NJU JORK, 24 dhjetor /ATSH/- Venezuela ka akuzuar Shtetet e Bashkuara të Amerikës për “zhvatje” në një seancë emergjente të Këshillit të Sigurimit të OKB-së në Nju Jork, sipas BBC.

“Kapja e dy cisternave të naftës venezueliane nga Uashingtoni ishte “më e keqe se pirateria”, tha ambasadori venezuelan në OKB.

Mbledhja emergjente e Këshillit të Sigurimit u thirr për të diskutuar sekuestrimin e anijeve cisternë, i cili u zhvillua në brigjet e Venezuelës në fillim të këtij muaji.

SHBA-ja ka thënë gjithashtu se po ndiqte një anije cisternë të tretë venezueliane.

Presidenti amerikan, Donald Trump ka akuzuar presidentin e Venezuelës, Nicolas Maduro, se drejton një kartel droge dhe se bandat kishin vepruar pa u ndëshkuar për një kohë shumë të gjatë.

Më 16 dhjetor, Trump urdhëroi një bllokadë detare të të gjitha cisternave të naftës të sanksionuara që hyjnë dhe dalin nga Venezuela.

Presidenti amerikan tha se SHBA-ja do ta mbante ose do ta shiste naftën bruto që ishte sekuestruar, si dhe vetë anijet.

SHBA-ja ka rritur praninë ushtarake në Detin Paqësor dhe Karaibe në muajt e fundit, duke dërguar 15 000 trupa dhe një sërë transportuesish aeroplanësh dhe anijesh luftarake në zonë.

Ky është dislokimi më i madh në rajon që kur SHBA-ja pushtoi Panamanë në vitin 1989, dhe qëllimi i deklaruar ishte të ndalonte rrjedhën e fentanilit dhe kokainës në SHBA.

SHBA-ja ka kryer sulme ndaj atyre që i quajnë anije venezueliane për kontrabandën e drogës, duke synuar më shumë se 20 anije dhe duke vrarë të paktën 100 persona.

Disa ekspertë thonë se sulmet mund të shkelin ligjet që rregullojnë konfliktin e armatosur.

I dërguari i Venezuelës në OKB tha se SHBA-ja po e nënshtron vendin e tij ndaj “shantazhit më të madh” në historinë e saj.

“Jemi në prani të një fuqie që vepron jashtë ligjit ndërkombëtar”, tha Samuel Moncada duke folur në takimin e Këshillit të Sigurimit të OKB-së.

Lidhur me sekuestrimin e naftës venezueliane nga SHBA-ja, ai e quajti atë një plaçkitje, grabitje dhe rikolonizim të Venezuelës.

“Qeveria e Shteteve të Bashkuara të Amerikës nuk ka juridiksion në Karaibe”, shtoi ai.

“Çfarë lidhje ka kjo me drogën?”, tha Moncada duke iu referuar industrisë së naftës venezueliane.

Në përgjigje, ambasadori i SHBA-së në OKB, Michael Waltz, i tha Këshillit të Sigurimit se SHBA-ja nuk e njihte Maduro si udhëheqësin legjitim të Venezuelës.

“Aftësia e Maduro për të shitur naftën e Venezuelës i mundëson pretendimet e tij mashtruese për pushtet dhe aktivitetet e tij narko-terroriste”, tha Waltz.

Gjatë një vizite në një panair tregtar në Karakas, presidenti Maduro tha se Këshilli i Sigurimit po i jepte mbështetje të madhe Venezuelës.

Rusia dhe Kina akuzuan SHBA-në për intimidim dhe agresion.

“SHBA-ja po shkatërron në mënyrë të paligjshme anijet civile në Detin e Karaibeve”, tha ambasadori rus në OKB, Vassily Nebenzia, në takimin e OKB-së.

“Veprimet e SHBA-së kundër anijeve venezueliane, janë një model për akte të ardhshme force kundër shteteve të Amerikës Latine”, shtoi ai.

Ndërkohë, i dërguari i Kinës në OKB, Sun Lei, i bëri thirrje SHBA-së që të ndalonte menjëherë veprimet dhe të shmangte përshkallëzimin e mëtejshëm të tensioneve. //a.i/

The post NJU JORK – Venezuela akuzon SHBA-në për “zhvatje” pas sekuestrimit të cisternave të naftës appeared first on Agjencia Telegrafike Shqiptare.

Qeveria amerikane, ka vendosur një forcë të madhe ajrore dhe ka njoftuar një bllokadë detare të Venezuelës, teksa kjo e fundit e ka akuzuar për financimin e ‘narkoterrorizmi’ dhe shantazh. Karakasi po përballet me një forcë që vepron përtej ligjit ndërkombëtar, duke kërkuar që venezuelianët të largohen nga vendi. Nëse jo, Presidenti i SHBA-së Donald […]

The post Përplasjet Trump-Maduro/ Venezuela akuza SHBA-së për shantazh appeared first on BoldNews.al.

Bllokada dhe pirateria kundër burimeve energjetike të Venezuelës do të ketë një ndikim negativ në eksportin e naftës dhe burimeve të energjisë, do të rrisë paqëndrueshmërinë në tregjet globale dhe do të ketë një efekt negativ në ekonomitë e vendeve të Amerikës Latine dhe Karaibeve, paralajmëroi udhëheqësi venezuelian, paralajmëroi presidenti i Venezuelës, Nicolás Maduro.

Ai iu referuar pranisë së madhe ushtarake të Shteteve të Bashkuara të Amerikës në Karaibe dhe operacioneve të Rojës Bregdetare të SHBA-së – që synojnë cisternat e naftës të sanksionuara në rajon.

“Burimet energjetike nuk duhet të përdoren si instrument i konfrontimit ushtarak dhe presionit politik”, tha Maduro në një letër drejtuar shteteve anëtare të Kombeve të Bashkuara, të cilën ministri i Jashtëm Yván Gil e lexoi sot në një konferencë për shtyp.

Në letër, Maduro dënoi sulmet e SHBA-së ndaj anijeve të dyshuara për kontrabandë droge, – për të cilat tha se ishin vrarë mbi 100 persona në muajt e fundit – si dhe bllokadën e anijeve cisternë që udhëtojnë për në ose nga Venezuela.

“Nëse përdorimi i njëanshëm i forcës, ekzekutimi i civilëve, pirateria dhe plaçkitja e burimeve të shteteve sovrane tolerohen, bota po shkon drejt një përballjeje globale me përmasa të paparashikueshme”, thuhej në letër.

Roja Bregdetare e SHBA-së, që vepron nën drejtimin e Departamentit të Sigurisë Kombëtare, kohët e fundit ka sekuestruar dy anije cisternë në Karaibe.

“Që nga e diela, ajo ka qenë duke ndjekur edhe një anije të tretë, e cila thuhet se është pjesë e të ashtuquajturës “flotë hije” – që Venezuela po përdor për të anashkaluar sanksionet”, sipas raportimeve të medias.

Presidenti i SHBA-së, Donald Trump, njoftoi së fundmi se do të vendoste një bllokadë të plotë për të gjitha anijet cisternë të sanksionuara që hyjnë dhe dalin nga Venezuela.

Trump e justifikoi këtë veprim duke pretenduar se vendi i Amerikës së Jugut kishte vjedhur naftë, tokë dhe asete të tjera nga SHBA-ja, të cilat duhej të ktheheshin.

Shtetet e Bashkuara kanë sekuestruar një tjetër anije cisternë në ujërat ndërkombëtare pranë brigjeve të Venezuelës, shkruajnë mediat e huaja. Ngjarja vjen vetëm disa ditë pasi Presidenti amerikan Donald Trump njoftoi një “bllokadë” ndaj të gjitha cisternave të naftës të sanksionuara që hyjnë dhe dalin nga Venezuela. Ky është rasti i dytë brenda javëve të […]

The post Tensioni Trump-Maduro/ SHBA sekuestron cisternën e dytë me naftë në brigjet e Venezuelës appeared first on BoldNews.al.

Udhëheqësi venezuelian Nicolás Maduro thotë se presioni në rritje nga SHBA-të reduktohet në një gjë: Uashingtoni dëshiron të rrëmbejë rezervat e mëdha të naftës të kombit të Amerikës së Jugut.

Këtë javë ushtria amerikane sekuestroi një cisternë nafte, e cila dyshohet se transportonte naftë venezueliane në shkelje të sanksioneve të SHBA-së, dhe kërcënoi me veprime kundër anijeve të tjera.

Ky veprim pasoi një seri sulmesh ushtarake ndaj anijeve venezueliane, të cilat SHBA-të i pretendojnë si anije trafikimi droge. Presidenti Donald Trump i ka bërë thirrje Maduros të largohet nga detyra, duke e akuzuar atë për dërgimin e narkotikëve dhe vrasësve në SHBA.

Pra, a është nafta e Venezuelës ajo që Trump dëshiron vërtet? Dhe a ia vlen vërtet?

MOSKË, 11 dhjetor /ATSH-DPA/- Presidenti rus, Vladimir Putin e ka siguruar udhëheqësin autoritar të Venezuelës, Nicolas Maduro për mbështetjen e tij – mes tensioneve në rritje midis vendit të Amerikës së Jugut dhe SHBA-së.

“Gjatë një bisede telefonike me Maduro, presidenti Putin nënvizoi partneritetin e ri strategjik midis vendeve dhe siguroi popullin venezuelian për solidaritetin e Rusisë”, tha sot Kremlini.

“Putini thuhet se mbështet rrjedhën e veprimit të Maduro për të mbrojtur interesat kombëtare dhe sovranitetin e vendit përballë presionit të jashtëm në rritje”, sipas deklaratës.

“Të dyja palët rikonfirmuan gatishmërinë e tyre për të zbatuar projekte të përbashkëta në fushat e tregtisë, ekonomisë, energjisë, financave, kulturës, çështjeve humanitare dhe fushave të tjera”, tha Kremlini.

Më herët, Ministria e Jashtme ruse kishte kërkuar qartësi nga ana e SHBA-së lidhur me planet e saj në Venezuelë.

“Moska shpreson që Uashingtoni nuk do të lejojë që situata të përshkallëzohet më tej dhe nuk do të përdorë luftën”, tha zëdhënësja e Ministrisë së Jashtme, Maria Zakharova.

Ajo paralajmëroi se ekziston rreziku që konflikti të ketë pasoja të paparashikueshme për të gjithë Perëndimin.

Ndërkohë, presidenti Putin po vazhdon bisedimet me Trump për t’i dhënë fund këtij konflikti dhe për të përmirësuar marrëdhëniet me SHBA-në. //a.i/

The post RUSI – Putin rikonfirmon mbështetjen për Venezuelën appeared first on Agjencia Telegrafike Shqiptare.

SHBA ka sekuestruar një anije cisternë nafte në brigjet e Venezuelës ka bërë të ditur presidenti Donald Trump. “Siç ndoshta e dini, ne sapo kemi sekuestruar një anije cisternë në bregdetin e Venezuelës, një të madhe… në fakt më e madhja e sekuestruar ndonjëherë… do ta shihni këtë më vonë dhe do të flasim për […]

The post SHBA sekuestron një cisternë të madhe nafte në brigjet e Venezuelës appeared first on BoldNews.al.

Faqet publike të ndjekjes së fluturimeve treguan se dy avionë luftarakë amerikanë F/A-18 iu afruan hapësirës ajrore të Venezuelës rreth mesditës të martën, duke kryer një fluturim të zgjatur mbi Gjirin e Venezuelës teksa Washingtoni po shton presionin ndaj presidentit Nicolas Maduro.

Të dhënat nga faqe si “Flightradar24” treguan se avionët kaluan ngushticën e gjirit dhe kryen më shumë se gjysmë ore manovra mbi Gjirin e Venezuelës, duke tërhequr vëmendje të madhe publike, pasi mijëra njerëz ndoqën në kohë reale pozicionin e tyre online.

Një zyrtar i mbrojtjes i SHBA-së e konfirmoi misionin, duke thënë se Departamenti i Mbrojtjes “kryen operacione rutinë dhe të ligjshme në hapësirën ajrore ndërkombëtare, përfshirë edhe mbi Gjirin e Venezuelës”.

“Ne do të vazhdojmë të fluturojmë në mënyrë të sigurt, profesionale dhe në përputhje me ligjin ndërkombëtar për të mbrojtur atdheun, për të monitoruar aktivitetet e paligjshme dhe për të mbështetur stabilitetin në gjithë Amerikën”, tha një zyrtar, duke folur nën kushte anonimiteti.

Ky hap erdhi në mes të një përshkallëzimi të theksuar të tensioneve ushtarake dhe operacioneve amerikane që synojnë Venezuelën. Tensionet u rritën të shtunën e kaluar, pasi presidenti amerikan Donald Trump njoftoi se hapësira ajrore mbi dhe rreth Venezuelës do të konsiderohet e mbyllur në tërësi.

SHBA-ja ka kryer të paktën 22 sulme si në Detin e Karaibeve, ashtu edhe në Oqeanin Paqësor Lindor ndaj anijeve të dyshuara për transport narkotikësh që nga shtatori, duke vrarë të paktën 87 persona. Javën e kaluar, Trump përsëriti paralajmërimin e tij se së shpejti do të fillojnë goditjet ndaj rrjeteve venezuelase të trafikut të drogës nga toka.

Ndërsa administrata e Trumpit pretendon se po e shënjestron Venezuelën në kuadër të përpjekjeve për të luftuar trafikun e drogës në rajon, qeveria e Maduros kundërpërgjigjet duke thënë se Washingtoni po kërkon “të përvetësojë rezervat e mëdha të naftës së Venezuelës përmes përdorimit vdekjeprurës të forcës ushtarake”, duke theksuar se përpjekjet kundër drogës janë vetëm justifikime për një tentativë të paligjshme për ta larguar Maduron nga pushteti.

Departamenti i Shtetit i SHBA-së ka rilëshuar paralajmërimin e tij më të lartë për udhëtimet drejt Venezuelës, duke këshilluar përsëri të gjithë qytetarët amerikanë dhe banorët e përhershëm ligjorë të largohen nga vendi “menjëherë”.

Këshillimi i Nivelit 4 “Mos udhëtoni” – i cili ishte lëshuar për herë të parë në maj dhe u rinovua pa ndryshime pas një rishikimi të plotë – paralajmëron për rreziqe të rënda, përfshirë arrestime të padrejta, tortura, terrorizëm, rrëmbime, zbatimin arbitrar të ligjeve, krim të dhunshëm, trazira civile dhe kolapsin e sistemit shëndetësor të Venezuelës.

“Të gjithë qytetarët amerikanë dhe Banorët e Përhershëm Ligjorë në Venezuelë këshillohen fuqimisht të largohen menjëherë”, thuhet në këshillim.

Paralajmërimi rikujton se SHBA-ja ka tërhequr gjithë stafin diplomatik nga Karakas, kryeqyteti i vendit të Amerikës së Jugut, në vitin 2019, duke lënë qeverinë pa shërbime konsullore emergjente apo rutinore.

“Çdokush me shtetësi amerikane ose ndonjë status tjetër rezidentësh amerikanë në Venezuelë duhet të largohet menjëherë nga vendi, përfshirë ata që udhëtojnë me pasaportë venezuelase ose të huaj. Mos udhëtoni për asnjë arsye drejt Venezuelës”, thuhet në deklaratë.

Këshillimi gjithashtu përmend mungesa të rënda të karburantit, energjisë elektrike, ujit, barnave dhe materialeve mjekësore në gjithë vendin.

Megjithëse këshillon amerikanët të mos udhëtojnë, Departamenti i Shtetit jep masa paraprake për këdo që vendos të hyjë në Venezuelë ose nuk mund të largohet menjëherë. Rekomandimet përfshijnë përgatitjen e një testamenti, krijimin e një protokolli komunikimi me familjen, angazhimin e sigurisë private dhe blerjen e sigurimit për evakuim mjekësor.

“Nuk ka mënyrë të sigurt për të udhëtuar në Venezuelë”, përfundon këshillimi.

RIO DE ZHANEIRO, 3 dhjetor /ATSH-DPA/- Presidenti venezuelian, Nicolás Maduro ka miratuar një kërkesë te Uashingtonit për të rifilluar fluturimet e deportimit nga Shtetet e Bashkuara, tha dje në mbrëmje ministri i Transportit, Ramón Celestino Velásquez.

Ky vendim vjen mes tensioneve në rritje të ndjeshme midis dy vendeve.

Gjatë fundjavës, presidenti i SHBA-së Donald Trump tha se hapësira ajrore e Venezuelës duhej të konsiderohej e mbyllur.

Karakasi u përgjigj duke thënë se Uashingtoni kishte vendosur në mënyrë të njëanshme të ndalonte fluturimet e mëtejshme të deportimit që transportonin emigrantë.

Trump ka ashpërsuar retorikën dhe veprimet e tij ndaj vendit të Amerikës së Jugut gjatë javëve të fundit.

SHBA-ja ka vendosur aeroplanmbajtësen USS Gerald R Ford dhe anije luftarake shtesë në Karaibe, duke thënë se misioni synon luftimin e trafikut të drogës.

Vëzhguesit kanë spekuluar se Uashingtoni mund të jetë duke përgatitur sulme ndaj objektivave në Venezuelë, ose duke kërkuar një ndryshim të qeverisë në Karakas.

Disa linja ajrore ndërkombëtare pezulluan shërbimet për në Venezuelë pasi Administrata Federale e Aviacionit të SHBA-së (FAA) paralajmëroi për rritje të aktivitetit ushtarak dhe rreziqe të larta sigurie.

Sipas autoriteteve venezueliane, rreth 14 000 emigrantë janë kthyer që nga marsi në një total prej 75 fluturimesh, edhe pse tensionet me Uashingtonin u përshkallëzuan.

Fluturimi më i fundit, nga shteti amerikan i Arizonës, u ul të premten me 136 emigrantë të kthyer. //a.i/

The post VENEZUELË – Maduro miraton kërkesën e Uashingtonit për të rifilluar fluturimet e deportimit nga SHBA-ja appeared first on Agjencia Telegrafike Shqiptare.

Zëdhënësja e Shtëpisë së Bardhë, Caroline Leavitt, refuzoi të hënën të japë detaje mbi arsyet pse u konsiderua e nevojshme një goditje e dytë amerikane ndaj një skafi që po lundronte pranë Venezuelës, pasi disa persona kishin mbijetuar nga sulmi i parë.

Sipas CNN, Leavitt deklaroi se skafi transportonte drogë dhe për këtë arsye përbënte kërcënim për SHBA-në. Por kur u pyet se çfarë rreziku paraqisnin të mbijetuarit pas sulmit të parë dhe pse duhej goditja e përsëritur, ajo nuk dha sqarime të mëtejshme.

“Admirali Bradley veproi brenda kompetencave dhe ligjit, duke urdhëruar goditjen për të siguruar shkatërrimin e plotë të mjetit lundrues dhe eliminimin e kërcënimit që përbënin trafikantët e drogës për Shtetet e Bashkuara,” tha Leavitt, duke iu referuar admiralit Frank M. ‘Mitch’ Bradley.

Ajo shtoi se çdo pyetje shtesë mbi arsyetimin e këtij vendimi duhet t’i drejtohet Departamentit të Mbrojtjes, pasi “nuk ka qenë e pranishme në sallën e vendimmarrjes”.

Lidhur me një rast tjetër në tetor, kur dy të mbijetuar u shpëtuan dhe u riatdhesuan, Leavitt tha se nuk ka dijeni për ndonjë ndryshim të politikës amerikane: “Jo, nga sa di unë.”

Ministri i Mbrojtjes informon Kongresin pas shqetësimeve për ligjshmërinë e sulmit

Shtëpia e Bardhë konfirmoi gjithashtu se ministri i Mbrojtjes, Pete Hegseth, ka zhvilluar biseda me ligjvënës që shprehën shqetësim për sulmin e përsëritur më 2 shtator, i cili dyshohet se vrau çdo të mbijetuar të skafit të dyshuar për trafik droge në Karaibe.

“Sulmi u krye në ujëra ndërkombëtare dhe në përputhje me ligjin e konflikteve të armatosura,” tha zëdhënësja Leavitt.

Ajo nuk specifikoi se me cilët anëtarë të Kongresit është konsultuar ministri.

Ligjvënës nga të dyja partitë kanë ngritur pikëpyetje mbi ligjshmërinë e urdhrit për goditjen e dytë, ndërsa kërkojnë transparencë mbi procedurat dhe justifikimet ligjore.

Sipas Shtëpisë së Bardhë, deri tani janë zhvilluar 13 informime të mbyllura për Kongresin mbi operacionet në Venezuelë, si dhe disa seanca të posaçme për shqyrtimin e dokumenteve të klasifikuara, përfshirë opinionin ligjor të Departamentit të Drejtësisë.

The post Sulmi i dytë ndaj skafit me drogë pranë Venezuelës shkakton debat në Kongres, Shtëpia e Bardhë: U eleminua kërcënimi i radhës i trafikantëve appeared first on Albeu.com.

Presidenti amerikan Donald Trump ka thirrur sot pasdite një takim urgjent në Zyrën Ovale, mbi hapat e mëtejshëm në Venezuelë, ndërsa Shtetet e Bashkuara shtojnë presionin mbi vendin me operacione mbi objektivat detare dhe një prani ushtarake të forcuar në Karaibe.

Sipas burimeve të cituara nga CNN, në takim pritet të marrin pjesë anëtarë të lartë të Kabinetit dhe ekipit të sigurisë kombëtare, përfshirë Sekretarin e Mbrojtjes Pete Hegseth, Shefat e Shtabit të Përbashkët të Ushtrisë Gjeneral Dan Kaine dhe Sekretarin e Shtetit Marco Rubio, si dhe Shefen e Shtabit të Shtëpisë së Bardhë Susie Wiles dhe Zëvendës Shefin e Shtabit Stephen Miller.

Takimi, i planifikuar për në orën 5 pasdite, vjen ndërsa Shtetet e Bashkuara kanë shtuar presionin mbi Venezuelën, me bastisje ndaj anijeve të dyshuara për drogë dhe një forcim ushtarak në Karaibe.

Trump tha javën e kaluar se Shtetet e Bashkuara do t’i japin fund “shumë shpejt” trafikut të drogës në tokë, përveç operacioneve detare.

Gjatë fundjavës, Trump lëshoi ​​një paralajmërim të gjerë në mediat sociale, duke u bërë thirrje linjave ajrore, pilotëve dhe rrjeteve kriminale të shmangin hapësirën ajrore të Venezuelës, dhe të dielën ai u kërkoi gazetarëve “të mos i kushtojnë shumë vëmendje” postimit në Twitter.

Ai gjithashtu konfirmoi se kishte folur me Presidentin e Venezuelës, Nicolas Maduro, në telefon, por nuk dha detaje të bisedës.

Takimi në Shtëpinë e Bardhë vjen ndërsa anëtarët e Kongresit vazhdojnë të vënë në pikëpyetje ligjshmërinë e sulmeve të SHBA-së ndaj anijeve të dyshuara për trafik droge në rajon, të cilat kanë vrarë më shumë se 80 persona.

The post Trump thërret takim urgjent në Zyrën Ovale për Venezuelën! A do sulmohet Maduro dhe çfarë pritet të ndodhë? appeared first on Albeu.com.

Ulja e papritur e avionit presidencial venezuelas në Santa Elena de Uairén, një qytet kufitar vetëm disa kilometra nga Brazili, po interpretohet si një prej zhvillimeve më të rëndësishme politike në Venezuelën e viteve të fundit. Edhe pse nuk ka asnjë konfirmim zyrtar për praninë e Nicolás Maduro-s në bord, fakti që avioni i tij […]

The post Venezuela në Orë Vendimtare: Lëvizja që Shkund Rajonin appeared first on BoldNews.al.

UASHINGTON, 29 nëntor /ATSH/- Presidenti i Shteteve të Bashkuara të Amerikës, Donald Trump njoftoi sot se hapësira ajrore mbi dhe rreth Venezuelës do të mbyllej plotësisht, sipas “Reuters”.

“Për të gjitha linjat ajrore, pilotët, trafikantët e drogës dhe trafikantët e qenieve njerëzore, ju lutem merrni në konsideratë mbylljen plotësisht, te hapësirës ajrore mbi dhe rreth Venezuelës”, tha Trump në një postim në “Truth Social”.

Javën e kaluar, rregullatori i aviacionit në SHBA paralajmëroi linjat ajrore kryesore për një situatë potencialisht të rrezikshme gjatë fluturimeve mbi Venezuelë – për shkak të një situate sigurie në përkeqësim dhe aktivitetit të shtuar ushtarak në ose përreth vendit.

Venezuela revokoi të drejtat e operimit për gjashtë linja ajrore të mëdha ndërkombëtare që kishin pezulluar fluturimet në vend – pas një paralajmërimi nga Administrata Federale e Aviacionit në SHBA. //a.i/

The post SHBA – Trump: Hapësira ajrore mbi dhe përreth Venezuelës do të mbyllet tërësisht appeared first on Agjencia Telegrafike Shqiptare.

Ministria e Jashtme e Gjermanisë ka këshilluar qytetarët e saj të mos udhëtojnë në Venezuelë, duke përmendur përkeqësimin e situatës në Karaibe dhe një paralajmërim të ngjashëm nga Autoriteti i Aviacionit Civil amerikan.

Situata në vendin e Amerikës së Jugut është e tensionuar dhe mund të përkeqësohet më tej papritur, sipas njoftimit për udhëtim të Berlinit.

Gjermania thotë se Venezuela drejtohet nga një regjim autoritar dhe paralajmëron se përveç bllokimeve të rrugëve dhe kontrolleve policore, kufizimet në rrjetet e telefonisë celulare dhe aksesin në internet janë të mundshme. Deklarata gjithashtu vëren se qytetarët e shteteve anëtare të Bashkimit Europian janë arrestuar dhe akuzuar për mbështetje të terrorizmit nga autoritetet e Karakasit.

Forca të mëdha të ushtrisë amerikane janë grumbulluar në Karaibe dhe që nga shtatori sulmet ndaj anijeve që Uashingtoni thotë se transportonin drogë, kanë vrarë rreth 80 persona.

Federata amerikane e aviacionit civil kishte paralajmëruar për rreziqe të mundshme për udhëtimin ajror drejt vendit të Amerikës Latine dhe disa linja ajrore kanë vendosur të pezullojnë fluturimet nga Venezuela dhe drejt saj.

Presidenti i Venezuelës, Nicolas Maduro, tha se vendi i tij nuk do të dekurajohet nga “lufta psikologjike” e Shteteve të Bashkuara dhe sa i përket anulimit të fluturimeve, shtoi se për këdo që shkel rregullat zbatohet ligji.

Ndërkohë media amerikane Axios raporton se presidenti Donald Trump u ka thënë këshilltarëve të tij se po planifikon të flasë drejtpërdrejt me Nicolás Maduro.

Kreu i Shtëpisë së Bardhë nuk i kishte përjashtuar bisedimet me homologun e vendit të amerikës latine edhe më parë e po ashtu edhe Maduro.

Por Uashingtoni e ka akuzuar vazhdimisht Maduron se është në krye të kartelit de los Soles, që u shpall zyrtarisht një organizatë terroriste e huaj nga Departamenti i Shtetit më 24 nëntor.

Një forcë sulmuese detare amerikane e përqendruar rreth anijes luftarake më të madhe në botë, USS Gerald R Ford, ka mbërritur në Karaibe, ka konfirmuar Marina Amerikane.

Mbërritja e grupit sulmues, i cili u urdhërua në rajon nga Presidenti Donald Trump muajin e kaluar, vjen mes sulmeve të vazhdueshme kundër anijeve të dyshuara për drogë dhe tensioneve me Venezuelën.

SHBA-të deri më tani kanë kryer të paktën 19 sulme kundër anijeve në Karaibe dhe në Paqësorin lindor, duke vrarë të paktën 76 persona.

Presidenti i Venezuelës, Nicolas Maduro dhe zyrtarë të tjerë venezuelianë kanë akuzuar SHBA-në për “fabrikim” të një krize dhe për përpjekje për të rrëzuar qeverinë.

Tensionet mes Shteteve të Bashkuara dhe Venezuelës kanë ardhur në rritje dhe të dyja vendet kanë përgatitur një mobilizim ushtarak të madh.

Një forcë sulmuese detare amerikane e përqendruar rreth anijes luftarake më të madhe në botë, Gerald  Ford, ka mbërritur në Karaibe.

Mbërritja e grupit sulmues, i cili u urdhërua në rajon nga Presidenti Donald Trump muajin e kaluar, vjen mes sulmeve të vazhdueshme kundër anijeve të dyshuara për drogë dhe tensioneve me Venezuelën.

Shtetet e Bashkuara deri më tani kanë kryer të paktën 19 sulme kundër anijeve në Karaibe dhe Paqësorin lindor, duke vrarë të paktën 76 persona.

Forca amerikane e vendosur në Karaibe  përfshin aeroplanmbajtësen Gerald  Ford, e cila mban më shumë se 4,000 marinarë dhe dhjetëra avionë. Forca e sulmit përfshin gjithashtu raketa dhe anije të ndryshme.

Ky grup bashkohet me forca të konsiderueshme ushtarake të vendosura tashmë në rajon, duke përfshirë mijëra trupa, një nëndetëse me energji bërthamore dhe avionë ushtarakë të bazuar në Porto Riko. Së bashku, ata formojnë praninë më të madhe amerikane të vendosur në dhe përreth Amerikës Latine në dekada.

Dhe Nicolas Maduro duket se ishte në gatishmëri, pasi Venezuela filloi një mobilizim të madh ushtarak në përgjigje të lëvizjeve amerikane. Ushtria e vendit filloi ushtrime ushtarake me qëllim mbrojtjen e hapësirës së saj ajrore kundër një agresioni të mundshëm të huaj.

Përafërsisht 200,000 anëtarë të forcave të armatosura, milicive, policisë dhe udhëheqësve të komunitetit marrin pjesë në ushtrimet, të cilat do të vazhdojnë deri të mërkurën në Karakas dhe në të gjithë vendin.

Ndërkohë tensionet kanë qenë në rritje edhe mes Shteteve të Bashkuara dhe Kolumbisë. Së fundi, presidenti kolumbian Gustavo Petro urdhëroi forcat e sigurisë publike të vendit të tij të pezullojnë ndarjen e inteligjencës me agjencitë amerikane derisa të ndalen sulmet ndaj anijeve në Karaibe.

/abcnews.al/

RIO DE ZHANEIRO, 4 nëntor /ATSH-AFP/ – Presidenti brazilian, Luiz Inacio Lula da Silva hodhi poshtë sot një ndërhyrje të mundshme tokësore të SHBA-së në Venezuelë duke përsëritur gatishmërinë e tij për të ndërmjetësuar mes dy vendeve.

“Nuk dua një pushtim tokësor të Venezuelës nga forcat e armatosura të SHBA-së”, tha Lula në Belem, gjatë një interviste me agjencitë ndërkombëtare të lajmeve.

Homologu i tij amerikan, Donald Trump, ka urdhëruar një vendosje të madhe ushtarake në Karaibe, me objektivin e deklaruar të luftimit të trafikut të drogës.

Presidenti venezuelian Nicolás Maduro, i akuzuar nga presidenti amerikan për udhëheqjen e një karteli droge, pohon se objektivi i vërtetë i Uashingtonit është “të imponojë ndryshimin e regjimit” në Karakas dhe të sekuestrojë naftën venezueliane.

“I thashë presidentit Trump gjatë një takimi në Kuala Lumpur muajin e kaluar se problemet politike nuk zgjidhen me armë. Ato zgjidhen përmes dialogut”, tha Lula.

Udhëheqësi i krahut të majtë, i cili ndodhet në Belém për të kryesuar samitin e klimës COP30 të enjten dhe të premten, beson se Shtetet e Bashkuara duhet të përpiqen të ndihmojnë vendet në luftën e tyre kundër trafikut të drogës në vend që të përpiqen t’i sulmojnë ato.

Sipas Lulës, çështja do të trajtohet në një samit të Komunitetit të Shteteve të Amerikës Latine dhe Karaibeve (CELAC), i planifikuar për 9 dhe 10 nëntor në qytetin kolumbian të Santa Martës./ /os/

The post BRAZIL – Lula kundër një pushtimi tokësor amerikan në Venezuelë appeared first on Agjencia Telegrafike Shqiptare.

Mediat amerikane raportojnë se sulmet ajrore ndaj bazave ushtarake të regjimit të Nicolas Madurós mund të jenë “çështje ditësh, madje orësh”. Sipas këtyre mediave, administrata e presidentit Donald Trump ka marrë tashmë vendimin për të goditur objektivat ushtarake brenda Venezuelës, në kuadër të asaj që në Uashington cilësohet si faza e dytë e fushatës kundër […]

The post SHBA mund të sulmojë bazat ushtarake të Maduros appeared first on BoldNews.al.

UASHINGTON, 31 tetor /ATSH-DPA/ – Presidenti amerikan Donald Trump mohoi sot se kishte marrë një vendim për të goditur brenda Venezuelës si pjesë e një fushate ushtarake kundër karteleve të drogës.

“Ka raportime se po shqyrtoni goditje brenda Venezuelës. A është e vërtetë?”, e pyeti një gazetar Trumpin në bordin e “Air Force One”, ndërsa presidenti po fluturonte drejt Floridës për fundjavë.

“Jo”, u përgjigj Trump.

Kur u pyet sërish nëse ishte marrë ndonjë vendim, ai tha se “jo, nuk ishte e vërtetë”.

Gazetat “Miami Herald” dhe “Wall Street Journal”, duke cituar burime të informuara për çështjen, raportuan kohët e fundit se mund të ndodhin së shpejti goditje amerikane ndaj Venezuelës, duke synuar objekte ushtarake që dyshohet se përdoren për trafik droge.

Trump është zotuar vazhdimisht të ndërmarrë masa të ashpra kundër karteleve të drogës.

“Mendoj se ne thjesht do t’i vrasim njerëzit që sjellin drogë në vendin tonë, dakord?”, tha ai në fillim të javës. “Ne do t’i vrasim ata, e kuptoni? Ata do të jenë, si të thuash, të vdekur”.

Ai gjithashtu ngriti mundësinë e operacioneve tokësore pa përmendur në mënyrë të drejtpërdrejtë Venezuelën.

Aktiviteti në rritje ushtarak i SHBA-së ka nxitur frikë në Venezuelë për një sulm amerikan që synon rrëzimin e qeverisë autoritare të presidentit Nicolás Maduro. /Ad.Ab./

The post UASHINGTON – Trump: Asnjë vendim për të goditur brenda Venezuelës appeared first on Agjencia Telegrafike Shqiptare.