Gjithçka duket se ka ndryshuar në pak kohë rreth “Old Trafford”, falë dikujt që riktheu rregullin aty ku mbizotëronte kaosi. Ai është Michael Carrick, me të cilin Manchester United ka kaluar nga një skuadër e brishtë dhe e çorganizuar në një makineri pikësh brenda vetëm disa javësh.
Katër fitoret radhazi në Ligën Premier tani nënkuptojnë vendin e katërt dhe, rrjedhimisht, një vend në Ligën e Kampionëve. Ka një ndryshim të qartë në shifra, në sistem, në vendimmarrjen në fushë dhe mbi të gjitha në identitetin e klubit, pas shkarkimit të Ruben Amorim. Një rikthim te normaliteti, i mundësuar nga dikush që e ka përjetuar një United ndryshe nga ai që ka luftuar prej vitesh për të rigjetur identitetin.
Me të, “Djajtë e Kuq” ia besuan stolin dikujt që e njeh “Old Trafford” si pak kush tjetër. 12 sezone me United (2006–2018), 464 paraqitje dhe 24 gola, një karrierë e ndërtuar mbi inteligjencë taktike dhe aftësi për t’u përshtatur. Ai luajti si mesfushor mbrojtës, si qendërmesfushor, deri sa u rishpik si qendërmbrojtësi nën Sir Alex Ferguson në sezonin 2012/13, të shoqëruar me shumë lëndime.
Një njeri që mbajti edhe shiritin e kapitenit, duke e trashëguar nga Wayne Rooney, para se të detyrohej të tërhiqej. Ai kishte treguar se pas një ndjesie të pazakontë në ndeshjen kundër Burtonit iu nënshtrua testeve, ku rezultoi se shkaku ishte aritmia kardiake. Një pengesë që e kapërceu, duke u rikthyer në futboll pas pensionimit në vitin 2018. Një lamtumirë nga loja, por jo nga futbolli që për të është si një lëkurë e dytë.
Ndikimi i menjëhershëm: Shifra dhe renditje
“Të drejtosh Manchester Unitedin është nder. E di çfarë duhet për të pasur sukses këtu”, kishte thënë Carrick kur u zyrtarizua. Janë fjalët e një njeriu që ka fituar gjithçka: pesë tituj të Ligës Premier, një Ligë të Kampionëve, një Liga Evropa, një Kupë Bote për Klube, një FA Cup dhe dy Kupa të Ligës.
Nuk është hera e parë që drejton Unitedin, pasi pas pensionimit iu bashkua stafit fillimisht te Mourinho dhe më pas te Solskjaer, duke marrë ekipin përkohësisht në vitin 2021 pas largimit të norvegjezit. Tre ndeshje pa humbje: fitore ndaj Villarrealit, barazim me Chelsean dhe fitore ndaj Arsenalit.
Pas rikthimit, Carrick vazhdoi aty ku e kishte lënë: 12 pikë në katër ndeshje, krahasuar me shtatë në pesë ndeshjet e para të Amorim. Menjëherë pasuan fitore të rëndësishme ndaj Cityt, Arsenalit, Fulhamit dhe Tottenhamit. Ishte seria e parë prej katër fitoresh që United e arrinte që nga shkurti i vitit 2024, nën Erik ten Hag.
Si e ndryshoi Carrick Manchester Unitedin
Ndryshimi ishte kryesisht taktik. Një vijë me katër mbrojtës, mbrojtës krahu më të kujdesshëm për të mbrojtur qendërmbrojtësit nga kundërsulmet dhe më shumë balancë mes reparteve. Një strukturë e thjeshtë që riktheu siguri në një skuadër që ka ndryshuar shumë ndër vite, me vetëm pesë lojtarë që kanë mbetur nga viti 2021: Bruno Fernandes, Amad Diallo, Maguire, Dalot dhe Shaw.
Carrick meriton kredi edhe për rivlerësimin e lojtarëve që dukeshin me rol dytësor. Një shembull është ish-lojtari i Lecces, Patrick Dorgu, i cili si mbrojtës krahu në skemën 3-4-2-1 të Amorim dukej i tepërt me rikthimin te 4-2-3-1. Carrick e rishpiku si mbrojtës të majtë ofensiv në mbështetje të Cunhas. Rezultati? Dy gola vendimtarë: fillimisht kundër Cityt dhe më pas një gjysmë-vole shumë e bukur nga skaji i zonës kundër Arsenalit për 2-1 në minutën e 50-të.
Guximi për t’u besuar të rinjve
Carrick nuk ka frikë të marrë rreziqe. Ai shfrytëzon Akademinë dhe u jep minuta atyre që e meritojnë. Tyler Fletcher, i lindur në vitin 2007 dhe pjesë e ekipit U21, u aktivizua në minutat e fundit për të përjetuar atmosferën e Ligës Premier kundër Tottenhamit.
Lëvizja më përcaktuese e menaxhimit të tij mbetet ringjallja e Kobbie Mainoo. Me dy asistime në katër ndeshje, ai është bërë titullar i rregullt pas muajsh neglizhence. Amorim e kishte lënë në hije, por Carrick e ka rikthyer në qendër të projektit. Ai kishte theksuar se lojtari është i ri dhe duhet pasur kujdes të mos ngarkohet me shumë përgjegjësi, duke shtuar se ende po mëson, por ndikimi i tij është i madh.
Edhe një lojtar me përvojë si Bruno Fernandes përfitoi nga ndryshimi. Katër asistime dhe një gol nën drejtimin e Carrick, paraqitje të qëndrueshme dhe një lidership i rifreskuar. Kapiteni ka thënë se Michael u ka dhënë lojtarëve lirinë për të marrë përgjegjësi dhe për të marrë vendime, duke shtuar se ai mund të bëhet një trajner i madh dhe po e dëshmon këtë.
Objektivi Liga e Kampionëve dhe një premtim për t’u mbajtur
Pas vendit të tetë në sezonin 2023/24 dhe të pesëmbëdhjetit në 2024/25 nën Amorim, Manchester United tani mund të rikthehet më në fund në Ligën e Kampionëve. Një arritje e tillë do të fshinte edhe fushatën e fundit zhgënjyese në Evrope, e cila përfundoi me gjashtë humbje në fazën e grupeve.
Ndërkohë, te tifozët po rritet pritja për një fitore të pestë radhazi: një triumf të martën ndaj West Ham do të mjaftonte që tifozi i njohur Frank Ilett (TheUnitedStrand) të mbajë premtimin dhe më në fund t’i presë flokët pas më shumë se një viti./Telegrafi
Mesfushori i Newcastle United, Sandro Tonali, është i hapur për një rikthim në Itali para afatit kalimtar të verës, sipas “GiveMeSport”.
25-vjeçari, i cili iu bashkua Newcastle nga AC Milan, së fundmi është lidhur me një largim të mundshëm nga “St James’ Park”. Agjenti i tij kishte kontaktuar Arsenalin në ditën e fundit të afatit kalimtar për një marrëveshje të mundshme për reprezentuesin italian.
Tonali mund të jetë në qendër të një beteje transferimesh në Liga Premier ku përfshihen Arsenal, Manchester United dhe Manchester City. Megjithatë, rikthimi në Serie A mbetet një mundësi e fortë, me Juventusin që është i interesuar për mesfushorin. Thuhet se italiani është i gatshëm të kthehet në Itali për arsye personale.
Newcastle besohet se e vlerëson mesfushorin të paktën 80 milionë funte, ndërsa disa raporte sugjerojnë se mund të duhen mbi 100 milionë funte që klubi të hyjë në negociata.
Edhe pse interesimi nga klubet e mëdha të Ligës Premier nuk përjashtohet, preferenca e Tonalit duket të jetë një kalim te Juventusi nëse paraqitet mundësia.
“Magpies” janë në pozitë të fortë negociuese, pasi Tonali ka kontratë deri në vitin 2029 dhe ekziston edhe opsioni për një vit shtesë./Telegrafi
Klubi futbollistik Ferizaj që po e synon qëndrimin në elitë ka vazhduar me përforcime.
Skuadra kosovare ka njoftuar marrëveshjet me Arlind Sejdiun dhe Plarent Fejzajn.
Sejdiu më parë ka luajtur në Superligën e Finlandës, si dhe ka përfaqësuar Kosovën U21.
“Ne kemi arritur marrëveshje me mesfushorin ofensiv Arlind Sejdiu, i cili nga sot është pjesë e FC Ferizaj.
Arlindi vjen me përvojë të rëndësishme ndërkombëtare, pasi ka luajtur në Superligën e Finlandës me FC Lahti dhe FC Inter, ndërsa së fundmi ishte pjesë e FC Haka. Po ashtu, ai ka përfaqësuar Kosovën U21 në arenën ndërkombëtare.
Me shpejtësinë, teknikën dhe kreativitetin e tij, besojmë se do t’i japë energji dhe cilësi shtesë repartit tonë ofensiv”.
Ndërkohë, Ferizaj ka gjetur “gjuhën e përbashkët” edhe me Plarent Fejzaj, të skuadrës së Kukësit.
“Vazhdojmë me përforcime, duke siguruar shërbimet e mesfushorit Plarent Fejzaj
Fejzaj, futbollist shqiptar, së fundmi ishte pjesë e FK Kukësi, ku u dallua për energjinë, presingun dhe prezencën në mesfushë”, thuhet në komunikatë.
Përpos dyshes, skuadra ferizajese prezantoi edhe ish portierin e Liverpoolit U23, Kai McKenzie-Lyle.
“Kai McKenzie-Lyle – Gardiani i ri i FC Ferizaj!
Zyrtarizojmë ardhjen e portierit 28-vjeçar Kai McKenzie-Lyle për të forcuar repartin e portës.
Reprezentuesi i shtetit Guyana, i formuar në akademinë e Barnet, si dhe pjesë e Liverpool U23, Kai sjell përvojë, siguri dhe prezencë të fortë në portë”.
Aktualisht, Ferizaj renditet e nënta me 19 pikë, tre pikë larg Llapit, që zë vendin e shtatë./Telegrafi
Mesfushori Lindon Emërllahu thotë se është i lumtur që është bashkëlojtar me Ilir Krasniqin te Polissya Zhytomyr.
Dyshja iu bashkuan skuadrës ukrainase në afatin kalimtar dimëror, ndërsa po përgatiten për të luftuar për titullin kampion.
Ai në intervistë të gjatë për faqen zyrtare të klubit deklaroi se është shumë i lumtur që po luan pranë Krasniqit, me të cilin debutoi te kombëtarja e Kosovës.
“Sigurisht. Kur ke një mik me të cilin luan edhe në kombëtare, është diçka e shkëlqyer. Mund të flasësh gjuhën tënde amtare, gjë që ma bën gjithçka shumë më të lehtë. Ai ka qenë në Ukrainë për rreth një vit e gjysmë — fillimisht te Kolos dhe tani te Polissya — prandaj jam vërtet i lumtur që është këtu”.
“Me gjasë katër apo edhe pesë vjet. Ne i bëmë debutimet në kombëtare së bashku”.
I pyetur se “a është miku më i mirë”, Emërllahu shtoi se “po” pa asnjë dyshim, kurse dha lëvdata për mënyrën e lojës.
“Mendoj se po”
“Ai është i qetë në fushë, e shijon lojën e futbollit. Është inteligjent dhe e di saktësisht çfarë duhet të bëjë gjatë ndeshjes”.
Ndërkohë, paraqitjen e parë dyshja pritet ta zhvillojnë pas dy javëve, më saktësisht kundër Kolos më 22 shkurt./Telegrafi
Real Madridi ka mbetur me më pak opsione në tregun e qendërmbrojtësve, pasi Marc Guehi iu bashkua Manchester Cityt, ndërsa Dayot Upamecano vendosi të qëndrojë te Bayern Munichu në vend që të largohej si lojtar i lirë.
Sipas gazetarit Jorge Picon për “El DesMarque”, drejtuesit madrilenë tani kanë kthyer vëmendjen nga qendërmbrojtësi i Borussia Dortmundit, Nico Schlotterbeck.
Mbrojtësi gjerman vlerësohet për shpejtësinë, gjatësinë dhe aftësinë shumë të mirë me topin, ndërsa është vetëm 26 vjeç dhe konsiderohet në kulmin e zhvillimit të tij.
Raporti bënë të ditur se Real Madridi e sheh Schlotterbeckun si një zëvendësues të mundshëm për David Alaban ose Antonio Rudigerin, të cilëve u skadon kontrata në fund të sezonit, andaj ka vendosur t’ia bëjë me dije lojtarit se e duan në verë.
Real Madridi është në mëdyshje nëse duhet t’ia rinovojë kontratën Rudiger, kurse duket i vendosur për të ndarë rrugët me David Alaban, i cili ka qenë i pafat që prej kalimit në “Santiago Bernabeu” si pasojë e lëndimeve të shpeshta.
Interesim për Schlotterbeck ka edhe Barcelona e Bayerni, megjithatë lojtari ëndërron të luajë në fanellën galaktike, prandaj gjasat për një transferim duken shumë të larta./Telegrafi
Mbrojtësi Lumbardh Dellova ka zënë vend në formacionin më të mirë të javës pas paraqitjes fantastike për CSKA Sofian.
Ylli i Kosovës shënoi një gol të bukur në triumfin 3-1 ndaj Arda, ku me një goditje të fortë s’ia dha mundësinë as për të reaguar portierit kundërshtar.
Përpos golit, Dellova ishte i pakalueshëm edhe në mbrojtje, ku si pasojë ishte ndër më të vlerësuarit për skuadrën e tij.
Kësisoj, Dellova ka zënë një vend në formacionin më të mirë të javës në Bullgari nga e përditshmja “SofaScore”.
Përndryshe, po raportohet se ylli dardan po e kalon sezonin e fundit te Sofia meqenëse pritet të largohet për një kampionat më të fortë në verën e ardhshme./Telegrafi
Mesfushori Dro Fernandez ka mahnitur të gjithë në debutim për PSG-në në klasikën franceze kundër Marseille.
Fernandez ishte në vëmendjen e të gjitha mediave muajin e kaluar, kur vendosi t’i bashkohet PSG-së, duke e lënë Barcelonën tepër të zemëruar pasi francezët e blenë për vetëm 8 milionë euro.
E një transferim i tillë duket të ketë qenë i qëlluar për skuadrën e Luis Enrique, pasi spanjolli mahniti në ato 15 minuta – ku ndër të tjera nuk gaboi asnjëherë në pasim.
Për më shumë shikoni disa momente të debutimit fantastik të talentit:
Pas ndeshjes, mesfushori i ri “gozhdoi” ish trajnerin Hansi Flick, duke dhënë lëvdata për Luis Enriquen.
“Luis Enrique është trajner i shkëlqyer. Të gjithë më thanë se ishte mahnitës dhe një nga arsyet që nënshkrova këtu. Ai i beson lojtarët e rinj dhe Parisi është vendi më i mirë për mua”.
“Po jap më të mirën në minutat që marrë dhe po punoj për të fituar më shumë minuta. Ka qenë lehtë ambientimi, thuajse kam qenë këtu që nga fillimi i sezonit”, shtoi Dro./Telegrafi
Disa nga ish pjesëtarët e Bad News Eagles po takohen sërish në një turne të madh, por këtë herë si kundërshtarë.
Bëhet fjalë për “juanflatroo”, “sinnopssy”, “rigoN” dhe “Sener1”, të cilët do të përfaqësojnë ekipet si “Jijiehao”, “Eternal Fire” dhe “Mana Esports” në turneun që mbahet në Turqi, pra “IstanbuLan”.
Organizata arabe Jijiehao ka vendosur të ndajë rrugët me “boros”, ndërsa në vendin e tij për këtë turne e kanë marrë “juanflatroo”. Ende nuk dihet nëse lojtari më i mirë shqiptar ndonjëherë do të nënshkruajë përfundimisht, apo sa do të ketë ndikim ky turne.
Wasn't meant to be with brother @boroscs this time. Wishing him the best of luck moving forward. 🙏
We will be getting help from @juanflatrooo for upcomming tournaments in Turkey. 🇹🇷 — Torbjørn Nyborg (@mithRTV) February 9, 2026
Tek Jijihao është edhe “sinnopsyy”, i cili ka luajtur për këtë ekip që disa muaj. Më e bukura, se në lojën e parë direkte do të jenë ndaj Eternal Fire, skuadër të cilës iu bashkua së fundmi “rigoN”.
Pra, më 12 shkurt, nga ora 14:00, tifozët mund të ndjekin ish yjet e BNE-së duke u përballur me njëri-tjetrin. Fatkeqësisht, ky turne është me një ndeshje të tipit BO3, prandaj humbësi do të eliminohet përfundimisht.
Tournament Update ℹ️
Due to a roster change on the Eternal Fire roster, Eternal Fire will be considered as VRS-Unranked.
With this change, the initial matches of the tournament reseeded. Eternal Fire became seed #11 with Secondary seeding of the HLTV Rank.
Përpos tyre, i pranishëm është edhe “Sener1” me ekipin me katër lojtarë tjerë të Kosovës, Mana Esports, të cilët do të kenë punë me AAB Esports./Telegrafi
Trajneri Alvaro Arbeloa beson se Kylian Mbappe është “në rrugën e duhur” për t’u bërë si Cristiano Ronaldo, pasi sulmuesi realizoi sërish në fitoren 2-0 të Real Madridit ndaj Valencias.
Alvaro Carreras hapi rezultatin në minutën e 65-të me një aksion individual shumë të bukur pranë shtyllës së parë.
Mbappe vulosi fitoren në kohën shtesë, duke finalizuar me qetësi pas asistimit të Brahim Diaz, duke e afruar Real Madridin në vetëm një pikë nga Barcelona kryesuese pas fitores së tyre bindëse ndaj Mallorcas të shtunën.
“Fjalët nuk mjaftojnë për ta përshkruar Kylianin”.
“Menduam se nuk do të shihnim më diçka si Cristiano, por ai është në rrugën e tij”.
“Jemi shumë me fat që e kemi. Ai është lojtari më i mirë në botë tani për tani”.
“Siç thashë, performanca e Cristianos dukej e jashtëzakonshme dhe Kylian ka ende rrugë të gjatë përpara, por ai ka talentin për të ndjekur gjurmët e tij. Pse jo edhe ta tejkalojë? Nëse dikush mund ta bëjë, është Kyliani”.
“Goli i Alvaros (Carreras) tregon se ai ka shumë talent edhe në fazën sulmuese. Ai gjithashtu shënoi një gol shumë të bukur kundër Valencias edhe në ndeshjen e parë”, deklaroi ai.
Me këtë gol, Mbappe po shijon serinë më të gjatë aktuale të shënimeve në pesë ligat kryesore të Evropë, duke realizuar shtatë gola në gjashtë ndeshjet e fundit në La Liga.
Ai gjithashtu kryeson listën e golashënuesve në La Liga këtë sezon, me 23 gola të shënuar./Telegrafi
Hendbollistet e respektuan himnin e Kosovës, por Federata spanjolle nuk e shkroi emrin Kosovë.
Të hënën në Prishtinë nisi Kampionati Mesdhetar i hendbollit për lojtaret deri në 16 vjet.
Në ndeshjen e parë u përballën Spanja dhe Kosova. Ndeshja filloi me intonimin e himneve të të dy shteteve. Lojtaret e Spanjës, siç është e zakonshme, e respektuan himnin e Kosovës. E njëjta ndodhi edhe me hendbollistet e Kosovës.
Ndërsa në Prishtinë gjithçka ishte në rregull, Federata e Hendbollit e Spanjës në faqen zyrtare bëri një paraqitje diskriminuese ndaj Kosovës.
Në raportin e ndeshjes u shkrua se Spanja kishte luajtur kundër “Federatës së Hendbollit të Kosovës” dhe jo kundër Kosovës. Në shumë pjesë, rivali i Spanjës u paraqit si “Federata e Hendbollit e Kosovës” e jo Kosova.
Ndërkohë, të gjitha kundërshtaret e ardhshme të Spanjës u shkruan me emrat zyrtarë: Mali i Zi, Bullgaria, Rumania dhe Turqia.
Në fakt, kjo nuk është diçka e re. Federatat spanjolle, përfshirë edhe atë të futbollit, kanë mbajtur vazhdimisht një qëndrim diskriminues ndaj Kosovës kur bëhet fjalë për prezantim. Zakonisht shmangin përdorimin e emrit zyrtar “Kosova”.
Spanja nuk e njeh shtetin e Kosovës dhe vazhdon të mbajë këtë qasje ndaj sportistëve kosovarë, të paktën sa i përket mënyrës së prezantimit./Telegrafi
Borussia Dortmund aktualisht mban avantazhin në garën për qendërsulmuesin e Hoffenheimit Fisnik Asllani.
Bayern Munich ka reduktuar ndjeshëm interesimin për yllin e skuadrës gjermane Hoffenheimit. Sipas “kicker”, 23-vjeçari “nuk luan një rol të rëndësishëm” në planet aktuale të bavarezëve.
Edhe pse Bayern e ka ndjekur nga afër Asllanin dhe ka vlerësuar cilësitë e tij brenda zonës së rreptësisë, shpejtësia e lojtarit nuk e ka bindur klubin. Për më tepër, pozicioni i tij i mundshëm në formacion është tashmë i zënë pas vazhdimit të kontratës së Serge Gnabryt.
Kësisoj, mediat gjermane raportojnë se Dortmund po përfiton nga situata dhe ka shtuar interesim për lojtarin, duke e bërë top prioritet për afatin kalimtar dimëror.
E ardhmja e Asllanit mbetet e hapur, me një vendim që pritet të merret gjatë vitit 2026.
Sulmuesi i Hoffenheimit ka kontratë deri në vitin 2029, por mund të largohet nga klubi për një shumë që varion nga 25 deri në 29 milionë euro.
Mediumi tjetër “Sky” ka shtuar se brenda këtyre tre muajve, Asllani do t’i jep përgjigjen përfundimtare skuadrës të cilës dëshiron t’i bashkohet./Telegrafi
Liria e Prizrenit e ka nisur mjaftë keq sezonin pranveror duke u mposhtur thellë në shtëpi nga Trepça ’89 me rezultat 1-4.
Si pasojë e rezultateve negative, skuadra prizrenase ka bërë ndryshime të menjëhershme, duke e ndryshuar trajnerin.
Pra, Liria e ka shkarkuar Liridon Lecin, i cili u emërua në krye vetëm katër muaj më parë.
Leci gjatë kësaj periudhe drejtoi Lirinë në 11 ndeshje, ku mori 7 fitore, 3 barazim dhe 1 humbje, kjo e fundit.
Siç raporton “Gazeta Blic”, Liria nuk ka humbur kohë pasi e ka gjetur menjëherë edhe pasuesin, bëhet fjalë për trajnerin e njohur kosovar Ismet Munishi, i cili së fundmi ishte te Dukagjini i Klinës.
Dy palët kanë gjetur marrëveshje të plotë, kësisoj në ditët e ardhshme Munishi pritet të emërohet zyrtarisht në vendin e Lecit.
Liria e ka për synim inkuadrimin në elitën e futbollit kosovar, megjithatë ka mbetur pak mbrapa – për t’u renditur në pozitën e gjashtë me 36 pikë, pesë më pak se lideri Vushtrria.
Paris Saint-Germain është treguar i pamëshirshëm ndaj rivalit francez Marseille, në kuadër të xhiros së 21-të në Ligue 1.
“Parisienët” triumfuan me rezultat të thellë 5-0, ku dominuan në të gjitha aspektet.
Ousmane Dembele përfitoi nga asistimi i Nuno Mendes për ta zhbllokuar rezultatin (12’).
Francezi pastaj edhe dyfishoi epërsinë pas asistimit të Mayulus (37’).
PSG-ja vazhdoi të dominojë ndërsa golin e tretë e gjeti përmes autogolit të Medinas, i cili tentoi ta largonte topin por e vendosi brenda rrjetës (64’).
Vetëm dy minuta më vonë, Khvicha Kvarastkhelia bashkëpunoi me Ousmane Dembele për ta dërguar rezultatin në 4-0.
Ndërkohë, fitoren e vulosi Lee Kang-in pas asistimit të Mayulus (74’).
PSG-ja me këtë fitore rimerr kreun e Ligue 1 me 51 pikë ndërsa Marseille zë pozitën e katërt me 39 sosh./Telegrafi
Një kafshim brutal në vesh çoi në kaos total dhe në sulmin e një luftëtari nga turma gjatë një eventi MMA në Çeki.
Në një mbrëmje të organizuar nga Clash MMA të shtunën në Brno, Vaclav Mikulasek (i njohur si “Baba Jaga”) dhe Pavol Vasko (“Pali Hari”) u përballën në ndeshjen kryesore, e cila doli jashtë kontrollit në një mënyrë të pazakontë.
Gjatë një tentative për rrëzim nga Mikulasek, Vasko reagoi duke e kafshuar në vesh. Luftëtari çek reagoi menjëherë me dhimbje të forta, ndërsa gjaku nisi të rridhte nga ana e kokës.
Vasko doli nga kafazi, por situata u përshkallëzua kur disa persona nga publiku e sulmuan. Sigurimi u përpoq të qetësonte gjendjen dhe ta shoqëronte jashtë, por ai u detyrua të hapte rrugë mes turmës, ndërsa drejt tij u hodhën pije, karrige dhe u godit me grushte.
Edhe kur arriti te korridori i daljes, ai nuk ishte ende i sigurt. Një tifoz e goditi me karrige, ndërsa një luftëtare femër i dha një goditje me këmbë në bark, para se më në fund të largohej nga zona.
Mesfushori Bernardo Silva ka pranuar se Manchester City e dinte që gara për titull do të ishte praktikisht e mbyllur nëse do të humbnin ndaj Liverpoolit, para fitores dramatike në “Anfield”.
Mesfushori portugez tha se skuadra e Pep Guardiolës ishte vetëm disa minuta larg shuarjes së shpresave për titull, para se rikthimi i madh t’u jepte frymë të re ambicieve për të rikthyer trofeun më të rëndësishëm të futbollit anglez.
City e ngushtoi diferencën me Arsenalin në gjashtë pikë dhe siguroi “dopietën” sezonale ndaj Liverpoolit në kampionat për herë të parë pas gati 90 vitesh.
Me gjashtë minuta të mbetura, Silva barazoi rezultatin duke shlyer golin spektakolar nga goditja e dënimit të Dominik Szoboszlai. Hungarezi më pas u përjashtua në kohën shtesë pas një incidenti të çuditshëm me Erling Haaland, ndërsa edhe një gol nga distanca i Rayan Cherki u anulua.
“Për diferencën që kemi për të rikuperuar ndaj Arsenalit ishte e rëndësishme të kërkonim edhe një gol tjetër pasi barazova”, ka thënë Silva.
“Isha i lumtur sepse u rikthyem në lojë, por na duhej edhe një gol tjetër. Është vendi më i vështirë ku mund të vish në Ligën Premier dhe zakonisht edhe një pikë këtu është rezultat i mirë, por ne kishim nevojë për fitore”.
“Për mua është fitorja e parë këtu në nëntë vite, përveç vitit të Covidit. E dinim para ndeshjes se ndoshta gara për titull mbyllej nëse humbnim, ndaj e ndjemë se na duhej patjetër fitorja”.
“Ende ka shpresë dhe do të luftojmë deri në fund. Duhet të vazhdojmë të bëjmë punën tonë, gjë që nuk e kemi bërë mirë kohët e fundit. Po ta kishim bërë, do të ishim më afër Arsenalit tani”.
Aktualisht, Arsenali renditet e dyta, gjashtë pikë nën Man Cityn./Telegrafi
Mesfushori Elvis Rexhbeçaj është ankuar për një penallti të akorduar për Mainz 05, për të cilën deklaroi se as nuk kishte kontakt me lojtarin kundërshtar.
Augsburgu të shtunën pësoi humbje 2-0 nga Mainz, ku te goli i parë protagonist ishte mesfushori i Kosovës. Pas pesë minutave lojë, ai e humbi topin dhe tentoi ta fitonte gjatë duelit me Stefan Bellin, por gjyqtari akordoi penallti.
28-vjeçari për “Kicker” është ankuar se Augsburgu iu bë e padrejtë meqenëse nuk kishte thuajse fare kontakt.
“E kam prekur tepër pak, nuk kam ndjerë asgjë. Është irrituese kur e sheh pamjen sepse mezi shihet kontakti. Kjo e irriton çdokënd”.
“Kështu që më mirë të mos jenë ata (VAR) e më pas do të kishim vendime njerëzore. Gabimet ndodhin, zemërohemi por përfundon çdo gjë. Por, t’i bësh këto gabime kur ke imazhet është thuasje e pamundur”.
“Shumë para janë shpenzuar në këtë teknologji. Mund ta afroni situatën dhe ta shihni në secilin kënd”, deklaroi prizrenasi.
Në fund, Rexhbeçaj kërkoi nga bashkëlojtarët t’i finalizojnë rastet sepse këtë edicion nuk po kalojnë formë të mirë.
“Duhet të marrim përgjegjësi vetë. Kishim shanse të mira edhe kur po humbnim 0-1. Finalizimi nuk është i mirë dhe ky ishte faktori kryesor”.
“E di që situata është kritike dhe na nevojiten pikë. Duhet një kohë e gjatë derisa të qetësohemi”.Ndërkohë, Augsburg këtë edicion po vuan për rezultate ku pas 21 xhirove, zë pozitën e 13-të me vetëm 22 pikë/Telegrafi
Manchester City ka shënuar një fitore të madhe në udhëtim te Liverpooli, në sfidën që ishte dramatike nga fillimi.
Skuadra e Pep Guardiolas shkaktoi përmbysje nga 1-0 në 1-2 për t’i arkëtuar pikët e plota në “Anfield”. Sidoqoftë, ajo që ra në sy të tifozëve ishte goli i anuluar i Rayan Cherkit.
Në minutat e fundit të shtesë, e tërë skuadra e Liverpoolit përfshirë portierin po tentonin ta barazonin rezultatin, kësisoj City përfitoi me një kundërsulm, ku Rayan Cherki nga gjysma e fushës e dërgoi topin në rrjetë.
Sidoqoftë, goli u anulua nga VAR-i. E tërë kjo situatë ndodhi pasi hungarezi Dominik Szoboszlai faulloi Erling Haalandin, e meqenëse ishte lojtari i fundit, nënkuptonte automatikisht karton të kuq.
🏴 RAYAN CHERKI HAS WON IT FOR MANCHESTER CITY !!!!!
Kësisoj, gjyqtari e anuloi golin e Cherkit, e përjashtoi direkt hungarezin dhe dha një gjuajtje të lirë në favor të “Qytetarëve”, të cilin e goditi Bernardo Silva, mirëpo mbi portë.
City kësisoj mori tre pikë të mëdha në “Anfield”, pasi tani kanë 50 pikë, vetëm gjashtë më pak se lideri Arsenali. Liverpooli në anën tjetër vazhdon garën për top katërshe, për t’u renditur në vendin e gjashtë me 39 pikë./Telegrafi
Login
