Kryetari i Aleancës për Ardhmërinë së Kosovës (AAK), Ramush Haradinaj ka pritur sot përfaqësuesin Special të BE-së për dialogun, Peter Sorensen me të cilin ka biseduar për rëndësinë e partneritetit BE -SHBA dhe për sukseset e arritura në Kosovë dhe në rajon.

Përmes një postimi në rrjetin social në Facebook Haradinaj ka shkruar se Sorensen e ka njoftuar për qëndrimin e Aleancës për të dhënë kontribut të drejtpërdrejtë në formimin sa më të shpejtë të institucioneve të reja.

“Në takim çmova rolin e tij dhe të Bashkimit Evropian, duke theksuar po ashtu rëndësinë e partneritetit BE–SHBA për sukseset e arritura në Kosovë dhe në rajon. E njoftova Sorensen për qëndrimin e Aleancës për të dhënë kontribut të drejtpërdrejtë në formimin sa më të shpejtë të institucioneve të reja, të dala nga zgjedhjet, si dhe për angazhimin tonë në rikthimin e vendit në rrugën e integrimit euro-atlantik. /Telegrafi/

Në Kuvendin e Kosovës që doli nga zgjedhjet e 28 dhjetorit të vitit 2025, janë 9 deputetë që kanë arritur të fitojnë mandatin e deputetit për të shtatën herë, por ka prej tyre që kanë fituar mandatin e 10.

Kryetari i AAK-së, Ramush Haradinaj, është i vetmi deputet në historinë e pasluftës së Kosovës që është zgjedhur në të gjitha legjislaturat e deritanishme, duke fituar gjithsej 10 herë besimin e qytetarëve për t’i përfaqësuar në Parlament, shkruan Telegrafi.

Megjithatë, ka pasur raste kur Haradinaj është tërhequr nga mandati për arsye të ndryshme.

Pas Haradinajt, Enver Hoxhaj ka fituar mandate në 9 legjislatura që nga zgjedhjet e dyta të pasluftës, ndërsa bashkëpartiaku i tij nga PDK, Xhavit Haliti, ka fituar 8 herë ulëse në Kuvend, duke mos u zgjedhur vetëm dy herë (2019 dhe shkurt 2025).

Të tjerët në këtë listë me 7 mandate janë Glauk Konjufca, Blerta Deliu – Kodra, Anton Quni, Armend Zemaj, Hykmete Bajrami dhe Time Kadriaj, të gjithë të zgjedhur rregullisht në zgjedhjet e fundit dhe më parë.

Lista e deputetëve me mandatet e fituara:

Ramush Haradinaj: 2001, 2004, 2007, 2010, 2014, 2017, 2019, 2021, 2025, 2025

Enver Hoxhaj: 2004, 2007, 2010, 2014, 2017, 2019, 2021, 2025, 2025

Xhavit Haliti: 2001, 2004, 2007, 2010, 2014, 2017, 2021, 2025

Glauk Konjufca: 2010, 2014, 2017, 2019, 2021, 2025, 2025

Blerta Deliu – Kodra: 2010, 2014, 2017, 2019, 2021, 2025, 2025

Anton Quni: 2010, 2014, 2017, 2019, 2021, 2025, 2025

Armend Zemaj: 2010, 2014, 2017, 2019, 2021, 2025, 2025

Hykmete Bajrami: 2010, 2014, 2017, 2019, 2021, 2025, 2025

Time Kadriaj: 2010, 2014, 2017, 2019, 2021, 2025, 2025

Kujtojmë Lëvizja Vetëvendosje për herë të parë në zgjedhje nacionale është futur në vitin 2010./Telegrafi/

Kryetari i Aleancës për Ardhmërinë e Kosovës, Ramush Haradinaj, ka reaguar pas zjarrit që përfshiu fabrikën e dyshekëve “Comodita” në Gjakovë, duke e cilësuar këtë kompani si një nga shembujt më të mirë të suksesit të prodhuesve kosovarë.

Haradinaj theksoi se “Comodita”, falë përkushtimit dhe vizionit, ka arritur të jetë konkurrente e denjë në tregjet evropiane dhe botërore, duke përbërë një burim jetese për qindra familje në Kosovë. Sipas tij, lajmi për zjarrin është tronditës jo vetëm për kompaninë, por për ekonominë e vendit në përgjithësi.

Ai shprehu shpresën që nga ky incident të mos ketë punëtorë të lënduar dhe uroi që situata të tejkalohet sa më shpejt, me dëme sa më të vogla.

Po ashtu, Haradinaj falënderoi autoritetet lokale në Gjakovë, Policinë e Kosovës, njësitet e zjarrfikësve si dhe kryetarin e Komunës së Gjakovës, Ardian Gjini, për reagimin e shpejtë dhe angazhimin në shuarjen e zjarrit./Telegrafi/

Kryetari i Aleancës për Ardhmërinë e Kosovës, Ramush Haradinaj, ka reaguar pas situatës së krijuar nga reshjet e vazhdueshme të shiut, të cilat kanë shkaktuar përmbytje në disa zona të Kosovës.

Haradinaj ka theksuar se gjendja është shqetësuese, duke bërë të ditur se në disa vendbanime ka nisur edhe evakuimi i banorëve.

“Situata e krijuar pas reshjeve të vazhdueshme, që kanë shkaktuar përmbytje në disa zona të Kosovës, është tejet shqetësuese. Në disa vendbanime ka filluar edhe evakuimi i banorëve”, ka shkruar Haradinaj në Facebook.

Ai ka bërë të ditur se ka kontaktuar me kryetarët e komunave që udhëhiqen nga Aleanca për Ardhmërinë e Kosovës, për t’u informuar nga afër lidhur me veprimet që po ndërmerren në nivel lokal për përballimin e kësaj situate.

“Kam kontaktuar me kryetarët e komunave nga Aleanca, për t’u informuar mbi veprimet që po i ndërmerr pushteti lokal në përballimin e kësaj situate të rëndë”, ka theksuar ai.

Kreu i AAK-së ka kërkuar angazhim të shtuar nga institucionet qendrore dhe lokale, duke e cilësuar situatën si urgjencë kombëtare.

“Është urgjencë kombëtare që institucionet relevante, si në nivel qendror ashtu edhe lokal, të shumëfishojnë përpjekjet dhe veprimet për përballimin e kësaj gjendjeje”, ka përfunduar Haradinaj. /Telegrafi/

Kryetari i Aleancës për Ardhmërinë e Kosovës, Ramush Haradinaj theksoi sot se gjendja me energji elektrike është alarmante.

Haradinaj në një postim në Facebook shkruan se kjo situatë është e papranueshme dhe kërkon veprim të menjëhershëm.

Lexoni të plotë postimin:

Rezultatet që dolën nga zgjedhjet që sapo i kaluam, kam shqetësimin se nuk do t’i zgjidhin problemet e përditshme me të cilat përballen qytetarët tanë. Gjendja e rënduar me energji është alarmante.

Shumë vendbanime po përballen me reduktime të tejzgjatura, në kohë kur temperaturat janë të ulëta dhe dihet që shumica e qytetarëve të Kosovës ngrohjen e kanë përmes energjisë. Po ashtu, në këtë periudhë ka edhe shumë vëllezër e motra nga diaspora që po i kalojnë pushimet në atdhe.

Kjo situatë është e papranueshme dhe kërkon veprim të menjëhershëm. Është urgjente të investojmë në kapacitete të reja energjetike, përfshirë ndërtimin e termocentraleve me thëngjill dhe gaz, që të mos vazhdojë kjo traumë për qytetarët tanë, si me mungesë të energjisë ashtu edhe me fatura me çmim përtej çdo normaleje. Siguria energjetike të trajtohet si urgjencë kombëtare. /Telegrafi/

Dy ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë përbërja e re e Kuvendit të Kosovës. Komisioni Qendror i Zgjedhjeve (KQZ) ka nisur numërimin e votave për kandidatët për deputetë që nga e hëna, ndërsa deri më tani janë numëruar 46,38% e tyre.

Në këto zgjedhje kanë marrë pjesë rreth 45 për qind e afro dy milionë qytetarëve me të drejtë vote. Rezultatet paraprake tregojnë se zgjedhjet janë fituar bindshëm nga Lëvizja Vetëvendosje e kryeministrit në detyrë, Albin Kurti.

Sipas të dhënave aktuale, më poshtë janë pesë kandidatët më të votuar nga secila parti, kur janë numëruar pak më shumë se një e treta e votave:

Lëvizja Vetëvendosje

• Albin Kurti – 160.850 vota
• Glauk Konjufca – 125,080 vota
• Albulena Haxhiu – 65,370 vota
• Hekuran Murati – 64,768 vota
• Donika Gërvalla – 57,711 vota

Partia Demokratike e Kosovës (PDK)

• Bedri Hamza – 73,114 vota
• Arian Tahiri – 34,418 vota
• Përparim Gruda – 32,051 vota
• Uran Ismaili – 25,336 vota
• Sala Jashari – 22,997 vota

Lidhja Demokratike e Kosovës (LDK)

• Lumir Abdixhiku – 35,284 vota
• Hykmete Bajrami – 22,347 vota
• Ukë Rugova – 19,539 vota
• Avdullah Hoti – 17,298 vota
• Doarsa Kica Xhelili – 17,268 vota

Aleanca për Ardhmërinë e Kosovës (AAK)

• Ramush Haradinaj – 17,894 vota
• Daut Haradinaj – 10,977 vota
• Besnik Tahiri – 10,814 vota
• Bekë Berisha – 7,940 vota
• Agim Çeku – 7,246 vota

Bazuar në të dhënat paraprake, Lëvizja Vetëvendosje pritet t’i ketë 56 ulëse në Kuvend, e pasuar nga PDK-ja me 23, LDK-ja me 15, Lista Serbe me 9 dhe AAK-ja me 6 ulëse.

Personi më i votuar në Kosovë deri më tani është Albin Kurti.

Në zgjedhjet e rregullta të 9 shkurtit, ai kishte marrë 337.791 vota, duke thyer rekordin e mëparshëm të presidentes Vjosa Osmani. Mbetet të shihet nëse Kurti do të arrijë ta forcojë këtë rekord edhe në këto zgjedhje.

Numërimi i votave po vazhdon dhe rezultatet përfundimtare pritet të konfirmohen nga KQZ në ditët në vijim./Telegrafi.

Kryetari i Aleancës për Ardhmërinë e Kosovës, Ramush Haradinaj, ka komentuar rezultatet e Zgjedhjeve të Jashtëzakonshme Parlamentare, duke theksuar se pavarësisht përfundimit të ngërçit institucional, problemet kryesore të qytetarëve mbeten të pazgjidhura.

Në një postim në Facebook, Haradinaj ka deklaruar se qytetarët gjatë fushatës kanë shprehur shqetësime për kolapsin energjetik, ngecjet në proceset integruese euro-atlantike, uljen e investimeve kapitale, pezullimin e projekteve të mëdha, rritjen e kostos së jetesës, stagnimin e pagave dhe largimin e të rinjve nga vendi.

“Rezultati i këtyre zgjedhjeve e zgjidh ngërçin institucional, por kam frikë se nuk i zgjidh problemet dhe shqetësimet e qytetarëve. Kosova do të dobësohet në planin e brendshëm dhe të jashtëm, ndërsa do të fitojnë armiqtë e saj”, ka shkruar ai.

Haradinaj ka bërë të ditur se Aleanca do të respektojë votën e qytetarëve, por do të analizojë proceset e brendshme dhe do të organizojë zgjedhje brenda partisë këtë pranverë për të forcuar strukturat e saj.

Ai gjithashtu ka falënderuar votuesit, aktivistët e partisë dhe kandidatët e Listës 129 për angazhimin gjatë garës zgjedhore.

“Krah teje, Kosovë, pa asnjë kusht!”, ka përfunduar deklaratën e tij Haradinaj. /Telegrafi/

Kryetari i Aleancës për Ardhmërinë e Kosovës, Ramush Haradinaj, ka dalë në një konferencë pas mbylljes së vendvotimeve për të komentuar rezultatet preliminare dhe procesin zgjedhor.

Ai theksoi gatishmërinë e partisë së tij për të bashkëpunuar me partitë opozitare në krijimin e institucioneve të reja.

“AAK nuk ka vënë kushte dhe nuk vendos kushte për opozitën. LDK dhe PDK e kanë një partner dhe jemi të gatshëm të bashkëpunojmë me ta për t’i dhënë vendit një qeveri”, tha Haradinaj.

Ai falënderoi qytetarët për pjesëmarrjen dhe theksoi rëndësinë e diasporës në këtë proces.

“Sot ka fituar demokracia jonë. Ju falënderoj që e mbani gjallë demokracinë, falënderim diasporës tonë që edhe kanë votuar atje dhe kanë ardhur këtu me votuar”, u shpreh Haradinaj.

Haradinaj komentoi gjithashtu rezultatet preliminare të zgjedhjeve.

“Për ne është konfirmuar rezultati 8%, që është rreth 9 mandate. E presim rezultatin final, numërin e të gjitha votave dhe si i tillë ky rezultat na bën krenar.”

Ai gjithashtu komentoi situatën politike dhe bllokadën e mëparshme.

“Jemi ballafaquar me partinë në shtet tash e pesë vjet dhe përkundër zhvillimeve që kanë ndodhur, shihet që bllokada 1-vjeçare e Kurtit nuk jep rezultatin e pritur prej tij. Ende jemi në një situatë të njëjtë. Ne jemi dakord që të veprohet me shpejtësi për të krijuar institucionet. Për të pasur qeveri, Kosova duhet të presë një marrëveshje mes LDK-së dhe PDK-së, për shkak se bllokada është shkaktuar nga LVV e Kurtit”, tha Haradinaj. /Telegrafi/

Kryetari i AAK-së, Ramush Haradinaj, gjatë një konference për media ka deklaruar se procesi zgjedhor po shkon shumë mirë dhe dalja e qytetarëve është e kënaqshme.

“Kanë mbetur më pak se tre orë. I ftoj të gjithë ata që nuk kanë votuar ende ta shfrytëzojnë të drejtën e tyre,” tha Haradinaj.

Ai shtoi se deri tani nuk ka pasur parregullsi të lajmëruara, por theksoi shqetësimin për ndërprerjet e energjisë.

“E dimë që ka pasur ndërprerje të energjisë, gjë që na shqetëson nëse ndodh tani kur të errësohet. I bëj thirrje KEDS-it dhe të gjitha institucioneve që të kenë kujdes që të mos ndërpritet rryma deri të mbyllet procesi i votimit, e po ashtu edhe gjatë numërimit, që të mos prishet ky proces zgjedhor", tha Haradinaj.

Haradinaj përfundoi duke uruar qytetarët dhe shtetin “I uroj Kosovës këto zgjedhje kaq të mira”, tha ai. /Telegrafi/

Kreu i Aleancës për Ardhmërinë e Kosovës, Ramush Haradinaj tha se procesi zgjedhor po ecën shumë mirë dhe se nuk kanë ndonjë shqetësim apo ankesë mbi parregullësi. Në një deklaratë për shtyp për mediat në Kosovë, ai ftoi Kompaninë Kosovare për Distribuim me Energji Elektrike në Kosovë (KEDS-in) të sigurojë energji elektrike të pandërprerë edhe gjatë orëve të mbrëmjes kur mbyllen vendvotimet.

“E kam kënaqësinë t’ju njoftojë se procesi zgjedhor po shkon shumë mirë. Kanë mbetur më pak se tre orë. Po ashtu kam kënaqësinë tju ftoj të gjithëve t’ju ftojë të gjithëve të votoni. Nuk kemi ndonjë parregullsi apo shqetësim, jemi të kënaqun me daljen. E dimë që ka pasur ndalim të rrymës, gjë që na shqetëson. I bëjmë thirrje KEDS-it”, tha ai.

The post AKK mban konferencë për shtyp/ Haradinaj: Procesi zgjedhor po ecën shumë mirë appeared first on Albeu.com.

Nën shoqërimin e nënës së tij, Kryetari i Aleancës për Ardhmërinë e Kosovës, Ramush Haradinaj votoi në shkollën fillore “Heronjtë e Dukagjinit”, në Gllogjan.

Pasi votoi Haradinaj i bëri thirrje qytetarëve të Kosovës ta shfrytëzojnë të drejtën e votës, të vendosin për Kosovën në vitet në vijim, që t’i dalin krah Kosovës.

“I bëj thirrje qytetarëve të Kosovës, të gjithëve ta shfrytëzojnë të drejtën e votës, të votojnë, të vendosin për Kosovën dhe vitet që vijnë, ky është vendimi i tyre që mund ta marrin, t’i dalin krah Kosovës të gjithë”, tha Haradinaj.

Nën shoqërimin e nënës së tij, Rukës Kryetari i Aleancës për Ardhmërinë e Kosovës, Ramush Haradinaj votoi në shkollën fillore “Heronjtë e Dukagjinit”, në Gllogjan.

Pasi votoi Haradinaj i bëri thirrje qytetarëve të Kosovës ta shfrytëzojnë të drejtën e votës, të vendosin për Kosovën në vitet në vijim, që t’i dalin krah Kosovës.

“I bëj thirrje qytetarëve të Kosovës, të gjithëve ta shfrytëzojnë të drejtën e votës, të votojnë, të vendosin për Kosovën dhe vitet që vijnë, ky është vendimi i tyre që mund ta marrin, t’i dalin krahë Kosovës gjithë”, tha Haradinaj.

Në këtë qendër të votimit në Gllogjan të drejtë vote kanë 1450 votues dhe janë dy vendvotime.

Në komunën e Deçanit të drejtë vote kanë 41 mijë e 138 qytetarë, të cilët mund të votojnë në 14 qendra të votimit dhe 51 vendvotime. Edhe kjo komunë ka qendrën e votimit me kusht. /Telegrafi/

Kandidati për deputet nga radhët e Aleancës për Ardhmërinë e Kosovës, Pal Lekaj, ka kujtuar 25-vjetorin e angazhimit të tij politik në këtë subjekt, duke theksuar bashkëpunimin e gjatë me kryetarin e AAK-së, Ramush Haradinaj.

Lekaj, i cili garon me numrin 7-të në Zgjedhjet e Jashtëzakonshme Parlamentare, ka kujtuar 25-vjetorin me një përshkrim interesant në foto, duke ndarë numrin 25 në mënyrë matematikore për të simbolizuar numrin me të cilin garon si kandidat për deputet.

“25 vite krah kryetarit Ramush Haradinaj. 25 vite Aleancë,” ka shkruar Lekaj në një postim në Facebook, duke nënvizuar vazhdimësinë dhe përkushtimin e tij ndaj partisë dhe lidershipit të saj.

Lekaj, i cili edhe më herët ka mbajtur funksione qeveritare dhe partiake, aktualisht është kandidat për deputet në zgjedhjet e ardhshme, ndërsa AAK po zhvillon aktivitetet e saj zgjedhore në prag të procesit elektoral. /Telegrafi/

Sonte, kandidati për deputet nga AAK, Pal Lekaj zhvilloi takime me qytetarët në fshatrat Bec, Zhdrell, Doblibare, Qerim dhe Lugbunar, ku u prit nga një numër i madh qytetarësh që shprehnin dëshirën për ndryshimin e qeverisjes në Kosovë.

Në këto takime, Lekaj u shoqërua nga gjenerali dhe miku i tij i ngushtë, Daut Haradinaj, i cili, sipas Lekajt, “i jep frymë ndryshimit të madh”.

Ai theksoi se besimi në Aleancën për Ardhmërinë e Kosovës është i jashtëzakonshëm, duke shtuar se qytetarët janë më të gatshëm se kurrë për fitoren në zgjedhjet e 28 dhjetorit.

“129 është krah teje!”, përfundoi Lekaj duke u shprehur i motivuar nga mbështetja e qytetarëve.

Kryetari i Aleancës për Ardhmërinë e Kosovës, Ramush Haradinaj, ka reaguar pas njohjes së Kosovës nga Bahamas, duke e cilësuar këtë si një dëshmi të forcës dhe konsolidimit të shtetësisë së vendit në arenën ndërkombëtare.

Në postimin e tij, Haradinaj ka theksuar se kjo njohje, e 121-ta për Kosovën, tregon qartë se rruga euroatlantike e vendit është e drejtë dhe e pakthyeshme.

Ai ka shtuar se Kosova ka nisur një proces avancimi ndërkombëtar dhe se nuk ekziston forcë që mund ta kthejë këtë proces pas.

“Kosova do të vazhdojë të ngritë flamurin e saj si shtet i pavarur, sovran dhe partner serioz për paqen, sigurinë dhe stabilitetin në rajon dhe më gjerë,” ka shkruar Haradinaj, duke uruar qytetarët për këtë zhvillim të rëndësishëm diplomatik.

Aleanca për Ardhmërinë e Kosovës ka hapur sonte në Prishtinë zyrtarisht fushatën për zgjedhjet e parakohshme parlamentare të 28 dhjetorit, në të cilën është shpalosur vizioni dhe programi qeverisës i kësaj partie.

Kryetari Ramush Haradinaj tha se pikat kryesore të programit zgjedhor të AAK-së për zgjedhjet e dhjetorit janë rritja e pagave e pensioneve dhe siguria.

Ai tha se do të ketë mbështetje për sektorin privat, kthim të investimeve, politika më të favorshme fiskale dhe fuqizim të grave në biznes dhe punësim.

Në fjalën e tij, Haradinaj theksoi se pagat dhe pensionet do të dyfishohen dhe se AAK do të qëndrojë pranë familjeve, pensionistëve, punëtorëve të sektorëve të ndryshëm dhe kategorive që kanë kontribuar për vendin.

“Shtylla e dytë e programit tonë që do ta mbajmë është rritja ekonomike. Ne do ta aktivizojmë potencialin që ka Kosova për rritjen ekonomike dhe kthimin e investimeve në vend, kthimin e buxhetit të paraparë për Kosovën dhe politika fiskale të favorshme për bërjen biznes. Do t’i mbështesim bizneset e reja, do t’i mbështesim gratë në biznes dhe në gjetje pune dhe asnjëherë nuk do të ndalemi ta mbështesim fuqizimin e gruas”, tha Haradinaj.

Haradinaj tha se Kosova ka rrugën e qartë për përparim drejt anëtarësimit të saj në NATO si një aleat i besueshëm.

“Siguria shtylla jonë e tretë buron nga ne e bëjmë sigurinë ne të gjithë bashkë krah njeri tjetrit institucionet tona të sigurisë ushtria policia të gjitha institucionet e siguresë e bëjnë sigurinë, por ne e dimë se kemi mundësi e kemi besimin e kemi rrugën e trasuar ashtu siç kemi bërë ushtrinë mund të anëtarësohemi në NATO, jemi aleatë të besueshëm dhe do të anëtarësohemi në NATO”, tha ai.

Ai gjithashtu bëri thirrje që më 28 dhjetor qytetarët të votojnë për listën e AAK-së numër 129.

Kreu i AAK-së, Ramush Haradianj ka folur për nënën e tij, duke theksuar se është e natyrshme të ketë emocione që lidhen me prindin.

Ai ndër tjerash tha se gjatë luftës nuk e ka lëshuar asnjëherë frontin, duke nënvizuar se ka varrosur me duar të tij shumë nga shokët e tij.

“Po e kam nënën gjallë, çka ka faj nëna ime që është gjallë? Është më se e thjeshtë, unë vëllezërit s’i kam, e kam nënën gjallë, a duhet me u bë pengesë kjo? Ose nëse eventualisht me më ballafaqu me emocionet e nënës, unë tash po u dashka me u sjell si guri, si jo njerëzor”.

“Unë nuk e them këta që me i mohu të tjerët ose me u veçu, po kam qenë luftëtar i luftës, nuk e kam leshu në asnjë orë fronin e luftës. I kam pa t’u m’u vra plot, e me duar të mia i kam shti në dhe plot, unë asnjëherë nuk mundohem mos me pa përpara. I kam kry punët që më presin nëse ma jep votuesi votën”, tha Haradinaj në Rubikon të Klan Kosovës.

Haradinaj gjithashtu theksoi se Kosova është një popull me vlera dhe se shumë studiues të huaj e kanë lavdëruar këtë karakteristikë të popullit shqiptar.

Nënkryetari i Lëvizjes Vetëvendosje, Glauk Konjufca, ka komentuar deklaratën e zyrtarit të kësaj partie në Komisionin Qendror të Zgjedhjeve, Alban Krasniqi, lidhur me lotët e nënës së Ramush Haradinajt.

“Loti i nënës së dëshmorëve mallkon dhe vret këdo që e keqpërdorë, në çdo kohë, sidomos në kohë fushatash,” deklaroi Krasniqi.

I ftuar në emisionin Pressing në T7, Konjufca e ka cilësuar deklaratën si të gabueshme dhe të pakujdesshme, duke theksuar se lotët e nënës Rukë nuk mund të gjykohen nga askush.

“Ka qenë deklaratë e pakujdesshme, mendoj që ka qenë e gabueshme. Lotët e nënës së Haradinajve, nënës Rukë, janë lot të dhimbjes, por edhe të krenarisë që i ka dhënë djemtë për lirinë e Kosovës. Ata lot nuk mundet me i gjyku bash askush”, ka deklaruar Konjufca.

Ai shtoi se sakrifica e familjeve që kanë humbur më të dashurit në luftë duhet të trajtohet me respekt dhe ndjeshmëri, pa u përdorur për qëllime politike apo debate publike.

Presidentja e Kosovës, Vjosa Osmani, zhvilloi një audiencë private me Papa Leo XIV, duke e pozicionuar Kosovën në mesin e pak vendeve në botë që janë pritur që nga zgjedhja e tij në maj, sipas takimeve publike të raportuara – më pak se 10 vende.

Ish-ministrja e Punëve të Jashtme të Kosovës, Meliza Haradinaj, vlerëson se ky zhvillim dëshmon angazhimin e Kosovës për paqe, harmoni fetare dhe stabilitet rajonal, si dhe vizionin strategjik të Presidentes Osmani, i cili gjen rezonancë të thellë në Selinë e Shenjtë.

"Në kontekstin e një papati të përjetshëm, takimi i hershëm me Papën e ri krijon një bazë të fortë për mbështetje afatgjate dhe për zhvillimin e marrëdhënieve strategjike me Vatikanin, duke forcuar themelet për njohje dhe bashkëpunim të qëndrueshëm në vitet dhe dekadat që vijnë".

Ky takim shihet si një hap kyç në forcimin e pozitës ndërkombëtare të Kosovës dhe në avancimin e marrëdhënieve strategjike me institucionet e Vatikanit./Telegrafi/

7 vjet më parë në Kuvendit e Kosovës, u votuan tri ligje që mundësojnë transformimin e Forcës së Sigurisë së Kosovës në Ushtri. Ish kryeministri i Kosovës, Ramush Haradinaj e ka quajtur ndër vendimet më të rëndësishme, e ish gjeneralët e FSK-së e kujtojn si ditën më të lumtur të tyre.“Urime ushtarë të atdheut prej sot gaditu…”.

Është data 14 dhjetor i vitit 2018, dita kur 106 deputetë të Kuvendit të Kosovës i dhanë dritën jeshile, trasformimit të Forcës së Sigurisë së Kosovës, në ushtri, duke votuar tri projektligje me të cilat niste transformimi në një periudhë 10 vjeçare.

Këtë të dielë janë bërë 7 vjet nga kjo ditë, e Forca e Sigurisë së Kosovës tashmë ka hyrë në vitet vendimtare të transformimit të saj.

Gjatë asaj kohe kryeministër i Kosovës ishte Ramush Haradinaj, e cili në përvjetorin e 7-të tha se ka qenë ndër vendimet më të rëndësishme shtetformuese të pasluftës, duke ndarë në facebook, pjesë ta fjalimit të tij vite më parë.

Ish-gjenerali i Forcës së Sigurisë së Kosovës, Afrim Veseli ka kujtuar momentet e asaj dite që mbetet gjithmonë në kujtesen e tij.

“Nuk mund ta harroj asnjëherë gjatë tërë jetës sime, kur etërit e luftës për liri Hashim Thaçi, Kadri Veseli dhe Ramush Haradinaj erdhën atë natë dhe mbajtën cermoninë në Ministrinë e Forcës së Sigurisë së Kosovës, që nga ajo natë u shëndrrua në minitri të mbtojtjes, pra i gjithë ky rrugëtim u kapitalizua me ndryshimet ligjore duke i falenderuar atë kohë ish kryeministrit Ramush Haradinaj…”, ka deklaruar Veseli.

Por ai po thotë se duhet mbështetur edhe më shumë ushtrinë.

“Gjatë gjithë këtyre viteve që nga ajo datë Forca e Sigurisë së Kosovës ka pasur një progres të jashtëzakonshëm duke iu falenderuar pjestarëve të FSK-së, që me përkushtimin më të madh kanë arritur ti ngritin kapacitetet e Forcës së Sigurisë së Kosovës që ajo sa më shpejtë të bëhet operacionale sipas këtij plani zhvillimore 10 vjecar, se cfarë duhet bëhet që ushtria jonë të forcohet për ushtrinë tonë cdo herë cdo vit duhet të ndahen kapacitete financiare..”, ka theksuar ai.

Ushtarët e Kosovës, tashmë kanë tejkaluar të gjitha parashikimet në progresin e bërë gjatë këtyre viteve, thotë njohësi i sigurisë Avni Islami.

“Sot shtatë vite forca e sigurisë së Kosovës ka marr epitetin e plotë e ushtisë së Kosovës pra si rezultat i punës dhe sakrificës së UÇK-së, TMK-së dhe sot e kemi forcat e armatosuara të Kosovës, pra FSK-në e cila deri më sot ka arrritur një shkallë të lartë të profesionalizmit dhe logjistikës dhe të gjitha parashikimet janë tejkaluar në avancimin dhe kompletimin e Forcës së Sigurisë së Kosovës dhe unë bvesoj që vitet në vijim dhe tash kur bota po vlonë nga strategjitë e tyre armatimine tyre të njëjtën rrugë do shkojë edhe FSk-ja…”, ka theksuar Avni Islami – Njohës i sigurisë.

Forca e Sigurisë së Kosovës u themelua më 2009 në bazë të Planit të Ahtisaarit, dokument i cili edhe çoi drejt pavarësimit të Kosovës.

Pas përfundimit të luftës në Kosovës, në marrëveshje me NATO-n u formuan trupat mbrojtës të Kosovës, si forcë për emergjenca e që më pas u shëndrruan në Forcën e Sigurisë së Kosovës./Tv Dukagjini/

- YouTube youtu.be