Presidenti i SHBA-së, Donald Trump, ka ngritur një padi prej 5 miliardë dollarësh kundër bankës JPMorgan Chase dhe CEO-së së saj, Jamie Dimon, duke i akuzuar se i kanë mohuar shërbimet bankare për arsye politike duke i mbyllur disa nga llogaritë e tij dhe të kompanive të tij.

Padia u depozitua në një gjykatë shtetërore të Floridës, në Qarkun Miami-Dade. Në të, Trump pretendon se banka më e madhe amerikane ka shkelur politikat e veta duke e përzgjedhur atë për të përfituar nga ajo që ai e quan “vala politike”.

Megjithatë, JPMorgan ka mohuar se mbyllja e llogarive kishte ndonjë motiv politik ose fetar.

“Ndërsa na vjen keq që presidenti Trump na ka paditur, ne besojmë se padia nuk ka asnjë vlerë”, tha banka. “Ne e respektojmë të drejtën e presidentit për të na paditur dhe të drejtën tonë për të mbrojtur veten”, shtoi ajo.

Trump akuzon gjithashtu Jamie Dimon se ka urdhëruar krijimin e një “liste të zezë” dashakeqe për të paralajmëruar bankat e tjera lidhur me bërjen e biznesit me Organizatën Trump, anëtarët e familjes Trump dhe me vetë presidentin.

Ai pretendon se JPMorgan ka vepruar në mënyrë të njëanshme duke shkelur parimet e veta dhe duke e penalizuar për arsye politike.

Sinjali – aty ku e vërteta flet para lajmit!

/GazetaSinjali/

The post Trump padit bankën më të madhe amerikane për 5 miliardë dollarë appeared first on Sinjali.

Në Qendrën e Numërimit dhe Rezultateve (QNR) po vazhdon numërimi i fletëvotimeve sipas listës së vendvotimeve për të cilat Komisioni Qendror i Zgjedhjeve (KQZ) ka marrë vendim për rinumërim.

Sipas një njoftimi të KQZ-së në Facebook, procesi filloi të martën, më 13 janar 2026, në orën 18:00. Deri të premten, më 23 janar 2026, në orën 16:00, janë rinumëruar mbi 52% e vendvotimeve, apo 1,342 nga 2,557 të planifikuara.

Sipas të dhënave zyrtare, rinumërimi është përfunduar plotësisht në 21 komuna.

Rezultatet e rinumërimit do të publikohen në platformën e KQZ-së për rezultate: https://resultsparliamentary2025.kqz-ks.org/ në hapësirën QNR > Rinumërim, ku do të paraqiten rezultatet pas numërimit të çdo vendvotimi.

Sinjali – aty ku e vërteta flet para lajmit!

/GazetaSinjali/

The post Procesi i rinumërimit përfundon në 21 komuna appeared first on Sinjali.

Luftanijet amerikane po shkojnë drejt Iranit, teksa zyrtarët iranianë po mbrojnë shtypjen brutale të protestave antiqeveritare, shtypje të cilën Kombet e Bashkuara po e cilësojnë si goditjen më vdekjeprurëse të Republikës Islamike ndaj popullit të saj që nga marrja e pushtetit gjatë revolucionit të vitit 1979.

Mes një bllokade disajavore të internetit, informacionet për përmasat e shtypjes së protestave – të cilat nisën me tregtarët në Teheran që protestuan kundër rritjes së inflacionit dhe zhvlerësimit të valutës kombëtare – vazhdojnë të zbulohen ngadalë, teksa grupet për të drejtat e njeriut po mbledhin të dhëna nga spitalet dhe dëshmitarët okularë.

Agjencia e lajmeve e aktivistëve për të drejtat e njeriut (HRANA), me seli në SHBA, thotë se deri më 22 janar, pas 26 ditësh protesta, ka verifikuar 5.002 vdekje, përfshirë 201 pjesëtarë të forcave të sigurisë, ndërsa mbi 9.787 vdekje të tjera janë ende duke u hetuar.

Mai Sato, raportuesja e posaçme e OKB-së për të drejtat e njeriut në Iran, tha më 22 janar se numri i civilëve të vrarë gjatë shtypjes së protestave mund të tejkalojë edhe shifrën 20.000, ndërsa po dalin në dritë raporte nga mjekët.

Gjatë një mbledhjeje më 23 janar mbi ngjarjet në Iran, Këshilli i OKB-së për të Drejtat e Njeriut shprehu shqetësim të thellë për “përmasën e paprecedent të shtypjes së dhunshme të protestave paqësore nga forcat e sigurisë në Iran, raportet për vrasje pa gjyq të protestuesve, përfshirë gra dhe fëmijë, si dhe përdorimin e tepruar dhe vdekjeprurës të forcës, që ka rezultuar me vdekjen e mijëra protestuesve paqësorë dhe plagosjen e shumë të tjerëve”.

Presidenti amerikan, Donald Trump, tha më 22 janar se Shtetet e Bashkuara kishin një “flotë” që po nisej drejt Iranit, por shpresonte të mos i duhej ta përdorte atë, teksa përsëriti paralajmërimet ndaj Teheranit që të mos vriste protestues dhe të mos rifillonte programin e tij bërthamor.

“Kemi shumë anije që po shkojnë në atë drejtim, për çdo rast. Do të preferoja të mos ndodhte asgjë, por po i vëzhgojmë shumë nga afër… kemi një flotë… që po shkon në atë drejtim dhe ndoshta nuk do të na duhet ta përdorim”, u tha Trump gazetarëve në bordin e avionit presidencial teksa po kthehej në Uashington nga Forumi Ekonomik Botëror në Davos të Zvicrës.

Aeroplanmbajtësja USS Abraham Lincoln dhe disa luftanije të tjera të pajisura me raketa pritet të mbërrijnë në Lindjen e Mesme në ditët në vijim, njofton rel.

Departamenti amerikan i Thesarit më 23 janar njoftoi për sanksione ndaj nëntë anijeve që janë pjesë e asaj që e quajti “flotë në hije” e Iranit, e cila transporton naftë dhe produkte nafte iraniane të sanksionuar nëpër botë.

“Sanksionet e sotme synojnë një komponent kritik të mënyrës se si Irani gjeneron fondet që përdoren për të shtypur popullin e vet. Siç është theksuar më parë, Thesari do të vazhdojë të gjurmojë dhjetëra milionë dollarët që regjimi ka vjedhur dhe po përpiqet t’i transferojë në banka jashtë Iranit”, tha sekretari i Thesarit, Scott Bessent.

Mohammad Javad Haj Ali Akbari, një klerik me ndikim që udhëheq lutjes e së premtes në Teheran, tha më 23 janar se Irani do të hakmerrej për çdo sulm amerikan ndaj shtetit, përfshirë edhe duke shënjestruar investimet amerikane në rajon.

Kjo deklaratë erdhi pasi Ali Abdollahi Aliabadi, kreu i Shtabit Qendror Khatam-al Anbiya të Iranit, i cili koordinon ushtrinë dhe Trupat e Gardës Revolucionare Islamike, tha se çdo goditje ushtarake do t’i bënte të gjitha bazat amerikane në rajon “objektiva legjitime”.

Iranianët janë shkëputur nga bota e jashtme që nga 8 janari, kur autoritetet vendosën një bllokadë pothuajse të plotë të internetit në nivel kombëtar, teksa shtypja e protestave u ashpërsua.

Është e paqartë se kur do të rikthehen shërbimet, por edhe kur kjo të ndodhë, ekspertët druajnë se autoritetet do t’i detyrojnë iranianët të përdorin një “intarnet” të dizajnuar brenda vendit, që funksionon i pavarur nga interneti global.

Sinjali – aty ku e vërteta flet para lajmit!

/GazetaSinjali/

The post SHBA-ja nis luftanije drejt Iranit, OKB paralajmëron për numër të paprecedentë vdekjesh gjatë protestave appeared first on Sinjali.

Kryeministri i Britanisë së Madhe, Keir Starmer, e ka dënuar pretendimin e presidentit amerikan, Donald Trump, se aleatët e NATO-s nuk kanë luftuar në mënyrën e duhur krahas trupave amerikane në Afganistan.

“Më lejoni që të filloj duke i nderuar 457 pjesëtarët e shërbimeve tona të armatosura që e humbën jetën e tyre në Afganistan. Unë kurrë nuk do t’i harroj guximin e tyre, trimërinë e tyre dhe sakrificën që e bënë ata për vendin e tyre” – tha kryeministri britanik, raporton gazeta “The Guardian”.

“Janë shumë, gjithashtu, që u plagosën, disa me lëndime që ua ndryshuan jetën. Prandaj, unë i konsideroj komentet e presidentit Trump fyese dhe, sinqerisht, të tmerrshme” – shtoi ai.

“Dhe nuk jam i befasuar që ato shkaktuan kaq lëndim për të dashurit e atyre që u vranë ose u plagosën dhe, në të vërtetë, në mbarë vendin” – tha më tej kryeministri laburist.

Ai më pas u pyet për kërkesën e nënës së një ushtari që kishte pësuar lëndime të rënda në Afganistan që donte që kryeministri të ishte më i ashpër ndaj Trumpit dhe të kërkojnë nga ai që të kërkojë falje.

Kur u pyet nëse do të kërkojë nga presidenti amerikan që të kërkojë falje, Starmeri tha: “Epo, unë e kam bërë të qartë pozicionin tim. Ajo që do t’ia thosha [nënës së ushtarit] është që, nëse unë do të kisha folur gabimisht në atë mënyrë, ose nëse do t’i kisha thënë ato fjalë, sigurisht se do të kërkoja falje dhe do t’i kërkoja falje asaj.”

“Kurrë nuk kemi pasur nevojë për ta [ushtarët e vendeve aleate]. Ne kurrë nuk kemi kërkuar vërtet diçka nga ta. E dini, do të thonë se dërguan disa trupa në Afganistan, ose këtë apo atë. Dhe e bënë – qëndruan pak prapa, pak jashtë vijave të frontit” – tha më herët presidenti amerikan.

Sinjali – aty ku e vërteta flet para lajmit!

/GazetaSinjali/

The post Starmer i quan komentet e Trumpit për trupat e NATO-s në Afganistan “fyese dhe të tmerrshme” appeared first on Sinjali.

Ka ndërruar jetë ish-zëvendëskomandanti i batalionit në Brigadën 164 të UÇK-së, Menduh Brava.

Lajmin për vdekjen e tij e bëri të ditur kreu i AAK-së, Ramush Haradinaj, i cili ngushëlloi familjen Brava për humbjen e më të dashurit të tyre.

Haradinaj kujtoi përkushtimin e palëkundur të Bravës gjatë rrugëtimit për liri dhe shtet.

“Me dhimbje mora lajmin për ndarjen nga jeta të Menduh Bravës. I ndjeri, gjatë luftës për liri, i shërbeu me nder atdheut si zëvendëskomandant i batalionit në Brigadën 164 të UÇK-së, ndërsa pas luftës ishte kryetar i OVL-UÇK-së në Han të Elezit. Kisha nderin të rrugëtojmë bashkë edhe politikisht, në zgjedhjet e fundit lokale ishte kandidat për asamble nga Aleanca për Ardhmërinë e Kosovës. Ngushëllimet më të sinqerta familjes Brava, miqve dhe gjithë aktivistëve tanë në Han të Elezit. U prehsh në paqe, Menduh!”, shkroi Haradinaj.

Sinjali – aty ku e vërteta flet para lajmit!

/GazetaSinjali/

The post E dhimbshme: Vdes ish-zëvendëskomandanti i Brigadës 164 të UÇK-së, Menduh Brava appeared first on Sinjali.

Një ligjëratë për Gjykatën Speciale në gjimnazin “Xhevdet Doda” në Prishtinë ka nxitur reagime të shumta në publik në Kosovë.

Si pasojë, Gjykata Speciale ka dalë me një deklaratë zyrtare për të sqaruar programin e saj për “Komunikim dhe Ndërgjegjësim të Dhomave të Specializuara të Kosovës”.

Gjykata thekson se nuk e përfaqëson as Prokurorinë, as Mbrojtjen dhe se ligjëratat nuk përmbajnë përmbajtje politike apo ideologjike.

Duke qenë se gjykimet kryhen në Hagë, Gjykata Speciale ka theksuar se: “Që në fillim u vlerësua se Gjykata duhet të komunikojë me njerëzit që ndikohen nga proceset gjyqësore, duke u ofruar atyre informacion transparent, asnjanës dhe të qasshëm, sikurse kanë vepruar edhe tribunalë të tjerë”.

DHSK-ja ka theksuar gjithashtu se prej vitesh ka komunikuar në mënyrë transparente lidhur me aktivitetet e saj të rregullta të komunikimit dhe ndërgjegjësimit.

Njoftimi:

Që nga viti 2018, me mbështetjen bujare të Zvicrës, ekipi i Programit për Komunikim dhe Ndërgjegjësim i Dhomave të Specializuara të Kosovës ka zhvilluar aktivitete komunikimi dhe ndërgjegjësimi me audiencat në mbarë Kosovën pothuajse çdo muaj.

Këto aktivitete të përcjelljes së informacionit kanë për qëllim të sigurojnë praninë në Kosovë, të ofrojnë informacion bazë për mandatin dhe veprimtarinë e Gjykatës, t’u japin njerëzve në Kosovë mundësinë të shprehin pikëpamjet e tyre dhe, mbi të gjitha, t’u përgjigjen pyetjeve të tyre. Janë organizuar aktivitete me studentë, juristë, shoqërinë civile, qytetarë të komuniteteve vendore, dhe me shumë të tjerë.

Duke qenë se gjykimet kryhen në Hagë, që në fillim u vlerësua se Gjykata duhet të komunikojë me njerëzit që ndikohen nga proceset gjyqësore, duke u ofruar atyre informacion transparent, asnjanës dhe të qasshëm, sikurse kanë vepruar edhe tribunalë të tjerë.

Informacioni që jepet gjatë këtyre aktiviteteve është i njëjti informacion që mund të gjendet edhe në faqen e internetit të Dhomave të Specializuara. Këtu përfshihet informacioni në lidhje me mandatin e Gjykatës sipas Ligjit, të drejtat e të akuzuarve, pjesëmarrjen e viktimave dhe zhvillimet ligjore në çështjet gjyqësore.

Gjykata është një institucion i ndarë nga Zyra e Prokurorit të Specializuar dhe Programi për Komunikim dhe Ndërgjegjësim i administruar nga Zyra Administrative si organ asnjanës i Gjykatës, nuk përfaqëson as Prokurorinë, as Mbrojtjen. Prezumimi i pafajësisë së një të akuzuari komunikohet qartë. Në informacionin që përcillet nuk përfshihet përmbajtje politike apo ideologjike.

Prej vitesh, DHSK-ja ka komunikuar në mënyrë transparente lidhur me aktivitetet e saj të rregullta të komunikimit dhe ndërgjegjësimit dhe qëllimin e tyre. Në ato aktivitete kanë marrë pjesë gazetarë, të cilët kanë raportuar për to. Për aktivitetet e komunikimit dhe ndërgjegjësimit në Kosovë, Gjykata raporton rregullisht në informimet javore me mediat, në faqen e internetit dhe kanalet e rrjeteve sociale, si dhe në raportet vjetore të saj.

DHKS-ja e vlerëson të rëndësishme të dëgjojë mendimet e njerëzve në Kosovë dhe t’u përgjigjet pyetjeve të tyre përmes Programit për Komunikim dhe Ndërgjegjësim.

Sinjali – aty ku e vërteta flet para lajmit!

/GazetaSinjali/

The post Gjykata Speciale: Ligjëratat nuk përfshijnë përmbajtje politike apo ideologjike appeared first on Sinjali.

Skuadra e Comos, e cila po kalon një sezon fantastik në Serie A, ka nisur planifikimin për të forcuar më tej ekipin gjatë afatit kalimtar të janarit.

Trajneri Cesc Fabregas ka kërkuar nga drejtuesit e klubit përforcime, dhe duket se Como është shumë afër arritjes së një marrëveshjeje me talentin e Barcelonës, Andres Cuenca.

Gazetari Fabrizio Romano njofton se tashmë është arritur një marrëveshje verbale me futbollistin 18-vjeçar. Barcelona do të mbajë një klauzolë të lartë shitjeje për Cuencan në të ardhmen, mbi 20%.

Sinjali – aty ku e vërteta flet para lajmit!

/GazetaSinjali/

The post Como synon përforcime, afër marrëveshjes me talentin e Barcelonës, Andres Cuenca appeared first on Sinjali.

Dushi është një zakon i përditshëm, por mbetet e paqartë nëse është më mirë ta fillosh ditën me një dush në mëngjes apo ta mbyllësh me një dush në mbrëmje. Sipas Health, përgjigjja nuk është universale dhe varet nga preferencat dhe stili i jetesës, pasi të dyja opsionet kanë avantazhet e tyre.

“Nuk ka një zgjidhje të vetme për të gjithë. Një dush në mëngjes mund të jetë një mënyrë e shkëlqyer për t’u zgjuar, për të përmirësuar qarkullimin e gjakut dhe për të filluar një jetë të re, veçanërisht nëse jeni më të prirur ndaj djersitjes gjatë natës. Ndërkohë, një dush natën ndihmon në largimin e djersës, ndotjes, kremit mbrojtës nga dielli dhe mbeturinave mjedisore”, thotë dermatologia Hannah Kopelman.

Dushi në mëngjes

Dermatologia Anne Andrienko thekson se një dush në mëngjes mund të përmirësojë qarkullimin e gjakut, të zgjojë trupin dhe të largojë djersën pas gjumit.

Një dush në mëngjes mund t’ju ndihmojë të filloni ditën duke u ndjerë të fuqizuar dhe të rifreskuar. Sipas një studimi nga Fondacioni i Gjumit, 73.3% e njerëzve ndihen të rifreskuar ose plot energji pas dushit të mëngjesit.

Gjithashtu, dushi i mëngjesit ndihmon në largimin e ënjtjes nga lëkura, përgatit atë për rruajtje ose aplikimin e grimit, dhe ndihmon në menaxhimin e flokëve të përthyer apo të ngatërruar pas gjumit. Nëse djersini gjatë natës, një dush në mëngjes redukton erën e trupit dhe ju ndihmon të ndiheni të pastër.

Disavantazhet e dushit në mëngjes

Akumulimi i papastërtisë, djersës, kremit kundër diellit dhe ndotjes nga dita mbetet në lëkurë dhe shtrat.

Larja e përditshme e flokëve mund të shkaktojë stres për flokët, sidomos nëse janë të thatë ose të brishtë.

Dushi në mbrëmje

Një dush i ngrohtë në mbrëmje ndihmon për t’u relaksuar dhe për të përgatitur trupin për gjumë. Ai largon papastërtitë dhe mbeturinat e ditës, duke përfshirë kremrat dhe grim.

“Dushi natën nxit relaksimin dhe ndihmon për të përmirësuar gjumin. Ai gjithashtu përmirëson higjienën e lëkurës duke zvogëluar irritimet dhe shpërthimet e akneve,” shpjegon Kopelman.

Pasi lëkura ripërtërihet gjatë natës, aplikimi i kremit hidratues pas dushit mund të ndihmojë në ruajtjen e lagështisë dhe të mbështesë shëndetin e lëkurës.

Disavantazhet e dushit në mbrëmje

Flokët e lagur mund të shkaktojnë fërkime ose probleme me kërpudhat në skalp.

Larja me ujë të nxehtë mund të pakësojë yndyrnat natyrale të lëkurës, duke e bërë atë të thatë dhe të kruar.

Përfundimisht, zgjedhja mes dushit në mëngjes dhe mbrëmje varet nga nevojat tuaja personale, stili i jetesës dhe shëndeti i lëkurës dhe flokëve. Të dyja opsionet ofrojnë përfitime të dukshme, ndaj kombinimi i tyre ose përshtatja sipas preferencave mund të jetë zgjidhja ideale.

Sinjali – aty ku e vërteta flet para lajmit!

/GazetaSinjali/

The post Mëngjes apo mbrëmje: Kur është më mirë të bëni dush? appeared first on Sinjali.

Bashkimi Evropian dhe Shtetet e Bashkuara po kërkojnë të tërheqin deri në 800 miliardë dollarë në fonde publike dhe private për të rindërtuar Ukrainën pas përfundimit të pushtimit rus, sipas një dokumenti të siguruar nga Politico.

Dokumenti 18-faqësh përshkruan një plan dhjetëvjeçar që synon të sigurojë rimëkëmbjen e Ukrainës, me një rrugë të shpejtë drejt anëtarësimit në Bashkimin Evropian.

Komisioni Evropian e qarkulloi planin në kryeqytetet evropiane përpara një samiti të liderëve të enjten në mbrëmje, sipas tre zyrtarëve dhe diplomatëve të BE-së që folën në kushte anonimiteti për shkak të ndjeshmërisë së çështjes. Dokumenti është i datës 22 janar .

Strategjia e Uashingtonit dhe Brukselit, e cila parashikon mobilizimin e qindra miliarda dollarëve në financim afatgjatë dhe prezantimin e Ukrainës si një shtet anëtar i ardhshëm i BE-së dhe një destinacion tërheqës për investime, varet nga një armëpushim. Por kjo mbetet një perspektivë e largët për sa kohë që vazhdojnë armiqësitë nga Rusia.

Plani i financimit shtrihet deri në vitin 2040 dhe vjen me një plan operativ 100-ditor për ta nisur atë menjëherë. Megjithatë, tërheqja e investimeve të jashtme konsiderohet jashtëzakonisht e vështirë ndërsa lufta vazhdon, siç është vënë në dukje nga BlackRock, e cila ka një rol këshillues në planin e rindërtimit – në bazë vullnetare.

“Mendoni pak. Nëse jeni një fond pensionesh, keni detyrime ndaj klientëve dhe pensionistëve tuaj. Është pothuajse e pamundur të investoni në një zonë lufte”, tha nënkryetari i BlackRock, Philip Hildebrand, në një intervistë në Forumin Ekonomik Botëror në Davos. “Duhet të ketë renditjen e duhur dhe kjo do të kërkojë kohë”.

Plani i “prosperitetit” është pjesë e një kuadri paqeje prej 20 pikash që SHBA-të po negociojnë midis Kievit dhe Moskës.

Dokumenti bazohet në mënyrë të qartë në supozimin se garancitë e sigurisë janë tashmë në vend dhe nuk është menduar si një udhërrëfyes ushtarak, por përqendrohet në tranzicionin e Ukrainës nga ndihma emergjente në një perspektivë ekonomike të vetëmjaftueshme.

Shtetet e Bashkuara pritet të luajnë një rol qendror në rimëkëmbjen e Ukrainës. Dokumenti e paraqet atë jo kryesisht si donator, por si një partner strategjik ekonomik, investitor dhe faktor besueshmërie për rindërtimin.

Vërehet se plani parashikon pjesëmarrjen e drejtpërdrejtë të kompanive dhe ekspertizës amerikane në këtë fushë, ndërsa theksohet roli i SHBA-së si levë për mobilizimin e kapitalit privat.

Drejtori ekzekutiv i BlackRock, Larry Fink, është përfshirë në bisedimet e paqes me Kievin, së bashku me dhëndrin e Donald Trump, Jared Kushner dhe të dërguarin special Steve Witkoff.

Sipas dokumentit, gjatë dekadës së ardhshme, BE-ja, SHBA-ja dhe institucionet financiare ndërkombëtare, si Fondi Monetar Ndërkombëtar dhe Banka Botërore, janë zotuar të vënë në dispozicion 500 miliardë dollarë kapital publik dhe privat.

Komisioni Evropian planifikon të ndajë 100 miliardë euro shtesë për Ukrainën përmes mbështetjes buxhetore dhe garancive të investimeve, sipas buxhetit të ardhshëm shtatëvjeçar të BE-së nga viti 2028.

Ky financim vlerësohet të mobilizojë investime prej 207 miliardë eurosh. SHBA-të janë zotuar të mobilizojnë fonde përmes një Fondi të posaçëm Investimesh për Rindërtim, pa specifikuar një shumë specifike.

Dokumenti thotë se, megjithëse administrata Trump ka ofruar mbështetje të kufizuar ushtarake dhe humanitare për Ukrainën gjatë luftës, ajo duket e gatshme të investojë në vend pasi të përfundojë konflikti.

Uashingtoni deklaron se synon të investojë në projekte kritike për minerale, infrastrukturë, energji dhe teknologji në Ukrainë.

Megjithatë, perspektiva e investimeve masive mbetet e kufizuar për sa kohë që sulmet vazhdojnë. “Është shumë e vështirë të shohësh diçka të tillë të ndodhë në një shkallë të gjerë ndërsa fluturojnë dronë dhe raketa”, tha Hildebrand.

Sinjali – aty ku e vërteta flet para lajmit!

/GazetaSinjali/

The post Plani 800 miliardë dollarësh: Si BE dhe SHBA synojnë rindërtimin e Ukrainës pas përfundimit të pushtimit rus? appeared first on Sinjali.

Artistja e popit dhe kantautorja Bebe Rexha, e nominuar katër herë për çmimin Grammy, ka vendosur të ecë në rrugë të pavarur, duke hyrë në një partneritet me shtëpinë diskografike dhe distribuese Empire, me bazë në zonën e Bay Area në SHBA.

Ky bashkëpunim vjen pas tre albumeve të publikuara nën Warner Records dhe një sërë hitesh të mëdha si Meant to Be, I’m A Mess, Me, Myself, and I, I’m Good (Blue) dhe In the Name of Love, si dhe bashkëpunimeve me artistë të njohur botërorë si David Guetta, Lil Wayne, J Balvin, Florida Georgia Line, Doja Cat, Snoop Dogg, Kylie Minogue, Louis Tomlinson dhe shumë të tjerë.

Lajmin për marrëveshjen e re Rexha e bëri publik më herët këtë muaj, duke iu përgjigjur një pyetjeje të një fansi në rrjetet sociale, në një kohë kur “era e saj e re” artistike tashmë ka nisur.

Edhe pse detajet e kontratës nuk janë bërë publike, njoftimi i Empire thekson se ky partneritet “sinjalizon një lëvizje strategjike drejt një autonomie më të madhe kreative, duke vazhduar njëkohësisht zgjerimin e ndikimit të saj global”, si dhe “thekson përkushtimin e Empire për të bashkëpunuar me artistë të nivelit botëror dhe për t’i ndihmuar ata të ndërtojnë karriera të qëndrueshme dhe afatgjata, sipas kushteve të tyre”.

Vetë Rexha u shpreh: “Njerëzit mund të më njohin si artiste pop, por në thelb gjithmonë e kam parë veten para së gjithash si këngëtare dhe autore. Të bëhem e pavarur dhe të bashkëpunoj me Empire nuk është vetëm një lëvizje biznesi për mua. Ata besojnë në vizionin tim dhe u besojnë instinkteve të mia, gjë që ma ka rifreskuar kreativitetin. Kjo epokë e re ka të bëjë me pranimin e çdo pjese të vetes sime, edhe kur jam rrëmujë. Ky version i imi është pa kërkuar falje dhe plotësisht i qetë në rrugën e vet. Jam e emocionuar t’i ftoj njerëzit më thellë në botën time, përtej muzikës. Këtë e bëj për mamanë, për fansat dhe për Bebe-n e vogël.”

Nga ana tjetër, themuesi dhe drejtori ekzekutiv i Empire, Ghazi, tha: “Bebe Rexha ka ndërtuar një trashëgimi të pamohueshme si kantautore dhe ikonë e popit, me hite që kapërcejnë zhanret. Ajo ka një aftësi të veçantë për të krijuar këngë që rezonojnë globalisht dhe ajo që na entuziazmon më së shumti është fakti se ajo vazhdon të evoluojë. Ky partneritet shënon një kapitull të ri dhe të fuqishëm, ku së bashku mund të arrijmë lartësi të reja kreative.”

Artistja e lindur në Brooklyn e nisi karrierën profesionale si autore këngësh, duke shënuar suksese me emra si Eminem, Rihanna dhe Selena Gomez. Ajo është nominuar katër herë për çmimet Grammy, përfshirë kategorinë Best New Artist, dhe në vitin 2018 u nderua si një nga “Variety Hitmakers”. Po ashtu, Rexha interpretoi himnin kombëtar amerikan në ndeshjen e dytë të World Series 2025.

Sinjali – aty ku e vërteta flet para lajmit!

/GazetaSinjali/

The post Bebe Rexha nis epokën e re artistike me label-in Empire, premton një vit të zjarrtë në muzikë appeared first on Sinjali.

Shkencëtarët po shqyrtojnë një ide premtuese: a mund të përdoret mënyra se si vetë trupi lufton kancerin për të krijuar një trajtim të ri?

Sipas disa studimeve, përgjigjja mund të jetë po, megjithëse rruga drejt një ilaçi funksional është ende e gjatë, ka raportuar The New York Times.

Dihet se shumica e kancereve rriten, përhapen dhe pa trajtim janë vdekjeprurëse.

Por në disa raste të rralla, kanceri ose zhduket vetë, ose mbetet në trup pa u përkeqësuar dhe pa shkaktuar simptoma. Kjo bie ndesh me atë që zakonisht besohet për kancerin.

Pikërisht kjo e ka intriguar prej vitesh doktorin Edward Patz, studiues i njohur i kancerit në Universitetin Duke, i cili mendon se këto raste të pazakonta mund të fshehin çelësin për trajtime të reja.

Pas shumë vitesh kërkimi, puna e tij ka çuar në zhvillimin e një ilaçi eksperimental, i cili deri tani është testuar vetëm te një numër i vogël pacientësh me kancer të mushkërive. Rezultatet fillestare janë inkurajuese, megjithëse shumica e ilaçeve eksperimentale dështojnë kur testohen në studime më të mëdha.

Megjithatë, kjo nuk e ka ndalur doktor Patzin, i cili ka themeluar kompaninë Grid Therapeutics, me shpresën se ky ilaç do të shndërrohet në një formë të re trajtimi kundër kancerit.

Edhe studiues të tjerë, që nuk janë të përfshirë drejtpërdrejt në këtë projekt, shprehen të interesuar.

“Jemi ende shumë, shumë herët. Por ideja më pëlqen”, ka thënë doktor Roy Herbst, ekspert i kancerit të mushkërive dhe shef i onkologjisë mjekësore në Universitetin Yale.

Edhe doktor David Barbie, shef i onkologjisë torakale në Institutin Dana-Farber, e konsideron konceptin interesant, por paralajmëron se rruga drejt provave të forta është e gjatë.

“Në këtë fazë, efektiviteti është ende vetëm një lidhje e vëzhguar, jo një provë e qartë”, ka thënë ai.

Kërkimi i doktor Patzit ka nisur dekada më parë, kur ai ka vërejtur se disa kancere që duken të njëjta në skanime, në realitet sillen shumë ndryshe: disa janë të ngadalta dhe të padëmshme, ndërsa të tjerat agresive.

Ai dhe ekipi i tij kanë analizuar mostra të ruajtura prej 25 vjetësh nga pacientë me kancer të mushkërive, duke krahasuar ata që kishin ndërruar jetë shpejt me ata që kishin mbijetuar.

“Ne kishim mostra indi të tumorit, mostra gjaku dhe të dhëna të qarta për ecurinë e sëmundjes”, ka thënë doktor Patz.

Fillimisht, studiuesit kanë kërkuar dallime gjenetike ose proteina të veçanta, por nuk kanë gjetur asgjë domethënëse. Më pas, ata u fokusuan te serumi i gjakut dhe aty zbuluan diçka interesante: një antitrup të quajtur GT103.

Pas analizës së qindra pacientëve, doktor Patz ka vërejtur se prania e këtij antitrupi lidhej me një stagnim të kancerit të mushkërive në fazat e hershme.

Dukej se GT103 ndihmonte sistemin imunitar të sulmonte qelizat kancerogjene, duke bllokuar një “mburojë molekulare” që kanceri përdor për t’u fshehur nga mbrojtja e trupit.

Kur ky antitrup është i pranishëm, një pjesë e sistemit imunitar arrin t’i shkatërrojë qelizat e kancerit.

Hapi tjetër ishte prodhimi i sasive të mëdha të këtij antitrupi për përdorim si trajtim.

Studiuesit e Institutit për Vaksina në Universitetin Duke ndihmuan në prodhimin e tij.

Testet te kafshët kanë treguar rezultate pozitive. Më pas nisi faza e parë e provave te njerëzit, e fokusuar vetëm në sigurinë e ilaçit.

Studimi ka përfshirë 31 pacientë me kancer të mushkërive, te të cilët trajtimet standarde kishin dështuar.

Tumoret nuk u tkurrën, por te rreth një e treta e pacientëve, ato ndaluan së rrituri për një peirudhë kohore.

“E përdora te një pacient që kishte kaluar disa linja trajtimi pa sukses. Nuk kishim shumë çfarë t’i ofronim, por me këtë ilaç, kanceri i tij ka ndaluar së rrituri për nëntë apo dhjetë muaj”, ka thënë doktor George Simon.

Më pas, studiuesit e kombinuan antitrupin me pembrolizumab, një ilaç imunoterapie i njohur si Keytruda.

Ideja ishte që të aktivizoheshin dy mekanizma të ndryshëm të sistemit imunitar njëkohësisht.

“Antitrupi ynë vret qelizat e tumorit, por ndoshta jo të gjitha. Me ilaçin tjetër, ne përpiqemi ta ‘trajnojmë’ sistemin imunitar që të merret me pjesën tjetër”, ka shpjeguar doktor Patz.

Rezultatet ishin të përziera. Te disa pacientë, tumoret u stabilizuan, por më vonë filluan të rriteshin sërish. Në disa raste, rritja e dukshme në skanime ishte për shkak të inflamacionit, jo të rritjes reale të kancerit.

“Ajo që shohim në imazhe nuk janë gjithmonë qeliza kancerogjene”, ka thënë doktor Patz.

Megjithatë, pati edhe një rast të jashtëzakonshëm.

Një pacient kishte zhdukje të plotë të tumorit. Prej dy vitesh, analizat nuk kanë treguar asnjë shenjë të sëmundjes.

“Ai nuk është më në asnjë trajtim”, ka thënë doktori Hirva Mamdani.

Hapi i radhës, sipas studiuesve, është një studim shumë më i madh, me qindra pacientë dhe me një grup krahasimi.

“Duhet t’i studiojmë këto rezultate në shkallë të gjerë”, ka thënë doktor Simon.

Sinjali – aty ku e vërteta flet para lajmit!

/GazetaSinjali/

The post Disa sisteme imunitare mund të mundin kancerin: A mund të kthehet kjo në një ilaç? appeared first on Sinjali.

Pas përfundimit të aksionit të sotëm për dallavere me vota në Prizren, i cili rezultoi me 109 të arrestuar, Prokuroria Themelore ka zbuluar edhe raste të përfshirjes në veprën penale “dhënie e marrje të ryshfetit”.

Kryeprokurori i Prokurorisë Themelore, Petrit Kryeziu, bëri të ditur këtë gjatë një konference për media.

“Pjesa me dhënie e marrje të ryshfetit është zbuluar sot prej një prej komisionerëve ka vendosur të bashkëpunojë me Prokurorinë. Ata që janë të dyshuar, mund të marrin dhe cilësinë e dëshmitarëve bashkëpunëtorë”, tha Kryeziu.

Sinjali – aty ku e vërteta flet para lajmit!

/GazetaSinjali/

The post Njëri nga komisionerët e pranon para Prokurorisë se pati marrëveshje për ryshfet: Kryeziu tregon detaje appeared first on Sinjali.

Juventusi ka nisur tashmë planifikimin e repartit ofensiv për verën e ardhshme, me synimin për të zëvendësuar Dusan Vlahovic dhe për të sjellë emra të rinj kyç në sulm.

Mes profileve që bardhezinjtë po ndjekin me vëmendje është Fisnik Asllani, i cili aktualisht aktivizohet te Hoffenheim. Sulmuesi, 1.91 metra i gjatë, po kalon një sezon pozitiv, duke regjistruar 19 paraqitje në Bundesliga dhe Kupën e Gjermanisë, ku ka shënuar shtatë gola dhe ka dhënë pesë asistime.

Hoffenheim e vlerëson Asllanin rreth 30 milionë euro, një shifër që e bën operacionin të vështirë, por gjithsesi konkret për një lojtar të ri me potencial të madh zhvillimi.

Interesi për të nuk mungon, pasi edhe Bayern Munich po e monitoron situatën, me klubin bavarez që e sheh si një alternativë të mundshme për të ardhmen, përfshirë edhe skenarin e zëvendësimit të Harry Kane.

Plani i Juventusit, duke shpresuar që edhe Youssef En-Nesyri të ketë ndikim pozitiv nëse transferohet në janar, është ndërtimi i një reparti të ri sulmues. Ideja është një treshe e përbërë nga sulmuesi maroken, Openda dhe Asllani, ndërsa Jonathan David nuk konsiderohet më prioritet për bardhezinjtë, raportojnë mediat italiane pranë klubit nga Torino.

Ndërkohë, Asllani do të largohet nga Hoffenheim, por aktualisht është i fokusuar që ta kualifikojë skuadrën gjermane në Ligën e Kampionëve.

Sinjali – aty ku e vërteta flet para lajmit!

/GazetaSinjali/

The post E bujshme nga Torino: Juventus synon Fisnik Asllanin për të zëvendësuar Vlahovicin appeared first on Sinjali.

Sinjali mëson se një person nga familja Paçarizi është në arrati.

Bëhet fjalë për Hasan Paçarizin – Cani.

Pak më parë, Sinjali raportoi se nga kjo familje janë ndaluar edhe dy persona, Granit dhe Ideal Paçarizi.

Nga ky aksion, 109 persona janë arrestuar lidhur me dyshimet për manipulim me vota në këtë komunë.

Kurse, kryeprokurori i Prokurorisë Themelore në Prizren, Petrit Kryeziu, ka thënë se 109 persona janë ndaluar lidhur me manipulimin e votave, derisa ka theksuar se katër partitë kryesore në vend “i kanë dërguar të preferuarit e tyre dhe ata kanë menduar se larg syve të drejtësisë mund të manipulojnë”.

Ekskluzive: Ndalet edhe një tjetër anëtar i familjes Paçarizi

Skandali i votave në Prizren: Arrestohet i afërmi i Fetah Paçarizit për manipulim dhe ryshfet

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive: Skandali i votave në Prizren, një tjetër anëtar i familjes Paçarizi në arrati appeared first on Sinjali.

Gjatë aksionit të sotëm të Policisë dhe Prokurorisë në Prizren, përveç arrestim të Granit Paçarizit në pranga ka rënë edhe një anëtar tjetër i kësaj familje.

Sinjali mëson se është ndaluar Ideal Paçarizi.

Kujtojmë se kryeprokurori i Prokurorisë Themelore në Prizren, Petrit Kryeziu, tha se 109 persona janë ndaluar për 48 orë nën dyshimet për keqpërdorim të votave të zgjedhjeve të parakohshme të 28 dhjetorit.

Autoritetet thanë se të ndaluarit janë kryesisht komisionerë dhe në mesin e tyre ka edhe familjarë të kandidatëve për deputetë.

Ata dyshohen për falsifikim të rezultateve zgjedhore, presion dhe kanosje dhe për dhënie e marrje të ryshfetit.

Skandali i votave në Prizren: Arrestohet i afërmi i Fetah Paçarizit për manipulim dhe ryshfet

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive: Ndalet edhe një tjetër anëtar i familjes Paçarizi appeared first on Sinjali.

Kryeprokurori i Prizrenit, Petrit Kryeziu, ka folur për mundësinë e intervistimit të kandidatëve për deputetë në kuadër të hetimeve për keqpërdorimin e votës, duke theksuar se Prokuroria vepron gjithmonë mbi bazën e provave.

Ai ka bërë të ditur se deri në këtë fazë, veprimet janë të përqendruara tek personat që dyshohet se kanë keqpërdorur drejtpërdrejt votën, duke sqaruar se këta persona kanë vendosur nënshkrimet e tyre.

“Prokuroria udhëheqet gjithmonë me prova. Deri në këtë fazë po veprojmë ndaj atyre që drejtpërdrejt kanë keqpërdorur votën. Ata kanë vendosur nënshkrimet e tyre”, ka deklaruar Kryeziu.

Sipas tij, aktualisht nuk ka informacione që ndërlidhin drejtpërdrejt ndonjë kandidat me ndërhyrje në procesin zgjedhor, por kjo nuk përjashton mundësinë që edhe ata të dëgjohen nga Prokuroria.

“Deri në këtë fazë nuk kemi ndonjë informacion që involvon ndonjë kandidat drejtpërdrejt në ndërhyrje, mirëpo unë besoj që edhe kandidatët do të dëgjohen në Prokurori”, ka shtuar ai.

Kryeziu ka theksuar se Prokuroria ka dëgjuar edhe deklaratat publike të kandidatëve, të cilët janë shprehur se ndihen të dëmtuar nga kjo situatë, duke bërë të ditur se atyre do t’u ofrohet mundësia të japin dëshmi në cilësinë e të dëmtuarve.

“Ne kemi dëgjuar edhe deklaratat e tyre që ata ndihen edhe të dëmtuar. Prokuroria do t’ua ofrojë edhe këtë mundësi që të japin dëshmi edhe në cilësinë e të dëmtuarve”, ka thënë ai.

Në fund, kryeprokurori i Prizrenit ka siguruar se do të bëhen përpjekje maksimale për të siguruar prova për secilin rast dhe se Prokuroria do të jetë e pakompromis ndaj kujtdo për të cilin ka prova.

“Në çdo rast, do të bëjmë përpjekje maksimale të sigurojmë për secilin prova dhe do të jemi të pakompromis ndaj kujtdo që ka prova”, ka thënë Kryeziu.

Sinjali – aty ku e vërteta flet para lajmit!

/GazetaSinjali/

The post A do të intervistohen kandidatët për deputetë? Flet kryeprokurori Kryeziu appeared first on Sinjali.

Bashkimi Evropian ka akuzuar Rusinë se po përpiqet qëllimisht ta “ngrijë Ukrainën” duke sulmuar infrastrukturën energjetike, me synimin për të thyer moralin e popullsisë civile, përpara zhvillimit të bisedimeve të rralla trepalëshe me Shtetet e Bashkuara.

Sipas Komisionit Evropian, sulmet e vazhdueshme ruse ndaj rrjetit energjetik ukrainas po i privojnë civilët nga ngrohja, energjia elektrike dhe shërbimet bazë, në mes të dimrit të ashpër.

Komisionerja e BE-së për Gatishmërinë dhe Menaxhimin e Krizave, Hadja Lahbib, deklaroi se këto sulme janë të qëllimshme.

“Sulmet e vazhdueshme të Rusisë ndaj infrastrukturës energjetike të Ukrainës po i privojnë qëllimisht civilët nga ngrohja, drita dhe shërbimet bazë në mes të dimrit. Ato janë të dizajnuara për të thyer shpirtin ukrainas. Ato do të dështojnë’, tha ajo.

Në përgjigje të situatës, Komisioni Evropian njoftoi se do të dërgojë 447 gjeneratorë emergjentë nga rezervat strategjike të BE-së, të mekanizmit rescEU, të vendosura në Poloni. Gjeneratorët do të shpërndahen nga Ministria për Zhvillimin e Komuniteteve dhe Territoreve të Ukrainës, në bashkëpunim me Kryqin e Kuq Ukrainas, për komunitetet më të prekura.

“Evropa përgjigjet me veprime, jo me fjalë. Dërgesa e re e gjeneratorëve është tashmë në rrugë e sipër dhe i shtohet më shumë se 9 500 gjeneratorëve që BE-ja ka siguruar deri tani në të gjithë Ukrainën,” theksoi Lahbib.

Edhe zëdhënësja e Komisionit Evropian, Eva Hrncirova, u shpreh se BE-ja nuk do të lejojë që Rusia ta detyrojë Ukrainën të dorëzohet përmes dimrit.

“Nuk do ta lejojmë Rusinë ta ngrijë Ukrainën. Ne sjellim dritë dhe ngrohtësi aty ku Rusia dërgon errësirë.”

Ndërkohë, operatori i rrjetit energjetik të Ukrainës ka bërë të ditur se situata energjetike në vend është përkeqësuar ndjeshëm, pas sulmeve të fundit ajrore ruse. Sipas autoriteteve, disa objekte të prodhimit të energjisë po i nënshtrohen aktualisht riparimeve emergjente.

Sinjali – aty ku e vërteta flet para lajmit!

/GazetaSinjali/

The post Rusia sulmon infrastrukturën energjetike, BE: Moska dëshiron të “ngrijë Ukrainën”, para bisedimeve me SHBA-në appeared first on Sinjali.

Gjashtë persona u plagosën me thikë, teksa dy prej tyre ndodhen në gjendje kritike, gjatë një demonstrate të komunitetit kurd në qytetin e Antwerpit në Belgjikë, mbrëmjen e së enjtes.

Ngjarja ndodhi pranë sheshit ‘Opera’, ku rreth 50 protestues ishin mbledhur për të kërkuar mbrojtje për kurdët që jetojnë në verilindje të Sirisë. Sipas policisë, protesta kishte qenë fillimisht paqësore.

Demonstrata nisi rreth orës 18:00 (me orën lokale) dhe po i afrohej fundit, kur situata u përshkallëzua rreth orës 19:20. Katër nga të plagosurit u gjetën pranë sheshit Opera, ndërsa dy të tjerë u lokalizuan në zona të afërta, përkatësisht në Rooseveltplaats dhe në rrugën Sint-Elisabethstraat. Të gjashtë personat kishin plagë të shkaktuara nga thika.

Pamjet e shpërndara në rrjetet sociale tregojnë momentin kur oficerët e policisë neutralizojnë një të dyshuar, ndërsa në vendngjarje shihen flamuj kurdë dhe të PKK-së. Zëdhënësi i Policisë së Zonës së Antwerp-it, Wouter Bruyns, bëri të ditur për median belge ‘De Morgen’ se dy persona janë arrestuar. Sipas hetimeve fillestare, të dyshuarit ishin përzier mes protestuesve gjatë tubimit.

Forcat e policisë ndodhen tashmë në vendngjarje për të monitoruar demonstratën dhe arritën të ofrojnë ndihmën e parë menjëherë pas incidentit, deri në mbërritjen e ambulancave. Autoritetet nuk kanë dhënë ende informacion mbi identitetin apo motivet e mundshme të të dyshuarve.

“Një hetim i plotë po zhvillohet në vendngjarje, përfshirë analiza forenzike. Policia po u kërkon me këmbëngulje kalimtarëve të largohen nga zona”, deklaroi Bruyns, duke shtuar se për momentin nuk mund të ndahen detaje të tjera.

Organizatorët e protestës thanë se tubimi kishte qenë paqësor deri në momentin kur shpërtheu dhuna. Orhan Kilic, zëdhënës i organizatës kurde NavBel, e cilësoi sulmin si të motivuar politikisht. “Kjo lidhet drejtpërdrejt me çështjen kurde dhe me sulmet xhihadiste ndaj kurdëve në Siri. Është qartësisht e motivuar politikisht”, tha Kilic për DeMorgen. “Prej kohësh shohim organizata dhe individë me frymëzim islamik që na sulmojnë verbalisht, dhe tani duket se kjo ka kaluar edhe në dhunë fizike”.

Ndërkohë, tensionet në verilindje të Sirisë janë rritur ndjeshëm muajt e fundit. Forcat Demokratike Siriane (SDF), të udhëhequra nga kurdët dhe aleate kryesore të SHBA-së në luftën kundër ISIS-it, po përballen me sulme të intensifikuara nga forcat e qeverisë siriane. SDF kontrollon territore të rëndësishme dhe të pasura me naftë, gjë që e bën rajonin strategjik dhe konfliktin edhe më të ndërlikuar.

Autoritetet belge kanë deklaruar se hetimet do të vazhdojnë për të zbardhur plotësisht rrethanat e ngjarjes dhe për të përcaktuar nëse sulmi ka qenë i organizuar apo i lidhur me tensionet politike dhe etnike ndërkombëtare.

Sinjali – aty ku e vërteta flet para lajmit!

/GazetaSinjali/

The post Degjeneron protesta pro-kurde në Belgjikë, gjashtë të plagosur appeared first on Sinjali.

Bashkimi Evropian ka dhënë kontributin e parë financiar prej 10 milionë eurosh për të mbështetur Tribunalin Special, i cili po krijohet për të hetuar dhe gjykuar krimet e agresionit të Rusisë kundër Ukrainës.

Ky tribunal po ngrihet nën kujdesin e Këshillit të Evropës.

Përfaqësuesja e Lartë e BE-së për Punët e Jashtme dhe Politikën e Sigurisë, Kaja Kallas, e njoftoi financimin mbrëmjen e sotme gjatë ceremonisë së nënshkrimit të marrëveshjes me Këshillin e Evropës.

“BE-ja ka dhënë 10 milionë euro të parat për një Tribunal të ri Special për të ndjekur penalisht udhëheqësit rusë për rolin e tyre në luftën e Moskës kundër Ukrainës. Udhëheqësit e Rusisë janë përgjegjës për këtë luftë dhe ata duhet të mbajnë përgjegjësi. Nuk mund të ketë pandëshkueshmëri,” tha Kallas.

Ky njoftim vjen pas kritikave të presidentit ukrainas, Volodymyr Zelensky, gjatë Forumit Ekonomik Botëror në Davos, ku ai qortoi partnerët ndërkombëtarë për ritmin e ngadaltë në drejtimin e drejtësisë ndaj Vladimir Putin dhe për dënimin e krimeve të luftës ruse kundër Ukrainës.

Tribunali Special u krijua përmes një marrëveshjeje të nënshkruar në qershor 2025 mes Ukrainës dhe Këshillit të Evropës në Strasburg. Ai synon të sigurojë që udhëheqësit rusë të mbajnë përgjegjësi për agresionin dhe krimet e kryera gjatë luftës.

Sinjali – aty ku e vërteta flet para lajmit!

/GazetaSinjali/

The post Bashkimi Evropian jep 10 milionë euro për Tribunalin Special për krimet ruse në Ukrainë appeared first on Sinjali.

Një aksident i rëndë ka ndodhur ditën e sotme në Itali, ku ka humbur jetën një 20-vjeçar shqiptar.

Viktima është identifikuar si Klaudio Gjoka, ndërsa sipas mediave italiane, shkak u bë një përplasje midis një kamioni dhe një veture tip “Audi” që po drejtohej nga i riu shqiptar, raporton Tch.

Zjarrfikësit e Saluzzos, të cilëve iu desh të nxirrnin djalin, karabinierët dhe shërbimet e urgjencës shëndetësore ishin në vendngjarje, informon media italiane.

Sinjali – aty ku e vërteta flet para lajmit!

/GazetaSinjali/

The post Aksident mes një kamioni dhe një veture në Itali, vdes 20-vjeçari shqiptar appeared first on Sinjali.