Barcelona po shqyrton seriozisht një ofertë shumë të rëndësishme gjatë afatit kalimtar veror.

Klubi katalanas ka marrë një propozim prej 60 milionë eurosh nga Aston Villa për Ferran Torres, një shumë që mund të ketë ndikim të madh si në aspektin financiar, ashtu edhe në atë sportiv.

Oferta vjen në një moment vendimtar për Barcelonën, e cila vazhdon të kërkojë stabilitet ekonomik pa rrezikuar konkurrencën në fushë.

Nuk bëhet fjalë për një ofertë të zakonshme dhe drejtuesit e klubit janë të vetëdijshëm se kjo lëvizje mund të ndikojë drejtpërdrejt në planifikimin e sezonit të ardhshëm.

Propozimi i Aston Villas e vendos Barcelonën përballë një dileme të ndërlikuar.

Nga njëra anë, 60 milionë euro do të përbënin një lehtësim të ndjeshëm financiar.

Nga ana tjetër, Ferran Torres mbetet një lojtar aktiv i projektit sportiv.

Që prej ardhjes së tij te Barcelona, Ferran Torres ka kaluar periudha me performanca të paqëndrueshme.

Ai ka shënuar gola të rëndësishëm dhe ka treguar profesionalizëm të vazhdueshëm, por nuk ka arritur të konsolidohet si titullar i padiskutueshëm.

Konkurrenca e fortë në repartin ofensiv ka ndikuar në minutat e tij gjatë disa fazave të sezonit, megjithatë polivalenca dhe përkushtimi i tij vazhdojnë të vlerësohen nga stafi teknik dhe brenda skuadrës.

Interesi i Aston Villa bazohet pikërisht në këtë profil.

Në Ligën Premier besojnë se Ferran Torres mund të fitojë vazhdimësi dhe të marrë një rol kryesor, diçka që te Barcelona nuk e ka pasur gjithmonë.

Pranimi i kësaj oferte do t’i mundësonte Barcelonës të përmirësonte ndjeshëm gjendjen financiare dhe të fitonte hapësirë për të përforcuar pozicione të tjera prioritare.

Në të njëjtën kohë, largimi i Ferran Torres do të kërkonte riorganizim në repartin ofensiv, qoftë përmes zgjidhjeve të brendshme apo një afrimi të ri në afatin kalimtar.

Drejtoria sportive po analizon disa skenarë të mundshëm, e vetëdijshme se çdo vendim do të ketë pasoja si afatshkurtra ashtu edhe afatmesme.

Barcelona nuk ka nxitim, por ka një strategji të qartë dhe oferta e Aston Villa do të shqyrtohet me kujdes të plotë.

E ardhmja e Ferran Torres mbetet e hapur, ndërsa gjithçka do të varet nga fakti nëse kjo shitje përputhet me objektivat e klubit. /Telegrafi/

Trajneri i Aston Villas, Unai Emery, ka kërkuar nga drejtuesit e klubit që gjatë afatit kalimtar të dimrit të përforcohet reparti ofensiv, duke vënë theksin te nevoja për një lojtar kreativ, të shpejtë dhe me instinkt goli.

Sipas raportimeve, në listën e dëshirave të klubit anglez ka hyrë edhe anësori egjiptian Omar Marmoush.

26-vjeçari aktualisht ndodhet me kombëtaren e Egjiptit në Kupën e Kombeve të Afrikës 2026 dhe ka rënë në sy për paraqitjet e tij, falë shpejtësisë, teknikës dhe aftësisë për të luajtur në të dy krahët e sulmit.

Marmoush ka kontratë me Manchester Cityn deri më 30 qershor 2029, ndërsa sipas Transfermarkt, vlera e tij në treg arrin rreth 65 milionë euro.

Një transferim i mundshëm pritet të jetë i ndërlikuar, duke marrë parasysh kontratën afatgjatë dhe kërkesat financiare të klubit nga “Etihad”.

Marmoush përndryshe nuk është në formacionin bazë të Pep Guardiolas, por nuk dihet nëse tekniku spanjoll është i hapur që ta përforcojë rivalin në Angli.

Villa këtë edicion ka mahnitur të gjithë për t’u renditur në pozitën e tretë në tabelë, kurse po synon ta sigurojë një vend që të dërgon në Ligën e Kampionëve për edicionin 2026/27./Telegrafi

Trajneri i Arsenalit, Mikel Arteta, u shpreh i kënaqur me paraqitjen e skuadrës së tij pas fitores bindëse 4–1 ndaj Aston Villas, në kuadër të javës së 19-të të Ligës Premier.

“Një mbrëmje e mrekullueshme. Ishte një ndeshje shumë e vështirë, ashtu siç e prisnim. Aston Villa është një kundërshtar shumë i fortë”, deklaroi Arteta pas ndeshjes.

Spanjolli pranoi se fillimi i ndeshjes nuk ishte ideal për ekipin e tij. “Luajtëm paksa të pasigurt në 10 minutat e para dhe na u desh kohë të përshtateshim. Duhet t’u japim merita kundërshtarëve, sepse arritën ta thyenin dy herë presionin tonë dhe të nisnin sulme shumë të rrezikshme. Më pas, ne morëm kontrollin e lojës dhe filluam të krijonim raste”.

Arteta theksoi veçanërisht startin e pjesës së dytë, të cilin e cilësoi vendimtar.

“E nisëm pjesën e dytë në mënyrë brilante. Ishim më aktivë dhe shumë efektivë në gjithçka që bëmë. Duhej të tregonim durim dhe të zgjidhnim momentin e duhur për të vepruar, gjë që nuk është aspak e lehtë kundër kësaj skuadre. Kjo është meritë e madhe e lojtarëve”.

telegrafi.com

Ai u ndal edhe te realizimi i rasteve, duke e krahasuar këtë ndeshje me takimet e mëparshme. “Në javët e fundit kemi krijuar shumë raste, por sot ishte ndryshe. Cilësia në përfundimin e aksioneve ishte e nivelit të lartë dhe kjo e vendosi fatin e ndeshjes”.

Trajneri i Arsenalit vlerësoi maksimalisht edhe rikthimin e Gabriel Magalhães, i cili u kthye në fushë pas gjashtë javësh mungesë.

“Pamë sa i rëndësishëm është Gabrieli për ne. Ai u rikthye më herët se sa pritej dhe u përball me qetësi Ollie Watkins, një nga sulmuesit më të mirë dhe më të vështirë për t’u markuar në Ligën Premier. Mendoj se luajti shkëlqyeshëm".

Sa i përket faktit që trajneri i Aston Villas, Unai Emery, u drejtua menjëherë për në dhomat e zhveshjes pas fishkëllimës së fundit, Arteta nuk i dha shumë rëndësi.

“Nuk është problem. Ndonjëherë ndodhin situata të tilla, ndaj për mua nuk ka asnjë çështje”, përfundoi ai për Sky Sports. /Telegrafi/

Lojtarët e Arsenalit mposhtën Aston Villën mbrëmë (e martë) në Emirates në kuadër të xhiros së 19-të të Ligës Premier me rezultat 4-1, dhe gjithçka mund të kishte qenë ndryshe nëse nuk do të ishte gabimi i pabesueshëm i Emiliano Martinez në golin e parë të ndeshjes.

Lideri aktual i Ligës Premier kaloi në epërsi me një gol të Gabriel Magalhaes në minutën e 48-të pas një gabimi të madh të portierit të Aston Villas.

Një nga portierët më të mirë në botë reagoi me dëshpërim pas një goditjeje nga këndi nga Bukaya Saka, pasi nuk arriti të kapte topin e lartë që i ra në krahë.

Streamff - b456ef98

Streamff - b456ef98 streamff.com

With Streamff service you can share your video in two clicks, as easy as it sounds.

Gabrieli bëri më të mirën para tij, i cili e shfrytëzoi këtë dhe shënoi për epërsinë e Topçinjve 1-0.

Kujtojmë që Martinez është një nga më të merituarit për medaljen e artë të Argjentinës në Kampionatin Botëror në Katar në vitin 2022, dhe u shpall portieri më i mirë në botë atë vit dhe në vitin 2024.

Arsenali shënoi tre gola të tjerë pas kësaj epërsie me anë të Martin Zubimendit, Leandro Trossardit dhe Gabriel Jesus, ndërsa Ollie Watkins shënoi golin e ngushëllimit për vizitorët. /Telegrafi/

Arsenal dhuroi një paraqitje autoritare, duke mposhtur Aston Villën në kuadër të javës së 19-të në Ligën Premier me rezultatin e thellë 4-1, në një ndeshje ku vendasit treguan qartësisht diferencën në cilësi, ritëm dhe efikasitet

Pjesa e parë u karakterizua nga raste në të dyja krahët. Aston Villa humbi një mundësi të artë në minutën e 13-të, kur Ollie Watkins dështoi të shfrytëzonte një pasim ideal brenda zonës.

Nga ana tjetër, Arsenal iu afrua golit disa herë me Viktor Gyokeres, i cili në minutën e shtatë dhe më pas në të 36-tën dërgoi topin vetëm pak centimetra jashtë portës.

Zhbllokimi i ndeshjes erdhi menjëherë pas pushimit. Në minutën e 48-të, pas një goditjeje këndi të ekzekutuar nga Bukayo Saka, Gabriel reagoi më shpejt në zonë dhe shënoi për 1-0.

Arsenal vazhdoi presionin dhe në minutën e 52-të dyfishoi avantazhin. Martin Odegaard shërbeu saktë në zonë, ndërsa Martin Zubimendi finalizoi me qetësi për 2-0, duke vendosur kontrollin total të ndeshjes në duart e “Topçinjve”.

Skuadra e Mikel Artetës nuk u ndal me kaq. Pas një pritjeje spektakolare të Emiliano Martinez ndaj Odegaard në minutën e 66-të, erdhi momenti më i bukur i takimit.

Në minutën e 69-të, Leandro Trossard realizoi një volej të mrekullueshëm nga jashtë zone pas asistit të Jurrien Timber, duke e çuar rezultatin në 3-0. Edhe ky gol kaloi filtrin e VAR-it dhe u pranua pa shkelje.

Goditja përfundimtare erdhi në minutën e 79-të, kur Gabriel Jesus, i futur si zëvendësues, përfitoi nga një aksion i shpejtë ofensiv dhe shënoi për 4-0.

E tëra çfarë mund të bënin mysafirët ishte një gol nderi nga Ollie Watkins që realizoi për 4-1 në minutën e 93-të të takimit.

Pas kësaj fitoreje Arsenali shkon në kuotën e 45 pikëve dhe mban kryesimin në tabelë, me pesë më shumëse Man City në pozitën e dytë që ka 40 pikë dhe një ndeshje më pak të luajtur./Telegrafi/

Cole Palmer shfaqi qartë frustrim pas zëvendësimit gjatë humbjes 2-1 të Chelseat ndaj Aston Villës në “Stamford Bridge”, duke goditur ulësen në shenjë pakënaqësie ndaj vendimit të trajnerit Enzo Maresca.

Sipas gazetarit të brendshëm Kieran Gill, Palmer e vuri në diskutim vendimin me ndihmës-trajnerin Danny Walker në momentin e daljes nga loja, teksa rezultati ishte ende i barabartë në pjesën e dytë.

Irritimi i tij ishte i dukshëm edhe më herët, për shkak të shpërdorimit të rasteve nga bashkëlojtarët.

Ylli i Chelseat ishte rikthyer së fundmi pas një periudhe të gjatë dëmtimi, me Marescan që po menaxhonte minutat e tij me kujdes, një qasje e ngjashme me atë të ndjekur me Reece James.

Megjithatë, Palmer dukej se priste të aktivizohej për të gjithë 90 minutat në një përballje kaq vendimtare.

Chelsea kryesonte në pjesën e parë, por u shemb më pas, duke i lejuar Ollie Watkins të realizonte dy gola që i siguroi Aston Villës fitoren e 11-të radhazi.

Në këtë sezon, Palmer ka regjistruar tre gola në tetë paraqitje me fanellën e Chelseat. /Telegrafi/

Lojtarët e Aston Villas po përjetojnë sezonin më të mirë dhe më impresionues në futbollin evropian këtë vit.

Të shtunën mbrëma, skuadra nga Birminghami arriti të përsërisë një rekord historik të klubit, i cili kishte mbetur i paprekur që nga viti 1914.

Aston Villa triumfoi me rezultat 2-1 ndaj Chelseat në zemër të Londrës, një fitore që e fut plotësisht në garën për titullin e Liga Premier, vetëm tri pikë larg liderëve të Arsenalit.

Kjo ishte fitorja e 11-të radhazi për “Luanët e Birminghamit” në të gjitha garat, një arritje që klubi nuk kishte qenë në gjendje ta përsëriste për plot 111 vjet. Ajo që dikur ishte arritur në fillim të shekullit të kaluar, tani është bërë realitet brenda vetëm dy muajve të fundit.

Gjatë kësaj serie të jashtëzakonshme, Aston Villa ka mposhtur një varg kundërshtarësh të fortë, duke përfshirë: Maccabi Tel Aviv, Bournemouth, Leeds, Young Boys, Wolverhampton, Brighton, Arsenal, Basel, West Ham, Manchester United dhe së fundi Chelsean.

Edhe pse bëhet fjalë për një klub historik, shtatë herë kampion i Anglisë dhe fitues i Ligës së Kampionëve në vitin 1982 – rezultatet e këtij sezoni janë vërtet sensacionale.

Askush nuk e kishte parashikuar që në gjysmën e sezonit Aston Villa do të ishte vetëm tri pikë larg kreut dhe do t’i linte pas vetes disa nga gjigantët e futbollit anglez.

Arkitekti kryesor i këtij suksesi të madh është Unai Emery, trajneri spanjoll me përvojë të jashtëzakonshme, i cili edhe një herë po dëshmon se është një specialist i nivelit më të lartë në ndërtimin e skuadrave konkurruese. /Telegrafi/

Chelsea ka pësuar disfatë me rezultat 2-1 në shtëpi nga Aston Villa në kuadër të javës së 18-të në Ligën Premier.

Që në minutat e hershme, Alejandro Garnacho provoi të çonte Chelsean në avantazh me një gjuajtje nga jashtë zonës, por topi shkoj shumë pranë shtyllës së djathtë.

Pak më vonë, në minutën e 24-të, Joao Pedro pati një tjetër mundësi të pastër brenda zonës, por Emiliano Martinez reagoi shkëlqyeshëm dhe mban portën e paprekur.

Golin e parë e shënoi Chelsea në minutën e 37-të. Reece James kroson dhe Joao Pedro nuk gabon, duke goditur nga afër dhe duke dërguar topin në rrjetë për 1-0.

Pjesa e dytë filloi me të njëjtin intensitet. Në minutën e 55-të, Reece James pati një rast të madh, duke gjuajtur drejt pjesës së sipërme të portës, por Emiliano Martinez realizoi një pritje spektakolare.

Barazimi erdhi në minutën e 63-të, kur Ollie Watkins shfrytëzoi një pasim të bukur brenda zonës dhe goditi drejt shtyllës së djathtë, duke çuar rezultatin në 1-1.

Rikthimi i rezultatit ndodhi në minutën e 84-të, kur Youri Tielemans me një super krosim nga rivënia këndore gjeti Ollie Watkins i cili goditi me kokë nga pika e penalltisë, duke i dhënë avantazhin prej 2-1 Villas.

Deri në fishkëllimën e fundit të gjyqtarit rezultati mbeti i paprekur dhe Chelsea humbi kështu një ndeshje të cilën realisht duhej ta kishte fituar, duke marrë parasysh rastet e krijuara për gol./Telegrafi/

Trajneri i Aston Villa, Unai Emery, ka folur para udhëtimit të skuadrës në “Stamford Bridge”, duke e cilësuar përballjen ndaj Chelseat si një nga testet më të vështira të sezonit në Ligën Premier.

Tekniku spanjoll ka theksuar respektin maksimal për rivalin londinez, duke vlerësuar cilësinë e lojtarëve, stafin teknik dhe formën në rritje të skuadrës së Enzo Marescas.

“Ne e respektojmë shumë vështirësinë e Ligës Premier dhe faktin se po luajmë kundër Chelseat. Ata janë favoritë për të qenë në top katër dhe favoritë për të luftuar për titullin në Ligën Premier, sepse kanë lojtarë shumë të mirë, një trajner shumë të mirë dhe janë duke u përmirësuar vazhdimisht”.

“Ata janë kampionët e Botërorit të Klubeve dhe kjo do të thotë shumë. Tani janë pas nesh në renditje, por ndihen shumë të fortë dhe po luajnë me vetëbesim. Po konkurrojnë shumë mirë ndaj skuadrave më të mira”.

“Ata e kanë mposhtur Liverpoolin në shtëpi, kanë konkurruar në mënyrë fantastike kundër Arsenalit duke barazuar, e kanë mposhtur Barcelonën në Ligën e Kampionëve dhe fituan edhe ndeshjen e fundit në shtëpi kundër Evertonit”.

“Ata ndihen shumë të fortë në shtëpi. Ajo që ka shumë rëndësi është se si ndihemi ne tani, me momentumin që kemi. Nesër është një test shumë i madh për ne. Një test i madh në Chelsea, një test i madh si mysafir, një test i madh për mënyrën se si do të reagojmë jashtë fushe kundër një skuadre si Chelsea”.

“Jemi shumë të motivuar dhe të emocionuar për mënyrën se si do t’i përballim nesër. Jemi të fokusuar maksimalisht në këtë ndeshje për të provuar të japim më të mirën tonë”, deklaroi ai.

Përballja mes Chelseas dhe Villas do të zhvillohet të shtunën prej orës 18:30./Telegrafi

Tabela përfundimtare e Ligës Premier është simuluar dhe tifozët e Arsenalit kanë arsye të mëdha për festë.

Sipas parashikimeve më të fundit, pritja e gjatë për titullin kampion duket se më në fund po merr fund. Skuadra e Mikel Artetës ka qenë shumë pranë suksesit për disa sezone radhazi, por Manchester City dhe Liverpool kanë qenë gjithmonë një hap përpara.

Këtë herë, megjithatë, gjithçka duket ndryshe. Sipas analizës së fundit, Topçinjtë pritet ta ndërpresin “agjërimin” e gjatë dhe ta fitojnë titullin këtë sezon.

Arsenali në krye, City në vendin e dytë

Në krye të tabelës parashikohet një festë e madhe për Arsenalin dhe tifozët e tij besnikë. Superkompjuteri i fundit i përdorur nga CasinoHawks parashikon që liderët aktualë do ta fitojnë titullin me pesë pikë diferencë ndaj skuadrës së Pep Guardiolës.

Sipas këtij simulimi, Arsenali do ta përfundojë sezonin me 87 pikë, ndërsa Manchester City do të duhet të kënaqet me vendin e dytë me 82 pikë.

Lufta për Evropën

Lajme shumë pozitive ka edhe për Aston Villën, e cila parashikohet të përfundojë sezonin në vendin e tretë, duke siguruar një rikthim në Ligën e Kampionëve, kompeticioni më fitimprurës evropian për klube.

Katërshja e parë do të plotësohet nga Chelsea, nën drejtimin e Enzo Marescas, ndërsa kampionët e sezonit të kaluar, Liverpool, dhe Manchester United, parashikohet të renditen në vendin e pestë dhe të gjashtë, përkatësisht.

Kush bie nga liga?

Në fund të tabelës, panorama është dukshëm më e errët. Wolves, të cilët ende nuk kanë regjistruar asnjë fitore këtë sezon, parashikohen të kenë një edicion katastrofik.

Sipas simulimit, ata mund të thyejnë rekordin famëkeq për numrin më të ulët të pikëve të mbledhura ndonjëherë në Ligën Premier.

Wolves pritet të përfundojnë sezonin me vetëm 10 pikë, duke regjistruar vetëm dy fitore.

Burnley parashikohet gjithashtu të bjerë nga kategoria, duke vazhduar reputacionin e tij si një klub që shpesh ngjitet dhe bie mes ligave. Rënia më befasuese, megjithatë, pritet të jetë ajo e West Ham.

Edhe pse 40 pikë zakonisht konsiderohen të mjaftueshme për mbijetesë, këtë sezon nuk do të jenë të tilla për “Hammers”, të cilët parashikohet t’u bashkohen Wolves dhe Burnley në rënien drejt Championshipit.

Surpriza në mes të tabelës

Një element interesant i këtij simulimi është mbijetesa e parashikuar për dy nga tre ekipet e sapongjitura në elitë. Sunderland pritet të ketë një sezon shumë pozitiv rikthimi, duke përfunduar në një vend të respektueshëm, të 11-in.

Leeds United gjithashtu pritet ta shmangë rënien nga kategoria, por me shumë vështirësi. Ata parashikohen të përfundojnë në vendin e 17-të, vetëm pesë pikë larg zonës së rënies.

Nga ana tjetër, Tottenham pritet të ketë edhe një sezon zhgënjyes. Pavarësisht një përmirësimi të lehtë sezonin e kaluar nën drejtimin e Ange Postecoglou, Spurs parashikohet të mbyllin sezonin në vendin e 15-të, një rezultat veçanërisht i dhimbshëm duke pasur parasysh suksesin e madh të rivalëve të tyre në veri të Londrës. /Telegrafi/

Edhe pse është i huazuar te Aston Villa, e ardhmja e Jadon Sancho mbetet e paqartë dhe Manchester United nuk përjashton shitjen e tij që në afatin kalimtar të janarit.

Sulmuesi anglez po kalon një sezon pa stabilitet të plotë, ndërsa javët në vazhdim pritet të jenë vendimtare për drejtimin e karrierës së tij, si në Ligën Premier ashtu edhe jashtë saj.

Situata është e ndërlikuar dhe lidhet me interesa të ndryshme.

Aston Villa dëshiron ta mbajë Sanchon deri në fund të sezonit, duke besuar se ai ende mund të jetë i dobishëm në fazën vendimtare të garave.

Në të kundërt, Manchester United nuk dëshiron që një lojtar me vlerë të humbasë peshë në treg pa minuta të rregullta dhe pa rol kryesor.

Për këtë arsye, klubi po shqyrton seriozisht mundësinë e një transferimi të përhershëm në janar.

Në Old Trafford vazhdon të shihet si problem i hapur çështja Sancho.

I transferuar si yll dhe i projektuar për të udhëhequr repartin ofensiv, ai kurrë nuk arriti të përshtatej plotësisht.

Pas konflikteve të brendshme dhe largimit në formë huazimi, drejtuesit e klubit kanë një prioritet të qartë: të shmangin devalvimin e lojtarit dhe rrezikun e largimit falas në verë.

Nëse Aston Villa nuk i garanton vazhdimësi dhe protagonizëm, United është i gatshëm të dëgjojë oferta dhe ta mbyllë shitjen që në janar.

Nga ana e Aston Villas, besimi ekziston, por realiteti në fushë nuk ka qenë bindës.

Borussia Dortmund, Monaco dhe Como kanë shfaqur interes për situatën e Sanchos, duke e parë janarin si një mundësi të artë.

Dortmund mbetet opsioni më emocional, pasi aty lojtari përjetoi vitet më të mira të karrierës dhe mund të rilindë larg presionit të Ligës Premier.

Monaco dhe Como, nga ana tjetër, përfaqësojnë projekte ambicioze që synojnë të rriten dhe e shohin Sanchon si investim strategjik dhe mediatik.

Manchester United dëshiron ta mbyllë këtë çështje sa më shpejt dhe të sigurojë të ardhura, në mënyrë që të mos e humbasë lojtarin pa përfitim financiar në verë, kur i përfundon kontrata.

Për Jadon Sanchon, një ndryshim ambienti shihet si domosdoshmëri për të rikthyer besimin, vazhdimësinë dhe formën që dikur e bënë një nga talentet më të mëdhenj të futbollit evropian. /Telegrafi/

Aston Villa mori një sukses 2-1 ndaj Manchester United në ndeshjen e javës së 17-të të Premier League, të luajtur në “Villa Park”. Me këtë fitore, vendasit ngjiten në vendin e tretë në renditje, vetëm 3 pikë prapa Arsenalit dhe 1 pikë pas Manchester Cityt. Ndeshja nisi me dominim të Aston Villas në gjysmën e […]

The post Aston Villa regjistron fitoren e 7-të radhazi, mund Manchester United dhe ëndërron titullin appeared first on BoldNews.al.

Aston Villa kundër Manchester United përmbylli raundin e 17-të të Premier League, me ekipin vendas që triumfoi me rezultatin 2-1 në Villa Park.

Të besuarit e Emery zhbllokuan sfidën në minutën e 45-të me anë të Rogers, i ndjekur nga një gol i menjëhershëm barazimi nga Cunha (48′) para përfundimit të pjesës së parë.

Rogers ishte protagonist përsëri në pjesën e dytë, duke kompletuar dopietën në minutën e 57-të për të vulosur fitoren. Aston Villa është në ve d të tretë, tri pikë pas liderit Arsenal dhe një pikë pas Manchester City-t të vendit të dytë.

Nga ana tjetër, Manchester United mbetet i bllokuar në 26 pikë, me zonën e Ligës së Kampionëve që po i largohet gjithnjë e më shumë.

The post Manchester United humbet përsëri appeared first on Albeu.com.

Aston Villa e ka fituar derbin kundër Manchester United, në kuadër të xhiros së 17-të në Ligën Premier.

Villa i arkëtoi pikët e plota me rezultat të ngushtë 2-1, sfidë që ishte tepër e baraspeshuar.

Vendasit e nisën për mrekulli për të rrezikuar me John McGinn dhe Morgan Rogers por që fillimisht dështuan t’i finalizojnë.

Ishte Rogers që pastaj e zhbllokoi epërsinë ku pasi mori një pasim të bukur, me një goditje të fuqishme e la të shtangur portierin (45+1’).

Sidoqoftë, vetëm dy minuta më vonë, Matheus Cunha përfitoi nga një top i humbur për ta barazuar rezultatin (45+3’).

Villa ishte më e mirë edhe në fillimin e pjesës së dytë, ku Rogers me një goditje të fortë e riktheu epërsinë dhe njëkohësisht vulosi fitoren (58’).

Villa tani “blindon” pozitën e tretë me 36 pikë, derisa Man Utd zë pozitën e shtatë me 26 sosh./Telegrafi/

Përveç Nico Schlotterbeck të Borussia Dortmund, Barcelona ka identifikuar edhe qendërmbrojtësin e Aston Villa, Pau Torres, si një objektiv të mundshëm transferimi.

Mbrojtësi spanjoll, i cili luan për Aston Villa nën drejtimin e Unai Emery që prej vitit 2023, raportohet se është i hapur për një rikthim në La Liga nëse klubi katalanas konkretizon interesimin.

Barcelona kishte tentuar ta afronte Torres edhe gjatë kohës kur ai ishte pjesë e Villarrealit.

Megjithatë, Schlotterbeck mbetet objektivi kryesor i trajnerit Hansi Flick, pasi mbrojtësi gjerman po kërkon një sfidë të re dhe nuk është i prirur të pranojë rinovimin e kontratës me Borussia Dortmund.

Pavarësisht interesit për përforcime, Barcelona duhet së pari të përmirësojë gjendjen financiare për të mundësuar afrime gjatë verës.

Largimi i emrave të mëdhenj, si Robert Lewandowski sezonin e ardhshëm, do t’i lejonte klubit të lironte hapësirë në buxhetin e pagave dhe të përshtatej me rregullat e Fair Play Financiar të La Ligës.

Nevoja për përforcime në mbrojtje është bërë edhe më urgjente pas vendimit të Ronald Araujo për të marrë një pushim të pacaktuar, me qëllim përqendrimin në shëndetin e tij mendor. /Telegrafi/

Liverpooli mund të bëjë një lëvizje befasuese nga afati kalimtar i dimrit, duke rikthyer në Anfield, Harvey Elliott, i cili aktualisht është i huazuar te Aston Villa.

Lajmi vjen në një moment kur Reds po vuajnë nga forma nën drejtimin e Arne Slot, ndërsa situata komplikohet edhe më tej pas deklaratës publike të Mohamed Salah, i cili tha se nuk ka marrëdhënie me trajnerin dhe se klubi po përpiqet ta fajësojë për rezultatet e dobëta, shkruan TEAMtalk.

Aston Villa i jep fund huazimit

Liverpooli e kishte dërguar Elliott në huazim te Aston Villa këtë verë, me një klauzolë për blerjen e përhershme në rast se ai bënte dhjetë paraqitje. Megjithatë, Elliott ka luajtur vetëm pesë ndeshje, dhe trajneri i Aston Villës, Unai Emery, ka konfirmuar se klubi po kërkon një zgjidhje për largimin e tij dhe se nuk ka "asnjë shans" për një marrëveshje të përhershme.

Për shkak të rregullave të FIFA-s, Elliott nuk mund të luajë për një klub të tretë këtë sezon, pasi ka luajtur tashmë për Liverpoolin dhe Aston Villan. Si pasojë, të dy klubet kanë nisur negociatat për një rikthim të hershëm në Anfield në janar, në vend të verës siç ishte planifikuar fillimisht.

Mundësi për Elliott pas largimit të Salah

Një nga arsyet kryesore për huazimin e Elliott ishte kërkesa për më shumë minuta loje, të cilat nuk mund t’i merrte për shkak të konkurrencës me Mohamed Salahun dhe yjet e tjerë të sulmit të Liverpoolit.

Me largimin e mundshëm të Salah në janar, kjo hap një mundësi ideale për Elliott.

Duke u rikthyer, ai do të ketë shansin të luftojë për një vend në ekipin që e njeh shumë mirë, para se të kërkojë një mundësi afatgjatë për karrierën e tij në verë. /Telegrafi/

Arsenali është mposhtur në fund nga Aston Villa me rezultat 2-1 në ndeshjen e vlefshme për javën e 15-të në Ligën Premier.

Ekipi i Unai Emeryt ka arritur fitoren e pestë radhazi në kampionat, duke mposhtur ekipin e Mikel Artetës i cili vinte nga një seri pa humbje prej 18 ndeshjesh.

Pjesa e parë e ndeshjes u karakterizua me lojë të barabartë nga të dyja skuadrat, por ishin vetëm vendasit që gjeten golin.

Goli i vetëm në këtë pjesë erdhi në minutën e 36-të me anë të Matty Cash, i cili shënoi për epërsinë e vendasve 1-0.

Në pjesën e dytë, mysafirët ishin skuadër më e mirë dhe më kërkuese, teksa arritën ta gjejnë edhe golin e barazimit, por nuk arritën ta mbajnë atë

Goli i barazimit erdhi në minutën e 52-të me anë të Leandro Trossard, i cili shënoi për 1-1 dhe me këtë rezultat pritej të mbyllej ndeshja, përkundër shumë raste.

Megjithatë, në minutën e pestë shtesë, në skenë doli rezervisti i Emiliano Buendia, i cili shënoi një gol të bukur për fitoren 2-1.

Pas kësaj fitore, Aston Villa ngjitet në pozitën e dytë me 30 pikë apo vetëm tri më pak se Arsenali i pari.

Në ndeshjen e ardhshme, Topçinjtë e presin Wolvesin, ndërsa Aston Villa udhëton te West Hami. /Telegrafi/

Jadon Sancho është i gatshëm të përgjysmojë pagën e tij për të siguruar një rikthim të përhershëm te Borussia Dortmund, sipas raportimeve të gazetës Bild.

Anësori anglez ka vendosur kushte të qarta për rikthimin e tij, duke përfshirë një rol të garantuar titullar, komunikim të rregullt me menaxhmentin sportiv dhe mundësinë për të garuar në gara evropiane.

Sancho ndodhet aktualisht në huazim te Aston Villa nga Manchester United, por Djajtë e Kuq thuhet se janë të etur ta shesin atë përgjithmonë sa më shpejt të jetë e mundur, edhe nëse kjo nënkupton që të largohet si transferim i lirë, pasi kontrata e tij skadon në verë.

telegrafi.com

Financiarisht, një transferim dimëror pritet të përfshijë një tarifë të moderuar, duke pasur parasysh kontratën që po shkon drejt fundit në Old Trafford. Klubet e interesuara për 25-vjeçarin gjithashtu do të duhet të marrin në konsideratë një bonus nënshkrimi të konsiderueshëm.

Sancho ka pasur më parë periudha shumë produktive te Dortmund, ku shënoi 53 gola dhe dha 67 asiste në 158 ndeshje zyrtare.

Ndërsa rikthimi i tij shihet si një sfidë për “Zi dhe të Verdhët”, klubi vazhdon ta monitorojë situatën nga afër. Këtë sezon, deri më tani, Sancho ka luajtur në tetë ndeshje pa kontribuar me gol ose asistim. /Telegrafi/

Interi ka nisur tashmë operacionin për të gjetur pasuesin ideal të Yann Sommer dhe emri që spikat në listë është ai i Emiliano “Dibu” Martinez, portieri i Aston Villës dhe kampion bote me Argjentinën.

Në një kohë kur shumë klube të mëdha të Evropës po përgatiten për lëvizje të forta në afatin e janarit, Interi e sheh këtë periudhë si momentin e së vërtetës.

Pas një fundsezoni të kaluar ku u pa rënie fizike dhe mungesë thellësie në skuadër, drejtuesit zikaltër janë të vendosur të mos përsërisin të njëjtat gabime dhe kërkojnë të forcojnë një nga pozitat më të rëndësishme: portën.

Sipas TyC Sports, Interi ka vënë në shënjestër Emiliano Martinez, 33 vjeç, i cili ka kontratë me Aston Villën deri në vitin 2029.

Performancat e tij të qëndrueshme në Ligën Premier dhe paraqitjet vendimtare me Argjentinën e bëjnë atë një kandidat ideal për skuadrën e Cristian Chivut.

Martinez, i shpallur kampion bote në Katar 2022, shihet si profili perfekt për t’i dhënë Interit stabilitet afatgjatë në portë.

Edhe pse Aston Villa e ndali largimin e tij gjatë verës, zikaltërit janë të gatshëm të testojnë vendosmërinë e klubit anglez me një ofertë konkrete.

Interi po e konsideron këtë transferim si prioritet absolut, me qëllimin që gardiani i ri të mbërrijë sa më shpejt në Milano për të nisur një epokë të re në portën zikaltër. /Telegrafi/

Gjiganti Italian Inter raportohet se po shqyrtojnë mundësinë për të nënshkruar me portierin e Aston Villas, Emiliano Martinez, në afatin kalimtar të janarit.

Portieri i Argjentinës vazhdon të lidhet me një transferim të madh larg ‘Villa Park’, pasi humbi një kalim të mundshëm drejt Manchester United në ditën e fundit të afatit kalimtar të verës.

Sipas një raporti të ri nga Football Insider, Interi, një ndër skuadrat më të mëdha italiane, është i interesuar të sigurojë shërbimet e Martinez kur të rihapet afati kalimtar pas më shumë se një muaji.

Raporti pretendon se Villa është e gatshme të përfitojë nga shitja e 33-vjeçarit, nëse arrin një ofertë e përshtatshme në fillim të vitit të ardhshëm.

Emiliano Martinez

Më tej, raporti shton se Interi i Cristian Chivu ka dyshime mbi portierin aktual titullar, Yann Sommer, dhe për këtë arsye po vlerëson opsionet përpara afatit kalimtar të janarit.

‘Nerazzurrët’ aktualisht kryesojnë Serie A me 24 pikë, duke lënë pas Romën e vendit të dytë falë golaverazhit më të mirë.

Ndërsa mbetet për t’u parë nëse Martinez do të largohet në janar, thashethemet vazhdojnë pas dështimit të transferimit të tij te Manchester United i Ruben Amorim në verë.

Ish-portieri i Arsenalit raportohet se qëndroi pranë telefonit duke pritur të mësonte nëse Villa dhe United kishin arritur një marrëveshje ditën e fundit të afatit kalimtar, vetëm që “Djajtë e Kuq” të firmosnin në vend të tij me të riun Senne Lammens./Telegrafi/