Presidenti amerikan Donald Trump ka pretenduar se dosjet Epstein e “lirojnë” nga akuzat. Duke folur për herë të parë rreth dokumenteve të publikuara, Trump tha se ato e kishin liruar nga akuzat për lidhjet e tij me Epstein.

Ndërsa fluturonte për në Florida, presidenti amerikan tha: “Nuk e pashë vetë, por disa njerëz shumë të rëndësishëm më thanë se jo vetëm që më shfajëson mua, por është e kundërta e asaj që shpresonin njerëzit, e dini, e majta radikale”.

Aty përfshihen imazhe të ish-princit Andrew Mountbatten-Windsordhe të ish-ambasadorit britanik në SHBA, Peter Mandelson.

Kryeministri britanik, Keir Starmer, ka bërë thirrje që Andrew të dëshmojë para Kongresit Amerikan për lidhjet e tij me Epstein.

“Nuk mund të jesh i përqendruar te viktima nëse nuk je i përgatitur ta bësh këtë”, shtoi ai.

Protesta të shtypura brutanlisht në vend nga regjimi, kërcënime për sulme nga presidenti i SHBA-së – në një sfond të tillë nga Irani vijnë lajme, se në jug të vendit ka pasur shpërthime. Si pasojë të shtunën (31.01.2026) kanë humbur jetën disa vetë.

Në qytetin port Bandar Abbas, sipas të dhënave të autoriteteve, kanë humbur jetën të paktën një person dhe 14 janë plagosur.

Shpërthimi, sipas të dhënave të zjarrfikësit, është shkaktuar nga një çarje në tubacion gazi. Në ndërtesë ishte akumuluar gaz, që shpërtheu më pas, tha shefi i zjarrëfikësit të zonës në televizionin shtetëror.

Agjencia e lajmeve Tasnim, që është e afërt me gardat iraniane të revolucionit (IRGC), i përgënjeshtroi fjalët që qarkulluan, se kjo ka qenë një përpjekje për sulm e komandantit të marinës IRGC, Aliresa Tangsiri. Agjencia shtetërore e lajmeve IRNA pubikoi një fotografi të fasadës pjesërisht të shkatërruar të ndërtesës me disa kate me apartamente banimi.

Shpërthim gazi në Ahvas

Sipas gazetës “Tehran ⁠Times” nga një shpërthim në qytetin Ahvas në afërsi me kufirin irakian humbën jetën katër vetë. Portali iranian online “Nur News” duke iu referuar shefit të zjarrëfikësit të këtij qyteti, njoftoi, se edhe aty kishte shpërthyer gaz. Shkak ka qenë një çarje tubacioni, njfton gazeta e Teheranit “Hamshahri” duke iu refreuar gjithashtu shefit të zjarrfikësit.

Dëshmitarë okularë njoftojnë gjithashtu për një shpërthim dhe shtëllunga tymi që u ngritën mbi kryeqytetin Teheran. Sipas një përfaqësuesi të autoriteteve një kallamishte kishte marrë zjarr në një lumë, njoftojnë mediat iraniane, raporton DW.

Izraeli hedh poshtë çdo përgjegjësi

Izraeli ka hedhur poshtë çfarëdolloj përgjegjësie lidhur me shpërthimet në Iran. Dy përfaqësues qeveritar i thanë agjencisë së lajmeve Reuter, se vendi i tyre nuk është i përfshirë në këto shpërthime.

Bandar Abbas është porti i dytë i kontenierëve për nga rëndësia në Iran. Ky port ndodhet në ngushticën Hormus, një nga rrugët më të rëndësishme detare ndërmjet Iranit dhe Omanit prej nga kalon rreth një e pesta e transporteve detare mbarëbotërore të naftës.

Në prill të vitit të kaluar në këtë port ndodhi po ashtu një shpërthim i rëndë, ku si pasojë humbën jetën disa vetë dhe u plagosën mbi 1000 të tjerë. Një komision hetimor bëri atëherë përgjegjës për fatkeqësinë mangësitë në masat e sigurisë.

Kërcënime reciproke

Së shpejti fillon një stërvitje triditore e marinës së gardave të revolucionit iranian në Gjirin Persik, ku do të marrin pjesë edhe Kina dhe Rusia. Sfondi i stërvitjes ka të bëjë me rritjen e tensioneve ushtarake. Presidenti i SHBA-së Donald Trumpka vendosur një flotë me aeroplanmbajtëse në rajon. Një “Armada” është në rrugë drejt Iranit, deklaroi Trump të enjten (29.01.2026).

Sipas të dhënave nga qarqet e brendshme Trump po shqyrton sulmet ndaj aparatit iranian të sigurisë, Republikani në mënyrë të përsëritur e ka kërcënuar Teheranin, se do të ndërhyjë në vend, pasi forcat e rendit kanë vepruar brutalisht ndaj protestuesve.

Presidenti i Iranit Massud Peseschkian akuzoi SHBA-në, Izraelin dhe Europën këtë të shtunë (31.01.2026), se po shfrytëzojnë problemet ekonomike të vendit, për të nxitur trazira. Shefi i ushtrisë Amir Hatami paralajmëroi SHBA-në në rast të një “gabimi, me të cilin mund të kërcënojë sigurinë e vet”. Pas kërcënimeve për sulm nga Trump Irani i ka vendosur forcat e armatosura në gatishmëri të lartë.

Ministrja gjermane e Ekonomisë, Katherina Reiche udhëtoi sot drejt Arabisë Saudite, ku shpreson të përfundojë një partneritet energjetik që synon të forcojë marrëdhëniet dypalëshe.

Para nisjes, Reiche tha se partneriteti i planifikuar energjetik do të përfshijë blerjen e produkteve të naftës dhe gazit nga Arabia Saudite, si dhe investime të synuara në energji të rinovueshme.

Ministrja përmendi teknologjitë e magazinimit dhe hidrogjenin e qëndrueshëm.

Reiche udhëton e shoqëruar nga përfaqësues të 35 kompanive dhe 11 startup-eve nga sektorët e energjisë konvencionale dhe të rinovueshme.

Arabia Saudite, e pasur me naftë, po përqendrohet gjithashtu fort në dekarbonizim.

Vizita, që pritet të zgjasë deri të martën, reflekton gjithashtu përpjekjet e Gjermanisë për të zgjeruar partneritetet ndërkombëtare në një kontekst të rritur pasigurie gjeopolitike.

“Kur partneritetet, mbi të cilat kemi mbështetur për dekada, fillojnë të bëhen pak të brishta, duhet të kërkojmë partnerë të rinj”, tha Reiche, duke iu referuar tensioneve në marrëdhëniet trans-atlantike që nga kthimi i presidentit amerikan Donald Trump në detyrë.

“Si një vend me orientim eksporti, Gjermania duhet të zgjerojë bazën e saj”, shtoi ajo.

Për ditën e diel vendi ynë do të vijojë të ndikohet nga kushte atmosferike të paqëndrueshme.

Moti parashikohet me vranësira mesatare e të ndendura si dhe alternime të herëpashershme kthjellimesh.

Reshje shiu të herëpashershme me intensitet të ulët që në orët e para 24-orëshit deri në mëngjes, fillimisht në jug të vendit e gradualisht do të shtrihen edhe në pjesën tjetër të territorit.

Lokalisht reshje shiu hera-herës në formën e shtrëngatave afatshkurtra, në orët e mesditës dhe pasdite reshjet me intensitet të ulët lokalizohen në veri e pjesërisht në relievet malore në juglindje.

Në orët e mbrëmjes reshjet e shiut ndërpriten në të gjithë vendin.

Në lartësinë mbi 900-1000 metra në verilindje-juglindje reshje bore me intensitet të ulët e lokalisht derimesatar kryesisht në juglindje.

Era do të fryjë do të fryjë me drejtim nga verilindje- lindje me shpejtësi mesatare 8 m/s, përgjatë vijës bregdetare dhe në zonat luginore era me shpejtësi deri në 17m/s.

Valëzimi në det pritet të jetë i forcës 2-3 ballë.

Dashi

Dite mjaft e qete dhe pa probleme kjo e sotmja për te dashuruarit. Do merreni vesh për çdo gjë dhe nuk do keni as problemin me te vogël. Beqaret do jene ne humor te keq dhe nuk do pëlqejnë te dalin neper takime. Pjesa me e madhe do parapëlqejë te mbyllet ne vetvete. Financat priten te jene goxha me te mira se kohet e fundit. Do dini si t’i menaxhoni paratë.

Demi

Dite shume e vështirë dhe shpesh e mbushur me mosmarrëveshje kjo e sotmja për te dashuruarit. Matuni mire para se te veproni qe situata te mos nxehet me tepër. Beqaret sado qe te mundohen nuk kane për ta gjetur dashurinë e madhe. Ne planin financiar do keni dhe do arrini ta stabilizoni sa hap e mbyll sytë situatën ne te cilën ndodheni.

Binjaket

Sot do flisni seriozisht me partnerin tuaj dhe do i zgjidhni problemet qe ju kane mbetur pezull nga e kaluara. Beqaret nuk do lënë vend pa e kërkuar dashurinë, por nuk do e gjejnë askund atë. Do e vuajnë vetminë, megjithatë do ju duhet ende te presin. Ne planin financiar gjithçka do ju shkoje ashtu si e kishit planifikuar kështu qe nuk do keni për çfarë te qaheni.

Gaforrja

Sektori i dashurisë nuk do ketë asnjë problem sado te vogël gjate gjithë kësaj dite. Te gjithë do ju përgëzojnë për mirëkuptimin dhe për harmoninë qe mbizotëron. Beqaret do jene te papërqendruar dhe nuk do e kenë mendjen te kërkojnë një person për ta pasur ne krah. Financat nuk mund t’i përmirësoni dot duke luajtur me lojëra fat.

Luani

Do ndiheni mjaft mire gjate kësaj dite pranë personit qe dashuroni dhe do mendoni t’i çoni gjerat edhe me tej. Shume do habiten dhe te tjerë do ju kenë zili, gjithsesi ju duhet te vazhdoni rrugën e nisur. Beqaret do jene gati edhe për ndonjë çmenduri te vogël. Mundësitë nuk do mungojnë. Financat fatmirësisht do mbeten ne te njëjtën gjendje.

Virgjeresha

Do e kaloni periudhën e vështirë ne jetën tuaj ne çift dhe do i shihni gjerat me më shume pozitivizëm gjate kësaj dite. Pritet te kaloni momente romantike ne mbrëmje. Beqaret do kenë një dite normale dhe pa asgjë te jashtëzakonshme. Buxheti do varet nga sjellja juaj kështu qe matuni disa here para se te kryeni investime apo shpenzime marramendëse.

Peshorja
Do ketë surpriza te mëdha gjate kësaj dite ne jetën tuaj sentimentale. Gjithçka do ju duket si neper përralla. Beqaret do njehen me persona te të njëjtit profesion dhe kjo do iu pëlqejë jashtë mase. Vazhdoni për pak kohe njohjen para se te merrni vendime. Financat do kenë disa përmirësime shume te vogla, por qe nuk do sjellin ndonjë ndryshim te situatës.

Akrepi

Duhet t’i kushtoni me tepër kohe sot jetës sentimentale sepse po e late pas dire do keni probleme serioze shume me shpejt nga sa mendoni. Beqaret do kërkojnë gjera te pamundura, prandaj do mbeten vetëm edhe gjate kësaj dite. Buxheti do jete i ekuilibruar. Mund te kryeni pa frike shpenzimet e domosdoshme.

Shigjetari

Dite plot diell dhe ngjyra kjo e sotmja për te dashuruarit. Nuk do privoheni nga asgjë përkundrazi do bëni ato qe ju thotë zemra. Beqaret nuk duhet ta humbin shpresën deri ne minutën e fundit sepse gjithçka mund te ndodhe papritur. Ne planin financiar tregohuni te arsyeshëm ne mënyrë qe gjendja te mbetet sa me e mire. Ne te kundërt do ketë probleme.

Bricjapi

Zemra juaj do rrahe edhe me fort gjate kësaj dite. Partneri do ju mbaje ne pëllëmbe te dorës dhe do e dashuroni atë me më shume pasion. Beqaret do jene te parrezistueshem dhe do marrin propozime nga te katërta anët. Me shume gjase do filloje një lidhje afatgjate. Për financat me te mira duhet te pranoni ndihmën qe do iu japin familjaret.

Ujori

Dite mjaft pozitive kjo e sotmja për te dashuruarit. Do zgjoheni me humor te mire dhe do jeni gati te bëni çfarëdo lloj sakrifice për te ruajtur harmoninë. Beqaret nuk do jene me shume fat ne dashuri she ka rrezik te mbeten serish vetëm. Sektori i financave do jete goxha i trazuar dhe delikat. Mundohuni te shpenzoni me shume kujdes dhe maturi.

Peshqit

Mos u tregoni impulsive gjate kësaj dite ne jetën tuaj sentimentale sepse situata mund t’iu dale tërësish jashtë kontrollit. Beqaret do kenë vetëm mundësi për aventura kalimtare, asgjë me tepër sesa kaq. Përfitoni nëse doni te përjetoni emocione te këndshme edhe sikur për pak kohe. Ne planin financiar do jeni te matur dhe do i menaxhoni me shume kujdes dhe maturi te ardhurat.

Ministri gjerman i Mbrojtjes, Boris Pistorius, ka vënë në dyshim nëse presidenti rus Vladimir Putin dëshiron realisht të arrijë paqen përmes negociatave për t’i dhënë fund luftës në Ukrainë.

Në një deklaratë për grupin mediatik RND, të publikuar sot, Pistorius tha se presidenti amerikan Donald Trump ka sjellë njëfarë dinamike në përpjekjet diplomatike, por theksoi se veprimet e Moskës tregojnë një realitet tjetër.

“Deri tani, nuk shoh asnjë shenjë që Rusia e dëshiron seriozisht paqen”, tha Pistorius.

Gjatë negociatave mes palëve ndërluftuese nën ndërmjetësimin e SHBA-së në Abu Dabi fundjavën e kaluar, Putin bombardoi Ukrainën “në një mënyrë që mezi është parë gjatë kësaj lufte”.

Sipas tij, këto sulme shkojnë përtej objektivave ushtarake.

“Ky është terror i drejtuar ekskluzivisht kundër popullsisë civile, gjatë një dimri me temperatura minus 20 gradë Celsius”, tha Pistorius.

“Putin nuk ka treguar asnjë gatishmëri për kompromis”, shtoi ai.

Në kryeqytetin ukrainas Kiev dhe në qytete të tjera, miliona njerëz kanë përjetuar javë të tëra errësire dhe të ftohti pas sulmeve ajrore ruse, të cilat kanë dëmtuar rëndë infrastrukturën e energjisë elektrike dhe të ngrohjes.

Gjatë bisedimeve, sulme të reja me dronë dhe raketa vonuan sërish riparimet e furnizimit me energji në Kiev për disa ditë.

Zëdhënësi i Kremlinit, Dmitry Peskov, deklaroi dje se Rusia do të respektojë kërkesën e Trump për një armëpushim të kufizuar dhe të përkohshëm në Ukrainë deri të dielën.

I pyetur për përpjekjet për ndalimin e sulmeve, Pistorius tha se nëse Putin do t’i merrte seriozisht bisedimet në Abu Dabi, nuk do të kishte nevojë që t’i kërkohej një armëpushim/abcnews.al

Një çift nga Tirana është arrestuar pasi kanë mashtruar qytetarët qe donin te blinin apartamente, duke u marre parate. Elvis Ramca dhe Veriana Ziu shtireshin si agjentë imobiliare dhe pasi përvetësonin paratë falsifikonin mandate banke për të mashtruar qytetarët se paratë ishin depozituar.

Mandatet e falsifikuara ua paraqitnin edhe shoqërive ndërtuese, duke i mashtruar per te lidhur kontrata për shitblerje apartamentesh.

Deri më tani janë janë dokumetuar 2 raste mashtrimi pas denoncimeve per 2 apartamente me vlerë rreth 150 mijë euro secili.

Për Veriana Ziun ky nuk është rasti I parë që është përfshirë në mashtrim. Ajo ishte arrestuar në vitin 2023 pasi mashtroi një person duke i premtuar një leje punësimi në Gjermani dhe duke I marrë 800 euro.

TIRANË- Pas zyrtarëve europianë, Sali Berisha u përball këtë të shtunë me kritika nga qytetarët për gjuhën e përdorur kundër Shqipërisë në institucionet ndërkombëtare.

“Çfarë mendon se fiton kur nxin kombin shqiptar në arenën ndërkombëtare”, e pyetën ndjekësit e tij.

Jo vetëm që nuk bën një hap pas, por Berisha justifikon qëndrimin e tij.

“Je gabim shumë, shumë. Unë, me zërin tim që denoncoj, mbroj ju, mbroj ata shqiptarë të ndershëm, të cilët nuk pajtohen me këto akte antikombëtare, antikushtetuese, çnjerëzore. Me këto akte të cilat Shqipërinë e nxjerrin nga harta e demokracive dhe e vendosin në hartën e autokracive”, pohoi kryetari i PD.

Të premten, Raportuesi për Shqipërinë i bëri thirrje kreut të PD që ti rikthehet debatit parlamentar, por Berisha nuk heq dorë nga molotovi. Por kur militantët i kërkojnë të qëndrojnë në shesh, befas kryetari i tyre i del kundër.

“Kjo është një kërkesë jashtëzakonisht e drejtë dhe është rruga e vetme efikase për të larguar këtë regjim nga pushteti. Por kjo kërkon nga secili nga ne që të bindim gjithnjë e më shumë qytetarë se qëndrimi në shesh për aq kohë sa ta largojmë regjimin është rruga më e sigurt e fitores tonë. U garantoj se drejt asaj, në mënyrë të pandalshme, do të shkojmë”, tha ai.

Por dhe dhunë e shkatërrim.

“Ne duhet të ua bëjmë ferr kësaj organizate kriminale, Tiranën. Kjo është arsyeja që ne përqendrohemi tërësisht në Tiranë”, tha Berisha.

Dhe mesa duket, ky është misioni i Berishës: në rrugë për protesta dhe jo në institucione për reforma. Në rrugë të kundër me ndërkombëtarët, ndërsa vendi ecën shpejt drejt integrimit europian./abcnews.al

VLORË- Në një moment vendimtar për fatin europian, raportuesi për Shqipërinë, Andreas Schieder, rikonfirmoi ambicien për anëtarësim në Bashkimin Europian brenda 2029, sipas një plani të dakordësuar mes Tiranës dhe Brukselit.

“Anëtarësimi në BE kërkon që të keni një standard jetese, sidomos këtu për të rinjtë që të integrohen me mënyrën e jetesës së Unionit. Ky nuk është vetëm projekt i qeverisë, por i të gjithëve, duke nisur që nga qytetarët që duhet të tregojnë se çfarë po shkon mirë dhe çfarë po shkon keq. Sa më shpejt, aq më mirë, por edhe pse nuk duhet të jap një datë specifike, dua thjesht të them që si relator dua që në fund të mandatit tim, pra në vitin 2029, të them që Shqipëria do t’i bashkohet BE-së”, tha Andreas Schieder, raportuesi për Shqipërinë në PE.

Shqipëria synon që brenda këtij viti të mbyllë deri në 16 kapituj, në mënyrë që brenda 2027 të përfundojë i gjithë procesi teknik. Por sfidë mbetet procesi politik, ku anëtarësimi duhet të ratifikohet në parlamentet e 27 vendeve anëtare.

“Duam të jemi besimplotë se do ecin mirë në të gjitha vendet anëtare, por duhet të jemi të vetëdijshëm se peizazhi politik në Europë po bëhet gjithnjë e më kompleks, me një prani të dukshme të partive populiste në parlament, sidomos të së djathtës ekstreme, që mund të kenë tundime kundër zgjerimit. Është e rëndësishme të punohet me opinionet publike në Europë, në mënyrë që të zvogëlohen perceptimet që qytetarët kanë për zgjerimin. Nuk jam i shqetësuar për Spanjën, që sipas sondazheve të fundit ka një nivel të lartë pranimi për zgjerimin. Që do të thotë, ne spanjollët duam që Shqipëria dhe vendet e tjera të jenë së bashku në BE sa më shpejt të jetë e mundur”, tha ambasadori i Spanjës në Tiranë, Gabriel Ventura.

Përveç Spanjës, në krah të Shqipërisë, në procesin e integrimit do të qëndrojë edhe Franca.

“Në rrugëtimin drejt Bashkimit Europian, askush nuk mund të dyshojë se Shqipëria ka kryer hapa gjigantë. Franca nuk harron gjithashtu forcën e angazhimit të Shqipërisë kur ishte në Këshillin e Sigurisë së Kombeve të Bashkuara, nuk ishte vetëm një vendim, ishte një demonstrim, ai i një kombi të aftë të përcjellë vlerat e paqes dhe drejtësisë kombëtare në nivelin më të lartë. Franca është përkrah jush, jo për t’ju numëruar hapat, por si një partner rruge që e di që forca e një bashkimi nuk matet vetëm në ditën e nisjes dhe ditën e mbërritjes, por në solidaritetin e lidhur në çdo kilometër të kryer së bashku”, tha Catherine Suard, ambasadore e Francës në Tiranë.

Ky vit konsiderohet vendimtar për Shqipërinë, e cila duhet të përafrojë legjislacionin shqiptar me atë të Bashkimit Europian dhe të mbyllë 33 kapituj të negociatave vitin e ardhshëm, në përmbushje të angazhimit për anëtarësim me të drejta në Bashkimin Europian brenda 2030./abcnews.al

Read More...

Në një zonë minerare në Bulqizë, është gjetur pa shenja jeta një 58-vjeçar, i cili punonte si roje private te një subjekt minerar.

Nga hetimet paraprake të kryera dyshohet se 58-vjeçari mund të ketë rrëshqitur nga një lartësi dhe, për pasojë, ka humbur jetën.

Grupi hetimor, nën drejtimin e Prokurorisë, po punon për zbardhjen e rrethanave të kësaj ngjarjeje.

Po mbushen tre vjet që kur ia doli për herë të fundit. Novak Gjokoviç mund të jetë një legjendë e gjallë e tenisit dhe e sportit në tërësi, veçse mosha e shtyrë ka bërë që shumëkush ta heqë nga lista e kampionëve.

Gjithsesi, ylli I lindur në Beograd gati katër dekada më parë tregoi se ndonjëherë fjala “e pamundur” nuk ekziston.

Napoleoni thuhet se e kishte hequr nga fjalori, dhe duket se këtë po përpiqet të bëjë edhe Nole që kaloi pengesën e madhe Janik Siner në gjysmëfinalen e Grand Slemit Australian Open.

Pasi kishte humbur pesë herë radhazi ndaj italianit, serbi gjeti forca për të triumfuar 3-2 me sete pas më shumë se 4 orë loje.

Rezultati ishte 3-6, 6-3, 4-6, 6-4, 6-4.

Në moshën 38 vjeç, 8 muaj e 10 ditë, ai synon rekordin si më I vjetri tenist në histori që fiton një Grand Slem.

Këtë rekord e mban australiani Ken Rouzuoll që ia doli 37 vjeç.

Megjithatë, fakti që kaloi numrin 2 të botës nuk I ka garantuar ende asgjë.

Në finale përballë tij do të jetë numri 1 I botës, spanjolli 22-vjeçar, Karlos Alkaraz, që gjithashtu jepet thellësisht favorit.

I tillë ishte edhe 24-vjeçari Siner.

Ylli nga Beogradi mban rekordin botëror të 24 Grand Slemeve të fituara në karrierë, e tani të 38 finaleve Grand Slem, bashkë me këtë të së dielës.

Ai është rekordmen botëror edhe me 51 gjysmëfinale të Çmimeve të Mëdha.

Sa për rekordin e fitoreve në Australian Open, Nole e ka ngjitur në 104, dy më shumë sesa legjenda tjetër, Rozher Federer.

Ndoshta vërtet nuk do të ndalet derisa t’ia dalë. Ambicia është ajo që e mban njeriun në jetë, dhe kjo ego e madhe po bën që Kristiano Ronaldo ta sfidojë tërësisht moshën.

Edhe pse 40 vjeç, superylli portugez vazhdon ndjekjen e objektivit të madh të karrierës, arritjen e shifrës së 1 000 golave si futbollist profesionist.

Mbrëmjen e fundit hodhi edhe një hap tjetër.

Shënoi rrjetën numër 961, ndërsa Al Nasr fitoi 3-0 në fushën e rivalit Al Holud, në Ligën Profesioniste Saudite.

Kjo ndodhi me të nisur pjesa e dytë, ndërsa më pas realizuan edhe Simakan e Koman me penallti, sepse CR7 ishte zëvendësuar në 79’.

Përveç 1000 golave, Kristiano kërkon edhe Këpucën e Artë këtë sezon, dhe është në vend të dytë në këtë renditje me 17, një më pak se I pari.

Në 21 janar, në fitoren 2-1 në fushën e kundërshtarit Damak, portugezi u bë shënuesi më I mirë I huaj në historinë e klubit, e tashmë ka 117 rrjeta ndaj 115 që kishte ish-rekordmeni, marokeni Hamdallah.

Ndërkaq, Ronaldo synon titullin e parë me Al Nasrin, sepse në Arabinë Saudite nuk ka fituar asgjë deri tani.

Skuadra e tij mban vendin e dytë me 43 pikë, tri më pak sesa kryesuesja Al Hilal kur ka kaluar pak më shumë se gjysma e sezonit.

Nuk ka kohë për të humbur. Kristian Asllani e thotë edhe vetë se është I lodhur, por duhet të vazhdojë. Futbollisti I kombëtares menjëherë pas prezantimit dhe firmosjes së kontratës, u bashkua me skuadrën e tij, Beshiktash, dhe aty e pati menjëherë një ndihmë.

Njeriu që I ndenji në krah, që I bëri shoqëri që në orët e para dhe që luajti edhe rolin e përkthyesit ishte Milot Rashica.

Lojtari I Kosovës është prej 4 sezonesh në Turqi, fillimisht i huazuar tek Gallatasaraji e më pas I blerë si karton nga Beshiktashi, dhe për Asllanin ky është një plus I madh.

Gjithsesi, pavarësisht ndihmës së Rashicës, mesfushori kuqezi do të duhet që t’ia dalë vetë.

Padyshim që ai u prit si një përforcim i rëndësishëm nga klubi i madh i Stambollit që ndodhet vetëm në vendin e pestë në Superligën e Turqisë, sepse vjen nga Seria A, veçse kohët e fundit nuk është se ka bindur sa duhet.

Huazimi I parë I tij këtë sezon ishte nga Interi tek Torino, gjithnjë në Itali, por klubi piemontez vlerësoi se shqiptari nuk dha atë që pritej. Tek zikaltërit është e qartë se nuk ka më vend, dhe shpresa është që të arrijë të shkëlqejë në futbollin turk.

Duket se karriera e Asllanit është në një udhëkryq, dhe ai duhet të reagojë për të mirën e tij dhe për të kombëtares shqiptare, në të cilën është një nga lojtarët kryesorë.

Policia e Tiranës ka arrestuar tre shtetas të shpallur në kërkim për vepra të ndryshme penale, dy prej të cilëve të dënuar për plagosje të rëndë me dashje.

Mes të arrestuarve është një 31 vjeçar, i dënuar nga Gjykata e Tiranës me 4 vite e 6 muaj burgim për veprën penale “Plagosje e rëndë me dashje”. Atij i kanë mbetur për të vuajtur 1 vit e 2 muaj e 22 ditë burgim.

Po ashtu në pranga u vu dhe një 29 vjeçar, i dënuar nga Gjykata e Apelit me 4 vite e 6 muaj burgim për të njëjtën vepër penale. Nga ky dënim, atij i kanë mbetur për të vuajtur 1 vit e 8 muaj e 22 ditë burgim.

Personi i tretë, i cili u arrestua nga Policia e Tiranës është 35 vjeç. Ndaj tij Gjykata e Elbasanit ka caktuar masën e sigurisë “Arrest me burg” për veprat penale “Plagosje e lehtë me dashje, e kryer në bashkëpunim” dhe “Prishja e qetësisë publike”. Ai iu dorëzua Drejtorisë Vendore të Policisë Elbasan për veprime të mëtejshme procedurale.

Nuk e kanë harruar aspak. Rej Manaj mbetet një hero për tifozët e Sivasporit, për golat e shumtë dhe stilin agresiv dhe të sakrificës së lojës së tij, e tani do ta kenë sërish në ekip.

Sulmuesi I kombëtares shqiptare I dha fund aventurës vetëm 6-mujore në Emiratet e Bashkuara Arabe. Vetë klubi ku ai luajti këto kohë, Al Sharjah në Emiratet e Bashkuara Arabe, ka lajmëruar zyrtarisht ndarjen me futbollistin.

Në njoftimin në rrjet Al Sharjah I uron çdo të mirë Manajt dhe njofton se kontrata është ndërprerë me mirëkuptim.

Theksojmë se kartoni I tij u mor nga klubi nga Emiratet për 2 milionë euro.

Në pak kohë në Gjirin Persik, ylli kuqezi shënoi 6 gola në 21 ndeshje, në kampionat, kupë dhe në Championsin e Azisë, një paraqitje e mirë duke pasur parasysh edhe pengesat e përshtatjes.

Ndërkaq, në Sivaspor, Manaj ka histori tjetër. Ai ka realizuar 34 rrjeta dhe ka shërbyer 8 asistë në 63 ndeshje, duke arritur të fitojë edhe Këpucën e Bronzit në 2023-2024 kur shënoi 18 herë I lënë pas vetëm nga yje si Ikardi apo Xheko.

Fundi i marsit është ende larg, por nuk mund të thuhet se kohë ka. Në futboll e nesërmja vjen shumë shpejt dhe padyshim që trajneri Silvinjo dhe stafi i tij e kanë harruar tërësisht suksesin në eliminatoret e Kupës së Botës, kur siguruam vendin në plej-of.

Ndeshje si ajo në Serbi apo në Moldavi le të jenë arkivë, ndërsa momenti është me shumë probleme.
Shqipëria ka disa futbollistë të dëmtuar, disa që luajnë pak, disa që janë duke u larguar nga klubi i tyre, ose që kanë shkuar në një klub tjetër.

Dëmtimet kanë goditur më shumë mbrojtjen, ku Ismajli e Gjimshiti kanë pasur shqetësime kohët e fundit, madje tepër shpesh këtë sezon.
Edhe Kumbulla nuk e ka vendin të garantuar në La Ligën e Spanjës tek Majorka pas dëmtimit që pësoi, dhe po ashtu Ivan Balliu këtë sezon herë luan e herë jo, ndërsa ka pasur dy përplasje me trajnerin.

Elseid Hysaj është drejt largimit nga Lacio, i lënë në stol edhe në ndeshjen e fundit në Serinë A, ndërsa ka luajtur shumë pak kohët e fundit.

Mario Mitaj gjithashtu nuk ka më sigurinë e mëparshme në Arabinë Saudite. Mbrojtësi i rëndësishëm i krahut të majtë ka alternuar ndeshje të plota si titullar dhe sfida të tjera kur është lënë në tribunë, dhe statusi i tij tek Al Itihadi është në dyshim prej muajsh.

Në mesfushë kanë probleme disa nga lojtarët më të rëndësishëm. Nedim Bajrami prej kohësh është rezervë te Gllazgou Rejnxhërsi në Skoci, ndonëse trajneri Silvinjo nuk e ka humbur besimin tek ai.

Asllani, ndërkaq, nuk po gjen stabilitet, që nga Interi, Torino e tani Beshiktashi, ndërsa nga Italia e larguan si të padëshiruar.
Medon Berisha, një nga më të mirët shqiptarë në Serinë A, mbetet i dëmtuar, edhe pse pritet të kthehet shpejt dhe të jetë gati për plej-ofin e Botërorit ndaj Polonisë.

Duke kaluar tek sulmi, Armando Broja ende nuk po ndez siç duhet.
Sulmuesi vërtet e shënoi një gol për Bërnlin në Angli pas gati dy vitesh, por kaq është tepër pak dhe kjo nuk mjafton që të themi se është në formën e duhur.

Rej Manaj është në ajër, duke mos gjetur qetësi as në Emiratet e Bashkuara Arabe dhe as në Turqi, ndonëse me kombëtaren ka qenë i rëndësishëm.
Së fundmi, Mirlind Daku është pushim në Rusi dhe pritet të kthehet në fushë në fillim të marsit, kur rifillon Premier Liga.

Paradoksalisht, lojtarët tanë më në formë janë ata që Silvinjo ose i aktivizon pak, ose nuk i merr fare. Ernest Muçi ka qenë fenomen në Turqi, duke shënuar shumë dhe duke fituar edhe çmimin e golit të muajit dy herë.

Po ashtu, Anis Mehmeti ka shkëlqyer në kategorinë e dytë të Anglisë dhe, pas Bristol Sitit, kaloi tek Ipsuiçi, ndonëse prej dy vitesh e gjysmë nuk grumbullohet në ekipin përfaqësues.

Read More...

Qeveria e Shteteve të Bashkuara është mbyllur pjesërisht, pavarësisht një marrëveshjeje financimi të miratuar nga Senati.

Ndërprerja e financimit filloi në mesnatë nga e premtja në të shtunë sipas kohës lokale, disa orë pasi senatorët ranë dakord të financonin shumicën e agjencive deri në shtator. Projektligji përfshin vetëm dy javë financim për Departamentin e Sigurisë Kombëtare, i cili mbikëqyr zbatimin e ligjit për emigracionin, në vend që ta mbyllë atë tërësisht.

Marrëveshja ende nuk është miratuar nga Dhoma e Përfaqësuesve, e cila aktualisht nuk po mban seanca.

Presidenti amerikan Donald Trump, arriti marrëveshjen me demokratët pasi ata refuzuan të jepnin më shumë fonde për zbatimin e ligjit për emigracionin pas të shtënave fatale të dy qytetarëve amerikanë në Minneapolis nga agjentët federalë.

Kjo është mbyllja e dytë e qeverisë brenda një kohe të shkurtër dhe vjen vetëm 11 javë pas përfundimit të bllokimit të mëparshëm të financimit që zgjati 43 ditë, më e gjata në historinë e Shteteve të Bashkuara.

Mbyllja e qeverisë në vitin 2025, nga 1 tetori deri më 14 nëntor, pati ndikime të gjera në shërbimet thelbësore qeveritare, përfshirë udhëtimin ajror, dhe la qindra mijëra punonjës federalë pa paga për javë të tëra.

Por kjo mbyllje e pjesshme nuk ka gjasa të jetë kaq e gjatë ose e përhapur në shumë shërbime, pasi Dhoma e Përfaqësuesve do të rifillojë seancën të hënën.

Megjithatë Shtëpia e Bardhë u ka udhëzuar disa agjencive, përfshirë departamentet e transportit, arsimit dhe mbrojtjes, që të zbatojnë planet e mbylljes.

Ligjvënësit planifikojnë të përdorin periudhën dy javore gjatë së cilës Departamenti i Drejtësisë do të vazhdojë të financohet për të negociuar një marrëveshje. Demokratët duan që kjo marrëveshje të përfshijë politika të reja për agjentët e zbatimit të ligjit për emigracionin

PALASË– Një aksident rrugor ka ndodhur në Palasë, ku një automjet i tonazhit të rëndë është përmbysur në rrugë.

Në mjet ndodheshin tre persona në momentin e aksidentit.

Sipas informacioneve paraprake, njëri prej tyre është transportuar me urgjencë drejt spitalit rajonal të Vlorës për ndihmë mjekësore, ndërsa dy të tjerët kanë marrë dëmtime të lehta dhe ndodhen jashtë rrezikut për jetën./abcnews.al