Dy ish-emisarë të Bashkimit Evropian për dialogun Kosovë-Serbi, Federica Mogherini dhe Miroslav Lajčak, janë përfshirë në dy skandale të ndara, të cilat kanë tërhequr vëmendjen e mediave ndërkombëtare.

Federica Mogherini, ish-Përfaqësuese e Lartë e BE-së për Punët e Jashtme dhe Politikën e Sigurisë (2014–2019), u arrestua në dhjetor të vitit 2025 gjatë një bastisjeje policore si pjesë e një hetimi për një skemë të dyshuar mashtrimi, e cila lidhet me trajnimin e diplomatëve evropianë.

Mogherini, aktualisht drejtuese e kolegjit pasuniversitar “College of Europe”, u arrestua në Bruksel bashkë me zëvendësshefin e shkollës së trajnimit dhe Stefano Sanninon, ish-sekretar të përgjithshëm të Shërbimit Diplomatik të Bashkimit Evropian (EEAS) nga viti 2021 deri në vitin 2024.

Bastisja përfshiu jo vetëm ambientet e kolegjit, por edhe zyrat e shërbimit diplomatik të EEAS-it, duke nxitur spekulime për përfshirjen e zyrtarëve të lartë evropianë në një skemë financiare të dyshuar që lidhej me fondet për trajnime diplomatike.

Gjatë mandatit të saj si Përfaqësuese e Lartë, Mogherini kishte ndërmjetësuar dialogun midis Kosovës dhe Serbisë, një proces kyç për stabilitetin rajonal dhe avancimin euro-atlantik të Ballkanit Perëndimor.

Emërimi i saj në këtë post e vendosi atë në qendër të politikës ndërkombëtare, ndërsa arrestimi i mëvonshëm hedh një hijë mbi reputacionin e figurave të larta të diplomacisë evropiane.

Ndërkaq, ish-emisari tjetër i BE-së për dialogun Kosovë-Serbi, Miroslav Lajčak, përfundoi mandatin e tij katërvjeçar si dërguar i posaçëm për dialogun në fund të gushtit të vitit 2025.

Pas përfundimit të detyrës, ai u emërua këshilltar i sigurisë kombëtare i kryeministrit të Sllovakisë, por u detyrua të japë dorëheqje pas publikimit të dokumenteve nga SHBA-të që zbardhnin shkëmbime mesazhesh të tij rreth vajzave dhe diplomacisë me Jeffrey Epstein, person i njohur për aktivitetet e tij kriminale dhe skandalet ndërkombëtare.

Lajčak ka pranuar publikisht se mesazhet tregojnë gjykim të dobët dhe komunikim të papërshtatshëm, duke i përshkruar ato si “ego mashkullore budallaqe”. Ai ka shtuar se nuk i konsideron ato si akt kriminal, por si mungesë të vlerësimit etik dhe profesional.

Lajčak ka shpjeguar se në vitin 2017 mbërriti në Nju Jork për një post njëvjeçar në Kombet e Bashkuara dhe u prezantua me Epstein nga një diplomat i huaj, duke theksuar se takimi ishte pjesë e krijimit të kontakteve diplomatike, një element i zakonshëm në karrierën e tij.

Lidhur me përfshirjen e Lajčakut në skandalin Epstein, Bashkimi Evropian ka reaguar duke theksuar se kjo nuk e komprometon procesin e normalizimit të marrëdhënieve mes Kosovës dhe Serbisë, të cilin ai e ndërmjetësoi për pesë vjet.

“Kur bëhet fjalë për dialogun si të tillë, ai mbetet i paprekur nga zhvillime të tilla. Dialogu është një proces i qëndrueshëm që nga viti 2011, i cili është në pronësi të palëve dhe udhëhiqet nga Përfaqësuesi i Lartë. Gjithashtu, dialogu mbikeqyret vazhdimisht nga shtetet anëtare”, tha Anitta Hipper, zëdhënëse e BE-së.

Ndërsa hetimet për Mogherinin dhe bashkëpunëtorët e saj vazhdojnë në Belgjikë, ndikimi i Lajčak në skandalin me Epstein është bërë objekt i kritikave ndërkombëtare, duke pasqyruar sfidat që lidhen me transparencën dhe përgjegjësinë e diplomacisë evropiane.

Pos Mogherinit dhe Lajčakut, edhe ish-sekretari i Përgjithshëm i Këshillit të Evropës, Thorbjørn Jagland, i njohur për deklaratat e tij të ashpra ndaj Kosovës, është përfshirë së fundmi në dokumentet e publikuara që lidhen me financierin e dënuar për krime seksuale, Jeffrey Epstein.

Në vitin 2004, Jagland kishte deklaruar se mafia kishte marrë nën kontroll një pjesë të madhe të qeverisjes së Kosovës, duke thënë se “Kosova prodhon pak gjëra të tjera përveç krimit”.

Ai shtoi: “Kur dihet se Afganistani prodhon 75 për qind të opiumit në botë dhe se pjesa më e madhe e tij kalon përmes Kosovës, ka arsye serioze për të dhënë alarmin”.

Në vitin 2010, Jagland kishte kërkuar një hetim më të thellë lidhur me akuzat se kryeministri i atëhershëm i Kosovës, Hashim Thaçi, ishte i përfshirë edhe në trafikim të paligjshëm të organeve.

Ai kishte deklaruar: “I kam lexuar akuzat për trajtim çnjerëzor të njerëzve dhe trafikim të paligjshëm të organeve njerëzore në Kosovë. Raporti përmban shumë akuza serioze dhe kam frikë nga pasojat që mund të sjellë”.

Ndërkohë, emri i Jaglandit është përmendur në dokumentet e lidhura me Jeffrey Epsteinin, ku në një shkëmbim emailesh të publikuara del se ai dhe familja e tij kishin plane për një udhëtim në ishullin privat të Epsteinit, pranë “Virgin Islands” në Detin Karaibe, gjashtë vjet pasi Epstein ishte dënuar për tentim të blerjes së shërbimeve seksuale nga të mitur.

Sinjali – aty ku e vërteta flet para lajmit!

/GazetaSinjali/

The post Dy ish-emisarë të BE-së për dialogun Kosovë-Serbi të përfshirë në “skandale ndërkombëtare” appeared first on Sinjali.

Korporata Energjetike e Kosovës (KEK) ka bërë të ditur se që nga 19 dhjetori është duke operuar në një regjim të jashtëzakonshëm të prodhimit të energjisë elektrike, duke mbajtur tri blloqe të Termocentralit Kosova A në punë paralelisht për plot 31 ditë.

Sipas të dhënave të KEK-ut, operimi me tri njësi të Kosovës A është realizuar në periudha të ndryshme gjatë muajve dhjetor, janar dhe fillimit të shkurtit. Gjatë muajit dhjetor janë regjistruar 9 ditë operim paralel, ndërsa në janar ky regjim është mbajtur për 20 ditë, përfshirë periudhat 1–7 janar, 15–16 janar dhe 21–31 janar. Edhe në fillim të shkurtit, më 1 dhe 2 shkurt, tri njësitë kanë qenë në punë njëkohësisht, duke e çuar totalin në 31 ditë.

“Ky nivel operimi përfaqëson një ngarkesë të jashtëzakonshme teknike dhe njerëzore për termocentralin më të vjetër në vend”, thuhet në reagimin e Korporatës në Facebook.

KEK-u thekson se standardi operativ që nga paslufta ka qenë funksionimi me katër njësi gjeneruese – dy nga Kosova A dhe dy nga Kosova B – ndërsa një njësi tjetër ka shërbyer gjithmonë si rezervë e nxehtë për siguri të sistemit dhe reagim emergjent.

Megjithatë, për shkak të rritjes së konsumit dhe nevojës për garantim të sigurisë energjetike, nga 19 dhjetori KEK-u ka kaluar në një gjendje të jashtëzakonshme, duke arritur të operojë me pesë njësi gjeneruese njëkohësisht për rreth 30 ditë. Ky operim ka përfshirë tri njësi nga Kosova A dhe dy nga Kosova B, duke tejkaluar standardin normal të punës.

Një regjim i tillë, sipas KEK-ut, ka kërkuar angazhim maksimal teknik, mirëmbajtje të përshpejtuar dhe mobilizim të vazhdueshëm të stafit.

Në njoftim bëhet e ditur se njësia A5 pritet të rikthehet në operim brenda disa ditësh, duke iu bashkuar katër njësive aktuale gjeneruese. Kjo do të mundësojë vazhdimin e operimit të jashtëzakonshëm me pesë njësi aktive, në funksion të stabilitetit të furnizimit me energji elektrike në vend.

KEK-u vlerëson se ky regjim operimi nuk është thjesht statistikë teknike, por rezultat i punës së pandërprerë të rreth 4 mijë punonjësve, të cilët po punojnë në kushte të ngarkesës maksimale për të mbajtur në funksion kapacitete të vjetra, por jetike për vendin.

Gjatë muajve të fundit, Kosova është përballur me reduktime të shpeshta të energjisë, ndërsa së fundmi KESCO ka kërkuar nga ZRRE-ja të rritet çmimi i rrymës për 21 për qind.

Sinjali – aty ku e vërteta flet para lajmit!

/GazetaSinjali/

The post Blloku A5 jashtë funksionit që nga mbrëmë, KEK: Pritet të rikthehet në operim brenda disa ditëve appeared first on Sinjali.

ChatGPT aktualisht po përjeton një ndërprerje të konsiderueshme, duke lënë mijëra përdorues, përfshirë edhe në Kosovë, të mos kenë qasje në inteligjencën artificiale në të gjitha platformat.

Sipas të dhënave të gjurmimit nga Down Detector, problemet filluan të shfaqen rreth orës 3:00 pasdite ET.

“Ne kemi identifikuar problemin, kemi zbatuar masat e nevojshme zbutëse dhe po monitorojmë rikuperimin. Ne kemi identifikuar se përdoruesit po përjetojnë gabime të shumta gjatë marrjes së shërbimeve”, thuhet në njoftimin e ChatGPT.

Ndryshe, shkalla e problemit u përshkallëzua me shpejtësi, ku problemet e raportuara u rritën në mbi 10 mijë raste brenda vetëm pesëmbëdhjetë minutash.

GPT-4 është versioni më i avancuar deri më sot i inteligjencës artificiale. Ai ka rezultuar i aftë për të realizuar një gamë të gjerë funksionesh.

Sinjali – aty ku e vërteta flet para lajmit!

/GazetaSinjali/

The post Bie ChatGPT appeared first on Sinjali.

Reshjet rekord të borës në Japoni kanë shkaktuar të paktën 30 viktima në dy javët e fundit. Mes tyre është edhe një grua 91-vjeçare, e gjetur e varrosur nën tre metra borë pranë banesës së saj. Situata e rëndë ka detyruar qeverinë japoneze të ndërhyjë me masa emergjente.

Sipas televizionit kombëtar NHK, janë angazhuar edhe trupat ushtarake për të ndihmuar zonat më të prekura. Autoritetet u kanë bërë thirrje qytetarëve të tregojnë kujdes të shtuar. Rreziku nga orteqet dhe nga bora që bie nga çatitë mbetet i lartë.

Paralajmërime janë dhënë edhe për ndërprerje të mundshme të energjisë elektrike. Në qytetin verior Aomori, trashësia e borës ka arritur në 175 centimetra. Kjo shifër është më shumë se dyfishi i mesatares për këtë periudhë të vitit.

Guvernatori i Aomorit ka kërkuar ndihmë nga ushtria, veçanërisht për të moshuarit që jetojnë vetëm. Në disa zona të tjera është thyer edhe rekordi 40-vjeçar i reshjeve të bores, me trashësine e dëborës që I ka kaluar 135 cm. Sipas autoriteteve, reshjet ekstreme lidhen me një masë ajri shumë të ftohtë nga Arktiku që ka mbërthyer Japoninë prej disa ditësh.

Sinjali – aty ku e vërteta flet para lajmit!

/GazetaSinjali/

The post Reshje rekord bore në Japoni, autoritetet paralajmërojnë për rreziqe në zonat e prekura appeared first on Sinjali.

Të shikosh një telefon pranë një fëmije natën nuk është vetëm një “zakon i vogël”.

Drita e kaltër e emetuar nga ekranet e telefonave pengon sekretimin e melatoninës.

Melatonina nuk është vetëm një hormon gjumi; është gjithashtu një parakusht për çlirimin e shëndetshëm të hormoneve të rritjes.

Nëse një fëmijë nuk mund të hyjë në gjumë të thellë, hormoni i rritjes – i cili duhet të sekretohet intensivisht gjatë 2-3 orëve të para të gjumit – nuk mund të çlirohet mjaftueshëm.

Me kalimin e kohës, kjo pengon potencialin e rritjes së fëmijës. Ky efekt nuk shfaqet brenda natës; bëhet klinikisht i rëndësishëm kur përsëritet çdo natë gjatë muajve dhe viteve.

Mendimi, “Po shikoj telefonin tim ndërsa fëmija fle”, është i pasaktë.

Një ekran që vepron në errësirë është një stimul i perceptuar edhe përmes qepallave të mbyllura. Për trurin, është ende “gjatë ditës”.

Grupet me Rrezik më të Lartë:

Fëmijët e moshës 0-6 vjeç

Adoleshentët

Kjo nuk është një kritikë ndaj prindërimit; janë të dhëna nga fiziologjia e gjumit dhe endokrinologjia pediatrike.

Rritja e gjatësisë varet nga modelet e gjumit aq sa edhe nga gjenetika. Si t’i mbroni:

Mos përdorni telefon në errësirë pranë fëmijës.

Hiqni dorë nga zakoni i fikjes së dritave dhe pastaj “thjesht kontrollit” të telefonit tuaj.

Në vend që të pyesni “A po rrinë të qetë?”, pyetni “A po flenë thellë”.

Rritja nuk ndodh vetëm në kocka; ajo ndodh në errësirën e natës dhe gjatë gjumit të thellë. Gjumi i sotëm i ndërprerë nga një ekran do t’u kushtojë centimetra nesër.

Sinjali – aty ku e vërteta flet para lajmit!

/GazetaSinjali/

The post Çka i ndodhë fëmijës tuaj derisa është duke fjetur nëse pranë tij mbani të ndezur telefonin? appeared first on Sinjali.

Presidenti i Ukrainës, Volodymyr Zelensky, tha të martën se vendi i tij është duke e pritur reagimin e Shteteve të Bashkuara për sulmet ruse të natës së kaluar ndaj qyteteve ukrainase, kur u shkaktuan dëme të reja ndaj infrastrukturës së energjisë.

“Ne presim një përgjigje nga Shtetet e Bashkuara ndaj sulmeve ruse. Ishte propozim i Amerikës që të ndaleshin sulmet ndaj infrastrukturës energjetike gjatë përpjekjeve diplomatike dhe periudhës së ftohtë të dimrit” – tha Zelensky në video-adresimin tradicional të mbrëmjes, raporton agjencia e lajmeve “Reuters”.

Zelensky tha se është pritur nga Ukraina që të bëjë koncesione, por i përket gjithashtu edhe Rusisë që të bëjë lëshime, kryesisht “që ta ndalë agresionin”.

Zëdhënësja e Shtëpisë së Bardhë, Karoline Leavitt, u tha gazetarëve se presidenti Donald Trump nuk është i befasuar nga sulmi më i ri i Rusisë ndaj Ukrainës.

Këtë javë pritet të rinisin bisedimet mes Rusisë e Ukrainës në Emiratetet e Bashkuara, me ndërmjetësimin e Uashingtonit. Ato fillimisht ishin planifikuar të mbaheshin në fundjavën që shkoi, por ishin shtyrë.

Sinjali – aty ku e vërteta flet para lajmit!

/GazetaSinjali/

The post Zelensky: Ukraina pret reagimin e ShBA-ve pas sulmeve ruse të natës appeared first on Sinjali.

Gazetari gjerman Michael Martens ka njoftuar se ka realizuar një intervistë me ish-presidentin e Kosovës, Hashim Thaçi, e cila ende nuk është publikuar.

Këtë e ka konfirmuar ai përmes një bashkëbisedimi në komente në platformën X.

Në njoftimin e tij, Martens përmend edhe kryeministrin në detyrë, Albin Kurti, presidenten Vjosa Osmani, si dhe presidentin amerikan Donald Trump, por pa dhënë më shumë detaje.

Gazetari gjerman edhe më herët ka folur për gjykimin në Hagë ndaj ish-krerëve të UÇK-së.

“Gjyqi i fundit i madh për krime lufte në Ballkan po i afrohet fundit. Argumentet përmbyllëse në çështjen kundër ish-udhëheqësit të guerilëve (dhe më vonë president i Kosovës së pavarur), Hashim Thaçi, janë paraparë të mbahen më 9–13 shkurt 2026. Cilido qoftë aktgjykimi, ai do të prekë edhe NATO-n”, kishte shkruar Martens.

Sinjali – aty ku e vërteta flet para lajmit!

/GazetaSinjali/

The post Thaçi intervistohet nga gazetari gjerman, Michael Martens appeared first on Sinjali.

Stenaldo dhe Rogerti kanë qenë protagonistë të një përplasjeje të ashpër, e cila u shoqërua me tensione të forta mes tyre.

Situata u përshkallëzua edhe më tej në momentin kur Rogerti përdori një ofendim të rëndë në drejtim të Stenaldos.

“Të ka nem [mallkuar] Zoti”, dëgjohet duke i thënë ai, sipas një videoje që është shpërndarë gjerësisht në rrjetet sociale dhe ka ngjallur reagime të shumta nga publiku.

Ende nuk është e qartë në çfarë konteksti është përdorur kjo shprehje, ndërsa mbetet për t’u parë nëse deklarata e tij do të sqarohet apo do të pasohet nga një reagim tjetër në vijim.

Pas kësaj, ishte Stenaldo ai që reagoi, duke i kërkuar Rogertit të tregonte kujdes me fjalët dhe mënyrën e komunikimit, duke tentuar të vendoste kufij në debatin mes tyre.

@.ak647 #bigbrothervipalbania #viral_video #brikena #mateo ♬ tingulli origjinal –

Sinjali – aty ku e vërteta flet para lajmit!

/GazetaSinjali/

The post Rogerti ofendon rëndë Stenaldon: Të ka mallkuar Zoti appeared first on Sinjali.

Kryeministri në detyrë, Albin Kurti, ka pritur në takim ambasadorin e Republikës së Turqisë në Kosovë, Sabri Tunç Angılı, me të cilin ka diskutuar për bashkëpunimin dypalësh në fushën e sigurisë dhe mbrojtjes, rolin e Turqisë në misionin e KFOR-it, si dhe për mundësitë e përforcimit të marrëdhënieve ekonomike.

Në njoftimin e Zyrës së Kryeministrit thuhet se Kurti ka vlerësuar bashkëpunimin e deritanishëm ndërmjet dy vendeve, me theks të veçantë në fushën e sigurisë dhe mbrojtjes, si dhe rolin e rëndësishëm të Turqisë në misionin e NATO-s në Kosovë, përfshirë edhe komandën e KFOR-it.

“Ai theksoi se ky bashkëpunim në fushën e mbrojtjes do të vazhdojë edhe në të ardhmen dhe falënderoi ambasadorin Angılı dhe Republikën e Turqisë për gatishmërinë dhe partneritetin”, thuhet në njoftim.

Gjatë takimit u diskutua edhe për raportet ekonomike dhe tregtare ndërmjet Kosovës dhe Turqisë. Në këtë kuadër, u trajtua mundësia e organizimit të një forumi të biznesit në Prishtinë, pas forumit të parë që ishte mbajtur në Stamboll në qershor të vitit 2024.

Ambasadori Angılı e uroi kryeministrin Kurti për fitoren në zgjedhjet e 28 dhjetorit 2025, ndërsa Kurti e falënderoi për takimin dhe komunikimin e vazhdueshëm, si dhe për ftesën e Republikës së Turqisë për pjesëmarrje në Forumin Diplomatik në Antalia.

Sinjali – aty ku e vërteta flet para lajmit!

/GazetaSinjali/

The post Ambasadori turk uron Kurtin për fitoren në zgjedhjet e 28 dhjetorit, në takim flasin edhe për sigurinë appeared first on Sinjali.

Saif al-Islam Gaddafi, djali i ish-udhëheqësit të Libisë, kolonel Muammar Gaddafi, raportohet se është vrarë.

Vdekja e 53-vjeçarit, i cili për një kohë të gjatë shihej gjerësisht si pasardhësi i mundshëm i babait të tij, u raportua të martën nga kreu i ekipit të tij politik, sipas Agjencisë Libiane të Lajmeve.

Motra e tij i tha televizionit libian se ai kishte vdekur pranë kufirit të vendit me Algjerinë, pa konfirmuar mënyrën se si kishte ndodhur vdekja, raporton BBC, transmeton Sinjali.

Ende mbetet e paqartë se si ka vdekur, ndërsa në mediat libiane po qarkullojnë raportime kontradiktore. Saif al-Islam Gaddafi për një kohë të gjatë është konsideruar si figura më me ndikim dhe më e frikshme në vend pas babait të tij, i cili sundoi Libinë nga viti 1969 deri sa u rrëzua dhe u vra gjatë një kryengritjeje në vitin 2011.

I lindur në vitin 1972, ai luajti një rol kyç në afrimin e Libisë me Perëndimin nga viti 2000 deri në shembjen e regjimit të Gaddafit.

Pas rrëzimit të babait të tij, Saif al-Islam Gaddafi – i cili akuzohej se kishte një rol kyç në shtypjen brutale të protestave kundër qeverisë – u burgos nga një milici rivale në qytetin Zintan për gati gjashtë vjet.

Gjykata Ndërkombëtare Penale kishte kërkuar që ai të dilte në gjyq për krime kundër njerëzimit për rolin e tij të dyshuar në shtypjen e protestave opozitare në vitin 2011.

Sinjali – aty ku e vërteta flet para lajmit!

/GazetaSinjali/

The post Vritet djali i ish-liderit libian Muammar Gaddafi appeared first on Sinjali.

Arsenal dhe Chelsea barazuan 0-0 në ndeshjen e dytë gjysmëfinale të Carabao Cup, të zhvilluar në një atmosferë të tensionuar dhe me shumë duele fizike, por ishin “Topçinjtë” ata që festuan në fund, falë fitores 3-2 nga ndeshja e parë, duke kaluar kështu në finale.

Takimi nisi me kujdes nga të dyja skuadrat, me Arsenalin që administroi avantazhin e krijuar në përballjen e parë, ndërsa Chelsea kërkoi hapësira për të rihapur kualifikimin.

Rasti më i mirë i pjesës së parë erdhi në minutën e 18-të, kur Piero Hincapié provoi nga distanca, por portieri Robert Sánchez reagoi sigurt.

Pjesa e dytë solli më shumë intensitet dhe ndërhyrje të ashpra. Momenti më i diskutueshëm i ndeshjes erdhi në minutën e 84-të, kur Gabriel Martinelli u rrëzua në zonë pas një kontakti me mbrojtjen e Chelseat.

Fillimisht gjyqtari nuk sinjalizoi penallti, ndërsa pas rishikimit me VAR, vendimi i tij u konfirmua, duke shkaktuar reagime në tribuna.

Të dy trajnerët tentuan të ndryshojnë rrjedhën e lojës me zëvendësime, por rezultati mbeti i pandryshuar deri në vërshëllimën finale.

Barazimi pa gola i mjaftoi Arsenalit për të siguruar kalimin tutje, ndërsa Chelsea mbetet jashtë finales, pavarësisht përpjekjeve në ndeshjen e kthimit.

Arsenal tani pret në finale fituesin e ndeshjes Newcastle - Man City, me qytetarët që janë më të avantazhuar fal fitore 2-0 në ndeshjen e parë. /Telegrafi/

Një televotim është hapur gjatë ditës së sotme, pas një vendimi të marrë nga Vëllai i Madh. Si pasojë, grupi i Gretës është dërguar në nominim.

Ky grup përfshin banorët: Baby G, Artanin, DJ Gimbon, Inën, Stelinën, Artanin dhe Krusitën.

Vendimi erdhi pasi grupi nuk respektoi udhëzimet e Vëllait të Madh për zhvillimin e provave të vallëzimit, duke ndikuar në penalizimin e gjithë grupit.

Sidoqoftë, këtij nominimi [jashtë grupit] iu është bashkuar edhe Stenaldo, si pasojë e sjelljes që pati ndaj Rogertit, pas ofendimeve të rënda që ky i fundit i drejtoi gjatë ditës së sotme.

Situata mes dy banorëve krijoi tension të lartë brenda shtëpisë.

Sipas njoftimit të bërë nga moderatori Ledion Liço, njëri prej këtyre banorëve do të largohet nga shtëpia që sonte, në bazë të votave të publikut. Televotimi mbetet i hapur dhe pritet të sjellë një tjetër vendim të fortë nga publiku.

Profesori nga Kosova në elitën botërore të mjekësisë estetike, mes mbi 22 mijë ekspertëve

Kongresi ndërkombëtar IMCAS 2026, i cili mbahet çdo vit në Paris, këtë vit priti mbi 22.000 pjesëmarrës të fushës nga e gjithë bota. Këtë radhë, për herë të parë, një profesionist nga Kosova, Prof. Ligj. Krenar Dobroshi, pati kënaqësinë të prezantojë në mesin e ekspertëve ndërkombëtarë, në sallat e mëdha të Kongresit.

Kongresi më i madh në botë, IMCAS në Paris, prej vitesh mbledh më të mirët e fushës së estetikës, dermatologjisë dhe kirurgjisë plastike në botë dhe u jep atyre mundësinë të prezantojnë punimet apo protokollet e avancuara. Me mbi 25.000 tema të ndryshme të dërguara dhe vetëm 1.100 të pranuara, Prof. Ligj. Krenar Dobroshi ishte në mesin e atyre të përzgjedhurve të paktë që prezantuan në këtë kongres madhështor.

“Me plis në Paris”, thekson ai, kënaqësi të prezantohet Kosova në mesin e shumë shteteve pjesëmarrëse. I vetmi nga Kosova, profesori prezantoi temën: ADN-ja e salmonit (PDRN): gjerësisht e përdorur, por dobët e dëshmuar?

Kjo temë mjaft aktuale nëpër botë trajton faktin se shumë nga përdoruesit nuk kanë njohuri të mjaftueshme rreth sigurisë dhe aplikimit të këtij produkti.

Me hulumtim të gjerë të literaturës aktuale, Prof. Ligj. Krenar Dobroshi dëshmoi nëse me të vërtetë duhet të përdoret dhe cilat janë alternativat më të dobishme. Disa nga rezultatet:

Kongresi IMCAS në Paris, për tri ditë radhazi, shtjelloi mbi 1.100 tema të ndryshme të inovacioneve dhe shkencës mjekësore për lëkurën dhe ndikimin e tyre në aspektin fizik dhe psikik te njeriu.

“Flamuri i Kosovës i shfaqur në foltoren time më bëri të ndihem sikur e ngrita pas një fitoreje në kampionat botëror”, shprehet ai.

Fjalimin e përfundoi me këto dy fjali: Si profesionistë, ne nuk ndjekim modën, ne ndjekim shkencën. Kjo është një nga bazat elementare që unë e ndjek në klinikë, në publikimet shkencore dhe në prezantimet ndërkombëtare!

/Telegrafi/

Nuk ka dyshim se presidenti i Serbisë, Aleksandar Vuçiq, ka nisur sërish fushatën për të siguruar karrigen e kryeministrit.

Vuçiq ka njoftuar planin “Serbia 2035”, të cilin pritet ta prezantojë në një tubim të madh gjatë muajit mars.

Edhe pse përmbajtja e këtij plani ende nuk është bërë e ditur, fakti që Vuçiq planifikon hapur të qëndrojë në pushtet për gati edhe një dekadë tjetër, sipas Nova.rs, tregon një lloj “operacioni bjellorus” dhe ekspozon ambicien e tij për t’u shndërruar në një Aleksandar Lukashenko të ri.

Meqenëse, sipas Kushtetutës, ai nuk mund të vazhdojë më si president, Vuçiq ka vendosur të synojë edhe postin e kryeministrit.

Megjithatë, problemi kryesor mbetet pyetja se kush do të jetë kandidati i ri i Partisë Progresive Serbe (SNS) në zgjedhjet presidenciale.

Është e qartë se asnjë nga emrat që janë përmendur deri më tani në publik si kandidatë të mundshëm nuk garanton një fitore të sigurt.

Për këtë arsye, nuk do të ishte befasi nëse qeveria do të përdorte një manovër, të ngjashme me atë që udhëheqësi i radikalëve, Vojislav Sheshel, po e promovon së fundmi.

Konkretisht, ai ka propozuar një ndryshim të Kushtetutës që do t’i mundësonte pasardhësit të Vuçiqit të zgjidhej jo më përmes zgjedhjeve presidenciale, por nga Kuvendi.

Kjo do të ishte një strategji ideale daljeje për progresivët, duke pasur parasysh se ata disponojnë një shumicë prej dy të tretash në Kuvend, çka do t’u mundësonte ndryshimin e aktit më të lartë ligjor të shtetit.

Prej muajsh tashmë, ka pasur spekulime se kush do të jetë kandidati i Partisë Progresive Serbe në zgjedhjet presidenciale, pasi është më se e qartë se presidenti aktual i Serbisë ka zgjedhur të synojë postin e kryeministrit.

Deri më tani, në media janë përmendur vetëm disa emra si pasardhës të mundshëm të Vuçiqit, përfshirë Tomislav Nikoliqin, Ana Brnabiqin dhe Miloš Vuçeviqin.

Megjithatë, duke marrë parasysh rënien e ndjeshme të mbështetjes për SNS-në, e cila është evidentuar në shumë sondazhe të opinionit publik gjatë muajve të fundit, mbetet e pasigurt nëse ndonjëri nga bashkëpunëtorët e Vuçiqit do të ishte në gjendje të siguronte fitoren.

Është gjithashtu e qartë se humbja e presidencës do të ishte një goditje e madhe për Partinë Progresive Serbe, ndaj ata po bëjnë gjithçka që është në fuqinë e tyre për ta parandaluar një gjë të tillë. Kështu, për ta lind një enigmë e madhe, zgjidhja e së cilës u bë publike nga udhëheqësi radikal dhe mentor politik i Aleksandar Vuçiqit, Vojislav Sheshel.

Këtë javë, Shesheli deklaroi se Kushtetuta e Serbisë duhet të ndryshohet në mënyrë që Kuvendi të ketë të drejtën të zgjedhë Presidentin e Republikës dhe, nëse është e nevojshme, ta zëvendësojë atë.

"Kushtetuta duhet të ndryshohet dhe presidenti duhet të zgjidhet në Asamblenë Kombëtare; kjo është më demokratike. Njerëzit mendojnë se është më demokratike kur populli zgjedh, por jo – presidenti nuk mund të zëvendësohet në atë mënyrë", tha Shesheli.

Duke folur për zgjedhjet e ardhshme, ai shtoi se SRS është në një koalicion me Partinë Progresive Serbe në pushtet dhe nuk do t'u "imponohet" koalicioneve të tjera para zgjedhjeve.

"Sa i përket zgjedhjeve parlamentare, jam i bindur se nëse partitë patriotike formojnë një koalicion të unifikuar, nuk ka koalicion kundërshtar që mund të na mposhtë", vlerësoi ai.

Vuçiq: Do të paraqesim programin që do të bëjmë

Vuçiq njoftoi javën e kaluar se rreth datës 20 mars do të organizohet një tubim i madh para Asamblesë Kombëtare ose në “Trg Republike” në Beograd. Gjatë këtij eventi do të prezantohet plani “Serbia 2035”, që sipas Nova.rs tregon se Vuçiç planifikon të qëndrojë në pushtet për të paktën një dekadë tjetër.

"Ja një lajm ekskluziv për ju. Do të presim që të kalojnë të gjithë përvjetorët e tyre dhe diku më 20, 21 ose 22 mars, do t'ua prezantojmë programin 'Serbia 2035' para një numri të madh qytetarësh, për t'u treguar njerëzve se sa shumë i respektojmë dhe i duam ata, dhe atë që kemi bërë, për të paraqitur llogari, raporte dhe për të prezantuar programin e asaj që do të bëjmë", tha ai.

Më parë, lideri i SNS-it kishte bërë të ditur se plani “Serbia 2035” është punuar për një kohë të gjatë dhe se synojnë ta prezantojnë para qytetarëve deri më 1 mars, shkruan index.hr.

Një goditje për prokurorinë

Nova.rs kujton se aspiratat e presidentit serb për të qëndruar në pushtet për dekada nuk janë të reja. Sipas këtij portali, kjo shihet qartë nga lidhjet e ngushta të Vuçiqit me autokratë të shumtë evropianë dhe botërorë. Shembulli më i dukshëm është marrëdhënia midis Vuçiqit dhe presidentit bjellorus, Aleksandar Lukashenko, i cili ka qenë në pushtet për 31 vjet.

Kjo është arsyeja pse, siç shkruan Nova.rs, lind pyetja nëse Vuçiq planifikon të përfshijë një skemë për transformimin e Serbisë në një “Bjellorusi të tij” në atë që portali e quan “ekspozita para-kryeministrore”, e cila ndoshta do të prezantohet para mbështetësve të tij në mars.

Portali thekson se, ndërkohë që pritet kjo, sulmi i paprecedentë i regjimit ndaj prokurorisë tashmë po bëhet i dukshëm. Sipas disa ekspertëve, ndryshimet ligjore që janë miratuar ndryshojnë rrënjësisht kompetencat dhe strukturën e prokurorisë në Serbi dhe paralizojnë punën e Prokurorisë Publike për Krimin e Organizuar.

Amendamentet ligjore, të miratuara nga Parlamenti disa ditë më parë dhe më pas të nënshkruara nga Vuçiq, ndryshojnë gjithashtu kompetencat e Këshillit të Lartë të Prokurorëve. Sipas Nova.rs, fituesi më i madh i këtyre ndryshimeve do të jetë Nenad Stefanoviq, kryeprokurori i Zyrës së Prokurorit të Lartë Publik në Beograd, i cili do të ketë mundësinë të veprojë pa kontroll real dhe që tashmë ka treguar një prirje të qartë pro-regjimit.

"Pushteti absolut nuk braktiset kurrë vullnetarisht dhe pa arsye"

Redaktori i “New Serbian Political Thought”, Gjorgje Vukadinoviq, i tha Nova.rs se ambicia e Vuçiqit për të “sunduar për jetë” nuk është aspak befasi.

"Kjo ishte e qartë për këdo që donte ta shihte kur Vuçiq erdhi në pushtet. Tani kjo vetëm sa është thelluar. Të gjitha njoftimet dhe deklaratat se ai po tërhiqej nga politika mashtronin dhe i qetësonin kundërshtarët e tij, ndërsa mbillnin shpresa të rreme. Pushteti absolut nuk lihet kurrë vullnetarisht dhe pa arsye", pohoi Vukadinoviq.

Ai shtoi se njoftimi i planit “Serbia 2035” mund të ketë habitur disa, por në fakt Vuçiq i ka deklaruar qëllimet e tij pothuajse hapur.

"Ai mund të thotë se ky plan nuk ka të bëjë fare me të, por me Serbinë, e cila ‘duhet të përparojë’. Është e qartë se tani planifikon të jetë kryeministër dhe të ndryshojë pozicionin me rotacion, por do të ruajë pushtetin absolut që kishte si president, për të cilin nuk kishte autoritet kushtetues. Është krejtësisht e parëndësishme se si quhet pozicioni i tij; ai mund të jetë një hajdut në qeveri, por shkopi do të jetë me të", vuri në dukje Vukadinoviq.

Planet dhe vizionet afatgjata të paraqitura tashmë

Srgjan Cvijiq, ish-diplomat dhe president i Bordit Këshillimor Ndërkombëtar të Qendrës së Beogradit për Politikat e Sigurisë, gjithashtu beson se Vuçiq nuk ka ndërmend të largohet nga pushteti.

"Ata kanë frikë dhe janë të vetëdijshëm se largimi nga pushteti nuk do të thotë vetëm pension politik, por edhe procedura penale. Kjo është një lojë gjithçka ose asgjë, dhe presidenti synon të qëndrojë në pushtet për gjithë jetën", theksoi Cvijiq.

Ai shtoi se deri më tani, planet janë paraqitur si pjesë e një fushate të vazhdueshme që ka filluar që nga viti 2012.

"Është diçka që i shërben publikut, duke ditur se cila është situata në thesarin e shtetit. Ato plane nuk janë të rëndësishme për një analizë serioze; ato shërbejnë vetëm për të zgjatur qeverinë sa më gjatë të jetë e mundur", tha Cvijiq.

Bashkëbiseduesi i Nova.rs arriti në përfundimin se ka frikë se kjo qeveri nuk do të lejojë që të humbasë zgjedhjet.

Portali kujton se Serbia ka parë prezantimin e planeve dhe vizioneve afatgjata disa herë gjatë qeverisjes së Vuçiqit. Në fund të vitit 2019, u prezantua plani “Serbia 2025”, i cili, sipas deklaratave të Vuçiqit në atë kohë, kishte një vlerë totale prej 14 miliardë eurosh.

Më pas u prezantua një plan i ri, i cili shtrihej deri në vitin 2027 dhe kishte një vlerë prej 17.8 miliardë eurosh, vit në të cilin mbahet edhe ekspozita EXPO. /Telegrafi/

Milani ka shënuar fitore bindëse me rezultat 3-0 në udhëtim ndaj Bolognas në kuadër të javës së 23-të në elitën e futbollit italian.

‘Rossonerët’ kaluan në epërsi në minutën e 20-të kur Ruben Loftus-Cheek shfrytëzoi një pasim tejet të bukur nga Adrien Rabiot për të realizuar për rezultatin 1-0.

Në minutën e 38-të mysafirët fituan një penallti të cilën Christopher Nkunku arriti ta shndërrojë në gol për rezultatin 2-0.

Me të filluar pjesa e dytë, të besuarit e Massimiliano Allegrit gjetën edhe golin e tretë, ku kësaj radhe Rabiot (48’) ishte në rolin e golashënuesit duke tundur rrjetën për 3-0 pas një gabimi të mbrojtjes vendase.

Deri në fishkëllimën e fundit të gjyqtarit nuk pati më ndonjë rast për t’u veçuar nga ndonjëra prej skuadrave dhe kështu Milani mori një fitore në një terren mjaft të komplikuar.

Pas këtij triumfi, Milani shkon në kuotën e 50 pikëve dhe mban pozitën e dytë në tabelë me pesë më pak se lideri Interi që ka 55 sosh./Telegrafi/

Presidenti amerikan Donald Trump nuk është i befasuar nga sulmi i fundit i Rusisë ndaj Ukrainës, sipas sekretares së tij të shtypit Karoline Leavitt.

E presidenti ukrainas Volodymyr Zelensky tha se po pret një reagim të SHBA-së ndaj sulmeve të natës, transmeton Telegrafi.

Leavitt u tha gazetarëve në Shtëpinë e Bardhë: "Fola me presidentin për këtë mëngjes dhe reagimi i tij për fat të keq nuk ishte i befasues".

"Këto janë dy vende që kanë qenë të angazhuara në një luftë brutale për disa vite, një luftë që nuk do të kishte filluar kurrë nëse presidenti do të ishte ende në detyrë. Ajo filloi për shkak të dobësisë dhe paaftësisë së presidentit Biden", shtoi ajo.

Gjatë fushatës së tij zgjedhore, Donald Trump pretendoi vazhdimisht se mund ta përfundonte luftën brenda një dite. Ka kaluar më shumë se një vit i plotë në detyrë dhe lufta nuk tregon shenja të një fundi të menjëhershëm. /Telegrafi/

ChatGPT është rikthyer në funksionim normal pas një ndërprerjeje të përkohshme që preku një numër përdoruesish.

Gjatë kësaj kohe, shërbimi hasi vështirësi teknike, duke shkaktuar vonesa dhe pamundësi qasje.

Ekipi teknik punoi për zgjidhjen e problemit dhe ka konfirmuar "se platforma tashmë funksionon normalisht. Përdoruesit mund të vazhdojnë ta përdorin shërbimin pa kufizime".

Pse kishte rënë për ca kohë?

ChatGPT aktualisht po përjeton një ndërprerje të konsiderueshme, duke lënë mijëra përdorues të mos kenë qasje në inteligjencën artificiale në të gjitha platformat.

Sipas të dhënave të gjurmimit nga Down Detector, problemet filluan të shfaqen rreth orës 3:00 pasdite ET.

“Ne kemi identifikuar problemin, kemi zbatuar masat e nevojshme zbutëse dhe po monitorojmë rikuperimin. Ne kemi identifikuar se përdoruesit po përjetojnë gabime të shumta gjatë marrjes së shërbimeve”, thuhet në njoftimin e ChatGPT.

Ndryshe, shkalla e problemit u përshkallëzua me shpejtësi, ku problemet e raportuara u rritën në mbi 10 mijë raste brenda vetëm pesëmbëdhjetë minutash.

Përdoruesit që përpiqen të përdorin shërbimin aktualisht po përballen me probleme të lidhjes ose kërkesa të dështuara pasi platforma mbetet e paqëndrueshme. /Telegrafi/

Vëllai i Madh ka marrë masa ndaj Rogertit, i cili gjatë ditës së sotme ofendoi rëndë Stenaldon. Kjo situatë u diskutua gjithashtu në prime-in e sotëm.

Sipas këtij vendimi, Rogerti u dërgua në të ashtuquajturën dhomë reflektimi, ku do të qëndrojë i izoluar dhe larg banorëve të tjerë.

Ende nuk dihet se sa do të zgjasë kjo masë, deri në një vendim të mëtejmë.

Vendimi për izolimin e tij erdhi pas ofendimeve që ai bëri gjatë ditës së sotme ndaj banorit Stenaldo, duke shkaktuar reagime dhe alarm edhe nga publiku.

Gjatë një diskutimi të ashpër, Rogerti i tha Stenaldos se e “kishte mallkuar Zoti”, deklaratë që rriti edhe më tej tensionin mes dy konkurrentëve.

Megjithatë, gjatë prime-it të sotëm, ai u përpoq ta justifikonte deklaratën e tij, duke pretenduar se e kishte pasur me tjetër qëllim.

“Të ka nemë nga trutë, jo nga sytë, jo nga aftësia e kufizuar”, deklaroi ai gjatë prime-it.

Senatori amerikan Lindsey Graham i bëri thirrje presidentit Donald Trump të fillojë furnizimin e Ukrainës me raketa Tomahawk dhe të intensifikojë presionin mbi udhëheqësin rus, Vladimir Putin, pas sulmeve të fundit në shkallë të gjerë të Rusisë në qytetet ukrainase, sipas deklaratës së tij në X.

"Është e qartë se presioni që po i bëjmë Putinit për t'u ulur në tryezën e paqes dhe për të ndaluar sulmet masive kundër Ukrainës nuk po funksionon", tha Graham, transmeton Telegrafi.

Ai shtoi gjithashtu se SHBA-të dhe Evropa duhet të ndjekin idenë e Trump për të synuar blerësit e naftës ruse që, sipas fjalëve të Graham, "mbështesin" përpjekjet luftarake të Rusisë.

Graham përmendi tarifat amerikane ndaj Indisë si një shembull se si një presion i tillë mund të zvogëlojë blerjet e naftës ruse, duke argumentuar se hapa të ngjashëm nga blerës të tjerë të mëdhenj mund të ndihmojnë në përfundimin e luftës.

"Së fundmi, pas këtij sulmi masiv mbrëmë, do t'i kërkoja presidentit Trump të fillojë një proces për t'i siguruar Ukrainës raketa Tomahawk, të cilat do të ndryshonin lojën ushtarakisht", shkroi ai, duke shtuar, "Në ditët dhe javët në vijim, ne duhet të ushtrojmë më shumë presion ndaj Putinit".

Këto komente u bënë ndërsa presidenti ukrainas Volodymyr Zelensky akuzoi Rusinë për shkelje të një angazhimi të dhënë Shteteve të Bashkuara duke sulmuar infrastrukturën energjetike të Ukrainës gjatë një valë të fortë të të ftohtit.

Zelensky tha se Rusia shpërfilli një thirrje të SHBA-së për një ndalim njëjavor të sulmeve ndaj objekteve energjetike dhe goditi sistemin energjetik, duke ndërprerë ngrohjen dhe energjinë elektrike ndërsa temperaturat ranë nën zero.

Më parë, u raportua se ministri i Jashtëm i Polonisë dënoi sulmet me raketa dhe dronë të Rusisë gjatë natës në qytetet ukrainase, duke thënë se ato demonstruan se premtimi i Vladimir Putinit ndaj presidentit Donald Trump ishte bosh dhe nënvizoi shpërfilljen e Moskës për angazhimet diplomatike dhe sigurinë civile. /Telegrafi/

Situata mes Stenaldos dhe Rogertit ka qenë pjesë e diskutimit në prime-in e sotëm të Big Brother VIP Albania.

Gjatë ditës së sotme, ishte Rogerti i cili ofendoi rëndë Stenaldon duke i thënë se e “kishte mallkuar Zoti”, çka ka ngritur alarm edhe nga publiku.

Për sa i përket kësaj deklarate, Rogerti u arsyetua duke thënë se e kishte thënë me tjetër qëllim, dhe nuk përkonte me aftësinë e kufizuar të banorit.

“Të ka nemë nga trutë, jo nga sytë, jo nga aftësia e kufizuar”, ka deklaruar ai në prime.

Pas situatave dhe diskutimeve, Vëllai i Madh mori vendim që ta dërgojë Rogertin në dhomën e reflektimit.

Sipas vendimit ai do të qëndrojë i izoluar, larg banorëve të tjerë, deri në vendimin e mëtejmë.