Rei Manaj kërkon largimin nga Al Sharjah në Emiratet e Bashkuara Arabe, por ndryshe nga sa është raportuar së fundmi, nuk ka firmosur për asnjë klub në Kinë. Përkundrazi, ai vazhdon të jetë në bisedime për kthimin e mundshëm në kampionatin turk të futbollit.

Mediat turke kanë bërë të ditur se presidenti i Sivaspor, Burak Ozçoban, ka qenë përsëri në ditën e fundit në kontakt me Manajn, duke i parashtruar kushtet financiare për kthimin në klubin e kategorisë së dytë turke, i cili është kandidat për t’u kthyer në elitë.

Sivaspor përballet me një bllokim të merkatos nga FIFA për shkak të detyrimeve financiare por në klub po punohet për të shlyer këto pagesa dhe për të përfshirë menjëherë Manajn në ekipin e tyre, nëse sulmuesi do të bjerë dakord. Të njëjtat burime bëjnë të ditur se Manaj nuk ka kthyer përgjigje përfundimtare, pikërisht për shkak të problemeve që ka Sivaspor, por do ta bëjë një gjë të tillë shumë shpejt.

Manaj shënoi 30 gola në 60 ndeshje me fanellën e klubit turk në Superligë në dy sezone në radhët e kësaj skuadre dhe një tjetër eksperiencë në radhët e tij duket se tërheq futbollistin e Kombëtares shqiptare.

The post Nuk ka firmosur në Kinë, Rei Manaj merr ofertën e fundit nga Turqia appeared first on Albeu.com.

Një banesë në fshatin Gurishtë–Shilbatër, në njësinë Administrative Tregan, është përfshirë nga flakët pasditen e sotme.

Zjarri ka shkrumbuar banesën pothuajse plotësisht. Mësohet se shtëpia i përket shtetasit Arif Paeshti.

Sipas informacioneve paraprake, zjarri mendohet të ketë nisur nga një shkëndijë elektrike dhe përhapja e tij u favorizua nga era e fortë.

Mjetet zjarrfikëse të Bashkisë Elbasan ndërhynë menjëherë për të vënë situatën nën kontroll dhe për të parandaluar përhapjen e flakëve në banesat përreth.

Tashmë, katër anëtarët e familjes mbetën në qiell të hapur në temperaturat e ulëta, por fatmirësisht nuk raportohet për të lënduar.

Dëmet materiale janë të konsiderueshme.

Ndërkohë autoritetet po punojnë për zbardhjen e plotë të rrethanave të ngjarjes.

The post Shkrumbohet banesa në Elbasan, katër anëtarë të familjes mbeten në qiell të hapur appeared first on Albeu.com.

Me firmën e Flamur Nokës si sekretar i përgjithshëm, Partia Demokratike ka nxjerrë një udhëzim për listën e anëtarësisë, duke përcaktuar detyrat e drejtuesve politikë në qarqet e vendit.

Noka ka udhëzuar nisjen e procesit të përditësimit të listave të anëtarësisë së Partisë Demokratike, si një kusht thelbësor për përgatitjen e Partisë Demokratike për proceset e saj organizative dhe elektorale.

Sipas tij qëllimi i këtij Udhëzimi është përshkrimi i rregullave dhe afateve të procesit të rëndësishëm të përditësimit të listës së anëtarësisë së Partisë Demokratike.

“Degët e Partisë Demokratike janë përgjegjëse për mbarëvatjen e këtij procesi, lista përfundimtare e anëtarësisë së çdo dege, miratohet me vendim të Kryesisë së Degës, në përfundim të këtij procesi, lista e anëtarësisë konsiderohet konfidenciale e cila ruhet dhe përditësohet si e tillë pranë çdo dege, kryetari dhe Sekretari i Degës kanë akses të përditshëm në këtë listë. Kryetari/Sekretari i grupseksionit dhe Kryetari/Sekretari i seksionit do të kenë akses përkatësisht në nivel grupseksioni dhe seksioni. Kryesia e Degës vendos rast pas rasti aksesin e anëtarëve të tjerë, sipas detyrave që Kryesia e Degës përcakton. Në përfundim të procesit, një kopje e kësaj liste dorëzohet pranë Sekretariati Organizativ të PDSH, në formë shkresore dhe elektronike”, thuhet në shkresë.

Pjesë nga shkresa udhëzuese:

Procedurat dhe përgjegjësitë:

Për të plotësuar detyrat e këtij Udhëzimi, ngrihet Grupi i Punës në çdo degë të Partisë Demokratike. Grupet e Punës monitorohen nga Drejtuesi Politik i Qarkut ku bën pjesë Dega;

Grupi i punës ka në përbërje të tij:
a. Anëtarët e Kryesisë së Degës si dhe drejtuesit e Grupseksioneve kur ata nuk janë pjesë e Kryesisë së Degës;
b. Deputetët e Qarkut;
c. Koordinatori i Posaçëm i Kryetarit të Partisë Demokratike;
d. Të tjerë, sipas përcaktimeve të pikës 4 më poshtë.

3. Pjesë e këtij procesi janë gjithashtu LDG dhe FRPD, nëpërmjet strukturave të tyre në nivel grupseksioni të degës. Angazhimi i tyre monitorohet edhe nga drejtuesit qendrorë të LDG dhe FRPD;

4. Me vendimin e Kryesisë së Degës, në grupin e punës mund të bëjnë pjesë edhe anëtarë të tjerë të strukturës së degës, të rëndësishëm për këtë proces;

5. Drejtuesi Politik është përgjegjës për ndjekjen e procesit dhe plotësimin e kërkesave të këtij Udhëzimi.

C. Afatet:
1. Brenda 5 (pesë) ditësh nga dalja e këtij Udhëzimi, Drejtuesi Politik zhvillon mbledhjen e Kryesisë së Degës, ku bëhen prezent procedura dhe afatet e vendosura në këtë Udhëzim, si dhe miratohet kalendari i punës;
2. Procesi saktësimit të anëtarësisë së degës përfundon brenda datës 20 shkurt 2026;
3. Drejtuesit Politikë raportojnë periodikisht pranë Sekretaritt ë Përgjithshëm të PDSH për ecurinë e procesit.

D. Metodologjia e punës:

Çdo Degë do të ketë në dispozicion, nga Sekretariati Organizativ Qendror, bazën e të dhënave të cilat do të dërgohen pranë degës, në korrespondencë elektronike, së bashku me sqarimet përkatëse, në fillim të këtij procesi;

Baza e të dhënave mbi të cilat do të punojë grupi i punës janë të dhënat e anëtarësisë të pasuruar me pjesëmarjen e anëtarësisë në proceset zgjedhore nga viti 2021 dhe përfshin gjithë proceset zgjedhore nga referendumi i 18 dhjetor 2021 deri më sot duke përjashtuar primaret simpatizantët;

Të gjithë emrat në bazën e të dhënave do të identifikohen, verifikohen dhe kontaktohen një për një nga Grupi i Punës. Procesi i kontaktimit do të ndihmojë në rifreskimin e të dhënave të anëtarit. Më pas anëtarët do të pajisen me kartën e anëtarësisë;

Në mbledhjen e Kryesisë do të bëhet ndarja e listave në nivel grupseksioni dhe seksioni duke shpërndarë listat sipas strukturës së degës;

Në çdo seksion do të bëhet analiza e listave dhe verifikimi i tyre për të konfirmuar anëtarësinë. Në përfundim të procesit, lista e seksionit firmoset në çdo faqe nga Kryetari/sekretari seksionit dhe i grupseksionit. Ky proces do të kryhet brenda një periudhe 10 ditore nga marrja e listave. Në se gjatë këtij procesi verifikohen anëtarësime të reja, këto anëtarësime kryhen normalisht. Emrat e anëtarëve të rinj evidentohen në të njëjtën kohë në një regjistër të veçantë, sepse ata janë subjekt i parashikimeve statutore neni 19/2(a), për arsye se nuk mund të ushtrojnë të drejtën e votës në procesin zgjedhor të radhës;

Gjatë këtij procesi grupi i punës do të japë informacion, atje ku është e mundur, për ata të cilët gjatë procesit të identifikimit dhe kontaktimit rezultojnë se:

a. Nuk banojnë më në territorin e degës, por janë zhvendosur në një territor tjetër brenda
Shqipërisë;
b. Janë larguar në emigracion jashtë Shqipërisë;
c. Nuk duan të angazhohen;
d. Nuk ka informacion për vendndodhjen e tyre;

Këto emra do t’i përcillen Sekretariatit Organizativ në një format tabelor, i vecantë nga regjistri i anëtarësisë së degës. Përbri çdo emri, sipas kategorisë së mësipërme, do të shënohet:

a. L” për ata që janë larguar në një territor tjeter, por brenda territorit shqiptar. Përbri shënohet edhe numri i telefonit nëse dega e disponon;

b. “LE” për ata individë që janë larguar në emigracion. Përbri shënohet edhe numri i telefonit nëse dega e disponon;

c. “NA” për ata individë që nuk duan të angazhohen. Përbri shënohet edhe numri i telefonit nëse dega e disponon;

d. “NI” për ata individë për të cilët nuk ka asnjë informacion;

9. Nëse në të dhënat historike të Degës, ka anëtarë emrat e të cilëve nuk figurojnë në bazën e të dhënave, ata konsiderohen momentalisht joaktivë/të fjetur. Këta individë kontaktohen dhe ftohen të plotësojnë formularin e anëtarësisë. Më pas ata fitojnë anëtarësinë sipas të PDSH.

10. Në përfundim të verifikimit në nivel seksioni dhe grupseseksioni përgatitet lista përfundimtare e cila miratohet me vendim nga Kryesia e degës. Vendimi me firmë dhe vulë nga Kryetari dhe Sekretari i degës do të përcillet pranë Sekretariatit Organizativ në qendër bashkë me listën e irmosur dhe vulosur në çdo faqe nga Kryetari dhe Sekretari i degës. Kopja elektronike do të dërgohet me email ne adresën: antaresia@pd.al

11. Për detyrat dhe përgjegjësitë e parashikuara në Kreun D (pikat 5, 6 dhe7) dhe Kreun E (të gjitha pikat) të këtij Udhëzimi, Grupi i Punës së Degës harton një relacion të veçantë, i cili miratohet me vendim të Kryesisë së Degës. Në çdo rast dhe vecanërisht për rastet që ky Udhëzim nuk mund t’i trajtojë në mënyrë shteruese, është përgjegjësia e Drejtuesit politik zgjidhja dhe trajtimi përfundimtar i tyre.

E. Trajtimi i rasteve specifike
1. Anëtarë të Partisë Demokratike janë të gjitha ata që plotësojnë detyrimet statutore sipas 19 dhe 22 të Statutit të Partisë Demokratike;

2.Do të konsiderohen anëtarë të degës të gjithë ata të cilët rezultojnë me banim ligjor dhe faktik në territorin e degës. Një individ nuk mund të jetë anëtar në më shumë se 1(një) degë. Në rastet kur anëtari është transferuar në territorin e një dege tjetër dhe është banor faktik i degës do të konsiderohet anëtar aty pasi të largohet nga dega ku ka regjistrin e gjendjes civile;

3.Do të konsiderohen anëtarë te degës të gjithë ata të cilët rezultojnë në emigracion sezonal. Kryesia e degës merr masa për rifreskimin e të dhënave të anëtarit menjëherë pas mbarimit të sezonit;

Sipas parashikimeve të nenit 23 të Statutit të PDSH, Rregullores së Brendshme të saj dhe Kodit të Etikës së Anëtarësisë neni X nuk do të konsiderohen anëtarë të Partisë Demokratike, ata të cilët:

a. Kanë punuar kundër interesave të Partisë Demokratike në fushatat zgjedhore, duke u angazhuar në forma të ndryshme pro kundërshtarëve tanë politikë;

b.Me qëndrimet e tyre publike dhe politike sipas nenit 24 të Statutit dhe nenit I, III, IV, V dhe X të Kodit të Etikës kanë vepruar kundër vijës politike të Partisë Demokratike, kanë bashkuar votat/qëndrimet me kundërshtarët tanë politikë për çështje shumë të rëndësishme në nivelin vendor apo qendror;

c.Janë pjesë e administratës së lartë të organeve ekzekutive dhe në këto pozicione janë shfaqur në fushtata zgjedhore krah drejtuesve politikë dhe ekzekutivë të kundërshtarëve tanë ose kanë mbështetur në rrjetet tyre sociale fushatat politike të subjekteve kundërshtare;

d.Me qëndrimet e tyre publike, kanë thyer rëndë disiplinën e partisë, Rregulloren Brendshme dhe Kodin e Sjelles së anëtarit të PDSH.

The post Zgjedhjet për kreun e partisë në prill, PD nxjerr udhëzimin për listën e anëtarësisë, ja detyrat e drejtuesve politikë në qarqe appeared first on Albeu.com.

Andri Vokrri, 28-vjeçari që i mori jetën një 57-vjeçari duke e goditur me çekiç është arrestuar se bashku me 2 persona të tjerë që kanë qenë të pranishëm gjatë konfliktit.

Blutë bëjnë me dije se në përfundim të hetimeve, Andri Vokrri, 28-vjeç u arrestua për veprën penale “Vrasja me dashje” ndërsa Lorenc Goga, 23-vjeç dhe Fation Kulla, 23-vjeç u arrestuam për veprën penale “Moskallëzim krimi”.

Sakaq, janë sekuestruar 2 automjete si dhe mjeti me të cilin dyshohet se është kryer krimi.

Njoftimi i Policisë:

Vrau me send të fortë (çekiç), 57-vjeçarin, gjatë një konflikti për motive të dobëta, vihet në pranga 28-vjeçari.

Vihen në pranga, për moskallëzim krimi, 2 shtetas që kanë qenë të pranishëm gjatë konfliktit.

Sekuestrohen 2 automjete dhe mjeti me të cilin dyshohet se është kryer krimi.

Në përfundim të veprimeve hetimore të kryera nga specialistët për Hetimin e Krimeve të Rënda, në bashkëpunim me Komisariatin e Policisë Krujë, në drejtimin e Prokurorisë së Tiranës, për zbardhjen e dinamikës së konfliktit të ndodhur në aksin rrugor “Thumanë-Krujë”, si pasojë e të cilit humbi jetën nga goditja me sende të forta, shtetasi P. N., 57 vjeç, u arrestuan shtetasit:

-A. V., 28 vjeç, banues në FushëKrujë, për veprën penale “Vrasja me dashje”;

-L. G., 26 vjeç dhe F. K., 23 vjeç, për veprën penale “Moskallëzimi i krimit”.

Nga hetimet ka rezultuar se më datë 201.01.2026, rreth orës 01:00, në aksin rrugor “Thumanë-Krujë”, në afërsi të urës së Bushneshit, këta tre shtetas, ndërkohë që qarkullonin në një automjet, janë konfliktuar verbalisht me shtetasin P. N., i cili qarkullonte me automjetin e tij. Më pas, shtetasi A. V. ka goditur me çekiç, në kokë, shtetasin P. N., 57 vjeç, i cili si pasojë ka humbur jetën. Pas ngjarjes, shtetasit L. G. dhe F. K. janë larguar.

Në cilësinë e provës materiale janë sekuestruar 2 automjete dhe mjeti me të ciin dyshohet se është kryer krimi.

Materialet procedurale iu referuan Prokurorisë së Tiranës, për veprime të mëtejshme.

The post Vrau duke e goditur me çekiç një 57-vjeçar në Krujë, pranga autorit dhe 2 personave për moskallëzim krimi appeared first on Albeu.com.

Pas 7 orësh, ka përfunduar në Gjykatën Kushtetuese seanca me palë kërkuese Unionin dhe shoqatën e Gjyqtarëve, lidhur me kërkesën për rritjen e pagës së tyre.

Gazetarja e Top Channel Anila Hoxha raporton se Gjykata Kushtetuese u tërhoq për vendim, që pritet ta njoftojë brenda pak ditësh.

Në këtë seancë janë dëgjuar të gjitha palët, Unioni dhe Shoqata e gjyqtarëve, Këshilli i Ministrave dhe Kuvendi.

The post Pas 7 orësh, përfundon seanca në Kushtetuese për rritjen e rrogës së gjyqtarëve, trupa gjykuese tërhiqet për vendim appeared first on Albeu.com.

Lindja e Largët Ruse është goditur nga reshjet më të dendura të dëborës në 60 vjet, ndërsa një valë e përhapur e të ftohtit nga Arktiku përfshiu pjesën më të madhe të Azisë.

Fenomeni ka shkaktuar ndërprerje të mëdha të transportit, me autostrada të mbyllura në Kinë, pasagjerë të bllokuar në aeroporte në Japoni dhe rajone në Lindjen e Largët Ruse të paralizuara. Shkencëtarët thonë se kushtet ekstreme lidhen me depërtimin e njëkohshëm të masave të ftohta ajrore nga Arktiku, duke prekur Rusinë lindore dhe Azinë, si dhe Evropën Lindore. Klimatologu Theodore Kipping shpjegoi se valëzimi i rrymave të ajrit, për shkak të një vorbulle polare arktike më të dobët, lejon që valët e ftohta të zbresin në gjerësi gjeografike më jugore.

Stuhi dëbore në Lindjen e Largët Ruse

Në Gadishullin Kamçatka, stuhitë e borës varrosën makina dhe bllokuan hyrjet e ndërtesave, me më shumë se 2 metra dëborë të regjistruara në gjysmën e parë të janarit, pas 3.7 metrave në dhjetor. Në qytetin Petropavlovsk-Kamçatsky, rreth 6,800 kilometra në lindje të Moskës, banorët ecën përmes grumbullimeve të dëborës deri në semaforët.

Reshje të rralla dëbore në Shangai

I njëjti sistem moti u zhvendos më në jug, duke sjellë reshje të rralla dëbore në Shangai, ku autoritetet paralajmëruan se temperaturat e ulëta do të zgjasnin për të paktën tre ditë. Qyteti përjetoi reshje të dendura dëbore për herë të fundit në janar 2018. Banorët e përshkruan ndryshimin e papritur, pasi vetëm një javë më parë temperaturat kishin arritur 20 gradë Celsius, duke shkaktuar madje lulëzimin e pemëve.

Anulime dhe paralajmërime për fluturime në Japoni

Në Japoni, erërat e forta dhe reshjet e dendura të dëborës shkaktuan dhjetëra anulime fluturimesh dhe ndërprerje të udhëtimit në bregdetin veriperëndimor. Agjencia Meteorologjike e Japonisë paralajmëroi për reshje të dendura dëbore midis 21 dhe 25 janarit, duke këshilluar që të mos kryhen udhëtime jo të domosdoshme. ANA Holdings anuloi 56 fluturime, duke prekur 3,900 pasagjerë, ndërsa Japan Airlines anuloi 37 fluturime, duke prekur 2,213 udhëtarë, kryesisht në Aeroportin e Ri Chitose në Hokkaido.

The post Vala e madhe e të ftohtit përfshin Azinë dhe Lindjen e Largët Ruse, me mbi 2 metra borë appeared first on Albeu.com.

Kryeministri Edi Rama ka reaguar ndaj seancës së sotme të Gjykatës Kushtetuese, e cila po shqyrton kërkesën e dy shoqatave të gjyqtarëve për rritjen e pagave. Rama e ka cilësuar procesin si “farsën më të shëmtuar të imagjinueshme”, duke theksuar se seanca po zhvillohet pa transmetim të drejtpërdrejtë për arsye teknike.

Sipas Ramës, gjyqtarët janë tashmë kategoria më e lartpaguar në Shqipëri, falë mbështetjes që shumica qeverisëse i ka dhënë pushtetit gjyqësor në kuadër të Reformës në Drejtësi.

Ai akuzon shoqatat e gjyqtarëve se po kërkojnë të thyejnë piramidën shtetërore të pagave, duke tentuar të sigurojnë me vendim gjykate të drejtën për rritje automatike të pagave sa herë rriten pagat e kategorive të tjera.

Kryeministri u shpreh se shpreson që Gjykata Kushtetuese të mos e lejojë këtë precedent, duke paralajmëruar se një vendim i tillë do të përbënte një “turp kombëtar”.

Reagimi i Ramës:

Sot Gjykata Kushtetuese po zhvillon (fatkeqësisht pa transmetim direkt për shkaqe teknike) farsën më të shëmtuar të imagjinueshme, e cila i është imponuar nga dy shoqata gjyqtarësh, të cilët duan të rrisin rrogat e tyre me gjyq, duke thyer piramidën shtetërore të pagave, ndërkohë që janë kategoria më e lartpaguar në Shqipëri, si rezultat i mbështetjes që kjo shumicë qeverisëse i dha për hir të Reformës në Drejtësi pushtetit gjyqësor!

Tani këta duan që në përjetësi t’u jepet e drejta ta rrisin vetë rrogën sa herë rriten pagat e tjera, pra Shqipëria të jetë përgjithmonë i vetmi vend në botë ku gjykatësit paguhen më shumë se sa çdokush tjetër duke marrë kompetencat kushtetuese të qeverisë e të parlamentit për politikën e pagave – ky është një skandal logjik, moral, ligjor dhe kushtetues, të cilin uroj që Gjykata Kushtetuese të mos e lejojë kurrësesi të kthehet në një turp kombëtar! Respekte për SPAK-un që nuk iu bashkua kësaj marrëbabëzie në emër të pavarësisë së gjyqësorit.

The post “Gjykata Kushtetuese po zhvillon një farsë për rritjen e pagave të gjyqtarëve”, Rama: Skandal logjik, moral, ligjor! Uroj që GJK të mos e kthejë në turp kombëtar appeared first on Albeu.com.

Greqia është përfshirë nga moti i keq me reshje shiu dhe dëbore, që kanë ngritur alarmin e kuq në vendin fqinj me Shqipërinë.

Zonat më të prekura priten që të jenë Atika, Peloponezi, Greqi Qendrore dhe Thesalia.

Autoritetet greke kanë marra masat emergjente, teksa kanë mbyllur gjitha shkollat ​​fillore dhe të mesme publike dhe private, si dhe shkollat ​​e natës në të gjithë zonën e Atikës.

Institucionet arsimore do të jenë të mbyllura të mërkurën, pasi priten reshje të dendura dhe rrezikohet jeta e nxënësve.

Po ashtu reshje të dendura dëbore priten që të bien në pjesën veriore të Greqisë, konkretisht në zonat kufitare me Shqipërinë dhe Maqedoninë e Veriut.

Ndërsa po ashtu autoritetet greke bëjnë me dije se vendi i tyre pritet që të preket edhe nga erërat e forta.

The post Moti i keq me reshje të dendura shiu pritet që të prekë Greqinë, mbyllen shkollat në pjesën më të madhe të vendit appeared first on Albeu.com.

Dashi
Të lindur më: 21 Mars – 19 Prill
Në dashuri, sot mund të ndiheni të pasigurt për ndjenjat e partnerit, por një bisedë e hapur do të sjellë qetësi në marrëdhënie. Beqarët do të kenë mundësi të reja për njohje, por duhet të tregojnë kujdes që të mos idealizojnë askënd. Në punë, një projekt i rëndësishëm kërkon përqendrim të madh, por energjia juaj është e lartë dhe do të mund ta çoni përpara me sukses. Kujdesuni për shëndetin, sidomos ndaj lodhjes mendore, pasi stresi mund të ndikojë në mirëqenien tuaj. Financat janë të qëndrueshme, por shmangni shpenzimet impulsive. Sot është një ditë e mirë për të bërë plane të reja dhe për të rishikuar qëllimet tuaja. Mbani një qëndrim pozitiv dhe mos lejoni që të tjerët t’ju dekurajojnë.

Demi
Të lindur më: 20 Prill – 20 Maj
Sot do të ndiheni të lidhur më shumë me partnerin tuaj dhe do të ndani momente të bukura së bashku. Për beqarët, një takim i papritur mund të sjellë emocione të forta, por mos nxitoni në vendime. Në aspektin profesional, sfida të reja do të kërkojnë kreativitet dhe aftësi për të bashkëpunuar me të tjerët. Mos neglizhoni shëndetin tuaj, sidomos nëse keni pasur shqetësime të vogla kohët e fundit. Financat kërkojnë kujdes pasi mund të shfaqen shpenzime të papritura. Mundohuni të mbani nën kontroll buxhetin dhe të mos bëni investime të rrezikshme. Dita është e përshtatshme për të reflektuar mbi prioritetet tuaja dhe për të bërë ndryshime të nevojshme.

Binjakët
Të lindur më: 21 Maj – 20 Qershor
Në marrëdhënie sentimentale, sot mund të ndjeni një dëshirë për më shumë afërsi dhe sinqeritet me partnerin. Mos kini frikë të shprehni ndjenjat tuaja, pasi do të vlerësoheni për hapjen tuaj. Beqarët do të tërheqin vëmendje, por do të duhet të bëjnë një zgjedhje të rëndësishme. Në punë, mund të përballeni me një situatë të papritur që kërkon fleksibilitet dhe zgjidhje të shpejta. Shëndeti është i mirë, por aktiviteti fizik do t’ju ndihmojë të ndiheni më energjikë. Financat janë nën kontroll, por është koha për të kursyer më shumë. Sot është e rëndësishme të besoni në instinktet tuaja dhe të merrni vendime të menduara mirë.

Gaforrja
Të lindur më: 21 Qershor – 22 Korrik
Në dashuri, dita sjell qetësi dhe mirëkuptim në raportet ekzistuese, ndërsa për beqarët mund të lindë një miqësi që kthehet në diçka më shumë. Mos u tërhiqni nga ndjenjat, pasi ato mund t’ju çojnë drejt një lidhjeje të qëndrueshme. Në punë, përpjekjet tuaja të vazhdueshme do të shpërblehen me vlerësime nga kolegët ose eprorët. Kujdesuni për shëndetin, veçanërisht nëse keni pasur lodhje të tepërt kohët e fundit. Financat janë në përmirësim, por është mirë të shmangni borxhet ose huatë sot. Një lajm i mirë mund të vijë në lidhje me një projekt të rëndësishëm. Mos humbni besimin në vetvete dhe vazhdoni të ndiqni qëllimet tuaja.

Luani
Të lindur më: 23 Korrik – 22 Gusht
Në marrëdhënie, sot mund të ndjeni nevojën për të ndryshuar rutinën dhe për të sjellë më shumë pasion në lidhjen tuaj. Beqarët do të kenë mundësi për aventura të reja, por duhet të jenë të qartë me ndjenjat e tyre. Në punë, dita sjell mundësi për bashkëpunim dhe ide të reja që do t’ju ndihmojnë të avanconi. Shëndeti kërkon kujdes, sidomos nëse keni lënë pas dore ushqimin ose aktivitetin fizik. Financat janë stabile, por është mirë të bëni një plan afatgjatë për të ardhmen. Sot është dita për të ndërmarrë hapa të guximshëm dhe për të ndjekur dëshirat tuaja. Mos u frikësoni nga ndryshimet, ato do t’ju sjellin përfitime.

Virgjëresha
Të lindur më: 23 Gusht – 22 Shtator
Në dashuri, mund të hasni keqkuptime të vogla me partnerin, por me pak durim gjithçka do të zgjidhet. Beqarët do të jenë tërheqës dhe do të kenë mundësi për njohje të reja interesante. Në punë, do të dalloheni për këmbënguljen dhe përkushtimin tuaj, gjë që mund të sjellë një shpërblim të vogël financiar. Kujdesuni për shëndetin, sidomos për sistemin nervor, pasi tensioni mund të ndikojë në energjinë tuaj. Financat janë të qëndrueshme, por është mirë të shmangni shpenzimet për gjëra të panevojshme. Dita është e përshtatshme për të bërë plane të reja dhe për të rishikuar marrëveshje të rëndësishme. Mos lejoni që pasiguritë t’ju ndalojnë të ecni përpara.

Peshorja
Të lindur më: 23 Shtator – 22 Tetor
Në lidhje, sot do të keni mundësi të forconi marrëdhënien tuaj përmes komunikimit të sinqertë dhe të hapur. Beqarët do të ndihen tërheqës dhe mund të fillojnë një flirt që do të ketë potencial të madh për të ardhmen. Në punë, do të përballeni me sfida që do të testojnë aftësitë tuaja drejtuese, por do t’ia dilni mbanë. Shëndeti është i mirë, por mos neglizhoni pushimin e mjaftueshëm për të ruajtur ekuilibrin tuaj. Financat janë të mira, por mund të merrni një ofertë të papritur që kërkon vëmendje. Sot është një ditë e mirë për të marrë përgjegjësi të reja dhe për të treguar veten. Kini besim në talentet tuaja dhe mos hezitoni të kërkoni ndihmë kur është e nevojshme.

Akrepi
Të lindur më: 23 Tetor – 21 Nëntor
Në dashuri, dita sjell emocione të forta dhe mundësi për të thelluar lidhjen me partnerin tuaj. Beqarët mund të marrin një mesazh nga dikush që e kanë njohur prej kohësh, duke krijuar emocione të reja. Në punë, do të keni mundësi të merrni pjesë në një projekt të rëndësishëm që do të rrisë reputacionin tuaj. Kujdesuni për shëndetin, sidomos për sistemin tretës dhe konsumoni ushqime të lehta. Financat janë në përmirësim, por është mirë të mos bëni shpenzime të mëdha pa menduar mirë. Sot është momenti të merrni iniciativën dhe të mos prisni që të tjerët t’ju udhëheqin. Vlerësoni arritjet tuaja dhe jini mirënjohës për çdo përparim.

Shigjetari
Të lindur më: 22 Nëntor – 21 Dhjetor
Në marrëdhënie, mund të përballeni me ndonjë debat të vogël, por dialogu do të ndihmojë për të gjetur zgjidhje. Beqarët do të jenë të hapur ndaj njohjeve të reja, por duhet të kenë kujdes nga iluzionet e kota. Në punë, një koleg mund të vijë me një propozim interesant që vlen të merret në konsideratë. Shëndeti është i mirë, por është koha të nisni një regjim të ri ushqimor ose aktivitet fizik. Financat kërkojnë kujdes, pasi mund të lindë një shpenzim i papritur. Sot është e rëndësishme të jeni të durueshëm dhe të mos merrni vendime të nxituara. Besoni në potencialin tuaj dhe mos lejoni që të tjerët t’ju ndikojnë negativisht.

Bricjapi
Të lindur më: 22 Dhjetor – 19 Janar
Në dashuri, sot do të keni dëshirë të ndani më shumë kohë me partnerin dhe të forconi lidhjen përmes aktiviteteve të përbashkëta. Beqarët do të ndihen tërheqës dhe mund të kenë një takim të rëndësishëm që do të ndryshojë pikëpamjet e tyre. Në punë, mund të merrni përgjegjësi të reja që do të vlerësohen nga eprorët. Kujdesuni për shëndetin, sidomos për pjesën e shpinës dhe muskujve. Financat janë të qëndrueshme, por është mirë të analizoni shpenzimet dhe të bëni rregullime të nevojshme. Sot është dita për të menduar për të ardhmen dhe për të bërë plane ambicioze. Mos lejoni që vështirësitë t’ju dekurajojnë, pasi gjithçka është e arritshme me përkushtim.

Ujori
Të lindur më: 20 Janar – 18 Shkurt
Në marrëdhënie, sot mund të ndjeni një ndryshim në energjinë e partnerit, por është e rëndësishme të mos bëni përfundime të nxituara. Beqarët do të kenë mundësi të reja për të njohur dikë me interesa të përbashkëta. Në punë, do të përballeni me detyra të vështira, por këmbëngulja juaj do të shpërblehet. Kujdesuni për shëndetin, sidomos për sistemin imunitar, duke marrë masa parandaluese. Financat janë në një fazë të qëndrueshme, por është këshillueshme të mos bëni investime të mëdha për momentin. Sot është një ditë e mirë për të reflektuar mbi qëllimet tuaja dhe për të bërë ndryshime pozitive. Mos ngurroni të kërkoni ndihmë nga miqtë ose familja nëse keni nevojë.

Peshqit
Të lindur më: 19 Shkurt – 20 Mars
Në dashuri, dita sjell qetësi dhe harmoni, por është e rëndësishme të mos lini pas dore nevojat e partnerit tuaj. Beqarët mund të ndihen të pavendosur, por një takim i rastësishëm mund të sjellë surpriza të këndshme. Në punë, do të keni mundësi të shfaqni aftësitë tuaja organizative dhe të merrni vlerësim nga kolegët. Shëndeti është i mirë, por mos e teproni me ushqimin apo pijet. Financat janë të mira, por është koha të filloni të kurseni për projekte të ardhshme. Sot është momenti të vendosni prioritete dhe të mos shpërqendroheni nga detajet e vogla. Jini të kujdesshëm me fjalët dhe veprimet tuaja, pasi gjithçka ka ndikim në të ardhmen.

The post Horoskopi 20 Janar 2026, zbuloni parashikimin e yjeve për shenjën tuaj appeared first on Albeu.com.

Është shfaqur një klip në Prime të Big Brother VIP Kosova 4 për Klodian Mihajn, Elijona Binakajn e Londrim Mekajn.

Duket se është prishur miqësia mes tyre dhe se në këtë pikë të lojës duan të ndahen nga njëri-tjetri.

Klodi ka qenë i pari që është distancuar nga Londrimi dhe Elijona, kjo edhe për shkak të raporteve e keqkuptimeve me këtë të fundit.

Elijona nga ana tjetër theksoi se ka qenë ajo që ka dashur të distancohet vet nga Klodi.

Sa i përket Londrimit, banori u shpreh që ka ardhur koha të luajnë secili për vete.

“Është koha të luajmë secili për vete”, u shpreh ai.

Ata lanë të nënkuptohet se çmimi nuk fitohet në grup dhe se kanë hyrë vetëm.

The post Është koha të luajmë secili për vete/ Prishet miqësia mes Londrimit, Klodit e Elijonës appeared first on Albeu.com.

Londrim Mekaj ka hedhur dyshime për Klodian Mihajn nëse është biseksual.

Në klipin përmbledhës që u publikua në Prime shihet një bisedë mes tyre.

Ka qenë Londrimi që e ka pyetur Klodin nëse është biseksual pasi ka pasur dyshime për këtë.

Teksa pyetet për këtë, Klodi ka qenë i habitur dhe ka reaguar menjëherë.

I njëjti thekson se nuk është biseksual dhe se e pyet më tej për arsyet se pse mendon një gjë të tillë.

“Më beso, kjo për mua është e çuditshme”, i tha në fund Klodi.

The post Londrimi hedh dyshime tek Klodi/ Bis*ksual apo jo? appeared first on Albeu.com.

Tensionet mes Shteteve të Bashkuara dhe Iranit mbeten të larta, teksa sundimtarët e linjës së ashpër në Teheran kanë përsëritur retorikën armiqësore dhe kërcënimet se do të japin “ndëshkime të ashpra” – përfshirë edhe mundësinë e ekzekutimeve – ndaj protestuesve antiqeveritarë.

Presidenti iranian, Masud Pezeshkian – që më herët konsiderohej nga shumë si relativisht i moderuar në mesin e udhëheqësve të Iranit – më 18 janar paralajmëroi se një sulm ndaj liderit suprem të shtetit, ajatollah Ali Khameneit, do të shkaktonte “një luftë në shkallë të plotë”.

“Një sulm ndaj udhëheqësit të madh të shtetit tonë është i barasvlershëm me një luftë në shkallë të gjerë me kombin iranian”, tha Pezeshkian përmes një postimi në rrjetet sociale.

Në një fjalim më 17 janar, Khamenei e vlerësoi rolin e Pezeshkianit në shtypjen e protestave të fundit, teksa pranoi se gjatë protestave janë vrarë “disa mijëra” persona.

Presidenti amerikan, Donald Trump, është kryesori në mesin e udhëheqësve perëndimorë që ka kritikuar regjimin iranian për shtypjen brutale të protestave antiqeveritare.

Presidenti Trump tha për Politico – deklarata që u publikuan më 17 janar – se Khamenei ishte fajtor për “shkatërrimin e plotë të vendit dhe përdorimin e dhunës në nivele të papara më parë”, duke shtuar se kishte ardhur koha për të kërkuar një “udhëheqje të re” në Iran.

Sfida e fundit nga Qeverisë teokratike shpërtheu më 28 dhjetor të vitit 2025, me protestuesit që dolën në rrugë për shkak të krizës ekonomike, para se demonstratat të përhapeshin në shkallë më të gjerë.

Trump fillimisht kishte paralajmëruar se SHBA-ja “ishte gati” për të vepruar nëse forcat iraniane të sigurisë do të vrisnin protestuesit. Më pas ai kërcënoi se do të ndërmerrte “veprime shumë të forta” nëse Irani do të ekzekutonte protestues pas raportimeve për planifikim të ekzekutimeve.

Më vonë, Trump njoftoi se po pezullonte planet një sulm pasi Irani kishte anuluar 800 ekzekutime, megjithëse Teherani nuk e ka konfirmuar këtë shifër dhe nuk ka treguar nëse planet për varjen e protestuesve janë anuluar krejtësisht.

Grupi Iran Human Rights, me seli në Norvegji, ka verifikuar vrasjen e të paktën 3.428 nga forcat e sigurisë, ndërkaq HRANA, me seli në SHBA, ka verifikuar vdekjen e të paktën 3.308 protestuesve dhe më shumë se 24.000 arrestimeve. Kjo organizatë ka shtuar se 4.382 raste të tjera janë nën shqyrtim.

Grupe të tjera të aktivistëve kanë dhënë shifra shumë më të larta të viktimave, por për shkak të bllokimit të internetit është bërë i vështirë verifikimi i informacioneve.

“Ndëshkime të ashpra”

Ndërkaq, zëdhënësi i gjyqësorit iranian, Asghar Jahangir, ka sugjeruar se ekzekutimet mund të kryhen ende.

“Një sërë veprash janë identifikuar si mohareb, që është një nga ndëshkimet më të rënda islame”, tha ai gjatë një konference për media më 18 janar.

Mohareb, ose lufta kundër Zotit, dënohet me vdekje, sipas ligjeve iraniane./ REL

The post Tensionet SHBA-Iran mbeten të larta, teksa Teherani kërcënon për shtypje të mëtejme appeared first on Albeu.com.

Qendra Spitalore Universitare “Nënë Tereza” ka reaguar pas ikjes së dritave ndë disa zona të Tiranës. Në reagim thuhet se falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Spitali thekson gjithashtu se menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

Reagimi:

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

QSUT siguron qytetarët se situata është menaxhuar me përgjegjësi dhe profesionalizëm dhe se institucioni mbetet në gatishmëri të plotë, për të përballuar çdo situatë, në funksion të mbrojtjes së shëndetit dhe jetës së pacientëve.
QSUT ka ngritur menjehere grupin e punës për verifikimin e situatës.

The post “Nuk u cënua jeta e pacientëve”/ Ndërprerja e energjisë elektrike, reagon spitali: Aktivizuam pajisjet jetësore appeared first on Albeu.com.

Presidenti i Ukrainës, Volodymyr Zelensky, ka paralajmëruar se Rusia ka përgatitur një sulm masiv kundër Ukrainës, duke u bërë thirrje qytetarëve të tregojnë vigjilencë të shtuar, pasi mbetet e paqartë koha kur forcat ruse do ta ndërmarrin ofensivën.

Në një mesazh të regjistruar me video, Zelensky theksoi se ditët në vijim do të jenë kritike dhe kërkoi vëmendje të veçantë ndaj alarmit për sulme ajrore.

“Ditët e ardhshme duhet të qëndrojmë në gatishmëri të lartë, Rusia është përgatitur për një sulm masiv dhe po pret momentin e duhur për ta realizuar. Kushtoni vëmendje të veçantë paralajmërimeve për sulme ajrore. Çdo rajon duhet të jetë gati të reagojë shpejt dhe të mbështesë qytetarët tanë”, deklaroi Zelensky.

Autoritetet ukrainase kanë shtuar masat e sigurisë, ndërsa situata mbetet e tensionuar në të gjithë vendin, mes frikës për një përshkallëzim të ri të luftës.

The post Zelensky paralajmëron: Rusia po përgatit një sulm masiv ndaj Ukrainës appeared first on Albeu.com.

Lidhja Demokratike e Kosovës (LDK) do ta mbajë Kuvendin e partisë më 31 janar, ku kryetari i partisë, Lumir Abdixhiku, do ta kërkojë votëbesimin e delegatëve, njoftoi të hënën zyrtari i parisë, Besian Mustafa.

Mustafa tha për gazetarë se vendimi për mbajtjen e Kuvendit u mor gjatë një mbledhjeje të Kryesisë së partisë në Prishtinë.

LDK-ja, partia më e vjetër në Kosovë, është duke përjetuar një ndër periudhat më të vështira në historinë e vet, pasi zgjedhjet e parakohshme të 28 dhjetorit sollën rezultatin e dytë më të keq për të.

Disa anëtarë të partisë, përfshirë nënkryetaren, Hykmete Bajrami, kërkuan largimin e Abdixhiku, pasi LDK-ja doli e treta duke i fituar vetëm rreth 13 për qind të votave.

Mustafa tha se anëtarët e LDK-së zhvilluan “një diskutim gati 4 orësh, të hapur e demokratik, duke shtjerrë debatin në secilën pikë të mundshme dhe duke analizuar edhe rezultatin e zgjedhjeve të 28 dhjetorit”, informon Radio Evropa e Lirë.

Abdixhiku tha ditë më parë se e ka ofruar dorëheqjen dhe se do të largohej vetëm nëse Kuvendi i partisë voton për shkarkimin e tij.

Prandaj, Mustafa theksoi të hënën se Abdixhiku – i cili e mori drejtimin e partisë më 2021 – do ta kërkojë votëbesimin në Kuvendin e 31 janarit.

“Kjo është formë që e kërkon vetë kryetari i partisë Lumir Abdixhiku. Në këtë Kuvend do të kërkojë votë të votëbesimit. Pra, Kuvendi i cili ka 355 delegatë do të vendosë për këtë kërkesë nëse do të kenë akoma besim në kryetarin Lumir Abdixhiku. Pra, është kërkesë për votëbesim”, tha Mustafa.

I pyetur nëse do të ketë garë për kryetar të ri të partisë, nëse shkarkohet Abdixhiku, Mustafa tha se është herët të flitet për këtë.

“Duhet të ketë një proces tjetër për të ardhur deri të kandidaturat e tjera për të pasur një proces zgjedhor në LDK. Tani jemi të pjesa e votëbesimit. Do ta shohim rezultatin e votëbesimit së pari”, tha Mustafa.

The post Humbja në zgjedhje, LDK-ja thërret Kuvendin e partisë/ Abdixhiku pritet të kërkojë votëbesimin appeared first on Albeu.com.

Gazetarja Klodiana Lala treguar detaje nga aksioni i SPAK, i bërë pak ditë më parë në dy kulla në Tiranë. E ftuar në emisionin “Të Paekspozuarit” në MCN TV, Lala u shpreh investigimi mbi këtë rast kishte nisur mbi bazën e rrëfimit të një operatori, i cili pretendonte e ishte një punonjës i policisë në Itali që rekrutonin shtetas që të punonin në call center.

Ajo tha se për shkak të masave të lara të sigurisë, ishte e pamundur që gazetarët të hynin në ato godina. Lala tha se në momentin kur ka ndërhyrë policia në kullë, disa nga punonjësit, kanë tentuar të zhdukin disa materiale, duke i hedhur në një kosh plehrash për të zhdukur gjurmët.

Gazetarja shpjegoi mënyrën se si kryhej mashtrimi. Ajo tha se ftoheshin qytetarët europianë, bindeshin të investonin 250 euro filimisht, por ka patur raste që mund t’ju kenë marrë deri në 1 apo 1.5 mln euro, me idenë se kanë investuar në kriptomonedha, por më pas zhdukeshin.

“Ishte emisioni Le Iene që në muajin Janar, mbërriti në SPAK dhe i dorëzoi prokurorëve, disa materiale filmike dhe të dhëna të tjera, që flisnin për një call center në një nga kullat e Tiranës. Sipas tyre ky call center ka mashtaur qytetarë të BE-së. Investigimi kishte nisur mbi bazën e rrëfimit të një operatori. Ai pretendonte në rrëfimin e tij, se ishte një punonjës i policisë në Itali që rekrutonin shtetas që të punonin në call center.

Për shkak të masave të lara të sigurisë, pasi bëhej fjalë për një nga kullat kryesore në Tiranë, ku është edhe ambasada e Israelit ishte e pamundur që gazetarët të hynin atje. Ata infiltruan një person, që siguroi jo vetëm kartën për të hyrë në call center, por të filmonte edhe disa nga punonjësit kryesorë. Në momentin që SPAK arriti të sigurojë materialin, iu drejtua gjykatës për urdhër kontrolli, pasi nuk kishte të dyshuar ende. Gjykata e Posaçme firmosi urdhër kontrolli për 28 ambjente.

Në 16 Janar agjentët e BKH, pa njoftuar policinë, ndërhynë në momentet e para. Ka qenë interesant aksioni. Agjentët e BKH, marrin njërin nga punonjësit, për të siguruar kartën e ashensorit, hyrjes, pasi nuk hyhej dot. Kur shkon me ta, hyjnë në ambjent, hetuesit befasohen, pasi në ambjentin e call center, ishte boshatisur gjithçka. Agjentët e BKH, e konsideruan si dështim në fillim, por mbetën edhe të habitur. Më pas, përmes teknikave të specializuara, përmes kamerave të sigurisë, morën targat e disa automjeteve dhe rezultoi se këto automjete kishin bërë zhvendosjen e kompjuterave, nga kulla, në një tjetër kullë.

U vunë në gjurmim dhe u shpallën në kërkim. Një prej mjeteve u ndalua dhe u shoqërua drejtusi ne Polici. Gjatë marrjes në pyetje, u zbërthye dhe tregoi se kishin bërë zhvendosjen e call centerit. Me iniciative, agjentët njoftuan policinë dhe zbarkuan në kullën te rrugë a Elbasanit. U zbuluan materialet, serverat, portofolet ne kriptomonedha, që mendohet të ishin 10-12 milionë në muaj.

Në këto momente, pasi u bë sekuestrimi, policia arrestoi 6 persona, dy të tjerë u arrestuan me iniciative. Sot kanë dalë 8 persona për masë, 6 janë lënë në burg dhe 2, arrest në burg me afat 20 ditor. Nga ana tjetër, 3 organizatorët kryesorë, tre vëllezër me mbiemër Preka. Njëri prej tyre zotëron kompani call center. Janë shpallur në kërkim. Policia ka sekuestruar edhe prova të tjera.

Në momenton kur ka ndërhyrë policia në kullë, disa nga punonjësit, kanë tentuar të zhdukin disa materiale, ti hidhnin në një kosh plehrash për të zhdukur gjurmët. Për fat të keq, call center mashtrues janë kthyer në shqetësim serioz. Kam patur dosje hetimore që e kanë treguar këtë. Miliona që përfitohen, pastrohen edhe në Shqipëri. Duhet të jetë në fokus të autoriteteve.

Mekanizmi, ftoheshin qytetarët europianë, bindeshin të investonin 250 euro filimisht, por ka patur raste që mund t’ju kenë marrë deri në 1 apo 1.5 mln euro, me idenë se kanë investuar në kriptomonedha, por më pas zhdukeshin. Sipas bisedave me hetues që merern më çështje të tilla, dyshohet se shkojnë 10-12 mln euro portofolet dixhitale vetëm në një muaj. Mund të ketë muaj të tjerë që është më e lartë. Maksimumi ka qenë 30 mln euro. Për tu ndalur në rastin konkret, duhet parë i gjithë aktiviteti, por nuk duhet të nxitohemi për të arritur në konkluzione”, tha Lala.

The post Aksioni i SPAK kundër Call Center, Lala tregon mënyrën se si kryhej mashtrimi: Qytetarët investonin 250 euro filimisht por ka patur raste që mund t’ju kenë marrë deri në 1.5 mln euro appeared first on Albeu.com.

Një defekt në linjë e OST 110 kv Traktora ka lënë pa energji disa zona pa energji në Tiranë.

Deri më tani pa energji janë lagjet në Njësinë 1 dhe 2: Ali Dem, Shkozë, Tregu Elektrik, Sauk, Farkë etj.

Shkak dyshohet se është bërë djegia e nënstacionit të Njësisë 2.

Burime zyrtare nga OSHE, thonë qe defekti është i OST linjat e tensionit të lartë 110 kv. OSHE thotë që po përpiqet të gjejë zgjidhje alternative për të furnizuar pjesë -pjesë me energji nënstacionet e saj nga linja të tjera.

“Rreth orës 20:30 është staktuar linja e transmetimit 110kV Tirana 220 kV – Traktora, ku për disa minuta la pa energji elektrike disa zona të Tiranës. Aktualisht, grupet e OSSH po manovrojnë me linjat e dyta përmes skemave unazë. Institucionet e rëndësisë së vepantë kanë marë energji elektrike, si dhe në disa zona është rikthyer brenda 30 minutash.

Aktualisht pa energji elektrike janë një pjesë e rrugës “Ali Demi”, zona pranë Teleferikut, Fresku, zonat pranë “Rruga e Elbasanit”, etj”, njofton OSHE.

The post Defekt në linjën e OST, disa zona në Tiranë mbesin pa energji elektrike appeared first on Albeu.com.

Djali i këngëtarit të ndjerë Shpat Kasapi, feston sot 4-vjetorin.

Bashkëshortja e tij Selvija, ka ndarë në rrjetet sociale një video prekëse, ku vogëlushi shihet duke mbajtur në dorë një foto të të atit.

“Gëzuar ditëlindjen jeta ime! Sot mbush 4 vjeç, Roel… E unë do doja të ishte këtu babi yt. Ta shihje me duart plot dhurata, të të merrte në krahë fort e të të përqafonte sikur bota të ndalej aty.

Sot ti e feston ditëlindjen duke parë fotografinë e tij, dhe unë me dhimbjen që ai nuk arriti të të përqafojë edhe një herë. Por biri im, mami është këtu. Për të të dashur dyfish, për të të mbajtur fort. Babi yt të do nga qielli,

dhe mami i lutet Zotit të jetë gjithmonë krahu yt. Të dua fort biri im, arsyeja që unë frymoj”, shkruan ajo.

The post Me foton e të atit në dorë, djali i Shpat Kasapit feston sot 4-vjetorin appeared first on Albeu.com.

NATO do të vazhdojë të punojë me Danimarkën dhe Grenlandën për sigurinë në rajonin e Arktikut, tha sot Sekretari i Përgjithshëm i Aleancës Mark Rutte, pas takimit me ministrin danez të Mbrojtjes dhe ministrin e Jashtëm të Grenlandës.

“Ne diskutuam se sa i rëndësishëm është Arktiku, përfshirë Grenlandën për mbrojtjen tonë kolektive dhe se si Danimarka po rrit investimet në aftësitë kryesore. Ne do të vazhdojmë të punojmë së bashku si aleatë për këto çështje të rëndësishme,” tha Rutte në një postim në platformën X.

Mediat e huaja shkruajnë se Danimarka dhe Grenlanda kanë diskutuar mundësinë e dërgimit të NATO-s në Arktik. Këtë e bëri me dije ministri danez i Mbrojtjes Trolls Lund Poulsen, pasi ai dhe ministrja e Jashtme e Grenlandës Vivian Mozartfelt u takuan me Sekretarin e Përgjithshëm të Aleancës së Atlantikut të Veriut Mark Rutte në Bruksel.

“Ne e kemi propozuar këtë. Sekretari i përgjithshëm i NATO-s e ka marrë parasysh këtë dhe besoj se tani mund të përcaktojmë një kornizë se si mund të arrihet kjo. Është gjithashtu në përputhje me atë që kemi diskutuar me qeverinë e Grenlandës”, tha Poulsen.

The post Mark Rutte: NATO do të vazhdojë të punojë me Danimarkën dhe Grenlandën për sigurinë e Arktikut appeared first on Albeu.com.

Kryeministri izraelit Benjamin Netanyahu, përsëriti të martën se nuk pajtohet me vendosjen e trupave turke ose të Katarit në Rripin e Gazës, duke shprehur mospajtimin e tij me Shtetet e Bashkuara mbi qeverisjen e ardhshme të enklavës.

“Nuk do të ketë as ushtarë turq dhe as të Katarit në Rripin e Gazës”, tha Netanyahu para parlamentit.

Ai shtoi se Izraeli nuk pajtohet me Uashingtonin mbi atë se kush do të jetë përgjegjës për zbatimin e planit të Presidentit Donald Trump për enklavën palestineze.

Shtëpia e Bardhë njoftoi në fund të javës së kaluar formimin e një komiteti ekzekutiv që do të veprojë nën kujdesin e “Këshillit të Paqes”, të cilin vetë Trump do ta kryesojë. Ky komitet, i paraqitur si “këshillues”, përfshin, ndër të tjerë, Ministrin e Jashtëm turk Hakan Fidan dhe diplomatin e Katarit Ali al-Thawadi.

Që nga e shtuna, zyra e Netanyahut ka shprehur kundërshtimin e saj ndaj përbërjes së këtij organi të ri. Njoftimi i përbërjes së komitetit “nuk është bërë në koordinim me Izraelin dhe është në kundërshtim me politikën e tij”, tha Netanyahu, duke vënë në dukje se ai “e ka udhëzuar Sekretarin e Shtetit të komunikojë për këtë çështje me Sekretarin e Shtetit të SHBA-së”.

Deklarata e së shtunës nuk specifikoi arsyet e kundërshtimeve të Izraelit, por vendi ka deklaruar vazhdimisht se nuk është dakord me përfshirjen e Turqisë në Gazën e pasluftës. Marrëdhëniet midis dy vendeve u përkeqësuan me shpejtësi pas luftës që filloi me sulmin e paprecedentë të Hamasit në territorin izraelit më 7 tetor 2023.

SHBA-të kanë njoftuar tashmë se marrëveshja e armëpushimit në Gaza ka hyrë në fazën e saj të dytë.

Kjo fazë e dytë parashikon çarmatimin e Hamasit, tërheqjen graduale të forcave izraelite që kontrollojnë pothuajse gjysmën e enklavës dhe vendosjen e një force ndërkombëtare stabilizimi.

Ende nuk është përcaktuar se cilat vende do të marrin pjesë në këtë forcë, e cila do të ketë për detyrë të ndihmojë në sigurinë e Gazës dhe të trajnojë forcat policore palestineze.

The post “Komiteti i Paqes nuk u koordinua me ne”, Kryeministri izraelit nuk pajtohet me planin e SHBA, Netanyahu: Jo trupa ushtarake nga Turqia dhe Katari në Gaza appeared first on Albeu.com.