Largohet nga drejtimi i ish-Sanatoriumit Silva Bala.

Bëhet me dije se “Shefqet Ndroqi” do të drejtohet nga Elisabeta Treska. Ndërkohë Silva Bala do të vazhdojë të drejtojë shërbimin e Pneumologjisë.

The post Largohet nga posti i drejtoreshës së “Shefqet Ndroqit”, Silva Bala! Ja kush e merr drejtimin (EMRI) appeared first on Albeu.com.

Në prag të protestës së Partisë Demokratike, e cila do të zhvillohet sot në orën 18:00 para Kryeministrisë, autoritetet kanë nisur përgatitjet për sigurinë dhe rregullin publik.

Si pjesë e masave paraprake, është hequr pema e Krishtlindjeve që ndodhej para Kryeministrisë, një veprim që vjen ndërsa opozita pritet të mbledhë qindra mbështetës për të protestuar kundër qeverisë.

The post Protesta e PD-së para kryeministrisë, hiqet pema e Krishtlindjeve para Kryeministrisë appeared first on Albeu.com.

Një ngjarje tragjike ka tronditur qytetin Cava dei Tirreni në jug të Italisë, ku një grua 40-vjeçare u vra brutalisht nga partneri i saj, i cili më pas kreu vetëvrasje. Viktima, Ana Tagliaferri, e njohur për pastiçerinë e saj të suksesshme në qytet, u godit të paktën tetë herë me thikë në fytyrë dhe qafë nga Diego Di Domenico, partneri i saj.

Sipas mediave lokale, gjatë sulmit, nënën e Anës e plagosi lehtë kur përpiqej ta mbronte vajzën e saj. Ajo mbeti dëshmitare e vetme e ngjarjes dhe tani ndodhet në spital në gjendje shoku. Autoritetet kanë konfirmuar se pas vrasjes, Di Domenico ngjiti në çatinë e shtëpisë ku jetonin dhe i dha fund jetës së tij duke u hedhur.

Ngjarja ka lënë komunitetin vendas në tronditje. Kryetari i bashkisë së Cava dei Tirreni ka bërë një nderim për Anën dhe familjen e saj, duke i dhënë çmimin për pesëdhjetë vjet aktivitet të suksesshëm tregtar, njohje që reflekton kontributin e saj të madh në jetën ekonomike dhe sociale të qytetit.

Për shkak të kësaj tragjedie, bashkia ka vendosur të anulojë të gjitha ngjarjet festive të Krishtlindjes dhe Vitit të Ri, si shenjë zie dhe respekti ndaj familjes së viktimës. Autoritetet po vazhdojnë hetimet për të sqaruar të gjitha rrethanat e ngjarjes dhe për të ofruar mbështetje psikologjike për të mbijetuarit.

Komuniteti i Cava dei Tirreni ndodhet ende në dhimbje dhe shok, ndërsa rasti rikthen vëmendjen mbi problematikën e dhunës në familje dhe nevojën për mbrojtje më të madhe të viktimave.

The post Makthi i dhunës në familje: Gruaja vritet brutalisht nga partneri i saj, ai më pas kryen vetëvrasje appeared first on Albeu.com.

Me kërkesë të Prokurorisë së Vlorës, janë konfiskuar mbi 2 milionë euro pasuri të shtetasit R.Z., i akuzuar dhe deklaruar fajtor për pastrim parash.

Sipas organit të akuzës, ky shtetas është dënuar me 4 vjet e 8 muaj burg, për veprën penale, ‘Pastrimi i produkteve të veprës penale ose veprimtarisë kriminale’ dhe pasuritë e konfiskuara përfshijnë, toka, apartamente dhe makina lukzose, të përftituara nga pastrimi i parave.

Pasuritë e konfiskuara si më poshtë:

Pasuri e paluajtshme, e llojit “Njësi”, me nr.54/9-19, me siperfaqe totale prej 70m2, vol.31, fq.87, zona kadastrale 8605, ndodhur në Vlorë, në pronësi të shtetasit R.Z.;

Pasuri e paluajtshme e llojit “Njësi”, me nr.54/9-18, me sipërfaqe totale prej 50m2, VOL.31, fq.86, zona kadastrale me nr.8605, ndodhur në Vlorë, në pronësi të shtetasit R.Z;

Pasuri e paluajtshme e llojit “Apartament”, me nr.pasurie 49/41 + 1-1, vol.31, faqe 180, me sipërfaqe prej 159m2, ndodhur në lagjen “Kushtrimi”, Vlorë, në pronësi të shtetasit V.Z.;

Pasuri e paluajtshme e llojit “Tokë arë”, me nr.pasurie 105/13, vol.2, fq.19, me sipërfaqe prej 5000m2, zona kadastrale me nr.2838, në bashkëpronësi të shtetasve S.Z, L.Z, E.Z, R.Z, V.Z etj;

Pasuri e paluajtshme e llojit “Truall”, me nr.pasurie 49/41-T, me sipërfaqe prej 105m2, vol.34, fq. 117, zona kadastrale me nr.8605, ndodhur në lagjen “Kushtrimi”, Vlorë, në bashkëpronësi të shtetasve V.Z dhe A.M.;

Pasuri e paluajtshme e llojit “Apartament”, me nr.pasurie 49+41+1-2, me sipërfaqe prej 171m2, vol.31, fq. 191, zona kadastrale nr.8605, lagjja “Kushtrimi”, Vlorë, në bashkëpronësi të shtetasve V.Z dhe A.M.;

Pasuri e paluajtshme e llojit “Bodrum”, me nr.pasurie 49-41-B, sipërfaqe prej 181m2, vol.31, faqe 179, zona kadastrale me nr.8605, lagjja “Kushtrimi”, Vlorë, në bashkëpronësi të shtetasve V.Z dhe A.M.;

Pasuri e paluajtshme “shtesë 4-kate”, ndërtuar mbi bazën e lejes së ndërtimit me nr.2/446 datë 28/09/2011, në bashkëpronësi të shtetasve V.Z dhe A.M.; dhe

Automjet i markës BMW, GM730D, në pronësi të shtetasit R.Z.

The post Apartamente, toka dhe makina luksoze/ Konfiskohen mbi 2 milionë euro pasuri në Vlorë appeared first on Albeu.com.

Reperja e famshme Nicki Minaj bëri një paraqitje surprizë të dielën në një tubim konservatorësh në Arizona, të organizuar nga Turning Point USA, i cili ishte gjithashtu një aktivitet përkujtimor për aktivistin e ndjerë Charlie Kirk. Gjatë fjalimit të saj, Minaj shprehu mbështetje të hapur për Presidentin Donald Trump dhe Zëvendëspresidentin JD Vance, duke i quajtur ata “modele” për të rinjtë.

Minaj u intervistua në skenë nga Erika Kirk, e veja e Charlie Kirk dhe udhëheqësja e re e Turning Point USA. Ajo foli për ndryshimin e qëndrimit të saj politik, duke pranuar se në të kaluarën kishte kritikuar Trumpin, por tani ndiente admirim për udhëheqjen e tij. Reperja tha se “është në rregull të ndryshosh mendje”, duke theksuar rëndësinë e të shprehurit të lirë të ideve.

Paraqitja e saj në AmericaFest ka tërhequr vëmendje të madhe, pasi Minaj më parë kishte qenë kritike ndaj politikave të Trump, përfshirë politikën e emigracionit në vitin 2018, kur ajo e kishte quajtur veten një emigrante ilegale që kishte ardhur në SHBA në moshën 5-vjeçare.

Gjatë fjalimit, Minaj ironizoi Guvernatorin e Kalifornisë Gavin Newsom dhe shprehu mbështetje për qëndrimet e Trumpit mbi dhunën ndaj të krishterëve në Nigeri. Ajo theksoi se është lodhur duke u “shtyrë përreth” dhe se njerëzit nuk po mendojnë më në mënyrë kritike.

Megjithë reagimet negative nga industria e argëtimit, Minaj tha se nuk i kushton vëmendje kritikave. “Ne jemi fëmijët cool,” tha ajo, duke e mbyllur fjalimin me tone sfiduese dhe vetëbesim.

Nicki Minaj, e lindur në Trinidad dhe Tobago, është e njohur për hite si “Anaconda”, “Starships” dhe “Super Freaky Girl”, dhe ka marrë 12 nominime për çmimet Grammy.

The post Nicki thotë ‘model’ për Trump: Reperja befason me mbështetjen e hapur politike appeared first on Albeu.com.

Pesë anëtarët e Partisë Demokratike në Këshillin e Imunitetit kanë kërkuar që të martën, ora 11.00, të mblidhet Këshilli për Imunitetin për të shqyrtuar kërkesën e prokurorisë, për heqjen e imunitetit të Zëvendëskryeministres Belinda Balluku.

Lajmin e ka bërë me dije Kryetari i Grupit Parlamentar të PD, Gazment Bardhi, në një deklaratë ku shprehet se:

“Sot, ne 5 anëtarët e Partisë Demokratike në Këshillin e Rregullores, Mandateve dhe Imuniteteve, i kemi dërguar një kërkesë urgjente Kryetarit të Kuvendit për të mbledhur Këshillin e Mandateve nesër në orën 11:00, për të vijuar shqyrtimin e kërkesës së SPAK-ut, me anë të së cilës kërkohet autorizimi për arrestimin apo heqjen e lirisë ndaj zëvendëskryeministres, ministres dhe deputetes Belinda Balluku.

Edi Rama dje njoftoi se do të vijonte bllokimin e drejtësisë dhe pengimin e saj deri në muajin shkurt, kur Gjykata Kushtetuese të shprehet përfundimisht mbi një kërkesë të tij për masën e parë ndaluese të marrë nga SPAK dhe Gjykata e Posaçme ndaj Belinda Ballukut.

Në fakt, kërkesa e sjellë në Kuvend nga Prokuroria dhe çështja që po trajtohet në Gjykatën Kushtetuese nuk kanë asnjë lidhje me njëra-tjetrën. Gjatë kohës kur Rama iu drejtua Gjykatës Kushtetuese, për shkak se Prokuroria kishte marrë masën ndaluese për ushtrimin e funksionit për zonjën Balluku, ajo akuzohej për dy krime, me një vlerë dëmi prej 2010 milionë euro, dhe dosja e saj ishte kjo.

Sot që kërkesa e Prokurorisë ka ardhur në Kuvend për përshkallëzimin e masës ndaluese ndaj zonjës Balluku, pra për masë arresti apo heqje të lirisë, ajo akuzohet për plot 11 krime, me një vlerë dëmi prej 1.1 miliardë euro. Dhe dosja e saj është kjo, së bashku me provat që Prokuroria i ka sjellë në këtë USB Kuvendit.

Ndaj, thirrja ime sot shkon për Kryetarin e Kuvendit që të mos pengojë drejtësinë, të mos bëhet vegël e interesave personale apo e frikës që ndjen Edi Rama nga hetimi i plotë, i shpejtë dhe i pa ndikuar i Prokurorisë në rastet korruptive të Belinda Ballukut.

Tashmë i madh e i vogël e dinë që Edi Rama nuk po e pengon drejtësinë për shkak të Belinda Ballukut, por po e pengon drejtësinë për shkak të frikës së tij dhe sepse është i ndërgjegjshëm se urdhëruesi i çdo afere korruptive të kryer nga Belinda Balluku është vetë Edi Rama.”

Në kërkesën e 5 anëtarëve të PD drejtuar Kryetarit të Kuvendit thuhet se:

“Në mbështetje të nenit 13, pika 6, dhe nenit 118 të Rregullores së Kuvendit, Ne, 1/2 e anëtarëve të Këshillit:

– Duke e konsideruar periudhën më shumë se 3 ditore si të mjaftueshme për palët që të njihen me aktet dhe të përgatiten për praqitjen e agumenteve/mbrojtjen, bazuar edhe në precedentin parlamentar të dy rasteve të fundit të marra në shqyrtim nga Këshilli, ku afati në dispozicion të palëve ka qenë 48-72 orë;
– Duke mbajtur në konsideratë shënimin e Prokurorisë së Posacme në kërkesë dhe gjatë mbledhjes së datës 19 Dhjetor 2025, ku nënvizohet se znj. Belinda Balluku është konstatuar me metoda speciale hetimi se po intimidon dëshmitarë/prish prova;

– Duke mbajtur në konsideratë kërkesën e Prokurorisë së Posacme që cështja të shqyrtohet nga Këshilli brenda 3-5 ditë nga mbledhja e datës 19 Dhjetor 2025, për shkak të natyrës së ngutshme që ka kërkesa dhe nevojës për moscenimin e hetimeve;

– Me qëllim që Këshilli dhe Kuvendi të mos bëhen pengesë për drejtësinë dhe për hetimin e cështjeve nga Prokuroria e Posacme;

Kërkojmë:

1. Mbledhjen e Këshillit për Rregulloren, Mandatet dhe Imunitetin, ditën e martë, datë 23 Dhjetor 2025, ora 11.00, me Rend Dite: “Vijimi i shqyrtimit të kërkesës nr. 13019 Prot., datë 16.12.2025, me anë të së cilës Prokuroria e Posacme ka kërkuar dhënien e autorizimit nga Kuvendi për arrestimin/heqjen e lirisë së deputetit – Zëvendëskryeministrit – Ministrit, znj. Belinda Balluku.”.

Deputetët e PD theksojnë se: “thirrja e mbledhjes së Këshillit me kërkesë të 1/2 së anëtarëve është e detyrueshme sipas Rregullores, sepse Këshilli thirret në dy forma sipas pikës 6, të nenit 13 të Rregullores së Kuvendit: (1) me kërkesë të Kryetarit të Kuvendit; (2) me kërkesë të 1/2 së anëtarëve të Këshillit. Nëse thirret nga 1/2 e anëtarëve të Këshillit, Kryetari i Kuvendit ka detyrimin të njoftojë Rendin e Ditës për anëtarët e tjerë dhe palët që mund të jenë thirrur në proces. Për këtë arsye, përmbushni detyrimin tuaj ligjor dhe mos u bëni pengesë për drejtësinë”.

The post SPAK kërkon arrestimin e Ballukut/ Partia Demokratike kërkesë Kuvendit: Të mblidhet Këshilli i Imunitetit appeared first on Albeu.com.

Pep Guardiola, ka urdhëruar që lojtarët e Mançester Sitit, nuk duhet të shtojnë peshë për Krishtlindje.

Trajneri spanjoll i ka paralajmëruar lojtarët e tij, kushdo që bëhet mbipeshë pas 25 dhjetorit, nuk do të udhëtojë për ndeshjen jashtë fushe kundër Notingam Forest.

Duke qenë se pothuajse e ka arritur Arsenalin pas një nisjeje të ngadaltë dhe duke mbetur vetëm dy pikë larg kreut të Premier Ligës, Guardiola nuk dëshiron ta humbasë punën e bërë deri më tani.

Ai e kishte anuluar tashmë kërkesën e lojtarëve për të pasur pushim të dielën pas fitores 3-0 ndaj Uest Ham, duke besuar se skuadra nuk kishte luajtur mjaftueshëm mirë, siç zbuloi Daily Mail dhe tani ka vendosur t’u imponojë një test të shkallës së lartë të gjithë lojtarëve pas festimeve të Krishtlindjeve, për të kontrolluar dëmin e shkaktuar nga të ngrënit pa pushim gjatë tre ditëve të pushimit.

“Kur të mbërrijnë pas tre ditësh, dua të shoh se si ndihen “, paralajmëroi Guardiola, i cili fluturoi për në Barcelonë të dielën për të qenë me babanë e tij 94-vjeçar.

“Ata mund të hanë por dua t’i mbaj nën vëzhgim”, shpjegoi spanjolli. “Duhet të bëj një përzgjedhje për ndeshjen e 27-të kundër Notingam Forest. Imagjinoni një lojtar që është perfekt tani, por që vjen me tre kilogramë shtesë? Ai do të qëndrojë në Mançester dhe nuk do të udhëtojë me ne, kjo është e sigurt”, përfundoi Guardiola.

The post Të relaksohen dhe të hanë shumë për Krishtlindje? Guardiola iu jep ultimatum lojtarëve: Asnjë kilogram shtesë ndryshe i pret stoli appeared first on Albeu.com.

Familjarët dhe mbështetësit e këngëtares Fjolla Morina kanë reaguar me një deklaratë të fortë pas zhvillimeve të fundit brenda shtëpisë së Big Brother VIP Kosova. Ata shprehen shqetësimin e tyre për mënyrën se si është trajtuar këngëtarja gjatë disa momenteve të fundit, duke e konsideruar gjuhën dhe sulmet ndaj saj si të papranueshme dhe jashtë çdo norme respekti.

Në reagimin e tyre publik, ata kujtojnë se Fjolla nuk është thjesht një banore e reality show, por një artiste dhe nënë që ka kaluar sfida të mëdha në jetë. Sipas familjarëve, çdo sulm ndaj dinjitetit të saj prek edhe ata dhe komunitetin e saj të mbështetësve jashtë shtëpisë së BBVK-së.

Një pjesë e deklaratës u drejtohet direkt organizatorëve të programit, me kërkesën për një reagim të menjëhershëm dhe masat e nevojshme për të parandaluar përdorimin e gjuhës ofenduese dhe sulmeve personale ndaj banorëve. Ata theksojnë se një emision me audiencë të madhe ka përgjegjësinë të vendosë standarde të qarta për komunikimin dhe respektin brenda shtëpisë.

Familjarët dhe mbështetësit e Fjollës shprehin vendosmërinë për të mos heshtur dhe për të mbrojtur integritetin e këngëtares gjatë gjithë kohëzgjatjes së saj në BBVK. Ata nënvizojnë se respekti nuk është opsional, por një detyrim për të gjithë, duke paralajmëruar se do të qëndrojnë të bashkuar dhe vigjilentë për çdo situatë që mund të cenojë figurën dhe dinjitetin e saj.

The post Familja e Fjollës me reagim publik: Një grua që ka kaluar sfida të mëdha në jetë! appeared first on Albeu.com.

Pak orë para nisjes së protestës, Sali Berisha, i bëri thirrje qytetarëve që ti bashkohen tubimit të sotëm në orën 18:00. Sipas Sali Berishës, ky mision është shansi i jetës për cdo qytetar shqiptar.

Gjithashtu, i tha se duhet të rrëzojmë regjimin ashtu si në Bangladesh dhe Nepal.

“Ftoj cdo qytetar të dalin në sheshin e betejës, të dalin dhe të vijnë në Tiranë. Të bindin cdo shqiptarë se një mision i madh na pret. Se ky mision është shansi i jetës për cdo qytetar të këtij vendi. Shansi i përmbysjes, njëlloj si në Bangladesh, Nepal të diktatorëve autokratë, të cilët pasi vjedhin dhe plaçkitin kombet e tyre ia mbathin si armiq në vendet e tjera.

Ftoj të gjitha forcat opozitar, pavarësisht dallimeve që kemi të bashkohen, për të dëshmuar se nuk ka forcë që të na ndalojë për të përmbysur regjimin më të keq që shqiptarët kanë njohur.

Tirana po zien, Shqipëria po zien dhe se protesta e sotme do të shënojë kthesën e madhe, do të shënojë kthesën drejt fitores të çdo qytetari të këtij vendi”, tha Berisha.

The post Pak orë para protestës, mesazhi i Berishës: Ta përmbysim regjimin si ne Bangladesh e Nepal, Shqipëria po zien, ftoj të gjitha forcat opozitare të na bashkohen appeared first on Albeu.com.

Këtë të hënë, për shkak të protestës së lajmëruar nga Partia Demokratike, Policia e Tiranës, ka ndërmarrë një plan masash lidhur me qarkullimin rrugor.

Protesta do të nisë në orën 18:00, ndërsa kufizimet e qarkullimit do të nisin që në orën 14:00:

Policia njofton se nga ora 14:00, nuk do të lejohen të parkohen automjetet në bulevardin ”Dëshmorët e Kombit”, në sheshin “Nënë Tereza, në rrugën “Ismail Qemali”, nga kryqëzimi i Rrugës së Elbasanit me rrugën “Ibrahim Rrugova”, në rrugën “Papa Gjon Pali II”, në bulevardin ”Zhan D’Ark” dhe bulevardin ”Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Po nga ora 14:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Policia thotë se në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.

“Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për të devijuar qarkullimin e automjeteve në rrugë alternative”, thuhet ne njoftim.

Njoftimi i policisë:

Tiranë/ Përfaqësues të subjektit politik Partia Demokratike e Shqipërisë kanë njoftuar Policinë e Tiranës, për zhvillimin e një tubimi ditën e sotme, i cili nis në orën 18:00 para Kryeministrisë.

Në bazë dhe në zbatimit të ligjit “Për tubimet”, Policia e Tiranës ka ndërmarrë të gjitha masat për garantimin e rendit publik, zbatimin e të drejtave dhe lirive të qytetarëve dhe të pjesëmarrësve në tubime, si dhe mbrojtjen e pronës publike dhe private.

Në zbatim të këtyre masave, me qëllim garantimin e mbarëvajtjes së tubimit, ditën e sotme do të kufizohet lëvizja në disa akse/segmente rrugore, konkretisht:

-Nga ora 14:00, nuk do të lejohen të parkohen automjetet në bulevardin ”Dëshmorët e Kombit”, në sheshin “Nënë Tereza, në rrugën “Ismail Qemali”, nga kryqëzimi i Rrugës së Elbasanit me rrugën “Ibrahim Rrugova”, në rrugën “Papa Gjon Pali II”, në bulevardin ”Zhan D’Ark” dhe bulevardin ”Bajram Curri”, nga kryqëzimi i Rrugës së Elbasanit me rrugën “Ibrahim Rugova”;

-Nga ora 14:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për të devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.

The post Protesta e opozitës para Kryeministrisë, ja rrugët ku kufizohet qarkullimi appeared first on Albeu.com.

Në Gjykatën e Prishtinës janë administruar prova për vrasjen e Liridona Ademajt. Pamjet tregojnë momentin nga darka e fundit e familjes ku ishte Liridona, Naim dhe fëmijët.

Ndërkohë, pas pak minutave në të kundërtën e tyre ulet edhe Granit Plava, autori i vrasjes.

 

 

Në pamjet shihet momenti kur Naim Murseli e sinjalizon, duke prekur hundën që të nisë aksionin.

 

 

Gjithashtu, janë shfaqur video edhe nga shtëpia kur së bashku me fëmijët dalin nga aty dhe hipin në makinë.

Më pas në një tjetër moment në seancën Naim Murselit i janë vendosur edhe pamjet e vrasjes, ku dëgjohen krismat dhe britmat e fëmijëve.

 

The post Dëgjohen krisma dhe britmat e fëmijëve, publikohen pamjet e vrasjes së Liridona Ademajt (VIDEO) appeared first on Albeu.com.

Pas debateve dhe tensioneve të fundit brenda shtëpisë së Big Brother VIP Albania, aktorja dhe fituesja e edicionit të kaluar, Egla Ceno, ka zgjedhur të reagojë përmes një postimi në Instagram, ku ka ndarë një mesazh të drejtpërdrejtë në mbështetje të Ilir Vrenozit, banorit qe iu bashkua mbreme shtepise se Big Brother Vip Albania.

Në postimin e saj, Egla thekson se qëndrimi i saj nuk ka të bëjë me tifozëri personale, por me respektin reciprok që ajo thotë se ka ndërtuar me Ilir Vrenozi jashtë syrit të kamerave.

“Jo sepse ka bërë tifo për mua, por për respektin reciprok sa herë u ulëm për kafe në Korçë. Njeri prej vërteti, pa doreza, me shpirt të madh dhe një grua të mrekullueshme”, shkruan Egla, duke vënë theksin te ana njerëzore e Vrenozit, qe solli shume humor ne shtepi.

Ajo shton se shpreson që emocionet e “performancës” të lihen mënjanë dhe publiku të ketë mundësinë të shohë Vrenozin ashtu siç është në të vërtetë. Postimi mbyllet me mesazhin motivues: “Forca Vrenoz”.

Reagimi i Eglës ka nxitur diskutime të shumta në rrjet, ku ndjekësit e kanë interpretuar si një thirrje për më shumë autenticitet dhe më pak lojë brenda formatit të reality show-t.

The post Egla Ceno mbështet këtë banor të “BBVA”: Jo tifozëri për mua, por respekt reciprok appeared first on Albeu.com.

Në dosjen hetimore të AKSHI-t, dokumentohet me pamje takimet e Ergys Agasit me Ermal Beqirin dhe drejtoreshën e këtij institucioni Mirlinda Karçanaj, të cilët akuzohen nga SPAK se janë pjesë e një grupi të strukturuar kriminal.

Pamjet janë regjistruar nga Ergys Agasi me kamerën e instaluar në zyrën e tij, e cila ishte e lidhur edhe me celularin.

Në dosjen hetimore të AKSHI-t janë dhjetëra takime.

Në një bisedë biznesmeni Ermal Beqiri, i drejtohet Ergys Agasit duke i thënë se: “Informacioni është gjë shumë më e madhe sesa numrat”.

Agasi i përgjigjet me habi “Ue”.

Në një tjetër moment Ermal Beqiri i thotë: Ça me i bo atit…

Ergys Agasi i përgjigjet: Nuk e diskutoj fare o burrë, tashi jemi goxha shumë shumë lart.

Takimet dhe bisedat në zyrë mes Ergys Agasit, Ermal Beqirit dhe Mirlinda Karçanajt.

Këto biseda janë bërë në vitin 2023

Në një tjetër episod ku e pranishme është edhe drejtoresha e AKSHI-t, Mirlinda Karçanaj, Ergys Agasi thotë: E ka bërë gati kallëzimin penal për Nardin se e ka nxjerrë sekretin….Edhe filloi pastaj e poa situatën si shkoi, filloi pastaj, jo po Nardi kshu…filloi tu shpjegu.

Pas kësaj bisede, drejtoresha e AKSHI-t Mirlinda Karçanaj largohet.

Nga pamjet filmike të regjistruara rezulton se këto biseda janë bërë në 16 mars 2024 në orën 20:05 të mbrëmjes.

Takimet dhe bisedat në zyrë mes Ergys Agasit, Ermal Beqirit dhe Mirlinda Karçanajt.

Vendimi i GJKKO:

Kujtojmë që Gjykata e Posaçme vendosi të enjten vazhdimin e masave të sigurimit personal “arrest shtëpie” për drejtoreshën e Agjencisë Kombëtare të Shoqërisë së Informacionit, Mirlinda Karçanaj dhe zv.drejtoren Hava Delibashi.

Për tre biznesmenët Andis Papa, Gëzim Hoxha e Rogers Rryta, mbeti gjithashtu në fuqi masa e “ndalimit për të dalë jashtë vendit”.

Ndërkohë, zv.drejtorit për hetimin e krimit në Policinë e Tiranës, Erion Ismaili iu hoq masa e ndalimit për të dalë vendit, por mbeti në fuqi masa e pezullimit nga detyra.

Për dy të pandehurit e tjerë, Ergys Agasin dhe biznesmenin Ermal Beqiraj, të akuzuar për veprat penale të konkurrencës së paligjshme përmes dhunës, heqjes së paligjshme të lirisë, shkelje të barazisë në tendera, grup i strukturuar kriminal dhe pastrim i produkteve të veprës penale, seanca e verifikimit do të kryhet kur të mundësohet ndalimi i tyre.

Sipas SPAK, të hetuarit kanë detyruar përfaqësues të kompanive pjesëmarrëse në tendera të heqin dorë nga ankimet për procedurat e caktuara të tenderimit, duke i hapur rrugën kompanive të paracaktuara, për të cilat shqyrtimi i ankimimit mund të sillte edhe ndryshimin e renditjes së listës së fituesve.

Agjencia Kombëtare e Shoqërisë së Informacionit, AKSHI, është një prej institucioneve më sensitive në vend, pasi menaxhon thuajse të gjithë sistemin e qeverisjes digjitale përmes E-Albania, përfshi dhe ministren me Inteligjencë Artificiale, ndërsa kryen rolin e ndërmjetësit mes qytetarëve dhe institucioneve të ndryshme në lëshimin e qindra dokumenteve.

Agjencia ka qenë herë pas herë nën kritika për mënyrën e menaxhimit dhe tenderat sekretë, të justifikuar me siguri kombëtare, por skema e hetuar nga SPAK zbulon se kjo agjenci dhe informacionet kritike që ajo përpunon iu vunë në dispozicion një grupi kriminal, i cili përdor ndër të tjera pengmarrjen e rivalëve për të siguruar tenderat dhe para publike.

Ndërkohë që hetimet e SPAK zbulojnë një skemë abuzimi me paratë publike, po ashtu ngrenë pikëpyetje mbi cënimin e sigurisë kombëtare.

The post Zbardhen takimet mes Agasit, Beqirit dhe Karçanajt: Nuk e diskutoj fare o burrë, jemi goxha lart, Nardi ka nxjerrë sekretin… appeared first on Albeu.com.

Dashi

Sezoni i Bricjapit i vendos ambiciet tuaja në plan të parë, duke ju kërkuar të reflektoni mbi koston e suksesit tuaj, Dashi.

Me diellin, Afërditën dhe Mërkurin që lëvizin nëpër shtëpinë tuaj të 10-të të karrierës dhe autoritetit këtë sezon, jeta juaj e punës bëhet më e dukshme.

Kjo mund të shfaqet duke kërkuar për lidershipe, negocim page ose duke kuptuar se një rol nuk i shërben më trajektores tënde profesionale.

Lëvdatat ndihen të vërteta, por edhe presioni rritet. Hëna në shenjën tënde më 27 dhjetor, për shembull, ngjall urgjencë rreth identitetit, duke nxitur lëvizje të guximshme si vendosja e kufijve ose më në fund kërkimi i meritave.

Pastaj, hëna e plotë në Gaforre më 3 janar tërheq vëmendjen tuaj nga brenda, duke shkaktuar biseda rreth familjes, situatave të jetesës dhe qëndrueshmërisë tuaj emocionale.

Një vendim personal mund të ndikojë në zgjedhjet e karrierës ose planet afatgjata.

Për fat të mirë, hyrja e Afërditës në shenjën e Ujorit më 17 janar sjell bukuri dhe bollëk në sektorin tuaj të miqësisë, si dhe në vizionet tuaja për të ardhmen.

Shikoni hënën e re në Bricjap për të vulosur marrëveshje në një kontratë profesionale, pasi ky sezon po mbyllet me një fokus më të madh në ndjenjën tuaj të autoritetit dhe reputacionit në botë.

Demi

Shikoni përtej asaj që është e rehatshme, Demi.

Sezoni i Bricjapit ju nxjerr nga rutinat dhe ju kërkon të ëndërroni më shumë se zakonisht. Në fund të fundit, me diellin, Afërditën dhe Mërkurin që aktivizojnë shtëpinë tuaj të nëntë të mençurisë dhe aventurës, kurioziteti juaj dëshiron përvoja të reja.

Kjo mund të përfshijë rezervimin e një udhëtimi, regjistrimin në një kurs ose vënie në pikëpyetje të një rruge që dikur merrej si e mirëqenë.

Bisedat ndihen kuptimplota, veçanërisht kur diskutohen qëllimet e ardhshme, çështjet ligjore ose arsimimi, pasi ekziston një dëshirë e fortë për të investuar kohën dhe paratë tuaja në diçka që zgjeron perspektivën tuaj në vend që t’i mbani gjërat të parashikueshme.

Pastaj, hëna do të arrijë kulmin në shenjën e Gaforres më 3 janar, duke ndezur sektorin tuaj të komunikimit, i cili sjell në plan të parë biseda të rëndësishme (qofshin ato që përfshijnë kontrata, vëllezër e motra apo një zhvendosje).

Sundimtari juaj qiellor, Afërdita, përfundimisht do të hyjë në Ujor dhe në shtëpinë tuaj të 10-të të publicitetit më 17 janar, duke sjellë admirim dhe vëmendje për gjithçka, nga lëvizjet tuaja në karrierë deri te rezymeja juaj profesionale.

Sigurohuni që të vendosni qëllime gjatë hënës së re në Bricjap më 18 janar, pasi farat e rritjes dhe përvojave të reja mund të lulëzojnë në vitin 2026.

Binjakët

Nuk ka gjëra që duhen fshehur këtë sezon, Binjakët.

Kalimi i diellit në Bricjap sjell biseda (dhe përvoja) që ndihen më të thella, më serioze dhe të vështira për t’u harruar.

Me diellin, Afërditën dhe Mërkurin që lëvizin nëpër shtëpinë tuaj të tetë intime, ata me të cilët bashkoheni (personalisht ose profesionalisht) vijnë në fokus, qofshin diskutime rreth borxhit apo rinegociim i përgjegjësive financiare.

Kjo pasohet nga hëna e plotë në Gaforre më 3 janar, duke ndriçuar shtëpinë tuaj të dytë të financave, rehatisë dhe sistemeve të vlerave, të cilat mund të nxisin ndryshime në buxhetin tuaj ose ndoshta t’ju kërkojnë të reflektoni mbi nevojat tuaja personale në këtë kohë.

Për fat të mirë, sapo Afërdita të hyjë në Ujor më 17 janar, kurioziteti kthehet përmes udhëtimeve ose përvojave të të nxënit, por hëna e re në Bricjap ju kërkon gjithashtu të vendosni qëllime rreth besimit, kufijve dhe angazhimit financiar.

Gaforrja

Sezoni i Bricjapit i shndërron marrëdhëniet në pasqyra që ju tregojnë saktësisht atë që funksionon dhe atë që nuk funksionon më, Gaforre.

Në fund të fundit, me diellin, Afërditën dhe Mërkurin që lëvizin nëpër sektorin tuaj të partneritetit, angazhimi bëhet një temë e vërtetë bisede. Kjo mund të manifestohet si përcaktim i një marrëdhënieje, rinegocim me një partner ose thjesht të kuptuarit se një bashkëpunim profesional ka nevojë për kufij të qartë.

Pastaj, hëna do të arrijë fazën e saj të tremujorit të parë më 27 dhjetor, duke aktivizuar shtëpinë tuaj të 10-të të autoritetit, duke sjellë në plan të parë çështjet e karrierës dhe vendimet publike.

Pastaj, kulmi i sezonit arrin më 3 janar, kur hëna arrin kulmin e saj në Ujor. Konsiderojeni këtë një rivendosje personale pasi ajo sjell dritë në gjithçka, nga nevojat tuaja emocionale deri tek identiteti juaj i ri, e lëre më guximin për t’u parë plotësisht.

Sapo Afërdita të hyjë në Ujorin e gjallë më 17 janar – shtëpia juaj e tetë e bashkimeve – intimiteti thellohet përmes ndershmërisë rreth besimit, financave dhe përgjegjësive të përbashkëta.

Sigurohuni që të shikoni hënën e re në Bricjap më 18 janar për të vendosur qëllimet rreth marrëdhënieve. Ky mund të rezultojë në një kapitull të ri në partneritetet tuaja që është ndërtuar mbi respektin e ndërsjellë.

Luani

Është koha të bëheni të vërtetë dhe të qëndroni me këmbë në tokë, Luan.

Sezoni i Bricjapit i kushton vëmendje rutinës suaj të përditshme, gjë që gjithashtu kërkon që ju të merrni në konsideratë atë që nuk është më e qëndrueshme. Me diellin, Afërditën dhe Mërkurin që lëvizin nëpër këtë zonë të ngjeshur të tabelës suaj, gjithçka, nga puna juaj deri te zakonet tuaja shëndetësore, do të jetë nën shqyrtim.

Ndoshta keni nevojë të madhe për t’u organizuar ose për të vendosur kufij të fortë në punë, në vend që ta shtyni veten drejt lodhjes. Besojeni ose jo, rregullimet e vogla bëjnë një ndryshim të madh, veçanërisht kur bëhet fjalë për menaxhimin e kohës.

Në 3 janar, hëna do të arrijë kulmin e saj në Gaforre, duke ju inkurajuar të hyni në vetvete, të pushoni dhe të injoroni zhurmën, ndaj mos hezitoni të largoheni nga detyrimet shoqërore.

Përveç kësaj, sapo Afërdita të hyjë në Ujor më 17 janar, do të ktheheni te bazat, do të krijoni rrjetëzime dhe lidhje të reja personale dhe profesionale.

Shikoni hënën e re në Bricjap më 18 janar për të vendosur qëllime rreth shëndetit dhe rutinës së punës, veçanërisht kur merrni parasysh qëndrueshmërinë dhe vetëbesimin tuaj.

Virgjëresha

Gëzimi që meritoni kërkon gjithashtu disiplinë dhe strukturë, Virgjëresha.

Ndërsa dielli hyn në shenjën e Bricjapit më 21 dhjetor, ai do të energjizojë dhe rigjallërojë shtëpinë tuaj të pestë të dashurisë, pasionit dhe shprehjes së vetvetes.

Me diellin, Mërkurin dhe Afërditën që lëvizin nëpër këtë zonë të tabelës suaj gjatë gjithë sezonit, meditimet tuaja krijuese dhe lidhjet romantike papritmas janë në krye të mendjes. Ky mund të jetë vendimi juaj për ta marrë një hobi më seriozisht ose edhe për ta çuar një situatë takimi në një nivel tjetër.

Bisedat rreth dashurisë dhe shprehjes së vetes janë më të bazuara, veçanërisht kur pritjet deklarohen në vend që të supozohen. Sidoqoftë, ka një zhvendosje nga kënaqësia e rastësishme në diçka që ndihet e qëllimshme dhe shpërblyese.

Hëna në Dash më 17 dhjetor do të prekë shtëpinë tuaj të tetë të intimitetit dhe bashkimeve, duke ju shtyrë të adresoni situata, qoftë me një bisedë të sinqertë për paratë apo një kufi emocional që është vonuar prej kohësh.

Pastaj, ndërsa hëna arrin kulmin në Gaforre në shtëpinë tuaj të 11-të të shoqatave, temat që rrethojnë miqësitë tuaja dhe ndjenjën e përkatësisë në botë marrin përparësi.

Shfrytëzoni energjinë e Afërditës në Ujor (që nga 17 janari) për t’u kujdesur për veten dhe për të shtuar diçka në rutinën tuaj.

E njëjta gjë vlen edhe për hënën e re në Gaforre të nesërmen, reflektoni mbi qëllimet që dëshironi të shihni të manifestuara në vitin e ardhshëm.

Peshorja

Sezoni i Bricjapit e kthen vëmendjen tuaj nga brenda, duke ju kërkuar të reflektoni mbi atë që ndihet vërtet si shtëpi, Peshore.

Me diellin, Afërditën dhe Mërkurin që lëvizin nëpër Bricjap dhe shtëpinë tuaj të katërt, dinamikat familjare, situatat e jetesës dhe themelet emocionale janë në krye të mendjes. Kjo mund të përfshijë një bisedë të vonuar me të afërmit ose riorganizimin e hapësirës suaj të jetesës.

Rehatia bëhet më pak e rëndësishme për estetikën dhe më shumë për sigurinë emocionale. Vendimet e marra tani janë të rrënjosura në sigurinë afatgjatë dhe jo në ruajtjen e përkohshme të paqes.

Sa i përket hënës në Dash më 27 dhjetor në sektorin tuaj të partneritetit, mos u habitni nëse të vërtetat e marrëdhënies fillojnë të dalin në pah, pasi kjo ju shtyn të adresoni atë që nuk është më në ekuilibër.

Pastaj, hëna do të arrijë kulmin e saj në Gaforre më 3 janar, duke ofruar një mundësi për dukshmëri më të madhe në vendin e punës, qoftë përmes njohjes apo një ndryshimi në rolet udhëheqëse.

Pjesa më e mirë? Hyrja e Afërditës në Ujor më 17 janar rigjallëron temat e romancës dhe shprehjes së vetes, në rast se jeni të dashuruar me një mik të një miku.

Së fundmi, ndërsa hëna ripërtërihet në Bricjap më 18 janar, ajo përgatit terrenin për fillime të reja në jetën tuaj personale. Përdoreni këtë kohë për të vendosur qëllime rreth krijimit të një shtëpie që mbështet suksesin tuaj personal dhe profesional.

Akrepi

Fjalët tuaja kanë më shumë fuqi nga sa e kuptoni dhe sezoni i Bricjapit është gati ta vërtetojë këtë, Akrep.

Përveç mprehjes së zërit tuaj dhe vendosjes së bisedave të përditshme nën një mikroskop, lëvizja e diellit, Afërditës dhe Mërkurit nëpër shtëpinë tuaj të tretë i bën shkëmbimet tuaja edhe më domethënëse.

Ndoshta po adresoni një keqkuptim ose po vendosni kufij të qartë me një vëlla/motër (ose koleg pune). Sidoqoftë, më në fund po thoni atë që ka mbetur pa u thënë dhe vendimet e vogla kanë më shumë peshë se zakonisht.

Mbani mend, hëna do të arrijë në Dash më 27 dhjetor, duke i dhënë theks rutinave tuaja të punës dhe shëndetit, gjë që ju shtyn të rishqyrtoni punët e përditshme që ju shterojnë energjinë.

Sa i përket hënës së plotë në Gaforre, Hëna do të arrijë kulmin në këtë shenjë Uji më 3 janar, duke sjellë emocione rreth sistemeve tuaja të besimit dhe filozofive. Kjo mund të sillet edhe rreth botimeve, të folurit në publik ose ndoshta edhe në një platformë ku ndani njohuritë tuaja.

Pastaj, më 17 janar, Afërdita do të kalojë në shenjën e Ujorit dhe në shtëpinë tuaj të katërt të shtëpisë dhe familjes, ku planeti i dashurisë sjell harmoni dhe bukuri në çështjet personale. Kjo përfshin organizimin e takimeve argëtuese ose thjesht krijimin e kujtimeve me ata që doni.

Hëna do të ripërtërihet në Bricjap më 18 janar, gjë që mbështet modele të reja komunikimi të ndërtuara mbi qartësi dhe besim. Shkruajini të gjitha në ditarin tuaj.

Shigjetari

Shigjetar, është koha të bëheni realistë në lidhje me kohën, energjinë dhe paratë tuaja.

Në fund të fundit, me diellin, Afërditën dhe Mërkurin që kalojnë nëpër Bricjap – shtëpia juaj e dytë e vlerave, financave dhe vetëvlerësimit – prioritetet që rrethojnë ndjenjën tuaj të sigurisë vijnë në fokus. Ndoshta po rinegocioni pagën tuaj, po riorganizoni buxhetin tuaj ose thjesht po kuptoni se shpenzime të caktuara nuk kontribuojnë më në suksesin tuaj financiar.

Ndërsa hëna arrin fazën e saj të çerekut të parë në Dash më 27 dhjetor, temat që rrethojnë krijimtarinë dhe romancën dalin në pah, veçanërisht ato që shkaktuan ndjenja refuzimi.

A jeni gati të merrni rreziqe që nuk kërkojnë miratimin e dikujt tjetër? Pikërisht në kohë për hënën e plotë në Gaforre, kjo hënë do të hedhë dritë mbi gjithçka, nga burimet tuaja të përbashkëta deri te lidhjet tuaja emocionale, ndërsa do t’ju kërkojë të angazhoheni në biseda të sinqerta që kërkojnë besim dhe ndjeshmëri.

Pastaj, Afërdita do të hyjë në Ujor dhe në shtëpinë tuaj të tretë kurioze të komunikimit, duke i bërë shkëmbimet dhe flirtimet edhe më simpatike dhe të lehta. Kjo është gjithashtu mundësi e shkëlqyer për të menduar ide të reja.

Megjithatë, do të duhet të vendosni qëllime gjatë hënës së re në Bricjap nëse po përqendroheni në krijimin e suksesit financiar në vitin e ardhshëm. Merrni në konsideratë qëndrueshmërinë dhe sigurinë afatgjatë.

Bricjapi

Gëzuar datëlindjen, Bricjap! Ky sezon ju vendos përsëri në vendin e shoferit dhe të gjithë mund të thonë se jeni seriozë.

Me diellin, Afërditën dhe Mërkurin që udhëtojnë nëpër shenjën tuaj, dukshmëria dhe vetëbesimi juaj janë në nivelin më të lartë.

Qoftë duke përmirësuar pamjen tuaj, duke folur me një ndjenjë më të fortë autoriteti apo thjesht duke pranuar një vendim që të tjerët mund ta kenë vënë në dyshim, nuk ka dyshim se çfarë jeni të aftë të bëni. Mund të ndiheni të motivuar për të riidentifikuar veten, për të nisur diçka personale ose për të vendosur kufij që nderojnë kohën dhe energjinë tuaj.

Sa i përket hënës në Dash më 27 dhjetor, kjo mund të krijojë presion në frontin shtëpiak, duke nxitur veprime rreth dinamikës familjare, rregullimeve të jetesës dhe nevojave emocionale që duhen adresuar.

Pastaj, hëna do të arrijë kulmin e saj në Gaforre më 3 janar, duke vënë në qendër të vëmendjes partneritetet dhe angazhimet tuaja. Një bisedë për marrëdhënien mund të ripërcaktojë pritjet ose të rivendosë ekuilibrin në bashkimin tuaj.

Afërdita do të kalojë gjithashtu në shenjën e Ujorit më 17 janar, duke e zhvendosur fokusin te paratë dhe vetëvlerësimi, ndërsa do të inkurajojë zakone më të zgjuara shpenzimi dhe/ose kompensim realist për shërbimet tuaja.

Së fundmi, por jo më pak e rëndësishme, hëna do të ripërtërihet në shenjën tuaj më 18 janar, gjë që shënon një rivendosje personale. Mos e nënvlerësoni fuqinë që rrethon fazën e hënës së re, e lëre më një hënë të re në shenjën tuaj.

Gëzuar për një cikël hënor më të fortë, më të vendosur dhe më të fokusuar te vetja.

Ujori

Kjo është faza para shkëlqimit tuaj, Ujor.

Me diellin, Afërditën dhe Mërkurin që lëvizin nëpër këtë zonë të tabelës suaj, pushimi, reflektimi dhe mbyllja emocionale janë të rëndësishme. Kjo mund të jetë tërheqja juaj nga angazhimet shoqërore, rikthimi i kujtimeve të vjetra ose adresimi më në fund i një problemi të vazhdueshëm që ju ka shteruar energjinë.

Njohuritë (dhe shkarkimet intuitive) vijnë privatisht, qoftë përmes shënimeve në ditar, ëndërrimit apo thjesht nderimit të më shumë momenteve të vetmisë.

Hëna do të arrijë fazën e saj të çerekut të parë në Dash më 27 dhjetor duke aktivizuar temat e komunikimit dhe duke frymëzuar biseda të rëndësishme që ndihmojnë në lënien pas të modeleve të vjetëruara të mendimit.

Më 3 janar, hëna do të arrijë kulmin e saj në Gaforre, duke sjellë dritë në gjithçka, nga rutinat tuaja të përditshme dhe zakonet e kujdesit për veten, deri tek oraret tuaja të punës, veçanërisht ato që duhet të përshtaten për të mbështetur qëndrueshmërinë dhe ushqyerjen tuaj emocionale.

Kjo pasohet nga një hënë e re në Bricjap, duke lënë hapësirë për mbyllje dhe qëllime që mund të sqarohen dhe duke krijuar hapësirë për një kapitull të ripërtërirë përpara.

Peshqit

Peshq, sezoni i Bricjapit e zhvendos fokusin tuaj drejt miqësive, qëllimeve afatgjata dhe njerëzve që vërtet shfaqen për ju.

Me diellin, Afërditën dhe Mërkurin që lëvizin nëpër shtëpinë tuaj të 11-të të komunitetit, rrethet shoqërore dhe planet e ardhshme bëhen gjithnjë e më të qëllimshme. Kjo mund të shfaqet si angazhim në një projekt grupi, rrjetëzim me një plan ose të kuptuarit se miqësi të caktuara kanë mbaruar.

Bisedat rreth qëllimeve ndihen praktike tani, duke ju ndihmuar të realizoni ëndrrat tuaja me strukturën dhe disiplinën e nevojshme. Reflektoni se ku është ndjerë besimi juaj i lëkundur dhe pse.

Pastaj, hëna do të arrijë kulmin e saj në Gaforre më 3 janar, duke ndriçuar shtëpinë tuaj të pestë të krijimtarisë dhe pasionit. Këshillë: mendoni për verën e kaluar – çfarë po përpiqeshit të arrinit ose të manifestonit?

Hyrja e Afërditës në Ujor më 17 janar inkurajon pushimin dhe reflektimin, ndërsa hëna e re në Bricjap më 18 janar ju inkurajon të vendosni qëllime rreth komunitetit, bashkëpunimit dhe një të ardhmeje të ndërtuar me njerëz që e mbështesin vërtet vizionin tuaj.

The post Surprizat dhe të papriturat e këtij sezoni, ja se ç’do ndodhë me secilën shenjë appeared first on Albeu.com.

Një aksident i rëndë rrugor ka tronditur Indonezinë, pasi një autobus pasagjerësh u përmbys në një autostradë në ishullin Java, duke shkaktuar vdekjen e të paktën 16 personave dhe plagosjen e disa të tjerëve. Lajmi u konfirmua nga autoritetet lokale të emergjencës, të cilat ndërhynë menjëherë në vendngjarje.

Sipas deklaratës së Budionos, kreut të agjencisë lokale të kërkim-shpëtimit, autobusi ishte nisur nga kryeqyteti Xhakarta dhe kishte si destinacion qytetin Yogyakarta. Mjeti i transportit publik dyshohet se po lëvizte me një shpejtësi mjaft të lartë kur mori një kthesë të rrezikshme, humbi kontrollin, goditi barrierën mbrojtëse të rrugës dhe më pas u përmbys.

Ekipet e shpëtimit dhe ambulancat mbërritën shpejt në vendngjarje për të nxjerrë pasagjerët nga autobusi i dëmtuar dhe për t’u dhënë ndihmën e parë të plagosurve, të cilët u transportuan në spitale të afërta. Disa prej tyre raportohet se ndodhen në gjendje të rëndë shëndetësore.

Aksidentet rrugore mbeten një problem serioz në Indonezi. Ekspertët theksojnë se një pjesë e madhe e mjeteve të transportit publik janë të vjetra dhe të mirëmbajtura dobët, ndërsa rregullat e qarkullimit rrugor nuk respektohen gjithmonë. Këta faktorë rrisin ndjeshëm rrezikun e aksidenteve fatale.

Ky nuk është rasti i parë tragjik. Në vitin 2019, të paktën 35 persona humbën jetën kur një autobus ra në një përrua në ishullin Sumatra, duke rikujtuar nevojën urgjente për masa më të forta sigurie në rrugët e vendit.

The post Aksident tragjik me autobus në Indonezi: 16 të vdekur dhe disa të plagosur appeared first on Albeu.com.

Kënga “Nan” u shpall fituese e Festivalit të 64-të të Këngës në RTSH, duke i dhuruar artistit Alis një moment të paharrueshëm. Kënga fituese u shpall përmes votimit të jurisë profesioniste, bashkuar me votat me SMS nga Shqipëria dhe Kosova.

Në Post Fest 64, ai ndau emocionet e fitores, duke e cilësuar si realizimin e një ëndrre të madhe.
“Jam njeriu më i lumtur në botë dhe nuk më besohet akoma. Më është bërë ëndrra realitet dhe qershia mbi tortë ishte përqafimi i publikut që nuk e prisja të ishte në këtë masë. E prisja të më shtynte për mirë, të ishte ai suporti i përhershëm që kam pas, por jo në këtë formë. Ishte një surprizë dhe kam mbetur pa fjalë,” tha Alis.

Në vendin e dytë u rendit Inis Neziri me këngën “Ta kam fal”, ndjekur nga Sheila me “Zemra e tokës” në vendin e tretë.

Në vendin e katërt u pozicionua dueti i Fifit dhe Tiri Gjocit, “Rri”, dhe top 5-shja u plotësua me “Kur fjala mbaron” nga Vedat Ademi.

Eurovision Song Contest 2026 do të zhillohet në Vjenë, Austri, pas fitores së JJ me këngën “Wasted Love” vitin e kaluar. Konkursi do të mbahet më datat 12, 14 dhe 16 maj.

The post Alis flet pas fitores në Fest 64: Ende nuk më besohet appeared first on Albeu.com.

Këtë të hënë, kryeministri i vendit Edi Rama, teksa po merr pjesë në aktivitetin “Me fermerët në Shqipërinë 2030”, theksoi se kontrata me BE-në për bujqësinë është më e vështira.

Sipas tij, marrëveshja me Unionin evropian është një kontratë shtetërore që përfshin të gjitha faktorët.

“Kontrata për bujqësinë është më e vështira, siç ka treguar eksperienca e vendeve të tjera dhe më e mirëpritura për ata që janë të përgatitur për t’u përballur me kushtet, standartet, kontrollet që burojnë nga cilësia e lartë e sigurisë dhe e produkteve kur vjen puna për të qenë lojtarë në tregun e bashkuar evropian”, shprehet Rama.

Gjithashtu, kreu i qeverisë shoti se sektori i bujqësisë ishte i braktisur më shumë se një dekadë më parë, duke shtuar se tani “produktet tona shkojnë në 80 vende të botës dhe eksportet kanë kaluar në gjysmë mld euro”.

Pjesë nga fjala e Ramës:

Planin e veprimit dhe domosdoshmërinë e ndërveprimit mes nesh në mënyrë që bujqësia të përballojë sfidën e tregut evropian në kontekstin e Shqipërisë anëtare të BE. Dua që të flas shumë hapur me ju, duke iu thënë se kjo sfidë ka dy anë, anën e errët dhe të ndritur.

Ana e errët është ajo që pret çdokënd prej jush që nuk është i përgatitur për atë ditë sepse negociatat me BE dhe marrëveshja e anëtarësimit nuk janë fjalë dhe as procese thjesht të lidhura me çfarë shkruajmë në letër, por kontratë shtetërore shumë komplekse ku çdo faktor shtetëror dhe shoqëror duhet t’i përgjigjet kontratës. Kontrata për bujqësinë është më e vështira, siç ka treguar eksperienca e vendeve të tjera dhe më e mirëpritura për ata që janë të përgatitur për t’u përballur me kushtet, standartet, kontrollet që burojnë nga cilësia e lartë e sigurisë dhe e produkteve kur vjen puna për të qenë lojtarë në tregun e bashkuar evropian.

Por unë besoj shumë te ju dhe të gjithë ata që në kushtet të pakrahasueshme me sot një dekadë më parë ishin aty te toka dhe përballeshin me një sfidë mbijetese të jashtëzakonshme. Kush e ka kaluar atë sfidë ka më besim se do ta kalojë edhe këtë sfidë. Janë të natyrave të ndryshme por në thelb kanë të bëjnë me vullnetin për të bërë sukses sepse asokohe bujqësia shqiptare ishte një sektor i braktisur totalisht, një dekadë e pak më parë. Numri I fermerëve që merrnin një mbështetje simbolike nga shteti ishte 5600. Sot është 67 500.

Nuk bëhet fjalë për mbështetje simbolike, por mbështetje që peshon në portofolin e fermës. Eksportet ishin thjesht dhe vetëm një aktivitet i një grushti njerëzish që ia kishin dalë deri aty dhe deificiti tregtar ishte një katastrofë unikale në rajon se në Evropë nuk po bëjmë krahasime për çdo euro të eksportuar ne importonim 9 euro në ushqim. Ndërkohë që sot produktet tona shkojnë në 80 vende të botës dhe eksportet kanë kaluar në gjysmë mld euro dhe dificiti është ulur nga 1 me 9 në 1 me 3 dhe përpjekja jonë është që të shkojmë drejt 1 me 2.

Marrëveshja me BE është kontratë shtetërore e të gjithë faktorëve dhe për të gjithë faktorët institucionalë dhe shoqërorë. Për fermerët është kontratë që kërkon standarde dhe cilësi, teknologji dhe dixhitalizim, orgaizim të sofistikuar dhe mbështetje, e cila do të vijë duke u rritur vit pas viti.

The post Rama: Kontrata me BE për bujqësinë, më e vështira, sektori ishte i braktisur, sot eksportojmë produktet tona në 80 vende të botës appeared first on Albeu.com.

Mbrëmja e djeshme nuk ishte thjesht nata hapëse e spektaklit Big Brother VIP Albania, por u shndërrua në një kujtesë të dhimbshme për një vend që mbeti bosh. Gjatë Prime-t të parë, publiku u përball me një homazh prekës për këngëtarin e njohur Shpat Kasapi, i cili u nda nga jeta tragjikisht më 26 nëntor, vetëm pak javë para se të bëhej banor i shtëpisë më të famshme në vend.

Ajo që duhej të ishte nisja e një aventure të re televizive për Shpatin, u kthye në një plagë të hapur për bashkëshorten e tij, Selvije Jao. Përmes një reagimi rrëqethës, Selvia ndau me publikun për herë të parë bisedën e fundit që kishin bërë rreth hyrjes së tij në Big Brother një bisedë që sot tingëllon si një paralajmërim i hidhur.

Ajo rrëfen se shqetësimi kryesor i Shpatit nuk ishte loja apo fama, por familja.

“Kur Shpati mendonte të hynte në Big Brother, më pyeti: ‘Do mundesh ta përballosh mungesën time dhe të kujdesesh e vetme për Roelin, derisa unë të jem në Big?’”, shkruan ajo.

Në atë moment, përgjigjja e saj ishte plot mbështetje dhe optimizëm:

“Patjetër… do të të kem 24/7 para syve.”

Por Selvia pranon se atëherë e kishte menduar mungesën si diçka të thjeshtë, fizike, brenda ekranit, pa e ditur se data 26 nëntor do ta kthente këtë bisedë në kujtimin më të dhimbshëm të jetës së saj.

Homazhi i zhvilluar në Top Channel rihapi plagën e faktit se “të gjitha ato plane, strategji dhe ëndrra” për lojën televizive përfunduan në një mungesë të përjetshme. Selvia rrëfen se, pavarësisht dhimbjes, kishte ende një fije shprese të pavetëdijshme:

“Unë prita deri në këto momente. Prita që të hysh në Big, sikur gjithçka të ishte vetëm një vonesë e gjatë.”

Dhimbja bëhet edhe më e madhe kur mendon për djalin e tyre të vogël, Roelin. Selvia shprehet se zemra i copëtohet çdo ditë, pasi e kërkon Shpatin kudo dhe nuk e gjen askund.

“Roeli rritet pa dorën tënde, dhe unë mësoj çdo ditë të jetoj me një dhimbje që nuk mësohet kurrë të shuhet”, shkruan ajo, duke e mbyllur mesazhin me fjalët:

“Më mungon më shumë sesa fjalët mund ta mbajnë.”

The post Selvija zbulon pyetjen që Shpati ia bëri për BBV appeared first on Albeu.com.

Një foto e bere mes kreut të Partisë “Shqipëria Bëhet”, Adriatik Lapaj dhe aktorit Viktor Zhusti, është bërë shkak i sherrit virtual mes tyre.

Fotoja është realizuar përpara kryeministrisë, ku Adriatik Lapaj prej disa javësh qëndron aty për të protestuar.

Aktori Zhusti, thotë se fotoja është realizuar vetëm për qëllime personale dhe me marrëveshjen që të mos bëhej publike, por pasi pa që imazhi u bë publik, ai akuzon Adriatik Lapajn se e përdori si “shashkë progandistike” për mitingje politike, e për të krijuar përshtypjen se aktori mbështet lëvizjen Shqipëria Bëhet.

Me anë të një postimi në Facebook, Zhusti thotë se postimi i ka sjellë “shumë armiqësi, qejfmbetje dhe komente negative”.

“Pranova të beje foto vetëm për albumin tënd privat meqë “ kishe shumë simpati si aktor” dhe më premtove që nuk do ta postosh, madje i thashë dhe bashëluftëtarit tënd, artistit të kaq e ka filmave dhe kandidatit për deputet të “Shqipëria bëhet”, djalit të mikut tim të çmuar, Gent Kames, që të mos e postosh”, shkruan aktori.

Ndërkohë Adriatik Lapaj nuk bëri ndonjë koment për rastin, por ai fshiu nga rrjetet sociale foton me Viktor Zhustin.

 

 

Reagimi i Viktor Zhustit:

Eh,mor LAPA…

Nuk di a të kam sjellë ndonjë të mirë me dëshirën që të bëje një foto private, kur isha duke kaluar për në shtëpi mbas shfaqjes, por mua, veç dëm e shqetësim më ke sjellë.

Pranova të beje foto vetëm për albumin tënd privat meqë “ kishe shumë simpati si aktor” dhe më premtove që nuk do ta postosh, madje i thashë dhe bashëluftëtarit tënd, artistit të kaq e ka filmave dhe kandidatit për deputet të “Shqipëria bëhet”, djalit të mikut tim të çmuar, Gent Kames, që të mos e postosh

(po vendos dhe mesazhin për të dhe premtimin e tij) por juve, duket e kishit të nevojshme, një shashkë propagandistike për 22 dhjetorin…

Duke e shoqëruar foton me komentin “erdhi na takoi dhe na dha energji pozitive”… më bën përkrahës e simpatizant të partisë e lëvizjes tënde, “Shqipëria bëhet”, gjë që as më ka shkuar ndonjëherë ndërmend, pasi, sipas meje, Shqipëria, vërtet do bëhet, emancipohet, modernizohet, europianizohet, por, VETËM me ata, kundër të cilëve ju, po luftoni me çdo mjet e mënyrë.

Me postimin tënd më ke sjellë mjaft armiqësi, qejfmbetje dhe komente negative, për të cilat nuk kisha nevojë.

Po, nuk është hera e parë që dal i zhgënjyer nga miqësitë e rrugës…

 

The post Sherri mes Adriatik Lapajt dhe Viktor Zhustit/ Aktori: Më ke sjellë mjaft armiqësi, qejfmbetje… appeared first on Albeu.com.

Këtë të hënë 22 dhjetor 2025, Klodian Braho, ka marrë zyrtarisht detyrën si kreu i ri i Prokurorisë së Posaçme Antikorrupsion (SPAK).

Në ceremoninë e marrjes së detyrës, ai mbajti edhe një fjalë të shkurtër për mediat.

Teksa vlerësoi dy paraardhësit e tij, Arben Kraja dhe Altin Dumani, Braho theksoi se misioni i tij do të jetë garantimi i zbatimit të ligjit dhe pavarësia e prokurorëve të posaçëm.

“Së pari shpreh falenderimin tim për KLP pë besimin. Marrja e detyrës më shumë se moment simbolik është angazhim për të respektuar kushtetutën e ligjit, për të mbrojtur pavarësinë e SPAK dhe forcuar më tej besimin e qytetarëve. Falë mbështetjes së partnerëve ndërkombëtarë, SPAK po forcohet si strukturë solide e ndjekjes penale. Dëshiroj të vlerësoj parardhësit e mi, zotin Kraja dhe zotin Dumani.

Në ushtrimin e kësaj detyre, fokusi im do të mbetet forcimi i funksionimit të brendshëm, respektimi rigoroz i standarteve ligjore dhe garantimi i pavarësisës së prokurorëve të posaçëm në ushtrimin e detyrës. BKH dhe sektori I hetimit financiar janë shtylla të rëndësishme të SPAK. Bashkëpunimi i ngushtë mes prokurorëve dhe hetuesve do të vijojë të forcohet duke synuar hetime më cilësore dhe rezultate konkrete. Institucioni do të vazhdojë të komunikojë me median e publikun duke respektuar kornizën ligjore”, u shpreh Braho.

Një mesazh kishte edhe për kolegët e tij, teksa tha se misioni i Prokurorisë shkon përtej mandateve individuale.

“Të nderuar kolegë, misioni i SPAK shkon përtej mandateve individuale. Jemi një skuadër, të punojmë krah për krah dhe përkushtim në përmbushtje të zotimit ndaj kushtetutës dhe qytetarëve shqiptarë”, shtoi kreu i ri i SPAK.

Braho do të drejtojë Prokurorinë e Posaçme, për tre vitet e ardhshme pa të drejtë rikandidimi.

The post Klodian Braho merr zyrtarisht detyrën si kreu i ri i SPAK: Fokusi im, respektimi rigoroz i ligjit dhe garantimi i pavarësisë së prokurorëve appeared first on Albeu.com.