Bashkëkryetari i Komisionit, Arbjan Manziku, ka deklaruar se procesi i reformës territoriale duhet të bazohet te parimet dhe cilësia e shërbimeve ndaj qytetarëve, dhe jo te hartat apo numrat.

I ftuar në emisionin “Real Story”, Manziku theksoi se reforma nuk ka ende një plan konkret, por është në fazë procesi, ndërsa nënvizoi rëndësinë e konsultimit me qytetarët, veçanërisht ata të Paskuqanit, për një bashkim të mundshëm me Bashkinë e Tiranës.

Ai kujtoi se reforma e vitit 2014 ishte një ndryshim epokal, por sipas tij, ende ka nevojë për përmirësime të mëtejshme.

“Ka pasur një tjetër komisioni para 4-5 vjetësh. Unë jam një nga njerëzit që jam pyetur në komision dhe kam dhënë vendim dhe unë thashë që Kamza, Paskuqani dhe Vora të jenë pjesë e Bashkisë së Tiranës. Në këtë rast është e rëndësishme të krijojmë reforma të qenësishme. Nuk kemi një plan ne kemi një proces. Nuk kam një projekt-ide as për numrat dhe hartat, unë e kam për parimet dhe reformat.

Unë mendoj se kjo është një çështje që duhen pyetur më mirë qytetarët e Paskuqanit, nëse duan të bashkohen me Tiranën apo jo. Të mbështetemi te parimi se sa mundësi kemi që t’i ofrojmë shërbime qytetarëve, qoftë në Paskuqan e zona të tjera. Rëndësi ka shërbimi sa më afër qytetarët. Reforma e 2014 është një ndryshim epokal, por ka akoma nevojë për ndryshime”, tha Mazniku.

TIRANË- Bashkëkryetari i Komisionit Arbjan Manziku, i ftuar në “Real Story” tha se reforma territoriale e 2014 ka qenë efektive, sepse hoqi kostot e panevojshme dhe shtoi numrin e shërbimeve për qytetarët.

Ai theksoi se nga të gjitha treguesit, rezulton se është ulur burokracia dhe janë shtuar shërbimet në terren. Nga buxheti i të gjitha bashkive dhe komunave të vendit në 2014, çdo 100 lekë që kishin, 78 lekë shkonin për të paguar stafin, ndërsa sot shkojnë më pak se 44 lekë.

Së dyti, u shtuan në 2014 një seri shumë e madhe funksioneve, që më parë bashkitë nuk i kishin. Fjala që bie, deri atëherë bashkitë nuk kishin ruajtjen dhe mirëmbajtjen e shkollave.

Nuk e kishin mirëmbajtjen e depove të rezervuare bashkisë, kur u kaloi kjo kompetencë u rritën dhe stafet përkatëse, Në pjesë e rritjes së stafit vjen si pasojë e rritjes së kompetencave. Është ulur burokracia dhe janë shtuar shërbimet.

Një pjesë e madhe të bashkive nuk shkojnë tek niveli që duhet të shkojnë. Reforma ishte shumë e mirë, ishte hapi që duhej marrë në atë kohë”, tha ai.

I pyetur pse po ndryshohet reforma e 12 viteve më parë, Mazniku tha se kjo vjen si përgjigje e sfidave që kemi, pasi Shqipërisë synon të behët anëtare me të drejtë të plotë në BE, brenda 2030.

“Ka nevojë për thellim dhe analizë të re si rrjedhojë e sfidave të reja që kemi. Prandaj është Komisioni, që të gjejmë mënyrën se si të rrisim shërbimin afër njerëzve. Duhet të bëjmë diskutim publik se si duhet t’i zgjidhim.

Të ruajmë demokracinë vendore, por edhe krijojmë struktura në një territor mjaftueshëm të madh që t’i kryejnë këto shërbime”, tha ai./abcnews.al

Politologu Roland Bejko u shpreh kritik ndaj qëndrimit të opozitës lidhur me Reformën Territoriale.

Gjatë intervistës në emisionin “Real Story” në ABC News, Bejko tha se qëndrimi i Berishës është i njëjtë me ato të kaluarat dhe se po bën sërish po të njëjtin gabim.

“Sjellja që po bën opozita sot është e njëjta me 2014 dhe e njëjta sjellje që e mbajti PD larg kësaj reforme. Qëndrimi i Berishës është identik i njëjtë me sot. Por ti nuk mund ta fitosh dot luftën nëse nuk shkon në luftë… Nuk mund të bëhet dy herë i njëjti gabim. Zanafilla e kësaj humbje që ka PD filluan pikërisht këtu, tek bojkoti i parë…Kjo reformë në atë kohë është bërë enkas në shërbim elektoral të PS. Dhe ndarja administrative është bërë sipas leverdisë elektorale…Po të ishte opozita pjesëmarrëse në komision dhe nëse duam të gjykojmë sot nëse ka qenë apo jo e suksesshme kjo reformë duhet të nisemi nga pyetje përse u bë reforma? Njëra prej arsyeve ishte të shkurtoheshin shpenzimet financiare, që jo vetëm nuk u shkurtuan, por edhe u shtuan. Në Komision drejtori i Ministrisë së Financave, dha shifrat dhe numri në administratë ishte shtuar…Pse duhet reforma dhe opozita të jetë? Sepse të gjitha reformat e rëndësishme dhe duan qëndrueshmëri në kohë…Ajo që thotë Berisha do dalim jashtë dhe do e bëjmë vetë reformën është budallik…”, tha ai.

/abcnews.al/

Bashkëkryetari i Komisionit për Reformën Territoriale, Arbian Mazniku, i ftuar në emisionin “Real Story” në ABC News e vlerësoi si të suksesshme Reformën Territoriale të vitit 2014.

Ai theksoi se reforma solli reduktimin e njësive vendore nga 373 bashki dhe komuna në 61 bashki, duke rritur ndjeshëm funksionalitetin e tyre. Sipas Maznikut, megjithëse bashkitë sot janë më efikase, vijojnë të ekzistojnë sfida, veçanërisht në sigurimin e fondeve dhe kapaciteteve teknike, si mungesa e inxhinierëve për hartimin e planeve urbanistike.

Ai nënvizoi nevojën për gjetjen e një ekuilibri mes ofrimit të shërbimeve për qytetarët dhe mundësive reale të institucioneve vendore, duke theksuar se bashkitë e vogla nuk kishin ekonominë e shkallës dhe kapacitetet e nevojshme për të garantuar shërbime cilësore.

“Ne kemi kaluar nga 373 bashki e komuna në 61 bashki. Reforma e 2014 ka qenë një reformë me rezultate të jashtëzakonshme. Kemi bashki shumë herë më funksionale nga sa ka qenë. Kemi probleme që kemi bashki që nuk kemi ende bashki që nuk kanë fonde mjaftueshme, nuk kanë inxhinierë për të bërë planet.

Ne duhet të gjejmë një ekuilibër mes qytetarit për t’i ofruar shërbimin dhe mundësisë së institucionit për t’i dhënë shërbimin qytetarit. Logjika është që duhet të jetë e munguar që t’i ofrohet shërbimi. Komunat dhe bashkitë e vogla ishin të limituara. Nuk kanë ekonominë e shkallës. Duhet të krijohet një mekanizëm që të krijohen kapacitetet për të krijuar mundësitë, inxhinierë për të bërë planet e urbanistikës etj”, tha Mazniku./abcnews.al

TIRANË- Analisti Ergys Mërtiri tha në “Real Story” se reforma territoriale e pak viteve më parë ka dështuar, sepse nuk u bë në interes të qytetarëve, por të interesave politikës.

“Mua më duket se problemi i madh është që rëndësi që i është dhënë efektit politik, interesave që lidhen me reformën territoriale, e kanë nxjerrë në plan të dytë nevojën që kanë qytetarët.

Pyetja e parë është se pse po ndryshohet. Pse po ribëhet? Kjo do të thotë se ka dështuar e para”, tha ai.

Ai theksoi se territori i vendit është ndarë deri tani në bazë të parimeve elektorale dhe jo të interesave bazike të qytetarëve.

“E para ka dështuar, sepse nuk është parë në funksion të qytetarëve, por në funksion të interesave për të ndarë votat në terren, ku marrim një deputet më shumë apo një më pak.

Qëllimi është ta ndajmë territorin në atë mënyrë, që të marrim më shumë vota”, theksoi ai./abcnews.al

Pas dorëzimit në Kuvend të propozimit për ngritjen e komisionit të posaçëm për reformën territoriale, mazhoranca ka përsëritur thirrjen për bashkëpunim ndaj opozitës. Kreu i grupit parlamentar të PS, Taulant Balla, i bëri apel Partisë Demokratike që të bashkohet në këtë proces.

Ndërsa bashkëkryetari i Komisionit për Reformën Territoriale, Arbian Mazniku i ftuar në emisionin “Real Story” në ABC News, theksoi se vonesat po rrezikojnë një reformë jetike, e cila sipas tij duhet të përfundojë përpara zgjedhjeve për t’u dhënë kohë institucioneve dhe qytetarëve të përshtaten, si dhe për të përmbushur standardet e Bashkimit Europian për fondet e kohezionit social.

“Unë besoj që kam qenë në një nivel sistematik me të gjithë komunikimet që kam pasur me kolegët e PD. Mazhoranca ka qenë gjithmonë në mënyrë sistematike për krijimin e reformës dhe të gjithë hapat për të shkuar drejt reformës. Por, kemi humbur dy muaj të rëndësishëm. Është shumë e rëndësishme që reforma territorial duhet tipikisht që të mbyllet para zgjedhjeve, në mënyrë që t’u jepet kohë njerëzve dhe forcave politike për të kuptuar.

Procesi duhet të bëhet mes korrik-gushtit 2026, duhet të mbyllur në korrik reforma territorial, që njerëzit të kuptojnë se çfarë ka ndodhur dhe bashkitë të veprojnë. Nëse humbasim këtë dritare, reforma territoriale nga një moment historik që nuk duhet humbur, në një diçka që nuk dihet se si ndodh. Reforma territorial është jetike. BE për vendet e reja anëtare jep fondet e kohezionin social, prandaj bashkitë duhet të jenë gati”, tha Mazniku./abcnews.al

Në emisionin “Real Story” në ABC News, analisti Frrok Çupi komentoi iniciativën për të dekriminalizuar shpifjen.

Gjatë intervistës, Çupi tha se për herë të parë ligji i drejtohet drejtpërdrejt gazetarit.

“Ky ligj ka bërë një hap përpara, pra për herë të parë i drejtohet drejtpërdrejt gazetarit. Deri tani është thënë media…Por fjala dekriminalizim godet shumë”, u shpreh Çupi.

Më tej gjatë intervistës, theksoi se ligji tenton të bëjë një kthesë të madhe, duke shtuar se detyra e gazetarit është të garantojë të vërtetën.

“Problemi që flasim sot është shumë i rëndësishëm sepse ka të bëjë me një kthesë të madhe dhe ne duhet të jemi me ligjin, Por ky është një diskutim botëror, akademik, ligjor…Çfarë është gazetari dhe çfarë është shteti. Pra detyra e shtetit është të garantojë liri ndërsa detyra e gazetarit është të garantojë të vërtetën”, tha ai.

Debati mbi etikën dhe përgjegjësinë e medias është rikthyer në qendër të vëmendjes Kodin e ri Penal, në ndryshimet e të cilit parashikohet dënimi deri në 5 vite burg për ushtrimin e dhunës ndaj gazetarëve gjatë detyrës.

Në këtë kontekst, juristja Brizida Gjikondi ngriti shqetësime të forta në emisionin “Real Story” në ABC News, duke theksuar se shpifja është shndërruar në një “institucion gjobëvënës”, ku nuk bëhet dallim i qartë mes gënjeshtrës dhe së vërtetës, ndërsa vetë gazetarët, sipas saj, nuk janë përfshirë apo pyetur në hartimin e këtyre ndryshimeve ligjore.

“Shpija është kthyer në një institucion dhe në një gjobëvënës. Po flas për media të rëndësishme, pronarët e të cilëve janë edhe biznesmenë. Nuk më pëlqeu fare si lëvizje që ka bërë mazhornaca, ku në një vend që nuk bëhet diferenca e gënjeshtrës me të vërtetën.

Nuk besoj se është e Bashkimit Europian. Ngatërrohet pjesa e burimit të informacionit me shpifjen. Bie integriteti dhe reputacioni i gazetarit. Opozita është në dëshpërim total dhe ne e dimë që në rrjetet sociale vjellin vrer. Edhe në media që janë pro mazhorancës ka gazetarët të cilët nxjerrin vrer me gazetarët e tjerë, shpinin dhe janë si gjobëvënës. Gazetarët e spikatur nuk janë pyetur fare për këtë”, tha juristja.

TIRANË- Dhuna ndaj gazetarëve do të dënohet me burg. Kuvendi i Shqipërisë ka miratuar ndryshime në Kodin Penal, të cilat parashikojnë dënime për cilindo person, i cili ushtron dhunë ndaj gazetarëve gjatë ushtrimit të detyrës.

Analistja Arsejda Gjyli, e ftuar në emisionin “Real Story” theksoi se ky ligj po “standardizon” mbrojtjen e gazetarëve.

“Kjo po përpiqet të standardizojë një formë të re të mbrojtjes së gazetarëve, pretendohet se kanë qenë një “grup i margjinalizuar” sa i takon shpeshherë janë atakuar nga politikanët”, tha ajo.

Ajo theksoi se kjo masë vjen si një direktivë e Bashkimit Evropian, e cila i kategorizon gazetarët dhe i mbron sipas normave të unionit.

Kjo vjen edhe si direktivë e BE për përafrimin e legjislacionin e plotë. Nuk ka më marzh gabimi. Nga BE të imponohet që duhesh të bëhesh mbrojtës i kategorisë së gazetarëve. Ligji mbron gazetarët me kontratë”, u shpreh Gjyli.

Gjatë diskutimit në studio, Gjyli theksoi se profesioni i gazetarit duhet institucionalizuar.

“Ky ligj, jo vetëm që i kategorizon gazetarët, por profesioni i gazetarit duhet institucionalizuar”, tha ajo./abcnews.al

Kuvendi i Shqipërisë miratoi ndryshime në Kodin Penal që parashikojnë dënime deri në 5 vite burg për këdo që ushtron dhunë ndaj gazetarëve gjatë ushtrimit të detyrës së tyre.

Gazetari Flogert Muça në një intervistë në emisionin “Real Story” në ABC News, u shpreh se ligji nuk mbron gazetarët, por të vërtetën.

“Ja kanë fajin gazetarët sepse nuk përballon dot të vërtetën. Janë kanë fajin dronët sepse nuk mbush dot sheshet. Pra PD fajëson mediat se nuk mbush sheshet. Pafuqinë e tyre elektorale e kanë përkthyer në një “nukël online”, për të qëlluar mbi ata që i bëjnë disa pyetje të thjeshta. Ligji nuk mbron gazetarët, por të vërtetën”, tha ai.

Nga ana e tij analisti Frrok Cupi, tha se “fenomeni Boçi, ka efekte kriminale”.

“Ka efekte të drejtpërdrejta kriminale dhe këtë gjë Berisha e ka bërë që në fillimet e tij. Këta flasin me turmën dhe nuk flasim me akademi shkencore. Pra kemi të bëjmë me rreziqe të mëdha shumë për shoqërinë. Nëse Boçi guxon pas miratimit të ligjit që të mos preken dhe kërcënohen gazetarët, edhe policia nuk e merr nga tribuna dhe nuk e çon në burg atëherë nuk kemi asgjë ndryshe”, tha ai.

Sipas ministrit të Drejtësisë, Besfort Lamallari, ndryshimet në Kodin Penal forcojnë mbrojtjen e gazetarëve dhe lirinë e medias, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërsa ashpërson ndëshkimet për dhunën dhe kërcënimet ndaj tyre.

TIRANË- Deputeti i Lëvizjes Bashkë, Redi Muçi, i ftuar në emisionin “Real Story”, u shpreh se shpreson që aleanca euroatlantike dhe partneriteti midis SHBA dhe BE të jenë jetëgjatë, ndërsa Shqipëria të përfitojë nga këto marrëdhënie dhe të avancojë drejt integrimit në Bashkimin Evropian.

Muçi shtoi se si subjekt politik kanë rezervat e tyre ndaj disa veprimeve të kryeministrit Edi Rama, përfshirë përpjekjet për përfshirjen e Shqipërisë në Bordin e Paqes dhe vizita në Izrael.

Ai theksoi se Shqipëria duhet të ruajë maturinë dhe kujdesin në arenën ndërkombëtare.

“Shpresoj shumë që aleanca euroatlantike dhe partneriteti midis SHBA-së dhe BE-së të jenë shumë jetëgjatë, dhe që Shqipëria të përfitojë nga këto marrëdhënie dhe të integrohet në BE me radhë.

Të gjitha rezervat që kemi si subjekt politik janë ndaj disa veprimeve të kryeministrit, si nxitimi i tij për aderimin në Bordin e Paqes apo vizita në Izrael, të cilat mund t’i shkojnë për shtat momentalisht propozimeve të presidentit të Turqisë.

Por, për shkak të rezervave që kanë disa vende kryesore të BE-së, madje edhe vota ime e abstenimit, kjo supozon që ne të kuptojmë pozicionin e vendit tonë dhe vendin ku duam të integrohemi. Duhet të jemi të matur në arenën ndërkombëtare.”, tha ai./abcnews.al

TIRANË- Analisti Skënder Minxhozi, i ftuar në “Real Story”, tha se roli i Shteteve të Bashkuara të Amerikës për garantimin e paqes në botë është kyç dhe i padiskutueshëm.

Sipas tij, SHBA në planin e sigurisë dhe atë ushtarak është një partner i pazëvendësueshëm si për Evropën ashtu dhe Shqipërinë.

“Ka një shprehej te vjetër: amerikanët bëjnë luftërat, evropianët financojnë paqen. Dhe me thënë të drejtën nuk është se nuk përkon me ngjarjet e fundit. Amerikan në planin ushtarak dhe të sigurisë, ka qenë dhe mbetet një ombrellë e pazëvendësueshme, sepse e tillë është për të gjithë Evropën, pa lërë pastaj për Shqipërinë dhe evropianët”, tha ai.

Gjatë diskutimit në studio, Minxhozi u shpreh se e ardhmja e Shqipërisë si model ekonomik dhe si model shoqëror është vetë Europa.

“Projektin ne si shoqëri, si model, projektin afatgjatë nuk kemi me Amerikën, por e kemi me Evropën”, tha ai./abcnews.al

Analisti Artur Nura në një intervistë në emisionin “Real Story” në ABC News, deklaroi se Shqipëria ka paguar koston e stabilitetit të vendeve më të mëdha. Ndërsa shtoi se fatkeqësisht ka “qenë një urë ku nuk ka mbetur ushtri pa kaluar”, duke nënvizuar se është me rëndësi që sot të bëjë zgjedhje me kurajë dhe analizë se në krah të kujt do të qëndrojë.

“Ne jemi evropianë, jemi në Europë dhe do mbetemi gjithmonë. Ne kemi qenë për vullnetin e Europës dhe superfuqive duke futur Rusinë dhe SHBA kemi qenë një zonë neutrale. Nëse do flasim për neutralitetin, sot ne jemi anëtarë të NATO dhe po insistojmë të jemi anëtarë të BE dhe shpresoj që BE ëndrrën e atyre që e ndërtuan janë në një sfidë.  Pra ne e kemi paguar koston e stabilitetit të tyre , u izoluam ne dhe kemi qenë një urë që nuk ka ngelur ushtri pa kaluar, por në urë askush nuk investon. Sot nuk jemi më urë. Pra ne sot duhet të bëjmë zgjedhje me kurajë dhe analizë”, tha ai.

TIRANË- Ish-Ambasadori i Shqipërisë në Kosovë dhe Maqedoninë e Veriut, Arben Çejku komentoi vizitën e kryeministrit Edi Rama në Izrael.

Ai shtoi se marrëdhëniet mes Shqipërisë dhe Izraelit kanë hyrë një një tjetër raport, ndërsa shpjegoi dhe arsyet që sipas tij po bëhen këto lëvizje, edhe nga kryeministri  Edi Rama,

“Shqipëri-Izrael kapitull tjetër marrëdhëniesh. Ne kemi një kthesë në raport me Izraelin dhe për çfarë arsyesh bëhet, e para kryeministri mendon që nëpërmjet Izraelit do jetë shumë më afër administratës Trump. Rama ka parë që europianët kanë problematika në raport me Washingtonin.

Duket që Izraeli e garanton më shumë Ramën aty ku ka ndoshta pengesa dhe aty për të rikuperuar marrëdhëniet. Si një vend i vogël, jemi të detyruar të kemi marrëdhënie me të gjithë, me partneritet strategjik duhet të kemi kujdes se më kë e vendosim partneritetin strategjik. Shqipëria përfiton nga marrëdhëniet e mira me Izraelin. Ne kemi një traditë të mirë të këtyre marrëdhënieve”, tha ai.

Ai shpjegoi në “Real Story” se klima e ngrohtë për pritjen e hebrenjve në Shqipëri ka nisur që në vitin 1931, në kohën e Mbretit Zog.

“Ne kemi marrëdhënie me atë që nga 1931, kur kanë filluar të vijnë hebrenjtë e parë. Mbreti Zog dërgoi një qarkore në të gjithë konsullatat shqiptare, ku kërkonte që çdo hebre që paraqitet dhe kërkon ndihmë për të ardhur në Shqipëri duhet t’i jepet letra dhe duhet të vinte në Shqipëri. Ai kishte shtatë hebre në oborrin mbretëror, që shërbenin.”, tha ai.

Diplomati Çejku shpreh se në politikën e jashtme Shqipëria nuk ka arritur dot t’i shfrytëzojë siç duhet dy “bekime” të mëdha.

“Dy gjëra ne nuk kemi arritur t’i shfrytëzojmë në politikën e jashtme: faktin që Nënë Tereza ishte shqiptare, e famshme në të gjithë botën dhe mbrojtjen që iu bëmë hebrenjve dhe këtë aset e përdori Tito për disa kohë më radhë në negociata dhe në daljen e tij në det, në marrëdhëniet me SHBA dhe tani më në fund është kuptuar se çfarë kanë bërë shqiptarët për hebrenjtë.”, tha ai./abcnews.al

Analisti Skënder Minxhozi u shpreh se vizita e kryeministrit Edi Rama në Izrael nga ana diplomatike, ishte një vizitë shumë delikate.

Gjatë intervistës në emisionin “Real Story” në ABC News, Minxhozi, nënvizoi se Rama ka treguar se është lider politik që bën zgjedhje të forta, ndërsa shtoi se në fjalimin e tij në Knesset, priste t’i kushtohej më tepër rëndësi asaj se çfarë po ndodh në Palestinë.

“Nga ana diplomatike ka qenë një vizitë shumë delikate. Jemi fiks si tek Bordi i Paqes kur Rama e firmosi, por nuk shkoi. Rama kërcen, një balet diplomati që është gjithmonë në zgrip. Të jesh një vendi të vogël e ka luksin të ketë një lëvizje më të madhe. Rama ka marrë lirinë, të një lideri politik që bën zgjedhje të forta, thotë ato që të tjerët nuk u thonë dhe që nuk ia marrin për ters.

Vizitën në Izrael e shoh si “krijon levat e influencës tek administrata amerikane, por problemi është që kur shkon t’i japësh dorën një qeverie që gjysma është për arrestim dhe ka ndodh ajo që ka ndodh në Palestinë, por Rama është njeriu i këtyre sfidave. Por Rama në fjalimin e tij duhet të kishte thënë diçka më shumë. Unë do prisja nga kryeministri i vendit tim të kishte diçka më shumë”, tha Minxhozi.

/abcnews.al/

TIRANË- Ish-ambasadori i Shqipërisë në Kosovë dhe Maqedoninë e Veriut, Arben Çejku, ka komentuar vizitën e kryeministrit Edi Rama në Izrael, duke e cilësuar atë si një veprim të guximshëm dhe pjesë të real-politikës që ndjek kreu i qeverisë shqiptare.

Sipas Çejkut, Rama ka dëshmuar ndër vite se ndërmerr lëvizje që në pamje të parë duken të rrezikshme politikisht, por që në bilancin e tij shpesh kanë rezultuar të dobishme për politikën e jashtme të Shqipërisë. Ai theksoi se kryeministri ka thyer barriera jo vetëm me qëndrimet politike, por edhe me sjelljen dhe stilin e tij përfaqësues.

Ai shtoi në “Real Story” se Rama po ekzekuton një agjendë të qartë të marrëdhënieve ndërkombëtare dhe ka të drejtën legjitime të përfaqësojë Shqipërinë në këtë kuadër. Sipas tij, kryeministri po përpiqet të maksimizojë përfitimet politike në moment, duke krijuar mundësi edhe për një vizitë të mundshme në Shtetet e Bashkuara të Amerikës dhe një mikpritje nga presidenti Donald Trump.

Në këtë kontekst, ish-ambasadori përmendi edhe faktin që Rama nuk mori pjesë në Davos, por priti familjen Trump, duke dhënë mesazhin se nuk ndjek vetëm protokollin zyrtar, por kultivon edhe marrëdhënie personale në diplomaci.

“Mendoj që kryeministri e ka dëshmuar se di të bëjë disa lëvizje të guximshme, që në momentin e parë ne i shohim që mund ta rrezikojnë, por në bilancin e tij shpesh e kanë promovuar si një aventurier në politikën e jashtme, por jo gjithmonë e ka pasur problem këtë gjë. Shumicën e rasteve i kanë sjellë dobi, pra ka pasur guximin dhe ka thyer barriera, me veshje dhe me sjellje dhe qëndrim.

Me vizitën në Izrael duhet parë në kontekstin e një përvjetori dhe një kujtese që u realizua atje. Mendoj se të gjitha gjërat që bëhen në emër të shtetit shqiptar janë kontribut në marrëdhëniet mes dy vendeve.

Në fund të fundit, ai ekzekuton një agjendë të marrëdhënieve ndërkombëtare dhe ka të drejtë ta përfaqësojë Shqipërinë. Rama po përpiqet të fitojë sa të mundet në moment, duke krijuar mundësi për vete që të bëjë atë udhëtimin e famshëm në SHBA, nëse do ta bëjë, nuk e di, për të pasur një mikpritje nga presidenti Trump. Rama bën real-politikë, është pragmatist.

Nuk është hera e parë që ndërmerr riskun. Ai e di që me BE-në mbyllja e kapitujve do të marrë shumë kohë, ashtu siç e di që problematikat që janë trajtuar politikisht me SHBA-në i duken më emergjente për t’i përmbyllur.

Midis këtyre, ai zgjedh atë që merr më mirë. Nuk shkoi në Davos, priti familjen Trump dhe dha mesazhin e qartë që unë nuk jam protokollar, por kam edhe protokoll familjar, pra unë jam më afër familjes Trump”, tha ai.

Redi Muçi deputeti i Lëvizjes Bashkë, në emisionin “Real Story” në ABC News komentoi vizitën e kryeministrit Edi Rama në Izrael.

Gjatë intervistës, Muçi u shpreh se sipas tij, kjo vizitë kishte për qëllim interesat personale të kryeministrit Rama, ndërsa shtoi se vendet e BE e kanë bojkotuar Netanuahu, por Rama po bën të kundërtën.

“Qëllimi i takimit bazohet më tepër në nevoja personale të të dy krerëve te shteteve. Manovrat politike që ka bërë Rama së fundmi, duket qartë që motivacioni i tij i vërtetë është fitimi i një “leve” për të ndikuar te presidenti i Shteteve të Bashkuara të Amerikës. I gjithë ky show mediatik i shërben vetëm interesave personave. Ndërsa ndaj Netanyahut pothuajse të gjitha vendet e BE i kanë vendosur një bojkot, Rama bën të kundërtën”, tha ai.

“SPAK duhet të ketë strategji”, kështu u shpreh Ibsen Elezi në një intervistë në emisionin “Real Story” në ABC News, ndërsa foli për punën e drejtësisë së re.

Gjatë intervistës, Elezi theksoi rezultati i punës gjithashtu shihet kur ndërpriten të ardhurat e sistemit të korruptuar.

Më tej nënvizoi se rolin e opozitës më shumë e ka luajtur media.

“Gjithmonë analizohet puna e SPAK se sa punë ka bërë. Duhet thënë që SPAK nuk ka pasur objektiv konkret për të realizuar. Ajo që më shqetëson është fakti që ky SPAK, dakord që po i godet gjithë këtë sistem ku janë ndërlidhur biznese organizata etj…Fakti që pastrohen kaq shumë para dhe SPAK thotë kemi konfiskuar 50-100 mln është si ajo 10 lekshja që i lë unë kamerierit. Pra strategjia shihet kur t’i i ndërpret të ardhurat këtyre. Problemi është që goditja e forcës së këtyre ekonomike, këto politikanë që o çojnë në ofshore paratë ai ndjek kush? Një pjesë e madhe e politikanë i kanë paratë në offshore. Vetëm një politikan është kap në offshore dhe po ndiqet. Këtu më shumë rolin e opozitës e ka luajtur media edhe PD gjithë çështjet që ka ngritur i ka bërë pasi janë bërë publike në media”, tha ai.

/abcnews.al/

Analisti politik Roland Bejko, i ftuar në emisionin “Real Story” në ABC Neës, ka komentuar zhvillimet e fundit në kampin opozitar.

Sipas Bejkos, narrativa e ndërtuar rreth heqjes së statusit “non grata” dhe paralelizmat mes kryeministrit Edi Rama dhe figurave ndërkombëtare si Maduro, rriti artificialisht shpresat e militantëve, por nuk u përkthye në rezultate konkrete.

Ai theksoi se ngjarje të shpejta në arenën ndërkombëtare, si përfshirja e Ramës në Bordin e Paqes dhe kontaktet me figura të administratës Trump, kanë forcuar pozitën e kryeministrit, ndërsa Berisha, sipas tij, ndonëse shfaqet i irrituar, ka interes që Rama të dalë i fortë politikisht.

“Berisha e kishte pritshmërinë shumë të lartë, iu krijua ideja me arrestimin e Maduros, edhe Edi Rama ishte një Maduro, filluan të besonin Ramaduro. Këtë fabule filluan që ta besonin vërtet. Këta e rritën jashtëzakonisht shumë pritshmërinë në raport me militantët. Doli Belind Këlliçi për të helmuar militantët se Sali Berishës i është hequr ‘non grata’, asnjëra prej tyre nuk ndodhi.

Ndodhën disa gjëra të shpejta, siç ishte Bordi i Paqes ku Rama do jetë krah vetë Trump dhe elementi i dytë ishte ardhja e Ivanka Trump në Shqipëri dhe më pas i dhanë votën Ramës për Bordin. Berisha bën vërtet si i inatosur, Berisha është i kënaqur që Rama shkoi te Trump sepse Rama atje do të japë imazhin që Rama është shumë afër amerikanëve dhe do t bjerë pak ndikimi mbi SPAK për Ramën dhe veten, se hallin e kanë të përbashkët. Pse Berishës i intereson Rama e fortë?! Sepse Rama tha që do bëjë ndryshime kushtetuese, do i japë Senatin dhe Senati është imunitet”, tha Bejko.