Një moment i hareshëm ka ndodhur së fundmi në shtëpi, kur Londrimi ka shijuar muzikën e përzgjedhur nga “Vëllai i Madh”, duke u lëshuar krejtësisht në ritëm.

Teksa ai vazhdonte të vallëzonte me energji dhe humor, Elijona nuk e la pa e ngacmuar me një koment që bëri të qeshnin edhe banorët e tjerë.

“Më bukur se ti nuk vallëzojnë as femrat”, u shpreh ajo, duke vlerësuar lëvizjet e tij dhe duke e kthyer skenën në një moment argëtimi për të gjithë.

Ky reagim solli atmosferë pozitive dhe tregoi edhe një herë se dinamika mes banorëve po shoqërohet me momente spontane, batuta dhe shumë humor.

Në vazhdim mbetet të shihet se çfarë surprizash të tjera do të sjellë “Vëllai i Madh” dhe si do të vazhdojë loja e banorëve. /Telegrafi/

Gjatë një bisede të fundit brenda shtëpisë së Big Brother VIP Kosova 4, banorët Londrim Mekaj dhe Eduard Kuçi, kanë ndarë disa mendime të sinqerta mbi perceptimet dhe pritshmëritë që kanë ndaj njëri-tjetrit.

Ka qenë Londrimi ai që i ka thënë Edit se ishte përgatitur të paragjykohej prej tij, duke reflektuar mbi mënyrën se si veprimet e tij mund të interpretohen nga të tjerët.

“Nëse kam pritur të paragjykohem prej dikujt, për gjërat që i bëj unë, me natë të parë e kam pritur prej teje", u shpreh ai.

Foto: Instagram

"Edhe kur më ke thënë ti je si model edhe këto veshje, jam ndal të kam shikuar kam thënë Edi, nuk e kam pritur. Ka të bëj me parimet ndoshta edhe mentaliteti jonë është kundër disa gjërave", shtoi mes tjerash Londrimi.

I njëjti ka një stil të veçantë të paraqitjes, ku edhe shpesh paragjykohet në rrjete sociale.

Sidoqoftë, po pëlqehet tejet shumë për lojën që po e zhvillon brenda shtëpisë së famshme.

Ka qenë po ashtu edhe një nga të preferuarit e publikut, për pozitivitetin dhe energjinë. /Telegrafi/

Së fundmi në Prime u publikua një klip me disa momente emocionuese të Alba Pollozhanit.

Në të është përfshirë edhe 'stich'-i i saj, ku djemtë Londrim Mekaj, Klodian Mihaj dhe Labinot Haxhiu ia kanë fshehur.

Ajo qan me lot për të dhe përmend partnerin e saj, me të cilin ka një raport jashtë.

- YouTube www.youtube.com

E në spektakël, Alba duke komentuar këtë pjesë, bëri dhe një deklaratë të fortë.

Ajo u shpreh se të tre djemtë e shtëpisë kanë pëlqim për të, gjersa u krijua një zhurmë brenda.

Të njëjtit reaguan duke qeshur me zë, pasi nuk u pajtuan me atë që tha, duke e kundërshtuar.

Më pas diskutuan rreth gjithë kësaj dhe se thonë se Alba ka një pëlqim për Ludo Lee. /Telegrafi/

- YouTube www.youtube.com

Debatet brenda shtëpisë janë përqendruar së fundmi rreth një teme që disa banorë e kanë përfolur vazhdimisht ditët e fundit, duke sjellë reagime të forta nga Arditi, Klodi dhe Londrimi.

Të tre shprehën pakënaqësitë e tyre për mënyrën se si po trajtohet kjo çështje, duke e konsideruar të panevojshme dhe të padrejtë.

Londrimi u shpreh i irrituar, duke e quajtur të papranueshme që të diskutohet orientimi seksual i dikujt.

BBVK/Instagram

Sipas tij, është një absurditet që një temë e tillë të përdoret për thashetheme apo aludime brenda shtëpisë.

Nga ana tjetër, Arditi theksoi se kjo çështje prek drejtpërdrejt njerëzit dhe nuk duhet kaluar lehtë.

Ai u shpreh se duhet të inkuadrohen, pasi bëhet fjalë për tema që lidhen me dinjitetin dhe respektin personal.

Edhe Klodiani ishte kritik, duke deklaruar se këto përfolje tregojnë mungesë argumentesh.

“S’kanë ku të kapen dhe kapen në gjëra… këtu tregojnë sa të dobët janë”, u shpreh ai, duke lënë të kuptohet se aludimet përdoren si mjet për të sulmuar të tjerët.

Diskutimi ka nxitur reagime të shumta edhe jashtë shtëpisë, duke rikthyer në vëmendje kufirin mes debatit dhe cenimit të jetës personale të banorëve. /Telegrafi/

Dolce ka marrë sërish vëmendjen e publikut pas një videoje të publikuar nga Big Brother VIP Kosova.

Në pamje, ajo shihet duke dalë nga dushi e veshur me bikini, ndërsa poshtë trupit kishte lidhur një peshqir, po ashtu edhe në kokë.

Para se të fillonte përgatitjen dhe grimin, Dolce nisi një vallëzim sensual dhe provokues, duke krijuar një moment që nuk kaloi pa u vënë re nga banorët dhe publiku.

BBVK/Instagram

Në një çast, edhe Fjolla iu bashkua vallëzimit, ndërsa Londrimi, i cili ndodhej në dush, reagoi me lëvizje ritmike.

Dolce është shpesh në qendër të vëmendjes për paraqitjet e saj dhe format elegante, duke u kthyer në një nga banoret më të komentuara brenda shtëpisë së BBVK. /Telegrafi/

- YouTube www.youtube.com

Ngjarjet brenda shtëpisë së Big Brother VIP Kosova 4 që ndodhën disa ditë më parë, u diskutuan gjatë spektaklit Prime, duke shkaktuar reagime të forta tek publiku dhe brenda shtëpisë.

Banori Labinot Rexha (Labi) bëri komente të ndjeshme ndaj banorëve Klodi dhe Londrimi, që u interpretuan si referenca për vetëvrasje.

Gjatë emisionit, ai deklaroi se nuk kishte qenë i vetëdijshëm për ato që kishte thënë dhe kërkoi falje publike.

“Jam mysliman, Klodi ka bërë gabim fatal duke më sjellë alkool, duke pasur parasysh që ne shqiptarët kemi respekt ndërfetar. Është e manipuluar nga Kushtrimi dhe Sasa, duke pasur parasysh që ne kurrsesi nuk i kemi imponuar dikë për ta promovuar alkoolin pasi unë nuk e përdora”, u shpreh ai.

Tutje tha: “Nuk kam qenë i vetëdijshëm çka kam thënë dhe kërkoj falje publike”.

E në anën tjetër, Klodi i hodhi pije energjike në fytyrë këngëtarit, një gjëst që u dënua po ashtu nga të gjithë.

Në shtëpinë e famshme po vazhdojnë të rriten tensionet dita-ditës e të ketë situata të pazakonta. /Telegrafi/

Mbrëmja e Talent Show-it në Big Brother VIP Kosova solli momente argëtuese dhe performanca të veçanta, por ishte Londrimi ai që mori gjithë vëmendjen e banorëve dhe të publikut me interpretimin e tij.

Për paraqitjen në skenë, Londrimi zgjodhi një veshje të pazakontë: ai veshi një fustan të ngushtë, vendosi doreza të fryra në pjesën e gjoksit dhe përdori një aksesor në dhëmbë për t’i bërë ata të dukeshin më të bardhë.

Me këtë paraqitje, ai imitoi Benitën, e cila më herët kishte treguar se kishte vendosur dhëmbë diamanti.

BBVK/Instagram

Performanca u shoqërua edhe me interpretimin e këngës “Bugattin e ndërrojmë”, duke e bërë skenën edhe më komike.

Imitimi dhe detajet e zgjedhura shkaktuan të qeshura të shumta te banorët e tjerë, të cilët reaguan me duartrokitje dhe humor.

Momenti u kthye shpejt në një nga më të komentuarit e mbrëmjes, duke treguar edhe një herë anën argëtuese dhe krijuese të Londrimit brenda shtëpisë së BBVK. /Telegrafi/

Banorët e Big Brother VIP Kosova po bëhen gati për mbrëmjen e Talent Show-it, ndërsa përgatitjet kanë sjellë edhe momente të veçanta brenda shtëpisë.

Gjatë provave të veshjeve, Londrimi ka eksperimentuar me disa stile të ndryshme, mes tyre edhe një fustan, duke tërhequr vëmendjen e banorëve të tjerë.

BBVK/Instagram

Reagimi i Dolces nuk ka munguar, e cila e ka komplimentuar menjëherë Londrimin duke i thënë: “Sa bukur. Sa mirë i rri”, një moment që është komentuar me pozitivitet brenda shtëpisë.

Këto çaste tregojnë edhe një herë atmosferën e lirshme dhe mbështetëse mes banorëve, ndërsa të gjithë po përgatiten për një nga netët më argëtuese të spektaklit. /Telegrafi/

Natën e kaluar, në Big Brother VIP Kosova, disa aludime dhe reagime në rrjetet sociale kanë ngritur shqetësime rreth gjendjes së banorit Londrim Mekaj, pasi u raportua se ai kishte humbur ndjenjat për pak.

Sipas informacioneve që qarkulluan në rrjete sociale, transmetimi ishte ndërprerë për pak, ndërsa Londrimi u largua për të marrë trajtimin e nevojshëm mjekësor.

Shumë ndjekës shprehën shqetësimin e tyre, duke përdorur ‘hashtag’dhe komente si: “Londrimit i paska rënë të fikët”.

Foto: Instagram

“Londrimit i ka rënë të fikët në BBV nga ushqimi. Çfarë po ndodh me këtë Big? Drejtësi për Londrim Mekaj”, tha një tjetër.

Edhe faqja zyrtare e Londrimit në Instagram, që menaxhohet nga familja, shpërndau mesazhet për këtë.

Foto: Instagram

I njëjti duket se u rikthye sërish në BBVK pasi dolën pamjet e tij në rrjete sociale.

Ky incident ka ngjallur diskutime të shumta mes fansave, ndonëse vetëm pak ditë më parë në një situatë të tillë u gjend Alba Pollozhani.

Sidoqoftë, mbetet për t’u parë nëse do të ketë një reagim zyrtar nga produksioni. /Telegrafi/

Banorja e Big Brother VIP Kosova, Sasa Hoda, shpërtheu në lot gjatë një momenti emocional brenda shtëpisë, duke shfaqur lodhjen dhe rëndësinë e emocioneve që po përjeton.

Ajo nuk i mbajti dot lotët dhe u shpreh me një sinqeritet të dhimbshëm për ndjenjat e saj:
“Jam e lodhur, s’po munden më. Kam harru kur kam qenë e lumtur, kam harruar”.

Në këtë situatë të vështirë, Sasën e shoqëruan afër Klodi dhe Londrimi, të cilët u përpoqën ta qetësonin dhe ta mbështesnin gjatë shpërthimit të saj.

BBVK/|YouTube

Sasa shtoi se në jetën e saj gjithçka ka qenë e vështirë dhe se ka përballuar sfida në çdo fushë: “Te gjitha gjërat në jetë i kam pasur vështirë. Në çdo fushë sfida”.

Klodi, duke e kuptuar dhe përkrahur, i tha: “Kështu është jeta”, duke tentuar ta qetësonte dhe ta motivonte të mos dorëzohej.

BBVK/|YouTube

Sasa, megjithatë, vazhdoi të shprehë ndjenjat e saj të lodhjes dhe të sfidave të përditshme: “Por diku ta kem mirë, jo gjithmonë keq, gjithkund vështirësi, s’mundem më”.

Klodi iu përgjigj me një fjalë mbështetëse dhe pozitive: “Mundesh”, duke treguar se nuk është vetëm dhe se ka fuqinë të përballojë vështirësitë.

Ky moment emocional i Sasës tregoi qartë se jeta brenda shtëpisë nuk është gjithmonë e lehtë dhe se banorët përballen jo vetëm me lojën, por edhe me ndjenja të thella dhe sfida personale që shpesh dalin në pah në situata të tilla. /Telegrafi/

- YouTube www.youtube.com

Një moment i pakëndshëm ka ndodhur së fundmi në shtëpinë e Big Brother VIP Kosova, ku banorja Alba Pollozhani u përfshi në një incident që ka ngjallur reagime të shumta nga publiku.

Teksa Alba ishte duke fjetur, Labinot Rexha dhe Benita Zena vendosën t’i hedhin ujë si pjesë e një veprimi që u cilësua nga shumë shikues si i tepruar.

Pas këtij momenti, Alba u zgjua e befasuar dhe, teksa tentoi të çohej, ajo u rrëzua.

Foto: Instagram

Ky veprim u prit me kritika të shumta në rrjetet sociale, ku ndjekësit e konsideruan të papërshtatshëm dhe të rrezikshëm gjestin e bërë ndaj saj.

Nga ana tjetër, banori Londrim Mekaj reagoi menjëherë duke i ofruar ndihmë Albës për t’u çuar, një veprim që u vlerësua pozitivisht nga publiku.

Ngjarja ka hapur diskutime mbi kufijtë e shakasë brenda shtëpisë së Big Brother VIP Kosova dhe mënyrën se si banorët duhet të sillen ndaj njëri-tjetrit, veçanërisht në situata që mund të rrezikojnë sigurinë fizike.

E veç kësaj, ajo po vazhdon të tallet nga banorët e tjerë në shumë raste. /Telegrafi/

Pas disa ditëve me raport të ftohtë me Edin në shtëpinë e Big Brother Kosova 4, Dolce duket se ka vendosur të mbyllë këtë kapitull.

Ajo u shfaq sot në mëngjes dhe pasdite me humor më të qetë, duke treguar një anë më të relaksuar të vetes dhe gatishmërinë për të shijuar momentet e përditshme në lojë.

Një nga momentet më të veçanta të ditës ishte kur Dolce u përfshi në një vallëzim të përbashkët me Londrimin.

BBVK/Instagram

Të dy banorët u dukën në humor të mirë, duke treguar energji pozitive që tërhoqi vëmendjen e banorëve të tjerë dhe të publikut.

Vallëzimi u shndërrua në një moment argëtimi dhe lehtësimi, duke treguar se Dolce është gati të lërë pas tensionet e mëparshme dhe të shijojë eksperiencën e tij brenda shtëpisë.

Banorët dhe fansat e programit kanë vërejtur se pas largimit të tensionit me Edin, Dolce është më e qetë dhe më e hapur ndaj bashkëbanorëve të tjerë.

Ky ndryshim duket se i ka dhënë mundësinë të shfaqë anën e saj më sociale.

Fansat e Big Brother e kanë komentuar këtë moment, duke e parë Dolcen në një dritë më të qetë dhe argëtuese. /Telegrafi/

Gjatë darkës pas spektaklit të mbrëmshëm, Labi pati një bisedë të drejtpërdrejtë me Klodin dhe Londrimin, ku bëri të qartë qëndrimin e tij në lojë.

Ai tha se, edhe nëse vetë nuk shkon deri në fund, do të mbështesë pa pushim një banor tjetër.

“Besën e Zotit po ua jap juve, nuk ju lë të fitoni”, u shpreh këngëtari, duke iu drejtuar dyshes së njohur dhe të pëlqyer nga publiku.

BBVK/Instagram

Në bisedë u përfshi edhe banori i ri, LudoLee, i cili i tha Labit se këtu nuk po këndon shumë dhe se i dukej sikur nuk e kishte pasion muzikën.

Labi iu përgjigj se brenda shtëpisë po përton të këndojë.

BBVK/Instagram

Më tej, Londrimi tha se pasioni i tij është gjumi, ndërsa Labi u shpreh se pak e njohin Labinot Rexhën. Londrimi ia ktheu se vetëm brenda e njeh, jashtë jo.

Në fund, Labi theksoi sërish se do të qëndrojë në shtëpi deri në fund dhe se nuk do t’i lërë Klodin dhe Londrimin të fitojnë. Ai shtoi se, nëse del jashtë, do të votojë për këdo tjetër, veç që ata të mos fitojnë. /Telegrafi/

Mëngjesi i sotëm në shtëpinë e Big Brother VIP Kosova ka nisur me shumë energji për dyshen Londrim dhe Dolce.

Të dy janë parë së bashku në dush, duke tërhequr vëmendjen e publikut për formën e tyre fizike të dukshme dhe të mirëmbajtur.

Ky moment i përbashkët vjen pas bisedave të fundit në shtëpi, ku Edi ka vërejtur një ftohje në raportin e tij me Dolcen.

BBVK/Instagram

Ai ka komentuar se që nga rikthimi i saj nga Grande Fratello, ajo duket më e distancuar dhe duket se po mendon të vazhdojë lojën në një mënyrë më të pavarur.

Megjithatë, duket se tensionet nuk kanë ndikuar në marrëdhënien e Dolce-Londrim, të cilët vazhdojnë të kalojnë momente komode së bashku.

Shfaqja e tyre fizike dhe relaksimi në mëngjes ka tërhequr vëmendjen e të gjithë banorëve, ndërsa shikuesit vëzhgojnë me interes se si do të evoluojnë raportet dhe strategjitë brenda shtëpisë.

Kjo situatë tregon se, pavarësisht ftohjes me disa banorë, Dolce ka gjetur komoditet dhe energji në bashkëpunimin dhe praninë e Londrimit, duke krijuar një moment pozitiv në një ditë që ka nisur me tensione dhe intriga. /Telegrafi/

Banori i shtëpisë më të madhe në vend, Edi, ka zhvilluar një bisedë të sinqertë me Londrimin lidhur me marrëdhënien e tij me Dolcen.

Ai ka treguar se që nga rikthimi i saj nga Grande Fratello ka vërejtur një ndryshim në sjelljen e saj, duke e përshkruar atë si një ftohje ndaj tij.

BBVK/YouTube

Gjatë bisedës, Edi ka ndarë edhe një rast konkret që e ka bërë të ndihet i pasigurt për raportin e tyre. “Kur doli Labinoti jashtë, u lirua një shtrat. Unë e mora si mesazh indirekt ‘kam nevojë për privatësi’. Ndoshta jam gabim, vetëm dua t’ia them. E di që e ke lojën tënde, s’kam qejf të të pengoj. Kam vërejtur një ftohje, vetëm dua ta di. Më shumë s’po di çka ta pyes. Po më intereson arsyeja pse”, është shprehur ai, pa fshehur shqetësimin e tij.

Nga ana tjetër, Londrimi i është përgjigjur duke thënë se Dolca ka një mentalitet tjetër, pasi është rritur jashtë vendit.

Megjithatë, nga kjo bisedë kuptohet se raporti mes Edit dhe Dolces ka pësuar një krizë, ndërsa gjasat që ata të shkojnë drejt ndarjes duken gjithnjë e më të mëdha. /Telegrafi/

- YouTube www.youtube.com

Një moment i tensionuar ka ndodhur së fundmi brenda shtëpisë së Big Brother VIP Kosova 4, ku këngëtari Labinot Rexha u përfshi në një debat të ashpër me konkurrentët Klodian Mihaj dhe Londrim Mekaj.

Debati ka tërhequr menjëherë vëmendjen e publikut dhe ka bërë xhiron e rrjetit.

Gjatë përplasjes, Klodiani i drejtohet Labinotit me fjalët: “Ke bërë protestë për të hyrë në Big Brother, a nuk po të vjen marre?”.

Labinoti nuk qëndroi pa përgjigje dhe iu kthye me një replika të fortë: “Ke ardhur të fitosh për me i la borxhet në Itali".

Situata u tensionua edhe më shumë kur Londrimi u përfshi në debat, duke shtuar akuzat dhe përplasjet verbale.

Momenti nxiti diskutime të shumta në rrjetet sociale, ku fansat u ndanë mes atyre që mbështesin Labinotin dhe atyre që qëndrojnë pranë Klodianit dhe Londrimit.

Sidoqoftë, Labi këtë kohë ka shpërthyer me deklarata, ku shpesh edhe është kritikuar për eskalimet që ka bërë. /Telegrafi/

Ngacmimet mes Londrim Mekajt dhe Klodian Mihajt janë të pashmangshme në Big Brother VIP Kosova.

Ata po vazhdojnë të marrin vëmendje me veprimet e tyre në këtë format.

Dyshja, të cilët janë miq të ngushtë, shpesh kanë ngjallur edhe diskutime.

Foto: YouTube

E së fundmi ka qenë këngëtari i cili i ka kërkuar Klodit një puthje, ndonëse për shaka.

"Pse ik, pse më bën kësi lojëra, do më puthësh a jo", iu drejtua ai.

Klodi dukej se u bë xheloz për faktin se Londrimi po bënte palestër në oborr me Jasmin Kadriun.

Këto gjeste të tyre kanë bërë që të komentohen në masë të madhe nga jashtë, e madje duke dhënë edhe versione tjera. /Telegrafi/

Banorët e BBVK dhe fansat e spektaklit janë tronditur ditët e fundit nga një seri incidentesh që përfshijnë Labin.

Ai, i njohur për karakterin e tij impulsiv dhe reagimet e papritura, është vënë në qendër të vëmendjes pas disa deklaratave kontradiktore dhe momenteve tensionuese brenda shtëpisë.

Incidenti filloi kur një video që po qarkullon gjerësisht në TikTok tregoi Labin duke i thënë Londrimit: “Nënën kam me ta dhanë, nëse të le të flesh”, ndërsa ky i fundit po vallëzonte në oborr me muzikën që ishte lëshuar për lojtarët.

BBVK/Instagram

Reagimi i Labit, i drejtuar në mënyrë të drejtpërdrejtë ndaj Londrimit, u shpërnda shpejt në rrjet, duke krijuar një diskutim të madh mes ndjekësve për natyrën e deklaratës.

Pak më vonë, një tjetër video tregoi një situatë të tensionuar mes Labit dhe Bias. Kur ajo i përmendi nënën, Labi iu afrua me zë të lartë dhe i tha: “Mos ma përmend nënën”.

Ky reagim dukshëm në kontrast me fjalët e tij të mëparshme ndaj Londrimit, ka krijuar një kontradiktë të dukshme, duke bërë që fansat të pyesin për qëndrueshmërinë e strategjisë së tij në lojë dhe për karakterin e tij të vërtetë brenda shtëpisë.

Incidentet kanë ndezur komentet në rrjetet sociale, me ndjekës që kanë vënë re kontradiktën dhe kanë diskutuar rreth mënyrës se si Labi po përpiqet të krijojë dinamika dhe tension brenda lojës.

Mbetet të shihet në spektaklin e ardhshëm të Big Brother VIP Kosova nëse ky moment do të diskutohet. /Telegrafi/

Pas kthimit të tij nga vendi ku ishte fshehur, Labi u përball me Londrimin, duke shkaktuar një moment tensioni në shtëpinë e Big Brother VIP Kosova 4.

Londrimi, i acaruar nga gjesti i Labit, i tha: “Pas gjestit që bëre sot, tani përfundimisht e kam parë që më s’ka çfarë të kërkojë këtu. Kerko falje, ofendo edhe një herë më shumë, prandaj ke dalë”.

Labi u përgjigj qetësisht: “Faleminderit”. Londrimi e pyeti më tej: “Domethënë je i vetëdijshëm se çfarë ke bërë?” Ndërsa Labi, përgjigjet herë po e herë jo, duke mos qenë serioz.

BBVK/Instagram

Londrimi shprehu se nuk mund të kapte strategjitë e Labit, i cili kishte zgjedhur këtë lloj loje për të krijuar dinamikë brenda shtëpisë.

Megjithatë, shumë fansa të spektaklit vunë re se kjo strategji është parë më parë në edicione të tjera, duke e konsideruar një taktikë të njohur mes banorëve. /Telegrafi/

Pas largimit të përkohshëm nga shtëpia e Big Brother VIP Kosova 4, rikthimi i Labinotit nuk kaloi pa u vënë re.

Ai zgjodhi një mënyrë krejtësisht të papritur për t’u shfaqur sërish para banorëve.

Teksa Londrimi u afrua për të parë se çfarë po ndodhte në një nga hapësirat e shtëpisë, nga vendi ku ishte fshehur doli papritur Labi, duke e frikësuar atë.

BBVK/YouTube

Reagimi i Londrimit ishte i menjëhershëm, ndërsa momenti shkaktoi habi dhe të qeshura mes banorëve të tjerë.

Pas këtij momenti, Dolce iu drejtua Labit me një dozë të humorit: “Ku ishe fshehur? Shiko se çfarë je bërë, krejt qime".

Shumë komentues në rrjet u shprehën se kjo strategji ishte parë më herët në edicione të tjera të Big Brother, dhe disa banorë sugjeruan se kjo nuk ishte një lojë e fortë nga ana e Labit.

Momenti, megjithatë, krijoi një atmosferë të veçantë dhe qesharake në shtëpi, duke rikthyer vëmendjen e të gjithëve mbi të. /Telegrafi/