Forcat e Armatosura kanë vijuar gjatë gjithë natës operacionet pa ndërprerje në disa zona të vendit, për stabilizimin e plotë të situatës pas problematikave të krijuara nga kushtet e motit.

Sipas Ministrit të Mbrojtjes, Pirro Vengu, angazhimi i strukturave ushtarake është përqendruar në zonat e Lezhës, Mirditës, Selenicës, Novoselës, Ferrasit dhe Durrësit, ku falë punës intensive është bërë i mundur çlirimi i një numri të konsiderueshëm banesash dhe aksesh rrugore.

Në orët e para të mëngjesit është realizuar edhe hapja e plotë e rrugës në zonën e Jubës, duke lehtësuar qarkullimin dhe aksesin për banorët dhe shërbimet emergjente. Ndërkohë, operacionet do të vijojnë pa ndërprerje deri në normalizimin e plotë të situatës dhe garantimin e sigurisë për qytetarët.

Moti i keq me reshje intensive shiu dhe bore që ka përfshirë vendin prej disa ditësh ka shkaktuar probleme në disa qarqe të vendit.

Kryeministri Edi Rama ndau sot momente nga ndërhyrjet që po kryhen përgjatë 24 orëve nga strukturat shtetërore për t’i ardhur në ndihmë banorëve të prekur nga kjo situatë.

Ndërkohë, sipas kryeministrit, “puna po vijon për përballimin e situatës së krijuar nga moti shumë i keq i ditëve të fundit”.

Për përballimin e situatës së përmbytjeve, efektivë të Forcave të Armatosura janë dislokuar në zonat e prekura me fokus mbrojtjen e jetës së qytetarëve dhe minimizimin e pasojave nga situatat emergjente.

Aktualisht, mbi 155 efektivë, 37 mjete dhe 7 motopompa janë angazhuar në qarqet Vlorë, Fier, Durrës dhe Gjirokastër, si dhe në zona të tjera ku ka qenë e nevojshme ndërhyrja.

Ndërkohë autoritetet po punojnë edhe për pastrimin e akseve rrugore në zonat malore ku reshjet e borës dhe ngricat kanë shkaktuar problematika.

Në koordinim me Agjencinë Kombëtare të Mbrojtjes Civile, autoritetet qendrore dhe vendore po vijojnë punën në terren për garantimin e sigurisë së banorëve dhe mbajtjen e situatës nën kontroll.

Deri tani në rang vendi regjistrohen 1587 banesa në praninë e uji, ndërsa janë evakuuar 339 persona dhe 51 familje.

Në Durrës gjatë natës ka pasur reshje shiu me intesitet të ulët dhe mesatar por pa shkaktuar probleme ne akset rrugore dhe në lumenj.

Autoritet ekipet e emergjencave ndodhen në terren dhe po e ndjekin situatën në mënyrë të pandërprerë.

Në lumin Erzen dhe Ishëm situata është duke u normalizimit pasi ka pasur rënie të dukshëm të nivelit të ujit.

Deri më tani janë evakuuar gjithsej 848 banorë. Janë mbajtur 1453 akte konstatimi, janë verifikuar 4067 banesa.

Grupet e punës janë terren, 508 specialist do vazhdojnë me vlerësimin e dëmeve dhe në ditët në vazhdim deri në evidentim të plot të situatës emergjente.

Nga Drejtoria e Rezervave Shtetërore janë siguruar 1100 pako ushqimore, nga të cilat: 350 pako ushqimore janë dërguar pranë ambienteve të Kavalishencës, Shtëpisë së Pushimit së Ministrisë së Brendshme.  me 3 vakte për 5 ditë për qytetarët e strehuar.

Është siguruar nga Drejtoria e Përgjithshme e Reervave Shtetërore 400 pako ushqimore nga të cilat janë ndarë në zonën e Durrësit të Ri ( ish – Këneta), si dhe Plazh.

350 Pako ushqimore jane shperndarë ne Sukth.

Në Sukth dhe Katun të ri janë përmbytur 2800 ha.

Bashkia Krujë

Në territorin e Bashkisë Krujë

Situata e deritanishme paraqitet.

Gjatë mbrëmjes në zonën e Fushë Krujës ka pasur reshje shiu me intensitet deri mesatar por deri më tani nuk na janë raportuar për probleme te reja pasi dhe në rrugët kryesore nuk ka prezenc uji.

Lumi Gjole Dhe Zezë nga inspektimet e bëra  në mëngjes  rezulton se ka rënie të dukshme të nivelit të ujit dhe situata  po shkon drejt normalizimit.

Gjatë ditës së sotme grupet e punës do vazhdojnë me inspektimet e dëmeve nëpër banesa.

Gjatë ditës së djeshme përfundojë bllokimi i çarjes së argjinaturës të lumit Droje.

Bashkia Shijak

Informacion mbi situatën e krijuar  në Bashkinë Shijak.

Strukturat e Bashkisë ndodhen në terren dhe po e ndjekin situatën në mënyrë të pandërprerë, në koordinim me Shtabin e Emergjencave Civile.

Gjatë natës ka pasur reshje shiu me intensitet të ulet dhe mesatar nga informacionet e mara nga grupet në terren nuk na janë raportuar problematika të reja.

Nga sektori i MZSH dhe sektori i sherbimeve të Bashkisë gjatë nates, është bërë i mundur pastrimi i 5 banesave dhe

Nxjerrja e ujit në 2 banesa.

Pas përshkallëzimit të protestave në Iran gjatë dy ditëve të fundit, mediat e huaja raportojnë se në shumë efektivët po kundërpërgjigjen me armë zjarri.

Raportohet se të paktën 217 persona kanë humbur jetë dhe sipas mjekëve , “shumica prej tyre kanë humbur jetën nga plumbat”.

Presidenti i SHBA-së, Donald Trump, e ka paralajmëruar vazhdimisht regjimin iranian se do të “paguajë shtrenjtë” nëse vret protestuesit, të cilët kanë dalë në protestë në numër gjithnjë e më të madh që nga 28 dhjetori.

The actions of the Iranian anti-regime protesters in Iran’s 2nd-largest city Mashhad drive home just how large the protests are.

Well over 100 000 protesters were involved in blocking roads in and around the city. pic.twitter.com/d1jPAsqGQI

— Visegrád 24 (@visegrad24) January 10, 2026

Shkencëtarët kanë përdorur inteligjencën artificiale për të identifikuar dy nënlloje të reja biologjike të sklerozës multiple (SM) një zbulim që mund të ndryshojë mënyrën se si diagnostikohet dhe trajtohet kjo sëmundje.

Studimi sugjeron se SM- ja nuk është një sëmundje e vetme, por përfshin modele të ndryshme biologjike.

Skleroza multiple prek miliona njerëz në mbarë botën dhe aktualisht trajtimet bazohen kryesisht te simptomat klinike. Kjo qasje shpesh nuk pasqyron proceset biologjike që ndodhin në tru, duke bërë që disa pacientë të mos përfitojnë maksimalisht nga terapitë ekzistuese.

Studimi u krye nga University College London (UCL) dhe Queen Square Analytics dhe përfshiu rreth 600 persona me SM. Shkencëtarët analizuan një proteinë gjaku të quajtur sNfL, e cila tregon dëmtimin e qelizave nervore, në kombinim me skanime MRI të trurit.

Duke përdorur një model të mësimit makinerik të quajtur SuStaIn, studiuesit identifikuan dy nënlloje të reja: MS me sNfL të hershëm dhe SM me sNfL të vonshëm.

Këto nënlloje dallohen nga mënyra dhe koha se si shfaqen dëmtimet nervore.

Te pacientët me sNfL të hershëm, nivelet e proteinës rriten që në fazat e para të sëmundjes dhe shoqërohen me dëmtime të shpejta të trurit, duke treguar një formë më agresive të SM-së. Lezionet cerebrale zhvillohen më shpejt dhe kërkojnë monitorim të afërt.

Ndërsa te pacientët me sNfL të vonshëm, fillimisht vërehet tkurrje graduale e trurit në zona të caktuara, dhe vetëm më vonë rriten nivelet e proteinës sNfL. Kjo formë duket se përparon më ngadalë, me dëmtime nervore që shfaqen në faza më të vona.

Sipas autorëve të studimit, ky klasifikim i ri biologjik mund t’i ndihmojë mjekët të parashikojnë më mirë ecurinë e sëmundjes dhe të zgjedhin trajtimin më të përshtatshëm për secilin pacient. Pacientët me formë më agresive mund të trajtohen më herët me terapi më të forta.

Ekspertët e shëndetit e cilësojnë këtë zbulim si një hap të rëndësishëm drejt mjekësisë së personalizuar për sklerozën multiple.

Niveli i nxehtësisë në oqeanet e botës deri në një thellësi prej 2 000 metrash arriti një rekord të ri në vitin 2025, niveli më i lartë që nga fillimi i matjeve dhe viti i nëntë radhazi me rritje të vazhdueshme të ngrohjes, sipas një analize të kryer nga një grup ndërkombëtar shkencëtarësh.

Sipas studimit, energjia termike u rrit me 23 kuadrilionë megaxhaulë në vitin 2025 krahasuar me vitin 2024.

Një ekip i udhëhequr nga Lijing Chen nga Akademia Kineze e Shkencave në Pekin i publikoi gjetjet e kërkimit, të bazuara në të dhëna që nga viti 1958, në revistën shkencore ”Advances in Atmospheric Sciences”.

Për sa i përket temperaturave mesatare globale në sipërfaqen e detit, viti 2025 ishte i treti më i ngrohtë, pas viteve 2024 dhe 2023.

Studiuesit shpjegojnë dallimin mes temperaturave në thellësi dhe atyre në sipërfaqe duke theksuar se fenomeni klimatik El Nino në Oqeanin Paqësor u dobësua ndjeshëm gjatë vitit të kaluar.

El Nino lidhet rregullisht me temperatura më të larta globale në sipërfaqen e detit.

Kur merret parasysh përmbajtja e nxehtësisë, përfshihen edhe temperaturat në shtresat më të thella të oqeaneve. Për këtë arsye, rritja e përmbajtjes së nxehtësisë ndikohet relativisht më pak nga fenomenet klimatike sipërfaqësore dhe konsiderohet një tregues më i rëndësishëm i ngrohjes së planetit.

Australi- Autoritetet në Victorias shpallën sot gjendje katastrofe për shkak të zjarreve që kanë vazhduar prej ditësh. Si pasojë janë shkatërruar shumë shtëpi dhe djegur sipërfaqe të gjera pyjesh.

Vala e të nxehtit që ka prekur rajonin, me temperatura që tejkalojnë 40° Celsius në shtetin e Viktorias – kryeqyteti i të cilit është Melbourne dhe erërat e nxehta kanë krijuar kushte të favorshme për përhapjen e zjarreve, siç kishte ndodhur gjatë “verës së zezë” në fund të vitit 2019 dhe fillim të vitit 2020 në të njëjtin rajon.

At least 130 structures have been lost so far as Victoria’s bushfire crisis continues, with a State of Disaster declared across 18 local government areas and one alpine resort.

Ten major fire fronts and a further 36 blazes are being closely monitored, with more than 300,000… pic.twitter.com/NGBkYZGlh7

— 10 News Melbourne (@10NewsMelb) January 10, 2026

Gjashtë rajone në Francën verilindore janë sot në një alarm portokalli për dëborë dhe akull për shkak të reshjeve të dëborës që priten edhe në lartësi shumë të ulëta, sipas ”Météo-France”.

Rajonet Jura, Doubs, Territoire de Belfort, Haute-Saône, Haute-Marne dhe Vosges do të mbeten në alarm të paktën deri në mesnatë, tha parashikuesi i motit në buletinin e tij të fundit, duke paralajmëruar për “vështirësi në drejtim”.

Të dielën, departamentet Jura dhe Doubs do të mbeten nën këtë nivel alarmi deri në orën 06:00.

”Météo-France” parashikon një periudhë reshjesh dëbore ndonjëherë edhe deri në fusha, me 5-10 centimetra të mundshme deri në 300 metra lartësi, pas kalimit të stuhisë ”Goretti”, e cila filloi në Gjermani dhe vendet e Beneluksit.

Reshjet e dëborës mund të kalojnë 10 centimetra, duke arritur deri në 20 centimetra, midis 400 dhe 500 metrave, dhe të arrijnë deri në 40 centimetra mbi 500 metra në zonat më të larta malore.

Ditën e shtunë vendi ynë do të ndikohet nga kushte atmosferike të paqëndrueshme.

Moti parashikohet me vranësira mesatare e të dendura. Reshje shiu të herëpashershme me intensitet mesatar në formën e shtrëngatave në pjesën më të madhe të vendit që në orët e para të 24-orëshit.

Në zonën e veriperëndimit dhe jugperëndimit reshjet parashikohen me intensitet hera-herës deri të lartë. Gjatë ditës reshjet e shiut priten të jenë prezente me intensitet mesatar në pjesën më të madhe të territorit dhe në mënyrë të izoluar shtrëngata afatshkurtra shoqëruar me shkarkesa elektrike.

Të paktën katër persona u vranë dhe 19 të tjerë u plagosën në Kiev, pasi Rusia ndërmori një sulm masiv me raketa dhe dronë në mbarë Ukrainën gjatë natës, njoftuan sot autoritetet.

Kryetari i bashkisë së Kievit Vitali Kliçko, tha se mes viktimave ishte edhe një mjek, ndërsa katër punonjës shëndetësorë mbetën të plagosur.

”Infrastruktura kritike u godit gjatë sulmit dhe disa zona të qytetit mbetën pa energji elektrike ose pa ujë”, shkroi Kliçko.

Në perëndim të vendit, Komanda Perëndimore e Forcave Ajrore të Ukrainës bëri të ditur se një sulm rus ndaj qytetit të Lvivit u krye me një raketë balistike të paidentifikuar.

Sipas ushtrisë ukrainase, raketa u lëshua nga zona e testimit ”Kapustin Jar” në Rusi, një pikë e njohur lëshimi për raketat balistike “Oreshnik”.

Kryetari i bashkisë së Lvivit, Andriy Sadovyi tha se aktualisht nuk dihet nëse bëhej fjalë për një raketë “Oreshnik”.

Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë, më 8.1.2026, kërkesën për gjykimin e procedimit penal, nr.296 të vitit 2021, në ngarkim të të pandehurve, Maksim Ndoci dhe Juljan Kollçaku.

Ata akuzohen për kryerjen e veprave penale: “Trafikim i narkotikëve”, në bashkëpunim në formën e grupit të strukturuar kriminal, “Grup i strukturuar kriminal”, “Kryerje e veprave penale nga organizata kriminale dhe grupi i strukturuar kriminal”.

Procedimi penal nisi mbështetur në kërkesën e autoriteteve gjyqësore italiane, konkretisht Prokurorisë së Republikës pranë Gjykatës së Firences, Drejtoria e Distriktit Antimafia.

Sipas kërkesës, kjo prokurori po hetonte për veprën penale të trafikimit të lëndëve narkotike të llojit kokainë, aktivitet që drejtohej nga një grup kriminal, ku bënin pjesë edhe shtetas shqiptarë, të cilët vepronin në Shqipëri (Durrës, Tiranë), Amerikën Latine (Ekuador dhe Panama), Itali (provinca e Pizës, Piemontes dhe Trevizos).

Procedimi penal në Itali nisi pas një kontrolli të kryer nga Guardia di Finanza i Livornos, në periudhën 7-9 mars 2021, gjatë të cilës u identifikuan shtetas me origjinë shqiptarë, të kapur në flagrancë gjatë operacioneve për nxjerrjen e një ngarkese kokaine të ardhur nga Amerika Latine, në portin e afërt të Labronikos (Livorno).

Veprimet hetimore

Përmes veprimeve të fshehta me mjete teknike (pergjimeve telefonike dhe ambientale dhe gjurmimit gjeografik GPS), si dhe hetimeve tradicionale (vëzhgimeve, kontrolleve, ndjekjes, rregjistrimeve video, monitorimit të mjeteve të transportit dhe shkëmbimeve të informacioneve) – u bë e mundur identifikimi i veprimtarisë kriminale të grupit dhe personave të përfshirë.

Hetimet në Itali u kryen në kuadët të Skuadrës së Përbashkët Hetimore dhe verifikimeve, vëzhgimeve, përgjimeve të përsonave të përfshirë në këtë veprimtari, të cilit hynin dhe dilnin në territorin e Republikës së Shqipërisë. Nga këto hetime u mblodhën prova që vërtetonin ekzistencën e një grupi të strukturuar kriminal, qëllimi i të cilit ishte importi dhe shpërndarja e kokainës në tregun italian.

Anëtarë të grupit janë shtetasit shqiptarë dhe italianë:

Albert Turja, Roland Turja, Alfred Veshti, Klodian Veshti, Maksim Ndoci, Luca Koci, Aurel Zhupa, Ionut Pislariu, Errico D’Ambrosio, Vincenzo Di Corso, Mario Spiritoso, Fabio Consale.

Ata kishin organizuar një strukturë kriminale duke marrë ngarkesa të konsiderueshme kokaine në portin e Livornos, të cilat vinin nga porti i Guayaquilit në Ekuador. Ndërsa sasia blihej në Kolumbi dhe ishte destinuar për anëtarë të grupeve të shumta kriminale, me anëtarë, kryesisht shqiptarë, rumunë dhe italianë.

Episodet e sekuestrimit të lëndës narkotik

19.7. 2021, në magazinën Interpair në Guasticce (LI), – rreth 28 kg kokainë neto (pesha bruto 33.8 kg);
24.8.2021, në portin e Livornos (LI), – mb 70 kg kokainë neto (pesha bruto mbi 84 kg);
22.11.2021,në kufirin tokësor të Gaggiolo (VA) – rreth 11.7 kg kokainë neto (pesha bruto mbi 12 kg). Këtu u krye edhe arrestimi i korrierit të drogës Alberto Brandi, (i cili u ndoq penalisht veçmas);
2.3.2022, mbi 140 kg kokainë (pesha bruto mbi 158.5kg) në magazinën Reefer në portin e Livornos (LI).
5.4.2022, në Frattamaggiore (NA) – mbi 400 kg kokainë (pesha bruto mbi 489kg).
16.4.2022, në Guidonia (Romë) – mbi 84.5 kg kokainë neto (me një peshë bruto prej 1,110.5 kg);
30.6.2022, në Ostia – mbi 4 kg kokainë neto, pjesë e një dërgese prej 32 kg.
9.3.2022, në Guabo, një qytet pranë portit të Guayaquilit në Ekuador – 150 kg kokainë neto (mbi 169 kg bruto).

Përgjegjësia penale e të pandehurve

Në kuadër të bashkëpunimit gjyqësor ndërkombëtar, autoritetet italiane kanë kërkuar ndjekjen penale në Shqipëri për shtetasit Maksim Ndoci dhe Juljan Kollçaku, për të cilët çështja është dërguar për gjykim më datë 8.1.2026.

Për të pandehurin Maksim Ndoci, provohet përfshirja në rikuperimin e mbi 140 kg kokainë neto, të sekuestruar më 2.3.2022 në portin e Livornos, si dhe roli i tij i rëndësishëm në rekuperimin e një sasie prej rreth 120 kg kokainë bruto, të ardhur nga Ekuadori më 11.1.2022.

Për të pandehurin Juljan Kollçaku, provohet përfshirja në trafikimin e mbi 489 kg kokainë bruto, të ardhur në portin e Livornos më 14.3.2022, e sekuestruar më 5.4.2022 në Frattamaggiore (Napoli), si dhe në importimin e një sasie prej 32 kg kokainë, nga e cila u sekuestruan mbi 4 kg neto më 30.6.2022 në Ostia.

Analisti Frrok Çupi komentoi në “NewsLine” në ABC News, situatën e përmbytjeve në vend. Sipas tij qeveria ka bërë një menaxhim të mirë të situatës, ndërsa theksoi se kushtet atmosferike ishin shumë të vështira.

Më tej nënvizoi se shteti ishte aty për qytetarët, si edhe  ministrat ishin në zonat më problematike.

“Menaxhimi ka pasur disa cilësi ndryshe nga herët e tjera të përmbytjeve. Reshjet qenë shumë më të larta kushtet atmosferike ishin në disfavor. U ndodhëm thuajse para mëkateve tona. Ky ishte problemi më i madh që doli në pah. Sigurisht që do ketë edhe mbështetje nga qeveria. Mbaj mend për përmbytjet në 2012 te përmbytjet në Shkodër, ka qëndruar edhe dy muaj më pas në ujë. Këtë herë shteti u përball domosdoshmërisht me ndihmën ndaj shtetasve të vet. Forcat e natyrës vendosën ligjin këtë herë”, tha ai.

Po ashtu tha se është koha për të bërë një ndryshim rrënjësor që situata të tilla të jenë të menaxhueshme dhe se të jemi përballë kësaj situate sa herë bie shi.

“Është koha për të bërë një ndryshim rrënjësor për mbrojtjen e qytetarëve”, tha ai.

Sa i përket akuzave të opozitës, Çupi tha se shfrytëzoi situatës dhe se ka për qëllim të përfitojë politikisht.

“Është zakon i kësaj pjese të politikës që gjithë kohës i ka ngritur veshët në kohën e fatkeqësive. Kemi parasysh këtu edhe tërmetin. Proporcionaliteti është shuar në këtë rast, proporcionaliteti në mungesë, praktikisht opozitarit po i mungon opozita. Pra qytetarit i mungon alternativa pavarësisht se voton qeverinë”, tha më tej Çupi.

/abcnews.al/

E ftuar në studion e “ABC e Mëngjesit”, Blerina Matraku u rikthye me një histori frymëzuese për rrugëtimin e saj mes muzikës, punës dhe zgjedhjeve personale. Ajo tregoi se këngën e ka nisur që e vogël, në koncertet modeste që zhvilloheshin në Krujë. Studimet e larta i ka kryer në Elbasan, ku hodhi edhe hapat e parë në skenën e Teatrit “Skampa”.

Pas ardhjes në Tiranë, nevoja për një punë të qëndrueshme e çoi drejt profesionit të stjuardesës. Blerina rrëfeu se kënga ka qenë gjithmonë profesioni i saj i parë, por për ta mbështetur ka bërë edhe punë të dyta. Për katër vite ajo punoi si stjuardesë, një eksperiencë të vështirë, por që e ka dashur shumë. Paralelisht, ajo u formua si përkthyese e gjuhës franceze, profesion për të cilin ka përfunduar studimet. Edhe pse ka kënduar në frëngjisht, ajo pranon se vetvetja e saj artistike është në gjuhën shqipe. Duke folur për jetën personale, Blerina u shpreh se është mirë me veten e saj dhe nuk e sheh beqarinë si problem.

Pas 14 vitesh pauzë nga garat muzikore, ajo u rikthye në “Kënga Magjike” me këngën “Mama”. Vendimi për pjesëmarrjen erdhi falë mbështetjes së familjes dhe veçanërisht vëllait të saj. Ky rikthim, sipas saj, ishte një revolucion personal dhe artistik.

Blerina pranoi se ishte stilisti Joni Peçi ai që e ndihmoi të guxojë më shumë edhe në pamje. Ajo u tërhoq për vite me radhë nga skena, sepse ndjente se po përsëriste veten dhe kishte nevojë të kuptonte çfarë mund të sillte ndryshe. Rikthimi i saj sot vjen si një kapitull i ri, më i pjekur dhe më i sinqertë se kurrë.

I ftuar në studion e “ABC e Mëngjesit”, Ilir Ciko fotograf i botës së egër dhe ekspert ekonomie, prezantoi një projekt të veçantë që i dedikohet zogjve të rrallë mbi qiellin shqiptar.

Ai ka përgatitur një kalendar për vitin 2026 me fotografi të shkrepura ekskluzivisht në Shqipëri, në mbështetje të Shoqatës Mjedisore për Shpendët. Të gjitha të ardhurat nga kalendari, kanë shkuar për AOS, ndërsa shpenzimet i ka mbuluar vetë autori.

Ciko tregoi se fotografimi i shpendëve në fluturim është një nga teknikat më të vështira, por edhe më emocionueset. Sipas tij, shpendët e tërheqin sepse janë jetikë, lëvizin vazhdimisht dhe kanë një botë komplekse familjare. Ai shpjegoi se muajt mars dhe prill janë një “korridor” migrimi, ku shumë shpendë kalojnë nëpër Shqipëri. Shumë prej fotografive janë realizuar pranë Liqenit Artificial të Tiranës, një zonë që fsheh surpriza të mëdha natyrore. Ciko pranoi se nuk i njeh gjithmonë të gjitha speciet në momentin e fotografimit, por i studion më pas.

Miqtë e tij shpesh habiten kur mësojnë se shpendët më të bukur “pozojnë” në zemër të Tiranës. Përveç fotografisë së botës së egër, ai ndan pasionin edhe për wind surfing. Në kërkim të erës dhe dallgës perfekte, Ilir Ciko eksploron edhe detet shqiptare, duke e kthyer natyrën në burim frymëzimi të vazhdueshëm.

LEZHË- Finalizohet operacioni antidrogë, i koduar “Terreni”. Gjatë aksionit janë goditur nga Forca e Posaçme “Shqiponja”, 2 raste të tjera të shitjes së lëndës narkotike Cannabis Sativa, në sasi dhe në doza.

Ndërsa në pranga janë vënë 2 shtetas. Këta persona u arrestuan në zonën e kalasë dhe në fshatin Manati.

Si rezultat i kontrolleve dhe punës informative, të kryera me objektiv evidentimin dhe goditjen e rasteve të veprimtarive kriminale në fushën e narkotikëve, shërbimet e Forcës së Posaçme “Shqiponja” finalizuan operacionin e koduar “Terreni”, në kuadër të të cilit u konstatuan 2 raste të tjera të posedimit të Cannabis Sativës, me qëllim shitjen në sasi dhe në doza. Konkretisht, në bashkëpunim me specialistët e Seksionit për Hetimin e Narkotikëve, u arrestuan në flagrancë: -në fshatin Manati, duke lëvizur me automjet, për të shitur doza Cannabisi, shtetasi 22 vjeç, banues në Lezhë dhe në zonën e kalasë së Lezhës, shtetasi 27 vjeç, banues në Kurbin, i cili kishte me vete një sasi Cannabisi, dyshohet me qëllim shitjen”, njofton policia.

Materialet procedurale iu referuan Prokurorisë së Lezhës, për veprime të mëtejshme.

/abcnews.al/

Në aksin rrugor Leskovik – Përmet, në zonën e fshatit Petran si pasojë e çedimit të shtratit të rrugës qarkullimi i mjeteve është plotësisht i pamundur.

Për arsye sigurie, njoftohet se ky aks rrugor do të mbetet i bllokuar deri në një njoftim të dytë.

Ndërkohë vendi është përfshirë prej katër ditësh nga reshje ë dendura të shiut. Si pasojë, përmbytje masive janë regjistruar në gjithë territorin e vendit duke shkaktuar dëme në banesa e biznese. Në Durrës një ditë më parë u raportua edhe një viktimë nga moti i keq.

Gjithashtu ka pasur bllokime në disa akse në vend si pasojë e rrëshqitjes së dherave si edhe inerteve të rëna në rrugë.

Këtë të premte u zhvillua edhe mbledhja e Emergjencave Civile, drejtuar nga kryeministri Edi Rama ku shpalosën të gjitha problematikat si edhe masat për t’u ardhur në ndihmë banorëve të prekur nga përmbytjet.

Është arrestuar një 19-vjeçar për plagosje. Sipas policisë, njoftohet se 19-vjeçari goditi me thikë një 18-vjeçar, gjatë një konflikti për motive të dobëta.

“Shërbimet e Komisariatit të Policisë Nr. 2, në vijim të punës për parandalimin dhe goditjen e veprimtarive kriminale, si dhe për kapjen e shtetasve në kërkim, në bazë të informacioneve të siguruara, kanë organizuar punën dhe në kuadër të operacionit të koduar “Catch”, kanë kapur dhe ndaluar shtetasin E. R., 19 vjeç.”, thuhet në njoftim.

Ky shtetas ishte shpallur në kërkim pasi dyshohet se më datë 23.11.2025, gjatë një konflikti për motive të dobëta, ka plagosur me mjet prerës një 18-vjeçar.

Materialet procedurale i kaluan Prokurorisë, për veprime të mëtejshme.

Protestues të shumtë kanë marshuar nëpër kryeqytetin e Iranit dhe qytete të tjera.

Protestuesit bënë thirrje për rrëzimin e udhëheqësit suprem të Iranit, Ajatollah Ali Khamenei, dhe kthimin e Reza Pahlavi.

Ishte dita e 12-të radhazi e trazirave që janë shkaktuar nga pakënaqësia për rënien e monedhës iraniane përballë dollarit dhe janë përhapur në më shumë se 100 qytete dhe qyteza në të 31 provincat e Iranit, sipas grupeve të të drejtave të njeriut.

Agjencia e Lajmeve të Aktivistëve të të Drejtave të Njeriut me seli në SHBA ka thënë se të paktën 34 protestues – pesë prej tyre fëmijë – dhe tetë personel sigurie janë vrarë, dhe se 2,270 protestues të tjerë janë arrestuar.

Në qarkun e Korçës raportohet se ekipet e OSHEE janë në terren për të bërë të mundur rikthimin e energjisë në zonat ku ka problematika. Raportohet se situata prek drejtoritë rajonale Korçë, Maliq, Pogradec dhe Ersekë, ndërsa Bilishti nuk raporton problematika.

Si pasojë e reshjeve të shiut, argjinatura e lumit Devoll vijon të jetë e çarë, duke bërë që rreth 3,600 ha tokë bujqësore në fushën e Maliqit të jenë nën prezencën e ujit.

Gjithashtu edhe argjinatura e lumit Devoll vijon të jetë e çarë, duke bërë që rreth 3,600 ha tokë bujqësore në fushën e Maliqit të jenë nën prezencën e ujit.

Ndërsa nga reshjet e borës nuk raportohen problematika.

Në përgjithësi, akset rrugore janë të hapura.

Aksi Qafë Plloçë – Qukës, vijon puna për pastrimin e inerteve aksi mbetet ende i bllokuar.

Në rrugën e fshatit Dardhas bashkia po punon për krijimin e një bypass-i.

Rruga në fshatin Denas vijon e bllokuar do të ndërhyhet nga bashkia sapo të ulet niveli i ujit.

Njoftimi i plotë

ARRSH – Drejtoria Qendër-Lindje

Ersekë – Leskovik puna ka vijuar gjatë natës është kryer kriposja për shkak të ngricave. Qarkullimi lejohet me goma dimërore dhe zinxhirë.

Maliq – kufiri me Gramshin situata paraqitet pa probleme ka vijuar kontraktori me kriposje qarkullimi normal.

Korçë – Ersekë (km 3) dhe Zëmblak – Goricë e Bilisht – Miras (km 6) është vijuar me kriposje qarkullimi vijon me goma dimërore.

Boboshticë – Dardhë, gjatë natës janë regjistruar temperatura të ulëta është kryer kriposja në të gjithë segmentin.

Informacione nga bashkitë

Bashkia Pogradec:

Vijon problematika e rrugës së Dardhasit, ku po punohet për ta bërë të kalueshme. Në njësitë Sterkanj, Dardushë, Nicë, Osnat dhe Lekas raportohen ndërprerje të energjisë elektrike. Në fshatin Dardhas, si pasojë e rrëshqitjes së një masivi dheu, është dëmtuar një banesë, e cila për momentin është e pabanueshme.

Bashkia Devoll: Në fshatrat Maçurisht, Progër dhe Cangonj, uji është tërhequr plotësisht situata është normalizuar dhe nuk raportohen probleme të tjera.

Bashkia Kolonjë: Ka ngrirje të rrugëve strukturat e bashkisë po punojnë në terren. Procesi mësimor ka filluar normalisht në shkollat e qyteteve Ersekë dhe Leskovik, ndërsa nuk ka filluar në fshatrat Shtikë, Starje, Mesiçkë dhe Qafëzez. Janë marrë masa për sigurimin e ngrohjes. Nuk ka probleme me furnizimin me ujë dhe energji elektrike.

Bashkia Maliq

Në territorin e Njësisë Administrative Gorë janë konstatuar problematika:

Në fshatin Velçan janë shkaktuar përmbytje të tokave bujqësore.

Rruga e fshatit Senisht është dëmtuar një segment i saj është i batisur dhe aktualisht i pakalueshëm për mjetet.

Në fshatin Dolan janë shënuar rrëshqitje dherash, si pasojë e të cilave rruga është e bllokuar. Gjithashtu, është dëmtuar rrjeti i ujësjellësit.

Probleme në qarkullim janë konstatuar edhe në rrugët e fshatrave Strelcë, Zvarisht dhe Lozhan Lartë, ku ka prani të dëborës dhe kalimi i mjeteve kryhet me vështirësi.

Situata po monitorohet në mënyrë të vazhdueshme nga strukturat përgjegjëse për ndërhyrje deri në normalizimin e gjendjes, garantimin e qarkullimit rrugor dhe rikthimin e shërbimeve bazë.

Është dëmtuar argjinatura e kanalit kryesor në fshatin Leminot, si dhe është shkatërruar plotësisht një urë.

Gjithashtu, është dëmtuar segmenti rrugor Kakaç – Vërçun, ku për shkak të rrëshqitjeve të tokës është dëmtuar edhe ushqyesi i rezervuarit Vërçun – Podgorie.

Strukturat e e mbrojtjes civile dhe shërbimet rrugore u bëjnë thirrje drejtuesve të mjeteve të qarkullojnë vetëm me goma dimërore ose zinxhirë, për shkak të ngricave të pranishme në disa segmente rrugore.