Dashi

Do jeni shume te vendosur gjate kësaj dite t’i zgjidhni te gjitha problemet qe ju kane dale ne jetën tuaj ne çift. Atmosfera do behet edhe me e ngrohte se me pare. Beqaret nuk do mërziten edhe sikur te mos e gjejnë princin e tyre te kaltër sepse miqtë nuk do i lënë asnjë minute vetëm. Me shpenzimet bëni sa me shume kujdes nëse nuk doni qe llogaria bankare t’iu boshatiset.

Demi

Dite rutine do jete kjo e sotmja për te gjithë ata qe janë ne një lidhje. Merrini gjerat ashtu si t’iu vijnë pa kërkuar gjera ekstreme nga partneri. Beqaret do e joshin ata qe pëlqejnë me disa mënyra te veçanta dhe ai do bjere ne krahët e tyre. Financat nuk do jene katastrofike megjithatë gjendja do ketë disa tronditje. Duhet te bëni me tepër kujdes me menaxhimin.

Binjaket

Ata qe janë ne një lidhje dhe jetojnë bashke me partnerin do kenë me shume mosmarrëveshje nga gjithë te tjerët. Gatimi, punët e shtëpisë, financat do jene temat qe do krijojnë probleme. Beqaret do ndihen mire me statusin qe kane dhe nuk do kërkojnë te bëjnë asgjë me ngulm. Problemeve financiare do ua gjeni shume shpejt zgjidhjen.

Gaforrja

Dita sotme do jete shume e paqëndrueshme për ata qe janë ne një lidhje. Here do dashuroheni plot pasion me partnerin dhe here do keni mosmarrëveshje te forta. Komunikimi do jete ai qe do zgjidhe gjithçka. Beqaret ka shume mundësi te fiksohen pas një personi shume te madh ne moshe. Për financat dëgjojini këshillat e vlefshme te të afërmve.

Luani

Do jeni shume te kthjellet sot ne jetën tuaj ne çift dhe nuk do hidhni hapa te nxitura. Marrëdhënia me partnerin do mbetet si gjithmonë e ngrohte. Beqaret do ndiheni mire ashtu si janë dhe nuk do kërkojnë me ngulm një person ne krah. Saturni do ju nxite te tregoheni me te kujdesshëm me menaxhimin e te ardhurave. Gjendja sa do vije e do përmirësohet.

Virgjeresha

Me shume se kurdoherë tjetër do i jepni prioritet jetës suaj ne çift gjate kësaj dite. Do lini gjithçka pas dore vetëm qe te përjetoni kënaqësi sa me te mëdha. Beqaret do kenë disa surpriza ne momentin qe me pak do e presin. Ne planin financiar duhet te bëni me tepër ekonomi nëse nuk doni qe gjendja te përkeqësohet. Investimet lërini për me vone.

Peshorja

Do ndiheni si te braktisur nga partneri juaj gjate kësaj dite dhe kjo do ju brengose pa mase. Mire do ishte te flisnit me te dhe t’i shprehnit gjithçka qe ndjeni. Beqaret sot do kenë me te vërtetë mundësi për te filluar histori dashurie serioze. Financat duhet t’i riorganizoni sa me pare qe te mundeni sepse po i late pas dore gjendja mund te përkeqësohet.

Akrepi

Do jeni mjaft sensuale dhe do dashuroheni ashtu si do e ndjeni sot. Marrëdhënia me partnerin do jete e mrekullueshme. Beqaret do mund te fillojnë veçse aventura kalimtare te cilat mund t’iu sjellin disa emocionet te cilat nuk do jene afatgjata. Me financat do jeni shume te kujdesshëm dhe gjendja do vazhdoje te mbetet mjaft e qëndrueshme.

Shigjetari

Do keni me shume pavarësi nga partneri juaj gjate kësaj dite dhe do bëni gjithçka qe keni ëndërruar. Kënaqësitë do jene te papërshkrueshme. Beqaret do mërziten tej mase duke qene se nuk do e gjejnë dot princin e tyre te kaltër. As kjo nuk do jete dita juaj. Ne planin financiar Merkuri do ju beje me te arsyeshëm. Situata do filloje dalëngadalë te konsolidohet.

Bricjapi

Komunikimi dhe bashkëpunimi do mbizotërojë gjate gjithë kësaj dite ne jetën tuaj ne çift. Gjithçka do jete si e kishit menduar. Beqaret edhe pse do realizojnë takime pa fund, nuk do mund te fiksohen pas dikujt dhe te nisin me te një histori dashurie. Për financat nuk duhet te shqetësoheni aspak sepse gjendja do jete goxha e qëndrueshme.

Ujori

Do kaloni disa momente te vështira sot juve qe jeni ne një lidhje dhe ne mendje mund t’iu vije edhe ndarja. Mire do jete te mos nxitoheni e te hidhni hapa te gabuara sepse do pendoheni rende. Beqaret nuk duhet t’iu besojnë te gjitha fjalëve te bukura qe do iu thotë dikush. Buxheti do vazhdoje te mbetet i ekuilibruar dhe aspak problematik.

Peshqit

Ndryshimet ne jetën tuaj ne çift do vazhdojnë edhe gjate kësaj dite. Ne disa momente pasioni do ndizet flake dhe emocionet do jene te fuqishme. Beqaret për te kënaqur veten ka rrezik te luajnë me ndjenjat e dikujt. Nëse doni qe financat te mos jene problematike, duhet te reflektoni disa here para se te kryeni çdo lloj shpenzimi.

The post Horoskopi 21 dhjetor, mos u dorëzoni: Zbuloni surprizat e yjeve për shenjën tuaj appeared first on Albeu.com.

Shtetet e Bashkuara po ndalojnë dhe sekuestrojnë një anije në brigjet e Venezuelës në ujërat ndërkombëtare, thanë tre zyrtarë amerikanë për Reuters të shtunën, një lëvizje që vjen vetëm disa ditë pasi presidenti amerikan Donald

Trump njoftoi një “bllokadë” të të gjitha cisternave të sanksionuara që hyjnë dhe dalin nga Venezuela.

Kjo do të shënonte herën e dytë në javët e fundit që Shtetet e Bashkuara kanë kapur një cisternë pranë Venezuelës dhe vjen mes një grumbullimi të madh ushtarak amerikan në rajon.

Zyrtarët, të cilët po flisnin në kushte anonimiteti, nuk thanë se ku po zhvillohej operacioni, por shtuan se Roja Bregdetare ishte në krye. Roja Bregdetare dhe Pentagoni i referuan pyetje Shtëpisë së Bardhë, e cila nuk iu përgjigj menjëherë një kërkese për koment.

Ministria e naftës e Venezuelës dhe kompania shtetërore e naftës PDVSA nuk iu përgjigjën menjëherë kërkesave për koment.

“Unë po urdhëroj një bllokadë totale dhe të plotë të të gjitha cisternave të sanksionuara të naftës që hyjnë dhe dalin nga Venezuela”, tha Trump të martën.

Në ditët që kur forcat amerikane kapën një cisternë nafte të sanksionuar në brigjet e Venezuelës javën e kaluar, ka pasur një embargo efektive, me anije të ngarkuara që transportonin miliona fuçi naftë që qëndrojnë në ujërat e Venezuelës në vend që të rrezikojnë sekuestrimin.

Që nga konfiskimi i parë, eksportet e papërpunuar venezueliane kanë rënë ndjeshëm. Ndërsa shumë anije që marrin naftë në Venezuelë janë nën sanksione, të tjerat që transportojnë naftën dhe naftën e papërpunuar të vendit nga Irani dhe Rusia nuk janë sanksionuar dhe disa kompani, veçanërisht Chevron amerikane (CVX.N), hap një skedë të re, transportojnë naftë venezueliane në anijet e tyre të autorizuara.

Kina është blerësi më i madh i naftës së papërpunuar venezueliane, e cila përbën afërsisht 4% të importeve të saj, me dërgesat në dhjetor në rrugën e duhur për mesatarisht më shumë se 600,000 fuçi në ditë, kanë thënë analistët.
Tani për tani, tregu i naftës është i furnizuar mirë dhe ka miliona fuçi naftë në cisterna në brigjet e Kinës që presin të shkarkohen.

Nëse embargoja qëndron në fuqi për ca kohë, atëherë humbja e gati një milion fuçi në ditë të furnizimit të papërpunuar ka të ngjarë të shtyjë çmimet e naftës më lart./ Reuters

The post Tension në ujërat ndërkombëtare! Bllokada e Trump hyn në fuqi, SHBA sekuestron anije pranë Venezuelës appeared first on Albeu.com.

Ministri në detyrë i Punëve të Brendshme të Kosovës, Xhelal Sveçla, tha se është arrestuar një ish-pjesëtar i MPB-së të Serbisë lidhur me “kidnapimin e shtetasit të Kosovës, Millan Vukashinoviq”.

Sipas Sveçlës, i arrestuar V.M., ishte integruar në Policinë e Kosovës, në bazë të marrëveshjes së Brukselit të vitit 2013, por më pas kishte dhënë dorëheqje. Sipas tij, ai u arrestua gjatë një operacioni të Policisë dhe Agjencisë së Kosovës për Inteligjencë, në Leshak.

“Ekzistojnë dyshime të bazuara se personi i arrestuar ka bashkëpunuar dhe ka mbështetur në vazhdimësi strukturat e sigurisë së Serbisë, përfshirë edhe kidnapimin e Millan Vukashinoviq, i cili gjatë kidnapimit u plagos rëndë dhe aktualisht është duke u trajtuar në një spital në Serbi”, shkroi Sveçla në Facebook.

Sipas autoriteteve të Kosovës, Vukashinoviq dyshohet se u rrëmbye në brendësi të territorit të Kosovës më 1 nëntor.

“Në Kosovë askush nuk do të mund t’i ikë drejtësisë. Institucionet tona profesionale kanë kapacitetet për të adresuar secilin kërcënim dhe për të zbardhur çdo krim”, shkroi Sveçla.

Ai tha se dyshohet që V.M. ka qenë në kontakt me strukturat e inteligjencës së Serbisë dhe të ushtrisë, “ka përgatitur të rinj serbë për trajnime në bashkëpunim me pjesëtarë të ushtrisë së Serbisë, si dhe së paku ka qenë në dijeni për përgatitjet e sulmit terrorist në Banjskë”.

Autoritetet e Kosovës më herët i kishin bërë thirrje bashkësisë ndërkombëtare që të bëjë trysni ndaj Beogradit pas plagosjes dhe rrëmbimit të dyshuar të Vukashinoviqit nga Xhandarmëria e Serbisë.

Dyshohet se Vukashinoviq u plagos dhe më pas u rrëmbye më 1 nëntor në fshatin Jellakcë afër Leposaviqit, para se të dërgohej më pas në spitalin e Prokuples, e më vonë në Qendrën Klinike të Nishit.

Serbia nuk ka reaguar për këtë rast. Familja e Vukashinoviqit, përmes avokatit Ivan Niniq, kanë dorëzuar padi në Prokurorinë e Lartë Publike të Prokuples

Niniq ka thënë se meqë shteti serb ka heshtur, padia është dorëzuar kundër personave të panjohur, anëtarë të Ushtrisë së Serbisë, ose Ministrisë së Punëve të Brendshme të Serbisë, ose Millan Radoiçiqit, ish-nënkryetar i Listës Serbe, i cili kishte marrë përgjegjësinë për sulmin vdekjeprurës ndaj Policisë së Kosovës në Banjskë të Zveçanit më 2023.

Vukashinoviq ka qenë i punësuar në Byronë e Sigurimeve të Kosovës në pikën kufitare në Jarinjë, në veri të Kosovës.

Pasi autoritetet bën publike rastin e Vukashinoviqit, kryeministri në detyrë i Kosovës, Albin Kurti, deklaroi se ai u sulmua sepse “është kundërshtar i politikave dhe i regjimit të presidentit të Serbisë, Aleksandar Vuçiq”.

Radio Evropa e Lirë, duke përdorur mjete forenzike për identifikimin e fytyrës, ka vërtetuar se Vukashinoviq është i njëjti person që më 28 qershor të këtij viti kishte folur publikisht për presionet që kishte pasur, në një intervistë me gazetarin dhe ish-deputetin serb Nemanja Sharoviq, për televizionin KTV nga Serbia.

Dyshimet, heshtja dhe misteri rreth rastit Vukashinoviq

Gjatë asaj interviste, ai kishte deklaruar se serbët ishin detyruar të largoheshin nga institucionet e Kosovës në nëntor 2022 nën presionin e Listës Serbe, dhe se edhe ai vetë kishte qenë viktimë e presioneve, duke shtuar se nuk ndihej i sigurt të udhëtonte në Serbi sepse kishte refuzuar të jepte dorëheqje.

“Kanë shpifur për shumë gjëra, më kanë lidhur me shqiptarët, nuk jam i sigurt të udhëtoj në Serbi. Jam këtu në Kosovë, e anashkaloj Serbinë”, kishte thënë ai./ REL

The post Kosovë, Sveçla: Është arrestuar një ish-pjesëtar i MPB-së serbe lidhur me rrëmbimin e Vukashinoviqit appeared first on Albeu.com.

Monika Kryemadhi, e cila është opioniste e “Big Brother VIP Albania 5”, ka thumbuar ish-bashkëshortin e saj, Ilir Meta.

Gjatë momentit ku po diskutohej futja e Ilir Vrenozit brenda shtëpisë, Kryemadhi tha se jo gjithmonë e kanë fajin gratë.

“Jo gjithmonë gratë e kanë fajin”, tha Kryemadhi.

Kujtojmë që Ilir Meta, shpesh herë ka hedhur akuza në publik ndaj Kryemadhit.

The post Opinionistja e Big Brother, Monika Kryemadhi thumb për Ilir Metën? Jo gjithmonë gratë e kanë fajin appeared first on Albeu.com.

Një aksident i rëndë rrugor ka ndodhur mbrëmjen e kësaj të shtune në Elbasan, në afërsi të Bradasheshit.

Raportohet se dy automjete janë përplasur me njëra-tjetrën, ndërsa bëhet me dije se të plagosur kanë mbetur 4 persona.

Gjithashtu bëhet me dije se të plagosurit janë transportuar me urgjencë drejt spitalit, ndërsa nuk dihet gjendja e tyre.

Ende nuk dihet shkaqet e plota të aksidentit, ndërsa Policia ndodhet në vendngjarje.

The post Aksident i rëndë në Elbasan, përplasen dy makina, 4 persona mbeten të plagosur appeared first on Albeu.com.

Adriatik Lapaj duket se nuk do t’i bashkohet protestës së thirrur nga Partia Demokratike të hënën në orën 18:00, pasi mbrëmjen e sotme e kushtëzoji pjesëmarrjen e tij me heqjen e simboleve partiake.

Gjatë një interviste mediatike, Lapaj tha se çdo forcë politike që kërkon rrëzimin e Ramës, mund të dalin në shesh dhe të bashkohen rreth një kauze të përbashkët, asaj për demokratizimin e Shqipërisë.

“E vetmja mënyrë është që secili nga ne partinë ta lërë te selia, flamurin e partisë te selia, se asnjë nuk e mund dot me partinë e vetë dhe këtu të zbresë si qytetar pa logo, pa flamur, por me një kauzë të përbashkët. Kauza e përbashkët është demokratizimi i Shqipërisë, zhvillimi i zgjedhjeve të lira e demokratike për herë të parë”, tha Lapaj.

Më tej, kreu i Shqipëria Bëhet theksoi se partia duhet lënë mënjanë dhe se Shqipëria duhet të vendoset e para.

“Kështu që kushdo e ka seriozisht rrëzimin e Ramës, duhet ta tregojë me vepra, së pari duke qenë në shesh, së dyti duke e lënë partinë mënjanë dhe duke e vënë Shqipërinë të parën. Sepse për ne Shqipëria vlen më shumë se partia. Këtu s’ka asnjë logo, mund të vini ta shikoni”, tha Lapaj.

The post Lapaj del kundër Berishës për protestën e së hënës: Eja si qytetar, lëre partinë tek selia appeared first on Albeu.com.

“Big Brother VIP Albania 5” ka nisur zyrtarisht mbrëmjen e sotme. Në nisje të këtij edicioni, moderatori Ledion Liço ka thumbuar kritikët e tij.

Ledioni tha se në 2025 asgjë nuk ka ndodhur me atë dhe se sërish do të vijojë “BBVIP5”.

“Do të thoni që se çfarë ka ndodhur këtë me atë që do prezantojë? Asgjë, do të vijojë që të prezantojë sërish Big Brother VIP”, tha Ledioni.

Ndërsa po ashtu u prezantuan edhe dy opionistët Arbër Hajdari dhe Monika Kryemadhi.

The post Fillon “Big Brother VIP Albania 5”, Ledion Liço “thumba” kritikëve: Jam sërish këtu appeared first on Albeu.com.

Vetëm pak minuta na ndajnë nga starti i edicionit të pestë të Big Brother VIP Albania, reality-show më i madh në vend që premton të mbajë shqiptarët “mbërthyer” përpara ekranit në muajt në vijim.

Gjatë lidhjes direkte, gazetarja Doris Sallaku, na ka njohur me risitë dhe çfarë pritet të ndodhë këtë edicion në BBVA.

Ajo mëson se do të jenë 14 banorë që do të bëhen pjesë e shtëpisë më të madhe në Shqipëri këtë mbrëmje dhe do të jenë nga fusha të ndryshme si këngëtar, balerinë, podcast-er, aktorë, gazetarë dhe moderator, të cilët do të na shoqërojnë çdo ditë me emocione dhe histori të forta.

Ky edicion do të moderohet sërish nga Ledion Liço, i cili do të shoqërohet nga dy opinionistë, Arbër Hajdari dhe risia e këtij sezoni, Monika Kryemadhi.

The post Balerinë, këngëtarë, gazetarë e moderatorë/ Ja sa banorë do të bëhen pjesë e Big Brother VIP Albania 5 mbrëmjen e sotme appeared first on Albeu.com.

Një aksident i rëndë rrugor është regjistruar mbrëmjen e sotme, rreth orës 20:10, në aksin rrugor rreth rrotullimi i Bradasheshit – Paraburgimi i Elbasanit. Dy automjete janë përplasur me njëra-tjetrën, duke shkaktuar panik dhe bllokim të përkohshëm të qarkullimit në këtë segment me qarkullim jo të paktë.

bradasheshi

Sipas të dhënave paraprake, aksidenti dyshohet të ketë ndodhur pas një manovre parakalimi të gabuar nga njëri prej automjeteve të përfshira, çka ka sjellë përplasjen e fortë mes mjeteve.

Si pasojë e aksidentit, drejtuesit e të dy automjeteve si edhe dy pasagjerë kanë mbetur të plagosur. Të lënduarit janë transportuar me urgjencë drejt spitalit për ndihmë mjekësore, ndërsa gjendja e tyre shëndetësore po monitorohet nga bluzat e bardha.

Në vendngjarje mbërritën menjëherë shërbimet e policisë dhe ambulancat, të cilat po punojnë për zbardhjen e plotë të rrethanave të aksidentit dhe normalizimin e qarkullimit rrugor.

The post Aksident në rreth-rrotullimin e Bradasheshit, katër persona të plagosur! Dërgohen me urgjencë në spital appeared first on Albeu.com.

Nga bojkotimi i mediave të Kosovës e sulmet ndaj gazetarëve, në prani më të madhe në to. Nga përdorimi i termave “hajvanë” e “hajvanat”, me premtimin për një gjuhë më të matur dhe bashkëpunuese me partitë e tjera të mëdha shqiptare.

Këto janë vetëm disa ndryshime në qëndrime që u vunë re gjatë paraqitjeve të fundit në media të eksponentëve kryesorë të partisë në pushtet, Lëvizjes Vetëvendosje (LVV), përfshirë edhe kreun, Albin Kurtin.

Periudha kur janë bërë këto deklarata në studiot televizive është me rëndësi: kanë mbetur edhe pak ditë para zgjedhjeve të parakohshme parlamentare të 28 dhjetorit.

Njohësit e zhvillimeve politike, në parim, nuk e shohin ndryshimin si diçka të keqe, por në rastin konkret besojnë se moderimi i diskursit është strategji e LVV-së për ta përmirësuar imazhin dhe është pjesë e kalkulimeve politike.

Roli i “palës së mirë”

Për Donika Eminin, hulumtuese në Grupin Këshillëdhënës në Evropë për Politika të Ballkanit (BiEPAG), ndryshimi i fjalorit nuk është i rastësishëm.

Sipas saj, intervistat e fundit të Kurtit, Glauk Konjufcës dhe Albulena Haxhiut në mediat lokale të Kosovës, “duken qartazi të orkestruara për të përgatitur terrenin” pas zgjedhjeve.

“Së pari, kjo është një përpjekje për ta vënë opozitën në diskomfort, duke luajtur rolin e ‘palës së mirë’, pas një viti të tërë të përdorimit të gjuhës toksike”.

“Së dyti, ky ndryshim lidhet drejtpërdrejt me nevojën për koalicione. LVV-ja është e vetëdijshme se nuk mund të qeverisë më e vetme si në vitin 2021. Prandaj, një gjuhë më e butë dhe një paraqitje si parti ‘e pjekur’ politike shërben për të hapur rrugën për bashkëpunime paszgjedhore”, vlerëson Emini.

Edhe sociologu Artan Muhaxhiri është në të njëjtën linjë: ndryshimi i qasjes është pjesë e strategjisë.

“Por, nuk besoj që partitë e tjera politike PDK, LDK, AAK, i besojnë këtij ndryshimi të befasishëm dhe shumë të shpejtë të stilit politik të LVV-së, pasi kanë pasur përvoja në të kaluarën se ky ndryshim është i përkohshëm dhe jo i përhershëm”, thotë ai për Radion Evropa e Lirë.

Muhaxhiri mendon se caku i LVV-së tani janë votuesit e pavendosur dhe ata që kanë dilema nëse do ta votojnë ose jo këtë parti, që në zgjedhjet e 9 shkurtit të këtij viti mori 42 për qind të votave – shifër e pamjaftueshme për të qeverisur vetë.

Ai vlerëson se partia e Kurtit, që është në pushtet që nga zgjedhjet e vitit 2021, “nuk ka ndonjë argument të fuqishëm nga qeverisja e deritashme”, prandaj, “aseti kryesor i LVV-së në këto zgjedhje do të jetë ky ndryshimi retorik në mënyrë që, disi, edhe kësaj radhe të arrijë rezultat pozitiv, pasi përveç fjalëve, veprat i mungojnë”.

Viti 2025 do të mbahet mend për polarizimet e skajshme mes partive politike shqiptare, qoftë në fushatën për zgjedhjet e shkurtit, më pas për pamundësinë e formimit të institucioneve, apo edhe gjatë garës në dy rundet e zgjedhjeve lokale.

Gjithçka duket se nisi pasi Kurti e kuptoi rezultatin e zgjedhjeve të 9 shkurtit, doli para mbështetësve të tij dhe iu referua partive që ishin në opozitë në legjislaturën e kaluar si “hajvanë” dhe “hajvanat”.

Në një intervistë të dhënë së voni në televizionin lokal të Kosovës, Kanal10, kryeministri në detyrë Kurti, tha nuk e mendoi të gjithë opozitën kur e përdori shprehjen “hajvanë” por vetëm një parti që, sipas tij, bëri premtime “iracionale dhe lajthitëse”.

“Por, ndoshta është dashur të gjej ndonjë fjalë tjetër”, theksoi ai, duke mos treguar se kujt saktësisht i është referuar.

Vetëvendosja – nga lëvizje kundër pushtetit në pushtet kundër të gjithëve
Numri dy në LVV, Glauk Konjufca, tha disa ditë më vonë në televizionin tjetër lokal, T7 se Kurti ka “reflektuar” dhe e ka pranuar se ka bërë gabim në këtë rast.

Sipas Eminit, fyerjet si “hajvanë” i kanë shërbyer LVV-së për t’i dobësuar kundërshtarët politikë dhe “për ta mobilizuar një elektorat të ushqyer me narrativ konfrontues”.

“Edhe pse kohët e fundit ka pasur një pranim të tërthortë se janë bërë gabime në raport me opozitën dhe mediat, kjo nuk e ndryshon faktin që kjo sjellje ka vazhduar praktikisht deri dy javë para zgjedhjeve”.

Për shkak të thellimit të ndasive, Lidhja Demokratike e Kosovës nuk pranoi të bashkëpunonte me partinë e Kurtit për një koalicion të mundshëm qeveritar, pavarësisht dy ftesave të LVV-së.

Edhe partitë tjera shqiptare ishin kategorike kundër negociatave eventuale me Kurtin.

Ani pse Kurti dhe Konjufca e kanë mohuar se gjuha e ashpër ka ndikuar në acarim raportesh, sa herë është përmendur Lista Serbe gjatë vitit, tensionet janë rritur.

Lista Serbe është partia më e madhe e serbëve në Kosovë, e afërt me Beogradin zyrtar, me të cilën LVV-ja nuk pranon assesi bashkëpunim, por me raste pretendonte se partitë tjera shqiptare koordinoheshin me të.

“Nëse më pyesni nëse PDK-ja është me Listën Serbe, jo nuk mendoj se është ashtu. A është LDK-ja me Listën Serbe? Jo, nuk mendoj”, tha Konjufca në intervistën e dhjetorit, duke shtuar se as LVV-ja dhe as këto parti shqiptare nuk mendojnë për njëra-tjetrën se janë me Serbinë.

Përgjatë vitit, akuza pati edhe nga këndi tjetër. Disa parti shqiptare nuk hezituan ta akuzojnë Kurtin se është “njeri i Serbisë dhe Rusisë”, pa ndonjë dëshmi.

Kundërshtarët politikë jo rrallëherë e kanë përshkruar Kurtin si “antiamerikan” dhe e kanë akuzuar për prishje të raporteve me aleaten kryesore të Kosovës, Shtetet e Bashkuara.

Kurti është kritikuar edhe nga vetë SHBA-ja për veprimet në veriun e Kosovës të banuar me shumicë serbe, që janë cilësuar si të pakoordinuara.

Më herët gjatë vitit, raportet mes Shteteve të Bashkuara dhe Kosovës pësuan një goditje tjetër me pezullimin e Dialogut të planifikuar Strategjik.

Uashingtoni tha e mori këtë vendim duke u thirrur në shqetësime lidhur me veprimet e Qeverisë.

Kurti fillimisht e pati pranuar se me administratën amerikane kishte dallime, por shtoi se “nuk jemi prishur me Amerikën”.

Në intervistën e dhjetorit Kurti deklaroi se raportet me Uashingtonin ishin shumë të mira dhe që mospajtimet kryesore gjithmonë kanë qenë lidhur me Serbinë dhe strukturat e saj, dhe asnjëherë për çështje bilaterale.

“Kurrë nuk kanë qenë, sa i përket mbrojtjes dhe sigurisë, marrëdhëniet më të mira sesa tani me Shtetet e Bashkuara të Amerikës. E kemi kulmin. Si shtet i pavarur e kemi kulmin sa i përket mbrojtjes dhe sigurisë”, u shpreh ai për Kanal10.

Ky qëndrim i Kurtit, për Muhaxhirin është “në shpërputhje me realitetin”, pasi sipas tij, raportet mes dy shteteve “kurrë nuk kanë qenë më të dëmtuara”.

Sipas tij, aspekti i sigurisë është një nivel tjetër nga ai politik dhe shpesh funksionon në mënyrë autonome.

Hulumtuesja në BiEPAG, Donika Emini, vlerëson se në vitet e fundit, Kurti e ka përdorur antagonizmin ndaj SHBA-së dhe Bashkimit Evropian për “përfitime elektorale dhe politike”.

“Tani, ndryshimi i narrativit për t’iu referuar Serbisë si shkak për mospajtimet tregon një përpjekje për të butësuar tonin ndaj aleatëve ndërkombëtarë dhe për të krijuar hapësirë për një qasje më konstruktive ndaj administratës së re amerikane”, vlerëson ajo.

Një zëdhënës i Ambasadës së Shteteve të Bashkuara i tha Radios Evropa e Lirë më 17 dhjetor se SHBA-ja synon të punojë ngushtë me ekzekutivin e ri që do të zgjidhet pas 28 dhjetorit, “për t’i avancuar prioritetet e përbashkëta”.

Shtetet e Bashkuara i kanë ndarë mbi 2 miliardë dollarë për Kosovën prej vitit 1998.

Udhëheqës shtetërorë kosovarë e kanë përsëritur ndër vite që Amerika është partnerja më e rëndësishme e Kosovës dhe se mbështetja e saj është jetike.

Sa do të zgjasë “ndryshimi” i LVV-së?

Donika Emini është skeptike, sidomos kur bëhet fjalë për qasjen ndaj mediave. Në sytë e saj, ndryshimi është imponuar nga rrethanat dhe nuk ka të bëjë me mënyrën se si LVV-ja e kupton dhe respekton rolin e medias në demokraci.

“Historikisht, LVV-ja dhe Kurti kanë ndërtuar kapital politik mbi polarizimin dhe konfliktin. Prandaj, edhe pse është pozitive që po tentojnë të bëjnë paqe me mediat në këtë fazë, dyshoj fort se ky ndryshim është i qëndrueshëm dhe se do të reflektohet në një raport më të shëndetshëm me median kritike nëse ata qeverisin sërish”.

Pavarësisht zhvillimeve në të ardhmen, dëmi është bërë. Gjuha e përdorur nga LVV-ja në drejtim të mediave është dënuar disa herë nga Bashkimi Evropian dhe organizatat ndërkombëtare të mediave.

Liria e shtypit në Kosovë e ka pësuar më 2025 rënien më të madhe në 15 vjet, sipas Indeksit të Reporterëve pa Kufij.

Qeveria e Kosovës për lirinë e shtypit: Ka rënie të standardit të mediave
Për Muhaxhirin, gjithçka varet nga rezultatet zgjedhore.

“Nëse LVV-ja arrin rezultat shumë të mirë në zgjedhje, atëherë me siguri do t’i kthehet gjuhës së ashpër polarizuese. Në të kundërtën, nuk do të ketë shumë mundësi”.

Në zgjedhjet e 28 dhjetorit, të drejtë vote do të kenë mbi 2 milionë shtetas të Kosovës, brenda dhe jashtë vendit.

Në këtë proces zgjedhor do të marrin pjesë 24 subjekte politike, me 1.180 kandidatë./ REL

The post Nga polarizimi te moderimi! Albin Kurti dhe LVV përballë zgjedhjeve, REL: A është kjo një fytyrë e re apo maskë e përkohshme? appeared first on Albeu.com.

Mbrëmjen e sotme “Big Brother VIP Albania 5” ngre siparin, duke nisur prej orës 21:15 në “Top Channel”. Ndërkohë që janë zbuluar edhe opinionistët e këtij “reality-show”.

U përfol më parë për emrin e saj por tashmë është zyrtare, Monika Kryemadhi do të jetë opinioniste në Big Brother VIP Albania! Lajmi është bërë i ditur nga vet Top Channel. Teksa ajo do të shoqërohet, nga Arbër Hajdari i cili prej 5 vitesh rresht tashmë mban këtë pozicion.

Kjo do të shënojë herën e parë që do e shohim Kryemadhin një një pozicion të tillë.

Edhe për këtë vit Ledion Liço do të vazhdojë të jetë moderator i Big Brother Vip.Pasditen e djeshme u zbulua zyrtarisht dhe nga Top Channel se një ndër banorët e këtij viti do të jetë Angelo Haruni, gazetar dhe moderatori i emisonit ekonomik “Top Talk”, në Top Channel.

“Fan Club” nga ana tjetër, që nis transmetimin një ditë pas “BBVA”, do të moderohet nga Kiara Tito dhe 2 opinionistët e konfirmuar do të jenë: Françeska Murati dhe Arjan Konomi.

The post Është zyrtare! Monika Kryemadhi surpriza e këtij Big Brother-i, opinioniste e “reality show-t” krahë “të pazëvendësueshmit” Arbër Hajdari appeared first on Albeu.com.

Trajneri i Bërnlit, Skot Parker, ka qenë i lehtësuar pasi ka parë skuadrën e tij te dilte me një pikë nga fusha e Bornmuthit, në barazimin 1-1 që u vulos nga goli i Armando Brojës në minutën e 90.

Sulmuesi shqiptar e nisi ndeshjen nga stoli, ashtu si edhe Markus Eduards i cili dha asistin për këtë gol të tij dhe trajneri Skot Parker ka pranuar me humor pas sfidës se tani pret kritika se pse nuk i futi të dy që nga fillimi i sfidës.

“Kishte shumë trysni mbi ne dhe padyshim e theksova edhe në konferencën para ndeshjes që kemi qenë shumë pranë rezultatit dhe se si kemi pësuar gola idiotë. Ndaj ky progres, kishte diçka te ne sot që më pëlqeu dhe shkuam në këtë drejtim dhe morëm diçka nga ndeshja, që ishte shumë e kënaqshme, edhe pse në fundin e ndeshjes, nuk i dihet kurrë.

Goli nga dy zëvendësues? Një kontribut masiv, nuk e di a do të marr lëvdata për këtë, me shumë mundësi e kundërta. Me shumë mundësi do të pyesin pse nuk i futa nga fillimi dhe e kuptoj këtë. Por vlerësim maksimal për dy djemtë, absolutisht , jam super i lumtur për ta”, tha Parker pas ndeshjes që i dha fund serisë prej 7 humbjeve radhazi në kampionat.

The post Broja si zëvendësues ishte vendimtar me gol, trajneri i Bërnlit: Me shumë mundësi nuk do marr lëvdata për këtë appeared first on Albeu.com.

Presidenti ukrainas Volodymyr Zelensky tha të martën se vetëm Shtetet e Bashkuara janë të afta ta bindin Rusinë të përfundojë luftën, ndërsa të dërguarit nga Moska dhe Kievi janë gati të fillojnë një raund të ri bisedimesh në Miami.

“Unë besoj se Shtetet e Bashkuara dhe Presidenti Trump e kanë këtë fuqi. Dhe besoj se nuk duhet të kërkojmë alternativa ndaj Shteteve të Bashkuara”, tha Zelensky në përgjigje të pyetjes së një gazetari në lidhje me komentet e bëra nga Presidenti francez Emmanuel Macron se Evropa duhet të fillojë bisedime të drejtpërdrejta me Rusinë nëse përpjekjet e Uashingtonit dështojnë.

Mediat e huaja shkruajnë se, Zelensky tha se Ukraina do të mbështeste propozimin e SHBA-së për bisedime trepalëshe nëse kjo do të lehtësonte shkëmbimin e të burgosurve dhe do të hapte rrugën për një samit.

“Amerika tani po propozon një takim trepalësh të këshilltarëve të sigurisë kombëtare. Nëse një takim i tillë mund të zhvillohet tani që do të çonte në një shkëmbim të të burgosurve të luftës ose në një marrëveshje për një takim trepalësh të udhëheqësve, ne do t’i mbështesim këto propozime. Le të shohim se si do të shkojnë gjërat”, shtoi ai. Në të njëjtën kohë, megjithatë, ai tha se nuk ishte i bindur se një takim i tillë do të sillte diçka të re.

Zelensky tha gjithashtu se SHBA-të duhet të rrisin presionin ndaj Rusisë. “SHBA-të duhet ta thonë qartë: nëse nuk ka rrugë diplomatike, atëherë do të ketë presion universal ”, tha ai, duke iu referuar mundësisë, për shembull, të dërgimit të më shumë armëve në Ukrainë ose zgjatjes së sanksioneve mbi ekonominë ruse.

Një kompromis midis dy palëve do të ishte të ndaleshin në vijat aktuale të frontit, përsëriti ai, duke theksuar se kontrolli i Ukrainës mbi pjesën e papushtuar të Donbasit është një “pozicion parimor” për Kievin. Sa i përket krijimit të një zone të lirë ekonomike në Donbas, ai tha se kjo do të vendoset nga populli ukrainas.

The post Zelensky drejtuar evropianëve: Vetëm Trump mund ta ndalë luftën me Rusinë appeared first on Albeu.com.

Pak ditë më parë Romeo Veshaj publikoi në Instagram një video që lajmëroi rikthimin e tij në ekran. Aty, Romeo u thotë “jo”:

televizionit, hapjes së një biznesi si
restoranti, muzikës, filmave dhe serialeve, madje dhe karrierës si influencer, duke u vënë “X”-in të gjithave, që zbulon se është emri i projektit të ri me të cilin ai po rikthehet në media.

Me gjithë mundësitë e eliminuara më sipër, merret me mend se rikthimi i Romeos do të vijë në YouTube, platforma drejt së cilës po orientohen gjithë personazhet e medies së fundmi.

The post Romeo Veshaj larg televizionit tradicional, ja projekti ‘surprizë’ i tij appeared first on Albeu.com.

Kreu i PD-se Sali Berisha ka mbajtur një foltore pasditen e kësaj të shtune në Kurbin, ku është pritur me kritika nga demokratët për koalicionin me partitë e vogla.

Një nga demokratët e pranishëm i ka kërkuar llogari Berishës së për çfarë i duhen koalicionet me aleatët, teksa i përmendi rastin e Mesila Dodës, që sipas tij u zgjodh mne votat e PD-së.

“Pse duhet të votojmë partinë e çamëve, paritë e vogla? Çfarë lidhje kam unë si demokratë me koalicionet, hiqni koalicionet, hiqni se na vjedhin votat, sa të marrin votat dhe të bëhen deputetë Mesila Doda na del kundra, pra na dalin kundra”, tha ai.

Ndërsa Berisha deklaroi se koalicionet janë të rëndësishme ‘për të fituar përballë kësaj diktature’.

“Koalicionet janë të dobishme si një garanci për mospërqëndrimin e të gjitha pushteteve në një parti dhe në një njeri. Në kushtet e një diktaturë autoritare që nuk bënë zgjedhje por farsë elektorale, kur opozita s’ka rrugë tjetër përveç protestës dhe revoltës koalicionet janë të domosdoshme. Sa më i gjerë dhe i fuqishëm të jetë koalicioni aq më e madhe mundësia për të fituar përballë kësaj diktature”, deklaroi Berisha.

The post “Çfarë na duhet partia e çamëve? Për të zgjedhur Mesila Dodën deputete?”, demokrati kritika Berishës për koalicionin me partitë e vogla, ja si përgjigjet kryedemokrati appeared first on Albeu.com.

Kreu i Partisë Demokratike, Sali Berisha ka deklaruar ditën e sotme se Edi Rama ka shfarosur kombin, është armiku më i madh i shqiptarëve dhe se me të nuk ka zgjedhje. Gjatë një takimi me qytetarët e Kurbinit, Berisha u shpreh se në 10 vite janë larguar 720 mijë të rinj shqiptarë. Berisha tha se Shqipëria ka sot atë lindshmëri, që kanë patur 100 vite më parë.

Lideri i opozitës tha se asnjë komb nuk e ka, asnjë udhëheqës, asnjë diktator dhe asnjë pushtues nuk ka bërë këtë shfarosje të shqiptarëve që ka bërë Edi Rama. Ai tha se Rama ka përqendruar çdo pushtet në dorën e tij. Për këtë ai tha se në një vit elektoral, ai arrestoi liderët e partive kryesore opozitare për të marrë mandatin.

“Miq, ka mjaft njerëz që më thonë ndonjëherë po, mos të ndalemi kaq shumë në vjedhjet e tyre. Po ju them unë ju që ato janë shkatërrimi i këtij vendi. Sepse po të marrësh Edi Ramën ta nxjerrësh në gjyqin e historisë së shqiptarëve, nuk do të gjendet një diktator, nuk do të gjendet një pushtues, nuk do të gjendet një kryeministër, më armik i egër i qenies kombëtare të shqiptarëve se ky. Në 10 vite ka larguar vetëm në hapësirën e Bashkimit Evropian 1 milionë e 100 mijë shqiptarë. Në 10 vite ka larguar 720 mijë të rinj shqiptarë. Në 10 vite ka bërë që Shqipëria, shqiptarët, një nga kombet e reja të Evropës, të kenë sot atë lindshmëri që kanë patur 100 vite më parë. Ka bërë sot që nga viti 2018 e në vazhdim vdekjet dominojnë lartësisht mbi lindjet. Ka bërë sot që me këtë trend, ne në 50 vite këtu do të jemi fare të rrallë, fare të paktë. Faktikisht, ne jemi në udhëtimin e shuarjes tonë. Asnjë komb nuk e ka, asnjë udhëheqës, asnjë diktator, asnjë pushtues nuk ka bërë këtë shfarosje të shqiptarëve që ka bërë Edi Rama.

Po ta marrim pastaj në qëndrimin tjetër, cili është qëndrimi i tij ndaj Kosovës? Nuk kam ndërmend të ndalem të bëj këtu historinë, po dy gjëra do them. Një njeri që del në konferenca ndërkombëtare dhe u thotë udhëheqësve evropianë se unë merrem më mirë vesh, më kollaj merrem vesh me kryeministrin e Serbisë se me atë të Kosovës nuk merrem vesh. Domethënë, se ai kryeministri i Serbisë është burrë i mirë. Ai është njeri i arsyes. Kurse ai i Kosovës, imagjinoni ju kur s’merret vesh me mua, si mund të merret vesh me Beogradin? Ndaj edhe një publicist i madh gjerman i tha, ti je, Edi Rama është kryeministri më i mirë i Serbisë pas Pashiqit. U ndala në këto elementë për të thënë kohën ku jemi. Ju thashë se na ka gjetur të gatshëm. Po. Pse të gatshëm? Në një projekt që ishte Shqipëria pa opozitë, apo Shqipëria me false opozitë, opozitë të kontrolluar, ai projekt u gropos njëherë e përgjithmonë falë guximit, kurajos, trimërisë tuaj, njerëz të idealeve, njerëz atdhetarësh, njerëz të sovranitetit të vendit tuaj.

Opozita është shtyllë e sovranitetit dhe një vend që humbet opozitën, nuk ka sovranitet të brendshëm. Ndaj dhe ju pavarësisht, s’po rri me bë histori tani, pavarësisht të gjitha presioneve primitive, akteve nga më të shëmtuarat, kombëtare, ndërkombëtare që u bënë ndaj Partisë Demokratike, ju qëndruat si viganë, nuk u mposhtet dhe sot Partia Demokratike është një forcë opozitare më e fortë se kurrë. Së dyti, në të gjithë takimet e mia para jush dhe para shqiptarëve, kam deklaruar dy gjëra. E para me Edi Ramën nuk ka zgjedhje. Nuk ka zgjedhje. E kam thënë me bindjen më të madhe se ai është armik i votës së lirë. Ai është armik, ai nuk pranon kundërshtarin. Njëlloj si jati që urdhëronte varjen në litar. I ati i tij, në pamje të parë një xhentëlmen, intelektual, por që firmoste varjen në litar të një poeti, në një kohë kur muri i Berlinit ishte në prag të rënies. Daja i tij, me datën 11 dhjetor 1990, kërkonte të çoheshin tanket tek studentët.

Ndaj dhe ky pluralizmin nuk e donte, donte ta zhdukte. Dhe ai që nuk do pluralizmin, nuk pranon votën e lirë kurrë.
Ju fituar në Kurbin, nder për ju, por ju se në Shqipëri, Edi Rama grabiti zgjedhjet. Vetëm dy ditë para zgjedhjeve, imagjinojeni pak, ç’do të thotë të japësh 2 miliardë euro falje gjobash dhe kamatash. 2 miliardë euro. Unë nuk e dija në atë kohë, thashë 200 milionë. Tani dalin llogaritë, dalin regjistrat, janë 2 miliardë. Për 200 mijë familje që kanë patur biznese nga të cilat 84.000 aktive. Shndërroi rrogëtarët e shtetit, shërbëtorët tuaj, në armiq të votës së lirë, në xhandarë të votës së lirë, në policë të votës së lirë. Organizoi në muajin elektoral me paratë tuaja, në kundërshtim me ligjin, 4530 aktivitete për të ndikuar tek zgjedhësit shqiptarë, nga të cilat dhe Giro d’Italia.

7 milionë euro ditën e votimit. 28 deputetë i ka të futur nga bandat, nga kartelet e drogës, Troplinët, Çelajt, e të tjerë. Dhjetra mijëra punësime të përkohshme, leje ndërtimi, certifikata pronësie gjatë zgjedhjeve. Jo zgjedhjet s’i fitoi kurrë ai. Zgjedhjet i fitonte absolutisht asnjë forcë tjetër përveç Partisë Demokratike në qoftë se ai nuk do sillej në këtë mënyrë. Natyrisht. Por krahas paralajmërimit se me Edi Ramën zgjedhje nuk ka, unë i isha betuar para jush se do mbrojë votën tuaj.
Dhe votën tuaj e mbrojtëm ne. Votën tuaj e mbrojtëm, siç e mbrojtëm në vitin 2001. Ne kishim në vitin 2001, në kushte i keni vetë parasysh, por ne dolëm të damkosim, të dënojmë vjedhjen e votës. Të njëjtën gjë arritëm në 2025-ën. Prandaj thashë, na ka gjetur të gatshëm. Na ka gjetur më të gatshëm se kurrë për t’i dhënë atë që meriton.
Ka dhunuar votën tonë, ka dhunuar votën e shqiptarëve, ka dhunuar thelbin e lirisë, ka dhunuar të ardhmen tonë. Poshtë Edi Rama!

Edi Rama ka përqendruar çdo pushtet në dorën e tij. Në vitin elektoral arrestoi liderët e partive kryesore opozitare për të marrë mandatin. Të gjitha këto mendoj se do i kapërcente duke bërë lobingje me Mogherina-t, me Charles Goligal, me McGonigal-ët. Të gjitha këto mendoj se do i kalonte duke përdorur paratë tuaja për të mashtruar botën, por jo nuk arriti. Ata që vëzhguan zgjedhjet, ata ishin njerëz me karakter, njerëz besnikë të parimeve të tyre. Ju bëri presionin më të turpshëm, më banditesk, por në raporte, por në raport ja numëruan të gjitha.” tha Berisha.

The post Berisha: Edi Rama ka shfarosur kombin, është armiku më i madh i shqiptarëve, me të nuk ka zgjedhje appeared first on Albeu.com.

Policia e Korçës ka arrestuar në flagrancë një 33 vjeçar, banues në fshatin Seltë të Poshtme, Pogradec pasi pjeti që ai drejtonte është përplasur me një mjet tjetërt mbrëmjen e djeshme.

Ngjarja është regjistruar në aksin rrugor Qafë Plloçë-Qukës, në afërsi të fshatit Vërri, ku automjeti tip “Benz” që drejtohej nga 33-vjeçari D. Xh. është përplasur me një automjet tjetër, me drejtues A. K., 25 vjeç, banues në Korçë.

Si pasojë e përplasjes, janë dëmtuar dy pasagjere, banuese në Korçë. Ato po marrin mjekim në spitalin e Elbasanit dhe ndodhen jashtë rrezikut për jetën.

Njoftimi i policisë:

Shërbimet e Sektorit të Qarkullimit Rrugor arrestuan në flagrancë, për veprën penale “Shkelja e rregullave të qarkullimit rrugor”, shtetasin D. Xh., 33 vjeç, banues në fshatin Selcë e Poshtme, Pogradec.

Në aksin rrugor “Qafë Plloçë–Qukës”, ditën e djeshme, në afërsi të fshatit Vërri, duke drejtuar automjetin tip “Benz”, është përplasur me një automjet tjetër, me drejtues shtetasin A. K., 25 vjeç, banues në Korçë.

Si pasojë, janë dëmtuar shtetaset I. S., 45 vjeçe dhe E. M., 24 vjeçe, banuese në Korçë, pasagjere në automjetin me drejtues shtetasin A. K., të cilat po marrin mjekim në spitalin e Elbasanit dhe ndodhen jashtë rrezikut për jetën.

The post Aksidenti në Qafë Plloçë-Qukës me 2 të plagosur, policia arreston njërin nga drejtuesit appeared first on Albeu.com.

Një ngjarje e rëndë raportohet të ketë ndodhur disa ditë më parë në burgun e Reçit në Shkodër, ku protagonistë kanë qenë dy personazh të njohur të botës së krimit, Sokol Sanxhaktari (Dhëndri i Qazim Sejdinit, ish-kryebashkiaku i Elbasanit) dhe “bosin” e Shkodrës, Safet Bajri.

Raportohet se Sokol Sanxhaktari, është dhunuar barbarisht nga Safet Bajari dhe disa nga anëtarët e grupit të tij.

Sipas JOQ, Sanxhaktari, është përfshirë fillimisht në një konflikt verbal me disa gardianë të institucionit të vuajtjes së dënimit duke i ofenduar rëndë. Edhe gardianët kanë tentuar që të neutralizojnë situatën, por situata ka dalë jashtë kontrollit, pasi në përplasja është përfshirë edhe Safet Bajri.

Bajri dhe Sanxhaktari janë përfshirë në fyerje dhe ofendime, ku më pas gjithçka është kthyer në një përplasje fizike. Nga sherri, raportohet se Sanxhaktari ka pësuar dëmtime të rënda.

Ndërsa pas sherrit Sanxhaktari është larguar nga sektori ku ndodhi përplasja dhe është akomoduar në një qeli tjetër të burgut.

Sokol Sanxhaktari është dënuar me 15 vite burg, pasi në gusht të vitit 2020 vrau mikun e tij Florian Lamçe në Elbasan. Ndërsa Safet Bajri ndodhet i arrestuar me urdhër të SPAK.

The post Plas “grushti” në burgun e Reçit, Safet Bajri dhe grupi i tij dhunojnë barbarisht Sokol Sanxhaktarin! Si ndodhi sherr mes të “fortëve” appeared first on Albeu.com.

Një 20-vjeçare me shtetësi indoneziane, Ayu Putri, është vënë në pranga nga uniformat blu të Komisariatit të Policisë Nr. 1 në Tiranë, pasi akuzohet për veprën penale të vrasjes së foshnjës.

Mësohet se e reja kishte ardhur në Shqipëri disa muaj më parë nga Indonezia, bashkë me disa shoqe të saj, me të cilat banonte në një apartament të marrë me qira në kryeqytet. Ato ishin të punësuara si pastruese në biznese të ndryshme.

Hetimet kanë zbuluar se Ayu Putri ishte shtatzënë rreth pesë muajsh në momentin e mbërritjes në Shqipëri. Rreth dy muaj më parë, ajo ka sjellë në jetë foshnjën, por më pas e ka lënë të braktisur në ballkonin e banesës ku jetonte.

Gjatë muajit të tetë të shtatzënisë, e reja dyshohet se ka përjetuar episode të forta stresi. Pas lindjes, shoqet e saj kanë vënë re situatën dhe kanë njoftuar pronarin e apartamentit, i cili më pas ka lajmëruar autoritetet.

Foshnja është dërguar me urgjencë në spital, por pavarësisht ndihmës mjekësore, nuk ka mundur të mbijetojë. Në fazën fillestare, për shkak të rrethanave dhe gjendjes së nënës, procedimi penal ishte ndjekur në gjendje të lirë. Megjithatë, pas vendimit të Gjykatës, është lëshuar urdhri i ndalimit dhe 20-vjeçarja është arrestuar.

The post EMRI/ Ngjarje e rëndë në kryeqytet! E reja indonezinane punonte si pastruese në një lokal, e braktisi foshnjen pas lindjes appeared first on Albeu.com.

Presidenti i Partisë së Lirisë, Ilir Meta, në një intervistë nga burgu për portalin “Syri.net”, ka vënë theksin te çështja e zëvendëskryeministres Belinda Balluku, duke e cilësuar qëndrimin e kryeministrit Edi Rama dhe mazhorancës si pengim dhe “pengmarrje” të drejtësisë.

Sipas Metës, reagimi i Kryeministrit ndaj kërkesës së SPAK për heqjen e imunitetit të Belinda Ballukut është “prova më e qartë” se Rama nuk po lejon drejtësinë të veprojë lirshëm.

Ai theksoi se Rama, sipas tij, nuk po mbron Ballukun, por veten. Meta kërkoi që hetimet të mos zvarriten dhe bëri thirrje për mobilizim qytetar.

Meta veçoi si të rëndësishëm kualifikimin e “grupit të strukturuar kriminal” në hetimet për AKSH-in dhe denoncimet e ish-zëvendëskryeministrit Arben Ahmetaj, të cilat, sipas tij, janë konfirmuar me kalimin e kohës.

Intervista:

Z. Meta, si e shikoni qëndrimin e Kryeministrit Rama dhe mazhorancës lidhur me kërkesën e Prokurorisë për heqjen e imunitetit të Zv. Kryeministres Balluku?

Si provën më të qartë se Edi Rama është jo vetëm pengues i drejtësisë, por dhe pengmarrës i saj i deritanishëm.
Në rastin Balluku, SPAK-u është treguar shumë proporcional në kërkesat dhe hapat e tij.
Kjo çështje duhej të ishte zgjidhur që në fillim politikisht me dorëheqje ose shkarkim.
Por Rama, është e qartë se nuk ka hallin e Znj. Balluku, por të tijin personal, ndaj ka bërë çdo përpjekje për bllokimin dhe zvarritjen e hetimit.
Madje kërcënoi edhe me përdorimin e 83 mandateve të vjedhura, siç janë vjedhur të gjithë tenderat publikë në këtë vend (se tenderat sekretë vetëm për vjedhje të rrufeshme bëhen).
Ndaj tani është koha për të mos i dhënë kohë Ramës që të bllokojë hetimet dhe prishë provat ku ai del i përfshirë.
Ndaj të gjithë duhet t’i bashkohen protestës së 22 Dhjetorit kundër pengmarrësit jo vetëm të Drejtësisë, por edhe të lirive e të drejtave të shqiptarëve.
Akti i tij i fundit i përjashtimit arbitrar të 29 deputetëve të opozitës tregon panikun e tij nga të vërtetat që po provohen botërisht dhe të cilat as nuk i mbrojnë dot dhe as nuk i mbulojnë dot 83 “Diellat” e tij në Kuvend, që dinë vetëm të ngrenë dorën me sustë.
Këtu çdo investim publik i bërë prej Ramës, është bërë kryesisht me qëllim vjedhjen dhe jo interesin publik.
Përveç rasteve të provuara, si rruga Korçë-Ersekë apo e Qukës – Qafë Plloçës, apo e Arbrit e pafund, dje pashë se si ishte shkatërruar edhe rruga e sapo inaguruar 15 milionë euro Maliq-Lozhan-Strelcë.

A është SPAK në një moment të ri?

Kështu duket, por ka rëndësi të ecet përpara me vendosmëri dhe të hetohet në mënyrë shteruese deri në fund.
Duhet çrrënjosur kjo papërgjegjshmëri qeverisëse deri në nivelet më të larta.
Dua të vlerësoj faktin se në hetimin e AKSH-it, kemi për herë të parë kualifikimin e grupit të strukturuar kriminal.
Ky kualifikim ka munguar në të kaluarën, në shumë raste të tjera të masakrës së mirëstrukturuar që u është bërë parave publike.
Dhe natyrisht, do të doja të vlerësoja edhe denoncimet publike të bëra nga ish-Zv/Kryeministri Ahmetaj, ku koha provoi çdo të dhënë që dha ai, përfshirë edhe rolin e koordinatorit kombëtar të Kryeministrit me krimin e organizuar.
Dua të theksoj rëndësinë edhe për Sigurinë Kombëtare të hetimeve shteruese e përkufizim të AKSH-it, ku jo vetëm norma e vjedhjes është katastrofike , por ku vërtetohet edhe pengmarrja e organizuar në manipulimin e tenderave publikë, që s’mund të bëhej pa dijeninë e Kryeministrit.
Ahmetaj na ka paralajmëruar se dy fletë-arresti ishin grisur para një viti e gjysmë për AKSH-in.
Ndaj ka rëndësi të ecet pa ndalim drejt zbardhjes së përgjegjësive të plota deri në fund e deri në majë të kësaj piramide grabitqare por edhe pengmarrëse.

A mund të përdori Rama 83 mandatet për t’u mbrojtur nga SPAK?

Së pari, ato janë 83 mandate të vjedhura dhe këtë e di e tërë bota.
Së dyti, jam I bindur se opozita do bëjë një betejë të pakompromis, e cila do të mbështetet nga shoqëria në mënyrë të shtuar.
Por edhe vetë brenda PS besoj se ka njerëz me një integritet që s’do pranojnë të marrin kosto të pamerituara më tej.
Përveç korrupsionit skizofrenik të Ramës, nuk ka asnjë justifikim tjetër përse pensionet në Shqipëri janë sa gjysma e pensioneve në Kosovë apo sa një e treta e pensioneve në Malin e Zi.
Ndaj kjo betejë kundër korrupsionit duhet të bashkojë të gjithë shoqërinë në mënyrë që sa më parë të shkojmë drejt një Qeverie ekspertësh që garanton zgjedhje të lira e të drejta që rikthejnë llogaridhënien dhe demokracinë.
Çdo minutë që Rama rri në pushtet është kohë e humbur për Shqipërinë, sepse ajo zbrazet më shumë nga njerëzit e saj dhe bëhet më e dobët dhe e pashpresë.
Çdo minutë e Ramës në pushtet ndihmon vjedhjen dhe varfërimin e shumicës dërrmuese të shqiptarëve.
Çdo minutë e tij në pushtet sjell rrëzim të veprave publike dhe rritje të analfabetizmit funksional.
Çdo minutë e Ramës në pushtet sjell falimentim për bujqësinë, prodhimin vendas dhe eksportet.
Standardet e qeverisjes së mirë janë në pikiatë prej një dekade , sepse synimi madhor i Ramës ka qenë hapja totale e shtetit me qëllim realizimin e vjedhjes frontale në çdo sektor dhe në çdo tender.
Tani “mbreti” ka dalë lakuriq.
Ndaj edhe është kujtuar për standardet e procesit të rregullt ligjor, po kështu tani ka “zbuluar ” se paska edhe Këshill të Europës, po kështu edhe Konventë Europiane e madje se ekzistojnë edhe të drejtat e njeriut.
Në rastin e zëvendësit të tij për 10 vite, Z. Ahmetaj, kritikonte SPAK-un dhe Gjykatat që ishin treguar shumë të butë e të mëshirshëm.
Se nuk ja vlen të përmendet këtu standardet e ndjekura kundër kundërshtarëve të tij.
Ç’mund të presësh më nga një Kryeministër që vodhi fondet europiane (IPARD) për fermerët dhe i çoi te inceneratori?
Qeverisja e tij ka trajektoren e “Air Albania” që ai e propogandoi në fillim me aq pompozitet .
Ndaj të gjithë, në 22 Dhjetor, të thonë fjalën e tyre për ndarjen përfundimtare me rrjetin e Xhorxh Sorosit.
Guxoi të miratojë edhe ligjin anti familje, për të shpërbërë familjen dhe shoqërinë shqiptare.

The post “SPAK është treguar proporcional në kërkesa me rastin e Ballukut”, Meta nga qelia: Kjo çështje duhej zgjidhur politikisht me dorëheqje ose me shkarkim appeared first on Albeu.com.