Një situatë ka ndodhur së fundmi në shtëpinë e Big Brother VIP, ku një veprim i Ludo Lee ndaj banores Elijona Binakaj ka shkaktuar reagime të forta dhe diskutime të gjera mes banorëve.
Gjatë një momenti që u transmetua në shtëpi, Ludo Lee bëri një gjest drejt Elijonës, i cili u perceptua nga ajo si i pahijshëm dhe u cilësua si ngacmim seksual.
Edhe pse Ludo u shpreh se veprimi i tij nuk kishte qenë i qëllimshëm, situata la një ndikim të fortë emocional tek Elijona.
Pas incidentit, ajo u pa e përlotur, duke rrëfyer hapur se ishte ndjerë jashtëzakonisht në siklet.
Elijona theksoi se një nga arsyet kryesore të shqetësimit të saj ishte fakti që gjithçka po transmetohej dhe se familja e saj po e ndiqte nga jashtë, veçanërisht babai i saj.
Momente të tensionuara por edhe qesharake u regjistruan mbrëmë brenda shtëpisë së Big Brother VIP Kosova, kur Bia Khalifa vendosi të shkojë tek shtrati i Edit.
Në atë moment ishte edhe Ludo, i cili nuk u ndje rehat me praninë e saj aty pranë dhe kërkoi menjëherë të ndryshojë vendin.
Situata shkaktoi disa të qeshura ndër banorët e tjerë që po ndiqnin zhvillimet.
BBVK/Instagram
“A bën Klodi unë me ardhë me flejt te ti”, u shpreh Ludo, duke treguar qartë se nuk ndihej komod me praninë e Bias në shtratin e Edit.
Ndërkohë, Bia nuk e ndërpreu qëndrimin e saj pranë shtratit dhe situata mbeti pak e tensionuar, duke tërhequr vëmendjen e banorëve dhe publikut në studio.
Ky incident është një tjetër episod i vogël i përplasjes së dinamikave brenda shtëpisë, ku vendimet e banorëve për vendndodhjen shpesh shndërrohen në momente të papritura dhe qesharake. /Telegrafi/
SHANGAI, 4 janar /ATSH/ – Presidenti i Koresë së Jugut, Lee Jae Myung, ka nisur një vizitë shtetërore në Kinë për të promovuar paqen në Gadishullin Korean, vetëm pak orë pasi Koreja e Veriut lëshoi raketa balistike, sipas Reuters.
Kjo është vizita e parë e Lee në Kinë që nga marrja e detyrës në qershor.
Gjatë vizitës, Lee do të takohet me presidentin kinez Xi Jinping për takimin e tyre të dytë brenda vetëm dy muajve, një interval jashtëzakonisht i shkurtër që tregon interesin e Kinës për të forcuar bashkëpunimin ekonomik dhe turizmin, veçanërisht ndërkohë që marrëdhëniet e Kinës me Japoninë janë tensionuar.
Lee ka lavdëruar Xi si një udhëheqës të madh dhe vizionar dhe ka theksuar mundësitë për bashkëpunim ekonomik dhe teknologjik, përfshirë zhvillimin e inteligjencës artificiale dhe industrive të avancuara.
Administrata e Lee synon të forcojë marrëdhëniet me Pekinin, duke njohur rëndësinë e Kinës si partneri më i madh tregtar i Koresë së Jugut.
Kjo lëvizje vjen pas një periudhe tensioni me Kinën gjatë mandatit të presidentit të mëparshëm, për shkak të afërsisë së Koresë së Jugut me SHBA-nē dhe Japoninë.
Vizita vjen gjithashtu në një kontekst sigurie, pasi Koreja e Veriut ka rritur aktivitetin bërthamor dhe Kinës i kërkohet të ndihmojë në rifillimin e dialogut me Phenianin.
Lee pritet të kërkojë që Kina të lehtësojë negociatat për denuklearizimin dhe stabilitetin rajonal.
Agjenda e vizitës përfshin edhe bashkëpunimin teknologjik dhe zinxhirët e furnizimit, duke përqendruar vëmendjen në industrinë dixhitale, turizmin dhe inovacionet teknologjike të avancuara.
Ky takim synon të vendosë një balancë diplomatike në rajon, duke forcuar marrëdhëniet mes Koresë së Jugut dhe Kinës, pa cenuar aleancën strategjike të Seulit me SHBA-në. /Ad.Ab./
UASHINGTON, 3 janar /ATSH-AFP-DPA/ – Shtetet e Bashkuara i kanë dhënë fund operacionit të tyre ushtarak në Venezuelë, pas kapjes së udhëheqësit të majtë Nicolas Maduro, tha sot një senator amerikan, duke cituar sekretarin e Shtetit, Marco Rubio.
”Rubio nuk parashikon ndonjë veprim të mëtejshëm në Venezuelë tani që Maduro është në paraburgim nga SHBA-të”, shkroi senatori Mike Lee, një republikan i cili fillimisht ishte kritik ndaj operacionit, në llogarinë e tij X, pas asaj që e përshkroi si një telefonatë me Rubion.
Presidenti amerikan, Donald Trump konfirmoi sot se SHBA kishte kryer sulme ajrore në territorin venezuelian dhe tha se udhëheqësi venezuelian Nicolas Maduro ishte kapur.
“Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, presidentit Nicolas Maduro, i cili, së bashku me gruan e tij, është kapur dhe është larguar me aeroplan nga vendi”, shkroi ai në llogarinë e tij Truth Social.
“Ky operacion u krye në bashkëpunim me forcat e ligjit të SHBA-së dhe detajet do të pasojnë më vonë gjatë ditës”, shkroi ai.
Qeveria venezueliane më parë akuzoi Shtetet e Bashkuara për “agresion ushtarak jashtëzakonisht serioz” pasi u raportuan shpërthime në kryeqytetin Karakas.
Imazhet e publikuara nga stacioni televiziv venezuelian NTN24 treguan shpërthime dhe re tymi.
SHBA-të kanë rritur fushatën e tyre ushtarake në muajt e fundit kundër kontrabandës së dyshuar të drogës të lidhur me Venezuelën, duke përfshirë edhe synimin e një porti.
Maduro më parë kishte akuzuar administratën Trump se po përpiqej të detyronte ndryshimin e regjimit në Karakas./ a.jor.
Banorët e Big Brother VIP Kosova përjetuan një sfidë mjaft interesante gjatë edicionit të katërt të spektaklit, por që nuk ishte e panjohur për publikun.
Ata morën pjesë në sfidën e njohur të biskotave nga Squid Game, ku duhet të tregojnë durim dhe precizion.
Rregulli kryesor ishte i rreptë: banorëve u lejohej të përdornin vetëm gjilpërën dhe gjuhën, duke e bërë sfidën edhe më të vështirë dhe të tensionuar.
BBVK/Instagram
Reagimet e tyre gjatë tentativave për të nxjerrë formën e duhur të biskotës tërhoqën vëmendjen e publikut dhe sollën momente të shumta të qeshura, por edhe frikë të lehtë nga gabimet.
Kjo sfidë risolli emocionet dhe tensionin që ka bërë të famshme lojën ndërkombëtare, duke treguar edhe një herë kreativitetin e produksionit të BBVK në sfidat e përditshme të banorëve. /Telegrafi/
Mickey Lee, e njohur për pjesëmarrjen në sezonin e 27-të të reality show-t “Big Brother SHBA”, ka ndërruar jetë në moshën 35-vjeçare, njoftoi familja e saj përmes Instagramit. Sipas një fushate GoFundMe të organizuar për të, Lee kishte qenë së fundmi në ICU për shkak të komplikacioneve nga gripi, që çuan në një seri arrestesh kardiake.
Familja e saj përshkroi ndikimin që ajo pati mbi njerëzit në një postim prekës në rrjetet sociale: “Mickey fitoi zemrat e audiencës në mbarë vendin përmes pjesëmarrjes së saj në ‘Big Brother’, ku autenticiteti, fuqia dhe shpirti i saj lanë një përshtypje të paharrueshme tek fansat dhe bashkëpunëtorët e programit. Ajo do të mbahet mend për gëzimin që solli në jetët e shumë njerëzve dhe për lidhjet e sinqerta që krijoi brenda dhe jashtë ekranit.”
Disa nga ish-konkurentët e “Big Brother” shprehën ngushëllimet e tyre për familjen e Lee. Bayliegh Pelham shkroi: “Është shumë tronditëse. Jam e lumtur që ajo pati mundësinë të jetonte një përvojë të jashtëzakonshme dhe të ndante dritën e saj me botën. Ishte shumë e bukur dhe e sjellshme. Kjo më dhemb shumë. Dërgoj gjithë dashurinë time për familjen dhe miqtë e saj.”
Mecole Hayes shtoi: “Kjo është një humbje e madhe. Na vjen shumë keq. Qofsh e qetë, e bukura jonë.”
Edhe Rachel Reilly komentoi: “Ngushëllime për humbjen tuaj, lutjet e mia për familjen. RIP MICKEY, na mungon shumë.”
Mickey Lee do të mbahet mend për energjinë, sinqeritetin dhe gëzimin që solli tek fansat e “Big Brother” dhe të gjithë ata që e njohën.
Ajo përmes një deklarate pohoi se sjellja e meshkujve është e ndikuar nga fakti se ndodhen në një format televiziv.
“Bia nuk ka ardhë si shqiptare këtu së pari, as nuk ka ardhë me i përfaqësu shqiptart, por veten. Bia nuk ka ardhë këtu si profesoreshë as intelektuale por si modele e OnlyFans. Të kishit qenë ju jashtë secili nuk do ta refuzonit Bia-n kurrë, por jeni para kamerave. Është Edi që ka pas guxim, se ju asnjëri nuk e kishit refuzu”, ka deklaruar Sasa.
Deklarata e saj u prit me pozitivitet edhe nga banorët e tjerë aty brenda.
Ludo Lee ka kritikuar Bia Khalifa-n për sjelljet e saj si dhe për tatuazhet, çka ka ngritur një diskutim të gjerë dhe të tensionuar në mesin e banorëve të shumtë.
Në disa momente ai madje është dëgjuar duke thënë se ajo nuk përfaqëson një shembull për popullin shqiptar.
Gjatë një diskutimi e sipër, ishte Olta Gixhari, e cila mori fjalën duke i kujtuar atij fotografinë që ka bërë ai me të famshmen, Kim Kardashian.
“Dua të ta kujtoj se ke dalë në foto dhe thua se është një nga mikeshat e tua më të mira, që ka bërë video, me përmbajtje për të rritur dhe krenohesh me këtë foto. Mos hajde të na mbash dy standarde”, i tha ajo Ludo-s.
Banori i ri më pas nuk qëndroi indiferent derisa i tha të mos e krahasonte Kim Kardashian me Bia Khalifa-n.
Gjatë ditës së sotme, Labi ka bërë një gafë të lezetshme. Ai tha se e kishte blerë “Bugattin” e tij për mbi 100 mijë euro, por më pas sqaroi se në fakt kishte në mendje “Maseratin”.
Gafa e tij u bë e dukshme kur banorët e tjerë filluan të qeshnin, duke i thënë se vetura e markës “Bugatti” është shumë më e shtrenjtë sesa shuma që ai përmendi.
Labi u shpreh: “E kam përzier Bugattin me Maseratin, aq shumë vetura kam pasur”.
BBVK/FaceBook
Toney tregoi: “Tha e kam blerë Bugattin 160 mijë euro”.
Ndërsa Edi shtoi: “Ai as dritën nuk e ka aq”.
Labi shpjegoi më tej: “Me është përzier me Maseratin, për besë”.
Ai gjithashtu tha se gjatë tre viteve të fundit kishte pasur mbi 120 vetura të ndryshme, duke treguar se përvojat e tij me makinat janë të shumta.
Kjo gafë ka shkaktuar qeshje dhe reagime të ndryshme mes banorëve, ndërsa Labi duket se e mori me sportivitet situatën. /Telegrafi/
Labinot Rexha, bëri një deklaratë bombastike gjatë një bisede me Toneyn dhe Ludon, duke lënë të kuptohet se nuk do të qëndrojë indiferent ndaj largimeve brenda lojës.
Ai tha se nëse Toney vendos të largohet sonte nga shtëpia, atëherë edhe ai do të dalë bashkë me konkurrentin.
Ludo, ndërkohë, ndërhyri dhe komentoi situatën duke thënë se Labinoti do të largohet, duke shtuar një vlerësim kritik: sipas performancës së tij, Labinot Haxhiu këtu është kot.
BBVK/YouTube
Ky koment nxiti një diskutim të mëtejshëm mes banorëve, duke rritur tensionin dhe duke sjellë debat mbi sjelljen dhe strategjitë e tyre brenda shtëpisë.
Deklarata e Labit nuk u prit vetëm nga banorët, por edhe nga publiku, i cili ndoqi me kujdes zhvillimet e momentit dhe reagimet e tyre.
Momentet e tilla, ku banorët shprehin vendosmërinë dhe lidhjet brenda shtëpisë, janë bërë gjithmonë pika kyçe e dramës dhe intrigës në Big Brother VIP Kosova. /Telegrafi/
Banori më i ri i Big Brother VIP Kosova, Ludo Lee, është treguar tejet i ashpër ndaj lojës së Dolces brenda shtëpisë.
Sipas tij, që nga rikthimi i saj nga Grande Fratello, banorja nuk po tregon më asgjë dhe nuk po kontribuon në dinamika si më parë.
Ai theksoi në mënyrë kritike: “Prej Grande Fratello u bë pica mozzarella, 24 orë asgje nuk bën”.
BBVK/YouTube
Ndërkohë, Labi shtoi se Dolce nuk duket se e do as veten dhe se po qëndron brenda shtëpisë kryesisht për bukuri. Ai komentoi: Dolce po qëndron vetëm për bukuri.
Ludo Lee gjithashtu vlerësoi lojën që Dolce bëri më parë me Edin, duke thënë se ajo ishte e mirë, por theksoi se banorja duhet të jetë më aktive: “Ai thotë se Dolce duhet të flasë më shumë”.
Kritikat e Ludo Lee dhe komentet e Labit kanë ngritur debat mes banorëve dhe kanë shkaktuar diskutime të shumta mbi sjelljen dhe angazhimin e Dolces që nga rikthimi i saj në shtëpi.
Shumë shikues dhe fansa po ndjekin me kujdes zhvillimet dhe reagimet e banorëve, duke bërë që tema të jetë një nga më të komentuarat në këtë sezon. /Telegrafi/
Banori më i ri i Big Brother VIP Kosova 4, Ludo Lee, ka rrëfyer së fundmi për eksperiencat e tij pas skenave dhe takimet me disa nga yjet më të mëdhenj botërorë.
Ai ka folur për aktorin e njohur Leonardo DiCaprio, të cilin e konsideron idhullin e tij më të madh.
“Leonardo DiCaprion e kam idoll më së shumti. Leonardo DiCaprio më ka dashur më shumë kur kam bërë shaka me të. Nuk më ka dashur kur iu kam ngjitur unë”, u shpreh Ludo Lee.
Banori i ri shtoi se perceptimi i tij ndaj aktorit ka ndryshuar me kohën.
“Kur e kam ndërruar lojën s’kam qenë fans i tij. U ndryshua loja, edhe librin tim e ka lexuar”, tha ai.
Deklaratat e Ludo Lees kanë tërhequr vëmendjen e ndjekësve të Big Brother VIP Kosova, duke ngjallur kuriozitet rreth eksperiencave të tij personale me yjet ndërkombëtarë dhe mënyrën se si e percepton idhullin e tij në botën e filmit.
Krahas tij, ai është takuar edhe me Kim Kardashian, Kanye West, Megan Fox, Kylie Jenner, Kendall Jenner etj.
Banori më i ri i Big Brother VIP Kosova 4, Ludo Lee, ka rrëfyer së fundmi për eksperiencat e tij pas skenave dhe takimet me disa nga yjet më të mëdhenj botërorë.
Ai ka folur për aktorin e njohur Leonardo DiCaprio, të cilin e konsideron idhullin e tij më të madh.
“Leonardo DiCaprion e kam idoll më së shumti. Leonardo DiCaprio më ka dashur më shumë kur kam bërë shaka me të. Nuk më ka dashur kur iu kam ngjitur unë”, u shpreh Ludo Lee.
Foto: Instagram
Banori i ri shtoi se perceptimi i tij ndaj aktorit ka ndryshuar me kohën.
“Kur e kam ndërruar lojën s'kam qenë fans i tij. U ndryshua loja, edhe librin tim e ka lexuar”, tha ai.
Deklaratat e Ludo Lees kanë tërhequr vëmendjen e ndjekësve të Big Brother VIP Kosova, duke ngjallur kuriozitet rreth eksperiencave të tij personale me yjet ndërkombëtarë dhe mënyrën se si e percepton idhullin e tij në botën e filmit.
Krahas tij, ai është takuar edhe me Kim Kardashian, Kanye West, Megan Fox, Kylie Jenner, Kendall Jenner etj. /Telegrafi/
Banori më i ri i Big Brother VIP Kosova, Ludo Lee, ka lartësuar figurën e komandantit legjendar Adem Jashari, duke e përmendur atë brenda shtëpisë së BBVK-së.
Ai foli me pasion për historinë e tij, si dhe për sakrificën e familjes Jashari.
“Puna e Adem Jasharit është fenomen. Një Serbi iu është frikësuar një familje. Ku ka në histori. Një ushtri me 20 mijë vetë iu është frikësu një familje kanë shku e kanë sulmu 20 mijë vetë një familje, paramendo! Për mua është njeriu më interesanti çka kam analizu… është Adem Jashari. Po është edhe nëna e tij, vëllau i tij e fëmijët e tij. Sa i hijshëm ka vdekë”, tha ai gjatë një bisede me Edin.
Ludo Lee foli edhe për rrethimin e familjes Jashari në vitin 1998 në Prekaz, nga dhjetëra mijëra ushtarë serbë, të cilët e sulmuan pa pushim.
Për ditë me radhë, familja Jashari mbrojti fortesën e saj, duke mos u dorëzuar.
Ludo Lee iu bashkua garës së Big Brother VIP Kosova në prime-in e së hënës. Ai njihet si një personazh që ka afrimitet me yje të njohura të Hollywood-it.
Banori më i ri i Big Brother VIP Kosova 4, Ludo Lee, ka rrëfyer periudhën e jetës së tij kur ishte i varur nga lojërat e fatit.
Gjatë një bisede me konkurrentët e tjerë, ai tha se kazino është gjëja më e keqe dhe më e rrezikshme.
“Në 2014-ën kam luajtur aq shumë kazino, kam pas rast që as parkingun s’kam pas me çka me pagu”, u shpreh ai.
Tutje tha: “Kam shkuar dhe iu kam thënë ose ma ndalon…është sendi ma i keq kazino. Më i rrezikshëm s’ka”.
Parukieri i famshëm u bë pjesë e formatit më të famshëm në vend në spektaklin e së hënës.
Ai ka bashkëpunuar me emra të mëdhenj si: Kim Kardashian, Kanye West, Megan Fox, Kendall Jenner, Jessica Alba etj.
I njëjti jeton dhe vepron në Zvicër, ku edhe zhvillon profesionin e tij.
Ludo Lee është një nga emrat më të njohur dhe më të kërkuar në botën e parukerisë profesionale, veçanërisht në rrethet e showbizit dhe modës.
Ai njihet si parukieri që qëndron pas pamjeve ikonike të shumë yjeve të famshëm, duke ndërtuar me vite një reputacion të fortë për stil unik, precizitet dhe kreativitet.
Ka ndërtuar karrierën e tij mes pasarelave, editorialeve të modës, fushatave publicitare dhe tapeteve të kuq.
Stili i tij karakterizohet nga një kombinim i elegancës klasike me trendet moderne, duke e bërë të preferuar nga figura publike, modele dhe artistë të njohur ndërkombëtarisht.
Ludovik Tunaj (emri i vërtetë) ka bashkëpunuar me emra të mëdhenj të industrisë së modës dhe showbizit, si këngëtarë, aktorë dhe influencuese të njohura, të cilat i besojnë atij pamjen e tyre në evente të rëndësishme, sfilata mode dhe paraqitje televizive.
Emrat me të cilat ka bashkëpunuar janë: Kim Kardashian, Kanye West, Eva Longoria, Jessica Alba, Kendall Jenner, Megan Fox, Kylie Jenner, Leonardo DiCaprio e shumë të tjerë.
Për Ludo Leen, flokët nuk janë thjesht stil, por një formë arti që plotëson personalitetin dhe imazhin e secilit klient.
Përveç punës si parukier i yjeve, Ludo Lee është aktiv edhe në edukimin profesional, duke ndarë përvojën e tij përmes 'masterclass' -eve, trajnimeve dhe bashkëpunimeve me marka të njohura të produkteve për flokë.
Ai është mjaft aktiv në rrjetet sociale, ku publikon vazhdimisht transformime mbresëlënëse dhe momente nga prapaskenat e punës së tij me VIP-at.
Sot, konsiderohet një nga figurat më me influencë në fushën e stilimit, një emër që qëndron shpesh pas suksesit vizual të yjeve, edhe pse vetë zgjedh të qëndrojë larg vëmendjes së drejtpërdrejtë mediatike. /Telegrafi/
Login
