TIRANË- Tregu i punës ka nevojë për zanatçinj. Agjencia Kombëtare e Punësimit në vend ka publikuar mbi 6 mijë vende të lira pune, ku në listë bie në sy kërkesa e lartë për zanate si kamarierë, kuzhinierë e punonjës ndërtimi.

Por nuk mbeten pas edhe vendet e lira të punës për profesione që  kërkojnë arsim të lartë.

Eksperti i punësimit, Arbër Xhihani, i ftuar në “Money Report” u shpreh se tregu në Shqipëri ka nevoja të shumta për gjetjen e zanatçinjve dhe kjo thotë ai vihet re tek njoftimet e vazhdueshme që jep Agjencia Kombëtare e Punësimit.

“Ka shumë kohë që zyrat e punës publikojnë vende vakante për vende pune, që i referohen zanateve. Ndër zanatet më të kërkuara janë elektricist, hidraulik, mekanik.

Në fakt është e vazhdueshme kërkesa e lartë dhe kjo tregun se ka një vështirësi për të përmbushur këto vende vakant, jo e ka vendosur në vështirësi dhe sipërmarrjen, për të përmirësuar shërbimet e tyre”, tha ai.

Ai theksoi se vitet e fundit pritja më e madhe e të rinjve ishte orientuar drejt teknologjisë pasi ky sektor ofronte pagesa të larta. Sipas ekspertit, punonjësit të cilët zotërojnë një zanat janë shumë të kërkuar në treg dhe të rinjtë sot e kanë më të lehtë të bëjnë zgjedhjet e tyre për tregun e punës.

“ Të rinjtë janë të orientuar drejt profesioneve që lidhen me teknologjinë. Sipërmarrjet vuajnë për gjetjen e krahut të punës. Marrja e punonjësve të huaj, ishte një lloj zgjidhje për sipërmarrjet. Sektori i turizmit ka nevojë për më shumë punonjës. Ky sektor ofron dhe paga të mira”, tha ai.

Gjatë diskutimit në studio, eksperti e cilësoi lajm të mirë faktin që shumë të rinj sot po i orientojnë studimet e tyre drejt zanateve. Ai theksoi se sipërmarrjet shqiptare, krahas rritjes së pagave duhet të përmirësojnë  sjelljet dinjitoze me punonjësit.

“Një element pozitiv ishte numri i aplikantëve për arsimin profesionale, që shkonte rreth 60 mijë aplikime. Po tregon se preferencat po shkojnë edhe drejt zanateve. Trajtimet dinjitoze duhet të jenë në fokus të sipërmarrjes shqiptare, në mënyrë që të mbajnë të rinjtë këtu.”, theksoi eksperti. /abcnews.al

Presidenti i Republikës, Bajram Begaj, priti sot një përfaqësi të Qendrës së Bashkëpunimit Ndërfetar, një organizatë e përbërë nga klerikë të 5 besimeve: mysliman, ortodoks, bektashi, katolik dhe të komunitetit të Vëllazërisë Ungjillore.

Takimi u zhvillua në kuadër të Javës Botërore të Harmonisë Ndërfetare. Gjatë bashkëbisedimit më klerikët, Kreu i Shtetit e vlerësoi këtë qendër të ngritur në Elbasan si model për përcjelljen e vlerave dhe virtytit, ndërsa theksoi aktivizimin e tyre përtej dallimeve të besimit në dobi të shoqërisë.

Presidenti i Republikës shprehu inkurajim ndaj aktiviteteve të Qendrës së Bashkëpunimit Ndërfetar me synim ruajtjen e  vlerës kombëtare të bashkëjetesës dhe mirëkuptimit ndërfetar  nëpërmjet aktiviteteve, komunikimit, dialogut të gjallë, reagimit ndaj të gjitha formave të intolerancës dhe diskriminimit dhe përcjelljes së kapërcimit të sfidave përmes dialogut.

“Kush më shumë se sa ju e përfaqëson këtë harmoni që ne kemi,këtë mirëkuptim që kemi midis besimeve fetare të ndryshme dhe të bashkëpunimit. Për fatin e mirë, ne e kemi trashëguar këtëbashkëjetesë dhe harmoni, por detyra jonë është të punojmë që t’ua lëmë trashëgimi brezit të ri këtë komunikim dhe harmoni ndërfetare”, – u shpreh Kreu i Shtetit.

Gjatë takimit u theksua se Shqipëria ka qenë dhe mbetet një model i tolerancës fetare dhe marrëdhënia midis besimeve tëndryshme është vëllazërore, por kjo nuk duhet të merret si dhuratë, duhet të punohet me të rinjtë që kjo vlerë të trashëgohet.
“Gjatë vizitave të mia kam parë një shtim të pranisë së të rinjve në frekuentimin e objekteve të kultit, gjë që më bën të besoj se mesazhet e klerikëve kanë arritur tek ata dhe se ata kanë filluar të kuptojnë rëndësinë e shpirtërores në jetën e tyre” – nënvizoi Presidenti Begaj në këtë takim.

Kreu i Shtetit theksoi se do të jetë gjithnjë në krah të çdo veprimtarie apo organizate që përpiqet të ruajë, të edukojë e të promovojë vlera kombëtare, siç është ajo e harmonisë dhe bashkëjetesës ndërfetare dhe dijeve të dobishme për një ardhmëri edhe më të mirë të Shqipërisë.

Kryeministri spanjoll, Pedro Sanchez, njoftoi të martën planet për të ndaluar të miturit nën 16 vjeç të hyjnë në platformat e mediave sociale, si pjesë e një shtytjeje më të gjerë për të forcuar mbikëqyrjen.

“Ne do t’i mbrojmë ata nga perëndimi i egër i botës digjitale. Rrjetet sociale janë bërë një shtet i dështuar, ku ligjet injorohen dhe krimet tolerohen”, tha ai.

Sanchez theksoi se platformat do të duhet të prezantojnë masa verifikimi të moshës për akses.

Sanchez tha se qeveria do të miratojë një projektligj javën e ardhshme që do t’i mbajë drejtuesit e platformave digjitale penalisht përgjegjës për shpërndarjen e përmbajtjes së paligjshme. Ai gjithashtu u kërkoi prokurorëve të hetojnë përmbajtjen e paligjshme në platforma.

Ai shtoi se Spanja do ta bëjë manipulimin e algoritmeve një vepër penale. “Dezinformimi nuk del nga askund”, theksoi Sanchez.

Sanchez përmendi shembuj të aktivitetit të dyshuar kriminal, duke përfshirë pretendimet se pornografia e fëmijëve është krijuar duke përdorur mjetin e inteligjencës artificiale Grok ose është përhapur në platforma të tjera të mediave sociale.

Ai gjithashtu vuri në dukje dezinformimin që, sipas tij, Elon Musk, CEO i X, përhapi rreth planit të Spanjës për të legalizuar rreth 500.000 emigrantë.

“Kjo është vetëm maja e ajsbergut,” paralajmëroi Sanchez.

Ai pranoi se lufta për t’i bërë platformat më të sigurta nuk do të jetë e lehtë.

“Kompanitë e mediave sociale janë më të pasura se shumë vende, përfshirë edhe timen, por fuqia dhe ndikimi i tyre nuk duhet të na trembin,” tha ai.

Gjatë seancës së sotme në Kuvend, kryetari i Grupit Parlamentar të Partisë Socialiste, Taulant Balla, iu drejtua ish-kryeministrit Sali Berisha, duke ngritur çështjet e korrupsionit dhe vendimin e Shteteve të Bashkuara të Amerikës për shpalljen e tij non grata.

Balla theksoi se drejtësia në Shqipëri ka marrë të pandehur për korrupsion dhe se Berisha ka qenë subjekt i disa procedimeve ligjore, duke kërkuar transparencë dhe llogaridhënie nga figurat publike.

“Është e rëndësishme që të gjithë ata që janë akuzuar të përballen me drejtësinë”, tha Balla, duke iu referuar edhe procedimeve ku ai vetë ka marrë pjesë si kallëzues.

“Ej Sali, o Sali, ngrije kokën, ej ngrije kokën, Sali, hej, 100 herë të kthehen mbrapa, të njëjtën gjë.

Shtetet e Bashkuara të Amerikës të kanë shpallur non grata për korrupsion thuaj po apo jo?
Drejtësia në Shqipëri ka marrë të pandehur për korrupsion. Zotrote je i akuzuar për korrupsion dhe tani të vish këtu dhe të bësh të ndershmin, të flasësh në emër të drejtësisë dhe madje të bëhesh ti emisar për të sjellë habere dhe drejtësisë, ti që 1-2 herë në muaj shkon para drejtësisë dhe i merr me libër shtëpie të gjithë ata që të kanë ngritur ty akuza.
Merr prokurorin merr gjyqtaren, do vish këtu, do vish, këtu do vish, këtu do merresh edhe me mua që kam nderin e madh të jetës sime të jem kallëzuesi, njeriu që kam kallëzuar ty.

Policia e Fierit ka ekzekutuar vendimin e gjykatës duke dërguar në burg, 34 vjeçarin Laert Hasalla për të vuajtur dënimin me 25 vite burg. 34 vjeçari banues ne fshatin Garunjë të lushnjes sipas vendimit të gjykatës së Fierit ka porositur Mariglen Matjanin për të vrarë Marjo Hasallën. Nga atentati i vitit 2023, u plagos në këmbë shtetasja Bajame Seneja.

Pas ngjarjes, policia arrestoi Mariglen Matjanin, 31 vjeç si autor të dyshuar për sulmin ku mbeti e plagosur 60 vjeçarja Bajame Sene, halla e kushërinjve Hasalla. Matjani u denua për vrasje të mbetur ne tentativë por Laert Hasalla mik me të, ishte i dyshuar si porositës i atentatit ku shënjestër ishte Mario Hasalla. Ky i fundit ishte pjesëmarrës në konfliktin që shkaktoi vrasjen e Romeos në vitin 2021 dhe plagosjen e Emiljano, Laert dhe Shuaip Hasallës.

Burime nga prokuroria e Fierit e cila kërkoi dënimin me 25 vjet burg për Laert Hasallën, thanë në atë kohë se Matjani nuk kishte asnjë motiv për të vrarë Mario Hasallën dhe se lidhja mes tij dhe Laertit ishte pista që çoi në arrestimin e këtij të fundit disa kohë pas ngjarjes. Me masë arresti në shtëpi, Laerti ka pritur vendimin e gjykatës e cila e shpalli fajtor për porositjen e vrasjes se Mario Hasallës, kushëririt të tij.

Ngjarja që coi në gjakmarrje fisin Hasalla në Garunjas të Lushnjes, nisi me vrasjen me armë gjahu, nga Kastriot Hasalla të Mario Hasallës në vitin 2021. Duke pretenduar pronësinë mbi një tokë ne të cilën familja e Laert Hasallës kishte mbjellë ullinj, Kastriot, Mario dhe Asqeri Hasalla u konfliktuan me vlllezërit Romeo, Emiljano, laert dha babain e tyre Shuaip Hasalla.

Sherri përfundoi me vrasjen e Romeos dhe plagosjen e dy vëllezërve Laert dhe Emiljano dhe babait të tyre Shuaip Hasalla. Pas ngjarjes, ne vitin 2021, Kastrioti deklaroi se e kreu vrasjen në kushtet e tronditjes psikike.

Ai u dënua për vrasjen e kusheririt por hakmarrja vazhdoi me atentatin e dy viteve më pas, kur mbi automjetin e drejtuar nga Mario Hasalla në të cilin ndodheshin edhe halla e tij dhe një avokat, u qëllua me arnë zjarri nga Mariglen Matjani. Dyshimet ranë mbi Laert Hasallën dhe pas shpalljes në kërkim ai u arrestua me akuzën për vrasje të mbetur në tentativë. Ndryshe nga sa u raportua pas ngjarjes, Laerti nuk kishte qënë pjesëmarrës ne atentat por e kishte porositur atë.

Qeveria e Kubës ka thënë se ishte në “komunikim” me administratën e presidentit të SHBA-së Donald Trump, por ende jo në bisedime zyrtare mbi një marrëveshje për t’i dhënë fund fushatës së presionit të Washingtonit në ishull.

“Sot nuk mund të flasim për dialog me Shtetet e Bashkuara, por është e vërtetë se ka pasur komunikime midis dy qeverive”, ka thënë zëvendësministri i jashtëm Carlos Fernandez de Cossio.

Trump të dielën pretendoi se Shtetet e Bashkuara ishin në bisedime me “njerëzit më të lartë” në Kubën komuniste dhe se ai priste të “bënte një marrëveshje” me udhëheqjen e saj, pa thënë se si mund të dukej një marrëveshje e tillë.

De Cossio përsëriti se Kuba ishte “e hapur për dialog” me Shtetet e Bashkuara mes thirrjeve nga kubanezët që qeveria të negociojë për të shmangur një krizë humanitare.

Trump ka rritur presionin mbi Havanën që nga kapja më 3 janar nga forcat speciale amerikane e udhëheqësit venezuelian Nicolas Maduro, një aleat i lartë i Kubës dhe mbështetës financiar.

I vënë nën presionin e Uashingtonit, administrata e re e Venezuelës ka ulur dërgesat e naftës së papërpunuar në Kubë.

Trump tha të hënën se furnizuesi tjetër kryesor i Kubës, Meksika, gjithashtu do të “ndërpriste dërgimin e naftës” pasi ai kërcënoi me rritje tarifash për çdo vend që i lejonte Kubës të anashkalonte bllokadën de facto.

Megjithatë, nuk pati asnjë përgjigje të menjëhershme nga Meksika.

Partneri më i madh tregtar i Shteteve të Bashkuara kishte shkaktuar zemërimin e Trump duke dërguar naftë në Kubë për të kompensuar një rënie të ndjeshme të prodhimit të Venezuelës nën Maduron.

Deri në dhjetor, Meksika ende po dërgonte naftë të papërpunuar në Kubë.

Presidentja Claudia Sheinbaum nuk kishte dashur të ndërpriste linjën e shpëtimit për në Kubë, duke paralajmëruar për një “krizë humanitare të gjerë që prek drejtpërdrejt spitalet, furnizimet me ushqim dhe shërbime të tjera bazë për popullin kubanez”.

Por ajo gjithashtu pranoi javën e kaluar: “Ne nuk duam ta vëmë vendin tonë në rrezik për sa i përket tarifave”.

Presidenti ukrainas, Volodymyr Zelensky deklaroi sot se Rusia preferon të vazhdojë sulmet e saj sesa të angazhohet në diplomaci, pasi Moska lëshoi ​​më shumë se 70 raketa dhe 450 dronë në Ukrainë gjatë natës.

“Shfrytëzimi i ditëve më të ftohta të dimrit për të terrorizuar popullsinë është më i rëndësishëm për Rusinë sesa zgjedhja e diplomacisë”, shkroi presidenti ukrainas në rrjetin social X.

”Forcat ruse goditën gjatë natës me më shumë se 70 raketa në total dhe nisën 450 sulme me dronë”, u shpreh ai.

FIER- Gjykata e Fierit ka dënuar me 25 vite burg, 34-vjeçarin Laert Hasalla  për veprën penale “Vrasja në rrethana cilësuese”, e mbetur në tentativë.

Ai kishte paguar 31 vjeçarin Mariglen Matjani, aktualisht i dënuar, i cili ka qëlluar me armë zjarri në drejtim të një automjeti, me qëllim vrasjen e Marius Hasallës.

Nga të shtënat mbeti e plagosur Bajame Sejena, halla e Marius Hasallës, e cila udhëtonte në të njëjtin automjet me të.

Aktualisht, 34-vjeçari ndodhej nën masën e sigurisë “Arrest në shtëpi”/abcnews.al

Vodhi shuma parash në dy minimarkete, kapet dhe vihet në pranga autori i dyshuar.

33-vjeçari, i dënuar më parë për vjedhje.

Specialistët për Hetimin e Krimeve në Komisariatin e Policisë Vlorë, në vijim të punës për zbardhjen e vjedhjeve, identifikimin dhe kapjen e autorëve, bazuar edhe në informacionet e siguruara nga puna hetimore dhe gjurmuese, organizuan dhe finalizuan operacionin policor të koduar “Again”.

Në kuadër të operacionit u bë kapja dhe ndalimi, për veprën penale “Vjedhja”, i 33 vjeç, banues në lagjen “Rilindja”, Vlorë.

Nga veprimet hetimore ka rezultuar se ky shtetas është autor i vjedhjes së dy subjekteve tregtare (minimarketeve) në qytetin e Vlorës, konkretisht:

Më datë 29.01.2026, në lagjen “Pavarësia 2”, dhe më datë 31.01.2026, në lagjen “Isa Boletini”, ky shtetas dyshohet se ka vjedhur shuma parash dhe steka cigaresh.

Vijon puna në bashkëpunim me Prokurorinë për zbardhjen dhe dokumentimin ligjor edhe të disa rasteve të tjera, të dyshuara se janë kryer nga ky shtetas.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme ligjore.

Presidenti Donald Trump paralajmëroi të hënën se “gjëra të këqija” do të ndodhin nëse Irani nuk arrin të arrijë një marrëveshje me Shtetet e Bashkuara.

“Tani për tani po flasim me ta, po flasim me Iranin dhe nëse mund të gjejmë një zgjidhje, kjo do të ishte shumë mirë. Dhe nëse nuk mundemi, ndoshta do të ndodhin gjëra të këqija”, u tha Trump gazetarëve në Shtëpinë e Bardhë, shkruajnë mediat e huaja.

Me tensionet në rritje, Trump refuzoi të diskutonte ndonjë veprim të mundshëm ushtarak kundër Iranit, por përsëriti se “forca e jashtëzakonshme”, përfshirë një aeroplanmbajtëse që ai ka dërguar në Lindjen e Mesme, do të mbërrijë së shpejti në rajon.

Trump ka mbajtur qëndrimin se shpreson që Uashingtoni do të “gjejë një zgjidhje” me Iranin, por gjithashtu paralajmëroi të hënën se “gjëra të këqija do të ndodhin” nëse nuk arrihet një marrëveshje.

Trump kishte paralajmëruar se “koha po mbaron” që Irani të arrijë një marrëveshje mbi programin e tij bërthamor, të cilin Perëndimi beson se synon të bëjë një bombë atomike, një pretendim që Teherani e ka mohuar vazhdimisht.

Në një intervistë me CNN të dielën, Abbas Araghchi, ministër i Punëve të Jashtme të Iranit tha: “Presidenti Trump tha jo armë bërthamore dhe ne pajtohemi plotësisht. Ne pajtohemi plotësisht me këtë. Kjo mund të jetë një marrëveshje shumë e mirë”, duke shtuar se, “në këmbim, ne presim heqjen e sanksioneve”.

Turqia ka udhëhequr një përpjekje diplomatike për të ulur tensionet, me Araghchi që vizitoi Stambollin javën e kaluar dhe foli me homologë të tjerë rajonalë, përfshirë Egjiptin, Arabinë Saudite dhe Jordaninë.

E diplomati më i lartë i Jordanisë, Ayman Safadi, e siguroi Araghchi të hënën se mbretëria “nuk do të jetë një fushë beteje në asnjë konflikt rajonal ose një platformë nisjeje për ndonjë veprim ushtarak kundër Iranit”.

Në anën tjetër, autoritetet iraniane, përfshirë udhëheqësin suprem Ali Khamenei, kanë paralajmëruar se çdo sulm i SHBA-së do të shkaktonte një “luftë rajonale”.

Ish-presidenti i SHBA-së Bill Clinton dhe gruaja e tij Hillary Clinton, ish-Sekretarja e Shtetit, kanë rënë dakord të dëshmojnë në hetimin e Kongresit për autorin e ndjerë të krimit seksual Jeffrey Epstein.

Kjo vjen disa ditë para një votimi nëse çifti do të akuzohet për “shpërfillje penale” për refuzimin e paraqitjes para Komitetit Mbikëqyrës të Dhomës së Përfaqësuesve pas një bllokimi disamujor.

Bill Clinton ishte i njohur me Epstein, i cili vdiq në burg në vitin 2019, por ka mohuar të ketë qenë në dijeni të kryerjes së tij të ndonjë krimi seksual dhe thotë se ai i ka ndërprerë kontaktet dy dekada më parë, shkruajnë mediat e huaja.

Komiteti Mbikëqyrës i Dhomës së Përfaqësuesve, i udhëhequr nga republikanët, miratoi masën për të akuzuar familjen Clinton për shpërfillje në fund të muajit të kaluar, me mbështetjen e disa demokratëve.

Të hënën në mbrëmje, zëvendësshefi i stafit të Bill Clinton, Angel Ureña, postoi në X duke konfirmuar se çifti do të paraqitej para panelit.

“Ata negociuan me mirëbesim”, shkroi Ureña në një postim drejtuar Komitetit Mbikëqyrës të Dhomës së Përfaqësuesve. “Ju nuk e bëtë”.

“Ata ju thanë nën betim atë që dinë, por juve nuk ju intereson. Por ish-presidenti dhe ish-Sekretarja e Shtetit do të jenë atje. Ata mezi presin të krijojnë një precedent që vlen për të gjithë”.

Bill Clinton nuk është akuzuar kurrë për shkelje nga të mbijetuarit e abuzimit të Epstein dhe ka mohuar të ketë dijeni për ofendimin e tij seksual.

Ish-presidenti shfaqet gjithashtu në pronën e financierit të ndjerë në foto që ishin midis një grupi të dhënash të publikuara nga Departamenti i Drejtësisë për t’u përputhur me një ligj të miratuar nga Kongresi që urdhëron zbulimin e të gjithë materialit hetimor në lidhje me pedofilin e dënuar të ndjerë.

Një fotografi tregon ish-presidentin duke notuar në një pishinë dhe një tjetër e tregon atë të shtrirë në shpinë me duart pas kokës në atë që duket të jetë një vaskë e nxehtë.

Ureña, zëdhënësi i Clinton, tha në atë kohë se fotot ishin dekada të vjetra dhe Clinton kishte ndaluar së shoqëruari me Epstein përpara se krimet e tij të dilnin në dritë.

Kancelari gjerman Friedrich Merz u bëri thirrje evropianëve të bëhen më të pavarur në kuadër të trazirave globale.

“Aktualisht po përjetojmë ndoshta fazën më të madhe të pasigurive politike, sigurisht një cezurë të thellë. Është një ndërprerje epokash”, tha sot Merz në Frankfurt.

“Aktualisht, njerëzit po dëshmojnë një botë në të cilën po rishfaqen fuqitë e mëdha, të cilat nuk duan kryesisht t’u përmbahen rregullave, por përkundrazi ushtrojnë politikë pushteti, pjesërisht politikë pushteti që përçmon rregullat”, tha Merz.

“Nëse ne si evropianë veprojmë të bashkuar dhe të vendosur, atëherë mund të bëjmë një ndryshim në botë. Mund të arrijmë më shumë sesa besojmë”, theksoi ai.

Merz bëri thirrje për një Evropë sovrane, të lirë, paqësore dhe ekonomikisht të begatë.

“Gjermania luan një rol qendror në këtë”, tha ai.

“Evropa duhet të bëhet e aftë të mbrojë veten përmes përpjekjeve të veta, t’i bëjë kushtet për ekonominë evropiane sërish më konkurruese dhe të bëhet teknologjikisht më e pavarur”, tha Merz.

“Marrëdhëniet transatlantike kanë ndryshuar, por nostalgjia apo kujtimet e kohërave të vjetra nuk na ndihmojnë”, tha kancelari gjerman.

“Duhet t’i kontrollojmë gjërat tani nëse duam të luajmë një rol në këtë fazë të transformimit global”, paralajmëroi ai.

Autoriteti Evropian i Sigurisë Ushqimore (EFSA) ka përcaktuar një dozë maksimale të rekomanduar ditore të sigurt për toksinën cereulidë për foshnjat, pas dyshimeve për kontaminim të qumështit formulë për foshnjet, që shkaktoi tërheqje nga tregu në më shumë se 60 vende.

Cereulida, e prodhuar nga bakteri Bacillus cereus, mund të shkaktojë të përziera, të vjella dhe diarre – dhe tek foshnjat e vogla mund të çojë në dehidratim.

Që nga dhjetori, prodhuesit kryesorë të qumështit formulë, përfshirë “Nestlé”, “Lactalis” dhe “Danone”, kanë kryer tërheqje paraprake të serive të formulës për foshnje në të gjithë botën pasi u zbulua cereulida.

Në përgjigje, Komisioni Evropian kërkoi që EFSA-ja të ofrojë këshilla urgjente shkencore dhe të propozojë një prag sigurie në të gjithë BE-në – si një standard të harmonizuar për të shkaktuar tërheqje nga tregu.

EFSA njoftoi sot se shkencëtarët e saj kishin vendosur një “dozë referimi akute” për cereulidën tek foshnjat – sasia maksimale që mund të gëlltitet në mënyrë të sigurt në një ditë të vetme – në 0,014 mikrogramë për kilogram të peshës trupore.

Kjo vlen për foshnjat e vogla, të cilat EFSA-ja i përcakton si nën 16 javëshe.

Kjo përputhet me njoftimin e Francës se pragu i sigurisë kombëtare do të ulet nga 0,3 mikrogramë për kilogram në 0,014 mikrogramë për kilogram.

Edhe pse nuk janë konfirmuar raste kontaminimi, hetimet janë duke vazhduar në Francë, për vdekjen e dy foshnjave në janar,  që kishin konsumuar formulën “Guigoz” të prodhuar nga “Nestlé”.

Qendra e BE-së për Parandalimin dhe Kontrollin e Sëmundjeve (ECDC) tha gjithashtu se kishte marrë raporte për diarre tek fëmijët pas konsumimit të produkteve të tërhequra.

Pasi “Nestlé” konfirmoi se kontaminimi kishte origjinën nga përbërësi vaj i acidit arakidonik (ARA), vëmendja e autoriteteve franceze tani po kthehet te një prodhues me qendër në Kinë, si burim i serisë së kontaminuar.

Reagimi ndaj krizës

Disa kritikë thonë se si kompanitë ashtu edhe autoritetet publike ishin shumë të ngadalta në lëshimin e paralajmërimeve.

Sipas “Financial Times”, “Nestlé” u tha autoriteteve holandeze më 10 dhjetor se testimi i brendshëm kishte zbuluar kontaminim në një fabrikë dhe kishte nisur tërheqjet më 5 janar, pas disa javësh testimi të përbërësve.

Më 29 janar, OJQ-ja për mbrojtjen e konsumatorit “Foodwatch” njoftoi se do të paraqiste një ankesë së bashku me tetë familje, fëmijët e të cilave u sëmurën pasi konsumuan formulën për foshnje të prodhuar nga “Nestlé”, “Lactalis” dhe “Vitagermine”.

“Kompanitë kanë qenë tmerrësisht neglizhente në vonimin e paralajmërimit”, tha Ingrid Kragl, drejtoreshë e informacionit në “Foodwatch France”.

“Nestlé” argumentoi se kishte ndërmarrë hapat e nevojshëm në vendet e prekura, në bashkëpunim të ngushtë me autoritetet, për të tërhequr të gjitha produktet potencialisht të prekura dhe se, deri më sot, asnjë raport mjekësor nuk kishte konfirmuar një lidhje midis produkteve të saj dhe sëmundjes.

Dashi

Prezenca e Venusit ne qiellin e te dashuruarve do beje qe dita te jete me pozitive sot. Do bini ne konsensus me partnerin tuaj dhe nuk priten aspak mosmarrëveshje me te. Beqaret ka shume gjase qe jo vetëm te realizojnë takime, por mund te fillojnë edhe lidhje serioze. Gjendja e financave do varet nga mënyra sesi ju do i organizoni ato. Kujdes!

Demi

Me ne fund do pajtoheni me partnerin tuaj gjate kësaj dite dhe do i shihni gjerat me një sy tjetër. E ardhmja pritet te jete me e bukur. Beqaret do realizojnë takime pa fund dhe do ndihen mjaft mire me gjithçka qe do ju ndodhe. Financat do jene te mira, por kjo nuk do te thotë qe duke përfituar nga kjo ju te shpenzoni shume marramendëse.

Binjaket

Nëse lidhja juaj është vërtet e forte, do arrije t’i kaloje pa asnjë problem sfidat qe do dalin gjate kësaj dite. Fatmirësisht nuk priten probleme. Beqaret do jene gjithë kohës ne kërkim te princit te tyre te kaltër, por nuk do arrijnë dot ta gjejnë atë. Ne planin financiar do i kaloni një e nga një te gjitha problemet dhe do ndiheni mjaft mire. Mund te shlyeni edhe borxhet.

Gaforrja

Dite goxha e vështire kjo e sotmja për ata qe janë ne një lidhje. Nuk do ja kaloni mire pranë partnerit dhe shpesh do doni te arratiseni nga jeta qe bëni. Beqaret do lëvizin çdo lloj guri ne mënyrë qe te bëjnë për vete atë qe duan, por ne fakt nuk do jete dhe aq e thjeshte. Ne planin financiar duhet te mateni mire para se te shpenzoni ne mënyrë qe gjendja te mbetet e njëjte.

Luani

Do flisni hapur me njeri-tjetrin gjate kësaj dite dhe do i zgjidhni te gjitha problemet qe keni pasur. Shume gjera kane për te marre drejtimin e duhur sot. Beqaret nuk do kenë aspak mundësi te mira për te filluar një lidhje kështu qe me mire te qëndrojnë si janë. Merkuri do jete planeti qe do mundohet t’iu ndihmoje qe financat te përmirësohen.

Virgjeresha

Dite me shume fat kjo e sotmja për ata qe janë ne një lidhje. Do ndiheni mjaft mire ne krahët e partnerit tuaj dhe do merrni edhe disa vendime shume te rëndësishme qe mund t’ua ndryshojnë te ardhmen. Beqaret do e ndryshojnë rutinën e jetës se përditshme fale disa takime mbresëlënëse. Financat do jene goxha me te qëndrueshme se me pare.

Peshorja

Duhet te veproni me shume takt dhe diplomaci gjate kësaj dite juve qe jeni ne një lidhje sepse ne te kundërt mund te lindin goxha probleme dhe vështirësi. Beqaret nuk duhet t’i humbin mundësitë qe do iu jepen për takime sepse jo gjithmonë vijnë raste te tilla. Ne planin financiar gjerat nuk do ecin ashtu si e kishit menduar kështu qe duhet ta shtrëngoni pak rripin e shpenzimeve.

Akrepi

Do jeni shume rivale gjate kësaj dite me partnerin tuaj dhe asnjeri prej jush nuk do pranoje ne asnjë moment te hape rruge. Beqaret do joshen nga persona te shumte, por duhet te mendohen mire dhe te bëjnë zgjedhjen e duhur. Financat për pjesën me te madhe janë te qëndrueshme, gjithsesi mire është te mos kryeni shpenzoni te pamenduara me kujdes.

Shigjetari

Duhet te keni me tepër besim tek partneri juaj sot sepse përndryshe hendeku mund te thellohet akoma me shume. Beqaret do jene te shpërqendruar dhe as qe do mendojnë te fillojnë një lidhje serioze. Ne fakt kane për te humbur mundësi vërtet te mira. Financat duhet t’i menaxhoni me shume kujdes dhe maturi. Gjendja nuk do jete shume e favorshme.

Bricjapi

Jeta juaj ne çift do jete gjate gjithë kohës e mbrojtur sot. Do ruani një komunikim te mire me partnerin dhe do i zgjidhni te gjitha mosmarrëveshjet. Beqaret nuk do jene me fat kështu qe do mbeten serish te vetmuar. Edhe për disa kohe nuk do e ndryshoni statusin. Gjendja e te ardhurave do lere goxha për te dëshiruar. Mos u nxitoni me shpenzimet.

Ujori

Dite e mbushur me pasion kjo e sotmja për ata qe janë ne një lidhje. Priten momente te mrekullueshme pranë personin qe dashuroni kështu qe çdo çast duhet shfrytëzuar. Beqaret nuk duhet te ëndërrojnë me shume sesa duhet sepse realiteti do iu duket akoma me zhgënjyes. Financat do kenë përmirësime te menjëhershme qe dhe ju vete do ju habisin.

Peshqit

Dite e këndshme, por pa ndonjë emocion te madhe kjo e sotmja për ata qe janë ne një lidhje. Komunikimi do e ruaje gjithë kohës klimën e ngrohte. Beqaret nuk do kenë aspak dëshirë për te filluar një lidhje dhe do i refuzojnë te gjitha ftesat. Financat do jene përgjithësisht te ekuilibruara. Do arrini t’i kryeni te gjitha shpenzimet me te nevojshme.

Komisioni i Ekonomisë ka nisur dëgjesat me kandidatet  për të plotësuar vendet vakante në Këshillin Mbikëqyrës të Bankës të Shqipërisë. Në total kanë shfaqur interesin njëzet kandidatë për të plotësuar vendet e mbetura bosh që prej dhjetorit të vitit të kaluar.

Aplikimet janë depozituar pranë Kuvendit të Shqipërisë, dhe kandidatët kanë  kryesisht formim ekonomik dhe financiar , me përjashtim të ish kryetares së Gjykatës Kushtetuese, Holta Zaçaj e cila vjen nga fusha e jurisprudencës. Tre anëtarët, Luljeta Minxhozi, e cila mbante edhe postin e zv- guvernatores së parë, Violeta Staka dhe Artan Hoxha kanë rikandiduar.

Si pasojë e vakancave Këshilli Mbikëqyrës i Bankës së Shqipërisë nuk  mund të marrë vendime deri në plotësimin me anëtarët e rinj. Pavarësisht se mund të realizojë mbledhje.

Të gjithë anëtarët e Këshillit Mbikëqyrës të Bankës së Shqipërisë zgjidhen dhe emërohen nga Kuvendi me një mandat 7-vjeçar, me të drejtë rizgjedhjeje, nga të cilët pesë anëtarë propozohen nga Kuvendi; tre anëtarë propozohen nga Këshilli i Ministrave si dhe një anëtar propozohet nga Këshilli Mbikëqyrës.

Tashmë Kuvendi ka shpallur 3 vakanca me kandidatët e vetëofruar, ndërsa 3 propozime do të bëhen nga qeveria.

TIRANË- Besimi i bizneseve në ekonominë shqiptare ka shënuar rritje në fillim të këtij viti. Sipas Treguesit të Ndjesisë Ekonomike, publikuar nga Banka e Shqipërisë, niveli i besimit të agjentëve ekonomikë u rrit me 4.2% gjatë muajit janar.

Kjo rritje është nxitur nga përmirësimi i besimit të bizneseve në sektorët kryesorë të ekonomisë, përfshirë industrinë, ndërtimin, tregtinë dhe shërbimet. Ndërkohë, besimi i konsumatorëve ka mbetur i pandryshuar.

E ftuar në emisionin “Money Report”, ekspertja e ekonomisë Romina Ramdonshiqi u shpreh se viti 2026 pritet të sjellë një rritje të qëndrueshme ekonomike për vendin.

Radonshiqi theksoi gjithashtu se për vitin 2026 pritet një rritje e inflacionit, si pjesë e zhvillimeve të pritshme ekonomike.

Sipas saj, rivlerësimi i pasurive pritet të zhbllokojë stokun e pronave të pashitura, duke i dhënë një shtysë të re sektorit të ndërtimit, ndërsa sektorët shërbimet dhe tregtia do të vijojnë të përfitojnë nga lidhja e drejtpërdrejtë me turizmin.

“Viti 2026 do të sjellë rritje vërtet të qëndrueshme. Jemi ekonomi e vogël, por i kemi superuar krizat dhe tani ekonomia shqiptare është e qëndrueshme. Kemi një rritje të besimit, sepse bizneset kanë mundësi të parashikojnë tregun për mënyrën se si do të vijojë ekonomia.

Bizneset kanë klientë dhe është rritur besimi në ekonomi. Ndërkohë që rivlerësimi do të zhbllokojë pasuritë e pashitura dhe do t’i japë një mundësi të mirë sektorit të ndërtimit. Shërbimi dhe tregtia janë të lidhura direkt me sektorin e turizmin. Presim që inflacioni të rritet në 2026”, tha ajo./abcnews.al

Ekonomia shqiptare e ka nisur vitin 2026 me optimizëm. Banka e Shqipërisë ka publikuar vrojtimin e ndjesisë ekonomike i cili nxjerr në pah se në janar bizneset në të gjithë sektorët e ekonomisë kanë vlerësime më të mira për ecurinë e aktivitetit të tyre përgjatë muajve në vijim.

Treguesi i ndjesisë ekonomike regjistroi një rritje prej 4.2 pikësh në muajin janar, duke qëndruar 10 pikë mbi mesataren historike . Ky përmirësim u ndikua nga rritja e besimit të bizneseve në katër sektorët e ekonomisë: industri, ndërtim, shërbime dhe tregti. Ndërkohë, besimi i konsumatorëve mbeti i pandryshuar krahasuar me muajin e mëparshëm.

Një ndër sektorët me pritshmëritë më të mira rezulton se janë sektori i shërbimeve duke u rrit me 7.4 pikë përqindje këtë muaj  duke u ndikuar pozitivisht nga vlerësimet më optimiste të bizneseve për nivelin e kërkesës dhe ecurinë aktuale të biznesit të tyre.

Pritshmëritë e aktorëve janë të larta përsa i përket  numrit të turistëve të huaj  që pritet të vizitojnë vendin gjatë këtij viti ndërsa 2025 u mbyll me rreth 12 milionë turistë të huaj.

Treguesi i besimit të industrisë u rrit me 4.8 pikë përqindje në janar, nga përmirësimi në të tre komponentët përbërës: vlerësimi i bizneseve për prodhimin industrial, për kontratat porositëse në total dhe nga eksportet. në ndërtim pritshmëritë mbeten gjithashtu optimiste dhe treguesi i ndjesisë u rrit me 3.1 pikë përqindje e ndikuar nga  vlerësimi i bizneseve për aktivitetin ndërtues dhe porositë aktuale.

Sipërmarrjet që ushtrojnë aktivitetin në tregti gjithashtu presin ecuri më ët mirë  të shitjeve dhe rritje të nivelit të punësimit në të ardhmen

TIRANË- Gjykata e Posaçme Kundër Korrupsionit dhe Krimit të Organizuar (GJKKO) ka kaluar për gjykim dosjen në ngarkim të kryetarit të Bashkisë së Tropojës, Rexhë Byberin.

Ai është marrë zyrtarisht i pandehur, ndërsa akuzohet për veprën penale “shpërdorim detyre”.

Bashkë me të, i pandehur është marrë edhe nënkryetari Abedin Kërnaja.

Sipas hetimeve të Prokurorisë,  ata i kanë shkaktuar buxhetit një dëm prej 2.7 milionë euro për hapjen e rrugëve me gjatësi 3.2 kilometra, e cila në pjesën dërrmuese kalon nëpër rrugën këmbësore ekzistuese.

Për hapjen e saj thotë prokuroria, ligji parashikon se duhej të aplikonte në sistemin elektronik e-leje pranë Bashkisë Tropojë, si institucioni vendor që ka tagrin të shqyrtojë dhe miratojë lejen e ndërtimit të infrastrukturës, pasi të ketë verifikuar plotësimin e dokumentacionit të nevojshëm tekniko-ligjor nga aplikuesi siç parashikohet legjislacioni për këto lloj punimesh”.

Sipas organit të akuzës, kjo praktikë ligjore nuk është respektuar nga titullarët e Bashkisë Tropojë, por kanë kryer veprime që kanë prodhuar një dëm financiar të konsiderueshëm./abcnews.al