Një 42-vjeçar ka humbur jetën, pasi teksa po luante kalçeto u godit me top në kraharor.

Policia sqaron se ngjarja ka ndodhur në fshatin Novoselë të Vlorës, ndërsa nga veprimet e para hetimore dyshohet se ky shtetas ka pësuar atak kardiak.

“Po këta specialistë referuan materiale për vlerësim, pasi më datë 25.12.2025, në kalçeton e fshatit Novoselë, shtetasi B. R., 42 vjeç, banues në Vlorë, rezident në shtetin e Gjermanisë, gjatë një loje futbolli, pasi topi e ka goditur në pjesën e kraharorit, është rrëzuar dhe gjatë transportit për në spitalin e Vlorës ka ndërruar jetë. Nga veprimet e para hetimore dyshohet se ky shtetas ka pësuar atak kardiak”, sqaron policia.

The post E rëndë në Vlorë/ Po luante kalçeto, 42-vjeçari goditet me top në kraharor dhe ndërron jetë appeared first on Albeu.com.

Denis Omedi, është një nga historitë më interesante të Kupës së Kombeve të Afrikës deri më tani, e cila po mbahet në Marok.

Ai është një lojtar i Ugandës, i cili shënoi golin e vetëm për ekipin në raundin e parë dhe në duelin kundër Tunizisë.

Tunizia e justifikoi rolin e saj si favorite në atë rast dhe mundi Ugandën 3-1, me golin e vetëm të shënuar nga Denis Omedi.

Asgjë nuk do të ishte e çuditshme në lidhje me këtë, nëse nuk do të ishte për djaloshin që punon si gardian burgu.

Sipas mediave afrikane, nuk bëhet fjalë vetëm për një futbollist ndërkombëtar, por edhe për një roje aktive burgu që balancon me sukses jetën në uniformë me kërkesat e të luajturit futboll.

Edhe kur ai filloi punë në Shërbimin e Burgjeve të Ugandës, ai nuk hoqi dorë nga futbolli. Pastaj pati një pikë kthese të madhe, sepse karriera e tij filloi në një trajektore në rritje.

The post Kush është gardiani i burgut që shënoi në Kupën e Kombeve të Afrikës appeared first on Albeu.com.

Pesë anëtarë të Partisë Demokratike të Këshillit të Mandateve, iu drejtuan me shkresë kryetarit të Kuvendit ku kërkojnë mbledhjen sot të Këshillit të Imunitetit për shqyrtimin e kërkesës së SPAK, për arrestimin e zv.kryeministres Belinda Balluku.

Kjo është kërkesa e dytë që i drejtohet kryetarit të Kuvendit. Socialistët kanë deklaruar se shqyrtimi i kërkesës se Prokurorisë së Posaçme, nuk do bëhet para se të shprehet Gjykata Kushtetuese për çështjen e pezullimit të anëtarit të qeverisë.

Demokratët vene theksin te kërkesa e SPAK që çështja të shqyrtohet brenda 5 ditëve, për shkak të rrezikshmërisë së zëvendës kryeministres për të prishur prova apo intimiduar dëshmitarë.

“Duke mbajtur në konsideratë shënimin e Prokurorisë së Posaçme në kërkesë dhe gjatë mbledhjes së datës 19 Dhjetor 2025, ku nënvizohet se znj. Belinda Balluku është konstatuar me metoda speciale hetimi se po intimidon dëshmitarë/prish prova;

Duke mbajtur në konsideratë kërkesën e Prokurorisë së Posaçme që çështja të shqyrtohet nga Këshilli brenda 3-5 ditë nga mbledhja e datës 19 Dhjetor 2025, për shkak të natyrës së ngutshme që ka kërkesa dhe nevojës për moscenimin e hetimeve”, thuhet në kërkesën e demokratëve, duke kërkuar që mbledhja të mbahet më 26 dhjetor.

Mbledhja e kaluar Këshillit të Imunitetit dhe Mandateve u zhvillua më 19 dhjetor, me pjesëmarrjen e 10 deputetëve dhe nën prezencën e 3 prokurorëve të posaçëm, drejtuesit të ri të SPAK Klodian Braho dhe dy prokurorëve të çështjes Dritan Prençi dhe Dorina Bejko.

Diskutimet u rrotulluan rreth USB-së me mbi 10 mijë faqe prova kundër Ballukut e dorëzuar nga SPAK ku argumentohet kërkesa e depozituar. Kjo USB iu shpërnda të gjithë anëtarëve, ndërsa palët nuk ranë dakord për caktimin e një date fikse për mbledhjen e ardhshme pas njohjes me provat.

The post SPAK kërkon arrestimin e Ballukut, deputetët e PD kërkojnë sot mbledhjen e Këshillit të Mandateve appeared first on Albeu.com.

Këngëtarja e njohur dhe shumë e dashur për publikun, Bleona Qerreti, teksa ishte e ftuar në emisionin “Top Story”, ka rrëfyer detaje nga karriera e saj muzikore, duke u ndalur edhe në disa momente specifike.

Ajo ka treguar momentin kur performoi për herë të parë në Festivalin e Këngës kur ishte vetëm 15-vjeç dhe ‘përplasja’ që kishte me Vera Grabockën për veshjen e saj pak të ekspozuar, e cila bëri bujë asokohe.

Ajo ka treguar disa nga emrat e artistëve me të cilët ka punuar, ndërsa e veçon artin e ditëve të sotme me atë të viteve të hershme.

Sipas saj, ajo çfarë e ka bërë të famshme është pikërisht stili i saj dhe rebelizmi.

“Do të doja të veçoja, sot më ra në mend, unë isha 15-vjeç kur këndova në Festival dhe veshjen e pashë në Miss Europa 1995. Pa ditur njeri unë u pranova në Festival. Në atë kohë ishin vetëm pesë emra që të pranonin në Festival. Selim Ishmaku, Alfred Kaçinari, Vera Gabrocka, Zhani Ciko, Alqi Boshnjaku.

Veshja u përfol për përmasat dhe përmasat janë pjesë e maratonës. Unë dua të zgjas. Artisti që i reziston kohërave është vërtete artist. Ajo që unë kam qenë vërtete e vetëdijshme, është që di t’i rezistoj kohës.

Unë nuk do fokusohesha te elementi fizik, por te rezistenca në kohë, të dalësh me të njëjtin kostum pas 30 vitesh. Atëherë kishte vetëm një televizion. Sot është shumë e lehtë të bëhesh i famshëm.

Nëse këta emra të thonin që nuk pranoheshe në Festival, nuk kishe më një shans të dytë. Unë me atë rebelizmin tim, shkova te gardëroba dhe përgjegjësja më tha: ‘Nëse të sheh Vera Grabocka këtu, na mbyti të dyjave’. Unë shkoj, marr veshjen dhe ndërkohë që po mbyllja zinxhirin, aty hyn Vera Gabrocka dhe më tha: ‘Ku shkon ti gjysmë e zhveshur?’. Unë ngela, ndërkohë që Vera mbylli derën.

E kuptova që të dilja me këtë veshje në Festivalin ku Vera Grabocka ishte regjisore, përgjigja do ishte jo. Unë në mes të performancës, hoqa pelerinën dhe Vera Gabrocka e mbajti kamerën te unë dhe të nesërmen kur u zgjova, isha Bleona Qereti”, është shprehur Bleona.

Ajo ka treguar edhe si arriti të futet në coverin e revistës prestigjioze të modës, “Vogue Latina”, të cilën nuk e quan sukses personal apo çështje fati por një dëshmi që ‘ëndrrat duhet të kapen prej flokësh’.

“Unë jam mësuar që jam gjykuar dhe jam parë gjithmonë me lupë për vendimet dhe veprimet që kam bërë. Njerëzit këtu gjykonin me një tjetër kënd pa e dikur se me çfarë ideja mbrapa janë marrë vendimet. Jam gjykuar edhe për limitet e trurit të njerëzve që flisnin për mua. Limitet e tyre nuk janë perceptimi im. Arritjen në kopertinën e Vogue nuk do ta klasifikoja suksese personal, por një dëshmi që ëndrrat duhet të kapen prej flokësh, nuk është çështje fati. Suksesi është si ajsberg. Kjo është fryt i një pune shumëvjeçare e imja dhe një vet-sakrifikim, gjërat që shqiptarët nuk e dinë. Kam nisur një brend dikur në 2013 dhe kam bërë një fotoshoot me një fotograf të Vogue, sepse për brendin që unë doja ti paraqisja Amerikës, ishte ai që kishte fotografuar Monica Belluccin më shumë se çdo njeri tjetër.

Amerika nuk do një kopje të shëmtuar të emrave që kanë. Bëra një analize se çfarë do i ofrojë unë Amerikës dhe për çfarë mund të më dojë. Me llogarinë time më doli që Amerika nuk ka një Pop Singer, Një Monica Bellucci në një formë pop-singer me një personalitet të Gagës dhe Madonës. Asnjëherë nuk ka pasur një persona klasik me personalitet të çmendur. Bashkova look-un dhe personalitetin. Unë për Amerikën nuk do jem asnjëherë një artiste amerikane por një e huaj që është e famshme në Amerikë sepse është e famshme diku tjetër. Është kollaj të thuash unë shkoi dhe di, por e mira e njerëzve të suksesshëm është që ata e kuptojnë që ata nuk din. Profesionistëve u kam lënë të marrin vendimet e duhura për gjërat që unë nuk i dija”, u shpreh Bleona.

The post Bleona Qereti rrëfen detaje nga karriera e saj: Si u bëra e famshme appeared first on Albeu.com.

Mes kodrave të gjelbëruara të Mulletit, rreth 13 kilometra larg qendrës së Tiranës, “Equos Resort” reklamon shërbime luksi, mes të cilave një klub hipizmi, xhiro me kuaj apo sporte ujore për stinët e nxehta të vitit. Por koleksioni më i vlefshëm fshihej në një qilar brenda resortit.

Pas shpalljes në kërkim të Ergys Agasit për akuzat e krijimit të një grupi të strukturuar kriminal me qëllim manipulimin e tenderave të Agjencisë Kombëtare të Shoqërisë së Informacionit, AKSHI, oficerët e Byrosë Kombëtare të Hetimit bllokuan një koleksion të shtrenjtë me 900 shishe verë të markave ekskluzive në një vilë 2-katëshe brenda resortit, e identifikuar si pronë e Agasit.

Por koleksioni i verërave u zhduk në mënyrë të paprecedentë, pasi ishte bllokuar nga oficerët e BKH-së dhe Drejtoria e Hetimit Doganor.

Një burim në dijeni të kontrollit i tha BIRN se një pjesë e koleksionit të verërave në pronësi të Agasit daton gati një shekull më parë, me tapa të dyllosura në vitet 1922, 1923 dhe 1940, të gjitha të pajisura me certifikatë origjine. Koleksioni kishte si origjinë Francën dhe Italinë dhe ishte futur kontrabandë në Shqipëri.

Sipas SPAK, koleksioni u zbulua gjatë kontrolleve për ekzekutimin e masës së sigurisë “arrest me burg” ndaj Ergys Agasit, e lëshuar nga Gjykata e Posaçme më 15 dhjetor.

Hetuesit e BKH-së, vlerësuan gjithsesi se koleksioni i verës nuk bënte pjesë në kompetencën lëndore të Strukturës së Posaçme dhe njoftuan Drejtorinë e Hetimit Doganor pranë Drejtorisë së Përgjithshme të Doganave, që të kryente procedurat përkatëse për mallrat e futura kontrabandë.

“Kemi ndjekur praktikën e rasteve të ngjashme, pasi kur konstatohet një vepër penale e dyshuar që nuk është kompetencë e Strukturës së Posaçme, njoftohen institucionet kompetente për kryerjen e veprimeve të mëtejshme”, tha një burim i SPAK në kushtet e anonimatit.

Drejtoria e Hetimit Doganor ka kryer inventarin dhe ka arritur në përfundimin se koleksioni i verërave të Agasit kishte një vlerë prej rreth 1 milion eurosh, ndërkohë që shmangia e detyrimeve doganore kapte vlerën e rreth 300 mijë eurove.

Nga vlerësimi sipas çmimeve të referencës dhe atyre të tregut, është konkluduar se ka pasur shishe vere që e kalonin vlerën e 30 mijë eurove, ndërsa më e lira është vlerësuar rreth 350 euro.

Pasi ka kryer inventarin, drejtoria e Hetimit Doganor nuk e ka transportuar koleksionin në magazinat doganore me pretendimin se nuk kishin hapësirë për produkte ushqimore.

Në pritje të gjetjes së hapësirës, ata kanë mbajtur një procesverbal për bllokimin e mallit, i cili është nënshkruar nga djalit të xhaxhait të Agasit, Eno Agasi, dhe janë larguar.

Kur janë rikthyer të nesërmen për të rimarrë verën, punonjësit e Hetimit Doganor e kanë gjetur qilarin bosh. Doganat e referuan çështjen në Prokurorinë e Tiranës, kur 900 shishet e verës ishin zhdukur pa asnjë gjurmë.

I pyetur nga BIRN, drejtori i Hetimit Doganor, Dorian Doka i shmangu komentet për përgjegjësitë, duke thënë se çështja është në hetim.

Prokuroria e Tiranës, ka regjistruar procedimin penal për katër vepra penale ndaj Eno Agasit, ndërkohë që gjykata ka caktuar ndaj tij masën e “arrestit me burg” në mungesë. Ai po hetohet për “Veprime që pengojnë zbulimin e së vërtetës”; “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”; “Ruajtja ose depozitimi i mallrave kontrabandë”; “Pastrimi i produkteve të veprës penale ose veprimtarisë kriminale”.

Sipas Prokurorisë së Tiranës, zhdukja e verës ka qenë e mirëorganizuar, pasi nga hetimet ka rezultuar që autorët të jenë kujdesur të zhdukin edhe gjurmët.

Autorët kanë zhdukur gjithashtu të gjitha kamerat e sigurisë që gjendeshin në “Equos Resort”, si dhe ato që e lidhnin resortin me autostradën Tiranë-Elbasan.

Koleksioni prej 1 milion eurosh i verërave të Ergys Agasit, konsiderohet prej hetuesve një investim.

“Nuk është zotëruar për konsum, por ka qenë një koleksion i krijuar për investim, pasi i rritet vlera. Po ashtu, mund të jetë përdorur në vend të shkëmbimeve valutore”, tha një burim në afërsi të hetimit.

Sipas Prokurorisë së Tiranës, në vijim të hetimeve dhe provave të reja që do të gjenden, do të vlerësohet nëse çështja do të përmbyllet aty, apo do të kalohet për kompetencë pranë Prokurorisë së Posaçme./BIRN

The post 900 shishe verë me vlerë rreth 1 milion euro/ BIRN: Si u zhduk nga qilari i një resorti koleksioni i shtrenjtë njëshekullor i verërave të Ergys Agasit appeared first on Albeu.com.

Faqja e portalit qeveritar e-albania, ka dalë jashtë funksionit vetëm pak ditë pas operacionit të SPAK për arrestimin e drejtoreshës së AKSHI-t Mirlinda Karçanaj dhe personave të tjerë të akuzuar për skandalin e tenderave në këtë sektor.

Çdo qytetar që tenton të lgoohet në e-albania, merr një mesazh gabimi nga platforma dhe nuk arrin ta përdorë atë.

“e premte, 26 dhjetor 2025
Ju lutemi mbyllni shfletuesin dhe provoni përsëri.
Ju lutemi mbyllni shfletuesin dhe provoni përsëri.
2025-12-26 07:12:21Z
Telemetry operation ID: 430a95f8890a8a7b-44cf533d4814fd56”, eshte mesazhi qe shfaqet.

Platforma të fton që të mbyllësh programin për ta hapur sërish, por edhe nëse e bën, serish shfaqet i njëjti mesazh dhe përsëritet i njëjti cikël me një përfundim: pamundësi për aksesimin e platformës.

Pas një përfolje të gjatë mediatike dhe me denoncime për fondet e shumta të dhëna nga buxheti i shtetit në këtë sektor, pas sulmeve kibernetike të përsëritura që dëshmuan mungesën totale të sigurisë së platformave qeveritare, ky është një tjetër rast i papërgjegjshmërisë në këtë sektor.

Hetimi i SPAK, konfirmoi denoncimet për rrjedhjen e miliona eurove nga buxheti i shtetit në xhepat e zyrtarëve dhe biznesmenëve abuzues në një kohë që qytetarët shqiptarë nuk marrin shërbimin minimal nga platforma në fjalë.

The post Arrestimet e SPAK te AKSHI, e-albania del jashtë funksionit, nuk aksesohet appeared first on Albeu.com.

Në tregun e këmbimit valutor shqiptar, një dollar amerikan, do të blihet sot me 81 lekë dhe do shitet me 82.2 lekë.

Ndërkohë monedha evropiane euro, do blihet me 95.8 lekë dhe do shitet me 96.6 lekë.

Franga zvicerane, sot në tregun shqiptar do blihet me 102.8 lekë dhe do shitet me 103.9 lekë.

Ndërsa paundi britanik, do blihet me 109.3 lekë dhe do shitet me 110.5 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh sot me monedhat e huaja? Ja me sa po blihen dhe shiten dollari dhe euro appeared first on Albeu.com.

Një ngjarje e rëndë ka tronditur Teksasin, në Shtetet e Bashkuara, ku tre anëtarë të një familjeje humbën jetën, pasi automjeti i tyre u godit nga një shofer i dehur, ndërsa po ktheheshin nga një festë e Krishtlindjeve.

Viktimat janë 26-vjeçari Diego Pena Jr., bashkëshortja e tij 27-vjeçare Lizbeth Rodriguez Contreras dhe vajza e tyre 5-vjeçare, Camila Pena.

I vetmi i mbijetuar nga aksidenti është djali i tyre 3-vjeçar, Diego, i cili ndodhet nën kujdes mjekësor.

Aksidenti ndodhi rreth orës 2:00 të mëngjesit të së shtunës, në një autostradë të Teksasit.

Sipas autoriteteve policore, përplasja u shkaktua nga 27-vjeçarja Majesty Faith Lee, e cila dyshohet se ishte nën ndikimin e alkoolit dhe kaloi në korsinë e kundërt të lëvizjes.

Policia bëri të ditur se nëna dhe vajza ndërruan jetë menjëherë në vendngjarje, ndërsa Diego Pena Jr. u transportua në spital në gjendje të rëndë, ku më vonë humbi jetën si pasojë e plagëve të marra.

Shoferja e dyshuar është arrestuar dhe po mbahet në burgun e Qarkut Fort Bend, me një garanci prej 1.050.000 dollarësh.

Sa i përket fëmijës 3-vjeçar, ai po trajtohet në spital dhe pritet t’i nënshtrohet një ndërhyrjeje kirurgjikale për shkak të plagëve të marra në aksident.

Gjendja e tij shëndetësore raportohet si e qëndrueshme. Duke komentuar ngjarjen, sherifi i Qarkut Fort Bend, Eric Fagan, tha se kjo tragjedi shërben si një paralajmërim i fortë për pasojat e drejtimit të automjetit nën ndikimin e alkoolit.

“Kjo është një kujtesë e dhimbshme se sa shpejt mund të ndryshojë jeta kur ngasim nën ndikimin e alkoolit dhe pse është thelbësore të bëjmë zgjedhje të përgjegjshme”, deklaroi ai.

The post Po ktheheshin nga festa e Krishtlindjeve/ Familja shuhet në një aksident tragjik, mbijeton vetëm… appeared first on Albeu.com.

Nëse integrimi në BE do të ndodhë pa rritur cilësinë e ekonomisë dhe të vlerës së punës në Shqipëri, emigrimi do të përforcohet më shumë lajmëroi Fondi Monetar e Ndërkombëtar në rishikimin e fundit të Marrëveshjes me Shqipërinë.

Fondi vuri në dukje se Shqipëria ka përqindjen më të lartë të individëve në Rajon, që deklarojnë se kanë gjasa të emigrojnë në dekadën e ardhshme ose që synojnë të largohen brenda 12 muajve.

“Ky nivel i lartë i gatishmërisë për emigrim, krahasuar me vendet e tjera të Europës Qendrore dhe Lindore, sugjeron një mungesë besimi në perspektivat ekonomike dhe sociale në vend, si dhe dobësi të tregut të punës për të ofruar mundësi cilësore dhe të qëndrueshme”, referoi FMN.

Në të kundërt duke rritur vlerën e punës, integrimi i vendit tonë në BE do të sillte rritje të fortë të prodhimit për frymë dhe ulje të papunësisë, e për rrjedhojë do të zbuste valën e emigrimit, sugjeron Fondi.

Të ardhurat për frymë në Shqipëri janë sa 34% e mesatares së BE-së, një hendek shumë i thellë. Sipas Fondit Shqipëria përveç hendekut në të ardhura shfaq një prapambetje strukturore, që nuk lidhet vetëm me nivelin e investimeve, por edhe me efikasitetin e përdorimit të punës dhe kapitalit.

Kjo tregon se rritja ekonomike ka qenë më tepër e bazuar në faktorë sasiorë sesa në përmirësim real të produktivitetit.

Sipas FMN zhvillimet demografike në vend me emigrim të fortë te të rinjve dhe rënien të forcës së punës janë duke ndikuar negativisht perspektiven ekonomike të vendit.

Shqipëria ka përjetuar një rënie të ndjeshme të popullsisë në moshë pune, ç`ka reflekton tkurrjen demografike dhe emigracionin masiv.

Në krahasim me disa vende të tjera të rajonit, rënia popullsisë në Shqipëri është më e theksuar, duke sinjalizuar presion të vazhdueshëm mbi ofertën e punës dhe potencialin afatgjatë të rritjes ekonomike.

Shqipëria ka prodhim për orë pune dukshëm më të ulët se mesatarja e BE-së dhe e vendeve të Ballkanit Perëndimor, ndërkohë që informaliteti mbetet i lartë.

Edhe pse normat e punësimit dhe pjesëmarrjes në forcën e punës janë përmirësuar në vitet e fundit, ato nuk përkthehen në produktivitet të lartë, ndërsa përqindja e të rinjve as në punë dhe as në shkollë mbetet problematike. Kjo tregon se ekonomia po krijon vende pune, por jo vende pune me vlerë të shtuar të lartë.

Pagat më të larta në vendet e BE-së përbëjnë një faktor të fortë tërheqës, duke qenë se Shqipëria renditet me nivelin më të ulët të pagave ndër vendet Europiane.

Hendeku më i madh i pagave vërehet te punonjësit me arsim të lartë, ku pagat janë mbi trefish më të larta në ekonomitë e avancuara të BE-së dhe bëhen shkak për rritje të emigrimit.

Anketat tregojnë se mangësitë në qeverisje dhe në sundimin e ligjit, janë gjithashtu ndër nxitësit kryesorë të emigrimit, veçanërisht te punonjësit e kualifikuar.

Analizat e stafit e stafit të FMN tregojnë se një paketë gjithëpërfshirëse reformash që rrit produktivitetin është kyçe për përshpejtimin e rritjes ekonomike dhe zbutjen e efekteve negative të migracionit.

Ndërsa përpjekjet e qeverisë për rritjen e pagave përmes rritjeve të përsëritura të pagës minimale mund të ofrojnë lehtësim afatshkurtër, ato nuk janë të qëndrueshme pa rritje përkatëse të produktivitetit./Monitor

The post Tregu i punës dobësi për të ofruar mundësi/ FMN: Emigrimi i lartë, mungesë besimi te perspektiva ekonomike appeared first on Albeu.com.

Këtë të premte, moti parashikohet me vranësira mesatare deri të dendura të cilat pas orëve të mesditës gradualisht pritet të vijnë në pakësim, duke u përqendruar përgjatë maleve në zonën lindore, ndërsa pjesa tjetër e vendit me mot kryesisht të kthjellët.

Reshje të herëpashershme shiu me intensitet të ulët hera-herës në formën e shtrëngatave, që në orët e para të 24-orëshit në Jug e në qendër deri në mëngjes.

Më pas reshjet mbeten prezente në mënyrë të izoluar përgjatë vijës bregdetare, deri në ndërprerjen e tyre nga orët e mesditës në të gjithë territorin.

Prezencë e ngricave përgjatë akseve rrugore kryesisht në relievet malore. Mjegull e dendur / mjegullinë përgjatë zonaveluginore në orët e mëngjesit dhe të mbrëmjes.

Era do të fryjë me drejtim kryesor Verilindje – Veriperëndim me shpejtësi mesatare 6 m/s, përgjatë vijës bregdetare dhe zonat luginore era me shpejtësi deri në 10 m/s.

Deti pritet të ketë valëzimi forcës 1-2ballë.

The post Parashikimi i motit 26 Dhjetor 2025/ Mjegull, ngrica dhe reshje shiu appeared first on Albeu.com.

Dashi

Neptuni do ua qartësojë mendimet gjate kësaj dite ne jetën tuaj ne çift. Do reflektoni edhe për disa gabime qe keni bere ne te kaluarën dhe do dini si te kërkoni falje. Beqaret do arrijnë me ne fund te krijojnë një lidhje serioze dhe te qëndrueshme. Situata financiare do jete mjaft e qëndrueshme nëse merrni masat e duhura dhe nuk tregoheni te nxituar.

Demi

Te gjithë planetët do e mbrojnë sot jetën tuaj ne çift dhe do krijojnë një klime sa me harmonike. Do dashuroheni ashtu si do e ndjeni. Beqaret nuk do kënaqen me takimet qe do realizojnë dhe do mbeten serish me te njëjtin status. Ne planin financiar çdo gjë do varet nga sjellja juaj. Po shpenzuat kuturu do keni goxha probleme dhe vështirësi.

Binjaket

Do e forconi edhe me tepër lidhjen ne cit gjate kësaj dite dhe do e keni me te lehte te flisni hapur për gjithçka me partnerin tuaj. Nëse zemra juaj është e lire, ka mundësi qe sot te rrahe për dike. Sido qe te vijnë punët, nuk duhet te nxitoheni. Me financat mos luani sh7ume sepse situata mund te behet goxha problematike. Mos shpenzoni kuturi dhe mos jepni hua.

Gaforrja

Qëndrojini besnike partnerit tuaj gjate kësaj dite nëse nuk doni qe ta humbni atë përgjithmonë. Një gabim i vogël mund te kushtoje shtrenjte. Beqaret do jene gjithë kohës ne kërkim te princit te kaltër, por nuk do arrijnë ta gjejnë dot. Dita e sotme do jete shume e favorshme për financat. Ato do kenë edhe me shume përmirësime nga sa ju e prisnit.

Luani

Komunikimi ne çift do jete shume i forte gjate kësaj dite. Do merreni vesh shume mire me atë qe keni ne krah dhe nuk do krijohen ne asnjë moment asnjë mosmarrëveshje. Beqaret duhet te tregohen akoma te duruar ne mënyrë qe te gjejnë personin e duhur. Financat do jene te çekuilibruara prandaj duhet shume maturi me çdo lëvizje qe do kryeni.

Virgjeresha

Sot do ketë darka romantike për te dashuruarit dhe emocionet do shtohen furishëm. Gjithçka do jete si ne një ëndërr kështu qe shfrytëzoni çdo sekonde. Beqaret nuk duhet te shohin sa njërin person personin tjetër, por te përqendrohen tek njeri. Buxhetin do e menaxhoni me shume përkujdes fale shtytjes qe do ju beje Saturni. Di jeni edhe shume te duruar.

Peshorja

Do jeni shume konfuze gjate kësaj dite ju te dashuruarit dhe nuk do dini çfarë te bëni. Edhe partneri do jete i ngarkuar me pune dhe nuk do iu kushtoje dot vëmendjen e duhur. Beqaret nuk duhet te hedhin hapa te nxituar pa qene te sigurte pe rate qe do ndodhe. Financat do jene me te mira se disa dite me pare kështu qe mund te kryeni edhe ndonjë shpenzim me tepër.

Akrepi

Urani do jete i pozicionuar keq gjate kësaj dite ne jetën tuaj sentimentale dhe mosmarrëveshjet me partnerin do jene te njëpasnjëshme. Kujdes! Beqaret do kenë mundësi pafund për takime, por nuk do jene te vendosur te hedhin hapa me tej. Ne planin financiar do përballeni me probleme goxha serioze. Asgjë nuk ka për te shkuar ashtu si e kishit menduar.

Shigjetari

Dite shume e bukur dhe me diell kjo e sotmja. Marrëdhënia me partnerin do jete e ngrohte dhe nuk do shfaqen aspak keqkuptime. Beqareve nuk do ju pëlqejë asnjeri nga personat qe do i joshe, kështu qe do mbeten serish te vetmuar. Ne planin financiar do keni me shume fat se kurrë me pare. Gjendja do filloje te përmirësohet ne mënyrë te habitshme.

Bricjapi

Do keni shume pune gjate kësaj dite dhe do lodheni aq shume saqë nuk do mund t’i përkushtoheni dot partnerit. Nëse flisni me te hapur ai do iu kuptoje. Beqaret do mund te fillojnë veçse aventura kalimtare, asgjë me shume sesa aq. Gjendja e te ardhurave do jete goxha delikate. Ne disa momente mund te mbeteni edhe pa para ne xhep.

Ujori

Dite shume e paqëndrueshme kjo e sotmja për ata qe e kane një lidhje. Ne disa momente mund te ketë debate goxha te forta te cilat do ju bëjnë te ndiheni me te vërtetë keq. Beqaret nuk duhet te bëjnë sakrifica ekstreme vetëm për te gjetur princin e kaltër. Financat do jene te mira nëse shpenzoni aq sa ua mban xhepi dhe tregoheni gjithë kohës te organizuar.

Peshqit

Dite shume e rëndësishme kjo e sotmja për te gjithë ata qe janë ne një lidhje. Do merren vendime me te vërtetë shume te rëndësishme. Edhe beqaret do kenë ndryshime pozitive fale disa takimeve qe do realizojnë. Te ardhurat do përmirësohen ndjeshëm fale një shpërblimi te majme qe do merrni nga një pune qe keni kryer. Ia ka vlejtur lodhja.

The post Horoskopi 26 Dhjetor 2025, zbuloni parashikimin e yjeve për shenjën tuaj appeared first on Albeu.com.

Këngëtarja Bleona Qerreti ishte e ftuar në emisionin “Top Story” ku rrëfeu për jetën e saj, ish-partnerin dhe jetën amerikane.

Qerreti tha se gëzon respekt maksimal për ish-partnerin ndërsa theksoi se ka qenë shumë më e rëndësishme për të që të ndiqte ëndrrat dhe karrierën sesa marrëdhënien në çift.

“Jam shumë falënderuese për zemër-madhësinë e atij njeriu i cili e kuptoi që ëndrrat e mia ishin shumë herë më të mëdha se sa marrëdhënia që kishin në të dy. Ai për mua do ngelet gjithmonë një djalë i mrekullueshëm.

Në të dy jemi kompjuterë shumë të mirë por me sisteme operimi të ndryshme dhe në momentin që gjërat nuk përputhen nga sistemet e operimit, të mos kesh ego dhe të kuptosh që ëndrrat e partnerit tënd janë të ndryshme nga të tua dhe të kesh mirësinë ‘to let go’, ai për mua ka një respekt shumë të madh.

Jam shumë falënderuese për shumë sportin që më ka dhënë jo vetëm ai por edhe familja e tij. Nuk kishte moment më të bukur që njeriu më ‘proud’ kur isha në Miçigan ishte ish-burri im. Domethënë nuk di se si ta shpjegojë. Për mua ai ngelet djali me sytë më të bukura në botë. Dashuria për mua do të jetë e pakompromisë.

Unë kisha çdo mundësi të jetoja në një nga vilat më të bukura të Tiranës apo të dilja me ‘Hermes’ në Tiranë, por nuk ka qenë ky qëllimi im. Qëllimi im ka qenë të jem ‘Self-Made’ dhe ‘Silicon-Free’. Doja të isha personi i vërtet, kjo që jam. Bukuria është të jesh e lirë dhe të jesh vetvetja.”-u shpreh këngëtarja.

The post Bleona Qerreti flet për ish-partnerin: Kuptoi që ëndërrat e mia ishin më të rëndësishme se marrëdhënia që kishim appeared first on Albeu.com.

Një aksident me pasojë plagosjen e një personi ka ndodhur mbrëmjen e kësaj të enjteje në aksin rrugor Thumanë-Fushë Krujë. Sipas raportimeve nga vendngjarja, nga përplasja e dy automjeteve ka mbetur i plagosur një nga shoferët.

I plagosuri identiteti i të cili ende nuk dihet është dërguar në spital për të marrë ndihmë mjekësore. Shkaqet dhe rrethanat e aksidentit janë ende të paqarta ndërsa dyshohet se një parakalim i gabuar ka shkaktuar përplasjen.

Policia dhe grupi hetimor ndodhen në Derven për të zbuluar të tjera detaje mbi aksidentin.

The post Përplasen dy automjete në aksin rrugor Thumanë-Fushë Krujë, plagoset rëndë një nga shoferët appeared first on Albeu.com.

Është zbardhur dëshmia e vartëses së Belinda Ballukut, Mirzeta Kashnica në SPAK, e cila është shprehur para prokurorëve të posaçëm se është detyruar nga ish-kreu i ARRSH Evis Berberi, që të firmosë për tenderin për ndërtim e tunelit të Llogarasë.

Sipas dëshmisë së siguruar nga gazetarja Klodiana Lala, Mirzeta Kashnica është shprehur në SPAK se tek procedura e parë e prokurimit për ndërtimin e tunelit të Llogarasë, e cila është anuluar, në vlerësimin e saj si anëtare e Komisionit të Vlerësimit të Ofertave, operatori ekonomik “Gjoka Konstruksion”sh.p.k, i përmbushte kriteret dhe duhej të ishte shpallur fitues.

Ajo deklaron se këtë qëndrim ia ka derguar me email anëtarëve të tjerë të Komisionit të Vlerësimit të Ofertave dhe për dijeni ia ka dërguar edhe Sekretares së Përgjithshme të Ministrisë. Por, menjëherë sapo e ka dërguar këtë email, pa u mbyllur akoma vlerësimi i komisionit në sistemin e Agjencisë së Prokurimit Publik, ajo është telefonuar nga shtetasi Evis Berberi, i cili i ka thënë se nuk duhej të shprehej me e-mail.

“E pandehura Mirzeta Kashnica deklaron se në lidhje me procesverbalin e datës 18.03.2021, për vlerësimin e ofertave, ku janë anuluar të gjitha ofertat e paraqitura nga operatorët ekonomikë, ajo ka nënshkruar, pasi është trysnuar nga shtetasi Evis Berberi, që të vazhdonte me procedurèn”, thuhet në kërkesën që SPAK ka dorëzuar në kuvend për autorizim për të arrestuar zv.kryeministen.

Pas kësaj dëshmie, SPAK thotë se Belinda Balluku ka ushtruar presion mbi vartësen e saj dhe kjo sipas prokurorisë, provohet nga përgjimet.

“Në vijim të hetimit, nga përdorimi i metodave speciale, kanë rezultuar të dhëna se, nga ana e të pandehurës Belinda Balluku, gjatë kohës që ajo është njohur me akuzën nga organi procedues dhe ushtronte detyrën si zëvendëskryeministër i Republikës së Shqipërisë dhe Ministër i Infrastrukturës dhe Energjisë, ka ushtruar presion në forma të ndryshme, ndaj personit të pyetur në këtë procedim, konkretisht shtetases M.K.(vartëse e saj)”, thotë SPAK.

Datë 10 nëntor 2025

E pandehura Mirzeta Kashnica ka deklaruar se i kujtohet se tek procedura e parë e prokurimit për ndertimin e tunelit të Llogarasë, e cila është anuluar, në vlerësimin e saj si anëtare e Komisionit të Vlerësimit të Ofertave, operatori ekonomik “Gjoka Konstruksion”sh.p.k, i përmbushte kriteret dhe duhej të ishte shpallur fitues.

Ajo deklaron se këtë qëndrim ia ka derguar me email anëtarëve të tjerë të Komisionit të Vlerësimit të Ofertave dhe për dijeni ia ka dërguar edhe Sekretares së Përgjithshme të Ministrisë.

Ajo deklaron se menjëherë sapo e ka dërguar këtë email, në orën 17:05, pa u mbyllur akoma vlerësimi i komisionit në sistemin e Agjencisë së Prokurimit Publik, ajo është telefonuar nga shtetasi Evis Berberi, i cili i ka thënë se nuk duhej të shprehej me email.

Pasi ai kishte folur dhe kjo procedurë ishte mbyllur, do të anulohej, pasi nuk ishte asnjëri nga operatorët ekonomik në rregull.

E pandehura Mirzeta Kashnica deklaron se në lidhje me procesverbalin e datës 18.03.2021, për vlerësimin e ofertave, ku janë anuluar të gjitha ofertat e paraqitura nga operatorët ekonomikë, ajo ka nënshkruar, pasi është trysnuar nga shtetasi Evis Berberi, që të vazhdonte me procedurèn.

Ajo deklaron se shtetasi Evis Berberi ishte anëtar i komisionit, si dhe personi që diktonte vendimmarrjen e komisionit. Në lidhje me procedurën e prokurimit të rishpallur me objekt “Ndërtimi i tunelit të Llogarasë” ajo deklaron se sa herë mblidhej komisioni, anëtarët e tjerë të komisionit i kishin marrë vendimet me njëri-tjetrin dhe e intimidonin atë në lidhje me qëndrimet e saj.

SPAK thekson se Balluku po frikëson dëshmitarët e kjo është një nga arsyet që kërkon dhe leje për arrest.

“Në vijim të hetimit, nga përdorimi i metodave speciale, kanë rezultuar të dhëna se, nga ana e të pandehurës Belinda Balluku, gjatë kohës që ajo është njohur me akuzën nga organi procedues dhe ushtronte detyrën si zëvendëskryeministër i Republikës së Shqipërisë dhe Ministër i Infrastrukturës dhe Energjisë, ka ushtruar presion në forma të ndryshme, ndaj personit të pyetur në këtë procedim, konkretisht shtetases M.K.(vartëse e saj)”, thotë SPAK.

The post Zbardhet dëshmia e vartëses së zv.kryeministres në SPAK: Kreu i ARRSH-së më detyroi të firmosja për tenderin e tunelit të Llogarasë appeared first on Albeu.com.

Myslim Murrizi, i ftuar në emisionin “Të Paekspozuarit” në MCN TV, ka folur për aferën e Bankers Petroleum, duke e cilësuar si një aferë ku kanë futur duart të gjithë qeveritë dhe askush nuk ka interes ta denoncojë, përfshirë opozitën.

“Të gjitha qeveritë nga 2004 për mua janë të përfshira, të gjithë ministrat e financave, drejtorët e tatimeve, drejtorët e përgjithshëm të doganave. Duke parë dosjen e Fierit, sepse në SPAK po hollohet si dosje, sa kohë që ata që u arrestuan me bujë të madhe në Fier, ish administrator, kur erdhën në SPAK, ai që ka qenë në përiudhën më të gjatë administrator, doli nga arresti dhe për çudi, asnjë media dhe portal, nuk pipëtiu të japë lajm, që Fieri e arrestoi dhe SPAK-u e nxorri. U mor edhe vendimi në gjykatën GJKKO që e la në arrest shtëpie. Pra dy kinezë, kinezin ekonomik dhe kinezin gjenetik, që vazhdon në burg ai, sepse nuk njeh njeri. Ky ka qenë 43 ditë administrator, ky gjenetiku, ky është më pak, por nuk njeh njeri. Ky tjetri ka dalë.

Prej 2004 nga ministri i parë i financave dhe gjithë ministrat e financave, Bankers, fillimisht kanadezët dhe pastaj kinezët, kanë nxjerrë 1.2-1.5 mln ton naftë në vit. Në 20 vite bëhen gati 25-30 mln ton naftë. Shqipëria ka nevojë për naftë dhe benzinë bruto deri në 2024, për 780 mijë ton. Po të kishim patur funksional Ballshin, Shqipëria nuk kishte nevojë të blinte naftë nga jashtë, furnizohej me naftë dhe benzinë nga këtu.

Trashë e trashë, Bankersi, ti thuash pusetë është e vogël, por duhet të jetë një bot, i pistë, ku kanë ngjyer duart, të gjitha qeveritë, nga Nano në fund të mandatit dhe çfarë kanë ardhur pas Nanos, Berisha dhe pastaj Rama.

Bankers ka një gjobë në maj 2019, 120 mln euro gjobë. E marr të printuar dhe ia lë Ramës në Kuvend. Çfarë është më tha. Gjobë e Bankers i thashë. Epo kështu thonë tha. Ore i thashë, ia ka falur kjo Anila që nuk ka të drejtë t’ja falë. Gjobat i fal ose komisioni i apelit ose gjykata administrative. Këta kanë heshtur, por përse? Të gjithë kullat vërdallë Tiranës, kompani të fuqishmë, filloje te Stadiumi e me rradhë…

Përpos edhe Raifaissen bank. Ke edhe mbi 10 politikanë. Katër studio avokatie, njërën e ka ish deputet i PS, Alket Hyseni, ka marrë 6 mln euro për këshillime. Studio avokatore e Eduard Halimit, me 2-3 vetë në punë, ka marrë 3 milionë euro. Për koiçidencë, 720 mijë euro i ka marrë ditën që më kanë shpallur mua armik.

Është një Çerekja, bashkë me bashkëshorten, që paradite rri të PS dhe pasdite te PD, ky ka marë 2.7 mln ai dhe 1.7 bashkëshortja.

Pastaj djali i ish-ministrit të jashtëm të PD, që duhet të ketë bërë ndonjë roman, ai ka marrë 387 mijë euro. Dhe bizneset me rradhë.

Për mua është afera që ka bërë pis politikën, pa dallim spektri dhe nuk kam dëgjuar të flasin siç duhet folur, as opozitën sot dhe as opozitën dje, për Bankersin. Se sa do ta hetojnë, nuk e di”, tha Murrizi.

The post “Ish-deputeti i PS mori 6 mln euro, ish ministri i PD mori 3 mln euro”/ Murrizi: Te Bankers, i kanë ngjyer duart të gjithë! appeared first on Albeu.com.

Gazetari Artan Hoxha ka komentuar zhvillimet e fundit lidhur me hetimet për skandalin e AKSHI-t, duke theksuar se pamjet e regjistruara nga kamera në zyrën e Ergys Agasit kanë nxjerrë në dritë mënyrën reale se si ka funksionuar një strukturë e errët pushteti.

I ftuar në emisionin ‘Çim Peka LIVE’ në SYRI TV, Hoxha theksoi se ajo që më parë ishte artikuluar si akuzë politike, tashmë është vërtetuar me prova konkrete. Ai theksoi se autoritetet dhe publiku kanë parë vetëm një pjesë minimale të materialeve të sekuestruara.

“Ata nuk i kanë dashur të dhënat nga kureshtja për jetën e dikujt. I kanë dashur për të bërë pikërisht atë që kanë bërë.’ Sipas tij, patronazhimi nuk ka nisur në vitin 2013, por në momentin kur u ndërtua infrastruktura e e-Albania-s. ‘Patronazhimi filloi kur nisi e-Albania, kur u morën të dhënat e rrogës, të shëndetit, të lidhjeve telefonike. Nuk ngeli gjë pa u referuar aty.’ Në këtë kontekst, ai përmendi edhe problematikat e rënda me mbivendosjet e pronave pas kalimit të të dhënave të kadastrës në sistemin elektronik. ‘Kush kishte akses të fuste hundët atje? Pikërisht këta.

Pavarësisht çfarë thuhet lart e poshtë, po të mos ishte kamera e Gys Agasit, ne nuk do ta shikonim çfarë ndodhte atje brenda. Pra, ajo kamerë na ka bërë një shërbim shumë të madh. Atë ta kishim porositur për ta futur atje dhe ata s’do ta lejonin. Jo që e kishin vetë, dhe unë po them është hapur vetëm një folder.

Është hapur, janë hapur shumë foldera, por një na kanë treguar neve. Pra, po të mos ishte ajo kamerë, çfarë do të ndodhte? Po të mos ishte ai koleksioni, çfarë do të ndodhte? Pra, ai na ka dhënë një, një volum kaq të madh elementësh, detajesh, provash, që na ka bërë çdo gjë që është artikuluar deri tani, na e ka bërë, na e ka vërtetuar. Dhe na ka treguar se deri ku është i kapur ky, ëh, ky pushtet dhe ky sistem.

Pra, që ti të kesh në zyrë gjithë kohës drejtoreshën më jetëgjatë të kryeministrit Rama, pra ka qenë nga 2013-ta, sa ç’ka Rama ka dhe zonja Karçanaj. Ti ta kesh aty nën kontroll, të kesh atë që quhet arritja më e madhe e Ramës, qeveria virtuale, pa të kesh informacion për çdo gjë që ndodh në këtë vend. Dhe për më tepër, e di çfarë kanë bërë ata me…

Diella në këtë rast ka ikur. Unë po them, a di çfarë ka ndodhur aty? Ore në momentin kur të dhënat e kadastrës kaluan në e-Albania, a di çfarë probleme ka ndodhur me mbivendosjet? Po kush i bënte mbivendosjet? Kush kishte akses të fuste hundët atje?

Pikërisht këta, se për çfarë e donin këtë? Për këtë gjë pra e kanë dashur. Ata nuk e kanë dashur të dhënat se ishin kuriozë për jetën e X-it apo Y-it. Ata i kanë dashur të dhënat për të bërë pikërisht atë që kanë bërë. Dhe mos harro, kur filloi patronazhimi? Në 2013-ën? Jo. Patronazhimi filloi kur nisi e-Albania, ku u mor dhe të dhënat të rrogës, të gjakut, të operacioneve që kemi bërë, të gjithë lidhjeve të numrave të telefonit. Pra nuk ngeli gjë pa u referuar aty. Dhe nga ai moment patronazhistët u bënë kaq të fuqishëm, dhe me kaq impakt dhe me kaq ndikim.

Them dhe njëherë te pjesa e pyetjes që bëre ti, problemi me, me, domethënë, ky rast është kaq i madhe ëh, si të them, ajo që ka shpërthyer, pra, plaga që ka shpërthyer atje dhe qelbi që ka shpërthyer, sa nuk kanë ç’t’i bëjnë mediat, nuk kanë mundësi që të mbulojnë një gjë që s’ka diell dhe hënë që të mbulohet. Dhe thashë dhe njëherë, është vetëm, ne kemi parë deri tani vetëm një vendim gjykate për masën e sigurimit. Kaq. Pra, nuk është dosja.

Është vendim për masën e sigurisë. Si të them unë është gjëja më e vogël në të gjithë atë histori. Pra, ne nuk e dimë akoma me saktësi çfarë ka ndodhur aty brenda. Sigurisht ne e dimë çfarë ka ndodhur nga jashtë, flas për vete, por çfarë kanë kapur këta atje brenda, me saktësi ende se ne nuk e kemi parë.

Por sot është provuar ajo që të paktën, nuk po them te mediat e tjera, kam kohë që e them, që kemi të bëjmë me një strukturë që punon në këtë formë, që organizohet në këtë formë. Prandaj është kaq i rëndësishëm ky Ergys Agasi, se ai s’është një gangster, është një njeri që rrinte me pistoletë në brez. Pra nuk ishte ky niveli i Gys Agasit. Ergys Agasi u bë i fuqishëm dhe unë mendoj që ne duhet ta përdorim si indicie Ergys Agasin për të shkuar tek i madhi.

Ergys Agasi pa hyqymetin, pra, pa lejen e të madhit do ishte askushi. Pa lejen e kryeministrit, ai u bë i rëndësishëm sepse ishte kontakti direkt i kryeministrit.

Pra, nëse kishe një hall që nuk shkoje dot te kryeministri, po të shkoje te Gysi dhe Gysi ta mbaronte punën. Dhe kjo linjë, ëh, kjo fuqi e bëri atë të ishte një njeri me kaq ndikim dhe kaq i rëndësishëm. Në pamjen e parë, ajo që tha avokati i tij, ‘Ore ai s’ka konkurruar për asnjë tender’, tha, ‘s’ka garuar’. Po është e vërtetë, se ai s’hynte te tenderi, s’kishte pse të hynte.

Dhe detyra e tij nuk ishte që të hynte te tenderi. Po ai ishte njeriu që bënte lidhjen mes atij që do fitonte tenderin dhe atij që do t’ia jepte tenderin. Dhe pastaj bënte atë xhirimin e parave se si ato kalonin nëpërmjet atij rrjeti labirinth që të humbnin gjurmën. Pra, në vetvete ne aty kemi parë, në qoftë se, mos gaboj, zëvendës, ish-zëvendëskryeministri Petrit Meta e quajti ëh, oborri, kopshti personal.

Bahçe po them unë në term më, personal. Pra, Gys Agasi me atë që ka bërë na ka dhënë të gjitha provat që aty vërtetë është kopshti personal. Pra, në qoftë se te këto të tjerat edhe mund të mendohej ajo se kërkonte pak stil, aty s’kishte nevojë, zgjaste dorën, merrte çfarë donte dhe bënte çfarë donte. Sot ne ndodhemi para këtij fakti të kryer.

Pra, pa dashur na ka ardhur në dorë një gjë kaq e madhe, sa edhe ta kërkonin me qiri, domethënë e kishin vështirë ta gjenin. Na e kanë dhënë pa dashur këtë gjë. Këto videot janë kapur, pra provat janë kapur që në qershor, kemi folur herë tjetër. Pra në operacionin për sepse edhe zyra ku kanë shkuar ata, kompania, në Bllok. Ajo është EA Tabako. Pra Ergys Agasi Tabako. Kanë shkuar për fabrikën e cigareve në Librazhd.

Pra, kjo histori ka filluar në kontrollin e datës 18 dhe 19 qershor. Që aty u kontrollua shumë pak nga objektet që ai kishte. Pra, banesa ku ai jetonte, tek ajo rezidenca mbas qendrës tregtare që ndodhet në Teg, pra nuk u kontrollua në atë kohë.

Ai e boshatisi, e braktisi atë mbrapa, largoi gjithë çfarë kishte, ajo nuk u kontrollua. U kontrollua vetëm zyrat që kishte tek ish-Panto Resort, ambienti që ka patur në Durrës, banesa në Durrës dhe lokali në, në bllok, ose zyra në bllok. Pra, vetëm kaq u kontrolluan. Nuk pati mundësi që do të ndodhte kjo gjë tjetër. Kanë patur siguri që do ta mbyllnin këtë histori, sepse në ato, po e ke parë, edhe në ato pak rreshta që na kanë lënë ne të shohim, pra, edhe aty flitet që ai ka mbështetje dhe ai ka ndikim edhe në Prokurorinë e Posaçme. Prandaj kjo gjë mbase e ka lënë atë më… të qetë. Më, si të them, i ka dhënë pak më shumë siguri që mund t’ia hidhte. Por ai ka harruar një diçka tjetër, që besoj ka qenë determinuese. Personat që kanë folur për të nuk kanë folur vetëm për autoritetet shqiptare.

Pra, kanë folur për autoritetet gjermane, për autoritetet britanike, për autoritetet zvicerane. Pra, gjurmët janë lënë shumë nga jashtë dhe brenda, s’kishin çfarë t’i bënin më. I dhanë kohë sa mundën, por më shumë nuk mund t’ia jepnin dot më. Janë disa, për shembull, edhe, edhe masa e sigurisë, vendimi i SPAK-ut ka shkuar në datën 8. Ka ndenjur një javë në gjykatë, në datën 15 është bërë veprimi. Pra dhe operacioni është bërë shpejt pastaj, brenda një dite. Por si kohë ka ndenjur. Mbase gjyqtarit s’i është dashur të shkruajë vendimin, se është vendim shumë i gjatë, plot 260 faqe për masën e sigurisë, por ka ndenjur një javë aty.

Pra gjatë asaj jave… ose ka pasur frikë… ka lëvizur shumë gjëra. E lehtë s’është se thashë, është një çështje shumë e madhe, është një çështje që edhe vetë zotëria që ka bërë regjistrimet sot nuk e mban mend me saktësi se deri ku ka regjistruar dhe çfarë ka regjistruar. Por ato pamje që dolën, unë do doja për shembull të mos dilnin ato fotot, sepse ato kanë, kanë vënë në alarm çdo njeri që ka qenë brenda në atë zyrë. Dhe çdo njeri që ka qenë brenda atje do ndërrojë orën, xhupin, bluzën, kanatieren, ku di unë çfarë ka pasur aty. Aty nuk janë vetëm biseda. Prandaj po them që kushdo që i ka parë ambientet e asaj zyre është kujtuar që ka qenë atje brenda. Jo që merret kryesisht, heton thellësisht”, tha Artan Hoxha.

The post Artan Hoxha: Filmimet në zyrën e Agasit vërtetuan se AKSHI ishte ‘kopshti personal’ i Edi Ramës appeared first on Albeu.com.

Ylli i muzikës pop, Bebe Rexha, ka nënshkruar një marrëveshje të re menaxhimi, duke shënuar një fazë të re në karrierën e saj muzikore. Sipas raportimeve të fundit, Rexha ka bashkëpunuar me Timeline Management, një kompani që synon ta mbështesë atë në projektet e ardhshme, bashkëpunimet kreative dhe publikimet e reja që priten të vijnë.

Në një deklaratë, Alexis Fleischer, CEO i Timeline Management, e përshkroi Rexhën si një artiste të jashtëzakonshme, “një herë në një brez”, e cila ka lënë gjurmë të dukshme si në performancë, ashtu edhe si autore këngësh. Ai vlerësoi guximin e saj për të eksploruar zhanre të ndryshme dhe vizionin krijues që e karakterizon.

Bebe Rexha, e nominuar për çmime Grammy dhe e njohur për bashkëpunimet me emra si The Chainsmokers, Nicki Minaj dhe Florida Georgia Line, pritet të sjellë materiale të reja muzikore nën këtë drejtim të ri menaxhimi. Lëvizja e saj krijon pritshmëri të lartë te fansat dhe kritikët, duke nxitur spekulime për projekte të reja që mund të sjellin stil dhe inovacion.

Ky hap vjen në një moment kur Rexha konsolidon pozicionin e saj si një nga zërat më të spikatur të pop-it bashkëkohor, duke ndërtuar mbi suksesin e albumeve dhe bashkëpunimeve globale. Menaxhimi i ri pritet të ofrojë një fokus më të madh strategjik dhe kreativ, duke i hapur rrugë një kapitulli të ri plot mundësi dhe sfida në industrinë muzikore.

The post Bebe Rexha nis një kapitull të ri/ Çfarë po planifikon ylli i pop-it? appeared first on Albeu.com.

Italia është goditur sot nga moti i keq, me stuhi të forta ere dhe shiu, si dhe reshje dëbore dhe temperatura të ulëta në zona të ndryshme.

Rajonet më të goditura janë ato të Italisë qendrore dhe në veri. Në Emilia-Romagna, Departamenti i Mbrojtjes Civile ka lëshuar alarme të kuqe dhe portokalli për rreziqe hidraulike dhe hidrogjeologjike në zonat fushore midis Bolonjës, Ferrarës dhe Ravenës.

Degët e djathta të Renos, veçanërisht Idice, janë nën vëzhgim, pasi përmbytjet nuk mund të përjashtohen. Alarme të verdha janë në fuqi në zona të tjera të Emilia-Romagna dhe në Lazio, Puglia, Kampania dhe Toskana.

Gjatë gjashtë orëve të fundit, erëra me shpejtësi rreth 100 km/orë kanë vazhduar përgjatë bregdetit midis Monfalcone, Trieste dhe detit ngjitur.

Është raportuar borë në Ligurian Perëndimore dhe Apeninet Toskane, ndërsa një erë e fortë bore po fryn në Trieste.

Në Lombardi, një rrëshqitje toke preku Valdidentron, në Valtellinën e sipërme. Autoritetet po kërkojnë kujdes ekstrem dhe kufizim të udhëtimit në zonat më të ekspozuara.

Këtë mëngjes pati ndërprerje të konsiderueshme në Aeroportin e Firences, me fluturime nisjeje të vonuara ose edhe të anuluara për shkak të kushteve të motit, veçanërisht erërave të forta që penguan ngritjet.

“Pasagjerë nga shtatë fluturime, qindra e qindra njerëz, mbushën ambientet e aeroportit duke pritur të mësonin fatin e tyre”, tha Lorenzo Robin Frosini, përfaqësues i sindikatës USB në GH Toscana, një nga kompanitë që operon me kontratë në aeroport.

Kurse në Liguria pati reshje të dendura dëbore. Përkeqësimi i motit pritet edhe në pjesën jugore të vendit, në rajonin e Siçilisë dhe Puglias. Në rajonet e Adriatikut do të mbizotërojë qiell shumë i vranët, me reshje të shpërndara, disa me intensitet mesatar, dhe më të vazhdueshme në rajonet e Marche dhe Abruzzos.

The post Moti i keq godet Italinë, stuhi shiu dhe dëbore nga veriu në jug! Përmbytje, erë me 100 km në orë dhe anulime të fluturimeve appeared first on Albeu.com.

Një aksident me pasojë vdekje ka ndodhur mbrëmjen e sotme në autostradën Levan–Tepelenë, në vendin e quajtur “Kryqëzimi i Cakranit”. Dy automjete, tip “Benz” dhe “Peugeot”, janë përplasur me njëra-tjetrën dhe për pasojë ka humbur jetën në vendngjarje një 20-vjeçar, i identifikuar me inicialet O. M.

Burime nga vendngjarja bëjnë me dije se viktima i ka prerë rrugën automjetit tip “Benz”, i cili po udhëtonte nga Poçemi në drejtim të Levanit, në momentin kur 20-vjeçari po dilte në autostradë nga Cakrani.

Shërbimet e Policisë ndodhen në vendngjarje, së bashku me grupin hetimor, për të përcaktuar shkaqet e këtij aksidenti me pasoja fatale.

The post Aksident i rëndë në Levan-Tepelenë, përplasen dy automjete, humb jetën 20-vjeçari appeared first on Albeu.com.

Protesta e “Shqipëria Bëhet” vijon prej më shumë se 18 ditësh. Edhe këtë të enjte i vendosur përpara kryeministrisë, Adriatik Lapaj bëri thirrje që qytetarët t’i bashkohen protestës më 4 janar.

Ai theksoi se kryeministri Rama duhet të dorëhiqet sepse tashmë i ka ardhur fundi.

“Sot kemi nisur organizimin për protestën e datës 4 janar. Në orën 12:00 i madh e i vogël, nga cdo shtresë sociale, nga çdo cep i vendit, nga fermerët që janë përmbytur e nuk kanë marrë dëmshpërblimet, duhet të bashkohen masivisht për të kërkuar dorëheqjen dhe largimin e klikës në pushtet.

Vendi ka filluar të ngjallet nga vdekja klinike. Sa protesta kanë ndodhur në këto 3 javë nga grupime të ndryshme, nuk ka pasur në 3 vitet e fundit. Këta e kishin kapur dhe marrë peng debatin publik. Qytetarët që po reagojnë po imponojnë një agjendë të re.

Kishte muaj që dëshmohej se zv/kryeministrja ishte kapur në flagrancë duke vjedhur para e qytetarëve, por vetëm heshtje…Janë munduar edhe ta relativizojnë duke thënë këta të korruptuar janë, ‘por ja na ikën këta kush do vijë?”.

Do na vijnë njerëz të pakorruptuar, sepse nuk i kanë rrënjët që kanë këta dhe tjetra të gjithë e kanë kuptuar se edhe nëse vjedh vjen një ditë që nuk shpëtim…”, tha ai.

VIDEO

The post “Çadra 2” te Kryeministria, Adriatik Lapaj thirrje për t’ju bashkuar protestës: Të dalim në shesh appeared first on Albeu.com.