Këshilli i Ministrave gjatë mbledhjes së kësaj të mërkure, 24 dhjetor, ka vendosur që data 26 të jetë ditë pushimi zyrtare për të gjithë punonjësit e administratës shtetërore.
Aryet shëndetësore ja bëjnë të pamundur pjesëmarrjen në meshën e mbrëmjes, por Maria nuk mund të mos e falenderonte Zotin në këtë vigjilje Krishtlindje. Me mbesën përdore në mesditë iu drejtua Katedrales Katolike në Tiranë.
“Erdha per t’ju lut Zotit per ta falenderu se pothuajse mi ka plotesuar deshirat. Te na jape shendet bereqet”
Lindja e Krishtit është një nga ditët më të rëndësishme për besimtarët e krishterë.
Dita kur erdhi në jetë sipas tyre biri i Zotit nuk është vetëm një festë, por dhe një moment reflektimi mbi faljen, dashurinë dhe paqen.
“Para kemi Krishtlindjen pastaj vitin e tij. Une jam Mirditore dhe nga anet tona me shume shume kemi festuar krishtlindjet.
Si e festojme? Me te gjitha te mirat
neser ne kemi festen tamam qe bejme mishin byreket, te gjitha te mirat, ca te kete shtepia, mblidhemi te gjithe gezojme”
70 vjeçarja kujton se çdo 25 dhjetor familja e vogël dhe e madhe është mbledhur përherë bashkë. Edhe kur ishte fëmijë dhe prindërit respektonin ritet fetare, por dhe gjatë viteve të diktaturës kur ato u ndaluan.
“Benim 3 lloje byrekesh, 1 me arra, 1 me sheqer 1 me qumesht dhe 1 e ndanim ne ara per bereqet nje tek dera e shtepise per mbaresi
Kur nuk lejohej nuk shkonim tek arat se thonin ky paska festuar, i festonim ne fshehtesi me njerezit tanë, mblidheshim sikur kishim nje feste tjeter, jo krishtlindje.
Kam qene e vogel thuajse sa mbesa ime”
Krishtlindja përcjell mesazhin se mirësia dhe solidariteti duhet të jenë vlera të përditshme. Në prag Krishtlindje Ipeshkvinjtë e Kishës Katolike zgjodhën ti drejton popullit shqiptar të bashkuar.
Ndërkohe për kryepshkopin e Tiranës Durrësit dhe të gjithë Shqipërisë kjo Krishtlindje vjen si një rreze shprese, ngushëllimi dhe paqeje.
Për të festuar shpirtërisht Lindjen Krishtit, le të kujdesemi gjatë këtyre ditëve festive të përjetojmë më thellë shenjtërinë dhe madhështinë e kësaj dhurate hyjnore. Këtë mund ta realizojmë duke e pastruar zemrën tonë nga çdo ligësi dhe duke e mbushur atë me dashuri dhe përulësi ndaj të gjithë njerëzve, sidomos ndaj atyre që janë në nevojë – në varfëri, në sëmundje, në dëshpërim dhe në vetmi./abcnews.al
Në vigjilje të Krishtlindjeve është shënuar një fluks i shtuar në pikën e kalimit kufitar të Kapshticës. Sipas informacioneve nga autoritetet doganore, fluksi është kryesisht në hyrje të territorit shqiptar, pasi shumë shtetas shqiptarë po kthehen në atdhe për të festuar Krishtlindjen dhe Vitin e Ri pranë familjarëve të tyre.
Aktualisht po punohet me tre sportele në hyrje dhe dy sportele në dalje, ndërsa janë në funksion edhe dy sportele të posaçme për autobusët.
Sipas të dhënave zyrtare, ka nisur edhe regjistrimi me procedurë të përshpejtuar për mjetet me targa greke.
Pavarësisht fluksit të mjeteve, situata po menaxhohet nga Policia Kufitare me qëllim shmangien e radhëve të gjata dhe reduktimin e kohës së pritjes për udhëtarët.
Nga data 19 deri në 23 dhjetor, në Kapshticë kanë hyrë afro 25 mijë qytetarë dhe kanë dalë përmes kësaj pike kufitare 11 mijë e 844 të huaj e shqiptarë.
Prag Krishtlindje, por doktori për pak ua ngeci në fyt festën demokratëve.
“Prova u bë, revolta u dëshmua. Por kjo duhet të jetë e qëndrueshme. Bulevardi duhet të jetë i qytetarëve. Sheshi duhet të jetë i qytetarëve. Jo një ditë, dy apo tre, por aq kohë sa duhet për ta larguar.”
Ishte alarm festiv, se kur fillon revolucioni, datë nuk dha, ndaj dhe 2025 mbyllet me urime online.
“Ndaj dhe ne do punojmë fort, opozita do punojë fort për të bindur qytetarë të gatshëm për sakrifica në një revoltë paqësore”
Rama gjithsesi ikën këto festa, por vetëm për pushime, Berisha i garantoi të mos kenë merak, se kthehet shpejt.
“Edhe prapa diellit të jetë do e kthejmë”
Urimi për Krishtlindje, meqë qeveria kësaj radhe nuk ra, kësmet Krishtlindjet e tjera.
“Uroj besimtarët dhe mbarë shqiptarët që Krishtlindjet e tjera t’i festojmë pa këtë kolerë të zezë që ka pllakosur vendin “
Administrata publike,shërbimet dhe pasuritë e paluajtshme duket se janë shtysa kryesore për rritjen ekonomike në periudhën korrik –shtator të këtij viti.Të dhënat zyrtare tregojnë se rritja rezultoi 3.75% e cila vlerësohet e qëndrueshme krahasuar me vendet e tjera të rajonit e Be. Sipas ministres Delina Ibrahimaj turizmi konfimohet një ndër sektorët më të rëndësishëm të ekonomisë.
Ministrja e Ekonomisë deklaroi se pritshmëritë mbeten optimiste edhe për vitin e 2026.
Gjatë vitit të ardhshëm pritet që të fokus të jetë reforma e pensioneve.
Sipas INSTAT edhe Konsumi final i popullatës, shënoi rritje në terma realë me 1,25 % ndërsa papunësia vijoi uljen duke prekur nivelin 8.1%./abcnews.al
Gjykata Supreme e Shteteve të Bashkuara ka refuzuar të martën t’i japë dritën jeshile presidentit Donald Trump për dërgimin e trupave të Gardës Kombëtare në zonën e Çikagos, duke i dhënë kështu një ndalesë të përkohshme zgjerimit të përdorimit të ushtrisë për qëllime të brendshme në qytete të drejtuara nga demokratët.
Vendimi i gjykatës lë në fuqi urdhrin e një gjyqtari federal që bllokon dislokimin e qindra trupave të Gardës Kombëtare, pas padisë së ngritur nga autoritetet e Illinois-it dhe drejtues lokalë. Departamenti amerikan i Drejtësisë kishte kërkuar që dislokimi të lejohej ndërkohë që çështja po shqyrtohej në gjykata.
“Në këtë fazë paraprake, qeveria nuk ka arritur të identifikojë një burim autoriteti që do t’i lejonte ushtrisë të zbatojë ligjet në Illinois”, thuhet në vendimin e shumicës së gjykatës, i cili është nxjerrë pa firmë. Gjykata shtoi se autoriteti i presidentit për të marrë nën kontroll federal Gardën Kombëtare ka të ngjarë të vlejë vetëm në rrethana “të jashtëzakonshme”.
Tre gjyqtarë konservatorë, Samuel Alito, Clarence Thomas dhe Neil Gorsuch, shprehën mospajtim me këtë vendim.
Nga Shtëpia e Bardhë, zëdhënësja Abigail Jackson deklaroi se Trump “u ka premtuar amerikanëve se do të punojë pa u lodhur për të zbatuar ligjet e emigracionit dhe për të mbrojtur personelin federal nga trazirat e dhunshme”, duke shtuar se vendimi “nuk e zbeh këtë axhendë thelbësore”.
Në anën tjetër, guvernatori i Illinois-it, JB Pritzker, e cilësoi vendimin si “një hap të rëndësishëm për të frenuar abuzimin e vazhdueshëm me pushtetin nga administrata Trump dhe për të ngadalësuar marshimin e tij drejt autoritarizmit”.
Ky vendim përbën një nga pengesat e rralla për administratën Trump në Gjykatën e Lartë, e cila ka një shumicë konservatore 6 me 3 dhe që, që nga rikthimi i Trump në Shtëpinë e Bardhë, ka mbështetur shpesh pretendimet e tij të gjera për autoritet presidencial.
Garda Kombëtare përbëhet nga forca militare të bazuara në shtete, që normalisht i përgjigjen guvernatorëve, përveç rasteve kur federalizohen nga presidenti.
Trump kishte urdhëruar dërgimin e trupave në Çikago, qyteti i tretë më i madh në SHBA, si dhe në Portland të Oregonit, pas dislokimeve të mëparshme në Los Angeles, Memphis dhe Uashington DC.
Çështja ka nxjerrë në pah përplasje të forta mbi natyrën e protestave kundër politikave të ashpra të emigracionit të Trump në zonën e Çikagos. Presidenti dhe aleatët e tij i kanë përshkruar qytetet e drejtuara nga demokratët si të paligjshme dhe të përfshira nga dhuna, ndërsa autoritetet lokale dhe kritikët e Trump i kanë hedhur poshtë këto pretendime, duke i cilësuar si pretekst për dërgimin e ushtrisë dhe si abuzim me pushtetin.
Gjykatësit federalë kanë shprehur skepticizëm ndaj përshkrimit dramatik të situatës nga administrata, duke theksuar se protestat kanë qenë të kufizuara, kryesisht paqësore dhe të menaxhueshme nga forcat lokale të rendit.
Proceset ligjore mbi këtë çështje pritet të vazhdojnë, ndërsa administrata Trump kërkon ende mënyra për të zgjeruar rolin e ushtrisë në zbatimin e ligjit brenda vendit.
Papa Leoni XIV u bëri thirrje të gjithë njerëzve që të paktën në ditën e Krishtlindjes, të respektohet një ditë paqeje në botë. Apeli u bë të martën, më 23 dhjetor, nga Castel Gandolfo, përpara festës së Krishtlindjes.
Ai u shpreh se një nga gjërat që e shqetësojnë më shumë këto ditë është fakti se Rusia duket se ka refuzuar kërkesën për një armëpushim për Krishtlindje.
“I bëj edhe një herë thirrje të gjithë njerëzve me vullnet të mirë: të respektohet, të paktën në ditën e lindjes së Shpëtimtarit, një ditë paqeje. Le të ketë një ditë paqeje në mbarë botën”, tha Papa.
Siç është bërë zakon, Papa ndaloi për të folur me një grup gazetarësh nga media të ndryshme dhe u përgjigj pyetjeve të tyre.
Mes çështjeve të trajtuara ishin Lindja e Mesme dhe Ukraina. Duke folur për Ukrainën, ku sulmet e shumta ruse kanë goditur disa rajone në orët e fundit, Papa Leoni tha: “Ndër gjërat që më trishtojnë shumë këto ditë është fakti se Rusia duket se ka refuzuar kërkesën për një armëpushim për Krishtlindje”.
Ai e ripërsëriti thirrjen e tij për një pushim të luftës gjatë Krishtlindjes.
“Ndoshta do të na dëgjojnë, dhe të kemi 24 orë – një ditë të plotë paqeje në mbarë botën”, tha ai.
Ai më pas ftoi të gjithë, veçanërisht gjatë kësaj periudhe të Krishtlindjes, të reflektojnë mbi natyrën e jetës njerëzore dhe mbi vlerën e jetës së njeriut.
“Zoti u bë njeri si ne për të na treguar se çfarë do të thotë të jetosh vërtet jetën njerëzore”, tha ai.
TIRANË- Policia e Tiranës ka arrestuar 22 persona, të cilët merreshin me trafikun e lëndëve narkotike.
Sipas policisë, të arrestuarit janë: Renaldo Dalipi, Engelbert Pjetri, Armandi Hajdini, Olsi Mici, Fatjon Cela (Çela), Xhon Boci, Laert Murataj, Artan Pullazi, Erald Sina, Blerim Mali, Gentjan Vercani, Valerjos Bushi, Olkid Hajdari, Dylber Alijaj, Angjelos Mema, Majdi Musa, Jurgen Hekurani, Erdison Gjella, Abdurahman Bollati, Klodian Rrucaj, Indri Nakaj dhe Genti Kraja.
Gjatë aksionit u sekuestruan 500 gramë lëndë e dyshuar narkotike Kokainë; 10 kg lëndë e dyshuar narkotike Cannabis Sativa dhe 100 doza të kësaj lënde; 5 automjete; 28 celularë; 6 peshore elektronike dhe 3 000 euro.
Më herët janë arrestuar gjatë operacioneve të mëparshme 5 shtetas ndërsa vijon puna për kapjen e 6 shtetasve të tjerë të identifikuar si pjesë e këtij grupi kriminal./abcnews.al
Presidenti francez, Emmanuel Macron, ka dënuar masat e kufizimit të vizave të vendosura nga SHBA-ja ndaj ish-komisionerit të BE-së, Thierry Breton dhe katër figurave të tjera evropiane, duke i quajtur ato akte “frikësimi dhe shtrëngimi”.
“Franca dënon masat e kufizimit të vizave nga SHBA-ja kundër Thierry Breton dhe katër figurave të tjera evropiane. Këto masa përbëjnë frikësim dhe shtrëngim që synojnë minimin e sovranitetit digjital evropian,” tha Macron në platformën sociale të kompanisë amerikane X.
Macron theksoi se rregullat digjitale të BE-së u miratuan përmes një “procesi demokratik dhe sovran” nga Parlamenti Evropian dhe Këshilli Evropian dhe ato zbatohen brenda Evropës për të siguruar konkurrencë të drejtë midis platformave digjitale.
Ai tha se rregulloret nuk shënjestrojnë asnjë vend të tretë dhe janë hartuar për të garantuar që ajo që është e paligjshme jashtë internetit është e paligjshme edhe në internet.
“Rregullat që qeverisin hapësirën digjitale të BE-së nuk kanë për qëllim të përcaktohen jashtë Evropës”, tha Macron.
Presidenti francez tha se vendi i tij do të vazhdojë të qëndrojë përkrah Komisionit Evropian dhe partnerëve evropianë për të mbrojtur sovranitetin digjital dhe autonominë rregullatore të bllokut.
Sekretari i Shtetit, Marco Rubio, tha se SHBA-ja vendosi kufizime vizash për pesë individë të akuzuar për udhëheqjen e përpjekjeve të organizuara për të detyruar platformat të censurojnë “pikëpamjet amerikane”.
Nuk përfaqësohen vetëm nga një emër. Viktor Uembanijama vërtet është një nga zbulimet më të mëdha në historinë e basketbollit amerikan, por San Antonio ofron shumë më tepër se kaq.
Skuadra që ka dalë pesë herë kampione e NBA-së me ish-trajnerin Greg Popoviç, dhe një seri legjendash, mundi thellë kampionen në fuqi, Oklahomën.
Disfata e katërt këtë sezon e Thandërsve ishte më e thella, me shifrat 130-110, dhe Uembanijama luajti vetëm 23 minuta, duke e nisur nga stoli, e duke shënuar 12 pikë, kapur 5 topa në tabela e shërbyer 3 asiste.
Nuk është pak, pasi mungoi për 12 ndeshje dhe në 6 sfidat e fundit e nisi si rezervë.
Xhonson me 25 pikë, Kastëll me 24, Barns me 20 dhe Vasëll me 17 ishin protagonistët kryesorë për Spërsat që arritën fitoren e shtatë radhazi, dhe tani u ngjitën në vendin e dytë në Konferencën Perëndimore.
Nuk është pak që e kanë mundur dy herë radhazi Oklahomën.
Kampionëve nuk u mjaftoi më I miri I NBA-së sezonin e kaluar, Shej Gilgës Aleksandër, ndonëse shënoi 33 pikë, dhe e vazhdoi serinë prej mbi 100 ndeshjesh me të paktën 20 pikë të realizuara.
Pas Egjiptit, cilësohet si kandidati kryesor për titullin. Senegali e ka fituar vetëm një herë Kupën e Kombeve të Afrikës, por forca e këtij ekipi, përbërja e tij, e bëjnë të rrezikshëm.
Të mbiquajturit “Luanët e Terrangës” e nisën edicionin me sukses duke mundur Botsvanën 3-0. Në fushë ishin portieri Mendi, kapiteni Kulibali, vëllezërit Geje, Sadio Mane dhe sulmuesi I Çelsit, Nikolas Xhekson.
Pikërisht ky I fundit, Xhekson, ishte heroi duke shënuar dy nga golat. Kjo ndodhi në 40’ dhe 58’, pra mund të thuhet se vendosi fatin e përballjes.
Golin e tretë e realizoi Sherif Ndiaje në minutën e fundit. Senegali nuk diskutoi asgjë dhe pati epërsi tepër të thellë.
E gjithë ndeshja u luajt me një portë, me 22 gjuajtje nga fituesit, nga të cilat 13 në kuadrat, ndërsa Botsvana provoi të gjuante vetëm dy herë, por nuk e gjeti asnjëherë portën.
Edhe disa nga skuadrat e tjera të njohura të kontinentit e nisën Kupën e Afrikës me fitore. Nigeria, Tunizia dhe Republika Demokratike e Kongos ia dolën që të treja.
Ishte vërtet tepër I ri. Mosha 34-vjeçare mund të jetë disi e shtyrë për futbollin, por aspak për jetën e një njeriu, veçse ndodh ndonjë fatkeqësi që e ndërpret në mes. Kjo tragjedi I ngjau futbollistit gjerman, Sebastian Hertner, i cili humbi jetën në një aksident në një teleferik në Mal të Zi.
Hertner, i cili këtë sezon luante në kategorinë e pestë gjermane për ekipin ETSV Hamburg, ndodhej si turist në veri të Malit të Zi, në Parkun e famshëm Natyror të Durmitorit.
Siç njofton e përditshmja malazeze “Vijesti”, ai humbi jetën sepse kabina e teleferikut pranë stacionit “Savin Kuk 2” ku ndodhej ai u përplas për shkak të një defekti me një kabinë tjetër që ishte bosh, dhe u këput e u rrëzua nga 70 metra lartësi.
Gruaja e tij u plagos rëndë.
Klubi amator I Hamburgut nxori shpalljen e zisë për vdekjen e kapitenit të ekipit.
Sebastian Hertner luajti 5 ndeshje për Gjermaninë U19, ishte disa herë në Bundesligën e dytë gjermane me Darmshtatin, TSV 1860 Mynihun dhe ekipin tjetër, Ercgebirge Aue.
Gjykata e Shkallës së Parë në Shkodër ka caktuar masën e sigurisë “arrest me burg” për Vasel Koçekun 43 vjeç dhe Klaudio Lisajn 20 vjeç, të dyshuar si autorë të vrasjes së 20-vjeçarit Pavlin Preka.
Ngjarje kjo e ndodhur më 20 shkurt të këtij viti në zonën e Gucisë së Re, njësia administrative Rrethina.
Vendimi u dha pas kërkesës së Prokurorisë së Shkodrës për dy të dyshuarit në krimin e rëndë.
Prokurori Albert Murçaj, drejtues i Prokurorisë së Shkodrës, kërkoi masën më të rëndë të sigurisë, duke theksuar se ekzistojnë përgjime ambientale, një pjesë e të cilave vijojnë të jenë sekret hetimor, dhe që sipas tij përbëjnë bazë të fortë për dyshimet ndaj tyre.
Nga ana tjetër, avokatët mbrojtës Arbër Raja dhe Blerim Bazhdari kërkuan që ndaj Koçekut dhe Lisajt të mos vendosej asnjë masë sigurie, duke argumentuar se mungojnë prova konkrete që i lidhin drejtpërdrejt me vrasjen e Pavlin Prekës.
Të dy të dyshuarit kanë mohuar në mënyrë të përsëritur autorësinë e krimit, si gjatë marrjes në pyetje nga policia, ashtu edhe gjatë seancës gjyqësore për caktimin e masës së sigurisë.
Ata kanë deklaruar se nuk kanë qenë në vendin e ngjarjes dhe se nuk kanë asnjë lidhje me vrasjen. Mohime të njëjta janë bërë edhe në ditët e para pas krimit kur policia i mori në pyetje këta dy shtetas, por edhe tani, rreth 10 muaj pas ngjarjes. Koçeku dhe Lisaj dyshohen për veprat penale “Vrasja me paramendim e kryer në bashkëpunim” dhe “Mbajtja pa leje dhe prodhimi i armëve, armëve shpërthyese dhe municionit”. Ata u arrestuan në kuadër të operacionit policor të koduar “Pesha e Krimit”.
Por cila është historia e kësaj ngjarje.
Sipas burimeve hetimore, vrasja dyshohet se ka si motiv një konflikt të gjatë që lidhet me dëshirën e viktimës për t’u fejuar me vajzën e Vasel Koçekut, e cila aktualisht është 16 vjeçe.
Historia, sipas hetimeve, nis rreth tre vite më parë, kur Pavlin Preka i kishte kërkuar dorën për fejesë familjes Koçeku. Në atë kohë, vajza ishte vetëm 13 vjeçe, ndërsa Preka 17 vjeç. Kërkesa ishte refuzuar menjëherë nga babai i saj, Vasel Koçeku duke i thënë se nuk kam vajzë për të dhënë sepse është shumë e vogël.
Megjithatë, sipas burimeve, gjatë viteve në vijim Preka ka vijuar të shfaqë interes dhe këmbëngulje për vajzën, duke shprehur ndjenjat e tij edhe tek persona të tjerë.
Familja Koçeku nuk e ka pranuar kurrë këtë kërkesë, duke e konsideruar të papranueshme për shkak të moshës së mitur të vajzës ndërsa disa herë i kanë shkuar fjalë se çfarë thoshte viktima.
Sipas hetimeve dyshohet se mëngjesin e 20 shkurtit, Klaudio Lisaj, i njohur i viktimës dhe i familjes Koçeku, e ka nxjerrë Pavlin Prekën nga banesa e tij në Guci të Re. Më pas, sipas dyshimeve të prokurorisë, Vasel Koçeku e ka qëlluar me armë zjarri, duke i shkaktuar vdekjen e menjëhershme.
Trupi i pajetë i 20-vjeçarit u gjet disa orë më vonë nga familjarët, pasi ai nuk u përgjigjej thirrjeve telefonike. Pas ngjarjes, xhaxhai i viktimës deklaroi publikisht se Pavlin Preka nuk kishte konflikte të njohura, duke theksuar se i riu jetonte mes Shkodrës dhe Dukagjinit.
Megjithëse të dy të arrestuarit vijojnë të mohojnë çdo përfshirje, gjykata, me vendim të gjyqtares Tefta Xhanari, vendosi lënien e tyre në qelinë e paraburgimit. Ndërkohë, hetimet për vrasjen e Pavlin Prekës vijojnë, me qëllim zbardhjen e plotë të rrethanave dhe motiveve të kësaj ngjarjeje të rëndë që tronditi Shkodrën 10 muaj më parë.
Nuk është vendas, nuk luan për një klub të madh të elitës, dhe kjo padyshim që ndikon. Edhe pse Mirlind Daku është një nga kandidatët më të fortë për Këpucën e Artë në Premier Ligën e Rusisë, ai nuk arriti më shumë se vendi I gjashtë në anketën e së përditshmes “Sport Ekspres” për Futbollistin e vitit në vendin e madh euroaziatik.
Sulmuesi I kombëtares shqiptare, autor i 9 golave në 16 ndeshje në kampionat, mori 28 pikë në votimin ku merrnin pjesë gazetarët, trajnerët dhe menaxherët e futbollit.
Lojtari I vitit në Rusi u zgjodh ylli i ri i Lokomotivës moskovite, Aleksei Batrakov, që mori 243 pikë.
Gjithsesi, Daku pati sukses sepse la pas emra të njohur në futbollin rus, ndërsa votimi përfshinte edhe ata që luajnë jashtë vendit.
Ylli I Monakos, Golovin, dhe portieri i Paris SG, Safonov, që u bë hero në finalen e Kupës Interkontinentale duke pritur 4 penallti, morën më pak pikë sesa shqiptari I Kosovës.
Sulmuesi Xhon Kordoba I kampiones Krasnodar, që ka shënuar një gol më pak sesa ai, u rendit në vend të tretë, ndërsa është I vetmi që mund të krahasohet me ritmin e rrjetave të Dakut, që kur ky mbërriti në Premier Ligën e Rusisë, duke shënuar vetëm një më shumë se Mirlindi.
Kishte arritur deri në kombëtaren e vendit të tij. Norvegjia është ekipi përfaqësues më i mirë në botë në ski nordike, dhe pra Sivert Gutorm Baker ishte një nga liderët e tij.
Për fat të keq, ne nuk do ta shohim më në pistat dhe shtigjet e bardha, pasi atë e rrëmbeu vdekja e parakohshme.
Në moshën 27-vjeçare, skiatori norvegjez u gjet I vdekur në një dhomë hoteli në Trentino të Italisë.
Komiteti Olimpik Ndërkombëtar shkruan se Baker ndodhej në Veriun italian për seanca stërvitore, ndërsa e përditshmja kryesore sportive në Apenine, “La Gazeta delo Sport” thekson se ai ishte për pushime dhe se vdekja erdhi për shkak të sëmundjes.
Nuk sqarohet për momentin me hollësi sëmundja, ndonëse karriera e Bakerit u ndërpre një herë për dy vjet për shkak të problemeve në zemër, për shkak të perikarditit, pra qeses që mbështjell zemrën.
Norvegjezi shkëlqeu në 2021-2022 në Kupën e Botës në Biatlon, pra që kombinon skijimin nordik me qitjen, një garë klasike.
Skiatori u kthye në konkurrim që në 2024, dhe mori pjesë në disa gara në 2025.
Dëshira dhe objektivi I tij ishte që të merrte pjesë në Lojrat Olimpike Dimërore në shkurt të vitit të ardhshëm, por kjo ëndërr u ndërpre në mes.
Të ardhmen e ka të gjithën përpara dhe duket se do ta ketë të ndritshme. Kombëtarja shqiptare ka gjetur një mesfushor I cili në krah të Kristian Asllanit dhe Juljan Shehut do të krijojë një repart të hekur, ndërsa shpërblimi për formën e këtij sezoni I erdhi edhe në tregun e futbollit.
Medon Berisha sot vlen nga ana profesionale 6 milionë euro, ky është përcaktimi më I fundit I bërë nga agjencia e specializuar gjermane, “transfermarkt”.
Flitet për një rritje katër fish në krahasim me vlerën e fundit që “transfermarkt” dha për të në qershor të këtij viti.
E gjitha kjo në vetëm 6 muaj.
Natyrisht, çdo sukses e ka një arsye apo edhe më shumë, dhe për Berishën ndikoi forma shumë e mirë në fushat e Serisë A, duke u kthyer në një nga lojtarët kyç të Leçes.
Në 13 paraqitje gjithsej këtë sezon, ka dy gola dhe tre asiste, ndërsa është shpallur tri herë lojtari më I mirë I ndeshjes.
Në 80 për qind të sfidave ka qenë titullar, ndërsa është kursyer disi për minutazhin duke luajtur 65 për qind të kohës, për të mos rrezikuar ndonjë dëmtim.
Në krah të Berishës tek Leçe është edhe Ylber Ramadani, futbollisti tjetër I mesfushës së Shqipërisë.
Falë edhe kontributit të tyre, puljezët e kanë marrë veten dhe ndodhen në vendin e 14-të në Serinë A mes 20 ekipeve, për momentin 4 pikë mbi zonën që të zbret në Serinë B
Nuk është trofeu kryesor I sezonit. Gjithsesi, ky Arsenal dalë nga dalë po kthehet në skuadrën që kërkon të fitojë gjithçka në futbollin anglez, ndonëse më kryesorin, titullin, nuk e zotëron prej më shumë se 20 vitesh.
“Topçinjtë” patën një provë shumë të vështirë në çerekfinalen e Kupës së Ligës, në një derbi të vogël ndaj Kristël Palasit.
Edhe pse u luajt në stadiumin e tyre, “Emirejts”, në prani të mbi 61 000 tifozëve, pavarësisht epërsisë së plotë, sërish dueli u kthye në mallkim.
Raste të shumta u humbën, edhe pse Martineli dhe Madueke ishin fluturues nga krahët.
Edhe atëherë kur u duk se ishte fituar, doli një mirazh.
Lakrua shkaktoi autogol, dhjetë minuta para fundit, dhe Arsenali kryesoi, veçse thellë në kohën shtesë, në minutën e pestë të saj, Palas papritur barazoi.
Autori I golit ishte ylli I kombëtares së Anglisë, Mark Geji. Seria e penalltive në “Emirejts” ishte e gjatë, dhe 15 të tilla u ekzekutuan saktë.
Në njëmbëdhjetë metërshin e 16-të doli në skenë portieri spanjoll Kepa Arrizabalaga, I cili I priti penalltinë pikërisht Lakruasë, që pati një mbrëmje për t’u harruar bashkë me autogolin.
Në gjysmëfinale të Kupës së Ligës, Arsenali do të ketë derbin e madh ndaj Çelsit, ndërsa kryeson në Premier Ligë dhe në Champions
Dy persona kanë humbur jetën dhe disa të tjerë rezultojnë të zhdukur pas një zjarri që përfshiu azilin e pleqve në Qendrën e Shëndetit dhe Rehabilitimit në Bristol, pranë Filadelfias, Pensilvani.
“Kemi të paktën dy humbje jete. E dimë që një numër njerëzish mbeten të zhdukur”, tha guvernatori Josh Shapiro gjatë një konference për shtyp.
Shefi i zjarrfikësve në Bristol, tha se të paktën pesë persona rezultojnë të zhdukur.
Multiple people were injured, and others were feared missing after an explosion at a nursing home in Pennsylvania on Tuesday. Footage shows major structural damage and a large fire burning at the Silver Lake Nursing Home in Bristol Township.
Search-and-rescue efforts are… pic.twitter.com/jcbx0yw1MJ
— CBS News (@CBSNews) December 24, 2025
Login