Kryetari i Komunës së Çairit, Izet Mexhiti, nga koalicioni VLEN, tha se brenda një muaji mund të ketë diçka konkrete për zyrtarizimin e VLEN-it në një parti të vetme.
Ai tha se janë afër një vendimi të këtillë, mirëpo procesi po vijon qetë pasi edhe në formë koalicioni kanë mirëkuptim ndërmjet partnerëve politikë.
“Mendoj që nuk jemi larg për të kaluar në këtë nivel, që VLEN-i të jetë një subjekt i vetëm. Ka disa opsione, pra ka konstruktive, kreative, është propozimi për rotacion, është propozimi me bashkëkryetarë, propozimi një anëtar një votë dhe propozime të tjera. Jemi duke i shqyrtuar, në këtë periudhë në mënyrë intenzive jam optimist që së shpeti do ta rrumbullakojmë këtë, pa prejudikuar se cili do të jetë lideri apo liderët. Për shkak se më e rëndësishme është ideja, subjekti se sa individi.. S’kemi vendos afat se edhe kështu si funksionon është i suksesshëm, mirëpo për shkak të kërkesave, analizave po punojmë drejt shkrirjes, jam optimist besoj se brenda një muaji edhe mund të kemi diçka më konkrete”, tha Mexhiti.
Kujtojmë se ideja për unifikimin e VLEN-it në një parti u përfol për disa muaj radhazi, mirpo nga VLEN thanë se pas zgjedhjeve lokale kjo çështje do të konkretizohet.
Kënaqësia ishte e madhe kur u shfaq. Berat Gjimshiti mungoi vetëm 9 ditë në stërvitjet e Atalantës, dhe tashmë është gati për sfidën e sotme në Champions.
Kapiteni i kombëtares shqiptare kaloi dëmtimin muskulor të pësuar ndaj Torinos, duke mos qenë thjesht në duelin e Serisë A në fushën e Pizës, por mund të pritet edhe në formacion në orën 21:00, ndërsa bergamaskët presin në shtëpi Atletikun e Bilbaos.
Trajneri Paladino konfirmoi se mbrojtësi mund të cilësohet i rikuperuar, diçka që ndodhi shpejt duke llogaritur moshën e tij 32-vjeçare.
Flitet për një moment të rëndësishëm të sezonit, aq më tepër që objektivat në kampionat janë vështirë të realizohen, pra të arrihet sërish kualifikimi në Champions.
Kjo do të thotë se duhet ecur sa më shumë përpara që të jetë e mundur këtë edicion. Atalanta dhe Gjimshiti kanë nevojë për një fitore, për të qenë shumë pranë kalimit të fazës së grupit.
Skuadra italiane ka 13 pikë, duke qenë në vendin e 8-të, dhe i duhet të ruajë të paktën këtë pozicion për të mos iu dashur të kalojë nëpër play off.
Kapiteni I Shqipërisë ka luajtur 25 ndeshje këtë vit sportiv me një gol të shënuar, ndërsa ka humbur gjithsej katër ndeshje, dy prej të cilave i dëmtuar, dhe dy i mbajtur në stol.
TIRANË, 20 janar/ATSh/ Kapiteni i Kombëtares së Shqipërisë, Berat Gjimshiti është rikuperuar nga dëmtimi që e mbante jashtë fushe.
Lojtari kuqezi, i cili luan me Atalantën në Itali, është stërvituar këto ditë me klubin bergamask dhe këtë fundjavë, në sfidën përballë Parmës, pritet të jetë i gatshëm për të nisur nga minuta e parë.
Gjimshiti u dëmtua në sfidën ndaj Torinos, e vlefshme për Serinë A, e luajtur më 10 janar.
Ky është një lajm i mirë edhe për kombëtaren në prag të angazhimeve të ardhshme në play-off-in e Botërorit, ku kuqezinjtë më 26 mars do të luajnë kundër Polonisë në Varshavë.
BDI në një kumtesë për media thotë e tre muaj pas mbajtjes së zgjedhjeve lokale, në Komunën e Çairit asnjë nga premtimet e Izet Mexhitit nuk është realizuar, madje nuk ka nisur as edhe një punë e vetme konkrete në terren.
"Para zgjedhjeve, qytetarëve të Çairit iu premtua zhvillim, investime, projekte infrastrukturore, arsim i mirëfilltë, pastërti, përmirësim i jetës së përditshme e çka jo. Sot, pas tre muajsh qeverisjeje lokale, realiteti është krejtësisht i kundërt: premtime boshe, mashtrim elektoral dhe mungesë totale veprimi".
"Sot, asnjë shkollë nuk është renovuar, nuk ka asnjë investim të dukshëm në terren, Çairi vazhdon të ketë mbeturina gjithandej, ndërsa ka humbur fuqia e shqiptarëve në ndërmarrjet e Qytetit të Shkupit. Ajri mbetet i ndotur, ndërsa rrugët gjithë baltë dhe gropa të pakalueshme, të hapura para zgjedhjeve dhe që, edhe pas tre muajsh, nuk janë mbyllur. Kjo nuk është qeverisje, por menaxhim i dështuar dhe mashtrim ndaj qytetarëve".
"Situata është po aq alarmante edhe brenda administratës komunale. Komuna funksionon pa kryetar gjatë pjesës më të madhe të ditës, pasi Izet Mexhiti, si gjithmonë, shfaqet vetëm pasdite, duke e trajtuar udhëheqjen e komunës si çështje dytësore. Kjo mungesë përgjegjësie reflektohet drejtpërdrejt në kaosin institucional dhe mungesën e vendimmarrjes".
"E vetmja “arritje” që mund të evidentohet në këto tre muaj është emërimi në post drejtori i shefit të Shtabit zgjedhor, njëherësh dhëndër i tij, Besim Koka. Ky veprim është dëshmi e qartë se prioriteti i Izet Mexhiti nuk janë qytetarët, por nepotizmi dhe interesat e ngushta personale", thonë nga BDI.
Valdrin Sahiti ka qenë i ftuar në emisionin Weekend, ku ka folur për shumë tema, përfshirë edhe deklaratën e bujshme të Leonora Jakupit drejtuar Dolces.
Në një moment të emisionit, ai e telefonoi Leonorën drejtpërdrejt, gjatë së cilës gazetarët i parashtruan këngëtares një pyetje ngacmuese.
“Mbrëmë a të ka zënë gjumi shpejt apo ngadalë”, ishte pyetja e gazetares.
Kjo pyetje fillimisht shkaktoi të qeshura te Leonora, e cila më pas dha edhe përgjigjen e saj.
“Besomë tu e pa Big Brother 24 orë është koxha problem me u adabtu me gjumin”.
Deklarata e Leonorës, e drejtuar ndaj Dolces: "më shpejt zë meshkuj se sa mua më zë gjumi", ka shkaktuar reagime të shumta në publik.
Deklarata e Leonorës, e drejtuar ndaj Dolces: "më shpejt zë meshkuj se sa mua më zë gjumi", ka shkaktuar reagime të shumta në publik.
Deklarata e Leonora Jakupit drejtuar Dolces ka bërë bujë të madhe në rrjetet sociale gjatë prime-it të fundit në BBVK.
I ftuar në emisionin Weekend, miku i saj dhe njëherësh kreatori i njohur Valdrin Sahiti ka sqaruar pikëpamjen dhe kontekstin e deklaratës së këngëtares.
Ai ka potencuar se Leonora e kishte më shumë në aspektin e mëshirës dhe jo të gjykimit.
“Në rastin e fundit që e kam diskutu me Leonorën, unë mendoj që Leonora më shumë u mor me idenë se si një femër nuk mund të ketë mëshirë për një femër tjetër, se sa për idenë se si një femër mund të rigjenerojë lidhje ose të afektohet nga meshkuj të ndryshëm me periudha të shpejta. Dhe e di që sigurt që kjo ka qenë ideja e mesazhit, me idenë se si nuk po ndihesh keq”, ka thënë Valdrini.
Deklarata e Leonorës, e drejtuar ndaj Dolces: "më shpejt zë meshkuj se sa mua më zë gjumi", ka shkaktuar reagime të shumta në publik.
Berat Gjimshiti po shndërrohet në figurën kryesore të mbrojtjes së Atalantës këtë sezon. Kapiteni i Kombëtares shqiptare ka fituar besimin e trajnerit Rafaele Paladino, i cili e ka identifikuar si shtyllën kryesore të mbrojtjes me tre lojtarë.
Për prezencën e tij të sigurt dhe qëndrueshmërinë në lojë, roli i qendërmbrojtësit suedez Isak Hien po analizohet nga drejtuesit e klubit. Sipas mediave italiane, Hien nuk konsiderohet më i pazëvendësueshëm.
Dinamika e merkatos së dimrit mbetet e paparashikueshme dhe përballë një oferte rreth 30 milionë euro, me skuadra nga Premier Liga dhe Interin që kanë shfaqur interes, Atalanta mund të vendosë të sakrifikojë qendërmbrojtësin suedez.
Hien ka qenë një nga më të dalluarit me Atalantën deri më tani, megjithatë besimi që stafi teknik ka te Gjimshiti, mund të bëjë këtë ndryshim duke nxjerrë edhe një herë tjetër në pah vlerat e kapitenit të Kombëtares.
Ditën e djeshme, Atalanta mposhti dje Torinon me rezultatin 2-0 në shtëpi. Tashmë i gjithë fokusi është te Berat Gjimshiti, pasi mbrojtësi i Kombëtares u largua mes lotësh në pjesën e parë.
“Sky Sport” dha detaje, ndërsa lajmi i vetëm i mirë është se Gjimshiti nuk ka fraktura.
Ky dëmtim, ndërkohë mbetet kompleks dhe nuk është klasik në muskulin fleksor, siç u mendua fillimisht.
Vetëm rezonanca do e përcaktojë në vijim se çfarë do të ndodhë. Tek Atalanta shprehen se shpresa qëndron që Gjimshiti të jetë përlotur nga shoku dhe dhimbja e momentit, më tepër se nga shkalla e rëndë e dëmtimit.
Fakt është se përplasja me Zapatën e Torinos nuk e lejoi të vazhdojë më tej. Vetëm 41 minuta u regjistruan në këmbët e tij.
Berat Gjimshiti po e ndihmonte ekipin e tij, Atalanta, që të ngrinte kokë në Serinë A, por pikërisht në momentin më të bukur erdhi një goditje e fortë.
Kapiteni I kombëtares shqiptare pësoi dëmtim në sfidën e kampionatit në shtëpi ndaj Torinos, që bergamaskët e fituan 2-0.
Ishte minuta e 42-të, kur mbrojtësi mbeti përtokë pas një përplasjeje me një futbollist rival, dhe më pas u largua nga fusha.
Problemet ishin aq të mëdha, saqë u nxorr me barrellë dhe menjëherë u dërgua në spital.
Për fat, vizita e parë tregoi se nuk ka thyerje apo krisje në kockat e legenit, por lëndimi është muskulor.
Mediat italiane shkruajnë se Gjimshiti ka probleme me muskujt e barkut, por duhet të ketë vizita më të specializuara në ditët në vazhdim për të përcaktuar shkallën e dëmtimit dhe kohën e riaftësimit.
Sipas mediave si “Il Korriere dela Sera” apo “Sportmediaset”, lëndimi duket serioz, ndonëse shpresohet që mungesa të mos jetë aq e gjatë sa të rrezikojë ndeshjet e kombëtares në fund të muajit mars në plej ofin e Kupës së Botës, fillimisht në 26 të atij muaji, në Varshavë ndaj Polonisë./abcnews.al
Viti 2025 shënoi një kthesë të rëndësishme për të mbijetuarit e dhunës seksuale në Kosovë.
Një burrë rreth të pesëdhjetave nga Drenasi rrëfeu për herë të parë publikisht për dhunimin seksual.
Ramadan Nishori, i cili mbajti të heshtur për më shumë se 26 vjet gjithë tmerrin e përjetuar, në Ditën Memoriale të të Mbijetuarve të Dhunës Seksuale, më 14 prill, rrëfeu të gjithë ngjarjen para shoqërisë kosovare.
Pas daljes publike, ai thotë për KosovaPress, se ndjehet më i lirë shpirtërisht dhe se nuk e kishte pritur asnjëherë këtë përkrahje të qytetarëve.
Rrëfimi i tij ka nxitur edhe burra të tjerë, por edhe gra, që të paraqiten në organizata për të kërkuar ndihmë psikologjike, juridike dhe për të aplikuar për njohjen e statusit.
“Nuk është e thënë që çdo i mbijetuar, se për me dalë publikisht janë disa shkallë pak më, duhet me kaluar nëpër të. Edhe kështu që nuk është puna veç me dalë me fol publikisht. Jo. Le të vijnë nëpër organizata, le të kërkojnë ndihmë më së pari. Ajo është shpëtimi. Siç e kam cekur disa herë unë shumë herë para se me ardh në organizatë kam menduar me i bë keq vetvetes. E tash e di, unë qysh çfarë heqin ata njerëz. Se unë kam kaluar nëpër atë”, rrëfen Nishori.
Jeta e tij pas 14 prillit të vitit të kaluar ka ndryshuar shumë.
Burri i parë që foli publikisht për dhunimin seksual thotë se po ta dinte se do ta merrte këtë përkrahje, do të fliste shumë më herët.
“Po, prej 14 prillit është, të drejtën me thënë, unë jam më i lirë kështu shpirtërisht. Kur shoh çfarë përkrahje po më dhënë të gjithë, si në rrugë tash sot, me ndal një njeri në rrugë me thotë a ka mundësi me pi një kafe me ty, është një respekt shumë i madh. Me pas ditë, me të vërtetë, me pas ditë që e kam këtë përkrahje kështu, më herët kisha dalë. Se ndihem një njeri shumë më i çliruar”, shton ai për KosovaPress.
Dani, siç e thërrasin rrethi e familja, thotë se përkrahja nga të tjerët është vendimtare që të mbijetuarit të thyejnë heshtjen.
“Pasi kam folur publikisht, kam thënë që në qoftë se edhe një person i mbijetuar vjen të kërkoj ndihmë, unë e kam kryer misionin tim. Po kanë ardhur më shumë. Kështu që jam shumë i lumtur me këtë. Edhe çdoherë iu bëjë thirrje, në çdo intervistë, nuk është me rëndësi në cilën organizatë shkoni, ku ta ndjeni veten më të lirë. Se unë e di, unë për vete kur kam kaluar nëpër atë, me ardhë në një organizatë ku e ke më afër, thua mos po qëllon me ndonjë të njohur apo më sheh dikush, kështu të hyjnë edhe janë ato paragjykime që të vijnë vetvetiu.. Edhe kështu që iu bëj thirrje, le të vijnë nëpër organizata. Janë katër organizata. Ku ta ndjejnë veten më të lirë, le të vijnë, le të kërkojnë ndihmë. Që kjo është shpëtimi për ta. Tani të aplikojnë për njohjen e statusit, edhe kjo është shpëtim për ta”, përfundon ai.
Rrëfimi publik i Ramadan Nishorit, ka thyer edhe një tabu tjetër thotë drejtoresha e Qendrës Kosovare për Rehabilitimin e të Mbijetuarve të Torturës (QKRMT), Feride Rushiti. Ajo thotë se pas rrëfimit të tij, ka pasur shumë burra që për herë të parë janë paraqitur në organizatë.
“Historia e Danit e ka thyer edhe një tabu tjetër. Ka treguar që edhe burrat mund të afektohen nga dhuna seksuale gjatë luftës. Guximi i tij, që ai përmes stories së tij ka arritur të dëshmojë edhe të çojë mesazhe pozitive edhe për t’i ftuar burrat edhe gratë e tjera të aplikojnë, ka nxitur më pastaj në, jo vetëm në organizatën tonë, por edhe në organizata të tjera, që me ardhë edhe gra, edhe burra, edhe të kërkojnë edhe shërbime, por edhe të drejtat e tyre, kështu që ne mendojmë që historia dhe guximi i Danit e ka sfiduar edhe njëherë e mirë i ka dhënë fund tabusë në relacion me burrat e afektuar nga dhuna seksuale e luftës”, thotë Rushiti.
Sipas të dhënave të Komisionit Qeveritar për Njohjen e Statusit të Viktimave të Dhunës Seksuale gjatë Luftës, gjatë vitit të kaluar kanë aplikuar mbi 2300 burra dhe gra.
“Këtë vit Komisioni ka shqyrtuar 270 raste duke përfshirë rastet e reja, rishqyrtimet dhe kërkesat tjera. Në proces janë 39 aplikacione. Ndërsa që nga fillimi i procesit me 05.02.2018 e deri më sot kemi pranuar gjithsej 2396 aplikacione, nga to i’u është njohur statusi viktimë e dhunës seksuale gjatë luftës1884 aplikuesve (1776 femrave dhe 108 meshkujve)”, thuhet në përgjigjen për KosovaPress.
Vitin e kaluar e konsideron të drejtësisë, drejtoresha e QKRMT-së, Feride Rushiti. Ajo tregon se kanë punuar me numër të madh të grave që të përgatiten për të dhënë dëshmitë e tyre për tmerret që kanë përjetuar.
“Me dënimet e mëhershme, kemi arritur 58 vjet dënime për persona që kanë qenë të përfshirë në krime të dhunës seksuale të luftës, por për më shumë janë edhe 12 aktakuza të ngritura, të cilat janë në proces e sipër, dhe për secilin rast, Qendra Kosovare për Rehabilitimin e të Mbijetuarve të Torturës, me një ekip profesional, që ka një qasje të integruar në aspektin psiko-social dhe juridik, ka punuar edhe po punon që rastet me arrit, të dëshmojnë të vërtetën e tyre, pavarësisht se jemi 26 vjet pas luftës. Mos harrojmë se këto gra kanë edhe pasoja, edhe aspekti neurobiologjik i traumës i bën që atë mozaikun komplet të traumës me pas vështirë ta dëshmojnë, kështu që po punojmë që këto të dëshmojnë suksesshëm edhe me arrit me marrë drejtësi”, shprehet ajo.
Rastet të cilat janë paraqitur për herë të parë gjatë vitit të kaluar, Rushiti shton se për shkak të heshtjes kanë pasoja të rënda shëndetësore.
“Dua të them që këtë vit, vitin që shkoi kemi pasur raste të cilat kanë ardhur, po dallojnë dukshëm prej rasteve të cilat janë trajtuar më herët. Këto gra dhe këta burra, për shkak se e kanë internalizuar dhimbjen, heshtjen e tyre për vite me radhë. Ajo pastaj ka bërë probleme tjera organike. Kanë ardhur me çrregullime gastrointestinale, kanë ardhur me çrregullime të tensionit, hormonale, dhimbje koke, domethënë, ai somatizim që ndër vite nuk është trajtuar, nuk kanë arritur ata kërkund me shkarkuar dhimbjen e tyre në formë profesionale, pastaj ka lënë pasoja shëndetësore, çka na vjen keq po rastet që po vijnë, domethënë, janë raste më të komplikuara karshi atyre që kanë marrë trajtime më afatgjata dhe që kanë ardhur në fazat e hershme të traumës së tyre”, përfundon ajo.
Gruaja e parë që ndau rrëfimin e saj për dhunim seksual gjatë luftës së fundit në Kosovë, ka qenë Vasfije Krasniqi Goodman. Më pas, Shyrete Tahiri Sulimani ka dorëzuar publikisht pranë Prokurorisë Speciale kallëzimin penal për rastin e saj.
Numri i personave të përdhunuar gjatë luftës së fundit në Kosovë nuk dihet, por raportet flasin për rreth 20 mijë. Ndërkaq, aplikimi për njohjen e statusit ka filluar në vitin 2018./KP/
Kapiteni i Kombëtares së Shqipërisë, Berat Gjimshiti, u lëndua gjatë fitores së Atalantas me 2-0 ndaj Torinos në javën e 20-të të Serie A.
Gjimshiti u detyrua të largohej nga fusha në minutën e 44-t, pas një përplasjeje të ashpër me sulmuesin e Torinos, Duvan Zapata.
Zëvendësimi i tij u bë me suedezin Isak Hien, ndërsa mediat italiane raportojnë se mbrojtësi shqiptar është dërguar në spital për analiza më të hollësishme.
Lëndimi nuk dukej i lehtë dhe Gjimshiti pritet të qëndrojë për disa javë jashtë fushave.
Golat për Atalantan u shënuan nga Charles De Ketelaere në minutën e 13-të dhe Mario Pasalic në minutën e 95-të.
Te Torino, ndeshjen e përfundoi mbrojtësi Ardian Ismajli, ndërsa Kristjan Asllani qëndroi në stol.
Pas këtij rezultati, Atalanta renditet e shtata me 31 pikë, ndërsa Torino ndodhet në mesin e tabelës me 23 pikë. /Telegrafi/
Është publikuar raporti mjekësor për Berat Gjimshitit, mbrojtësin kuqezi i Atalantës, i cili pësoi një dëmtim gjatë ndeshjes kundër Torinos, të cilën Atalanta e fitoi të shtunën në mbrëmje në New Balance Arena në Bergamo.
“Këputje fasciale të gradës së parë në muskulin biceps femoris të djathtë” do të thotë se ka një dëmtim të lehtë të fibrave ose të fasciës (kapakut që mbulon muskujt) të këtij muskujt në pjesën e pasme të kofshës së djathtë. Grada e parë e parë për fat të mirë tregon që këto janë dëmtime të lehta, që zakonisht nuk përfshijn çarje të plota të muskujve. Ka dhimbje të lehta dhe mund të ketë disa kufizime në lëvizje, por funksioni i muskulit mbetet kryesisht i ruajtur.
Koha e rikuperimit
Për një futbollist, rikuperimi nga një këputje fasciale të gradës së parë mund të zgjasë zakonisht nga disa ditë deri në tre javë, në varësi të intensitetit të dëmtimit dhe trajtimit të ndjekur. Rëndësishme është që futbollisti të ndihet mirë dhe të bëjë stërvitje dhe rehabilitim para se të kthehet. Kështu një mënyrë lehtësimi, por që gjtihësesi situata mbetet delikate pë rtë parë se si do të shkojë kjo periudhë rehabilitimi dhe sa kohë do të duhet që kapiteni i përfaqësueses sonë të jetë në formën optimale.
Kujtojmë që Shqipëria do të luajë më 26 mars ndeshjen e parë të Play-off-it të Botërorit përballë Polonisë në Varshavë dhe sipas parashikimeve, Gjimshiti në afatin maksimal do të ketë rreth 20 ditë kohë për të rigjetur formën në ritëm të plotë stërvitor.
Nuk mund të jetë çdo javë në maksimum. Berat Gjimshiti nuk mundi të përsëriste këtë mesjavë mrekullinë që realizoi në sfidën ndaj Romës, por gjithsesi nuk u turpërua.
Kapiteni i Kombëtares shqiptare luftoi fort në ndeshjen që Atalanta e fitoi bindshëm në kampionatin italian në fushën e Bolonjës, e pavarësisht ndonjë gabimi, u vlerësua mjaft mirë.
Mbrojtësi kuqezi e pati të vështirë ndaj lojtarëve ofensivë vendas, ndonjëherë në pjesën e parë e në të dytën, dhe I qëlloi të bënte ndonjë gabim kur pati topin në këmbë, por sidoqoftë, u mbajt fort deri në fund.
Mediat sportive në Itali i dhanë atë që i takonte. “La Gazeta delo Sport” theksoi se përveç sulmuesit Krstoviç që shënoi dy gola, dhe portierit Karnezeki, u dallua edhe I gjithë reparti I mbrojtjes, pra edhe shqiptari.
“Skaj Sport” i dha një notë që duhet cilësuar shumë e mirë, 6.5, duke konfirmuar atë që komentoi “La Gazeta”.
Agjencia e statistikave “Sofaskor” i jep një notë tepër të lartë, 7.5, duke e nxjerrë më të mirin e mbrojtjes, dhe më të mirin në fushë pas Krstoviçit e Bernaskonit.
Për “Eurosportin” është disi më pak i mirë me vlerësimin 6, ndonëse kjo nuk është aspak për t’u hedhur poshtë.
Atalanta ia doli 2-0 në stadiumin “Dal Ara”, dhe u ngjit në kuotën e 28 pikëve. Zona Champions është ende 8 pikë larg, por siç thuhet “shpresa vdes e fundit”./abcnews.al
Sulmuesi kosovar Emir Sahiti pritet të largohet nga Hamburgu gjatë afatit kalimtar dimëror, pas një sezoni të vështirë dhe me shumë pak hapësira në skuadër.
Sipas raportimit të OneFootball, menaxheri i 27-vjeçarit është duke punuar intensivisht për gjetjen e një klubi të ri. Emri i Sahitit u është ofruar disa skuadrave, përfshirë St. Pauli, por futbollisti ka kërkuar qartë që prioritet të jetë një transferim drejt Arabisë Saudite.
Sahiti ka pasur vështirësi të mëdha për të siguruar minuta këtë edicion në Bundesligën gjermane. Ai ka zhvilluar vetëm 122 minuta lojë në kampionat, duke u paraqitur në dy ndeshjet e para të sezonit.
Pas kësaj, nuk ka fituar më asnjë minutë: në nëntë ndeshje nuk u ftua fare, ndërsa në tri të tjera mbeti në bankën e rezervistëve.
Minutat e vetme pas kësaj periudhe i mori më 3 dhjetor, në ndeshjen e Kupës së Gjermanisë ndaj Holstein Kielit.
Emir Sahiti iu bashkua Hamburgut në verën e vitit 2024, duke u transferuar nga Hajduk Split për shumën prej 1.2 milionë eurosh. Kontrata e tij me klubin gjerman skadon në vitin 2027, çka e bën këtë afat dimëror vendimtar për të ardhmen e tij. /Telegrafi/
Paraqitja e fundit bëri që të gjithë të kujtoheshin se për cilin lojtar bëhet fjalë. Berat Gjimshiti tregoi ndaj Romës se nuk ka humbur thuajse asgjë nga klasi i tij si futbollist, edhe pse vitet kalojnë dhe ai është tani 32 vjeç.
Mbrojtësi i qendrës që dy herë u diskutua për t’u larguar nga Atalanta, mund të mburret jo vetëm me këtë paraqitje, në fitoren 1-0 në Serinë A në Bergamo, por edhe për më shumë se kaq.
Nëse shikon faqen e specializuar të statistikave dhe vlerësimeve, “sofaskor”, lexon se nota mesatare e kapitenit të kombëtares shqiptare këtë sezon është 7.09.
Këtu përfshihen, Seria A, Champions dhe Kupa e Italisë, ndërsa për ekipin përfaqësues është edhe më lart. Kjo është diçka më poshtë sesa sezonin e kaluar, por gjithsesi, mbi mesataren e Atalantës që arrin në 6.85.
Vetëm lojtarë si portieri Karnezeki, mbrojtësi De Ron apo mesfushori De Keteler, mund të mburren se kanë vlerësim më të lartë sesa djali nga Presheva. Natyrisht, ka pasur edhe skaje në këto nota, nga 6.1 apo 6.2 që kanë qenë më të ulëtat, deri në 7.6, 7.7, 7.8 apo 8.9 siç ndodhi në ndeshjen e fundit të kampionatit kundër Romës. Gjimshiti ka shënuar një gol këtë edicion, dhe pikërisht në sfidën e Kupës së Italisë fituar 3-1 kundër Gjenovës./abcnews.al
Nuk do të kishte dashur kurrë ta kishte provuar atë moment. Gjithsesi, futbolli shpesh është i pamëshirshëm dhe gabimi mund të kthehet fatal, veçse i madh është ai që di të ngrihet sërish në këmbë.
Këtë bëri Berat Gjimshiti, kapiteni i kombëtares shqiptare, pak ditë pas pakujdesisë të rëndë në sfidën Atalanta-Inter, që në fund u humb për faj të tij.
Mbrojtësi veteran kuqezi e realizoi revanshin në mënyrë të plotë me një paraqitje të madhe në sfidën tjetër të Serisë A, Atalanta-Roma.
“Dea” fitoi 1-0 dhe një meritë shumë të madhe pati pikërisht ai.
Dy ndërhyrje vendimtare që shmangën dy gola. Në pjesën e parë ndaj Fergusonit, dhe pas pushimit kundër Dibalës. Në sekondat e fundit thuajse shërbeu asist, por sulmuesi Krstoviç nuk arriti të shënonte. Vlerësimet mediatike ishin të shkëlqyera.
“Eurosport” e veçon tek Atalanta, bashkë me Skalvinin dhe Bernaskonin. I jep notën 7 dhe komentin: Dy mbyllje si profesor, nga një në çdo pjesë, për të na kujtuar se mbetet lideri i heshtur i DEA-s!
“Skaj Sport” e nxjerr si Lojtarin e Ndeshjes, me një notë të shkëlqyer, 7.5, më lart se shënuesi i golit Skalvini!
Edhe “gol.com” e nxjerr më të mirin, me notën 7, por po aq sa Skalvinin: Gjimshiti ndalon në vijën fatale një gol të Fergusonit, pstaj ndalon mrekullisht Dibalën! Hyjnor!
Edhe vetë Seria A e vlerëson si Lojtarin më të Mirë të ndeshjes, dhe shqiptari pozoi më pas me trofeun individual!
Atalanta fitoi falë golit të shënuar nga Skalvini në 12’, duke mundur ish-trajnerin Xhampiero Gasperini, në stolin e Romës.Bergamaskët kanë 25 pikë dhe ndonëse ende larg në vendin e 8-të dhe 8 pikë prapa zonës Champions, ende kanë shpresë se mund t’ia dalin.
Një debat i fortë dhe emocional ka shpërthyer së fundmi në studio, ku opinionisti Valdrin Sahiti reagoi ashpër ndaj deklaratave të Labinot Labi, pasi ky i fundit kishte akuzuar këngëtaren Fjolla Morina se kishte ndarë një burrë nga familja e tij.
Sahiti e cilësoi këtë qasje si të gabuar dhe të padrejtë, duke theksuar se në kohët moderne askush nuk mund t’ia “marrë” dikujt bashkëshortin apo bashkëshorten, pasi vendimet janë personale dhe përgjegjësia bie mbi individët vetë. Ai u shpreh prerë se gjykime të tilla nuk i përkasin shoqërisë së sotme.
“Unë nuk e di kush t’i ka mësuar këto, sepse askush nuk mund të ndajë apo t’ia marrë gruan apo burrin askujt. Nuk jemi më në kohën e gurit. Pavarësisht lojës, njerëzit nuk gjykohen kështu,” tha Sahiti, duke shtuar se mentalitete të tilla janë të vjetruara dhe dëmtojnë figurën e grave në shoqëri.
Opinionisti vijoi më tej, duke theksuar se një burrë nuk duhet të sillet në atë mënyrë ndaj Fjolla Morinës, e cila është nënë e dy vajzave. Sipas tij, përgjegjësia morale dhe respekti ndaj një gruaje dhe nëne duhet të jenë mbi çdo strategji loje apo debat televiziv.
Nga ana tjetër, tensioni emocional u reflektua edhe te vetë Fjolla Morina. Në dhomën e rrëfimeve, ajo u shfaq dukshëm e prekur, duke pranuar se situata e kishte rënduar psikologjikisht. Mes lotësh, këngëtarja theksoi se është një person shumë i ndjeshëm dhe se mënyra se si po zhvillohej loja mes banorëve e kishte lënduar.
“Jo presioni, por mënyra se si po e bëjnë lojën mes vete. Unë jam tip emocional, kam emocione, jam me shpirt të madh dhe shumë e ndjeshme,” u shpreh Fjolla, duke mos i fshehur lotët.
Spektakli i natës së sotme nisi me tensione të forta, si pasojë e ngjarjeve të ndodhura gjatë ditëve të fundit në shtëpi.
Prime-i u hap me transmetimin e një klipi ku shfaqej debati i ashpër mes Fjollës dhe Labit, debat që ka shkaktuar reagime të shumta brenda dhe jashtë shtëpisë.
Gjatë përplasjes, Labi bëri një deklaratë shumë të rëndë, duke thënë se Fjolla ka ndarë burrë nga familja, fjalë që u konsideruan të papranueshme dhe tejkalim i çdo kufiri të lojës.
Kjo deklaratë solli menjëherë reagime të forta nga opinionistët e mbrëmjes, Valdrin Sahiti dhe Olta Gixhari.
Valdrin Sahiti reagoi ashpër, duke e kundërshtuar publikisht Labin dhe duke theksuar se jeta personale nuk duhet të përdoret si armë në lojë.
Ai u shpreh: “Nuk e di kush ta ka mësuar ty atë, sepse askush nuk mundet ta ndajë ose t’ia marrë burrin askujt. Burri dhe gruaja ose shkojnë sepse nuk duan më, ose nuk rrinë bashkë, por nuk jemi në këtë shekull që dikush t’ia marrë dikujt dikë. Këto janë gjëra shumë personale. Pavarësisht lojës dhe nervozave që mund t’i kemi, nuk gjykohen njerëzit mbi jetën personale apo mbi ndonjë lidhje të mundshme, sepse ne të gjithë i kemi mbi 30–35 vjet dhe nuk jetojmë në kohën e gurit. Do të isha shumë i lumtur nëse shoqëria jonë do të ishte aq moraliste sa morali yt, i cili, më duhet ta them, është i rremë”.
Edhe Olta Gixhari mbajti qëndrim kritik ndaj deklaratës së Labit, duke theksuar se loja nuk justifikon sulmet personale dhe akuzat që prekin jetën private të banorëve. /Telegrafi/
Këtë e kishte të qartë Berat Gjimshiti, por edhe trajneri i Atalantës, Paladino, ndonëse e hodhi titullar në një betejë shumë të ashpër në Serinë A.
Në Bergamo mbërriti Interi, ekipi që bashkë me Napolin dhe Milanin, janë pretendentët kryesorë për titull, dhe kapiteni i kombëtares shqiptare pati një mbrëmje për t’u harruar.
Gabimet e tij erdhën radhazi, dhe një herë u shpëtua nga pozicioni jashtë loje dhe nga ndërhyrja e VAR-it, një herë tjetër nga gabimi I sulmuesit zikaltër Markus Turam, ndërsa herën e tretë ishte gjithçka fatale.
Pasimi i tij i pakujdesshëm krijoi golin e vetëm të ndeshjes. Interi fitoi falë rrjetës së kapitenit Lautaro Martinez, dhe e mbajti vendin e parë në Serinë A me 36 pikë në 16 ndeshje, një më shumë se Milani e dy mbi Napolin.
Sa për Gjimshitin, vlerësimet nga mediat sportive italiane dhe kontinentale ishin negative. “La Gazeta delo Sport” i dha notën 4.5, duke e cilësuar më të keqin tek Atalanta.
“Eurosport” e veçon që në titull në faqen e portalit të tij, ndërsa i vendos notën 4 për gabimin e pafalshëm. Natyrisht, në paraqitjen e tij të dobët ndikoi fakti se erdhi direkt nga dëmtimi dhe nuk mund të kishte formën e duhur fizike dhe për të përballuar një ritëm kaq të lartë.
Mëkat, sepse kapiteni i Shqipërisë ka qenë vazhdimisht ndër më të mirët e Atalantës, madje dikur i shënoi Interit një gol të bukur, në fitoren e madhe bergamaske 4-1./abcnews.al
Liderët e partive shqiptare në Maqedoninë e Veriut kanë uruar Albin Kurtin për fitoren e tij në zgjedhjet e parakohshme parlamentare. Mesazhe urimi kanë dërguar kryetari i Kuvendit, Afrim Gashi, lideri i BDI-së, Ali Ahmeti, liderët e koalicionit VLEN dhe lideri i ASH-së, Arbe, Taravari, shkruan Telegrafi Maqedoni.
Kryetari i Kuvendit të RMV-së, Afrim Gashi në urimin e tij thotë se fitorja e fundit e Kurtit dëshmon besimin dhe mbështetjen për vizionin dhe përkushtimin e Lëvizjes Vetëvendosje.
"Uroj veçanërisht Kryeministrin z. Albin Kurti për fitoren dinjitoze. Ky rezultat zgjedhor konfirmon besimin dhe mbështetjen qytetare për vizionin dhe përkushtimin e Lëvizjes Vetëvendosje. Përgëzoj gjithashtu të gjitha subjektet politike për pjesëmarrjen konstruktive, si dhe qytetarët e Kosovës për kulturën dhe pjekurinë demokratike që kanë treguar", shkruan Gashi. Liderët e VLEN-it poashtu i kanë dërguar mesazhe urimi Kurtit.
Mesazh urimi për Kurtin ka ardhur edhe nga lideri i BDI-së, Ali Ahmeti.
"I përgëzoj qytetarët e Republikës së Kosovës për procesin zgjedhor në të cilin dëshmuan maturi dhe pjekuri të lartë demokratike. U zhvillua një proces i lirë, i ndershëm dhe plotësisht demokratik, në përputhje me standardet evropiane, duke konfirmuar forcën e institucioneve dhe vullnetin e lirë të qytetarëve të Kosovës.
Urime Lëvizjes Vetëvendosje dhe Kryeministrit Albin Kurti për fitoren e shënuar! Kosova ka nevojë për stabilitet, zhvillim dhe vizion të qartë shtetëror, në shërbim të qytetarëve të saj", shkruan Ahmeti.
Izet Mexhiti në urimin e tij shkruan se zgjedhjet demokratike të zhvilluara sot, e rikonfirmojnë që Kosova tashmë ka krijuar një traditë të mirëfilltë demokratike, ku ka garë ferr dhe të drejtë.
"I dashuri Albin, është kënaqësi e madhe të shoh fitoren tuaj të re, edhe më të madhe se në zgjedhjet e kaluara. Zgjedhjet demokratike të zhvilluara sot, e rikonfirmojnë që Kosova tashmë ka krijuar një traditë të mirëfilltë demokratike, ku ka garë fer dhe të drejtë", shkruan Mexhiti.
Bilall Kasami, kryetar i Lëvizjes Besa dhe njëri nga liderët e VLEN-it, thotë se Lëvizja Vetëvendosje ka arritur fitore të jashtëzakonshme.
"Uroj që procesi i formimit të institucioneve të shkojë shpejt e mbarë, duke reflektuar vullnetin qytetar të shprehur sot. Mezi pres ta vazhdojmë bashkëpunimin ndërshtetëror me Qeverinë Kurti 3", shkruan Kasami.
Fitoren e Kurtit e uruan edhe zv. kryeministrat Bekim Sali dhe Arben Fetai.
"I përgëzoj të gjitha subjektet politike për pjesëmarrjen dhe kontributin e tyre në këtë proces të rëndësishëm. Shpresojmë që institucionet e reja të konstituohen sa më shpejt, në frymë bashkëpunimi dhe uniteti, për t’u përballur me sfidat dhe për të vazhduar rrugën e zhvillimit, integrimit, stabilitetit dhe mirëqenies për të gjithë qytetarët", shkruan Sali.
Mesazhe urimi ka pasur edhe nga lideri i Aleancës për Shqiptarët, Arben Taravari.
Lajmet nga Kosova flasin për fitore të Vetëvendosjes dhe Albin Kurtit të cilin populli i Kosovës i besoi sërish drejtimin e vendit! Urime Vetëvendosjes e Kurtit! I priftë vetëm e mira në punën e tyre!", shkruan Taravari./Telegrafi/
Login
