Kryetari i Bashkisë së New York-ut, Zohran Mamdani, ka deklaruar se administrata e tij po shqyrton nëse ka autoritet ligjor për të arrestuar kryeministrin izraelit, Benjamin Netanyahu, nëse ai viziton qytetin për Asamblenë e Përgjithshme të OKB-së në muajin shtator.
“Besoj se kryeministri Netanyahu e ka vendin në Hagë. Ai është një kriminel lufte i akuzuar nga Gjykata Penale Ndërkombëtare”, tha Mamdani në një podkast të The New York Times.
Mamdani tha se është në “një bisedë aktive” me Departamentin Juridik të New York-ut për të përcaktuar nëse ka autoritetin për t’i udhëzuar Departamentit të Policisë së New Yorkut (NYPD) që të ndalojë një lider të huaj.
“Çfarëdo që ligji më lejon të bëj në New York, atë do të bëjmë, por nuk do të hartojmë ligjet tona për këtë qëllim”, tha ai.
Gjatë fushatës së tij për kryetar bashkie, Mamdani kishte deklaruar më herët se do të përpiqej të zbatojë urdhër-arrestin e Gjykatës Penale Ndërkombëtare ndaj Netanyahut nëse lideri izraelit do të vizitonte New York-un.
Netanyahu e hodhi poshtë këtë mundësi në një intervistë të fundit me drejtuesin radiofonik Sid Rosenberg, duke e akuzuar Mamdanin se mbështet Hamasin.
“Mendoj se ai duhet të shikojë se kë po dënon dhe kë po lavdëron. Ai po dënon Izraelin, të vetmen demokraci që qëndron krah për krah me vlerat amerikane”, tha Netanyahu.
Mamdani ka dënuar vazhdimisht fushatën ushtarake të Izraelit në Gaza, ndërsa ka dënuar gjithashtu sulmin e Hamasit ndaj Izraelit më 7 tetor të vitit 2023.
Në intervistë, Mamdani kritikoi gjithashtu politikën amerikane ndaj Gazës, duke theksuar se “është e vështirë të gjendet një qasje politike më e dështuar sesa ajo që vendi ynë ka ndjekur ndaj Gazës dhe Palestinës”.
Dy protestues iranianë janë ekzekutuar, sipas agjencisë gjysmë-zyrtare të lajmeve “Tasnim”, që tregon se regjimi iranian mund të jetë duke shtuar represionin nën hijen e konfliktit të vazhdueshëm me SHBA-në.
Erfan Esfandiari dhe Gol Mohammad Mohammadi janë ekzekutuar mëngjesin e së dielës, ka njoftuar “Tasnim”, për shkak të rolit të tyre në demonstratat anti-qeveritare të janarit, të cilat u përballën me një reagim brutal nga ana e regjimit.
Mbetet ende e paqartë se sa njerëz kanë humbur jetën gjatë atyre protestave, por agjencia HRANA (Human Rights Activists Neës Agency), me bazë në SHBA, thotë se të paktën 6,000 protestues kanë vdekur dhe 17,000 raste të tjera vdekjesh janë nën hetim.
Në atë kohë, presidenti amerikan, Donald Trump, e kishte paralajmëruar Teheranin se, nëse do të përdornin dhunë kundër protestuesve, SHBA-ja do t’u dilte në ndihmë.
Dhe kur SHBA-ja dhe Izraeli filluan të godisnin Iranin disa javë më vonë, Trumpi u bëri thirrje iranianëve që “ta shfrytëzonin momentin” dhe “ta merrnin sërish në dorë” vendin e tyre.
Një retorikë e tillë është zbehur gjatë rrjedhës së luftës. Në fakt, sipas organizatës “Iran Human Rights” (IHR) me bazë në Oslo, regjimi ka ekzekutuar të paktën 47 të burgosur politikë, një shifër shumë më e lartë krahasuar me 16 personat e ekzekutuar në të njëjtën periudhë të vitit të kaluar.
Të enjten, më 23 korrik, pritet të mbahet seanca e fundit plenare për këtë sesion parlamentar. Burime për Euronews bëjnë me dije se në rendin e ditës do të jetë vetëm votimi i raporteve për reformën territoriale. Në Kuvend do të paraqiten dy raporte, ai i Partisë Socialiste dhe ai i Partisë Demokratike por bazuar […]
Dy vite pas hyrjes në fuqi të ligjit për lojërat e fatit, qeveria ka plotësuar edhe aktet nënligjore që i hapin rrugë nisjes së procedurave për licencimin e basteve sportive online në Shqipëri. Megjithëse kuadri ligjor tashmë është i plotë, ende nuk është bërë publik afati se kur do të hapet gara për kompanitë që […]
Viti shkollor që u mbyll rezultoi me numër të lartë konfliktesh midis nxënësve në shkollat e vendit. Rastet më të rënda u shënuan në Kamëz, Durrës, Shkodër e Sarandë, ku nxënësit pas sherrit të nisur në mjediset e shkollave, përdorën armët e ftohta për t’u “sqaruar” pikërisht në dyert e godinave arsimore. Në muajin nëntor, […]
Nga Kreshnik Spahiu Dje po pija kafe te Toni, miku im në Golem, i cili ka një hotel me 50 dhoma. Temperaturat shënonin 34 gradë dhe po qëndronim në holl, ku hynin e dilnin turistët e huaj. Kryesisht ishin nga Polonia dhe Rumania. Ajo që më bëri përshtypje ishte se të gjithë hynin me qese […]
Në kuadër të procesit të integrimit të Shqipërisë në Bashkimin Evropian dhe plotësimit të detyrimeve për Kapitullin 16, “Tatimet”, Ministria e Financave ka hartuar një projektligj të ri që synon t’i japë fund problematikave të tatimit të dyfishtë. Projektligji, i cili mban titullin “Për mekanizmat e zgjidhjes së mosmarrëveshjeve tatimore me shtetet anëtare të Bashkimit […]
Kongresisti amerikan Ritchie Torres ka dënuar ashpër deklaratën e ministres serbe Snezhana Paunoviq, e cila kishte thënë se, po të ishte në vend të Sllobodan Millosheviqit, do ta kishte kryer “spastrimin etnik të Kosovës”. Torres e cilësoi këtë qëndrim si “moralisht të dënueshëm” dhe si një “përqafim të hapur të gjenocidit” ndaj shqiptarëve të Kosovës. […]
Policia e Shkodrës ka ndaluar dy persona të dyshuar se do t’i bënin një atentat Preng Gjinit. Sipas burimeve ata janë ndaluar para disa ditësh. Gjatë kontrolleve të kryera në telefonin e njërit prej tyre u gjet fotoja e 56-vjeçarit. Të njëjtat burime bëjnë me dije se Preng Gjini jeton jashte vendit, por ditët e […]
Aleksandar Naumoski nga opozitarja LSDM ka deklaruar se raporti më i fundit i Komisionit Evropian për sundimin e ligjit paraqet një pasqyrë shqetësuese për gjendjen në Maqedoninë e Veriut, duke akuzuar qeverinë aktuale për mungesë reformash dhe presion politik mbi institucionet e drejtësisë. Në një konferencë për media, Naumoski tha se “ndjenjat” e kryeministrit Hristijan […]
Partia Demokratët Evropianë (European Democrats Party – EDP) ka kundërshtuar propozimin e presidentit serb, Aleksandar Vuçiq, që vendet e Ballkanit Perëndimor të anëtarësohen në Bashkimin Evropian si një bllok i vetëm. Përmes një reagimi publik, sekretari i përgjithshëm i EDP-së, Sandro Gozi, theksoi se zgjerimi i Bashkimit Evropian është bazuar gjithmonë në meritat individuale të […]
Kush do ta ketë kurorën e mbretit të futbollit për 4 vitet e ardhshme: Spanja apo Argjentina? Tradita është në anën e amerikano-latinëve, që do të luajnë sot në mbrëmje finalen e tyre të 7-të në histori, ku 3 prej tyre i kanë kaluar me sukses dhe 3 i kanë humbur. Messi me shokë kërkon […]
Jayden James Federline, djali 19-vjeçar i Britney Spears, ka reaguar ndaj teorive të konspiracionit që qarkullojnë në rrjetet sociale, sipas të cilave këngëtarja është zëvendësuar nga një klon.
Gjatë një transmetimi live në TikTok, Jayden u habit nga përhapja e këtyre pretendimeve dhe tha se njerëzit duhet të kontrollojnë faktet para se t’u besojnë teorive të tilla.
“Hap TikTok-un dhe shoh një video me 1.2 milionë pëlqime që thotë: ‘Teoria më e madhe ndonjëherë: A është Britney Spears ende gjallë?’ Mund të shkosh në profilin e saj dhe ta shohësh tani. A jeni normalë?”, u shpreh ai.
Teoritë se Britney është 'zëvendësuar nga një klon' janë përhapur prej kohësh online, të nxitura kryesisht nga videot e saj të kërcimit në Instagram, ku disa përdorues pretendojnë ndryshime në pamje, zë dhe mënyrën e lëvizjes.
Për këto pretendime nuk ka asnjë provë.Jayden kritikoi mënyrën se si përhapen lajmet e rreme në internet, duke thënë se shumë njerëz besojnë informacionet vetëm sepse kanë shumë shikime dhe pëlqime.
Jayden
Britney Spears dhe ish-bashkëshorti i saj Kevin Federline kanë dy djem, Jayden dhe Sean Preston.
Pas një periudhe dyvjeçare pa u takuar, Britney u ribashkua me Jayden në fund të vitit 2024, duke e cilësuar momentin si një nga më të lumturit e jetës së saj. /Telegrafi/
Finalja e Kupës së Botës 2026 mes Spanjës dhe Argjentinës nuk do të vendosë vetëm kampionin e ri të botës, por mund të ndryshojë edhe renditjen historike të trofeve të fituar.
Argjentina, e udhëhequr nga Lionel Messi, do të përpiqet të mbrojë titullin e fituar në Katar në vitin 2022 dhe të ngjitet në kuotën e katër trofeve botërorë, duke barazuar Gjermaninë dhe Italinë në listën e kombëtareve më të suksesshme.
Në anën tjetër, Spanja synon të fitojë Kupën e dytë të Botës në histori, pas suksesit të vitit 2010 në Afrikën e Jugut.
Brazili vazhdon të mbetet kombëtarja më e suksesshme në historinë e Kupës së Botës, me pesë tituj të fituar në vitet 1958, 1962, 1970, 1994 dhe 2002. "Seleçao" është gjithashtu e vetmja kombëtare që ka marrë pjesë në të gjitha edicionet e turneut.
Pas Brazilit renditen Gjermania dhe Italia me nga katër tituj secila. Gjermania i fitoi trofetë në vitet 1954, 1974, 1990 dhe 2014, ndërsa Italia triumfoi në vitet 1934, 1938, 1982 dhe 2006.
Argjentina ka tre tituj botërorë, të fituar në vitet 1978, 1986 dhe 2022. Nëse mposht Spanjën në finalen e 2026-s, do të ngjitet në kuotën e katër trofeve, duke u bashkuar me Gjermaninë dhe Italinë në vendin e dytë të renditjes historike.
Uruguai dhe Franca kanë nga dy tituj botërorë. Uruguai triumfoi në vitet 1930 dhe 1950, ndërsa Franca fitoi në vitet 1998 dhe 2018.
Anglia dhe Spanja kanë nga një Kupë Bote. Anglezët fituan trofeun në vitin 1966, ndërsa spanjollët në vitin 2010. Nëse "Furia Roja" fiton finalen e së dielës, do ta dyfishojë numrin e titujve dhe do të bashkohet me Uruguain dhe Francën me nga dy trofe.
Ndërkohë, Holanda mban rekordin negativ si kombëtarja që ka humbur më së shumti finale të Kupës së Botës pa e fituar asnjëherë trofeun.
"Tulipanët" kanë qenë tre herë nënkampionë (1974, 1978 dhe 2010), ndërsa Hungaria dhe Çekosllovakia e kanë humbur nga dy finale. Kroacia dhe Suedia kanë mbetur një herë nënkampione të botës. /Telegrafi/
Lionel Messi ka ndarë një mesazh emocionues në prag të finales së Kupës së Botës, duke reflektuar mbi rrugëtimin e tij me Argjentinën dhe duke theksuar se kjo skuadër tashmë ka hyrë në histori, pavarësisht rezultatit ndaj Spanjës.
Në moshën 39-vjeçare, finalja e së dielës mund të jetë ndeshja e fundit e Messit në Kupën e Botës, madje edhe paraqitja e tij e fundit me fanellën e Argjentinës. Megjithatë, legjenda argjentinase beson se ky brez tashmë ka lënë gjurmë të pashlyeshme në futboll.
Në një postim në Instagram, Messi vlerësoi bashkëlojtarët dhe stafin teknik për gjithçka kanë kaluar së bashku ndër vite.
“Gjëja më e bukur gjatë gjithë këtyre viteve nuk kanë qenë vetëm trofetë, por i gjithë rrugëtimi. Të ndaj çdo ditë me këtë grup, të garojmë së bashku, të ngrihemi pas momenteve të vështira dhe të shijojmë çdo hap”.
“Faleminderit secilit prej bashkëlojtarëve të mi, stafit teknik dhe të gjithë njerëzve që punojnë çdo ditë për ta mbajtur këtë ekip si një familje”.
“Çfarëdo që të ndodhë në finale, ky grup tashmë ka shkruar një histori që nuk do ta harrojmë kurrë dhe që askush nuk do të mund ta fshijë”.
Vetëm pak muaj më parë nuk ishte e sigurt nëse Messi do të merrte pjesë në këtë Kupë Bote. Ai kishte deklaruar vazhdimisht se do të dëgjonte trupin e tij përpara se të merrte vendimin përfundimtar, ndërsa konfirmimi erdhi vetëm kur Lionel Scaloni publikoi listën përfundimtare të lojtarëve.
Dashuria e Messit për Kombëtaren e Argjentinës është dëshmuar edhe më herët. Në vitin 2016, pas humbjes ndaj Kilit në finalen e Kupës së Amerikës, pikërisht në stadiumin MetLife, ai njoftoi tërheqjen nga kombëtarja, i zhgënjyer nga dështimi për të fituar një trofe.
Megjithatë, mbështetja e jashtëzakonshme nga tifozët argjentinas e bindi të ndryshonte mendje dhe të rikthehej.
Që nga ajo kohë, Messi fitoi Kupën e Amerikës 2021, duke i dhënë fund pritjes 28-vjeçare të Argjentinës për një trofe madhor, ndërsa më pas triumfoi edhe në Kupën e Botës 2022.
Edhe pse shumë menduan se misioni i tij me kombëtaren kishte përfunduar, Messi ka pranuar disa herë se kënaqësia që i jep ky grup lojtarësh e ka bërë të pamundur të largohet./Telegrafi/
Kryeministri i Serbisë, Gjuro Macut, ka reaguar pas deklaratës së ministres së Administratës Shtetërore dhe Vetëqeverisjes Lokale, Snezhana Paunoviq, e cila kishte deklaruar se, po të ishte në vend të Sllobodan Millosheviqit, do ta kishte kryer "spastrimin etnik të Kosovës".
Macut ka theksuar se deklaratat personale të anëtarëve të Qeverisë nuk mund të paraqiten si politikë zyrtare e Serbisë, duke insistuar se ekzekutivi serb mbetet i përkushtuar ndaj paqes, dialogut dhe respektimit të së drejtës ndërkombëtare.
“Pikëpamjet personale, qofshin ato pjesërisht të formuluara në mënyrë të ngathët apo të nxjerra jashtë kontekstit, pavarësisht se kush i ka shprehur, nuk mund dhe nuk duhet të paraqiten si politikë zyrtare e Qeverisë. Politika jonë bazohet në ruajtjen e paqes, mbrojtjen e interesave shtetërore dhe kombëtare, respektimin e së drejtës ndërkombëtare, dialogun dhe respektimin e plotë të të drejtave të njeriut të të gjithë qytetarëve”, ka deklaruar Macut për Euronews Serbia.
Ai shtoi se çdo përpjekje për ta paraqitur një deklaratë individuale si qëndrim zyrtar të shtetit serb është, sipas tij, “plotësisht e pabazuar”.
Kryeministri serb bëri të ditur se ka biseduar me ministren Paunoviq, duke i bërë të qartë se deklaratat e saj ishin të papranueshme.
“I kam thënë qartë ministres Snezhana Paunoviq se deklaratat në këtë drejtim nuk janë të pranueshme. Ajo ka kërkuar falje për fjalët e saj, edhe pse vetë është një person i zhvendosur nga Kosova, dhe besoj se duhet ta mbyllim këtë çështje. Qytetarët presin rezultate nga Qeveria, jo polemika. Për këtë arsye do të mbetemi të përqendruar në punën që bëjmë në interes të Serbisë”, tha Macut.
Ai shtoi se nuk është e drejtë që deklarata e një ministreje, për të cilën është kërkuar falje, të përdoret si bazë për vlerësime politike ndaj Serbisë ose për të komentuar punën e Qeverisë së saj.
“Serbia është e përkushtuar ndaj vlerave evropiane dhe dialogut të hapur me partnerët e saj, por pret që të respektohen parimet e respektit të ndërsjellë, barazisë dhe mosndërhyrjes në punët e brendshme të shteteve. Marrëdhëniet e partneritetit ndërtohen mbi zbatimin e njëjtë të standardeve për të gjithë, përfshirë edhe Serbinë”, përfundoi kryeministri serb.
Ministri i Punëve të Brendshme i Gjermanisë, Alexander Dobrindt, ka ngritur nivelin e kërcënimit ndaj sigurisë në vend, duke paralajmëruar se planet për sulme që synojnë Gjermaninë janë “qartësisht të identifikueshme”.
Sipas gazetës gjermane Welt am Sonntag, Dobrindt tha se rritja e numrit të raportimeve dhe informacionit të inteligjencës e ka çuar në ngritjen e nivelit të mëparshëm abstrakt të kërcënimit në një “nivel të lartë kërcënimi”.
“Kjo do të thotë se Gjermania duhet të jetë e përgatitur për rrezikun e sulmeve terroriste në çdo kohë”, tha ai, duke shtuar se sulmet e planifikuara synojnë jo vetëm infrastrukturën kritike, por edhe individë dhe institucione.
Dobrindt tha se autoritetet gjermane të sigurisë së fundmi penguan një sulm të planifikuar me bombë, i cili dyshohet se ishte organizuar nga persona të rekrutuar që vepronin për shërbime të huaja të inteligjencës.
Ministri gjerman gjithashtu njoftoi planet për zgjerimin e kompetencave të agjencive gjermane të inteligjencës përmes një reforme të legjislacionit për inteligjencën, e cila pritet të shqyrtohet nga kabineti qeveritar më vonë gjatë kësaj vere.
Sipas ndryshimeve të propozuara, shërbimet e inteligjencës do të lejohen të ndërhyjnë drejtpërdrejt në situata të caktuara me rrezik të lartë, në vend që të kufizohen vetëm në mbledhjen dhe analizimin e informacionit.
Ai tha se projektligji mund t’u japë oficerëve të inteligjencës së brendshme të drejtën të hyjnë dhe të kontrollojnë banesa në situata urgjente terroriste, nëse policia nuk është në gjendje të reagojë në kohë.
Reformat do t’u japin gjithashtu agjencive gjermane të inteligjencës së brendshme dhe të jashtme kompetenca të kufizuara operacionale, përfshirë mundësinë për të ndërmarrë “masa mbrojtëse” me qëllim pengimin e aktiviteteve të spiunazhit ose sulmeve të planifikuara.
Këto masa do të kërkojnë miratimin paraprak të Këshillit të Pavarur Mbikëqyrës të vendit.
Dobrindt theksoi se ndarja mes shërbimeve të inteligjencës dhe policisë do të mbetet në fuqi, duke shtuar se arrestimet do të vazhdojnë të kryhen ekskluzivisht nga autoritetet policore.
Kabineti qeveritar i vendit pritet t’i diskutojë reformat e propozuara më 13 gusht.
Dobrindt gjithashtu theksoi se autoritetet e sigurisë kanë shtuar vëmendjen ndaj ekstremizmit të dhunshëm të majtë.
Sipas gazetës gjermane, hetuesit kanë bërë përparim në hetime të veçanta për sulmet ndaj infrastrukturës energjetike të Berlinit dhe kanë identifikuar të dyshuar në lidhje me akte sabotimi të pretenduara nga grupe ekstremiste të majta. /AA/
Pas një muaji spektakël futbolli dhe 103 ndeshjeve të zhvilluara në Shtetet e Bashkuara, Kanada dhe Meksikë, Kupa e Botës 2026 ka mbërritur në aktin e saj të fundit.
Sonte, në stadiumin "MetLife" në New Jersey, do të luhet finalja e madhe që do të kurorëzojë kampionin e ri të botës, në një përballje mes dy prej kombëtareve më të forta të momentit.
Nga ora 21:00, kampionia në fuqi e botës, Argjentina, do të përballet me kampionen aktuale të Evropës, Spanjën, në një duel që premton spektakël.
Në njërën anë është Lionel Messi, që synon të mbyllë karrierën me një tjetër trofe historik, ndërsa në anën tjetër qëndron Spanja e Luis de la Fuente, e udhëhequr nga brezi i ri i talentëve, me synimin për të fituar titullin e dytë botëror në histori.
19/07/2026 16:56- A po përshëndetet Messi? Ylli argjentinas dërgon mesazh emocionues para finales
Lionel Messi ka ndarë një mesazh emocionues në prag të finales së Kupës së Botës, duke reflektuar mbi rrugëtimin e tij me Argjentinën dhe duke theksuar se kjo skuadër tashmë ka hyrë në histori, pavarësisht rezultatit ndaj Spanjës.
Në moshën 39-vjeçare, finalja e së dielës mund të jetë ndeshja e fundit e Messit në Kupën e Botës, madje edhe paraqitja e tij e fundit me fanellën e Argjentinës. Megjithatë, legjenda argjentinase beson se ky brez tashmë ka lënë gjurmë të pashlyeshme në futboll.
19/07/2026 16:29- FIFA prezanton unazat e personalizuara të kampionëve për finalen Spanjë-Argjentinë
Finalja e madhe e Kupës së Botës 2026 midis Spanjës dhe Argjentinës në stadiumin MetLife nuk do të mbahet mend vetëm për vetë ndeshjen, por edhe për një ndryshim historik në mënyrën se si shpërblehen kampionët.
Në një lëvizje të frymëzuar nga ligat kryesore sportive amerikane si NBA dhe NFL, FIFA ka njoftuar se do t'i dhurojë unaza të personalizuara, të numëruara dhe të qepura sipas porosisë ekipit që arrin të ngrejë trofeun këtë të diel, më 19 korrik. Organi drejtues detajoi se një koleksion ekskluziv prej 2,026 bizhuterish do të krijohet për nder të vitit aktual.
Nga ky total, 30 bizhuteri do të rezervohen për lojtarët dhe stafin e trajnerëve të ekipit kombëtar fitues. 1,996 bizhuteritë e mbetura do të vihen në shitje për publikun e gjerë si artikuj zyrtarë koleksionistësh, të plotësuar me certifikatat përkatëse të autenticitetit.
19/07/2026 16:27- Podcasti Arena e Yjeve: Analiza dhe parashikime për finalen e madhe
Enjoy the videos and music you love, upload original content, and share it all with friends, family, and the world on YouTube.
19/07/2026 16:23- Analizë dhe parashikim i rezultatit
Kampionia e Evropës, Spanja, po arrin kulmin e formës në momentin e duhur, pasi dha një paraqitje të jashtëzakonshme në gjysmëfinale kundër Francës për të siguruar finalen e saj të parë të Kupës së Botës që nga viti 2010.
"La Roja", e cila ka pësuar vetëm një gol në shtatë ndeshje të këtij turneu, do ta nisë finalen si favorite. Në përballjen e fundit mes dy kombëtareve, Spanja e mposhti Argjentinën me rezultat të thellë 6-1 në vitin 2018, kur Isco realizoi një het-trik.
Argjentina ka mundësinë të bëhet kombëtarja e parë që fiton dy Kupa Bote radhazi që nga Brazili në vitin 1962, pasi siguroi një fitore spektakolare me përmbysje ndaj Anglisë të mërkurën. Kampionët në fuqi kanë fituar 13 ndeshje radhazi në Kupën e Botës që nga humbja ndaj Arabisë Saudite në ndeshjen hapëse të Botërorit 2022.
Parashikim: Spanjë 2-1 Argjentinë
19/07/2026 16:22- Formacionet e mundshme, Spanjë - Argjentinë
Spanja nuk ka asnjë mungesë pasi të gjithë yjet pritet të jenë gati për ta dëshmuar kualitetin nën urdhrat e Luis de la Fuente.
Faktikisht, vetëm Mikel Merino pritet të jetë në stol dhe më pas të hyjë në pjesën e dytë, me synimin për ta bërë ndryshimin në rast që nevojitet sikurse ndaj Portugalisë dhe Francës.
Ndërsa, e njëjtë situata pritet të jetë edhe te Argjentina. Përzgjedhësi Lionel Scaloni nuk ka asnjë lëndim andaj pritet të hyjë me formacionin e njëjtë që luajti ndaj Anglisë.
19/07/2026 16:19- Slavko Vincic, gjyqtari i finales
Introducing your referee for the @FIFAWorldCup 2026 Final....🥁
Federata Botërore e Futbollit (FIFA) ka shpallur zyrtarisht emrat e gjyqtarëve që do të gjykojnë në finalen e madhe të Kupës së Botës, në të cilën ekipet e Spanjës dhe Argjentinës do të luftojnë për titullin e kampionit të botës.
Spektakli është planifikuar për 19 korrik në MetLife Stadium dhe roli kryesor në ndeshjen më të rëndësishme të vitit i është besuar gjyqtarit të shquar slloven Slavko Vincic.
Krahas Vincicit, drejtësia do të administrohet në fushë nga ekipi i tij i mirë-koordinuar i asistentëve sllovenë, ndërsa pjesa tjetër e ekipit do të përbëhet nga gjyqtarë nga Jordania.
19/07/2026 16:16- Fjalët e Lionel Messit, kapitenit të Argjentinës
“Ne kemi qenë më të mirët në katër vitet e fundit, pavarësisht nëse i pëlqen apo jo dikujt, dhe pavarësisht se çfarë thotë dikush. Ne vërtetuam edhe një herë se jemi midis dy ekipeve më të mira në botë. Kjo tregon se gjithçka që bëmë nuk ishte rastësi dhe se asgjë nuk na është dhënë”.
"Lamine ka lënë gjurmë dhe e ka gjithë karrierën përpara. E ka mundësinë të arrijë diçka historike, por do të mundohemi që ai të mos e arrijë kësaj here".
19/07/2026 16:08- Fjalët e Lionel Scalonit, përzgjedhës i Argjentinës
"Si mundet që Spanja të mos na shqetësojë, pasi është përfaqësuese e madhe. Nuk shoh dobësi te Spanja. Por, pavarësisht se është finale, është tjetër ndeshje futbolli dhe ne duhet të provojmë ta fitojmë".
"Ata gjithashtu kanë lojtarë që kanë luajtur në skena të mëdha ndërkombëtare. Janë lojtarët më të mirë të ekipeve të tyre. Kur topi fillon të rrotullohet, presioni harrohet dhe ata përqendrohen vetëm te loja. Ata kanë luajtur një finale të Kampionatit Evropian dhe një finale të Ligës së Kombeve, ndaj kanë shumë përvojë. Nuk mendoj se fakti që ne po luajmë sërish një finale është ndonjë avantazh për ne."
19/07/2026 16:07- Fjalët e Rodrit, kapiten i Spanjës
"E konsideroj atë lojtarin më të mirë të të gjitha kohëve, lojtarin që e udhëhoqi shtetin e tij në triumfin e Botërorit në Katar dhe tani është në një tjetër finale”.
“Megjithatë, besoj se Argjentina është më shumë sesa Messi. Mendoj se Spanja dhe Argjentina e luajnë futbollin më të mirë ekipor".
19/07/2026 16:03- Fjalët e Luis de la Fuente, përzgjedhës i Spanjës
"Me të vërtetë shoh dy përfaqësuese me sjellje të përafërta dhe talent për futboll"
"Isha në Akademinë e Sevillas dhe luanim ndeshje të Kupës së Mbretit dhe shkuan më Barcelonë. Njerëzit më tregonin gjëra të mira për një fëmijë me emrin Messi. Një lojtar ishte afër tij dhe rezultati ishte 0-0 pas 70 minutash”.
“Kur lojtari mori karton e zëvendësuam. Për 15 minuta, Messi shënoi katër gola. Tani nuk do ta ruajmë ashtu, por do të jemi shumë të vëmendshëm, njësoj si ndaj lojtarëve të tjerë, ashtu siç edhe ata duhet të jenë për lojtarët tanë".
19/07/2026 15:47- Rruga e Spanjës dhe Argjentinës drejt finales së madhe
Nga ora 21:00, kampionia në fuqi e botës, Argjentina, do të përballet me kampionen aktuale të Evropës, Spanjën, në një duel që premton spektakël.
Spanja e nisi Kampionatin Botëror me barazim pa gola (0-0) ndaj Kepit të Gjelbër. Më pas erdhën dy fitore, ndaj Arabisë Saudite (4-0) dhe Uruguait (1-0), për ta kaluar grupin si lidere me shtatë pikë.
Në 1/16 e finales, fitorja erdhi ndaj Austrisë me rezultat 3-0, në 1/8 të finales mposhti Portugalinë me rezultat 1-0, ndërsa në çerekfinale fitoi ndaj Belgjikës me rezultat 2-1.
Ndeshja më e fortë e Spanjës deri më tani erdhi në gjysmëfinale ndaj Francës, ku fitoi me rezultat 2-0, duke siguruar finalen e madhe.
Në anën tjetër, Argjentina e kaloi pa probleme fazën e grupeve, duke regjistruar tri fitore. Fillimisht mposhti Algjerinë me rezultat 3-0, më pas Austrinë 2-0 dhe në fund Jordaninë 3-1.
Në 1/16 e finales fitoi ndaj Kepit të Gjelbër vetëm pas vazhdimeve me rezultat 3-2. Me shumë dramë triumfoi edhe ndaj Egjiptit me rezultat 3-2 në 1/8 të finales.
Fitore arriti edhe ndaj Zvicrës pas vazhdimeve, me rezultat 3-1.
Ndeshja më e madhe e tyre, pa dyshim, ishte në gjysmëfinale, ku, siç kanë bërë shpesh në këtë Kampionat Botëror, përmbysën rezultatin nga 1-0 në 2-1 për të siguruar finalen.
19/07/2026 15:33- Spanja dhe Argjentina në kërkim të lavdisë
Është koha për finalen e madhe të Kupës së Botës 2026, ku në stadiumin "MetLife" në New Jersey do të përballen dy prej kombëtareve më të mëdha të futbollit botëror.
Spanja, e udhëhequr nga talenti i jashtëzakonshëm Lamine Yamal dhe dirigjenti i mesfushës Rodri, synon të fitojë titullin e saj të dytë botëror.
Përballë saj do të jetë Argjentina, kampionia në fuqi e botës, e udhëhequr nga kapiteni frymëzues Lionel Messi. "Albiceleste" synon të ngrejë për herë të katërt në histori trofeun më të çmuar të futbollit botëror.
Çdo ditë në tryezat e qytetarëve përfundojnë fruta dhe perime, të cilat konsiderohen ndër ushqimet më të rëndësishme për një jetë të shëndetshme. Por, përtej pamjes së tyre të freskët dhe ngjyrave që tërheqin konsumatorët, mbetet një pyetje: sa të sigurta janë në të vërtetë produktet që konsumojmë?
Pesticidet janë pjesë e procesit bujqësor, pasi përdoren për mbrojtjen e kulturave nga sëmundjet dhe dëmtuesit. Megjithatë, përdorimi i tyre jashtë rregullave ose tejkalimi i kufijve të lejuar të mbetjeve mund të paraqesë shqetësim për shëndetin e konsumatorëve.
Për të garantuar sigurinë e produkteve që arrijnë në treg, kontrollet institucionale dhe analizat laboratorike luajnë një rol të rëndësishëm. Agjencia e Ushqimit dhe Veterinarisë thotë se produktet vendore dhe ato të importuara i nënshtrohen kontrolleve zyrtare, përmes marrjes së mostrave dhe testimit për mbetjet e pesticideve.
Por sa janë të informuar qytetarët për këtë çështje dhe çfarë thonë ekspertët për përdorimin e pesticideve në bujqësi? Për këtë temë, KosovaPress ka biseduar me zyrtarë të AUV-së, ekspertë të bujqësisë dhe përfaqësues të Organizatës “Konsumatori”.
Ushtruesi i detyrës së shefit të Inspektoratit Fitosanitar nga AUV, Burim Ahmeti thotë për KosovaPress, se mbrojtja e shëndetit të konsumatorëve është prioritet i institucionit, ndërsa kontrollet kryhen përgjatë gjithë zinxhirit të furnizimit, sipas legjislacionit në fuqi dhe analizës së rrezikut.
“Siguria ushqimore dhe mbrojtja e shëndetit të konsumatorëve është një nga prioritetet e Agjencisë së Ushqimit dhe Veterinarisë. Dhe në kuadër të kompetencave të saj, Agjencia e Ushqimit dhe Veterinarisë zbaton kontrolle zyrtare në produktet me origjinë bimore, përgjatë zinxhirit të furnizimit, duke përfshirë produktet vendore dhe ato të importit. Këto kontrollohen, domethënë, në bazë të legjislacionit në fuqi, planet zyrtare të kontrollit, monitorimit, analizën e rrezikut, marrjen e mostrave dhe testimin e mostrave në laboratorët e akredituar.”, u shpreh Ahmeti.
Sa i përket frutave dhe perimeve që mund të paraqesin rrezik më të lartë nga mbetjet e pesticideve, ai thotë se kontrollet nuk fokusohen në kultura të caktuara, por zbatohen për të gjitha produktet bujqësore. Sipas tij, deri më tani nuk janë evidentuar raste të tejkalimit të normave të lejuara.
“Faktikisht, Inspektorati Fitosanitar në kuadër të Agjencisë së Ushqimit dhe Veterinarisë, vepron mbi bazën e një plani të bazuar në rrezik. Këto kontrolle zbatohen të të gjitha kulturat bujqësore, pa dallim. Fillimisht kalojnë nëpër shumë procedura kontrolli. Nuk kemi raste specifike që t’i kalojnë vlerat e lejuara apo normat e lejuara me kontaminantë, në këtë rast me mbetjet e pesticideve. Kështu që, nuk kisha me potencuar ndonjë kulturë apo ndonjë produkt, qoftë pemë, perime ose produkte të tjera, të cilat i kanë tejkaluar normat e lejuara të mbetjeve të pesticideve. Domethënë, konsiderojmë që situata është në monitorim dhe në kontroll të plotë nga autoriteti ynë përkatës, nga Agjencia e Ushqimit dhe Veterinarisë, përmes Inspektoratit Fitosanitar.”, tha ai
Sipas tij, respektimi i rregullave nga fermerët verifikohet përmes inspektimeve zyrtare, kontrollit të dokumentacionit dhe analizave laboratorike, ndërsa në rast të shkeljeve zbatohen masat e parashikuara me ligj.
“Përmes inspektimeve zyrtare, verifikimit të përdorimit të produkteve të autorizuara për mbrojtjen e bimëve apo pesticideve, kontrollit të dokumentacionit përkatës, marrjes së mostrave për analiza laboratorike. Në rast konstatimi të shkeljeve, ndërmerren masat e përcaktuara sipas legjislacionit në fuqi.”, tha Ahmeti për Kosovapress.
Mungesa e informimit të qytetarëve dhe kontrollet e pamjaftueshme institucionale mbeten ndër shqetësimet kryesore sa i përket sigurisë së frutave dhe perimeve në Kosovë, vlerëson kryetari i Organizatës “Konsumatori”, Selatin Kaçaniku.
Ai shpreh dyshime edhe për nivelin e kontrolleve që kryhen në treg, duke theksuar se institucionet nuk mund ta mbikëqyrin tregun pa bashkëpunimin e qytetarëve.
“Obligimi i AUV-së për shembull është që ta kontrollojë 1.5% të produkteve, qofshin ato në import apo në treg. Dhe është vështirë e besueshme që edhe këtë 1.5% e realizon. As AUV-ja, as asnjë mekanizëm tjetër për kontrollin e tregut nuk mund ta mbikëqyrë tregun pa qytetarin konsumator. Por asnjë inspekcion, agjencion, mekanizëm nuk e merr parasysh qytetarin konsumator. Të gjitha punët përpiqen t’i bëjnë vetë dhe i bëjnë shumë keq. Vetëm një inspekcion komunal ka shprehur gatishmërinë që bashkë me organizatën e konsumatorit të bëjë kontrolle në komunën e tij.”, u shpreh Kaçaniku.
Sipas Kaçanikut, konsumatorët duhet të jenë më të kujdesshëm gjatë blerjes së produkteve ushqimore dhe të mos mbështeten vetëm te institucionet. Ai rekomandon që frutat dhe perimet të lahen me sodë bikarbone ose uthull para konsumimit, ndërsa qytetarët të zgjedhin produkte me deklaracion dhe të shmangin blerjen te tregtarët që kanë humbur besimin e tyre.
Eksperti i bujqësisë, Fatmir Selimi, thotë se pesticidet janë të domosdoshme për mbrojtjen e kulturave bujqësore nga sëmundjet dhe dëmtuesit, por thekson se ato nuk paraqesin rrezik për shëndetin e njeriut nëse përdoren sipas udhëzimeve dhe legjislacionit në fuqi.
“Roli i pesticideve është rol perkrahes, sepse te pemët, te perimet zakonisht paraqiten sëmundje apo dëmtues të ndryshëm. Dhe për këtë shkak, për eliminimin e tyre normalisht përdoren pesticidet, të cilat janë të lejuara me ligj dhe në të njëjtën kohë i ndihmojnë bujqve t’i eliminojnë këto probleme, të kenë produkt sa më të mirë edhe të kenë sasi e cila mund të konsumohet pastaj nga konsumatorët. Pesticidet përdoren në tërë botën, kështu që shumë rrallë ka vende ku nuk përdoren apo nuk përdoret bujqësia organike. Edhe në disa sisteme të tjera që njihen, mirëpo në përgjithësi pesticidet që përdoren në mënyrë të rregullt, të sigurt, nuk përbëjnë asnjë problem për shëndetin e njeriut.”, u shpreh Selimi për Kosovapress.
Selimi vlerëson se kontrollet aktuale për mbetjet e pesticideve duhet të forcohen. Sipas tij, mungesa e inspektorëve në terren dhe kapacitetet e kufizuara laboratorike paraqesin sfida në monitorimin e produkteve bujqësore, duke ndikuar edhe në procesin e eksportit të tyre.
“Mungesa e inspektorëve prej Ministrisë së Bujqësisë, si dhe inspektorëve fitosanitarë që ta bëjnë këtë punë vërehet është shumë relevante. Mendimi im, propozimi im kishte me qenë që ata me i angazhu inspektorët shtesë, sidomos në periudhën e pemtarisë, prej 1 marsit deri kah 1 nëntori, sepse kjo është periudha kur ka më së shumti. Edhe e dyta, përveç kësaj që mundemi me bë domethënë një farë kontrolli, ne kemi mungesë të laboratorëve. Nuk kemi laboratorë ku mundemi nëse dyshojmë në diçka, ne nuk mundemi me i dërguar në laborator i cili bën analiza të caktuara, laboratorë të akredituar. Është një në Institutin Bujqësor të Kosovës, i cili nuk ka shumë parametra që mundet me kontrollu, edhe është një në Ferizaj që është privat, i cili edhe ai ka një sasi të parametrave që mundet me i bë analizat e pesticideve”, u shpreh Selimi.
Ndërsa, për të parë se sa janë të informuar qytetarët për pesticidet dhe ndikimin e tyre në produktet që konsumojnë, KosovaPress ka dalë në tregje për të marrë mendimin e tyre. Disa nga qytetarët e pyetur kanë thënë se nuk kanë njohuri të mjaftueshme se çfarë janë pesticidet dhe se cili është roli i tyre në bujqësi, ndërsa për këtë çështje nuk kanë pranuar të flasin para kamerës.
Login
