Last Updated on 19/01/2026 by Monika

Kreu i Partisë Demokratike Sali Berisha në Foltoren e mbajtur para Kryeministrisë, falënderoi qytetarët për pjesëmarrjen duke u shpreh se kjo protestës dëshmon qëndresën për t’u përballur me narkoqeverinë.

Një organizatë kriminale e cilësuar Berisha dhe një armike e betuar e Shqipërisë dhe shqiptarëve.

“Ky regjim po shpërfytyron Shqipërinë dhe shqiptarët. Kjo protestë ka një rëndësi sepse kjo javë është përcaktuese për 24 janarin protestën më të fuqishme që ka njohur Tirana ndonjëherë. Po vijmë nga parlamenti, ishte provokimi më i ulët që u bëhej shqiptarëve, karshi tyre qëndronte lubi Balluku, hajdutja më e madhe që kanë patur shqiptarëve ndonjëehrë, e dërguar për të provokuar shqiptarët dhe për t’u thënë se ne u kemi vjedhur dhe do u vjedhim”, tha ai./mxh

Te Bayern Munich, po mendojnë edhe për të ardhmen.

Drejtori sportiv Max Eberl ka folur së fundmi për të ardhmen e Harry Kane në klub. Ai ka dhënë sinjale pozitive për vazhdimësinë e sulmuesit anglez në Mynih.

Kane mbetet një pikë e pazëvendësueshme në aspektin sportiv. Për Bayern, ai nuk është vetëm golashënuesi kryesor, por edhe një figurë udhëheqëse për vitet në vazhdim.

Eberl ka deklaruar se klubi mund ta imagjinojë Kane-in duke e mbyllur karrierën te Bayern.

Ky qëndrim konfirmon se kapiteni i Anglisë mbetet pjesë e planeve strategjike të klubit. Pavarësisht spekulimeve, roli i Kane nuk vihet në diskutim.

Madje thuhet se ai është i hapur edhe për një rinovim kontrate. Për Bayern-in, vazhdimësia dhe stabiliteti në sulm mbeten prioritet absolut./mxh

Last Updated on 19/01/2026 by Monika

Oficerët e policisë së Nëndrejtorisë së Sigurisë së Pireut në Greqi kanë nisur hetimet e para lidhur me vrasjen e të dënuarit 49-vjeçar shqiptar Jani Aliaj, të hënën pasdite në qelinë e tij në zonën e 3-të të burgut të Koridhalosit.

Sipas raportimeve në mediat greke, autoritetet po shqyrtojnë mundësinë se vrasja mund të ketë qenë një “kontratë vdekjeje”.

Kjo pasi viktima ishte në një “luftë të hapur” me shtetas tjetër, po ashtu i dënuar, i cili konsiderohet si një nga emrat “e mëdhenj” të mafias shqiptare në Greqi dhe është dënuar për vrasje dhe atentate.

Viktima, pak kohë më parë, duket se i ka shpëtuar një atentati, pasi një grup kriminelësh kishin hyrë në repartin ku ai mbahej dhe po e kërkonin me thika të improvizuara. Dhe nëse ai ia doli të shpëtonte atëherë, në mesditën e së hënës nuk pati aq fat, pasi 28-vjeçari grek e gjeti dhe i shkaktoi dy plagë me një thikë të improvizuar, të cilat rezultuan fatale.

Shqiptari ishte dënuar në Shqipëri për dy vrasje dhe një në tentativë, ndërsa në qershor 2015 kishte shkelur kushtet e lejes së tij, ishte shpallur i arratisur dhe ishte arrestuar përsëri në dhjetor 2024./mxh

Last Updated on 19/01/2026 by Monika

Presidenti i Bullgarisë, Rumen Radev, njoftoi të hënën se do të japë dorëheqjen nga posti i tij, duke nxitur spekulime se ai mund të krijojë një parti të re politike, në një moment kur vendi po përballet me një krizë të thellë qeveritare.

Vendimi vjen pasi qeveria dha dorëheqjen muajin e kaluar mes protestave të gjera, ndërsa javën e kaluar Radev shpalli mbajtjen e zgjedhjeve të parakohshme. Tre partitë më të mëdha të vendit refuzuan të marrin përgjegjësinë për formimin e një qeverie të re, duke e futur vendin në një tjetër cikël zgjedhor.

Zgjedhjet e ardhshme do të jenë të tetat që nga prilli i vitit 2021, një tregues i paqëndrueshmërisë së vazhdueshme politike në Bullgari.

Në fjalimin e tij, presidenti Radev sulmoi ashpër oligarkinë dhe partitë tradicionale, të cilat, sipas tij, po “tradhtojnë vendin”. Ai theksoi se gjatë nëntë viteve në detyrë Bullgaria ka shënuar përparim në integrimin evropian, përfshirë anëtarësimin në zonën Shengen dhe miratimin e euros.

Pas pranimit zyrtar të dorëheqjes nga Gjykata Kushtetuese, nënkryetarja Ilijana Yotova do të betohet si presidente e përkohshme, duke ushtruar detyrën deri në përfundim të mandatit në janar të vitit 2027./mxh

Zbulohet një tjetër shtëpi bari në Sarandë.

Operacioni në vijim e sipër në lagjen nr. 2 të qytetit në kryqëzimin e rrugëve “Adem Sheme” dhe “Pandeli Boçari”.

Një apartament në një pallat disakatësh ishte përshtatur për kultivimin e brendshëm të bimëve të marijuanës. Policia dyshon se pas këtij apartamenti fshihet i njëjti grup që ka lidhje edhe me një tjetër “shtëpi bari” të zbuluar mbrëmjen e 10 janarit në lagjen nr.1 në rrugën “Butrinti” ku u arrestua një person dhe një tjetër u shpall në kërkim.

Detaje të tjera priten në orët në vijim./mxh

Kreu i grupit parlamentar demokrat Gazmend Bardhi foli për mediat në përfundim të seancës plenare të ditës së sotme, që ishte e para për këtë vit.

Bardhi theksoi se PD nuk do lejojë funksionimin normal të seancave për sa kohë Kuvendi nuk lejon drejtësinë sipas tij të vendosë pas hekurave zv.kryeministren Belinda Balluku.

Prania e saj në seancë për Bardhin, ishte një provokim ndaj qytetarëve shqiptarëve.

“Dua në emër të grupit të PD të dënoj sjelljen e kreut të Kuvendi që ka zyrtarizuar bunkerizimin e Kuvendit dhe të dënoj provokimin e urdhëruar nga Edi Rama që në vend që Belinda Balluku të ishte në burg vjen dhe ulet sikur nuk ka ndodhur gjë në pozicionin e nr 2.

Kuvendi Shqipërisë nuk mund të jetë kurrë streha e të korruptuarve. Duhet ti shërbejë interesit të qytetarëve, e barazisë para ligjit. Sa kohë mazhoranca e ka bërë bunkrr të korruptuarve deputetë e opozitës nuk mund të pranojnë funksionimin normal të Kuvendit. I bëjmë thirrje të mos vonojë mbledhjen e Këshillit të mandateve dhe të mos pengojë dhe më shumë që ka kërkuar arrestimin e zv.kryeministres.”, tha ai./mxh

Last Updated on 19/01/2026 by Monika

Opozita po zhvillon këtë të hënë protestën e radhës para Kryeministrisë.

E emëruar “Foltorja 2”, opozita ka nisur këto protesta të ideuara si tubime javore, në atë që kryedemokrati Sali Berisha e cilëson si stinën e pandërprerë të protestave.

Opozita ka deklaruar se do të vijojë protestat, si pjesë e një aksioni të nxitur pas disa zhvillimeve të fundit në vend.

Protesta e opozitës ka tri shtylla: familja, ekonomia dhe demokracia./mxh

Last Updated on 19/01/2026 by Monika

Valentino Garavani, stilisti italian i modës dhe themeluesi i markës së famshme Valentino, ka ndërruar jetë në moshën 93 vjeç.

Lajmi u bë i ditur përmes një postimi në rrjetet sociale nga Instagrami personal i Valentino-s dhe fondacioni i tij, i bërë më 19 janar, me mbishkrim: “Themeluesi ynë, Valentino Garavani, ndërroi jetë sot në rezidencën e tij në Romë, i rrethuar nga të dashurit e tij. Ceremonia e varrimit do të mbahet në PM23 në Piazza Mignanelli 23 të mërkurën, më 21 janar dhe të enjten, më 22 janar, nga ora 11:00 deri në orën 18:00. Funerali do të zhvillohet të premten, më 23 janar, në Bazilikën Santa Maria degli Angeli e dei Martiri, në Piazza della Repubblica 8 në Romë, në orën 11:00”.

I lindur Valentino Clemente Ludovico Garavani më 11 maj 1932, në Voghera, Itali, Valentino studioi modën në Ecole des Beaux-Arts dhe Chambre Syndicale de la Couture Parisienne në Paris përpara se të shërbente praktika me Jacquega Fath dhe Balen.

Më pas ai punoi për Jean Dessès dhe Guy Laroche përpara se të kthehej në Itali për të hapur një shtëpi mode në Romë. Në vitin 1960, ai takoi Giancarlo Giammetti , i cili u bë partneri i tij i biznesit prej shumë kohësh; ata ishin gjithashtu në një lidhje romantike për 12 vjet.

Valentino, i njohur për fustanet e tij të kuq karakteristikë, pa profilin e tij si stilist të ngrihej pasi Jackie Kennedy bleu dhe veshi gjashtë nga veshjet e tij një vit pas vrasjes së bashkëshortit të saj , John F. Kennedy . Ajo veshi gjithashtu një fustan Valentino për dasmën e saj me Aristoteli Onassis.

Një nga momentet e tij më të shquara në kulturën pop ishte shfaqja në filmin e vitit 2006 ” The Devil Wears Prada” si vetvetja. Ai ishte gjithashtu subjekt i dokumentarit të vitit 2008, i cili u xhirua gjatë dy viteve të fundit të karrierës së tij dhe përmban paraqitje nga Paltrow, Hathaway, Elizabeth Hurley dhe Sarah Jessica Parker – si dhe gjashtë qentë e tij të dashur pug./mxh

Ekspertët pediatër, neonatologët dhe specialistët e ushqyerjes së fëmijëve këshillojnë që foshnjave të porsalindura të mos u jepet ujë apo ujë me sheqer. Po ashtu, në rastet kur foshnja ushqehet me qumësht artificial (pluhur ose të koncentruar), është thelbësore që formula të përgatitet saktësisht sipas udhëzimeve në etiketë, pa e holluar me më shumë ujë sesa rekomandohet.

Foshnjat marrin gjithë sasinë e nevojshme të lëngjeve përmes qumështit të gjirit ose formulës. Edhe gjatë ditëve të para pas lindjes, kur qumështi i nënës është ende në fazën fillestare, foshnja ushqehet me kulloshtër, e cila është plotësisht e mjaftueshme për ta mbajtur të hidratuar.

Dhënia e ujit në këtë moshë mund të jetë e rrezikshme. Ajo mund të çojë në një gjendje serioze, ku uji i tepërt hollon nivelin e natriumit në trup, duke çrregulluar ekuilibrin e elektroliteve. Në raste të rralla, por të rënda, kjo mund të shkaktojë fryrje të indeve, konvulsione dhe madje edhe koma.

Në situata të veçanta, si për shembull gjatë një gastroenteriti që shkakton humbje të lëngjeve, vetëm mjeku mund të rekomandojë përdorimin e pijeve elektrolitike të posaçme për foshnjat.

Megjithëse disa studime kanë treguar se uji me sheqer mund të përdoret në ambiente mjekësore për të qetësuar foshnjat gjatë procedurave si vaksinimi, kjo nuk duhet të praktikohet në shtëpi. Dhënia e ujit me sheqer për qetësim apo për shuarjen e etjes nuk është e nevojshme dhe nuk sjell përfitime shëndetësore.

Përkundrazi, uji apo uji me sheqer mund të ndikojë negativisht në përthithjen e lëndëve ushqyese nga qumështi i gjirit ose formula. Duke e bërë foshnjën të ndihet e ngopur, mund të reduktojë sasinë e ushqimit që ajo merr, duke ndikuar në rritjen dhe zhvillimin e saj./mxh

Ronela Hajati ka rikthyer sërish vëmendjen e mediave rozë, por kësaj here jo për një projekt muzikor. Lëvizjet e saj të fundit në rrjetet sociale kanë ngjallur kureshtje dhe kanë hapur diskutime mbi jetën e saj personale.

Vetëm pak muaj më parë, këngëtarja kishte ndarë hapur me ndjekësit një kapitull të lumtur të jetës së saj, duke publikuar foto dhe video romantike me partnerin. Postimet e saj u pritën me entuziazëm nga fansat, të cilët e përgëzuan për guximin për të treguar anën e saj më intime. Çifti dukej i lumtur dhe i përmbushur, ndërsa momentet e tyre u shpërndanë gjerësisht në portale dhe rrjete sociale.

Por kjo periudhë duket se ka marrë një kthesë. Së fundmi, Ronela ka fshirë nga profili i saj çdo foto dhe video ku shfaqej me partnerin, duke zhdukur çdo gjurmë të marrëdhënies së tyre nga sfera publike, sic veren pamfleti.net. Ky veprim i papritur ka ndezur menjëherë spekulime, me ndjekësit që po përpiqen të kuptojnë nëse bëhet fjalë për një ndarje apo thjesht për një vendim për të ruajtur privatësinë.

Heshtja e Ronelës për këtë çështje vetëm sa ka shtuar zhurmën në rrjet. Pa asnjë deklaratë zyrtare nga ana e saj apo nga partneri, situata mbetet e paqartë, ndërsa mediat rozë po ndjekin me vëmendje çdo detaj të ri.

Pavarësisht arsyeve, fshirja e postimeve duket si sinjali i parë se diçka ka ndryshuar në jetën private të artistes. Mbetet për t’u parë nëse kjo është një ndarje përfundimtare apo një zgjedhje e ndërgjegjshme për ta mbajtur jetën personale larg syrit të publikut./mxh

Gjatë një mbledhjeje të grupit parlamentar të Partisë Socialiste, Kryeministri Edi Rama u shfaq kritik për menaxhimin dhe funksionimin e Radio Televizionit Publik Shqiptar, duke e quajtur atë një dështim. Ai u shpreh se sot nuk kemi televizion publik dhe bilanci është një dështim i suksesshëm, nga borxhi në borxh.

“S’kemi për të dhënë asnjë lek nga taksat e shqiptarëve, deri kur t’i meritojë. Çdo opsion duhet të jetë në tryezë edhe mbyllja përfundimtare, edhe privatizimi, edhe partneriteti, edhe çdo gjë përveç kësaj që është”, u shpreh Rama.

Kjo deklaratë u prit me kritika nga ekspertët, organizatat e angazhuara në lirinë e medias dhe përfaqësuesit e Opozitës.

Rrjeti i Gazetarëve të Sigurt, një organizatë e angazhuar në përmirësimin e sigurisë së gazetarëve në Ballkan u shpreh, midis të tjerash, se lidhja e financimit apo ekzistencës së RTSH me miratimin politik minon pavarësinë e tij dhe cenon lirinë e medias.

Ky pasazh i deklaratës u ri-publikua nga Kryeministri Rama në rrjetin social X, shoqëruar me një seri akuzash se ky reagim është dezinformues dhe paraqet një “keqkuptim thellësisht të shtrembëruar” të qëndrimit të tij mbi RTSH. “Vërejtjet e mia nuk kanë lidhje me financimin e RTSH-së me miratim politik”, shkruan Rama në reagimin e tij, të shkruar në gjuhën angleze.

Blerjana Bino, përfaqësuese e Rrjetit të Gazetarëve të Sigurt për Shqipërinë, i tha Citizens.al se shqetësimi i tyre nuk lidhet me qëllimin e supozuar të deklaratave, por me parimin e konsoliduar evropian se ekzistenca dhe financimi i mediave nuk duhet të kushtëzohen nga politika.

“Vlerësime si ky janë pjesë thelbësore e punës tonë për të monitoruar rreziqet ndaj lirisë së shprehjes dhe nuk përbëjnë dezinformim”, u shpreh Bino, ndërsa shtoi se prej vitesh ky rrjet ka ngritur zërin për reformimin e RTSH, pasi institucioni ka probleme serioze që nuk zgjidhen me mbyllje, por me reforma që rikthejnë misionin demokratik të televizionit publik.  

“Edhe nëse mbyllja do të konsiderohej ndonjëherë si opsion teorik, ajo nuk mund dhe nuk duhet të artikulohet nga Kryeministri: RTSH i përgjigjet Parlamentit, dhe financohet nga tarifa e shërbimit publik (jo nga taksat, siç keqinterpretohet shpesh me qëllim) çka do të thotë se ai u përgjigjet drejtpërdrejt qytetarëve dhe interesit publik”, u shpreh Bino.

Edhe Asociacioni i Gazetarëve të Shqipërisë (AGSH) i pa me shqetësim deklaratat e kryeministrit Rama, ndërsa u shpreh se kjo retorikë politike që stigmatizon median publike, pa një analizë të thelluar, cenon parimet themelore të shërbimit publik dhe standardet evropiane për lirinë e medias.

“Televizioni publik nuk është thjesht një ndërmarrje financiare, por një institucion i interesit publik që duhet të garantojë informim të paanshëm, kulturë, edukim dhe akses të barabartë për qytetarët”, tha në deklaratën e tij AGSH.

Sipas AGSH-së refuzimi i financimit publik si mjet presioni politik përbën rrezik për pavarësinë e medias publike, ndërsa shtoi më tej se përgjegjësia nuk mund ti faturohet vetëm RTSH-së.

Ina Zhupa, deputete e Partisë Demokratike dhe njëkohësisht drejtuese e Komisionit për Edukimin dhe Mjetet e Informimit Publik e konsideroi fajtore qeverinë për situatën ku ndodhet televizioni publik, ndërsa ngriti pikëpyetjen se kur dhe pse u krijuan borxhet në RTSH.

“Borxhet dhe situata problematike lindi pikërisht nga kapja politike e RTSH, nga shkelja flagrante e ligjit për Këshillin Drejtues dhe nga emërimet politike të drejtorëve, pa asnjë standard profesional dhe ligjor”, deklaroi Zhupa.

Lufti Dervishi, gazetar dhe ekspert i medias, në një komunikim në rrjetet sociale u shpreh se sot RTSH-ja është në një mentalitet mbijetese dhe nuk ka një raportim kritik ndaj pushtetit. Sipas tij, në një treg mediatik ku interesat e pronarëve mbizotërojnë mbi interesin publik, një media publike e pavarur është domosdoshmëri dhe jo luks.

“RTSH-ja duhet të reformohet, por jo duke u mbyllur në panik, jo duke u privatizuar e as duke u “binjakëzuar” me kulla. Sfida nuk është si t’ua japim privatëve, por si t’ua marrim”, tha Dervishi.

Organizatat e angazhuara për lirinë e medias kërkuan që çdo diskutim për reformim të RTSH-së të zhvillohet në mënyrë të tillë që respekton lirinë e shprehjes, pavarësinë e gazetarisë dhe të drejtën e publikut për tu informuar.

Lexo gjithashtu:

• “Gara për drejtuesin e RTSH-së në mungesë transparence dhe shkelje statuti”
• Gara për drejtorin e ri të RTSH-së kërkon raund të dytë zgjedhjesh
• Këshilli i ri Drejtues, organizatat e medias: RTSH rrezikon të kapet politikisht
• RTSH larg transparencës dhe përdorimit etik të Inteligjencës Artificiale
• Kuvendi nis procedurën e shkarkimit të Këshillit Drejtues të RTSH-së
• Kuvendi shkarkon Këshillin Drejtues të RTSH-së

The post Kryeministri kërcënon RTSH-në dhe i quan “dezinformim” kritikat e organizatave appeared first on Citizens.al.

Zbulohet një tjetër “shtëpi bari” në lagjen nr. 2 në Sarandë – Operacioni policor në vijim   Një tjetër rast i kultivimit të bimëve narkotike në ambiente të mbyllura është zbuluar këtë të martë në Sarandë. Burime paraprake bëjnë me dije se Policia ka ndërhyrë në lagjen nr. 2 të qytetit, në kryqëzimin e rrugëve […]

The post Zbulohet një tjetër “shtëpi bari” në lagjen nr. 2 në Sarandë – Operacioni policor në vijim appeared first on Saranda Web.

Qyteti i Sarandës – Historia, Turizmi, Zhvillimi dhe E Ardhmja e Perlës së Jugut Qyteti i Sarandës është një nga qytetet më të njohura bregdetare të Shqipërisë dhe një ndër destinacionet turistike më të kërkuara në rajon. I vendosur në jug të vendit, përballë ishullit të Korfuzit, Saranda përfaqëson një kombinim unik mes historisë së […]

The post Qyteti i Sarandës – Historia, Turizmi, Zhvillimi appeared first on Saranda Web.

Një vrasje ndodhi brenda burgut të Korydallos, kur një i burgosur me origjinë shqiptare, u sulmua me thikë dhe ndërroi jetë nga plagët e marra.

Mësohet se shqiptari i vrarë në burgun e Koridhalos është Jani Aliaj, një emër shumë i njohur për botën e krimit.

Jani Aliaj rezulton i dënuar me burgim të përjetshëm nga drejtësia shqiptare për vrasjen e Elton Çiços për hakmarrje, ngjarje kjo e ndodhur më 1 Maj të vitit 2016 në zonën e ish-Bllokut në Tiranë.

Mediat greke bëjnë të ditur se incidenti ndodhi në rrethana ende të paqarta, duke nxitur mobilizimin e menjëhershëm të autoriteteve të burgut.

Informacionet fillestare tregojnë se autori i krimit është një i burgosur grek, i cili e sulmoi viktimën duke përdorur një objekt të mprehtë të improvizuar.

Vërehet se të dy burrat ishin kriminelë të rrezikshëm që vuanin dënimin për vrasje.

Dënimi me vdekje në botë ka shënuar një rritje alarmante, paralajmëroi sot Komisioneri i Lartë i OKB-së për të Drejtat e Njeriut, duke shprehur shqetësim për situatën në Iran, Arabinë Saudite dhe Shtetet e Bashkuara të Amerikës.

”Ndërsa tendenca globale vazhdon të shkojë drejt shfuqizimit universal të dënimit me vdekje, numri i ekzekutimeve është rritur ndjeshëm në 2025, kryesisht për shkak të një rritjeje të dukshme në disa shtete që e ruajnë këtë dënim”, theksoi Volker Turk në një deklaratë të publikuar sot në Gjenevë.

”Zyra ime ka konstatuar një rritje alarmante të përdorimit të dënimit me vdekje në 2025, veçanërisht për shkelje që nuk përfshihen në kriterin e krimeve më të rënda të kërkuara nga ligji ndërkombëtar”, deklaroi zyrtari i OKB-së.

Në Iran, ku sipas Turk të paktën 1 500 persona janë ekzekutuar në 2025, shkalla dhe ritmi i ekzekutimeve tregojnë një përdorim sistematik të dënimit me vdekje si mjet intimidimi nga shteti.

Në Arabinë Saudite, të paktën 356 persona, përfshirë të paktën dy të mitur, janë ekzekutuar në 2025, duke tejkaluar rekordin e mëparshëm të vitit 2024.

Në Shtetet e Bashkuara të Amerikës, sipas Komisionerit të Lartë, kanë ndodhur 47 ekzekutime në 2025, që përbën numrin më të lartë në 16 vitet e fundit.

Ka nisur me tensione sesioni i ri parlamentar për vitin 2026, por është mbyllur në vetëm 30 minuta. 

Që në nisje të seancës ndërsa kreu i Kuvendit Niko Peleshi nisi fjalën, deputetët e PD kanë bllokuar foltoren dhe kanë kërkuar largimin e Belinda Ballukut nga salla.

“Si nuk u lodhe o burrë’, dëgjohet Peleshi duke iu drejtuar Gazment Bardhit i cili fliste mbi fjalën e tij duke kërkuar largimin e zv. kryeministres nga salla e Kuvendit.

Donald Trump nuk është presidenti i parë amerikan që do Groenlandën. Ky ishull gjigant, i shkretë dhe i ngrirë ka qenë një obsesion në Uashington për më shumë se 200 vjet, vazhdimisht subjekt negociatash, shpesh sekrete. Por a e dinit se kur ishulli ishte ende nën kontrollin e përbashkët të Danimarkës dhe Norvegjisë , Islanda ishte gjithashtu midis zotërimeve të saj ? Dhe se edhe ajo ishte objekt i vëmendjes amerikane?

Trump, të paktën për momentin, nuk duket i interesuar të pushtojë edhe Reykjavikun. Ne gjithashtu e dimë se Groenlanda kishte rënë nën kontrollin amerikan në rrethana aventureske gjatë Luftës së Dytë Botërore. Historia na tregon se motivimet e Trump janë të njëjta me ato të këtyre presidentëve të tjerë amerikanë: një çështje sigurie gjeopolitike dhe qasjeje të domosdoshme në burimet natyrore thelbësore për sigurinë ekonomike. Kështu, duke filluar me James Madison në 1814, përmes Andrew Johnson në 1876, pastaj, në 1910, William Taft, deri te Franklin Delano Roosevelt dhe në vitet 1970 Gerald Ford, i këshilluar nga zëvendëspresidenti i tij Nelson Rockefeller , Uashingtoni shprehu interes të vazhdueshëm për blerjen ose kontrollin e Groenlandës, ndaj të cilit Danimarka gjithmonë reagonte negativisht .

Gjithashtu, midis viteve 1953 dhe 1959, rreth ishullit pati një projekt sfidues, përsëri sekret dhe jo të vogël, i dobishëm për të kuptuar shkallën e marrëdhënieve Uashington-Kopenhagë rreth ishullit. Në këtë rast, me shpërthimin e Luftës së Ftohtë, Presidenti Dwight Eisenhower, ish-gjenerali që fitoi Luftën e Dytë Botërore, organizoi Operacionin Blue Jay , me një bazë ajrore në Thule, një rajon në veri të ishullit, me shtimin, vite më vonë, të një komande NORAD (Komanda Ajrore dhe Hapësinore Anti-Bërthamore).

Pati gjithashtu një projekt të quajtur “IceWorm”, që nuk u realizua kurrë, për të instaluar 600 raketa Minuteman, raketa ndërkontinentale me koka bërthamore, nën akullnajat e Groenlandës. Në Thule (emri iu dha atij rajoni nga eksploruesi Knud Rasmussen, i frymëzuar nga mitologjia klasike) punuan 1,000 groenlandezë dhe deri në 10,000 amerikanë. Pastaj baza u zvogëlua dhe u riemërua. Por këtu del në pah një pikë e rëndësishme: Amerika nuk kishte nevojë ta zotëronte formalisht ishullin për të bërë çfarë të donte me të. Ky aspekt i koncesionit, në një negociatë normale, mund të ishte tërhequr kur nënshkruhej një marrëveshje shumë afatgjatë, të paktën për të ruajtur pamjen e jashtme. Por jo me Donald Trump.

Prej kohësh dihet se personi i parë që aludoi për rëndësinë strategjike të Groenlandës ishte miku i tij i vjetër, Ronald Lauder, një republikan i vendosur, ish-ambasador në Vjenë gjatë viteve të Reaganit dhe trashëgimtar i pasurisë së kompanisë së bukurisë me të njëjtin emër. Megjithatë, Lauder nuk u përqendrua vetëm në çështjen strategjike; duke e njohur mikun e tij, ai e ngacmoi duke thënë se asnjë president para tij, nga Madison te Johnson, Taft, Roosevelt, Truman e Ford, nuk kishte arritur ta arrinte këtë objektiv strategjik për Shtetet e Bashkuara.

Nëse do të kishte pasur sukses, do të kishte bërë histori duke qëndruar mbi disa nga presidentët më të mëdhenj të Amerikës. Ky aspekt e bën rezultatin e negociatave të paparashikueshëm, pasi, përtej interesave aktuale strategjike të Amerikës, elementi i paqëndrueshëm i lidhur me egon e këtij presidenti, i vendosur të shkëlqejë me çdo kusht, hyn në lojë me forcë. Edhe me koston e një lufte, të një shpërbërjeje të Aleancës Atlantike (siç tha ai në një intervistë me New York Times ) ose të një lufte tregtare me Bashkimin Evropian .

Megjithatë, një gjë është e sigurt: Trump, me qëndrimin e tij kërcënues, arrogant dhe mbizotërues, duhet thënë jo. Bashkimi Evropian kishte të drejtë që kërcënoi me hakmarrje, që thirri “bazukën” ekonomike dhe që mori një qëndrim të ashpër: pas kësaj loje fshihet edhe rreziku i inkurajimit të Rusisë për të zgjeruar ambiciet e saj territoriale , dhe një Bashkim Evropian pasiv i nënshtruar ndaj Uashingtonit të Trump mund të forcojë ambiciet e Moskës. Megjithatë, vetë Trump mund të bëjë të njëjtin gabim si Putini kur u përpoq të pushtonte Ukrainën: duke nënvlerësuar reagimin e vendosur të një Evrope të zënë në një situatë të vështirë dhe koston për presidencën e tij. Por le të shohim disa aspekte të negociatave të mëparshme për të kuptuar se çfarë mund ose nuk mund të bëhet midis tani dhe qershorit, afati i ardhshëm i vendosur nga Trump përpara se të vazhdohet me rritjen e tarifave prej 25% për disa vende evropiane “bashkëpunëtore” të Danimarkës.

Le të fillojmë me Madison, një nga Etërit Themelues. Disa nga ndjekësit e tij e konsideruan shkurtimisht Groenlandën si një mundësi kur Uashingtoni negocioi Traktatin e Ghentit me Britaninë e Madhe në dhjetor 1814, një traktat që i dha fund armiqësive detare midis dy kombeve, kryesisht për shkak të provokimit britanik. Paralelisht me atë negociatë, fuqitë evropiane, gjithashtu në vitin 1814, negociuan Traktatin kompleks të Kielit, i cili i dha fund Luftërave Napoleonike, vendosi kufij të rinj dhe përfundoi, ndër të tjera, një ndarje midis Norvegjisë dhe Danimarkës dhe caktimin e Groenlandës, e cila deri atëherë ishte menaxhuar bashkërisht (komunitetet norvegjeze kishin qenë të pranishme në ishull që nga viti 1200, dhe madje edhe më herët, që nga viti 982, kur norvegjezi Eriku i Kuq u internua në Groenlandë).

Në këtë pikë, duhej të futeshin kufizime të caktuara në frontin evropian. Edhe pse kolonitë e fundit norvegjeze ishin shuar rreth vitit 1400, Norvegjia mbajti disa pretendime territoriale dhe që nga viti 1921 e tutje, kur Danimarka formalizoi kontrollin e plotë të të gjithë ishullit, Norvegjia gjithashtu iu drejtua Gjykatës Ndërkombëtare, një çështje që përfundoi vetëm në vitin 2008 me caktimin e plotë të territoreve të ishullit Danimarkës dhe jo Norvegjisë, e cila në atë pikë u tërhoq me dëshirë.

Megjithatë, ky episod është domethënës në ilustrimin se si 1) vendet që kontrollonin Groenlandën ishin seriozisht në konflikt me njëra-tjetrën, 2) Danimarka, dhe bashkë me të edhe Evropa, nuk kanë investuar kurrë vërtet shumë në ishull, dhe 3) konteksti strategjik po ndryshon. Duke thënë të gjitha këto, qëndrimi shantazhues dhe kërcënues i Trump shkon kundër një tradite amerikane që që nga koha e Johnson ka kërkuar gjithmonë një marrëveshje, duke ushtruar presion të fortë, por gjithmonë duke respektuar vendimin përfundimtar të Danimarkës.

Në vitin 1867, gjatë periudhës së rindërtimit pas Luftës Civile dhe pas vrasjes së Linkolnit, Sekretari i Shtetit William Seward përfundoi blerjen e Alaskës nga Rusia për 7.2 milionë dollarë në emër të Presidentit Johnson, i cili kishte pasuar presidentin e vrarë . Menjëherë pas kësaj, Seward u bind se SHBA-të duhet të blinin edhe Groenlandën dhe Islandën. Negociatat filluan me një ofertë: 5.5 milionë dollarë. Gjithçka vazhdoi pa probleme nga jashtë, por më pak nga brenda. Kongresi ishte kundër shpenzimit të më shumë parave, dhe ato ishin kohë të tjera: kërkohej miratimi parlamentar. Propozimi më pas u la në pritje.

Dinamika të ngjashme u përsëritën në vitin 1910 kur Presidenti Taft autorizoi një negociatë për një shkëmbim tipik pushteti kolonial. Negociatori ishte ambasadori i Shteteve të Bashkuara në Danimarkë, Maurice Francis Egan: ai propozoi që Shtetet e Bashkuara t’ia lëshonin ishullin filipinas Mindanao, atëherë një territor amerikan, Danimarkës në këmbim të Groenlandës dhe Indive Perëndimore Daneze. Danimarka ishte e interesuar, por marrëveshja përfundimisht përfundoi afër fundit të Luftës së Parë Botërore me shitjen e Indive Perëndimore Daneze Shteteve të Bashkuara më 31 mars 1917, për 25 milionë dollarë, të cilat më vonë u riemëruan Ishujt Virgjër Amerikanë . Por përsëri, asgjë nuk erdhi nga Groenlanda.

Pastaj ka episode dramatike . Kur Gjermania pushtoi Danimarkën, Groenlanda duhej të kalonte nën kontrollin gjerman, por Roosevelt ndërhyri personalisht, thirri ambasadorin danez në Uashington dhe e informoi se Shtetet e Bashkuara do të merrnin Groenlandën për arsye sigurie kombëtare. Në fakt, Gjermania kishte dashur të ndërtonte baza, por Uashingtoni e pengoi. Një precedent për përdorimin e forcës? Po, por përkohësisht gjatë një lufte dhe me premtimin e dëmshpërblimit, siç ndodhi më vonë.

Një nga negociatat më serioze, plotësisht sekrete (diçka u bë e ditur kohët e fundit kur dokumentet historike u deklasifikuan), u iniciua nga Presidenti Harry Truman në vitin 1946 me rekomandimin e një komiteti ad hoc të kryesuar nga zyrtari i Departamentit të Shtetit John Hickerson, i cili shkroi: “Komiteti tregoi se paratë tani janë të bollshme, se Groenlanda është plotësisht e pavlerë për Danimarkën dhe se kontrolli i Groenlandës është i domosdoshëm për sigurinë e Shteteve të Bashkuara”. Truman autorizoi ndarjen e 100 milionë dollarëve në ar dhe bëri një ofertë blerjeje më formale. Danimarka refuzoi, por pranoi se SHBA-të do të ruanin aksesin ushtarak në territor. Baza Thule ishte bërë Baza e Forcave Ajrore Pituffik, më veriore nga të gjitha 55 bazat ushtarake amerikane në të gjithë botën.

Ju tregova për idenë e Rockefeller-it nga vitet 1970 , por edhe ajo dështoi dhe SHBA-të respektuan përsëri të drejtën e Danimarkës për të vendosur në mënyrë autonome për destinacionin e territorit të saj.

Pastaj vijmë në vitin 2019, ofertën e parë të Trump , dhe deri në ditët e sotme me atë që na tregojnë lajmet rreth kërcënimeve ushtarake, vendosjes së ushtarëve evropianë në ishull, tensioneve të NATO-s dhe kërcënimeve për luftëra tregtare.

Përtej shkrimeve të tij në Truth dhe deklaratave të tij të vazhdueshme, mendimi i Trump kristalizohet në një intervistë që ai dha për New York Times më 6 janar, në të cilën ai tha se, duke pasur parasysh zgjedhjen, Groenlanda mund të jetë më e rëndësishme se NATO. Kur u pyet pse këmbënguli për një blerje kur presidentë të tjerë kanë zgjedhur rrugë të tjera, ai tha: “Ndoshta një president tjetër do të mendonte ndryshe, por deri më tani kam pasur të drejtë për gjithçka”. Ai më pas shtoi: “Ne do të bëjmë diçka në Groenlandë, pavarësisht nëse na pëlqen apo jo, sepse nëse nuk e bëjmë, Rusia ose Kina do ta bëjnë.”

Pastaj ai shpjegon më tej pse një traktat është më pak i fortë se një titull pronësie : “Prona është më e fortë se një kontratë qiraje ose një traktat.” Nuk ka shumë rëndësi që danezët mbajnë të njëjtën kontratë të nënshkruar me Amerikën. Ai është gati ta shkelë atë, duke mohuar në mënyrë efektive shenjtërinë e kontratave. Dhe pak më vonë, duke u sqaruar atyre që nuk e kishin kuptuar ende se ai nuk “ka nevojë për të drejtën ndërkombëtare”, ai përcaktoi moralin e vetëm të vlefshëm, moralin e tij, atë që ndjen brenda. Dhe duke u kthyer te ligji, ai sqaroi: “Nuk po përpiqem t’u dëmtoj njerëzve”. Pastaj, duke kundërshtuar veten, ai sqaroi se kishte ndërmend të respektonte të drejtën ndërkombëtare, duke specifikuar se “varet se cili është përkufizimi juaj i së drejtës ndërkombëtare”. I tiji është sigurisht i ndryshëm nga ai i të gjithë presidentëve amerikanë që e paraprinë./Corriere della Sera

Sesioni i ri parlamentar në Kuvendin e Shqipërisë u shoqërua me tensione dhe përplasje të forta politike, pasi kryetari i Partisë Demokratike, Sali Berisha së bashku me deputetët e opozitës, bllokuan foltoren e Kuvendit.

Gjatë fjalës së tij në videolive, Berisha akuzoi mazhorancën dhe qeverinë Rama për kapje të institucioneve dhe lidhje me krimin e organizuar, duke iu drejtuar: “Të gjithë jeni Lubia! Ngrihuni në këmbë dhe thërrisni: Jemi Lubi! Partia në pushtet, partia e krimit, po përballet me testin më serioz të shtetit të së drejtës”, u shpreh Berisha.

Kryetari i PD iu referua drejtpërdrejt zv/kryeministres dhe ministres së Infrastrukturës dhe Energjisë, Belinda Balluku, duke deklaruar: “Zv/kryeministrja Balluku është në Kongresin e SHBA-ve dhe ju jeni Ballukë të gjithë. Asaj dhe kryeministrit Edi Rama potencialisht nuk po u hiqni imunitetin”.

The post Opozita kërkon heqjen e imunitetit të Ballukut/ Berisha: Prania e ‘Lubisë’, provokacioni më i ulët appeared first on 27.