Presidenti i Shteteve të Bashkuara të Amerikës e ka rritur edhe më tej presionin ndaj NATO-s për Groenlandën, në një mesazh drejtuar kryeministrit të Norvegjisë, ku paralajmëroi se “nuk ndihem më i detyruar të mendojë vetëm për paqen”, pasi iu mohua Çmimi Nobel për Paqen.

Sipas mediave norvegjeze, presidenti SHBA-së kërkoi sërish që Groenlanda t’i dorëzohet Amerikës duke argumentuar se Danimarka nuk është në gjendje ta mbrojë atë nga Rusia dhe Kina, në një letër drejtuar kryeministrit norvegjez, Jonas Gahr Store.

“Kam bërë për NATO-n më shumë se çdo person tjetër që nga themelimi i saj, dhe tani NATO duhet të bëjë diçka për Shtetet e Bashkuara”, thuhet në letrën të cilën ai e ka dërguar.

Trump ka ndërmarrë hapin e jashtëzakonshëm për të lidhur dëshirën e tij për marrjen e Groenlandës nga  Danimarka me faktin se nuk iu dha Çmimin Nobel për Paqen, të cilin ai e ka deklaruar vazhdimisht se e meriton.

“I dashur Jonas: Duke qenë se vendi yt vendosi të mos më japë Çmimin Nobel për Paqen për faktin se i kam ndalur tetë luftëra e më shumë, nuk ndihet më i detyruar të mendoj vetëm për paqen, edhe pse ajo do të mbetet gjithmonë mbizotëruese, port tani mund të mendoj edhe për atë që është e mirë dhe e drejtë për Shtetet e Bashkuara të Amerikës”, thuhet të ketë shkruar Trumpi në letër.

Kryeministrin norvegjez tha gjithashtu se i ka shpjeguar vazhdimisht Trump se është “gjerësisht e njohur” që qeveria norvegjeze nuk vendos se kush e fiton Çmimin Nobel për Paqen.

Trump tutje ka vazhduar me deklarimet se Danimarka pretendon se e zotëron Groenlandën “vetëm sepse një anije zbarkoi atje qindra vjet më parë”, dhe se nuk ka dokumente të shkruara mbi pronësinë.

“Është vetëm fakti që një anije zbarkoi atje qindra vjet më parë, por edhe ne kemi pasur anije që kanë zbarkuar atje. Kam bërë më shumë për NATO-n se çdo person tjetër që nga themelimi i saj, dhe tani NATO duhet të bëjë diçka për Shtetet e Bashkuara. Bota nuk është e sigurt përveçse nëse ne kemi kontroll të plotë mbi Gorenlandën”, ka shkruar tutje ai.

Thuhet se letra është shkruar nga Trump dhe më pas është shpërndarë nga stafi i Këshillit të Sigurisë Kombëtare tek disa ambasadorë evropianë në Washington. Kryeministri norvegjez e ka konfirmuar se letra është e vërtetë. Letrën e ka shpërndarë edhe gazetari amerikan Nick Shcifrin.

SHKODËR- Në Spitalin Rajonal të Shkodrës, një 16-vjeçare, ka humbur jetën.

Paraprakisht dyshohet për një arrest kardiorespirator.

Grupi hetimor po kryen veprimet në drejtimin e Prokurorisë, për të përcaktuar shkakun e humbjes së jetës./abcnews.al

DURRËS– Gjykata e Durrësit ka konfirmuar masat e sigurisë të dhënë me herët për ish-drejtorin e burgut të Durrësit Indrit Cërloi dhe Ylfete Sema.

Konkretisht, Cërloi është lënë me masën e sigurisë” arrest me burg”, kurse mjekja me masën “arrest në shtëpi”

Ata u arrestuan pas arratisjes së të paraburgosurit Altin Ndocit, i cili u transportuan nga burgu për të kryer vizitë në spitalin e Durrësit.

I paraburgosuri Ndoci shfrytëzoi këtë moment duke goditur fizikisht njërin prej efektivëve që e shoqëronin dhe më pas u arratis nga ambientet e spitalit të Durrësit./abcnews.al

Shkalla e lindjeve në Kinë ka rënë në nivelin më të ulët që nga themelimi i Republikës Popullore në vitin 1949, sipas një raporti të hënën. Të dhënat zyrtare të publikuara nga Byroja Kombëtare e Statistikave treguan se lindjet ranë në 5.6 për 1.000 banorë vitin e kaluar, me numrin total të të porsalindurve që ranë në 7.9 milionë, një rënie e ndjeshme prej 1.6 milionësh dhe më e larta që nga viti 2020.

Rënia e uli popullsinë e përgjithshme të Kinës me 3.4 milionë, duke shënuar rënien e katërt vjetore radhazi. Shifrat i dhanë goditje përpjekjes së Pekinit për një shoqëri “miqësore ndaj fertilitetit” nën presidentin Xi Jinping, edhe pse autoritetet nxisin subvencione në para të gatshme, zgjatjen e lejes prindërore dhe stimuj të tjerë.

Kina gjithashtu regjistroi numrin e saj më të ulët të martesave që nga viti 1980 në vitin 2024, me vetëm 6.1 milionë çifte që lidhën kurorë, një rënie prej 20.5 për qind nga viti 2023 ndërsa shkalla e divorcit u rrit me 1.1 për qind.

Presionet demografike të vendit u thelluan ndërsa normat e ulëta të lindjeve vazhduan, të nxitura nga më pak gra në moshë lindjeje, së bashku me vonesën në martesë dhe prindërimin midis brezave të rinj për shkak të presioneve sociale dhe ekonomike.

Pekini ka zbatuar politika për të kundërshtuar rënien e normave të martesave dhe lindjeve, por ato ende nuk kanë treguar efekte të rëndësishme. Popullsia e Kinës ishte 1.4 miliardë në vitin 2024, duke shënuar rënien e tretë vjetore radhazi që nga viti 2021.

TIRANË- Kryeministri i Shqipërisë, Edi Rama, ka përcjellë mesazh ngushëllimi për përplasjen e dy trenave në Spanjë, si pasojë e të cilit dhjetëra persona humbën jetë.

Në një mesazh drejtuar kryeministrit spanjoll Pedro Sánchez, ai ka shprehur trishtim të thellë për ngjarjen dhe solidaritet me familjet e viktimave.

Ai theksoi se mendimet e Shqipërisë janë me të gjithë ata që kanë humbur të dashurit e tyre dhe me ekipet e emergjencës, të cilët po punojnë pa u lodhur për përballimin e pasojave të kësaj tragjedie.

“I dashur Pedro,Me trishtim të thellë kam marrë lajmin për aksidentin tragjik hekurudhor të ndodhur në Adamuz.

Në emër të popullit të Shqipërisë dhe në emrin tim personal, dëshiroj të shpreh ngushëllimet e mia më të sinqerta për familjet e viktimave dhe solidaritetin tim me popullin dhe Qeverinë e Spanjës në këtë moment dhimbjeje. Mendimet tona janë me ata që kanë humbur të dashurit e tyre dhe me të gjitha ekipet që po punojnë pa u lodhur në përballimin e kësaj tragjedie.”, shkruan  Rama.

Mediat e huaja raportojnë se të paktën 39 persona kanë humbur jetën dhe rreth 75 të tjerë kanë mbetur të plagosur nga përplasja e trenave./abcnews.al

Dy perona të shpallur në kërkim ndërkombëtar janë arrestuar në Tiranë.

Ata ishin në kërkim nga autoritetet e Kosovës, pas një urdhër-arresti ndërkombëtar të lëshuar më 13 janar 2026 nga UNMIK, për veprën penale “Pjesëmarrje ose organizim i grupit të strukturuar kriminal” në fushën e trafikimit të qenieve njerëzore.

Ata u ndaluan me qëllim ekstradimin drejt Kosovës, ndërsa vijojnë procedurat për dorëzimin e tyre autoriteteve përkatëse.

Tre të rinj kanë mbetur të plagosur si pasojë e një aksidenti rrugor të ndodhur gjatë orëve të natës në Gjorëm.

Sipas informacioneve , automjeti me të cilin ata po udhëtonin ka devijuar nga rruga dhe është përplasur me barrierat anësore.

Dyshohet se drejtuesi i mjetit ka qenë nën efektin e alkoolit në momentin e aksidentit. Si pasojë e përplasjes, tre të rinjtë kanë pësuar lëndime dhe janë transportuar menjëherë drejt Spitalit të Traumës për ndihmë mjekësore.

Policia ka nisur hetimet për të zbardhur rrethanat e aksidentit.

Rreth 13,000 djem të rinj filluan të hënën trajnimin themelor ushtarak në Zvicër. Mes tyre janë edhe 45 zviceranë të rinj që jetojnë jashtë vendit – të cilët nuk janë të detyruar ligjërisht të shërbejnë – por që kanë zgjedhur të bashkohen vullnetarisht me ushtrinë.

Valentin Lopez, një shembull i angazhimit. Valentin Lopez, 19 vjeç, nga departamenti Haute-Savoie në jug të Liqenit të Gjenevës, pothuajse nuk ka lidhje të drejtpërdrejtë me Zvicrën. Ai ka pasaportën zvicerane falë stërgjyshit të tij, por familja e tij ka jetuar në Francë për tre gjenerata. Megjithatë, ai ka vendosur të shërbejë në Ushtrinë Zvicerane, transmeton albinfo.ch.

“E shoh këtë si një mundësi për të ndjerë më shumë se jam zviceran,” tha Lopez për RTS. “Kam pasur fatin të lind si zviceran, por nuk jetoj këtu. Shpesh ndihesh pak si i jashtëm.”

Valentin dhe rreth njëzet vullnetarë të tjerë nga jashtë u thirrën javën e kaluar në Payerne për një ngjarje të veçantë rekrutimi. Shumë prej tyre, ashtu si ai, janë qytetarë francezë dhe mund të shërbejnë gjithashtu në Francë, ku do t’u kërkohej vetëm një “Ditë Mbrojtjeje dhe Qytetarie”. Pas kësaj, ata mund të ishin të përjashtuar nga shërbimi atje.

Kthim te rrënjët dhe përmirësimi personal

Sébastien Albayrak, 18 vjeç, nga Strasburgu, e sheh shërbimin ushtarak si një mundësi për t’u përmirësuar: “Nuk dua vetëm të bëj shërbimin ushtarak, por dua të përmirësohem si individ. Mendoj se kjo është një situatë fitim-fitim.”

Edhe pse motivimi i këtyre të rinjve zviceranë nga jashtë mund të duket i pazakontë për bashkëmoshatarët e tyre në Zvicër, Valentin shpreson të integrohet shpejt gjatë trajnimit themelor. “Në Zvicër mund të mendojnë se jam francez dhe të më përjashtojnë, por në realitet nuk ka diferencë. Në fund të fundit, të gjithë jemi të njëjtë.”

Mbështetje nga familja dhe perspektiva e ardhshme

Në fshatin francez Valleiry, Pascale, nëna e tij, është e lumtur: “Për mua, është sikur Valentin po kthehet te rrënjët e tij,” thotë ajo. Ajo premton se do ta vizitojë djalin e saj në Birmensdorf pranë Zyrihut, një vend që gjendet pesë orë larg me tren. Valentin është caktuar atje si rekrut i infanterisë dhe po mendon të ndjekë trajnimin e oficerit pas shërbimit bazë, me mundësinë më pas të bëhet polic në Zvicër.

Rritja e numrit të vullnetarëve

Qytetarët zviceranë që jetojnë jashtë përbëjnë vetëm një pjesë të vogël të rekrutëve, por numri i tyre po rritet: në vitin 2020 rreth pesëdhjetë vullnetarë regjistroheshin çdo vit, ndërsa sot numri ka arritur pothuajse 90.

Koloneli Samuel Crettol, komandanti i qendrës më të madhe të rekrutimit në vend, e ka vënë re këtë rritje: “Po, ata po shtohen. Ndoshta kjo ka të bëjë me tensionet ndërkombëtare,” sugjeron ai.

Megjithatë, procesi i rekrutimit është i njëjtë për të gjithë. “Nuk ka asnjë diferencë me mua. Ajo që i dallon është motivimi i tyre shumë i lartë. Ata janë këtu sepse e duan,” thekson Crettol.

Duket se po kthehet aty ku ishte. Kristian Shpendi, në moshën 22-vjeçare, ka rinisur të shënojë më rregullisht dhe për herë të parë këtë sezon të Serisë B realizoi dy gola në një ndeshje.

Ndodhi në fitoren që Çezena arriti në fushën e Rexhanës me shifrat 2-1, pra ai ishte vendimtar.

Një penallti në pjesën e parë dhe një goditje nga loja pas pushimit përmbysën rezultatin.

Për momentin ai ka dy gola më shumë sesa vëllai I tij binjak, Stiveni, që luan për Empolin dhe jo më kot kartoni I tij vlerësohet 5.5 milionë euro, edhe pse ka rënie të lehtë në krahasim me një vit më parë.

Shpendi arriti tani në kuotën e 8 rrjetave, dhe duket se I ka lënë pas problemet e mund të vazhdojë më lart, e padyshim të fitojë Këpucën e Artë në Serinë B.

Shënuesi më I mirë është Pohjanpalo I Palermos me 12 goditje të sakta në rrjetë, e më pas vijnë tre futbollistë me nga 9.

Çezena ka 34 pikë dhe është në luftë për vendet e larta në tabelë, dhe për të synuar ngjitjen në Serinë A.

Nëse arrin vendin e dytë e siguron elitën direkt, ndërsa nga vendi I tretë tek I teti luajnë në plej of.

Ndryshe nga liqeni i Prespës, ku vit pas viti ka ardhur në rënie numri i shpendëve ujorë, për shkak të ndryshimeve klimatike, e kundërta ka ndodhur me liqenin e Ohrit.

Sipas specialistit në Agjencinë e Zonave të Mbrojtura, Gani Bengos, këtë vit në liqenin e Ohrit kemi një rritje të numrit të shpendëve, për shkak se kushtet e florës, të klimës dhe habitatet në këtë liqen nuk kanë ndryshuar. Llojet janë të njëjta ndër vite.

“Në Pogradec kemi 10 grupe numërimi. Rezultatet e para janë të kënaqshme, kemi një numër më të lartë si rezultate të para”, tha Gani Bego, specialist në AZM.

Ndërsa sipas biologut Spase Shumka, shtimi i shpendëve në Pogradec ka ardhur në rritje, për shkak se Liqeni i Prespës ka pësuar ndryshime rrënjësore të habitateve nga ndryshimi i nivelit të ujit, duke bërë që shpendët të kenë gjetur habitat të përshtatshëm në liqenin e Pogradecit.

“Ka ulje të ujit në liqenin e Prespës dhe mendoj se ata kanë shtegtuar për në liqenin e Pogradecit”, tha biologu Spase Shumka.

Për biologun, habitatet e shpendëve dhe streha janë të nevojshme që të ruhen nga shkatërrimi i dorës së njeriut, siç është gjuetia, rritja urbane me anë të zhurmave, ndërtimeve apo turizmit.

Për dy ditë censusi u zhvillua në 34 vende në Shqipëri, ku vetëm 2 prej tyre ishin në Qarkun e Korçës./abcnews.al

Në orët e mesditës së sotme është bërë e mundur hapja e aksit rrugor Qukës-Qafë Plloçë.

Nga pamjet e siguruara nga ABC News, shihet që subjekti ka kryer gjithë pastrimi masivit shkëmbor që u bë shkak i bllokimit të aksit rrugor.

Fillimisht aksi rrugor është i hapur vetëm për mjetet e banorëve të zonës.

Ndërkohë, prej ditës së nesërme pritet të jetë i hapur për të gjitha mjetet.

Aktualisht bëhet edhe inspektimi i këtij aksi rrugor dhe për të përforcuar relievet shkëmbore me rrjeta./abcnews.al

Ka vetëm një ndalesë në gati 3 muaj. Interi po e tregon veten si skuadra më e kompletuar dhe më e fortë në Serinë A, dhe suksesi në fushën e Udinezes konfirmoi momentin pozitiv.

Janë 8 fitore në 9 ndeshje që nga 23 nëntori kur u pësua humbja në derbi përballë Milanit.

Nga ajo kohë, vetëm Napoli e ka bllokuar në një barazim 2-2 në “San Siro” pak ditë më parë.

Në stadiumin “Friuli”, zikaltërit dominuan dhe nuk e vunë në dyshim epërsinë e tyre, edhe pse shënuan vetëm një gol, duke humbur shumë raste.

Lautaro Martinez realizoi shpejt, që në 20’, me topin të shërbyer nga talenti I ri Pio Espozito.

“Lautaro këndon, – titullon “La Gazeta delo Sport”, – kapiteni godet me asist nga Pio, Interi në +6! Kryesuesit dominojnë, 8 fitore në 9 të fundit në Serinë A! Të martën vjen Arsenali!”

Natyrisht, ky Inter nuk është pa probleme.

E ka pasur shumë të vështirë ndaj rivalëve direktë si Juventus, Milan apo Napoli, si edhe kundër Liverpulit apo Atletikos në Champions, dhe humbi një ndeshje që vlente titull në gjysmëfinalen e Superkupës ndaj Bolonjës.

Trajneri Kristian Kivu, më I miri I muajit të fundit në Serinë A, e di se ka ende shumë për të bërë, por duket se personaliteti I tij po e ndihmon skuadrën zikaltër që të shkojë drejt trofeve.

Inter kryeson Serinë A me 49 pikë ndaj 43 të Milanit që luan sonte në “San Siro” ndaj Leçes.

Të paktën me lojë nuk zhgënjen. Juventusi i Luçiano Spaletit nuk është si dikur ai i Trapatonit apo Alegrit, ndonëse rekordmenët e titujve në Itali duan edhe trofe, ndaj edhe kritikat pas rrëzimit në Kaljari ishin të forta.

“Zonja e Vjetër” u duk e bukur, por tepër e shkujdesur në stadiumin “Unipol Domus” në ishullin e Sardenjës, që zëvendësoi impiantin e vjetër “Sant Elia”.

Skuadra piemonteze duhej të kishte fituar sfidën e Serisë A me rastet që krijoi, por duket se mungon njeriu-gol, ndaj edhe u ndëshkua.

Një gol shumë I bukur I Kaljarit shënuar nga Luka Maciteli në 65’ vendosi fatin e përballjes dhe Juves nuk I bënë punë 22 gjuajtjet, nga të cilat 7 në kuadrat, dhe plot 78 për qind mbajtje topi.

Ishullorëve u mjaftuan vetëm dy goditje, që të dyja në portë.

Në mungesë të Dushan Vlahoviçit të dëmtuar, David nuk po mundet ta mbajë barrën plotësisht, as Jildiz apo Mekkeni, ndërsa trajneri Spaleti pati kritika për Edon Zhegrovën e Konseisaon, që sipas tij nuk ishin të kthjellët.

“Spaleti, çfarë grushti, – titullon “Il Korriere delo Sport”, – një goditje fatale! Kaljari realizon diçka të madhe, fiton 1-0! Maciteli hedh tuç Juventusin!”

Ja edhe e përditshmja torineze, “Tutosport”: Të hedhur nokaut në Kaljari, 1-0! Juve, duhet menjëherë Mateta! Një gol I bukur na ndëshkon për rastet e humbura!”

Zhan Filip Mateta është sulmues francez 28-vjeçar që luan për Kristël Palasin në Angli, e që ka shënuar 8 gola deri tani në Premier Ligë. Juventus ka mbetur 10 pikë prapa kreut të Serisë A që mbahet nga Interi.

SHQIPËRI– Stili i jetesës është shkak, sipas studimeve, për shtimin e obezitetit dhe shumë sëmundjeve kronike si ato kardiovaskulare, metabolike, neurodegjenerative, diabeti e të tjera. Kjo ka bërë që Shtetet e Bashkuara, pas më shumë se tre dekadash, të ndryshojnë piramidën ushqimore. Ajo përdoret zakonisht në qendra komunitare, ku regjimi ushqimor menaxhohet nga institucionet, por është gjithashtu një sugjerim për të gjithë për një ushqyerje të shëndetshme.

 “Deri para ca kohësh flitej për kosin pa yndyrë, për produkte pa sheqer. Unë do të thosha që të gjitha proceset nëpër të cilat kalon një ushqim, ku duhet t’i hiqet një substancë, procesimi dhe substancat që i shtohen, kthehen shumë herë më të dëmshme për organizmin se niveli i yndyrës tek qumështi apo tek kosi. Kështu që duhet padyshim të kalojmë në ushqimet e plota dhe padyshim në yndyrna të mira: vaj i ullirit, po ashtu dhe tek yndyrnat e tjera si avokado, arra. Pastaj çdo individ individualizohet bazuar mbi shportën ushqimore të zonës ku është.”, tha mjekja nutricioniste, Albanan Daka.

Nga një model që sugjeronte si bazë drithërat, karbohidratet dhe shmangie të yndyrnave, piramida është përmbysur duke i dhënë përparësi proteinave, ushqimeve të plota, perimeve dhe yndyrnave të shëndetshme.

“Para disa vitesh teorikisht thuhej se proteina duhet të ishte 0.8-1 gram për kg peshë, pra për një person 70 kg – 70 gramë proteinë, duke e çuar proteinën nga 0.8 në 1 në 1.4–1.6, në disa raste dhe më shumë tek sportistët.”, tha ajo.

Ka eliminuar totalisht, hap shumë i madh, ushqimet e procesuara, për të cilat studimet e fundit japin një korrelacion shumë të madh mes dëmit që ushqimet e procesuar bëjnë për mbipeshën, obezitetin, ku marrin fillimin të gjitha sëmundjet kronike.

Udhëzimet e reja, sipas mjekëve, pritet të reduktojnë shumë probleme shëndetësore të shtuar në dekadat e fundit. Kjo është edhe për shkak të lidhjeve të gjetura mes shëndetit të zorrëve me shumë neurotransmetues që ndodhen aty dhe sëmundjeve të ndryshme/abcnews.al

“Është beteja më e madhe e jetës time që po kaloj me këtë vajzë. Sepse pa fëmijë, pa burrë. Kam bërë 85 vjeç, pavarësisht se jeta është e dhimbshme, por, para kësaj, nuk më dhimbset jeta. Të kisha ikur”

Sfida e një nëne nuk njeh moshë. Ajo është gjithmonë aty për fëmijën e saj. E tillë është sakrifica e nënës 85-vjeçare, Durime Asllanit, të cilën fati e ka vënë përballë një sfide të vështirë në moshën më delikate të jetës, atë të pleqërisë.

Ajo duhet të kujdeset për vajzën e saj, 60-vjeçe, Rajmondën, e cila është diagnostikuar me sëmundjen e rëndë të kancerit.

“Kam ardhur në spital me vajzën, që e kanë shtruar. Ajo më përpara ka qenë shumë mirë, brenda dy muajve ankoi një këmbë dhe e sollëm në spital. Pas ekzaminimeve në kurriz, i doli që ka kapur kockën. Pastaj gjirin. Këtë të kurrizit në gradë të 4, atë të gjirit në gradë të dytë. Është me kancer.”, tha ajo.

85-vjeçarja është nënë e gjashtë fëmijëve. Prej dy muajsh ajo sfidon moshën duke shoqëruar vajzën e saj nëpër dyert e spitaleve në vend. Përballë kësaj beteje, Rajmonda ka edhe mbështetjen e motrave dhe të vëllezërve të saj.

“Është shumë e vështirë që nëna të shoh fëmijën shtrirë. Më mirë të kisha ikur vetë përpara. Vështirësi se lodhem duke ardhur, po vështirësi të tjera nuk kam. Qoftë nga ekonomia apo të tjera, sepse kam fëmijët jashtë vendit dhe sot do vijnë këtu. Mblidhemi të tërë.”, pohoi ajo.

Përballë rrugëtimit të vështirë, nënë Durimia është bërë më e fortë, forcë e cila buron nga misioni për t’i shërbyer vajzës së saj.

“Do bëhem e fortë sepse duhet të jem për atë. Që ti bëj hyzmet. Mos ta lë që të torturohet ajo. Do bëhem e fortë me se s’bën.”, u shpreh ajo.

Sëmundja u zbulua në një stad të avancuar. Nënë Durimia ka një mesazh për gratë dhe vajzat: “U bëj thirrje vajzave e grave të mos e nënvlerësojnë veten, të shkojnë te doktori. Nuk të bënë dot askush gjë sot, përveç Zotit dhe mjekut.”, tha 60-vjeçarja.

Historia e nënës 85-vjeçare është dëshmi e forcës së pamposhtur të një nëne, e cila sfidon moshën, lodhjen, dhimbjen, për të qenë gjithmonë në vijën e parë të luftës për fëmijën e saj./abcnews.al

TIRANË- Infeksionet e ndryshme respiratore të sipërme dhe të poshtme kanë shtuar ndjeshëm numrin e të prekurve tek të vegjlit. Në 24 orë në urgjencën pediatrike të QSUT, paraqiten mbi 250 raste, ku vetëm 15-20% prej tyre kanë nevojë për trajtim spitalor. Sa i takon simptomave, mbeten ata klasikët e gripit: kollë, dhimbje koke dhe temperaturë disa ditore.

“Pacientë që kanë nevojë të domosdoshme për trajtim të mëtejshëm në urgjencë, është 15-20% për trajtim në pavion. Pjesa tjetër, në 30%, kanë nevojë për trajtim të shkurtër në observim, një perfuzion… fëmijët paraqiten me kollë, temperaturë, ose me të vjella e diarre.”, tha doktori Albert Lama.

Në qarkullim janë infeksione të ndryshme, por ajo që po mbizotëron tek të vegjlit është varianti “A” i gripit.

“Mendoj se është influenca A, ajo që mbizotëron, duke qenë se është më agresive. Gripi po dominon stinën.”, shtoi ai.

Shefi i Urgjencës së Pediatrisë në QSUT, Albert Lama, këshillon prindërit që të jenë vigjilentë ndaj çdo ndryshimi në sjellje të fëmijës, çka do të thotë nga mungesa e oreksit, apo gjendja e parehatisë me gjumin, si dhe jeta joaktive.

“Ta shikojnë gjendjen çdo ditë. Nëse e shohin të plogësht, me temperaturë apo me kollë, jo si përditshmëria që janë mësuar, ta çojnë te mjeku i familjes. Më pas të ndiqet sipas protokollit, sepse mjeku i familjes e njeh edhe historikun e tyre.”, tha ai.

Në rastet kur të vegjlit paraqesin simptoma gripi, mjekët këshillojnë prindërit të mos i dërgojnë fëmijët në kopshte, çerdhe apo shkolla, masë kjo për të ndërprerë zinxhirin e transmetimit të infeksioneve në qarkullim. Ende nuk kemi arritur në pikun e gripit; pritet të arrijë në fund të muajit janar, fillim shkurti./abcnews.al

Njoftimi i SPAK: 

Prokuroria e Posaçme kundër Korrupsionit dhe Krimit të Organizuar rregjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.

Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.

Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Tower”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.

Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve. Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale tw menaxhuara nga drejtuesit e këtij aktiviteti të kundraligjshëm, duke përdorur platforma mashtruese.

Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Tower”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.

Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit.

Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.

Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.

Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i. Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Downtown One”, në Bulevardin Bajram Curri.

Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar.

Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.

Shtetasin e arrestuar në flagrancë janë 6 persona.

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.

Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas tw tjerw, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.

Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.

Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.

Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të  “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.

Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.

Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.

Pas ngjarjes tragjike ku humbi jetën një 45-vjeçar, Policia e Himarës ka arrestuar një 32-vjeçar.

Ky i fundit duke drejtuar një eskavator në Palasë ka goditur aksidentalisht 45-vjeçarin.

Drejtuesi i eskavatorit akuzohet për veprat penale “Drejtimi i automjeteve në mënyrë të parregullt” dhe “Shkelja e rregullave të mbrojtjes në punë”.

Forcat e policisë po punojnë për sqarimin e rrethanave të ngjarjes dhe dokumentimin e plotë të aksidentit tragjik.

Një i mitur 12-vjeç është dërguar është transportuar me urgjencë drejt spitalit pasi gjatë tentativës për të mbyllur portën e jashtme të oborrit të banesës, porta ka dalë nga shina dhe i ka rënë mbi trup.

Aktualisht, i mituri ndodhet nën kujdesin e mjekëve, ndërsa policia po punon për sqarimin e rrethanave.

Indonezia gjeti të dielën mbetje të avionit që u zhduk të shtunën me 11 persona në bord, raportoi agjencia shtetërore e lajmeve ANTARA. Forcat Ajrore të Indonezisë thanë se kanë dislokuar një ekip pasi vendi i rrëzimit u identifikua në zonën e malit Bulusaraung, në provincën Sulawesi Jugor.

“Si vijim i gjetjeve, Forcat Ajrore të Indonezisë dislokuan menjëherë pesë ushtarë nga Korpusi i Forcave të Reagimit të Shpejtë (Korpasgat) dhe një pjesëtar nga Basarnas (Agjencia Kombëtare e Kërkim-Shpëtimit), duke përdorur një helikopter H225M Caracal në vendngjarje”, tha në një deklaratë kreu i Shërbimit Informativ të Forcave Ajrore të Indonezisë, Nyoman Suadnyana.

Ai shtoi se personeli i Korpasgatit ka nisur përgatitjen e masave fillestare të evakuimit pas mbërritjes në vend. Ndërkohë, ekipet tokësore, së bashku me komunitetin lokal, vazhdojnë përpjekjet për kërkim dhe evakuim.

Avioni ATR 42-500, i operuar nga Indonesia Air Transport, humbi kontaktin të shtunën në rrethin Maros, në provincën Sulawesi Jugor, teksa ishte në fluturim nga Yogyakarta drejt Makassarit, kryeqyteti i Sulawesit Jugor.

Avioni po transportonte tetë anëtarë të ekuipazhit dhe tre pasagjerë./abcnews.al