Trump i ka dërguar Kryeministrit Edi Rama një ftesë për t’iu bashkuar Bordit të Administrimit të Paqes në Gaza, një nismë e re me ndikim ndërkombëtar. Duke komentuar deklaratën e një gazetare se Rama arrestohet me 20 janar, analisti Ergys Mërtiri u shpreh se këto janë deklarata të pavërtetë që nuk janë aspak të bazuara. Duke përmendura edhe opozitën, e aq më tepër liderin e saj Sali Berisha, Mërtiri tha se opozita e kalbur tenton të kapët pas gjetheve për të mbijetuar.

“Nëse unë nuk kam burime të cilat nuk i citoj dot unë nuk mund ta them. Parimisht ti nuk mund të thuash gjëra të cilat nuk mund t’i mbrosh dot. Aq më tepër gjëra që do të vërtetohen. Po këtë sëmundje shqiptarët kanë pasur prej kohësh dhe këtu është i vetmi vend që bëhet politikë me gjëra të cilat i di vetëm unë që i them. Berisha deri më dje ishte sovranist, sot është bërë servil. Nëse Berisha është ‘non grata’, dosja e tij ka filluar që para Trump, sistemi në drejtësi po ashtu ka filluar që para kohës së Trump.

Deri dje PD nuk na sjell Amerika ë pushtet, po votat e shqiptare, kurse në zgjedhjet e 11 majit tha që na sjell në pushtet LaCivita e Trump. A ka thënë që Trump që jemi kundër Ramës?! Loja politike është shumë e vogël. Lajmet për arrestimin e tij në SHBA, janë të pabaza. Nuk merren me çështje të qeverisjes apo të korrupsionin, por me të pavërteta dhe telenovela. Narrativa ka shkuar shumë ulët. Opozita është e kalbur dhe kapet pas gjetheve për të siguruar mbijetesën. Gënjeshtër pas gënjeshtre telenovelë”, tha analisti.

Read More...

Abc News Live

Dy persona, përfshirë një djalë 12-vjeçar, raportohet se janë në gjendje kritike për jetën pas sulmeve të ndara nga peshkaqenët në Sidnei, Australi, incidenti i tretë brenda dy ditësh.

Djali ishte duke notuar me miqtë vonë të dielën pasdite, pranë plazhit Shark në Vaucluse, kur u kafshua.

Policia tha se ai u nxor nga uji nga miqtë dhe shërbimet e urgjencës me lëndime të rënda në të dyja këmbët.

“Ai është në betejë me jetën tani”, tha policia e vendit.

Dy incidente të tjera u raportuan gjithashtu në Sidnei. Australia sheh rreth 20 sulme peshkaqenësh në vit, me pak më pak se tre prej tyre që janë fatale, sipas të dhënave nga grupet e ruajtjes së natyrës – numra që janë shumë më të vogël nga mbytjet dhe aksidentet e tjera në plazhet e vendit.

Fermerët e dëmtuar nga përmbytjet do dëmshpërblen nga paketa financiare e qeverisë shqiptare.

Nga Pogradeci, Ministri i Bujqësisë Andis Salla tha se pas përfundimit të procesit të evidentimit të dëmeve nga grupet e punës në terren, do hartohet bilanci përfundimtar që do i përcillet qeverisë.

Ministri theksoi se dëmshpërblimi do të përfshijë të gjithë fermerët e prekur, ndërsa paralelisht po zhvillohen dëgjesa publike për skemat kombëtare të mbështetjes.

Dëgjesa publike e radhës do të zhvillohet në Korçë, një prej zonave me dëme të konsiderueshme në kultura bujqësore.

Sarandë, zbulohet një tjetër “shtëpi bari”. Operacioni në vijim e sipër në lagjen nr. 2 të qytetit në kryqëzimin e rrugëve “Adem Sheme” dhe “Pandeli Boçari”. Një apartament në një pallat disakatësh ishte përshtatur  për kultivimin e brendshëm të bimëve të marijuanës.

Policia dyshon se pas këtij  apartamenti fshihet i njëjti  grup që ka lidhje edhe me një tjetër  “shtëpi bari” të zbuluar mbrëmjen e 10 janarit në lagjen nr.1 në rrugën. “Butrinti” ku u arrestua një person dhe një tjetër u shpall në kërkim.

Sesioni i ri parlamentar nisi me zakonin e vjetër. Gjatë fjalës së tij kreu i Grupit Parlamentar të PS, Taulant Balla ironizoi opozitën duke thënë se nuk e harron zakonin e vjetër edhe në këtë moment mjaft pozitiv për Shqipërinë, pas ftesës së Trump që kryeministri Edi Rama të marrë pjesë Bordin e Paqes.

“Vit të mbarë, edhe pse është një vit i ri shohim prapë zakonin e vjetër, me shpresën që koha do u bëjë të reflektoni. Sesioni mblidhet në një moment tejet pozitiv dhe krenarie të Shqipërisë në arenën ndërkombëtare, siç është ftesa e Trump, i cili e ka ftuar personalisht kryeministrin Edi Rama dhe Shqipërisë të bëhet pjesë e Bordit të Paqes.

Do vlerësoja maksimalisht që Partia Demokratike, apo që ka mbetur ta vlerësojë këtë moment të rëndësishëm për Shqipërinë. Fatkeqësisht edhe për ngjarje të tilla me peshë të madhe, edhe për Shqipërinë tonë, edhe ndaj këtij lajmi për emrin e Shqipërisë dhe të shqiptarëve nëpër botë u ngrit përsëri armata e qyqarëve”, tha Balla./abcnews.al

Presidenti i Republikës,  Bajram Begaj, i cili ndodhet për një vizitë zyrtare në Moldavi, u prit sot në një takim nga Presidentja e Moldavisë, Maia Sandu.
Takimet tête-à-tête, dhe më pas ai në praninë e delegacioneve përkatëse, u fokusuan në thellimin e marrëdhënieve dypalëshe, sigurinë rajonale, situatën e ndërlikuar gjeopolitike dhe unitetin evropian përballë këtyre sfidave.
“Shqipëria mbështet popullin moldav në ndërtimin e një të ardhmeje demokratike, të begatë dhe evropiane, në një kontekst gjeopolitik dhe sigurie mjaft sfidues të shënuar nga agresioni i paprovokuar dhe i pajustifikuar rus kundër Ukrainës dhe kërcënimet e sigurisë që burojnë prej tij”, – u shpreh Presidenti i Republikës.
Krerët e dy shteteve rikonfirmuan angazhimin e përbashkët për anëtarësimin në Bashkimin Evropian.

Edhe në konferencën për gazetarët, Presidenti Begaj dhe Presidentja Sandu konfirmuan angazhimin për bashkëpunim nëpërmbushjen sa më shpejtë të agjendës evropiane, me synimin anëtarësimin në Bashkimin Evropian përmes progresit të bazuar në meritë dhe reforma.

Presidenti Begaj theksoi se “Shqipëria beson se zgjerimi i Bashkimit Evropian mbetet një nga instrumentet më efektive për garantimin e sigurisë, stabilitetit, begatisë dhe paqes së qëndrueshme në Evropë. Shqipëria shpreh mbështetjen e plotë për anëtarësimin e Moldavisë në Bashkimin Evropian”.
Ndërsa shprehu mbështetje ndaj Presidentes Sandu për politikat proevropiane në drejtimin e  shtetit, Presidenti Begaj vlerësoi qëndrimin e Moldavisë përballë ndikimeve keqdashëse, presioneve dhe fushatave dezinformuese, si dhe angazhimin epalëkundur për ndërtimin e një shteti demokratik, pjesë integrale të familjes evropiane.
Në këtë frymë, ai theksoi se Shqipëria synon thellimin ebashkëpunimit duke shfrytëzuar mekanizmat e krijuar në kuadër të Memorandumit të Mirëkuptimit për Integrimin Evropian të nënshkruar së fundmi.
“Shqipëria qëndron pranë Moldavisë si mike, si partnere dhe si aspirante e përbashkët për anëtarësim në Bashkimin Evropian. Së bashku, ne kontribuojmë për një Evropë më të fortë, më të sigurt dhe të bashkuar, të ndërtuar mbi vlerat e demokracisë, lirisë dhe përgjegjësisë së përbashkët për të ardhmen tonë”, – u shpreh Presidenti Begaj.
Kreu i Shtetit theksoi, gjithashtu, angazhimin për thellim tëmarrëdhënieve në fushat ku ka potencial për bashkëpunim më të thelluar në fusha të tjera me interes të ndërsjellë.
Midis dy vendeve ekziston marrëveshja për tregtinë e lirë, si dhe ajo për mbrojtjen e investimeve dhe shmangien e taksimit të dyfishtë. Sipas Presidentit Begaj kjo është një bazë e mirë për rritjen e bashkëpunimit ekonomik.
Një vëmendje të veçantë Presidenti Begaj i kushtoi gjatë kësaj vizite Kosovës. Presidenti vlerësoi mbështetjen e dhënë nga Moldavia në lidhje me aplikimin e Kosovës për t’u bërë anëtare e Këshillit të Evropës dhe kontributin me trupa në misionin e KFOR-it.
“Në këtë frymë të bashkëpunimit, Shqipëria shpreson se Moldavia, kur ta gjykojë të arsyeshme, do të rishqyrtojë edhe çështjen e njohjes së Kosovës. Ne i dimë problemet e brendshme që ekzistojnë, të lidhura me Transnistrian, por gjithsesi, është një çështje që ne mendojmë se do të sillte paqe, stabilitet, bashkëpunim rajonal dhe besim te demokracia”, – deklaroi Presidenti Begaj.
Në agjendën e sotme të Presidentit ishin edhe takimi me një përfaqësi nga Parlamenti i Moldavisë, drejtuar nga Kryetari Igor Grosu, me të cilët u diskutua për thellimin e bashkëpunimit mes institucioneve të dy shteteve si edhe me përfaqësues të diasporës shqiptare në Moldavi.

Apeli në Tiranë la në arrest në burg Xhino Agon duke lënë në fuqi vendimin e 5 dhjetorit  te Gjykatës së Shkallës Parë Juridiksionit të Përgjithshëm Elbasan.

Por siç bënë me dije burimet,  apeli ndryshoi vetëm njërën pikë, në lidhje me vleftësimin e arrestimit në flagrance për personin nen hetim Xhino Ago që e shpalli të paligjshëm, mbasi nuk është prangosur në flagrancë. Ago dyshohet si bashkëpunëtor në vrasjen e Mondi Mëhalla.

Kujtojmë se ngjarja ndodhi më 30 nëntor 2025 në Elbasan. Biznesmeni Mondi Mëhalla u qëllua me armë zjarri sapo doli nga zyra e tij, duke marrë tre plumba që i shkaktuan vdekjen e menjëhershme. Viktima ishte pronar i karburantit “Xhaxhi Oil” dhe një rrjeti taksish në qytet./abcnews.al

Presidenti i SHBA-së, Donald Trump, ka njoftuar një valë tarifash ndaj aleatëve evropianë derisa Shtetet e Bashkuara të lejohen të blejnë Grenlandën.

Në një postim në Truth Social, Trump tha se tarifat prej 10% do të hyjnë në fuqi më 1 shkurt për Danimarkën, Norvegjinë, Suedinë, Francën, Gjermaninë, Mbretërinë e Bashkuar, Holandën dhe Finlandën.

Këto tarifa do të rriten në 25% më 1 qershor dhe do të mbeten në fuqi derisa të arrihet një marrëveshje për blerjen e Grenlandës nga SHBA-të.

Trump akuzoi disa vende evropiane se po luanin një “lojë shumë të rrezikshme” në Grenlandë, duke thënë se “paqja botërore është në rrezik”.

“Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda shkuan në Grenlandë me një qëllim të panjohur. Këto vende janë duke luajtur këtë lojë shumë të rrezikshme, morën një rrezik të papranueshëm”, sipas Trumpit.

Andaj, ai i sheh tarifat si një mënyrë për t’i dhënë fund shpejt kësaj situate potencialisht të rrezikshme. Por, veprimi i tij nuk ka mbetur pa përgjigje.

I menjëhershëm ishte reagimi i disa prej liderëve të vendeve të kërcënuara me tarifa.

Presidenti francez Emmanuel Macron tha se Franca është e përkushtuar ndaj sovranitetit dhe pavarësisë së kombeve, në Evropë e më gjerë.

“Evropianët do t’u përgjigjen atyre në një mënyrë të bashkuar dhe të koordinuar nëse ato do të konfirmohen”, shtoi ai.

Nuk ka munguar as reagimi i kryeministrit britanik Keir Starmer.

“Pozicioni ynë për Grenlandën është shumë i qartë – ajo është pjesë e Mbretërisë së Danimarkës dhe e ardhmja e saj është një çështje për grenlandezët dhe danezët”, tha ai.

Analisti Frok Çupi, i ftuar në emisionin “Ora e Fundit” në ABC News, komentoi njoftimin e kryeministrit Edi Rama se Shqipëria është ftuar të bëhet pjesë e Bordit të Paqes për Gazën, një iniciativë ndërkombëtare e ideuar nga presidenti amerikan Donald Trump.

Sipas Çupit, përfshirja e Shqipërisë në këtë strukturë përfaqëson një ngjarje të rëndësishme ndërkombëtare dhe, sipas tij, lidhet me besimin ndaj rolit diplomatik të vendit, qeverisë dhe kryeministrit Rama, si dhe me përfaqësimin europian të Shqipërisë në nisma paqeruajtëse globale.

“Është një ngjarje shumë e rëndësishme që bëhet në prezencë të kryeministrit Edi Rama. Rama zgjidhet në radhë të krerëve europianë. është një ngjarje shumë e rëndësishme. Është një përfaqësi europianiste. nderi më i madh i bëhet Shqipërisë për shkak se besohet te ky vend, besohet te kjo qeveri dhe besohet te ky kryeministër. Duke qenë se formohet një bord për paqen do të thotë që bota është në luftë, fakti që Rama nuk zgjidhet për protokoll, por zgjidhet për vlerat e qeverisë dhe se ka politika diplomatike dhe paqeruajtëse.

Ndryshimi mes Ramës dhe Berishës është jashtëzakonisht i madh. Berisha krijoi shtetrrethimin. Berisha çfarë nuk i bëri këtij vendi”, tha analisti./abcnews.al

Më në fund u arrit fitorja.

Reali po e priste si ujët e paktë, dhe ja ku Kilian Mbape dhe Arda Gyler e shpëtuan duke I dhënë tri pikët ndaj Levantes.

Madrilenët mbajtën gjallë shpresat për titullin kampion në La Liga, dhe lanë pas dy disfata që u hoqën nga duart dy trofe, në Superkupën e Spanjës dhe në Kupën e Mbretit.

Gjithsesi, pavarësisht epërsisë së madhe në fushë, yjet “merenges” kaluan një pasdite të vështirë.

Publiku prej rreth 80 000 tifozësh në stadiumin “Santiago Bernabeu” nuk fal lehtë, edhe pse momentalisht mund të luash mirë.

E tregoi qartë në shumë momente gjatë ndeshjes, dhe sidomos në përfundim.

Ndër ata që u vërshëllyen e u sulmuan më shumë ishin Vinicius, Xhud Belingham, Hujsen apo Kamavinga.

Vetëm Mbape dhe Arda Gyler si dhe portieri Kurtua mund të quhen të shpëtuar.

“Reali I mbijeton zemërimit të “Bernabeut”, shkruan e përditshmja “Marka”, – ndërsa trajneri I ri, Arbeloa, thotë se ata që sulmojnë presidentin Perez, nuk duan Realin!”

“Gyler shuan zjarrin, – është titulli I gazetës tjetër të kryeqytetit, “AS”, – aktivizimi I turkut shpëtoi Realin nga loja e dobët dhe zemërimi I publikut!”

Pjesa e parë e madrilenëve ishte tepër e dobët, dhe yjet e dinë se asgjë nuk ka përfunduar edhe pse fituan një ndeshje.

Gjithsesi, për momentin Reali është vetëm një pikë prapa Barcelonës që luan mbrëmjen e kësaj të diele.

Vedat Muriqi shkëlqeu edhe një herë fort në La Ligën e Spanjës. Sulmuesi i Kosovës shënoi 3 gola në ndeshjen që skuadra e tij, Majorka, arriti ndaj Bilbaos.
Muriqi realizoi në minutën e pestë, pastaj në minutën e 42-të dhe përfundimisht në minutën e 69-të.

Kjo, edhe pse humbi një penallti. Ylli “dardan” ishte njeriu që kaloi tri herë Majorkën në avantazh. Muriqi është kandidat për Këpucën e Artë në La Ligën e Spanjës, në vendin e dytë të renditjes me 14 gola.

Qeveria izraelite ka reaguar ashpër ndaj njoftimit për përbërjen e Bordit Ekzekutiv të Gazës, duke theksuar se ky vendim është marrë pa asnjë koordinim me Izraelin dhe bie ndesh me politikën e tij zyrtare.

Në një deklaratë, Zyra e Kryeministrit bëri të ditur se çështja është konsideruar mjaft serioze, saqë kryeministri ka udhëzuar Ministrin e Punëve të Jashtme të kontaktojë Sekretarin e Shtetit të Shteteve të Bashkuara për të kërkuar sqarime.

“Njoftimi në lidhje me përbërjen e Bordit Ekzekutiv të Gazës, i cili është në varësi të Bordit të Paqes, nuk u koordinua me Izraelin dhe është në kundërshtim me politikën e tij”, shkruhet në postim.

“Kryeministri i ka udhëzuar Ministrit të Punëve të Jashtme të kontaktojë Sekretarin e Shtetit të SHBA-së për këtë çështje”, shton ai.

Ndryshe, i ashtuquajturi Bordi i Paqes, i zbuluar nga Shtëpia e Bardhë, do të mbikëqyrë qeverisjen e përkohshme të Gazës sipas planit të presidentit amerikan për t’i dhënë fund luftës së Izraelit në Gaza.

Shtëpia e Bardhë njoftoi të premten disa anëtarë të bordit, përfshirë Sekretarin e Shtetit të SHBA-së Marco Rubio, të dërguarin special të presidentit Donald Trump, Steve Witkoff, ish-kryeministrin britanik Tony Blair dhe dhëndrin e Trumpit, Jared Kushner.

Trump do të kryesojë bordin.

Sarandë, aksident automobilistik, dy të plagosur. Ngjarja ka ndodhur pak minuta më parë në rrugën “Karl Topia” në Sarandë. Mjeti tip “Toyota” me targa AB 054 SH me drejtues Ervin Oruçi nga Ksamil ka humbur kontrollin dhe ka dalë nga rruga.

Si pasojë e aksidentit kanë mbetur të plagosur lehtë dy pasagjerët Albion Qendra 22 vjeç nga Ksamili dhe Vlavi Aliu 21 vjeç nga Tirana. Pas ndihmës mjekësore në spitalin e Sarandës kanë shkuar në banesë. Policia e qarkullimit ndodhet në vendngjarje dhe po kryen veprimet hetimore.

Rabdishti është një fshat malor i Dibrës, i cili i mbijetoi dy djegjeve nga serbët në luftrat ballkanike. Fshati i gurit ka qenë i njohur për qindra gurgjendës, që ndërtuan e rindërtuan jo vetëm fshatin e tyre, por punuan në gjithë zonën dhe përtej, deri në vendet ku emigruan. Sabri Shahini është një nga gurgjendësit që ka mbetur në fshat dhe usta i Rabdishtit e ka trashëguar zanatin nga babai dhe vëllezërit. Ai na tregon sesi shtëpia e gurit është kthyer tashmë në bujtinë të gurit. Bashkëshortja, Festa Shahini, na tregon gatimet tradicionale të zonës, që nga grosha tek jufkat dhe pula në qull. Zonjat dibrane mbajnë shtëpitë dhe kujdesen për gjithçka.

“Behet nami” nëse vijnë mysafirë dhe shtëpia nuk është në rregull, na thotë Festa. Sabriu është kthyer nga emigracioni në Greqi dhe Itali dhe ka hapur bujtinën e tij. Fluksi i turistëve vazhdon të rritet. “Ato lekë që i merr një usta në Gjermani, i merr në Shqipëri”, na thotë Sabriu, duke shtuar: “Jam si mbret në Rabdisht… emigracioni “nuk ia vlen” më tani. Pak më tej, është një bujtinë tjetër ku e zonja e bujtinës, Elvina Goleci, na tregon se mëngjesi fillon me petulla dhe dreka me byrekun tradicional me petë të pjekura.

Bashkëshorti i saj, Fitim Goleci, ka qenë për shumë kohë emigrant në Greqi. “Fshati na thirri, kthehuni, se këtu kemi lindur”, na thotë, duke na shpjeguar se ka ikur si adoleshent rrugëve të botës dhe është kthyer më në fund, në shtëpi, për të hapur bujtinën në Rabdisht. Vendlindja thërret, kujtimet e vendit tënd të thërrasin, nuk mund t’i gjesh diku tjetër, na thotë, duke shtuar: “Kudo që të jesh, nuk je vetvetja në vend të huaj”. Në Rabdisht, ashtu si edhe në pjesën tjetër të Dibrës, ka një shprehje për mikpritjen, që shpesh shkakton të qeshura.

“Mikun mund ta lësh pa bukë, po pa dru mos e lër”. Këtu në Rabdisht, kujtimet e fëmijërisë dhe thirrja për t’u kthyer vijnë edhe nga një qilim i punuar nga nëna dhe i ruajtur mirë, por edhe nga një lisharës që sjell shumë nostalgji. Njerëzit këtu janë të urtë e punëtorë. “Nuk shahet” në Dibër, pse ta thuash fjalën e keqe, kur mund ta thuash fjalën e mirë”, na thotë Festa. Dhe në fund, pyetja mbetet, a ia vlen më emigracioni? “50–60 euro i merr në shtëpinë tënde, me dy dhoma të vogla”, na përgjigjet Sabri Shahini!

NASA filloi të zhvendosë raketën e saj hënore Artemis II dhe anijen kozmike Orion në platformën e lëshimit në Qendrën Hapësinore Kennedy.

Udhëtimi i ngadaltë dhe me orë të tëra nis testet përfundimtare përpara misionit të parë hënor me ekuipazh në më shumë se 50 vjet.

Zbatimi i këtij plani është thelbësor, pasi nis fazën përfundimtare të detyrave praktike që NASA duhet të kryejë në platformë.

Këtu, ekipet e lidhin mjetin me sistemet tokësore dhe kryejnë ushtrime numërimi mbrapsht.

NASA ka vendosur 6 shkurtin si datën më të hershme të lëshimit për Artemis II.

Artemis II do të shënojë lëshimin e parë me ekuipazh të NASA-s duke përdorur raketën e Sistemit të Lëshimit Hapësinor (SLS), duke dërguar astronautët në kapsulën Orion në një udhëtim afërsisht 10-ditor që bën një xhiro rreth Hënës përpara se të kthehet në Tokë.

Misioni synon të vërë në provë sistemet e mbështetjes së jetës, udhëzimit dhe sisteme të tjera kritike përpara një fluturimi të ardhshëm të Artemis që planifikon të ulë astronautët në sipërfaqen hënore.

Raketa dhe kapsula prej 11 milionë paundësh janë montuar në një platformë të lëvizshme lëshimi.

Por, NASA paralajmëron se koha e lëshimit mund të ndryshojë për shkak të motit ose problemeve teknike, dhe ka vendosur kufizime të rrepta në lidhje me vetëtimat, erën dhe temperaturën.

Agjencia hapësinore konfirmoi se ekuipazhi përfshin astronautët e NASA-s Reid Wiseman, Victor Glover dhe Christina Koch, me Hansen që i bashkohet si specialist i misionit.

Hansen pritet të bëhet kanadezja e parë e përfshirë në një mision eksplorimi të Hënës.

Në një konferencë për shtyp, kryetari i menaxhimit të misionit Artemis II, John Honeycutt, theksoi se “siguria e ekuipazhit do të jetë përparësia numër 1”.

Ai gjithashtu vuri në dukje se afati kohor varet shumë nga testet e ardhshme në platformë që duhet të shkojnë pa probleme.

Analistët e politikës hapësinore theksuan se fluturimi do të ndjekë një trajektore “kthimi të lirë” – një lak rreth Hënës i projektuar për ta sjellë Orionin përsëri në Tokë edhe nëse motori i tij kryesor dështon.

“Këto janë llojet e ditëve për të cilat jetojmë”, tha Honeycutt ndërsa përgatitjet për lansimin e misionit përfunduan.

David Parker, ish-kreu i Agjencisë Hapësinore të Mbretërisë së Bashkuar, e përshkroi misionin si “një gjë të madhe”, duke shënuar përparim drejt eksplorimit të qëndrueshëm të Hënës dhe përfundimisht të Marsit.

Ndryshe, SHBA-të nuk kanë dërguar astronautë në Hënë që nga Apollo 17 në vitin 1972.

Misioni Artemis I i NASA-s, i cili fluturoi Orionin rreth Hënës pa ekuipazh në vitin 2022, përgatiti terrenin për Artemis II. Ky mision i ardhshëm synon t’i afrohet uljeve me ekuipazh dhe përfundimisht të krijojë një post të qëndrueshëm hënor.

Irani ka filluar të lehtësojë kufizimet gjithëpërfshirëse të komunikimit të vendosura pas protestave vdekjeprurëse antiqeveritare që tronditën vendin për më shumë se dy javë.

Autoritetet kanë rivendosur shërbimin e mesazheve të shkurtra (SMS) në të gjithë vendin si pjesë e një plani me faza pas tetë ditësh ndërprerjeje pothuajse totale të internetit.

Vendimi erdhi pas asaj që përshkruhet si stabilizim i situatës së sigurisë.Autoritetet thanë se ndërprerja e internetit kishte “dobësuar ndjeshëm lidhjet e brendshme të rrjeteve të opozitës jashtë vendit” dhe kishte ndërprerë aktivitetet e “qelizave terroriste”.

Ata thanë se do të heqin gradualisht kontrollet e tjera të internetit dhe komunikimeve.

Zyrtarët thonë se rivendosja do të ndjekë një qasje me faza.

Udhëzimi i vetëm zyrtar deri më tani ka ardhur nga Ministri i Jashtëm i Iranit, Abbas Araghchi, i cili ka thënë se lidhja do të kthehet “së shpejti”.

Ndërkohë, tensionet mbeten të larta në Iran pavarësisht protestave që kanë qenë relativisht të qeta ditët e fundit.

Read More...