Detaje të reja dalin nga dosja e Prokurorisë dhe aktvendimi i Gjykatës Themelore në Prizren për grabitjen e armatosur të ndodhur në orët e vona të natës së 3 shkurtit, ku katër persona dyshohet se vepruan të koordinuar, të maskuar dhe me armë në dorë.

Sipas dosjes zyrtare, të dyshuarit:

Kastriot Krasniqi

Liridon Gashi

Shkodran Gashi

Valdrin Saramati

kanë ndjekur viktimat me veturë të tipit “Golf VII”, me targa 04-885-…, deri në zonën e Tregut të Gjelbër në Prizren.

Ekskluzive | Grabitja në Prizren – bie në pranga edhe i dyshuari i katërt, sekuestrohen prova që e lidhin me krimin

Rreth orës 00:55, grupi ndalon automjetin, zbret nga vetura, të maskuar dhe të veshur me të zeza. Njëri nga ta mban armë zjarri, tjetri thikë, ndërsa pjesëtarët e tjerë asistojnë në rrethimin dhe kontrollimin e viktimave L. R dhe H. S.

Nga dosja rezulton se fillimisht viktimat janë kërcënuar seriozisht për jetën, duke iu drejtuar me fjalë si: “Çele derën”, “Çiti paret”, “Nxirrni paret se ju vrasim”.

Në këtë moment, sipas dosjes, Kastriot Krasniqi e nxjerr nga vetura H. S dhe e kontrollon, ndërsa Shkodran Gashi dhe Valdrin Saramati i mbajnë nën kërcënim me armë dhe thikë viktimat. Pasi nuk kanë gjetur shumë para, nga viktima është marrë shuma prej 40 eurosh, e më pas të dyshuarit largohen nga vendi i ngjarjes.

Me rasti e caktimit të paraburgimit, Gjykata thekson se veprimi është kryer në bashkëkryerje, me role të ndara qartë mes të dyshuarve: njëri ka përdorur armë zjarri, tjetri thikë, ndërsa të tjerët kanë ndihmuar në realizimin e grabitjes.

Në dosje përfshihen edhe deklaratat e viktimave, pamje nga kamerat e sigurisë të zonës së Tregut të Gjelbër dhe lokaliteteve përreth, si dhe procesverbalet e bastisjeve dhe kontrolleve në banesat e të dyshuarve. Prokuroria ka siguruar gjithashtu telefona celularë dhe prova tjera materiale.

Ekskluzive: Ky është Liridon Gashi, i arrestuari për grabitjen me armë zjarri në Prizren – ishte kapur edhe më herët për fajde bashkë me vëllain

Gjykata ka vlerësuar se ekziston dyshim i bazuar se të dyshuarit kanë kryer veprën penale “Grabitja” në bashkëkryerje, duke përdorur armë dhe mjete të rrezikshme, si dhe se ekziston rrezik real i arratisjes, ndikimit në dëshmitarë, fshehjes së provave dhe përsëritjes së veprës penale.

Për këto arsye, është caktuar masa e paraburgimit prej një muaji: për Kastriot Krasniqin, Liridon Gashin dhe Shkodran Gashin nga data 04.02.2026, për Valdrin Saramatin nga data 05.02.2026

Mbrojtja e të dyshuarve ka kërkuar masa më të buta, duke pretenduar bashkëpunim me policinë dhe mungesë rreziku për ikje, por gjykata ka konstatuar se pesha e veprës, mënyra e kryerjes dhe rrethanat konkrete e bëjnë paraburgimin të domosdoshëm në këtë fazë.

Hetimet janë ende në vazhdim, ndërsa Prokuroria ka paralajmëruar analiza shtesë të pajisjeve elektronike dhe pamjeve të kamerave për zbardhjen e plotë të rastit.

Rasti po trajtohet si “Grabitje” në bashkëkryerje.

Ekskluzive | Ky është i dyshuari i katërt që u arrestua për grabitjen në Prizren

Ekskluzive: Ky është Shkodran Gashi i arrestuar për grabitjen në Prizren, historia e familjes së kapur më herët edhe për fajde

Ekskluzive | Grabitje me armë në Prizren – arrestohen tre të dyshuar, një në arrati, policia sekuestron pistoleta, maska dhe rroba të përdorura në krim

Ekskluzive | Grabitje me armë në Prizren, këta janë personat e arrestuar – njëri në arrati

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Detaje nga dosja e grabitjes në Prizren – të maskuar, me armë e thikë, ndalën viktimat te Tregu i Gjelbër dhe u morën paratë appeared first on Sinjali.

Forca e Sigurisë së Kosovës ka njoftuar se Qendra për Studime Universitare organizoi me sukses një ushtrim intensiv 36-orësh fushor, gjatë të cilit kadetët zhvilluan trajnime praktike në operacione mbrojtëse.

Ky ushtrim u fokusua në forcimin e aftësive taktike dhe përgatitjen e kadetëve për situata reale në terren.

“Gjatë ushtrimit, kadetët u angazhuan në një sërë detyrash operative, përfshirë fortifikimin e pozicioneve mbrojtëse, operacione zbulimi dhe mbrojtjen e zonës. Pjesë e këtij ushtrimi ishin edhe tre kadetë nga Kolegji Mbretëror “Saint-Jean” i Kanadasë, të cilët po vijojnë studimet në QSU për një semestër”, thuhet në njoftimin e FSK-së.

Tutje thuhet se ky aktivitet shërbeu për rritjen e gatishmërisë profesionale dhe përmirësimin e aftësive taktike të kadetëve, duke dëshmuar përkushtimin e QSU-së në përgatitjen cilësore të kuadrove të ardhshme.

Sinjali – aty ku e vërteta flet para lajmit!

/GazetaSinjali/

The post Kadetët e FSK-së kryen ushtrimin 36-orësh, fortifikim pozicionesh dhe mbrojtje e zonës appeared first on Sinjali.

Avokati i ish-presidentit të Kosovës, Hashim Thaçi, Luka Misetiq, ka kritikuar ashpër qasjen e Prokurorisë Speciale në procesin gjyqësor, duke thënë se ata po përpiqen ta nxjerrin Thaçin fajtor, përderisa udhëheqës serbë nuk janë ndëshkuar për kontroll efektiv.

“Deri më tani, jurisprudenca e tribunaleve ka konkluduar se NATO ka ndërhyrë ushtarakisht në Kosovë, në përgjigje të Ndërmarrjes Kriminale Serbe. ZPS-ja kërkon juve që UÇK-ja ishte ajo që kishte administratorja e një NPK-ja muaj apo vite më përpara, e jo marsi 1998. TPNJ ka konkluduar se udhëheqësi serb, Milutinoviq, nuk kishte përgjegjësi penale në Kosovë, pasi ishte figurë politike që nuk pati kontroll në forcat e RFJ-së, dhe nuk ka dhënë kontribut të ndjeshëm në NPK. ZPS-ja po kërkon nga ana juaj të konkludoni pavarësisht se një udhëheqës serb i shtetit të organizuar nuk ka pasur përgjegjësi penale për krime të luftës e krime kundër njerëzimit, ju duhet të konkludoni se udhëheqësi i shqiptarëve të Kosovës, një grup i armatosur për disa muaj, ka pasur kontroll e përgjegjësi. Kjo do të ishte padrejtësi historike,” tha Misetiq.

Sinjali – aty ku e vërteta flet para lajmit!

/GazetaSinjali/

The post “Kjo do të ishte padrejtësi historike”, Mishetiq kritikon Prokurorinë: Po synon ta fajësojë një grup të armatosur që funksionoi për disa muaj appeared first on Sinjali.

Gjatë vazhdimit të seancës gjyqësore ndaj Naim Murselit, gjyqtarja Fatime Dermaku ka njoftuar se ende nuk ka marrë përgjigje nga autoritetet përkatëse lidhur me kërkesën e tij për të takuar fëmijët.

Sipas deklarimit në sallën e gjyqit, fëmijët e Murselit aktualisht ndodhen nën përkujdesjen e një qendre sociale në Suedi, ndërsa institucionet përgjegjëse nuk kanë kthyer ende një përgjigje zyrtare për lejimin e takimit.

Në të njëjtën seancë, gjyqtarja Dermaku ka bërë të ditur se një tjetër kërkesë e Murselit, ajo për takim me Behxhet Pacollin, është refuzuar.

Seanca është duke u zhvilluar në Gjykatën Themelore në Prishtinë, ku i akuzuari po merret në pyetje nga prokurorja e rastit.

Sinjali – aty ku e vërteta flet para lajmit!

/GazetaSinjali/

The post Refuzohet kërkesa e Naim Murselit për takim me Behxhet Pacollin appeared first on Sinjali.

Një sulm rus ka vrarë të paktën katër persona, përfshirë tre fëmijë të vegjël, në një qytet në perëndim të Kharkivit, tha një zyrtar ukrainas.

Oleg Synegubov, kreu i Administratës Ushtarake Rajonale të Kharkivit, tha se dy djem, të dy 1 vjeç, një vajzë dyvjeçare dhe një burrë 34-vjeçar vdiqën pasi një dron goditi një shtëpi ku po qëndronin.

Një grua shtatzënë 35-vjeçare dhe një grua tjetër, 76 vjeç, u plagosën në sulmin ndaj Bohodukhiv, tha Synegubov. Sulmi i së martës në mbrëmje në Bohodukhiv vjen ndërsa Moska rinovon sulmet pas një pauze njëjavore.

Forcat ruse hodhën gjithashtu shtatë bomba në qytetin e Slovyanskut rreth orës 12:00 të së martës, tha guvernatori rajonal i Donetskut Vadym Filashkin në Telegram. Dy persona, përfshirë një vajzë 11-vjeçare, u vranë.

Të hënën, sulmet me dronë gjatë natës në të gjithë vendin  ndërprenë energjinë elektrike dhjetëra mijëra njerëzve dhe vranë të paktën katër persona, përfshirë një nënë dhe djalin e saj 10-vjeçar në Bohodukhiv, thanë zyrtarët ukrainas, sipas Reuters.

Autoritetet lokale kanë shpallur gjendje të jashtëzakonshme për shkak të situatës energjetike në rajonin e Kharkiv.

Kjo vjen pasi një i ashtuquajtur “armëpushim energjetik”, i cili kishte për qëllim t’i lejonte sektorit të energjisë së Ukrainës një pushim gjatë temperaturave -20 gradë Celsius, skadoi javën e kaluar.

Zelensky ka thënë se SHBA-të duan që lufta me Rusinë të përfundojë deri në qershor dhe se të dyja palët janë ftuar në SHBA për bisedime javën e ardhshme.

Ndërkohë, një sulm masiv nga dronë ukrainasë në Volzhsky, në rajonin e Volgogradit në Rusi, u raportua të mërkurën në mbrëmje.

Sinjali – aty ku e vërteta flet para lajmit!

/GazetaSinjali/

The post Sulmi rus vret babanë dhe tre fëmijë në Kharkivit të Ukrainës appeared first on Sinjali.

Policia e Kosovës ka gjetur granata dore dhe pjesë të uniformave të Policisë së Kosovës në një shtëpi të braktisur në Zubin Potok, njofton Drejtoria Rajonale e Policisë Mitrovicë Veri.

Sipas njoftimit, me datën 10.02.2026, rreth orës 23:20, njësitë policore gjatë patrullimit kanë pranuar informacion se në një shtëpi të braktisur në fshatin Dobroshevina kishte mjete të dyshuara ilegale. Pas kontrollit, Policia ka gjetur dhe ka sekuestruar:6 granata dore, 1 maicë dhe 2 këmisha të Policisë së Kosovës.

Në vendin e ngjarjes ka dalë edhe njësia për trajtimin e mjeteve shpërthyese (EOD), e cila ka tërhequr mjetet shpërthyese në mënyrë të sigurt.

Të gjitha veprimet policore janë ndërmarrë në koordinim të plotë me prokurorin e Shtetit, i cili ka udhëzuar inicimin e rastit për ‘mbajtje në pronësi, kontroll ose posedim të paautorizuar të armëve’.

Policia bën të ditur se lidhur me këtë rast, nuk ka persona të arrestuar dhe falënderon qytetarët për bashkëpunimin e vazhdueshëm, duke i ftuar që të raportojnë çdo rast të dyshimtë në numrin 192.

Sinjali – aty ku e vërteta flet para lajmit!

/GazetaSinjali/

The post Policia gjen granata dore dhe uniforma të Policisë së Kosovës në një shtëpi të braktisur në Zubin Potok appeared first on Sinjali.

Presidenti amerikan, Donald Trump, deklaroi se kishte urdhëruar një rritje shtesë të tarifave për Zvicrën prej 9% për shkak të mënyrës se si një zyrtare zvicerane, Karin Keller-Sutter, i kishte drejtuar një kërkesë për heqjen e tarifave.

Në një intervistë për Fox Business, Trump tha se toni i Keller-Sutter, anëtare e Këshillit Federal të Zvicrës, të cilën ai gabimisht e quajti kryeministre, i dukej “përsëritës” dhe “agresiv”.

“Kam vendosur tarifa prej 30%, që është shumë e ulët. Pastaj mora një thirrje urgjente nga, besoj, kryeministrja e Zvicrës, dhe ajo ishte shumë agresive, por e sjellshme, por edhe shumë agresive. Ajo tha: ‘Zotri, ne jemi një vend i vogël. Nuk mund ta bëjmë këtë. Nuk mund ta bëjmë këtë.’ Nuk mund ta hiqja nga telefoni”, tha ai.

Ai thekson se Keller-Sutter vazhdimisht përsëriste se Zvicra është një vend i vogël, gjë që, sipas tij, e nervozoi edhe më shumë.

“Nuk mund ta hiqja nga telefoni, kështu që ishte 30%. Dhe nuk më pëlqeu shumë mënyra se si foli me ne, kështu që në vend që të zvogëloja, e rrita në 39%”, tha 79-vjeçari.

Komentet e ngjashme Trump i bëri disa javë më parë në Forumit Ekonomik Botëror në Davos, ku tregoi se nuk e dinte nëse Zvicra ka kryeministër apo president.

“Supozova se kryeministrja, nuk e di, presidenti, kryeministrja e kishte thirrur, një grua. Dhe ajo ishte shumë përsëritëse. Tha: ‘Jo, jo, jo, nuk mund ta bëni këtë, 30%. Ne jemi një vend i vogël, i vogël.’ Por unë thashë: ‘Mbase jeni të vegjël, por keni një deficit të madh’”, theksoi lideri amerikan.

Zvicra nuk ka kryeministër apo president ekzekutiv. Në vend të kësaj, vendi udhëhiqet kolektivisht nga Këshilli Federal me shtatë anëtarë. Megjithatë, negociatorët amerikanë dhe zviceranë arritën në nëntor një marrëveshje paraprake për të ulur tarifën në 15%, dhe industria zvicerane u zotua të investojë 200 miliardë dollarë në Shtetet e Bashkuara deri në fund të vitit 2028.

Sinjali – aty ku e vërteta flet para lajmit!

/GazetaSinjali/

The post Trump ia rrit tarifat Zvicrës në 39% pas “agresivitetit” të zyrtares zvicerane appeared first on Sinjali.

Avokati i ish-presidentit të Kosovës, Hashim Thaçi, Luka Mishetiq, ka deklaruar se klienti i tij është dhe do të mbetet i pafajshëm.

Ai theksoi se diskutimet e gjyqtarëve duhet të nisin me prezumimin e pafajësisë.

Ai tha se Thaçi është i pafajshëm.

“Hashim Thaçi është i pafajshëm, pasi ligji ua kërkon ta prezumoni të pafajshëm. Kam dëgjuar kryetarë të Tribunaleve Ndërkombëtare që e keqkuptojnë këtë gjë. Para jush keni katër burra që duhet të prezumohen të pafajshëm. Ky proces ka ardhur këtu pasi Prokuroria ka ngritur pretendime se kanë prova që janë fajtor, dhe për rrjedhojë, për më shumë se 5 vjet jemi në këtë proces, ku duhet të bëhet verifikimi i ZPS-së, për të parë nëse mund të vërtetojnë këto pretendime. Ky gjykim nuk është verifikim i jetës së Hashim Thaçit, por i pretendimit të ZPS-së se Thaçi nuk duhet të jetë i pafajshëm. Ju duhet të nisni kuvendimet se Hashim Thaçi është i pafajshëm, e më pas të mendoni se provat e ZPS-së ju kanë bindur se ai është fajtor. Ju duhet të konstatoni se ZPS-ja ka dështuar, nuk ka arritur të provojë provat e saj, dhe të nxjerrni aktgjykim shfajësues, Hashim Thaçi do të mbetet i pafajshëm. Ju do të arrini në përfundimin e pashmangshëm se ZPS-ja nuk arriti të plotësojë kriteret e barrës së provës,” tha Mishetiq.

Sinjali – aty ku e vërteta flet para lajmit!

/GazetaSinjali/

The post Avokati Mishetiq: Thaçi është dhe do të mbetet i pafajshëm appeared first on Sinjali.

Turqia është tronditur nga një krim i rëndë. Mediat raportojnë se një 35-vjeçar i dënuar, Recep Cengiz, mori leje nga burgu dhe vrau nënën e tij, vajzën e tij 8-vjeçare dhe ish-gruan, përpara se të kryente vetëvrasje.

Cengiz kishte marrë një leje 11-ditore nga burgu, ku po vuante një dënim katërvjeçar për mashtrim dhe kërcënime me armë.

Krimi ndodhi në lagjen Kuşkagız në Ankara. Fillimisht, 35-vjeçari debatoi me nënën e tij 57-vjeçare, Aziz, para se ta vriste atë dhe vajzën e tij 8-vjeçare, Azra.

Më pas, ai vendosi trupat e tyre në bagazhin e makinës dhe u drejtua drejt shtëpisë së ish-gruas së tij, Ukan. Atje, sipas mediave turke, Cengiz u maskua si shpërndarës dhe e vrau atë në hyrje të ndërtesës përpara se të qëllonte veten, duke i dhënë fund jetës së tij.

Sinjali – aty ku e vërteta flet para lajmit!

/GazetaSinjali/

The post Tragjedi në Turqi: I dënuari merr leje 11-ditore nga burgu dhe vret nënën, vajzën e tij dhe ish-gruan, më pas i jep fund jetës appeared first on Sinjali.

Policia e Kosovës ka kërkuar ndihmën e qytetarëve për identifikimin e një personi të dyshuar për “Vjedhje të rëndë”, raporton Gazeta Sinjali.

Në lidhje me këtë, në profilin zyrtar të Policisë në Facebook është publikuar fotografia e të dyshuarit.

Kërkesa e Policisë:

Kërkesë për bashkëpunim – identifikim i personit të dyshuar

Njësiti i Hetimeve të stacionit policor në Podujevë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi.

Personi i dyshuar kërkohet për përfshirje në veprën Vjedhje e rëndë.

Të nderuar, për çdo informatë që mund të çojë në identifikimin e tij, ju lusim të kontaktoni policinë në

Sinjali – aty ku e vërteta flet para lajmit!

/GazetaSinjali/

The post Policia kërkon ndihmë për kapjen e një të dyshuari për vjedhje të rëndë appeared first on Sinjali.

Nëse ka pasur një mbrëmje që e bëri të duket e shkruar në yje, ajo ishte derbi i Edinburgut.

Një gol i vonë nga Tomas Magnusson në raundin e 26-të të Ligës Premier skoceze i dha Hearts fitoren ndaj Hibernianit dhe një epërsi prej gjashtë pikësh në krye të tabelës – duke rritur presionin mbi Celtic dhe Rangers.

Në një sfidë me pak shkëlqim, por me peshë të jashtëzakonshme, skuadra e Derek McInnes tregoi pjekuri kampioni. Pas humbjes ndaj St Mirren javën e kaluar, shumëkush mendoi se ky ishte momenti i lëkundjes. Por Hearts reagoi sërish. Një barazim do të mbante gjallë garën, ndërsa fitorja i jep avantazh real në sprintin final.

Tani gjithçka zhvendoset në Ibrox, ku i pret Rangers këtë të diel. Hearts mbetet e pamposhtur në shtëpi këtë sezon dhe është vetëm 12 ndeshje larg një titulli historik – të parit që nga viti 1960.

Nëse ia dalin, do të ishte thyerja e parë e dy gjigantëve Celtic–Rangers që nga viti 1985, kur Aberdeen i Sir Alex Ferguson ngriti trofeun.

Një dominim 41-vjeçar është në rrezik serioz dhe Skocia po mban frymën. /Telegrafi/

I akuzuari për vrasjen e bashkëshortes, Naim Murseli, ka kërkuar nga Gjykata që t’i lejohet komunikimi me fëmijët e tij, të cilët ndodhen në Suedi.

Kryetarja e trupit gjykues, Fatime Dermaku, gjatë seancës të së mërkurës ku Murseli po vazhdon të japë mbrojtjen bëri të ditur se lidhur me këtë kërkesë janë duke u zhvilluar bisedime me autoritetet suedeze dhe se çështja është në shqyrtim.

Po ashtu, Murseli ka kërkuar të bisedojë edhe me biznesmenin Behgjet Pacolli, por kjo kërkesë nuk është aprovuar nga Gjykata. Murseli më herët ka qenë këshilltar i Pacollit.

Sipas njoftimit, atij i është refuzuar edhe kërkesa për komunikim me dhëndrin e tij.

Naim Murseli bashkë me Granit Plavën e Kushtrim Kokallën akuzohen për vrasjen e Liridona Ademajt më 29 nëntor të vitit 2023.

Sipas aktakuzës, Murseli e ka organizuar vrasjen e bashkëshortes për motive hakmarrjeje dhe për përfitim financiar, duke i premtuar Plavës 30 mijë euro nëse e kryen atë. E Kokalla akuzohet se në bashkëkryerje ka kryer veprën “Vrasje e rëndë”.

I akuzuari i katërt, Tom Dodaj, i cili ua shiti armën Murselit e Plavës për 280 euro, ka pranuar fajësinë. Themelorja e dënoi me 5 vjet burgim, e më pas Apeli ia uli në tre vjet./EO/

Manchester City është vënë në lëvizje për të siguruar nënshkrimin e yllit të ri të Nottingham Forest, Elliot Anderson. Ky veprim adreson nevojën urgjente për të forcuar mesfushën e tyre pas një sezoni shumë konkurrues në Ligën Premier.

“Qytetarët” po kërkojnë një lojtar që kombinon praninë fizike, cilësinë teknike dhe një të ardhme afatgjatë që garanton stabilitet.

Drejtuesit sportivë të klubit nga “Etihad” e shohin lojtarin e Nottingham Forest si pasardhësin ideal për të forcuar strukturën e tyre mbrojtëse. Prandaj, ata janë të përgatitur të shpenzojnë afër 80 milionë euro këtë verë për Anderson.

City e kupton se mbështetja e tyre e tepërt te mesfushori spanjoll, Rordi, ka qenë një rrezik taktik që duhet ta zbusin menjëherë. Ardhja e anglezit do të siguronte një rotacion të besueshëm të skuadrës për t'u përballur me të katër garat me intensitet maksimal.

Mesfushori i ri ka treguar një pjekuri përtej moshës së tij, duke shkëlqyer në ‘City Ground’ këtë sezon. Performancat e tij nuk kanë kaluar pa u vënë re nga analistët, të cilët nxjerrin në pah aftësitë e tij motorike dhe shpërndarjen e pastër të topit.

Për kampionët në fuqi, sigurimi i këtij lojtari përfaqëson një deklaratë qëllimi kundër gjigantëve të tjerë evropianë që po e monitorojnë gjithashtu atë.

Shkathtësia e Anderson i lejon atij të përshtatet në role të ndryshme, duke i ofruar trajnerit Pep Guardiola një pjesë thelbësore të enigmës.

Nënshkrimi për Cityn përfaqëson një hap të rëndësishëm drejt luftës së vazhdueshme për Ligën e Kampionëve dhe trofetë vendas. Lojtari tërhiqet nga një projekt që i jep përparësi futbollit të bazuar në posedim të topit dhe zhvillimit të vazhdueshëm të lojtarëve të tij. /Telegrafi/

Këngëtarja e njohur shqiptare, Era Istrefi, ka shprehur mbështetjen e saj për Marshin “Drejtësi, jo politikë” që do të mbahet në Prishtinë më 17 shkurt dhe organizohet nga platforma “Liria ka Emër”.

Kjo në mbrojtje të drejtësisë së paanshme dhe ish-krerëve të UÇK-së që po gjykohen padrejtësisht në Hagë.

Këtë Marsh e kanë mbështetur edhe shumë këngëtarë dhe artistë tjerë si Shkurte Fejza, Ylli Limani, Mozzik, Gold AG, Visar Peja, Majkaveli, Mar1n, DJ Dagz, Bllekibllek, Alban Sejdiu, Taulant Bajraliu, Edi Kastrati, Gresa Behluli, Veli Sahiti, Driton Fazliu, të cilët u kanë bërë thirrje qytetarëve që t’i bashkohen këtij marshimi.

Mbështetja nga të gjitha kategoritë e shoqërisë po i jep Marshit “Drejtësi, jo politikë” një dimension të gjerë shoqëror dhe kulturor, duke reflektuar ndjeshmërinë e opinionit publik.

Marshi, i organizuar nga platforma Liria ka Emër me 17 shkurt, pritet të shndërrohet në mobilizimin më të madh qytetar të mbajtur ndonjëherë në Kosovë, duke bashkuar qytetarë nga të gjitha komunat, diaspora, familje të dëshmorëve, të rinj, artistë dhe përfaqësues të shoqërisë civile.

Përkrahjes për marshin “Drejtësi, jo politikë” po i bashkohen edhe kategori të tjera të shoqërisë, duke e shndërruar atë në një kauzë gjithëpërfshirëse qytetare në mbrojtje të drejtësisë dhe së vërtetës historike. /Telegrafi/

Toyota ka punuar për shumë vite për të sjellë automjete elektrike me bateri të ngurta dhe tani po bën një hap të rëndësishëm përpara.

Partneri i saj, Idemitsu Kosan, ka njoftuar ndërtimin e një impianti për prodhimin e elektrolitit të ngurtë, një komponent kyç për bateritë e ardhshme.

Idemitsu Kosan, një gjigant japonez i naftës, ka nisur kërkime mbi materialet për bateritë e ngurta që nga mesitet e viteve 1990 dhe ka filluar bashkëpunimin me Toyotën në vitin 2023. Impianti i ri do të ketë kapacitet vjetor disa qindra tonë elektroliti të ngurtë dhe pritet të përfundojë plotësisht deri në fund të vitit të ardhshëm.

Përveç këtij impianti, po ndërtohet edhe një fabrikë për prodhimin e sulfidit të litiumit. Kompania njofton se squfuri, një nënprodukt i rafinerive të saj, do të përdoret për prodhimin e elektrolitit të ngurtë, duke reduktuar mbetjet dhe duke maksimizuar efikasitetin.

Ndërkohë, edhe në Kinë prodhuesi i automjeteve Chery ka nisur ndërtimin e një fabrike për bateri të ngurta, dhe modelet e para me këto bateri pritet të dalin këtë vit.

Prodhues të tjerë kryesorë janë gjithashtu aktivë në këtë fushë: Volkswagen ka bashkëpunuar prej kohësh me QuantumScape, ndërsa Mercedes ka instaluar vitin e kaluar një bateri të ngurtë me qelizat e veta në modelin EQS.

Testuesit kanë udhëtuar mbi 1200 km nga Stuttgart në Malmö pa ndaluar për karikim, duke treguar potencialin e jashtëzakonshëm të teknologjisë së re. /Telegrafi/

(E Plotësuar) - Rikthehet në funksion rrjeti social Facebook pas problemeve teknike që iu shfaqen miliarda shfrytëzuesve anembanë globit.

Përdoruesit më nuk raportojnë probleme dhe aktiviteti rifillon normalisht.

Bie Facebook

Përdoruesit e Facebook nga e gjithë bota kanë hasur kohët e fundit në një mesazh të papritur gjatë përdorimit të rrjetit social.

“Ndodhi një gabim. Kjo mund të ketë ndodhur për shkak të një problemi teknik për të cilin po punojmë. Provo ta ringarkosh këtë faqe”, shkruan në njoftimin e rrjetit social.

Ky problem duket se ndikon kryesisht në rifreskimin e faqeve dhe ngarkimin e postimeve të reja, duke penguar përkohësisht përdoruesit të shikojnë përmbajtjen e tyre ose të postojnë.

Disa përdorues raportojnë se mesazhi shfaqet në mënyrë të përsëritur, ndërsa të tjerë mund të rifreskojnë faqen pa probleme.

Facebook njoftoi se ekipi teknik po punon intensivisht për të identifikuar dhe zgjidhur defektin.

Ndërkohë, përdoruesit këshillohen të presin disa minuta dhe të rifreskojnë faqen, ose të përdorin aplikacionin në pajisje të tjera si zgjidhje të përkohshme.

Ekspertët e sigurisë dhe teknologjisë thonë se gabime të tilla janë të zakonshme në platforma me trafik të lartë dhe zakonisht zgjidhen shpejt. Megjithatë, përdoruesit inkurajohen të jenë të kujdesshëm dhe të mos bëjnë postime të rëndësishme deri sa problemi të normalizohet. /Telegrafi/

Roberto De Zerbi është gati të përfundojë një kapitull që premtonte shumë më tepër sesa dha në fakt.

Në Marseille, tashmë pranohet se trajneri italian nuk do të vazhdojë në stolin e ekipit pas një sezoni që ka lënë shumë dyshime.

Eleminimi nga Liga e Kampionëve dhe pamundësia për të ndjekur ritmin e liderit kanë përshpejtuar një vendim që dukej i pashmangshëm.

De Zerbi erdhi te Olympique de Marseille me reputacionin e një trajneri modern dhe me stil të qartë loje, por rezultatet nuk e kanë shoqëruar në momentet kyçe të sezonit.

Eleminimi i hershëm në Ligën e Kampionëve ishte goditja e parë e madhe, ndërsa performanca e paqëndrueshme në Ligue 1 ndaj Paris Saint-Germain ka shtuar frustrimin tek drejtuesit dhe tifozët.

Manchester United shihet si destinacioni më i mundshëm për sezonin 26/27.

Në ‘Old Trafford’, ai konsiderohet si profili ideal për të udhëhequr një rindërtim të thellë.

Aftësia e tij për të implementuar një stil të njohshëm loje, për të punuar me talentin e ri dhe karakteri ambicioz e bëjnë atë zgjedhjen e duhur për klubin.

Mësohet se De Zerbi është prioritet i brendshëm në strukturën sportive të United.

Për trajnerin italian, një aventurë në Ligën Premier do të ishte një sfidë e madhe dhe mundësi për të rivendosur kredencialet pas eksperiencës së trazuar në Francë.

Man Utd kërkon një trajner me personalitet të fortë dhe vizion të qartë për të rikthyer stabilitet në projektin e tyre, dhe De Zerbi shihet si kandidati ideal për të arritur këtë qëllim. /Telegrafi/

Ditën e martë, Partia Demokratike mbajti protestën e tretë kombëtare përpara Kryeministrisë.

Incidentet në këtë protestë nuk munguan, me shumë qytetarë që hodhën molotvë dhe fishekzjarrë drejt godinës së Kryeministrisë, me 19 efektivë të policisë që ngelën të lënduar.

Sipas asaj që mëson gazetarja e Top Channel, Dorjana Bezat, 21 persona janë arrestuar nga policia.

Të arrestuarit janë shtetasit Kreshnik Çeço, Klodian Bajrami, Leonid Tusha, Klejdi Subashi, Suzana Dimushi, Ramazan Nuhu, Florian Nuhu, Daniel Zeka, Andrea Kulla, Fabiol Ahmeti, Geraldo Demiraj, Danjel Kulla, Artur Kadria dhe Arbri Ujkaj dhe 4 te mitur

Në njoftimin e policisë thuhet:

Në vijim të veprimeve hetimore dhe procedurale të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, mbi tubimin e zhvilluar më datë 10.02.2026, në bulevardin “Dëshmorët e Kombit”, specialistët për Hetimin e Krimeve të Komisariatit të Policisë Nr. 1:

-arrestuan në flagrancë shtetasit: K. Ç., 36 vjeç; K. B., 24 vjeç; L. T., 21 vjeç; K. S., 26 vjeç; Xh. V., 18 vjeç; R. N., 28 vjeç; S. D., 48 vjeçe, F. N., 32 vjeç; A. K., 24 vjeç; F. A., 22 vjeç; G. D., 21 vjeç; D. K., 27 vjeç; J. K., 18 vjeç; A. K., 20 vjeç; O. H., 18 vjeç; S. P., 18 vjeç; A. U., 24 vjeç, dhe katër shtetas 17 vjeç, për veprat penale “Goditja për shkak të detyrës”, “Plagosja e rëndë me dashje”, “Prishja e rendit dhe qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr” dhe “Kundërshtimi i punonjësit të rendit publik”;

-referuan materialet në Prokurori ku nisi procedimi në gjendje të lirë shtetasin E. K., 32 vjeç, banues në Tiranë, për veprat penale “Prishja e rendit dhe qetësisë publike” dhe “Kundërshtimi i punonjësit të Policisë së rendit publik”.

Gjithashtu, u referuan materialet në Prokurori ku nisi procedimi në gjendje të lirë për shtetasit:

-E. M., sekretar organizativ i Partisë Demokratike, për veprat penale “Organizimi dhe pjesëmarrja në grumbullime dhe manifestime të paligjshme” dhe “Shtytja e të miturit në krim”;

-B. K., K. B., L. B. dhe F. N., anëtarë të Partisë Demokratike, për veprat penale “Kundërshtimi i punonjësit të Policisë së rendit publik” dhe “Shtytja e të miturit në krim”;

-u shpall në kërkim shtetasi L. P., 41 vjeç. Po punohet për kapjen e tij.

Pasditen e djeshme, protestuesit janë mbledhur fillimisht në bulevardin “Dëshmorët e Kombit”, para Kryeministrisë. Më pas, ata janë zhvendosur drejt Kuvendit, ku gjatë gjithë kohës së zhvillimit të tubimit, kanë hedhur lëndë djegëse, mjete piroteknike dhe sende të forta në drejtim të punonjësve të Policisë dhe godinave të institucioneve publike.

Si pasojë e sulmeve me sende të forta, mjete piroteknike dhe molotov ndaj punonjësve të Policisë dhe godinave të institucioneve shtetërore, janë dëmtuar 16 punonjës policie, të cilët morën ndihmë mjekësore në spital dhe janë jashtë rrezikut për jetën.

Në cilësinë e provës materiale janë sekuestruar 22 molotovë të pashpërthyer dhe 3 shishe me lëndë të dyshuar djegëse benzinë, që janë gjetur nga shërbimet e Policisë, afër Kuvendit.

Strukturat hetimore të Drejtorisë Vendore të Policisë Tiranë, në drejtimin e Prokurorisë, vijojnë punën për identifikimin dhe kapjen e shtetasve të tjerë të përfshirë në akte të dhunshme gjatë tubimit.

Materialet procedurale iu referuan Prokurorisë, për veprime të mëtejshme. /Tch/

Presidenti i Serbisë, Aleksandar Vuçiq, ka kërkuar nga qeveria projektet e planeve “Serbia 2030” dhe “Serbia 2035”, por sipas raportimeve, propozimet që mori ishin bërë me ndihmën e inteligjencës artificiale, gjë që e zemëroi atë.

Këtë informacion e kanë publikuar mediat e Beogradit. Sipas tyre, Vuçiq do të thërrasë sot kryeministrin serb, Gjura Macut dhe ministrat, duke u dhënë afat që deri më 21 shkurt, kur kthehet nga udhëtimi në Indi, t’i paraqesin një propozim të ri të programit.

“Nëse kjo nuk realizohet, presidenti Vuçiq vetë do të propozojë atë strategji dhe program. Dëshmitarët që ishin prezent kur presidenti Vuçiq mori planin e bërë me ndihmën e inteligjencës artificiale, thonë se nuk e kanë parë kurrë kaq të zemëruar për një kohë të gjatë”, raporton gazeta nova.rs.

Edhe pse lajmi u publikua mbrëmë nga tabloidet proqeveritare, as Vuçiq e as ndonjë anëtar i Qeverisë së Serbisë nuk kanë dhënë ende një deklaratë zyrtare për këtë rast.

Kujtojmë se Vuçiq më parë kishte njoftuar se planet e zhvillimit të Serbisë deri në vitin 2030 dhe 2035 do të publikoheshin deri më 1 mars dhe se çështja e rrjetit të furnizimit me ujë do të jetë një nga pikat kryesore të këtyre planeve.

Ai gjithashtu kishte thënë se “në planet dhe programet punojnë njerëz të specializuar dhe se pa plane adekuate nuk mund të bëhet asgjë”.

“Prandaj duhet të dalim sa më shpejt me planin deri në 2030 dhe planin afatgjatë deri në 2035, që njerëzit të mund të kuptojnë se çfarë do të bëjmë,” kishte theksuar atëherë Vuçiq. /Telegrafi/

Kryetarja e Partisë Liberale Demokratike, Monika Zajkova thotë se legaëizimi i kanabisit nuk legalizohet qëllimisht, për shkak se fitimi është më i madh nga shitja në të zezë.

"Sinqerisht nuk kam më besim sepse legalizimi nuk po bëhet. Çfarë kemi bërë? Më kujtohet mirë që bëmë ndryshimet dhe ato ngecën në Komisionin e Shëndetësisë, i cili atëherë drejtohej nga BDI. Dhe menjëherë njerëzit filluan të thurin fjalë se të gjithë do të bëheshin të varur ndaj opiateve, ndaj narkotikëve", tha kryetarja e Partisë Liberale Demokratike (PLD) dhe deputete në Parlamentin e Maqedonisë së Veriut, Monika Zajkova, në podkastin "Osnovano Somnenie" në lidhje me zhvillimet e fundit dhe konfiskimet e mëdha të kanabisit në Serbinë dhe Maqedoninë fqinje.

"Të jem e sinqertë, sepse jam gjithmonë e sinqertë, dhe kjo ndonjëherë mund të jetë një e metë, ndonjëherë një virtyt, por nuk mendoj se kjo çështje dëshirohet të zgjidhet, sepse u përshtatet të gjithëve që e gjithë kjo të shkojë në tregun e zi, sepse në fund fitimi ndoshta përfundon në xhepat e tyre. Mund të ishte ndryshe nëse do të legalizohej", thotë Zajkova dhe tregon si shembuj Holandën, Belgjikën, Spanjën, ku ka një rregullore të caktuar, qytetarët kanë një të drejtë të caktuar për përdorim rekreativ dhe mundësinë e rritjes deri në një numër të caktuar pemësh.

"Megjithatë, e gjithë kjo kontrollohet nga shteti dhe në fund përfiton vetëm shteti. Në fakt, kur filluan grupet e punës, bëhej fjalë më shumë për të bërë që vendet turistike, si Amsterdami e të ngjashme, të fillonin industrinë e ushqimit e të ngjashme. Megjithatë, padyshim që dikush nuk dëshiron që kjo të mbarojë në shtet, por i përshtatet ta shpërndajë në tregun e zi kështu. Dhe tani po bëjmë histori nga e gjithë kjo, apo jo, sa të suksesshme janë veprimet dhe janë, dhe çdo ditë buletinet tona mbushen", thotë Zajkova.

Zajkova nuk pajtohet me liderin e LD-së, Pavle Trajanov, dhe thekson se diskutimi nuk duhet të shkojë në drejtim të asaj që duhet të mbyllet, por duhet të shkojë në drejtim të faktit se në një moment do të duhet të legalizohet, të vendoset brenda kornizave të caktuara dhe të dihet se çfarë është e mundur, çfarë nuk është e mundur dhe çfarë është e dënueshme./Telegrafi/