Trajneri i klubit saudit, Simone Inzaghi thuhet se e ka etiketuar një yll të Interit për ta transferuar gjatë afatit kalimtar të verës.
Sipas gazetarit Fabrizio Romano, Al-Hilal po kërkon të nënshkruajë me mbrojtësin e Interit, Francesco Acerbi, verën e ardhshme si transferim i lirë.
Prania e trajnerit Simone Inzaghi do të jetë çelësi për të bindur Acerbin të shkojë në Arabinë Saudite, pasi të dy kanë punuar më parë së bashku te Interi dhe Lazio.
37-vjeçari ka qenë një prani e fortë në mbrojtjen e Interit gjatë dy sezoneve të fundit, por mosha e tij në rënie po i shtyn Nerazzurrët të gjejnë një zëvendësim afatgjatë për italianin në vend që t’ia zgjasin kontratën.
Kontrata e Stefan de Vrij skadon gjithashtu në fund të sezonit dhe mbrojtësi holandez pritet të jetë në rrugë të largimit.
Ndërkohë, Interi mund ta shndërrojë huazimin e Manuel Akanjit nga Manchester City në një transferim të përhershëm. /Telegrafi/
Të jesh trajner futbolli vjen me presion të madh dhe vëzhgim të vazhdueshëm, por për ata që operojnë në nivelet më të larta, kjo gjithashtu sjell shpërblime financiare të jashtëzakonshme.
Me klube dhe madje edhe kombëtare që janë të gatshme të shpenzojnë shumë për të siguruar mendje taktike të nivelit të lartë, pagat e trajnerëve kanë arritur shifra rekord.
Nga Liga Premier tek Arabia Saudite, trajnerët më të mirë fitojnë shuma që rivalizojnë me ato të lojtarëve të tyre më të spikatur.
5. David Moyes – Everton
Pagë vjetore: 14.3 milionë EURO
David Moyes bëri një rikthim të befasishëm te Everton pas largimit të Sean Dyche, duke transformuar skuadrën në mënyrë të jashtëzakonshme. Trajneri skocez udhëhoqi Toffees larg rrezikut të rënies sezonin e kaluar dhe ka nisur kampanjën 2025/26 me rezultate impresive.
Lidershipi dhe ekspertiza taktike e Moyes kanë sjellë stabilitet te klubi, duke rikthyer besimin te tifozët. Rikthimi i Evertonit nën drejtimin e tij ka justifikuar më shumë se mjaftueshëm kontratën luksoze, duke e bërë atë një nga trajnerët më të paguar në Ligën Premier.
4. Mikel Arteta – Arsenal
Pagë vjetore: 17.9 milionë EURO
Mikel Arteta ka kthyer Arsenalin në kandidatë për titull dhe përpjekjet e tij janë shpërblyer me një kontratë të re trevjeçare pothuajse 18 milion euro në vit. Trajneri spanjoll, i fokusuar tek zhvillimi i të rinjve, disiplinë dhe futbolli sulmues, ka ringjallur klubin pas viteve të pasigurisë.
Edhe pse Gunners kanë humbur ngushtë titullin e Ligës Premier në sezonet e fundit, projekti i Artetës vazhdon të ketë impakt.
telegrafi.com
3. Pep Guardiola – Manchester City
Pagë vjetore: 23.7 milionë EURO
Pep Guardiola mbetet një nga trajnerët më të paguar në futboll, pas arritjeve të jashtëzakonshme me Manchester City, përfshirë një tripletë historike në sezonin 2023/24. Që nga ardhja e tij në 2016, spanjolli ka revolucionarizuar futbollin anglez, duke fituar katër tituj radhazi dhe duke vendosur standarde të reja taktike.
Edhe kur performancat e City-t bien, rekordi dhe ndikimi i Guardiolës justifikojnë pagën e tij të madhe. Kontrata e tij shtrihet deri në 2026 dhe pak kush do të dyshonte se do të shtojë edhe më shumë trofe para përfundimit të saj.
Guardiola telegrafi.com
2. Simone Inzaghi – Al-Hilal
Pagë vjetore: 25.0 milionë EURO
Pas udhëheqjes së Inter Milan drejt shumë trofeve dhe dy finaleve të Ligës së Kampionëve, Simone Inzaghi ka nisur një sfidë të re në Arabinë Saudite. Trajneri italian u bashkua me Al-Hilal në kërkim të sukseseve të reja — dhe një pagë vjetore mahnitëse prej 25 milionë euro.
Filosofia sulmuese dhe fleksibiliteti taktike e Inzaghit e bëjnë atë një nga trajnerët më të respektuar në Europë, dhe Al-Hilal shpreson se ardhja e tij do të konsolidojë dominimin e tyre në Saudi Pro League. Ky lëvizje pasqyron fuqinë në rritje financiare të futbollit në Lindjen e Mesme.
1. Diego Simeone – Atletico Madrid
Pagë vjetore: 29.7 milionë EURO
Diego Simeone mbetet trajneri më i paguar në botë, duke vazhduar sundimin e gjatë dhe të lavdishëm te Atletico Madrid. Argjentinasi ka fituar dy herë La Liga përpara gjigantëve të Spanjës dhe ka udhëhequr Atletico drejt dy finalesh të Ligës së Kampionëve.
Edhe pse periudha të pasigurisë dhe spekulimeve rreth së ardhmes së tij kanë ekzistuar, ndikimi i Simeones te klubi mbetet i jashtëzakonshëm.
Kontrata e rinovuar katërvjeçare në 2023 e ka reduktuar pak pagën, por ka forcuar trashëgiminë e tij në klubin që dikur ishte kapite. /Telegrafi/
Agjenti i Simone Inzaghit, Federico Pastarello, ka zbuluar se trajneri italian do të kishte qëndruar te Interi nëse do ta kishte fituar Ligën e Kampionëve sezonin e kaluar.
Pas largimit të Inzaghit drejt Al-Hilal u raportua shumë se trajneri italian kishe pasur një marrëveshje para finales së Ligës së Kampionëve, por Pastaello ka konfirmuar se vendimi për t'u bashkuar me sauditët erdhi vetëm pas humbjes 4-0 kundër PSG-së në finale.
“E vërteta është se ai kurrë nuk donte të hynte në detajet e një marrëveshjeje të mundshme përpara se të ndodhnin disa gjëra. Ai më tha me besim se nëse do ta kishte fituar Ligën e Kampionëve, nuk do të ishte larguar kurrë nga Interi”, ka thënë fillimisht Pastarello.
“Mund t'ju siguroj se vendimi erdhi pas finales dhe pas diskutimeve me drejtuesit e Interit”.
“Aspekti financiar ishte i rëndësishëm, por ai donte të testonte veten edhe jashtë vendit, dhe liga saudite është ndër më të rëndësishmet në botë, jo vetëm për potencialin e saj financiar, por edhe për cilësinë e kampionatit”.
“Al Hilal është gjithashtu klubi më i rëndësishëm në Azi për sa i përket historisë dhe numrit të tifozëve”, përfundoi agjenti i Inzaghit. /Telegrafi/
Sulmuesi i Interit, Lautaro Martinez, ka dhënë një intervistë të gjatë për France Football, si një nga kandidatët në listën e ngushtë për Topin e Artë të këtij viti.
Sulmuesi argjentinas foli për një sërë temash, disa të lidhura me futbollin dhe të tjera që kishin të bënin me jetën e tij personale.
Një nga temat kryesore të intervistës ishte humbja 5-0 në finalen e Ligës së Kampionëve ndaj Paris Saint-Germain dhe largimi i trajnerit Simone Inzaghi pak kohë më pas.
I pyetur nëse largimi i pritshëm i Inzaghit kishte ndikuar në rënien e Interit në fund të sezonit, ku humbën si titullin e Serie A ashtu edhe finalen e Ligës së Kampionëve, Lautaro u përgjigj qartë.
“Absolutisht jo. Çdokush është i lirë të marrë vendimet e veta. Trajneri nuk na tha kurrë se kishte marrë një ofertë apo se do të largohej. Prandaj, ne ishim të distancuar nga të gjitha zërat dhe të përqendruar te objektivat tanë”.
“Ai gjithmonë tregoi profesionalizëm. Ndiheshim shumë mirë me të, ishte forca shtytëse e skuadrës”.
Humbja 5-0 në finale ishte më e thella në historinë e Ligës së Kampionëve, dhe Lautaro zbuloi se skuadra nuk arriti të zbatojë planin e përgatitur, përballë një PSG-je të fortë, të sigurt dhe të organizuar mirë.
“Desha të flisja me bashkëlojtarët, por nuk munda. Asgjë nuk më dilte nga goja. Ishte si një bllokim. U ndjeva pak në ankth dhe i trishtuar, sepse ishte një goditje e rëndë”.
“Kishim mundësinë të fitonim tre trofe dhe në fund mbetëm pa asnjë”, përfundoi argjentinasi./Telegrafi/
Nga Camping World Stadium i Orlandos vjen verdikti i parë i çerekfinaleve: Fluminense është në gjysmëfinale të Botërorit për Klube. Brazilianët, pasi eliminuan Interin në 1/8 e finales, nxjerrin jashtë edhe Al Hilal, të drejtuar nga Simone Inzaghi. Fitoren e “Tricolor” e firmosën golat e Martinelli dhe Hercules, i futur në protokollin e shënuesve edhe kundër zikaltërve. Arabët u përgjigjën me Marcos Leonardo për barazimin e përkohshëm. Djemtë e teknikut Renato tani presin fituesin e çerekfinales mes Chelsea dhe Palmeiras.
Tani nuk është më një surprizë, por një siguri e fortë: Fluminense mund 2-1 edhe Al Hilal dhe është gjysmëfinalistja e parë e Botërorit për Klube. Vendimtar sërish Hercules, mesfushori që, disa ditë më parë, kishte eliminuar Interin e teknikut Chivu. Martinelli kishte shënuar në pjesën e parë, më pas braziliani vulosi gjithçka në pjesën e dytë. Në mes erdhi barazimi i Marcos Leonardo, njeriu i “shpëtimit” për Simone Inzaghi, i cili megjithatë duhet të dorëzohet pikërisht në momentin më të bukur.
Për sauditët mbetet gjithsesi krenaria që ndalën Real Madrid, mundën City dhe arritën një rezultat shumë përtej pritshmërive fillestare. Ajo që kalon në 4 më të mirat është megjithatë skuadra e teknikut Renato Portaluppi, e udhëhequr në fushë nga i përjetshmi Thiago Silva: në gjysmëfinale mund të ketë një tjetër derbi brazilian, gjithnjë nëse Palmeiras arrin të mposhtë favoritët e Chelsea.
Al Hilal, skuadra e drejtuar nga Simone Inzaghi, është kualifikuar për çerekfinalet e Kupës së Botës për Klube. Për ndeshjen kundër brazilianëve të Fluminense, në dispozicion të ish-trajnerit të Inter do të jetë një blerje e re: sulmuesi Abderrazak Hamdallah, që vjen nga Al Shabab. Marrëveshja është praktikisht e përfunduar. Futbollisti ka fluturuar drejt Shteteve të Bashkuara dhe mund të aktivizohet në takimin e ardhshëm. Gjëja befasuese është se Hamdallah do të vijë në huazim dhe do të qëndrojë në skuadër vetëm për Kupën e Botës për Klube, një blerje me afat.
Abderrazak Hamdallah është blerja e re e Al Hilal, që në javët para Kupës së Botës për Klube dhe në dritaren e parë të merkatos së vlefshme, atë para të tetëve të finales, kishte provuar të blinte Theo Hernandez, i cili gjithsesi është shumë pranë, dhe Victor Osimhen, i cili ka hequr dorë nga oferta të jashtëzakonshme. Më e thjeshtë ishte marrëveshja për Hamdallah, sulmuesin maroken të lindur në vitin 1990, i cili me kombëtaren e tij ka luajtur në Botërorin 2022 dhe që vjen në huazim për të luajtur fazën finale të kësaj gare.
Hamdallah ka shënuar në Saudi League vetëm 4 gola më pak se Ronaldo
Bomberi maroken është një garanci absolute dhe për këtë është marrë nga skuadra e teknikut Inzaghi, e cila ka nevojë për një përforcim në sulm. Hamdallah me Al Shabab, të drejtuar nga Terim, sezonin e kaluar ka shënuar 21 gola në Saudi Pro League, po aq sa Benzema. Më mirë se ata vetëm Cristiano Ronaldo (25) dhe anglezi Ivan Toney (23). Hamdallah ka shënuar më shumë gola se Mitrovic, Aubameyang dhe Mané.
Sulmuesi u bë i famshëm sepse u godit me kamxhik
Hamdallah është shumë më i njohur se sa mund të mendohet. Sepse ky sulmues përfundoi në faqet e kronikave, pak më shumë se një vit më parë, kur ishte ende lojtar i Al Ittihad. Futbollisti u godit me kamxhik në përfundim të finales së Superkupës të humbur pikërisht kundër Al Hilal. Hamdallah iu përgjigj disa fyerjeve të marra nga tribuna dhe u godit me kamxhik nga një spektator.
Befasia më e madhe e këtij Botërori për Klube, përveç Palmeiras dhe Fluminense, është pa dyshim Al-Hilal. Skuadra arabe e presidentit Nafel drejtuar nga Simone Inzaghi, pasi është paraqitur mirë në kampionatet e fundit saudite, po dallon edhe në këtë kompeticion të ri ndërkombëtar duke u kualifikuar në çerekfinale duke mposhtur befasueshëm Manchester City 4-3. Pasi i besuan pankinën ish-trajnerit të Inter, mendohej se trajneri dhe skuadra do të kishin një periudhë normale njohjeje përpara se t’i jepnin jetë projektit teknik, por trajneri piaçentin arriti të përshpejtonte kohën duke ndërtuar tashmë një grup sipas imazhit dhe ngjashmërisë së tij.
Pikërisht ky shpirt i madh i treguar në fushë kundër City u shndërrua më pas në festën që u mbajt në dhomat e zhveshjes mes lojtarëve, trajnerit dhe pronarit të klubit, Fahad Bin Nafel.
Pikërisht ky i fundit, që shpërtheu në lot pas fishkëllimës së fundit të sfidës kundër anglezëve, thuhet se i ka motivuar lojtarët duke i nxitur të fitonin kundër City në këmbim të një shpërblimi të majmë financiar, ndër më të mëdhenjtë që janë parë deri më sot, i rezervuar për çdo lojtar të skuadrës së Al-Hilal, pa llogaritur edhe bonuset e parashikuara për secilin dhe të përfshira në kontratat e nënshkruara. Një shtysë më shumë për të siguruar kualifikimin, që funksionoi.
Në fakt festa e madhe me pronarin e Al-Hilal brenda dhomës së zhveshjes në fund të sfidës kundër City ishte e dyfishtë. Nga njëra anë suksesi kundër njërës prej skuadrave më të forta në botë, nga ana tjetër për paratë e shumta që hynë në xhepat e futbollistëve. Për saktësi, mediat nga Arabia bëjnë të ditur se shpërblimi i rezervuar për çdo lojtar të vetëm, i përcaktuar nga Al-Hilal në prag të ndeshjes kundër skuadrës së Pep Guardiolës, kapte vlerën e 2 milionë riyalëve sauditë, pra gati 500 mijë euro (452.663,87 për saktësi).
Gjysmë milioni euro pra për të fituar një ndeshje. Nuk është hera e parë që pronari i klubit saudit hyn në dhomat e zhveshjes duke shpallur shpërblimin pas një fitoreje. Kjo kishte ndodhur edhe në vitin 2023 pas fitores në kampionat kundër Al-Nassr të Cristiano Ronaldos të mposhtur 3-0, duke nxitur festën e gjithë skuadrës.
Një shumë marramendëse për një ndeshje që në mënyrë të pashmangshme do të mbetet përgjithmonë pjesë e historisë së klubit saudit. Thuhet se pikërisht pronari i klubit, brenda dhomës së zhveshjes, sapo hyri për të uruar skuadrën, shpalli se sa do të jepte për çdo lojtar si “dhuratë” për atë fitore. Dhe kështu shpërtheu festa e pakontrolluar e djemve të Simone Inzaghit, i cili e filmoi gjithçka me celularin e tij, pothuajse i pabesueshëm për atë që kishte dëgjuar pak më parë. Mungojnë edhe tre ndeshje për të tentuar të bëjnë mrekullinë dhe të fitojnë titullin dhe ndjesia është se Al-Hilal dhe pronësia saudite do të premtojnë shpërblime të tjera për skuadrën…
Fitoi 2-0 ndeshjen e fundit dhe direkte kundër Pacukës, duke marrë vendin e dytë në Grupin H, pas Real Madrid
Objektivi I parë i madh I arritur nga skuadra saudite që merr një vend mes 16 skuadrave më të mira të Botërorit për Klube.
Por jo vetëm kaq, bëri paraqitje të mira edhe ndaj Real Madrid, duke barazuar 1-1 në ndeshjen e parë, dhe 0-0 në sfiden e dytë kundër Salzburg, duke e mbyllur me 5 pikë fazën e grupeve.
Por gjithcka bëhet e vështirë, pasi do përballet me Mancester Siti në raundin e parë me eliminim direkt.
Theo Hernandez ka arritur marrëveshjen për t’u transferuar te klubi saudit Al Hilal, me një pagë vjetore prej 20 milionë eurosh, ndërsa marrëveshja pritet të zyrtarizohet së shpejti.
Mbrojtësi francez do të jetë një nga përforcimet e para të trajnerit të ri të Al Hilal, Simone Inzaghi, në aventurën e tij në Arabinë Saudite.
Klubi i Milanit ka pranuar ofertën prej 30 milionë eurosh, ndërsa lojtari ka refuzuar një rikthim në La Liga, për të nisur një kapitull të ri në Lindjen e Mesme.
Kuqezinjtë kanë tashmë në shënjestër Oleksandr Zinchenko si pasues të tij në krahun e majtë të mbrojtjes.
Roony Bardghji drejt Barcelonës
Në një tjetër lëvizje interesante të merkatos, Barcelona ka arritur marrëveshje me talentin 19-vjeçar të Copenhagen, Roony Bardghji.
Sulmuesi, i lindur në Kuvajt dhe pjesë e ekipeve kombëtare zinxhir të Suedisë, ka pranuar ofertën e klubit katalanas dhe pritet që së shpejti të zyrtarizohet kalimi i tij në “Camp Nou”.
Bradley Barcola drejt Arsenalit?
E ardhmja e Bradley Barcola te PSG mbetet në pikëpyetje. Mediat franceze raportojnë se futbollisti është joshur nga interesi i Arsenalit, që kërkon ta afrojë në Premier League.
Edhe pse më herët u tha se Barcola ndihej mirë në Paris, ndërhyrja e “topçinjve” duket se ka ndryshuar balancat, duke e bërë gjithnjë e më të mundshme një lëvizje drejt Anglisë.
Mançester Siti ka siguruar kualifikimin në raundin tjetër të Botërorit të Klubeve “Qytetarët” kanë marrë fitoren e dytë duke u pozicionuar në vendin e dytë në Grupin G me 6 pikë pas Juventusit. Skuadra e Guardiolës mposhti me goleadë Al Ain duke i shënuar 6 gola. Gyndoan shënoi dopietë, më pas realizuar Eçeverri, Haland me […]
Simone Inzaghi mori menjëherë një kënaqësi të madhe te Al-Hilal. Në debutimin si trajner në stolin e skuadrës arabe, ish-tekniku i Inter barazoi 1-1 kundër Real Madrid në Kupën e Botës për Klube. Një ndeshje e paharrueshme për trajnerin italian, e përjetuar me pasionin e zakonshëm: kamerat shpesh u ndalën tek ai, duke vënë në pah qëndrimin e tij proverbialisht luftarak dhe shumë aktiv.
Inzaghi udhëzon Al-Hilal në italisht
Por si arriti Inzaghi të komunikojë me lojtarët, duke pasur parasysh që ndodhet prej shumë pak kohësh në Arabinë Saudite? Trajneri nuk hoqi dorë nga italishtja, dhe në më shumë se një rast bërtiti udhëzime në gjuhën e tij. Në një moment kur ndodhej pranë mikrofonëve, u kap qartë një paralajmërim drejtuar skuadrës së tij: “Duhet të kthehemi mbrapa nëse humbasim topin.”
Një udhëzim i drejtuar pothuajse me siguri për Kalidou Koulibaly, ish-mbrojtës i Napolit me shumë vite përvojë në Serie A. Por edhe Joao Cancelo, një tjetër lojtar me të shkuar italiane, mund ta ketë kuptuar dhe ndihmuar në përkthim. Ka shumë gjasa që ata të kenë qenë ndërmjetësit mes Inzaghit dhe pjesës tjetër të skuadrës, të ngarkuar me transmetimin e mesazheve në fushë.
Megjithatë, Inzaghi nuk u mjaftua vetëm me kaq: shpeshherë bërtiste drejtpërdrejt drejt lojtarëve arabë, duke përdorur gjeste, shprehje dhe gjuhën e trupit për t’u bërë i kuptueshëm. Në situatat më specifike i është besuar përkthyesit.
Ottimo approccio dell’Al-Hilal contro il Real
I Blancos vanno in vantaggio ma la squadra di Inzaghi trova il pareggio meritato
Nuk munguan as momentet përtej normales. Inzaghi u kap disa herë jashtë zonës teknike, sidomos në pjesën e dytë të ndeshjes, kur Al-Hilal duhej të përballonte sulmin e Real Madridit. Pas penalltisë së pritur nga Bounou ndaj Valverdes dhe në një fund të ndeshjes plot tension, ish-trajneri i zikaltërve bëri edhe një gjest kurioz: përqafoi nga pas gjyqtarin e katërt, duke këmbëngulur për vërshëllimën përfundimtare. Me pak fjalë, kampionat tjetër por i njëjti Simone Inzaghi: pasion, adrenalinë dhe një provë e parë tashmë bindëse.
Juventus e ka nisur në mënyrë spektakolare rrugëtimin në Botërorin e Klubeve, duke fituar me rezultat të thellë 5-0 ndaj Al Ain nga Emiratet e Bashkuara Arabe.
Bardhezinjtë dominuan në fushë, duke shënuar katër gola në pjesën e parë me anë të Kolo Muanit, Conceicaos dhe Yildizit, ndërsa në fraksionin e dytë Conceicao vulosi fitoren.
Në të njëjtën grup, Manchester City regjistroi fitore me dy gola të shënuar në pjesën e parë, duke mundur lehtë kundërshtarin e tyre, në një ndeshje ku dominimi i skuadrës së Pep Guardiolës ishte i dukshëm.
Ndërkaq, Real Madrid u ndal në barazim 1-1 ndaj Al Hilal. Madrilenët gjetën avantazhin me një gol të Garcia, por u detyruan të pranonin barazimin nga Neves.
Në fund të ndeshjes, Reali humbi edhe një penallti me Valverde, ndërsa portieri Bono bëri pritjen vendimtare.
Ky takim shënoi debutimin e trajnerëve të rinj, Alonso te Reali dhe Simone Inzaghin tek Al Hilal.
Trajneri i Al Hilal, Simone Inzaghi, ka folur për largimin e tij nga Interi, duke e konsideruar një moment të dhimbshëm, por të kuptueshëm.
“Nëse ky është çmimi që duhet të paguaj për katër vitet e mia te Interi, do ta pranoj me kënaqësi,” tha Inzaghi, duke theksuar se mirësia që mori nga klubi e tejkalon çdo keqardhje.
Ai vlerësoi marrëdhëniet e tij me të gjithë në klub. “Nuk është asgjë në krahasim me mirësinë që mora nga tifozët, drejtuesit dhe lojtarët,” shtoi ai.
Sipas Inzaghit, ndarja ndodhi për të mirën e Interit, edhe pse ishte një vendim i vështirë për të gjithë të përfshirët.
“Unë besoj se edhe ata e kuptuan se ishte koha për një ndarje, edhe pse shkaktoi shumë dhimbje,” deklaroi trajneri italian.
Ai rrëfeu se e ka përjetuar gjithmonë me intensitet çdo moment në stolin e zikaltërve. “Sot, siç ka ndodhur shpesh gjatë katër viteve të mia te Interi, dëgjova gjithçka,” u shpreh ai.
Në fund, Inzaghi pranoi se do t’i mungojë gjithçka nga përvoja e tij në Milano. “E di që do të më mungojnë të gjitha, madje edhe akuzat më të padrejta që më janë drejtuar,” përfundoi trajneri italian. /Telegrafi/
Simone Inzaghi donte të dilte nga ‘zona e tij e rehatisë’ te Interi, kështu që zgjodhi Al-Hilalin.
Trajneri italian mbajti një konferencë për shtyp përpara debutimit të tij me Al-Hilal në Kupën e Botës për Klube kundër Real Madridit të Xabi Alonsos.
“E pranova sfidën dhe dola nga zona ime e rehatisë pas disa vitesh te Interi”, ka thënë fillimisht Inzaghi.
“Dua të ndryshoj mënyrën time të të menduarit, stilin tim të lojës dhe të provoj gjëra të reja. Nuk kishte asnjë ekip tjetër që doja të stërvisja, kështu që zgjodha Al-Hilal”.
Inzaghi u largua nga Interi pasi skuadra humbi finalen e Ligës së Kampionëve 5-0 ndaj PSG-së, duke ndezur shumë thashetheme.
Drejtori ekzekutiv i Al-Hilal kohët e fundit pretendoi se Inzaghi dhe skuadra saudite kishin arritur një marrëveshje para finales më 31 maj, duke shkaktuar acarim të Interit.
Presidenti i Interit, Beppe Marotta, refuzoi të komentojë duke thënë se e vetmja gjë që ka rëndësi është se Nerazzurrët tani kanë filluar një epokë të re nën drejtimin e Cristian Chivu.
Simone Inzaghi nuk e la Interin prej dhimbjes së finales së Champions League. Vendimi ishte marrë me kohë. Këtë e ka zbuluar shefi ekzekutiv i Al Hilal, Esteve Kalzada, i cili ka zbuluar disa detaje për kalimin e teknikut në Arabinë Saudite. “Ishte gjithçka e vendosur disa javë më parë, thjesht nuk ishte hedhur firma. […]
Cristian Chivu është zyrtarisht trajneri i ri i Interit, teksa klubi italian ka konfirmuar marrëveshjen me anë të një postimi në rrjetet sociale. Chivu zëvendëson Inzaghin si trajner i zikaltëve ndërsa ka firmosur një kontratë dy-vjeçare e cila do të zgjasë deri në fund të sezonit 2026-27. “FC Internazionale Milano ka kënaqësinë të mirëpresë Cristian […]
Ekipi i Arabisë Saudite, Al-Hilal, e ka nisur shumë vrullshëm merkaton, pasi synon të përforcohet sa më shumë dhe të jetë surpriza e Kupës së Botës për Klube. Pasi zyrtarizoi Simone Inzaghi-n në krye të stolit, duke i ofruar një kontratë 3-vjeçare dhe një rrogë vjetore 25 milionë euro, Al-Hilal është shumë pranë një tjetër […]
Simone Inzaghi është zyrtarisht trajneri i ri i skuadrës saudite të Al Hilal, e cila e ka prezantuar duke e cilësuar si “gjeniu italian”. Lëvizja e Inzaghit vjen pas katër sezoneve të suksesshme te Interi, ku arriti të fitonte titullin e Serie A, dy Kupa të Italisë dhe tre Superkupa Italiane, ndërkohë që u mposht dy […]
Al Hilal ka bërë një gafë të bujshme në shpalljen zyrtare të trajnerit të ri Simone Inzaghi. Mjafton të shikosh videon e prezantimit të shpërndarë në rrjetet sociale nga klubi i Arabisë Saudite dhe të dëgjosh audion për të kuptuar se sa e bujshme ka qenë gabimi i bërë nga ai që ka montuar sekuencën 40-sekondëshe, mbresëlënëse, por e njollosur nga një defekt thelbësor që bëhet i dukshëm kur në audio dallohet qartë zëri i komentatorit sportiv, Sandro Piccinini. Ç’lidhje ka? Pjesa e përdorur si citim i referohet një tjetër Inzagh-i… bëhet fjalë për Pippo-n, ish-sulmuesin e Milanit dhe vëllain e Simone-s. Vetë Piccinini, në një mesazh në X, do ta komentojë me ironi këtë ngjarje: “Duhet të kërkoj të drejtat?”
Gafa e Al Hilal: citon Pippo Inzaghi duke menduar se është Simone
Dhe toni emfatik me të cilin shqiptimi, bërtitja e emrit të tij nga gazetari ndodh, i referohet njërës nga dy golat që ish-bomberi shënoi në finalen e Champions kundër Liverpool në vitin 2007, në Athinë. Një ndeshje që populli kuqezi e kujton mirë jo vetëm për triumfin evropian, por edhe për “hakmarrjen” e kryer pas traumës së Kupës së humbur me penallti pikërisht kundër Reds dy vite më parë (2005, në Stamboll), për shkak të përmbysjes së pësuar (nga 3-0 në 3-3) deri në epilogun e hidhur të gjuajtjeve nga pika e bardhë.
Videoja e prezantimit: “Sot nis historia ime këtu”
Sa i përket regjisë së klipit, përjashtuar atë rrëshqitje, në tërësi është edhe e këndshme. “Unë jam Simone Inzaghi. Dhe sot nis historia ime me Al Hilal”, është fraza që shqipton trajneri, i cili fillimisht fokusohet nga pas, i ulur, ndërsa lidh këpucën. Vjen një kamarier i përunjur që i sjell një pije për të shijuar në pritje për t’u nisur drejt dimensionit të ri sportiv dhe garues. Inzaghi rregullon kravatën, vendos stemën e klubit mbi jakën e xhaketës, pastaj ngrihet dhe, duke aktivizuar një kod zhbllokimi (1957, viti i themelimit të shoqërisë), hyn më në fund në botën e re.
Sa do të fitojë? Ish-trajneri i Inter do të përfitojë një pagë jashtëzakonisht të lartë: 26 milionë neto në sezon për dy vite, një shumë që e bën atë një nga trajnerët më të paguar në botë. Al Hilal nuk ka kursyer shpenzimet – Fondi Sovran PIF është thesari që i ka garantuar të sapoardhurit edhe një fushatë të shkëlqyer blerjesh: ai kërkon, ata do të përpiqen ta kënaqin duke përdorur (edhe) fuqinë bindëse të parave për të joshur më hezituesit. Kur do të jetë prezantimi publik? Të hënën, më 9 qershor në Paris, në hotelin luksoz Four Seasons George V. Debutimi në fushë parashikohet për të mërkurën, më 18 qershor në orën 21:00, kur skuadra e Rijadit do të përballet me Real Madrid në ndeshjen e parë të Kupës së Botës për Klube 2025.
الحديث الأول للإيطالي “إنزاغي” بعد توقيعه مع #الهلال
Simone Inzaghi është zyrtarisht trajneri i ri i skuadrës saudite Al-Hilal, e cila e prezantoi me entuziazëm si “gjeniu italian”.
Kjo lëvizje e madhe vjen pas katër sezoneve të suksesshme me Interin, ku Inzaghi fitoi një titull të Serie A, dy Kupa të Italisë, tre Superkupa Italiane dhe arriti dy herë në finalen e Ligës së Kampionëve.
Trajneri italian pritet të jetë trajneri më i paguar në botë, me një kontratë dyvjeçare që përfshin një pagë prej 30 milionë eurosh në sezon, duke përfshirë bonuse dhe stimuj të ndryshëm.
Në një deklaratë në faqen zyrtare të klubit, Al-Hilal njoftoi mbërritjen e Inzaghit dhe publikoi një video të realizuar në një hotel në Paris për të shënuar këtë moment të veçantë.
Karriera e tij si trajner në Arabinë Saudite do të nisë zyrtarisht në Kupën e Botës për Klube, që zhvillohet në SHBA.
Login
