Last Updated on 25/12/2025 by Kesjana

Gjykata Supreme e SHBA-së ka bllokuar planet e Presidentit Donald Trump për të dërguar trupa të Gardës Kombëtare në qytetin e Çikagos.

Qeveria amerikane i bëri thirrje Gjykatës së Lartë për të autorizuar vendosjen e trupave, ndërsa beteja ligjore vazhdon. Kjo justifikon nevojën për vendosjen e trupave në qytete si Çikago, Portland dhe Los Angeles duke përmendur mbrojtjen e pronës dhe personelit federal. Trump dhe aleatët e tij i përshkruajnë këto qytete si të paligjshme dhe të pllakosura nga protesta të dhunshme. Kryetarët e bashkive dhe guvernatorët demokratë e hedhin poshtë këtë si një keqinterpretim dhe një pretekst për abuzim me pushtetin.

Një gjyqtare federale në Çikago, April Perry, e kishte bllokuar përkohësisht vendosjen e trupave më 9 tetor. Ajo i gjeti pretendimet për dhunë në protesta të pabazuara. Nuk kishte prova për një kryengritje apo për shkelje të zbatimit të ligjit. Vendosja e Gardës Kombëtare “vetëm do t’i hidhte benzinë zjarrit”, deklaroi gjyqtarja, e cila u emërua nga ish-Presidenti Joe Biden . Një gjykatë apeli mbështeti vendimin e saj./kb

Last Updated on 25/12/2025 by Kesjana

Këtë të enjte, një dollar amerikan do të blihet me 81.3 lekë dhe shitet me 82.4 lekë.

Franga zvicerane blihet me 103 lekë dhe shitet me 104 lekë.

Paundi britanik blihet me 109.4 lekë dhe shitet me 110.6 lekë.

Dollari kanadez këmbehet me 59.2 lekë në blerje dhe me 60.4 lekë në shitje./kb

Last Updated on 25/12/2025 by Kesjana

Besimtarët e krishterë mbushën në mesnatë kishat e tyre duke festuar me lutje dhe këngë lindjen e Krishtit, me shpresën për paqe, begati dhe më shumë gëzime.

Pak historik

Krishtlindja, edhe Kërshëndellat apo Kshnellat, është një festë fetare e krishterë. Të krishterët e festojnë çdo vit më 25 dhjetor ditëlindjen e Jezus Krishtit, në kishat e Lindjes festohet më 7 janar, për shkak të kalendarit Julian. Pas Pashkëve është festa më e rëndësishme për të krishterët.

Rëndësia e ditës së Krishtlindjes nisi të rritet dalëngadalë pas kurorëzimit të Karlit të Madh në vitin 800, ditën e Krishtlindjes.

Sot dita e Krishtlindjes kremtohet me shfaqjen e skenës së lindjes së Krishtit, pemën e Krishtlindjes, shkëmbimin e dhuratave dhe kartolinave, familjen e bashkuar, dhe ardhjen e Shën Kollit apo Plakut të Vitit të Ri në prag të Krishtlindjes apo mëngjesin e Krishtlindjes. Krishtlindja është festa në të cilën të krishterët dëshirojnë më shumë se kurrë paqe e dashuri në botë.

Krishtlindja është festa e lindjes së Jezusit, i cili besohet nga të krishterët si Biri i Perëndisë dhe Perëndia vetë e mishëruar, zbritur në tokë për të shlyer mëkatet e njerëzimit, dhe për ta kthyer atë në shtëpinë e Perëndisë. Sipas Ungjillit të Lukës dhe Mateut, Jezusi lindi nga Mëria në Betlehem, ku ajo dhe i shoqi i saj Jozefi po pushonin rrugës për në vendlindjen e tyre, Nazaret, për të marrë pjesë në numërimin e mbarë popullsisë urdhëruar nga perandori August.

Për nxënësit e tij, lindja e Krishtit është parathënë nga profeci të ndryshme sipas të cilave mesia do të lindte nga shtëpia e Davidit për të shpëtuar botën nga mëkati.

Datëlindja e Jezusit sipas të krishterëve besohet të jetë 24-25 dhjetori edhe pse ka dyshime për datën e saktë të lindjes pasi që ajo nuk përmendet në Dhiatën e re. Kjo feste është ndër festat më të dashura dhe të preferuara nga mbarë bota krishtere apo e thënë më ndryshe edhe si datë e paqes.

Katolicizëm

Krishtlindja te katolikët dhe disa kisha ortodokse, përfshirë edhe ortodoksët shqiptarë (krahas kishave greke, rumune, bullgare, qipriote, etj) festohet me 24-25 dhjetor për shkak të kalendarit gregorian.

Ortodoksi

Te një pjesë e kishave ortodokse dhe kishat e tjera lindore Krishtlindja festohet në 7 janar për shkak të kalendarit julian.

Ungjillizëm

Njëlloj si me katolikët gjithashtu edhe tek evangjelistët dhe kishat protestante Krishtlindja festohet më 24-25 dhjetor./Kb

Last Updated on 25/12/2025 by Kesjana

Ditën e sotme vendi ynë do të ndikohet nga kushte atmosferike të kryesisht të paqëndrueshme. Sipas SHMU, moti parashikohet me vranësira mesatare deri të dendura.

Reshje shiu të herëpashershme me intensitet të ulët e lokalisht mesatar në pjesën më të madhe të territorit që në orët e para të 24-orëshit deri në mëngjes, hera-herës shtrëngata afatshkurtra.

Gjatë ditës reshje shiu të herëpashershme me intensitet të ulët të karakterit lokal.

Në Alpe dhe në lartësitë 700-800 metra në verilindje dhe 900 metra në juglindje reshje dëbore me intensitet të ulët, lokalisht mesatar.

Mjegull e dendur/mjegullinë përgjatë zonave luginore në orët e mëngjesit si dhe në momentin e reshjeve të shiut dhe dëborës.

Era do të fryjë me drejtim nga verilindja-juglindja me shpejtësi mesatare 7 m/sek, përgjatë vijës bregtdetare e zonave luginore era fiton shpejtësi deri në 15m/s.

Valëzimi në det do të jetë i forcës 2-4 ballë./Kb

Nga Leonard Veizi

Krishtlindja e këtij viti nuk mbërrin thjesht si një datë kalendarike, por si një ngjarje kozmike e shkallës njerëzore, e mbushur me një detaj të rrallë, gati mistik: 25.12.2025. Për herë të parë pas plot një shekulli, dita e kremtimit dhe viti bashkohen në një simetri të përsosur vizuale, duke formuar të njëjtin model numrash – “25”. Kjo nuk është vetëm një përputhje; është një varg i veçantë kohor që nuk ka shkëlqyer që prej Krishtlindjes së vitit 1925 dhe që nuk do të rikthehet deri më 2125. Plot njëqind vjet pritje për disa sekonda simbolikë, që na ftojnë të ndalemi.

Pëshpëritja e harmonizuar e kohës

Pse një rastësi kaq e thjeshtë dhe, në thelb, e parëndësishme, zgjon kaq shumë vëmendje dhe krijon lajm? Sepse, sado që pretendojmë se jemi modernë dhe të çliruar nga besëtytnitë, ne njerëzit kemi një dobësi të pashmangshme për modelet dhe sinkronitetet. Kjo është një lloj kënaqësie instinktive, gati arketipale, për ato çaste të shkurtra kur universi duket sikur merr frymë thellë dhe “vendoset në rresht” përpara syve tanë.

Kjo lojë e numrave, përtej vlerës së saj matematike zero, merr një ngarkesë estetike të vetën, pothuajse poetike. Numrat ndërpresin funksionin e tyre utilitar dhe shndërrohen në një vepër arti vizuale, duke krijuar një ndjesi thellësisht të këndshme rendi dhe harmonia. Dhe kur kjo simetri lidhet me Krishtlindjen – një festë që është gur themeli i kulturës dhe ritualeve tona – ajo fiton një rezonancë emocionale të veçantë.

Magjia e zgjedhur, roli i njerëzor i vrojtuesit

Për dikë, kjo mund të jetë thjesht një kuriozitet kalendarik, një detaj i lehtë për t’u shpërndarë në epokën e viralitetit digjital. Por për shumë të tjerë, ajo është një “magji” e vogël vizuale që i shton një nuancë të papërsëritshme ditës së madhe.

Në një botë ku vëmendja jonë rrëmbehet nga kaosi i përditshëm, është e natyrshme që një datë kaq e rrallë të bëhet një pikë referimi kolektive. Ajo kthehet në fije të bisedave, në subjekt postimesh, në detajin e veçantë të urimeve – një moment i vogël, por unik, që bashkon trashëgiminë e thellë të traditës me lojën e thjeshtë të përkohshmërisë.

Thelbi i palëkundur përballë ritmit misterioz

Megjithatë, le të mos harrojmë thelbin: Krishtlindja mbetet e njëjtë. 25 dhjetori është dhe do të jetë gjithmonë festë, rit, kujtesë, besim dhe bashkim familjar, pavarësisht nga formati numerik i vitit. Këto vlera janë të ngulitura dhe të palëkundura.

Por viti 2025 i jep këtyre festimeve një arsye shtesë, delikate, për t’u ndalur pak, për të shkëmbyer një buzëqeshje kuptimplotë, për të kujtuar se edhe në rrëmujën dhe shpejtësinë e kohës, ka çaste që na rikujtojnë ritmin misterioz dhe të fshehtë të universit.

Ndoshta nuk ka magji objektive në vetë shifrat, as ndonjë parashikim të madh. Por ka diçka thellësisht njerëzore, poetike dhe të çmuar në mënyrën sesi ne zgjedhim t’i shohim ato; në aftësinë tonë për të gjetur bukurinë në rendin e rastësishëm. Dhe ndonjëherë, për të festuar, mjafton pikërisht kaq.

Dashi

Tregohuni sa me diplomate dhe te duruar me partnerin tuaj gjate kësaj dite ne mënyrë qe gjerat te ecin ashtu si duhet ne lidhjen qe keni krijuar. Beqaret nga ana tjetër do ndiheni mjaft mire sepse do takojnë persona qe ja vlejnë t’i kesh pranë. Për sa iu përket financave, nuk duhet ne asnjë mënyrë te bëni ndonjë çmenduri sepse situata do ju dale jashtë kontrollit.

Demi

Do e rivendosni dialogun ne çift gjate kësaj dite dhe gjerat do shkojnë mjaft mire me personin qe keni ne krah. Do merreni vesh për gjithçka me te dhe nuk pritet te linde as problemi me i vogël. Beqaret do gjejnë mënyrën e duhur për te joshur dike. Ne planin financiar do jeni me shume fat dhe do kryeni edhe disa investime te rëndësishme.

Binjaket

Klima ne jetën tuaj ne çift do jete mjaft e ngrohte dhe pasionante gjate kësaj dite. Kënaqësitë dhe emocionet do jene te njëpasnjëshme kështu qe nuk do keni çfarë te kërkoni me shume. Beqaret do kenë disa takime, por nuk do arrijnë ta gjejnë menjëherë personin e ëndrrave. Financat do jene ne gjendje goxha te mire. Nuk do keni vështirësi te kryeni shpenzimet e dëshiruara.

Gaforrja

te dashuruarit do kenë gjate gjithë kohës mbështetjen e Venusit. Ai do ua qartësojë mendimet dhe do iu ndihmoje t’i zgjidhni me qetësi disa probleme te vogla. Beqaret do kenë veçse dashuri platonike, asgjë konkrete nuk pritet te ndodhe. Financat do jene gjate gjithë kohës te mbrojtura. Shpenzoni për gjerat me te nevojshme, po kurrsesi pa e tepruar.

Luani

Do jeni shume tolerante gjate kësaj dite me atë qe keni ne krah dhe gjithçka do shkoje si duhet. Do i harroni madje edhe problemet e vogla qe keni pasur dikur. Beqaret nuk duhet te ecin kuturu dhe te pranojnë çdo ftese qe do iu behet sepse do pendohen rende. Ne planin financiar nuk do jeni aspak te matur dhe gjerat nuk do ecin si i kishin menduar.

Virgjeresha

Nëse keni pasur probleme serioze njëjtën tuaj ne çift, sot gjithçka do rregullohet. Partneri do jete ne humor dhe i gatshëm t’ua plotësojë dëshirat. Beqaret qe nuk mundohen fare te gjejnë një person për ta pasur ne krah dhe presin qe gjerat t’iu bien nga qielli, nuk do ja dalin dot te ndryshojnë status. Ne planin financiar duhen bere kufizime ne mënyrë qe gjendja te mbetet e qëndrueshme.

Peshorja

Për ata qe janë ne një lidhe do ketë shume tension dhe mosmarrëveshje gjate kësaj dite. Edhe pse do mundoheni shume te ruani një klime harmonike, nuk do ja dilni dot. Beqaret do e vuajnë shume vetminë , por nga ana tjetër nuk do hedhin asnjë hap për ta ndryshuar situatën. Financat duhen mbajtur sa me shume nen kontroll. Gjendja do jete e paqëndrueshme.

Akrepi

Mos bëni gabim ta idealizoni partnerin tuaj gjate kësaj dite sepse ne një moment apo ne një tjetër do zhgënjeheni tej mase prej tij. Beqaret nga ana tjetër nuk duhet te kërkojnë persona perfektë apo gjera te pamundura. Merrini gjerat ashtu si t’iu vijnë. Ne planin financiar nuk rekomandohet te kryhen transaksione te tejskajshme. Gjendja do jete serish delikate.

Shigjetari

Dita e sotme do jete e mrekullueshme dhe mjaft emocionuese. As vete nuk do e kuptoni sesi gjerat do ju ecin aq mire, kështu qe nuk do keni për çfarë te shqetësoheni. Beqaret do jene me shume fat dhe do arrijnë ta bëjnë për vete personin qe aq shume kane pëlqyer. Financat do jene pak me te mira se kohet e fundit dhe do ndiheni me te qete.

Bricjapi

Aq mire do ja kaloni gjate kësaj dite me personin qe keni ne krah saqë nuk do kërkoni asgjë me shume nga jeta. Do filloni madje te programoni edhe te ardhmen. Beqaret do marrin mesazhe dashurie nga persona qe i kane njohur me pare, por nuk kishin menduar se mund t’i pëlqenin. Ne planin financiar bëni kujdes. Mos shpenzoni shuma te mëdha sepse do keni probleme.

Ujori

Çiftet qe kane kohe qe janë ne krize do kenë një dite me te qete, por gjithsesi atmosfera serish nuk do jete ashtu si duhet. Beqaret do vazhdojnë te kërkojnë princin e tyre te kaltër. Nuk do mungojnë njohjet e reja, por gjithsesi nuk priten menjëherë ndryshime te statusit. Ne planin financiar asgjë nuk do jete e thjeshte. Kurseni sot qe edhe e nesërmja te jete e mire.

Peshqit

Nëse ka kohe qe rutina është bere pjese e jetës suaj ne çift duhet te mundoheni sa me shpejt ta ndryshoni situatën. Vetëm kështu nuk do lejoni qe problemet dhe debatet te jene te zjarrta. Beqaret do e kenë me te lehte ta gjejnë një person te përshtatshëm gjate një feste te organizuar nga miqtë. Gjendja e financave do jete e mire. Do jeni goxha kursimtare./kb

Një aksion policor është zhvilluar më 24 dhjetor 2025 në fshatin Koliq të Prishtinës, ku njësitet policore kanë zbuluar dhe sekuestruar armë zjarri dhe municion të konsiderueshëm, mëson Sinjali nga burime të sigurta.

Sipas informacioneve, rreth orës 09:00 njësitet e inteligjencës së Stacionit Policor Veriu kanë identifikuar një veturë të tipit Chevrolet, me targa suedeze, e cila pas verifikimeve ka rezultuar si veturë në kërkim nga autoritetet e Suedisë.

Lidhur me këtë rast është angazhuar njësia për auto-krime, e cila ka proceduar personin e dyshuar Fatlum Bajrami.

Gjatë veprimeve operative, policia ka pranuar edhe informata se në lokacion mund të ketë armë zjarri. Me pëlqimin e të dyshuarit dhe në konsultim me Prokurorin kujdestar, është kontrolluar shtëpia e tij, ku janë gjetur dhe sekuestruar: një armë automatike AK-47, një armë shotgun, dy karikatorë për AK-47, 33 fishekë të kalibrit 7.62 mm, 32 fishekë të kalibrit 9.19 (gaz), 26 fishekë gjuetie.

I dyshuari është intervistuar në prani të avokatit mbrojtës, ndërsa me vendim të Prokurorit kujdestar është liruar në procedurë të rregullt.

Rasti është iniciuar për veprën penale “Mbajtje në pronësi, kontroll ose posedim të paautorizuar të armëve”, ndërsa hetimet janë në vazhdim.

Sinjali do t’ju mbajë të informuar për çdo zhvillim të ri lidhur me këtë rast.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Armëmbajtje pa leje në Koliq – Policia sekuestron AK-47, shotgun dhe dhjetëra fishekë appeared first on Sinjali.

Siguria publike në Kosovë po cenohet nga krime të natyrave të ndryshme, e sidomos nga vjedhjet. Ky fenomen mjaft shqetësues, po shkakton pasiguri e humbje të mëdha. Hajnat, herë të vetëm e herë në grup arrijnë të bëjnë kërdi në biznese, shtëpi, objekte fetare e në lokale të ndryshme, raporton Gazeta Sinjali.

Kështu, një rast i rëndë vjedhjeje që kishte tronditur opinionin publik në Ferizaj është zbardhur pas dy javësh hetime intensive nga Policia e Kosovës.

Ngjarja kishte ndodhur më 9 dhjetor 2025, rreth orës 18:30, në rrugën “Hamzë Jashari”, konkretisht në objektin fetar të njohur si “Xhamia e Vogël”, ku një person i panjohur kishte hyrë me forcë, duke thyer derën e zyrës dhe më pas kishte vjedhur Arkën e Bamirësisë, në të cilën ndodheshin rreth 100 euro.

Rasti ishte raportuar më 10 dhjetor 2025, ndërsa e gjithë ngjarja ishte regjistruar nga kamerat e sigurisë së objektit fetar.

Pas hetimeve të zhvilluara nga Njësia e Hetimeve të Stacionit Policor në Ferizaj, më 24 dhjetor 2025, policia ka arritur të identifikojë dhe arrestojë të dyshuarin kryesor, Fatlum Geri-Ahmeti, rreth 29-vjeçar.

Burime të besueshme nga strukturat e afërta me hetimin bëjnë me dije se gjatë kontrollit, nga i dyshuari janë sekuestruar disa palë këpucë, të cilat dyshohet se janë përdorur gjatë kryerjes së vjedhjes dhe do të shërbejnë si prova materiale në procedurën penale.

I dyshuari është shoqëruar në Stacionin Policor në Ferizaj, ku është intervistuar në prani të avokatit mbrojtës. Me autorizim të Prokurorit kujdestar, ndaj tij është caktuar masa e ndalimit për 48 orë.

Hetimet për këtë rast po vazhdojnë, ndërsa pritet që i dyshuari të përballet me procedura të mëtejme penale për veprën “Vjedhje e rëndë”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Vodhi “Arkën e Bamirësisë” në xhami – arrestohet i dyshuari në Ferizaj (EMRI) appeared first on Sinjali.

Një seri vjedhjesh nga veturat e parkuara në Fushë Kosovë ka çuar në identifikimin dhe arrestimin e një personi të dyshuar, i cili fillimisht ishte shpallur në kërkim policor.

Ngjarja ka ndodhur më 24 dhjetor 2025, rreth orës 02:45, në rrugën “Vëllezërit Majaci” në Fushë Kosovë, konkretisht në parkingun e objektit “Kosova Home”, ku janë thyer shtatë (7) vetura, si dhe një veturë tjetër në rrugën “Nënë Tereza”.

Nga veturat ishin vjedhur një sasi e konsiderueshme e veglave të punës, në pronësi të disa qytetarëve.

Burime të sigurta të Sinjalit bëjnë me dije se pas veprimeve intensive hetimore, Sektori i Hetimeve në Fushë Kosovë ka arritur të arrestojnë të dyshuarin Ersan Haliti, rreth 21-vjeçar.

Me aprovim verbal të Prokurorit Kujdestar dhe me pëlqimin e pronarit të shtëpisë, policia ka kryer kontroll në adresën e banimit të të dyshuarit, ku janë gjetur shumica e mjeteve të vjedhura, si dhe rrobat që dyshohet se janë përdorur gjatë kryerjes së veprës penale.

Sipas udhëzimit të Prokurorit Kujdestar, gjësendet e konfiskuara u janë kthyer pronarëve legjitimë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është i arrestuari për thyerjen e 8 veturave në Fushë Kosovë – policia gjen mjetet e vjedhura appeared first on Sinjali.

Një vizitë zyrtare për forcimin e bashkëpunimit ushtarak mes Turqisë dhe Libisë ka përfunduar në një katastrofë ajrore mbrëmjen e së martës.

Ekipet e kërkim-shpëtimit në Turqi konfirmuan sot gjetjen e kutive të zeza (regjistruesve të zërit dhe të dhënave) të avionit privat që u rrëzua pranë Ankarasë, duke lënë të vdekur të gjithë personat në bord, përfshirë gjeneralin Muhammad Ali Ahmad al-Haddad, Shef i Shtabit të ushtrisë së Libisë perëndimore.

Dinamika e aksidentit

Avioni i biznesit, tip “Falcon 50”, u ngrit nga aeroporti Esenboga i Ankarasë në orën 20:30, me destinacion Tripolin. Vetëm 40 minuta pas ngritjes, ekuipazhi njoftoi kullën e kontrollit për një defekt elektrik kritik dhe kërkoi ulje emergjente. Avioni u ridrejtua për në Esenboga, por u zhduk nga radarët gjatë zbritjes, duke u përplasur rreth 70 kilometra në jug të kryeqytetit turk.

Ministri i Brendshëm turk, Ali Yerlikaya, raportoi nga vendngjarja se rrënojat janë shpërndarë në një sipërfaqe prej 3 kilometrash katrorë. Operacionet e kërkimit janë vështirësuar nga terreni me baltë, shiu i rrëmbyeshëm dhe mjegulla, duke detyruar përdorimin e ambulancave me zinxhirë.

Viktimat dhe profili i lartë

Humbja është një goditje e rëndë për Libinë. Përveç Gjeneralit Al-Haddad, një figurë kyçe në përpjekjet e OKB-së për bashkimin e ushtrisë libiane, në bord humbën jetën edhe zyrtarë të tjerë të lartë:

Gjeneral Al-Fitouri Ghraibil, kreu i forcave tokësore.

Gjeneral Brigade Mahmoud Al-Qatawi, kreu i prodhimit ushtarak.

Mohammed Al-Asawi Diab, këshilltar i Shefit të Shtabit.

Mohammed Omar Ahmed Mahjoub, fotograf ushtarak.

Tre anëtarë të ekuipazhit (identiteti ende i pakonfirmuar).

Hetim ndërkombëtar “neutral”

Për të shmangur çdo spekulim politik, Ministri i Transportit i Turqisë, Abdulkadir Uraloglu, njoftoi se regjistruesit e fluturimit nuk do të hapen në Turqi, por do të dërgohen për ekzaminim në një vend të tretë neutral. Kjo bëhet për të garantuar paanshmëri të plotë mbi shkaqet e rrëzimit.

Një delegacion libian prej 22 personash ka mbërritur tashmë në Ankara për të asistuar në hetime dhe për të ndihmuar në identifikimin e mbetjeve mortore.

Reagimet dhe konteksti

Qeveria libiane ka shpallur tre ditë zi kombëtare. Kryeministri Abdul-Hamid Dbeibah e cilësoi ngjarjen një “humbje të madhe”, ndërsa Presidenti turk Erdogan shprehu ngushëllimet e tij të thella. Delegacioni po kthehej nga bisedimet ku diskutohej zgjatja e mandatit të trupave turke në Libi, një marrëveshje strategjike mes dy vendeve që daton nga viti 2019.

Kush ishte gjeneral Al-Haddad?

Gjenerali Muhammad Ali Ahmad al-Haddad ishte komandanti më i lartë ushtarak në Libinë perëndimore. Ai konsiderohej si një figurë thelbësore dhe e moderuar, i cili luajti një rol vendimtar në negociatat e ndërmjetësuara nga OKB-ja për të unifikuar fraksionet e ndara të ushtrisë libiane (lindje dhe perëndim). Vdekja e tij krijon një vakum të rëndësishëm në hierarkinë e sigurisë së vendit afrikano-verior.

Sinjali – aty ku e vërteta flet para lajmit!

/GazetaSinjali/

The post Rrëzimi i avionit ushtarak të Libisë, gjenden “kutitë e zeza” – pilotët raportuan defekt elektrik para katastrofës appeared first on Sinjali.

Besimtarët e krishterë në mbarë botën festojnë sot Krishtlindjen, ditën e lindjes së jezu krishtit, një nga festat më të rëndësishme në kalendarin e krishterë, e cila simbolizon lindjen e shpresës dhe dritës.

Kjo ditë shënohet edhe nga besimtarët e krishterë në Kosovë dhe rajon, të cilët e kremtojnë me meshë solemne në kisha dhe me mbledhje familjare, duke shkëmbyer urime për paqe, dashuri dhe mirësi.

Ndryshe, mbrëmë, Ipeshkvi i Kosovës, Imzot Dodë Gjergji, ka mbajtur pritjen solemne me rastin e festës së Krishtlindjes, ku ka përcjellë mesazhe për paqe dhe bashkëjetesë, duke theksuar se urrejtja mes njerëzve nuk duhet të ekzistojë.

Ai ka bërë thirrje gjithashtu që në Kosovë të mbretërojë stabiliteti politik.

“Ndërsa po jua përcjell këtë porosi për një festë kaq madhështore, e ndiej të nevojshme t’ju ftoj që, në zgjedhjet e pas Krishtlindjes, të jemi të përgjegjshëm për të ardhmen tonë dhe të kontribuojmë të gjithë në restaurimin e gjendjes së jetuar gjatë këtij viti, duke kryer obligimin qytetar dhe duke ndjekur zërin e ndërgjegjes. Të kontribuojmë që vendi ynë të ketë një stabilitet të qëndrueshëm politik, t’i përshpejtojë hapat drejt familjes evropiane dhe të arrijë ta ruajë pacenueshmërinë e lirisë së besimit, të drejtën dhe lirinë e përcaktimit shpirtëror dhe multireligjiozitetin e kombit. Mbi të gjitha, dashurinë dhe aftësinë e bashkëjetesës ndërvëllazërore mes nesh, që është trashëgimi më e çmueshme prej të parëve tanë”, është shprehur ai.

Sinjali – aty ku e vërteta flet para lajmit!

/GazetaSinjali/

The post Sot festohet Krishtlindja, Dodë Gjergji: Kosova ka nevojë për stabilitet më të madh politik appeared first on Sinjali.

Mërgimtarët që po hyjnë në Kosovë këtë mëngjes të së enjtes nuk po përballen me pritje të gjata në pikat kufitare.

Sipas të dhënave të Qendrës Kombëtare për Menaxhim Kufitar, pritjet më të gjata janë regjistruar në pikat kufitare deri në 5 minuta.

Më poshtë gjendja në të gjitha pikëkalimet kufitare.

Sinjali – aty ku e vërteta flet para lajmit!

/GazetaSinjali/

The post Nuk ka pritje në pikat kufitare për të hyrë e për të dalë nga Kosova appeared first on Sinjali.

Fisnik Asllani, sulmuesi i Kosovës, është duke tërhequr vëmendjen e disa klubeve evropiane të mëdha, por kushdo që dëshiron shërbimet e tij duhet të jetë gati të paguajë një shumë të konsiderueshme. 

Sipas raportimeve të gazetarit Ekrem Konur për “Arma Sports TV” dhe “CaughtOffside”, Hoffenheim ka vendosur një klauzolë lirimi prej 50 milionë eurosh për 23-vjeçarin.

Asllani konsiderohet si një nga zëvendësuesit kryesorë të mundshëm të Robert Lewandowskit te Barcelona, pasi veterani polak pritet të largohet në verë.

Më parë u raportua se sulmuesi kosovar kishte një klauzolë lirimi prej 30 milionë eurosh, por me rinovimin e kontratës së tij, kjo klauzolë është hequr, duke rritur kështu kërkesën për të transferuar Asllanin.

Përveç Barcelonës, interesim për Asllanin ka shfaqur edhe Bayern Munich dhe dy klube nga Liga Premier, emrat e të cilëve ende nuk janë bërë publikë

Sinjali – aty ku e vërteta flet para lajmit!

/GazetaSinjali/

The post Hoffenheim kërkon 50 milionë euro për Fisnik Asllanin appeared first on Sinjali.

Izraeli ka kryer sulme ajrore në jug të Libanit, duke goditur infrastruktura që e cilëson si të Hezbollahut, ndërsa afrohet afati i vitit të ri për ushtrinë libaneze për të çarmatosur grupin në jug të vendit.

Aeroplanët izraelitë bombarduan luginat e Houmin, Wadi Azza dhe Nimeiriya në rajonin jugor të Nabatieh.

Pas sulmeve, dronët izraelitë vazhduan të patrullojnë mbi jug të Libanit dhe luginën lindore të Bekaa. Ushtria izraelite deklaroi se goditi pika nisjeje dhe infrastrukturë ushtarake të Hezbollahut, duke i cilësuar ato si shkelje të marrëveshjeve me Libanin.

Sulmet vijnë në shkelje të armëpushimit mbi njëvjeçar, i cili kishte vendosur fundin e një lufte 13-mujore me Hezbollahun. Sipas monitorit ACLED, Izraeli ka bombarduar Libanin mesatarisht çdo katër orë që nga hyrja në fuqi e armëpushimit, ndërsa Hezbollahu ka qëlluar Izraelin vetëm një herë që pas krijimit të armëpushimit.

Afati për Ushtrinë libaneze është që të pasojë të gjitha armët dhe personelin e Hezbollahut nga territori jugor i lumit Litani deri në fund të vitit, ndërsa Izraeli duhet të tërhiqet nga pesë pozicionet që mban ende në jug dhe të ndalojë operacionet tokësore.

Zyrtarët libanezë thonë se procesi i çarmatimit është thuajse përfunduar dhe vazhdojnë të shkatërrojnë depo të vjetra armësh të Hezbollahut.

Sulmet kanë përfshirë edhe një goditje me dron që vrau tre persona në jug të qytetit Saida, njëri prej të cilëve ishte një oficer i ushtrisë libaneze, i dyshuar nga Izraeli si anëtar i Hezbollahut dhe i përfshirë në planifikim të sulmeve ndaj Izraelit. Ushtria libaneze dhe Hezbollahu mohuan lidhjen e tij me grupin e armatosur, duke e cilësuar akuzën si sulm të qëllimshëm.

Ndërkohë, bisedimet diplomatike mes Izraelit dhe Libanit vazhdojnë në qytetin jugor Naqoura, ku zyrtarë të dy vendeve diskutojnë mbi statusin e armëpushimit dhe çështje jo-ushtarake si bashkëpunimi ekonomik.

Izraeli thekson se këto bisedime diplomatike nuk ndikojnë në vijimin e sulmeve ndaj Hezbollahut.

Sinjali – aty ku e vërteta flet para lajmit!

/GazetaSinjali/

The post Izraeli intensifikon sulmet në jug të Libanit, afati për çarmatimin e Hezbollahut po afron appeared first on Sinjali.

Sot parashikohet mot i vranët, me reshje që do të jenë të pranishme që nga orët e para të 24-orëshit dhe do të vazhdojnë edhe gjatë mëngjesit.

Fillimisht priten reshje shiu dhe bore në shkallë vendi, të cilat si pasojë e depërtimit të masave të ftohta ajrore do të shndërrohen kryesisht në reshje bore në pjesën dërrmuese të territorit, me përjashtim të disa zonave të Rrafshit të Dukagjinit.

Reshjet e borës do të formojnë shtresa, kryesisht në sasi të pakta. Gjatë pasditës, reshjet do të humbasin në intensitet dhe shtrirje territoriale, duke mbetur të izoluara në zona të caktuara, veçanërisht në zonat malore.

Era do të fryjë drejtimesh të ndryshme por më dominues nga i veriut, me shpejtësi prej 15-35 km/h.

Temperaturat minimale do të lëvizin prej -1 deri në 3°C, ndërsa ato maksimale prej 1 deri në 5°C.

Sinjali – aty ku e vërteta flet para lajmit!

/GazetaSinjali/

The post Moti sot: I vranët dhe me reshje bore appeared first on Sinjali.

TIRANË, 25 dhjetor/ATSH/ Shërbimi Meteorologjik Ushtarak bëri të ditur se ditën e enjte vendi ynë ndikohet nga kushte atmosferike kryesisht të paqëndrueshme.

Reshjet e herëpashershme të shiut parashikohen të jenë të pranishme me intensitet të ulët përgjatë relieveve malore në verilindje e juglindje e pjesërisht në zonën perëndimore kryesisht në pjesën e parë të ditës.

Gjatë orëve të pasdites reshje shiu me intensitet të ulët kryesisht të karakterit lokal në jug, ndërsa në verilindje në lartësitë mbi 800-1000metër reshje bore me intensitet të ulët në juglindje në relievet malorë  reshje të borës me intensitet kryesisht të ulët.

Era me drejtim kryesor verilindje me shpejtësi 8m/s, ndërsa në lugina dhe bregdet e kryesisht atë fiton shpejtësi deri 12m/s, me valëzimin në det të forcës 2-3 ballë.

 Temperaturat parashikohen:

QYTETET	Temperaturat	Siglat
Shkodër	0/4	Re diell
Kukës	4/11	Re shi/borë diell
Lezhë	4/13	Re diell
Dibër	0/2	Re shi/borë diell
Durrës	7/17	Re diell
Tiranë	7/17	Re diell
Elbasan	6/16	Re diell
Berat	6/16	Re diell
Vlorë	9/17	Re diell shi
Korçë	3/7	Re shi/borë diell
Gjirokastër	4/13	Re diell shi
Sarandë	8/14	Re diell shi

 

The post E enjte 25 dhjetor, reshje shiu me intensitet të ulët appeared first on Agjencia Telegrafike Shqiptare.

ROMË, 25 dhjetor /ATSH-ANSA/ – Ashja, veshtulla apo bredhi, që shërbejnë edhe si pemë Krishtlindjesh janë disa nga simbolet natyrore të këtyre ditëve festive.

Por, çfarë simbolizojnë ato dhe jo vetëm?

Ashja (Ilex aquifolium), me gjethet e saj me gjemba dhe manaferrat e kuqe, simbolizon mbrojtjen, paqen dhe pjellorinë si dhe largimin e shpirtrave të këqij.

Veshtulla (Viscum album) konsiderohet si një hajmali për fat të mirë, veçanërisht për dashurinë.

Rrushkulli apo fshesa e kasapit (Ruscus aculeatus), me manaferrat e saj të kuqe dhe gjethet me gjelbërim të përjetshëm, simbolizon vitalitetin dhe rezistencën ndaj të ftohtit.

Dhe pastaj është dëllinja, një bimë me gjelbërim të përjetshëm e lidhur me traditat e dimrit dhe të Krishtlindjeve.

Pema e Krishtlindjeve, bredhi, ka një origjinë interesante, pasi është simboli i krishterë i jetës së përjetshme dhe, sipas legjendës, zbriti nga Pema e Jetës në Eden.

Po zbukurimet e pemës së Krishtlindjeve çfarë përfaqësojnë?

Kometa, përfaqëson dritën hyjnore që tregon lindjen e Jezusit duke udhëhequr Tre Burrat e Urtë.

Floku i Dëborës është një simbol i pastërtisë, përsosmërisë natyrore dhe rilindjes, falë formës së saj unike dhe transformimit të saj në ujë.

Dhe ngjyrat e Krishtlindjeve janë e gjelbra, që do të thotë jetë, shpresë, natyra që i mbijeton dimrit, e lidhur me bredhin dhe selvinë, e kuqja, që kujton gjakun, dashurinë, vitalitetin, manaferrat dhe gjethet e yllit të Krishtlindjeve dhe e bardha, si drita, mbretëria, pastërtia, shpesh e lidhur me dekorimet dhe dëborën./  a.jor.

The post SOFT NEWS – Pemët simbolike të Krishtlindjeve, nga ashja te bredhi appeared first on Agjencia Telegrafike Shqiptare.