Pyetja nëse Shtetet e Bashkuara janë në rënie është bërë pothuajse refren në debatet politike dhe akademike globale. Por, sado e përsëritur, kjo pyetje sot duket e pamjaftueshme për të shpjeguar momentin historik në të cilin ndodhet Amerika – dhe bashkë me të, i gjithë rendi ndërkombëtar. Çështja thelbësore nuk është nëse Amerika po bie, por çfarë forme po humbet dhe çfarë është e detyruar të shpikë për të mbijetuar si projekt politik, shoqëror dhe simbolik.

Kriza amerikane nuk është thjesht gjeopolitike
Sot, Amerika akoma është superfuqia ushtarake, financiare dhe teknologjike më e madhe në botë, e vetmja që mund të projektojë forcë globalisht. Por kjo nuk e zbeh faktin themelor: kriza amerikane sot është para së gjithash e brendshme. Polarizimi ekstrem politik, erozioni i kohezionit shoqëror, fragmentimi identitar dhe tensionet racore nuk janë episode kalimtare, por simptoma të një modeli shoqëror që e mbajti shoqërinë amerikane të bashkuar dhe që tashmë ka humbur aftësinë për të prodhuar konsensus.

Zgjedhjet nuk mbyllin më konfliktet, institucionet nuk gjenerojnë besim dhe politika është shndërruar në një luftë kulturore të përhershme. Kjo nuk është një krizë ciklike, por strukturore.

Dollari, shtylla e padukshme e stabilitetit amerikan
Në këtë kontekst, burimi real i fuqisë amerikane nuk është vetëm ushtria apo teknologjia, por dollari. Për dekada, dollari ka financuar deficitin amerikan, ka mbajtur nivelin e konsumit dhe ka amortizuar tensionet sociale brenda vendit, ndërsa jashtë ka garantuar dominim financiar dhe politik. Rreziku sot nuk është një zëvendësim i menjëhershëm i dollarit nga yuan-i apo nga një monedhë e BRICS, por erozioni gradual i besimit dhe fragmentimi i sistemit monetar global.

Edhe një dobësim relativ i rolit të dollarit do të kishte pasoja të drejtpërdrejta për kohezionin e brendshëm amerikan. Pa këtë mekanizëm stabilizues, pabarazia dhe polarizimi rrezikojnë të shndërrohen në krizë politike të pakontrollueshme.

Politika e jashtme si zgjatim i krizës së brendshme
Nuk është rastësi që në kushte të tilla, politika e jashtme amerikane shfaq prirje për të funksionuar si menaxhim i krizës së brendshme. Historia e njeh këtë mekanizëm: kur kompromisi i brendshëm bëhet i pamundur, elitat kërkojnë unitet përmes kërcënimit të jashtëm. Luftërat “proxy”, sanksionet, përshkallëzimi i rivaliteteve strategjike dhe militarizimi i aleancave shërbejnë për të rikrijuar ndjesinë e kohezionit.

Por kjo është një strategji gjithnjë e më e rrezikshme. Në një botë multipolare, krizat nuk kontrollohen më lehtë dhe gabimet e llogaritjes kanë pasoja sistemike.

Kriza e liberal-kapitalizmit konsumist
Në thelb, kjo nuk është vetëm krizë amerikane. Është kriza e modelit liberal-kapitalist të bazuar në konsumizëm dhe rritje të pafund. Për dekada, ky model funksionoi sepse prodhonte rritje reale, mobilitet social dhe kuptim. Sot, ai prodhon pabarazi, ankth dhe zbrazëti. Në një botë me burime të kufizuara dhe shoqëri të fragmentuara, konsumizmi nuk mund të luajë më rolin e “ngjitësit” social.

Ideja se rritja ekonomike do t’i zgjidhë automatikisht të gjitha problemet ka humbur besueshmërinë. Nuk bëhet fjalë për fundin e kapitalizmit si sistem, por për mbylljen e një forme historike të tij.

Amerika dhe kriza e narrativës
Megjithatë, ta reduktosh këtë fazë në “rënien e Amerikës” do të ishte një keqlexim. Amerika nuk ka qenë kurrë vetëm një hegjemoni materiale. Ajo ka qenë agjenti më transformues i botës moderne sepse ka prodhuar jo vetëm rend, por edhe ëndërr. Kriza aktuale është, mbi të gjitha, krizë e narrativës amerikane.

Ëndrra e vjetër – punë, konsum, mobilitet individual dhe siguri – nuk është më e arritshme për shumicën. Dhe kur ëndrra humbet funksionin e saj, sistemi humb legjitimitetin, edhe nëse fuqia formale mbetet.

Sfida e një ëndrre të re
Pyetja vendimtare nuk është nëse Amerika do të bjerë, por nëse ajo është e aftë të shpikë një ëndërr të re. Jo një version të rifreskuar të konsumizmit, por një vizion që lidh dinjitetin me kuptimin, jo vetëm me pasurinë; që balancon individin me komunitetin dhe e vendos ekonominë në shërbim të jetës.

Historia amerikane njeh momente të tilla rishpikjeje: New Deal, rendi i pasluftës, revolucioni teknologjik. Të gjitha lindën nga kriza të thella. Pyetja sot është nëse polarizimi ekstrem do ta lejojë një transformim të ngjashëm.

Përfundim
Amerika nuk është në prag të zhdukjes, por ndodhet në një provë historike. Forma e vjetër e liberal-kapitalizmit konsumist po mbyllet, ndërsa ajo që do ta zëvendësojë ende nuk është e qartë. Nëse Amerika arrin të prodhojë një ëndërr të re, ajo mund të mbetet forca më transformuese e botës. Nëse jo, do të mbetet një fuqi e madhe që administron shterimin e një modeli që nuk bind më – dhe kjo do të ishte kriza më e thellë, jo vetëm për Amerikën, por për gjithë botën. /Albeu.com/

The post Amerika mes rënies dhe rishpikjes: kriza e një modeli dhe kërkimi për një ëndërr të re appeared first on Albeu.com.

Etnik Brruti ka qenë protagonist kryesor i Malishevës në ndeshjen miqësore që skuadra kosovare ka zhvilluar në kampin përgatitor në Turqi përballë ekipit të FC Kudrivka të elitës së futbollit ukrainas.

Në ndeshjen e sotme përgatitore, mesfushori i cili vendosi të linte Kosovën për t’iu bashkuar Shqipërisë, la shenjë në pjesën e parë të ndeshjes.

Brruti shfrytëzoi maksimalisht dy gabime radhazi të prapavijës së ekipit ukrainas duke shënuar në minutat 21 dhe 23 të dy golat që vendosën fatin e këtij takimi, pasi i dhanë suksesin 2-0 ekipit të Malishevës.

SHIKONI VIDEON

The post VIDEO/ Dy gola për tre minuta, futbollisti që la Kosovën për Shqipërinë shkëlqen ndaj ukrainasve appeared first on Albeu.com.

Trajneri i Manchester Cityt, Pep Guardiola, foli në njq konferencë për shtyp për jetëgjatësinë e qëndrimit të tij në Etihad. Ky është sezoni i tij i dhjetë në krye të klubit.

“Është çështje rezultatesh. Nëse nuk fiton, të shkarkojnë. Nëse nuk fitojmë, do të më shkarkojnë edhe mua. Kemi fituar shumë, prandaj jam i ulur këtu. Nuk ka sekret tjetër. Në një klub tjetër, nuk do të isha konfirmuar pas sezonit të kaluar.

Ata janë më të duruar, ndoshta edhe për shkak të asaj që kemi bërë në të kaluarën. Kemi pasur tre muaj vërtet të dobët. E kaluara ka qenë vërtet pozitive, dhe kjo është arsyeja pse jam ende këtu”.

54 vjeç, Guardiola është në krye të City-t që nga korriku i vitit 2016.

Përvoja e tij me klubin anglez përfshin 6 tituj të Premier League, 2 FA Cup, 4 Kupa të Ligës, 3 Community Shield, një Champions League dhe një Superkupë Evropiane dhe një Botëror për Klube.

The post Guardiola: Pas një sezoni si ai i vitit të kaluar, një klub tjetër do më kishte shkarkuar appeared first on Albeu.com.

Sulmuesi i kombëtares shqiptare Rei Manaj është gati të nisë një aventurë të re në karrierën e tij.

Burime pranë lojtarit konfirmojnë se ai do të transferohet në Kinë tek skuadra Zhejiang Professional FC, ku do të firmosë një kontratë 2 vjeçare dhe pritet të përfitojë një shumë prej 4 milionë eurosh në vit.

Ky transferim shënon një kapitull të ri për sulmuesin shqiptar jashtë Evropës, pas eksperiencës së fundit me Sharjah FC në Emiratet e Bashkuara Arabe, ku ai u dallua për paraqitjet e mira dhe numrin e golave të shënuar.

The post Mungon vetëm zyrtarizimi, Manaj gati të nisë një aventurë të re në Kinë appeared first on Albeu.com.

Reali i Madridit është tashmë në kërkim të një trajneri të ri. Debutimi i Alvaro Arbeloas si trajner i skuadrës “merengues” u njollos nga një eliminim i hidhur nga Kupa e Mbretit: një debutim tronditës që menjëherë shtyu drejtuesit e klubit të vinin në pikëpyetje emrin e trajnerit të emëruar për të zëvendësuar Xabi Alonson e shkarkuar.

Sipas shtypit spanjoll, kërkimi për një trajner të ri ka filluar tashmë dhe janë kontaktuar disa kandidatë për sezonin e ardhshëm.

“Është një farsë, është qesharake, jemi objekt talljeje për të gjithë”, shkruajnë mediat, të cilat, ashtu si Mundo Deportivo, e quajnë Real Madridin një “fuçi baruti”. Shkurt, largimi i Xabit nuk ka pasur efektin e dëshiruar. Edhe pse Arbeloa nuk ka pasur kohë të mësohet me taktikat e ekipit, vendimet e trajnerit kundër Albacetes kanë ngritur shumë dyshime.

Prandaj, shumë besojnë se eksperimenti nuk do të zgjasë shumë, se Arbeloa është një zgjedhje e përkohshme dhe se trajneri i sezonit të ardhshëm do të jetë ndryshe.

The post Arbeloa zhgënjeu në debutim, Reali i Madridit kërkon trajner appeared first on Albeu.com.

Ernest Muçi vazhdon të shënojë gola me rregullsi mbresëlënëse në Turqi, teksa sot ka lënë shenjën e tij edhe në Kupë me fanellën e Trabzonspor.

Në ndeshjen e raundit të dytë, me grup të përbashkët, që luhej në fushën e Istanbulspor, ishte pikërisht sulmuesi shqiptar ai i cili tundi rrjetën me një diagonale të shkëlqyer në minutën e 41-të.

Një gol fantastik i cili bëri që në tribuna të shpërthenin brohoritjet “Muçi, Muçi” mes tifozëve të skuadrës së Trabzonspor për të cilët sulmues shqiptar është kthyer shumë shpejt një idhull, ndonëse ka pak muaj në radhët e kësaj skuadre.

SHIH VIDEON

Një gol fantastik i cili bëri që në tribuna të shpërthenin brohoritjet “Muçi, Muçi” mes tifozëve të skuadrës së Trabzonspor për të cilët sulmues shqiptar është kthyer shumë shpejt një idhull, ndonëse ka pak muaj në radhët e kësaj skuadre.

The post VIDEO/ Edhe në transfertë dëgjohen thirrjet “Muçi, Muçi!” në tribuna, sulmuesi shqiptar tund rrjetën përsëri në Turqi appeared first on Albeu.com.

Kapiteni i Marokut, Ashraf Hakimi ka shpërthyer në lot pasi mposhtën Nigerinë për të shkuar në finalen e Kupës së Afrikës.

Mbrojtësi që luan për PSG-në nuk është përmbajtur pas këtij momenti emocionues dhe videoja e tij është bërë virale në rrjet.

Kualifikimi u arrit falë penalltive, ku marokenët u treguan më të saktë dhe shënuan 4 gola ndërsa nigerianët 2. Rikujtojmë që tashmë Maroku do të kërkojë Kupën më 18 janar përballë Senegalit.

The post VIDEO/ Moment emocionues, Ashraf Hakimi shpërthen në lot pas kualifikimit në finalen e Kupës së Afrikës appeared first on Albeu.com.

Hofenhejmi i dy shqiptarëve të Kosovës, Avdullahu dhe Fisnik Aslllani, zhvilloi një pjesë të parë spektakolare, teksa mposhti Borusia Mynshengladbah, me rezultatin 4 me 0.

Protagonist absolut në këtë fragment loje ishte sulmuesi Asllani, i cili dhuroi 2 asiste mjaft të rëndësishëm. Fillimisht shqiptari i Kosovës, asistoi në minutën e 24-t për Lemperle.

Ndërkohë të njëjtën gjë bëri edhe në minutën e 45+1’ ku shërbeu për Kramariç. Kroati ishte i papërmbajtshëm, teksa në pjesën e parë, arriti të tunde 3 herë rrjetën.

GOLAT E NDESHJES: VIDEO

The post VIDEO/ Asllani fenomenal, dhuron 2 asiste në pjesën e parë appeared first on Albeu.com.

Ndodh e paimagjinueshmja në Kupën e Mbretit, Real Madridi u mund 3-2 në fushën e Albacete dhe u eliminua nga gara.

Ekipi i nivelit të dytë triumfoi para tifozëve vendas falë një goli nga Villar dhe dy golave ​​nga Betancor, ky i fundit shënoi në minutën e 94-të për të eliminuar Blancos nga turneu.

Debutimi i Arbeloas si trajner i Merengues ishte i zymtë: performancat emocionuese të Mastantuono dhe Gonzalo Garcia nuk ishin të mjaftueshme për ta parandaluar humbjen.

The post Reali poshtërohet nga Albacete appeared first on Albeu.com.

Për Álvaro Arbeloa etapa e re në Madrid nuk është aspak e lehtë. Ish-mbrojtësi trashëgon një ekip, i cili prej kohësh kishte humbur kontrollin ndërsa detyra e tij e parë do të jetë që të rikthejë harmoninë në “Santiago Bernabéu”.

Sipas gazetarit të njohur spanjoll Bruno Alemany janë plot shtatë futbollistë, të cilët kishin kundërshtuar trajnerin në muajt e fundit.

“Shtatë lojtarë kanë kundërshtuar direkt ose nëpërmjet palëve të treta vendimet e trajnerit. Unë nuk mund të përmend emra, por përveç lojtarëve edhe Florentino Perez dukshëm nuk ishte i kënaqur nga mënyra se si drejtoi Alonso skuadrën”, tha Bruno Alemany, i cili pohoi se ky informacion i kishte ardhur nga njëri prej pjestarëve të stafit të trajnerëve.

The post Prapaskena/ Jo vetëm Vinicius Jr., shtatë futbollistë të Real-it kishin kundërshtuar Xabi Alonso-n appeared first on Albeu.com.

Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski. Me Lara Colturin që e mbyll konkurrimin në vendin e 8-të.

Në Flachau, pistën austriake ndodh gjithçka. 35 skiatore nuk arrijnë të përfundojnë garën, nga 75 që ishin në listën fillestare në disiplinën slalom. Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski.

Duke sfiduar vështirësitë e natyrës, Lara Colturi arrin të shkëlqejë, sidomos në lëshimin e dytë, që me kohën fantastike 53“77 ishte e para, më e mira nga të gjitha, mbretëresha e këtij raundi duke lënë pas edhe Mikaela Shifrin. Por një gabim në lëshimin e parë, i kushtoi podiumin skiatores shqiptare, që e detyroi të renditej në vendin e 16-të. Në përfundim Lara Colturi renditet në vendin e 8-të.

Në podiumin e garës në Flachau, në shkallën më të lartë të tij ngjitet Milkaela shifrin, që i çon në 60 numrin e fitoreve në slalom, një shifër e jashtëzakonshme në historinë e këtij sporti. E dyta në podiumin e Flachau është Paula Molzen e SHAB dhe në të tretin Katarina Trupe e Austrisë.

The post Lara Colturi e 8-ta në Flachau, shkëlqen në lëshimin e dytë appeared first on Albeu.com.

Manchester United ka njoftuar emrin e trajnerit të ri që do të drejtojë skuadrën deri në fund të sezonit. Bëhet fjalë për një emër të njohur, Michael Carrick, i cili zëvendëson Amorim. “Është një nder të kem përgjegjësinë e drejtimit të Manchester United”.

“E di se çfarë duhet për të pasur sukses këtu dhe qëllimi im është t’i ndihmoj lojtarët të arrijnë standardet që presim në këtë klub të jashtëzakonshëm. Kam besim të plotë në aftësitë dhe përkushtimin e tyre”.

“Ka ende shumë për të arritur këtë sezon dhe ne jemi gati t’i bashkojmë të gjithë për t’u dhënë tifozëve performancat që meritojnë”, tha ai.

The post Michael Carrick, trajneri i ri i Manchester United appeared first on Albeu.com.

nga Albeu.com

Rruga dytësore nga Casa Italia, konkretisht segmenti nga Spitali Hygeia deri te Megatek, është shndërruar në një simbol të gjallë të dështimit, papërgjegjshmërisë dhe mashtrimit institucional. Nuk është thjesht një rrugë e keqe. Është një fyerje e hapur për qytetarët, për taksapaguesit dhe për çdo koncept minimal të shtetit funksional.

Prej vitesh kjo rrugë “riparohet” herë pas here nga Bashkia Tiranë dhe ARRSH, me ndërhyrje kozmetike, të shpejta dhe pa asnjë standard teknik. Gropa mbulohet sot, hapet nesër. Asfalti hidhet sot, zhduket pas pak ditësh dhe askush nuk mban përgjegjësi. Askush nuk del të shpjegojë pse, në vitin 2026, në kryeqytet, një rrugë strategjike është më keq se një shteg fshati.

Vetëm dy javë më parë, autoritetet “u kujtuan” të mbushnin gropat me asfalt. U shfaqën makineritë, u bllokua përkohësisht qarkullimi dhe u dha iluzioni se më në fund po bëhej diçka. Sot, pas vetëm dy javësh, gropat janë kthyer sërish, sikur asfalti të mos ishte hedhur kurrë. E njëjta pamje, i njëjti kaos, i njëjti zhgënjim. Kjo nuk është më rastësi, ky është model.

Pasojat janë të përditshme dhe konkrete: trafik i rënduar, orë të humbura për qytetarët, konsum nervash, aksidente, dëmtime të makinave, amortizatorë të shkatërruar, goma të çara, kosto që bien drejtpërdrejt mbi xhepat e qytetarëve. Ndërsa institucionet heshtin, qytetarët paguajnë dy herë: një herë me taksa dhe herën e dytë me riparime.

Kjo rrugë lidh zona me fluks të lartë qarkullimi, biznese të mëdha, universitete, qendra shërbimi, spitale dhe akses drejt daljeve kryesore të Tiranës. Nuk është rrugë periferike pa rëndësi. Është një arterie e rëndësishme e lënë qëllimisht në degradim, e trajtuar si “punë sezonale”, sa për të mbyllur gojën e opinionit publik për disa ditë.

Pyetja që shtrohet është e thjeshtë: kush (nuk) po i bën këto punime dhe pse po paguhen? Kush i kontrollon? Kush firmos kolaudimin e një asfalti që shembet brenda dy javësh? Dhe pse askush nuk mban përgjegjë për këtë tallje publike?

Në çdo vend normal, kjo do të quhej abuzim me fondet publike. Në Shqipëri quhet “mirëmbajtje”. Në çdo qytet normal, një kompani që lë pas një rrugë në këtë gjendje do të penalizohej dhe përjashtohej. Këtu, vazhdon të marrë tenderë dhe të hedhë asfalt që tretet si rërë.

Rruga Hygeia–Megatek nuk është më thjesht problem infrastrukture. Është provë e qartë se si qeverisja urbane ka dështuar, se si paratë publike shpenzohen pa asnjë rezultat dhe se si qytetarët dhe taksapaguesit trajtohen si numra, jo si njerëz. Dhe kjo situatë nuk ka ndryshuar me dekada, edhe kur ishte Lali Eri “punësosur” në krye të Bashkisë edhe sot që praktikisht nuk është më.

Derisa kjo rrugë të ndërtohet seriozisht, me standarde reale dhe jo me arnime tallëse, çdo fjalë për “Tiranën moderne” është hipokrizi e pastër. Sepse një qytet nuk matet me fasada dhe sllogane, por me rrugët ku qytetarët ecin çdo ditë – dhe kjo rrugë është një plagë e hapur në një nga zonat më të rëndësishme të kryeqytetit. /albeu.com/

The post EDITORIAL/ Rruga e turpit urban Hygeia–Megatek: Taksa në asfalt, gropa në rrugë appeared first on Albeu.com.

Eliminim i bujshëm në Kupën e Francës. PSG i jep lamtumirën kompeticionit në fazën e 1/16-ve, pas humbjes në shtëpi në derbin me Paris FC, që bën historinë falë një goli të Ikoné. I futur në fushë në minutën e 40-të, në vend të të dëmtuarit Gory, lojtari me një të kaluar në Serie A, gjeti golin fitues në minutën e 74-t.

Dembélé, Doué dhe Mendes, të aktivizuar në pjesën e dytë nga trajneri Luis Enrique, nuk arritën ta ndryshonin fatin e ndeshjes. Kupa e Francës humb kështu mbajtësen e trofeut dhe favoriten kryesore për të shkuar në finale.

Në “Parc des Princes” shkoi çdo gjë keq për PSG. Vetëm 8 ditë pas fitores 2-1 të kampionëve absolutë në Francë, vjen hakmarrja e Paris FC. Jonathan Ikoné nuk duhej të luante, por dëmtimi i Gory i dha mundësinë të zbriste në fushë dhe ai vendosi ndeshjen.

Luis Enrique kishte bërë rotacion, duke lënë jashtë big-ët Marquinhos, Joao Neves, Nuno Mendes, Dembélé dhe Doué. Aktivizoi disa prej tyre në fund dhe PSG ushtroi presion, por pa rezultat. Paris FC merr kështu një fitore historike në derbin e kryeqytetit francez, duke nxjerrë PSG nga gara për njërin nga trofetë sezonalë.

The post PSG jashtë Kupës së Francës, kampionët e Europës humbin derbin dhe eliminohen appeared first on Albeu.com.

While the public debate about the “Smart City” project remains heated, the company that will benefit from 140 million dollars from the pockets of Albanian citizens has already been created. Presight AI Ltd, the Arab company that secured the controversial contract, officially established its branch in Albania, just three weeks ago, reports Albeu.com.

Presight AI Ltd Albania Branch has been registered at the National Business Center with a clear and single object: the implementation of the “Smart City” project in the Republic of Albania. The official extract of the company states that the activity includes the supply of computer equipment and software, installation, implementation, as well as support and maintenance services — in short, everything that the hefty contract of 140 million dollars foresees.

A 140 million dollar project, a zero tender

As Albeu.com learns, the “Smart City” project foresees the installation of about 5 thousand monitoring cameras in the main cities of the country, as well as the supply of the State Police with about 3 thousand body cameras. All this, according to the government, to increase security and intelligent traffic management.

But behind the technological facade lies a financial scheme that burdens Albania with a heavy debt. In March of last year, the government approved in Parliament a loan of 118 million dollars from the Abu Dhabi Fund, with a repayment period of 15 years and an interest rate of 4 percent. The irony is that the money does not stay in Albania for a single day: it is returned to Abu Dhabi to pay Presight, without any competitive procedure.

The contract for the implementation of the project was entrusted to the Ministry of Interior, which set up a special negotiating group. But the reluctance to sign a contract without a tender and with a staggering cost brought tensions to the highest levels of government.

In November, Prime Minister Edi Rama was seen publicly irritated on the streets of Rome, shouting on the phone at Deputy Minister Julian Hodaj about the delays in closing the contract. A few days later, Hodaj was dismissed. In his place was appointed Xhemal Qefalia, who, unlike his predecessor, did not hesitate: on December 19, the signature on the contract was thrown.

What is bought with 140 million dollars?

According to official documents, the project includes the installation of artificial intelligence platforms for urban management and traffic, the construction of a control center, as well as equipping the police with monitoring technology.

In detail, the contract provides for:

2,239 ANPR cameras for automatic license plate recognition,

2,602 PTZ cameras for traffic monitoring,

3,816 body cameras for State Police employees,

100 intelligent radars and 100 noise sensors for monitoring speed and road safety.

The company will also provide maintenance services for four years.

Cost inflation and lack of transparency

The cost of the project raises serious questions. $31 million will be paid for software licenses alone. Hardware and infrastructure cost $62.4 million. $8 million goes for professional services and $17.1 million for maintenance — all without VAT.

In total, the bill amounts to $140 million.

Market experts note that ANPR and PTZ cameras are easily found on the market at prices ranging from $500 to $1,500 apiece. In this light, the figure of over $62 million for about 8,000 cameras seems blatantly inflated.

But when there is no competition, cost inflation is not a surprise. The scheme is familiar: the decision comes from above, firms are rejected, and citizens pay the bill.

In other words: The company was created so that $140 million could change hands. /albeu.com/

The post Smart City, the contract without competition and the 140 million debt that returns to Abu Dhabi appeared first on Albeu.com.

Al Nassr humbet kundër Al Hilal dhe portugezi humb kontrollin.  Sarkastik me trajnerin Jorge Jesus dhe gjeste të vetëdijshme para telekamerave.

Sfida e titullit në Arabinë Saudite është shndërruar në një mbrëmje makthi për Cristiano Ronaldo. Al Hilal i Simone Inzaghi triumfoi 3-1 dhe shkoi +7 në klasifikim ndaj Al Nassr, por skenën e mori reagimi i pakontrolluar i portugezit.

CR7 shënoi golin e avantazhit momental dhe më pas pa ndeshjen t’i ikte nga duart mes polemikash për gjykimin (karton i kuq për portierin Al Aquidi dhe dy penallti kundër). Nervozizmi kulmoi në momentet e fundit dhe rrezikon t’i kushtojë shtrenjtë edhe trajnerit Jorge Jesus.

Tensioni shpërtheu në minutën e 83-të, kur Al Nassr humbiste 2-1 dhe ishte me 10 vetë. Jorge Jesus uli në stol Ronaldon, i cili nuk u pajtua me lëvizjen dhe doli nga fusha duke tundur kokën dhe duke mërmëritur: “e pabesueshme”. Ai i shtrëngoi dorën trajnerit me një buzëqeshje sarkastike.

Zemërimi ishte edhe më i madh pas vërshëllimës së fundit të ndeshjes, pas golit të 3-të të Al Hilal me penallti. I vetëdijshëm se ishte inkuadruar nga kamera, Ronaldo pa nga telekamera dhe bëri gjestin e parave dhe të vjedhjes, duke lënë të kuptohet se ndeshja ishte vendosur të fitohej nga skuadra e trajnerit Inzaghi. Një akuzë e rëndë, që ndoshta vjen nga frustrimi. Për CR7 spektri i “zero titujve” në Arabi po bëhet më konkret.

Reagimi i Ronaldos gjatë zëvendësimit: (VIDEO)

Reagimi i Ronaldos pas golit të tretë: (VIDEO)

The post VIDEO/ Ronaldo ankohet për trajnerin e tij portugez, shfaqet i qeshur kur Al Nasr pëson gol appeared first on Albeu.com.

Real Madridi ka njoftuar shkarkimin e Xabi Alonsos pas humbjes së finales së Superkupës së Spanjës ndaj Barcelonës. Në vendin e tij është emëruar Alvaro Arbeloa, trajner i Real Madrid Castilla (skuadra e dytë) që nga qershori i 2025.

Deklaratë zyrtare e klubit: “Real Madrid C.F. njofton se, me marrëveshje mes palëve, është vendosur që Xab Alonso t’i japë fund karrierës së tij si trajner i ekipit të parë.

Xabi Alonso do të ketë gjithmonë dashurinë dhe admirimin e të gjithë tifozëve të Madridit sepse ai është një legjendë e Real Madridit dhe gjithmonë ka përfaqësuar vlerat e klubit tonë. Real Madridi do të jetë gjithmonë shtëpia e tij.

Klubi ynë falënderon Xabi Alonson dhe të gjithë ekipin e tij teknik për punën dhe përkushtimin e tyre gjatë kësaj kohe, dhe u uron atyre fat në këtë fazë të re të jetës së tyre”.

Ish-trajneri i Leverkusen paguan kështu për një pjesë të parë të sezonit me ulje e ngritje. Në La Liga, Blancos janë katër pikë prapa Barcelonës, e cila renditet në krye, por kanë fituar katër nga pesë ndeshjet e tyre të fundit. Po kalojnë gjithashtu një kohë të vështirë në Ligën e Kampionëve, duke marrë 12 pikë nga gjashtë ndeshje, falë katër fitoreve dhe dy humbjeve.

Pasi kanë pasur vështirësi në javët e fundit, si për shkak të rezultateve ashtu edhe për shkak të një menaxhimi jo të përsosur të ekipit, Xabi Alonso dhe Real Madrid kanë vendosur të ndahen. Megjithatë, për Blancos, është tashmë koha për të parë nga e ardhmja: të mërkurën, ata do të luajnë në Kupën e Mbretit jashtë fushe kundër Albacetes.

The post Reali shkarkon trajnerin Xabi Alonso, në vendin e tij Alvaro Arbeloa appeared first on Albeu.com.

nga Albeu.com

Ndërkohë që Prokuroria e Posaçme kundër Korrupsionit dhe Krimit të Organizuar (SPAK) i ka bërë zyrtarisht kërkesë Kuvendit për heqjen e imunitetit dhe autorizimin për arrestimin e zëvendëskryeministres dhe ministres së Infrastrukturës dhe Energjisë, Belinda Balluku, për akuza të rënda për shkelje të barazisë në procedurat e tenderëve publikë, përfshirë projektin e tunelit të Llogarasë dhe segmentet e Unazës së Madhe, ajo vazhdon sërish të shfaqet në evente publike, herë me çizme e herë me taka, sikur asgjë nuk ka ndodhur. Ajo sot ka marrë pjesë në ceremoninë e prezantimit të parkut eolik të Tropojës.

Ky akt nuk është vetëm një pjesëmarrje në një aktivitet zhvillimor — është një shfaqje politike në mes të një hetimi penal për një skandal të madh dhe një procesi që mund të çojë në heqjen e imunitetit të saj si deputete, që pritet të shqyrtohet nga Këshilli për Rregulloren, Mandatet dhe Imunitetin më 28 janar.

Sfidimi i drejtësisë me aksione publike si kjo e parkut eolik në Tropojë nuk ndihmon transparencën apo qeverisjen e hapur, por një tentativë për të rikthyer normalitet politik në funksione që janë nën “thikë” ligjore. Ndërkohë që SPAK ka evidentuar dyshime serioze rreth shkeljeve të procedurave të prokurimit, dhe kjo çështje është në fazë përcaktimi nga organet parlamentare dhe gjyqësore, pjesëmarrja në aktivitete të tilla jep mesazhe mospërfilljeje ndaj Drejtësisë dhe përcjell në popull mesazhin se shkeljet penale nuk kanë pasoja reale kur bëhet fjalë për elitat politike.

Në një demokraci funksionale, zyrtarët nën hetim serioz duhet të shmangin shfaqjet publike që duken si kultivim imazhi politik, veçanërisht kur legjitimiteti i tyre për të ushtruar funksionet publike është në diskutim. Pjesëmarrja e Ballukut në eventin e Tropojës ndërkohë që procedurat për heqjen e imunitetit vijojnë të shtyhen, krijon përshtypjen e një sistemi ku llogaridhënia është vetëm për qytetarët e zakonshëm — jo për ata në pushtet.

Shfaqje të këtilla zhvendosin vëmendjen nga debati substancial për drejtësinë dhe funksionimin e shtetit të së drejtës, duke krijuar një teatër politik ku zyrtarët vazhdojnë “si gjithmonë” edhe kur janë nën hetim penal. Ndërkohë që vendi pret nga institucionet të sqarojnë përgjegjësitë e individëve — qofshin ata ministra apo deputetë — shfaqjet publike si kjo nuk i shërbejnë askujt përveç riciklimit të imazhit publik të të pandehurve.

Në fund, çështja nuk është vetëm për Ballukun — është për standardet e qeverisjes dhe fuqinë e drejtësisë së pavarur për të nxjerrë përpara ligjit edhe ata që janë më lart në piramidën politike. Nëse kjo mungon, atëherë çdo park eolik apo investim tjetër, sado i madh apo i vlefshëm, do të shërbejë vetëm si dekor i një sistemi ku mbrojtja e pushtetit rëndon mbi drejtësinë.

The post EDITORIAL / SPAK bën gati prangat, Balluku vazhdon shfaqjet publike appeared first on Albeu.com.

Tension pas “El Clasico”. Laporta dënon largimin e Mbappé,  ndërsa Fermin dhe Cubarsí bëshen çështje me gjestet dhe fyerjet ndaj tifozëve madrilenë.

Finalja e Superkupës së Spanjës u mbyll me fitoren 3-2 të Barcelonës. Kjo ndeshje do të mbahet mend jo vetëm për spektaklin që prodhuan dy skuadrat në fushë, por edhe për “helmin” e lojtarëve kundër kundërshtarëve pas vërshëllimës së trefishtë. Situata degjeneroi në sjellë antisportive nga të dy frontet.

Kur Barcelona po festonte me trofeun, telekamerat fiksuan anën e errët të euforisë katalanase, duke shkaktuar indinjatë të thellë te tifozët e Realit. Protagonist negativ ishte Fermin Lopez, që u pa të fyente rëndë sektorin e tifozëve madrilenë. I përqafuar me shokët Lamine Yamal e Casadó, ai lëshoi me zë të lartë frazat: “Merreni këtë! Thitheni…, shkoni në shtëpi!”.

Fermin nuk ishte i vetmi që humbi kontrollin te Barcelona. Sapo u mbyll ndeshja, në përqafimin kolektiv të skuadrës në fushë, kamerat kapën mbrojtësin Pau Cubarsí. Ai ishte i ndarë nga grupi dhe u pa të bënte disa herë “gjestin e ombrellës” drejt tribunës kundërshtare.

Në kampin e Realit ngjalli diskutime sjellja e Kylian Mbappé. Frustrimi i tij shpërtheu gjatë ceremonisë së dhënies së trofeut. Sapo mori medaljen e argjentit, francezi u pa qartë që t’u kërkonte shokëve të skuadrës të largoheshin nga stadiumi për të mos marrë pjesë te festimet e rivalëve.

Ky episod nuk i shpëtoi presidentit të Barcelonës, Joan Laporta, i cili e dënoi veprimin e sulmuesit të Real Madrid. “Më ka befasuar ajo që ka bërë Mbappé. Në sport duhet të jesh korrekt në fitore dhe të kesh respekt në humbje. Ne, kur kemi fituar, e kemi respektuar kundërshtarin. Nuk e kuptoj atë sjellje. Reagimi i tyre lind nga frustrimi i pastër i të parit të realitetit”, – tha Laporta.

The post “Helm” pas Barcelona-Real Madrid, gjeste dhe ofendime mes rivalëve të përjetshëm appeared first on Albeu.com.

Rikthim në të kaluarën për të celebruar 25 vitet e topit më të famshëm në botë. Sfera e ëndrrave të Champions League, në fusha nga 2001-shi, do të hapë një kapitull të ri, me ridizenjimin modern të origjinalit Adidas FINALE 1.

Rikthim në të kaluarën me grafikën dhe ngjyrat që njihen tashmë prej një çerek shekulli, por edhe me një efekt modern, me sfumatura të zeza dhe vjollcë, që ndryshojnë.

Topi do të përdoret gjatë dy javëve të fundit të fazës së kampionatit 2025/26 të Champions League, që starton të martën e 20 janarit.

Yjet e futbollit janë gjithmonë në fokus. Në spotin zyrtar të Adidas marrin pjesë disa nga lojtarët që kanë lënë shenjë në rrugëtimin e kupës me veshë të mëdhenj gjatë 25 viteve të fundit: Zinedine Zidane, Lionel Messi, Toni Kroos, Mo Salah, Ousmane Dembele dhe Lamine Yamal.

The post Topi i Champions-it 25 vjet histori! Versioni i 2026-ës prezantohet nga Zidane, Messi e Yamal appeared first on Albeu.com.