lee përmendën emrin e Kushtrimit, si konkurrenti më pasiv brenda.

Kjo pasi qëndrimi i tij në shtëpi u shoqërua me pak zhurmë, debate e polemika me të tjerët.

Megjithatë, mbetet për t'u parë se kush do ta lë garën dhe çmimin e madh prej 200 mijë eurosh.

Ndryshe, kanë ngelur edhe pak ditë deri në përfundim të edicionit të katërt të Big Brother. /Telegrafi/

6 shkurti sjell një energji më të drejtpërdrejt dhe kërkon qartësi në veprime. Sot gjërat nuk zgjidhen duke i shtyrë, por duke u përballur me to. Është ditë për vendime të vogla që ndikojnë shumë.

Dashi

Sot ndiheni më të vendosur për të thënë gjërat hapur. Kujdes vetëm tonin, sepse sinqeriteti pa filtër mund të keqkuptohet.

Motivim: Të vërtetat thuhen fort, por me mençuri.

Demi

Një çështje praktike ose financiare kërkon zgjidhje konkrete. Mos prisni që dikush tjetër ta bëjë për ju.

Motivim: Siguria ndërtohet nga veprimet, jo nga pritja.

Binjakët

Dita sjell lëvizje, takime ose komunikime të shpeshta. Mund të lodheni mendërisht, ndaj organizoni prioritetet.

Motivim: Fokusohu te thelbësorja dhe gjithçka thjeshtohet.

Gaforrja

Sot jeni më të ndjeshëm ndaj energjive përreth. Distanca nga njerëzit negativë ju bën mirë.

Motivim: Mbrojtja e vetes është akt force.

Luani

Një situatë në punë ju vë në qendër të vëmendjes. Mos e shmangni përgjegjësinë, sepse është momenti juaj për të treguar vlerën.

Motivim: Kur merr përgjegjësi, fiton respekt.

Virgjëresha

Sot kërkohet precizion dhe përqendrim. Një gabim i vogël mund të shmanget lehtë nëse nuk nxitoheni.

Motivim: Kujdesi ndaj detajeve është formë inteligjence.

Peshorja

Një tension i vogël në marrëdhënie kërkon sqarim, jo shmangie. Biseda e qetë zgjidh më shumë sesa heshtja.

Motivim: Harmonia krijohet me guxim për të folur.

Akrepi

Sot ndiheni më të vendosur për të mbyllur diçka që ju ka lodhur. Vendimi është emocional, por i nevojshëm.

Motivim: Lirimi fillon kur thua mjaft.

Shigjetari

Rutina ju mërzit, por dita kërkon disiplinë. Pasi të kryeni detyrimet, do ndiheni më të lehtë.

Motivim: Liria fitohet duke respektuar detyrimet.

Bricjapi

Një përgjegjësi profesionale ecën në drejtimin e duhur. Mos u shqetësoni nëse rezultatet nuk duken menjëherë.

Motivim: Qëndrueshmëria sjell rezultate të sigurta.

Ujori

Idetë tuaja janë të forta sot, por kërkojnë strukturë për t’u marrë seriozisht. Mos u shpërndani në shumë drejtime.

Motivim: Një ide e fokusuar vlen më shumë se dhjetë të paqarta.

Peshqit

Një ndjesi e brendshme ju udhëheq drejt një zgjedhjeje të saktë. Mos e injoroni intuitën, sidomos në çështje personale.

Motivim: Kur dëgjon veten, nuk humb kurrë.

The post Horoskopi: 6 shkurt 2026 appeared first on iconstyle.al.

Aeroporti i Berlinit-Brandenburgut është mbyllur mëngjesin e sotëm për të ngricave që kanë përfshirë pistën.

“Për shkak të akullit dhe shiut që vazhdon, aktualisht nuk janë të mundura ngritje ose ulje në Aeroportin e Berlinit “, njoftuan autoritetet.

Ndërkohë ekipet tokësore të aeroportit po bëjnë përpjekje për të hequr akullin e zi (një sipërfaqe akulli e lëmuar, pothuajse e padukshme dhe shumë e rrëshqitshme) nga pista e aeroportit dhe zonat e tjera ku ata operojnë. Megjithatë situata mbetet ende problematike.

/abcnews.al/

Finalizohet operacioni i koduar “Livadhet 3”. Gjatë operacionit është arrestuar 19-vjeçari Ornaldo  Çerenishta.

Shërbimet e Policisë gjetën në banesën e 19-vjeçarit dhe sekuestruan në cilësinë e provës materiale; 164 300 euro të dyshuara të falsifikuara, municion luftarak, 8 celularë, një sasi lënde djegëse, 1 automjet që dyshohet se është vjedhur në qytetin e Fushë Krujës, në vitin 2019, dhe 2 targa të dyshuara të vjedhura në qytetin e Tiranës, në vitin 2025.

Ndërkohë vijon puna intensive për dokumentimin e plotë të veprimtarisë kriminale të shtetasit të arrestuar.

Materialet procedurale iu referuan Prokurorisë së Shkodrës, për veprime të mëtejshme.

Dalin sot para Gjykatës së Durrësit 20 personat e arrestuar për mbetjet e rrezikshme të Kurum, ku pritet të njihen me masën e sigurisë.

Pas më shumë se një viti kur Prokuroria e Durrësit sekuestroi 2800 tonë mbetje të rrezikshme të kompanisë “Kurum”.

 

Për shkak të reshjeve të 24 orëve të fundit në zonat malore, janë shfaqur probleme në aksin që lidh Thethin me Bogën, konkretisht në zonën e Qafë Thores, ku si pasojë e ortekëve dhe reshjeve të dëborës ka pasur bllokim të rrugës.

Firma kontraktuese ka punuar për të mundësuar hapjen e këtij segmenti dhe tashmë ai është i hapur, por kërkohet kujdes i shtuar nga drejtuesit e mjeteve.

Drejtuesit e automjeteve duhet të jenë të pajisur me goma dimërore dhe zinxhirë.

Sa i përket zonave të tjera, nuk raportohen probleme në qarkullimin e automjeteve.

Segmenti rrugor Bogë–Qafë Thore–Theth, gjatë dimrit, është i ekspozuar ndaj ortekëve, të cilët krijojnë probleme dhe vështirësi në ndërhyrje nga ana e firmës kontraktuese.

Organizata “Kolektivi për Mendim dhe Veprim Feminist”, në bashkëpunim me “Përpjekja”, kanë paralajmëruar mbajtjen e një proteste si reagim ndaj sinjaleve për shtrenjtim të energjisë elektrike.

Sipas njoftimit të tyre, protesta do të zhvillohet sot nga ora 13:00. Organizimi do të jetë pranë objektit të KEDS-it, ndërsa marshimi do të vazhdojë deri te ndërtesa e Qeverisë së Kosovës.

“Që nga viti 2022, faturat e rrymës shtrejtohen në baza vjetore. KEDS-i kërkon rritje të faturave, ndërsa ZRrE-ja, si të ishte argat i tyre, ia aprovon çdo kërkesë në kurriz të popullit. Sot qytetarët/et e Kosovës nuk paguajnë vetëm koston e rrymës: ne paguajmë për humbjet e KEDS-it, paguajmë për keqmenaxhimin e tyre, paguajmë për etjen e tyre të pafund e për çdo gabim që ata bëjnë, krejt kjo vetëm për t’i siguruar që xhepat e tyre të vazhdojnë të trashen në kurrizin tonë.Në shkëmbim ne prapë kalojmë ditë pa rrymë, me mosfurinizim të bollshëm, pa ngrohje në ditë dimri e me shtrenjtime të vazhdueshme të çdo aspekti të jetës sonë si pasojë e rritjes së çmimit të rrymës.

Pas rritjes prej 16.1% që na u bë në mënyrë grabitqare nga ZRrE-ja vitin e kaluar, edhe sivjet po na paralajmërohet një vjedhje tjetër, tash diku 20%. Kjo hile e radhës prapë po i bashkon institucione publike e private që për ta pasuru KEDS-in po na e kthejnë kamxhikun neve, për të na rrjepë deri në cent të fundit”, shkruhet në njoftimin e tyre.

Në reagimin e tyre thuhet gjithashtu se kërkesat e njëpasnjëshme të KEDS-it për shtrenjtim të tarifave janë miratuar nga Zyra e Rregullatorit për Energji (ZRrE), duke e zhvendosur barrën financiare te konsumatorët, shkruajnë mediat në Kosovë.

“KEDS-i vazhdon t’i mbledhë frytet e punës së punëtorëve/eve të KEK-ut që punojnë natë e ditë për ta prodhuar rrymën të cilën e blen shumë lirë e neve na e shet shumëfish. Përveç që vazhdon ta shfrytëzojë asetin publik dhe punën e dinjitetin e punëtorëve/eve të KEK-ut, KEDS-i, i ndihmuar vazhdimisht nga ZRrE-ja, po tenton të na varfërojë edhe më tej.

TIRANË– Policia e Tiranës ka arrestuar në flagrancë dy persona, banues në Tiranë.

Ata kishin përshtatur një ambient në banesën e tyre, në rrugën “Ali Demi”, për përgatitjen e tabletave të lëndës narkotike ekstazi (MDMA), me qëllim shitjen, kryesisht në lokalet e natës.

Nga kontrolli i ushtruar në banesë, u sekuestruan 2200 tableta me lëndë të dyshuar narkotike ekstazi (MDMA), si dhe 2 aparate celularë, në cilësinë e provës materiale.

Grupi hetimor po heton rolet e të arrestuarve me qëllim zbardhjen e veprimtarisë kriminale./abcnews.al