Barcelona ka pësuar humbje në udhëtim te Real Sociedadi, në kuadër të xhiros së 20-të në La Liga.

Katalunasit dominuan plotësisht por që pësuan humbje me rezultat 2-1.

Pas vetëm shtatë minutave lojë, Fermin Lopez shënoi një gol të bukur por që u anulua nga VAR-i pas një faulli në ndërtimin e aksionit.

Lamine Yamal gjithashtu gjeti rrjetën por sërish e njëjta. Këtë herë, VAR-i e anuloi si pasojë e një pozite jashtë loje (28’).

Ishte Mikel Oyarzabal që shënoi një gol të bukur pas asistimit të Guedes (32’).

Barcelona pastaj fitoi edhe një penallti sidoqoftë, sërish u anulua. Këtë herë shkaku që kishte një pozitë jashtë loje gjatë ndërtimit të aksionit.

Barcelona u kthye në lojë falë Marcus Rashford që shënoi pas bashkëpunimit me Lamine Yamal (70’).

Sidoqoftë, në aksionin tjetër – Sociedadi e ktheu epërsinë përmes Guedes (71’).

Në fundin e ndeshjes, vendasit edhe mbeten me një lojtar më pak pasi Carlos Soler u ndëshkua direkt me karton të kuq pas një ndërhyrje të rëndë te Pedri (88’).

Sidoqoftë, vendasit arritën të mbrohen për të mos lënë befasi. Kësisoj, Barcelona mbetet lider me 49 pikë ndërsa Sociedadi ngjitët në pozitën e tetë me 24 sosh./Telegrafi

Trajneri i Benfikës, José Mourinho, ka hedhur poshtë kategorikisht thashethemet që e lidhin atë me një rikthim të mundshëm te Real Madridi.

Së fundmi, disa raportime kanë pretenduar se presidenti i “Los Blancos”, Florentino Pérez, po shqyrton mundësinë e rikthimit të trajnerit portugez për një mandat të ri në stolin madrilen, por këto spekulime janë mohuar nga vetë Mourinho.

Special One e ka quajtur këtë si 'telenovelë' dhe ka hedhur poshtë mundësinë të marrë drejtimin e Realit.

“Mos u mbështetni tek unë për telenovela. Ka telenovela të mira, por janë shumë të gjata; nëse humbisni një ose dy episode, pastaj humbisni gjurmët. Mos u mbështetni tek unë, sepse unë nuk shikoj telenovela”, u shpreh ish-trajneri i Chelseat.

Trajneri portugez drejtoi Real Madridin për tre sezone, nga viti 2010 deri më 2013.

Pas aventurës me madrilenët, Mourinho ka qenë në krye edhe të Chelsea-t, Manchester United-it, Tottenham Hotspur-it, Romës, Fenerbahçes dhe aktualisht të Benfikës. /Telegrafi/

Vedat Muriqi është futbollisti i momentit te Mallorca, por edhe i javës padyshim në La Liga pas het-trikut ditën e shtunë ndaj Athletic Bilbao.

Futbollisti i RCD Mallorca, Vedat Muriqi, i cili shënoi një tregolësh në fitoren 3-2 kundër Athletic Club, ka konfirmuar se ndihet i lumtur në ishull dhe ka zbuluar se drejtori sportiv, Pablo Ortells, i kishte thënë se nuk do ta shiste.

“Jam i lumtur këtu, kam një kontratë dhe gjërat janë ashtu siç janë. Nëse një sulmues shënon shumë gola, natyrisht do të vijnë oferta, por unë jam i lumtur këtu dhe klubi ka vendosur për të ardhmen time", tha Muriqi pas ndeshjes, që shënoi tregolëshin e tij të parë me Mallorcën.

Reprezentuesi kosovar ka zbuluar edhe bisedën që kishte me drejtorin sportiv të Mallorcas.

“Fola me Pablo Ortells dy ditë më parë dhe i lashë vendimin në dorë të tij. I thashë se nuk mund të flisja për negociata sepse sapo kishim rinovuar kontratat tona. Nëse klubi do të shpëtohej nga paratë e shitjes sime, atëherë ai duhet ta vendoste, por ai tha jo dhe unë jam i lumtur këtu”, vazhdoi tutje Muriqi.

Prizrenasi shkëlqeu me tre gola ndaj Bilbaos dhe shprehet shumë i lumtur me golat e shënuar.

“Jam shumë i lumtur. E dija që isha në një seri të mirë, por kjo nuk mjaftonte për të fituar ndeshjet. Tregolëshi im i parë me Mallorcën dhe tre pikët e fituara janë edhe më të rëndësishme”.

“Gjatë gjithë javës kemi folur për këtë, kemi rikthyer atë që na ka munguar të gjithëve – një ekip që lufton për çdo top. Kështu fitohen ndeshjet. I dimë gabimet tona, dhe këto tre pikë do të na ndihmojnë të përmirësojmë renditjen tonë", përfundoi ylli dardan. /Telegrafi/

Kontrata e David Alabas me Real Madridin skadon në verën e këtij viti dhe për të siguruar minuta të rregullta loje në prag të Kupës së Botës me përfaqësuesen e Austrisë, mbrojtësi po shqyrton seriozisht një largim që gjatë afatit dimëror.

Një klub i Superligës turke tashmë po tenton të veprojë shpejt.

Koha e David Alabas te Real Madridi pritet të përfundojë jo më vonë se vera e ardhshme, kur kontrata e tij aktuale skadon.

Lëndimet e shpeshta, disa prej tyre serioze, e kanë penguar ish-lojtarin e Bayern Munich që të ketë vazhdimësi te “Los Blancos”, duke bërë që ai rrallëherë ta veshë fanellën e bardhë në ndeshje zyrtare.

Megjithatë, 34-vjeçari vazhdon të jetë titullar i rregullt me kombëtaren austriake dhe ka nevojë për më shumë praktikë në nivel klubesh, në mënyrë që të mbetet konkurrues në arenën ndërkombëtare.

Sipas raportimeve të medias turke Fanatik, Besiktas e ka vënë në shënjestër qendërmbrojtësin dhe tashmë ka nisur negociatat me përfaqësuesit e lojtarit. Kontakti zyrtar me Real Madridin pritet të ndodhë së shpejti, ndërsa klubi nga Stambolli raportohet se është i gatshëm të paguajë një tarifë të vogël transferimi për shërbimet e tij.

Besiktas synon të veprojë me shpejtësi për të kaluar konkurrentët e tjerë në garë, të cilët nuk mungojnë. Përveç Fiorentinës, interesim për Alabën kanë shfaqur edhe disa klube të MLS-së, përfshirë New York City FC dhe Charlotte FC. Ndërkohë, raportohet se agjenti i tij, Pini Zahavi, po e pozicionon lojtarin edhe në tregun e Arabisë Saudite. /Telegrafi/

Mallorca shënoi një fitore të rëndësishme me rezultat 3-2 në shtëpi ndaj Athletic Bilbaos në kuadër të javës së 20-të në La Liga.

Hero për vendasit në këtë ndeshje ishte sulmuesi kosovar Vedat Muriqi, i cili shkëlqeu duke realizuar het-trik.

Muriqi fillimisht serinë e golave e hapi në minutën e pestë, duke realizuar për rezultatin 1-0 pas asistimit nga Sergi Darder.

Në minutën e 42-të, vendasit fituan një penallti të cilën e shndërroi në gol sulmuesi kosovar për rezultatin 2-1.

E jashtëzakonshme: Vedat Muriqi bëhet golashënuesi i dytë më i mirë në historinë e Mallorcas

Ylli dardan arriti që ta kompletojë het-trikun në pjesën e dytë, duke realizuar sërish nga pika e bardhë, kësaj radhe në minutën e 69-të për rezultatin 3-2.

Pas përfundimit të ndeshjes, bashkëlojtarët e tij e nënshkruan topin me të cilin Muriqi realizoi het-triku duke lënë edhe disa mesazhe.

Mes shumë mesazheve, bie në sy ai i Marash Kumbullës i cili i është drejtuar Muriqit në gjuhën shqipe duke i thënë “Ta hanksha zemrën”.

“Ja ku është. Të them të drejtën jam shumë i lumtur: ky është het-triku im i parë me Mallorcën. Tani synojmë edhe më shumë, por ky sukses është gjithashtu një dhuratë nga bashkëlojtarët e mi”.

“Për shumë gola të tjerë. Pa dyshim, Abdon. Hajde, pirati im! Të duam, Lato. Pirata, më i miri. Dhe pastaj Marash, në shqip: ta hanksha zemrën. Të dua Vedat dhe shumë mesazhe tjera, faleminderit”, ka thënë Muriqi pas lojës./Telegrafi/

Mallorca po avancon me rezultat 3-2 në shtëpi ndaj Athletic Bilbaos në kuadër të javës së 20-të në La Liga.

Vendasit kaluan në epërsi qysh në minutën e pestë, ku autor i këtij goli ishte sulmuesi kosovar Vedat Muriqi, i cili realizoi në minutën e pestë për rezultatin 1-0 pas asistimit nga Sergi Darder.

Megjithatë, i shpejtë ishte reagimi i mysafirëve, të cilët vetëm tre minuta më vonë ia dolën të barazojnë shifrat në 1-1 me anë të Unai Gomez.

Në minutën e 42-të, vendasit fituan një penallti të cilën e shndërroi në gol sulmuesi kosovar për rezultatin 2-1, por kjo epërsi sërish nuk zgjati shumë pasi mysafirët edhe njëherë tjetër barazuan për 2-2 me Nico Williams.

Sulmuesi kosovar arriti që ta kompletojë het-trikun në pjesën e dytë, duke realizuar sërish nga pika e bardhë, kësaj radhe në minutën e 69-të për rezultatin 3-2.

Pas këtij tregolëshi, Muriqi shkon në kuotën e 14 golave në La Liga duke rivalizuar emra të mëdhenj në garën për Pichichi si Kylian Mbappe dhe Ferran Torres./Telegrafi/

Barcelona rikthehet në aksion në La Liga të dielën, teksa udhëton drejt San Sebastian për t’u përballur me Real Sociedadin.

Megjithatë, gjatë 24 orëve të fundit ka pasur shumë pak fokus te ndeshja, pasi lajmi kryesor ka qenë largimi i afërt i Dro Fernandez.

Më herët gjatë kësaj jave, Dro e informoi Barcelonën se do të largohej, me PSG-në që aktualisht shihet si favoritja kryesore për ta transferuar atë.

Në lidhje me këtë situatë, trajneri Hansi Flick u pyet për mendimin e tij, sipas Diario AS.

“Do të flas kur kjo të ketë ndodhur tashmë; tani nuk është koha. Si trajner, ajo që bëjmë është t’u japim besim lojtarëve. Përpiqesh të besosh tek ata që të rriten”.

“E di gjithashtu që ka njerëz rreth tij. Dua të pres që kjo të mbetet pas. Nëse ai vendos të ndryshojë klub, atëherë do ta trajtojmë situatën. Tani nuk është momenti”.

“Situata sot është se të gjithë janë këtu. Nëse çështja e Dro nuk është e mbyllur, nuk do t’i përgjigjem kësaj pyetjeje. Por jemi në botën e futbollit dhe ndonjëherë ndodhin gjëra”.

“Mund të mos jeni dakord me atë që bëjnë, por ata janë të rritur. Ka njerëz rreth tyre dhe kjo mund t’i nxisë. Por nuk dua të flas më, mendoj se kaq mjafton”, deklaroi tekniku gjerman./Telegrafi/

Mallorca po luan baraz me rezultat 2-2 ndaj Athletic Bilbaos në një ndeshje që i përket javës së 20-të në La Liga.

Vendasit kaluan në epërsi qysh në minutën e pestë, ku autor i këtij goli ishte sulmuesi kosovar Vedat Muriqi, i cili realizoi në minutën e pestë për rezultatin 1-0 pas asistimit nga Sergi Darder.

Megjithatë, i shpejtë ishte reagimi i mysafirëve, të cilët vetëm tre minuta më vonë ia dolën të barazojnë shifrat në 1-1 me anë të Unai Gomez.

Ky gol i pësuar nuk e zmbrapsi Mallorcën, të cilët ia dolën ta rikthejnë eventualisht ta rikthejnë sërish epërsinë.

Në minutën e 42-të, vendasit fituan një penallti të cilën e shndërroi në gol sulmuesi kosovar për rezultatin 2-1, por kjo epërsi sërish nuk zgjati shumë pasi mysafirët edhe njëherë tjetër barazuan për 2-2 me Nico Williams.

Për Muriqin, ky ishte goli i tij i 13-të deri më tani në këtë edicion të garave në La Liga.

Vlen të theksohet që Muriqi tashmë ka 47 gola të realizuar me Mallorcën, duke tejkaluar kështu legjendën Juan Arango me 45 gola, ndërsa për objektiv tani ka vetëm Samuel Eto’o, i cili numëron plot 54 sosh./Telegrafi/

Mallorca po luan ndaj Athletic Bilbaos në një ndeshje që i përket javës së 20-të në La Liga.

Vendasit kaluan në epërsi qysh në minutën e pestë, ku autor i këtij goli ishte sulmuesi kosovar Vedat Muriqi, i cili realizoi në minutën e pestë për rezultatin 1-0 pas asistimit nga Sergi Darder.

Për Muriqin ky ishte goli i tij i 12-të deri më tani këtë sezon në La Liga, duke konfirmuar kështu formën spektakolare nëpër të cilën po kalon.

Megjithatë, i shpejtë ishte reagimi i mysafirëve, të cilët vetëm tre minuta më vonë ia dolën të barazojnë shifrat në 1-1 me anë të Unai Gomez.

Mallorca po kalon në një formë jo aq të mirë pasi nuk ka asnjë fitore në tri takimet e fundit në kampionat.

Një fitore eventuale sot do të ishte një hap i madh për t’u larguar edhe më shumë nga zona e cila çon në kategorinë e dytë të futbollit spanjoll./Telegrafi/

Real Madridi ka shënuar fitore me rezultat 2-0 në shtëpi ndaj Levantes në kuadër të javës së 20-të në elitën e futbollit spanjoll.

Kjo ndeshje u përcoll me një atmosferë tejet armiqësore për lojtarët e ‘Los Blancos’, pas fishkëllimave të shumta nga tifozët në stadium.

Disfata në finale e Superkupës së Spanjës ndaj Barcelonës dhe eliminimi nga Kupa e Mbretit bëri që tifozët të shpërthejnë në protesta.

Të gjithë lojtarët e Real Madridit u fishkëllyen nga tifozët në përjashtim të Mbappes ku cak i tyre kryesor u duk se ishte Jude Bellingham dhe Vinicius Junior.

Megjithatë, kjo nuk mjaftoi pasi një pjesë e konsiderueshme e stadiumit nisi të kërkojë edhe dorëheqjen e Florentino Perez.

Brohoritja zgjati pak, por ishte qartësisht e dëgjueshme dhe aspak e izoluar, pasi shumë tifozë iu bashkuan.

Pas përfundimit të pjesës së parë, teksa skuadrat po drejtoheshin drejt tunelit, thirrjet kundër presidentit të Real Madridit u rikthyen, kësaj here me dukshëm më shumë zëra sesa në minutën e pestë./Telegrafi/

Real Madridi ka shënuar fitore me rezultat 2-0 në shtëpi ndaj Levantes në kuadër të javës së 20-të në elitën e futbollit spanjoll.

Pjesa e parë u karakterizua nga lojë e kujdesshme dhe ndërhyrje të forta, me të dyja skuadrat që patën vështirësi të krijonin raste të pastra. Levante rrezikoi në minutën e 42-të, kur Pablo Martinez ekzekutoi një goditje të rrezikshme nga distanca, por topi kaloi shumë pranë shtyllës së djathtë.

Në pjesën e dytë, Real Madridi rriti presionin dhe në minutën e 56-të fitoi një penallti, pas një ndërhyrjeje të palejuar nga Dela.

Vendimi u konfirmua edhe pas rishikimit nga VAR-i, ndërsa Kylian Mbappé u tregua i saktë nga pika e bardhë në minutën e 58-të, duke mposhtur portierin Matheë Ryan për rezultatin 1-0.

Pas golit, madrilenët vazhduan të dominojnë dhe në minutën e 65-të dyfishuan epërsinë. Pas një goditjeje këndi të ekzekutuar në mënyrë perfekte nga Arda Guler, Raul Asencio u ngrit më lart se të gjithë në zonë dhe me kokë e dërgoi topin në rrjetë për 2-0.

Real Madridi ishte pranë golit të tretë në disa raste. Në minutën e 76-të, Franco Mastantuono goditi fuqishëm nga distanca, por topi u ndal nga traversa.

Vetëm dy minuta më pas, Jude Bellingham ishte shumë pranë golit, por portieri Matheë Ryan bëri një pritje spektakolare ndaj goditjes me kokë të anglezit.

Edhe Levante pati momentet e saj, me Ivan Romero që në minutën e 71-të lëshoi një goditje të rrezikshme nga skaji i zonës, por topi kaloi pak mbi traversë.

Në fund, Real Madridi menaxhoi qetësisht avantazhin dhe siguroi fitoren 2-0, duke treguar efikasitet në momentet vendimtare dhe kontroll të plotë në pjesën e dytë./Telegrafi/

Talenti 18-vjeçar i Barcelonës, Dro Fernandez pritet të nënshkruaj me Paris Saint-Germain pasi ka vendosur të shfrytëzoj klauzolën e lirimit.

Gazetari Loic Tanzi mbështet më tej raportet për transferimin e afërt të mesfushorit të Barcelonës, Dro Fernandez, te Paris Saint-Germain.

Sipas tij, mesfushori 18-vjeçar do të nënshkruajë një kontratë me gjigantët francezë deri në vitin 2030.

Pavarësisht interesit nga gjigantët evropianë si Manchester City, Borussia Dortmund dhe Chelsea, PSG është favorit për të siguruar nënshkrimin e spanjollit, pasi thuhet se ka arritur një marrëveshje në parim me të.

Paris Saint-Germain do të duhet të shfrytëzojë klauzolën e lirimit prej 6 milionë eurosh. /Telegrafi/

Real Madridi po luan aktualisht ndeshjen e xhiros së 20-të të La Ligas në shtëpi kundër Levantes, dhe lojtarët e ekipit vendas përjetuan një pritje të tmerrshme nga tifozët e tyre.

Domethënë, kur dilnin për ngrohje dhe në fillim të ndeshjes, pati vërshëllima të forta nga tifozët.

Është një skenë që ‘Santiago Bernabeu’ nuk e mban mend dhe e gjitha kjo u shkaktua nga shkarkimi i Xabi Alonsos, i cili u pasua nga Alvaro Arbelo.

Mbretërit përjetuan dy humbje radhazi, kundër Barcelonës dhe Albacetes, të cilat tifozët nuk ia falën dhe i pritën me vërshëllima të mëdha e të fuqishme.

Braziliani Vinicius Junior dhe anglezi Jude Bellingham ishin veçanërisht nën sulm, të cilët tifozët i fajësojnë për largimin e Xabi Alonsos nga stoli i Real Madridit.

Ndryshe, pjesa e parë e ndeshjes me Real Madridit dhe Levantes u mbyll pa gola. /Telegrafi/

Real Madridi rikthehet sot (e shtunë) në ‘Santiago Bernabeu’ për herë të parë që nga shkarkimi i Xabi Alonsos, gjë që shkaktoi një valë kritikash si midis tifozëve ashtu edhe komentatorëve.

Edhe përkundër se iu pëlqente shumë Alonso, në tribunat e Bernabeut mund të dëgjoheshin përsëri pakënaqësi të forta, këtë herë jo vetëm në kurriz të Vinicius Junior, por edhe brenda klubit.

Duke pasur parasysh këtë, Real Madridi tashmë u ka dërguar një mesazh të ashpër tifozëve që do të donin të vërshëllenin në stadium kundër Levantes.

Pjesa e tifozëve që njihet si Grada de Animacion

Real Madridi do ta monitorojë në mënyrë strikte sektorin

Sipas mediumit Cadena SER, drejtuesit e klubit kanë vendosur një vijë të qartë në lidhje me sjelljen e tifozëve, veçanërisht ndaj "Grada de Animacion", sektorit me tifozët më të zhurmshëm. Ata thuhet se u kanë thënë anëtarëve të këtij sektori se do të ushtrohet mbikëqyrje e rreptë gjatë ndeshjes.

Udhëzimi është i qartë dhe nuk lë vend për interpretim: pas ndeshjes, klubi synon të shqyrtojë pamjet filmike të kamerave të sigurisë nga tribuna. Ultimatumi është që çdo anëtar i "Grada de Animacion" që filmohet duke vërshëllyer ekipin do të ndalohet të hyjë në atë sektor.

Qëndrimi i klubit është qartësisht ai i tolerancës zero ndaj atmosferës negative në sektorin kryesor të tifozëve. Mesazhi për këta tifozë është i drejtpërdrejtë: "Kushdo që dëshiron të vërshëllej, le të vërshëllej jashtë stadiumit".

Me Vinicius Jr. që është vërshëllyer në javët e fundit dhe shkarkimin e Xabi Alonsos që ka nxitur më tej tensionet midis tifozëve, bordi është i etur që “Grada de Animacion” të jetë një burim mbështetjeje e zëshme, jo proteste.

Ndërsa nuk mund ta kontrollojnë të gjithë stadiumin, klubi ka vendosur të shtypë agresivisht pakënaqësinë brenda sektorit të tij më të organizuar. /Telegrafi/

Trajneri i Barcelonës, Hansi Flick, është shprehur i kënaqur me ndikimin që ka pasur Marcus Rashford, i huazuar nga Manchester United, por ka theksuar se vendimi përfundimtar për një transferim të përhershëm i takon drejtorit sportiv Deco dhe drejtuesve të klubit.

“Paraqitjet e tij kanë qenë të mira deri më tani, por kjo është diçka që duhet ta menaxhojmë së bashku me Decon dhe klubin. Ende kemi mjaft kohë përpara, muaj të tërë,” ka deklaruar Flick.

“Marcus është një lojtar i nivelit të lartë dhe ne e kuptojmë situatën e tij. Ne jemi Barça dhe jemi një nga klubet më të mira në botë”.

Trajneri gjerman bëri edhe një krahasim me filozofinë e klubit ndaj lojtarëve të rinj nga La Masia.

“Është njësoj si ajo që them për lojtarët e La Masias. Ne u japim mundësinë të luajnë dhe u besojmë atyre”.

“Nëse dëshiron të luash për Barçën, ne do të jemi 100 për qind pas teje. Këtë dua ta shoh edhe nga lojtarët e tjerë”, përfundoi ai.

Kujtojmë se Barcelona do të zhvillojë ndeshjen e saj të radhës të dielën, ku do të luajë si mysafire e Real Sociedadit./Telegrafi/

Ka gjithnjë e më shumë tituj mediatikë, veçanërisht në Spanjë, që kanë të bëjnë me Real Madridin, ose më saktë me personin që do të ulet në stolin e zjarrtë të Klubit Mbretëror pas Alvaro Arbeloas.

Spanjollët duan trajnerin gjerman Jurgen Klopp, i cili aktualisht është drejtori aktual i operacioneve sportive te Red Bull.

Klopp tha publikisht vetëm pak ditë më parë se nuk i intereson çfarë po ndodh te Reali dhe se Red Bull është vendi i duhur për të.

Klopp zbulon nëse do ta marrë drejtimin e Real Madridit

Tani ai është fotografuar në një ndeshje të NBA në Berlin midis Orlando Magic dhe Memphis Grizzlies, dhe megjithëse dukej i qetë, bota e futbollit ende po flet për atë se ku mund të përfundojë ai më pas.

Një gazetar i ESPN e pyeti gjithashtu në mënyrë indirekte për vazhdimin e karrierës së tij, duke lënë të kuptohet se "edhe në Madrid e duan shumë basketbollin".

Klopp qeshi dhe u përgjigj me të qeshur: “Kjo është fantastike. Ndoshta njëri prej tyre e pa edhe këtë ndeshje”. /Telegrafi/

Talenti i madh i Barcelonës, Dro Fernandez ka vendosur të aktivizojë klauzolën e largimit gjatë këtij afati kalimtar të janarit dhe tashmë disa klube evropiane kanë filluar interesimin për transferimin e tij.

Sipas gazetarit italian Fabrizio Romano, Paris Saint-Germain ka paraqitur propozimin e tyre për mesfushorin e talentuar të Barcelonës, me bisedimet që vazhdojnë për të siguruar transferimin e tij në janar.

18-vjeçari, i cili ka një klauzolë lirimi me vlerë 6 milionë euro, e ka njoftuar klubin katalanas se do të largohet në këtë afat kalimtar dhe përveç PSG-së edhe dy klube tjera evropiane e duan transferimin e tij.

Manchester City dhe Borussia Dortmund kanë paraqitur gjithashtu oferta konkrete për Dro Fernandez, i cili ka vendosur të largohet përfundimisht nga Camp Nou.

Megjithatë, shumica e raportimeve tregojnë se PSG është në “pole position” për mesfushorin 18-vjeçar, për të cilin shoqëruesit e tij po i vlerësojnë ofertat pa nxitim, me një vendim për destinacionin e tij të radhës shumë afër.

Te Barça, largimi i talentit spanjoll vjen si një befasi e madhe, me trajnerin Hansi Flick thellësisht të zhgënjyer nga vendimi i tij, pasi i kishte dhënë disa herë minuta në këtë sezon. /Telegrafi/

Christian Kofane ka tërhequr vëmendjen e Real Madridit, të cilët janë gjithmonë të etur të identifikojnë lojtarë të rinj premtues që dalin në futbollin evropian. Sulmuesi 19-vjeçar i Bayer Leverkusen është një nga emrat që gjeneron raportet më pozitive.

Ngritja e sulmuesit kamerunas nuk ka kaluar pa u vënë re. Shfaqja e tij në garat e nivelit të lartë ka ngjallur interes nga disa klube, përfshirë Real Madridin, të cilët po e monitorojnë nga afër progresin e tij.

Në Valdebebas, ata e njohin mirë profilin e Kofane. Forca fizike, hapësira për përmirësim dhe aftësia për të garuar në mjedise kërkuese - cilësi që i përshtaten gjithmonë raporteve të vëzhguesve.

Interesi i Real Madridit aktualisht nuk nënkupton një lëvizje të menjëhershme. Sky Sports Germany raporton se Bayer Leverkusen e vlerëson Kofanen me mbi 50 milionë euro.

Një shifër e lartë për një lojtar që është ende në zhvillim e sipër. Edhe pse vlera e tij në treg është rreth 22 milionë, klubi gjerman po i referohet potencialit të tij dhe kërkesës për të.

Deri më tani këtë sezon, Kofane ka pesë gola dhe pesë asistime në 23 ndeshje në Bundesligë, Kupë të Gjermanisë dhe Ligën e Kampionëve. Shifra interesante, por ende larg justifikimit të një investimi të asaj madhësie.

Te Real Madridi besojnë se sulmuesi nuk ka provuar ende mjaftueshëm për të justifikuar përparimin e nënshkrimit të tij mbi opsionet e tjera që janë tashmë në skuadër.

Prioritetet aktuale të Real Madridit

Planifikimi sportiv i Real Madridit është i përqendruar në pozicione të tjera. Mesfusha dhe mbrojtja janë fushat që gjenerojnë konsensusin më të brendshëm si nevoja të menjëhershme.

Sulmi, nga ana tjetër, krenohet me talentë të rinj të vendosur dhe të tjerë me potencial të madh. Për këtë arsye, megjithëse Kofane pëlqehet, një lëvizje sulmuese nuk po merret në konsideratë nëse nuk përfaqëson një mundësi strategjike.

Brenda klubit, dhjetëra lojtarë janë duke u monitoruar. Të qenit në atë listë nuk garanton një transferim, por përkundrazi ndjekje të vazhdueshme për të vlerësuar progresin dhe kontekstin. Në këtë kuptim, rasti i Kofane është i ngjashëm me profile të tjera që janë vëzhguar për muaj të tërë pa u realizuar asnjë lëvizje. /Telegrafi/

Barcelona pritet të humbasë mesfushorin e talentuar Dro Fernandez, i cili do të largohet nga klubi gjatë këtij afati kalimtar.

Adoleshenti spanjollo-filipinas kishte nisur të bëjë përparim me ekipin e parë të Barcelonës këtë sezon, por ka vendosur ta vazhdojë karrierën diku tjetër.

Sipas Sport dhe Mundo Deportivo, Dro do të largohet nga klubi në janar, pasi i ka komunikuar drejtuesve se do të aktivizojë klauzolën e lirimit prej 6 milionë eurosh.

18-vjeçari iu bashkua akademisë së Barcelonës tre vite më parë dhe, ndonëse katalanasit do të përfitojnë financiarisht nga ky transferim, humbja e tij përfaqëson edhe një kosto të konsiderueshme sportive për të ardhmen.

Dro kishte nisur të stërvitej me ekipin e parë gjatë fazës përgatitore, ndërsa trajneri Hansi Flick u impresionua mjaftueshëm për ta përfshirë në turneun parasezonal në Japoni dhe Korenë e Jugut.

Nga të gjithë talentët e La Masias që morën pjesë në këtë turne, ai ishte lojtari që grumbulloi më shumë minuta, duke shënuar edhe gol.

Flick ishte i interesuar t’i jepte vazhdimisht hapësira, dhe megjithëse ka kaluar më shumë kohë me ekipin U19 sesa me Barça Atlètic, ai ka regjistruar pesë paraqitje me ekipin e parë këtë sezon.

Në këto paraqitje përfshihen edhe dy ndeshje si titullar ndaj Olympiakos dhe Real Sociedad, duke dhënë një asist në ndeshjen e parë.

Drejtori sportiv Deco kishte tentuar të rinovonte kontratën e tij, e cila skadon pas vetëm 18 muajsh, por disa klube kanë shprehur gatishmëri për të aktivizuar klauzolën e lirimit.

Edhe pse Dro ende nuk ka vendosur se cilën ofertë do të pranojë, ai i ka bërë të ditur klubit se do të largohet./Telegrafi/

Vetëm tre ditë pas eliminimit befasues nga Kupa e Mbretit, Real Madridi rikthehet në aksion në La Liga, teksa të shtunën pret në “Santiago Bernabeu” skuadrën e Levantes, e renditur në vendin e 19-të.

Debutimi i Álvaro Arbeloas në krye të skuadrës ishte një makth i vërtetë. “Los Blancos” pësuan humbje 3-2 ndaj Albacetes, skuadër nga kategoria e dytë, duke u eliminuar në fazën e 1/16-ave të finales së Kupës së Mbretit.

Ky rezultat i rëndë ka shtuar edhe më shumë dyshimet dhe shqetësimet rreth largimit të papritur të Xabi Alonsos dhe gjendjes aktuale të klubit madrilen.

E vetmja anë pozitive e këtij dështimi ishte fakti se pjesa më e madhe e yjeve të Real Madridit mbetën në Madrid, duke përfituar pushim të domosdoshëm përpara rikthimit në kampionat. Megjithatë, pavarësisht turbulencave, Reali nuk ka luksin të humbasë pikë ndaj një Levanteje në vështirësi, nëse dëshiron të vazhdojë presionin ndaj Barcelonës në krye të tabelës.

Arbeloa do të ketë mungesa të shumta për këtë takim. Rodrygo, Eder Militão, Antonio Rudiger, Trent Alexander-Arnold dhe Ferland Mendy janë jashtë për shkak lëndimi. Lajmi pozitiv është rikthimi i Kylian Mbappe në stërvitje me grupin, teksa sulmuesi francez është përfshirë në listën e të grumbulluarve për ndeshjen e së shtunës.

Me këtë situatë, mbetet të shihet se si do të rreshtohet Real Madridi ndaj Levantes në këtë duel të rëndësishëm të La Ligës, në një moment delikat për skuadrën dhe trajnerin e ri.

Arbeloa pritet të kërkojë reagim të menjëhershëm nga lojtarët e tij, për të rikthyer besimin dhe qetësinë pas një goditjeje të rëndë në Kupë.

Formacioni i mundshëm pritet të jetë kështu./Telegrafi