Viruset më të rrezikshme për njerëzit janë ata që ose kanë vdekshmëri shumë të lartë, ose përhapen shumë shpejt. Më vdekjeprurësit janë Tërbimi, Ebola, Marburg, Nipah dhe Hendra (deri në 90–100% pa trajtim). Të tjerë si HIV, Denguja dhe COVID-19 kanë ndikim global të madh për shkak të përhapjes së gjerë. Lija është zhdukur, por mbetet rrezik potencial biologjik. Rreziku real varet nga ngjitshmëria, qasja në trajtim dhe parandalimi që janë vaksinat.

Ashpërsia e viruseve më të zakonshme varet nga faktorë të ndryshëm, nga sa lehtë përhapen, te kushtet lokale të higjienës dhe shëndetësia, si edhe qasja në trajtim. Zbuloni cilët janë viruset më të rrezikshme për njerëzit.

Tërbimi

Transmetohet nëpërmjet pickimit ose pështymës së kafshëve të infektuara, veçanërisht qenve, dhelprave ose lakuriqëve të natës. Pasi hyn në trup, virusi arrin sistemin nervor qendror, duke shkaktuar inflamacion të trurit, konfuzion, spazma muskulore dhe paralizë progresive. Tek njerëzit e pavaksinuar, sëmundja është pothuajse gjithmonë fatale sapo shfaqen simptomat, me një shkallë vdekshmërie që i afrohet 100%.

Ebola

Nga katër llojet e njohura të ebolavirusit që mund të shkaktojnë sëmundje tek njerëzit, ai ka shkallën më të lartë të vdekshmërisë, një mesatare prej mbi 80%, me kulme deri në 90%. Transmetimi ndodh nëpërmjet kontaktit të drejtpërdrejtë me gjakun, lëngjet trupore ose indet e njerëzve ose kafshëve të infektuara. Infeksioni shkakton ethe, të vjella, diarre, gjakderdhje të brendshme dhe të jashtme dhe dështim të shumëfishtë të organeve.

Gripi i shpendëve (H5N1)

Shkaktohet nga një virus i influencës A ( orthomyxovirus ), i cili prek kryesisht lloje të caktuara të shpendëve të egër. Transmetohet nëpërmjet kontaktit të drejtpërdrejtë me shpendë të infektuar ose sipërfaqe të kontaminuara, rrallë nga personi në person. Tek njerëzit, shkakton temperaturë të lartë, kollë, vështirësi në frymëmarrje dhe pneumoni të rëndë, shpesh të shoqëruar me dështim të shumëorganeve. Shkalla e vdekshmërisë së llojit H5N1 mund të arrijë 60% të rasteve të konfirmuara.

Virusi Marburg

I bartur nga lakuriqët afrikanë dhe i transmetuar te njerëzit përmes lëngjeve trupore ose sipërfaqeve të kontaminuara, virusi Marburg shkakton ethe akute hemorragjike të ngjashme me ato të Ebolës. Simptomat përfshijnë temperaturë të lartë, dhimbje koke, dhimbje muskujsh, të vjella dhe diarre, të cilat mund të përparojnë në manifestime hemorragjike dhe dështim shumëorganor. Ka një shkallë vdekshmërie deri në 88%. Aktualisht, trajtimi është simptomatik dhe po testohen vaksina efektive.

Hantavirus

Transmetohet te njerëzit nëpërmjet kontaktit me urinën, jashtëqitjet ose pështymën e brejtësve të infektuar, ose duke thithur grimca të kontaminuara. Pasi të hyjë në trup, mund të shkaktojë temperaturë të lartë dhe dështim akut të frymëmarrjes ose veshkave. Vdekshmëria ndryshon në varësi të llojit viral dhe sindromës që shkakton, duke arritur në 50% ose më shumë në rastin e sindromës pulmonare të hantavirusit, e cila është më e zakonshme në Amerikë. Sindroma të tjera, të tilla si ethet hemorragjike me sindromën renale (HFRS) në Azi dhe Evropë, kanë shkallë më të ulëta vdekshmërie, përgjithësisht midis 1% dhe 15%.

Lija

Zhdukja u shpall në vitin 1980 falë një fushate globale vaksinimi, por lija mbetet një kërcënim i mundshëm biologjik për shkak të pranisë së mostrave të ruajtura në disa laboratorë.

E shkaktuar nga virusi Variola, ishte një sëmundje shumë ngjitëse që përhapej nëpërmjet ajrit ose nga kontakti i drejtpërdrejtë me lezione të lëkurës dhe objekte të kontaminuara. Shkaktonte temperaturë të lartë, dhimbje dhe skuqje pustulare. Forma më e rëndë, variola major, kishte një shkallë vdekshmërie deri në 30%.

Virusi Nipah

Është një virus në zhvillim e sipër që transmetohet te njerëzit kryesisht nëpërmjet kontaktit me lëngjet trupore të kafshëve të infektuara, veçanërisht lakuriqëve të natës, por edhe derrave (në vitin 1999, miliona derra u vranë nga autoritetet malajziane për të ndaluar një epidemi), ose nëpërmjet konsumimit të frutave të kontaminuara. Infeksioni shkakton ethe, dhimbje koke, të vjella dhe, në raste të rënda, encefalit me konvulsione dhe koma. Shkalla e vdekshmërisë e vlerësuar varion midis 40% dhe 75%.

Denguja e etheve

Transmetohet kryesisht nëpërmjet pickimit të mushkonjave të infektuara Aedes, të cilat janë të përhapura në pjesën më të madhe të rajoneve tropikale dhe subtropikale. Shkakton temperaturë të lartë, dhimbje të forta muskujsh dhe kyçesh, dhimbje koke dhe skuqje. Në rastet e lehta, shkalla e vdekshmërisë është shumë e ulët, ndërsa në rastet më të rënda hemorragjike, pa trajtim në kohë, mund të kalojë 20%.

HIV

Virusi i mungesës së imunitetit njerëzor transmetohet kryesisht nëpërmjet kontaktit me gjakun, lëngjet e trupit ose marrëdhënieve seksuale të pambrojtura. Nuk është menjëherë vdekjeprurës, por sulmon sistemin imunitar, duke shkatërruar në mënyrë progresive limfocitet T, të cilat janë thelbësore për mbrojtjen kundër infeksioneve dhe tumoreve.

Pa terapi antiretrovirale, mund të përparojë në AIDS, me infeksione oportuniste shpesh fatale. Historikisht, vdekshmëria ka qenë jashtëzakonisht e lartë, me miliona viktima në nivel global, megjithëse trajtimet tani e kanë përmirësuar ndjeshëm mbijetesën.

Sars-Cov-2 (Covid-19)

I identifikuar për herë të parë në dhjetor 2019 në Ëuhan të Kinës, ka të ngjarë që ka origjinën nga një virus lakuriqësh nate dhe është transmetuar te njerëzit nëpërmjet një strehuesi të ndërmjetëm. Transmetohet në rrugët e frymëmarrjes, nëpërmjet pikave dhe aerosoleve të prodhuara nga individë të infektuar, madje edhe ata asimptomatikë. Mund të shkaktojë pneumoni akute, dështim të frymëmarrjes dhe komplikacione sistemike, veçanërisht te individët e dobët. Shkalla e vdekshmërisë globale, sipas të dhënave të disponueshme deri në vitin 2025, është më e ulët se ajo e viruseve të tjera vdekjeprurëse, por ngjitshmëria e saj e lartë ka shkaktuar miliona vdekje dhe një ndikim të paparë në shëndet.

Hendra

Transmetohet te njerëzit kryesisht nëpërmjet kontaktit me lëngjet nga kuajt e infektuar, të cilët nga mund të jenë infektuar nga lakuriqët. Infeksioni shkakton ethe, kollë, lodhje dhe në raste të rënda, encefalit me inflamacion të trurit, dështim të frymëmarrjes dhe gjendje kome. Shkalla e vdekshmërisë midis rasteve të konfirmuara tek njerëzit është afërsisht 60% , duke e bërë atë ndër viruset më të rrezikshme, pavarësisht se rastet janë të rralla dhe të përqendruara kryesisht në Australi.

Në Klinikën e Kirurgjisë Vaskulare të QKUK-së, është kryer për herë të parë me sukses ndërhyrja kirurgjikale për Sindromën Eagle, një patologji e rrallë dhe komplekse.

Pacienti, 65-vjeçar, paraqiste dhimbje të forta në qafë dhe vështirësi në gëlltitje për shkak të zgjatjes së procesit stiloid me gjatësi 5.5 cm.

Kirurgët përdorën qasjen ekstraorale për të siguruar kontroll të plotë mbi strukturat vaskulare dhe nervore.

Pas operacionit, pacienti ka shfaqur përmirësim të menjëhershëm dhe ndodhet në gjendje të mirë shëndetësore, duke pritur të lirohet për trajtim shtëpiak.

Sinjali – aty ku e vërteta flet para lajmit!

/GazetaSinjali/

The post Operacion i suksesshëm për Sindromën Eagle, kryhet për herë të parë në Kosovë appeared first on Sinjali.

TIRANË, 1 shkurt /ATSh/ Shërbimi i Kardiologjisë në Qendrën Spitalore Univeristare “Nënë Tereza”, gjatë vitit të kaluar ka shpëtuar mijëra jetë përmes ndërhyrjeve jetike.

Kryeministri Edi Rama solli në vëmendje shifrat e referuara nga Ministria e Shëndetësisë dhe Mirëqenies Sociale.

Prej muajit janar deri në dhjetor 2025 në Shërbimin e Kardiologjisë janë kryer 599 implantime aparaturash kardiake (pacemaker, CRT-D, CRT-P, defibrilatorë intrakardiakë të implantueshëm) si dhe 143 angioplastika të planifikuara me stent.

Gjithashtu, Kryeministri Rama informon se janë kryer 2,941 procedura PCI dhe koronarografi, nga të cilat 1,366 urgjenca, ndërhyrje në momentet më kritike për jetën.

Kreu i Qeverisë, falënderon çdo mjek, infermier dhe profesionist shëndetësor që qëndron çdo ditë në vijën e parë të kujdesit.

Shërbimi i Kardiologjisë pranë Qendrës Spitalore Universitare “Nënë Tereza” në Tiranë ofron kushte dinjitoze dhe trajtim me teknologji moderne për çdo pacient.

/e.i/j.p/

The post Rama: Mijëra jetë të shpëtuara përmes ndërhyrjeve në Kardiologjinë e QSUNT appeared first on Agjencia Telegrafike Shqiptare.

TIRANË, 1 shkurt /ATSh/ Muajt e dimrit shoqërohen jo vetëm me temperatura të ulëta, por edhe me një rritje të ndjeshme të stresit dhe ankthit tek një pjesë e qytetarëve. Mungesa e dritës natyrale, izolimi social, ritmi i ngadaltë i jetës ndikojnë drejtpërdrejt në shëndetin mendor.

Në një intervistë për ATSh-në, Andia Meksi, specialiste e shëndetit mendor pranë Institutit të Shëndetit Publik (IShP) shpjegon se gjatë dimrit vërehet një shtim i konsultave për ankth, çrregullime të gjumit dhe lodhje emocionale.

“Në kulturat perëndimore ky fenomen njihet si “winter blues” ose “depresioni dimëror”, ku individët përjetojnë humor të ulët, lodhje mendore, apati, shpërqendrim, probleme me gjumin dhe oreksin, etj. Arsyet e kësaj gjendje lidhen me klimën e ftohtë dhe ditët e shkurtra apo dhe mungesa e diellit në shumicën e ditëve gjatë sezonit të dimrit. Ekziston një lidhje, edhe pse jo e drejtpërdrejtë (shkak-pasojё) midis gjendjes së humorit dhe klimës, pra, mungesa e diellit dhe ndikimi që ka në gjendjen tonë të përgjithshme. Gjatë dimrit, trupi është i ekspozuar ndaj virozave dhe mungesës së rrezeve të diellit (vitamina D), kjo çon edhe në rënie të sistemit imunitar. Gjithashtu, kontaktet sociale bëhen me të rralla në këtë periudhë se në verë, si dhe aktiviteti fizik është i kufizuar, çka mund të çojë në një gjendje apatie, lodhjeje dhe humor të ulët”, thotë Meksi.

Meksi shton se ka disa faktorë psikologjikë, socialë dhe ekonomikë që i bëjnë disa individë më të cenueshëm ndaj këtij efekti dimëror, siç mund të jenë problemet ekzistuese të shëndetit mendor, kryesisht probleme me humorin (depresion, çrregullimi bipolar) dhe ankthit (ankth i përgjithësuar, sulme të panikut, çrregullimi obsesiv kompulsiv (OCD), etj.), por edhe individët me probleme të abuzimit me substancat si alkooli, drogat dhe individët me probleme të përshtatjes.

“Sipas Shoqatës Amerikane të Psikiatrisë (APA), gjatë stinës së dimrit individët përjetojnë simptomat si ndjenjë trishtimi, humbje interesi ose kënaqësie në aktivitetet që zakonisht pëlqehen, ndryshime në oreks, ndryshim në gjumë, humbje energjie ose ndjenjë më e lodhur pavarësisht një sasie të mirë gjumi, ngadalësim i të menduarit, përqendrimit ose vendimmarrjes, rritje e aktiviteteve si ecja, shtrëngimi i duarve ose pamundësia për t’u ulur, ose ngadalësim i lëvizjeve ose të folurit, ndjenjë e pashpresë, pa vlerë ose faji, si edhe mendime për vdekje ose vetëvrasje”, pohon Meksi, duke nënvizuar se shëndeti mendor nuk është një gjendje statike, por dinamike.

“Për ata të cilët janë duke hasur vështirësi në përmbushjen e detyrave të përditshme, që kanë probleme me gjumin, humorin dhe shqetësimet trupore apo psikoemocionale, të drejtohen pranë mjekut të familjes në qendrat socio-shëndetësore në zonat e tyre të banimit. Tashmë, pranë qendrave shëndetësore primare janë atashuar stafet psiko-sociale të cilat ofrojnë vlerësime dhe referim për trajtim të specializuar të shëndetit mendor. Këta profesionistë janë të pajisur me njohuri dhe mjetet për të bërë ndërhyrje dhe për të vlerësuar ndihmën që iu duhet”, thekson ajo.

Dimri, sipas Meksit, i kufizon individët në kryerjen e aktiviteteve në ambiente të hapura dhe në natyrë, por kurrsesi nuk ndikon në marrëdhëniet dhe jetën sociale të individëve.

“Të ndenjurit vetëm nuk është domosdoshmërisht shenjë e vetmisë apo tërheqjes sociale. Ka individë të cilët nuk ndihen të vetmuar pasi e kanë kohën të zënë duke bërë gjërat që iu pëlqejnë dhe që i bëjnë të ndihen mirë me veten. Por, dimri kufizon kryerjen e aktiviteteve në ambiente të hapura dhe në natyrë, por kurrsesi nuk ndikon në marrëdhëniet dhe jetën sociale të individëve. Izolimi apo tërheqja sociale ndaj aktiviteteve dhe kontakteve/ marrëdhënieve që më parë i kryenim me dëshirë, ndodh si pasojë e ndjenjës së pasigurisë, ankthit dhe problematikave të tjera që lidhen me shëndetin tonë mendor”, shton ajo.

Meksi ndan njëherësh edhe disa këshilla praktike për qytetarët dhe mënyrën se si duhet të veprohet për ta përballuar emocionalisht dimrin.

Ajo thekson se qytetarët duhet të jenë të vëmendshëm ndaj ndryshimeve në mendime, gjendjen emocionale dhe sjelljen e tyre.

“Duhet të komunikoni me miq dhe familjarë për vështirësitë që po kaloni dhe me punëdhënësin nëse kjo po ndikon në performancën tuaj në punë dhe të kërkoni zgjidhje për problemet që po hasni. Kujdesi ndaj vetes është i rëndësishëm, ndaj drejtojuni një specialisti të shëndetit mendor në rast nevoje. Takimet konsultuese me një profesionist ndihmojnë që të parandalojmë përkeqësimin e gjendjes dhe të adresojmë në mënyrën e duhur problemet e shëndetit tonë mendor”, thotë Meksi.

Sipas saj, e rëndësishme është që të ruhet edhe rutina e përditshme, aktiviteti fizik dhe orët e plota të gjumit.

“Angazhimi në punë, kujdesi për higjienën e shtëpisë dhe vetes, gatimi i vakteve të shëndetshme në vend që t’i blini të gatshme, shpenzimi i kohës me veten në mënyrë cilësore dhe reduktimi i ndërveprimit në rrjetet sociale dhe botën virtuale janë disa prej angazhimeve që ndihmojnë në reduktimin e gjendjes së rënduar emocionale”, thekson ajo.

“Gjithashtu, aktiviteti fizik i lehtë dhe i moderuar (të paktën 20 minuta ecje çdo ditë ose 60-90 minuta fizkulturë 3 herë në javë); 6-7 orë gjumë me orare fikse (fjetje-zgjim); pushimi, reduktimi dhe shmangia e produkteve të duhanit, alkoolit dhe drogave; mbajtja e një ditari ku të shënoni mendimet që keni; meditimi dhe kontakti me familjarët dhe miq, janë të tjerë faktorë pozitivë që ndikojnë në përmirësimin e gjendjes. Nëse gjendja juaj nuk përmirësohet, duhet ndërhyrja tek specialisti i shëndetit mendor”, përfundoi Meksi.

Andia Meksi, specialiste e shëndetit mendor pranë ISHP, foto: Andrin Hoxha

1 nga 3

/e.i/j.p/r.e/

The post Meksi për ATSh: Dimri rrit stresin dhe ankthin, kujdes me sinjalet që jep trupi dhe mendja appeared first on Agjencia Telegrafike Shqiptare.

TIRANË, 31 janar/ATSH/ Operatori i Shërbimeve të Kujdesit Shëndetësor përmbylli procesin e akreditimit të institucioneve shëndetësore për vitin 2025, një proces që synon rritjen e sigurisë së pacientëve dhe përmirësimin e vazhdueshëm të cilësisë së shërbimeve shëndetësore në të gjithë vendin.

Gjatë këtij procesi janë akredituar gjithsej 71 institucione shëndetësore, nga të cilat 66 qendra shëndetësore, 4 spitale bashkiake dhe 1 spital rajonal.

Sipas Operatorit të Shërbimeve të Kujdesit Shëndetësor, procesi i akreditimit shërben si një mekanizëm i rëndësishëm për garantimin e transparencës dhe përmirësimin e performancës së institucioneve shëndetësore, duke nxitur zbatimin e praktikave më të mira në ofrimin e shërbimeve.

Akreditimi i institucioneve shëndetësore për vitin 2025 konsiderohet një hap i rëndësishëm drejt forcimit të sistemit publik të kujdesit shëndetësor, duke rritur besimin e qytetarëve dhe duke garantuar shërbime më të sigurta, më cilësore dhe më të aksesueshme për të gjithë pacientët.

Operatori thekson se procesi do të vijojë edhe në vitet në vijim, si pjesë e angazhimit për rritjen e standardeve dhe përmirësimin e vazhdueshëm të kujdesit shëndetësor në Shqipëri.

/r.e/

The post Akreditohen 71 institucione shëndetësore gjatë 2025-ës appeared first on Agjencia Telegrafike Shqiptare.

TIRANË, 31 janar/ATSH/ Gjatë vitit të kaluar, Shërbimi i Kardiologjisë në Qendrën Spitalore Univeristare “Nënë Tereza” ka shpëtuar mijëra jetë përmes ndërhyrjeve jetike.

Ministria e Shëndetësisë dhe Mbrojtjes Sociale bëri të ditur se nga janari deri në dhjetor 2025 në Shërbimin e Kardiologjisë janë kryer 599 implantime aparaturash kardiake (pacemaker, CRT-D, CRT-P, defibrilatorë intrakardiakë të implantueshëm) si dhe 143 angioplastika të planifikuara me stent.

Sipas MSHMS janë kryer gjithashtu  2,941 procedura PCI dhe koronarografi, nga të cilat 1,366 urgjenca, ndërhyrje në momentet më kritike për jetën.

MSHMS falënderon Dr. Alban Dibra për drejtimin me profesionalizëm dhe përkushtim të ekipit si dhe shpreh mirënjohje për çdo mjek, infermier dhe profesionist shëndetësor në vijën e parë të kujdesit.

Shërbimi i Kardiologjisë pranë Qendrës Spitalore Universitare “Nënë Tereza” në Tiranë ofron kushte dinjitoze dhe trajtim me teknologji moderne për çdo pacient.

/k.s/a.f/

The post Kardiologjia në QSUT: 599 implantime dhe mbi 2 900 procedura PCI e koronarografi appeared first on Agjencia Telegrafike Shqiptare.

Autoriteti Kombëtar i Ushqimit ka njoftuar tërheqjen nga tregu të qumështit formulë për foshnja, “APTAMIL 1 PRONUTRA 800 gram Advanced” pas një alarmi të ardhur nga Sistemi Evropian i Sigurisë Ushqimore, RASFF.

Gjatë kontrolleve zyrtare të kryera në Gjermani është konstatuar prania e substancës “cereulide”, një toksinë e cila mund të shkaktojë helmim ushqimor, me simptoma si të vjella dhe dhimbje barku, veçanërisht e rrezikshme për foshnjat. Ky produkt përdoret për foshnjat nga 0 deri në 2 vjeç

Produkti i kontaminuar APTAMIL 1 PRONUTRA 800 gram që mban datën e skadencës 10 nëntor 2026 nuk duhet të përdoret nga foshnjat sepse sjell probleme serioze për shëndetin e tyre. Alarmi i qumështit formulë me baktere si fillim është dhënë në vendet e Europës e më pas mbërriti edhe në vendin tonë. Operatori i Binzesit Ushqimor që importuar këtë qumësht është sërish Rossman Lala, gjithsej në Shqipëri janë futur 648 njësi të këtij produkti. Ku 276 kuti janë shpërndarë në Shqipëri, për të cilat po kryhet tërheqja nga tregu, ndërsa 372 janë eksportuar në Kosovë.

“Jemi njoftuar nga sistemi Europian për një produkt qumësht formulë Aptamil Advance Pronura 800gr me datë skadencë 10-12-2026. Produkti në fjalë është importuar nga nga Rossman Lala dhe është shpërndarë në rrjetin e zinxhirit: Durrës, Tiranës, Fier, Shkodër dhe inspektorët tanë kanë qenë të angazhuar në terren për tërheqjen e tij nga tregu me qëllim asgjësimin e tij.”-AKU.

APTAMIL është qumësht formulë që ka dhe shitjen më të madhe në treg, Bakteri ballicesu -cerus, nuk shfaqet për herë të parë në qumështin formulë, më parë ky bakter u gjend edhe tek produktet e kompanisë Nestle, të cilat tregtoheshin në dyqanet Rossman Lala.

AKU u bën thirrje prindërve dhe konsumatorëve që, nëse e kanë blerë këtë produkt, të mos e përdorin dhe ta kthejnë menjëherë në pikat e shitjes.

Përdorimi i inteligjencës artificiale (AI) në skanimet apo mamografitë për kancerin e gjirit ka ulur me 12 për qind rastet e diagnostikimit të vonshëm pas kontrollit fillestar, sipas një studimi të madh të realizuar në Suedi, ka raportuar The Guardian.

Studimi, i publikuar në revistën mjekësore The Lancet, ka përfshirë rreth 100 mijë gra që iu nënshtruan mamografisë mes viteve 2021 dhe 2022.

Gratë u ndanë rastësisht në dy grupe: një grup me mamografi të mbështetur nga AI dhe një grup me lexim standard nga dy radiologë.

Sistemi i inteligjencës artificiale analizonte imazhet e mamografisë, duke i ndarë rastet me rrezik të ulët për lexim nga një radiolog dhe ato me rrezik të lartë për lexim të dyfishtë, si dhe duke theksuar gjetjet e dyshimta për t’i ndihmuar mjekët.

Rezultatet treguan se në grupin me AI kishte 1.55 raste kanceri në 1,000 gra, të identifikuara me vonesë në vitet pasuese pas kontrollit, krahasuar me 1.76 raste për 1,000 gra, të identifikuara me vonesë pas kontrollit, në grupin pa AI.

Po ashtu, 81 për qind e rasteve të kancerit në grupin me AI u zbuluan gjatë mamografisë, krahasuar me 74 për qind në grupin kontrollues.

Në grupin e mbështetur nga AI u regjistruan edhe rreth 27 për qind më pak forma agresive të kancerit.

Autorja kryesore e studimit, doktoresha Kristina Lang nga Universiteti i Lundit, ka thënë se teknologjia ka potencial të madh, por kërkon kujdes.

“Zbatimi i gjerë i mamografisë me mbështetje nga AI mund të ndihmojë në uljen e ngarkesës për radiologët dhe në zbulimin më të hershëm të kancerit, përfshirë format agresive”, ka thënë ajo, duke shtuar se “futja e AI-së në shëndetësi duhet të bëhet me kujdes dhe me monitorim të vazhdueshëm”.

Ani pse rezultatet janë premtuese, studiuesit theksojnë se AI-ja nuk duhet të zëvendësojë profesionistët e shëndetësisë, pasi mamografia kërkon gjithmonë të paktën një radiolog që të bëjë leximin.

Doktoresha Sowmiya Moorthie nga Cancer Research UK ka thënë se gjetjet janë inkurajuese, por kërkojnë më shumë studime.

“Ky studim ndihmon në adresimin e shqetësimeve, por është realizuar në një qendër të vetme, ndaj nevojiten studime të tjera për të kuptuar nëse kjo do të shpëtojë jetë”, u shpreh ajo.

Ndërkohë, Simon Vincent nga organizata Breast Cancer Now ka thënë se studimi tregon potencial të madh për diagnostikim më të hershëm.

“Sa më herët të zbulohet sëmundja, aq më të mëdha janë shanset për trajtim të suksesshëm”, ka theksuar ai.

Sinjali – aty ku e vërteta flet para lajmit!

/GazetaSinjali/

The post Përdorimi i AI-së në mamografi ul rastet e kancerit të gjirit të diagnostikuar me vonesë appeared first on Sinjali.

TIRANË, 30 janar/ATSH/  Në Shërbimin Infektiv të Qendrës Spitalore Universitare “Nënë Tereza” në Tiranë gjatë muajit janar është shënuar një rritje e ndjeshme e fluksit të pacientëve, kryesisht me simptoma të gjendjes gripale.

Mjekja infeksioniste, dr. Migena Qato, këshillon për rritje të kujdesit personal dhe vaksinimit si masa thelbësore për parandalimin e komplikacioneve.

Në lidhje me virusin e ri që po qarkullon në Indi, dr. Qato bën me dije se aktualisht nuk ka asnjë rast të konfirmuar në vendin tonë, duke theksuar se Shërbimi Infektiv ndodhet në gatishmëri të plotë për përballimin e çdo situate të mundshme.

“Virozat edhe gripi janë kryefjala e diagnozave infektive që pranohen në Shërbimin Infektiv aktualisht. Janë rreth 100 raste të paraqitura në ditë gjatë janarit me simptoma të ndryshme. Grupmoshat e prekura janë të ndryshme nga mbi 14 vjeç deri në moshat e treta, të cilat përbëjnë një shqetësim të veçantë sa i përket sëmundjeve bashkëshoqëruese dhe komplikacioneve tek këto mosha që shpesh herë mund të rezultojnë të jenë edhe fatale”, theksoi Qato.

Sipas saj, të sëmurët paraqiten me simptoma nga më të lehtat si temperaturë, dhimbje të lehta muskulare, të cilat mund të trajtohen edhe në kushte shtëpie.

“Pastaj vijnë raste më të rënda që shoqërohen me komplikacione siç janë bronkopneumonitë që në këto momente janë shqetësimi ynë kryesor. Shpesh kërkojnë kujdes të veçantë dhe shtrim në spital pavarësisht grupmoshave të tyre”, tha Qato duke shtuar se rreth 30-40% e rasteve që paraqiten në urgjencë janë kandidatë për shtrim në spital.

Qato vuri në dukje se është për t’u përshëndetur fakti që numri i njerëzve që mjekohen vetë në shtëpi sa vjen e po zvogëlohet.

Sa i përket virusit që po qarkullon në Indi, Qato tha se “nuk duhet krijuar panik, të paktën deri sa pa e provuar këtë gjë në rajon. Pra, ne nuk kemi konstatuar raste të tilla”.

Mjekja Qato i bëri apel qytetarëve të vaksinohen, pasi tha ajo “vaksinimi është një indikacion i yni që nuk do resht asnjëherë”.

/k.s/j.p/

The post Qato: 100 pacientë në ditë gjatë janarit në Infektivin e QSUT appeared first on Agjencia Telegrafike Shqiptare.

Rreziku që virusi vdekjeprurës Nipah të përhapet përtej kufijve të Indisë është i ulët. Ka qenë kjo deklaratë e Organizatës Botërore të Shëndetësisë, e cila shtoi se nuk rekomandohen kufizime udhëtimi ose tregtie.

Hong Kongu, Malajzia, Singapori, Tailanda dhe Vietnami janë ndër vendet që këtë javë forcuan kontrollet në aeroporte për t’u mbrojtur nga përhapja e mundshme e virusit, pasi India konfirmoi dy infeksione.

“OBSH-ja e konsideron të ulët rrezikun e përhapjes së mëtejshme të infeksioneve nga këto dy raste. Nuk ka ende prova që transmetimi nga njeriu te njeriu po rritet”, tha organizata duke shtuar se India ka kapacitetin për të përmbajtur shpërthime të tilla.

Megjithatë OBSH nuk e përjashtoi ekspozimin e mëtejshëm ndaj virusit, i cili po qarkullon në popullatat e lakuriqëve të natës në pjesë të Indisë dhe Bangladeshit fqinj.

Virusi Nipah, i cili përhapet kryesisht nga lakuriqët e natës dhe kafshët si derrat, mund të shkaktojë ethe dhe inflamacion të trurit.

Shkalla e vdekshmërisë varion nga 40% në 75% dhe nuk është gjetur asnjë kurë, megjithëse vaksinat në zhvillim janë në fazën e testimit.

Transmetohet te njerëzit nga lakuriqët e natës të infektuar ose frutat që ata infektojnë, por transmetimi nga njeriu te njeriu nuk është i lehtë, pasi zakonisht kërkon kontakt të zgjatur me personat e infektuar.

Autoriteti Kombëtar i Ushqimit (AKU) ka lëshuar një paralajmërim urgjent për të gjithë prindërit në Shqipëri. Një lloj specifik i qumështit për foshnja po tërhiqet menjëherë nga tregu për shkak të pranisë së një substance të rrezikshme.

Gjatë kontrolleve në Gjermani, në produktin Aptamil 1 Pronutra (800g) është gjetur prani e një toksine (cereulide) që vjen nga bakteri Bacillus cereus. Ky bakter mund të shkaktojë probleme shëndetësore, ndaj është dhënë alarmi në të gjithë rrjetin europian të sigurisë ushqimore (RASFF).

AKU njoftoi qytetarët se nëse e kanë blerë këtë produkt ta kthejnë në pikat e shitjes.
Sipas autoritetit inspektorët janë tashmë në terren për të bllokuar çdo kuti të mbetur nëpër rafte.

NJOFTIMI I PLOTË

Autoriteti Kombëtar i Ushqimit informon opinionin publik mbi njoftimin me numër reference 2026.0663 të ardhur nga Sistemi RASFF. Gjatë kontrolleve zyrtare të kryera në Gjermani, është konstatuar prani e substancës cereulide, një toksinë e prodhuar nga bakteri Bacillus cereus në formulë për infant. Të dhënat e produktit:

Emri i produktit: APTAMIL 1 PRONUTRA 800G ADVANCED; Numri i artikullit 172911; Data e Skadencës: 10/11/2026

Trupat inspektuese në terren janë angazhuar në verifikimin dhe tërheqjen e menjëhershme të produktit nga tregu.

AKU i bën thirrje konsumatorëve nëse e kanë blerë këtë produkt dhe e kanë gjendje, ta kthejnë atë në pikat e shitjes.

Dy ekspertë të Agjencisë së Kosovës për Forenzikë, Fejsal Lutfiu dhe Lutfi Raci, kanë kaluar me sukses testin ndërkombëtar “Firearms Examination 2025-5262”.

Suksesi i tyre konfirmon nivelin e lartë profesional dhe përputhshmërinë me standardet ndërkombëtare në ekzaminimin e armëve të zjarrit.

Ky rezultat thekson angazhimin e Agjencisë për zhvillimin e kapaciteteve profesionale dhe forcimin e besueshmërisë ndërkombëtare.

Sinjali – aty ku e vërteta flet para lajmit!

/GazetaSinjali/

The post Dy ekspertë të forenzikës kalojnë me sukses testin ndërkombëtar të armëve të zjarrit appeared first on Sinjali.

TIRANË, 29 janar/ATSH/ Ministrja e Shëndetësisë dhe Mirëqenies Sociale, Evis Sala vizitoi sot Spitalin Katolik “Zoja e Këshillit të Mirë”, në Tiranë i cili do të bashkëpunojë me Spitalin Pediatrik Bambino Gesù (OPBG) në Romë, përmes zhvillimit dhe zbatimit të projektit “Qendra për Zhvillimin e Fëmijës”.

The post Sala: Bashkëpunimi me “Bambino Gesù” sjell ekselencë pediatrike në Shqipëri appeared first on Agjencia Telegrafike Shqiptare.

Një 37-vjeçare nga Mitrovica i është shpëtuar jeta falë ndërhyrjes së menjëhershme dhe profesionale të stafit mjekësor të Spitalit të Përgjithshëm “Sami Haxhibeqiri”.

Pacientja, B. SH. (1988), është paraqitur në Shërbimin Emergjent në gjendje jashtëzakonisht të rëndë shëndetësore, me parametra vitalë minimalë, vetëdije të çrregulluar dhe shenja të theksuara të shokut hemorragjik, si pasojë e humbjes masive të gjakut.

Pas kryerjes së ekzaminimeve laboratorike dhe ultrasonografike, mjekët kanë diagnostikuar një shtatzëni ektopike cornuale – një rast i rrallë që paraqitet vetëm në 2–4% të shtatzënive jashtë mitrës – e shoqëruar me gjakderdhje masive dhe rrezik të lartë për jetën e pacientes.

Falë reagimit të shpejtë dhe të koordinuar të ekipit të Shërbimit Emergjent, në bashkëpunim me ekipet e Kirurgjisë, Gjinekologjisë, Anestezionit dhe shërbimet mbështetëse, është kryer një laparotomi urgjente, ndërhyrje kjo që ka qenë vendimtare për shpëtimin e jetës së pacientes.

Sinjali – aty ku e vërteta flet para lajmit!

/GazetaSinjali/

The post I shpëtohet jeta 37-vjeçares në Spitalin e Mitrovicës, pati gjakderdhje nga shtatzënia jashtë mitre appeared first on Sinjali.

TIRANË, 28 janar/ATSh/ Në vijim të vizitës zyrtare në Vjenë, ministrja e Shëndetësisë dhe Mirëqenies Sociale, Evis Sala zhvilloi një takim me homologen austriake, ministren Federale për Punën, Çështjet Sociale, Shëndetësinë, Kujdesin dhe Mbrojtjen e Konsumatorit të Austrisë, Korinna Schumann.

Gjatë takimit, palët diskutuan mbi fusha të mundshme për bashkëpunim, përfshirë hartimin e një marrëveshjeje të re bashkëpunimi në shëndetësi për periudhën 2026–2030, si dhe modernizimin e infrastrukturës shëndetësore, me investime strategjike në shërbimet e urgjencës mjekësore, teknologji të avancuar mjekësore dhe reformën e sistemit spitalor.

Në një njoftim për mediet, MShMS bëri të ditur se mbetet e angazhuar për të thelluar më tej partneritetin me Austrinë, me synim përmirësimin e shërbimeve shëndetësore dhe rritjen e mirëqenies sociale për të gjithë qytetarët.

Ndërkohë, në kuadër të vizitës zyrtare në Austri, ministrja Sala zhvilloi ditën e djeshme një takim në Agjencinë Ndërkombëtare të Energjisë Bërthamore.

Sipas MShMS, në partneritet me Agjencinë, po investohet te njerëzit dhe te inovacioni i sigurt, duke udhëhequr me përgjegjësi dhe duke vendosur standarde për përdorimin paqësor të teknologjive bërthamore.

/e.i/j.p/

The post Sala me homologen austriake: Marrëveshje e re bashkëpunimi në shëndetësi deri në 2030 appeared first on Agjencia Telegrafike Shqiptare.

Vogëlushi Zejn Zejnullahu, i cili u shpall i humbur sot në Gadime të Lipjanit, është gjetur dhe po trajtohet në Qendrën Klinike Universitare të Kosovës (QKUK).

Nga QKUK-ja, mjekja kujdestare Dafina Basholli ka thënë për Sinjalin se i mituri është pranuar.

“E kemi pranuar pacientin, jemi duke e trajtuar në dhomën e ranimacionit”, ka thënë Basholli, pa dhënë detaje të tjera për gjendjen e tij.

Sinjali – aty ku e vërteta flet para lajmit!

/GazetaSinjali/

The post QKUK jep detaje për gjendjen shëndetësore të vogëlushit nga Lipjani që u shpall i humbur appeared first on Sinjali.

TIRANË. 27 janar/ATSH/ Ministrja e Shëndetësisë dhe Mbrojtjes Sociale, Evis Sala gjatë vizitës në Vjenë, Austri, zhvilloi një takim në Agjencinë Ndërkombëtare të Energjisë Bërthamore.

“Shqipëria ka një vizion të qartë, shfrytëzimin e shkencës për të forcuar kujdesin ndaj kancerit, mjekësinë bërthamore dhe sigurinë nga rrezatimi”, tha Sala në një postim në rrjetet sociale.

Ministrja Sala u shpreh se “po forcojmë programin kombëtar të radioterapisë si pjesë e ngritjes së Institutit të Onkologjisë dhe Rrjetit Kombëtar të Kancerit”.

“Në partneritet me Agjencinë, ne po investojmë te njerëzit dhe te inovacioni i sigurt, duke udhëhequr me përgjegjësi dhe duke vendosur standarde për përdorimin paqësor të teknologjive bërthamore”, tha Sala.

/k.s/a.f/

The post Sala në Agjencinë Ndërkombëtare të Energjisë Bërthamore: Shfrytëzimi i shkencës në forcimin e kujdesit ndaj kancerit appeared first on Agjencia Telegrafike Shqiptare.

India po lufton një shpërthim të virusit Nipah në shtetin e saj lindor të Bengalit Perëndimor, ku pesë persona janë konfirmuar të infektuar dhe gati 100 të tjerë janë vendosur në karantinë.

Shpërthimi raportohet të ketë filluar në një spital privat në qytetin Barasat, ku tre nga pacientët janë profesionistë mjekësorë që trajtojnë pacientët në atë strukturë.

Pacientët janë transferuar në një spital sëmundjesh infektive në lindje të kryeqytetit të shtetit, Kolkata.

Nipah (Henipavirus nipahense) – i cili u regjistrua për herë të parë në vitin 1998 – është një virus zoonotik serioz dhe shpesh fatal, i cili përhapet nga lakuriqët e natës dhe mund të infektojë kafshët (shpesh derrat) dhe njerëzit.

Aktualisht, nuk ka trajtime specifike për Nipah, as nuk ka vaksinë kundër sëmundjes.

Virusi Nipah ka një shkallë shumë të lartë vdekshmërie, me OBSH-në që raporton se vlerësohet se midis 40 dhe 75 përqind e rasteve mund të rezultojnë në vdekje.

Sinjali – aty ku e vërteta flet para lajmit!

/GazetaSinjali/

The post India lufton shpërthimin vdekjeprurës të virusit Nipah appeared first on Sinjali.

Lista e re e Barnave që rimbursohen nga Fondi i Sigurimit të Detyrueshëm të Kujdesit Shëndetësor përshin afro 1366 barna, prej të cilëve 211 spitalore.

Drejtori i FSDKSH-së, Arti Papajani në një intervistë për RTSH-në sqaron se nevoja për të mbuluar një spektër më të gjerë të diagnozave e ka shtuar numrin e barnave në listë.

“Lista e barnave është një sistem i integruar që balancon kujdesin e pacientëve me standardet e mbrojtjes së kujdesit shëndetësor, një proces që ndryshon vazhdimisht dhe që ka në qëllim zgjerimin e barnave të reja dhe plotësimin e nevojave të qytetarëve. Aktualisht në listën e barnave që funksionojnë janë 1366 barna nga të cilat 211 janë barna spitalore”, tha Papajani.

Për Papajanin, rastet e mosmarrjes nga qytetarët e barnave nga lista e rimbursueshme në farmaci janë të rralla.

“Kjo mund të vijë nga dy faktorë, e para që edhe farmacitë duhet të përditësohen në lidhje me sistemin ose mund të ketë keqinformime dhe veprime nga ana e mjekëve të familjes të cilët nuk janë familjarizuar me barnat e reja apo me çmimet e reja”, theksoi ai.

Papajani thekson se procesi i kontrollit vijon si një procedurë normale administrative, që asesi nuk ka qëllim të ndëshkojë farmacitë, por të garantojë transparencë.

“Nuk është ndërprerë ndonjë kontratë në lidhje me ato që nuk kanë të bëjnë me procedura të identifikimit të drejtpërdrejtë të fiktivitetit. Farmacitë duhet të vijojnë punën normalisht, mbeten këto kontrata në fuqi sikurse kanë qenë dhe të pacënuara deri më tani”, nënvizoi Papajani.

Hartimi dhe miratimi i listës së barnave që rimbursohen nga Fondi i Sigurimit të Detyrueshëm të Kujdesit Shëndetësor dhe masa e mbulimit të çmimit të tyre përfshin nevojat reale të pacientëve, bazuar dhe në përparësitë reale që vetë shërbimet universitare kanë.