Jude Bellingham ka reaguar ndaj raportimeve se kishte një marrëdhënie të keqe me Xabi Alonson, duke lëshuar një deklaratë të ashpër ku ka kritikuar hapur median.

Pas humbjes së Real Madridit ndaj rivalëve historikë të Barcelonës në finalen e Superkupës së Spanjës, e zhvilluar në Xhedah të Arabisë Saudite, klubi konfirmoi ndarjen nga Alonso.

Trajneri spanjoll drejtoi ish-klubin e tij vetëm për shtatë muaj, një periudhë gjatë së cilës u përball me presion të vazhdueshëm.

Që nga publikimi i lajmit për largimin e tij, janë shfaqur disa raportime që pretendojnë të zbardhin atë që ndodhi prapa skenave gjatë mandatit të Alonsos, me disa media që sugjeronin se ai kishte një marrëdhënie të tensionuar me yllin e skuadrës, Jude Bellingham.

Tashmë që Alonso ka lënë Real Madridin, mesfushori anglez ka vendosur të flasë dhe t’u përgjigjet këtyre thashethemeve, duke e bërë të qartë se nuk është aspak i kënaqur me to.

Dihet se gjatë kohës sa ishte trajner i Real Madridit, Alonso pati një përplasje mjaft publike me Vinicius Junior, i cili ende nuk ka reaguar pas largimit të trajnerit spanjoll.

Megjithatë, Bellingham ka hedhur poshtë raportimet që e krahasonin marrëdhënien e tij me Alonson me atë situatë, duke i quajtur “klounë” mediat që pretenduan se ai dhe ish-trajneri i tij ishin në marrëdhënie të këqija.

“Deri tani kam lënë të kalojnë shumë prej këtyre gjërave, gjithmonë duke shpresuar se e vërteta do të dilte në dritë në kohën e vet. Por sinqerisht… çfarë marrëzie”.

“Vërtet më vjen keq për njerëzit që kapen pas çdo fjale të këtyre klounëve dhe ‘burimeve’ të tyre”.

“Mos besoni gjithçka që lexoni. Herë pas here, këta duhet të mbahen përgjegjës për përhapjen e këtij lloj dezinformimi të dëmshëm, vetëm për klikime dhe për të shtuar polemika”, ka shkruar anglezi./Telegrafi/

Kombëtarja e Senegalit do të përballet me atë të Egjiptit sot (e mërkurë) në kuadër të gjysmëfinaleve të Kupës së Kombeve të Afrikës.

Këto dy skuadra do të luajnë me fillim nga ora 18:00 në stadiumin “Ibn Batouta” që ka një kapacitet prej 75,500 mijë personash.

Te Senegali nga minuta e parë nisin emra të njohur si Edouard Mendy, Kalidou Koulibaly, Sadio Mane dhe Nicolas Jackson.

Ndërkohë te Egjipti nga minuta e parë e nisin yjet si Mohamed Salah dhe Omar Marmoush që udhëheqin sulmin e tyre.

Kujtojmë se fituesi i kësaj përballje do të takohet në finale me fituesin e çiftit tjetër Niger-Marok që zhvillohet me fillim nga ora 21:00.

Formacionet zyrtare:

Senegal: Mendy, Diatta, Koulibaly, Niakhate, Diouf, Diarra, Gueye, P.Gueye, Ndiaye, Jackson, Mane.

Egjipt: El Shennawy, Ibrahim, Fatouh, Abdelmaguid, Rabia, Hany, Fathy, Attia, Ashour, Salah, Marmoush.

/Telegrafi/

Daniele De Rossi po punon intensivisht për ta nxjerrë Genoan nga momenti i vështirë, ndërsa drejtuesit e klubit janë gati ta mbështesin me përforcime në afatin kalimtar.

Pas barazimit 1-1 ndaj Milanit dhe fitores bindëse 3-0 kundër Cagliarit, kuqeblutë kanë nisur lëvizjet konkrete për të rritur cilësinë në mesfushë.

Sipas raportimeve nga Italia, Kristjan Asllani është një nga objektivat kryesorë të Genoas në këtë afat kalimtar.

Sky Sport bën me dije se klubi po monitoron nga afër situatën e mesfushorit shqiptar dhe po shqyrton mundësinë e afrimit të tij.

Ideja e Genoas është t’i ofrojë De Rossit një mesfushë më të ekuilibruar dhe funksionale, me lojtarë që dinë të menaxhojnë ritmin e lojës dhe presionin në momentet delikate.

Në këtë kuadër, profili i Asllanit vlerësohet shumë: një organizator para mbrojtjes, i saktë në pasime, i fortë në ndërprerje dhe me eksperiencë në Serie A.

Aktualisht Asllani është i huazuar nga Interi te Torino, por aventura me “Granata” duket drejt fundit, pasi mesfushori shqiptar nuk bën më pjesë në planet e trajnerit Marco Baroni.

Ndërsa pritet një zgjidhje mes Interit dhe Torinos për të ardhmen e tij, Genoa është futur seriozisht në garë për ta transferuar.

Në këtë sezon të Serie A, Asllani ka regjistruar 15 paraqitje me Torinon, pa mundur të gjejë rrugën e rrjetës.

Megjithatë, vlerat e tij mbeten të padiskutueshme dhe interesi për shërbimet e tij ka qenë i madh, me klube si Parma, Fiorentina, Sassuolo, Girona dhe Paris FC që janë përmendur më herët.

Nëse Genoa arrin të plotësojë këto kërkesa dhe të gjejë gjuhën e përbashkët me Interin, Asllani mund të jetë një nga përforcimet kyçe për ekipin e De Rossit në pjesën e mbetur të sezonit./Telegrafi/

I ftuari i radhës në podcastin “Arena e Yjeve” ishte portieri i njohur Betim Halimi. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Portieri kosovar, Betim Halimi, ka ndarë një nga përvojat më të paharrueshme në karrierën e tij, duke folur për momentet kur ka pasur fatin të punojë dhe të udhëtojë me legjendën e futbollit, Yaya Toure.

Halimi tregon se ajo që e bëri Touren të veçantë nuk ishte vetëm cilësia e jashtëzakonshme e stërvitjeve, por edhe thjeshtësia dhe sjellja e tij si njeri.

“Ja nisën mediat në Ukrainë të shkruanin për Yaya Toure po vjen ndihmëstrajner. Po e pabesueshme ka qenë deri sa e pamë me sytë tanë”.

“Domethënë është prej krejt lojtarëve me emër që i kam takuar e që kam luajtur kundër tyre, si Yaya Toure nuk më kanë parë sytë”.

“Aq i thjeshtë. Domethënë ai ka qenë i privilegjuar në klubin tonë me kushte se ne udhëtonim për shembull me tren nga 9 orë me një qytet tjetër për të luajtur, Yaya e ka pasur avionin privat për të udhëtuar”.

“Kurrë nuk ka shkuar, vetëm me ne. 9 orë me tren ne 9 ai. Kur shkonim në Mariupol për të luajtur, i bënim nga 17 orë rrugë”.

“Sidoqoftë, trenat kanë qenë të mirë me dhomë gjumi, por pa marrë parasysh 17 orë janë shumë. Yaya Toure asnjëherë nuk është ndarë nga ekipi, gjithmonë me neve”.

“Me çka kemi shkuar ne edhe ai me neve. Por edhe kështu e ka pasur filozofinë e lojës e këto i ka pasur tjetër nivel”.

“Me qenë një lojtar i nivelit të Yaya Toures që ka luajtur në kohë të artë të Barcelonës, edhe të jesh aq djalë i mirë, i sjellshëm dhe i thjeshtë, nuk e kisha imagjinuar”, ka rrëfyer Halimi.

Episodin e plotë me Betim Halimin mund ta ndiqni edhe në kanalin zyrtar të Telegrafit në YouTube./Telegrafi/

- YouTube www.youtube.com

I ftuari i radhës në podcastin “Arena e Yjeve” ishte portieri i njohur Betim Halimi. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Betim Halimi ka rrëfyer një histori tejet interesante duke treguar se si ai dhe shokët e tij të skuadrës te Olimpik Donetsk, kishin marrë 10 mijë euro premio nga Shakhtar Donetsk për të ndalur me barazim rivalin e tyre për titull Dinamo Kiev.

“Para lojës futet brenda, thasë me vete kishte pasur. Ka 15 mijë dollarë për kokë lojtari, nëse fitoni i keni nga Shakhtari nëse fitoni, 10 mijë për barazim”.

“Ka pas qenë Demir Imeri që ka luajtur në Shqipëri. Pati ardhur në atë sezon edhe ndeshja e tij e parë e dytë ke kur ndodhi, edhe kur e pa po kthehet ka unë dhe po thotë seriozisht e ka a, thashë bablok këto para ne po i kapim tash ti bëje një përpara se e bëjmë zero mbrapa”.

“Edhe e fillojmë ndeshjen, shumë presion bën Dinamo sepse i ka pasur këta Tsygankov që po luan në Girona. Ka qenë si Arjen Robben, veç mos me i lënë hapësirë sepse të majtën e ka pasur tjetër nivel”.

“Edhe shumë ka qenë ky Yarmolenko, Andriy Yarmolenko, pra ka pasur lojtarë Dinamo krejt emra i ka pasur”.

“Edhe ne mirë u mbajtëm në pjesën e parë, prej zonës së 16 metërshit nuk dilnim por mirë 0-0 përfundoi pjesa e parë. Si fillon pjesa e dytë, një kundërsulm i yni i pari, 1-0 për ne”.

“Edhe po tash referat atje janë pak të çuditshëm. Menjëherë pas golit kontakti i parë jashtë zonës, direkt karton i kuq, edhe pse i kishte ai kapiteni ynë na kishte pesë gjashtë lojtarë mbrapa, sepse ne krejt aty ishim”.

“Deri në minutën 75-80-të u mbajtëm dhe pastaj na e bëri Tsygankov një super gol, 1-1 dhe e vazhduam ashtu lojën duke u mbrojtur, mbaroj loja 1-1 dhe tash as nuk ishim që të gëzoheshim aq shumë sepse ishte 1-1, por edhe mu hidhëru jo sepse e dije që si të futesh brenda të presin 10 mijë dollarë”, ka rrëfyer Halimi.

Episodin e plotë me Betim Halimin mund ta ndiqni edhe në kanalin zyrtar të Telegrafit në YouTube./Telegrafi/

- YouTube www.youtube.com

I ftuari i radhës në podcastin “Arena e Yjeve” ishte portieri i njohur Betim Halimi. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Portieri i njohur kosovar, Betim Halimi, ka ndarë përvojën e tij të jashtëzakonshme kur kishte mundësinë të stërvitej për një javë në Cobham, qendra stërvitore e Chelseat, duke e përshkruar atë si një eksperiencë “të pabesueshme”.

Gjatë asaj periudhe, portieri kosovar pati mundësinë të stërvitej me emra të njohur të futbollit botëror, duke përfituar përvojë të çmuar.

“Me thënë të drejtën hala nuk mundem me besu. E kam harruar si histori se është e pabesueshme se kam qenë një javë në Cobham, qendra stërvitore e Chelseat”.

“Tash kur shkon ti nga Vllaznia e Pozheranit, në një qendër stërvitore ku i sheh krejt grupmoshat, me ekip të parë, mandej kushtet, 28 fusha të stërvitjes”.

“Dukej sikur ke humbur brenda, nuk e dije ku do të stërvitesh, domethënë diçka që është e pabesueshme”.

“Në atë kohë nuk kemi pasur në futboll të Kosovës ne asgjë, nuk i kemi pasur kushtet elementare”.

“Shkova të ushtroja me Tammy Abraham, me Charly Musonda me lojtarë shumë emra që sot janë në klube të mëdha”, ka rrëfyer Halimi.

Episodin e plotë me Betim Halimin mund ta ndiqni edhe në kanalin zyrtar të Telegrafit në YouTube./Telegrafi/

I ftuari i radhës në podcastin “Arena e Yjeve” ishte portieri i njohur Betim Halimi. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Portieri i njohur kosovar, Betim Halimi, ka ndarë përvojën e tij të veçantë kur mori mundësinë për të shkuar në prova te Chelsea, një moment që ai e përshkruan si “shumë të pabesueshëm dhe të çuditshëm”.

“Me të tregu drejtën ka qenë shumë e pabesueshme edhe e çuditshme edhe më kujtohet shumë mirë kur pata apliku për vizë të Anglisë në ambasadë, nuk e besonte askush”.

“Po çka Chelsea? Edhe pati ndodhur prej një menaxhere shqiptar, në fakt nuk ka qenë menaxher por ka pasur shoqëri me menaxhera”.

“Është e çuditshme se ajo ka qenë e gjinisë femërore ka qenë e Zvicrës dhe më kishte ofruar tri-katër mundësi me ekipe shumë të mëdha si Chelsea, tash nuk po më kujtohet cilat pasi kjo punë i ka 10 vjet dhe nuk po më kujtohet cilat ekipe kanë qenë dhe vendos ku dëshiron të shkosh ta provosh vetën”.

“Edhe me ardh përshembull në atë kohë, tash me qenë tash pak më ndryshe janë gjërat, por në atë kohë ka qenë diçka e pabesueshme edhe unë po i them jo në Chelsea e kam qejf Chelsean po shkoj aty”.

“Edhe kur filluan bisedat të bëheshin më serioze ma dërgoi ftesën e Chelseat, mi mori njëherë të dhënat e mia e disa video çfarë iu interesonin atyre dhe kur më erdhi ftesa ishte e pabesueshme”, ka rrëfyer Halimi.

Episodin e plotë me Betim Halimin mund ta ndiqni edhe në kanalin zyrtar të Telegrafit në YouTube./Telegrafi/

I ftuari i radhës në podcastin “Arena e Yjeve” ishte portieri i njohur Betim Halimi. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.

Halimi ka rrëfyer në detaje rrugëtimin e tij në futboll, duke u ndalur te momentet kyçe që kanë shënuar karrierën e tij, veçanërisht ftesa e papritur nga Chelsea për të shkuar në prova – një përvojë unike që, sipas tij, erdhi falë punës, përkushtimit dhe paraqitjeve të vazhdueshme.

Portieri kosovar tregoi edhe për stërvitjen në qendrën legjendare Cobham, ku pati mundësinë të punojë në kushte elitare dhe të takohet nga afër me yjet e Chelseat, një përvojë që i hapi sytë për nivelin më të lartë të futbollit evropian.

Një pjesë interesante e bisedës iu kushtua edhe historisë së tij me legjendën ukrainase Vyacheslav Shevchuk, nga i cili Halimi tha se mësoi shumë si në aspektin profesional, ashtu edhe në atë njerëzor.

Ai zbuloi gjithashtu një prapaskenë të veçantë nga koha në Ukrainë, ku për një paraqitje të shkëlqyer fitoi një premio prej 10 mijë eurosh nga Shakhtari, duke e cilësuar atë moment si një nga shpërblimet më domethënëse të karrierës së tij.

Në podcast, Halimi foli edhe për punën me legjendën Yaya Toure, duke e përshkruar si një figurë unike dhe frymëzuese: “Nuk kam parë kurrë dikë si ai”, u shpreh portieri, duke theksuar ndikimin e madh që Toure kishte në mentalitetin dhe qasjen e tij ndaj futbollit.

Episodin e plotë me portierin e njohur Betim Halimi mund ta ndiqni në kanalin zyrtar të Telegrafit në YouTube./Telegrafi/

Eric Garcia ka folur përpara finales së Superkupës së Spanjës ndaj Real Madridit, duke vënë në pah përqendrimin dhe vetëbesimin e Barcelonës, si dhe motivimin shtesë që sjell përballja me rivalët e përjetshëm.

Duke reflektuar mbi dallimet me Clasicon e mëparshëm, mbrojtësi pranoi se humbja ende dhemb, por theksoi rëndësinë e ndeshjes së së dielës.

“Humbja në Clasico na dhembi. Para së gjithash, nesër është një finale dhe është shumë e rëndësishme. Fakti që është kundër Madridit është një motivim shtesë”.

Garcia nënvizoi gjithashtu rëndësinë e këtij trofeu për moralin e skuadrës, sidomos përpara një muaji janar të ngarkuar.

“Po hyjmë në një janar të ndërlikuar. Javën e ardhshme kemi tri gara. Ky titull të jep hapësirë për frymëmarrje dhe vetëbesim”.

“Është e rëndësishme për të gjithë të shtojmë edhe një trofe. Shumica prej nesh jemi shumë të rinj. Do të ishte një shtysë e madhe”, shpjegoi ai.

Duke parë përpara sfidës që paraqet Kylian Mbappe i Real Madridit, Garcia pranoi cilësinë e sulmuesit, por mbeti i sigurt në planin e lojës së Barcelonës.

“Mbappe apo jo? Ne e dimë që ai është një lojtar që bën diferencën, një nga më të mirët në botë, por nëse përmirësojmë atë që bëmë mirë në Clasico, do të marrim një rezultat të mirë”, tha ai.

Në fund, mbrojtësi theksoi ndikimin pozitiv të mbështetjes familjare brenda skuadrës.

“Shumica prej nesh i kanë prindërit këtu. Është e rëndësishme ta kesh familjen afër. Lidhja që kemi mes lojtarëve dhe prindërve është pozitive. Shpresojmë që nesër të festojmë një titull së bashku”, përfundoi Garcia./Telegrafi/

Real Madridi ka marrë lajme inkurajuese lidhur me gjendjen fizike të Kylian Mbappés përpara finales së Superkupës së Spanjës, megjithëse ende mbetet kujdes në lidhje me aktivizimin e tij të mundshëm.

Sipas Rodra, rezultatet e rezonancës magnetike (MRI) që Mbappe i është nënshtruar të premten në Valdebebas kanë qenë shumë më të mira sesa pritej fillimisht.

Sulmuesi thuhet gjithashtu se po ndihet më mirë, çka ka rritur shpresat se ai mund të jetë në dispozicion për finalen që do të luhet në Xhedah.

Mbappe po vuan nga një ndrydhje e gjurit të majtë që nga fundi i dhjetorit, problem që e detyroi të mungojë në gjysmëfinalen e Superkupës së Spanjës me Real Madridin dhe ngriti dyshime serioze për gatishmërinë e tij në përballjen vendimtare.

Edhe pse përditësimi i fundit mjekësor është pozitiv, brenda dhomës së zhveshjes vazhdon të ketë shqetësim për shkak të kohës së gjatë që ai ka qenë jashtë ritmit të ndeshjeve zyrtare.

Frika kryeore te Real Madridi lidhet me rrezikun e rikthimit të menjëhershëm të Mbappés në një finale pas periudhës së mungesës.

Për këtë arsye, stafi teknik pritet të tregojë kujdes maksimal, ndërsa roli i tij, qoftë si titullar, si zëvendësues nga stoli apo pushim i plotë do të vendoset vetëm në momentet e fundit./Telegrafi/

Dy gjigantët turk, Galatasaray dhe Fenerbahçe do të takohen sot (e shtunë) me fillim nga ora 16:45 në kuadër të finales së Superkupës së Turqisë.

Kjo ndeshje ishte paraparë fillimisht të luhej me fillim nga ora 20:30, por deri tek ky ndryshim i orarit erdhi për shkak të erës së fortë në Stamboll dhe reshjeve të pritshme në mbrëmje.

Teksa kanë mbetur më pak se 2 orë deri në fillimin e këtij takimi, tashmë ka shpërthyer një përleshje e madhe mes tifozëve.

Dy tifozeritë u përballën me njëra-tjetrën afër stadiumit dhe u desh intervenimi i forcave të rendit për të parandaluar përshkallëzimin e ngjarjes.

Vlen të theksohet se kjo finale do të zhvillohet në Stadiumin Olimpik ‘Ataturk’ dhe gjyqtar kryesor do të jetë Halil Umut Meler.

Hera e fundit kur këto dy skuadra janë përballur këtë sezon ka qenë në kuadër të javës së 14-të të Superligës së Turqisë.

Ai takim kishte përfunduar pa fitues, me të dy skuadrat që luajtën baras 1-1 ku për Galatasaray kishte realizuar Leroy Sane ndërsa për Fenerbahçen, Leroy Sane./Telegrafi/

Trajneri i Bayern Munichut, Vincent Kompany, ka këmbëngulur se nuk ka folur me Lennart Karl për deklaratat e tij të fundit rreth Real Madridit, pasi ritheksoi se talenti i ri ka kërkuar falje për “gabimin e tij në komunikim”.

Trajneri i bavarezëve doli në mbrojtje të 17-vjeçarit, i cili ngriti shumë pikëpyetje më herët këtë muaj duke zbuluar se është “ëndrra” e tij të luajë për gjigantët spanjollë të Real Madridit.

Në një deklaratë tronditëse gjatë një eventi me tifozët e Bayernit më herët këtë javë, Karl pranoi se “padyshim” ka ambicie të luajë për Real Madridin në një moment të karrierës së tij, duke befasuar të pranishmit.

Tashmë, Karl ka marrë mbështetje nga trajneri Kompany, i cili vlerësoi se nuk kishte nevojë ta merrte mënjanë për një bisedë, pasi ai reagoi duke punuar “vërtet shumë fort” në stërvitje gjatë kësaj jave.

“U përpoqa ta shihja situatën nga larg. Po shikoj pamjen e përgjithshme dhe kontekstin: çfarë bën çdo ditë një Lennart Karl 17-vjeçar? Ai stërvitet mirë dhe shumë fort. Sa 17-vjeçarë e bëjnë këtë?”.

“Ai punon jashtëzakonisht fort për ekipin në aspektin mbrojtës, ai jep maksimumin çdo ditë në stërvitje, në ndeshje dhe në takime”.

“Ndoshta ka bërë një gabim të vogël në komunikim, por pamja e përgjithshme për të në moshën 17-vjeçare”.

“Ai është ende i fokusuar në gjërat e duhura. Ai pati një javë shumë të mirë stërvitore. Ka bërë shumë për t’i merituar minutat e tij”.

“Ai e thirri menjëherë Christoph-in dhe Max-in dhe kërkoi falje për atë që tha. Unë u përpoqa të jem i vetmi person që nuk flet me të për këtë”.

“TikTok-u foli për këtë, Instagrami foli, BILD foli, Kicker, Sky, çfarëdo qoftë, të gjithë kishin një mendim. Kështu që u përpoqa të jem i vetmi që nuk flet me të për këtë”, ka deklaruar Kompany./Telegrafi/

Michael Owen ka dhënë vlerësimin e tij për vështirësitë që po has Viktor Gyokeres te Arsenali, duke shprehur dyshime nëse sulmuesi posedon cilësinë e nevojshme për të performuar vazhdimisht kundër skuadrave më të forta të Ligës Premier.

Ish-sulmuesi anglez beson se problemet e Gyokeres tregojnë hendekun e madh mes të shkëlqyerit në Portugali dhe paraqitjeve në nivelin më të lartë në Angli.

Gyokeres ndërtoi një reputacion të jashtëzakonshëm gjatë dy sezoneve të tij në Portugali, ku u konsiderua gjerësisht si një nga sulmuesit më të frikshëm në Evropë.

Ai iu bashkua Arsenalit pasi kishte humbur një pjesë të madhe të fazës përgatitore, por pritshmëritë mbetën të larta që të përshtatej shpejt dhe të udhëhiqte repartin ofensiv.

Megjithatë, përshtatja e tij ka rezultuar e vështirë, duke përforcuar idenë se suksesi në Portugali jo gjithmonë përkthehet lehtësisht në Ligën Premier.

Edhe pse i pranon cilësitë e Gyokeres, Owen ka vënë në pikëpyetje aftësinë e tij për të ndikuar në ndeshjet kundër kundërshtarëve elitarë.

“Dhe e dini çfarë? Kundër Burnleyt, Nottingham Forestit, Evertonit, kushdo qoftë, ai ndoshta do të shënojë shumë gola, ai di të finalizojë dhe do të jetë në zonë”.

“Por për t’i fituar këto ndeshje kundër Liverpoolit, të duhet pak më shumë klas, thjesht pak më shumë klas dhe pikërisht aty është vendi ku ai mungon”, ka thënë Owen./Telegrafi/

Juventusi është në bisedime të avancuara me Liverpoolin për një transferim të mundshëm të Federico Chiesas, raporton mediumi italian Tuttosport.

Gjigantët e Serie A po shqyrtojnë mundësinë e një huazimi gjashtëmujor, i cili mund të shndërrohet në transferim të përhershëm, në varësi të numrit të paraqitjeve të anësorit në gjysmën e dytë të sezonit.

Nga ana tjetër, Liverpooli preferon një shitje të drejtpërdrejtë, por Juventusi po këmbëngul për një strukturë më fleksibile të marrëveshjes për t’iu përshtatur kërkesave të ‘Të Kuqve’.

Chiesa thuhet se është i hapur për një rikthim në Torino dhe ka kontaktuar ish-bashkëlojtarë për t’u informuar mbi ndryshimet që kanë ndodhur në ‘Allianz Stadium’ që nga largimi i tij në vitin 2024.

Sipas Gazzetta dello Sport, 28-vjeçari ua ka bërë të qarta synimet të gjitha palëve, duke sinjalizuar dëshirën për të lënë Ligën Premier pas vetëm 18 muajsh dhe për t’u rikthyer në një projekt që ka pësuar një transformim rrënjësor që nga largimi i tij.

Veçanërisht, Chiesa e sheh projektin aktual nën drejtimin e Luciano Spallettit dhe Giorgio Chiellinit si ambientin ideal për të udhëhequr krijimin e një ‘bërthame italiane’ të re në ‘Allianz Stadium’.

Nga ana e hierarkisë së ‘Bianconerëve’, Chiesa përfaqëson profilin ideal për të forcuar identitetin dhe cilësinë teknike të skuadrës, pa pasur nevojë për një periudhë përshtatjeje.

Ndërkohë, Liverpooli po mban qëndrim për një transferim të përhershëm në vlerën 12–15 milionë euro, për të rikuperuar investimin e bërë, ndërsa Juventusi vazhdon të shtyjë për një huazim me opsion blerjeje./Telegrafi/

KF Llapi ka zyrtarizuar përforcimin më të ri në repartin defensiv, duke arritur marrëveshje me qendërmbrojtësin Ahmed Domazet, i cili nga tani do të jetë pjesë e skuadrës bardhekaltër.

Domazet është formuar te ekipi i Strugës, ndërsa gjatë karrierës së tij ka qenë pjesë edhe e disa klubeve në Maqedoninë e Veriut, përfshirë Karaormanin, Ohrin dhe Vardarskin, ku ka fituar përvojë të rëndësishme në futbollin vendor.

Me mbrojtësin është nënshkruar kontratë njëvjeçare, me mundësi vazhdimi edhe për një sezon tjetër, në përputhje me objektivat dhe projektin sportiv të klubit.

Njoftimi i plotë i Llapit:

KF Llapi njofton se ka arritur marrëveshje me futbollistin Ahmed Domazet, i cili i bashkohet klubit tonë si përforcim në repartin defensiv.

Qendërmbrojtësi i fomuar në ekipin e Strugës, gjatë karrierës së tij ka qenë pjesë edhe e skuadrave të Maqedonisë së Veriut si Karaormani, Ohri dhe Vardarski, duke fituar përvojë të vlefshme në futbollin vendor.

Me Ahmed Domazet është nënshkruar kontratë njëvjeçare, me mundësi vazhdimi edhe për sezonin e dytë, në përputhje me objektivat dhe projektin sportiv të klubit.

Domazet vjen te Llapi si një futbollist me potencial zhvillimi, duke shtuar opsionet dhe konkurrencën në fazën mbrojtëse të skuadrës sonë për vazhdimin e sezonit.

KF Llapi i uron mirëseardhje Ahmedit dhe shumë suksese me fanellën bardhekaltër./Telegrafi/

Malisheva po përgatitet që së shpejti të bëjë një goditje të madhe në afatin kalimtar të transferimeve.

Siç ka mësuar Telegrafi, drejtuesit e klubit janë shumë afër arritjes së një marrëveshjeje me futbollistin e talentuar Rion Xhemaili.

Xhemaili, 22-vjeçar, i lindur dhe i rritur në Zvicër, është vëllau binjak i futbollistes së njohur Riola Xhemaili, e cila tashmë përfaqëson Zvicrën në kategorinë e femrave dhe aktualisht është pjesë e gjigantit holandez PSV Eindhoven.

Rioni është produkt i akademisë së Baselit, atje ku kishte kaluar në moshë shumë të hershme nga Solothurni. Për Baselin ai luajti nga grupmoshat U17 deri tek ato U21.

Rion dhe Riola Xhemaili

Për Xhemailin, sipas burimeve të afërta me lojtarin, interesim kanë shprehur disa klube të njohura kosovare, por është Malisheva ajo që ka bërë një hap tutje në negociata dhe se tashmë lojtari ka disa ditë që ka filluar stërvitjet me ta.

Futbollisti i talentuar aktualisht është pjesë e FC Langenthal, një klub në kantonin e Bernit që bën gara në ligën e katërt të futbollit zviceran.

Xhemaili njihet si një futbollist me driblime vdekjeprurëse dhe këmbëshpejtë, por një lëndim i pësuar i ka penguar vazhdimësinë dhe ai tashmë e sheh Superligën e Kosovës si vendin e duhur për të rikthyer formën.

Kujtojmë se Malisheva aktualisht renditet e pesta në Superligën e Kosovës me 27 pikë të grumbulluara dhe transferimi i Xhemailit do të ishte një ndihmesë e madhe drejt arritjes së objektivave./Telegrafi/

Girona po vepron me vendosmëri në afatin kalimtar dimëror, duke drejtuar synimet drejt Barcelonës.

Në këtë kontekst, drejtuesit sportiv kanë bërë përparim të rëndësishëm në një operacion ambicioz - një huazim i dyfishtë nga Barcelona që mund të ndryshojë ndjeshëm rrjedhën e ekipit në muajt në vijim.

Një nga emrat që po shkakton më shumë bujë është Marc-Andre Ter Stegen.

Portieri gjerman përballet me një situatë të papritur te Barcelona pas shfaqjes së Joan Garcias, i cili ka zënë vendin e titullarit me paraqitje shumë bindëse.

Ter Stegen, pa kohë loje dhe duke u fokusuar te Kampionati Botëror që po afron, nuk dëshiron të kalojë gjysmën e dytë të sezonit në stol.

Në moshën 33-vjeçare, portieri ka nevojë për kontinuitet për të mbajtur nivelin e tij dhe statusin ndërkombëtar. Në këtë situatë, opsioni i Gironës duket shumë tërheqës për të.

Për klubin katalanas, do të ishte një hap cilësor i qartë. Shtimi i një portieri si Ter Stegen, me përvojë, lidership dhe hierarki, do të siguronte menjëherë stabilitet në një pozicion kyç.

Emri i dytë në këtë huazim të mundshëm është Marc Bernal.

Mesfushori, i konsideruar një nga talentet më të mëdha të La Masias, ka nevojë për minuta cilësore për të vazhduar procesin e zhvillimit dhe për të bërë hapin e ardhshëm në karrierë.

Barcelona e vlerëson lart potencialin e tij, por pranon që konkurrenca në mesfushë kufizon mundësitë e tij.

Një huazim te Girona do t’i mundësonte Marc Bernal të konkurrojë në La Liga, të marrë përgjegjësi dhe të rritet në një kontekst real dhe shumë kërkues.

Arritja e tij te Girona do të sillte energji, talent dhe vizion loje në mesfushë. Një profil i ri me personalitet, i aftë të ofrojë balancë dhe dinamikë për një ekip që ka nevojë për zgjidhje nga mesfusha./Telegrafi/

Sipas Gazzetta dello Sport, Mike Maignan ka rënë dakord për të zgjatur kontratën me Milanin, dhe tani ‘Rossonerët’ po negociojnë vetëm për tarifat e agjentit përpara se të vendosin firmën mbi një marrëveshje të re deri në vitin 2030.

Maignan është “më afër se kurrë” për të zgjatur qëndrimin e tij te Milani, sipas Gazzetta dello Sport.

Gazeta italiane raporton se portieri me përvojë ka rënë dakord të nënshkruajë një kontratë të re me vlerë 5 milionë euro në sezon plus bonus deri në 2030.

Portieri francez aktualisht fiton 2.8 milionë euro në sezon dhe kontrata e tij në ‘San Siro’ skadon këtë qershor.

Me kontratën e re, Maignan do të bëhet lojtari më i paguar në skuadër së bashku me Rafael Leaon.

Maignan ka luajtur një rol kyç te Milani këtë sezon, duke pranuar vetëm 17 gola në 21 ndeshje në të gjitha kompeticionet, duke mbajtur 10 portat e paprekura dhe duke shpëtuar dy penallti.

Komisionet e agjentit raportohet se mbeten çështja e vetme e pazgjidhur për ‘Rossonerët’.

Drejtuesit e Milanit e dinë se kampi i Maignan do të merrte një shumë të konsiderueshme nëse ai largohet si agjent i lirë në qershor, çka e bën thelbësore negociatën me përfaqësuesit e tij.

Sipas Gazzetta dello Sport, dy palët janë në marrëdhënie të mira dhe sapo të arrihet marrëveshja, portieri do të nënshkruajë kontratën e re./Telegrafi/

Xabi Alonso ka refuzuar idenë që Barcelona është favorite për finalen e Superkupës Spanjolle të dielën, duke theksuar se çdo gjë mund të ndodhë në një ‘El Clasico’ dhe se Real Madridi është i përqendruar tek përgatitjet e veta.

“Ne po fokusohemi tek ajo që duhet të bëjmë dhe si të qasemi ndaj ndeshjes së nesërme”.

“Barça ka një ditë pushim më shumë? Ky ishte shorti, dhe ne nuk mund ta ndryshojmë këtë”.

“Duhet të shfrytëzojmë sa më mirë kohën për t’u përgatitur për finalen ndaj një ekipi të fortë. Ka një aspekt mendor dhe emocional, përveç asaj futbollistike”.

“Duhet të përgatitemi në mënyrën më të mirë të mundshme. Jemi të bindur se mund të fitojmë nesër. Me të vërtetë jemi”.

“Kylian po shfaqet shumë më mirë. Plani fillestar ishte ta kishim gati kundër Atleticos, por vendosëm të mos e nxitojmë”.

“Ne thamë që nëse arrijmë në finale, ai do të jetë gati, në varësi të ndjesive të tij. Vendimi përfundimtar do të merret pas stërvitjes së sotme”.

“Nuk jemi favoritë për të fituar? Nuk na intereson kjo. Po fokusohemi vetëm tek gjërat që mund t’i kontrollojmë”.

“A do të jetë loja e nesërme e ngjashme me Clasicon që fituam? Jo, siç ju thashë më parë për ndeshjen me Atleti, këto ndeshje janë të gjitha të ndryshme”.

“Kjo është një finale, do të ketë një dinamikë tjetër, por duhet të mbajmë mend lojërat e kaluara dhe të mësojmë prej tyre”.

“Mendoj se kjo ndeshje do të ketë një ndikim real në pjesën tjetër të sezonit tonë. Do të jetë e rëndësishme”.

“Njerëzit thonë se ekipi po luan shumë keq dhe Barcelona po luan shumë mirë? Ky është futbolli. Çdo gjë mund të ndodhë nesër”, ka deklaruar Alonso./Telegrafi/

Trajneri i Barcelonës, Hansi Flick, ka dërguar një mesazh të qartë dhe direkt për lojtarët e tij para finales së Superkupës së Spanjës të dielën kundër Real Madridit, duke i nxitur ata të ripërsërisin paraqitjen dominuese që patën në gjysmëfinale ku mundën Athletic Bilbaon me rezultat 5-0.

Në konferencën e tij për shtyp para ndeshjes në Jeddah, trajneri gjerman theksoi motivimin e veçantë të një finalje Clasico, duke mbajtur përqendrimin kryesisht tek ekipi i tij.

“Nesër dua të shoh versionin e ekipit që pamë kundër Athletic Bilbaos. Një finale kundër Real Madrid gjithmonë ngre motivim”.

“Një Clasico është një ndeshje krejt tjetër. Ne do të përpiqemi të japim më të mirën për të fituar nesër. Bëhet fjalë për të luajtur lojën, dhe tek ajo po përqendrohemi”.

“Real Madrid ka lojtarë të shkëlqyer, kështu që cilësia e skuadrës së tyre është jashtëzakonisht e lartë”.

“Por unë jam i fokusuar tek ekipi im, sepse ajo që ka rëndësi është se si luajmë futboll nesër dhe si e fillojmë ndeshjen. Është një finale”.

“Ne duam të fitojmë një titull, dhe kundërshtari është Real Madrid. Nuk mendoj se ka motivim më të madh se kaq”.

“Tani për tani, Mbappe është sulmuesi më i mirë në botë. Saktësisht kjo. Ai ka shënuar shumë, shumë gola, dhe është një lojtar i klasit botëror”.

“Si do ta menaxhojmë Mbappen? Sa Clasico kemi luajtur? Sa kemi fituar? Humbëm vetëm një. E di që ai është një lojtar fantastik, do të përshtatemi pak”.

“Nuk bëhet fjalë vetëm për menaxhimin e Mbappes, bëhet fjalë për të gjithë Real Madridin. Ne jemi të fokusuar tek qasja jonë, tek stili ynë i lojës, i cili është i ndryshëm nga i tyre”, ka deklaruar Flick./Telegrafi/