Juventusi ka publikuar pamje të sulmuesit Edon Zhegrova, kur ky i fundit festonte, kur kontribuoi në golin ndaj Romës.
Zhegrova kundër Romës zhvilloi një paraqitje solide pavarësisht që u kritikua nga Luciano Spalleti për punën në aspektin defansiv, ndërsa edhe harkoi te goli i fitores.
Juventusi ka publikuar një video në Facebook të Zhegrovës, kur ky i fundit nis festën pasi pa që topi hyri brenda rrjetës.
“Pasion”, ndër të tjera ishte e shkruar në mbishkrim të skuadrës italiane.
Ndërkohë, Zhegrova është rikthyer në stërvitje me ekipin të premten dhe është në dispozicion të Spallettit, nëse ky i fundit vendosë t’i jep minutazhë në vikend kundër Pisa./Telegrafi/
Real Madridi po shqyrton opsionet në repartin defensiv dhe sipas gazetarit Mario Cortegana të “The Athletic”, klubi madrilen dëshiron që Ferland Mendy të largohet nga ‘Santiago Bernabeu’.
Mbrojtësi i majtë nuk shihet më si pjesë e planeve afatgjata të klubit dhe është konsideruar si i tepërt në projektin e ardhshëm sportiv.
Megjithatë, qëndrimi i klubit nuk përputhet me dëshirën e lojtarit. Ferland Mendy ka kontratë të vlefshme deri në vitin 2028 dhe është i vendosur të qëndrojë te Real Madridi, duke synuar të provojë vlerën dhe të kontribuojë për skuadrën sa herë që të jetë në gjendje fizike të mirë.
Problemet e vazhdueshme me lëndimet kanë ndikuar ndjeshëm në aventurën e Mendyt në Madrid. Këtë sezon, mbrojtësi francez ka zhvilluar vetëm një paraqitje, ndërsa vështirësitë fizike i kanë pamundësuar krijimin e vazhdimësisë dhe rikthimin në formën më të mirë.
Situata aktuale nxjerr në pah një përplasje të mundshme mes strategjisë së klubit dhe synimeve personale të lojtarit. Real Madridi po mendon për riorganizimin e mbrojtjes për të ardhmen, ndërsa Mendy nuk dëshiron të largohet dhe kërkon kohë për të dëshmuar se ende mund të jetë i dobishëm.
Muajt e ardhshëm pritet të jenë vendimtarë për të ardhmen e Ferland Mendyt, me të dyja palët që do të duhet ta menaxhojnë me kujdes këtë situatë delikate./Telegrafi
Trajneri i Aston Villa, Unai Emery, ka folur para udhëtimit të skuadrës në “Stamford Bridge”, duke e cilësuar përballjen ndaj Chelseat si një nga testet më të vështira të sezonit në Ligën Premier.
Tekniku spanjoll ka theksuar respektin maksimal për rivalin londinez, duke vlerësuar cilësinë e lojtarëve, stafin teknik dhe formën në rritje të skuadrës së Enzo Marescas.
“Ne e respektojmë shumë vështirësinë e Ligës Premier dhe faktin se po luajmë kundër Chelseat. Ata janë favoritë për të qenë në top katër dhe favoritë për të luftuar për titullin në Ligën Premier, sepse kanë lojtarë shumë të mirë, një trajner shumë të mirë dhe janë duke u përmirësuar vazhdimisht”.
“Ata janë kampionët e Botërorit të Klubeve dhe kjo do të thotë shumë. Tani janë pas nesh në renditje, por ndihen shumë të fortë dhe po luajnë me vetëbesim. Po konkurrojnë shumë mirë ndaj skuadrave më të mira”.
“Ata e kanë mposhtur Liverpoolin në shtëpi, kanë konkurruar në mënyrë fantastike kundër Arsenalit duke barazuar, e kanë mposhtur Barcelonën në Ligën e Kampionëve dhe fituan edhe ndeshjen e fundit në shtëpi kundër Evertonit”.
“Ata ndihen shumë të fortë në shtëpi. Ajo që ka shumë rëndësi është se si ndihemi ne tani, me momentumin që kemi. Nesër është një test shumë i madh për ne. Një test i madh në Chelsea, një test i madh si mysafir, një test i madh për mënyrën se si do të reagojmë jashtë fushe kundër një skuadre si Chelsea”.
“Jemi shumë të motivuar dhe të emocionuar për mënyrën se si do t’i përballim nesër. Jemi të fokusuar maksimalisht në këtë ndeshje për të provuar të japim më të mirën tonë”, deklaroi ai.
Përballja mes Chelseas dhe Villas do të zhvillohet të shtunën prej orës 18:30./Telegrafi
Napoli është një nga klubet që po shfaq interes konkret për mesfushorin e Bayern Munich, Leon Goretzka, në afatin kalimtar të janarit. Gjigantët italianë po kërkojnë përforcime në mesfushë dhe gjermani është shndërruar në objektivin kryesor.
30-vjeçari iu bashkua Bayernit nga Schalke në verën e vitit 2018 dhe deri më tani ka regjistruar mbi 285 paraqitje me bavarezët, duke shënuar 46 gola në të gjitha garat. Kontrata e tij me Bayernin skadon në fund të këtij sezoni, ndërsa interesim për të kanë shfaqur edhe klube të tjera, përfshirë Atletico Madridin.
Sipas raportimeve të “TuttomercatoWeb”, Napoli e ka vendosur Goretzkan në krye të listës së dëshirave për janarin. Kampionët e Serie A aktualisht renditen në vendin e tretë në tabelë pas 15 xhirove, me 31 pikë, një më pak se Milani i vendit të dytë dhe dy më pak se lideri Inter.
Skuadra e Antonio Contes po vuan mungesat e disa lojtarëve kyç në mesfushë, si Kevin De Bruyne, Billy Gilmour dhe Frank Anguissa, kryesisht për shkak të lëndimeve, duke e lënë ekipin me pak alternativa në këtë repart. Për të mbajtur gjallë garën për Scudetton, Napoli ka nevojë për cilësi dhe eksperiencë në mesfushë, ndërsa Goretzka shihet si një profil ideal.
Te Bayerni, Goretzka ndodhet pas Joshua Kimmich dhe Aleksandar Pavlovic në hierarkinë e mesfushës, por ai vazhdon të konsiderohet një lojtar i rëndësishëm në skuadrën e Vincent Kompanyt. Këtë sezon, mesfushori ka zhvilluar 14 ndeshje në Bundesliga, 12 prej tyre si titullar, ndërsa në Ligën e Kampionëve ka regjistruar vetëm pesë paraqitje si zëvendësues.
Bayern Munich nuk është i prirur ta humbasë Goretzkan në janar dhe vetëm një ofertë bindëse nga Napoli apo ndonjë klub tjetër mund ta ndryshojë këtë qëndrim. Në të kundërt, gjermani pritet të qëndrojë në Mynih deri në fund të sezonit dhe të largohet si lojtar i lirë në verë./Telegrafi
Trajneri Pep Guardiola po sheh me optimizëm rikthimin e disa lojtarëve kyç nga lëndimet, teksa Manchester City synon të shtyjë fort drejt fitimit të disa trofeve madhorë këtë sezon, përfshirë edhe Ligën Premier.
Guardiola ka pranuar se do të preferonte që City të ishte në krye të tabelës në Ligën Premier, por është i kënaqur që skuadra ndodhet shumë pranë liderëve të Arsenalit. Kampionët në fuqi janë vetëm dy pikë prapa londinezëve, përpara ndeshjes së fundjavës ndaj Nottingham Forest.
Në Ligën e Kampionëve, Manchester City renditet në vendin e katërt dhe është pesë pikë prapa Arsenalit, por mbetet në pozicion të favorshëm për një kualifikim direkt në fazën e 1/8 së finales, nëse përfundon mes tetë skuadrave më të mira.
“Do të preferoja të ishim 10 pikë para të gjithëve, por realiteti është ky. Arsenali po bën shumë mirë, por ne jemi aty… jemi ende në fund të dhjetorit”.
“Në Ligën e Kampionëve jemi lart, në Ligën Premier po ashtu. Jemi në gjysmëfinale të Kupës së Ligës dhe së shpejti nis edhe FA Cup”.
“Disa lojtarë shumë të rëndësishëm po kthehen, kështu që do ta shohim hap pas hapi, ndeshje pas ndeshjeje, çfarë do të ndodhë”.
Një nga lajmet më të mira për Guardiolën është gjendja e Rodrit. Mesfushori spanjoll nuk ka luajtur që nga fillimi i nëntorit për shkak të një lëndimi në kofshë, por tani është shumë pranë rikthimit dhe mund të jetë i gatshëm për përballjen me Nottingham Forest.
“Rodri është shumë, shumë më mirë. Nëse do të jetë i gatshëm apo jo, do ta vendosim sot”.
“Jeremy Doku dhe John Stones ende nuk janë gati, por shumë shpejt do të kthehen”./Telegrafi
Robert Lewandowski nuk ka asnjë plan për t’u larguar nga Barcelona, pavarësisht pasigurisë në rritje lidhur me rolin e tij në skuadër dhe situatën kontraktuale.
Sipas “Sport”, sulmuesi 37-vjeçar dëshiron të qëndrojë në ‘Camp Nou’ dhe të rikthejë rëndësinë e tij në ekip, pasi ka humbur vendin e titullarit si numër 9, me Ferran Torres që ka fituar më shumë hapësira.
Lewandowski po hyn në gjashtëmujorin e fundit të kontratës, e cila skadon më 30 qershor dhe duhet të bindë klubin që t’i ofrojë një rinovim. Nga 1 janari, ai është i lirë të negociojë me klube të tjera, me interes konkret që vjen nga MLS dhe Arabia Saudite.
Këtë sezon, polaku ka shënuar tetë gola në La Liga, por ka kaluar një muaj pa gjetur rrugën e rrjetës, ndërsa problemet fizike janë bërë më të shpeshta. Kjo ka shtuar dilemat brenda klubit për vazhdimësinë e tij si lider i repartit ofensiv.
Trajneri i Barcelonës, Hansi Flick, po e menaxhon me kujdes ngarkesën e tij, duke shpresuar që Lewandowski të jetë vendimtar në pjesën e dytë të sezonit. Strategjia është që përvoja dhe instinkti të shfrytëzohen maksimalisht në momentet kyçe.
Nëse Lewandowski nuk arrin të rikthejë ndikimin dhe të riafirmohet si titullar i padiskutueshëm, largimi do të bëhej një opsion realist, duke detyruar Barcelonën të rishikojë planet për pozicionin e sulmuesit qendror./Telegrafi
Trajneri i Juventusit Luciano Spalletti ka marrë një lajm pozitiv pasi sulmuesi Edon Zhegrova, së bashku me disa bashkëlojtarë do të jenë gati për ndeshjen e të shtunës ndaj Pisa.
Anësori kosovar ka munguar në stërvitje në ditët e fundit shkaku se ka qenë i sëmurë, megjithatë në stërvitjen e të premtes ka qenë në fushë me bashkëlojtarët.
“Sportmediaset” raporton se Zhegrova, Weston McKennie dhe Gleison Bremer stërviten me grupin dhe do të jenë gati edhe për të nisur titullarë nëse Spalletti vendos t’iu jep hapësirë.
Lajmi edhe më i mirë për yllin e Kosovës është se sulmuesi portugez Francesco Conceicao ka stërvitur i vetëm dhe nuk do të jetë në gjendje të udhëtojë me skuadrën të shtunën.
Kësisoj, Spallettit do t’i duhet të vendosë mes Zhegrovës, Fabio Miretti ose Vasilije Adzic për vendin në formacionin bazë.
Përballja mes Pisas dhe Juventusit do të zhvillohet të shtunën me fillim nga ora 20:45./Telegrafi
Real Madridi nuk e ka ndryshuar planin sa i përket Vinicius Jr, sipas asaj që raporton “SER Deportes”, por tashmë ka krijuar një plan të dytë.
“Los Blancos’ dëshirojnë ta mbajnë brazilianin në klub, megjithatë besimi ndaj tij nuk është më i plotë si në sezonin e kaluar, për shkak të formës së dobët që po kalon sulmuesi.
Vinicius po kalon një periudhë të vështirë, duke mos arritur të shënojë gol në 14 ndeshje radhazi, çka ka ngritur pikëpyetje të mëdha brenda klubit për ndikimin aktual në skuadër.
Sipas raportit, nëse Vinicius vazhdon me paraqitje zhgënjyese, Real Madridi ka një plan alternativ: Transferimin e një organizatori loje si Vitinha nga PSG.
Mesfushori portugez është vlerësuar si një nga tre lojtarët më të mirë në botë dhe konsiderohet si një nga krijuesit më të mirë të lojës në futbollin aktual, falë vizionit, qarkullimit të topit dhe aftësisë për të kontrolluar ritmin e ndeshjes.
Real Madridi ka hasur vështirësi këtë sezon në krijimin e rasteve nga mesfusha, pavarësisht paraqitjeve mbresëlënëse të Arda Guler dhe Jude Bellingham, të cilët nuk kanë mundur gjithmonë ta mbulojnë mungesën e kreativitetit të vazhdueshëm në fazën ofensive.
Situata e Vinicius Jr pritet të monitorohet nga afër në javët në vijim, ndërsa drejtuesit e klubit madrilen po përgatisin skenarë të ndryshëm për të ardhmen e skuadrës.
Ndërkohë, ende nuk dihet nëse PSG-ja do ta pranojë shitjen e Vitinhas pasi mbetet lojtar kyç në formacionin e Luis Enriques./Telegrafi/
Arsenali ka ndryshuar qëndrim sa i përket të ardhmes së sulmuesit Gabriel Jesus, duke mos qenë më i gatshëm ta lejojë largimin e tij në afatin kalimtar të janarit, pavarësisht se më herët kishte qenë i hapur për një shitje të mundshme.
Trajneri Mikel Arteta e konsideron rikthimin në formë të brazilianit dhe rolin e tij në skuadër si elemente kyçe për pjesën e mbetur të sezonit.
Sulmuesi 27-vjeçar ka rikonfirmuar rëndësinë e tij për ekipin, pavarësisht problemeve të shpeshta me lëndimet. Pas rikuperimit nga shqetësimet në muskujt e kofshës, Jesus ka nisur të aktivizohet rregullisht, duke sjellë intensitet në presion, lëvizje pa top dhe lojë lidhëse – elemente thelbësore në sistemin e Artetës.
“Gabriel është shumë në formë. Ne kemi rritur gradualisht minutat e tij”.
“Përderisa ishte në rregull fizikisht, të gjithë ishim të kënaqur ta linim në fushë. Kur filluam të shihnim shenja lodhjeje, e zëvendësuam, por jemi shumë të kënaqur me të”.
Në mesin e vitit 2025, Arsenali kishte konsideruar seriozisht një shitje të mundshme të Gabriel Jesus në janar, veçanërisht për shkak të interesimit nga klubet saudite. Megjithatë, paraqitjet e fundit kanë ndryshuar llogaritjet në ‘Emirates’, pasi braziliani nuk shihet më si lojtar i tepërt në skuadër.
Sezonin e kaluar, Gabriel Jesus regjistroi shtatë gola dhe dy asistime në 27 paraqitje për Arsenalin në të gjitha garat, duke treguar se edhe mes lëndimeve, ai mbetet një hallkë e rëndësishme në projektin e Artetës./Telegrafi
Komiteti Ekzekutiv i Federatës së Futbollit të Kosovës (FFK) ka vendosur që më 5 shkurt 2026 të mbahet Kuvendi Zgjedhor 2026.
KE konstatoi se përgatitjet për kuvendet zgjedhore kanë shkuar sipas dinamakës së paraparë, andaj më 5 shkurt 2026 do të jetë gjithçka e kompletuar.
“Në lidhje me procesin zgjedhor, KE i FFK-së konstatoi se përgatitjet për kuvendet zgjedhore në regjione janë duke u zhvilluar sipas dinamikës së paraparë. Në këtë kuadër, Komiteti Ekzekutiv vendosi që Kuvendi Zgjedhor i FFK-së të mbahet më 5 shkurt 2026”.
Ndërkohë, KE e FFK-së vendosi edhe për ndarjen e një fondi simbolik për dhurata të Vitit të Ri për fëmijët e Luginës së Preshevës, si shenjë solidariteti dhe përkrahje.
Komunikata e plotë më poshtë:
Komiteti Ekzekutiv i Federatës së Futbollit të Kosovës ka mbajtur mbledhjen e fundit për këtë vit nën drejtimin e presidentit Agim Ademi. Rendi i ditës i kësaj mbledhje ishte aprovimi i procesverbalit të mbledhjes së kaluar, përmbyllja e vitit 2025, përgatitjet për procesin zgjedhor, si dhe pika të ndryshme.
Në fillim, Komiteti Ekzekutiv i FFK-së miratoi unanimisht procesverbalin e mbledhjes së kaluar.
Duke folur për vitin 2025, presidenti Agim Ademi, theksoi se ky vit ka qenë jashtëzakonisht i suksesshëm në të gjitha segmentet, me arritje historike për futbollin e Kosovës. Ai vlerësoi se viti është përmbyllur shumë mirë, si në aspektin organizativ të Federatës, ashtu edhe me rezultatet e arritura nga Kombëtarja A dhe klubet kosovare në arenën evropiane.
Presidenti Ademi potencoi rëndësinë e dy ndeshjeve të ardhshme të ‘play-off’-it të Kombëtares, duke theksuar se përqendrimi i plotë duhet të jetë në ndeshjen e parë ndaj Sllovakisë, me shpresën që Kombëtarja do të jetë në formën optimale në muajin mars dhe do t’i kalojë me sukses edhe këta dy hapa për të realizuar ëndrrën e shumë gjeneratave për paraqitjen e parë historike në Kupën e Botës.
Po ashtu, u vlerësua pozitivisht edhe paraqitja e deritashme kualifikuese nga Kombëtarja U21, derisa u konsiderua si objektiv shumë i rëndësishëm kualifikimi në Kampionatin Evropian U21 në vitin 2027. U vlerësuan edhe sukseset e Kombëtares U17 të vajzave, si dhe paraqitjet e mira të FC Drita në Ligën e Konferencës dhe FC Prishtina 01 Ligën e Kampionëve në futsall.
Sa i përket grupmoshave U15, U17 dhe U19, Komiteti Ekzekutiv i FFK-së vlerësoi se ka hapësirë për përmirësim dhe se në këtë drejtim do të ketë rifreskim të stafeve teknike. U theksua rëndësia e zhvillimit që nis nga grupmosha U15, si dhe nevoja për reformë në nivel të regjioneve, me qëllim që përzgjedhja e talenteve të bëhet në mënyrë sa më meritore dhe profesionale. Në këtë kuadër, KE vendosi krijimin e një ekipi për zhvillimin e grupmoshave, të cilin nga KE do ta mbikqyrë Samir Ujkani.
KE i FFK-së konstatoi se garat në të gjitha ligat gjatë këtij viti kanë shkuar shumë mirë. U vlerësua fakti që Kosova vazhdon të mbajë pozitë shumë të mirë në renditjen e UEFA-s për klube, duke u renditur në vendin e 36-të me 13.989 pikë, ndërsa në ranglistën e FIFA-s, Kombëtarja e Kosovës e ka mbyllur vitin me rekord historik, si kombëtarja me përparimin më të madh brenda një viti prej 19 vendesh, duke u pozicionuar në vendin e 80-të. Gjithashtu, u vlerësua rritja e vlerës së Superligës dhe klubeve kosovare në treg, çka dëshmon për një ngritje të gjithmbarshme të futbollit në vend.
Komiteti Ekzekutiv i FFK-së e vlerësoi shumë të rëndësishëm edhe faktin e rritjes së numrit të investitorëve seriozë në klube, duke theksuar se kjo po ndikon drejtpërdrejt në rritjen e cilësisë së futbollit. KE u zotua se do të vazhdojë të punojë për krijimin e kushteve sa më të favorshme për investime në futboll.
Në lidhje me procesin zgjedhor, KE i FFK-së konstatoi se përgatitjet për kuvendet zgjedhore në regjione janë duke u zhvilluar sipas dinamikës së paraparë. Në këtë kuadër, Komiteti Ekzekutiv vendosi që Kuvendi Zgjedhor i FFK-së të mbahet më 5 shkurt 2026.
Në fund të mbledhjes, KE i FFK-së miratoi propozimin e presidentit Agim Ademi për ndarjen e një fondi simbolik për dhurata të Vitit të Ri për fëmijët e Luginës së Preshevës, si shenjë solidariteti dhe përkrahjeje./Telegrafi
Legjenda e Liverpoolit Jamie Carragher ka deklaruar se mungesa e mundshme e Alexander Isak përbën një “goditje shumë të madhe” për klubin anglez, por njëkohësisht ka shprehur mirëkuptim për Micky van de Ven pas ndërhyrjes që çoi në lëndimin e sulmuesit suedez.
Isak ka pasur vështirësi për të lënë gjurmë te skuadra e Arne Slot që nga transferimi i tij me shifrën rekord nga Newcastle United, duke realizuar vetëm tre gola në 16 paraqitje në të gjitha garat.
Reprezentuesi suedez shënoi si zëvendësues në pushim të pjesës së parë gjatë fitores 2-1 ndaj Tottenhamit të shtunën, por u lëndua pikërisht në momentin e golit, pas një ndërhyrjeje të fortë nga Van de Ven.
Edhe pse shkalla e lëndimit të Isakut ende nuk është konfirmuar zyrtarisht, raportimet sugjerojnë se Liverpooli druhet se bëhet fjalë për një problem serioz, që mund ta mbajë jashtë fushave për një periudhë të konsiderueshme.
Carragher u shpreh i zhgënjyer për situatën, por ish-mbrojtësi i Liverpoolit doli në mbrojtje të ndërhyrjes së Van de Ven.
“Kjo është një goditje shumë e madhe, sepse mendoj se Liverpooli gjithsesi ishte një sulmues më pak”.
“Është thjesht shumë fat i keq për Isakun. Ndoshta ky ishte një nga momentet e para ku pamë vërtet cilësinë e tij reale me fanellën e Liverpoolit”.
“Është folur shumë për ndërhyrjet e lojtarëve të Tottenhamit dhe shumë prej tyre nuk ishin të zgjuara. Por, nëse e vendos veten në pozicionin e Van de Ven, kjo është një ndërhyrje që ndoshta do ta bëja edhe unë”.
“Ai po përpiqet ta bllokojë goditjen, problemi është vetëm vazhdimi i lëvizjes. Nuk e di se ku tjetër mendojnë njerëzit se do të shkonte këmba e tij. Ai duhej ta bënte atë ndërhyrje. Nuk mund ta lejosh sulmuesin të gjuajë lirshëm në atë situatë”, deklaroi ai për “Sky Sports”./Telegrafi
Presidenti i Napolit, Aurelio De Laurentiis, ka ironizuar të gjithë ata që “kanë dyshuar ndonjëherë” te Antonio Conte, pas triumfit të “Napolitanëve” në Superkupën e Italisë.
Partenopejt fituan Superkupën e Italisë për herë të tretë në histori, pas edicioneve 1990-91 dhe 2014-15, ndonëse vetëm në epokën Diego Armando Maradona kanë arritur ta kombinojnë këtë trofe edhe me Scudetton.
David Neres, pasi kishte shënuar në fitoren 2-0 ndaj AC Milan në gjysmëfinale, realizoi sërish dy gola në finale ndaj Bolognas, duke u shpallur ylli i mbrëmjes.
“A kishit dyshime për Conten? Humbëm 2-0 në Bologna në Serie A, ndërsa këtu e barazuam situatën, me dallimin se, siç thotë miku im Joey Saputo, ky është një turne tjetër dhe kishte një trofe në lojë”, deklaroi De Laurentiis për “Sport Mediaset”, duke iu referuar presidentit të Bolognas.
“Më vjen keq për të, por tani është 1-1, kështu që i presim në Napoli për ndeshjen vendimtare nga tri përballje”.
Një nga përfituesit më të mëdhenj të krizës së lëndimeve në mesfushë ka qenë pikërisht Neres, i cili më parë kishte shumë pak minuta në dispozicion, por ka shpërthyer në skemën e re 3-4-2-1.
Braziliani ka shënuar tre nga katër golat e Napolit, ndërsa këtë sezon numëron gjashtë gola dhe katër asistime në 22 ndeshje.
“Fansave të Napolit mund t’u them vetëm se sezonin e kaluar kishim vetëm Serie A-në dhe Kupën e Italisë, por edhe atëherë u përballëm me shumë lëndime dhe ishim vazhdimisht në fije të perit”, theksoi De Laurentiis.
“E njëjta gjë ndodhi edhe këtë sezon, por ndryshimi është se tani kemi shumë më tepër lojtarë, sepse investuam shumë në afatin kalimtar të verës. Kështu, në fatkeqësi patëm edhe fatin e mirë që u detyruam t’i aktivizonim dhe t’i zbulonim afrimet e reja”.
“Megjithatë, duhet të qëndrojmë të qetë, sepse një pengesë është gjithmonë pas qoshes. Më 28 dhjetor kemi ndeshje tjetër në Serie A ndaj Cremoneses dhe duhet të jemi të kujdesshëm, pa u shpërqendruar”.
“Sonte u kënaqëm, sepse që nga epoka Maradona nuk kishim fituar dy trofe brenda një viti kalendarik, dhe kjo është shumë e rëndësishme. Fansave u them: ëndërroni pa u ndalur dhe gjithmonë ëndërroni ‘Forza Napoli!”, deklaroi ai./Telegrafi
Redaksia e Sportit në Telegrafi, portalit lider në vend, ka shpallur fituesit e çmimeve për lojtarët më të mirë të Superligës së Kosovës në futboll për vitin 2025.
Gjatë vitit 2025, futbolli ynë shënoi periudha të mbushura me rivalitete dhe garë të fortë mes ekipeve, ku futbolli kosovar vazhdoi të tregojë zhvillim dhe përmirësim të qëndrueshëm.
Përveç sukseseve të mëdha ekipore, lojtarët e Superligës treguan rritje individuale dhe performanca të larta, ku veçohet suksesi i ekipit kampion, Drita, që fitoi titullin e tretë me radhë si dhe siguroi play-offin e Ligës së Konferencës.
Më të mirët për vitin 2025 së bashku me redaksinë e sportit të Telegrafi
Telegrafi, që mbetet burim i besueshëm dhe i përkushtuar ndaj ndjekjes nga afër të futbollit vendor, ka zgjedhur të ndajë sërish çmimet për lojtarët më të dalluar të vitit 2025 në ligën elitare të Kosovës, por edhe atë të femrave.
Arb Manaj, sulmuesi i Dritës është emëruar futbollisti më i mirë i vitit nga redaksia e Telegrafit, si dhe e ka fituar çmimin “Lojtari i preferuar i lexuesve”.
Pas paraqitjeve të mrekullueshme, Telegrafi ndau çmime edhe për portierin, mbrojtësin, mesfushorin, sulmuesin dhe trajnerin më të mirë të vitit.
Faton Maloku (Drita), Egzon Bejtullai (Drita), Albert Dabiqaj (Drita) dhe Sead Jarovic (Gjilani) morën këto çmime. Ndërsa, Zekirija Ramadani e fitoi çmimin trajneri më i mirë i vitit.
Më të mirët e vitit në futbollin e Kosovës për vitin 2025
Arb Manaj – Futbollisti i vitit 2025 dhe I preferuari i lexuesve të Telegrafi Sport
Qendërsulmuesi Manaj ka fituar dy çmime gjatë eventit të Telegrafi Sport pas edicionit mahnitës që kaloi te skuadra e Dritës.
Duke zhvilluar plot 47 ndeshje, ku shënoi 15 gola dhe 8 asistime, Manaj arriti edhe një rekord fantastik për të realizuar gol në çdo kompeticion që ka luajtur Drita, pra në Ligën e Kampionëve, Ligën e Evropës, Ligën e Konferencës dhe Superligë.
Përpos kësaj, Manaj e fitoi edhe çmimin “I preferuari i lexuesve”, pasi mori plot 13 mijë e 582 vota nga 30 mijë gjithsej. Garë t’i ashpër i bëri vetëm braziliani i Ballkanit, me plot 11 mijë vota.
Arb Manaj dhe Lavdim Pireva Foto: Ridvan Slivova/Telegrafi
Faton Maloku – Portieri më i mirë i vitit
Portieri i Dritës Faton Maloku në vitin 2025 ishte ndër lojtarët kyç për suksesin e jashtëzakonshëm që kaloi skuadra gjilanase.
Me prite vendimtare, ai ndihmoi klubin ta fitojë titullin si dhe ta sigurojë pjesëmarrjen në Ligën e Konferencës.
Maloku në vitin 2025 zhvilloi 47 ndeshje, ku ruajti 17 herë portën e paprekur si dhe ishte vendimtar për Dritën edhe kur siguruan play-offin e Ligës së Konferencës për herë të parë në histori.
Faton Maloku dhe gazetari Romak Zeqiri Foto: Ridvan Slivova/ Telegrafi
Egzon Bejtullai – Mbrojtësi më i mirë i vitit
Qendërmbrojtësi Egzon Bejtullai është shpallur mbrojtësi më i mirë i vitit 2025. Ylli i Dritës ishte i jashtëzakonshëm këtë vit, për ta ndihmuar klubin gjilanas që ta fitojë titullin kampion.
Bejtullai ka qenë një “Mur i pakalueshëm”, ku zhvilloi 49 paraqitje në të gjitha garat si dhe dhuroi dy gola e pesë asistime.
Gazetari Bardh Maxhuni dhe Egzon Bejtullai Foto: Ridvan Slivova/Telegrafi
Albert Dabiqaj – Mesfushori më i mirë i vitit
Mesfushori i Dritës Albert Dabiqaj mbetet një nga lojtarët më të mirë në futbollin kosovar, ku zhvilloi një tjetër sezon fantastik.
Këtë edicion për “Intelektualët”, “Dabi” zhvilloi plot 51 paraqitje, ku kontribuoi me shtatë gola e dy asistime në proces.
Menaxherja e shitjes ne Telegrafi, Vlorentina Hasanaj dhe Albert Dabiqaj Foto: Ridvan Slivova/Telegrafi
Senad Jarovic – Sulmuesi më i mirë i vitit 2025
Pas një “shpërthimi” te Gjilani, Senad Jarovic e ka fituar çmimin e sulmuesit më të mirë të vitit 2025.
Në Superligën e Kosovës përgjatë vitit 2025, Jarovic shënoi plot 14 gola dhe dhuroi 10 asistime gjatë 37 paraqitjeve.
Pergjegjese per PR dhe Evente, Alisa Buzhala dhe Senad Jarovic Foto: Ridvan Slivova/Telegrafi/
KF Drita – Klubi më i mirë i vitit 2025
Siç pritej, kampioni Drita e ka fituar titullin “Klubi më i mirë i vitit 2025”, pasi e fitoi titullin kampion.
Përpos titullit, Drita e bëri të gjithë Kosovën krenar duke siguruar një vend edhe në play-offin e Ligës së Konferencës.
KF Drita, "Klubi më i mirë i vitit 2025" nga Telegrafi Sport telegrafi.com
Arianit Hasani – Talenti i vitit 2025
Mesfushori Arianit Hasani ka fituar çmimin “Talenti i vitit 2025” pasi zhvilloi paraqitje të vazhdueshme pozitive për Llapin si dhe Kosovën U21.
Pavarësisht se vetëm 21 vjeçar, Hasani zhvilloi 31 paraqitje si dhe shënoi pesë gola e dhuroi shtatë asistime.
Arianit Hasani, "Talenti i vitit 2025" dhe Producenti i podcastit "Arena e Yjeve, Pjetër Monreca Foto: Ridvan Slivova
Aurona Racaj – Futbollistja e Vitit 2025
Futbollistja Aurona Racaj zhvilloi një tjetër vit të shkëlqyer, ku ndihmoi KFF Dukagjinin ta fitojë Kupën e Kosovës.
Me plot 30 gola dhe tetë asistime në vetëm 22 paraqitje, Racaj e dëshmoi se ka qenë “ylli i Dukagjinit”.
Futbollistja Aurona Racaj dhe gazetarja Lavdije Rexhepi telegrafi.com
Zekirija Ramadani – Trajneri i vitit
“Ariktekti” i suksesit të Dritës, Zekirija Ramadani është shpallur trajneri më i mirë i vitit.
Ai drejtoi skuadrën për ta rikthyer titullin në Gjilan pas katër vitesh, ndërsa ishte edhe pikërisht titulli i katërt personal për të.
Zekirija Ramadani, "Trajneri i vitit 2025" Foto: Ridvan Slivova/Telegrafi
Përpos suksesit në Kosovë, Ramadani gjithashtu udhëhoqi me sukses ekipin drejt kualifikimit në Ligën e Konferencës, ku edhe siguruan play-offin./Telegrafi
Redaksia e Sportit në portalin më të madh vendor Telegrafi, ka ndarë çmimet për futbollistët më të mirë të vitit 2025 në Superligën e Kosovës në futboll.
Redaksia e Sportit në portalin më të madh vendor Telegrafi, duke qenë gjithmonë pranë ndeshjeve dhe raportimit të përditshëm të ndeshjeve të futbollit vendor – ka vendosur t’i ndajë përsëri çmimet për futbollistët më të mirë të vitit 2025 në Superligën e Kosovës në futboll.
Arb Manaj – Futbollisti i vitit 2025 dhe I preferuari i lexuesve të Telegrafi Sport
Qendërsulmuesi Manaj ka fituar dy çmime gjatë eventit të Telegrafi Sport pas edicionit mahnitës që kaloi te skuadra e Dritës.
Arb Manaj, “Futbollisti i vitit 2025”Foto: Ridvan Slivova/Telegrafi
Duke zhvilluar plot 47 ndeshje, ku shënoi 15 gola dhe 8 asistime, Manaj arriti edhe një rekord fantastik për të realizuar gol në çdo kompeticion që ka luajtur Drita, pra në Ligën e Kampionëve, Ligën e Evropës, Ligën e Konferencës dhe Superligë.
Arb Manaj dhe Lavdim PirevaFoto: Ridvan Slivova/Telegrafi
Përpos kësaj, Manaj e fitoi edhe çmimin “I preferuari i lexuesve”, pasi mori plot 13 mijë e 582 vota nga 30 mijë gjithsej. Garë t’i ashpër i bëri vetëm braziliani i Ballkanit, me plot 11 mijë vota./Telegrafi
Redaksia e Sportit në portalin më të madh vendor Telegrafi, ka ndarë çmimet për futbollistët më të mirë të vitit 2025 në Superligën e Kosovës në futboll.
Redaksia e Sportit në portalin më të madh vendor Telegrafi, duke qenë gjithmonë pranë ndeshjeve dhe raportimit të përditshëm të ndeshjeve të futbollit vendor – ka vendosur t’i ndajë përsëri çmimet për futbollistët më të mirë të vitit 2025 në Superligën e Kosovës në futboll.
Zekirija Ramadani – Trajneri i vitit
“Ariktekti” i suksesit të Dritës, Zekirija Ramadani është shpallur trajneri më i mirë i vitit.
Zekirija Ramadani, "Trajneri i vitit 2025" Foto: Ridvan Slivova.Telegrafi
Ai drejtoi skuadrën për ta rikthyer titullin në Gjilan pas katër vitesh, ndërsa ishte edhe pikërisht titulli i katërt personal për të.
Përpos suksesit në Kosovë, Ramadani gjithashtu udhëhoqi me sukses ekipin drejt kualifikimit në Ligën e Konferencës, ku edhe siguruan play-offin.
Redaksia e Sportit në portalin më të madh vendor Telegrafi, ka ndarë çmimet për futbollistët më të mirë të vitit 2025 në Superligën e Kosovës në futboll.
Redaksia e Sportit në portalin më të madh vendor Telegrafi, duke qenë gjithmonë pranë ndeshjeve dhe raportimit të përditshëm të ndeshjeve të futbollit vendor – ka vendosur t’i ndajë përsëri çmimet për futbollistët më të mirë të vitit 2025 në Superligën e Kosovës në futboll.
Aurona Racaj – Futbollistja e Vitit 2025
Futbollistja Aurona Racaj zhvilloi një tjetër vit të shkëlqyer, ku ndihmoi KFF Dukagjinin ta fitojë Kupën e Kosovës.
Me plot 30 gola dhe tetë asistime në vetëm 22 paraqitje, Racaj e dëshmoi se ka qenë “ylli i Dukagjinit”.
Futbollistja Aurona Racaj dhe gazetarja Lavdije Rexhepi
Redaksia e Sportit në portalin më të madh vendor Telegrafi, ka ndarë çmimet për futbollistët më të mirë të vitit 2025 në Superligën e Kosovës në futboll.
Redaksia e Sportit në portalin më të madh vendor Telegrafi, duke qenë gjithmonë pranë ndeshjeve dhe raportimit të përditshëm të ndeshjeve të futbollit vendor – ka vendosur t’i ndajë përsëri çmimet për futbollistët më të mirë të vitit 2025 në Superligën e Kosovës në futboll.
Arianit Hasani – Talenti i vitit 2025
Mesfushori Arianit Hasani ka fituar çmimin “Talenti i vitit 2025” pasi zhvilloi paraqitje të vazhdueshme pozitive për Llapin si dhe Kosovën U21.
Arianit Hasani, "Talenti i vitit 2025"Foto: Ridvan Slivova
Pavarësisht se vetëm 21 vjeçar, Hasani zhvilloi 31 paraqitje si dhe shënoi pesë gola e dhuroi shtatë asistime.
Shkumbin Pireva dhe Arianit HasaniFoto: Ridvan Slivova
Sulmuesi David Neres realizoi dy gola dhe i dhuroi SSC Napolit fitoren 2-0 ndaj Bolognas, duke i siguruar klubit Superkupën e Italisë për herë të tretë në histori, në finalen e zhvilluar në “King Saud University Stadium” në Arabinë Saudite.
Pas fitores ndaj kampionëve në fuqi të Italisë, AC Milan, në gjysmëfinale vetëm katër ditë më parë, Napoli hyri në finale me vetëbesim të lartë, pavarësisht dy humbjeve radhazi të mëparshme ndaj Benficës dhe Udineses.
Të besuarit e Antonio Contes ishin skuadra më e mirë në pjesën e parë dhe krijuan rastin e parë serioz që në minutën e 10-të, kur pasimi i Scott McTominay gjeti Eljif Elmasin brenda zonës. Mesfushori nga Maqedonia e Veriut pati kohë dhe hapësirë të mjaftueshme për të finalizuar, por në situatë një kundër një me Milinkovic-Savic, goditja e tij përfundoi jashtë shtyllës së majtë.
Megjithatë, David Neres nuk e përsëriti gabimin e parë. Gjashtë minuta para përfundimit të pjesës së parë, braziliani avancoi rreth 25 metra nga porta dhe lëshoi një goditje të fuqishme me të majtën, e cila kaloi mbi portierin Federico Ravaglia dhe përfundoi në cepin e sipërm të rrjetës.
Neres ka hapur rezultatin në secilën nga katër ndeshjet e fundit ku ka shënuar, ndërsa për Bolognan kjo ishte ndeshja e shtatë radhazi ku pëson gol e para.
Edhe pse Bologna kishte arsye për zhgënjim pas paraqitjes së pjesës së parë, shpresat për rikthim u shuan shpejt në fraksionin e dytë. Vetëm 12 minuta pas rifillimit, një gabim fatal në mbrojtje i kushtoi shtrenjtë skuadrës Rossoblu.
Duke tentuar të ndërtonte aksionin nga prapavija, pasimi i Ravaglias drejt Jhon Lucumit u ndërpre nga Neres, i cili i rrëmbeu topin mbrojtësit dhe me një parabël elegante mbi portierin në dalje dyfishoi epërsinë e Napolit. Ky ishte vetëm rasti i pestë në 14 ndeshjet e fundit që Napoli shënonte më shumë se një gol brenda 90 minutave.
Bologna u përpoq të rikthehej në lojë, por Napoli menaxhoi me qetësi minutat e mbetura, duke përballuar presionin dhe duke ruajtur avantazhin deri në fund. Pas dy finaleve të mëparshme të humbura pa shënuar gol, kësaj here skuadra napolitane tregoi pjekuri dhe përvojë për ta mbyllur ndeshjen në favorin e saj.
Me këtë triumf, Antonio Conte fiton Superkupën e Italisë për herë të gjashtë në karrierë – tri herë si lojtar dhe tri herë si trajner – duke forcuar edhe më shumë statusin e tij si një nga trajnerët më të mëdhenj italianë të të gjitha kohërave./Telegrafi
Redaksia e Sportit në portalin më të madh vendor Telegrafi, ka ndarë çmimet për futbollistët më të mirë të vitit 2025 në Superligën e Kosovës në futboll.
Redaksia e Sportit në portalin më të madh vendor Telegrafi, duke qenë gjithmonë pranë ndeshjeve dhe raportimit të përditshëm të ndeshjeve të futbollit vendor – ka vendosur t’i ndajë përsëri çmimet për futbollistët më të mirë të vitit 2025 në Superligën e Kosovës në futboll.
KF Drita – Klubi më i mirë i vitit 2025
Siç pritej, kampioni Drita e ka fituar titullin “Klubi më i mirë i vitit 2025”, pasi e fitoi titullin kampion.
Gazetarja Jehona Hulaj dhe kapiteni i Dritës, Faton Maloku
Përpos titullit, Drita e bëri të gjithë Kosovën krenar duke siguruar një vend edhe në play-offin e Ligës së Konferencës.
Redaksia e Sportit në portalin më të madh vendor Telegrafi, ka ndarë çmimet për futbollistët më të mirë të vitit 2025 në Superligën e Kosovës në futboll.
Redaksia e Sportit në portalin më të madh vendor Telegrafi, duke qenë gjithmonë pranë ndeshjeve dhe raportimit të përditshëm të ndeshjeve të futbollit vendor – ka vendosur t’i ndajë përsëri çmimet për futbollistët më të mirë të vitit 2025 në Superligën e Kosovës në futboll.
Senad Jarovic – Sulmuesi më i mirë i vitit 2025
Pas një “shpërthimi” te Gjilani, Senad Jarovic e ka fituar çmimin e sulmuesit më të mirë të vitit 2025.
Senad Jarovic, "Sulmuesi më i mirë i vitit 2025"Foto: Ridvan Slivova/Telegrafi
Në Superligën e Kosovës përgjatë vitit 2025, Jarovic shënoi plot 14 gola dhe dhuroi 10 asistime gjatë 37 paraqitjeve.
Përgjegjësja për PR dhe Evente, Alisa Buzhala dhe Senad Jarovic Foto: Ridvan Slivova/Telegrafi/
Login
