Janë siguruar pamjet kur familjarët e viktimës Mondi Mëhalla kanë mbërritur në vendngjarje.

Në video, shihet e motra e viktimës, e cila shpërthen në të qara dhe ulërima për humbjen e të vëllait.

“O shpirti motrës”, thotë ajo.

Biznesmeni Mondi Mëhalla u gjet i vrarë mbrëmjen e kësaj të diele brenda një mjeti pranë karburantit të tij në Elbasan.

Mësohet se 43-vjeçari sapo kishte dalë nga zyra e karburantit dhe ishte futur në automjet. Autorët kanë qëlluar tre herë me pistoletë në drejtim të tij, ndërsa dy prej plumbave e kanë goditur në kokë.
Mëhalla rezulton pronar i një karburanti në Elbasan si dhe i një rrjeti taksish.

43-vjeçari Mondi Mëhalla nuk është person i panjohur për blutë e Elbasanit. Ai rezulton i skeduar më parë për shpërndarje narkotikësh dhe armëmbajtje pa leje.

NJOFTIMI I POLICISË:

“Rreth orës 20:35, është marrë njoftim se në lagjen “Emin Matraxhiu”, brenda në një automjet të parkuar, është gjetur, i vrarë me armë zjarri, shtetasi M. M. alias E. H., 43 vjeç.

Në vendngjarje shkuan menjëherë shërbimet e Policisë dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve”.

The post “O shpirti motrës”/ Momenti kur familjarët e biznesmenit të ekzekutuar në Elbasan mbërrijnë në vendngjarje (Pamje të rënda) appeared first on Albeu.com.

Policia e Lushnjes, ka shoqëruar mbi 30 persona për atentatin ndaj Julian Sulës, i njohur si Juli i Pashakos.

Pjesa më e madhe e tyre janë anëtarë të grupit të Aldo Bares dhe fisit Aliçka në Lushnje, pjesëtarë të 2 fiseve të cilët vitet e fundit kanë pasur konflikte të shumta me 45-vjeçarin Sulo.

Pas marrjes në pyetje janë liruar, pasi kanë mohuar përfshirjen në ngjarje.

Është zbuluar se makina e autorëve është vjedhur në vitin 2022 në Greqi, ndërsa po atje targat një vit më parë, por në qytete të ndryshme greke.

Autoritetet greke në kthim përgjigje i kanë pohuar Policisë së Fierit, se janë vjedhje pa autorë dhe të pazbardhura.

Përveç dinamikës së ngjarjes, policia nuk ka të qartë mënyrën se si dhe nga janë larguar autorët.

Pasi dogjën makinën në fshatin Lifaj, dyshimet e grupit hetimor janë se ata mund të jenë larguar me një tjetër automjet, nëpër disa fshtra që të çojnë drejt Kuçovës dhe Beratit, por për shkak se e gjithë zona ku mendohet të kenë kaluar autorët janë toka bujqësore dhe pa biznese, në këto kushte nuk ka kamera të kenë filmuar lëvizje të makinës së autorëve.

The post Atentati ndaj “Juli të Pashakos”/ Policia shoqëron 30 persona, disa prejt tyre anëtarë të grupit të Aldo Bares appeared first on Albeu.com.

Gazeta Panorama Online, ka siguruar pamjet nga momenti kur autorë ende të paidentifikuar i bënë atentat Julian Sulos, i njohur si ‘Juli i Pashakos.

Siç shihet në këto foto, dy persona të maskuar kanë hapur zjarr me automatik në drejtim të 45-vjecarit, i cili mbeti i plagosur në këmbë.

Kujtojmë që ngjarja ndodhi paraditen e djeshme (25 nëntor) në qytetin e Lushnjes, ndërsa pas atentatit autorët janë larguar dhe nuk ka asnjë informacion për ta.

Në dëshminë e tij ai ka deklaruar se; “nuk i njeh personat që e qëlluan dhe madje nuk ka konflikte me askënd”.

Ngjarja

Julian Sulo, i njohur si i forti i Lushnjes i ka shpëtuar një atentati të organizuar ndaj tij në afërsi të spitalit të qytetit. Ai po lëvizte me makinën e tij tip ‘BMV’ në afërsi të spitalit të Lushnjes, kur 3 autorë ende të paidentifikuar i kanë zënë në pritë dhe kanë qëlluar në drejtim të tij me breshëri kallashi.

Ngjarja ka ndodhur rreth orës 10:40, ndërsa 45-vjeçari Sulo ndodhet jashtë rrezikut për jetën. Plumbat e kallashit që u derdhën drejt makinës së tij e kanë kapur në këmbë, ndërsa ishte i vetëm në mjet.

Autorët kanë qenë në makinë në momentin e qitjes dhe kanë qëlluar në lëvizje.

Pak minuta pas atentatit, mjeti i autorëve ‘Nissan’ u gjet i djegur në fshatin Lifaj. Brenda tij është gjetur edhe arma që kanë përdorur për të qëlluar në drejtim të 45-vjeçarit.

Policia ngriti menjëherë pika kontrolli në hyrje-dalje të qytetit, ndërsa grupi hetimor nën drejtimin e Prokurorisë po punon për identifikimin e autorëve dhe zbardhjen e plotë të rrethanave dhe motiveve, te cilat lidhen me konfliktet e hershme mes grupeve kriminale të Lushnjes.

Sulo është shoqëruar në Komisariat për të dhënë dëshminë e tij. “Nuk kam konflikte me asnjë”, ka deklaruar para hetuesve. Ndërkohë në polici, janë shoqëruar edhe gjashtë persona.

Kush është Juli i Pashakos

Julian Sulo njohur ndryshe si “Juli i Pashakos”, punon e jeton në Karbunarë të Lushnjes, ku menaxhon një bar–restorant së bashku me familjen.

Ai është rival i Aldo Bares, kreut të bandës së Lushnjës. Sulo ka qenë i dyshuar edhe për atentatin e organizuar ndaj nipit të Bares, Xhulio Shkurti, në 2017-ën. Sulo u la i lirë pasi nuk kishte asnjë provë që e lidhte me atentatin, që njihet ndryshe edhe si masakra e Lushnjes.

Për këtë ngjarje, janë dënuar me burg të përjetshëm, Anterio Kaloshi dhe Orgest Bilbili, vendim i lënë në fuqi edhe nga Gjykata e Lartë më 21 nëntor 2025. Në masakrën e Lushnjes u vranë Zamir Latifi dhe Jurgen Hoxha, si dhe u plagosjes e Bujar Turkut dhe Marius Xhepexhiut.

The post Pamje nga atentati në Lushnje, momenti kur autorët qëllojnë drejt automjetit të “Julit të Pashakos” appeared first on Albeu.com.

Julian Sulo, i njohur si “Juli i Pashakos”, i shpëtoi një atentati me armë zjarri një ditë më parë në Lushnje. Mësohet se 45-vjeçari mbeti i plagosur në këmbë.

Por në dëshminë e tij, ai ka deklaruar se, “nuk i njeh personat që e qëlluan dhe madje nuk ka konflikte me askënd”.

Ngjarja

Julian Sulo, i njohur si i forti i Lushnjës i ka shpëtuar një atentati të organizuar ndaj tij në afërsi të spitalit të qytetit. Ai po lëvizte me makinën e tij tip ‘BMV’ në afërsi të spitalit të Lushnjës, kur 3 autorë ende të paidentifikuar i kanë zënë në pritë dhe kanë qëlluar në drejtim të tij me breshëri kallashi.

Ngjarja ka ndodhur rreth orës 10:40, ndërsa 45-vjeçari Sulo ndodhet jashtë rrezikut për jetën. Plumbat e kallashit që u derdhën drejt makinës së tij e kanë kapur në këmbë, ndërsa ishte i vetëm në mjet. Autorët kanë qenë në makinë në momentin e qitjes dhe kanë qëlluar në lëvizje.

Pak minuta pas atentatit, mjeti i autorëve ‘Nissan’ u gjet i djegur në fshatin Lifaj. Brenda tij është gjetur edhe arma që kanë përdorur për të qëlluar në drejtim të 45-vjeçarit.

Policia ngriti menjëherë pika kontrolli në hyrje-dalje të qytetit, ndërsa grupi hetimor nën drejtimin e Prokurorisë po punon për identifikimin e autorëve dhe zbardhjen e plotë të rrethanave dhe motiveve, te cilat lidhen me konfliktet e hershme mes grupeve kriminale të Lushnjës.

The post I shpëtoi atentatit, zbardhet dëshmia e “Julit të Pashakos”: Nuk i njoh personat që më qëlluan appeared first on Albeu.com.

Paraditen e sotme, një atentat me armë zjarri ka ndodhur në Lushnje, ku objektiv ka qenë Julian Sula, i njohur si “Juli i Pashakos”.

Sulo, i cili mbeti i plagosur në këmbë, pas ngjarjes është shoqëruar në Komisariat për të dhënë dëshminë e tij.

Megjithatë, sipas burimeve 45-vjeçari deri më tani ka heshtur para uniformave blu – duke mos dhënë asnjë informacion.

Nga ana tjetër policia ka shoqëruar edhe 6 persona në Komisariat në lidhje me ngjarjen.

The post Atentati ndaj Julit të Pashakos në Lushnje/ 45-vjeçari “kyç” gojën para policisë, shoqërohen 6 persona appeared first on Albeu.com.

Paraditen e sotme, një atentat me armë zjarri ka ndodhur në Lushnje, ku objektiv ka qenë Julian Sula, i njohur si “Juli i Pashakos”. Gazetari Elton Syno, mëson se Sula po lëvizte me makinën e tij, sapo kishte dalë nga banesa e tij dhe ishte vetëm në automjet.

Sipas raportimeve, tre persona që ndodheshin në rrugë, në këmbë e kanë qëlluar me automatik, duke lëshuar rreth 7 plumba drejt tij. Bëhet me dije se asnjë prej plumbave nuk e ka prekur drejtpërdrejt Sulën.

Një plagë e lehtë që ai ka në gishtat e këmbës, dyshohet se është shkaktuar gjatë largimit me vrap dhe do të konfirmohet nga ekspertiza mjeko-ligjore.

Hetimet e policisë kanë zbuluar se në vendin ku është djegur makina e autorëve, është gjetur një automatik tip Kallashnikov, i cili besohet se është përdorur gjatë atentatit.

Identiteti i tre personave mbetet i paqartë, ndërsa ata kanë larguar nga vendi i ngjarjes me një automjet dhe më pas e kanë djegur atë, duke u drejtuar drejt fshatrave përreth Lushnjes.

The post Tre persona i zunë pritë sapo doli nga banesa/ Zbardhen detaje nga atentati ndaj “Julit të Pashakos” në Lushnje: Autorët ishin në këmbë dhe… appeared first on Albeu.com.

Juljan Sulo, i njohur edhe si “Juli i Pashakos”, ishte objekt i një atentati me armë zjarri paraditen e kësaj të marte (25 nëntor) në Lushnje.

45-vjeçari, i cili mbeti i plagosur në këmbë është shoqëruar nga policia për të dhënë sqarime në lidhje me ngjarjen.

Ndaj 45-vjeçarit Sulo, autorët ende te paidentifikuar kanë qëlluar me armë zjarri nga një automjet tip Nissan në lëvizje, që u gjet i djegur në afërsi të fshatit Lifaj. Makina ishte me targa greke.

Blutë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.

“Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J. S., 45 vjeç, i cili ndodhet jashtë rrezikut për jetën. Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve. Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve. Grupi hetimor në drejtimin e Prokurorisë po punon për zbardhjen e plotë të rrethanave të ngjarjes”, njoftoi policia.

KUSH ËSHTË JULIAN SULO

Julian Sulo është i njohur me nofkën “Juli i Pashakos”. Gjykata e Lushnjës më 8 tetor 2021 ka urdhëruar sekuestrimin e pasurive të tij.

“Sekuestrimin e shumës monetare prej 70 060 (shtatëdhjetëmijë e gjashtëdhjetë) Euro (të depozituara në ruajtje në Bankën ***). Sekuestrimin e pasurisë së luajtshme automjet tip ‘Porsche Cayanne’ me targa ‘AA *** *T’”, sqaroi në atë kohë Prokuroria e Përgjithshme.

Prokuroria theksoi se kishte regjistruar dhe po kryente hetime për procedimin pasuror penal, duke nisur nga data 4 tetor e vitit 2021, ndërsa pasuritë dyshohet se janë të vëna në mënyrë të paligjshme.

I konsideruar edhe si rivali i Aldo Bares, Julian Sulo, ka precedentë penalë dhe është shoqëruar shumë herë në Polici.

Ai u soll në vëmendjen e medias për sekuestrimin e pasurive dhe një automjeti luksoz, i cili kushtonte më shumë se 60 mijë euro. Julian Sulo, ka pasur në pronësi të tij një lokal dhe një lavazh në qytetin e Lushnjes.

“Në kuadër të luftës kundër informalitetit dhe pastrimit të parave, gjurmimit dhe identifikimit të aseteve që janë përfituar nga veprimtari kriminale, pas informacioneve të mara në rrugë operative se shtetasi J. S merrej me aktivitet kriminal në fushën e narkotikëve dhe krimeve kundër personit, nga strukturat e Krimit Ekonomik e Financiar në DVP Fier, u ushtrua kontroll në banesën e tij, ku u gjetën dhe sekuestruan në cilësinë e provës materiale 70 000 euro dhe 1 automjet me vlerë rreth 100 000 euro”, njoftoi Policia më 2 Tetor 2019.

Në atë kohë, Julian Sulo u shoqërua në Polici si i dyshuar për përfshirjen në atentatin ndaj prokurorit Arian Ndoja në qytetin e Durrësit.

Nga atentati me armë zjarri mbeti i vrarë shoferi i prokurorit, Andi Maloku, ndërsa u plagos vetë Ndoja dhe i forti i Sukthit, Landi Muharremi. Për atentatit arrestuar Redjan Rraja, ndërsa për Sulën nuk pati prova.

Sula është shoqëruar në polici edhe në vitin 2017, si i dyshuar për përfshirje në një atentat në tetor të atij viti ku mbetën të vrarë dy persona, Jurgen Hoxha dhe Samir Latifi, ndërsa shënjestër Xhulio Shkurti, ishte nipi i Aldo Bares, por u la i lirë për mungesë provash.

Ndërkohë, më 11 qershor 2016, Julian Sulo u plagos pas ndeshjes Shqipëri-Zvicër në një pikë bastesh nga Arjan Aliço, anëtar i bandës së Aldo Bares.

Aliço, i njohur ndryshe si “Arti i Braçes”, i dënuar më parë për vrasje dhe që njihet si një nga ushtarët e Aldo Bares. Ai u qëllua me thikë rreth 20 herë dhe me leva aq sa u la si i vdekur buzë rruge dhe u shpëtua nga një kalimtar i rastit.

Sulo nuk përmendi kurrë emrin e ushtarit të Aldo Bares si autor, por Arjan Aliçko mori përsipër ngjarjen dhe u burgos.

45-vjeçari ka udhëtuar vazhdimisht me makinë të blinduar, si dhe i armatosur me armë zjarri.

MARS 2018/ Biznesmeni lushnjar, ‘rivali’ i Aldo Bares, sfidoi policinë me BMW të blinduar

Po udhëtonte i armatosur me makinë të blinduar, nuk i bindet urdhrit të policisë dhe tenton të largohet.

Një aksion si në filma është realizuar nga Policia e Lushnjës dhe Forcat e Ndërhyrjes së Shpejtë për arrestimin e Julian Sulos, pasi udhëtonte me armë dhe nuk i është bindur urdhrit të policisë për të ndaluar.

Julian Sulo u kap në atë kohë nga Policia e Lushnjës në bashkëpunim me FNSH-në e Fierit, ku në momentin e arrestimit u bë dhe sekuestrimi i armës së zjarrit tip “Grand Power” dhe një krehër me 15 fishekë.

Gjithçka ka nisi kur gjatë një kontrolli të ushtruar nga policia në lagjen “Gafur Muço”, Julian Sulo, duke udhëtuar me mjetin tip BMW të blinduar, nuk i është bindur urdhrit të punonjësve të policisë për të ndaluar.

Pas kësaj, forcat e policisë kërkuan përforcime dhe u vunë në ndjekje të tij. Në tentativë për t’i shpëtuar kapjes, Julian Sulo braktisi makinën e blinduar dhe gjatë largimit në këmbë ka mundur të hedhë disa metra larg automjetit armën që mbante me vete.

Biznesmeni ka mundur të largohet disa metra nga automjeti, duke tentuar të fshihej në rrugicat e qytetit, por përpjekjet e tij morën fund pas ndërhyrjes së shpejtë të forcave të policisë.

Nga kontrolli, në afërsi të mjetit është gjetur një pistoletë tip “Grand Power” Q 100, një krehër me 15 fishekë dhe një fishek në folenë e armës, të cilat u sekuestruan në cilësinë e provës materiale.

Gjatë marrjes në pyetje, asokohe ai nuk ka pranuar të flasë, përveçse ka thënë se udhëtonte i armatosur për vetëmbrojtje.

Kjo pasi pak kohë më parë ishte tentuar të vritej nga disa persona, që e sulmuan me sende të forta, por ngjarja nuk u zbardh asnjëherë.

The post Ishte objekt i atentatit në Lushnje/ “Juli i Pashakos” i plagosur në këmbë shoqërohet në polici për të dhënë sqarime appeared first on Albeu.com.

Detaje të reja dalin në dritë nga të shtënat me armë zjarri, pranë spitalit në Lushnje, ku raportohet se shënjestër e atentatit ka qenë Julian Sula, rival i grupit të Aldo Bares.

Policia thotë se 45-vjeçari është plagosur në këmbë dhe aktualisht ndodhet në spital jashtë rrezikut për jetën.

Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve.

Njoftimi i policisë:

Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J. S., 45-vjeç, i cili ndodhet jashtë rrezikut për jetën.

Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.

Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve.

Grupi hetimor në drejtimin e Prokurorisë po punon për zbardhjen e plotë të rrethanave të ngjarjes.

The post Atentati në Lushnje/ Plagoset në këmbë 45-vjeçari Julian Sula, rivali i Aldo Bares appeared first on Albeu.com.

Emisioni “Në shënjestër” ka zbardhur detaje të tjera mbi atebtatin e ndodhur pak ditë më parë në Rinas ku humbi jetën Gilmando Dani, krahu i djathtë i Emiljano Shullazit dhe shoqëruesi i tij Muçi Shaljani.

Në investigimin e emisionit, janë bërë të qarta lidhjet mes grupeve rivale të botës së krimit, ndërsa zbulohet se pistat kryesore në lidhje me masakrën janë hakmarrje nga Troplinët e Durrësit mbi faktin që Danbi mund t’u ketë vënë gjobëvënie, ose një hakmarrje nga Durimn Bami mbi ngjarje të së shkuarës.

Pjesë nga dokumentari:

Por cilat janë pistat ku grupi hetues është ndalur në hetimin e vrasjes së Gilmando Danit dhe mikut të tij të ndjerë Muçi Shaljani.
Cila ishin përplasjet e Gilmando Danit me grupet e tjera rivale?
Dhe a u mor miratimi nga Nikla për ekzekutimin e tij?
A është baza e arsenalit të armëve të gjetura në banesën e shtetasit Ylli Zalla, në fshatin Zall në Fushë-Krujë, baza nga ku u furnizuan dhe dolën për qitje, trupa e pushkatarëve që eleminuan Gilmando Danin?
Ylli Zalla që kishte vuajtur më herët një dënim të ngjashëm për armënbajtje pa leje, pasi në banesën e tij iu gjetën armë të shumta zjarri dhe që pas kontrollit të fundit në banesë, ai nuk u gjet aty.

“Në kuadër të operacionit ‘Tracking’, Policia e Tiranës, ka gjetur në banesën e shtetasit Ylli Zalla, një personazh problematik me të shkuar kriminale, një arsenal të tërë armësh. Ku 48-vjeçari dyshohet se në atentatin e ndodhur në Rinas, ku humbën jetën Gilmando Dani dhe Muçi Shaljani, ka pasur rol ndihmës, për sigurimin e armëve që u përdorën në krimin e rëndë. Ku gjatë kontrollit u gjetën mina me celularë, armë, tritoll, armë automatike dhe pushkë”, deklaron policia e Tiranës.

Por kush ishin banesat e para që u kontrolluan nga policia dhe përse grupi hetues u përqëndrua te ‘të fortët’ e Niklës dhe të Vlorës, konkretisht vëllezërit Valter Bami dhe Durim Bami.

Gilmando Dani i cili siç thamë kishte shumë hesape të hapura, pasi ishte dënuar nga drejtësia shqiptare me 12 vite burgim për akuzën e gjobëvënies ndaj biznesmenit të kompanisë Ylvi Beqja në Tiranë si pjesë e bandës së Emiljano Shullazit.
Ndërkohë që ishte shoqëruar për ngjarje tjera të rënda penale, teksa u mbijetoi dy atentateve mafioze në vitet 2011 dhe 2015. Dani që ishte liruar nga burgu vetëm një vit më parë, në tetor 2024.
Ndërsa kreu i grupit të tij kriminal, Emiljano Shullazi, ndodhet në burg pasi krahas dënimit me 14 vite burgim për gjobëvënie, ai po gjykohet edhe për vrasjen e shtetasve Vajdin Lamaj dhe Artan Arsi në shkurt të vitit 2005.
46-
Teksa ndaj tij ka një masë sigurie për akuzën e sigurimit të kushteve për të vrarë Marklen Hakën.
Grupi i Emiljano Shullazit që ka disa konflikte të hapura me grupin e Marklen Hakës dhe Durim Bamit të njohur si ‘të fortët’ e Niklës si dhe me klanin Troplini në Durrës.

“Lidhur mbi ngjarjen ku humbën jetën Gilmando Dani dhe shtetasi Muçi Shaljani, janë ushtruar kontrolle në banesat e vëllezërve Xhuljan dhe Lefter Kullaj,
Ervin Kodra, Valter Bami, Gentian Koçi, vëllezërve Edion dhe Fatmir Bami si dhe Zyber Bami. Kontrolle në banesat e këtyre shtetasve ku nuk janë gjetur sende të kundaligjshme.

Ndërkohë që shtetasit Valter Bami, Gentian Koçi dhe Zyber Bami nuk janë gjetur në banesë, ndërsa shtetasit Xhuljan dhe Lefter Kullaj, Ervin Kodra, Edison dhe Fatmir Bami, janë shoqëruar në ambientet e Drejtorisë Vendore Tiranë dhe u janë marrë faktorë plotësues të qitjes si dhe janë përpiluar vendimet përkatëse për kryerjen e ekspertimit kimike”thuhet në dosjen hetimore.

Por përse grupi hetues ka dyshime se pas atentatit në Rinas ku objektivi ishte Gilmando Dani qëndron Durim Bami dhe a ka lidhje kjo me atentatin e dështuar të ndodhur në janarin e vitit 2015, në Qafën e Kasharit ku Emiljano Shullazi dhe Gilmando Dani u qëlluan në një pritë të organizuar në këtë zonë ndërsa po ktheheshin nga Fushë-Kruja për në drejtim të Tiranës,
pas njoftimit që kishin marrë se në rrugën e Kavajës në Tiranë, po këtë mbrëmje ishte qëlluar miku i tyre Pajtim Serjani.

Atentat që 5 vite më pas u pasua me atë ndaj Durim Bamit në Tapizë të Fushë-Krujës, ku mbeti i plagosur kushëriri i tij, Ervin Kodra.
Por që vetëm bisedat në Sky Ecc, filluan të zbulonin aleancat fluide midis grupeve kriminale si dhe kush tashmë ishin kthyer në kundërshtarë.
Siç janë edhe ato midis ish-deputetit socialist Arben Ndoka që siguronte të dhëna nga Emiljano Shullazi në lidhje me lëvizjet e Durim Bamit.
Të dhëna që do t’i nevojiteshin Ndokës dhe klanit të tij familjar për mënyrën sesi do të ekzekutohej Durim Bami.

Ndoka që kishte humbur vëllain e tij në një atentat, që thuhet se mori pranë vetes edhe Gentjan Bejtjan dhe Naim Stafukën, përkatësisht mikun dhe vëllain e të zhdukurit Enver Stafuka, fati i të cilit ende nuk dihet edhe sot.
Teksa ata dyshonin se në zhdukjen e tij kishte gisht Durim Bami arsye për të cilën u bënë palë me ish-deputetin Ndoka që thirri në ndihmë për vrasjen e ‘të fortit’ të Niklës edhe Astrit Avdylin,
‘Të fortin’ e Shijakut, që në këtë kohë ndodhej në burg pasi ishte arrestuar në kuadër të operacionit ‘Volvo 4’ si dhe dilte në përgjime me ish-kryebashkiakun e Durrësit, Vangjush Dakon në dosjen e bujshme ‘339’ .

Arben Ndoka sipas SPAK, bashkëpunoi me Aldo Avdylin, nipin e Astrit Avdylit për vrasjen e Durim Bamit.
Aldo Avdyli i cili u strehua në Lezhë në ambientet e siguruara nga ish-deputeti dhe kur të ishte e nevojshme do të hynte në lojë duke ekzekutuar ‘të fortin’ e Niklës’ ku plani ishte që vëllai i Durim Bamit, Valteri të merrej peng. Teksa rrugës, në lojë hyjnë edhe Arben Mërkuri i njohur si ‘Maneci’ i cili u vra në vitin 2022 në Durrës, i cili do të luante rolin e ekzekutorit.
Ndërsa Gjin Ndoj, vrasja e të cilit u urdhërua nga Martinaj, po ashtu do të kishte rolin e vëzhguesit të Durim Bamit.
Ndoka që bëri pakt edhe më Bajrat e Shkodrës, konkretisht me Behar Bajri Brajoviq, që nëse Durim Bami shkonte tek shtëpia e tyre, ishin ‘gati ta grinin’.

Por i paduruar për të mbaruar punë, Arben Ndoka kërkoi vrasës me pagesë edhe në Kosovë.
Siç është edhe kjo bisedë me Ervis Martinaj.

“Më datë 13 Qershor 2020, Arben Ndoka bisedon me Ervis Martinaj dhe i tregon në lidhje me grupin e vrasësve me pagesë nga Kosova që ka gjetur.
Arben Ndoka: ‘Kam gjet një grup nga Kosova, që bëjnë punë, janë super.’
Ervis Martinaj: ‘Ti jap unë pagesat e tyre’.”

Pjesë e kësaj dosje që lidhet me planin për vrasjen e Durim Bamit është edhe ajo më herët në janar të vitit 2020. Në një bisedë që zhvillohet në Sky Ecc mes Marklen Hakës dhe Emiljano Shullazit. Ky i fundit që edhe pse ndodhet në burg, përdor jo vetëm një celular, por edhe Sky.
Marklen Haka që e informon Emiljano Shuillazin për lëvizjet e Durim Bamit me një makinë të blinduar ‘Range Rover’.
Bisedat në Sky:

Emiljano Shullazi: Kape… mos ja zgjat shumë. Se jam këtu dhe robt e mi që janë jashtë, e kanë pak problem të vijnë në Nikël dhe të mbarojnë punë. Po të jem vetë e mbaroj aty te dera e shtëpisë. Ky legeni që është këtu në burg, Rraja (Redjan Rraja), thotë që Duri është më i fuqishmi aty. I bën reklamë.
Ai Duri i ka çuar haber atij Ndokës (Arben Ndokës) që të nxjerr kë të duash përveç Valterit dhe më jep garanci që e mbyllim bashkë.

Si t’ja bëjmë me e kap k… me e rrjep me e torturuar, ishalla ta mbysin fort. Se tani s’ka blind që e ruan.
Ndërsa në muajin mars të vitit 2020, Emiljano Shullazi komunikon me Arben Ndokën, duke i dhënë informacione për lëvizjet e Durim Bamit, por pa i thënë që këto informacione i merrte nga Marklen Haka.
Grafikë
Bisedat Sky Ecc
Emiljano Shullazi: Po më thotë që rri aty te Oxhaku shumë dhe del edhe pa blind te lokal ‘A…’ dhe me shumë se 20 minuta nuk rri.
Rri me çunin e xhajës së vet, atë Koçin (Gentian Koçi) dhe Ervin Kodrën nga Tapiza. Kemi folur me nja dy veta dhe ishalla e bëjnë (e vrasin).

Do terezi ai m… se del një ditë dhe rri gjithë javën pa dalë. Shohim mos po i vjen ora.
Unë jam tek cili variant të dali më para, vetëm të iki. Se do dalin të gjitha pastaj, kush ka dhënë e kush ka gjuajtur. I flet Valteri të gjitha pastaj sa t’i thuash e ke radhën ti.

Bisedat vijojnë edhe me persona të tjerë që kanë bashkëpunuar me qëllim vrasjen e Durim Bamit, por në asnjë rast nuk arrijnë ta realizojnë.
Në një moment, në gusht të vitit 2020, Arben Ndoka bisedon me Ervis Martinaj, për faktin që Shullazin e kishin izoluar në regjimin e posaçëm ‘41 Bis’.
Një tjetër episod i dosjes së SPAK, lidhet me bashkëpunimin e Ervis Martinajt me Satilno Bashon për vrasjen e Fatmir Hysenit, i njohur si ‘Doqja’, për të cilin shfaq interes edhe Emiljano Shullazi.

Për të dokumentuar aktivitetin kriminal të Satilno Bashos, SPAK ka verifikuar edhe komunikimet e tjera që ai ka kryer, ku mes tyre bien në sy bisedat me Emiljano Shullazin, i cili ndodhet në burg.
Nga bisedat Prokuroria ka vënë re bashkëpunimin e tyre me qëllim lokalizimin e Fatmir Hysenit, Armando Sulejmanit dhe personave të tjerë të lidhur me ta.
Nga konteksti i bisedave vihet re që Emiljano Shullazi ka dyshime se këta të dy persona janë përfshirë në vrasjen e Edison Harizajt, ngjarje e ndodhur më 6 nëntor 2018, në Durrës.
Harizaj që njihej ndryshe si ‘Edison Faqedjeguri’ apo edhe ‘Edisoni i 7 pallateve’ në Vlorë.

Vrasja e tij që ndodhi në zonën e plazhit, në rrugën e njohur si ‘Rruga e Çamëve’ dhe nga të shtënat mbeti i plagosur edhe miku i tij, Genci Caci.
Automjeti tip “Audi”, në të cilën udhëtonin Edison Harizaj dhe Genci Caci, u qëllua me breshëri kallashnikovi.

39-vjeçari Edison Harizaj i cili ka qenë i skeduar si i përfshirë në disa ngjarje kriminale në vend.
Ai ka qenë krahu i djathtë i Emiljano Shullazit dhe ka qenë i dënuar me 10 vite burg për vrasje. Dënim që e kishte përfunduar në vitin 2010.

Bisedat Sky Ecc”
Emiljano Shullazi: Njërin duhet ta marrim peng që të dimë kush qëllon dhe të dimë se ku të trokasim pastaj.
Ku ma gjen dot ‘Doqen’?

Emiljano Shullazi që me Satilno Bashon shkëmben mesazhe edhe në prill të vitit 2020, duke biseduar edhe për çështje të tjera, siç ishte vrasja e Leonard Dukës.
Që sipas Shullazit do të merrnin pagesë të mirë.
Por sipas tij, fillimisht duhej të mbyllte problemet me gjyqin, pasi në atë kohë Satilno Basho ndodhej me masë ‘arrest shtëpie’.
Por edhe pse realizuan disa atentate ndaj Durim Bamit, ky i fundit mundi tia hedhë paq.
Por ndërkohë që Ervis Martinaj dhe Arben Ndoka, ishin në luftë me kohën për të eleminuar Durim Bamin, as ky i fundit nuk ndejti duarkryq.
Por u organizuan njëkohësisht si të mbrohej ashtu edhe të sulmonte.

“Në zonën e Fushë-Krujës grupi kriminal i drejtuar nga Durim Bami
shfaqet në konflikt të hapur me grupet e Ervis Martinaj dhe Arben Ndokës”, thuhet në dosje.
Kështu Durim Bami për t’u mbrojtur vendos të bëjë aleancë me kundërshtarët e përbetuar të Ervis Martinajt, Leonard Dukën dhe Endrit Doklen.
Durim Bami që vihet menjëherë në ndjekje të Arben Ndokës.
Bashkë me Xhelal Rrajën, vëllain e ish-deputetit socialist Rrahman Rraja, dikur koleg të të njëjtit grup parlamentar me Ndokën, nisin të thurin planin për ekzekutimin e tij.

Endrit Dokle, ish kreu i një prej fraksioneve të Bandës së Durrësit, që i shpëtoi dënimit me burgim përjetë duke u liruar me kusht, do të siguronte informacion për lëvizjet e Ndokës, ndërsa Marklen Haka, merr përsipër të gjejë togën e vrasësve.

“Durim Bami, Endrit Dokle, Xhelal Rraja dhe Marklen Haka janë organizuar me qëllim vrasjen e Arben Ndokës, më datë 28 Janar 2021. Në momentin kur ky do të shkonte për qokë në Rrugën e ‘Elbasanit’, pasi kishte ndërruar jetë një gjyqtar nga Lezha”, thuhet në dosje.

Nga komunikimet del se atë ditë Durim Bami shkoi në vendin ku mendohej se mund të vinte Arben Ndoka me qëllim vrasjen e këtij të fundit.
E priti deri në mesditë, por Ndoka nuk mbërriti.
Edhe një ditë më vonë, Durim Bami komunikon me Doklen për të mësuar informacion të ri për lëvizjet e ish-deputetit Ndoka.
Endrit Dokle i tregon se do të paguajë çfarëdo lloj shume për ta marrë këtë informacion, por nuk kishte ndonjë informacion të ri.

Pavarësisht përpjekjeve të tyre, vrasja e Arben Ndokës nuk u realizua.
Nga ana tjetër, edhe Ervis Martinaj aleat me Ndokën ishte vënë në ndjekje të kundërshtarëve të tij më të egër, vëllezërve Duka ku grupi i Ervis Martinaj, mësohet se kishte thurur një plan për të vrarë Fatmir Hysenin, njohur si ‘Doçja’ dhe vëllain e tij Armand Hyseni.
Fatmir Hyseni që del se është një nga kundërshtarët e Emiljano Shullazit.
Dhe në këtë rast edhe të Gilmando Danit.

Fije të ngatërruara interesash që duket se aty ku bashkohen edhe ndahen për vdekje.

Ndërsa Gilmando Dani thuhet se kishte llogari të hapura edhe me Troplinët në Durrës të cilëve u kishte vendosur gjobë.
Por deri më tani është e vështirë në mos e pamundur për të kuptuar se kush e shkrepi në të vërtetë armën e zjarrit ndaj Gilmando Danit.

Apo ishte ky atentat një mënyrë për ti prerë krahun e djathtë të mbetur jashtë qelisë. Emiljano Shullazit?/ BalkanWeb

The post “Si t’ia bëjmë me e kap me e rrjep, me e torturu”/ Prishje pazaresh apo goditje ndaj Emiljano Shullazit? Lidhja e atentatit në Rinas me Durim Bamin, armiqësitë me grupin rival appeared first on Albeu.com.

Atentati që i mori jetën Gilmando Dani dhe plagosi shoqëruesin e tij Muçi Shaljani, i cili humbi jetën katër ditë më pas në Spitalin e Traumës për shkak të plagëve të marra, ishte një nga ngjarjet më të bujshëm të kohëve të fundit, që tronditi opinioni publik dhe jo vetëm, lidhur me faktin që masakra […]

The post Tradhti brenda grupit, apo dorë policie? Detaje mbi atentatin në Rinas, si ra në pritë Gilmando Dani dhe Muçi Shaljani appeared first on BoldNews.al.

Detaje të reja të reja janë zbardhur lidhur me atentatin në Rinas, ku viktimë mbeti Muçi Shaljani dhe i plagosur mbeti Gilmando Dani. Shaljani, i njohur dhe me mbiemrin Sheqeri, ka marrë 20 plumba në trup, dy prej të cilave në kokë. Detaje të reja janë zbuluar edhe sa i përket gjendjes shëndetësore së Sheqerit. Siç raportohet, agjenti i AMP, vijon të jetë në gjendje të rëndë shëndetësore. Me sa duket ende plumbat janë në trupin e tij dhe mjekët nuk kanë bërë të mundur heqjen e tyre nga zona e kokës.

Si ndodhi ngjarja?

Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer. Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil.

The post U plagos në atentatin ndaj Gilmando Danit/ Muçi Shaljani ka ende dy plumba në kokë, ja si është gjendja e tij appeared first on Albeu.com.

Tre ditë pas atentatit të ndodhur pranë zonës së Rinasit, ku u vra Gilmando Dani dhe mbeti i plagosur Muçi Shaljani, alias Sheqeri, forcat e rendit kanë ndërmarrë një sërë kontrollesh në zona të ndryshme të vendit, me qëllim zbardhjen e plotë të rrethanave dhe personave të përfshirë.

Gjatë një operacioni në Nikël, policia ka njoftuar gjetjen e një arsenali të konsiderueshëm armësh dhe minash, të cilat dyshohet se mund të kenë lidhje me grupime kriminale aktive në zonë.

The post Tre ditë pas atentatit në Rinas, zbulohet arsenal armësh në Nikël appeared first on Albeu.com.

Në vijim të hetimeve për ngjarjen e rëndë të ndodhur ditën e djeshme pranë rrethrrotullimit të aeroportit “Nënë Tereza”, ku mbeti i vrarë Gilmando Dani, Agjencia e Mbikëqyrjes Policore (AMP) ka ndaluar dy efektivë të Policisë së Shtetit.

Sipas njoftimit zyrtar, janë ndaluar Nënkomisar Bruno Cara, me detyrë Specialist për Hetimin e Krimeve, dhe Inspektor Ashim Zajmi, me detyrë Ndihmës/Specialist i Policimit në Komunitet në Komisariatin e Policisë Nr. 3, Tiranë.

Të dy këta punonjës policie dyshohen për veprat penale “Falsifikim i vulave, stampave ose formularëve” dhe “Shpërdorim i detyrës”.

Hetimet e deritanishme tregojnë se ata, në bashkëpunim me njëri-tjetrin, kanë përpiluar në mënyrë të parregullt “Vërtetimin e Besueshmërisë” për Muçi Shaljani, duke mos pasqyruar të dhëna që përbënin shkak për cënimin e kushteve të sigurisë.

Kjo ka bërë të mundur punësimin e Muçi Shaljani pranë Agjencisë së Mbikëqyrjes Policore.

Muçi Shaljani ishte shoqëruesi i Gilmando Danit gjatë atentatit të djeshëm dhe u plagos me disa plumba, dy prej tyre në kokë dhe ndodhet në gjendje të rëndë në koma.

Nga verifikimet e kryera, AMP ka konstatuar shkelje të procedurave ligjore në procesin e rekrutimit Shaljanit.

The post Dje u plagos në Rinas, AMP zbulon mënyrën se si u fut në punë Muçi Shaljani: Dy kolegët e tij falsifikuan firmat, cenuan kushtet e sigurisë appeared first on Albeu.com.

Kreu i Partisë Demokratike, Sali Berisha ka reaguar në lidhje me atentatin e një dite më parë në Rinas ku mbeti i vrarë Gilmando Dani dhe u plagos Muçi Shaljani “Sheqeri”.

Sipas Berishës ngjarja u patronua kryekëput nga shteti për llogari të bandave më të afërta me qeverinë se sa banda e Shullazit.

“Ekzekutimi publik i djeshëm i Gilmando Danit, eksponent kryesor i organizatës kriminale të Emiljano Shullazit, dhe plagosja e rëndë e Muçi Shaljanit apo Sheqerit, në pamje të parë shofer i drejtorit të shërbimeve inteligjente të Policisë së Shtetit dhe inspektor policie, por në fakt një bos, edhe ky bashkë me vëllanë e vet i krimit të organizuar dhe drogës, është një ngjarje e cila u patronua kryekëput nga shteti për llogari të bandave më të afërta me qeverinë se sa banda e Shullazit.

Vendi i ekzekutimit publik të tyre, në protokollet e sigurisë publike është vendi më i ruajtur se çdo vend tjetër.

Në atë zonë, përveç patrullës së policisë së rendit, është patrulla e policisë rrugore dhe po aty ngjitur është furgoni i FNSH-së, i instaluar aty që pas vjedhjes së shekullit të parave në aeroportin e Rinasit.

Është edhe një njësi, e cila rri aty në mbrojtje të sallonit të VIP-ave, kur kalojnë qeveritarët.

Pra, nuk ekziston asnjë zonë tjetër, asnjë territor tjetër në të cilin të kryqëzohen në mbikëqyrje kaq shumë forca policore dhe speciale.

Është gjithsej 100 metër nga rajoni i policisë së Rinasit, është pak metra nga dalja e sallonit të VIP-ave.

Pra, atentatorët apo vrasësit, pasi shkrehën breshëri të shumta mbi makinën që e prisnin të sigurt, dhe i kishin zënë pritë pikërisht aty që nuk mund të zije pritë kurrë pa lejen e shtetit, pas ekzekutimit u larguan të qetë dhe përshkruan pa asnjë lloj telashi apo andralle të gjithë rrugën Rinas-Fushë Krujë, të gjithë rrugën Fushë Krujë pothuaj Krujë.

Fshati Halil është pranë Krujës, ngjitur me kalanë e Zgërdheshit. Dhe ata shkuan në Zgërdhesh dhe asnjë lloj përpjekje nuk u bë nga narkopolicia për të ndaluar vrasësit e Gilmando Danit dhe ata që plagosën rëndë Mustafa Shaljanin apo Sheqerin”, tha Berisha.

The post Atentati në Rinas, Berisha: Vrasja për llogari të bandave më të afërta me qeverinë appeared first on Albeu.com.

Agjencia e Mbikëqyrjes Policore, ka reaguar pas atentatit në Rinas, ku mbeti i plagosur efektivi i policisë 40-vjeçari Muçi Shaljani alias Sheqeri dhe u ekzekutua Gilmando Dani, mik i Emiljano Shullazit dhe krahu i djathtë i tij.

AMP njofton se ka nisur verifikimin e brendshëm të procedurave administrative të ndjekura, si edhe praktikën e plotë me agjencitë përkatëse dhe Policinë e Shtetit, në lidhje me procedurën e rekrutimit tij, prej shtatorit 2025.

Ndërkohë Drejtori i Përgjithshëm i Agjencisë së Mbikëqyrjes Policore, Eduart Merkaj, ka urdhëruar pezullimin e zinxhirit komandues të strukturës së Forcës së Posaçme Operacionale të AMP-së, deri në zbardhjen e plotë të rrethanave të ngjarjes.

The post Atentati në Rinas ku u plagos efektivi i policisë, pezullohet zinxhiri komandues i strukturës së Forcës së Posaçme Operacionale appeared first on Albeu.com.

Agjenti i Mbikëqyrjes Policore, Muçi Shaljani allias Sheqeri vijon të ndodhet i intubuar në repartin e reanimacionit, në gjendje kritike për jetën. Mësohet se 40-vjeçari ka marrë 10 plumba në trup, 2 prej të cilëve në kokë, pas atentatit mafioz pranë aeroportit të Rinasit. Policia e Tiranës ka këqyrur kamerat e bizneseve dhe të aeroportit për të parë lëvizje të dyshimta për persona të tjerë që…

Source

Gilmando Dani mbeti i vrarë këtë të martë, 11 nëntor, në një atentat mafioz, te rrethrrotullimi i aeroportit të Rinasit. 47-vjeçari Dani ishte pasagjer në një makinë të bardhë. Shoferi i makinës, i identifikuar si 40-vjeçari Muçi Shaljani alias Sheqeri, mbeti i plagosur rëndë.

Eksperti i Kriminalistikës Ervin Karamuço në “Ora e Fundit” në ABC Neës tha se grupi i atentatorëve kanë qenë të mirëorganizuar dhe kanë gjetur një kohë kur kishte shumë njerëz dhe fluks. Atentati u krye në zonë ku mungonte patrulla policore, dhe u zgjodh rrethrrotullimi për shkak se shpejtësia është e ulët, gjë që i ndihmonte për të qëlluar drejt makinës ku ndodhej Dani.

Karamuço shtoi se pas kësaj ngjarjeje kriminale ka një të shkuar të errët kriminale, për shkak të dosjes kriminale të Gilmando Danit, lidhjet e tij me grupet kriminale. Eksperti shtoi se ngjarja lidhet me 2-3 grupe kriminale, të lidhura dhe me grupe të tjera ndërkombëtare. Sipas Karamuços policia ka rënë në gjurmët e një personi, i cili është marrë si i dyshuar.

“Kjo ngjarje ka ndodhur ditën, në një zonë ku duhet të kishte policie. Ka ndodhur nga një trupë elitë, e specializuar për këto atentate. Kjo ngjarje ishte planifikuar për t’u bërë mbrëmë, por ngaqë u anulua fluturimi nga Barcelona, ndodhi sot. Ndodhi në mes të ditës, kanë rrezikuar shumë qytetarët, klientët dhe turistët. Objektivi kryesor ka qenë viktima dhe shoferi. Është zgjedhur rrethrrotullimi për shkak se atje ishte shpejtësia më e ulët. Më pas kanë përdorur një rrugë dytësore për të shkuar në Krujë, pra kanë qenë njohës të mirë të zonës. Policia ka rënë në gjurmët e një personi që ka vazhduar personat, është identifikuar, është marrë si i dyshuar. Pas kësaj ngjarje ka një të shkuar kriminale, me grupe kriminale dhe transnacionale.”

Më tej eksperti i kriminalistikës tha se informacionet për atentatorët mund të kenë ardhur edhe nga Spanja.

“Policia ka dyshime, si informacionet mund të jenë marrë edhe nga Spanja. Nga ana tjetër po kalojnë në sitë të gjitha kamerat e aeroportit që mund, t’i kenë ndjekur. Janë shumë aspekte hetimore që po kalojnë në një volum të madh, për të shkuar deri te provat. Deri tani flitet për tre persona, dy qitës dhe një i tretë që është afruar me armë brezi dhe ka qëlluar nga afër pasagjerin. Janë grupe elitë, që polica e shtetit do të ketë probleme nëse nuk i gjen dhe i burgos.  Kemi pasur raste që janë marrë ish-efektivë që janë huazuar për të tilla ngjarje.”/abcnews.al

Një atentat mafioz ishte ai i regjistruar pasditen e sotme në afërsi të aeroportit të Rinasit. Në pritë ranë Gilmando Dani, i njohur ndryshe si krahu i djathtë i Emiljano Shullazit, i cili mbeti dhe viktimë, ndërsa i plagosur mbeti Muçi Shaljani, prej 3 muajsh agjent pranë Autoritetit të Mbikqyrjes Policore (AMP).

Dani pasagjer dhe Shaljani shofer, dy miq që sapo kishin mbërritur në Rinas nga Barcelona, dhe në parkingun e brendshëm morën automjetin tip ‘Benz s-class’ i bardhë me targë AB 099UO, i cili rezulton të jetë në pronësi të Elvis Kosovës, një person i njohur për policinë.

Këtij të fundit në orënt e para të mëngjesit të 24 korrikut, i vendosën një sasi tritoli në portën hyrëse të garazhit të tij në rrugën ‘Peti’ pranë Liqenit të Thatë në Tiranë. Elvis Kosova zotëron një biznes për shitblerje makinash ndërsa në gusht të vitit 2024 ai u ndalua për vjedhjen e një makine luksoze “Audi R8”, me vlerë rreth 200 mijë euro, që ishte sjellë fillimisht nga Gjermania nga një turk, dhe më pas ishte përvetësuar nga Elvis Kosova përmes mashtrimit.

Pasioni i tij janë garat e shpejtësisë dhe shpesh ka marrë pjesë në kompeticone të ndryshme, ku e njohin si “Visi i garave”.

Por kush është lidhja e një personi të liruar me kusht nga drejtësia pasi pjesën më të madhe të lëshuar nga gjykata prej 12 vitesh burg, i kreu në paraburgim i akuzuar për ‘gjobvënie’, një punonjësi të AMP-së dhe biznesmenit Kosova, i skeduar më parë për krime.

Automjeti Benz u qëllua me breshëri plumbash nga ana e shoferit. Plumbat depërtuan tej duke lënë të vdekur dhe pasagjerin Gilmando Danin. Autorët pas ngjarjes kanë udhëtuar drejt Fushë Krujës ku kanë djegur automjetin pranë një përroi në fshatin Hilë. Brenda kishin lënë dhe municionin, 3 kallashnikovë dhe 1 pistoletë, të cilat janë dërguar për ekepertizë.

The post Panë tmerr me sy në Mercedesin luksoz, cila ishte lidhja e Gilmando Danit dhe efektivit të AMP-së me pronarin Elvis Kosova?! Tritoli e shkundi te Liqeni i Thatë appeared first on Albeu.com.

Gazetari i kronikës Igli Çelmeta, gjatë një interviste televizive, ka dhënë detaje të reja për vrasjen e Gilmando Dabit, i cili u qëllua me breshëri ditën e sotme në Rinas, ndërsa mbeti i plagosur punonjësi i AMP-së Muçi Shaljani.

Çelmeta ka deklarua sr informacioni për vendndodhjen e Gilmando Danit ka ardhur nga Barcelona.

Sipas tij ka pasur njërëz në aeroport që kanë vëzhguar vëzhguar lëvizjet e Gilmando Danit.

“Ka pasur persona brenda në aeroport që kanë vëzhguar lëvizjet e Gilmando Danit. Por, informacioni i parë ka ardhur nga Barcelona. Dyshohet që Gilmando Dani, një personazh shumë i njohur i botës së krimit, është ndjekur edhe në Barcelonë nga persona të tjerë, të cilët kanë informuar më pas në Shqipëri”, tha Çelmeta.

The post Atentati në Rinas, gazetari: Informacioni për vendndodhjen e Gilmando Danit, erdhi nga Barcelona appeared first on Albeu.com.

Pak orë para vrasjes së Gilmando Danit mesditën e sotme pranë Rinasit, ministrja e Punëve të Brendshme do të raportonte në Komisionin e Sigurisë në Kuvend, se në vend është ulur ndjeshëm kriminaliteti duke dhënë edhe shifra për numrin e vrasjeve me dashje.

Mirëpo, më pas ndodhi ekzekutimi pranë aeroportit të Rinasit të krahut të djathtë të Emiljano Shullazit, Gilmando Dani si dhe u plagos shoqëruesi dhe miku i tij agjenti i AMP-së Muçi Shaljani.

Lidhur me këtë deklaratë ka reaguar në rrjetet sociale kreu i PD-së Sali Berisha, duke e quajtur ministren si “mashtuese ordinere” pasi ndodhi një ekzekutim mu para komisariatit të policisë në Rinas.

The post Deklarata e Koçiut për uljen e kriminalitetit pak orë para vrasjes së Gilmando Danit, Berisha: Mashtues ordiner! Ekzekutime para komisariatit në Rinas appeared first on Albeu.com.