Aeroporti i Berlinit-Brandenburgut është mbyllur mëngjesin e sotëm për të ngricave që kanë përfshirë pistën.

“Për shkak të akullit dhe shiut që vazhdon, aktualisht nuk janë të mundura ngritje ose ulje në Aeroportin e Berlinit “, njoftuan autoritetet.

Ndërkohë ekipet tokësore të aeroportit po bëjnë përpjekje për të hequr akullin e zi (një sipërfaqe akulli e lëmuar, pothuajse e padukshme dhe shumë e rrëshqitshme) nga pista e aeroportit dhe zonat e tjera ku ata operojnë. Megjithatë situata mbetet ende problematike.

/abcnews.al/

Finalizohet operacioni i koduar “Livadhet 3”. Gjatë operacionit është arrestuar 19-vjeçari Ornaldo  Çerenishta.

Shërbimet e Policisë gjetën në banesën e 19-vjeçarit dhe sekuestruan në cilësinë e provës materiale; 164 300 euro të dyshuara të falsifikuara, municion luftarak, 8 celularë, një sasi lënde djegëse, 1 automjet që dyshohet se është vjedhur në qytetin e Fushë Krujës, në vitin 2019, dhe 2 targa të dyshuara të vjedhura në qytetin e Tiranës, në vitin 2025.

Ndërkohë vijon puna intensive për dokumentimin e plotë të veprimtarisë kriminale të shtetasit të arrestuar.

Materialet procedurale iu referuan Prokurorisë së Shkodrës, për veprime të mëtejshme.

Dalin sot para Gjykatës së Durrësit 20 personat e arrestuar për mbetjet e rrezikshme të Kurum, ku pritet të njihen me masën e sigurisë.

Pas më shumë se një viti kur Prokuroria e Durrësit sekuestroi 2800 tonë mbetje të rrezikshme të kompanisë “Kurum”.

Për shkak të reshjeve të 24 orëve të fundit në zonat malore, janë shfaqur probleme në aksin që lidh Thethin me Bogën, konkretisht në zonën e Qafë Thores, ku si pasojë e ortekëve dhe reshjeve të dëborës ka pasur bllokim të rrugës.

Firma kontraktuese ka punuar për të mundësuar hapjen e këtij segmenti dhe tashmë ai është i hapur, por kërkohet kujdes i shtuar nga drejtuesit e mjeteve.

Drejtuesit e automjeteve duhet të jenë të pajisur me goma dimërore dhe zinxhirë.

Sa i përket zonave të tjera, nuk raportohen probleme në qarkullimin e automjeteve.

Segmenti rrugor Bogë–Qafë Thore–Theth, gjatë dimrit, është i ekspozuar ndaj ortekëve, të cilët krijojnë probleme dhe vështirësi në ndërhyrje nga ana e firmës kontraktuese.

Organizata “Kolektivi për Mendim dhe Veprim Feminist”, në bashkëpunim me “Përpjekja”, kanë paralajmëruar mbajtjen e një proteste si reagim ndaj sinjaleve për shtrenjtim të energjisë elektrike.

Sipas njoftimit të tyre, protesta do të zhvillohet sot nga ora 13:00. Organizimi do të jetë pranë objektit të KEDS-it, ndërsa marshimi do të vazhdojë deri te ndërtesa e Qeverisë së Kosovës.

“Që nga viti 2022, faturat e rrymës shtrejtohen në baza vjetore. KEDS-i kërkon rritje të faturave, ndërsa ZRrE-ja, si të ishte argat i tyre, ia aprovon çdo kërkesë në kurriz të popullit. Sot qytetarët/et e Kosovës nuk paguajnë vetëm koston e rrymës: ne paguajmë për humbjet e KEDS-it, paguajmë për keqmenaxhimin e tyre, paguajmë për etjen e tyre të pafund e për çdo gabim që ata bëjnë, krejt kjo vetëm për t’i siguruar që xhepat e tyre të vazhdojnë të trashen në kurrizin tonë.Në shkëmbim ne prapë kalojmë ditë pa rrymë, me mosfurinizim të bollshëm, pa ngrohje në ditë dimri e me shtrenjtime të vazhdueshme të çdo aspekti të jetës sonë si pasojë e rritjes së çmimit të rrymës.

Pas rritjes prej 16.1% që na u bë në mënyrë grabitqare nga ZRrE-ja vitin e kaluar, edhe sivjet po na paralajmërohet një vjedhje tjetër, tash diku 20%. Kjo hile e radhës prapë po i bashkon institucione publike e private që për ta pasuru KEDS-in po na e kthejnë kamxhikun neve, për të na rrjepë deri në cent të fundit”, shkruhet në njoftimin e tyre.

Në reagimin e tyre thuhet gjithashtu se kërkesat e njëpasnjëshme të KEDS-it për shtrenjtim të tarifave janë miratuar nga Zyra e Rregullatorit për Energji (ZRrE), duke e zhvendosur barrën financiare te konsumatorët, shkruajnë mediat në Kosovë.

“KEDS-i vazhdon t’i mbledhë frytet e punës së punëtorëve/eve të KEK-ut që punojnë natë e ditë për ta prodhuar rrymën të cilën e blen shumë lirë e neve na e shet shumëfish. Përveç që vazhdon ta shfrytëzojë asetin publik dhe punën e dinjitetin e punëtorëve/eve të KEK-ut, KEDS-i, i ndihmuar vazhdimisht nga ZRrE-ja, po tenton të na varfërojë edhe më tej.

TIRANË– Policia e Tiranës ka arrestuar në flagrancë dy persona, banues në Tiranë.

Ata kishin përshtatur një ambient në banesën e tyre, në rrugën “Ali Demi”, për përgatitjen e tabletave të lëndës narkotike ekstazi (MDMA), me qëllim shitjen, kryesisht në lokalet e natës.

Nga kontrolli i ushtruar në banesë, u sekuestruan 2200 tableta me lëndë të dyshuar narkotike ekstazi (MDMA), si dhe 2 aparate celularë, në cilësinë e provës materiale.

Grupi hetimor po heton rolet e të arrestuarve me qëllim zbardhjen e veprimtarisë kriminale./abcnews.al

VATIKAN- Kryeministri Edi Rama zhvilloi një vizitë zyrtare në Vatikan, ku të enjten u takua me Papa Leonin XIV. Në këtë takim, Rama u shoqërua nga bashkëshortja e tij Linda Rama dhe djali Zaho.

Me anë të një video, Rama ndau momente nga takimi përmes një postimi në rrjetet sociale.

“Mirëmëngjes dhe me disa çaste të bukura nga takimi me Papa Leonin XIV, ju uroj një ditë të mbarë.”

Takimi u mbajt në Pallatin Apostolik të Vatikanit, ndërsa bisedimet zyrtare vijuan në Sekretarinë e Shtetit të Selisë së Shenjtë. Fokus i diskutimeve ishte situata në Ballkan dhe procesi i integrimit evropian të Shqipërisë.

Gjatë takimeve me Sekretarin e Shtetit të Vatikanit, kardinalin Pietro Parolin, dhe sekretarin për Marrëdhëniet me Shtetet dhe Organizatat Ndërkombëtare, imzot Paul Richard Gallagher, u vlerësuan marrëdhëniet e mira mes Selisë së Shenjtë dhe Shqipërisë, si dhe u trajtuan çështje me interes të përbashkët që lidhen me bashkëjetesën mes komunitetit kishtar dhe atij civil.

Gjatë qëndrimit në Vatikan, Rama  u prit në oborrin “San Damaso” të Pallatit Apostolik nga Prefekti i Shtëpisë Papnore. Ndërkohë, të mërkurën, Kryeministri përcolli një lutje për popullin shqiptar në bazilikën “Regina di Albania”, ku ndodhet shëmbëlltyra e Zojës së Këshillit të Mirë.

“O Mari, Nënë e ëmbël e Këshillit të Mirë, kaq e dashur për bijtë e Shqipërisë në atdhe dhe jashtë atdheut! Sot po vijmë tek ti, edhe një herë, të ta besojmë popullin tonë, familjet tona, rininë tonë. Ti që je Zojë e Shkodrës dhe e mbarë Shqipërisë, na udhëhiq në rrugën e së mirës, na jep dritë në dyshime dhe ngushëllim në provat e jetës. Nën mbrojtjen tënde kërkojmë strehë, o Virgjër e bekuar. Mbroje Shqipërinë, ndriço mendjet tona dhe na bëj të jemi gjithmonë besnikë ndaj Birit tënd, Jezusit. O Zoja e Këshillit të Mirë, lutu për ne”,  thuhej në lutjen e kryeministrit.

Vizita përfshiu gjithashtu ndalesa në Bazilikën e Shën Pjetrit dhe në ambientet e “Stanza delle Lacrime”, ndërsa në përfundim Kryeministri Rama dhe bashkëshortja e tij vizituan vendvarrimin e Papa Françeskut në bazilikën Santa Maria Maggiore.

Zyrtarë të lartë amerikanë dhe iranianë pritet të takohen në Oman për bisedime mes një krize që ka ngritur frikën e një përballje ushtarake midis dy vendeve.

Diskutimet vijnë pas një grumbullimi ushtarak amerikan në Lindjen e Mesme në përgjigje të shtypjes së dhunshme të protestave antiqeveritare në të gjithë vendin muajin e kaluar nga Irani, në të cilat, sipas grupeve të të drejtave të njeriut, u vranë mijëra njerëz.

Të dy vendet mbeten shumë larg njëra-tjetrës në qëndrimet e tyre. Shpresa është që, nëse janë të suksesshme, diskutimet mund të çojnë në një kornizë për negociata, raportoi BBC.

SHBA-ja, e cila ka kërkuar që Irani të ngrijë programin e tij bërthamor dhe të heqë dorë nga rezervat e uraniumit të pasuruar, ka thënë se bisedimet duhet të përfshijnë edhe raketat balistike të Iranit, mbështetjen e tij për grupet e armatosura rajone dhe trajtimin e qytetarëve të tij.

Irani megjithatë ka thënë se diskutimet do të kufizohen në programin e tij bërthamor, dhe është e paqartë nëse këto diferenca mes të dyjave janë zgjidhur.

Në javët e fundit, presidenti amerikan Donald Trump ka kërcënuar se do ta bombardojë Iranin nëse nuk arrihet një marrëveshje. Irani nga ana tjetër është zotuar se do t’i përgjigjej një sulmi me forcë, duke kërcënuar të sulmojë asetet ushtarake amerikane në Lindjen e Mesme dhe Izrael.

Me sa duket Greqia dhe Turqia duan të bisedojnë përsëri – në nivelin më të lartë. Duke filluar nga e hëna (09.02.26) në Ankara do të mblidhet “Këshilli Suprem i Bashkëpunimit Greqi-Turqi”.

Nëse gjithçka shkon sipas planit në tryezë do të jenë të pranishëm edhe presidenti turk, Rexhep Taip Erdogan dhe kryeministri grek Kyriakos Mitsotakis. Ekziston edhe mundësia e një takimi posaçëm midis dy udhëheqësve në një ditë tjetër.

Pas një periudhe të vështirë dhe plot konflikte në Mesdheun Lindor, në vitin 2010 u krijua Këshilli i Lartë i Bashkëpunimit. Ndonjë sukses të madh ai ende nuk ka arritur. Megjithatë Këshilli përpiqet të promovojë një agjendë pozitive mes dy partnerëve të NATO-s, veçanërisht në fushat e ekonomisë dhe të turizmit. Por ai është mbledhur vetëm pesë herë deri tani, takimi i fundit u bë në Athinë në dhjetor 2023.

“Turqia bën kërkesa dhe pretendime territoriale të njëanshme, që nuk kanë bazë ligjore dhe nuk mund të jenë temë serioze debati”, shpjegonte në atë kohë Konstantinos Filis, drejtor i kërkimeve në Institutin e Marrëdhënieve Ndërkombëtare të Athinës në intervistë me DW. “Greqia pret që Turqia të përmbushë gjithmonë kërkesat e saj dhe të bëjë lëshime”, kundërshtonte Fuat Aksu, shkencëtar politik në Universitetin Teknik Yildiz në Stamboll.

Navtex, një pikë e re debati

Që atëherë nuk ka ndryshuar shumë në Detin Egje. Tensioneve u shtohet një pikë tjetër debati: Të enjten e kaluar Turqia përdori sistemin navigacionit detar “Navtex” për të paralajmëruar për rreziqet e sigurisë dhe aktivitetet ushtarake greke. Paralajmërime të ngjashme ka pasur edhe në të kaluarën.

Në fund të fundit bëhet fjalë për autoritet në Egje: Kush ka të drejtë të deklarohet përgjegjës për çështjet e sigurisë? Athina flet për një përpjekje të paligjshme të fqinjit të saj për të zgjeruar ujërat e tij territoriale. Një “provokim të ri turk” e konsideron këtë gazeta e njohur javore greke “To Vima”.

Nga këndvështrimi turk kjo është thjesht një çështje rutine, që përputhet me legjislacionin aktual. Por mund të jetë më shumë se kaq: sipas gazetës proqeveritare Türkiye: “Navtex ka shkaktuar panik në Greqi dhe ka ndryshuar status quonë në Egje”.

Për kryeministrin grek Mitsotakis mosmarrëveshja për Navtex do të thotë edhe më shumë presion nga e djathta. “Turqia po rrëmben gjysmën e Egjeut, por qeveria jonë nuk sheh asnjë arsye për shqetësim”, ankohet Kyriakos Velopoulos, kryetar i partisë së djathtë populiste “Zgjidhja Greke” (EL), e cila sipas sondazheve ka arritur vendin e tretë, përsa i përket mbështetjes së votuesve.

Grindje pa fund megjithë konvetën e OKB-së për Ligjin e Detit

Prej dekadash Greqia dhe Turqia grinden për shelfin kontinental para bregdetit turk, shfrytëzimin e lëndëve të para dhe për një zgjerim të mundshëm të ujërave territoriale në Egje. Në kuadër të doktrinës së saj ushtarake aktuale “Atdheu Blu” Turqia pretendon edhe territore detare prej më shumë se 450.000 kilometra katrorë para bregdetit të saj.

Si busull ligjore në raste të tilla shërben Konventa e Kombeve të Bashkuara e vitit 1982 mbi të Drejtën e Detit, megjithëse Turqia nuk e ka nënshkruar atë. Por ajo mund të zbatohej: sipas mendimit mbizotërues të juristëve ky traktat pasqyron të drejtën ndërkombëtare zakonore ekzistuese – dhe për këtë arsye është i detyrueshëm edhe për ata, që nuk e kanë nënshkruar.

Asnjë marrëveshje në horizont

Sipas Konventës së OKB-së mbi të Drejtën e Detit çdo shtet mund të përcaktojë në parim ujërat territoriale, që shtrihen deri në 12 milje detare. Por ekziston një përjashtim i rëndësishëm: Në rastet e kufijve të paqartë ose mbivendosjeve, palët e përfshira duhet të arrijnë një marrëveshje dypalëshe. Por marrëveshja midis Greqisë dhe Turqisë është ende në pritje.

Që në vitin 1995 parlamenti turk e pati shpallur zgjerimin e ujërave territoriale greke në Detin Egje “shkak për luftë”. Sepse në një rast të tillë Egjeu do të bëhej një lloj deti i brendshëm grek.

Në vitin 2021 qeveria e Athinës i zgjeroi ujërat e saj territoriale në 12 milje detare në Detin Jon drejt Italisë. Sot Greqia rezervon në mënyrë të qartë të drejtën për të zgjeruar ujërat e saj territoriale edhe në Detin Egje, tha së fundmi ministri i Mbrojtjes Nikos Dendias për stacionin televiziv të Athinës “Open”.

Si instancë e fundit në të gjitha çështjet e së drejtës ndërkombëtare konsiderohet Gjykata Ndërkombëtare e Drejtësisë (GJND) në Hagë. Por ky organ i Kombeve të Bashkuara nuk vepron me iniciativën e vet. Si Greqia ashtu edhe Turqia do të duhet të paraqesin një kërkesë të përbashkët, për të autorizuar gjykatën që të ndërmjetësojë. Për këtë debatohet që nga viti 1976. Deri tani pa sukses./DW

Ushtria e Shteteve të Bashkuara të Amerikës (SHBA) ka intensifikuar sërish sulmet ndaj anijeve që pretendohet se transportojnë drogë, ndërsa në sulmin më të fundit ndaj një anijeje në Oqeanin Paqësor lindor është njoftuar se dy persona janë vrarë.

Komanda Jugore e SHBA-së (SOUTHCOM), e cila mbikëqyr operacionet ushtarake amerikane në Amerikën Latine, deklaroi të enjten se “dy narko-terroristë u vranë gjatë këtij operacioni”.

SOUTHCOM nuk ofroi asnjë provë që do të mbështeste pretendimin se anija dhe dy viktimat ishin të përfshira në trafik droge. Sipas të dhënave të grupit monitorues Airwars, në sulmet amerikane ndaj anijeve në Paqësor dhe Karaibe janë vrarë 126 persona në të paktën 34 sulme që nga incidenti i parë i regjistruar në shtator të vitit 2025.

Vrasjet e fundit do ta çojnë numrin e të vrarëve në të paktën 128, raportojnë mediat.

Administrata e Trumpit i ka mbrojtur sulmet duke e krahasuar tregtinë e drogës me një sulm të armatosur ndaj SHBA-së dhe duke i cilësuar shumë nga grupet kriminale të përfshira në trafik droge si organizata “terroriste”.

Ekspertë të së drejtës ndërkombëtare, aktivistë për të drejtat e njeriut dhe liderë rajonalë i kanë hedhur poshtë pretendimet e SHBA-së, duke paralajmëruar se sulmet përbëjnë vrasje jashtëgjyqësore dhe se nuk ekziston një gjendje konflikti të armatosur që do t’i justifikonte këto operacione.

“Nuk ekziston asnjë autorizim në të drejtën ndërkombëtare për përdorimin e forcës ushtarake në det të hapur për të vrarë trafikantë të dyshuar droge apo banda narkotike”, ka deklaruar më herët Ben Saul, raportues special i Kombeve të Bashkuara për mbrojtjen e të drejtave në luftën kundër terrorizmit. /Telegrafi/

Aksionet e kompanisë Amazon u tregtuan ndjeshëm më poshtë pasi kompania sinjalizoi plane për shpenzime agresive në fushën e inteligjencës artificiale.

Aksionet ranë pothuajse 5 për qind deri në mbyllje të tregut dhe shënoi një tjetër rënie prej 7 për qind në seancën pas mbylljes së tregut.

Më herët, Amazon njoftoi shpenzime kapitale masive rreth 200 miliardë dollarë për vitin 2026 në fushën e inteligjencës artificiale.

Investitorët u shqetësuan se investimet e mëdha të kompanisë në infrastrukturën e inteligjencës artificiale do të ushtronin presion mbi marzhet e fitimit në afat të shkurtër.

Shitja e aksioneve në sektorin e teknologjisë tërhoqi gjithashtu poshtë edhe lojtarë të tjerë të mëdhenj të industrisë pas njoftimeve të ngjashme për shpenzime.

Kjo rënie shënoi një nga uljet më të mëdha brenda një dite për kompaninë në muajt e fundit.

Dashi

Sot ndjeni një energji të re që ju shtyn të përballeni me vendosmëri me çështje që kanë mbetur pezull. Marrëdhëniet personale përmirësohen falë hapjes suaj, por përpiquni të dëgjoni edhe të tjerët: nxitimi mund të sjellë keqkuptime. Në punë, përqendrohuni te detyrat më të vështira, sepse përpjekja e sotme do të japë rezultate konkrete në vazhdim.

Demi

Mund të ndiheni pak më të tërhequr në vetvete se zakonisht, por kjo është dita e duhur për të organizuar dhe planifikuar. Kujdes me çështjet financiare: detajet e vogla bëjnë diferencën. Në dashuri, stabiliteti shpërblehet, ndërsa beqarët mund të kenë takime interesante në situata të papritura.

Binjakët

Të dashur Binjakë, marrëdhëniet janë në qendër të vëmendjes sot: miqësia, dashuria dhe puna kërkojnë fleksibilitet. Kurioziteti dhe sharmi ju ndihmojnë të krijoni kontakte stimuluese. Në punë mund të lindin ide të reja; merrni kohën e duhur për t’i zhvilluar pa u nxituar. Fati ju buzëqesh sidomos përmes bisedave dhe takimeve rastësore.

Gaforrja

Të dashur Gaforre, dita sjell emocione të forta: dikush afër jush mund t’ju surprizojë me një gjest të papritur. Në punë, mos u nxitoni të mbyllni çështje të rëndësishme; analizoni çdo detaj me kujdes. Në dashuri, ndjeshmëria është pika juaj e fortë: shprehni hapur ndjenjat. Fati shoqëron vendimet e menduara mirë dhe momentet e reflektimit.

Luani

Të dashur Luanë, sot sharmi juaj është i lartë dhe ju bën protagonistë në marrëdhëniet personale. Kujdes nga impulsiviteti: dëgjimi i të tjerëve do t’ju ndihmojë të shmangni përplasjet. Në punë, kreativiteti ka hapësirë, por duhet kombinuar me strategji. Edhe gjestet e vogla sot mund të forcojnë lidhje dhe bashkëpunime.

Virgjëresha

Të dashur Virgjëresha, dita është ideale për të sistemuar dhe për të rregulluar çështje të mbetura pezull. Saktësia dhe përkushtimi ju shpërblejnë si në punë, ashtu edhe në marrëdhënie. Shmangni kritikën e tepërt ndaj të tjerëve: pak fleksibilitet do ta bëjë ditën më të lehtë. Fati është i qetë, por i pranishëm, sidomos në punët praktike.

Peshorja

I ftuar në emisionin “Ora e fundit”, gazetari Ardit Rada komentoi çështjen “Balluku” duke u shprehur se Qeveria ka të drejtë për ankimimin në Gjykatën Kushtetuese.

“Është një precedent për të cilin ne kemi nevojë ta kalojmë, për të ditur se çfarë ndodh në të ardhmen mes gjyqësorit dhe Qeverisë. Logjika nuk ta lejon të besosh se një prokuror bashkë me një gjyqtar mund të pezullojnë numrin dy të qeverisë. Madje asnjë minsitër. Sepse kështu i bie që të çmendet një prokuror në Dibër fjala bie, edhe të thotë se në një hetim që po kryen mes grupeve kriminale, figuron në përgjime edhe emrin i Edi Ramës. Ky prokurori tani do ta pezullojë Kryeministrin? Sepse ligji ia jep si të drejtë pa qenë prokuror i SPAK. Ai e bën sepse është urgjente dhe derisa çështja të kalojë në Tiranë në SPAK, i duhet të mbrojë provat mos ia prish Rama në detyrë. Pra nesë nën avujt e alkoolit mund t’ia japi truri një prokurori dhe një gjyqtari që të pezullojnë qeverinë, çfarë do bëjmë ne? Se në zgjedhje të parakohshme nuk shkohet dot. T’i kërkojmë Blendi Klosit se cilin mendon për pasardhës të Ramës si kryeministër nga radhët e PS?” – u shpreh Rada në “Ora e fundit”.

I pyetur nëse ‘Kushtetuejsa’ ka ndonjë vonesë në marrjen e vendimit, Rada tha:

“Tani tek vonesa e Gjykatës Kushtetuese, që thuhet nëpër media. Për Sali Berishën, GJK-së iu desh 8 muaj të shprehej në favor të tij dhe s’e akuzoi njeri pse u vonua. Gjykata Kushtetuese merr vendime jetike. Këtu kemi çështje civile që zgjasin me vite, për 3 metra tokë që në fund të fundit ta thotë metri të saktë se kush ka të drejtë. Si mund t’i themi Kushtetueses ne, fol pak shpejt se po të pret Gazment Bardhi? E dini ju që në asnë vend të botës shkalla e fundit e gjyqësorit s’mund të shprehet si Këshilli i Lagjes, me një mbledhje apo me nëj muaj? S’mund t’i digjet karriera politike dikujt, edhe të bredhi rrugëve të botës pastaj nga GJEDNJ në Strasburg etj, edhe të vijë me një vendim pafajësia, por këtu të gjejë Berishën kryeministër. Të bëhet zv.Kryeminsitrja e Berishës pastaj me rikthim në detyrë?” – tha Rada.

Pak ditë pasi u rrëzua  kërkesa, për verifikimi ndaj gjyqtares së Gjykatës së Posaçme, Irena Gjoka lidhur me mosdeklarimin e një dënimi të dhënë nga Greqia në vitin 2005, një prej anëtarëve të Këshillit të Lartë Gjyqësor, Klodian Kurushi, ka bërë dorëzuar, në Inspektoratin e Lartë të Drejtësië, një ankesë me objekt fillimin e hetimit për shkelje ndaj magjistrates.

Deri në këtë fazë, mësohet se Inspektori i Lartë i Drejtësisë, ka nisur verifikimet e kësaj ankese, ligjshmëria e saj dhe nëse meriton apo jo të merret në shqyrtim. Më 30 janar, 6 anëtarë të Këshillit të Lartë Gjyqësor, votuan kundër një projektvendimi që e çonte çështjen në Komisionin e Karrierës, me argumentin se vendimmarrja i takon Inspektorit të Lartë të Drejtësisë.

Vetë magjistratja Gjoka në një letër që i ka dërguar Këshillit të Lartë gjyqësor, shprehet e bindur se nuk ka bërë asnjë shkelje kur nuk e ka deklaruar në formularin e dekriminalizimit vendimin e Gjykatës së Janinës së korrikut 2005. Ajo shpjegon se vetëm i është refuzuar pa shpjegime hyrja në territorin grek, ndërsa nuk ka patur dijeni as për procesin dhe as vendimin gjyqësor, i cili sipas vetë ligjeve greke është arkivuar dhe asnjëherë nuk mori vendim të formës së prerë. Po për këto arsye ajo deklaron se nuk është në kushtet ligjore ku funksioni i saj si gjyqtare, mund të vihet në dyshim.

Ndërkohë për sa i përket anëtarët të KLGJ, Klodian Kurushi, ai ishte një prej 6 anëtarëve që votuan kundër verifikimi ndaj gjyqtares së Gjykatës së Posaçme, dhe pro mendimit që çështjen duhet ta verifikonte Inspektorati i Lartë i Drejtësisë.

Klodian Kurushi, i është bashkuar Këshillit të Lartë Gjyqësor në fund të vitit 2021, ndërsa më herët ka qenë gjyqtar në Gjykatën e Posaçme, në Gjykatën e Krimeve të Rënda, ndërsa fillimet I ka pasur në Gjykatën e Sarandës.

Për sa i përket kontributit që Klodian Kurushi ka në sistemin në drejtësi, ndër çështjet që ai ka gjykuar, është ajo e Suel Celës, gjatë kohës kur ishte tek Krimet e Rënda.  Klodian Kurushi ishte kryesuesi i trupës gjyqësores, tek Krimet e Rënda, që shpalli të pafajshëm Suel Çelën për goditjen me një makinë të blinduar të punonjësve të policisë në shtator 2017 në Elbasan. Ndërkohë në një tjetër gjyq të bujshëm që ai ka marrë pjesë si trupë Gjykuese, është ajo e vitit 2015.

Klodian Kurushi dhe 4 gjyqtarë të tjerë, firmosën pafajësi për  Arben Frrokut i cili ishte personi  i akuzuar për vrasjen e kryepolicit Dritan Lamaj. Pavarësisht se Shkalla e Parë e shpalli të pafajshëm, me të njëjtat prova, Gjykata e Shkallës së Dytë ajo e Apelit vendosi burg të përjetshëm për Arben Frrokun. Po ashtu Klodian Kurushi tek krimet e Renda ka qenë pjesë edhe e trupës gjykues të Izet Haxhise.

Presidenti i Ukrainës, Volodymyr Zelensky, ka deklaruar se raundi i ardhshëm i bisedimeve të paqes me Rusinë mund të mbahet në SHBA.

Zelensky në platformën Telegram tha se “takime të mëtejshme janë planifikuar për të ardhmen e afërt, me gjasë në Amerikë”.

“Sot mora një raport nga ekipi ynë negociator pas dy ditësh takimesh dhe bisedimesh në Emirate me palën amerikane dhe atë ruse. E pres ekipin në Kiev për një raport të plotë. Shumë aspekte nuk mund të diskutohen në telefon. Nga ajo që tashmë mund të thuhet, takime të mëtejshme janë planifikuar për të ardhmen e afërt, me gjasë në Amerikë”, shkroi ai.

Zelensky rikonfirmoi gatishmërinë e Ukrainës për t’u angazhuar në formate “që realisht e afrojnë paqen dhe e bëjnë atë të besueshme dhe afatgjatë, duke ia hequr Rusisë çdo oreks për të vazhduar luftën”.

“Është e rëndësishme që kjo luftë të përfundojë në një mënyrë që Rusia të mos shpërblehet për agresionin e saj. Ky është një nga parimet kyçe që rikthen dhe garanton siguri të vërtetë. I falënderoj të gjithë partnerët tanë që na mbështesin në këtë”, tha ai.

Të mërkurën dhe të enjten, Rusia, Ukraina dhe SHBA-ja zhvilluan një takim dyditor për zgjidhjen e çështjes ukrainase në kryeqytetin Abu Dhabi të Emirateve të Bashkuara Arabe.

Në përfundim, palët ranë dakord të kryejnë shkëmbimin e parë të robërve të luftës pas pesë muajsh, i cili u realizua menjëherë.

Një komunikatë e përbashkët mbi rezultatet e takimit i përshkroi diskutimet si “konstruktive” dhe “të përqendruara në mënyra për të krijuar kushtet për arritjen e një paqeje të qëndrueshme”.

Kurora e Mbretëreshës Eugenie, bashkëshortes së Napolonit III, një prej thesarëve më të çmuar të Luvrit, u gjet e shtypur pas grabitjes spektakolare që tronditi muzeun më 19 tetor të vitit të kaluar.

Megjithëse grabitësit vodhën bizhuteri me vlerë rreth 88 milionë euro (£76 milion, $104 milion), kurora e dekoruar me diamante mbeti pas, e dëmtuar, por sipas muzeut është gati e paprekur dhe mund të rikthehet në gjendjen e saj origjinale.

Fotografitë e para të publikuara nga muzeu tregojnë se kurora ishte lënë “shumë e deformuar”, pasi grabitësit përpiqeshin ta nxirrnin nga një vrimë e ngushtë në vitrinën e saj prej qelqi. Kurora ka humbur një nga tetë shqiponjat prej ari që e zbukuronte, por ruan 56 smeralde dhe pothuajse të gjitha diamantet e saj (vetëm 10 nga 1,354 diamantet mungojnë). Sipas muzeut, rikthimi do të bëhet pa nevojën për rindërtim, duke ruajtur kështu pamjen dhe strukturën origjinale të shekullit XIX.

Rikthimin e kurorës do ta mbikëqyrë një komitet ekspertësh i udhëhequr nga presidentja e Luvrit, Laurence des Cars, që do të sigurojë se çdo detaj historik do të rikthehet me kujdes maksimal. Grabitja e tetorit të kaluar ishte mjeshtërisht e planifikuar. Grabitësit përdorën një ngritës mekanik të vjedhur për të hyrë në Galerinë e Apollonit përmes një ballkoni pranë lumit Sena.

Ngjarja tronditi jo vetëm muzeun, por edhe publikun ndërkombëtar, duke nxjerrë në pah pasurinë e jashtëzakonshme të Luvrit dhe rrezikun që i kanoset objekteve të rralla historike. Kurora e Mbretëreshës Eugenie mbetet një simbol i madhështisë dhe elegancës franceze të shekullit XIX, dhe rikthimi i saj i plotë do të jetë një fitore e madhe për trashëgiminë kulturore dhe për muzeun më të vizituar në botë.

Presidenti Recep Tayyip Erdogan ka thënë se Turqia po punon shumë për të parandaluar që tensionet SHBA-Iran të mos e çojnë Lindjen e Mesme në një konflikt të ri.

Duke folur me gazetarët në një fluturim kthimi nga një vizitë në Egjipt, Erdogan shtoi se bisedimet në nivelin e udhëheqjes amerikane dhe iraniane do të ishin të dobishme pas negociatave bërthamore të nivelit më të ulët që do të mbahen në Oman të premten, sipas një transkripti të komenteve të tij të ndara nga zyra e tij të enjten.

Turqia po bënte çmos për të parandaluar një përshkallëzim, tha Erdogan, i cili ka kaluar vite duke kultivuar një marrëdhënie të ngushtë me presidentin e SHBA-së Donald Trump, ndërsa zgjeroi ndikimin diplomatik të Ankarasë në të gjithë Lindjen e Mesme dhe më gjerë.

Irani dhe SHBA-të mbeten në mosmarrëveshje për shkak të këmbënguljes së Uashingtonit që negociatat të përfshijnë arsenalin raketor të Teheranit dhe insistimin e Iranit për të diskutuar vetëm programin e tij bërthamor, në një ngërç që ka çuar në kërcënime të ndërsjella për sulme ajrore.

Dhe dallimet mbi fushëveprimin dhe vendin e diskutimeve kanë ngritur dyshime nëse takimi do të zhvillohet, duke lënë të hapur mundësinë që Trump të mund të zbatojë një kërcënim për të goditur Iranin.

I pyetur të mërkurën nëse Udhëheqësi Suprem i Iranit, Ali Khamenei, duhet të shqetësohet, Trump i tha NBC News: “Do të thoja se ai duhet të shqetësohet shumë. Po, duhet të shqetësohet”.

Ai shtoi se “ata po negociojnë me ne”, por nuk dha detaje.

Pasi Trump foli, zyrtarët amerikanë dhe iranianë thanë se të dy palët kishin rënë dakord të zhvendosnin vendndodhjen e bisedimeve në Muscat, pasi fillimisht pranuan Stambollin.

Por nuk kishte asnjë tregues se ata kishin gjetur terren të përbashkët në axhendë.

Tensionet janë të larta në të gjithë rajonin, ndërsa SHBA-të ndërtojnë forca atje, dhe lojtarët rajonalë kërkojnë të shmangin një përballje ushtarake që shumë frikësohen se mund të përshkallëzohet në një luftë më të gjerë.

E Trump paralajmëroi për “gjëra të këqija” nëse nuk arrihet një marrëveshje me Iranin.

Irani thotë se bisedimet duhet të kufizohen në mosmarrëveshjen e tij të gjatë bërthamore me fuqitë perëndimore, duke hedhur poshtë një kërkesë të SHBA-së për të diskutuar edhe raketat e Teheranit, dhe duke paralajmëruar se shtyrja e çështjeve përtej programit bërthamor mund të rrezikojë bisedimet.

Por Sekretari i Shtetit i SHBA-së, Marco Rubio, tha të mërkurën se bisedimet do të duhet të përfshijnë rrezen e veprimit të raketave balistike të Iranit, mbështetjen e tij për grupet e armatosura të ndërmjetësuara në Lindjen e Mesme dhe trajtimin e popullit të vet, përveç çështjeve bërthamore.

Burime iraniane thonë se SHBA-të po kërkojnë që Teherani të kufizojë rrezen e veprimit të raketave të Iranit në 500 km (310 milje).

Ndikimi rajonal i Teheranit është dobësuar nga sulmet e Izraelit ndaj ndërmjetësve të tij – nga Hamasi në Gaza te Hezbollahu në Liban, Houthit në Jemen dhe milicitë në Irak – si dhe nga rrëzimi i aleatit të ngushtë të Iranit, ish-presidentit sirian Bashar al-Assad.

Ndërsa bisedimet fillimisht ishin planifikuar në Turqi, Irani donte që takimi të zhvillohej në Oman si një vazhdim i bisedimeve të mëparshme të mbajtura në vendin arab të Gjirit që ishin përqendruar vetëm në programin bërthamor të Teheranit, tha një zyrtar rajonal.

Irani thotë se aktivitetet e tij bërthamore janë të destinuara për qëllime paqësore, jo ushtarake, ndërsa SHBA-të dhe Izraeli e kanë akuzuar atë për përpjekje të kaluara për të zhvilluar armë bërthamore.

Një djalë 15-vjeçar u arrestua sot në 5 shkurt nga policia nën dyshim për tentativë vrasjeje pas një incidenti në Milford Haven Comprehensive School në Pembrokeshire, Uells. Incidenti ndodhi të enjten rreth orës 15:20, kur nxënësi tentoi të sulmonte një mësues me armë.

Policia e Dyfed-Powys tha se menjëherë pas ngjarjes, shkolla u vendos nën bllokadë, për të siguruar nxënësit dhe stafin. Mësuesi i sulmuar po merr trajtim mjekësor për lëndimet e marra. Asnjë nxënës nuk u dëmtua dhe shumica tashmë kanë shkuar në shtëpi. Një zëdhënës i Shërbimit të Ambulancës në Uells tha se u thirrën në vendngjarje dhe një pacient u transportua në spital. Policia vijoi të qëndrojë në shkollë për hetime.

Këshilli i Pembrokeshire konfirmoi se të gjithë nxënësit janë të sigurt dhe se çdo aktivitet pas shkollor për këtë mbrëmje është anuluar. Incidenti është nën hetim dhe se oficerët po punojnë për të kuptuar të gjitha rrethanat e ngjarjes. Ngjarja ka tronditur komunitetin lokal. Autoritetet po bëjnë thirrje që prindërit dhe komuniteti të qëndrojnë të qetë dhe të lejojnë policinë të kryejë hetimin.

Zhvillimet e fundit në arenën ndërkombëtare po sinjalizojnë një përshkallëzim të garës së armatimit dhe ripozicionime të rëndësishme gjeopolitike, ndërsa konfliktet ekzistuese duket se kanë hyrë në një fazë ngërçi.

I ftuar në emisionin “War Report” në ABC News, eksperti i marrëdhënieve ndërkombëtare Geron Kambe theksoi rolin në rritje të Kinës, duke e lidhur atë me zhvillime të pritshme në Groenlandë dhe Venezuelë, si edhe me një mundësi për zbutje të regjimit në Iran.

Ndërkohë, sipas tij, negociatat mes Rusisë dhe Ukrainës nuk po prodhojnë më rezultate konkrete, por po shfaqen më tepër si lëvizje politike pa ndikim real.

Në të njëjtën linjë kritikeri analisti i zhvillimeve ndërkombëtare Lulzim Veliu e cilësoi situatën si një dështim të politikës amerikane, duke argumentuar se ndihma e SHBA dhe BE për Ukrainën ka qenë e pamjaftueshme, ndërsa Rusia ka konsoliduar pozita të favorshme ushtarake dhe politike, duke e shndërruar konfliktin në një sfidë të hapur për ndikimin amerikan në skenën globale.

Geron Kamberi: Zhvillimet e fundit kanë treguar që ka një thellim të garës së armatim. Rolin e Kinës e shikoj edhe në sajë të zhvillimeve që pritet të ndodhin. Mund të jetë në sajë të Groenlandës dhe asaj që pritet të ndodhë në Venezuelë. Mund të ketë një zbutje të regjimit të Iranit. Edhe negociatat e Rusisë dhe Ukrainës, tashmë nuk sjellin më një gjë të re. Më shumë duken si ecejake politike, se sa diçka konkrete.

Lulzim Veliu: Unë mendoj që në këtë rast shikojmë një dështim të SHBA. Këto katër vite Ukraina ka rezistuar ndaj Rusisë, ndihma nga BE dhe SHBA ka qenë e vogël. 30% e territorit të Ukrainës është e pushtuar nga Rusia dhe kjo e fundit është e vendosur për të mos i lëshuar. Ishin disa politika të SHBA që ndihmuar Rusinë që është një pozicion shumë të favorshëm ushtarak, por edhe politik, pasi kanë arritur marrëveshje shumë të mirë në Lindjen e Largët. Pra në tërësi gjithë këtë dështim e shikoj si dështim të SHBA dhe si dështim të Trump.