Një moment emocional ndodhi në Big Brother VIP Kosova 4, kur nëna e Benita Zenës, hyri në shtëpi për t’i dhënë një mesazh vajzës së saj.

Ajo nuk e ka pranuar raportin që Benita ka pasur me Toney, duke e shprehur mendimin e saj në mënyrë të qartë dhe të drejtpërdrejtë.

“E di sa e vlefshme je ti, çfarë karakteri ke, lidhje me askënd, jashtë nuk ka lidhje brenda kurrsesi hiç”, tha ajo.

Nëna e Benitës shtoi se loja e vajzës nuk i ka pëlqyer aspak dhe e inkurajoi të dalë e vetme nga formati.

“Atë lojën që e ke bërë nuk na ka pëlqyer hiç. Vet ke hyrë, vet do të dalësh”.

Ajo gjithashtu i tha se nuk është në gjendje të mirë shëndetësore dhe i kërkoi që të largohet nga ky format.

“Kam qenë shumë e sëmurë me hipertension, kam nevojë shumë për ty. Kjo do të vendos nëse rrugëtimi do t’i ndalet”.

Sidoqoftë, ia ka lënë në dorë Benitës të vendos nëse do të tërhiqet nga gara. /Telegrafi/

Pas eliminimit të tij të premten, Toney, ka qëndruar në shtëpinë kapsulë dhe tani iu dha një mundësi për të rikthyer sërish në këtë format.

Banorët Benita Zena, Ardit Stafaj dhe Labinot Rexha u pyetën nëse dëshironin ta rikthenin Toney, me kushtin që kjo do të ulte çmimin e madh prej 200 mijë eurosh.

Disa nga banorët u shprehën se nuk ishin dakord me rikthimin e tij, pasi të gjithë kanë hyrë në shtëpi me qëllim për të fituar çmimin maksimal.

Pas votimeve dhe diskutimeve brenda shtëpisë, çmimi i madh u ul në 173 mijë euro dhe banorët vendosën që Toney të rikthehet në lojë.

Kthimi i tij pritet të rrisë tensionet dhe dinamikën mes banorëve, duke i shtuar sfida dhe surpriza javëve të ardhshme të emisionit.

Kjo shkaktoi revoltë të madhe në shtëpi, ndonëse do të ketë tensione të mëdha në vazhdim.

Megjithatë, pritet të shihet se si do të pritet rikthimi i Toneyt në BBVK, si një shans i dytë. /Telegrafi/

Mbrëmja e Talent Show-it në Big Brother VIP Kosova solli momente argëtuese dhe performanca të veçanta, por ishte Londrimi ai që mori gjithë vëmendjen e banorëve dhe të publikut me interpretimin e tij.

Për paraqitjen në skenë, Londrimi zgjodhi një veshje të pazakontë: ai veshi një fustan të ngushtë, vendosi doreza të fryra në pjesën e gjoksit dhe përdori një aksesor në dhëmbë për t’i bërë ata të dukeshin më të bardhë.

Me këtë paraqitje, ai imitoi Benitën, e cila më herët kishte treguar se kishte vendosur dhëmbë diamanti.

BBVK/Instagram

Performanca u shoqërua edhe me interpretimin e këngës “Bugattin e ndërrojmë”, duke e bërë skenën edhe më komike.

Imitimi dhe detajet e zgjedhura shkaktuan të qeshura të shumta te banorët e tjerë, të cilët reaguan me duartrokitje dhe humor.

Momenti u kthye shpejt në një nga më të komentuarit e mbrëmjes, duke treguar edhe një herë anën argëtuese dhe krijuese të Londrimit brenda shtëpisë së BBVK. /Telegrafi/

Në një moment në Big Brother VIP Kosova, banorja Benita Zena, u shfaq e shqetësuar pas një komenti që i bëri Alba Pollozhani.

Reagimi i këngëtares ishte i fuqishëm, duke shpërthyer në lot dhe duke qajtur me dënesë për shkak të situatës.

“Po ma ngjesin, ka pi, ka pi, nuk kam pi more. Mem pa familja jem tu thane ka pi, hej ka pi. Shumë mirë kesh jasht, rahat”, tha ajo.

Foto: YouTube

Në këto momente të tensionuara, Klodian Mihaj qëndroi pranë saj, duke i ofruar mbështetje dhe duke u përpjekur ta qetësojë.

Ai e inkurajoi Benitën që të mos i japë rëndësi komenteve brenda shtëpisë, duke përfshirë edhe ato të Labinotit.

Në shtëpi po vazhdojnë tensionet e debatet e shumta mes banorëve, marrë parasysh se loja po bëhet çdo ditë e më e ashpër.

Tanimë ka kaluar mbi një muaj që nga nisja e këtij reality shou që u shoqërua me përplot ngjarje. /Telegrafi/

- YouTube www.youtube.com

Benita është shprehur tejet e mërzitur pas eliminimit të Toney-t mbrëmë nga Big Brother VIP Kosova, një largim që e preku thellë emocionalisht.

Ajo u pa duke qarë me dënesë, e tronditur nga fakti se ai nuk arriti të vazhdonte më tej garën, ndërsa vazhdimisht përsëriste se sipas saj, Toney nuk e kishte aspak të merituar të largohej nga shtëpia.

E përfshirë nga emocionet, Benita u afrua pranë Arditit, të cilin e përqafoi fort, duke kërkuar mbështetje në ato momente të vështira.

Në një moment, Benita nisi të shtrojë pyetje, duke hedhur dyshime se mos ajo vetë kishte ndikuar në largimin e Toney-t. E pushtuar nga ndjenja e fajit, ajo iu drejtua Arditit me fjalët:

“A e kam penalizuar unë, sepse për këtë po qaj?”, i tha ajo Arditit, por që ky i ktheu përgjigje se nuk ishte faji i saj.

Toney ishte banori që u eliminua mbrëmë nga gara për çmimin e madh në Big Brother VIP Kosova, duke i dhënë fund rrugëtimit të tij në shtëpinë më të famshme.

Ai nuk arriti të sigurojë numrin e mjaftueshëm të votave nga publiku për të vazhduar më tej në garë.

Mes pesë banorëve të nominuar këtë javë, Toney ishte ai që përfundoi rrugëtimin e tij, një largim që u konsiderua i papritur.

Ky eliminim u përjetua mjaft rëndë nga Benita, vajza me të cilën Toney kishte krijuar një afrimitet të dukshëm gjatë qëndrimit të tij në shtëpi.

Dyshja janë parë shpesh pranë njëri-tjetrit, duke ndarë momente të afërta dhe përqafime, gjë që kishte ngjallur kureshtje dhe komente edhe jashtë shtëpisë.

Pas largimit të Toney-t, Benita u pa dukshëm e prekur emocionalisht, teksa nuk i mbajti dot lotët.

Një moment prekës ka ndodhur së fundmi në shtëpinë e Big Brother VIP Kosova 4, ku banorja Benita Zena u pa duke qarë pas disa debateve me banorët e tjerë.

Në një video të publikuar, shihet qartë reagimi i sinqertë i Benitës, e cila duket e mërzitur dhe kërkon të tërhiqet për disa çaste, duke qëndruar vetëm për të përpunuar emocionet e forta që po përjetonte.

Ky moment ka tërhequr vëmendjen e ndjekësve në rrjetet sociale, ku shumë prej tyre thanë se po viktimizohej.

Foto: Instagram

Konkurrentët shpesh përballen edhe me emocione të forta, të cilat dalin në pah në situata të papritura.

Benita pati debat me Hygerta Sakon e me disa të tjerë gjatë këtyre ditëve, e shihet se është më e ngarkuar.

Pavarësisht se shquhet për karakterin e fortë, ky çast zbuloi edhe anën e ndjeshme të Benitës.

Në shtëpi tani kanë nisur polemikat, intrigat e situatat e forta mes banorëve. /Telegrafi/

Një moment i pakëndshëm ka ndodhur së fundmi në shtëpinë e Big Brother VIP Kosova, ku banorja Alba Pollozhani u përfshi në një incident që ka ngjallur reagime të shumta nga publiku.

Teksa Alba ishte duke fjetur, Labinot Rexha dhe Benita Zena vendosën t’i hedhin ujë si pjesë e një veprimi që u cilësua nga shumë shikues si i tepruar.

Pas këtij momenti, Alba u zgjua e befasuar dhe, teksa tentoi të çohej, ajo u rrëzua.

Foto: Instagram

Ky veprim u prit me kritika të shumta në rrjetet sociale, ku ndjekësit e konsideruan të papërshtatshëm dhe të rrezikshëm gjestin e bërë ndaj saj.

Nga ana tjetër, banori Londrim Mekaj reagoi menjëherë duke i ofruar ndihmë Albës për t’u çuar, një veprim që u vlerësua pozitivisht nga publiku.

Ngjarja ka hapur diskutime mbi kufijtë e shakasë brenda shtëpisë së Big Brother VIP Kosova dhe mënyrën se si banorët duhet të sillen ndaj njëri-tjetrit, veçanërisht në situata që mund të rrezikojnë sigurinë fizike.

E veç kësaj, ajo po vazhdon të tallet nga banorët e tjerë në shumë raste. /Telegrafi/

Benita Zena ka folur edhe një herë për Elijona Binakajn, me të cilën nuk ka raporte të mira që nga fillimi i këtij Big Brotheri.

Ajo ka thënë se banorja po viktimizohet duke përdorur tragjedinë e familjes.

Në një diskutim me Labinot Rexhën, këngëtarja shtoi se banorja doli keq në Prime.

Foto: Instagram

"Është vetëm hije edhe mbet. Ata e kanë hije pak përmas aty se ec shpejt. Të gjitha false janë, e di unë", tha ajo.

"Që nuk e do publiku e do se u viktimizua deri në pikën e fundit e ka historinë e fortë", shtoi ndër tjerash.

Elijona ndërkohë ka rrëfyer se në vitin 2021 i ka vdekur nëna dhe motra në një aksident me autobus.

E veç kësaj, pati një rast me familjen në Gjermani edhe kur ishte e vogël. /Telegrafi/

Saranda Hoda ka bërë një debat të ashpër së fundmi me Benita Zenën në Big Brother VIP Kosova.

Në shtëpinë e famshme tashmë ka ngjarje e dinamikat ndërrojnë vazhdimisht.

Sasa i tha këngëtares që të investoj edhe në tru, jo vetëm në dhëmbë, pasi i ka bërë me diamante.

"Kur ta bën edhe trurin me diamante atëherë e kupton. Mos i bëj vetëm dhëmbët, investo edhe në tru", iu drejtua Sasa.

Benita në anën tjetër ia ktheu: "Trurin e kam full me diamante".

Ato vazhduan me replika ndaj njëra-tjetrës, gjersa nuk pajtohen në shumë gjëra.

Sidoqoftë, banorët tani kanë filluar të ndahen nëpër grupe, e të kenë pakënaqësi të shumta. /Telegrafi/

Brenda shtëpisë së Big Brother VIP Kosova, marrëdhëniet mes banorëve vazhdojnë të jenë në qendër të vëmendjes.

Së fundmi, Benita Zena ka folur hapur me Klodian Mihajn rreth raportit të saj me Toneyn, duke shprehur dyshime serioze për vazhdimin e kësaj lidhjeje.

Gjatë bisedës, Benita u shpreh se nuk po e ndien më veten mirë në këtë raport dhe se po e mendon seriozisht vendimin për t’i dhënë fund.

Foto: Instagram

“Do t’ia vë vizën. Nuk po e shoh të arsyeshme”, u shpreh ajo.

Banorja shtoi se një nga arsyet kryesore që po e shqetëson është afrimiteti i tepruar nga ana e Toneyt, gjë që po e bën të ndihet e ngarkuar emocionalisht.

“Po më pengon fakti se po më vjen shumë përmas. Kam nevojë të qetësohem”, tha Benita gjatë bisedës me Klodianin.

Në vazhdim mbetet për të parë nëse Benita do të bëj një shkëputje totale nga Toney, apo është thjesht vetëm lojë nga ana e saj. /Telegrafi/

Brenda shtëpisë së Big Brother VIP Kosova 4, tensioni mes konkurrenteve Shkurte Haxhiu dhe Benita Zena ka arritur kulmin.

Debati i tyre ka qenë i ashpër dhe ka përfshirë akuza dhe replika të forta.

Gjatë përplasjes, Shkurta iu drejtua Benitës me fjalët: “Oj Benitë, oj Benitë oj e çmontuar, oj femër e gomës. O çmontim".

Benita nuk qëndroi pa përgjigje dhe i tha: “Ti je duke i ofenduar shumicën e këtyre femrave brenda".

Por Shkurta nuk u ndal: “Kush e ka mizën ndër kapelë, s’kam çfarë të bëj".

Benita shtoi: “Të gjitha femrat jashtë edhe brenda je duke i ofenduar".

Në fund, Shkurta u mbrojt duke thënë: “Jam kundër dhe vazhdoj të jem".

Ky moment ka tërhequr menjëherë vëmendjen e publikut dhe ka nxitur diskutime të shumta në rrjetet sociale. /Telegrafi/

Banorja e Big Brother VIP Kosova, Benita Zena, ka ndarë me banorët brenda shtëpisë historinë pas viralizimit të dhëmbëve të saj, të cilët kanë tërhequr vëmendjen jo vetëm në Kosovë, por edhe ndërkombëtarisht.

“Është teknika më e re, janë ato thyerjet si të diamantit dhe e japin atë reflektim. Kur kam thënë që jam e para në botë që i kam bërë, u çuan të gjithë si e para, derisa u bëra viral edhe në Kinë”, tregoi Benita.

Ajo shtoi se fama e saj ka marrë përmasa të jashtëzakonshme.

Foto: Instagram

“Dentistët në Kinë duke folur për këta dhëmbë, edhe në Amerikë, të gjithë duke i komentuar dhëmbët. Këtu te ne e bënë të madhe si e para në botë”, shtoi ndër tjerash.

Benita shpjegoi se reagimet e shumta kanë ardhur për shkak të kombinimit të teknikës inovative dhe reflektimit unik të dhëmbëve të saj, duke bërë që emri i saj të përmendet nga profesionistë të fushës në mbarë botën.

E njëjta në një intervistë theksoi se këta dhëmbë i kanë kushtuar afro 14 mijë euro.

Ajo vazhdon akoma të komentohet nga jashtë për këtë investim të madh në paraqitje. /Telegrafi/

Debati mes Elijonës dhe Benitës këtë javë ka tërhequr vëmendje të madhe në rrjetet sociale, ku fansat e Big Brother VIP Kosova 4 kanë komentuar gjatë për tensionin mes banoreve.

Megjithatë, Benita ka zbuluar se situata nuk ka qenë krejt e natyrshme dhe se prapa shumë gjërave që ndodhën qëndron produksioni i spektaklit.

Gjatë një bisedë me Klodin brenda shtëpisë, ajo rrëfeu se reagimi i saj ndaj situatës ishte i ndikuar dhe jo thjesht spontan.

“Më thanë të veproja kështu…”, u shpreh Benita, duke treguar se ekipi i produksionit shpesh jep udhëzime për të krijuar situata dramatike që të rrisin dinamiken brenda shtëpisë.

,Vëllai i Madh ndërhyri menjëherë për t’i tërhequr vërejtjen, duke kujtuar rëndësinë e respektimit të rregullave të lojës dhe të limitit të reagimeve të nxitura nga produksioni.

Ky moment ka ndezur diskutime të shumta tek fansat, të cilët po debatohen nëse banorët janë plotësisht të lirë në veprimet e tyre apo nëse ngjarjet brenda shtëpisë shpesh manipulohet për efekt televiziv. /Telegrafi/

Në edicionin e së premtes të spektaklit, diskutimi mbi afrimin mes Toneyt dhe Benitës zuri një vend të rëndësishëm.

Dyshja, e cila duket se tashmë po kalon nga miqësia drejt një lidhjeje romantike, u pyetën nga moderatorët mbi statusin e marrëdhënies së tyre.

Por ishte Toney ai që befasoi të gjithë me deklaratën e tij, duke thënë se ata janë “të betuar”, një shprehje që la të gjithë pjesëmarrësit dhe spektatorët të habitur: “Jemi betuar në Zot që kemi pëlqim, por jemi të hapur për t'i lënë të tjerët të futen në mes”, tha Toney.

Deklarata e tij shkaktoi habi dhe reagime të ndryshme, pasi nënkuptonte që marrëdhënia mes Toneyt dhe Benitës nuk është ekskluzive dhe se ata mund të jenë të hapur për të përfshirë edhe persona të tjerë.

Ky moment solli diskutime të shumta mes pjesëmarrësve dhe publikun, duke i dhënë spektaklit një tension dhe kuriozitet të shtuar për zhvillimet e mëtejshme mes dyshes. /Telegrafi/

Dy banorët e Big Brother VIP Kosova 4, Toney dhe Benita Zena, kanë pasur një afrimitet të madh këtë kohë.

Përkundër përplasjeve, ata kanë pasur edhe momente të mira me njëri-tjetrin.

Ata gjithashtu kanë shprehur pëlqim haptazi, pas raportit që banori kishte krijuar me banoren tjetër, Bia Khalifa.

Foto: Instagram

E tani, Toney siç shihet i ka rrëmbyer një puthje në buzë këngëtares, edhe pse ishte e shpejt.

Kjo tregon më shumë për marrëdhënien e tyre dhe atë që do të krijojnë në vazhdimësi.

Se çfarë do të ketë e si do të vazhdojë, mbetet për t'u parë me kohë.

Deri më tani është krijuar vetëm një çift në këtë format, Eduard Kuçi dhe Dolce. /Telegrafi/

Mbrëmja në Big Brother VIP Kosova ka sjellë sërish momente të ngrohta dhe tensione emocionale, sidomos mes Toneyt dhe Benitës, të cilët së fundmi përjetuan një krisje në marrëdhënien e tyre.

Pavarësisht mospajtimeve të ditëve të fundit, dyshja u shfaq shumë pranë njëri-tjetrit. Toney e mori Benitën në krahë dhe e rrotulloi në dhomën e ndenjës, ndërsa ajo nuk e fshihte dot buzëqeshjen dhe emocionet.

Por një moment edhe më i afërt ndodhi pak më vonë: gjatë përqafimit të tyre, Toney vendosi ta puthte Benitën në faqe, gjë që krijoi një situatë të sikletshme brenda shtëpisë.

Arsyeja? Klodi ishte duke i vështruar nga afër – banori për të cilin Benita vetë ka shprehur pëlqim kohë më parë.

Ky trekëndësh po komentohet gjerësisht në rrjetet sociale, teksa fansat po analizojnë çdo reagim dhe mimikë të banorëve. Ndjekësit tashmë presin për të parë nëse këto momente do të sjellin afrim të ri mes Toneyt e Benitës, apo tension me Klodin në ditët në vijim. /Telegrafi/

Situata në Big Brother VIP Kosova është tensionuar sërish, teksa dy banoret Alba dhe Benita janë përfshirë në një debat të ashpër që ka ngritur temperaturat brenda shtëpisë.

Gjatë një bisede, Alba e akuzoi Benitën se e kishte shtyrë, duke e cilësuar veprimin si provokues dhe të panevojshëm. Mirëpo, Benita mohoi kategorikisht një gjë të tillë, duke insistuar se nuk ka kryer asnjë veprim fizik ndaj saj.

Përplasja mes tyre u zhvillua me tone të larta dhe nervozizëm të dukshëm, ndërsa banorët e tjerë ndërhynë për të qetësuar situatën, e cila rrezikonte të dilte jashtë kontrollit.

Ky incident ka sjellë reagime të menjëhershme nga publiku në rrjetet sociale, me ndjekës që po komentojnë mbi dinamikën në rritje të konfliktit mes dy banoreve, i cili pritet të ndikojë edhe më tej në lojën dhe marrëdhëniet brenda shtëpisë. /Telegrafi/

- YouTube youtu.be

Banorja e njohur e këtij edicioni të Big Brother VIP Kosova, Benita Zena, e cila tashmë njihet edhe si influencuese në rrjetet sociale, ka bërë një deklaratë që ka ngjallur reagime të shumta.

Gjatë një bisede me banorin Tony, Benita shprehu mllefin e saj ndaj banores tjetër, Elijona Binakaj, duke thënë: "Unë e mbys krejt, e kap dhe dalë jashtë dhe fare nuk ma ndjen".

Kjo gjuhë u konsiderua e papërshtatshme për një format si Big Brother VIP Kosova dhe ka shkaktuar reagime të shumta nga ndjekësit në rrjetin social X (ish-Twitter), ku fansat dhe komentuesit kanë diskutuar për intensitetin e deklaratës dhe për mënyrën se si konflikti mes banorëve po zhvillohet brenda shtëpisë.

Benita, e njohur për karakterin e saj të drejtpërdrejtë dhe shpesh kontravers, duket se nuk ka frikë të shprehë hapur emocionet e saj, duke e bërë jetën brenda shtëpisë së Big Brother edhe më të paparashikueshme. /Telegrafi/

Benita Zena dhe Toney janë munduar të sqarohen në ditën e sotme (e mërkurë) pas përplasjeve që patën së fundmi.

E kjo duket se nisi për shkak të banores tjetër, Elijona Binakaj, që sipas këngëtares po e provokon atë.

Toney ia tregoi të vërtetën se si ishte rasti dhe se nuk kishte ndonjë qëllim tjetër.

Benita në ndërkohë bëri një deklaratë të fortë, që duket si një lloj kërcënimi për konkurrenten e lartpërmendur.

"Unë e mbys krejt e kapi edhe dal jashtë as nuk ma ndjen. E mbys në atë kuptimin, se po mendoj", u shpreh ajo.

Disa nga komentuesit kanë thënë se duhet të ketë 'zarf të zi' për këtë gjest të Benitës.

Se çfarë do të ndodh mbetet për t'u parë në vazhdim, nëse do të ketë vendim për artisten. /Telegrafi/